PDA

عرض كامل الموضوع : مــدارس تحفيظ القران .بين الدين والتشدد


الشيخه عنوده
12-06-2010, 05:07 PM
السلام عليكم ورحمه الله وبركاته

كما هو معروف التعليم العام ينقسم قسمين قسم عام وقسم تحفيظ قران

اللي معني بحفظ القران كاملا في الصف الثالث متوسط ومراجعته في الثانويه وتكثيف مواد الدين

من الحديث والمصطلح والقراءات السبع والتجويد والتفسير والفراءاض وعلوم القران

وهناك مكافئه تصرف للطالبات 7400سنويا لبنات الثانوي 6000لبنات المتوسط3000للابتدائيه

وبما اني من خريجات ثانويه التحفيظ فقبل كانت مدارس التحفيظ قليله جدا واما الان نشوف اقبال شديد

عليها حتى صارت في كل حي!

فمن تجربتي مع المدرسه كانوا الطالبات ما يحفظون القران يعني تسقط وتعيد الدور وتنجح او تنجح

على الحفه حتى بعض البنات كان ميولهم علمي ورفضوا انهم يحولون لان المدرسه تصرف لهم راتب!

وحتى كان معلماتنا متشددات مرره يعني اذا بالابتدائيه كان لازم اللي في صف ثالث تلبس عباه

وبنات الثانوي يلبسون شراب اسود طويل وقفاز وبالاجبار حتى يبوعون وتشرينه منهم اما الان فخفوا

وبعد كانوا يمنعون عنا ابسط الاشياء حتى مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت

همومكم سطحيه !!(وفيه استاذات الله يذكرهم بالخير لهم بصمه بحياه اغلب البنات اللي درسوهم)

وحتى اذا كان فيه حصه فراغ بعض الاستاذات يمنعون نسولف ويقولون احفظوا قران

وحتى نشاط يوم الاحد او اي نشاط بوسط الاسبوع لازم يجيبون داعيه او من المعلمات لان بعضهن

داعيات والمواضيع كلها عن المعاكسات وخطره بس عشان بنت قد طلعت مع شاب او عن الموت

حتى كم مره جابو لنا وحده تكفن وكذا!

تخيلو عندنا 4حصص مواد دينيه وبحصه الفراغ يمنعون نسولف وتجي الاستاذه تنصح

ولا تقول احفظو قران !

وحتى الهيئه دايم عند الباب

حتى لو تشوفون بعض البنات مو لم التحفيظ شوي وراسبه بالقران حتى بين البنات حقد وحسد

وتنافس بينهم من احسن وحده والطالبات مقسمين طبقات..

ارائــــــــــــــكم

أخت نايف
12-06-2010, 05:15 PM
اللي أشوفه انه بنات التحفيظ فالين امها ..
ولا عندهم اجباري ولا شئ..
اهم شئ الستر والعباءه علىا لرأس والغطاء ..
اما اللي تقولينه والله ما مـر علي ..
تقصدين بس مدرستك ..
على العموم بنت خالتي في مدرسه تحفيظ ..
لين أول ثانوي ..وبعدها نقلت تعليم عام لانها تبغى علمـي ..pb189
والبنت ماشاء الله أخلاق وأدب .
وماقلت انهم كانوا يعاملونه بالشده ..وهالشئ..
على العموم هي حرب شنت على الديـن ..ولن يهدأ لهم بال الا اذا انفصل الدين عن الحكم ..
وهذا بعدهم ..
لان البيعه قامت على اساس الدين .وفقط ..
ادرس في العصر في تحفيظ _ سابقا _
كنت عادي أجي واسمع ..واسولف مع البنات ..والمحاضرات ..
ونطلع عمرهم ماكانوا يقولون سوي كذا او كذا ..
الا اذا كانت اللي تطلع شكلها متبرجه .هذي يقال لها تغطي ..
لانه مايليـق بمكان يدرس فيه كتاب الله تطلع منه بنت متبرجه ..
لانه المشاهد في الخارج راح يذهب عقله الى تفسيرات ثانيه ..
..
الله لايخلينا من دور التحفيظ ..
ومدارس التحفيظ ..
pb189

الهيئه في جميع المدارس ..العام والتحفيظ ..
تحفظ اعراض البنات من الذئاب ..
والله اول ياكثر الشباب عند المدارس ..والازعاج لكن الهيئه pb189
وهـ بس ..داموا فوق رؤوس الجميع ..
..
بالنسبه يالغلا انهم مايخلونكم تسولفون بالحصص .
اخاف السالفه مو سوالف بس ..اخاف انها مطامر وازعاج :D
والله لو اني مااعرف حركاتنا في حصص الفراغ ..

ابو ميار
12-06-2010, 05:22 PM
مراحب ..
ببدا باتجاه ثاني غير مدارس التحفيظ ومدارس التعليم العام ..
عندنا مشكلة في المناهج مو الي يتكلمون عنها انها تسبب تأزم عند البعض او غيرها ..
لا مو هذا المقصود ..
مثلا عندنا في اول ثانوي مادة القرآن الكريم الحفظ سورة الحشر والتلاوة من سورة الأنعام اعتقد كذا
لو تصفحنا كتاب مادة التفسير وجدنا بعض المقاطع المختلفه من السور القرآنية .
سؤالي الي وضع هالمناهج ما علم بما جاء في الآثر أن الصحابة لا تجاوزون آية حتى يحفظونها
ويحيدون قرآتها ويعرفون أسباب نزولها .. الخ .
يعني تخيل الوضع تحفظ سورة وتقرا في سورة وتاخذ تفسير سوره ..
ليه ما يعطوني مقاطع مكونة مثلا من 10 آيات يجيد الطالب حفظها وقرآتها ومعرفة معاني كلماتها
وأسباب نزولها احسن من هالدش الموجود بالمنهج والتشتت الحاصل .

مدارس التحفيظ لي بنات اخ يدرسون فيها والله وحده ماشاء الله فعلا تستحق ان تكون طالبة تحفيظ
والثانية الله يصلحها حفظ دون عمل وهذي مشكلة ..

يمكن لبعدي عن مدارس التحفيظ فما عندي تعليق واضح عنها لكن الله يجعلنا ممن يقرأ القرآن ويعمل
به ويجعله شفيعا لنا .

شكرا ع الموضوع اختي .

الشيخه عنوده
12-06-2010, 05:23 PM
اللي أشوفه انه بنات التحفيظ فالين امها ..
ولا عندهم اجباري ولا شئ..
اهم شئ الستر والعباءه علىا لرأس والغطاء ..
اما اللي تقولينه والله ما مـر علي ..
تقصدين بس مدرستك ..
على العموم بنت خالتي في مدرسه تحفيظ ..
لين أول ثانوي ..وبعدها نقلت تعليم عام لانها تبغى علمـي ..pb189
والبنت ماشاء الله أخلاق وأدب .
وماقلت انهم كانوا يعاملونه بالشده ..وهالشئ..
على العموم هي حرب شنت على الديـن ..ولن يهدأ لهم بال الا اذا انفصل الدين عن الحكم ..
وهذا بعدهم ..
لان البيعه قامت على اساس الدين .وفقط ..
ادرس في العصر في تحفيظ _ سابقا _
كنت عادي أجي واسمع ..واسولف مع البنات ..والمحاضرات ..
ونطلع عمرهم ماكانوا يقولون سوي كذا او كذا ..
الا اذا كانت اللي تطلع شكلها متبرجه .هذي يقال لها تغطي ..
لانه مايليـق بمكان يدرس فيه كتاب الله تطلع منه بنت متبرجه ..
لانه المشاهد في الخارج راح يذهب عقله الى تفسيرات ثانيه ..
..
الله لايخلينا من دور التحفيظ ..
ومدارس التحفيظ ..
Pb189

الهيئه في جميع المدارس ..العام والتحفيظ ..
تحفظ اعراض البنات من الذئاب ..
والله اول ياكثر الشباب عند المدارس ..والازعاج لكن الهيئه pb189
وهـ بس ..داموا فوق رؤوس الجميع ..
..
بالنسبه يالغلا انهم مايخلونكم تسولفون بالحصص .
اخاف السالفه مو سوالف بس ..اخاف انها مطامر وازعاج :d
والله لو اني مااعرف حركاتنا في حصص الفراغ ..

اهلن اختي
اللي اقصده ان بنات التحفيظ غير مؤهلات يعني بالوجه داخلين عشان الفلوس
وزياده على كذا ضغظ في مواد الدين وحصص الفراغ كله محاضرات وحصص الفراغ ايضا
والدين ما امر بكذا والدين فيه فسحه وترويح عن النفس

الخيـّـال
12-06-2010, 05:31 PM
التشدد موجود في غالبية مدارسنا .. القسم العام او قسم التحفيظ ..
فانتي ممكن لآنك عشي الاجواء وتظنين ان الوضع متختلف .. لكن بالعكس!

لآن البنيه التحتيه عندنا .. قايمه على المظاهر ..
مايهتمون في تنمية داخل الشخص .. مايبنونه من الداخل ..

في اللي تطرقتي لها ولا بغيره من مدارس ومناهج!
الآن انا متخرج من المدرسة .. واحس بداخلي ماستفدت شيء غير الشهادة ..

يعني ماحس استفدت نظامياً .. ولا استفدت علمياً ..
ولا استفدت منها الآمور الاخلاقيه اللي ممكن للمدرسة دور .. المدرس يصبحنا على ضرب ويمسينا على سب!


طبعاً البدائل في تقنين الصلاحيات المتاحه لهم .. وتحديد توسع آكثر من الجهات العليا ..
يعني مثل مسألة منع الضرب .. يعتبر قانون اداري .. لو مثله على هالنمط كان تغيّرت الآمور لأفضل


شكراً لكِ عنوده ..
bp039

M7MAD.Rw
12-06-2010, 05:32 PM
يمكن هالشئ شفتيه بمدرستكـ لكن بشكل عآم مآ سمعت عن هالتشدد آبد ..

بآلعكس مدآرس التحفيظ آشوف انهآ عآدي مثل مدآرس التعليم العآدي اللهم الفرق هو التركيز على حفظ القرآن والموآد الدينيه ..

وحتى طلآبهآ كثير منهم طلآب مو ملتزمين طلاب عآديين ويدرسون برغبتهم عشآن مآ آحد يقول يمكن مجبورين ..

وهالتشدد اللي قلتيه من مدرستك يمكن نشوفه بآي مدرسه عآديه سوآء تشدد بآلدين آو تشدد بآي شئ ثآني ..


وبشكل عآم مدآرس تحفيظ القرآن هي فخر لهالدولة لأنهآ تقوم على تحفيظ القرآن لـ طلآبهآ وهذآ آكبر فخر لكل طآلب يتخرج منهآ ..

لكن التعميم في آي شئ هو آكبر خطأ ..

B O y ~
12-06-2010, 05:32 PM
على العموم هي حرب شنت على الديـن ..ولن يهدأ لهم بال الا اذا انفصل الدين عن الحكم ..
وهذا بعدهم ..
لان البيعه قامت على اساس الدين .وفقط ..
ادرس في العصر في تحفيظ _ سابقا _
كنت عادي أجي واسمع ..واسولف مع البنات ..والمحاضرات ..
ونطلع عمرهم ماكانوا يقولون سوي كذا او كذا ..
الا اذا كانت اللي تطلع شكلها متبرجه .هذي يقال لها تغطي ..
لانه مايليـق بمكان يدرس فيه كتاب الله تطلع منه بنت متبرجه ..
لانه المشاهد في الخارج راح يذهب عقله الى تفسيرات ثانيه ..
..
الله لايخلينا من دور التحفيظ ..
ومدارس التحفيظ ..
pb189

الهيئه في جميع المدارس ..العام والتحفيظ ..
تحفظ اعراض البنات من الذئاب ..
والله اول ياكثر الشباب عند المدارس ..والازعاج لكن الهيئه pb189
وهـ بس ..داموا فوق رؤوس الجميع ..
..
بالنسبه يالغلا انهم مايخلونكم تسولفون بالحصص .
اخاف السالفه مو سوالف بس ..اخاف انها مطامر وازعاج :D
والله لو اني مااعرف حركاتنا في حصص الفراغ ..

> يدور سيفه ..
انا شاك بأبن الأبحر القعقاعي ورا هالحرب على الدين pb024 .. تشاركييننني الرأي ياأختاه ؟
حنا بكوكب الأرض بحصة الفراغ نسولف موب نتشقلب ع فكره :Dpb189 ..

نرجع للموضوعك .. انا والله مالي خبره بهالمدارس .. بس سالفة الراتب احس اوفر شوي ..
بتخلي بعض الناس تدخل بس عشان الفلوس .. وأول ماتخلص السنه تلقاه نسى الي قبل ..

نازكـ
12-06-2010, 05:35 PM
أنـآ درست بتحفيظ مـآشفت اللي تقولينه ..

دفعتي معاي من أولى ابتدآئي وتخرجنا من الثنوي سوى ..
بالعكس لهم بصمـة بكـل مكـآن ..
وتعامل المعلمـآت كـآن الأغلـب رآقي وبذوق وأدب واحترآم ..
حصص الفرآغ ما كـآن فيها اللي تقولينه , لأن المحـآضرآت هذي يغطيها جـآنب الحضور للمصـلى والحضور مب اجبـآري ومع ذلك المصلى كـآن نشط وأسلوبهم رآئـع ..

والحمد لله ربي مغنينا إننا ندخل عشـآن فلـوس ..
ولو كـآنت فهي تشجيـع يحفزنا للمزيـــد وتأكيد الحفظ ..
وان كـآن فيه أحد داخل عشان الفلوس .. فذنبها على جنبها لانها قاعده تفوت على نفسها الأجـر بنيتها ..

وبالنسبه للحجـآب ..
بكل المدارس فيه تشديد على عبـآيـة الرآس ..
وكانوا اغلب المراقبات عندهم أسلوب في النصح ..
يكـآفئون اللي عبـآتها محتشمـة وتلبس قفاز وشرآب ..

لكـن ما شفت تشديد عاللي ما يبي الا انه لازم تلبس البنت شراب بس ما توصل لدرجه انهم يبيعونه ..
مهما ان كان كـآن لهم أسلوبهم اللي خلاني الى يومك ما افكر أنزل عباتي على كتفي ..
ولا انزع شرابي ولله الحمــد ..

والتنافس والحقد والحسد موجود بكـل مكـآن ماهو مخصص بفئة معينـة ..

إذا كان فئه مثل اللي ذكرتي فهم مو الغالبيه ولله الحمـد ..
والمجتمع يحمـل الخير والشر ..

SHAVKiH
12-06-2010, 05:37 PM
^^
يمكن علشانك العصر ..

آكثر آلي قآلته يصير عندنـآ من شرآب وقفآز وحآله ..
اما من ناحية الهيئه آلله يخليهم لنـآ ..
بس فيه معلمآت تخلف قسم بآلله .. مره رجعت من الفسحه ولا دريت انها رنت وتاخرت شوي يوم وقفتني المشرفه وعطتني مخالفه قلنا ميخالف يوم رجعت للفصل وقفتني الاستاذه قلنا ميخالف كان بجنبي المكيف ع طول وكان ينفخ ع وجهي جيت وخرته عن وجهي جت طلعتني برا وودتني لم المشرفه وكتبوني مخالفه ثانيه ودي ادري ع وشو يوم عييت اكتب قلت ليش تكتبوني وانا ما سويت شي اخذت جزائي من الفسحه بس اني بس وخرت المكيف قالت ما استاذنتي قلت اذا قلت استاذه قالت ولا كلمه ما ابي اضيع الحصه عليكم .. قالت المشرفه اي هذولا انتم يا بنات التحفيظ تردون بدون اخلاق<= باللهي موب ظلم ؟
خيييييييييير وش الي موب اخلاق سراحه جد تخلف pb093
واي شي صغير نسويه قالوا ايه هذولا انتم يا بنات التحفيظ ليش وش ناقصهم بنات التحفيظ عن البنات الثانيآت ؟

لكـن ما شفت تشديد عاللي ما يبي الا انه لازم تلبس البنت شراب بس ما توصل لدرجه انهم يبيعونه ..

