PDA

عرض كامل الموضوع : [ اقمشه الثياب الرجاليه بمناسبه العيد - اسماء - اسعار ] موضوع تفاعلي


LoveNight
19-08-2010, 07:35 AM
السلام عليكم .. تقبل الله من الجميع صالح الاعمال

هذا موضوع يختص بالاقمشه الرجاليه بمناسبه قرب العيد والكل يفكر يفصل ثياب جديده طبعا التماسيح هم المستهدفون بهالموضوع : ) .. السحليات لهم منتدى خاص يستعرضون فيه الازياء والموضه والفساتين والخ ! وحنا طبعا مالنا الا هالثوب ..

صحيح اننا مانعاني مثلهم في اختيار الموديل والقماش وباقي التفاصيل :rolleyes:.. بس كثره الاقمشه ومعرفه وش يناسبك منها تحتاااج الى تجربه ونزله للسوق تشوف كل شي يناسبك !


انا عن نفسي كنت اروح للخياط واشوف الاقمشه اللي عنده وافصل منها لكن للاسف:( ولا ثوب اقنعني لانهم عاده يختارون اللي سعره رخيص على شان يكسبون منه وعلى شان مايكون السعر غالي على الزبون بالاخيير !

لكن من فتره قررت اني ابحث عن القماش اللي يناسبني عند محلات الاقمشه المتخصصه واجرب كذا نوع اكيد بيكون افضل وبتكون الاختيارات متعدده .. مافيه احسن من انك تروح لاصحاب التخصص

http://www.vb.eqla3.com/attachment.php?attachmentid=611270&stc=1&thumb=1&d=1282185517

طبعا بحثت بالنت مالقيت الا موضوع واحد كتبه على مايبدو شخص يعمل في احد محلات الاقمشه جزاه الله خير ووضح انواع الاقمشه والخ .. لكن اتمنى يكون هالموضوع مرجع لكل واحد يبي يشتري قماش ولايعرف الانواع او وش الفروقات والتفاصيل ..

انا عني اشوف ان الثوب المثالي عباره عن مقاسات صحيحه تناسب جسمك وهيئتك موب يطلع وسيع عليك كنه خيمه او ضيق كنه عبايه فرنسيه والحاجه الثانيه خامه القماش ..


تجربتي الخاصه مع الاقمشه ..


http://www.vb.eqla3.com/attachment.php?attachmentid=611269&stc=1&thumb=1&d=1282185517


رحت للمعيقليه بحكم انه يوجد هناك اكثر من وكاله لبيع الاقمشه الرجاليه مثل ( الجديعي - الكسائي - باكرموم - قطني - بقشان - الرماح - وغيرهم ما اذكرهم )

طبعا رحت هالمره وقررت اني ما اخذ الا شي فعلا يناسبني واتخيله علي كثوب .. مرات القماش يكون مغري لكن اذا فصلته ماترتاح له ابد يا يكون يلصق بالجسم او يكون ثقيل بزياده او يتعفط بسرعه والخ ..


دخلت كل المحلات وتفرجت على كل الاقمشه اللي ابحث عنها .. اللي هو قماش يكون مشروك بنسبه قطن بسيطه .. من 5 الى 15 بالميه ..وكل ماشفت قماش سجلت اسمه والسعر على شان اقارن وبعدين رجعت اتفرج عليها على شان اقرر ..

اعطيكم زبده التجربه .. وكلها بنفس المستوى مايفرق الترتيب..


( الكسائي )


المعيقليه فيها فرعين جمب بعض .. فيه فرع يبيع قماش الملبا ( الجديد ) من شركه تويوبو اليابانيه نازل بخمس الوان الطلب عليه كبير والخامه في نظري جميله للي يحب الثوب الطايح تطلع عليك القطعه ب 190 ريال 4.5 متر .. طبعا يعتبر غالي نوعا ما لان باقي قيمه التفصيل واكيد بتختار خياط مضمون يعني بالميت بيكون ب 100 الاجمالي 290 ريال !


**رحت للفرع الثاني للكسائي لقيت عندهم قماش نفس الملبا تقريبا ولا فيه فرق كبير اسمه ( VIP ) فيه نسبه قطن 5 بالميه برضه من شركه تويوبو على ما اظن سعر القطعه 150 ريال 4.5 متر اخذت قطعتين وخلوها لي 5 متر لان الخياط اللي افصل عنده مايقبل الا 5 امتار !


( محل قطني )

عندهم مجموعه مميزه حقيقه ونفس الشي اقمشتهم يابانيه اميز الاقمشه اللي اخذت منها ..
قماش ( بطران ) الثوب 4.5 متر ب90 ريال على ان سعره رخيص بس قماش فوق الممتاز
قماش ( امازون ) المتر مابين 35 الى 30 ريال قماش قريب من بطران بس انه اثقل شوي
قماش ( فابيو ) المتر 28 ريال
قماش ( خليجي ) المتر 25 ريال

هذي تجربتي مع قطني وحقيقه متخيل اقمشتهم بتكون مميزه باللبس ان شاءالله ..


( محل باكرموم )

عندهم اقمشه مميزه جدا مخلوطه مع قطن طبيعي بنسب مختلفه .. طبعا بالنسبه لي اي ثوب فيه نسبه قطن يتكسر او يتعفط ما احبه لذلك اخذت اقمشه بنسبه قطن بسيطه ..

تجربتي مع اقمشتهم

قماش ( رويال ) الثوب 4.5 متر 120 ريال اذا 5 متر 150 ريال
قماش ( الزعيم ) الثوب 4.5 متر 120 ريال اذا 5 متر 150 ريال
قماش ( شقران ) بنسبه قطن طبيعي 15 بالميه مميز جدا سعر القطعه للثوب 5 متر 110 ريال
قماش ( تايفون ) بنسبه قطن طبيعي 7 بالميه سعر القطعه للثوب 100 ريال


( محل بقشان )

ماجربت من عندهم شي بس شفت قماشين كويسين ماعليهم

قماش ( ويكتوريا او فكتوريا )

قماش ( ريتشي ) وهذا اسم القماش اذا مانسيت يجي منه انواع لها ارقام ما اذكرها حقيقه



من تجربتي الخاصه احرص على الشركات اليابانيه المعروفه

تويوبو - شكيبو - كورابو - نشنبو

شركات على مستوى عالي واقمشتهم تزين مع الغسيل .. طبعا هذي تجربتي الاولى في شراء اقمشه متنوعه من محلات متخصصه ولا بالعاده مثل ماذكرت سابقا اختار القماش من الخياط او اشتري قطعه من برا بس بدون تركيز ومعرفه الفروقات ووش اللي يناسبني اكثر !


طبعا هالموضوع اتمنى يكون تفاعلي من كل الاعضاء يحطون تجاربهم او اي معلومات عندهم عن الاقمشه الرجاليه بما اننا في موسم رمضان الله يشرفه الكل يحرص على التفصيل قبل العيد ..

ملحوظه : ياليت اللي يقدر يذكر اسم الخياط اللي يتعامل معه بعيد عن التفضيل بينهم لان كل واحد وله رأي اكيد .. وعلى شان اللي يبي يسال عن خياط معين يراسل العضو او يساله مباشره ..

وبالنسبه للي يشتري ثوب فيه نسبه قطن 10 بالميه وفوق لازم ينقعه بالمويه يوم كامل افضل

خياطي : بلان

تحياتي وكل عام والجميع بخير والله يتقبل من الجميع صالح الاعمال

حنين الأيام
19-08-2010, 07:47 AM
وعليكم السلام ورحمة الله وبركاته،منا ومنك يارب bp039..

أدري الموضوع ما يخصني:D،بس في ملاحظة دائما أزعج أبوي فيها،
وقلت أقولها هنا:D..

ما شاء الله عليكم يالشباب،ع إن دقة ملاحظاتكم موب عالية مرة لكن
أتفاجأ ما شاء الله بإنكم تقدرون تفرقون بين ثيابكم وشمغ ـكم وغتركم pb036،
ذاك اليوم ضيّع أبوي وقته معي وهو يشرح لي إن الفرق بين الشمغ
يكون في النقشة أظن أو شي زي كذا :Dbp039..

يعطيك العافية bp039،وإن شاء الله يستفيدون من تجربتك bp039..

الليدي ديانا||~
19-08-2010, 07:49 AM
السلام عليكم ورحمة الله وبركاته pb192
بتقول وش جابكـ إنتي بس أنا بعد أخاوي إخواني لما يفصلون pb192pb027
تسلم على الموضوع ..أنا أخواني يفصلون عند محل إسمه سيدار أقمشته راقية والسعر عليكـ شوي :sm5:pb189 بس حقت كل أبو شي دراسة عيد :rolleyes:pb189 أنتيكـ ..وكمان العباسي الأقمشة حلوة ..بس مدري عن التفصيل ..pb071pb027
ودي لكـ أخي العزيز :)

سلطان النسيم
19-08-2010, 08:01 AM
خياطي : بلان

و نعم الخياط لولا انه مكانه حشر بس ما تدري إذا هو للحين يفصل دقل و إلا لا ؟!

بالنسبة لي انا ما اهتم بنوعية القماش و نسب القطن فيه ، المهم انه ما يبّقع و انه ما يجمع لي الشعر اللي في الارض كله :sm17:

بالنسبة للخياطين فحنا - ابوي انا اخوي عيال خالاتي - نتعامل مع خياط روعة اسمه البيت الكويتي على شارع النخيل ، اللي اعجبنا فيه انه يخيّط لك الثوب الكويتي بدقة و أناقة ما شفتها و الله عند خياط ثاني ، و أقمشته عبارة عن أقمشة كويتية .. يعني تصلح للثوب الكويتي زي ما يقولون ، و أسعاره مو ذاك الزود ، يعني ابو 150 - 170 ريال للثوب .


الله يقويك

B A R B I C A N
19-08-2010, 08:02 AM
,



الله حية pb192 (أيقونة خياط ولاف المتر على رقبته )

تقرير حلو ياخالي ... وماسبق لي قريت عن الأقمشة الرجالية و أنواعها بموضوع نتي ...
يمكن الواحد مننا يعتمد على خبراته والشخصية < وانت الصدز قل بربسته لين تظبط الأمور :D

ومايستغني الواحد عن مشورة الناس والمحل والأقمشة الطيبه اكيد تفرض نفسها ...


بخصوص فصطاني :D
انا رجال منيب أفصل كثير بأوقات متفرقه داخل السنه .... لكن لا فصلت أفصّل أكثر من ثلاثه بوقت واحد وأفتك من الروحه والرجعه ... وهالشي مهوب طيبن مني طال عمرك :D لكن العجز زالزواله لاعبتن فيني والشي الثاني اللي الغالب يتفادون هالطريقة بسببها إنهم ما يضمنون هالشهر وزنهم شي وبعد 3 شهور تلقاه شي ثاني فمايقدر يفصل حق شهور لاحقه :D لكن أنا مكانك سر :D


أنا أخيط عند الركن الدولي من مدة ... وحتى الأقمشة آخذها من عنده وعلى ضمانته ...

لكن في فترة من الفترات جربت أشتري من برى وعلى نظري ورحت للجديعي لكن للأسف كان القماش ملون وكنت مأمل فيه كثير وطلع فيه عيوب كثر الشعر اللي يلقطه ! مايمديك تجلس على موكيت وإلا كنب وإلا بسيارة إلا ويكنسها لك ولا يبقي فيها شعره :D
بعدها بطلت أشتري من برى .... ورجعت إستمريت على أقمشة الخياط نفسه لأني ما أذكر إني اشتكيت من نوعيتها ... يعني يعطيك حرية وخيارات كثيره ومافي بينها الخايب ...

طبعا هو نفسه الخياط خياطته محترمه وكل من فصل عنده يثني عليه pb189


لاهنت يابعدي على هالموضوع وعقبال مانفتتح مملكة الرجل :D.....
مثبت لين يصمل طرش على خياط pb192
 

LoveNight
19-08-2010, 08:39 AM
اهلين ,,

حنين الأيام..

الله يحييك بالعكس عادي مثل ما الرجال يطلب من زوجته تلبس له احسن لبس اطلبو من رجالكم يلبسون لكم احسن سراويل طويله وثياب pb027.. هو الموضوع متشعب وعلى قولتك الشمغ تفرق الحين بالنقشه كل شوي مطلعين شي جديد بس مافيه مثل القديم وعالم الاقمشه عاد شي ثاني !

الله يعافيك وشاكر لك : )


الليدي ديانا||~

هلا فيك سيدار موب هذا حق اقمشه الستاير ؟:confused: لايكون غلطانين اخوانك يفصلون ستاير بس :D والله اول مره اسمع عنه والخياطين الحين اكثر من مكاتب العقار بكل مكان صارو .. وانا استغرب من اللي يخيط بسعر غالي الخياطين الممتازين معروفين اذا القماش من عندك ياخذ 120 .. اكثر من كذا اعتبره نصب صراحه الا اذا فيه تطريز وخرابيط عاد كل شي بسعره اكيد ..

تسلمين على التعليق : )


سلطان النسيم

الله يحييك .. انا اخر مره سالتهم فيه يفصلون عادي هالكلام بالشتا وبيني وبينك كرأي شخصي مافيه خياط يوصل مستوى بلان جربت لين قلت بس لانهم يهتمون بالقياس بشكل كبير ياخذونه صح على الجسم..بالنسبه للااقمشه الكويتيه لها محبينها يكفي انهم يلبسون الوان مختلفه ومقبوله موب محصوره مثلنا على الابيض بدرجاته او النباتي بدرجاته :confused:.. يعني فيها نوع من التغيير وانا لي تجارب مع الاقمشه الكويتيه ولو تروح الكويت فيه محل معروف اسمه كاكولي من هناك تاخذ احسن الاقمشه بسعر رخيص ..

يعطيك الف عافيه


b a r b i c a n

الله يعافيك يخوي انتبه لا يغولك المتر : )

هي اصلا الاقمشه موضوع غامض علينا صراحه وانا هالسنه قررت احوس وادوس لين اشوف وش الفرق .. القماش اللي يلقط دايم يكون سلك وهذي الفئه اصلا قربت تختفي من السوق حاره على الجسم .. يمكن انت ماتوفقت بالاختيار ..

لكن التجربه حلوه واهم شي ماتشطح طبعا وتكون الاسعار معقوله والخامات ممتازه .. انا عني افصل هالايام للعيدين الفطر والاضحى .. لانه يسن للرجل يلبس ثياب جديده يوم العيد ويكون في اجمل صوره ..

بس صدقني لو تجرب اختيار اقمشه من برا بتشوف الفرق .. دائما الوكيل مايبيع للخياطين كل انواع الاقمشه الاشياء المميزه يبيعها مباشره على الزبون ..

تحياتي وشاكر لك التثبيت والمشاركه : )

طبعي غرور
19-08-2010, 10:47 AM
مشاء الله مشاء الله
والله وتطورتوا ( يامعشر الذكوور ) وصرتوا تنزلون مواضيع تخص فساتينكم خخخخ pb095

بس جد فكرة الموضوع بطله الله يعطيك العافيه وأكيد الشباب راح يستفيدون :)

بس عندي اقتراح : ليش ماكل واحد يصور ثوبه وينزله ,
بنات الاقلاع احسن منكم ينزلن فساتينهن وانتم لا :D

عشيقة القمر
19-08-2010, 11:13 AM
آحم آحم pb036
<< توآيز عليكم pb034
حركتآت ...حبيت فكرة الموضوع وخآصة أنها أول مره تنطرح بعآلم النت pb189
آآآممم ,,, أتوقع تفاصيل الثوب هي اللي تكون مهمهّ
من ناحية (القمآش - الخيوط - الأزارير- موديل الكم)
ويكون مضبوط قيآسه
و بصرآحه سواء كآن( شايب أو طفل)
مآطيق منظر الرجل اللي يكون ثوبه واسع ومتبهذل والقصه ماهي مرتبه عليه :(
ومادآني الرجل اللي يخصر ثوبه pb093
ماكنت اتوقع آبداً ,, أنكم تعانون هيك في تفصيل الثيآب pb027
مع أنو إلى هالساعة أقول ياحظكم << ودها تنظلكم ;)

تذكرت قصيدة تقول : <<تعشق الشعر :D
ماكل من يركب على الخيل خيـال =ولا كل خيل تعجبك هـي أصيلـه

ولا كل من يعجبك هرجه برجـال =بعض العرب ملسون وايده بخيلـه

الكل يلبس ثوب وشمـاغ وعقـال =وعند اللزوم افعالهم هـي قليلـه

الرجل تثبت لـه أقاويـل بافعـال =لاقـال شـئ ونفـذه هـو دليلـه

والرجل لاشفته مع القيـل والقـال =ابعد عنـه هـذا صفاتـه عليلـه
<< طيب وش دخل هالكلام pb027 هع

ومن باب التذكير:
حكم إطالة الثوب سواء كان للخيلاء أو بحكم العادة

النبي صلى الله عليه وسلم يقول: ((ما أسفل من الكعبين من الإزار فهو في النار))
و قال رسول الله : ((ثلاثة لا يكلمهم الله ولا ينظر إليهم يوم القيامة ولا يزكيهم ولهم عذاب أليم: المسبل إزاره، والمنان فيما أعطى، والمنفق سلعته بالحلف الكاذب))
عذراً لتطفلي على عآلمكم pb094

إلا بسألكم وش موضة عيد 2010 :D

shining
19-08-2010, 01:55 PM
انا مفصل وللمرة الاولى عند خياط مشار
مدري والله اذا زين ولا لا
اول كنت افصل عند خياط اسمه زيدان بعدين قلت خلني اغير;)

shining
19-08-2010, 01:57 PM
مشاء الله مشاء الله
والله وتطورتوا ( يامعشر الذكوور ) وصرتوا تنزلون مواضيع تخص فساتينكم خخخخ pb095

بس جد فكرة الموضوع بطله الله يعطيك العافيه وأكيد الشباب راح يستفيدون :)

بس عندي اقتراح : ليش ماكل واحد يصور ثوبه وينزله ,
بنات الاقلاع احسن منكم ينزلن فساتينهن وانتم لا :d

مافيه موديلات زيكم
كلها بيض وشلون تميزين :d

ebn-al-wafa
19-08-2010, 03:44 PM
.
.
.
اختيار القماش يبي له واحد رايق يركز يفكر ولا يستعجل
لان بعض الأقمشة ودك تحرقها بسبب نوعيتها السيئة خخخخخخخخخخ
وتخاف تاخذ قماش سيىء ثم تندم أنك فصلت ثوب
قبل ما كنت اهتم بالأقمشة بس فصل و ألبس pb027
و يكون القماش من نفس الخياط , كانت بعض الأقمشة جيّدة و بعضها خساره فيها التفصيل واندم باختيار القماش خخخخ


موضوع رهيب ’ يعطيك العافية pb189pb192

انسان عاديـ
19-08-2010, 03:57 PM
سلام ,
اسعد الله اوقاتكم بكل خير

العن شي عندي اذا قرب العيد وبديت افكر وين اخيط :(
ولا جاتني مناسبه ولا عرفت وين اروح اخيط
انا طبعآ علاقتني مع الثياب ماهي على مايرام
كان عندي خياط اسمه " ترزي الظهران "
طبعآ مايعرفونه الا حقين الخبر والشرقيه
جلسة اخيط عنده لمدة 6 سنين واسعاره كانت حلوه
تقريبآ اقل ثوب 180 واغلى ثوب 300

لكن بعد فتره جلس يخربط بالثياب وكرهني في شي اسمه خياط ,
وجلست ادور على خياط زي الناس ولا لقيت
رحت لـ الفاخره وسويت عنده ثوب 1 كتجربه لكن ماضبط معي
وبعدها رحت لخياط يقاله النيل بالسويكت وبرضو ماعجبني تفصاله واسعاره غاليه على قل سنع
لي الحين سنيتن ماعندي خياط محدد اخيط عنده
لكن قبل فتره طحت على خياط بالأحساء اسمه " الاختيار الاول "
بصراحه خياطه ابداع والخياط الباكستاني اللي فيه يده بالمقاسات مضبوطه
طبعآ فتح فرع في الخبر عند الراشد وتوي مفصل عنده ثوب كتجربه
بالاضافه لثوبين جدد عندي مالبستهم
الزبده احس اني شطحت كثير بالموضوع pb192

طبعآ الاقمشه ماني خبير فيها كثير
لكن يهمني بالقماش شكله وخامته
افضل الاقمشه اللي استخدمها " العيسائي وريتشي وبعدهم الجديعي "
صراحه اثق في ريتشي كثير , ماقد فصلت قماش عادي من ريتشي
بصراحه فيه قماش صرعني من كثرة ماهو حلو
اللي يحب يجربه يروح اي محل فيه ريتشي ويسأل عن قماش 3900 , pb189
هالسنه جربته وان شاء الله التفصال على هالقماش يطلع على قد حلاوة القماش pb189

ننتظر اهل الشرقيه وارائهم بالخياطين
احتاجها كثير pb189

Genius Mind
19-08-2010, 04:08 PM
والله وطلع لنا قسم فاشن بالاقلاع pb189:D

شوفوا يا طويلين العمر بعد لفلفة ع الخياطين ومحلات الاقمشة ما في مثل مشار ..
مقاساتهم تجي دقيقه وما اذكر فصلت عندهم ثوب ولا جازلي ..
بالنسبة للاقمشة كنت آخذ من الرماح اللي ع شارع الثلاثين لكني تحسفت والله اقمشتهم مهيب ذاك الزود يعني من 3 ثياب من جازلي منها الا واحد والاثنين الباقية اقمشتهم بايخه بصراحه ما تعمر معك شهرين الا منكمشه :D اذكر واحد منها قماش اسمه الفيصلية او شئ زي كذا وكان سئ جدا شكله حلو لكن بعد شهر شف وشلون يتغير ملبسه ونظرته ..
ونصييييحه بالنسبة للاقمشة ترا الرخيص مخيس اللي بـ 90 او 100 ريال للثوب الواحد ما يواجه ..
طبعا بالنسبة للاسعار مشار ع ما اظن التفصيل بدون قماش بـ 120 ريال ومره اخذت القماش من عندهم وطلع علي بحول 300 ريال بس بصراحه يستاهلون لا من اقمشة ولا من تفصيل شغلهم أكه ;)
ونصيحه للي ياخذ القماش منبرا الخياط روحوا للمعيقيلية لان الاسعار تختلف في المحل الواحد من فرع المعيقلية لفرع شمال الرياض يعني اسعار الرماح اللي بالثلاثين اغلى من الرماح اللي بالمعيقيلية ..

دركسون يمين
19-08-2010, 04:45 PM
والله وطلعنا بأزياء pb027
عني انا لي اكثر من 7 سنين 90% من الاقمشه من الكيسائيpb189
وقبلها 7 سنين كل يوم بمحل لعبو فيني لعب :sm1:
ومن افضل الاقشمه عندهم من وجهة نظري (الريزو) ويجي منه 4 انواع وهو نوعه قطني وفيه نوع منه لمعه خفيفه بس حلو:sm3:
والنوع الجديد الي نزل عندهم وهو مثل ماتشرف به اخونا العزيز واسم القماش الملبا ( الجديد ) من شركه تويوبو اليابانيه
وهذا اخر 3 ثياب فصلت منها بس مالبستها خايف عليها==>مخزنها للعيد pb036

ومن ناحية التفصل الثوب كنت افصل عن محل الاناااقه موقعه بشارع الثلاثين
كان اول ممتاز وسعر تفصيله 120 ريال بدون قماش وكان اول 90 ريال بس الطمع وما يسويpb093
اما الحين بصرااحه من اخيس محلات التفصيل اتوقع محلات البطحاء افضل منهpb093
قبل ستة شهور 4 ثياب والله خربوها علي بس وش نقول حسبي الله عليهم :mad:
والثياب الاخيره مفصلها بالفاخره الي بالثلاثين قبل محل الاناقه وافضل بكثييير pb189
فيه محل بلان الي اسمع عنه انه عاالي العال يمدحونه الناس بس مشواار اروحله

ويسلموو على فتح موضوع مثل هيكpb189
bp039

F U N N Y
19-08-2010, 04:56 PM
سلام ,
اسعد الله اوقاتكم بكل خير

العن شي عندي اذا قرب العيد وبديت افكر وين اخيط :(
ولا جاتني مناسبه ولا عرفت وين اروح اخيط
انا طبعآ علاقتني مع الثياب ماهي على مايرام
كان عندي خياط اسمه " ترزي الظهران "
طبعآ مايعرفونه الا حقين الخبر والشرقيه
جلسة اخيط عنده لمدة 6 سنين واسعاره كانت حلوه
تقريبآ اقل ثوب 180 واغلى ثوب 300

لكن بعد فتره جلس يخربط بالثياب وكرهني في شي اسمه خياط ,
وجلست ادور على خياط زي الناس ولا لقيت
رحت لـ الفاخره وسويت عنده ثوب 1 كتجربه لكن ماضبط معي
وبعدها رحت لخياط يقاله النيل بالسويكت وبرضو ماعجبني تفصاله واسعاره غاليه على قل سنع
لي الحين سنيتن ماعندي خياط محدد اخيط عنده
لكن قبل فتره طحت على خياط بالأحساء اسمه " الاختيار الاول "
بصراحه خياطه ابداع والخياط الباكستاني اللي فيه يده بالمقاسات مضبوطه
طبعآ فتح فرع في الخبر عند الراشد وتوي مفصل عنده ثوب كتجربه
بالاضافه لثوبين جدد عندي مالبستهم
الزبده احس اني شطحت كثير بالموضوع pb192

طبعآ الاقمشه ماني خبير فيها كثير
لكن يهمني بالقماش شكله وخامته
افضل الاقمشه اللي استخدمها " العيسائي وريتشي وبعدهم الجديعي "
صراحه اثق في ريتشي كثير , ماقد فصلت قماش عادي من ريتشي
بصراحه فيه قماش صرعني من كثرة ماهو حلو
اللي يحب يجربه يروح اي محل فيه ريتشي ويسأل عن قماش 3900 , pb189
هالسنه جربته وان شاء الله التفصال على هالقماش يطلع على قد حلاوة القماش pb189

ننتظر اهل الشرقيه وارائهم بالخياطين
احتاجها كثير pb189


أهلين ..