حنا عندنا يبيعونه واجباري تشترين اذا ما معك قفاز او شراب واذا ما جبتي فلوس ما يعطونك درجاتك بالاختبارات pb093

Beroo0oo
12-06-2010, 05:39 PM
يمنعون عنا ابسط الاشياء حتى مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب

انا مادرست في تحفيظ درست في مدرسه خاصه ومع كذا خليهم يلاقون معاك عطر ولا كريم ولاكحل ! تقوم الدنيا ولاتقعد !! وكأني مسويه جريمه .. يتعاملون مع الطالبات وكأنهم معتقلات !! تشدد على غير سنع !!pb093


حصه فراغ بعض الاستاذات يمنعون نسولف
سوالف عن سوالف تفرق !:D انا لو معلمه مااقدر اجلس بالفصل والبنات يسوون ازعاج .. راجع للمعلمه ونفسيتها ومزاجها pb027



داعيات والمواضيع كلها عن المعاكسات وخطره بس عشان بنت قد طلعت مع شاب او عن الموت

حتى كم مره جابو لنا وحده تكفن وكذا!

في جميع المدارس مطبق هالشي !! للتذكير pb189
والا احنا مسلمين بالاسم بس pb093

وحتى الهيئه دايم عند الباب


وين المشكله ؟؟
حتى بالمولات الهيئه موجوده :D

ماانكر ان فيه تشدد بمدارس البنات .. وكلن ومفهومه .. بس مااعتقد مدارس التحفيظ فيها زود عن اللي جالس يصير بباقي المدارس



احترامي bp039

جـُوهيّـر
12-06-2010, 05:39 PM
هلا وغلا pb189

قسم التحفيظ شيء جميل بالحياة :sm5: ،
من الابتدائي إلى ثالث متوسط وانا بالتحفيظ :sm1::sm1:
بس لما الثانوي حوّلت عام ، لإن المحافظه اللي انا فيها ماقدروا يفتحون ثانوي تحفيظ pb093 !

بس ماعشت هالاشياء اللي تقولين pb036 ، تروعت pb036:D
بالعكس رااااااحه ومافيه تقيّد إن يلا يابنت سوّي وسوّي وبالهواش pb036 ، هم يسوون اللي عليهم وواجبهم والبنت عاد وكيفها ،
بس معلماتكم يروعون pb036 ، ليش هالتعصب هذا كله pb036 ! ، يمكن من المعلمه نفسها pb093

بالنسبه للهيئه اللي توقف برا ، هل هي توقف على مددرستكم بس ؟ ولا كل المدارس pb036 ! استغربت صراحه ، بمدرستنا اللي بالباص تروح واللي بسياره ماتطلع برا تنتظر لا ، تدخل جوا والحارس يقول الاسم بالسبيكر وتطلع pb189 ،.

مايصلح كذا يشددون على البنات لاتسولفون ولا لا لا لا ، كذا البنت بتمّل من جد :( !
واللي هاوشت على الكريم ، أساساً الكريم مسموح فيه بكل المدارس ، ليه ترميه كأنها حاطه كريم أساس pb036 !
غريبه مدرستكم :(pb189 ،
بس مو كل المدارس كذا pb189

يكفي بس تدخلينها تحسين بالطمأنينه والراحه pb030 ،
حنيّت لمدرستي :sm1: ، الله يصلح قلبك ياعنود :Dpb189

سمّي bp039

عسل ورد
12-06-2010, 05:39 PM
اممممممم
ما احس انها مشكله الوضع يختص بمدرستكم
لاني خريجة تحفيظ وما شفت هالكلام ..

سفره نفسها
12-06-2010, 05:44 PM
بصراحه ممكن يلى تقوليه صح الله اعلم
لكن انا موديه بنتى الصغيره والله قمه بذوق المعلمات ومدخلين سلوكيات للبنت الف حمد وشكر
ضغط للحصص ممكن لكن الله يقويهم كله بااجره ات شاء اللهbp039
البنات اغلبهم داخلين برغبه من اهليهم ولهم حق الاهل وان شاء الله مع الايام
يكون حبهم قوى لهذه المدرسهpb030

i'm in the mood
12-06-2010, 05:48 PM
التشدد سيء بكل الاحوال..
وحتى في الاسلام لا افراط ولا تفريط ..
عموما انا بنات خالي تحفيظ قرآن واشوف انهم يتصرفون عادي جدا .. يعني مو ملتزمين
والسبب دور المعلمه ..
بغض النظر تحفيظ او عام
التعليم عندنا زفت .. من جميع النواحي
ان كان اسلوب والا ترغيب وووو
المعلمه بأمكانها تشد انتباه الطالبات لها بأسلوب سلس ومحبب
وبأمكانها تنفرهم بأسلوب مستفز وعصبي

أما من ناحية الترفيه فهذا لازم يتوفر بجميع مدارسنا مو بس التحفيظ..
قسم بالله البنات يعانون ضغط نفسي شديد
طول الوقت حصص .. حتى بوقت الفراغ محبوسين بفصل
طيب حطولهم شي يفيدهم بس يكون ممتع

اغلب بناتنا يكرهون المدرسه وماالومهم ..

يعني كلامك عن التحفيظ صدقيني ماهو خاص فيهم
يشمل نظام المدارس عموما

الحسنه بالتحفيظ انهم يحفظونهم القران كامل وهذا شي رائع
على الاقل الانسان يطلع من الدنيا بشي زين
وماهو ذنب المدرسه اذا في طالبات يحفظون زين وفيه بنات يرسبون ..

شكرا اختي ..

معاني الروعه
12-06-2010, 06:08 PM
اتوقع العيب في البنات اللي بمدرستك :D

اشوف مدارس التحفيظ تأسس البنت صح من قران الى تجويــد بس يعتمد على البنت وقابليتها

للتعلـم ,,


والايجابيات والسلبيات موجوده بكــل المدارس سواء تحفيظ او عــام

عوافي لطرحك bp039

الشيخه عنوده
12-06-2010, 06:14 PM
ابو ميار
وهذا نهج الصحابه رضوان الله عليهم
وباخر الزمان يكثر حفظ القرا وقرائته لكن ما يطبق معانيه وهذا اللي حاصل للاسف

الخيال
اهلن اخي
بالنسبه لمدارس التحفيظ وبما اني دارسه فيها
يهتون بالقشور بس والاخلاق وين وهم وين والتعامل زفت
والدين المعامله
والله ما تحملناه الا بس حفظا للقران الله ينفعنا فيه

بـرآءه
12-06-2010, 06:30 PM
مرحبا pb189
أنا من بنات التحفيظ ما طلعت منه الا هالسنه رحت لمدرسه خاصه :) وشفت الفرق بين بنات التحفيظ و البنات الثانين :sm5: فررق فرررررق بس ما راح اقولكم الفروق يمكن ما تصير بكل المدارس pb189

اهلن اختي
اللي اقصده ان بنات التحفيظ غير مؤهلات يعني بالوجه داخلين عشان الفلوس
وزياده على كذا ضغظ في مواد الدين وحصص الفراغ كله محاضرات وحصص الفراغ ايضا
والدين ما امر بكذا والدين فيه فسحه وترويح عن النفس
وش دراك عن نواياهم عشان تقولين بس عشان الفلوس ، وكيف يعني غير مؤهلات هم ما دخلوا الا يبون يتأهلون الإنسان ما ولد متعلم :rolleyes: ولا تنسين تراهم يمرون بفتره مراهقه طبيعي بيسوون حركات مراهقه شوي :D و بالنسبه تقولين ضغط مواد الدين والله من اسمها مدرسه تحفيظ وأول بالعكس حصص الفراغ انووااااع الإستهبال وما يقولون لنا شئ pb058
والشراب لازم طويل عادي اي لون والقفاز لا مو لازم وهذا مو تشدد هذا تعليم وتعويد pb189
مووووو كل المدارس زي مدرستك :)

عالعموم عوآفي عالطرح bp039

oaklawn
12-06-2010, 06:33 PM
بخصوص مدارس تحفيظ القرآن
أحسها ما تأدي غرضها المطلوب :(
يعني أنا عندي بنات خلاتي كلهم داخلين تحفيظ إلاّ كم وحدة
شوفي بمناهجهم يركزون على الدين بشكل
بس حشو × حشو × حشو ..!
مافيه تطبيق من قبل البنات أبد أبد أبد
يعني ورب البيت تقصون علىّ قصص وربي بمدرستي ويقالني أنا بالرياض-هم بالقصيم-
ماقد سمعت من الوقاحة الي فيها ..~
مافيه حس داخلي إني أنا حفظت القرآن مافيه استشعار ..؟!!
ولا تجاوزات البنات شئ فضيع
عندي وحدة من خلاتي مررة محــآفظة ماشاء الله تبارك الله
ومخليه بناته يدرسون تحفيظ
عاد تجي بنته تقول لها إن بنت قدامي تحب الأعب الفلاني والبنت الي وراي تحب الممثل الي قدامي
خالتي للأسف تنصدم
وتقول وين أودي بناتي ماأبيهم يسمعون هذي الأشيـآء حب وخرابيط ..!!
وسعي صدرك يـآخاله :D:Dpb189
ويبقى الموضوع متشعب
سلمتِ يابعدي pb189

Brain~
12-06-2010, 06:36 PM
يعني يصكونها !
والله ذي مشكلة البنات اذا ماصار عندهم اهتمام ونيتهم ميب تعلم القرآن

اناماقد درست فيها بس كثير اعرفهم يدرسون فيها والاوضاع ماشيه ومافيها كل هالعذاريب
ولا فيه قفاز وشرابات سود
يمكن بس مدرستكم ياخيتي

عافاك اللهbp039

* حَكَـآيَآ *
12-06-2010, 06:44 PM
التشدد موجود في غالبية مدارسنا .. القسم العام او قسم التحفيظ ..
فانتي ممكن لآنك عشي الاجواء وتظنين ان الوضع متختلف .. لكن بالعكس!

لآن البنيه التحتيه عندنا .. قايمه على المظاهر ..
مايهتمون في تنمية داخل الشخص .. مايبنونه من الداخل ..

في اللي تطرقتي لها ولا بغيره من مدارس ومناهج!
الآن انا متخرج من المدرسة .. واحس بداخلي ماستفدت شيء غير الشهادة ..

يعني ماحس استفدت نظامياً .. ولا استفدت علمياً ..
ولا استفدت منها الآمور الاخلاقيه اللي ممكن للمدرسة دور .. المدرس يصبحنا على ضرب ويمسينا على سب!


طبعاً البدائل في تقنين الصلاحيات المتاحه لهم .. وتحديد توسع آكثر من الجهات العليا ..
يعني مثل مسألة منع الضرب .. يعتبر قانون اداري .. لو مثله على هالنمط كان تغيّرت الآمور لأفضل


شكراً لكِ عنوده ..
bp039

لا أزيد على هالكلام شيء ..لك bp039

so00
12-06-2010, 06:51 PM
انا خريجة تحفيظ pb189 السادسه حي النخيل pb189

وبالعكس ما شفت في مدرستنا الا كل خير .. والاغلب راضي عن الوضع

وبالنسبه للي يدخلون عشان المكافأه .. هذا شي بينهم وبين الله وما ندخل في النيات
وكذا بنت شفتها نفس ما قلتي اجبروها اهلها عشان المكافأه بس لما عاشت الوضع حبته وعرفت انو تحفظ حاجه عشان ربي ويقال انها حافظه

اشوف انو مدارس التحفيظ زرعت في نفسي حاجات كثيره .. من حب الخير .. والستر pb189 وغيره

وجربت نقلت منها اسبوع ما قدرت اتحمل رجعت

وبالنسبه للتشدد والمحاضرات صح وقتها كنت اتضايق بس الحين ممتنه جدا لمدرستي على الاوقات الي استغلوها في مصلحتنا pb189 بجد الله يجزاهم عني كل خير pb189

مدرسات قمم في الاخلاق والامانه في التدريس pb189
ممتنه كثير لهم .. ومو انا لحالي بشهادة كل بنات مجموعتي

وبرضو بالنسبه للترفيه بالعكس اشوف حصص الفراغ ما يكون فيها الزام بمحاضره او شي لا ناخذ راحتنا ونسولف ونستهبل

على العموم يمكن المشكله في مدرستك لا تعممين bp039

الحرة
12-06-2010, 06:55 PM
مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت

همومكم سطحيه

كثيرا ما نسمع عن هموم الأمة وحملها ....
ولو فتشت خلف رواد هذه المقولة لوجدت أن جهودهم لا تتعدى محاضرات مكرورة ومملة ولا تعود على أحد بنتيجة مجرد تنكيد وترهيب لا فلسطين تحررت ولا دولة أوروبية دخلت الإسلام .

الأمل المفقود
12-06-2010, 06:56 PM
****


بالنسبة لي ..

أنا على وشك أكون خريجه من تحفيظ
ولله الحمد تعليمي الإبتدائي والمتوسط والثانوي كله تحفيظ
وسبحان الله كل شي قلتيه عكس عندنا ..
مافي أحد يتعامل بهواش أو طقاق .. كل شي بتفاهم .. اقنعيني وأقنعك
أما مسأله إن بعض البنات طلعو ماإنفعهم شي
هذا أكبر دليل إنهم مادخلوها برغبتهم أو إن معلماتهم مو كفو
أو إن البنات نفسهم فيهم شي ..
يعني معقوله ثلاث سنين راحت من حياتهم مانفعهم شي أبد .. !!


أما بالنسبه للاخت روح . ^^
عزيزتي .. ما أدري هل إنتي دارسه تحفيظ .. يعني توقعت بما إنك قلتي إن مدراس التحفيظ ماتأدي الغرض المطلوب
وإن كل شي حشو في حشو .. بالعكس المناهج أروع مايكون .. لكن يمكن الحشو هي طريقة الشرح !


كلمة حق أقولها بكل صدق ..
12 سنه اللي عشتها بين جدران مدارس التحفيظ
أعطت لي أشياء كثيره .. وفتحت عقلي على أمور أنا جازمه
أن غيري مازال عقله جاهل عنها ..


اللهم لك الحمد ..


عذرا على الإطاله

فيدروبان
12-06-2010, 07:03 PM
أنا ما عندي معلومات عن مدارس التحفيظ
ولكن بأعلق على النقطه الأخيره اللي ذكرتي فيها الحسد والحقد بين الطالبات
بشكل عام التعليم عندنا فيه تركيز كبير على الحفظ
المهم للمعلمين المعلومه توصل للطالب ويحفظها ما يهتمون الطالب فهم المعلومه واقتنع منها والا لا والدليل أسئلتهم اللي تعتمد على الحفظ وبالطريقه هذه الطلاب ما راح يطبقون اللي يتعلمونه في حياتهم
وهذه المشكله موجوده بمدارس التحفيظ وغيرها من المدارس

نازكـ
12-06-2010, 07:23 PM
انا خريجة تحفيظ pb189 السادسه حي النخيل pb189


يالبى بنات السـآدسـة ..
صدق ما درست فيها بس سمعتكم تجنن ..
واصلتنا وحنا بأقصى الشرق ..

::

صاحبه الموضوع ..

صدقيني المشكلـه خاصه بمدرستكم مو عامه ..
ومو علشانها تحفيظ ..
كثير مدارس تخرج طلاب على نظام الحشو بس ..
البلاء بالتعليـم كـله مو بمدارس تحفيظ وغيره ..

بس عـآد للانسـآن القدره انه يطور نفسه وما يعتمد على الغير في تفتيح عقلـه ..

من بنات التحفيظ انـآ ..
لكـن أشهد لهم بالخير , يكفي الأخـوة اللي بيننا وما زلت أحس فيها من اللي حولي ..
سواء البنت استفادت أولا هذا راجع لها ..

ما تقدرين تقـولين صكروا القسم العلمي مثلا ..
لان فيه نـآس تتخرج ما تعرف أساسيات بسيطـه بالرياضيـآت والا الكيمياء والفيزياء ..

ولا تقدرين تقوليـن صكروا الأدبي ..
لأن فيه نـآس تتخرج ما تعرف الفعل من الفـآعل ..

ما نظلم أحد ونعمم رآينا على نوعيـآت معينه ما استفادت ..

بالتوفيق ..

نـــجلاء
12-06-2010, 07:28 PM
كثيرا ما نسمع عن هموم الأمة وحملها ....
ولو فتشت خلف رواد هذه المقولة لوجدت أن جهودهم لا تتعدى محاضرات مكرورة ومملة ولا تعود على أحد بنتيجة مجرد تنكيد وترهيب لا فلسطين تحررت ولا دولة أوروبية دخلت الإسلام .

هو هذا الكلام ..bp039

آآآآخ بس من وين أبدا ومن وين أتكلم ومن وين أعبر ..

أنا كل ما أشوف شخص ( متخلف وعقله خارج نطاق الخدمه) < مواصفاته بأن ينشر الطاقه السلبيه والتشاؤم ووقاحة التعامل والإجبار على أمر ديني ( أقول وفي داخل نفسي حسبي الله عليه ونعم الوكيل)

الله عز وجل في القرآن يقول ( لا إكراه في الدين قد تبين الرشد من الغي ) وهذا يأتي ويجبرني على أمر وبأسلوب وقح .. !








رحم الله زمنا كان أبو بكر رضي الله عنه يقول فيه (بمعناه) ( كنا لا نتجاوز 10 آيات حتى نعلم مافيها من العلم والعمل)


أما اليوم فالبعض لا يتجاوز ( نطاق أنفه ) و (حنجرته) في تطبيق القرآن والعمل به ..

أفلا يتدبرون القرآن ؟؟؟؟ أم على قلوب أقفالها

وطن التميز
12-06-2010, 07:30 PM
يبدو لي إنج من مدارس تحفيظ القرآن
ويبدو لي كذلك عدم رضاج عن واقعج للأسف
لأن على الرغم من كل اللي يتمنون ويثنون على الدار
ألقاج إنتي تشوفين العيوب ولا تشوفين المزايا
إلا المادية اللي تحورينها بشكل يخليها سلبي


كوني منصفة يا إختي
وخلينا نقبل منج شي
وترى الواقع ماهو مظلم لهدرجة
وحصص الاحتياط من باب شغل أوقات الفراغ فيما يفيد يحطون فيها حفظ أو يذكرون فيها فوائد ..

mjnontk
12-06-2010, 07:37 PM
http://7lema.up4arb.com/uploads/cca4dba399.png (http://7lema.up4arb.com/)



عز الله انك صدقتي..

انا متخرجه من الجامعه وقلت يابنت مدامك فاضيه خلي ادخل تحفيظ القران..

دخلت وياليتني مادخلت استلموني حسسوني كااااااافره مو مسلمه..

لدرجه قلت الله لايعيدها من فكره وهذا وجهي اذا جيتكم..

اول شي استلموني بالعبايه قلت جزاكم الله خير وسكتنا..

ثاني شي الحواجب كلهممممم طبعا اول وحده : حرام عليك نامصه تدرين النامصه والمتنمصه بالنار ((طيب وشدراك اني نامصه بكيفك)) قلت يابنت الحلال تشقير وانا جايه احفظ قران ماجيت تشرشحوني..

حببوا الناس فالتحفيظ وخلوه ياخذون ويعطون معكم وبعيدن انصحوهم مو كذا تقبون بوجيهم..pb036

(( الدين نصيحه يابشر)) مو تهجمون على الواحد كنكم ماصدقتوا تلقون وحده تحطون حرتكم فيها..

يعنى مع احترامي لهم في ناس ينصحون بطريقه والله يخلونك تبكين وتتحسرين على الي سويتيه وناس اعوذ بالله تدعين عليهم وعلى اسلوبهم الهمجي..

موضوعك يجنن لاني شفت نماذج نفس الى شفتيها..

لـك ياشيخه..bp039





http://7lema.up4arb.com/uploads/e8d1ab3393.png (http://7lema.up4arb.com/)

a7llami
12-06-2010, 07:44 PM
والله دخلت على مدرسة تحفيظ ...فالين امها:D
البنات عايشين جوهم..واهم شي عندهم تحفظين قرانpb189
تشدد ماشفت ابدن..
البنات كل فتره يستأذنون نبي نطلع نسوي مشروعنا..
نبي نطلع للمدرسه الفلانيه عشان ازين لها درسها بوير بوينت..الخpb131
وتعالي شوفي الاشكال:sm5:
شكيت اني داخله حفلة بنات لولا المراييل:D..شعور تسريحات..والكحل والماسكرا والبلاشرpb030
عن تجربه عشتها..والحمدلله عدت على خيرpb189
اتوقع المشكله عندكم من بعض مدرساتكم الي نظام قديم..بما انك داخله التحفيظ فلازم تكونين زاهده بالدنيا وواحده من الدعاهpb036
ونسو او تناسو ان الناس قدرات..
موفقه الشيخه...bp039

أحساسي حلم
12-06-2010, 07:51 PM
..
اهلين اختي انا درست الى الثانوي تحفيظ قران ..وتخرجت ولله الحمد من سبع سنوات :D

كلامك ينطبق على مدرسه معينه بالعكس مدرستي الي درست فيها قمه من حيث الطالبات والمعلمات والتعليم بشكل عام ..
ماكان عندنا تشدد زي ماقلتي
وبعدين من قالك ان البنات حاليا داخلين عشان مكافأه بس؟؟:sm4:
انتي الان قاعده تشككين بنياتهم ... بالعكس والله مادريت على المكافأه الا يوم عطوني اياها والا اول مدري ان فيه مكافأه اصلا :D

اختي لا تعممين على جميع المدارس بالعكس المدارس فيها الصاحي والطاحي .. في كل مدرسه مو في مدرسه معينه .. والا بفئه معينه


درسوا معاي بنات شيوخ واصحاب فضيله بالعكس ماوجدت منهم الا كل اريحيه ,وتعامل , واخلاق ..

فلا تعممين على الجميع .. وحصص الفراغ هم يقولون كذا بس (استفيدو من وقتكم ) ماراحوا ضربوك على ايدك الا تفتحين مصحف وتقرأين..:)


آآآه بس يازين ذيك الايام :sm1:

هذي وجهة نظري واتمنى تتقبليها بصدر رحب

لك bp039,,

~Mega
12-06-2010, 07:53 PM
مدري وش العيب بكل هاللي تكلمتي عليه..

للحين ماشفت اي عيب باللي قلتيه كله بالعكس زاد اعجابي بمدارس التحفيظ..وبعدين لو ماعجبك ان الانسان بمدارس التحفيظ مايوصل ثالث متوسط الا حافظ القرآن لاتدخلين يآخي..!

سآمريه
12-06-2010, 07:59 PM
اهلا وسهلا طلعو الجماعه :Dpb189
انا كمان درست فمدارس تحفيظ من 1 اابتدائي الى 3 متوسط وبعدين طلعت ثانويه عاديه عشان ادخل علمي
وكان فرق فعدد البنات وفكل شي :(< ناويه تفضفض

عاد اقولك:D
صح انه الحال يتغير زي كل شي في الدنيا
بس ماكنا معقدين كدا مو لدي الدرجه :D
بالعكس كان في نشاطات كتير مره pb189
وكانو يتفاعلو دايمن مع الاحداث الي تصير
كان فيها حياه pb189
وعمرهم ماغصبونا على عباية الراس
صح يقولو البسوها بس اذا مالبستي وعبآيتك ساتره ومو مزركشه عادي زي بقية المدارس يعني

يمكن الحكايه تفرق بين المدارس والادارات
وبالعكس اتمنى لو المدارس التانيه تحرص على مواد الدين زي التحفيظ
يعني شوفي الفرق فحصص القران
في التحفيظ كل يوم وفي المدارس العاديه حصه في الاسبوع
حتى في ناس يرسبو في القران ؟!ومعاهم حق لانهم مو معطينها اهميه
المفروض يخلوها اذا ماكانت كل يوم اقل شي 3 ايام في الاسبوع
وماحيكون في ضغط ولاشي القران كله خير وبركه pb189

نسيت اقول السلبيه الوحيده فمدارس التحفيظ
انه ماكان في اهتمام فمعاني الايات وتفسيرها
يعني اهم شي الحفظ ومادة التفسير كمان كنا نحفظها
ياريت تسير في اساليب جديده وتحمس في الدين وفكل المواد وكل المدارس

حبتين ْ..,!
12-06-2010, 08:06 PM
ذكرتين بالتحفيييظ :sm1:pb189
ازين ايام عمري بالتحفيظ :sm5: لامن ناحيه المعلمات ولا الطالبات :sm5:pb189
فمن تجربتي مع المدرسه كانوا الطالبات ما يحفظون القران يعني تسقط وتعيد الدور وتنجح او تنجح على الحفه
pb036
يمكن هذا عندكم بس !:sm4:
الحمدلله عندنآ كل الفصل يحفظوون الا كم بنت معدودات ع الاصابع .....!
لدرجه اننا نتهاوش ع مين تسمع اول وحده !pb189
ومن بعد ثالث متوسط كل وحده راحت لميوله الي نقلت واللي قعدت:sm1:
اما من نآحيه التشدد بالعبايه والقفازات والشراب كان لازم pb189
لانتس تمثلين بنت تحفييظ ( انتي حافظه لكتآب الله )pb189 pb189 وما دخلتي الابرغبتتس pb189 والحمدلله مقتنعين يوم حنا نلبسهن !bp039
اما حصص الفراغ :sm5: فكانت انوااع لوناسهpb189:sm5:
الا ماندر كانوا يحطون فيها محاضرات:rolleyes: واغلب المدارس كانوا كذا ..,
والهيئه كانت متواجده اغلب الاحيان bp039
وباغلب المدارس اللي عندنا لازم بوقت الخرووج تكون موجوده الهيئه الله يخليه pb189


البلآ بمدرستتس !:( فلا تعميين :rolleyes:

m0nt
12-06-2010, 08:07 PM
السلام عليكم ورحمه الله وبركاته

كما هو معروف التعليم العام ينقسم قسمين قسم عام وقسم تحفيظ قران

اللي معني بحفظ القران كاملا في الصف الثالث متوسط ومراجعته في الثانويه وتكثيف مواد الدين

من الحديث والمصطلح والقراءات السبع والتجويد والتفسير والفراءاض وعلوم القران

وهناك مكافئه تصرف للطالبات 7400سنويا لبنات الثانوي 6000لبنات المتوسط3000للابتدائيه



عليكم السلام ورحمة الله وبركاته
هاذا الشي معروف جداً ، أما مسأله المكآفئآت فهي تحفيزيه وتعطيهم دافع كبييير لحفظ كتاب الله كما انها تُصرف من بعض رجال الخير . ( جزاهم الله خير )


وبما اني من خريجات ثانويه التحفيظ فقبل كانت مدارس التحفيظ قليله جدا واما الان نشوف اقبال شديد

عليها حتى صارت في كل حي!
أنا أيضا احدى طالبات التحفيظ الى المرحله المتوسطه ومازالت مدارس التحفيظ قليله جداً والاقبال كلمه لاتليق بمكان علم والذي يريد الخير ولأبناءه سيجدها . وليست في كل حي!



فمن تجربتي مع المدرسه كانوا الطالبات ما يحفظون القران يعني تسقط وتعيد الدور وتنجح او تنجح

على الحفه حتى بعض البنات كان ميولهم علمي ورفضوا انهم يحولون لان المدرسه تصرف لهم راتب!

ومن تجربتي انا في التعليم العام والتحفيظ ,
هناك مستويات متفاوته في اي تعليم
هناك مهمل وجاد
راجع لذات الطالب وليس لها اي شأن في التحفيظ خاصه !
:)
أنا ميولي كان علمي وما ان انهيت المتوسطه حتى انتقلت لمدرسه عامه !
ولاتضعي في ذمتك شي ولاتشككين في نيات الأخرين ، الراتب كما اسميتيه كأن مجرد تحفيز ولا اظن ان احداهن كانت ستضيع مستقبلها من اجله !!!

وحتى كان معلماتنا متشددات مرره يعني اذا بالابتدائيه كان لازم اللي في صف ثالث تلبس عباه

وبنات الثانوي يلبسون شراب اسود طويل وقفاز وبالاجبار حتى يبوعون وتشرينه منهم اما الان فخفوا
الدين ليس تشدد ! عليك مراعاة بعض المفردات


وبعد كانوا يمنعون عنا ابسط الاشياء حتى مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت

همومكم سطحيه !!

هنا وضعت نسبة 100% انك من خريجات الاو... :)

بعد ان وضعت النسبه لم يعجبني ان اقتبس اكثر من هذا ,

لكن سؤال بعمق موضوعك وحماسك واندفاعك

مَ الذي اجبرك على هذه المدرسه وعدم الانتقال لااخرى , !!!!!!!!!!!!!!!!!!!!!!!
اذا كانت كل هذه السلبيات بنظرك فيها ؟؟؟؟؟؟؟؟؟؟؟؟؟؟؟؟؟؟؟؟









حتى بعض البنات كان ميولهم علمي ورفضوا انهم يحولون لان المدرسه تصرف لهم راتب!



لآتعليق .

الشيخه عنوده
12-06-2010, 08:10 PM
اولا انا لا اعيب التدريس وتكثيف مواد الدين بالعكس المواد نفعتنا وزادتنا علم

بس الادارة والمعلمات حاصرين النشاط وحصص الفراغ على النصائح

المشكله في ان النصائح دائما مكرره كلها معاكسات وعن القبر وهم اصلا ما

علمونا كيف نعيش بمرضاه ربنا عشان نستعد للموت

وبعد الله يهديهم اسلوبهم بالنصيحه زفت (البعض)

وبعض الردود يقولون لا تعمميم انا ما عممت ولا تمحورون الموضوع رجاء

وايضا كثير قالو لي اهلي رافضين نقل عشان الفلوس وهذا نقلا منهم

انا ولله الحمد اكبر فخر لي اني تخرجت من تحفيظ والله يجعلنا نقيم حدوده وحروف

وترى انا اقصد بالتحفيظ القران الكريم اللي تبع التعليم مو الدور

سولافا
12-06-2010, 08:13 PM
ياعزيزتي دام مااعجبك التحفيظ ليش مستمره فيه !
بصراحه مدري انا مادرست في تحفيظ بس مااتوقع فيه هالشده اللي تحكين عنها بالعكس لي صديقات كانو بتحفيظ وعمرهم ماتشكوا ..

عوآآفي bp039

( غادة نجد )
12-06-2010, 08:16 PM
عزيزتي انتي لامستي جزء من واقع في مدارس تحفيظ القران
أنا معلمة في مجمع تحفيظ قران في منطقة تابعه لتعليم المجمعه وبيكون لي عوده
بطرح الواقع الي اعيشه في التحفيظ مع أن تخصصي مو ماده دينيه ومادتي مخففه .