أنا بالاحساء وفصلت كم مره عند الاختيار الأول اقمشته ذوق وفخامه..
بس في خياط في الخبر اسمه بلان ما ادري وين مكانه بالضبط لكنهم يمدحووونه واشوف كل الناس الراقيه تفصل منه لما اشوف ثيابهم خاماتها غير تحس ان اللي عندنا لاعبين علينا بقوه pb027 ان شاء الله بفصل عنده هالعيد pb058:D

lost w/o u
19-08-2010, 05:40 PM
عادي أرد ؟ pb036




مرررره حلوه فكرة الموضوع pb189
منها انتم تستفيدون
واحنا بعد نستفيد ونتعرف عليكم أكثر pb192

الله يقويكم يارب bp039

آنسه سبهه
19-08-2010, 06:03 PM
تطلع عليك القطعه ب 190 ريال 4.5 متر أوم الغبنة
والله ياهو ملعوب علينا :/
الحين أطلق قماش عندكم هذا سعره :/
سعر المتر بـ 40 ريال تقريبا :/
إعنبو بليس العدو وراه حنا لين صار كوري ومهوب طبيعي وشيفون يعني يبي له قماش ثاني معه مهوب زيكم قماش ثقيل وكافي نفسه قالو بـ 40 :/

بعدين وش كبرك لاإله إلا الله يومة ما يزيك إلا خمس مترpb036

موضوع غريب و مميز :Dpb189

أشوف أهلي يتعاملون مع مشار مدري المستشار والفاخرهpb036
ورجلي مع شئ فيه الأنيق مدري الأناقه في الثلاثين
وبصراحه مدري هي ثيابهم زينه ولالا , منيب أفرق أو أستوعب
أميز هو نظيف ولا وصخ بس


خطمه
اللي يفقع مرارتي إن أشياء كبيره وتغيييرات واضحه تسويها البنت ولا تفطنون لها
وثياب كلها أبيض وكلها نفس الموديل وتقدرون تفتون هذا وش قماشه وهذا من خياطهpb036

روزهـ
19-08-2010, 06:07 PM
يقولون الاناقه زين بس خرب الحين و لازم تشتري قماش من عنده ولا علشان الزحمه يتفلسف اليومين ؟؟ :D
ويمدحون مشار بالخياط بس الاناقة يضبط الكبكات ما تعرفط خخخخخخخ pb189:D
وبلان الى الحين عارض الثوب الكبير بالمحل pb036 ~> بتقولكم انها خبره pb095

كأنك داري ان لي كم يوم كل ما أجلس مع أحد الا يسولف عن تفصيل الثياب الين بديت امشي وأسولف عنهم :(:D
بس لا مانع نكسب خبرات رجالية http://vb.eqla3.com/images/icons/icon11.gif

موضوع حلو والله .. فكره جديدة وأول مره اشوف مثل المواضيع :Dpb189
عافاك ربي bp039:D

مضيــــع الدرب
19-08-2010, 06:16 PM
من عرفت نفسي وانا افصل الثوب واخذ القماش من الاناقة pb192
الاناقة قصتي معه قصه :D الاحظ كل ما رحت افصل عنده مره يطلع الثوب ممتاز 100 % ومره نص ونص لك عليه :D
وهالشيء يرجع للخياط اللي ياخذ مقاساتك :D
انا افصل عند الاناقة فرع الروضة فيه شايب فلبيني هو احسن واحد :D اما الباقين شباب فلبينيين :D
يخلي لك الثوب ضيق يالله لا تعاقبنا :D لذلك اللي يبي يروح للاناقة يروح فرع الروضة للشايب الفلبيني :D

افضل نوع القماش لما يكون سلك :D ما اداني شي اسمه قطن :D
موضوع جميل وكل عام وانت بخير يا بعدي pb189bp039

T5yltk Tnadiny
19-08-2010, 06:23 PM
لا..لا ..لا بعد هذا الموضوع
أقترح على الادارة تفتتح مملكة الرجل ..:D

لا بصراحه موضوع فكرته غير مستهلكه ,,,واعجبني طرحك لها
,ورااح تفيد التماسيح كثير خلهم يتطورون ويترتبون ويأخذون خبرات بعض ..pb034

بنكون معكم ونعين ونعاون وأي شي تبون ترانا تحت الخدمة ..

اخوي الله يقويك ويعافيك على هالموضوع ولو اني ماراح أستفيد منه شخصيا بس بأفيد اخواني ...;)


دوووك bp039

L A H N
19-08-2010, 06:26 PM
أوخص واللهpb036
مآتلعبونpb071


حلو نكتسب ثقآفآت الغير ونكتسب خبره ومعلومات للمستقبل:D

بآلتوفيق لمملكتكم الرجآليه
فكره جديده وموضوع بطلpb189
تسلم يمينكpb189bp039

M r . S a a D
19-08-2010, 06:44 PM
ياهلا ويامرحبا pb189
بلا مشار بلا بلان بلا انا خياطي احسن من خياطك :D
انا من عرفت نفسي وانا اخيط عند واحد بحارتنا pb189
يمكن له فوق الـ 15 سنة فاتح واخيط عنده انا واخواني
وابوي وعيال عمي صاروا يجون يخيطون عنده
حتى اخوياي بعد pb189 اول ماهنا كنت اخذ الاقمشه من عنده
بس الخمس سنوات اللي راحت صرت اروح المعيقليه او محلات
الجديعي واشتري منها .. وعلى حسب كم ثوب
لاني اكثر الاحيان ما افصل الا من عيد لعيد
يعني كل سنه اربع ثياب :D لأن اصلا ... يمر شهر كامل
مكمل مالبس ثوب :D لان الدوام موب بثوب :D
والباقي برياضه ولا سبورات عاديه :D
المهم انه يخيط القماش اللي اجيبه بـ 60 او 70 على حسب مزاجه
بس من تالي ماعاد صرت اشوفه صار جايب ولده :sm1:
قال ابوي اجازه .. ولا ادري هو بيرجع ولا لا :(
المهم فيه شيء شدني بالموضوع ومن جد اصفق لك يومك تقولها
بعض الاقمشه تشدك وتصير بطله بس اذا لبستها يصير مافيه اردى منها
يمكن تتلزق او تتعفط او تتكسر .. او ماترتاح لها بعد :(
وهذي مشكله ..
لكن الاختيار يصير على البركه :D
المهم انا ودي يصير كل واحد يرد يكتب وش احسن قماش لبسه
بس حركات لحوج يجي واحد طايح بثوب شين ويكتبه مانبيها رجاء pb027

Don' Abdulla
19-08-2010, 06:56 PM
أهنيك عالفكرة يا صاح :] !
عن نفسي طوُل عمري وانا افصل في ( الوُسام, الأناقة, الفاخرة ) تفصيلاً وقماشاً.
كلهم خياطتهم وقياسهم حلوُ ومناسب لكن مب دايم, خصوصاً انهم يغيروُن خياطينهم كثير !
بس أقمشتهم دايم يجددوُنها *ما عدا الوُسام!, وأسعارها حلوُه صحيح انها مب مثل لما تشتريها من الجديعي والكسائي بس احياناً تجي أقل !

والله وُدي اجرب خياط "بلان" بس مشوار للملز :d !!

ka3bol
19-08-2010, 07:07 PM
سلام

أنصح ب قماش امازون من قطني صراحة ابداع بس قبل يومين سمعت انه خلص وبيجيبون غيره
القماش ماعليه كلام سعر الطاقة ب 700

بالنسبة للخياط وجهت نظري الخياط يفرق معي في المواد الي يستخدمها يعني خياط ابو 50 يحط لك اردى انواع الخيوط والازرة وفوق هذا الكرتون حق الياقات والرقبة وفي خياطين يحط لك شي فخم وصناعة المانيه

مثل اردان الي في العروبه شغلهم بطل

وملبوس العافيه حبيباتي :d

طرش بحر
19-08-2010, 07:13 PM
LoveNight
هلابك ياعمي وماتتصور فرحتي فيك لبى قلبك


شف خلني بقولك عن تجربتي مع الثياب
جاء وقت طقيت للحريم اصبع ماسمع عن عن خياط كويس الا اطير له من شمسان للجاذبيه لعبرود وفي الاخير استقريت بشارع السويلم وخذ صلخ بالاسعار اقل ثوب بميتين ريال وعليك الحساب
انا معك غالبيتهم خذ اقمشة على مستوى وعليها الكلام وبالعامية لك وللزمن كد ومد ماعندك مشكلة اغسل والبس بس للامانه ماتطيح بخياط صاحي ان زبط لك الكموم مازبط لك الياقه وان زبط لك الكبك مازبط لك الخصر << مشروع خكري pb094
يعني مافيه احد كامل والكامل وجه الله سبحانه

لذلك مابه غير الكسائي والجديعي والله يعينك على المشوره تروح تاخذ منهم الاقمشة اللي تجوز لك وتشوف لك اقل ضرر من الخياطين << يعني خلها تجي على كبك بس مهوب شي تسايد وتفصل عنده وصلى الله وبارك

انا شخصياً لي 4 سنوات طحت لي في خياط زيدي في البطحاء محله مايجي مترين في مترين بس ياعليه امة محمد تجي تفصل يقولك عقب شهر تجي تاخذ الثياب ويالله بعد عقب حب الخشوم
اقوله ليه ماتتوسع وتاخذ لك محل اكبر وتجيب لك عماله وتشتغل زين قالي محلي مكفيني وماغير هو وولده يشتغلون وراضين برزقهم وشغلهم للامانه توب على الاقل مثل هاللي طايرين بهم الناس على غير سنع ;)

بالنسبه لي ثيابي احبها دايم تفصيل حجازي على قولتهم اللي متعارف عليه عندنا بالرياض
وبالنسبه للقماش عادي سلك وغاليتها قطن pb189 تخبر اللي اجسامهم حساسه مثلي يحبون القطن ابرد لهم << بلاك تدور الابرد يادب pb094
من تالي يطحني اخوي في الثياب الكويتية pb189 احس بنفاهه فيها وبنفس الوقت شكلها حلو بصراحة


لاهنت ياعمي LoveNight وعساك تصمل معنا ولا تقاطع لبى قلبك pb189

وبما انه موضوع رجالي بحت فابستغلها واسوي دعاية لمملكة الرجل الخاصة بالعيارين اللي ينفتتحها بعد كم يوم بحول الله مع اننا محتارين في اسم هالمملكة ولو اني اشوف اقرب شي لها
( مان فاشن pb094 ) << الله يستر مانتخكرن من تالي ونغدي اهبل من الحريم في هالامور pb034

ضايع بدونك
19-08-2010, 07:16 PM
يعطك العافيه

هيونآ ~
19-08-2010, 07:18 PM
ههههههههههههـ
مآششآء الله عليكم يّ الرجآل
والله وصصرتوآ تتكشخون بعد . .
شئ صصرآحة الفكرة . .
.
.
.
موفقيين

الـجـادل
19-08-2010, 09:12 PM
يعني فيها نوع من التغيير وانا لي تجارب مع الاقمشه الكويتيه ولو تروح الكويت فيه محل معروف اسمه كاكولي من هناك تاخذ احسن الاقمشه بسعر رخيصمن كشختنا الناس حبتنا pb189pb094


ماشالله تبارك الله ثلاث ارباع شباب الاقلاع يمدحون الاقمشه الكويتيهpb094||انهو لفخرن لنا pb024<اخاف صناعه وطنيهpb036||
عاد انا توقعت اغلبية الشباب مايهتمون بأمر الاقمشه بس فصل ولبسpb192

عندنا بالكويت مثل ماقالLoveNight (http://vb.eqla3.com/member.php?u=68112) محل كاكولي
أقمشتهم حلوه ورخيصــه وكـد ومد
انا لما كنت بثانويه اخذ الخام مال اليونيفورم المدرسي منهم ذرب وكل سنه عندهم خام غير شكلpb030

استغربت الاسعار عندكم صراحه نــار pb093
دام اكثر الشباب يكتفي بثلاث دشاديش يفصل عندنا بالكوييت عنــد خــياط رامـــز
مكانه بظبط يسار برج الــعوضي
ممتــاز وشغله مضبــوط
واكثر اعلاميين الكويتـ~ يفصلون عندهـ ومنهم بــركات الوقيانpb094


bp039وقواك الله على هالموضوع وعئبــال ماتفتحون عــرين شباب الاقلاع;)bp039

خالدعبدالرحمن
19-08-2010, 09:32 PM
الله يعطيك العافيه اخوي

وشاكر لك هالتقرير الرائع والمميز

شوف الفاخره عندهم اقمشه وتفصيل صح

من ناحية الاسعار مافيه شي ثابت

بالتوفيق لك يارب

دوبه ولكن
19-08-2010, 09:47 PM
عارفه الموضوع مايخصني :D
بس عرق القافه طن ولا طن الله لايوريك مافيه طب :D
وربي كنت احسب اقمشتكم نوع واحد بس يعني ابيض واذا في تهور نباتي اظن اسمه كذا ولا اسود وقضيتوا يلعن اوم النشبه الحين نفس الشكل بس تختلف الماركه مدري الوكاله pb036 الله يحلل اقمشتنا عندكم اهم شي اللون يعجبنك لاهم وكاله ولا ورشه :D وقضينا

نسخ موضوعك لخواني مع التحيه :D
ياني بتلسف عليهم وانفش ريشي عليهم pb024
الله يعطيك الف عافيه يارب
لك
bp039pb189:D

باسل بن خالد
19-08-2010, 09:48 PM
نسخة من الموضوع الى الزيدي ابو توفيق pb192

بالنسبة لي ألبس ثوب الدفة ومن تالي طايح بثياب السلطان ..<<<:D

LoveNight
19-08-2010, 09:55 PM
اهلين ,,

طبعي غرور

ايه وش ناقصنا بس انتم اللي تخيطون :rolleyes: هو المشكله زي ماقال الاخ اللي رد عقبك وش نصور ياحسره كلها ثوب والوانه وحده ..
فيه الحين خياطين اللي صارو يدخلون اشياء جديده على الثوب مثل تطريز والوان والخ .. بس احسها مرات تشذ بزياده مافيه مثل اللبس التقليدي ..pb192

مشكوره يعطيك الف عافيه .. : )



عشيقة القمر

الله يحييك لا بالعكس لا تطفل ولا شي على شان يسمحون لنا ندخل عالم المرأه ونحش في فساتينكم وتصاميمكم pb034 معرفه رأي الطرف الاخر هو اللي يحسن الذوق العام ..

اكيد طبعا مافيه تفاصيل كثيره مثلكم .. بس هي مشكله اختيار الاقمشه لانه فعلا يفرق باللبس وللاسف كثير من بني جلدتي التماسيح يلبس وبس مايهتم كثير مع ان الموضوع يستحق الاهتمام بما انه كل وقتنا بهالثياب !

شاكر لك على المشاركه والتذكير بحكم اسبال الثوب

يعطيك العافيه : )



براق (1988 )

هلا بك يا الغالي .. تجربه شخصيه لاتقيس عليها .. زيدان طبعا فصلت عنده شتوي بس تفصيله عادي .. اما مشار فسمعه لا يستحقها ابدا جربته كذا مره وكل ثيابه اسوأ من ماتتخيل 5 ثياب كل واحد طلع لي فيه مشكله غريبه ! بس ان شاءالله انهم تحسنو عن قبل

مستقبلا جرب بلان ولن تندم : )

تحياتي لك



ebn-al-wafa

الله يعافيك اجل نتفق انا وياك بالراي ان اقمشه الخياطين غالبا عاديه .. حلو الواحد يجرب يشتري من برا منها ينوع ومنها يجرب اقمشه يمكن ماقد مرت عليه ..تسلم حبيبي

يعطيك العافيه : )



انسان عاديـ

ياهلا باهل الشرقيه الله يسعدك يا الغالي على هالمشاركه الجميله .. حلو التنوع وهذا اللي يمزي الاقلاع يجمع كل مناطق السعوديه بمكان واحد ..bp039
مثل ماتفضلت انا شفت اقمشه ريتشي عند بقشان حقيقه حلوه وانواعها كثير ..ومعلومات الخياطين اللي حطيتها جميله لاهل الشرقيه ..bp039
اذا صار لك وقت شيك على الاقمشه اللي ذكرتها من باب الفضول وشوفها يكمن يناسبك شي منها

يعطيك الف عافيه تسلم حبيبي : )


احـمــــد

هلا بالغالي احمد .. انا بقولك على شي كثيرين مايدرون وش سببه .. الرماح يا الغالي له فرع بالمعيقليه وهو متخصص بالاقمشه الرجاليه القطنيه .. يعني فيها نسبه قطن عاليه ..:rolleyes:
اول شي تسويه تنقع القماش بمويه لمده 24 ساعه ويفضل تكررها ليومين .. لان القطن طبيعي يكش ويشمر مع الغسيل .. وبعض الثياب حتى بعد كم غسله تصغر ..
لذلك مهم جدا جدا تنقيعها بالمويه قبل التفصيل .. ومن ناحيه القطن فهو بارد على الجسم وافضل من السلك والقطن الصناعي بمراحل .. مو معناته يصغير انه سيء لا بعد مايستقر خلاص يكون مريح جدا ..
فلاتاخذ فكره عن المحل انه سيء الموضوع ومافيه ان اقمشتك اللي اخذتها فيها نسبه قطن عاليه والرماح متخصص بالقطنيات ولازم تنقعها قبل التفصيل ولو تغسل القماش يكون افضل بكثير .. بالنسبه لمشار حقيقه لي 5 تجارب معه كلها سيئه للاسف ..:(

يعطيك الف عافيه يا الغالي وشاكر لك المشاركه : )

9 o O o 9 i
19-08-2010, 10:09 PM
ماشاءالله فكره كويسه لتبادل الخبرات ,
بس ابغى انصحكم بمحل اسمه الأمراء بالصالحيه في الكويت ,
المحل فيه اقمشه نوعيتها جدا ممتازه
و على قولة الموظف اللي فيه تبي رخيص موجود تبي غالي موجود
بس طبعا تفرق الجوده

LoveNight
19-08-2010, 10:54 PM
هلا بكم من جديد :)


دركسون يمين

هلا بالغالي ممتاز انك جربت الملبا الجديد هو حلو صراحه والوانه متعدده يعني ماخلو للواحد فرصه يتعذر ..
ولو ان سعره شوي مرتفع .زانا هالمره ما اخذت منه لاني ابي انوع باكبر قدر من الاقمشه لين اطيح بشي يستاهل ..
هذي مشكله الخياطين اللي يتغيرون عليك فجأه تحصله كان كويس وفجاه يصير اسوأ من السيء مادري وش السبب .. بالنسبه لي اتعنى لبلان بس ياخي تلبس الثوب وانت مرتاح وواثق .. هذي ميزتهم

يعطيك الف عافيه يا الغالي : )


F U N N Y

هلا بالغالي توني ادري ان بلان له فرع بالخبر ! مباشره فصل ولا تفكر بس نصيحه بسيطه لازم تروح من بدري هذا اول شي ثاني شي ترى الاقمشه اللي عنده هالسنه مو ذاك الزود .. ( من وجهة نظري ) بس مايمنع تروح وتشوف يمكن يعجبك شي .. بس كتفصيل لاتتردد ابدااااااااااا :rolleyes:

يعطيك الف عافيه يا الغالي : )


lost w/o u

ايه عادي الله يسلمك اكثر من رد بالموضوع الظاهر البنات :D.. لازم اللقافه مايرتاحون يشوفون موضوع جديد ولا يردون : ) اهم شي بس عجبتكم فساتيننا :rolleyes:

الله يحييك ويعطيك العافيه


آنسه سبهه

الله يحييك فيه اقمشه المتر ب 800 ريال ! بس طبعا يكون قطن ميه بالميه وهذا يتعفط من اقل شي لكن فيه ناس تحبه انا ما اشوفها اناقه الس ثوب متعفط ! pb131
صح انه بارد على الجسم والخ بس ولو الثوب يرمز للاناقه ..لكن اسعار الثياب الممتازه مابين 40 الى 50 ريال لمتر ..انتم يمكن على شان اقمشتكم يدخل فيها الحرير والقطن وبعضها نقش وتطريز ومدري وشو يكون سعرها غير !:confused:
اللي ذكرتيهم خياطين ماعليهم .. في كل الاحوال المساله ذوق لو تشتري المتر بالف ريال لكن اللبس من لباسه على شان كذا يمكن بعض البنات على قولتك اذا لبست وتكشخت تردد ( ماحي فطن لي ) .. :D
مشكله الخمسه متر وهذي قاهرني بعض الخياطين يقولك لازم تجيب 5 متر على شان لو صار خطا بالتفصيل ولا شي يصير عنده قماش يعدل فيه هذي الحكايه ولا بالعاده 4 ونص واذا القماش عرضين 3 ونص pb030

الله يحييك ويعطيك العافيه : )


روزهـ

هلا فيك ايه هذا موسم فساتيننا لازم توقفون معنا :> حتى بلان نفس الشي اذا القماش من عندك يقولك بعد العيد .. يخافون من اللخبطه وهذا قماشه ضاع وهذا جايب كذا قماش وكل قماش يبي فيه موديل معين فعلا مو وقتها ..:rolleyes:

وغير كذا يكسب اكثر لما تاخذ القماش من عنده يكون شاريه جمله بتراب الفلوس .. مازلت اقول ان مشار غير مقنع من يوم شفت اللي يشتغلون عنده من اليمن الشقيق .. :(

يعطيك العافيه : )



مضيــــع الدرب

وانت بالف خير يابعدي والله ضحكتني يوم قلت فلبيني ويخليه ضيق .. مافيه امل تحصل فلبيني صاحي يبي يلبسنا ثياب مخصره ! مشكله :D اشوف اسم الاناقه يتردد كثير وهذي اول مره اسمع عنه صراحه

تسلم حبيبي ويعطيك العافيه : )



T5yltk Tnadiny

على شان تعرفون بس ان التمساح السعودي يهتم بعمره ويروح ويتعب على شان يختار القماش ويفصله ويدور بمحلات الكلف ويسوي بروفه :D.. وهالسنه طالعه موضه الفتحه بالثوب .. تحمسنا بزياده امزح لاتفهمونا غلط

الله يعطيك العافيه ونشكر لكم هالوقفه ..: )


ĻąHŇ~

كويس تعرفون اننا نعاني مثلكم موب بس ثوب وخلاص .. السالفه اكبر من كذا بكثير ويحتاج لها تخطيط مسبق pb071

ياهلا فيك يعطيك العافيه : )



M r . S a a D

ههههههه الله يحييك بس ماقلت لنا يخوي وش اسم الخياط او وش اسم حارتكم ؟ ولا قلت لنا بعد وش اسم القماش اللي تستخدمه الحين انت تطالب التماسيح يقولون اقمشتهم وانت يعني تفصل اقمشه سريه ! الجديعي عنده تشكيله كبيره هالشي معروف وودي واحد متخصص في اقمشتهم يجي يعطينا فكره عنها .. bp039

تسلم حبيبي وراجع نفسك يمكن تقدر تعطينا اسامي اقمشتك :rolleyes:



Don' Abdulla

تسلم حبيبي شفت اعجابك بالخياطين ! لو تشتري القماش من برا بيتضاعف اي وكيل مايبيع للخياطين احسن اقمشته لو وش يصير .. يحتفظ فيها على شان يكسب فيها زباين وتكون خاصه له ..

ميزه بلان انه على وتيره وحده كل ثوب نفس المستوى .. انا من زمان زمان زمان عندهم وكل ثوب نفس اللي قبله مافيه شي تقول هذا سيء..
الغريب ان الفاخره ومشار وقالوها لي بالوجه فيه خياطين يخيطون لزباين معينين والبقيه للزباين العاديين ! والكل يدفع نفس السعر ! هذا شي ما اقبله ولا افكر اخيط عندهم دام هذا مبدأهم :sm4:.. والدليل واحد من الشباب يخيط عند الفاخره يقول اذا رحت لهم يكتبون على الفاتوره اسم خياط معين لان لي فتره اتعامل معهم !:confused:

شاكر لك ويعطيك الف عافيه : )


ka3bol

هلا بالغالي .. بالنسبه لقطني المعيقليه لقيت عندهم امازون موجود هذا من الاقمشه المعروفين فيه لازم يتوفر .. وكويس انك جربته وابديت رايك فيه .. اردان هذا خياط الوالد عاجبه خياطهم كثير ..

يعطيك العافيه تسلم يا الغالي : )

يحكى أن ..
19-08-2010, 11:10 PM
-


مساكم خيــر ،، bp039

انا برمضان افصل 3 ثياب وبالاضحى ثوبين وشهر 3 والا 4 افصل ثوبين :d


بالنسبه للاقمشه اشتريها من محلات الاقمشه ..
وافضل محل برائيي هو ( ابو صافي ) موجود بـ جــده

ثياب البيت والاستراحه قطن ونسبه الطبيعي اقل من 10 ٪ عشان تكون بارده وخفيفه وماتتكسر بسرعه .. pb192
وللمناسبات تكون من الاقمشه الواقفه ( قطن خشن ) لانها بالتفصيل تكون مزبوطه وتعطي شكل حلو

الخياطين ..
الخياله بالتحليه او ديباج بشارع الامير سلطان

بس الاهم من الخياط هو طريقه التفصيل ..
مثل التفصيل السعودي مايصلح لاصحاب القامه الصغيره pb027
لكنه على الطويل يطلع مرتب ،،
والكبك يصلح للي يده صغيره او نحيف افضل



يعطيك العافيه

LoveNight
19-08-2010, 11:35 PM
طرش بحر

هلا بالمدير الله يديم عليك الافراح يا الغالي دام تسذا اجل بتلقاني كل يوم عندكم .. اهم شي نشوفك مبسوطpb189

انت ماشاء الله عليك اختصرت الموضوع .. انك تشتري القماش على ذوقك وتدور لك خياط باقل الاضرار .. انا بعد هالمره اللي شريت فيها الاقمشه من محلات متخصصه تحسفت اني كنت اختار الاقمشه من الخياطين .. والله ليتك تقولينا عن هالليماني ..bp039
انا سمعت عن يماني بالبطحا شغله زين بس استبعدت هالشي لكن دامك تأكد هالمقوله ياليت والله تدلنا على مكانه منها نجرب انا ماعندي مشكله بالمواعيد انا شاري هالاقمشه هالمره بس على شان اجرب واعرف وش يناسبني اكثر ..:confused:


بالنسبه للثياب الكويتيه انا عندي مجموعه منها من الكويت .. السر مو بالتفصيل صدقني .. الاقمشه الكويتيه نوعيتها افضل من اللي عندنا بمراحل بارده على الجسم ومهما كان الجو حار ماتحس بذيك الحراره ..ولاتنسى انها تجي الوان يعني حلو التغيير ..:rolleyes:

على عيني وعلى راسي يا بعدي ان شاءالله اني اكون معكم على طول وبالعكس متعه الكتابه بالمنتدى ماتعادلها اي متعه .. وفكره مملكه الرجل فكره حلوه صدقني اشياء كثيره تغيرت بسبب المنتديات والتركيز على امور معينه ..pb189

لان فيه ناس سواء بالرجال ولا البنات وده مثلا يتكشخ ويلبس والخ بس مايعرف كيف ولا وشلون .. مثل هالاقسام تساعد لانه اكيد بيكون متعلق بكل شي بالرجل .. يمكن بعد هالقسم يتحقق حلم السعوديات ان التماسيح يلبسون بجامات بدال سراويل السنه بالليل :>

الله يعطيك العافيه يا الغالي وتسلم حبيبي على كلامك الحلو ياحلو pb189


الـجـادل

الله يحييك اختي .. صحيح نوعيه الاقمشه بالكويت ممتازه لكن يعيبهم التفصيل دايم الثياب وسيعه بزياده وابدا مش مريحه pb131.. بالاخير هو تقليد طبعا وعرف بس الثوب ميزته لما يكون لابق على الجسم تماما ..:rolleyes:

انا استخدم الثياب الكويتيه ارتاح فيها كقماش بس كتفصيل متعبه .. لازم ترفع كمك كل شوي وتحس انك وسط خيمه .. بس بالاخير تقدر تقول للخياط ياخذ مقاسك بالضبط ..
وفيه كذلك عندكم خياط معروف بسوق الخام اللي في البلوكات يفصلون عنده عليه القوم بس نسيت اسمه حقيقه تفصيله كويس : )

يعطيك الف عافيه : )


دوبه ولكن

هلا فيك ليش يعني خنا مو قد المقام نختار اقمشه ونفصل ! ولا بس انتم يعني .. الموضوع يفرق كثير ادخلو محل اقمشه رجاليه وخليه يوريكم النوعيات وبتعرفون بالضبط وش نحكي عنه هناpb034 .. روحي مع اخوانك ضروري صدقيني يمكن تعجبكم اقمشتنا وتحولون عليها :rolleyes:

شاكر لك يعطيك الف عافيه


حزن النبلآء ~

هلا فيك هل باهل جده يبويا :) .. كلامك سليم ابو صافي سمعت ان عنده تشكيله مميزه بس مادري اذا موجود بالرياض ولالا ..
ومن كلامك شكلك ذويق وتهتم بالتفاصيل بالثياب .. كلامك صحيح عن الكبك والقطن .. انتم في جده طلع لومار ونكب الثوب .. خلاه ملون وحركات وشوي ويصير الثوب خكري ..:confused: حلو التجديد بس بحدود يعني الشطحات الزايده ما اشوف لها داعي ..