بيكون لي عوده  

Rainbow
12-06-2010, 08:20 PM
هي الفكره انها مدرسة تحفيظ قران من اجمل الاشياء اللي تتسوى بالتعليم عندنا بس المشكله مو بس بمدارس التحفيظ هي مشكله عامه بالتعليم عندنا دش من غير فهم ويتخرج الواحد ثقافته صفر وحتى راي عن موضوع مايقدر يكون الله يخلف
تعليمنا كله يبيله نفضه معتبره

فلسفة عآطل
12-06-2010, 08:20 PM
كنـا نتأمل بـ هالمدارس ومـن سـ تخرج ، للأسـف كنـا " عميـانا" ، نظن " كلهم" أهل دين وصلاح ،، ما أنكر " كم" واحـد يرفـع الرأس فيـه إلى يومنـا هذا
لكن مو مثل التصورات المتأمله
النوايا تختلـف ، مـا بقولك هبت فترهـ كل من هب و دب يحشر ولدهـ ويحفظـه القران علشان " وصخ دنيـا"
وتـاركه بدون تربايـه بحكـم مدرسته المنتسب لهـا ، وطلعت بذرتـه
الضغـط من قبل المعلمـات بكل المدارس مـا حبكت على تحفيظ القران ، الموضوع نفسي بحت
معلمات جغرافيا ، رياضيات ..ألـخ في منهـم نفسيتهـا على طالباتهـا ، وتتفنن بـ الفتوى
أذكر مرهـ تناقشت مع مدرسـه فقه عن تشقير الحواجب < يالليل الليل :D
تقول حرام ولا يجوز وفيـه تغيير لـ خلق الله ، قلت لها : كيف تغيير خلق الله وهو أصلاً الشعرهـ ثابته بـ مكانها
قالت : اللون تحول من الأسود إلى الأشقر
بوقتهـا النـاس طاحت بالغرهـ تصبغهـا شقراء ، وهي مسويـه نفس النظام
قلتلهـا والشعر لمـا ينصبغ مو تغيير لـ خلق الله !
قالت لا pb027
يـ بقحتك يـ شيخه :D
هما تغير الأسود إلى الأشقر ، ولا على نـاس و نـاس !
" تدهكي" بكريم إلى مـا تبين ، سولـفي ، هـو حرام !
ونظـام الفراغ بـ النصائح أهون مـن تزخرف لوح الأبلات لـ بغت تواجـه موجهه
مـن مصلحتكـم ، لكن هـ التزخرف والتفنن مو نـافعنا لا دنيـا ولا ديـن
أستغفر الله :D

afnan1988
12-06-2010, 08:23 PM
اولا السلام عليكم :)pb189
بالنسبه لاقولك ونقاطك حول الكريم والغطاء والمحاضرات فهذي موجوده بكل المدارس سواء كانت تحفيظ قران او مدرسه عاديه
انا كنت ادرس بالمتوسط واولى ثانوي بمدرسه حكوميه وكانو يتعاملون معنا بنفس هذا الاسلوب
ومو منهم من الاداره التعليميه نفسها ايام الرئاسه كانت هي اللي تفرض هالنظام ولو تجي موجه وماتشوف هالنظام مطبق فكله فوق راس المديره
اما من ناحيه لبس القفازات والتشدد بالمور الدين
فماتوقع وحده داخله تحفظ القران الا من رغبه
ورغبتها هذي جايه من عمق ايمانها pb189
فاللي رافضه هالنظام اكيد داخله عشان الفلوس اذن حقها وماجاها :rolleyes:
واكل العيش مر وانا اختك :rolleyes:
اللي تدخل وهي همها بس حفظ القران راح تلقينها ملتزمه وهي من نفسها تلبس قفازات وتسمتع بالمحاضرات اللي انتي ماحبيتها :rolleyes:
اما اللي تدخل بس لغرض الفلوس فشيء اكيد ماراح يعجبها هالوضع لان ميولها مو لشيء هذا
حبيبتي اللي داخلين مدارس التحفيظ عن قناعه ورغبه بالحفظ مو الفلوس راضين بهالوضع وبالعكس مستمتعين
وصعبه نغير من انظمه مدارس التحفيظ عشان ناس داخله بس عشان الفلوس
سلام bp039



احس ودي اكتب كلام اكثر بس اكتفي بهذا ,, والله يصلح امور المسلمين :(pb189

الشيخه عنوده
12-06-2010, 08:23 PM
مَ الذي اجبرك على هذه المدرسه وعدم الانتقال لااخرى , !!!!!!!!!!!!!!!!!!!!!!!
اذا كانت كل هذه السلبيات بنظرك فيها ؟؟؟؟؟؟؟؟؟؟؟؟؟؟؟؟؟؟؟؟
اهلن اختي
اللي ما خلاني انقل لان المناهج افضل وكان ودي اراجع القران
وايضا القبول بالجامعات التحفيظ اولى

التحفيظ فيها ايجابيات كثير ويكفى حفظ القران

m0nt
12-06-2010, 08:26 PM
كنـا نتأمل بـ هالمدارس ومـن سـ تخرج ، للأسـف كنـا " عميـانا" ، نظن " كلهم" أهل دين وصلاح ،، ما أنكر " كم" واحـد يرفـع الرأس فيـه إلى يومنـا هذا
لكن مو مثل التصورات المتأمله
النوايا تختلـف ، مـا بقولك هبت فترهـ كل من هب و دب يحشر ولدهـ ويحفظـه القران علشان " وصخ دنيـا"
وتـاركه بدون تربايـه بحكـم مدرسته المنتسب لهـا ، وطلعت بذرتـه
الضغـط من قبل المعلمـات بكل المدارس مـا حبكت على تحفيظ القران ، الموضوع نفسي بحت
معلمات جغرافيا ، رياضيات ..ألـخ في منهـم نفسيتهـا على طالباتهـا ، وتتفنن بـ الفتوى
أذكر مرهـ تناقشت مع مدرسـه فقه عن تشقير الحواجب < يالليل الليل :d
تقول حرام ولا يجوز وفيـه تغيير لـ خلق الله ، قلت لها : كيف تغيير خلق الله وهو أصلاً الشعرهـ ثابته بـ مكانها
قالت : اللون تحول من الأسود إلى الأشقر
بوقتهـا النـاس طاحت بالغرهـ تصبغهـا شقراء ، وهي مسويـه نفس النظام
قلتلهـا والشعر لمـا ينصبغ مو تغيير لـ خلق الله !
قالت لا pb027
يـ بقحتك يـ شيخه :d
هما تغير الأسود إلى الأشقر ، ولا على نـاس و نـاس !
" تدهكي" بكريم إلى مـا تبين ، سولـفي ، هـو حرام !
ونظـام الفراغ بـ النصائح أهون مـن تزخرف لوح الأبلات لـ بغت تواجـه موجهه
مـن مصلحتكـم ، لكن هـ التزخرف والتفنن مو نـافعنا لا دنيـا ولا ديـن
أستغفر الله :d




أركز على الأشخـاص الموجودين بـ هـامش الحيـاهـ وٍ أدخلهـم بالصفحـه



عشان كذا :)

D L O
12-06-2010, 08:34 PM
انا قبل سنه هداني ربي وفكرت انه ادخل تحفيظ قران العصر
قامو يتشرطون
لازم تلبسين قفازات سوادء:(
عباية على الراس:)
قصصي اظافرك:)
البسي شراب:(
طبعا مسكت الباب ولا عاد جيتهم:D
قسم مو اسلوب مفروض يرغبون الواحد
موب تسذا pb093

Sure step
12-06-2010, 08:39 PM
السلام عليكم ورحمة الله وبركاته
صرآحة ماعندي خلفية عن مدارس تحفيظ القران
لكن اعرف ناس داخلينها , والحين مهب حافظين شي ,
::
افضل حلقات القرآن بالمساجد
لأن الانضمام اختياري ومافيه مكافأة
يعني الدافع يكون هو الحفظ وقراءة القرآن
حفظنا القران على أيدي معلمين كانوا في المرحلة الجامعية ومتطوعين يعني لا خبره ولا حوافز , الا الهمة العالية
ولنا ان نتخيل كيف حلقات القران في المساجد كيف تخرج حافظين للقرآن
لأنه شي اختياري
::
ماحبيت اعلق على شي اجهله
لكن بحكم اللي اعرفهم بعمري , دخلوا تحفيظ ولا أشوفهم حافظين شي الآن



جزاك ربي كل خير

فلسفة عآطل
12-06-2010, 08:40 PM
عشان كذا :)

ههه:D
يـ قافطني يـ حلو
تعنيتي تدخلين لـ ملفي الشخصي pb094
المقصـد في بطـن الشـاعر وليس لـه علاقـه بردي السـابق bp039
الموجودين بـ هامش الحياهـ كثر و أحتفظ بـ أعمالي لـ نفسي
شكراً لمرورك ملفي الشخصي :D

أبو دانه
12-06-2010, 08:41 PM
قربت من الموضوع لقيت جمس الهيئة يفر ..

فقررت اني ما أرد لان الموضوع نسائي بحت :d

الله يوفقكم أجمعيـــن

قصيمي تحت المطر
12-06-2010, 08:43 PM
طيب وش المشكلة ؟
طبيعي مدرسه توجهها ديني لازم يكون النصح والارشاد والتأسيس الصحيح مبني على الشريعه الاسلاميه .. مع إني كنت طالب بتحفيظ القراءن من أول إبتدائي إلى تخرجي من ثالث ثانوي .. وما كنت أعيب مثل هالنصائح مع إني حليق اللحيه وفيه من النصائح ما تتطرقت لـ حلق اللحيه وما لمنا الي إنصحونا لـ علمنا وإدراكنا بما يقولونه ويحدثون به .. وحتى لو تحدثو عن صغائر الامور ما يمكن إنك تلوم المتحدث لانه فعلاً هذا هو الصحيح !

وما العيب في ذكر الموت والقبر .؟
أليس رسول الله صلى الله عليه وسلم يقول " أكثروا ذكر هادم اللذات والموت "

!

طايرتن بالعجه
12-06-2010, 08:52 PM
والله ياختي اني دارستن بمدارس عاديه وانها ماخذتن مني المرايه
وانهم كاسرين مهفتي يقولون صرح تعليم تجيبين مهفه

وماره وانا في مدرسه خاصه بعد الاستاذه واقفه فوق روسنا تقول اقروا القران في حصة فراغ
وياويلها وياسواد ليلها اللي تسولف ماكنت راضية لاني عرفت ان الدين مو بالغصب

بنت اختي بسادس ومدارس تحفيظ وقايلين لهم خيطوا ملابس تخرج وبنسوي لكم مسيره
وبنت اخوي نفس السنه ومدارس عاديه قالوا ياويل اللي تخيط حرام تشبه

المهم ياقلبي يرجع للمديرات هم اللي يأسسون بالمدارس

bp039

mjnontk
12-06-2010, 08:52 PM
http://7lema.up4arb.com/uploads/cca4dba399.png (http://7lema.up4arb.com/)





طيب وش المشكلة ؟
طبيعي مدرسه توجهها ديني لازم يكون النصح والارشاد والتأسيس الصحيح مبني على الشريعه الاسلاميه .. وحتى لو تحدثو عن صغائر الامور ما يمكن إنك تلوم المتحدث لانه فعلاً هذا هو الصحيح !

وما العيب في ذكر الموت والقبر .؟
أليس رسول الله صلى الله عليه وسلم يقول " أكثروا ذكر هادم اللذات والموت "

!

ماقلنا شي فالنصح والتوجيه بس مو ياكلونك من اول ماتجيهم في شي اسمه اسلوب..

يكرهونك في شي اسمه تحفيظ..

من اول ماتجي لين تتطلع مع الباب وهم متجمعين عليك طبعا وحده تنصح والثانيه ادور عله ثانيه علشان تستلمك فيها بعد الاولي..

حنا ترى درسنا مثلكم وشفنا اشكال يمكن اكثر منكم ..

مروا علينا ناس تنصح بس باسلوب يحببك فالدين والالتزام..لدرجه ودك تحب راسهم بعد النصيحه..

وفي ناس مع جمبها ودهم يفرغون طاقات نفسيه فيك بحكم سلطتهم..





http://7lema.up4arb.com/uploads/e8d1ab3393.png (http://7lema.up4arb.com/)

H3..
12-06-2010, 08:53 PM
وعليكم السلام والرحمه pb189 ~

أَوْجَعْن قَلْبِي مِن شِفْت الْعُنْوَان :(

عُنْوَان مُشَابِه لَه امْس فِي جَرِيْدَه الْرِيَاض وَش جَاهُم الْنَّاس هاليَوْمِين !

اجَل يَنْفِرَن الْطَّالِبَات مِن كُل مَايَبْعَث الْفَرَح وَالابْتِهَاج لّيّش كَذَا صدَورِهُم
ضِيْقِه وَيُدَوَرْن الْزّلّه عَلَيْهِم :)؟

انَا ايْضا خَرِيْجُه مَدَارِس تَحْفِيْظ مِن اوَّل ابْتِدَآئِي الَى ثَالِث مُتَوَسِّط pb189
وَبَعْدَهَا نُقِلَت عَشَان الْتَّخَصُّص الْعِلْمِي ’وَمَن نَقَلْنَا وَحِنَّا مٍآنصبرُ عُنهمَ كُل سَنَه
نُّسَوِّي زِيَارَه لَه:Dpb189

جَرَّبْت مُدَرِّسَتَيْن بَعْد الْتَّحْفِيْظ وَلَا وَحْدَه تِجِي رُبْع الِرِاآحَه الْنَّفْسِيَّه فِيْهَآآ:sm5:
بَنَآَت قُلُوْبِهِم ع بَعْض مُعَلِّمَات مُحْتِّرَمآت ذَوْق وَأَخْلَاقpb189pb058

وَمَن نآحيْه الْحِفْظ وَقَسْمَن كَآِن شَشَشَي مُمْتِعpb189pb189 وَكَآن الْاغْلَب مُسْتَوَاه حُلْو 3 او 4 كـانْو ا ع الْحِفِّه ع قَوْلَتُس .

امّا الرَوَآتِب مَانِدْرِي عَن النيَآت بَس نِصْفِي النيَآت ان شَاء الْلَّه كُل مَن دَخَل هَالْمَكَان بِيّأَثَّر عَلَيْه بِطَرِيْقِه ايْجَآبُيْه وَطَرِيْقُه تَفْكِيْر غَيْر هَذِي :sm4:

وَالْعْبِايَات صَحَّح كُنَّا نَلْبَس عَبَايَات ع الرآسَس وَشَرَاب وَقُفَّاز وَمَا اعْتَقَد بِالْمَوْضُوْع هَذَا اي خَطَأ مِن وَجْهِه نَظَرِي !pb071

وَالْكَرِيْم وَالفْرْشِه وَالمَرّايَه مَآكَانَت مَمْنُوْعَه عِنْدِنَآ ,

وَحِصَص الّفَرَآَآَآَغ وَغَيْرِه مَآَشِفَت تَعَاوُن اكْثَر مِن مُعَلمآت الْتَّحْفِيْظ مَتَى مَاصَار عِنْدَتَس نَشَاط عَرَض امْتِحَان رُوْحِي وَسُوِّي اشْغالتَّس مَرَّه مُتَفَاهَمِينpb189 وَالْمُحَآضَّرَآَات الْاغْلَب كآِنت بِالفسَحَه وطبعَن الْدُّخُوْل بِاخْتَيارْتّس وَع كَذَا مَاشَاء الْلَّه فِي اقَبَاآل كَانُوْا يّآصلوُن 3 صُفُوْف تقرْيبآآ:sm5:pb189

وَالْهَيئِه الْلِي يْخَلِّيهُم عِنْد اي مُدَرِّسُه سِوَآْء تَحْفِيْظ وَغَيْرِه وُماوَقِفُوا الَا لْمَصَلحتَس وَمُصْلِحُه غَيرْتّس pb189pb024

وَالْلَّه يهَدِيتُس وَيَفْتَح ع قَلْبِتَس ;)bp039

عزبـآء
12-06-2010, 09:07 PM
اذا البنآت داخلين بهواهم وعشان المكافأة تصرف لهم .. فخلآص يتحملون .. من بغى الدح مآقال أح

وياخيتي جعلك للستر ترآك مبالغه في اللي قلتيه ..

اختي ايام ماكانت بالمتوسط كانت تدرس في التحفيظ تبين عطر تلاقينه بشنطتها .. تبين كحل تلاقينه بعيونها ..
موسعه صدرها هي وصديقاتها للآخر ..

يكفي الذاكره عندهم مضبوطه مشآالله ..

ووحده من قريباتي كانت مدرسة عربي في مدارس التحفيظ تقول في حصة النصوص اعطيهم النص يحفظونه ماياخذ منهم إلا خمس دقايق مشآءالله ..
عاد جاها نقل ونقلوها لمدرسه عاديه تقول قسم بالله جننوني اجلس معهم اسبوع عشان يحفظون لي النص .!


ربي لآيهينك عموماً ,’

بنت بنتها
12-06-2010, 09:11 PM
انا تخرجت من تحفيظ نفس الشيء
وطبعا فيه فئة اجمل شيء بالحياة همها الدين والايمان والواجبات
وفيه فئه مغرزة عند المعاصي والمحرمات والمنكرات وماالى ذلك
بس صراحة قرفونا جد جد كل ماجتنا معلمة ذلتنا يابنات التحفيظ
ياحافظات القران بنات التعليم العام احسسسن منكم انتوا فيكم وفيكم
طيب احنا مو بشر يعني؟pb036 الصحابة كانوا يغلطون مو بس احنا
عشت 11 سنة تحفيظ قران في جده والحمدلله كانوا طيبين مرنين وبنفس الوقت جادين
انتقلت لمكة المكرمة سنة واحده بس شفت شيء ما انشاف
المديرة + الوكيلة + المرشدة الاجتماعية+ بعض المعلمات = شلة حريم:D
< بما ان كلمة حريم اعتبرها اكبر اهانة صراحةpb027
مسوين عداوة شديدة ضد الطالبة .
كانت من اسوأ الأماكن اللي عشت فيها المجتمع الجداوي يفرق كثير عن المكاوي
والادارة تختلف من جده لمكه بشكل مو طبيعي / لدرجة ان المديرة كانت تناديني
ببنت جده وهي تقصد الاهانة:confused:
ليومكم هذا وانا ادعي عليهم الله لايسامحهم بس هذا اللي اقوله:rolleyes:

afnan1988
12-06-2010, 09:12 PM
ماقلنا شي فالنصح والتوجيه بس مو ياكلونك من اول ماتجيهم في شي اسمه اسلوب..
يكرهونك في شي اسمه تحفيظ..
من اول ماتجي لين تتطلع مع الباب وهم متجمعين عليك طبعا وحده تنصح والثانيه ادور عله ثانيه علشان تستلمك فيها بعد الاولي..
حنا ترى درسنا مثلكم وشفنا اشكال يمكن اكثر منكم ..
مروا علينا ناس تنصح بس باسلوب يحببك فالدين والالتزام..لدرجه ودك تحب راسهم بعد النصيحه..
وفي ناس مع جمبها ودهم يفرغون طاقات نفسيه فيك بحكم سلطتهم..


ياختي اذا ودكم بحفظ القران وبنفس الوقت ماودكم بالانظمه روحو ادرسو بتحفيظ العصر :rolleyes:
او جيبي لك وحده تسمع لك بالبيت لحالك وتدرسك لحالك بدون انظمه ولا شيء
يعني بصراحه شيء مضحك ومبكي مدارس تحفيظ القران كل من قابلته وسالته عنها يقولون راحه مابعدها راحه pb189pb189
يوم كنت بالمتوسط كنت لما امشي وانا طالعه من المدرسه تمسكني المدرسه من فوق راسي وتلفني عليها تفك طرحتي وتصلحها لي كويس وتحط لي طرقين بدال الطرق الواحد :rolleyes:
ولا اعترضت لان من جد مشاكل البنات مالها اخر
واللي تفتش او تتغطى بطريقه معينه خليها تسويها في بيت اهلها مو بالمدرسه
لان المشاكل كثيره ولازم نظام واحد يطبق على كل البنات ويكون صارم شوي وعسى البنات يهجدون
الهيئه توقف عند باب المدرسه وتهاوش ومازالو البنات يطلعون ويجون ويواعدون شباب
هـــــــذا نظام يمشي سواء بمدرسه عاديه او مدرسه تحفيظ واللي مايبي يطلع منها pb189
ترى فيه كثير مدارس اهليه تخليك تكشفين وعادي عندهم لو تطلعين وطرحتك على كتفك
طلعو فلوسكم واشترو القرارات اللي تبونها

عذراً لاسلوبي بس انتم تتكلمون عن مكان يدرس القران لازم يكون يطبق الدين بحذافيره :rolleyes:pb189

Amazing
12-06-2010, 09:22 PM
عندنا بعض مدارس التحفيظ سمعتهن سيئه للاسف من حيث اخلاق البنات
فكرنا ندخل اختي الصغيره لان امي نفسها انها تحفظ القران
لكن الغينا الفكره خفنا عليها من المدرسه

محمد الشمري
12-06-2010, 09:27 PM
اهلا وسهلا

يا اختي الاصابع ماهي سوى يمكن المديرة متشددة بعض الشي في هذه المدرسة

بنفس الوقت في مدرسة اخرى تجدين العكس . تختلف الادارات في المدارس من متشدد لمعتدل لسايب

تحياتي

لغة المشاعر
12-06-2010, 09:29 PM
بالأمس نُشر تقرير عن مدرسات الدين والتخلف والتشديد وكلام كأننا عايشن مع طالبان :)
واليوم أقرأ موضوعك!!
الله يستر ،
مثل ماذكرتي عزيزتي البعض من المعلمات والبعض لأ
وممكن نلاقيهم في المدارس العامه ولسيت مدارس التحفيظ فقط!!

وغير كذا هي مدارس ليست أجباريه يدخلها الواحد منا برغبته

وبعدين ترى المدارس العامه فيها من البلاوي اللي هو أشد من هذا !

زنجبيل بارد
12-06-2010, 09:29 PM
اختي تدرس بالتحفيظ ولا سمعناها مره تشتكي من المعامله او من المعلمات ....
المشكلة البعض ماعنده رغبة ان يدرس الشيئ هذا واجبر يسجل فيه او عشان المكافأة مثل ماقلتي..
فاكيد الانسان اللي مايبغى الشيئ بيمل منه...
اللي تبي الحفظ ومسجله في التحفيظ لاتشتكي من كثرته ...
هذي اسمها تحفيظ يعني المنهج العام والتوجه الاهتمام بكتاب الله ....

mjnontk
12-06-2010, 09:34 PM
http://7lema.up4arb.com/uploads/cca4dba399.png (http://7lema.up4arb.com/)





يوم كنت بالمتوسط كنت لما امشي وانا طالعه من المدرسه تمسكني المدرسه من فوق راسي وتلفني عليها تفك طرحتي وتصلحها لي كويس وتحط لي طرقين بدال الطرق الواحد :rolleyes:
ولا اعترضت لان من جد مشاكل البنات مالها اخر

واللي تفتش او تتغطى بطريقه معينه خليها تسويها في بيت اهلها مو بالمدرسه

ترى فيه كثير مدارس اهليه تخليك تكشفين وعادي عندهم لو تطلعين وطرحتك على كتفك
طلعو فلوسكم واشترو القرارات اللي تبونها

عذراً لاسلوبي بس انتم تتكلمون عن مكان يدرس القران لازم يكون يطبق الدين بحذافيره :rolleyes:pb189

بعد اذن صاحبة الموضوع راح اجاوب على الاخت..

اول شي اسلوب المدرسه الي ذكرتيه هذا بنظرك اسلوب حضاري !!!

واذا ترضين تتعاملين كذا هذا شي راجعلك بس انا مااسمح لاحد يعاملني كذا لان كلشي له حدود..

انا متربيه قبل لااجيهم واهلي يعرفون وش البس هذا مايمنع انهم ينصحوني لكن ينصحوني باللين مو تشدني وتغطين بالغصب..

وترى كلنا سعودين وطريقة حجابنا وحده مانيب لبنانيه وجايه انفلسف عليك..:rolleyes:

وبالنسبه للمدارس الاهلي صراحه ماقصرتي توني ادري فيه مدارس بالرياض اهليه اعذريني كنت عايشه بالمريخ:confused:

واعجبتني كلمة الدين بحذافيره مبين تعبانه عليها..

عزيزتي الدين مو بالشده الدين باللين الدين ماقال امسكوا بنات خلق الله وهزئوهم فيه ناس من قوة تشددهم المكروه يخلونه حرام والمستحب واجب..

ماره عليك هالنوعيه اكيد بس فيه ناس يحبون يطلعون بصوره مثاليه اكثر من اللازم..pb093





http://7lema.up4arb.com/uploads/e8d1ab3393.png (http://7lema.up4arb.com/)

*عـذا*
12-06-2010, 09:36 PM
مدارس تحفيظ القران pb189زيها زي غيرها من المدارس فيها الصح وفيها الغلط حتى المدارس العاديه فيها تشدد من ناحية بعض المعلمات ..:(
انا خواتي درسوا بمدارس تحفيظ القران بجده pb189كانوا مرررره تعالملهم حلو يعني مو ذاك التشدد يعني زي المدارس العاديه اللهم القران مكثف فقط وكانوا مرتاحين فيها كثييييير لان المدرسات والاداره كانوا خيرين وانا اعتبرهم من الصفوه في التعليم ادبا وخلقا ..bp039
بعد كذا اضطرينا ننقل بالسكن للرياض وعلى اساسه نقلنا خواتي الى مدارس تحفيظ القران بالرياض الله لايوريكم جابولهم الضغط والسكررر وكأنهم جايين من عهد الجاهليه ليش ماأدري .. رحت لهم كم مره وكلمتهم والله الدين مو كذا ليش تخلون البنات ينفرون منكم ضغط ضغط ضغط ......:sm17::sm17:
مو في صالحكم ولا في صالحهم لسه بنات صغار عاملوهم بسنهم بمتطلبات عصرهم بحدود الشي الي لا يتخطى الدين لان الدين عندنا خطوط حمراء شي مانسمح لاي كان يتهاون فيه بس مو بالشده الي فكرينها ربعنا ..
روج مرايه كريم عطر لاتطلعين بدون شراب البسي قلافز ممنوعه وبشده ليه مو بشررررر؟!!!
طبعا ماتحملوا البنات كمية الضغط طلعناهم لتعليم عادي .. حفاظا على كرامتهم من العقول السقيمه التي تريد فقط فررررررض ارائها وهي بعيده تماما عن تطبيق هذه الاراء ..:sm17:
(( للمعلوميه كانوا خواتي يسولفون لي عن بعض صاحباتهم يقولون: ابوي يستلم المكافأه حقتنا ومايعطينا منها شيء )) :sm1::sm1:
رحمتهم ليش ؟ هذا تعبهم وفرحتهم فيها ..يعني داخلين تحفيظ القارن اجباريا بسبب المكافأه ..:sm1:
على فكره اختي راحت مره للمدرسه بتأخذ بعض الاوراق الي ناقصه ماحطوها بالملف وتمسكها موظفه من الباب الى الاداره ومن الاداره للباب وفي الدرج تقابلت مع وحده مع صاحبتها ومنعتها الاداريه تسلم لما سألتها اختي ليش قالت مالها داعي تخربون البنات :eek:(( تقصد الي راحوا التعليم العام )) وربي انقهرررت من هالحركه خيييييير وين احنا فيه وش يدرسون مثلا عشان يخربون بعض ماكانوا يدرسون عنكم ..؟!!!pb036
يعني بامختصر المفيد المدارس نفسيااااااااات ماله دخل تحفيظ او غيرهpb093

Dr.maria
12-06-2010, 09:43 PM
بالعكس بنآت التحفيظ آدب وآخلآق وذوق
ومآعندهم هالتشدد اللي تتكلمين عنه ,
آصلآ آغلب البنآت آبآئهم ملتزمين
وحتى لو تكون البنت مو ملتزمة
فبمجرد آنهآ تنظم من آولى آبتدآئي للبنآت وتكمل المشوآر رآح تكتسب منهم الآدب والآلتزآم !!
صدقيني المدرسه مو متشدده وبالعكس آحسن من المدآرس الثآنية
تبين تحطين غلوس ميك آب خفيف كحل تفتحين شعرك
عآآآآآآدي
وللمعومية آني آنآ من التحفيظ يعني مآقلت كلآمي من عدم

أخت الغالي
12-06-2010, 10:11 PM
كتجربة نااجحة لي في مدارس التحفيظ..
وكلها ثلاث أسابيع بودع مدرستي اللى درست فيها 12 سنة..:(
قضيت فيها بتعلم علوم الدين..(قران,فرائض,أصول فقة,مصطلح,علوم قران,قراءات..):)
من حظي أني درست بمدارس تحفيظ ومن حظي ان ربي يسر لي هذي المدرسة..pb189
والكل يغبطني أني درست فيها..pb189
كانت مدرستي مثال في التميز لافي طالبات لامعلمات لاإداريات لامديره..pb189
تميزنا عن الجميع لافي تعامل لافي دين لاأخلاق لاذكاء..
كنا الأفضل وللله الحمد..pb189
حتى أن بعض الدكتوراة في الجامعات تقول:أعلم ببنات التحفيظ قبل ان يخبرني بذالك بسبب ذكائهم وتميزهم عن الجميع)pb189
وبفضل الله أختيرت طالبات مدرستنا العام الماضي بأفضل درجات في أختبار القياس على مستوى
المملكة...pb189
كانت مدرستي سبب لي بعد الله في حفظ كتاب الله..

هم سبب بعد الله ووالدي في تكوين شخصيتي,أخلاقي,تعاملي..
أما من ناحية التشدد كذبوا والله وماصدقوا..
يريدون ليقطعوا هذا الخير عن الأمة..
بتهمة التشدد فوالله ماصدقوا..:sm4:

حسبى الله ونعم الوكيل..:(

ABU DAA7M
12-06-2010, 10:29 PM
اختي الفاضله إنما الأعمال بالنيات وكل واحد ونيته ومالنا دخل فيهم اللي تدخل عشان الأجر وحفظ القران فهي مأجوره عند الله واللي داخله بغرض الماده فيمكن مادخلت الا وهي بحاجتها فيكون هذا السبب أيضاً أنها تاخذ الأجر
وبالنسبه للتشدد في الدين الله ورسوله ما امرونا بالعسر .. الدين يسر وسهوله والله جميل يحب الجمال فلابد الواحد ان يعمل لاخرته لكن لاينسى نفسه فبدنه عليه حق
بس بعض الناس الله يهديهم فاهمين الدين غلط ويبيلهم ثقافه دينيه أكثر وكيفية التعامل مع الناس والله يهدي الجميع

غيـمْ
12-06-2010, 10:46 PM
.



اهلن اختي
اللي اقصده ان بنات التحفيظ غير مؤهلات يعني بالوجه داخلين عشان الفلوس


والله لو انهم يعطونهم 5 الاف موب 500 ريال عشان تقولين لي داخلين عشان الفلوس !!
الحمدلله الغالب عايشين بنعمه و همهم الاجر والتربيه الصالحه اكثر من هالمبلغ اللي مايسوى عليهم .. ذليتوهم فيه !

A n t
12-06-2010, 11:01 PM
يمه تخوف مدرستكم @@
يعني لو تاخذ مني كريم لأني منشغله عن الدرس ممكن
لكن تاخذه تقول لي همومكم سطحيه معليش
أهتم بجسمي و شي الله حثنا عليه وش تحس فيه تقول همومكم سطحيه
ليتك ناقشتيها ..

بس مره انتوا متشددين دينيا @@ العيش عباده ترا
ودي أجي متنكره على اني طالبه و أشوف وش السالفه @@

B6lNA N7b
12-06-2010, 11:02 PM
مدارس التحفيظ فإن أغلبهم يدرس فقط لأجل المكافئه وعشان أبائهم وبعضهم يجبر عليها ..
وحسب مخالطتي لهم فهم دشير .

afnan1988
12-06-2010, 11:10 PM
بعد اذن صاحبة الموضوع راح اجاوب على الاخت..

الرسول صلى الله عليه وسلم يقول :
أنا زعيم ببيت في ربض الجنة لمن ترك المراء وإن كان محقا
سلام عليكم bp039

فرنسية
12-06-2010, 11:14 PM
انا طالعة من مدراس التحفيظ وخواتي الحين وراي بالتحفيظ
وما اقدر اقول غير ان مدارس التحفيظ نعمة من ربي وتوفيق
للي يدخلها .
اذا بغيتي الأخلاق وإذا بغيتي الدين والعلم والحرص على الدراسة
والتفوق والصداقات البريئة pb189
ومدرساتنا كانوا ينحطون على الجرح يبرى وماخذين راحتنا
بالترفيه وبكل شي الحمدلله
ولا قد شفت بكل سنوات الدراسة وحدة تهمها الفلوس
اصلا الفلوس تتاخر وماتجي كل شهر وغالبا ماتجي كاملة ;) !
وبالنسبة لي ماشفت اجبار على القفازات ابدا انا طلعت منها
ما البس وهي شي اختياري اذا بتلبسين فهو لنفسك
لكن الشراب حتى بمدارس الحكومة ممنوع نلبس الشبشب
لازم جزمة اصلا :D
طلعت منها يوم خلصت المتوسط ودخلت مدارس عادية بغيت انجن
من كمية التفلت اللي عايشينها البنات هناك حتى طريقة تعامل البنات
مع بعضهم غريبة ولا تعودت عليها , افتقدت الخطاب الديني الجميل
والمحاضرات وقراءة القران يوميا pb189
الله على ذيك الأيام بس :(

والتعميم لغة الحمقى كما يقال فأنا ما أعمم بالطرفين شفت الخير والشر
لكن أتكلم عن الغالب والمنتشر
والا بناتنا وين ماتروحين تلقينهم يرفعون الراس الحمدلله

أحساسي حلم
12-06-2010, 11:17 PM
مدارس التحفيظ فإن أغلبهم يدرس فقط لأجل المكافئه وعشان أبائهم وبعضهم يجبر عليها ..
وحسب مخالطتي لهم فهم دشير .

استغفر الله وكيف حكمت عليهم يااخوي انهم دشير :(

يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"

و يقول مخاطباً معاذ بن جبل: "أمسك عليك هذا" و أشار إلى لسانه.