اعجبني السحاب مثلا بدل الازارير اسرع صراحه .. وفكره جعل الثوب شبابي اكثر وسبور .. بس برضه بدون الشطحات الزايده :rolleyes:

الله يعطيك العافيه حبيبي وشاكر لك : )


ضايع بدونك
هيونآ ~
خالدعبدالرحمن**
باسل بن خالد
9 o O o 9 i

الله يعطيكم العافيه على مروركم واضافاتكم اللي نصح بالفاخره والخياط اللي بالكويت والغالي اللي قال على الاصيل والدفه :D.. وان شاالله نتواصل اكثر في مملكه الرجل مدام فيه نيه لفتحها .. خلونا نوري السحليات اننا نعرف نتكشخ ونلبس ونتعب على اللبس :D

يعطيكم العافيه والله يتقبل من الجميع صالح الاعمال ..

ومازلنا ننتظر تجارب الباقين على خير

تحياتي [/CENTER]

aboOod ~
20-08-2010, 12:54 AM
من عرفت نفسي وانا افصل عند الدولى pb189
البنات اللى يقلون شلون تفرقون :D
القمش الزين معروف وحتى الخياطه مهوب اى يماني يعرف يخيط :D
يعني مشكله لاجاء الثوب مع فوق ضيق ومن تحت وسيع:(

سولافا
20-08-2010, 02:40 AM
ياحركاات انتو وصار لكم موضوع عن ثيابكم واقمشتها وموديلاتها pb027pb189
منتوب سهلين والله pb071
معليش بقط شوي معكم وبطلع ..بالنسبه للخياط فيه خياط في حي الملك فهد اخواني مايخيطون الا عنده يقولون مافيه مثله المشكله ناسيه اسمه :( <<< اجل وش دخلك pb036
الا بسألكم الحين اخواني اذا فصلوا ثياب جو يستعرضون عندنا وش رايكم في ثوبي يبي له تعديل شيي
المشكله كل دقيقه يلبسون واحد ويستعرضون وتحس انهم يعني فرحانين بالثياب الجديده زينا يالبنات :D
بس المشكله ثيابكم سوآ يعني نفس الموديل مايتغير بسألكم يالشباب ليش تفرحون بالثوب الجديد اذا لبستوه وهو نفس ثيابكم الأولى pb036 دايم اتفكر في هالشي pb071

ع العموم فصلوا قبل يزنقكم الوقت وماتلقون خياطين الا بالحسره وماتطلع ثيابكم الا ليلة العيد الساعه 2 زي كل مره pb027

عوآآفي bp039

درّر
20-08-2010, 02:51 AM
طبوا بأي قماش الا ذا القماش اللي اذا لبسته وجلست
كأنه مضغته بقرة :sm18:<<<<وش دخلك pb024
عاد قولوا الحمدلله اذا شطح الواحد وصار ثوبه غالي اخذه بـ450 :rolleyes:
وحنا يالله من فضلك 450 مدري وش تسوي pb093
مدري وش مدخلني انغبت وابي اطلع :mad:<<<ترفقي pb027pb027
لكن موضوع بطلpb192<<<الفيس مناسب لهالموضوع

عارف وساكت
20-08-2010, 04:00 AM
هلا والله ...
انا مثل حزن النبلا القماش من ابو صافى والتفصيل عند الديباج ... ابو صافى لايفوتكم اقمشته ميب بصاحيه ..

بس وش الموضه هالسنه باقى للحين احد يطرز والا يحط سحاب اتذكر كان عندى ثوب سحاب بس ذاك الوقت استقعد لنا دكتور بالجامعه قال حشا هذه فساتين موب ثيباب هههههههه بعدها ماعاد لبسته

يعطيك العافيه ع الموضوع اكيد بوقته pb189bp039

عويشق
20-08-2010, 05:51 AM
الله وش هالتطورات أزياء رجالية pb192 pb189 على كذا يبي لنا موضوع ثاني للشمغ و الطواقي pb027
ملاحظ اغلب البنات انصدمن منّا :D ليه يعني ؟ حاطينا مانهتم بالازياء ؟ :cool:
افا بس :D

ماشاء الله عليك واضح انك خبره بالاقمشه الله لايضرك pb189 اجل القماش لاصارت نسبة القطن 10% خخخخ شلون تعرفها بالله ؟ خل نستفيد ؟

الله لايوريك عاد انا موضوع التفصيل يسبب لي ازمه :D مدري عشاني شياكة واحب اكشخ pb189
<-- ايه هين :D ولا من هالخياطين اللي يعقدون الواحد بالاخطاء و الكوارث بالثياب !
واهم شي عندي طبعاً القماش و التفصيل <-- سبحان الله كل العالم كذا ماجبت جديد pb027
لاصدق والله اهتم بالخامه لأني اكلت مناكح لين قلت بس ؛ وادقق واستقعد للخياط :d احيان ارجع للمحل اشيك عليهم :d خخخخخخخخ
شوي واخذ المتر واشتغل معه :D الكم و الياقه ( الرقبه ) وربعة الثوب من تحت كلها اسجل الملاحظات بالملي :D pb189 وان تطلب الوضع رسمات توضيحية للخياط ماتعوق معي :D
اهم شي لا اقول له زرار عادي ويحط لي طقطق :D

بالنسبه للمحلات ماعندي خياط معين ؛ احب انوع واسأل الشباب وش اطلق خياط وكذا واجرب افصل
ثوب خطافي و إن شفت ديكور المحل مايساعد وشكل الخياط مايعطي :D سويت تجربه وفصلت
قميص عشان كلام الشباب <-- الله من الفضاوه :D
وقبل كم يوم فصلت لي ثوب اتوقع بيكون قنبلة في عالم الازياء pb027 يمكن اسوي له تغطية في قسم الفاشن او اعرضه للبيع بعد ما اعيد به :D او اعرضه للإيجار عاد اتوقع بيجيب 10 الاف لليلة الوحده :D
الصدز مدري وش انا مهبب فيه :D وشكلي بعيد به صدق pb027 الاكيد اني اشقّر على الخياط بعد التراويح اطقطق معه على الثوب :D

بالنسبة للثياب السعودية من تالي قامت تمصخ .. خاصه اخوانّا اهل الحجاز قاموا يدخلون موضات
ماتنبلع :D ( ادري هذا مهوب محور نقاش بس خل اقول رايي واتوكل :D ) انا قطعني عند الثياب الكويتية pb189
الله من الشياكة و الرسّم pb192 pb189 ولايهونون اهل قطر ( صورة كبكات قطري :D ) ومن تالي اشوف
الرياض منقلبه فرع للكويت :D نص الشباب ثياب كويتية ! بس ولو نمون كلنا واحد خخخخ pb189

والله يعطيك العافيه و يرفع قدرك pb189 نحتاج مثل هالمواضيع عشان نرتقي بالازياء الرجالية :D
وعقبال مانفتح لنا قسم خاص للأزياء :D pb189

bp039

الدون خالد
20-08-2010, 08:04 AM
اهنيك على الفكرة صراحة لقينا شي نفهم فيه < يبي يتفلسف


بالنسبة لي ما افصّل الا عند الأطلال تفصال واقمشة اسعاره دايم 160 وحول والشتوي يوصل الـ 200
ياخي فصلت عند اكثر من خياط ,, مالقيت زي الخياط ذا تفصالهم كنه يصب الثوب عليك صب
وكل ما وديت احد لهم مدح تفصالهم وصار زبون عندهم :D
خياط بطل من كل النواحي اقمشته كلها ياباني وماركات وأليييمة تحتار لاجيت تختار :sm5:
وتلقى عنده كل الاشكال والألوان وهو خياط قديم له اكثر من 20 سنة فاتح
ونفس اليماني ونفس الشكل ماتغيّر عيونه للحين حمر < شكله يخزن
وطبعا انا من عشاق القطن الواقف اتفنن بأختياره لاجيت افصل خصوصا لا جا لونه اصفر محروق
اكره شي عندي البلاستك او المخلوط :( يجمع الشعر والوسخ ومن اول غسلة يقلب لونه مدري وش عاجبكم فيه pb093
,, صحيح ان القطن يتكسر بسرعة بس انه اكشخ من البلستك , تلقى لونه ما يتغير لو تغسله 9 مرة وترااه زين للي عنده كرش يخفي معالمها :D

بيض مقلي
20-08-2010, 08:12 AM
وضعكم بالسليم !

بس أهم شي بعّد ، عن التفصيل الكويتي القطري الإماراتي و الخرابيط هذي !

الثوب السعودي وبسّ و ياااهو أرسّم ، أذكر جتنا موضة الثياب الكويتية ، ما طولت حامت تسبود الناس من بدري !

أممم ، بالنسبة ليّ ما لقيت خياط زيّ الناس ، طايح بخياط عادي جداً يعطيك الثوب و تكون راضي عنه بسّ ، ما يتفلسف أبد ، لكن إذا جيت أرسّم بمناسبة زواج أو كذا أشطف الأناقة ! يرسمونك صراحة ..

اممم
طبعاً أنصح ، بالمعيقيلية من ناحية الأقمشة .. تجي على ذوقك و أحلى ، و أنا من الناس اللي أبس قطني دايم أو 10 % - 15 % ، يجيك حلوو أزين من العادي صراحة ..

الشمغ ، خلاص راحت موضتها أنا الشماغ يطوّل معي عادي ، شغل أنك تلحق البصمات صارت دقة قديمة و حركات بزارين ، مالك إلا الشماغ الرسمي اللي يجي بدون بصمة ، أكشخ و أرسم و حلوو .. ليّ سنين ما طلعت برى النوعية هذي !

عطور أنا طلقت العطور الفرنسية ، و صرت شغل خفاافي ! بودي شوب نكتار و هالطقة ، يجيك عطر قبل لا ترشة أنت شخصياً تنفتح نفسيتك ! رائحة ورد و ياسمين و حركاات حلوة ! بلى عطور رسمية بلى هم !

ودّي لو تتكلمون عن الجزمات و كذا ، نستفيد من خبرتكم !

مش ولا بد
20-08-2010, 03:03 PM
قماش ( ريتشي ) وهذا اسم القماش اذا مانسيت يجي منه انواع لها ارقام ما اذكرها حقيقهقماش ( ريتشي ) وهذا اسم القماش اذا مانسيت يجي منه انواع لها ارقام ما اذكرها حقيقه
ايون بظبط النوع الاول الي نزل العام برمضان هو الخطير بعدها نزل النوع جديد وليتني مافصلته عند الجاذبيه الثياب صايره غبيه مع انو نفس الماقاسات بس ع حسب الاقمشه بعضها يخليه شكلها تختلف

وفي قماش بنتلي بعد بائخ جدن ع طاري الخياطين كان في خياط باكستاني اسمه خالد في سويكت بشرقيه كنت اروح عشان افصل وارجع وبعدها صرت ادق عليه وعنده المقاسات وتفصيله رايق
هو جوا في حاره يعني وشكله كذا ابدن مايئهل بس تعال شف الزباين واغلبهم ناس واصله وزحمه عليه
بس الله لا يوفق كفيله الوصخ اخفاه عنى ورطنا مع زيود الجاذبيه

وكله كوم وقماش الاحوج الي يجيك واقف كوم اظاهر جايه من الامارات
يعني احسه كذا تفصخه وتوقفه يثبت من نفسه بدون علاقه ها ها هاpb036:(

والله من جد قماش صامد يجي عج هوا مايتحرك احس الي يلبسه رجل مبالغ فيه:D

بيض اوما نكتار ماش ياخي احسه حق نوم ترشه ع المخده وشي زي كذا pb036

ودّي لو تتكلمون عن الجزمات و كذا ، نستفيد من خبرتكم !

شف اذا انت تشتري من ميلانو و اولدو فا من فتحت هلمحلات وهي نفس بضاعتهم يعين رح لطريق الملك عبد الله ومن عند بندر والعيال اصرف
بس اذا انت تبي شي يعور :D
روح لـ قصر الاحذيه مقابل المملكه اذا كان عندهم تخفيض لانو اوقات تنزل ابواتهم من الف وميتين لست ميه او خمس ميه
او اطلب من موقع جفاري البريطاني وارخص من قصر الاحذيه وريحة الجلد الايطالي تسطيلpb189:D
http://www.javari.co.uk/Democrata-Mens-Uday-Boot/dp/B002LZUI7W/ref=sr_2_81/?cAsin=B002LZUIA4&fromPage=search&qid=1280313862953&sr=2-81&asins=B002NPBDT2,B0031RG8PA,B002XDQF06,B002KFZH0Q, B002NPBEI2,B002XIT9S6,B00200K4OK,B002KCNILO,B002M7 7M7I,B002EL4O9G,B0032ANA2U,B002XITAZI,B001HBAVJG,B 002EEP1H2,B000NX20WA,B002M77LTW,B002Y28DZ6,B002NPB F5E,B002LVUMEK,B000UH23FS,B002SNBAZQ,B002XDQF92,B0 02UD54ZQ,B002KFZHBK,B001182ITQ,B002Y27RBM,B002M77M I2,B002AKK3KA,B0032AN8IG,B0028N7QCW,B002LE8F4G,B00 2LAR3FC,B002KG0CUK,B0029QEU86,B002W5RV94,B002EL4O3 M,B000W80RL2,B002XITAJY,B002EL4O6O,B0032FPB1S,B002 XITAWQ,B002JM296K,B002W5RY6E,B002AJ7XQS,B002ZB8CB6 ,B000X26VP8,B0039ISA84,B002UD54YC,B0032AN8HC,B002M 77LW4,B002HWQTGS,B0028Y46LK,B002HWQTRM,B002HK2MS4, B002XITAQW,B0039ISA98,B000W033ZC,B0023RSAGY,B002WN 2R18,B001UE6WOI,B001TUZLQS,B002LIT60O,B002HK2O0U,B 002LE8FC8,B0018ZBG6I,B002UD54WO,B0031RG8N2,B002XIT ATE,B002SNBATM,B002SNBCD6,B002M77MCI,B002HK2MLG,B0 00X288AY,B002KCMQTE,B001WFB42U,B000NWUGUO,B002SNBF LK,B000UGWPCU,B002KFZH4M,B002Y28D56,B002LZUIA4,B00 2LAR3P2,B002ZLQ4PW,B002ZVOSVY,B002MZZPJ2,B001MIYPA A,B003724U9A,B002LVULIM,B002LE8FGE,B002ECE7PQ,B002 M77M9Q,B002UD55QY,B002KFZGU2,B002RHP7FC,B002SNBALA ,B002XDPUJ8,B002XDPUH0,B003724URC,B002XDQFBA,B002V A3TCI&asinTitle=Democrata%20Uday%20Boot&contextTitle=Search%20Results&page=2&size=100&page=2&node=216927031&nodes=216927031&sort=shoesbrowserel2
اذا ودك تطقم يعني والشحن ميه مايكلف وفي بالحراج اقلاع كثير يناس توصلك الي تبي لين حدك:D
الكبكات وكذا بطل ماتروح كم محل ويفتر مخك في محل بطريق العليا العام قبل اسواتش وسبلاش بتحصله جنب محل جزم ( كرمت ) ومحل سجاد ايراني المحل مجمع ماركات يعني كلش بتحصله والاحسن انو كل شي ع كم حبه :D

من عنده واسطه برمال :(
لي يومين امت مشوار مستهي مضغوط يقلون لي لاتطلب بعد الساعه وحده :(
يعني خير اتسحر العشاء مثلن ؟:rolleyes:


برايفت للي يلبسون اقلام ترا من جد مااااااااااااتو لا تقنعني لو ايش يكون بس ماتو من جد ماحس يسويها للحين الا الشياب:(

فيكس
20-08-2010, 03:11 PM
موضوعك خاثر pb189

اذكر قبل عشرين سنة تقريبا كان فيه خياط في شارع الثلاثين بالرياض كان اسمه خياط ( بدر ) ،، والله ياكان فيه يماني يفصل بذمة وبضمير بس ضفوه مع الحملة اللي سووها ايام حرب الخليج على الزيود :sm12:


بعدها طحت في خياط ( الفاخرة ) كان اسمه شمسان سابقا ،،، الثوب يبدا سعره من 250 وطالع ،،، الخياطين كانوا زيود وباكستانيين ، بس من تالي مااش تغيروا pb093 من سيء لأسوأ .


في الفترة الاخيرة طايح في ( LoMar ) هذا خياط او الافضل اني اسميه مصمم صراحه ، موقعه قبل شارع التحلية تقريبا وانت جاي من السليمانية ، الثوب يبدا سعره تقريبا من 800 ريال الى 1500 ريال ، بتقولون خبل ، بس بقولكم ان الزين غالي لكن الازين اغلى ، هو يعتمد على الزبرقه في الثوب ، لكن تقدر تفصل شي ساده بس مع اضافات بسيطه وحلوة في نفس الوقت .

هذا موقعهم على النت http://www.lomarthobe.com/shopping/index.php
شفتوا وشلون كشخه ،، قد شفتوا خياط زيدي حاط صفحه على النت :D

>هيناتا<
20-08-2010, 05:17 PM
شكراً
ع الموضوع الراقي
مــع اني سحليه بــس
عندي تماسيح بالبيت
راح ارسل رابط موظوعك ع ايميلاتهم
ولا افتحلهم اياه
جزاك الله خير .,.
.,.(f)

F U N N Y
20-08-2010, 05:45 PM
موضوعك خاثر pb189

اذكر قبل عشرين سنة تقريبا كان فيه خياط في شارع الثلاثين بالرياض كان اسمه خياط ( بدر ) ،، والله ياكان فيه يماني يفصل بذمة وبضمير بس ضفوه مع الحملة اللي سووها ايام حرب الخليج على الزيود :sm12:


بعدها طحت في خياط ( الفاخرة ) كان اسمه شمسان سابقا ،،، الثوب يبدا سعره من 250 وطالع ،،، الخياطين كانوا زيود وباكستانيين ، بس من تالي مااش تغيروا pb093 من سيء لأسوأ .


في الفترة الاخيرة طايح في ( LoMar ) هذا خياط او الافضل اني اسميه مصمم صراحه ، موقعه قبل شارع التحلية تقريبا وانت جاي من السليمانية ، الثوب يبدا سعره تقريبا من 800 ريال الى 1500 ريال ، بتقولون خبل ، بس بقولكم ان الزين غالي لكن الازين اغلى ، هو يعتمد على الزبرقه في الثوب ، لكن تقدر تفصل شي ساده بس مع اضافات بسيطه وحلوة في نفس الوقت .

هذا موقعهم على النت http://www.lomarthobe.com/shopping/index.php
شفتوا وشلون كشخه ،، قد شفتوا خياط زيدي حاط صفحه على النت :D


LOMAR مشهوور واللي خلاه اكثر شهره أنه مفصل ملابس احمد الشقيري وعنده مجموعه
من الثياب والشيرتات اسمها Khawater 6 وأنواع ثانيه كثيره صرآحتن ثيابه ششي شي
ذوووق وحركات بس غاليه كثير طبعا :sm5:

بالنسبه للجزم انا اشتري من Timberland ماركه مشهوره باحذيه وملابس الرحلات بس
يبيعون جزم سبورت وجزم رسميه وانواع اخرى جودتها عاليه ، في محل لهم في الظهران مول
بس خياراته مو كثيره أنصح اللي يشتري يشتري من الموقع لأنه موجوده كل الانواع عنده :

http://www.timberland.com/family/index.jsp?categoryId=2433222&cp=1779791.1761081


وآسف اذا طولت :D

bp039bp039

 

سراب المحبه
20-08-2010, 05:54 PM
برايفت للي يلبسون اقلام ترا من جد مااااااااااااتو لا تقنعني لو ايش يكون بس ماتو من جد ماحس يسويها للحين الا الشياب:(

مش ولا بد !
ازعل منك :( اجل ماتوا اللي يلبسوون اقلام !
والله مدري من اللي مات هم ولا انت خخخخ

http://a.imageshack.us/img844/4282/dsc01564y.jpg (http://img844.imageshack.us/i/dsc01564y.jpg/)

شف الرززه بس ! وتقول ماتوا ! pb189
القلم يارجل لجاك اصلي ركززز قلنا اصلي خخخخ موب طقة ابو كلب وتجي تكشخ تعال شف التسطيل بسس , والله فررق ولحد يلعب عليك يقولك هو والاصلي واحد , يكفي بسس اللمعه آآآه يالمعة القلم لجاتك تلق لق :sm5:pb189 شي يعور القلب

المهم خل عنك اللي ماتوا وانقز اشترلك قلم + سبحه :Dpb189


بخصوص الموضوع فيه اشياء كثيره غير القماش تحلي من الشخص او تحلي الثوب نفسه
مثل الازارير لجيت تفصل قوله ابيه فرنسي , مثلا عندك اللياقه قوله ابي دائري واشياء ثانيه , وتكفوون وخروا عن اقمشة الثياب النيلي ياهي تحوم الكبد بعد !! وعافاك الله على الموضوع واهنيك يومك تروح بلان فصل عند موسى وبسس هههههههه
:Dbp039

Fatak
20-08-2010, 06:00 PM
انا دايم افصل بالديوان على طريق التحلية تفصيله ممتاز
فصلت ثوب واحد بالبداية كـ تجربة عشان اعرف هل بيضبط ولا لا واشوى ضبط
عقبها فصلت 6 ثياب عنده , وكلها قماش واحد اسمه " بنتلي " قطن
طلع لي سعر الثوب الواحد 260 ريال , ورحت يوم الأربعاء اللي طاف طالع من دوام
قلت خلني افصل للعيد
ورحت برضوو للديوان , وفصلت ثوب واحد بس قماش " ريتشي " قطن بـ 270 ريال
والله الواحد وده يفصل بالكويت احسن اقمشة لا يعلى عليها وتفصيل يحبه قلبك
يوم رحت الكويت اخر مره من دخلت الكويت وانا اقول بفصل وضاع وقتي ولا فصلت شي
عموماً الحين فصلنا بس باقي الشماغ ابي شماغ حلوه ورزه هيك وغتره بعد .. pb094
الله يعطيك العافيه بعد قلبي .. bp039pb189
 

..IRO..
20-08-2010, 06:02 PM
اخواني وابوي من يدخل شهر رمضان ..أول شي يسوونهـ

يروحون لخياط مششار..

ويخيسسون ليمن العشرينات عششان يطلـع..حسيت عيال السعوديه كثـرو..

اللي اعرفهـ..ان فيه ثياب لونها ابيض ناصع

وفيه ثياب باهتهـ..:D>>مسسويه خبرهـpb093

عاد الصراحهـ...حسيت نسبة الاناث اكثر من الذكور في الموضوعpb036

يمكــن من الصــدمــه..pb027

عواافي .."