تبر وتراب
12-06-2010, 11:37 PM
من وجهة نظري ان التحفيظ افضل مهما كانت سلبياته

وما يعيب التحفيظ وجود مدرسات بعقول غريبة زي الي ترمي الكريم يعني وش دخل نساء الامة في الكريم ههههههههههههههههههههههههههه


عموما هذي المدارس اقرب للخير
لان التعليم العام ماصار فيه قران زي زمان يعني في الصف الاول الابتدائي خفضوا حصص القرآن من 7 الى 2

لذلك التحفيظ افضل بس اكيد مو مجتع ملائكي


دمت بحفظ الرحمن

بشــرى
12-06-2010, 11:38 PM
ياحلووه , العيب بمدرستك !
لا تعممين على مدارس التحفيظ
انا بتحفيظ ؛ ولا ششفت ولاشيء من الي تقوولينه :D
بالعكسس .. مرره ذووق وأخلاااق"معلمات وطالبات"pb189 < طبعا لااازم يطلع ناس العكس بس يمكن وحده او ثنتين pb027

ما يحفظون القران يعني تسقط وتعيد الدور وتنجح او تنجح
الغلط من مدرسستك
لأن المفروض البنت اللي يشوفونها ماتحفظ او ماعندها قدره ع الحفظ ؛ ينقلونها عام "اجباري" ;)

وبنات الثانوي يلبسون شراب اسود طويل وقفاز
ترا اولا واخيرا , انتي اللي يابتكسبين اجر او اثم :(pb189

حتى بين البنات حقد وحسد
وتنافس بينهم من احسن وحده والطالبات مقسمين طبقات

هههه يعني هذا مو موجود الا بالتحفيظ ؛ سسبحان الله pb027
ما ادري ليش مافتحتي عيونك الا ع بنات التحفيظ ..
بكل مكان فيه حقد وحسد والناس طبقات :( pb093

B6lNA N7b
12-06-2010, 11:47 PM
استغفر الله وكيف حكمت عليهم يااخوي انهم دشير :(

يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"

و يقول مخاطباً معاذ بن جبل: "أمسك عليك هذا" و أشار إلى لسانه.






قلت حسب مخالطتي لهم وما عممت حكمت على الي عرفتهم وانهم متخرجين من التحفظ ..
الرد لك وللتقييم الي جاني .

H3..
12-06-2010, 11:50 PM
مدارس التحفيظ فإن أغلبهم يدرس فقط لأجل المكافئه وعشان أبائهم وبعضهم يجبر عليها ..اذآ كآن الاغلب عشآن المكآفئه والبعض مجبور عليهآ وييين اللي دآخلين ومصفين النيه وهدفهم سآمي وهو حفظ القرآن pb189pb036 ؟!

وحسب مخالطتي لهم فهم دشيركلش الا التعميم pb093 مآعندكم غيره !
اخوياك دشير مايعني ان طلاب التحفيظ كلهم ع هالنهج !:rolleyes:

Al_B6lh_L0ooL0o
13-06-2010, 12:05 AM
[size="3"]

فمن تجربتي مع المدرسه كانوا الطالبات ما يحفظون القران يعني تسقط وتعيد الدور وتنجح او تنجح

على الحفه حتى بعض البنات كان ميولهم علمي ورفضوا انهم يحولون لان المدرسه تصرف لهم راتب!

الطالب الفاشل موجود في كل المدارس ليه تخصينه في مدارس تحفيظ القران يعني وش تبينهم يسوون للبنات ذولي يطردونهم ولا كيف الدراسه قدرات فيه المتفوق وفيه الضعيف
[size="3"]

وحتى كان معلماتنا متشددات مرره يعني اذا بالابتدائيه كان لازم اللي في صف ثالث تلبس عباه

وبنات الثانوي يلبسون شراب اسود طويل وقفاز وبالاجبار حتى يبوعون وتشرينه منهم اما الان فخفوا

خخخخخ طيب هي مدارس تحفيظ قران شيء طبيعي يكون شكل الطالبات ملتزم
بس والله ما ادري من الي شكلها داخله المدارس ذي علشان الفلوس pb027

[size="3"]
وبعد كانوا يمنعون عنا ابسط الاشياء حتى مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت

همومكم سطحيه !!(وفيه استاذات الله يذكرهم بالخير لهم بصمه بحياه اغلب البنات اللي درسوهم)

وحتى اذا كان فيه حصه فراغ بعض الاستاذات يمنعون نسولف ويقولون احفظوا قران

نرجع ونقول السلوكيات هذي موجوده بكل المدارس الحكوميه المدرسه مزاجها عكر تتنرفز على البنات ويمكن البنت ام الكريم مطلعته والمدرسه تشرح وش تبينها تسوي

[size="3"]
تخيلو عندنا 4حصص مواد دينيه وبحصه الفراغ يمنعون نسولف وتجي الاستاذه تنصح

ولا تقول احفظو قران !

وحتى الهيئه دايم عند الباب

خخخخخخخخخخخخخخخخخخخخخخخخخخ
لا ياشيخه ٤ حصص دين طيب هي وش اسمها ؟؟
مدارس تحفيظ قران وش تبينهم يدرسونكم
الي مايبي مواد دين مكثفه يروح المدارس العامه ولا الفلوس مأثره pb036

[size="3"]
حتى لو تشوفون بعض البنات مو لم التحفيظ شوي وراسبه بالقران حتى بين البنات حقد وحسد

وتنافس بينهم من احسن وحده والطالبات مقسمين طبقات.

ارائــــــــــــــكم
طيب

كل الي ذكرتيه موجود بكل المدارس انا ملاحظه انك مركزه على الفلوس الي تنعطى للطالبات وبنفس الوقت انتي خريجة من المدارس ذي ومتذمره من كثره حصص الدين !
موضوع الحسد والحقد بين البنات هذا بكل مدرسه وبكل مكان خاصة وان البنات ذولي مراهقات ولسا مانضجوا

( غادة نجد )
13-06-2010, 12:23 AM
ليه مستغربين ان فيه طالبات يدخلون مدارس التحفيظ للمكافئه مع اهمال الحفظ ..!!
انا عايشه هذا الوضع كمعلمه ومستغربه من الاستهتار الي عليه بعض الطالبات والمشكله
ان الطالبه تبي التعليم العام لانها ضعيفه في الحفظ بس الاهل الله يهديهم يرفضون
ان بناتهم يطلعون من التحفيظ ومع هذا يرسبون بالقران ويعيدون السنه بالحفظ
ومعروف ان 3 متوسط تكون خاتمه للقران اذا قصدها الحفظ بدون المكافئه ..!!
اما المعلمات التشدد بالمظهر هذا علامه فارقه في مدرستي بنظرهم لازم تكونين بعيده عن الاهتمام
بمظهرك ولبسك انتي يـ المعلمه تعالي حوسه وبدون مكياج وشعرك لا تمشطينه انتي كذا قدوه للطالبات ..!!؟
من المواقف الي اذكرها وتخليني اتعجب على عقليات تدير مدارس سواء تحفيظ او عام
صار تفتيش على الطالبات وقت الاختبارات العام الماضي الفصل الاول و مع طالبه رساله فيها عبارات اعجاب
مو واضح ان كانت لطالبه او معلمه الي صار ان الترم الثاني صارت الاذاعه عن الاعجاب و المصلى عن الاعجاب
و المحاضرات عن الاعجاب مع التهويل وكان الطالبه سوت جريمه بالرساله الطالبات من باب المحارش مع الادارة
والوكيله الي متشدده صارو الطالبات يتعمدون انهم يكتبون رسايل اعجاب بين بعض ويكون المرسال طالبات من مرحلة غير مرحلتهم من باب لفت الانتباه والاستهتار بعقلية الادارة ومع هذا الكتابه على اليدين بعبارات الحب والاعجاب شي والله يضحك الطالبات عقولهم نظيفه بس فكر الادارة مريض بالشك والظن ,,
وبعد قصات الايمو انتشرت بشكل كبير بمدرستي وبدايتها
العام نهاية السنه اتذكر طالبه بمرحلة الثانوي قاصه ايمو لها اكثر من شهر
ولا احد انتبه للطالبه من الادارة ولا من المعلمات الا يمكن انا
والغريب انا الطالبه تهزئت بالطابور قدام كل الطالبات وتهمتها الوكيله
انها متشبهه باليهود بقصة شعرها وانتي تتبعين عبدة الشيطان ..!؟
هينا انا تعجبت من الوكيله من قالك ان الايمو قصة رجال دين اليهود
وعبدة الشيطان من وين مصدرك ..؟؟
قالت المعلمه الفلانيه تقوله ..!!
نظام قال وقيل بدون تحري للصح والمعلمه جابت الكذبه
من بنات اختها واخوها طالبات بنفس المدرسه وهالسنه
القصه منتشره بين الطالبات بجميع المراحل ولا فيه اي ممنوع هالسنه ..؟!
هذا غير ان طالبه قصة شعرها قصير وبغلط من الكوافيره
البنت تعذبت كل يوم تتهزء من الوكيله والمرشدة
على شعرها واخر الاختراعات طلع قرار تلبس شيلهpb093
عشان البنات مايقلدونها البنت كل يوم تصيح وكرهت التحفيظ
من القرارات الغريبه اجل تلبس شيله عشان شعرها قصير ..!!؟
الاهتمام بالمظهر غطى على الاهتمام بالدين والواجبات و للاسف الشديد فيه
اهمال كبير وعدم محاسبه للطالبات على صلاة الظهر يخصص في فترة الشتاء
ربع ساعه للصلاة والطالبات مستهترات وقليل الي يصلون بدون محاسبه من الادارة مع ان الصلاة تحاسب
عليها الطالبه في السلوك بس الاهتمام الكبير بالشعر و الجزمة والشراب ...

هذي بعض من مواقفي بمدرستي بخصوص طبعا الطالبات والفكر الاداري اما المعلمات
مصيبه عظيمة خاصة ان الدين برواز خارجي لتغطية الفساد الداخلي لرسالة التعليم ...

احترامي ...

حوسة مشاعر .
13-06-2010, 12:23 AM
اولا انا من بنات التحفيظ pb189 وبنات خالاتي كذلك ~
ومادخلنا عشان فلوس pb036 ! كلن يفكر ع حسب طبيعته :rolleyes: !
واصصلا بيني وبينك اغلب صديقاتي الي من بنات التحفيظ من ناخذ فلوسنا نكفل يتيم اونتصدق اخر اهتماماتنا الفلوس ~
ثانيا pb036 .. تشدد المعلمة ذا في كل مكان وذا ينعكس ع شخصية المعلمة مو التحفيظ اوغيره pb036 !

ثالثا ..حصص الاحتياط كثيررررره مرررره في التحفيظ والسبب ان موادنا الدينية الي تقولين تاخذ 4 حصص تدرسنا معلمة 1 .. اذاغابت صار عندنا 4 حصص فراغ pb030 .. ونسولف وعاااادي ونطامر وكل الي تبين pb036 ! بعدين مو صح كلامك مو كل يوم اربع حصص ذي ماتصير الا بالاسبوع مره !


رابعا .. بالنسبة للشراب والعباية pb036 ! انتي داخله تحفظين كتاب الله pb189 ...
وش الفايده تكسبون اجر منا وتهربونه مناك pb036 ؟!
انا بتحفيظ زين pb036 ومانتم اسبوعين الا حفلات ووناسسسة وماطلعنا عن الدين pb189 .. ~


خامسا .. ماحب التعميم اببببدا .. وتخيلي20 واحد من الي قرى الموضوع غير رأيه عن التحفيظ وكان ناوي يدخل بنته ومادخلها عشانك pb093!!
يمكن مدرستكم كذا .. بس لاتعممين ربي يسعد قلبك pb189 ..~
برايفت : وش مدرستك ؟!


bp039

B6lNA N7b
13-06-2010, 12:27 AM
يا ناس افهمو ردي انا اتكلم على الي اعرفهم
ولا عممت ردي ..

وطن التميز
13-06-2010, 01:22 AM
- عودة :
أنا في الحقيقة أعترض على العنوان المطروح ....
من خلال قراءة الموضوع والردود مرة ثانية
ظهر لي إن المشكلة في العاملين ؛ بعضهم وليس كلهم ...
فمن الظلم إننا نحمل هيئة كاملة أو نظام تعليمي كامل وهو : مدارس تحفيظ القرآن
سوء تصرف بعض العاملين فيه
وإلا شطبنا على التعليم والصحة والقضاء وخلينا المملكة بدون أجهزة حيوية !
لو كان في الموضوع تخصيص ربما كان الكلام مقبول نوعاً ما
لكن الموضوع نفسه فيه لغة التعميم .. والرد تقولين ما عممت يا إختي ..
هذا مو منطق .. خصوصاً إن تجارب كثيرة مذكورة تثني على مدارس التحفيظ ..
فالخلل معناه جزئي وليس كلي ..
الخلل في المعلمات ما هو في النظام ..
كنت أتمنى من قبل هذا الموضوع إنج تحملين صورة مشرقة عن التعليم الديني ..
لكن أكررها أنا أشعر إن فيه شي ما هو مرضيج في حياتج ...
ما أحب أتجنى ولا أحب أحلل ولا أحب أتدخل في شخص كاتب الموضوع ..
لكن هذا ما ظهر لي من قراءات سابقة ..
انظري للجزء المملتئ من الكأس
وبانتظار صورة مشرقة عن العالم الجميل اللي أثنوا عليه الأخوات وكنتي مغمضة عنه ..

* وبخصوص كلامج عن إن الطالبات داخلين للفلوس :
النبي صلى الله عليه وسلم زجر الصحابي اللي قتل شخص أسلم خوفاً من القتل وقال :
أشققت عن قلبه ؟
شققتي عن قلوبهم ؟! ما ننكر وجود هذي الفئة .. لكن ما تكون هي الأصل !

الأمر الآخر ذكرت إن الطالبات غير مؤهلات !
وهذا كلام غريب .. المدارس هذي وظيفتها تاخذ المؤهلات ولا تؤهل الأفراد ؟!
التعليم كله تأهيل ! ما بعد الثانوية .. شي آخر .. ننظر فيه إلى مؤهل وغير مؤهل ..
وبالدرجات مو بشي آخر بعد !

كل التوفيق

لوز وعسل
13-06-2010, 01:41 AM
شوفي مدراس التحفيظ شيء جميل جدا... طبعا إذا الواحد دخله عن رغبه وقناعه...

أنا بنات خالي بمدرسة تحفيظ (بس أهليه) ومستانسين البنات حفظوا قرآن وصح ما انعكست الحفظ والالتزام عليهم يمكن لأنهم صغار (توهم بالابتدائي وأولى متوسط) بس محافظين على صلاتهم ومؤدبين...

وفيه بالمحافظات (مثلا قرى الغربية ) فيه ناس يدخلوا بناتهم تحفيظ والبنات ما يبغوا بس عشان المكافأة...لأن الأهل محتاجين لدرجة ان البنت تقول للمديرة أنا ما أبغى تحفيظ افهموني..وترسب بالمواد..والمديرة تكلم الأهل يقولوا دام المكافأة ماشية خليها تدرس غصب عنها....

وفيه ناس يدخلوا ويهتموا بالمكافأه أكثر من التحفيظ..

لكن مسألة التشدد هذي مسألة نسبية تخلتف من مدرسة لمدرسة ومن معلمه لمعلمة ومن منطقة لأخرى...

وبعد كانوا يمنعون عنا ابسط الاشياء حتى مره طالبه طلعت كريم لليدين يوم شافته الاستاذه

اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت

همومكم سطحيه !!(

بالنسبة لهالموضوع...
أنا كنت بمدرسة أهلية وكانت المدرسة جدا متشددة (طبعا بسبب المدرسات والمديرة) خامس ابتدائي عباية راس وغطا (مع اني كنت ما أعرف ألبس العباية)
المرطب،الكريم ، العطر ممنوووووووووووووووووووووع (وكنت أختلق أعذار وحجج لا انكفشت عشان ما ياخذوهم منا) أدوات المكياج ممنوعه بكل تأكيد..صبغات الشعر ممنوعة..
يعني أقدر أقلك الشيء المسموح المريول والجزمة السوداء أو البيضاء الله يكرمكم ... والبكلات غير الملونة..
ومع كذا مشينا (صح ياما خرقت القوانين وحاولنا فيهم يتعدلوا لكن رافضين) يعني هالامور بكذا مدرسة..
وبعد يختلف من مدرسة لمدرسة...


والهيئة أحياناً تجي عند المدرسة، وتجي عند الجامعة أحياناً،يعني هي في كل مكان...

وتضل مدارس التحفيظ مهمه مادامت تعلم طالباتها وطلابها الدين الصحيح وتعمقهم فيه بدون تشدد أو غلو...


شكراً الشيخة عنوده..