البَـدر
20-08-2010, 09:16 PM


وعليكم السلام ورحمة الله وبركاته

بخصوص الثياب أنا الحمد لله متوفق بمحل قريب من بيتنا .. ثيابي من عنده ولا أطلق
أبد أدخل وأختار القماش من عنده وياخذ المقاسات وتنتهي السالفة - يعني كلها على بعضها ربع ساعة :D -
بس أنتم تشيلون هم وتقارنون وتجيبون أقمشة من محل والتفصيل في محل .. أحس شغلانة pb036
أنا عنّي أحب الثياب اللي تجي واقفة ، يعني نسبة القطن فيها كثيرة .. وما تكون شفافة ولا تلمع :(
هذا بالنسبة لي أكشخ شي وأحلاهم ع اللبس pb058
أيضاً الثياب اللي آخذها ما تكون بيضا مرة .. يا أصفر فاتح يا سكري
لأن الثوب الأبيض من كم غسلة يبان عليه إنه مستهلك ، بس السكري والأصفر مع كل لبسة كأنك توك مفصله :Dpb189
ومدري منيب أسأل عن الصناعة ولا أدري وش اسم القماش أصلاً كل مرة شي بس دايم على معاييري المعتادة pb071

كبنة الثوب من تحت أخليها عريضة + نفس الشي بالنسبة للأكمام
الياقة سادة أريح من القلابي وشبابية أكثر ، والأزرار باينة غالباً وأحياناً أشطح وأخليها مخفية
الأكمام تكون عادية بس مفتوحة من الجنب وفيها زرار بحيث لو بحط كبك أقدر
ولو ما أبي عادي يكون مسكر الزرار وكأنه كم عادي .. من عرفت نفسي ما أحب الكبك اللي يجي جواه كرتون وقاسي :D

القماش اللي يجي طايح ما يعجبني أبد ولو فصلت بس لمجرد التغيير
صح إنه أريح وأخف من القطن ولا يطلع صوت أبد ، بس القطن بالنسبة لي أرتب
وأحس حتى ما يناسب أي أحد القماش الطايح .. لأنه يبين الجسم صح
فـ لو كان جسم الرجال أوكيه بيطلع حلو وإذا لأ بيطلع شنيع pb027

بخصوص الملحقات وكذا .. الكبك + السبحة + الساعة
ترا لهم وزنهم ويفرق شكل الواحد فيهم مليون درجة عن شكله بدونهم :D
بس لا يجيني واحد حاط ثوب كبك والساعة بالغصب طالعة أحس حركات لحوج خخخخخ :(
الكبك أنا أطلق شي عندي يكون أسود وعليه إطار فضّي يبرزه .. وما أحب اللي يجي الكبك علامة الماركة pb036
والسبحة حلو عليها الألوان الغامقة "أسود ، بنّي محروق ، زيتي" يعني زي كذا
قبل فترة شفت أطلق سبحة في حياتي وشريتها وخاااق .. من كثر الخقة عطيتها خويي هدية pb036pb189
بس كانت شييي عساني ألقى مثلها مميزة وثقيلة وفخمة pb058

فيه حركة طايحين فيها اللي يلبس لي جزمة بدون شراب مع الثوب :)
شكلها غبي مع إحترامي للي يحبونها بس جد حتى لو كان نوع الجزمة كذا لازم نراعي عامل الذوق pb036
ولا اللي يلبس جزمة غامقة بشراب أبيض خخخخخخخخخخخخخخخ وين لابس مريول يبو pb027 ؟
وعلى طاري الجزم فيه على طريق الملك عبدالله صفة محلات دايم أروح لهم قبل العيد "وغالباً ليلة العيد :D" وألقى أشياء حلوة وبأسعار معقولة pb058


فيه موقف خلاني أقتنع بالخياط حقي وما أميل للمحلات اللي يفصلون عندها الناس علشان الاسم بس
كنّا قبل عيد الأضحى ومسافر مع أهلي وأخواني كلهم مفصلين ثيابهم ومحتاطين قبل السفرة وأنا بلشت pb036
المهم ليلة العيد طقيت لي ثوب شتوي الأصيل مدري الأصالة شي زي كذا :D
والحمد لله جاي معقول على جسمي صح مب زي التفصيل بس اللي يشوفه ما يقول وشذا pb036
المهم صادف إن لون ثوبي نفس لون أخوي ، وهو مفصله عند مدري مين والقماش والتفصيل سعرهم حول الألف وشوي :sm18:
أمي يوم شافتي مع أخوي قالت وراكم عاد مطقمين ومفصلين بنفس القماش كان غيرتوا :(
"أنا الثوب بستين ريال بس :Dpb189" .. طبعاً أخوي بغا يجيه انهيار عصبي بس الله ستر pb027

لوف نايت .. موضوع متعوب عليه الله يعطيك العافية ونعتذر ع الإطالة :Dbp039

الأســـــــــد
21-08-2010, 01:53 AM
من وجهة نظري و من خلال تجربة طويلة و عريضة :d

الجديعي .. الآفضل في الآقمشة


نجي للخياطين في الخبر

خيطت عند كلآ من :

البلآن ( ثوبين ) : و لـ الآسف سمعة على ما فييييييش
تفصيله سيء مقارنة بسعر الخياطة ( 4 / 10 )

ترزي الظهرآن ( ثوب واحد ) : ممتاز سعرآ و تفصيلآ ( 8 / 10 )

فقيه الآناقة ( ثوبين ) : المحل جيد سعرآ و خيآطة ( 6 / 10 )

الشيخ ( ثوبين ) : ممتاز في التفصيل و آسعارهـ جيدة
عيبه آنه يفصل الثوب ع الجسم كأنه مخصر ( 7 / 10 )


لومآر ( 3 ثيآب ) : تصاميم ذوق .. و خياطة آكـه
شغل عدل مدل زي ما يقولوآ
لكن سعره غالي غالي جدآ
و نفس الموديلآت بتلآقيهآ في جدة و المدينة
آرخص بـ 40 - 60 % من آسعارهـ



مصيبة لآ صرت تبي تفصل لـ مناسبة أو عيد
و في غير ديرتك و خياطين ما تعرفهم
ما في مجال للمغامرة


و في مسقط رأسي ( ينبع )
الديرمآن الآفضل و الآروع و الآكمل و الآمثل
من ناحية أسعار و أقمشة و تفصيل

LoveNight
21-08-2010, 05:08 AM
aboOod ~

هذا المهم ياالغالي انك تكون راضي عن اللي تلبسه .. مادري ليش مستقلين فينا هالسحليات :confused:

يعطيك العافيه حبيبي : )



سولافا

هلا فيك .. اكيد اي شي جديد له فرحه ودايم فيه احساس غريب اذا لبست ثوب جديد تحس انك كشخه حتى لو انك من جمبها pb083.. واكيد هالاحساس يجيكم اول ماتلبسين فستان توه طالع من الخياط .. بالنسبه لنا لان تخييط الثوب فيه تفاصيل كثيره ياتخلي الثوب زين عليك ولا بدونه احسن ..

تسلمين على النصيحه انا هالسنه من بدري مخلص كل اموري : )



درر

هلا فيك لا ابشرك حتى 450 يعتبر مبالغ فيه الخياطين استغلاليين على شان اقول كل واحد يشتري القماش من برا ويخيطه لان سع رالخياط واضح ومعروف عند اغلب الخياطين مابين 60 ريال الى 120 عند احسن خياط في حاله القماش من عندك..

كم يكلف القماش غالبا الزين مره 150 الى 200 .. لكن الاسعار اللي تتعدا 300 اشوفها مبالغ .. فيها الا اذا كان فيه تطريز والخ من الامور الجديده اللي طلعت بالثياب .. كان ودي تراجعين كلامك قبل لا تضغطين على اضافه رد ..pb040

يعطيك العافيه : )



عارف وساكت

الله جايك ياليتك تقولنا عن اقمشه ابو صافي دخلت موقعهم اقمشتهم متنوعه واحس انهم ثقه وحريصين بالاختيار فعلا .. بس لو عندك اي معلومات عن الاقمشه لا تبخل علينا :rolleyes:

يعطيك العافيه يا الغالي :)



عويشق

هلا بالغالي .. ايه مدري ليس مستقلين فينا هالبنات pb130.. القماش تعرف نسبه القطن اذا جيت تشتريه يكون مكتوب على الطاقه والبياع اكيد يعرف وحافظ كل شي .. موضوع سهل

وانا معك انك تنشب لبعض الخياطين لانك تقوله اللي تبي ويهز راسه واذا جيت تستلم الثوب ولاه شي ثاني ! يالله عاد اقعد عدل فيه .. الثياب الكويتيه والله كأقمشه قلت سابقا مافيه مثلها بس تفصيلهم صراحه ما اعجبني ..

اصلا الثوب الكويتي اسهل تخييط من ثوبنا مافيه تفاصيل مثل الثوب السعودي .. واكره ما اشوف اذا جاك الثوب خيمه للاسف سويت كم ثوب على نفس طريقتهم وصارت مش مريحه ابد .. بس كاقمشه لاتدور غيرهم

يعطيك الف عافيه يا الغالي : )



الدون خالد

شكلك دب يا الغالي :d.. كلامك صحيح القطن يناسب المتان يخفي العرافيط لانه ثقيل وواقف .. بس ليتك قلت لنا وين محل هالخياط اسعاره معقوله ولو تعرف اسامي الاقمشه وشركاتها كمعلومه لك يكون احسن ..

مشكلتنا كل السنوات اللي راحت نفصل عند الخياط وبس ولاندري وش القماس لو يحط لك ابو ريالين ماتدري .. خصوصا انهم يحطون مواد على القماش يخليه ثقيل وبعد الغسيل يصير منديل .. ماودك ولا تفكر تلبسه من جديد..:(

تسلم يا الغالي : )



بيض مقلي

الله يعطيك العافيه بالنسبه للاعياد واذا تبي ثوب لمناسبه او لاشياء مهمه لازم يكون عندك ثوبين ولا ثلاثه توب والباقي على قولتك لو عادي مش مشكله للطلعات العاديه وغيرها ..

لذلك انا عندي ثياب مفصلها في الكويت اذا صرت بالبيت ولا بطلع ولانيب مقابل احد لبستها ..وكويس انك تطرقت لاشياء كثيره بالموضوع .. pb189

صراحه لازم يكون للتماسيح مملكه مثل ما للسحليات لان الامور تتعدد وكثيره خصوصا في المواسم مثل هالوقت ..pb192

يعطيك العافيه حبيبي



مش ولا بد

هلا بالغالي انا شفت القاش اللي اسمه بنتلي وكيله الجديعي .. مثل ماتفضلت ما افكر البسه ولا بلاش سلك خالص بمعنى صناعي يعني نايلون يعني الله يعينك على الحر والقرف ..

اما الاقمشه اللي تقول عنها واقفه هذي اللي من جد مادري كيف تنلبس واهل الامارات مشهورين فيها تحس الثوب يتحرك من نفسه داخله سكني pb037


بعدين موضوع الاكسسوارات الرجاليه هذا موضوع كبير وكل واحد له ذوق فيها .. يعني تظل الساعه مسيطره حتى لو ماتشتغل :D وفيه ناس لازم القلم والساعه والخاتم والسبحه يعني ليمتد ادشن .. اذوووووااق

تحياتي لك : )



فيكس

اللي يقرا نكك يطيب :sm13: هلا بك يا الغالي انا تكلمت عن لومار في اول الموضوع ويكفي شعارهم اعاده تعريف الثوب او خلق هويه جديده للثوب .. هالشي كويس وجميل ومع الوقت نحتاج اشياء تناسب الموضه والخ .. بس على قولتهم اذا شطح نطح !!!! :confused:

فيه عنده اشياء معقوله زي ماقلت قبل السحاب كفركه حلوه بس فيه امور مبالغ فيها صراحه غير ان اقمشتهم احسن وصف اوصفها خياش !
ابدا ماتناسب للجو الحار كله على شان يبونها الوان لذلك يضطرون لاستخدام اقمشه في نظري سيئه ! ناهيك عن الاسعار المبالغ فيها عموما هو نجح في جده وفشل في الرياض على كلام احد المقربين منه ! لانه فعلا يظل مجتعنا تقليدي ولا يقبل التغيير مثل الغربيه او الشرقيه !

والناس بالاخير اذواق .. تسلم يا الغالي ويعطيك الف عافيه : )



سراب المحبه

هلا والله زعلوك اجل على شان القلم ! مايدرون ان فيه ناس تحط غطا فاضي بس على شان ترسم pb060 يظل اللم على قولتك اذا كان رسمي يعطي فخامه مثل الاقلان اللي عند قزاز تحصلها نقش ورسم على القلم يعني شغل متعوب عليه .. خصوصا ان جزء من الغطا يطلع يعني ينشاف .. ومثل ماتفضلت تفاصيل الثوب كثيره وتعطي فروقات بالشكل العام ..

تسلم يا الغالي : )



Fatak

كان ودي اجرب شي من اقمشه ريتشي .. بس حقيقه الاقمشه اللي شفتها فضلتها كثير .. اعيد واكرر الكويت فقط اقمشه تفصيل عادي جدا ولااشوف فيها ميزه .. انا جربت كذا مره عندهم وشريت اقمشه من هناك هي اللي فرق فقط ..

تسلم حبيبي ويعطك العافيه : )

LoveNight
21-08-2010, 05:32 AM
البَـدر

هلا بالغالي لا بالعكس ماطولت ولا شي نحتاج لمثل هالتفاصيل بالموضوع .. اهم شي بالموضوع انك لاقي اللي تبيه عند اللي تخيط عنده .. لكن صدقني تجربه شراء الاقمشه من محلات متخصصه يعطيك اختيارات اوسع وتجربه خامات ماتوصل للخياطين ابدا ..

الوكيل مايعطي الخياطين كل اقمشته الزينه .. مثلا فيه قماش عند الجديعي اسمه الصفوه 333 قالي عليه قريب لي مايفصل الا هو وشفته عليه ممتاز جدا .. هو بجده دورته هنا كل الفروع مخلص وهو دوره هناك مخلص :confused:

قلت يمكن احصله عند الخياطين طلع مايوصلهم ولا شافوه اللي يجي عند الخياطين الصفوه 280 ! القماش قطن بنسبه 30 او 40 بالميه بس مايتكسر ومعروف بسكبته ..هذا مثال وقيس عليه الكثير

لذلك مافيه زي انك تعطي كل خبز خبازه تشتري القماش من اصحاب الاقمشه والتخييط عند اللي يناسبك ..

اما مساله الموضه والحركات اللي طالعين فيها .. انا في رايي قمه الذوق تعرف وش يناسبك موب تلحق التقليعات والموضات على غير سنع ..:confused:

وانا بالمعيقليه اشتري الثياب دخل واحد لابس لبس جنس ثالث بمعنى الكلمه ! طبعا يقاله الحين برستيج ويحاكي الموضه والمشكله شيفه يعني ابد ماتركب ! :sm6:

بيجي يوم نرجع لكل شي تقليدي بتختفي طيحني والكدش والجزم اللي بدون شراريب والخ

تسلم حبيبي البدر ويعطيك العافيه لا بعد هالمشاركات لازم لنا مملكه للتماسيح من جد : )




الأســـــــــد

هلا بالغالي .. تجاربك متنوعه وغنيه بس استغربت تجربتك مع بلان انها كانت مش قد تطلعاتك ! لومار يعيبه السعر المرتفع الغير مبرر صراحه .. اما باقي الخياطين ماعندي خلفيه عنهم .. ياليت تقولي وجه اعتراضك على تفصيل بلان ..

تسلم حبيبنا ويعطيك الف عافيه :)



>هيناتا<
..IRO..

انتظرو معشر التماسيح جايين بقوه وبتصير الموضه تطلع من عندنا وبعدين تقلدوننا فيها .. قريبا على الاقلاع مملكه التماسيح..pb130 :D



بما ان الشباب تطرقو لكل اكسسوارات الرجل وبما اني مهتم بالسبح بشكل كبير وسبق عملت تقرير كامل بمجله الاقلاع ونزل في المنتدى .. حبيت اعمل موقع يهتم بهالهوايه الجميله واللي يجهل تفاصيلها الكثيرين .. طبعا الموقع مازال تجريبي للي حاب ياخذ فكره .. وكل العمل اللي فيه من تصميم وتصوير والخ شخصي بالكامل .. تحياتي للجميع : )

الموضوع قديم وكان حصري لمنتدى الاقلاع وللاسف سرق من منتديات كثيره دون ذكر المصدر ..

http://vb.eqla3.com/showthread.php?t=309354

وهذا الموقع .. مازال تجريبي
www.sb7at.com

نظرة قتالة
21-08-2010, 05:30 PM
ياسلاااااااااااااااااااام عليكم
والله موضوعك جاء بوقته انا ابي اغير اقمشة هالخياط اللي عند بيتنا مع ان خياطته جميله جدا
لكن عاد ابي انواع جديده من الاقمشة و موضوعك هذا فادني من جد شكرا جزيلا
بالمناسبه اسم محل الخياطه اللي اتعامل معه ( رهيب ) وهو فعلا اسم على مسمى خياطته و اقمشته
حلوه لكن عاد نبي نغير شوي

MOOT
21-08-2010, 06:03 PM
انا مااهتم بالشركه ولا النوع اهم شي الصناعه ياباني خلاص اتقدم للمرحله الثانيه الي هي لمس القماش:D اقعد اشوف هل هو خفيف ومايجيب كهرب اكره شي لاجاك الثوب يلزق فيك اخلص علبة فضفاض يروح شوي ثم يرجع قلت شكل البلا بجسمي واروح امسك لمبة صغيرة:D عشان اتأكد بس الحمدلله الامور تمام كان هذي عقدتي الوحيده مع الثياب على مر السنين الى مارحت مره لمحمد العثيم حق الاقمشة طبعا قماش ابو كهرب من الجديعي الي احلى مافيه الشنطه الي يحطون فيها الطاقه تحس انك فخمpb027 المهم واشوف لي قماش حلو وغريب اغلب الاقمشة تجيك ثابته ولا قاسية كنك راش عليها علبتين نشأ لكن هذا منسدل بالعربي كنه مترهل:D على طول طايح <<اقول والله من زين شرحك طبعا ياباني ومن لبسته حسيت ان السعاده دخلت لقلبي انتهت مشكلة الكهرب والقماش نفسه خفيف يعني مايضايقك بالحر ودايم اهم شي عندي ياقه صيني مثل الراهب الصيني الي نهاية الياقه يجيك كنه باب زي كذا | | <<متعوب عليه الشرح التفصيلي بدون طقطق طبعا بس زرار تحته مباشره وعشت بعدها بسلام انا والثيابpb094pb189


الخياط عندنا خياط فلبيني من شدة قدمه اشك انه فاتح السعوديه مع الملك عبدالعزيز له فوق ال 19 او 20 سنه نتعامل معه اسمه الفايز


موضوع حلو عوافيbp039

red's
21-08-2010, 06:21 PM
يعطييك العافيه على الموضوع ، مهم و مفيد هالوقت خاصة :d !
انا سابقا ً كنت افصل عند الفاخرة لين ابوي زعل عليهم ههههه
يفصل عند شمسان من 40 سنة :d
بعدها صرت مشار و الاناقة و رحال !
افضلهم رحال والله كويس و تلقاه على طريق الملك عبدالله حي الحمرا عند المجمع الي شرق الدائري !
بس مشكلته يطول :( يعني انا مفصل حق العيد من قبل رمضان بعشر ايام تقريبن ! و موب مخلص الا بالعشر !!
بالنسبة للاقمشة بالصيف اخذ من الخياط اقمشة معروفة ريتشي و الملبا و انت جاي ! ولا واحد من العيال يروح للكويت واجد و يجيب اقمشتهم احسن و ارخض من عندنا فرق !! بس بالشتاء ناخذ من الكسائي او الجديعي الي فالمعيقلية اضمن !

pEpSi 3ady
21-08-2010, 06:50 PM
pb036 حركات ...

فكره حلوه ويستفيدون هالعيال اللي يدربون راسهم من خياط بخياط :D

فيه اقمشه حلوه رصاصيه وكحليه :sm5: اذكر كنت افصل مريول من اقمشتهم :D

يعطيك العافيه
bp039

نَبض المَعَآنِي
21-08-2010, 07:09 PM
موضوع جدا ممتاز لأني كنت اعاني من الأقمشه

حاليا اغلب الأقمشه اخذها من باكرموم او بقشان

الخياط هذا اللي كنت اعاني منه جدا كل يوم

خياط جايب العيد فيني pb093

الان فيه خياط أسمه العربي الأنيق على شارع العليا

بعد ما تعدي مجمع الكومبيوترات pb027 باتجاه الجنوب

يجي على اليمين لبناني ممتاز صح الأسعار أعلى من برا

بكثيييير بس صراحتن يستاااااهل

صـح عليك
21-08-2010, 07:16 PM
اهدااااا من كذآآ يا زكرررررت :sm12:

واخيرراً صــآر عندنا قسم فــآشن مثلهم pb095 :D

بالنسبـه للاقمشه يا عزيزي انا مـآخذ الا من عند الجديعي pb189 عليه اقمشه انمـآ ايه خوراافيه .
غلطتي عمري ..اني خذت مررهـ من عند الكسـآئي :sm4: قماش غاالي والله فيه حقه ...
وافصله والبسه كوويس ..يووم غسلته وهو الي تقووول تسنه تنوررهـ pb131 :sm1:
وارجع له واتهـآوش انا ويــآهـ واذب عليه الثووب واقوله غسل به بلاط بيتك pb027 والدرايش pb071

بالنسبــه للخيـآط ..

عنـد (( مرحبــآ )) ...

يصب الثوب صّبـه عليك ما شااء الله ..

تفصيل خوراافي ,شغـل ذمــه ,ومعرروف وقديــم ..بس انوااع الزحمه الي عندهـ :eek: وعشرهـ رمضـآن يوقف التفصيل خلااص معد فيه الا بعد العيــد ان شاااء الله ..:sm5:

والله انه مهب عااقل ذا البآكستااني خاصة الي يوزع الارقـآم عند البـآب pb192 زااحف ..

والله انــآ ودي افصل ثوب كويتي ..ودي بخياط يضبط التفصيل الكويتي زين الي يعررف يفيدنــآ الله لايهينه :rolleyes:

تحيــآتي القلبيه لكـم ولصـآحب الموضوع ..bp039pb189 ))

كاس ماء
21-08-2010, 07:46 PM
وعليكم الســلام ورحمـة الله وبركاته ..

يا هلا بالثياب وطاريها ..

سالفة هالثياب هذي كل قبل عيد ألعب على نفسي فيها ..

أقول اني بشعبان أبخلص اموري وآخذ القماش وأروح الخياط pb192

وما أدري الا ورمضان داخل وانا ما بعد قضيت ..
همن يمنّ عليك الخياط ويقول لك والله ما نفصّل قماش من برّا بس عشانك زبون :(
وبنرفع عليك السعر وادفع ولا يكثر :(

عاد هالمرّة سنّعت اموري وشريت القماش بـ 29 شعبان وحطيته عند الخياط بـ 1 رمضان pb192

طبعًا من فترة أنا طايح بقماش حلو ورهيب ..
بارد ومريح وسريع الكوي وبطيء التعفّط pb024
تصدّقون لدرجة انه ليلة العيد أنام بالثوب وأقوم أروح أتعيّد وهو ما تعرفط ! << تسذبه على الطاير :D

أنا من فترة آخذ أقمشتي من محل اسمه ابو صافي ..
مادري عندكم ياهل الرياض أو لا ، المهم انه بجده معروف وزباينه ناس أنتيكه pb192

وبالنسبة للقماش آخذ قماش سميراميس ، ممتاز ممتاز ممتاز ..
طبعًا أسعاره تختلف على حسب القماش جديد أو قديم ..
لكن تقدر تقول من 200 إلى 110 أسعار هالنوع من القماش ..
ومب يتعرفط بسهولة وليس ثقيلاً pb192 خفيف وبارد وحلو شكله ، وكلّن ودّه يكويه لي pb071

والخياط كنت أخيّط عند الثوب سابقـًا بس السنة اللي فاتت مصّخه معي ..
قايل لي يطلع ثوبك بـ 20 ولا طلّعه الا بـ 27 وبمماعط الشوش :mad:

كنت أفصّل عنده مع التطريز وقماش من برًا ياخذ علي 170 ..
120 خياط و 50 تطريز ..

ألحين عقب ما زعلت عليه رحت للفاخرة ويقولون نخيط أقمشة من برّا بـ 200 :eek:

بس عشان الوالد زبون عندنا بنحسبه عليكم بـ 150 ، ولاحظوا انه بدون تطريز pb093

بس عاد الشكوى لله جينا متأخرين وخلاص ما عاد في وقت الواحد يدوّر ودّه يخلص بس ..

الله يفطّنك بالشهادة ذكرتن ان الفاخرة قايلين يوم 10 تطلع ثيابكم ..

يعني ثيابي الحين جاهزة وعساه تصير مضبوطة مقاساته ..

الله يعين اللي ما خيّط للحين بيقعد يتشحّذهم ويتمننون عليه :(

وسالفة هالثياب مع الشماغ مع الجزمة وانتم بكرامه سالفتنا الأهم خلال هالشهر ..

يعطيك العافيه ..

(هـديــل KUT)
21-08-2010, 07:59 PM
يعطيكم العافية بصراحة موضوع مفيد للشباب بهالوقت تحديدا

aBDUaLeLaH
21-08-2010, 08:05 PM
وعليك السلام والرحمة ..bp039

انا عني قاعد اجرب خياط بعد مالخياط الاول خربها pb093 سارت ثيابه من تالي
ماتنلبس لااقمشة ولا تفصيل
هالحين قاعد افصل عند واحد له اكثر 20 سنة pb030
يفصل واقمشته كلها الجديعي والكيسائي
بخصوص القماش افضل يكون مخلوط pb030 والقطن مابين 5-10 % pb192

اما بخصوص الشماغ مافي زي البسام كلاسيكي هذا يعطيك رزة خطيره pb058

وتسلم على هالموضوع pb189

مش ولا بد
21-08-2010, 08:18 PM
صادق بخصوص ساعه وكذا بس ياخي احس زحمه الي يلبس ساعه وخاتم وسبحه وقلم وكبك يالهوي وش ذا :|

شوف الكبك والساعه هذا شي مهم بنسبه لي وازيد معهم ياخاتم ياسبحه بس كل شي مع بعض زحمه

.. T 3 B ..
22-08-2010, 10:03 AM
’,

ايه هذي المواضيع السنعه :d
وبعدين وش فيهم العالم حاقرينا ؟ pb036
ترى حتى تفصال الثوب يعل ..
خصوصآ لالعب عليك الخياط بقماش زي وجهه ..!
اكثر شي يرفع الضغط لما تكون لا انت في الرياض ولا في الشرقيه ..! pb192
انا صارلي تقريبآ خمس سنوات افصل عند خياط ..
ومات الله يرحمه ..! :( pb189
وجا واحد في نفس المحل .. لكنه كميه دلاخه لاباس بها ..!
ومتوهق في هالعيد .. لذلك هالموضوع بيخدمني اقل شي في نوعيه القماش ..
ياليت بعد تفتحون لنا موضوع للبدل والجزم الله يركمكم ..
تسوون خير ..! pb036 pb027

نبضات
22-08-2010, 11:01 AM
,
بشارك :D ,.
أبوي يعرف يماني يخيط مزبوط في سلطانه أتوقع المهم من زمان يعرفه وصار أخواني يخيطون عنده وشوي عماني وعيالهم وعيال عماتي وأزواجهم pb027 الزبده كل العائلة تخيط عنده بس للأسف ماعرف إسمه pb027 < وش مدخلك
بقولكم وصفه تراني من جنبها في التوصيف بس أعرفكم ذيبان تفهمونها وهي طايرة pb192..
المحل في شارع طيب بنفس الشارع فيه ماك جنبه هارديز أتوقع عند إشارة وجنبهم ميني ماركت أسمه أسواق النادي ع ماأذكر المهم إنه بعيد عنا ولاأعرف الحي بالضبط عشان أوصف زين :D بس بطل للآن مستمرين معه :D
وبالتوفيق :)

تايد مع مبيض
22-08-2010, 12:28 PM
يعطيك العافية يا غالي ..
انا والله كنت اعاني مثلك .. خصوصاً اذا رحت للخياط وأدوش راسي بالأقمشة .. واحياناً ان كان فيني نشاط مرّيت الأندلس وخذت لي كم قطعه وخيطتها .. غالب الأقمشة اللي كنت آخذها من الجديعي .. بس ما ادري من تالي ما عاد تجوز لي أقمشته ..
الشاهد ان واحد من العيال معنا يمدح أقمشة الكويت .. وصادفت اني رحت قبل ست شهور تقريباً للكويت الشقيقة وخذت لي طاقة من خامات عبدالرضا كاكولي اسم القماش جهينة .. وبصراحة عرفت بعدها انه ملعوب علينا .. سواءً من ناحية السعر او القماش.

فصلت منه ثوبين عند الدولي اللي في العروبة .. وكل من شاف الثوب علي سألني عن القماش ..