ولك تؤبرني
13-06-2010, 04:26 AM
اختي بمدرسة تحفيظ الوضع عادي بس وكيلتهم حقنه مدققه بأشياء تافهه والحين هي بتحول عام لأنها ختمت القرآن وتبي هي علمي وبتطلع وطبيعي كله مواد دينيه والتركيز عليها اكثر بحكم طبيعة المدرسه مدرستكم شاذه اشوف اختي فالتها كثيييييير دخلوا عيالهم عشان الراتب وعيالهم عجزوا يكملون التحفيظ مايبي له اي طفل لازم تكون عنده رغبه ويكون حفيظ عشان يمشي بالمدرسه
لأن القرآن يبي له تركيز عالي

~AaN~
13-06-2010, 04:47 AM
هلا قلبي .. pb189
تعرفين وش المشلكة في موضوعك ..؟؟
ومن خلال قراءتي لغالبية اللي ردوا عليك من هالمدارس ..
انك قلتِ ( مدااااارس ) التحفيظ ..
والمفروض تقولين ..
( مدرستي التحفيظ ) ..

كثير من المظاهر اللي ذكرتيها موجودة ايضا بالمدارس العامة .. كلها ترجع الى ادارة المدرسة نفسها ومنهجيتها..
وكثير من مشاهد الطالبات التي وصفتيها تعود الى الفتاة نفسها ..
للمعلومية .. حتى حافظة القرآن .. لن تحفظه عن ظهر قلب الا عن نية قوية .. ومراجعة مستمرة ..
فالمدرسة دورها .. تعطي الطالبة الاجزاء لحفظها .. وعلى البنت الباقي في ترسيخ ماحفظته ..
اذن على ذلك ..
سنلوم مدرسة الفيزياء والكيمياء والرياضيات على المعلومات الهائلة التي تتطاير من رؤوسنا فور انتهاء السنة الدراسية !!..
( تصدقين اني نسيت وش جدول ضرب الرقم 7 ؟؟ اجل باروح اتطاق مع مدرسة الرياضيات حقة الابتدائي هي السبب !! )

لكن اذا كنا سنتحدث عن عيوب مدارس التحفيظ ..
ارى ان اكبر عيب في (بعضها) بل حتى في (بعض) استاذات القرآن بشكل عام.. هو اهتمامهم بالتجويد والشدة فيه .. اكثر من التفسير وفهم الايات ..
بالرغم من ان الثانية اهم واولى من الاولى .. !!
(عندنا مشكلة في معرفة الاوليات ) .. :rolleyes:


لك ولروحك غاليتي .. -->http://vb.eqla3.com/images/smilies/rose.gif

بخاطري غصـه
13-06-2010, 04:57 AM
انا مادرست في تحفيظ درست في مدرسه خاصه ومع كذا خليهم يلاقون معاك عطر ولا كريم ولاكحل ! تقوم الدنيا ولاتقعد !! وكأني مسويه جريمه .. يتعاملون مع الطالبات وكأنهم معتقلات !! تشدد على غير سنع !!

غالبية مدارسنا كذا تحفيظ/ عام/ خاص .. pb093
ومشكلتهم يفرضون على كل الطالبات
ومايدرون هالبنت برا تطبق ولا لا.!
افضل انهم يرغبونهم عشان يطلعون البنات
من انفسهم يهتمون بالستر مو مجامله ولاغصب
عشان المدرسسه ! وش الفايده هنا pb036..!

وحبيت اقول
الاحـظ ان التحفيظ طلاب بجد ويهتمون بدراستهم
وعلاقتهم بالمدرسين افضل بكثيرمن المدراس العامه!
مادري بس هذا اللي اشوفه من اخواني
نقلناهم للتحفيظ وتغيروا للأفضل..pb030 !
يمكن لان طلاب التحفيظ قليل وهالشي ساعد
المعلمين ينسجمون مع الطلاب ..؟

bp039

ربآَاآَهـ
13-06-2010, 09:35 PM
-

لآَتنسين أَنك بتسأَلين عن كل كلمه كتبتيهآَ !

كل الي قلتيه مآَشفت منه شي‘ خوآَتي وأَخوآَني من التمهيدي إِلى يومنآَ هذآَ تحفيظ pb189

حصص الفرآَغ عآَديه جداً سوآَليف أَو يجي من يشرح لهم إِذآَ منهجهم متأخر فقط ! :rolleyes:
طآَلبآَت قمة لآَخلاق وذووق‘ معلمآَت وش أَقول الله لآَ يخلينآَ بس pb189
سآَلفت الكريم هذي حقتك :rolleyes: ! أَختي بالثآَنوي عطر + مرآَيه + كريم مآَعمري شفت شنطته بدونهم


وربي مآَ ندمت على شي بحيآَتي كثر أَني مآَ دخت تحفيظ القرآَن :(


والي متأَكده منه أَن الي مستواه بالقرآَن نآَزل قبل مآَ يخلص السنه يحول لعآَم pb093 :rolleyes:

- كلآَمك معليش قوي‘ بالعربي ( مآَ ينبلع ) pb027



قبل تكتبين حرف وآَحد فكري فيهآَ زين :D :rolleyes:


تم الخفض من تقييمك :rolleyes:

الشيخه عنوده
13-06-2010, 10:20 PM
يا اخوات انا ما اقصد تشويه صورة مدرسه تحفيظ القران فهل مثلا لو انقد دورات مياه المسجد او سجاده

اني انقص من المسجد!! فنفس الشي انا نقدت جانب من التحفيظ من التعامل من المعلمات

والطالبات وليس مدارس التحفيظ ومناهجهم!

وانا والله اتمنى ان تتغير للافضل لان كثير نقلو منها بسبب تعاملهم والتشديد اللي ما له داعي

والحمد لله اكبر فخر لي اني تخرجت من ثانويه تحفيظ قران فيكفي حفظ القران ولا انسى الايجابيات من دراستي للتحفيظ

ومعلمات لهم اثر في تغير كثير من الطالبات

فانا تكلمت عن مشكله واجهتها تشديد بشكل مو طبيعي

ونكون صريحين فيه بنات بالتحفيظ ما يحفظون اسم انها داخله وهي مو لم الدين يعني داخله بفلوس

(والحمد لله كانت دايم درجاتي غالبا فوق45فلا احد يجي ويقلب الكلام علي)

وبعد اخلاقهم مو من الاسلام لا في اسلوب النصيحه و التعامل

واللي بالتقييم
الله يهديكم هل اخلاكم تسمح لكم انكم تتكلمون بالاسلوب هذا والواحد يدخل الجنه باخلاقه

شكرا للجميع والله يسامحكم وعاذرتكم لسوء الفهم

~ حرية رأي ~
13-06-2010, 10:45 PM
.................................................. ...................

~ حرية رأي ~
13-06-2010, 10:50 PM
[QUOTE=~ حرية رأي ~;20351836]وش ذا التخلف يعني عشانها مدرسة تحفيظ قرآن خلاص قمة التشدد على البنات خيررررر وش اللي بنت ثالث ابتدائي ملزومة تلبس عباءة غصب ومو لشيء بس لانها بمدارس تحفيظ قرآن pb036 حسسوني ان باقي المدارس الحكومية مدارس جاليات بالنسبة لهم :D
والا الاستاذة الفاضلة اللي منعت البنت تمارس انوثتها الطبيعية في ابسط اشكالها :( باستخدام كريم مرطب pb131 خيررررر الاخت فاهمة الدين غلط :mad:
اقسم بالله محد يكرهنا بالالتزام الا الاشكال هذي ...
وعلى فكرة والله يا اني اعرف بنات يدرسون بمدارس التحفيظ بس عشان المكآفآت اللي معيشين اهلهم عليها من اصحاب الدخل المحدود الله يرزقهم :(
على كل حال لازم يتفعل دور التوجية التربوي لهؤلاء ويشوفون حل مع اللي شوهوا صورة هذه المدارس ولا تقولون ماهي صورة مهزوزة كفاية خريجاتها كثير منهم يالله لك الحمد من جنبها في الدين عبايات اخر صرعات واللذي منه من ورى الضغط والتشدد اللي ماله داعي اوكي احرصوا على احتشام البنات وانصحوهم وكذا بس مو بالتشدد بالتوعية والاقناع :rolleyes:
عنودة وسعي صدرك وهاكbp039

يولانـد
13-06-2010, 11:06 PM
يا اختي انا ادرس في مدارس تحفيظ القران
والله لا تشدد ولا شيء ,
اما بالنسبه للعباءه مايقولون شيء للطالبات كل وحده تلبس اللي هي مقتنعه فيه واغلبهم عباياتهم محتشمه ,
وفي حصص الفراغ والله سواليف وضحك , اما المحاضرات بالسنه هذي ماسووا الا محاضره وحده !

اللي اقصده ان بنات التحفيظ غير مؤهلات يعني بالوجه داخلين عشان الفلوس

يا اختي انا اوافقك ان بعض البنات داخلين عشان الفلوس لكن الاغلبيه والله عندهم همه في حفظ القران
والدليل ان كثيييير من الطالبات يشاركون في مسابقات القران التابعه للوزاره <<وهذي المسابقه مافيه جوائز بس تكريم وشهادات شكر
ومدرستنا أخذت المركز الاول لسنتسن او ثلاث سنوات



اما التشدد اللي تقولينه ماعمري شفته مع العلم اني انا وجميع اخواتي وبنات خالاتي ندرس في مدارس التحفيظ ولا عمري سمعت عن التشدد اللي تتحدثين عنه !

وبالنسبه لسيارة الهيئه افيدك علما بان الهيئة تراقب مدارس التعليم العام ايضا وليس مدارس التحفيظ فقط وهذا كله لمصلحة الطالبة بالاول والاخير عشان تروح وتجي وهي مرتاحه محد يتعرض لها

و اقولك ترا المرايات مسموحه والعطر مسموح والكريمات مسموحه والروج الخفيف مسموح والجزم المفتوحه مسموحه<< هذا بالنسبه لمدرستي

ومدرستي مجمع ابتدائي ومتوسط وثانوي واشوف بنات الابتدائي مايلزمونهم بالعبايه واختي في خامس تجي وتطلع بدون عبايه ولا يقولون لها شيء

اتمنى اني وضحت لكم :)

بغيت أخبط
13-06-2010, 11:53 PM
اتوقع العيب في البنات اللي بمدرستك :D

اشوف مدارس التحفيظ تأسس البنت صح من قران الى تجويــد بس يعتمد على البنت وقابليتها

للتعلـم ,,


والايجابيات والسلبيات موجوده بكــل المدارس سواء تحفيظ او عــام

عوافي لطرحك bp039

+1

:Dpb189

لابس طاقيه
14-06-2010, 12:01 AM
للاسف استغلوا الدين لتحويل الاسلام من دين تسامح ويسر وصفاء ونقاء للنفس البشرية
الى تطرف وارهاب وتكفير وتحريم

وطن التميز
14-06-2010, 12:32 AM
يا اخوات انا ما اقصد تشويه صورة مدرسه تحفيظ القران فهل مثلا لو انقد دورات مياه المسجد او سجاده ..... شكرا للجميع والله يسامحكم وعاذرتكم لسوء الفهم


عفواً
عنوان الموضوع يقول : مدارس التحفيظ
في الموضوع قلتي المعلمات وما قلتي بعض
في المشاركات عممتي على الطالبات وما قلتي على الأقل اللي شفتهم
خليتي إن الطالبات داخلين للفلوس
وأهلهم يبونهم يدخلون للفلوس
وما ذكرتي نموذج واحد مشرق


هل المشكلة في سوء الفهم ؟
أم في عرض الموضوع ؟


اسمحي لي الكلام غير منطقي أبداً
وأنا ما رديت لمجرد الرد .. لا والله
لكن أسأل الله سبحانه وتعالى إنه ياجرني على ردي هذا
اللي حاولت أرفع فيه الظلم عن مدارس النور الواحد يفتخر تكون في بلده

الدلخ
14-06-2010, 01:07 AM
والمواضيع كلها عن المعاكسات وخطره بس عشان بنت قد طلعت مع شاب


بغض النظر عن التشدد ...لكن باعتقادي أن مثل هالمواضيع اللي يطرحونها ضرورية ..خصوصاً في ظل تفشي الفساد والخراب بين بعض البنات !
وش المشكلة اذا طرحوا مثل هالمواضيع ونصحوا البنات؟
لازم الوحده تنقرص علشان تتأدب؟
مهو لازم !
مثل هالمواضيع ممكن تنبهها وتردها عن الوقوع في المشاكل والابتزاز ..وضياع الشرف ..الخ


عوافي

وت !
14-06-2010, 01:19 AM
أول شي ودي أرد على كل كلمه بس ماأبي أضيع وقتي :)
وبما اني من خريجات ثانويه التحفيظ
أنتي دآرسه عشآن المصروف ؟!! :rolleyes:

وبعد كانوا يمنعون عنا ابسط الاشياء حتى مره طالبه طلعت كريم لليدين يوم شافته الاستاذه
اخذته ورمته بقوه على الجدار وانكب وقالت يا الله وين نساء الامه من بيحمل الامه اذا كانت
همومكم سطحيه

يآربي كش جسمي وش هالأبله الشريره :eek: :eek: < تسلك :D
طيب مدرستنا ( مش تحفيظ ) كانت البنت اللي تجعد شعرها يحطون فيه فازلين :D
وحتى اذا كان فيه حصه فراغ بعض الاستاذات يمنعون نسولف ويقولون احفظوا قران
مافيهآ شي أجل صآرت السوآلف أحسن من حفظ القرآن pb093
بس عشان بنت قد طلعت مع شاب
أجل بس عشآن بنت طلعت مع شآب هالشي هين عندك أجل مانشره عليك
يومنك نزلتي هالموضوع :eek::eek:
وحتى الهيئه دايم عند الباب
ليه خايفه من الهيئه البنت النظيفه ماتخآف من الهيئه ولا تهمهآ لأنهآ وآثقه من نفسهآ , ولا ! pb034

انا ما اقصد تشويه صورة مدرسه تحفيظ القران
ههههههههههههههههههههههههههههههههههههه
ياختي ماتترقع من العنوآن قلتي التحفيظ pb027


موضوعك ماله أي هدف أو فآئده تذكر bp039

إبَــاْء
14-06-2010, 02:16 PM
السلام عليكم ورحمة الله وبركاته


إن مدرستكِ أو مدرساتك كانو بهالتشدد مايعطيك الحق أبداً أنك تحكمين على العدد الكبير من المدارس المنتشرة في أنحاء المملكة بالتشدد
أنا خريجة تحفيظ قران والآن أخواتي يدرسون بنفس مدرستي
ولو يرجع الوقت ما اختار مدرسة ثانية :)

المدرسات مو كلهم مؤهلات للتدريس في تحفيظ القران يعني مثلهم مثل المدارس الثانية
إلا إني أشوف جو المدرسة بما أن الشيء الأساسي فيها حفظ القران وبما أن المدرسة على طول الوقت يكون فيها قران فخالق جو جميل في المدرسة وله أثر كبير على كل من في المدرسة
الطالبات الآن في المدينة يحددون آختبارات للقبول في الآبتدائي مو أي طالبة يقبلون لازم تكون ذكية وقدرت الحفظ عندها عالية والإقبال عليها كثييير يعني الي يكون صعب عليهم مايدخلون من البداية ..
بالنسبة للآخلاق أو غيره هذا دور البيت الأساسي يعني آثر التربية صعب يكون كل شيء على المعلمات
أو يفصلون الطالبة لمجرد أنها تربيتها أو أخلاقها فيها اخطاء تبقى بنت صغيرة
والقرآن يربي صدقيني :) والجو العام والدين له أثر عليهم


حكاية الشغلات السطحية هذي مايسمحون بالكلام ووووو
ما ادرس كيف على أساسه حكمتي بهالشكل
عموماً مدرستي ماكان فيها هالشيء بالعكس من أكثر المدارس في المدينة تاركة حرية للطالبات
والعباية على الراس للطالبات الثانوي والمتوسط
وعلى الكتف للمرحلة العليا في الابتدائي
والباقي الحرية للطالبة

محاضرات وترهيب مو لهالدرجة الي تتكلمي عنها طبيعي يكون فيها تعزيزصحيح لهالجانب المهم في هالمرحلة الحساسة
لكن ابداً ما توصل لهالدرجة ..

المكافئات يستاهلونها كتشجيع لهم مدارس التحفيظ في المدينة تعتبر شديدة من ناحية التدريس يعني المهملة ماتمشي فيها والطالبات بهالسن راح تشجعهم المكافئة
مع انها للأسف أحيان تمر سنه وسنتين وهي ماجات :)
يعني ماتمثل إغراء كبير للبقاء فيها :rolleyes:
والي أعرفه انو 250 في الإبتدائي و500 متوسط و600 ثانوي
يمكن غير بعد عندكم ...