قررت اني اغير خياطي اللي هو الدولي وأجرب بلان .. ورحت اسحّب عمري ابي افصل باقي الطاقة عنده قال الأقمشه الخارجيه ما نطلعها الا عقب العيد .. اضطريت اني افصل من أقمشة بلان ..
كان اللي ياخذ مقاساتي في بلان واحد اسمه موسى .. أعجبتني طريقته ومعرفته بأخذ المقاسات .. بس موب هنا الكلام .. الكلام على اللبس ..


عبدالرضا كاكولي .. من كشخته .. الناس .. حبته

أخوك .. تايد بالقيمر

man1_9_1
22-08-2010, 12:37 PM
موضوع غريب صراحه بس الله يعطيك العافيه

نصيحه لالاتفصل ابد بالايام هذي ايام الموااسم يافصل قبل ياابعد

وبعدين عندي ملاحظه البناات يعني مضايقينا حتى هنا الله يسامحهم يعني بكل مكان في النت تلقى مواضيعهم ولالا قطينا معهم واللحين يعني يووم صار عندنا موضوع طبووا علينا ظلم ياخي

وبعدين شبا خلونا واقعيين شوي دايم نحط العيب في الخياط ومدري وووشوو وحنا مااادبينها في بيت الشواايه والكااتم معليش يعني كف يدك يضبط ثوبك خلي هذا شعااارك

الخيـّـال
22-08-2010, 02:32 PM
..


وش هالتعقيد اللي تعقدون فيه حالكم .. يعني تروحون تدورون في محلات الاقمشه ثم تدورون ورى محلات الخياطه
وعاد تشوفون وش الافضل فيها .. وتبحثون منّا ومنّا .. هاذي والله كلافه .. انا عن نفسي مالي بها طاقه ولا حمل ..


انا عاد عندي محل وله مكانته .. واخذ القماش .. واحياناً آخذ القياس واحياناً هو يرجع للدفتر ويشوف قياس في المره اللي قبلها
ولو بزود شيء على ثوبي الحالي .. مثل اوسع .. او اطول .. اغير الكم .. او اغير الازرار .. وغيره .. اضيفها ..

يعني الوقت عندي كل شوي يختصر .. لكن المفأجاه اشوف عند غيري يزيد .. مع ان الثياب ماتفرق كثير ..
وهي مثل غيرها .. حسب اللون وهاذي سهل .. وحسب نوع القماش .. وهنا بنعرفه باللمس .. وحسب الجوده يعني ماركته اصليه ..


وش هو الشيء الزائد اللي يحمّس عالبحث .. فانت هالثلاث مواصفات ..
بتعرفها بنفس المحل .. وبدل ماتتنقل من المحلات .. اقعد على محل منها وقت ومنها تتصاحب معه ..

انا لو بروح لمحلات الاقمشه .. بتزيد علي الحيره .. وماراح اقدر اجمّع .. ولا اعرف هذا كان كذا وهذا كان كذا ..
وبالأخير هي حكاية نصيب .. ممكن ماتدور وتأخذلك قماش مرتب .. وممكن تدور تأخذلك قماش وبعد التفصيل مايناسب ..


انا عني افصل مره واحده بالسنه .. واخلص الشغل فيها .. ولو فيه مناسبه هامه .. ممكن افصل قبلها بفتره ..
وبأمانه انا يوم قريت موضوعك جاني تخوف .. بديت اهوجس .. اقول ممكن مافكرت زين .. ممكن ماقست زين .. ياليتني طلبت هذا ..

والله يستر .. وعاد تصدق بالاقلاع ماقد شفت كذا مواضيع فيه سواليف عن الاقمشه
ومستغرب اسولف فيها .. ماهيب من عادتي ..


شكراً لك ..

W A L T E R
22-08-2010, 04:20 PM
-

ياخي انت مششوار :D
أمما أروح محلات أقمشة وأدور لي على قمآش بعدها للخياط :D
شوف إذا بسوي كذا تأكد أن عندي منآسبة كبرى خخخخ :D
يعني زواج << بعد عمر طويل :sm1: ، أو حاجة زي كذا pb027
أهم شي بالثوب طبعاً القماش .. مايجمع الشعر والحوسسة عليه :D
وبعد مايتعفط من أي جلسسة ..
والباقي على شطآرتك أنت وخيآطك pb027
مع إضآفة بعض اللمسآت لجمآلية الثوب ;)pb027
ذكرتني :D ثوبي طالع من يومين وما أخذته pb093
كالعادة ياصغير ياطويل :( إن شاء الله هالمرة مظبوط ;)

LoveNight
22-08-2010, 11:10 PM
هلا بالجميع



نظرة قتالة

هلا فيك هالوقت التغيير مشكله يالله الواحد يحصل خياط يريحه .. بس ان شاءالله انك تطيح باحسن من خياطك

يعطيك العافيه : )


MOOT

الله يحلي ايامك يا الحبيب وهذي الفايده من هالواضيع ان الواحد يعرف وش يختار .. المحل اللي تشتري منه ماله دخل بسوء القماش اللي تلصق وكهرب والخ هي اقمشه السلك ( نايلون ) لانها صناعيه ميه بالميه وهي موجوده عند كل الوكالات .. وهي من اسوأ الاقمشه بالنسبه لجو الرياض ..

اهم مابالموضوع انك لقيت ظالتك يعطيك الف عافيه : )


red's

الله يعافيك حبيبي على هالمعلومات .. ريتشي والملبا كويسين ماعليهم كلام .. الاول بقشان والثاني الكسائي .. تسلم على اسماء الخياطين ويعطيك العافيه : )


نَبض المَعَآنِي

هلا وسهلا كويس يعني فيه احد يجرب اقمشه باكرموم انا اول مره اشتري منهم هالسنه :rolleyes:.. واتوقع ان مستوى اقمشتهم كويس خصوصا اللي ذكرت اساميها في اول الموضوع ..

يعطيك العافيه حبيبي : )


صـح عليك

هلا بالغالي نفس مشكله بعض الاخوان .. العيب مو في الكسائي انن اخذت قماش كميه القطن فيه عاليه وهذا لازم تنقعه قبل تخيطه ..لازم تحط القماش بمويه او تغسله على شان يثبت على مقاس معين .. والخياط يتحمل جزء من الموضوع مفروض يكون عارف ان القماش قطن ويخليه في مويه قبل يفصله ..

هذ الفايده من معرفه انواع الاقمشه وتفاصيلها pb189.. والمفروض كذلك من البايع انه قالك على هالشي .. يالله عموما الله يعوضك .. بس مستقبلا اي قماش نسبه القطن فيه اكثر من 10 بالميه او حتى عشره لازم تنقعه بالمويه ..:rolleyes:

وليتك تعطينا وصف هالخياط وينه ويعطيك الف عافيه : )



كاس ماء

هلا باهل جده ..pb192 موجود محل ابو صافي بالرياض .. مريت عليهم امس وشفت الاقمشه لان الكثيرين يوصون عليه .. طبعا يتميزون بالاقمشه المخلوطه مع قطن طبيعي بس كل اسامي اقمشتهم رموز او ارقام .. ياليت لو تذكر اسم رقم القماش اللي اعجبك عندهم .. لان ما اذكر عندهم قماش اسمه سميرا ميس .. pb087

راي شخصي الفاخره ما اقتنعت بخياطهم واسعارهم ابدا pb026.. غالين بدون اي مبرر .. يعنيث متأكد مايجون بجوده بقيه الخياطين ولا ادري على ايش هالاسعار .!

يعطيك العافيه يا الغالي : )



aBDUaLeLaH

هلا بالغالي يعطيك العافيه .. ذكرت اسمين ماعليهم غبار .. انا للحين اعاني من مشكله الشماغ كل اللي بالسوق يجيك لونه مايل للوردي .. ماعاد فيه مثل اشمغه قبل pb192

تسلم ويعطيك العافيه : )


.. T 3 B ..

الله يحييك .. مثل ماسمعنا ان فيه مميكله للتماسيح راح يفتحونها قريب .. يعني بنحصل كل شي فيها لو تبي سراويل السنه بعد :D

الله يعطيك العافيه : )


نبضات

يعطيك العافيه على المشاركه الوجدانيه .. مع اني متاكد محد فهم شي من الوصف او حتى وين المكان .. طلعيه بقوقل ايرث وحطي لنا الصوره pb059

يعطيك العافيه : )


تايد مع مبيض

هلا بالقالي شخبارك يوبي .. من هالناحيه اتفق معك قلب وقالب الاقمشه هناك فرق عن اللي يجينا بمراحل .. والاسعار مافيها مقارنه ابدا ..احييك على التجربه وانا ان شاءالله ماشي الكويت بكرا .. ومايمنع اني امر على حقين الاقمشه مع اني مكتفي تماما بس موب خساره اقمشتهم .. مع انه للحين فيه تماسيح يحسب الاقمشه مثل بعض خذ اي قماش وانتهت السالفه !!! وعند جهينه الخبر اليقين بمر اشوف جهينه يالبا قلبها .. :rolleyes:

يعطيك العافيه يا الغالي : )



الخيـّـال

هلا بالغالي .. الموضوع مافيه اي تعقدي ولا اي شي ! مثل لما تشتري شماغ ليش تروح تدور وتحوس اشتر العقل ولا البسام وانتهت السالفه ! بس الموضوع غير كذا انت ماتبي تكلف على نفسك .. بس ابي منك تمر محلات الاقمشه باي سوق قريب منك وشوف الاقمشه ! الموضوع مو بس لون وملمس لازم تعرف ليش هذا يناسبك طيب ! وليش ماحبيت هالقماش ومافيه شي اسمه اصلي وتقليد .. فيه صناعات مختلفه صيني كوري اندنوسي ياباني والخ ..:)

انت تشتري قماش بناء على لونه وملمسه وممكن يكون هالقماش من شركه سيئه بعد غسلتين ولا ثلاث يتغير عليك ! الفكره تعرف اول شي افضل شركات الاقمشه بعدها بكيفك اختار مثل مايناسبك .. بس الثياب تفرق كثير .. ماراح تخسر شي مر على اي محل وقله ابيك توريني قماش سلك ( نايلون ) يعني صناعي بالكامل .. وقله ابيك توريني قطن 100 بالميه .. يعني قطن طبيعي بالكامل .. وقله ابيك توريني قماش مخلوط بقطن طبيعي بنسب مختلفه مثلا 10 او 20 او 30 .. وشوف وش الفرق بينهم وبعدها تعال قلي رايك هل حنا معقدين الموضوع ولا فعلا الموضوع يفرق ويستحق انك تروح !

لو الموضوع نصيب كان مافتحت محلات متخصصه بالاقمشه وشركات يابانيه عالميه تنتج مخصوص بس للسوق السعودي ! انا ما اقولك اننا نكبر السالفه انا اقولك حلو ان الواحد يختار شي يعيش معه ولايتغير بسرعه مع الغسيل ويكون مناسب له لذلك تشوف ناس تعرف تلبس وتكشخ وناس لو يدفع الاف مايعرف يختار لانه يقبل باي شي الخياطين ماتحصل عندهم افضل الاقمشه هذي قاعده خلها في بالك الوكيل مايعطيهم..وبس هذي كل السالفه ..pb189

يعطيك الف عافيه : )


وآثق الخطوهـ

هلا بك .. نس الكلام للاخ اللي فوق الدعوه موب مشوار بس فيه ناس تدور الزين وفيه ناس تقولك عادي اي شي وخلاص .. جرب سير على اي محل اقمشه وتفرج لا اقل ولا اكثر ..
بالاخير الخياطين مايجيبون لك كل الاقمشه الزينه لان الوكيل اساسا مايبيع لهم كل شي يبيع لهم الاشياء اللي ماتمشي عندهم فقط ..bp039

يعطيك العافيه يا الغالي : )

بآزّيلّى!
22-08-2010, 11:16 PM
السلآم عليكم

الله عليك موضوع رووعة ..pb189

بس الحين انتهىآ وقته ..ماهقيت فيه خيآط صآحي ..يقبل ثيآب الحين :(

الحمد لله لي حول الخمس سنين اشتري لي طآقة وافصل لي ثنين واخوي اثنين ونهدي للوالد وحدة :sm3:

بالنسبة للثيآب انآ امووت في القطن :sm5: تحس انك مآ ودك تشيل الثوب بس يتعفط بسرعةpb093

عالعمووم
مشكلة الكسآئي والجديعي يرزوون الللي ما يمشي عندهم ..ويالله تطلع بقماش زين اذا انت عميل عندهم

في محل حلوو دلآني عليه وآحد من اخويآي في شارع البحر الآحمر في حي الوآدي مخرج 7

يبيع قطع حلووة

اسم المحل أقطان كويتية

خذيته منه قطعتين كلهآ علىآ 3 متر وربع ..لانهآ مدبوولة مثل الشتوي
يعني مآ يحتآج تآخذ 5

الايطالية pb030طلعت علي بـ 400 ريال بعد المكاسر :(
بس قسم تحس انه مدلع تدليع ..غير طبيعي ..وكانبي قطن 100٪ ..بس شكيتّآ بصرآحة
لكن نجرب ماعلينّآ
و
اليآبآنية بـ 120 ريال من البسآم

وكلهآ طبعآ قطن طآيح واصفر كريمي

اعجبني القماشين بصرآحة ..ولآ طلع ولبسته صورته لكم :D

الخيآط

انآ جربت درزز ..وصرآحة ابدعوآ في اتفصيل الشتوي ..وغيرت فرع المصيف ..وجابوا العيد فيني pb093

والحين رجعتّآ لهم وصكوني بـ VIP

يوم وريتهم فاتورة القماش وكرتوونه كان دلع يخقق:sm5:
عشآن كذآ شكلهم خافوآ


يعطيك الف عآفية عالموضوع ..ياليتني لحقت علييه من بدآيته pb094



هذآ الرد برعآية رونآلدينهو ...واحلىآ سحبة بدفآع اليوفي

abo faars
23-08-2010, 12:06 AM
-

لا لا لا آهدا من كذآ يا عيال pb189
انا عني اخذ اقمشتي من [ باكرموم ] في المعيقلية
اقمشته حلوووة و اسعاره معقولة و راعي المحل ناصح pb189

قماش ( الزعيم ) الثوب 4.5 متر 120 ريال اذا 5 متر 150 ريال

هذا قماشي انا فصلت منه قبل فترة و صلح لي
عاد اللحين مفصل منه 3 ثياب و حسبتها لي بسعر الطاقة pb034


النسبــه للخيـآط ..

عنـد (( مرحبــآ )) ...

يصب الثوب صّبـه عليك ما شااء الله ..

تفصيل خوراافي ,شغـل ذمــه ,ومعرروف وقديــم ..بس انوااع الزحمه الي عندهـ :eek: وعشرهـ رمضـآن يوقف التفصيل خلااص معد فيه الا بعد العيــد ان شاااء الله ..:sm5:

والله انه مهب عااقل ذا البآكستااني خاصة الي يوزع الارقـآم عند البـآب pb192 زااحف ..


يالبى مرحبآ يآ ناس pb189pb189pb189 من هنا الى محله
والثوب تقول كنه مدري وشو :D المهم انه زييين يعني pb027
وترى معد يتسقبل الا بعد العيد انا طلعت ثيابي اليوم pb034

لوف نايت كثر لنا من هالمواضيع bp039

رفـآ
23-08-2010, 12:45 AM
ههههههههههه..
يا خطيرين .. ثوووب ولونه اوووف وايت .. وتحتارون بعد ..

ايه .. انا عندي خبره بحكم اني اروح دايم مع زوجي اذا جاء يفصل فساتينه ..
رحنا المعيقليه مره وشرينا من الجديعي 3 اقمشه ,, واحد كان المتر بـ45 بس طلع فاشل مره .. وااقف بزياده ..
والثاني نباتي بـ 30 طلع مررره زين.. والثالث نسيت والله ..

ايه ويفصل بمشار .. اللي بطريق الملك فهد وقبل كم شهر نقلو لطريق سلطان بن عبدالعزيز اعتقد .. والخياط فلبيني بس مدري وش اسمه .. بس خياطهم مررره رهيب انصح بمشار بقووه ..

ويارب تطلع فساتينكم العيد حلوووووه ..

قمر السلاطين
23-08-2010, 03:01 AM
مدري هذا كأنك تلمح يعني تبون قسم رجالي وكذا ؟pb036
لا تقنعني انك تبي تفيد غيرك بالموضوع <<<<احمرpb024


والله الأقمشة الرجالية النوع القطني طيب جدا للتنانير واكثر من أنيق pb189
وانا انصح البنات اذا جو يفصلون تيور جامعه يشترون قماش رجالي لونه اسود أو مايل للأسود pb189:)
والكل بيسالك عن سر ضبطة الموديل ووقفة التنورة والكسرة اللي مثل السيف ,,تراي ممزح جد:)


سؤال وابي له اجابة
الحين فيه عيال ثيابهم اوكي غالية ولكن ملزلزة ومشنترة pb024
يعني فيها ضيق وقصر
pb058
هذا يحسسك ان ثوبه قديم جدا
ويبين مظهر الواحد انه قصير القامة رغم طوله
غير انه يبين له خصر والمنظر سيء :)
ارجو تبتعدون عن اللزلزة الزايدة والشنترة


وشكرا لوف نايت توقعتك بنت والله bp039
تشرفنا واتوقع انه مرجع للاقلاعيين وغيرهم bp039

ذو اللحية
23-08-2010, 03:04 AM
أفصل عند يمني عند سعودي عن ابو *********

أهم شيء يجي الثوب مخصر ..pb024

حلم أنتهى ..!
23-08-2010, 03:29 AM
السلام عليكم ...

يعطيك العافية ع الموضوع

استفساري الوحيد عن خيآط بلآن وينه فيه ولا عليك أمر .. ؟
نبي نغير الخيآط السنة هاذي لأني صرت اشوفه يبربس شوي مع اني متعآمل معه من سنوات

سراب المحبه
23-08-2010, 03:52 AM
^

بلان نهاية شارع جرير بالملز باتجاه الشرق تلقاه على ايدك اليسار مبنى كامل ,
بس عموما الان مايستقبل الا بعد العيد :d

late time
23-08-2010, 04:03 AM
ماتوقعت الثياب شغله كذا..احسب تدخلون المحل تقولون عطنا 3 متر خذ المقاسات وفصل:D

بما اننا لازم نتلقف ونشارك بشارك..
الثوب لاصار ضيق مقزز جداً..ولاصار وسيع بزياده برضو شين..احسن شي المعتدل..

بالنسبه للخياط اللي يتعامل معاه ابوي من عرفته وهو مايفصل الا عند الفاخره..اتوقع ماقد جرب غيرهpb093
بس ممكن تشرحون وش الفرق بين الثوب الكويتي والثوب السعودي و و؟

شكراً صاحب الموضوع وان شاء الله كلكم تتوفقون بثياب العيد

روحك دليلك
23-08-2010, 04:36 AM
والله حركاآإآإآإآإآإآت وصارت لكم مواضيع ازياء <<<كوووشخهpb034

أنا اساسا ماادري اشلون تفرقون بين الثياب ولا الأشمغه ماأشوف الفرق pb093

يعطيك العاآإآإآإآإآفيه bp039
ان شاء الله تستفيدون من بعضكم
ومنها بعد نتعلم عن ثقافاتكم pb030

أسـتـكـثـرـك
23-08-2010, 07:04 AM
يعطيك العافيه على المجهود

تخيل أعطيك وجه؟
23-08-2010, 07:14 AM
والله زماان عن الاقلاع يالبى قلوبكمpb189

الزبده انو انا احب اللون الاصفر رغم اني هلالي طبعا بس ما اتخيل قماشي ازرق والا نيلي احس ماتو اللي يختارون ذي الالوان:sm18:

أما الخياط عجت أحصل خياط كويس الحين توني مفصل في الدولي لا وكبك الله يسترpb034:D

كاس ماء
23-08-2010, 07:48 AM
كاس ماء

هلا باهل جده ..pb192 موجود محل ابو صافي بالرياض .. مريت عليهم امس وشفت الاقمشه لان الكثيرين يوصون عليه .. طبعا يتميزون بالاقمشه المخلوطه مع قطن طبيعي بس كل اسامي اقمشتهم رموز او ارقام .. ياليت لو تذكر اسم رقم القماش اللي اعجبك عندهم .. لان ما اذكر عندهم قماش اسمه سميرا ميس .. pb087

راي شخصي الفاخره ما اقتنعت بخياطهم واسعارهم ابدا pb026.. غالين بدون اي مبرر .. يعنيث متأكد مايجون بجوده بقيه الخياطين ولا ادري على ايش هالاسعار .!

يعطيك العافيه يا الغالي : )[/CENTER]

يا مرحبًا بو pb192

هذا سلّمك الله قماش سميراميس مقسّم لعدّة ألوان وأنواع ..
عاد رموزه والله ما اخبرها ..

حتى مب مكتوبه على القماش ..

انا أخذت منه 3 أنواع مختلفة من سميراميس ..
خيّطت اثنين والثالث خلّيته لـ بعد العيد ..

عاد هذاه قدّامي مكتوب على القماش ( ابو صافي. ميد ان جابان - سميراميس - SEMIRAMIS )

هو ان اسمه سميراميس هذي انا متأكد منها pb192
لاني كل ما دخلت اقول له ورّني سميراميس ويطلّع لي الأقمشة ..

لكن برموزه عاد هنا انت وذوقك ، في منه الخفيف والأثقل شوي والأبيض والأوف وايت والبيج والأصفر وهكّا pb071

رح لمّه قال انا جاي من طرف كاس ماء وما لك الا اللي يسنّعون امورك pb192

بالنسبة للفاخرة أبد منب مقتنع فيهم ..
لكن الوالد خويّهم وخيّاط الثوب زاعلته السنة اللي فاتت :( وماش تثيقلت ارجع لمّه ..

الفاخرة فصّلت عندهم شتوي والله يصلحه حط لي اياه مخصّر :sm18: وعلى ذيك اللبسة ما لبسته pb093

لكن ثيابي هالمرّه قياساته لهن حلوه مب شينة ..
لكن خدمة سيئة ، أجل نص ساعة أجلس بالمحل عشان استلم الثياب !! pb036

من هنا للعيد الجاي ان شاء الله أدبّر لي رفيق جديد ..

عوافي ..

العنيد
23-08-2010, 08:30 AM
ياهلا والله ومسهلا
حياك الله خالي وموضوع جميل مثل هالايام صراحه لان مثل ما انت شايف حتى الخياطين الخايسين يقول يخلص ليلة العيد
بالنسبه لثيابي اروح للخياط كل ماحتجت ثوب يعني هذا احترق كمه :d ولا انكب عليه زيت فرامل خخخخ ولاجاك احد المبزره ومسح خشته فيك يووه تعاف الثوب :d
ولاجاه شي اروح افصل ثوبين ..

يعني الدولاب عندي خمسة ثياب تقريبا سليمه و3 خربانه وعشر طعش قديمه !! ودي مره اجمعها واطلعها مسببه زحمممه
بس كل يوم نقول اليوم :o

ثوب لسهرات وثوب لطلعات العائليه وثوب لطلعات الرسميه وثوب الدوام :P وثوب النوم << لاقيكم خخخخخخخ


طبعا التفصيل يكون في محل جنب بيتنا هندي محترم وخلوق جدا :d ويتنقى لي الزين دايم
والله مادري عنه :D بس الشهاده لله الاقمشه الي يجيبها يابانيه ولاتخرب مع الوقت
تفصيل الثوب بـ150 تقريبا وبعض الايام يخصم لي 20 pb027 وياكثر مايسجل والطعه ياحبني له :(pb189


بس بيني وبينك يا لوف نايت بين الثياب كلها يكون فيه واحد تحبه وترتاح فيه مادري ليه .. مع انك مفصل ثنين سوا
يجي واحد تحبه وواحد عادي .. مادري اذا هذا الشي عندي لحالي ولاكلكم


على طاري الثياب مره جربت اغير الثوب السعودي
جربت القطري والكويتي والإماراتي اماا العماني مالقيت لهم ثوب خخخ مادري شسالفتهم

اكثر شي عجبني القطري والكويتي اما الاماراتي ماهضمته والسعودي حاجه ثانيهpb192

يعطيك العافيه حبيب ئلبي ولاهنت على التقرير الجيد والتسويق المميزbp039

مايطاوعني قلبي
23-08-2010, 12:47 PM
بس بيني وبينك يا لوف نايت بين الثياب كلها يكون فيه واحد تحبه وترتاح فيه مادري ليه .. مع انك مفصل ثنين سوا
يجي واحد تحبه وواحد عادي .. مادري اذا هذا الشي عندي لحالي ولاكلكم





اييييه ايييييييييه غاثتني هالحركه واجد :( .. ومن زود الوسوسه
فصلت ذاك اليوم ثوبيين بـ نفس الخامه واللون عشان ما اجلس البس و1حد واسحب على الثاني
بس بعد ماضبطت والوسواس استمر على ان واحد منهم مقاسه مضبوط وعشان كذا انا اكرفه :D
والثاني مقاسه خربان وعشان كذا انا ساحب عليه pb027 ..


/

فصلت امس ثوبيين للعيد بس وبعد العيد يحلها حلال ..
بس عاد ليتهم يخلصون قبل العيد موب ليلة العيد نحتاااااااس :(:D
انا خياطي جنب بيتنا وممتاز صر1حه واسعاره حلوه وعلى حسب القماش اللي بتاخذه منه
الحااايك اللي بـ شرق الرياض "الروضه" .. بطططل كـ خياطه صار لي فتره طويله وانا افصل عنده pb189
نشششطح بـ باقي اغر1ض العيد ولا نسولف عن الثياب ونمسك الباب ؟ pb094


وعيددددددكم مبـارك قبل الزحمه :opb189 ..

احلم بقربها
23-08-2010, 02:12 PM
LoveNight

موضوعك خطير .. تراه في المفضله :d

بصراحة انا معاناتي كبيره مع الخياطين ولاقمشه وخاصه الفتره هذي ..

انا لي خمس سنوات او اكثر كنت اتعامل مع خياط باكستاني :d .. انما آيه ياخذ مقاساتك
بالنظر مايحتاج متر :d .. المهم ذا الخياط عارف نواع اقمشتي الي هي المشروك
لدرجة اني منيب اتعب نفسي لين جيت افصل عنده ولا حتي انزل من السياره :D
مجرد بوري ويطلع رشاد من باب الخياط واقوله ثنين ثوب :d مانقص الا اقول كثر شطه :d
حتي الاقمشه هو الي يختاره عارف ستايلي :d ... كنت ماشيل هم التفصيل والاقمشه الفتره الي راحت
وكانت الثياب 100% .. : ]

لكن قدر الله عليه وقفل ... وضعت :(
تقريباً فصلت عند ثلاث خياطين جدد ولا واحد اعجبني تفصيله ؟!!
وفي بداية رمضان فصلت عند خياط في المحمديه مادري احس انه كويس
الان الهندي الي فيه شكله كاش معه لاند كروزر :d وساعه ذهب وخاتم ذهب
كانه من شياب الحله :d مانقصه الا ضرس ذهب .. بس الي فهمته منه
ان له اكثر من 20 سنه في الرياض وله فرعين واحد في السويلم والثاني في شرق
الرياض .. \

المهم ان الثياب بتطلع الويك اند هذا وبنشوف كيف الوضع :( .. واسعاره مقاربه لـ اسعار مشار .. شكله لاعبن علي :d

بس عن جد كل الشكر لك على الموضوع مرجع قوي لي
وخاصه في الاقمشه


هذا الموقع كل بين فتره وفترهـ ادخل ذا الموقع
ودي اجرب افصل عندهم

http://www.lomarthobe.com/shopping/image.php?object_type=detailed&image_id= 28

http://www.lomarthobe.com

تسلم

umfares
23-08-2010, 02:15 PM
مررره شكرن استفدت كثير
بس ياليت فيه صوره للتفصيل الكويتي والحجازي عشان نفرق

Oriental Sense
23-08-2010, 04:26 PM
( محل باكرموم )

عندهم اقمشه مميزه جدا مخلوطه مع قطن طبيعي بنسب مختلفه .. طبعا بالنسبه لي اي ثوب فيه نسبه قطن يتكسر او يتعفط ما احبه لذلك اخذت اقمشه بنسبه قطن بسيطه ..

تجربتي مع اقمشتهم

قماش ( رويال ) الثوب 4.5 متر 120 ريال اذا 5 متر 150 ريال
قماش ( الزعيم ) الثوب 4.5 متر 120 ريال اذا 5 متر 150 ريال

يعطيك العافية اخوي على الموضوع
وباكرموم لي طحت عليهم قبل سنتين تقريبا ولا عاد صرت اشتري الأقمشة الا من عندهم وصاروا يعرفون .. لدرجة اني اكلمهم بالتلفون يرسلون القماش للخياط حقي ..
وآخذ تحديدا قماش الزعيم بمختلف درجات الوانه وفيه لون يسمونه النباتي هذا اللون روعه جدا درجته ما بين الاصفر والابيض والاخضر الخفيف جدا
أخذت رويال برضوه قماش بطل بصراحة
عموما انا من النوع اللي مؤخرا صرت افصل من الأقمشة الواقفة .. لأنها بصراحة تعطي منظر افخم ..
وعلى فكرة مدري انت جربت اقمشة الصوف اللي عندهم ولا لا .. بصراحة اقمشة روعة لكن غالية ..

طبعا بما انك فتحت موضوع الاقمشة خلنا نفتح موضوع الخياطين
يعني الواحد حرام يشتري قماش غالي وروعة ثم يوديه عند خياط يحوس له ام الثوب
الخياطين اللي اعجبني شغلم
خياط الأناقة اللي بطريق الملك فهد .. لأني لاحظت ان جودة التفصيل عند الاناقة تختلف من فرق الى آخر ..
أيضا خياط درز ..حلو
خياط بلان بصراحة ما اعجبني كثير ..فصل لي ثياب وسيعه وحاس قماش غالي كنت شارية

Boh ~
23-08-2010, 04:48 PM
.


ماشاء الله :D , جاء العيد وجاء التسنع :D pb189
بالنسبة لأبوي وأخواني مدري وين يفصلون بوِه :D
بس الشي إللي يحير :confused: , شلون تفرقون بين ثيابكم :confused: !!
يعني مثلآ أبوي بعض المرات يقولي جيبي ثوبي الأصفر أو الابيض أو أي شي pb036
وإذا جبتوِه يقول لا موب ذا الثاني , مع إنهم كلهم نفس اللون والشكل :(
شي يفك المخ pb027 , يلآ عقبال ماتصيرون أكشخ شي بالعيد bp039

sneack
23-08-2010, 06:23 PM
اهل المدينة عطونا من تجاربكم شوي خلنا نكشخ ..:d افضل محل للاقمشة وافضل خياط :$

عن نفسي ماروح الا جده وفصلت قبل اسبوعين من هناك في المدينة ماجاز لي شيء

شفايف حمراء
23-08-2010, 08:08 PM
طيب ممكن آتلقف << طبعا عاده

الكندوره حقت الامارتيين .. وش رايكم فيها وش اسم القماش حقها

ويعطيكم الف عافيه

LoveNight
23-08-2010, 09:01 PM
هلا بالغالين



بآزّيلّى!

هلا بك حبيبي .. الاقطان اللي نسبه القطن فيه بسيطه يعني 10 او 15 مايتكسر بسرعه اذا زادت النسبه هي المشكله يصير الثوب متعفط بكل وقت ..

اذا يهمك القطن انصحك للمستقبل تزور محل ابو صافي وركن الاصواف بالذات الاخير اشهر من نارع لى علم بالقطنيات واسعاره مناسبه جدا .. كلهم تحصلهم بالرياض بشارع ابليسpb130

يعطيك العافيه : )


غزال صعب صيده

هلا بالغزال .. اسمك وهقه اللي يقراه اول مره يخق بس طلع لنا الشنب نسال الله السلامه:D

باكرموم عندهم كذا نوع مميز وهذي ميزه هالمواضيع تخلي الواحد يعرف انواع واشياء جديده ..

يعطيك العافيه يا الغالي وعقبال ماتفصل العالمي pb032


وصــــايف

هلا فيك وصايف الموضوع مو حيره .. الفكره انك تعرف وش تلبس وان فيه فروقات وان الموضوع مو بس ثوب وخلاص .. هذي الفكره وفيه ناس من زمان وهم على هالحال اساسا ويفرقون بالاقمشه ويعرفون وش يناسبهم ووش اللي يطلع عليهم حلو .. والبعض اي شي وخلاص

ومن تجربه زوجك شفتي ان بعض الاقمشه تطلع حلوه وبعضها عادي .. هذا بدال ماتدعمون التماسيح على شان يتكشخون لكم pb192

يعطيك العافيه : )


قمر السلاطين

اولا الله يسامحك يعني ماشفتي السكسوكه وهالملح ! جرحتي سكسوكتي يوم قلتي احسبك بنت !:(

حقيقه وانا اشتري اقمشتي يدخلون للمحل بنات كثير وحريم استغربت سالت راعي المحل وش سالفه الحريم صارت موضه عندهم اقمشه الرجال ! قال لا ياخذونها للمراييل ولبس الجامعه على شان الاقمشه ماتحبب بعد الغسيل وتكون احسن بكثير !

يعني شفتي كيف ان الموضوع مفيد ويفرق حتى للجنس الناعم ! وان لنا تاثير على لبسكم :rolleyes: بس محد يقدر

بالنسبه للي يخصرون ثيابهم انا اعتبرهم شواذ حقيقه ولا وش الفكره ؟ يمكن من زود خلفيته الثقافيه ومن باب المشاركه في هالثقافه ! او انه من حقين جلسات الشكشكهpb034 اللي يدخل يدينه بمخباته ويزمه على جسمه ويبدا يترزز ! الثوب اللي اعرفه يعطي للرجل هيبه ورسميه موب يظهره بهالشكل :confused:

يعطيك الف عافيه واتوقع ان كثير تماسيح بيتكشخون بعد هالموضوع : )


late time

هلا فيك ولازم تقنعين الوالد يغير هالخياط لاني ما احبه :rolleyes:

لاطبعا الموضوع موب بس ثوب وانتهت السالفه فيه مئات الخامات اللي تفرق فعلا باللبس .. الفروق بين الثوب الكويتي والسعودي تقدرين تلاحظينها اولا ثيابهم وسيعه بزياده الاكمام والثوب ككل .. السفطه اللي تجي بالامام هذي الفروقات الجوهريه وباقي التفاصيل ما اعرف كيف اشرحها لك بس بالاخير هي عادات وتقاليد .. وكل واحد يرتاح بالمعتاد عنده ..

يعطيك العافيه : )


كاس ما


الله يعطيك العافيه حبيبي على العوده من جديد .. ضروري اجل اشوف هالقماش لاني الحمد لله مخلص من زمان .. فجالس هالايام اقارن واسجل الاقمشه اللي اعجبتني على شان يصير الواحد عارف وش يناسبه ..

تسلم حبيبي ويعطيك الف عافيه وعقبال مانشوفك تفصل عند بلان : )


العنيد

الله يعافيك حبيبي .. انا والله هذي اول تجربه لي انزل بشكل خاص على شان الاقمشه .. لاني فعلا اعتبره عالم غامص مانعرف تفاصيله نفصل ثوب وبس .. وتفاجأت من نجاح تجربتي يوم نزلت مخصوص لمحلات الاقمشه المتخصصه ولقيت خامات ما اشوفها عند الخياطين .. يعني الموضوع تجربه شخصيه وحبيت انقلها لكم ليت عندي محل على هالتسويق :rolleyes:

تصير مثل ماتفصلت معي كثير المفاضله بين الثياب بس تكون في حاله ان القماش يختلف .. وانا ما اكرر ثوبين من قماش واحد .. ومرات بيني وبينك تصير على التفصيل وذمه الخياط اذا خيطه لك بشكل دقيق وصحيح .. القص قبل التخييط امر مهم بعضهم يزبطه وبعضهم من جمبها ..

شاكر لك المداخله وان شااءلله نشوفك بالثوب الصومالي : )


مايطاوعني قلبي

سولف باللي تبي يابعدي هالموضوع نواه لمواضيع رجاليه قدامه ان شاءالله .. لازم نطالب بحقوقنا الشرعيه ويكون لنا قسم يهتم بخلاقيننا .. مفيش حد احسن من حد

الله يعافيك : )


احلم بقربها

هلا بالغالي .. الله يزيد فضلك ويسلمك ..

صراحه فاتنا هالخياط ياخذ المقاس بالنظر !! ماشاءالله ليزر موب عيون :D

مشكله الكثيرين مثلك يا الغالي يقفل خياطهم بعد ما يتجر ويتوهقون .. لذلك احسن شي الواحد يتعامل مع خياطين على مستوى ومعروفين .. بس لوتاخذ ثوب من الثياب اللي عاجبتك وتعطيه الخياط تقوله سو لي كربون ..

اذا بغيت خياط ممتاز وصدق مسويلك مشكله هالموضوع راسلني بس وادلك على واحد بيكون احسن من اللي تخيط عنده قبل .. طبعا الاساس بلان بالنسبه لي .. بس فيه ثاني صراحه مستواه عالي قريب من بلان ..بالنسبه للي حطيت موقعه هذا لومار بشارع ابليس بالرياض شارع الدشوش اللي يتفرع من شارع العليا العام .. بس طبعا اسعار مبالغه يعني 600 الى 800 وبعضها 1500 !

فيه خياطين صارو يسوون مثله تطريز والخ باسعار زينه ..

الله يعافيك يا الغالي على هالمشاركه الحلوه : )

يعطيك العافيه يا الغالي : )



Oriental Sense

هلا بالغالي .. الاحظ كذا واحد معنا يتعامل مع باكرموم وللامانه عندهم اقمشه مميزه وهذي اول تجربه لي معهم بعد مادرت كثير من ملاحت الاقمشه .. ودي بعد تشوف ركن الاصواف هذا من اقدم محلات الاقمشه وابوصافي بشارع ابليس .. شفت عندهم اقمشه جميله خصوص الواقف ..

وكذلك اشوف كثيرين يثنون على الاناقه مع اني ما اذكر قد شفته ..والله مدري وش اقولك عن بلان مستغرب يعني المفروض لما ياخذ مقاسك يقيس على الثوب اللي عليك اذا مناسبك خلاص بتكون نفس القياسات ! وش سبب الاختلاف اجل !

يعطيك العافيه يا الغالي وشاكر لك المشاركه : )


Boh ~

هلافيك اكيد فيه فروقات الاقمشه موب واحد والتفصيل موب واحد يمكن الوالد يرتاح لى ثوب معين على شان قياساته او خامته .. ولو مافيه فرق كان ماحدد وبعدين الموضوع بسيط ترى من شكل التفصيل ينعرف الثوب خصوصا اذا كان عنده ثياب عند اكثر من خياط ..

يعطيك العافيه : )


وشاكر لكل من علق وحب يتواجد معنا بالموضوع يعطيك العافيه جميعا

البَـدر
23-08-2010, 09:14 PM
الأكمام تكون عادية بس مفتوحة من الجنب وفيها زرار بحيث لو بحط كبك أقدر
ولو ما أبي عادي يكون مسكر الزرار وكأنه كم عادي .. من عرفت نفسي ما أحب الكبك اللي يجي جواه كرتون وقاسي :D
في واحد يسأل فالتقييم :
http://img828.imageshack.us/img828/682/73474335.jpg


http://img163.imageshack.us/img163/2300/60792665.jpg

دورت في قوقل ما لقيت لك صورة pb036bp039
بس هو كذا يطلع كأنه كم عادي سادة ، بس فيه مجال إنك تلبس كبك :D
عموماً أنت أسأل الخياط قله كبك سادة أو خله يوريك من الثياب اللي عنده طايحين فيها هالحركة

مشكور لوف نايت الموضوع لقى له صدى والله .. ومعليش ع البثارة بس قلت بجاوب :Dpb189

Prestige girl
23-08-2010, 09:17 PM
:d
ماشاءالله عليكم , مبوركات عليكم الي فصلو والي لسا
وكل عام وانتم بخير ^^

الخيـّـال
23-08-2010, 09:31 PM
شوف يالغلا .. انا من النوع اللي ما ادقق .. حتى بغير ملابسي برضو ..
وانا يوم اقول بس اروح هذا المحل والقى التفصيل والخياطه .. فهو لانه صاحب سمعه .. ولا اتوقع فيه محل بيضيع سمعته بقماش شين!

وهالحين محل الاقمشه وش يضمن لي ان اقمشته من الوكاله وانها بهالجوده .. طبعاً لاسم المحل .. يعني حكاية سمعه !
بعدين .. انت تقول يختار قماش رخيص ثم هم يبيعه بسعر غالي .. مو طيب يقدر يجيب قماش غالي ويبيع بسعر اغلى..


وانا اقصد المحلات اللي عليها زحمه .. اما محل عادي آكيد بيحسب حساب القيمه .. لانه مايضمن فيه زباين .. فبيضمن اقل خساير ..
واضافه لحكايه انك تعرفه ويعرفك .. من هنا تقدر تمسكه من يده اللي تعوره عكس يوم ماتكون زبون له ..


بس آكيد طريقتك افضل .. خصوصاً انك تختار اهم شيء وهو القماش ..
لكن انا عني .. من النوع اللي مايحب يتعب حاله .. ويقصر المشوار : )


شاكرلك مره ثانيه .. وكل عام وثوبك كشخه ..

الأســـــــــد
23-08-2010, 10:01 PM
[CENTER]



الأســـــــــد

هلا بالغالي .. تجاربك متنوعه وغنيه بس استغربت تجربتك مع بلان انها كانت مش قد تطلعاتك ! لومار يعيبه السعر المرتفع الغير مبرر صراحه .. اما باقي الخياطين ماعندي خلفيه عنهم .. ياليت تقولي وجه اعتراضك على تفصيل بلان ..

تسلم حبيبنا ويعطيك الف عافيه :)








لـ الآسف الثوب ما تآخذ رآحتك فيه
القيآسآت مو مضبوطة

غير كذآ آستغلآلي بشكل فضيع
ألازرار .. تدفع عليها مدري كم عشان يحط لك أزرار غير العآدية

التطريز .. العآدي " خط سآدهـ "
بـ 150 تقريبآ .. ليه ؟
المعروف من 50 ريال
70 آن كثرت و كان الخياط شغله تمام و سمعته فوق



أنآ آنغبنت منه
قماش قيمة المتر 60 ريال من الجديعي
رآح علي

آخرتهآ آخذت الثوب و على لومار
كان عندهم عرض تعطيهم ثوبك القديم و يسون لك خصم 100 ريال

قلنآ ريحة أبو زيد ولآ عدمه




pb071

(Saudi Jeans)
24-08-2010, 02:07 AM
طيب هل الخياط الى الان ياخذ 70 ريال كشغل يد؟
والا ارتفعت الاسعار؟؟
لي زمان ما جبت قماش
اجي للخياط واختار القماش ويخيطه لي واحاسبه

bp039

الأســـــــــد
24-08-2010, 03:13 AM
طيب هل الخياط الى الان ياخذ 70 ريال كشغل يد؟
والا ارتفعت الاسعار؟؟
لي زمان ما جبت قماش
اجي للخياط واختار القماش ويخيطه لي واحاسبه

bp039


مآ آعتقد آحد بيآخذ منك الحين pb093

خصوصآ الخيآطين المشهورين و اللي شغلهم تمااااااام التمام


و آن في آحد بيآخذ فـ 100 ريال و طالع pb192

فارسه الحب
24-08-2010, 04:17 AM
انا وش جابني هنا


اكيد حبيب قلبي ولدي

افصل له في المناسبات والاعياد عند ( تصميم vip)
القماش انكليزي بس وش بالضبط ؟؟ ما اعرف والخياطه عندهم توب وطبعا لابد احط موديل وحركات ( تري ولدي عمره 8 سنوات)
الموديل الاخير فيه شغل زري وقصب فضي وابيض مبدعين فيه كلف 970 ريال

بس
ادعوا عقبال ما اشوفه عريس ياااربpb189

ابريشم..
24-08-2010, 04:56 AM
موووضوع رااايق وغريب
اممم مكمن نصيحه لوحده حابه تهدي زوجها كذا نوع من اقمشة الثياب من المعيقليه وشكرااا

UnrEachable
24-08-2010, 05:46 AM
-

انا اللي انصدمت منه قماش شتوي المتر بـ الف وشوي .. او الف بس - ناسيه لحد يدقق - :D بالجديعي
ناوية آخذه تنوره خخخخخخخخخخ ويقالي وانا انقي اشكال الاقمشة الشتويه
يوم قال لي السعر واسكت اسوي نفسي يعنني متردده pb094 وانا ابي اروح للباب pb027

موضوع حلو , وسع صدري , وضحكني يوم تذكرت موقفي :D

جفنشي@
24-08-2010, 06:24 AM
الله يعافيكم ابي افصل لولدي ثوب فيه تطريز وحركات ابغى احسن محل تفصيل ولايكون غالي ابي تسعيرات الله يخليكم لهلكم
ولدي ابو ثلاث سنين


تكفون <<<<<<<<<<وترى تكفى تهز الرجاجيل

ابي في هاليومين

آهات حزن
24-08-2010, 06:30 AM
موووضوع رااايق وغريب
اممم مكمن نصيحه لوحده حابه تهدي زوجها كذا نوع من اقمشة الثياب من المعيقليه وشكرااا

عندك الكسائي
والجديعي كلهم حلويين

شباب ليش ما ترشحون احسن محلات خياطه رجاليه وليت بالشمال الله يعافيكمpb189

ليليان
24-08-2010, 07:14 AM
موضووع بطل

اتعذب و انا اكوي ثياب اخوي اللي بالمتوسط قماااشه ووووعوووه مب حلووو ابد ما ينكوي زين

ابي احسن قماش ينكوي زين و ما يتعفط >>>>> اهم شي راحه ايدياتي

هلآلي مقلع
24-08-2010, 09:07 AM
موضوعك حلو يا لوف نايتbp039 ,,!
بالنسبة لي ,, أنا صارلي ثلاث سنين أخيط من الفاخـرة pb189..! خياطته حلووهـ
ويرسمهـا بالميلي .. قبل خمس سنوات اخذ أفضل خياط بـالمملكة على ما أتوقع :sm12:.

يـاليت يكون فيه مواضيع اخرى تخص الشمغ والجزم والمستلزمات الأخرى .
وعندي فكرة ..!@ فكرة التشخيصة أو تسريحة الشماغ جاني إيميلي عليهـا ودورتها تو للأسف ما لقيتها !!:mad:.

وابي نصيحتكم عن مشـار pb192 .

LoveNight
24-08-2010, 11:34 AM
البَـدر


لا وش دعوه يالغالي ودنا نسولف فيه عن هالمواضيع نطلع عن روتين المواضيع المعتاده وتمنيت كل من رديت عليه رجع وناقش الكلام .. لانه بيصير الموضوع متشعب مو بس عن الثياب ..:)

تسلم ربي يسلمك : )



الخيـّـال

هلا بك مره ثانيه يا الغالي .. انا ما اقول انه يضيع سمعته .. انا اقول ان اللي عنده مو هو الأفضل وكلاء الاقمشه مايعطون الخياطين افضل اقمشتهم .. يبيعونها عن طريقهم ..

اما بالنسبه كيف تعرف القماش انه اصلي او لا طبيعي اذا شريت من اي وكيل معروف بيكون القماش اصلي .. مثل الجديعي الكسائي العيسائي باكرموم قطن والخ .. هذولي وكلاء لمصانع عالميه

كل واحد له طريقه بس عني انا صراحه اهتم كثير بنوعيه اللبس لانه يفرق ولو تجرب مره بتعرف الفرق

يحييك ربي : )



الأســـــــــد

والله يا الغالي غريبه :confused:انا اليوم كنت عند بلان وصادف ان فيه علي بلان صاحب المحل رجال كبير بالسن وجلست تقريبا انا وياه ساعه ونص نقلت له ملاحظاتكم على انها تخصني قلت له مرات افصل عندكم ويكون الثوب فيه كذا وكذا ..:rolleyes:

الرجال يشتغل بسمعه وضمير لابعد حد واي ملاحظه عندك رجع الثوب يعدلونه لك بالكامل ..وراني خطوات تفصيل الثوب تخيل انها خمسين مرحله ! يمكن تستغرب بس هذا اللي صاير يمر الثوب على خمسين مرحله ومكينه لين يطلع وتلبسه ! pb189

انا اقدر الاحتراف لانه هو اساسا خياط وفاهم الشغله ولا يسمح بشي يطلع من محله بمستوى عادي !

لو انا منك رجعت له من جديد ووريتهم الثوب وكل اعتراضاتي يتقبلون كل شي

يسلمك ربي : )



فارسه الحب

الله يحليه لك ويحفظه وتشوفينه عريس وتشوفين عياله بعد pb189.. اذا الثوب زي ماقلتي فيه شغل وتطريز واشياء كثيره ممكن يكون مميز وحلو .. وتكتمل فرحه الصغار دايم مع اللبس والكشخه بالعيد .. ليتك تورينا صور للثوب نشوف الكشخه : )

يعطيك العافيه


أسيرة حلم.

الاقمشه والمحلات اللي ذكرتها لك في اول الموضوع كلها تستحق اللبس .. ولازم تعرفين قبل هل هو يحب السلك ! يعني تترون او نايلون يعني خامه القماش صناعيه ولا اللي فيها قطن ! ولا اللي كلها قطن عموما السلك الناس تركته من زمان:rolleyes: .. الاقمشه اللي ذكرتها مناسبه ومتنوعه سجليها عندك واطلبها بالاسم وشوفيها على الطبيعه ..

اذا ناسبتك بتكون حلوه باللبس ان شاءالله .. بس من بيخيطها ! راح الوقت :|

يعطيك العافيه : )

LoveNight
24-08-2010, 11:48 AM
UnrEachable


هلا فيك ايه عادي توصل هالاسعار .. الاصواف الكشميريه معروف من زمان غاليه يمكنه من هالنوعيه.. انا شفت قماش صيفي يوصل سعر المتر 800 ريال ! قطن طبيعي بس نادر والخ ! بس انتم اللي توصل اقمشتكم الاف :rolleyes:

يعطيك العافيه الله يوسع صدرك بالعافيه : )



جفنشي@

يا الغاليه ماعاد فيه وقت اغلبهم مايقبل زباين :confused:! بس يمكن على شانه صغير مافيه شغل واجد يقبلون منك .. اذا تبين الخياطه اللي فيها تطريز وبهرجه والخ ممكن ينفعك خياط لومار ولهم موقع بالنت اكتبي بالبحث لومار ثوب ويطلع لك .. وحاطين اسعار مكانهم قريب من شارع التحليه ..

بس بما انه طفل pb189لاتدققين على الخياطين المعروفين بيكونون غالين جدا على غير سنع ! بالحي اللي ساكنه فيه شوفي اي خياط معقول وشوفي خياطه وتوكلي على الله بالاخير يهمك التطريز اكثر من تفاصيل الثوب .. الوقت حاليا مشكله صراحه

والاحسن اشتري له دقله ولا مرودن pb189 خليه يكون مميز عن البقيه .. العيد كله الصبح وبعدها خلاص بدل وحوسه

الله يحفظه لك ويعطيك العافيه : )


ليليان2

اي قماش فيه قطن يتعفط ولا ينكوي زين .. بس انه احسن باللبس .. اقمشه السلك هي اللي ماتتعب بالكوي وهي اللي يستخدموننها الاصيل والدفه والخ ..

يعطيك العافيه : )


هلآلي مقلع

هلا بالغالي الله يحيي كل ايامك .. كثيرين يشتكون من الفاخره بس دامك مرتاح لهم خلك عليهم .. مشار عن تجربه شخصيه وراي شخصي ما افكر اخيط عنده .. اي خياط يحط الخياطين الكويسين لزباين معينين هذا اعتبره نصاب .. وبقيه الزباين يخليهم للعاديين ..

خلك على خويك او جرب بلان .. لا يعلى عليه : )

يعطيك العافيه حبيبي : )

منصفق
24-08-2010, 12:45 PM
هذا والله الموضوع الزين اللي ينفع للقراوى اللي مثلي قسمن بالله بعض المرات احس اني لو البس ذاك القماش حق القديمين اللي يسمونه تترو احس عادي مايفرق معي :d بس بالفتره الاخيره بديت احس وبدى يطلع لي قلب وحسيت بالانواع وخاصه هاللي يجيك فضفاض وبه لمعه احس اني وانا لابسه حسين عبدالرضا :d <-- قروي قروي من جد :d
اول مره انتبه للجديعي والكسائي ومدري ويش على اني دايم امر من عندهم بس احس انهم حقين عيال النعمه ماينفع لهم واحدن الى صار معه عشرت اريل عبى بخمسه وخلى خمسه معه على شان بكت التتن :d
المهم اني افصل عند محل في اشبيليه اسمه النورس يمانيه بس قسمن بالله يبردون التسبد عندي ثياب كملت ثلاث سنين منهم تسنها جدد بس عسى الله لايغيرهن ويتشققن <-- الظاهر ناوين يعيّد فيهن :d
الله يجزاكم خير ويجزى من كتب هالموضوع خير واصلوا وحنا بنستفيد

الخافق المجروح
24-08-2010, 01:14 PM
ياشباب لاتنسون الأغراض الثانية

ودي بشماغ وكبك حلو احد ينصحنا ياشباب

وعلا شان مايكو ن الرد مخالف .. عطوني محل يفصل ثياب حلوه ويبيع كبكات وشمغ حلوه

الأســـــــــد
24-08-2010, 04:49 PM
[CENTER]

الأســـــــــد

والله يا الغالي غريبه :confused:انا اليوم كنت عند بلان وصادف ان فيه علي بلان صاحب المحل رجال كبير بالسن وجلست تقريبا انا وياه ساعه ونص نقلت له ملاحظاتكم على انها تخصني قلت له مرات افصل عندكم ويكون الثوب فيه كذا وكذا ..:rolleyes:

الرجال يشتغل بسمعه وضمير لابعد حد واي ملاحظه عندك رجع الثوب يعدلونه لك بالكامل ..وراني خطوات تفصيل الثوب تخيل انها خمسين مرحله ! يمكن تستغرب بس هذا اللي صاير يمر الثوب على خمسين مرحله ومكينه لين يطلع وتلبسه ! pb189

انا اقدر الاحتراف لانه هو اساسا خياط وفاهم الشغله ولا يسمح بشي يطلع من محله بمستوى عادي !

لو انا منك رجعت له من جديد ووريتهم الثوب وكل اعتراضاتي يتقبلون كل شي

يسلمك ربي : )







و الله كانت آول مرة آفصل عندهم
و مدحه لي زميلي .. طيره السسسمآ
و هو يفصل في بلآن جدة
قلت نجرب اللي فالخبر .. و هذآ اللي طلع معي

أنآ ما أقول الثوب جدآ سيء
لكن .. قيآسآته ضيقه
كأن القماش من عنده
و لآ تفصيل الثوب عمومآ جيد جدآ
من ناحية الخياطة و قياس الآكتاف
و طول الكم و الشغل النظيف


لكن مع سمعته اللي وصلتني .. و الثوب اللي آخذته

pb093




كل خيآط .. ممكن تجيه حالة تخبيص و يرجع
لوضعه الطبيعي pb036

و يمكن صادفتني الحالة هذي :D


و كذلك مع لومار .. في أول ثوب عندهم
نفس الحالة السابقة .. بس هو علمني
آنه بآمكاني آعدل الثوب لو فيه شيء مو مناسب pb192



آنآ آكتشفت شيء هنا في الشرقية
أغلب الشباب يلبس الثوب " المخصر "
أو الماسك على الجسم .. :eek:
من واقع مشاهدة فـ يمكن الخياطين أخذوآ الشغلة دايركت :D


تحيتي + bp039 << شمهآ و ردهآ pb027

صـح عليك
24-08-2010, 06:58 PM
صـح عليك


وليتك تعطينا وصف هالخياط وينه ويعطيك الف عافيه : )


شف يا طويل العمر ..

تمسك طريق صلاح الدين الايوبي (( الستين )) كنك متجه لمستشفى قوى الامـن حلو

تجيك الاشاره الاولى تـعّدهـآ الثانيه حقت المستشفى بعد تعدهـآ ..يجيك على اليمين شرطة الملـز حلو ..

امش قداام تجيك الاشارهـ الثااالثه كبيرهـ مررهـ ( الله من زين الوصف pb192 )
رح معهـآ يســآر (شـأرع جرير -ويسمى شارع الخياطين )الأشارهـ الاولى تعدها شف على يدك اليمين خيــآط مرحبـآ ...لوحة بيضاء وقديمه نوعاً مــآ

نفس الشــآرع فيه خيــآط بلان المعرووف ..))

أتمنى الوصـف يكون وآضــح :rolleyes:

تحيــآتي لكم ..pb189

Areo
25-08-2010, 04:32 AM
آهنيك على الموضوع بطل مفروض يفتحون لنآ مملكه الرجل عشان اسجل ولاعاد اطيح لآختي ولآ ليوزرها <<< بينجلد
انا قصيت اقمشتي من قطني اللي في المعيقليه صرآحه فخمه مره وفصلت اثنين في مرحبآ واثنين في مشار
مرحبا الله يعطيه العافيه عبدالرشيد خربط اقمشتي ورجع لي فلووسي ومشار طلعت صرآحه أحس أول مرهـ البس ثوب كشخه pb192 وخذت عهد على نفسي معاد اتعدى مشار اللي يسأل عن تفصيل مشار توكل على الله ويفصل الثوب اذا كان القماش من عندك 120 بس بطل مرهـ
يالله نبي الموضوع الجاي عن الاكسسوآر والجزم وشكرآ
محآتسيكم : ( الدحمي pb192 pb189 )

LoveNight
25-08-2010, 10:17 PM
منصفق

هلا بالغالي لا بالعكس مو شرط يكون غالي مرات يطلع عليك ارخص لان الخياط يحط مكسب على القماش اللي يشتريه بعد .. عموما التجربه حلوه حتى لو معك عشره ريال تكفي تفصل لك ثوب وش زينه

الله يحييك دايم : )


الأســـــــــد

يمكن عاد انت لا جيت تفصل مره ثانيه قلهم ابي تفصيل اهل الرياض :> لا مخصر ولا شي بس عاد مادري ليش جت على حظك .. يالله دايم لكل شي اول مره وانت وحظك تصيب ولا تخيب ..

الله يعطيك العافيه : )


صـح عليك

كان لي مشاوار لبلان البارح وشفت خويكم مرحبا.. على قولتك المحل ماتحسه مميز لان ذاك الشارع كله خياطين واذا تبي الجد الحي كله خياطين من عقب مافتح بلان وصار له سوق انتشرو جمبه .. بس التجربه هي اهم شي دامك مجربه وكذا واحد يمدحه معناته خلاص ميه ميه

يعطيك العافيه


Areo

كويس انت من ضمن قروبنا اللي يشتري من قطني اجل :> امس طلع اول ثوب لي من اقمشه قطني اللي اسمه بطران صراحه شي راقي ماتوقعته كذا

يعطيك العافيه : )

ولهان
25-08-2010, 10:45 PM
اللي ينشدون عن الثوب الاماراتي ما الله حلالالاه ...اذا لبسته ومشيت يجيله خرفشه :d وتحس انك مقيد فيه...
احلى شي طق لك ثوبين من الدفه ولا السفير ...ورح ودها الخياط يعدل فيها شوي وخلاص وريح بالك من المشوررره.
ماأنصح بلبس القطن مررره يلزق فالجسم ...ويبين العصاقيل و .... :d
----
المشكله يالوف نايت واحد من العيال "منهببببل" يشتري طاقه ويفصل منها كم ثوب واللي يزود من الطاقه يفصل به سروال ولا سروالين طول خخخخخ...
----
موضوع بطططل

جااااادي
25-08-2010, 11:01 PM
بصراحة اهنيييكم معاشر الشباب على التقدم
وإلى الأمام إن شاء الله ^_^

Bnt.Kuwait
26-08-2010, 12:00 AM
.

ما جنكم متأخرين بتفصيل دشاديش العيد pb192pb192
وأسعاركم جنها غاليه ولاّ يتروالي لاني اشوف الدشاديش عندنا تفصالها بـ5 دنانير وساعات 6 دنانير ويمكن فيه خياطين ارخص بعد pb036


اللي اشوفه من احسن الاقمشه الكويتيه اللي يبيعونها ابو الحسن وبعد الكاظمي غير كاكولي وسوق الاقمشه ( البلوكات ) متروس من هالمحلات طب وتخير منهم فيه الغالي وفيه الرخيص pb192.

SUDE
26-08-2010, 01:10 AM
تسسسلم على الموضوع الخوقاقي :sm12:pb192
اخييييرا احد صار يهتم فينا وينزل مواضيع عن ملابسنا [فيس طاير من الفرحه] :D
ياخي قهر كل شي عن الحريم pb093pb131
حتى الشامبو مكتوب ضعي قليل على راسك ووستشعرين بانتعاش ومدري وشو pb094
يعني حنا يا الرجاجيل نتروش بتايد مثلاا !! :sm1::sm1::sm1:

الأســـــــــد
26-08-2010, 05:01 AM
المشكله يالوف نايت واحد من العيال "منهببببل" يشتري طاقه ويفصل منها كم ثوب واللي يزود من الطاقه يفصل به سروال ولا سروالين طول خخخخخ...




pb027 pb027

سيم سيم .. دايم آسسسويهآ pb192

©Blak Moon
26-08-2010, 06:52 PM
الله حي الجميع
ترا اقولها و انا متشقق من الفرح , كن هالموضوع جاء من السماء
نبارك الله فيك و في بقية الشباب , من زود الحماس سردت الموضوع بردوده
بيوم واحد او اقدر اقول ساعات قليلة pb189 pb189


المهم نجي لتجربتي ...
بدايتي مع شراء الاقمشة كانت قبل ما ادخل الجامعة يعني لها تقريبا فوق الخمس سنين
اشتري القماش من برا و افصل عند الخياط اللي اتعامل معه
طول هالمدة كنت اشتري القماش من عند الجديعي و ما اشتري من احد غيره و صرت زبون عندهم
لكن هالسنة ما اشتري منهم لاني كنت ابي التخفيضات تجي ولكن ما جت الا بعد ما فصلت ثوب
و الشتوي بعد هالسنة ما اشتريت من عندهم لان نوع و لون القماش اللي ابيه ما لقيته فـ شريت
من الحريبي اقمشة الشتوي و الحمد لله توفقت فيها

بالنسبة للنوع و اسماء الاقمشة هذي ما انتبهت لها , كنت اعتمد على ملمس القماش
و نوعيته اذا كان ثقيل او خفيف او قطني طبعا بالبداية ما اشتري الا القطني من عرفت ان
القطني ما يتعرفط كثير و مسكت عليه ما اشتري الا قطني
زي ما قلت اسماء الاقمشة و نسبة القطن هذي ما القيت لها بال ابد يكفي اني اشتري القماش
من برا و افصله عند الخياط غير كذا ما اهتم لكن الحمد لله الله طيحن على هالموضوع
اللي بسببه شكلي ابي اتهيض و افز للجديعي لان عنده تخفيضات الحين :D pb189
و ابي اتفلسف على راسه و انشب له على غير عادة لاني عرفات اشياء كنت اجهلها هينا
و البركة فيك يا لوفنايت و باقي الشباب ...

نجي الحين للخياط
في حايل افضل خياط بالنسبة لي هو السندس اتعامل معهم لي فوق 4 سنوات خياطته
و تفصسله يصب لك الثوب صب ما شاء الله و اسم الخياط قاسم ما ادري كم سنة له و هو يخيط
لكن اكيد فوق 13 سنة غير كذا عندهم خدمة الـ SMS اذا جتهم اقمشة جديدة يعلمونك بما
اني زبون عندهم pb034 :D و اذا خلص ثوبك برضو يعلمونك للتذكير يعني خياط إكه.

فيه خياط ثاني بعد يمدحونه و هو مارودن الخياط اللي فيه فلبيني ما يحظرني اسمه لكنه دب
انا اجيه اذا كان السندس عنده زحمة زي سنة من السنين قالي ثوب العيد ما يخلص الا بعد العيد
لان وقتها عليه زحمة مع اني جيته في اول اسبوع من رمضان و يقولي حتى لو جاي في شعبان
برضو ما راح اقد افصل لك الثوب الا بعد العيد , بس عيب مارودن القياسات اللي ياخذها ما تناسب
لي لذلك هو خياطي الثاني ما قد فصل لي ثوب و طلع يناسبني اكثر من ثياب السندس.

طبعا قبله كنت اجرب كذا خياط اول خياط جربته كان اسمه وردة الشمال يماني الخياط
الحين اختفاء المحل و اللي يشتغل فيه و من بعده جربت خياط ذكره لي رجل خالتي هندي
و خرب لي ثياب واحد من الثياب اللي فصلتها عنده طلع علي مخصر الله يخسه


طيب الحين بما اننا نتكلم بالاقمشة ورى ما تتكلمون عن اقمشة الشتاء
و اتركوكم من باقي الاكسسورات حقت الثوب يبي لها موضوع ثاني نستفرد به على حده :D

السـديم
27-08-2010, 12:09 AM
تفاصيل ومعلومات اعجبتني

استفدت من تقريرك ومن ردود الأعضاء

مايطاوعني قلبي
27-08-2010, 02:40 AM
.

ما جنكم متأخرين بتفصيل دشاديش العيد pb192pb192
وأسعاركم جنها غاليه ولاّ يتروالي لاني اشوف الدشاديش عندنا تفصالها بـ5 دنانير وساعات 6 دنانير ويمكن فيه خياطين ارخص بعد pb036


اللي اشوفه من احسن الاقمشه الكويتيه اللي يبيعونها ابو الحسن وبعد الكاظمي غير كاكولي وسوق الاقمشه ( البلوكات ) متروس من هالمحلات طب وتخير منهم فيه الغالي وفيه الرخيص pb192.


هو يعتبر متاخريين او مبكريين .. على حسب الخياط اللي يتعامل معه الشخص ;)
يعني فيه خياطيين من 5 رمضان تروح لهم يمسّك الباب وفيه خياط تجيه 25 رمضان ويقول اخلصه لك 29 رمضان :D

وبالنسبه للاسعار عندنا اغلى حبتين من الكويت ;) .. انا قد فصلت في الكويت
في البلوكات اخذت القماش من كاكولي بـ 9 دنانير والدور اللي فوق مليان خياطيين التفصيل على خمسه او اربعه دنانير
بس في الفروانيه اغلى من البلوكات بو1جد .. سعرهم قماش + تفصيل يوصل لـ 17 دينار تقريباً bp039

sector
27-08-2010, 02:41 PM
موضوع بطل وشدني اني اشارك فيه بتجربتي

صراحة تجارب حلوة من اخواننا الاعضاء وبالنسبة لي انا اخذ القماش من الخياط وافصله عنده ماقد
جربت اشتري من برا وطبعا عندي خياط بالخبر اللي هو خياط النيل مريحني ومقاساتي عنده بالكمبيوتر
بس اعطيه رقم الجوال ويطلع كل المقاسات وهذا اللي مريحني لايحوس ولايدور لمقاس
غالبا انا احب افصل الثياب المشروك او المخلوط بمعنى ادق ومرة فصلت قماش تترون طبعا على مدح
الخياط الا انا مااعرف التترون بس طلع قماش حلو

الحين باسألك هل تقصد بالثياب اللي نسبة القطن فيها 5 والا 10 هي المشروك والا غيرها صراحة نقطة
ابي انتبه لها وبالنسبة لقماش التترون هل هو نفسه قماش المشروك والا قطن ؟؟؟

شاكر لك على الموضوع والله يعطيك العافية

MR.KULTAN
27-08-2010, 03:31 PM
ما شاء الله
ياحبي لكم والله وياحبي لتفاعلكم السريع
أنا صراحة جربت الثوب الكويت قبل يومين مفصلة والله ماش ما أعجبني ، لأن الخياط زفت أصلاً
لكن أنصح الي بيخيطون يبعدون عن المخصر و يخيطون كم سادة لأنه أثنين في واحد
وانا والله ما اعرف الا خياط واحد هندي جنب بيتنا
خياطه حليوه ما عليها ، وأسعاره ما تعدا 120 ، لكن عليه زحمة من نفس أهل الديرة
الي يبي الوصف اقولها ولا يهمه مع اني ما انصح به

صلعتي تلمع
29-08-2010, 12:36 AM
بصراااحه ترى الصراحه راحه ,,,الموضوع خطيير بصص الحمدلله فصلت لي ثوووب :)

3booooooody
29-08-2010, 06:01 PM
موضوع مرره مفيد اشياء اول مرره اعرفها

طيب ممكن يكون فيه موضوع عن الشمغ بعد ؟؟ لانها كثرت والواحد صار ما يعرف الزين من الشين

أبو طليطله
30-08-2010, 03:50 AM
محب الليل .. ياجعله ملبس العافيه إن شاء الله ..

وكل الأعضاء ياجعل ثيابكم ملابيس العافيه يارب ...

الله لايهينكم ياجماعة الخير أنا والله إنسان مالي بالطويله والروحه والجيه .. ياليت أحد ينصحني بخياط بالشمال كويس وقماش كويس وكثر خيركم ...

كل عام وأنتم بخير قبل الزحمه ...

karim90
30-08-2010, 11:30 AM
:rolleyes:
موضوووع مهم
وجد ما توقعت احصله
امس في الليل كنت اقول بكرهـ الصباح بروح افصل ثيااب :D

في المدينة للاسف ما فيه محلاات حلوهـ مرهـ :(

قريب فتحوا بعض المحلات بس برضوا ما احس ان فيها تمييز
اعرف زملاء لي يفصلون ثياابهم في جدهـ pb036

فيه خيااطيين يرفضون انه يجيب اقمشة من برهـ ويقول لازم قماش من عندي
ويجلس يستهبل ويجنني pb093

فيه خياط له فرع في جدة وتوهـ فتح في المدينه اسمه " لي رويال "
التفصييل عندهـ ب 250 - 300 رياال

بس تفصييله بصرااحهـ جناان وابدااع

مشكلته اقمشته مو كثيير
طبعا مشغلهم في جدهـ والثوب يجي من جدهـ
ويسلمونه بعد 10 اياام
وعندهم نظام فتح ملف :D والمقاس عندهـ ثابت ويعدل فيه حسب الطلب

احسن حاجة بصراحه تفرق معااي حيل لا قال يخلص الثوب بعد 6 اياام اجي بعد 6 اياام واحصله مخلص
و اول ما يوصل المدينة تجي لي رسااله

بس يضل كل هذا ديكووور انا ابغى خيااط يفصل ما ابغى خدمات vip

اتمنى يجي يوم واشوف فرووع لخيااطين مميزهـ في المدينه pb093

الان بروح اشتري افصل ثيااب وبحاول اجيب لكم تقرير ;)

لك اخوي bp039

LoveNight
30-08-2010, 12:03 PM
اعتذر للجمي مع قدرت التواصل معكم بالموضوع هاليومين اللي فاتو بسبب السفر .. والحمد لله رجعنا لكم من جديد .. والعشر عليكم مباركه bp039



ولهان

هلا بالغالي الثوب الاماراتي شي ثاني عاد هذا احسه ستاره الله يعينهم عليه .. بالنسبه للقطن بالعكس مايلصق وبارد على الجسم .. بس موضوع السراويل حقت خويك ماني متخيلها ! هل تضبط عليها اقمشه الثياب !

يعطيك العافيه يا الغالي : )


Bnt.Kuwait

هلا بالغاليه فعلا احسدكم على البلوكات .. كم هائل من محلات الاقمشه الرجاليه والنسائيه والخياطين .. يعني مكان واحد تروح وتخلص امورك والاسعار يابلاش ,, ليت عندنا كذا يختصر لك الوقت موب الاقمشه بوادي والخياط بوادي ثاني .!

يعطيك العافيه : )



©Blak Moon

هلا بالغالي الله يبارك فيك وليت كل المشاركات تبرد القلب مثل مشاركتك بالتفصيل :)

انا احب الشخص اللي يهتم باموره خصوصا اللي تظهره بشكل انيق وكاشخ .. ومايقبل اي شي الاهتمام بالتفاصيل مرات يفرق كثير ..

فكره انه يكون عندك معلومات تفرق في انك تعرف وش اللي انت لابسه .. ممكن يعجبك ملمس القماش لكن مع اللبس وبعد التفصيل يطلع شي ثاني تماما ! حلو تعرف وش مميزات القطن والسلك والمشروك والمخلوط !

بس القطن الغالب فيه يتعرفط بسرعه الا اذا كان معالج او كانت نسبته قليله ! مثلا هالمعلومه مهمه

السلك مثلا مايصلح للجاواء الحاره لانه صناعي بالكامل مافيه شي طبيعي زي القطن والخ من التفاصيل ..

وتسلم على تجربتك مع الخياط بعد .. واهم شي الواحد يرتاح باللبس ..

يعطيك الف عافيه : )



sector

هلا بالغالي التترون هو السلك .. يعني نايلون يعني صناعي بالكامل وهالنوع محد صار يفضله حار وغير مناسب لاجوائنا .. سيء لابعد درجه ..

المشروك يكون نايلون مع قطن صناعي يعطيك ملمس كانه قطن ..

او يكون مخلوط بمعنى تترون او سلك مع قطن طبيعي بنسب مختلفه ..

او يكون قطن طبيعي ميه بالميه .. وهذا له عشاقه بسبب برودته على الجسم والتكسر اللي يصير بالثوب ويعطي نوع من الفخامه باللبس ..

اتمنى وضحت لك الصوره والمعذره على التاخير : )



عفواً و لكن


الثوب الكويتي لا تجربه الا في ديرته .. بس اذا تشتري قماش كويتي وتفصله سعودي برضه بيكون ممتاز الاقمشه هناك افضل بكثير صراحه ..

يعطيك الف عافيه : )



أبو طليطله

هلا بالغالي اذا تبي قماش كويس من نفس الخياط محد يقدر يفيدك محد يدري وش عند الخياطين كل واحد له اقمشه معينه .. اما اذا بتشتري من برا وتوديه للخياط اللي ذكرتها باول الموضوع ممكن تفيدك !

خياطين الشمال على كلام الاخوان الاناقه والفاخره واردان وغيرهم كثير ..

يعطيك العافيه : )



karim90

الله يعطيك العافيه حبيبي .. والله مشكله لو المدينه مافيها شي على مستوى .. حتى هذا اللي تقول عليه غالي سعره يعتبر مو معقول .. بس وش تسوي لذلك كل ماصارت لك فرصه تنزل جده فصل واي احد يجيبها لك .. او ابدا انت بهذا المشروع وسويه .. يمكن يكون التغيير من عندك : )

يعطيك الف عافيه: )


وبقيه الاخوان والاخوات اللي شاركونا بالموضوع بعد يعطيهم الف عافيه .. bp039bp039bp039

M3ani_al7oOob
30-08-2010, 04:13 PM
والله وصرنا حركات من بعد ابو يمن يرحم امك فكنا من النيلي خخخخ ياكرهي له ،،
هذا ايميل جاني وصراحه عجبني ونقلته لكم حرفاً <<الامانه 1000
عنوانه كيف تحتار قماشاً،،:)


بسم الله الرحمن الرحيم


(الكسائي - قطني - الجديعي – بقشان - الرماح - العباسي - عالم النسيج – العيسائي - قطني - العثيم) هؤلاء هم تجار الأقمشة بالتجزئة بالرياض وآنا اعمل في واحدة من تلك المؤسسات وسوف أقدم النصيحة في شراء الأقمشة
نشاط الأقمشة يعتبر غامض بالنسبة للعميل وعملية الغش فيه سهلة ومشكلته انك تختار شي ثم تتفاجي انك تلبس شي آخر

صناعة الأقمشة:
اكبر مصدر للأقمشة هو اليابان بالنسبة للسعودية وخاصة الأقمشة الرجالية يأتي بعدها وكوريا واندونيسيا وتايلاند
بالنسبة لي أفضل التايلاندي بعد الياباني مباشرة ثم الاندونيسي وأخيرا الكوري

أنواع الأقمشة :
1- السلك أو البوليستر(كا ملبا وتيجن زين وغيرها):
هذا النوع في اعتقادي سيندثر قريبا بعد اقتحام الأقطان الصناعية له حيث إن نسبة الطلب علية في تناقص وفي رأي الشخصي هذه النوعية لا تصلح للجو الحار حيث تسبب في ازدياد حرارة الجسم واليابانيون أنفسهم يستغربون من إننا نلبس هذه النوعية من الأقمشة حيث إنها تلبس في الأجواء الباردة فقط عموما لعشاق هذه الفئة انصحهم باختيار القماش بدون خطوط يعني سادة ما فيه خطوط لان عمرة أطول من المخطط.

2- الأقطان الصناعية ( أقطان مشروكة):
هي بالأصل بوليستر ولكن معالج بحيث يصبح ملمسه كالقطن و هي الدارجة حاليا وتتفرع منها نوعين:
- قطن x قطن وهو عبارة عن خطوط طولية وعرضية (على شكل مربعات)
- قطن x سلك وهو عبارة عن خطوط طولية فقط (خطوط عاموديه)

ملمس الأقطان:
- الأقطان الناعمة:
(هي باردة على الجسم ومريحة ولكن دائما تلتصق بسبب نعومتها الزائدة وهي في الحقيقة لا تصلح للمناطق الجافة كالرياض والمناطق الوسطى الميزة الجيدة فيها إنها مقاومة للتكسر).
- الأقطان متوسطة النعومة:
(في نظري هي الأنسب لأنها تجمع بين البرودة ومقاومه اللألتصاق معا ولكن عيبها الوحيد هو التكسير).
- الأقطان الخشنة:
(الواقف) ويأتي تحتها أنواع متفاوتة في درجة الخشونة هذه النوعية هي الدارجة تقريبا وهي الموضة وأنيقة في اللبس ومميزة وفي الحقيقة هي الأنسب لمن يعانون من الوائد في الجسم حيث إنها لا تلتصق أبدا ولا تتحرك مع المشي.
- الأقطان الصناعية المخلوطة:
مع نسب قطن طبيعي بنسب متفاوتة كالأتي:
90% قطن صناعي 10% قطن طبيعي أنا أفضل هذه النسبة تقريبا لأنها باردة وصحية وقليله التكسير ولا تشمر أما نسب القطن أعلى من 10 % فاني انصح بتنقيع القماش لمدة يوم كامل مع تكرار العملية مرة أخرى ثم كي القماش قبل التفصيل وتوسيع الثوب بمقدار 2 انش عن الثوب العادي لان عملية الشمر ستستمر لمدة حتى بعد غسيل الثوب للمرة الخامسة.

3- الأقطان الطبيعية (100% Cotton):
هذي النوعية من الأقمشة تتكسر بسرعة وتشمر كثيرا ولكن لها عشاق يفضلونها في الحقيقة هي تصلح للمناطق الرطبة أكثر من الجافة ويوجد منه أنواع كثيرة كالآتي:
1- القطن السويسري.
2- القطن الايطالي.
3- القطن الاسباني.
4- القطن الهندي: في الحقيقة أفضلهم هو الهندي في رأي من ناحية سعر وجودة لأنهم أهل القطن وهم أصلا يبعون القطن إلى الأوربيين وأكاد اجزم بان الأقطان الأوربية هي أصلا هندية ولكن يعاد تصديرها إلينا.
وأيضا أحب أن أبلغكم بان جميع الأقمشة يتغير لونها وبالأخص اللون الأبيض فإذا أردت أن يطول عمر لون الثوب فعليك بالون الأبيض نيلي أو مائل للزراق وكلما زاد الزراق طال عمر لون الثوب.
سوف أقدم النصيحة في كيفية اختيار القماش ولكن هناك أسئلة غريبة أو أسف إن قلت غبية يطرحها الزبون دائماً
اغبي الأسئلة هي:
1: عطني اغلي قماش عندك! السؤال البديل هو :عطني أفضل قماش عندك؟
2: أبغى قماش يكرف 10 سنوات! الخشب يعفن مع الماء بعد دقائق والحديد يصدي مع الماء!
3: أبغى قماش ما يتغير لونه؟ وبصراحة هذا السؤال سلاح ذو حدين أولا كل الأقمشة تتغير لونها وبالذات الأبيض ولكن ميزة هذا السؤال انه راح يكشف لك مصداقية البائع فإذا قال لك انه ما يتغير فهذا (نصاب).

بالنسبة لطريقة شراء القماش:
1- إذا كنت رايح لتجمعات محلات الأقمشة مثل: (المعيقلية - الأندلس - الستين... خذ معك ورقة وقلم وسجل كل الأقمشة آلي تعجبك في المحلات إلي دخلتها وبعدين افرز صدقوني راح تفيدكم الطريقة.
2- طريقة فرز وشراء الأقمشة:
حدد هدفك قبل ما تدخل المحل يعني مثلاً القماش السلك أو البوليستر تقول للبائع:
ابغ سلك ابيض سادة خفيف وطايح السؤال هذا راح يختصر المشوار عليك وعلى البياع
القماش القطن:
أبغى قطن ابيض ناعم ومخطط
طريقه فرز الأقمشة:
خل البائع يفرز لك 3 أنواع ثم قله وقف في هذه أللحظه راجع أل 3 أنواع إذا أعجبك شي قله حطه على جنب أو سجل اسم القماش وخله يوخر الباقيات عنك ثم كرر العملية مرة أخرى وان شاء الله ما راح تتلخبط.

::: الزبون الذكي ::::
أنا يعجبني الزبون الذكي يعني فيه بعض الزبائن يدخل علي ويسأل عندك قطن تويوبو واقف في نسبة 5% توفسيل ليه ذكي لان سأل عن اسم شركة يابانية مشهورة وسأل عن مادة اسمها توفسيل وهي عبارة عن خيوط ورقية تجلب من غابات الامازون في البرازيل وتحاك مع الأقطان لكي يصبح القماش خفيف وصحي على الجلد ولا يمسك العرق وعادة هذه المادة إذا دخلت في القماش زاد سعره لان المادة مكلفة على الشركة وهذه المادة لها مسميات تختلف من شركة إلى أخرى وراح أعطيكم أسماء المصانع وأسماء المادة في كل مصنع:
1- تويو بو (توفسيل) أفضل مصنع أقمشة باليابان و غالبا أقمشتها مرتفعه السعر قليلا عن غيرها.
2- شكيبو (تنسيل) الشركة هذي أقمشتهم كل ماتغسلها تزين الصراحة ما أدري وشي خلطتهم السرية.
3- كو رابو (ليو سيل) على فكرة هذه الشركة لعبتهم الأقطان الطبيعية المخلوطة بنسب صناعي يعني فنانين فيها!
4- تاكي سادا
5- نشنبو
6- كوشي
على العموم أنا ما انصح انك تزيد عن 10 % من هذه المادة في القماش لأنة كل مازادت النسبة شمر القماش.
وأخيرا أنا أحب أبيع للزبون المرن اللي ماينشف ريقي وأعطية خصم حلو والزبون الناشف ما أنزلة لأنة يوجع راسي.
الصراحة الزبون الناشف ما أحب اكسبه والزبون المرن بالعكس أعطية أحلى سعر واهتم فيه أكثر!
معليش هذي سياستي ولا احد يزعل

أقمشة أبو صافي:
بالنسبة للأقمشة لديهم عالم ثاني تبغون أتكلم بالتفصيل الممل راح تدوخون لكن بحاول أختصر:
1- مجموعة CT تحتوي على تشكيلة كبيرة ومتعددة المواصفات من الأقمشة اليابانية المخلوطة من القطن والبوليستر وبنسب متفاوتة..حيث تتراوح نسبة القطن من 7% وحتى 70%.
2- مجموعة القماش (الأصلي) المميز "فيكتوري" متوفر في 3 ألوان.
3- مجموعة SQ تترون (Spun Polyester) تحتوي على تشكيلة كبيرة من أقمشة التترون اليابانية ذات الجودة العالية والملمس المميز.
4- مجموعة Style تحتوي على تشكيلة كبيرة من الأقمشة العصرية.
5- مجموعة الأقطان الأوروبية تشكيلة كبيرة من الأقمشة الأوروبية "الأصلية" (سويسرا - ألمانيا - ايطاليا).
6- مجموعة لينو مجموعة من الخامات المميزة والمصنوعة من اللينين والقطن وذلك في اليابان بواسطة أحد أفضل مصانع الأقمشة. تتضمن هذه المجموعة العديد من النقشات والخامات بأشكال مميزة وأسعار مناسبة، وبالطبع جودة عالية.
7- مجموعة قطني مجموعة من الخامات المصنوعة من أفضل أنواع القطن الطبيعي.
جميع خامات هذه المجموعة مصنوعة في اليابان من القطن الخالص 100% وغير مخلوطة بخيوط أخرى.
تتكون هذه المجموعة من العديد من النقشات والأشكال المميزة وبأسعار منافسة وجودة مضمونة.
8- مجموعة The Price Club، تشكيلة كبيرة ومميزة من أقمشة الثياب وأسعار اقتصادية مع الحفاظ على نفس مستوى الجودة العالية الذي عودناكم عليه دائما ومجموعة The Price Club مصنوعة في اليابان بواسطة كبرى مصانع الأقمشة.
9- مجموعة Spring، تشكيلة من الأقمشة القطنية المختارة والمطورة من قبل أعرق المصانع الآسيوية ذات الخبرة الكبيرة في إبداع وتطوير خامات الأقمشة بأسعار مناسبة وجودة عالية وبخيارات وتشكيلات متعددة. وتشكيلة Spring الآن تمكنك من التمتع بلبس أثواب قطنية.
10- خامات الدوبي أكبر تشكيلة متوفرة بالسوق من الأقمشة اليابانية المميزة والتي تم اختيارها بعناية فائقة لتراعي كافة الأذواق المختلفة.
وتتضمن هذه المجموعة خامات قطن خالص وخامات مخلوطة قطن مع بوليستر أو قطن مع لينين.
كما تتضمن الكثير من الرسماتdesigns و الأشكال المميزة والغير تقليدية.
بقشان
بقشان 080 - سعر المتر 25 ريال والقماش خفيف وبارد شوي وتقديري للقماش جيد جداً
بقشان 9009 - سعر المتر 50 ريال القماش خفيف وبارد ومريح وتقديري للقماش ممتاز
بقشان 686 - سعر المتر 55 ريال القماش رائع جداُ و خفيف و بارد جدا و يلفت النظر من أول مرة أخذت للقماش ممتاز جداً بس عيبه السعر يعتبر غالي شوي يعني الثوب بعد التفصيل بيطلع عليك حوالي 350 ريال (ينفع للمناسبات).
القماش الكويتي
سوبر 120 القطعة كاملة ( 3.5 متر لأن القماش عرضين) 100 ريال جيد واقف شوي بس عيبه خشن شوي أحس أنه بيصير شوي حار الله يستر ويكون مريح.
سوبر 9500 - القطعه كاملة ( 3.5 متر لأن القماش عرضين) 100 ريال القماش ممتاز ومريح وفيه لمعه خفيفه و حلوة و لونه سكري و فيه منه أبيض
توجد الأقمشة في محل أسمه قطني في سوق المعيقليه وشارع خالد بن الوليد انكاس والأقمشه صناعتها ياباني 100%.
وأسم القماش المميز لديهم أسمه قماش (بطران) ويوجد منه ثلاثه ألوان أبيض وكريمي وأصفر بس فعلا ً عن جد القماش مميز كذلك قماش اسمه (امزون).

عصير معصور
30-08-2010, 06:40 PM
هههههههههههههههه
الله يرجكم البنت يتريقون علينا
والله الموضوع مبدع ومفيد
بس انا عن نفسي
متعامل مع خياط من اسنين
اشتري طاقه من اسواق القدس
وانطلها عليه وهو يفصله واستلمها بعد اسبوع ومريح راسي
الا ما تلاحظون اشماغ البسام صاير معفن يقلب لونه اصفر بدل الابيض
بلشت بشماغ مالقيت شي كويس
ديسار حلو
بس موديلاته سامجه
اذا فيه غيرها افيدونا

أبـو حـمد
01-09-2010, 03:05 AM
شرهتكم على اللي يفصل ثوب عيد أصلاً ! :D
مدري أحس الناس آخذين مقلب بالعيد وحماس ومدري وش وآخر شي 6 ساعات وكل شي رجع لوضعه الطبيعي :D

< طبعاً اللي مثل حالتي آنا موب راعي بدل وكذاا
فالثياب تلقوني بداية السنة أفصل تقريباً 4 ثياب تكفيني حتى اسمن ولا انحف ولا يتغير جسمي ! :D

أما سالفة بروح افصل ثوب خااص للعيد .. لا والله ماطرت ! :D


عوآفي ع الموضوع المفيد bp039

بسطاويسي
01-09-2010, 06:42 PM
LoveNight bp039
لاهنت يابعدي والله على هالمعلومات السنعه

والله شف يالغالي نظامي بالثياب الصيفيه
من الخياط نفسه أختار الأقمشه بس على قولك لازم تكون نسبة القطن قليله علشان مايتعرفط ويكون طايح
الخياط اللي أتعامل معه الفاخره اللي بطريق الملك فهد أقمشتهم فخمه وأسعارهم حلوه من 200 الى 500
شغلهم حلو وعندهم ميزه حلوه يوصلون للدوادمي للأن عندهم فرع عندنا يعني فصل بالرياض واستلم بالدوادمي :D
فرعهم اللي عندنا فصلت عندهم مره وصراحه ماجاز لي شغلهم
عندنا خياط ابوي دايم يفصل عنده اسمه الحرمين شغلهم حلو بس مشكلتهم أقمشتهم موب ذاك الزود والزين غالي مره pb036
الأقمشه الشتويه لازم أروح أشتريها من برا للأن الخياطين ماتحصل عندهم شيء مثل الي عند محلات الأقمشه
اروح للمعيقليه وصراحه ذوقي مخيس pb192
دايم آخذ المدام pb189 وهي اللي تختار لي على ذوقها وشيء يصلح لي وأفصله عند الفاخره


بس أكثر شيء أحرص عليه إني أحسب حساب الزحمه وخاصه هالأيام :D

المهنذر
01-09-2010, 06:58 PM
على طاري الاقمشة انا انصحكم تفصلون كويتي :d كشخه ومريح جداً وسلس :d

فارس !
01-09-2010, 08:32 PM
،


موضوع بطل .


والله انا بالنسبه لي لبسي للثوب مقتصر على المناسبات الرسميه .
ف لذلك الثوب مايجيه كرف ، لكن انا اشوف ان اجمل طريقه انك تشتري " طاقه " .


الطاقه هذي لفه كامله قماش تقدر تفصل منها 5 ثياب ، دايم اروح لمحلات الاقمشه واشوف قماش
جديد واشتري منه طاقه ب 700 ريال مثلا وافصل انا ثوبين واخوي ثوبين وابوي ثوبين ..
وياخذ الخياط على كل ثوب 40 ريال .


آوفر لك واحسن لك .






| البنات مستحيل يقتنعون ان فيه مكان مايخصهم او ممنوعين منه ، كم نحن مساكين وغلابه .

..

freedom soul
01-09-2010, 08:43 PM
سلام عليكم أعتذر لتدخلي بس بغيت فزعة

ودي اهدي للوالد قلم وش أحسن محل وأسعاره مناسبه تكون ؟؟؟

فكرت أهديه شماغ بسسس ما أعرف مقاسه ولا أدري وش النوع الزين بصراحة


وشكراً مقدماً للجميع

المهنذر
01-09-2010, 09:27 PM
ومن هالمنطلق انا اقول افتحو لنا قسم رجالي وتكتبون تحت ممنوع مشاركة العنصر النسائي

حسسونا اننا بشر ولنا خصوصياتنا :d

W I S E
02-09-2010, 02:59 AM
موضوع مفيد جداً خصوصا هالأيام .. الله يعطيك العافية


بما أن الردود ماشاء الله كثيرة .. عسى واحد يكون من جده ويكون خبرة في محلات جده : )


صار لي فترة وأنا أدور محل في جده يبيع أقمشة كويتية .. ياليت اللي يعرف يدلني على محل وأكون له شاكر وممنون ..

الطفل المدلل
03-09-2010, 04:02 AM
السلام عليكم : )

ماقول إلا لو انتظروني افصل عز الله مافصلت pb027
بس زين لحقت نفسي ورحت ادور وافصل وحالة :D << طبعاً بعد ما اتهزأ وكذا :D


عوافي bp039


/

ومن هالمنطلق انا اقول افتحو لنا قسم رجالي وتكتبون تحت ممنوع مشاركة العنصر النسائي

حسسونا اننا بشر ولنا خصوصياتنا
حتى ملبوسات العيد ومملكة الرجل مشاركينا فيها هههههههههههههه
وينادون بالمساواة ياخي الحين حنا نبي المساواة pb027

الأســـــــــد
04-09-2010, 04:47 AM
:rolleyes:
موضوووع مهم
وجد ما توقعت احصله
امس في الليل كنت اقول بكرهـ الصباح بروح افصل ثيااب :D

في المدينة للاسف ما فيه محلاات حلوهـ مرهـ :(

قريب فتحوا بعض المحلات بس برضوا ما احس ان فيها تمييز
اعرف زملاء لي يفصلون ثياابهم في جدهـ pb036

فيه خيااطيين يرفضون انه يجيب اقمشة من برهـ ويقول لازم قماش من عندي
ويجلس يستهبل ويجنني pb093

فيه خياط له فرع في جدة وتوهـ فتح في المدينه اسمه " لي رويال "
التفصييل عندهـ ب 250 - 300 رياال

بس تفصييله بصرااحهـ جناان وابدااع

مشكلته اقمشته مو كثيير
طبعا مشغلهم في جدهـ والثوب يجي من جدهـ
ويسلمونه بعد 10 اياام
وعندهم نظام فتح ملف :D والمقاس عندهـ ثابت ويعدل فيه حسب الطلب

احسن حاجة بصراحه تفرق معااي حيل لا قال يخلص الثوب بعد 6 اياام اجي بعد 6 اياام واحصله مخلص
و اول ما يوصل المدينة تجي لي رسااله

بس يضل كل هذا ديكووور انا ابغى خيااط يفصل ما ابغى خدمات vip

اتمنى يجي يوم واشوف فرووع لخيااطين مميزهـ في المدينه pb093

الان بروح اشتري افصل ثيااب وبحاول اجيب لكم تقرير ;)

لك اخوي bp039



ليه و الديرمان شووو فيه pb027

و الله تفصيله بطل بطل بطل

خـ س ـآرهـ!
04-09-2010, 07:52 AM
*الكتابه حسب النطق يعني لا احد يسويلي فيها متطور ويقراه بالعربيه pb030

والله يا موضوعكم بطل سلمولي على اللي فكر بوه واللي كتبوه :)

أولييييييييييه لو انا مدير ولا نائب المدير ومسئول القهوة والشاهي :sm5: ( اخلص علينا ) :sm5: او سكورتي باللي يعطون براءات اختراع والله ما ترخص عليك الشهادة يالذيب بدينا بالسياسة اتسذب

بوه خطمة قبل لا نعرج على موضوع الأقمشة ( نعرج اي نعود يقال عرجت الناقة اي درت حليباً :D

إلى هالحين بُه ناس راعين استهبال "قسم بالله ان هاك الاسبوع واحد قدامي بالبقاله يحاسب احجوا وش معه؟؟؟!!!؟؟؟!!! pb036pb036

قسم بالله انه شارين (ميرندا بردقان) والله العظيم :sm17::sm17:

معقوله إلا هالحين به ناس ما يعرفون المررررررر :eek:

على طاري الميرندا "والشيء بالشيء يذكر" بمحطة خزام اللي بالثمامه ظاهره اول مره تصير بالحياة – تصدقون ان بالبقاله اللي بالمحطة حاطين ثلاجتين وحده لللبيبسي والسفن والثانيه كل ابوه حمضيات – :confused: "لان اكثر رواد المحطه بدو....(ناقص حرف عاد انتم خمنوه ولا ابقربلكم هو حدى هالحروف ذي " ا – ظ – ز") pb192

نعرج الآن على موضوعنا ( حسيت اني بدال حامد الغامدي بنشرة الأخبار ) :D

انا وتفصيل الثياب سالفتنا سالفة ( راعي طويلة العجل لا يقرأ bp039

اول قبل 9 سنوات كنت افصل عند خياط الجنوب اللي بالروابي
اشري الطاقة من الجديعي واروح لمه ..
بس ثوب يضبطه وثوب يحوسه يعني مره فوق ومره تحت
همن بدا يخنبق ويحوس ويحوق صار ثوب يضبطه و3 يحوسهن ..

المهم سحب عليه ..

ورحت لواحد بالملز حول الملعب المحل صغير كنك داخلن جحر ضب نصحن عليه واحد من العيال ..
اذكر فصلت عنده اربعة ثياب .. الصراحة بن كلب القماش مهبول والخياطة ميب صاحية ( صار شهار ما صار خياط :sm5:

المهم رحت لمه قبل 3 سنوات ابفصل عنده واختار القماش وانقي ذا واحتار بذا واعيب بذا ..
لين صملت على 5 ثياب ..
واجي آخذهن عقب 10 أيام .. واجي للبيت وادخل الغرفة وابدأ اشوف ثيابي ( لا تحسبونن فرح بهن بس ابجرب شغله :D
وانواااااااااااع الإحباط مابوه إلا ثوبن واحد الزين وخذ تسفيل وخذ سب ( بدون الفاظ نابية ترا :D

ويجي لمي واحد من العيال يمدح محل بالبطحاء يقول مولود هو وسنجر جميع امهم وحده بس فرقتهم الدنيا ابوهم طلع نذل وتزوج وحده ثانية pb093 وسحب عليهم وتشردت الأسرة pb093pb036 .. اووووووه نسيتكم معليش وش دخلنا بالناس اصلا ;);)
المهم
واروح لمه .. المحل صغييير بقوة حتى ياخذ المقاسات بالشارع من ضوق المحل :eek::eek:
يوم خلصنا وبعد جهد جهيد طلعنا من زحمة البطحاء .. عاد من شين الأمور زحمة وقرف وموتر الرجال المكيف مثل قلته .. ومع ذلك يمدح بالمحل وبتفصيل ابو يمن ويقول لاعبين علينا الناس بـ"بلان" و "مشار" وطقتهن لاقين ناس مخفات وعاشوا عيشتن صعبة ( كلامه موب كلامي ) :D ويقول بعد عشان يدخلون اسمك بالكمبيوتر ويسجل مقاساتك بالكمبيوتر ياخذ عليك 200 و 250 يحسبوننا لاقين دراهمنا بالشارع :)
وطول الخط اخوان وازعجن بابو يمن ذا .. لين جت ساعة الصفر ( تراي متابع نشرة أخبار تو ) :D
واروح استلم الثياب .. طبعاً فصلت ثوبين قلت ابجرب والرجال قايلي مش حتندم :rolleyes:
واروح اجربهن ابشوف كلام الرجال .. والله ويطلعن من جمب القدة pb131 لو مار السنيدي وآخذن خيمة ولابسه انه اصرف ;)pb030 .. طلعن الثياب من فوق ضيق ومن تحت وسيع :eek: يالله وشلون تنحل ذي pb036

ايييييييييييه

لين جاء الفرج واقول لواحد من العيال دبرنا بثياب زي الناس ..
قال ابشر بسعدك pb058 ولم دراهمك .. قلت والمة .

ونروح للكيسائي وناخذ 5 أقمشة .. 3 كونتيننتال ( ابيض وسكري واصفر ) و2 روبينيو ( أبيض وسكري ) ..
وناخذهن ونروح لمشار عطي الله .. الرجال قالي جرب قماش واحد ان جاز لك فصل الباقي عنده .. واحط عنده قماش وياخذ المقاسات .. وقالي تعال عقب 10 أيام .. وتجين رسالة عقب 8 أيام أن الثوب خلص .. واروح لمهم وآخذ الثوب ..
وألبسه :D والله يا هو صح bp039 تفصيل ابن كلب pb189 كلش مضبوط pb189

ومن عقبه الأقمشة من الكيسائي والتفصيل من مشار ..


وسلامتكم ..

حاله مستعصيه
04-09-2010, 10:38 AM
ماشاء الله ..هذا انت فتحت لكم باب وسووا لكن بالعيارين مملكه .. يله ورونا همتكم هناك وورونا
ثياب العيد :d
ادري الموضوع ذكوري بحت بس مايمنع اننا نتطفل ونسترق النظر شوي ..يمكن نحتاج هالمعلومات بيوم

عوآفي ..pb189

رح ـيل..!
05-09-2010, 12:43 AM
آهلن ..
مالي دخل بالموضوع ومايخصني بس لا تنسى عرق اللقافه
النسائي :D
سؤالي نفس السؤال اللي انسأل قبل ثيابكم شكل واحد بس
مدري وشلون تعرفون هذا جاهز وهذا مفصل :D
هذا بس اللي اقدر اقوله في موضوعك ..
عوآفي bp039

سلوم الاصلع
06-09-2010, 02:55 PM
والله الاسعار حلوه بس والله خياطين عندنا حنا بحائل فيه غلاء هالايام يعني انك تاخذ القماش من عندهم


انا تقريبا اطلع الصيفيه للرياض واخذ من الكسائي اسعارهم حلوه بس المشكله ان الخياطين وطمعهم اذا شافوك جايب القماش وخايف انهم يخربونه <<معاناه

وثاني شي يقهرني بالخياطين الي يقول مانفصل من برا يعني هي غصب ياناس

وانا شخصيا اخر سعر عندي وانا جايب القماش من برا 100 وبعد خياط مضمون لان لو ابفصل من عنده اخر شي ب250 يعني لو افصل من عنده اطلق لي

وبعدين بيني وبينكم الاقشمه مااجيبها من برا الا بحالتين ان الاقشمه البيضاء ماتعجبني عند الخياط الي ابي او


اقشمه شتويه لانها صعبه تلقى اقشمه حلوه عند الخياطين الي يدورون الرخيص

مشروع ناجح
06-09-2010, 03:17 PM
صارلي تقريبا خمس سنوات اشتري القماش من الكويت او اخلي نسيبي يجيب لي معه قماش بحكم انه ساكن بالخفجي ويتردد على الكويت

لان الخامة تعجبني وفي شي مجرب ومضمون ويجي الثوب حلو اذا فصلته كويتي بس بدون كسرات ولا واسع

وهذا قليل تلقى الخياط اللي يضبطه لك

لكن اشوف بالرياض في محلات كثيره تجيب قماش من الكويت بس اشوف ان الجوده مو ذاك المستوى

وما يخرب الثياب الا المغاسل الا ياخذهم

ان صرت اغسل في البيت والكوي بره

قليمان بن سلمان
09-09-2010, 03:00 PM
شباب,,

وين افضل محل يبيع اقمشه قطريه..

وبعد وين افضل محل يخيط الاقمشه القطرية

شكرا

deep
10-09-2010, 10:56 AM
الحمد لله عيدت اليوم بنفس ملابسي اللي مفصلها قبل رمضان بشهور

بس حقت السنه هذي طبعا :D

اقصد موضة السنه هذي الثوب الابيض وغتره بيضا وشراب ازرق<< اطلع برا

ياحليلنا بس تغير والا ماتغير لبسك محد داري عنك ولا احد يدقق الحمد لله :cool:

بس والله دخل مزاجي البشت وانا بمصلى العيد اشوف شباب مطقمين بشوت مثل الشياب

العيد الجاي ان شاء الله على خير

كل عام وانتم بخير

LoveNight
10-09-2010, 03:22 PM
كل عام وانتم بالف خير .. ويعطيكم العافيه على التفاعل في هالموضوع خلال شهر رمضان الله يعيده علينا وحنا في صحه وسعاده ..

http://vb.eqla3.com/attachment.php?attachmentid=256037&stc=1&d=1161553038

واتوقع اليوم كل واحد لبس فستانه اللي مفصله ويده على قلبه وش بيطلع هالثوب:rolleyes: ..و ان شاءالله يكون هالموضوع بدايه مواضيع ثانيه تهتم بخلاقيننا وموضتنا ..bp039


انا عني ولله الحمد راضي تماما عن ثوبي من ناحيه القماش والتفصيل pb192.. مع اني مثل ماقلت في اول الموضوع هذي اول مره انزل اختار قماش من محلات متخصصه .. واكتشفت ان هالطريقه افضل بمليون مره من اني اختار القماش من الخياط ..!bp039

يعطيكم العافيه وربي يعيده على الجميع

http://vb.eqla3.com/attachment.php?attachmentid=256011&stc=1&d=1161551108

©Blak Moon
11-09-2010, 07:57 PM
دامنا مجتمعين هينا
ليه ما نتكلم عن الاقمشة الشتوية
وش هي الشركات المشهورة؟ و هل فيه قماش شتوي يجي قطن
لاني جيت المحل اللي اشتري منه و اقوله ابي قطن شتوي يقول ما فيه و الصراحة
ما صدقته

غير كذا اشتريت لي قماش بطانته تكون زي الحرير ما ادري له مسمى هالقماش؟
مو حرير حرير لا بس انه يجي ناعم من داخل لكن القماش ثقيل الله حق

طبعا المشهور بالاقمشة الشتوية هو الصوف و اجودها اعتقد الانجليزي
لكنه يجي غالي بس يدفي ما تحس بالبرد من داخل


ايه و كل عيد و انتم بخير :D
bp039

خـ س ـآرهـ!
12-09-2010, 08:05 AM
هل فيه قماش شتوي يجي قطن


لا :sm4::sm4: .. بس صوف وعادي pb058pb058 ..

شغبـ
12-09-2010, 11:55 AM
الوعد عقب العيد

ابجدية أنثى
12-09-2010, 12:29 PM
بخصوص الاقمشه الشتويه واحد من اخواني يدرس في بريطانيا اذا جاء ايام عيد الكرسمس يكون ايام الشتاء يجيب معه طاقات من الاقمشه الشتويه الانجليزيه للعائله كلها اخواني وعماني وخوالي وعيال العم وانسابنا :D يعني لو يبيع عليهم ابرك يكسب ويجيه رزق بدل ماتكون هدايا كل سنه خخخخخخخخ

بس والله الجد تكون ثياب شتويه صدق ماشاء الله تتدفئ وفخامه ,,, هم لهم ثلاث سنين خلاص في الشتاء قماش من لندن في الصيف من الكويت والخياط مشار طبعا:D

العام باعوا على مشار من الطاقات الشتويه الزائده حسب كلامهم انهم لو يتاجرون فيها على مشار بيربحون خخخخخ:D

فاللي عنده احد من معارفه في بريطانيا او راح يسافر قريب لها يشتري له افضل اصليه تمر سنه كانها جديده وبتقول وداعا للجاكيت ...

الموضوع مايخصني طبعا بس حبيت اضيف افاده يمكن تفيدكمbp039
وسلام:D