يبقى دخول هالمدارس برغبة مافيه احد مجبر عليها وفيه مدارس خاصة وعامه غيرها وأسهل .:rolleyes:



ختاماً

تصدقي الترم هذا تخرجت من الجامعة حوالي نص المتفوقات إذا مو أكثر خريجات تحفيظ قران
خريجات مدرستين فقط مقابل مدارس المدينة الباقية
تتوقعين أيش الميزه الموجودة في هذي المدارس مو موجودة في غيرها ؟؟


تحياتي لكِbp039

احسآآآآس جديد
14-06-2010, 03:51 PM
خخخخخخخخخخخخخخخخخخخخخخخخخخخخخخخخخخخخخخخخخخخ ياربيه الله يوسع صدرك يلشيخه وشذا معليش بالله اي ثانويه عشان نصدق
اجل اللي تدهن بكريم ماتنفع الامه خخخخخخخخخخخخخخخخخخخخخخخ
هذا التشدد بعينه وعلمه
الله لايبلانا

سنابل تي
14-06-2010, 04:35 PM
أنا خريجة مدرسة تحفيظ

وأفتخر بهالشي

مدرستي لها علي أفضال وأنا ممتنة لها كثير


والحقيقة إنه لي عليها تحفظات كثيرة

ولو كلامي فيها بينفع كان تكلمت

لكن للأسف الناس إذا جت تنقل الكلام تبالغ وتزيد وتبهر


فاحتراماً لطول العشرة والمودة أفضل إني أسكت


وأحب أقول إنه بالنسبة للمكافأة أتذكر إنها كانت ماتجي إلا كل شهرين ثلاثة يجمعونها لنا

وماأدري إذا فيه أحد من صديقاتي كان داخل عشان مكافأة لكن الي أشوفه إنه الحمدلله غالبية البنات أوضاعهم المادية فوق المتوسطة

الدلخ
14-06-2010, 05:27 PM
^
^
يا أختي أنا متخرج من خمسطعش سنة من مدارس عامة ..مهي مدارس تحفيظ قرآن ولاهم يحزنون ...وكذلك لي عليها تحفظات باعتقادي أنها أكثر من تحفظاتك ...ولو أبتكلم من هنا إلى بكرى ماخلصت ..

المشكلة مهي بالمدارس هذي والا هذي ... المشكلة فينا حنا ...نترك أشياء كثيرة ..ونركز على اشياء (ممكن) إنها تكون سبب في الضرر بالدين (يا عضو يفهم غلط .. أو عضوة تحقد على مدارس تحفيظ القرآن لأنها فهمت غلط ...الخ )

سماء ~
14-06-2010, 05:47 PM
اولا
ليس تشدد كوني افرض ع الطالبات الستر والحشمة ولبس العباية وهم صغيرات
هذا هو الدين
لكن لما كثر الفساد واصبح الملتزمين بالدين قلة قلنا هذا تشدد

وانا آري ان سبب تغير طالبات التحفيظ عن اول بسبب دخول الي يستاهل والي ما يستأهل التحفيظ

لكن
مهما كان تبقى مدارس التحفيظ افضل من غيرها

Ryomh
14-06-2010, 06:01 PM
الا ليــــــت الزمـــــن يرجـــــــــع
كأن دخلت تحفيظ وانا مغمضضة
عندنا مدرسة كيمياء متخرجة من مدرسة تحفيظ
وش اقول عنهااا علم وادب الله يوفقهااا ياارب
حافظة قرأن كاملا ماشاء الله عليها وتلقي محاضراات علينا
تسصغرين نفسك قدامها تعلمك اموار دينكـ انتي جاهلة فيها
ولا هي متشددة ولا شئ
اما عن منع المشط والعطر والكريم هذه اغلب المدارس عام او تحفيظ
واعرفك مدارس عام تنشب للبنت اذا جعدت شعرهااا وبالغصب تحطك تحت البرادة pb093
مع اني ماايد هالشئ بالنهاية حنا بنات وهالاشياء ضرورية لنا بحدود المعقول
نجي للمناهج الدينية وخاصة القران عام يبي اعادة نظر
وش الفائدة اخذ 3 سور ترم و4 سور بترم والمحصلة
لا اتقنت تلاوة صحيحة وتجويد باحكام ولا معرفة معاني الكلمات كاملة :rolleyes:
بالنهاية مدارس التحفيظ /
ضروري نعرف أهمية كتاب الله كمشّرع وكدين لا كوسيلة لنيل مكافئة بقدر ما يُحفظ، ويصبح الهدف من الحفظ دنيوياً ليس أكثر..
عافاك ربي عنودة bp039

حياه انسان
14-06-2010, 06:33 PM
جذبني العنوآن pb189 وجيت اسدح مآلدي .. pb094
مدارس التحفيظ مثلها مثل اي مدرسه .. طالبآت ، معلمآت pb094
والطالبات هذولآ مثل أي طالبات .. تمر بـ فترات مراهقة ..
ماختلفنا على هذا ..

انا استغرب من اي وحده تجي تقول هذي حركآآتكم وانتو بنآت تحفيظ وبنآت تحفيظ ..
انا مثل غيرنآ عندنآ طاقااااااات pb131
بس حركة عن حركه تفرق !!
تجيك بنت مع خويتها تتمشى وحركآتها نص كم !! pb131
عآلاقل احترمي المكآن اللي انتِ موجودهـ فيه :sm1:
يعني اذا وصلت لها الحركة بامكآنهم يقولون بنآت تحفييظ ومدري ايش !! ..
بس مرره امطرت وآحنآ بالمدرسة واستانسوا البنآت وصارخوا قالوا هذا وانتو طالباات تحفيظ pb036
< يقال انتس يامديرتنآ المصونه مآفرحتي pb027
ولا طالبات التحفيظ مايفرحون بالمطططر pb036 !!
ومن نآحية الشرابات احنآ مدرستنآ يبيعون للبنآت اللي مايلبسون pb024
لآن الصرآآحه يتصلون أولياء آموور يقولون متأكدين ان بنآآتكم طالبات تحفييظ !!
ومن نآحية عنوآنك .. هم مافييهم تشدد يسوون الوآجب عليهم واللي آمر به القرآآن اللي بين يديهم pb189
بسس pb094
آتمنى مآآكوون أطلت
شمووهآ ورجعوها لي .. [ bp039 ]

iAbdulelah
14-06-2010, 08:18 PM
والله مشكله
العلم مو مفروض علينا فرض
صحيح لازم نكون عندنا درايه بالعلم و ما الى ذالك لاكن مو بالقوه !

حياه انسان
14-06-2010, 09:50 PM
ومن نآحية الكريمآت عن نفسي مآمر علينآ هالموقف !!
ولآتحطينه من مدارس التحفيظ :)
يمكن من المعلمة نفسها ..
مع انه معليش محد يستغني عن الكريمآت لآطالبات ولا معلمات

MeNaRu
14-06-2010, 09:59 PM
سويت تسجيل دخول بس عشان ارد على الموضوع

كلمة حق ولازم اقولها .
أنا معلمه درت على الكثير من المدارس العامة من ابتدائي ومتوسط وثانوي
واستقر فيني المقام في مدرسة تحفيظ قرآن


كان فيني هيبه كيف أدرس بنات التحفيظ .. لأني أعرف بإنهم بيكونون متفوقات علي في كل شي
ملكة حفظ القران تغنيهم عن اي شيء , و يكفي أنها ترفع قدراتهم العقلية إلى فوق

أول منظر هالني في المدرسة .. هو لما طلعت برا الفصل وشفت السيب كله متشح بالسواد ...
تدرين ليه .. كانوا غالبيه البنات طالعات برا يصلون الضحى .. بعد نهايه الحصة ... ويستغلونها في الصلاه او مسك القرآن
تخيلي مثل هذا الجو ايش يعطيك ؟

لبى قلوب بنات التحفيظ .. من جد يفرقون عن بنات التعليم العام وبـــون شاسع بينهم وبين بنات التعليم العام
عشان كذا أرفض الكلام والردود التي قيلت في الموضوع جملة وتفصيلاً
احبهم كلهم بدون استثناء .. بنات طبيعيات وعايشات اعمارهم بالطول والعرض في حدود الله وكتابه وسنه
يضحكون يسولفون يلعبون .. بس بدون اذيه او تريقه او شتيمه
أخلاقهم عاليه .. وحظ من ياخذ منهم .. احترامهم للمعلمه كبيـــــــــــــــــــــــــــر

وهذا انعكس على المعلمات نفسهم .. فهم يعاملون الطالبات كأم وبناتها او أخت وأختها او حتى صديقه لصديقتها
مافيه حواجز .. كله تواضع ومحبه من ناحية المعلمة واحترام وتقدير من ناحية الطالبة
عكس معلمات التعليم العام ... اللي اول ما ادخل مدرسة اول نصيحه يعطوني اياها ( لاتعطين البنات وجه ) ( ترى البنات ماينعطون وجه )

واللي يقول معلمات التحفيظ مبهذلات عشانهم قدوه .. بالعكس .. اكثر المعلمات اهتمام بأنفسهم واناقه

المحاضرات اللي قلتي عليها .. مطبقة في كل المدارس .. مو في مدارس التحفيظ فقط
النشاطات تكون في المصلى .. والحضور مو اجباري .. لكن البنات ياخذون رايه المصلى ويعملون نشاطات بأسلوب محبب وجذاب .. لجذب اكبر نسبة من البنات
حصص الاحتياط .. سواء في المدارس العامه او التحفيظ مطبق عليها بعض التعاميم انها ماتكون فراغ وانه لازم تكون فيها انشطه تستفيد منها الطالبات .. وقليل من يطبق هذه الانشطه او يفعلها سواء في التحفيظ او العام
احد المدارس العامه .. كانوا قلبوا حصة الاحتياط مرقص وطقاقات .. لدرجه معلمة الاحتياط ماقدرت تسيطر عليهم
بنات التحفيظ اقصى شي تشوفينه يسونه في الفصل انه يجتمعون ويسولفون ولا الغالبيه تستغلها في حفظ القرآن

الأداره عندنا تحب الطالبات ومتعاونة معاهم بشكل كبير .. وتتقبل أرائهم و أقتراحاتهم ومافيه اي حواجز بينهم
سوينا لهم حفل تخرج ولبسوا عبايه التخرج .. لانها فرحتهم ..
حسيت بسعادتهم كأنها سعادتي ( ادري مادرو عني )
بس احب اشوف الفرح بعيونهم .. لأنه ينعكس على الكل
( و أول مره اشوف حفل تخرج لان المدارس العامه تمنعها من باب العقاب للبنات او انهم مايستاهلون )
بنات قمه وروعه الله يسعد قلوبهم ويحفظهم

وعلى فكره مدرسة التحفيظ اللي أنا فيها .. كل البنات اللي فيها مستواهم المادي فوق الممتاز

ومدرستنا تسمح للطالبه باقتناء العطر والكريم وحتى القلوس .. البنت في النهايه انثى .. ولازم تعزز انوثتها في هذه المرحلة
اتمنى أدرس فيها مره ثانية
لاني حبيت الجو اللي فيها وحبيت الروحانية فيها و استشعارها .

%سبهللهـ %
14-06-2010, 10:08 PM
التعميم لغة الحمقى !!

Top of sense
14-06-2010, 11:13 PM
*,
أنآ مع و ضد مدآرس آلتحفيظ بنفس آلوقت - مع أني مآ جربتهآ -
بس أسمع عنهآ نآس يمدحونهآ ونآس آلعكس
أعرف وحده شخصياً تقول لي أختي آلي بصف سآدس يجبرونهآ تلبس عبآية رآس ونقآب
وهآلشي إلزآمي من صف 5 أتوقع
وهآلششي أنآ ضده آلتشدد آلزآيد مو كويس بعدين يأثر ع آلبنآت سلباً وبرضو نفس مآقلتي أنهم ع آلكريم قآلت لك هآلكلآم من جد مآشفت أسسخف من كذآ أيش يعني مآيبون آلبنت تهتم بنفسهآ ؟
بس نفس مآفيه سلبيآت فّ فيه إيجآبيآت كمآن
حلو أنهم يحثون آلطلبه من صغرهم ع آلحرص ع آلقرآن وإكمآل حفظه بآلمرحله آلمتوسطه
ــ
مشكوره ع آلطرح
عوآفي

دلعوووونة
15-06-2010, 08:45 AM
والله برأيي مافيه شي كامل لازم يكون هناك عيوب-سواء من ناحية العلم-او من ناحية المستوى-او من ناحية البنات

عموما لو قارنتي بين عيوب المدارس العاديه وتحفيظ القران

-لوجدتي ان ماذكرتي من عيوب ماتعد عيوب بالنسبه للمدارس العاديه

-وبعدين هالعيوب اللي ذكرتي مايعني انها موجوده بجميع مدارس تحفيظ القران

-هذا شي مختص بمدرستك-ولو تجي علي انا كان خليت جميع مدارس المملكه تحفيظ قرانbp039-

-وسلام

Tahmouress
15-06-2010, 11:03 AM
ملكة حفظ القران تغنيهم عن اي شيء , و يكفي أنها ترفع قدراتهم العقلية إلى فوق
من جد والدليل ان السعودية على قمة دول العالم الاول وش جاب فنلند والسويد واليابان لنا حنا سابقينهم بمراحل بسبب حفظ القرآن لا اله الا الله بس اللي يحمينا من العين

الا وشي مدارس تحفيظ القرآن هذي؟ يجلسون يحفظونهم قرآن من الصبح لين الطلعة؟ الله يكون في عونهم كان اكره حصة لي استغفرالله القرآن ياشينها يودونا لم غرفة التربية الاسلامية ونجلس نفصخ في الجزم وتمتلي ريحة الغرفة شراريب يع

الشيخه عنوده
15-06-2010, 11:29 AM
من جد والدليل ان السعودية على قمة دول العالم الاول وش جاب فنلند والسويد واليابان لنا حنا سابقينهم بمراحل بسبب حفظ القرآن لا اله الا الله بس اللي يحمينا من العين

الا وشي مدارس تحفيظ القرآن هذي؟ يجلسون يحفظونهم قرآن من الصبح لين الطلعة؟ الله يكون في عونهم كان اكره حصة لي استغفرالله القرآن ياشينها يودونا لم غرفة التربية الاسلامية ونجلس نفصخ في الجزم وتمتلي ريحة الغرفة شراريب يع

الله يهديك يا اخوي
وانا ملاحظه هالشي واذا ما حفظنا قران ايش ندرس ونحفظ!
وايضا كان الحفظ في اليوم وجهين للثانويه وجه للمتوسط وغير عن المراجعات
وهذا يعزز الذاكرة والحفظ والادله العلميه اثبتت ذلك

واللي قصدته من موضوعي طريقه التعامل والاخلاق فقط واتمنى انها تتغير

Apollo
15-06-2010, 12:06 PM
تدرين وين المشكله ؟ انه اللي يقول لا مافيه تشدد بس يقولوا البسي قفاز وشراب لا مو تشدد ههههههه ....

Apollo
15-06-2010, 12:11 PM
الله يهديك يا اخوي
وانا ملاحظه هالشي واذا ما حفظنا قران ايش ندرس ونحفظ!
وايضا كان الحفظ في اليوم وجهين للثانويه وجه للمتوسط وغير عن المراجعات
وهذا يعزز الذاكرة والحفظ والادله العلميه اثبتت ذلك

واللي قصدته من موضوعي طريقه التعامل والاخلاق فقط واتمنى انها تتغير

ايوه صح انا عيال خالتي داخلين قرآن ولا حفظ ولا زياده في المستوى واغلب الطلاب نسبهم زفت وتحت التسعين .... مدارس تحفيظ القرآن كله حشو بحشو وكل يوم يحفظون وجه مدري وجهين .... طيب ؟؟؟؟

حصه ولا حصتين قرآن باليوم وحفظ حفظ حفظ .... :confused:

انا مدري وش مصبرهم هههههههههههههههه اول كنت اسولف معهم لكن الحين كبروا صاروا متوسط وامهم تقول يستحون ههههههههههههههه .. صارت هي تنقلي اخبارهم طبعا بعد التحريف بسيط .... ما تكذب لكن لو طلعت منهم يقولون كل اللي براسهم .. ايام الابتدائي كانو يقولون اللي مصبرنا الفلوس ههههههههههههههههه مدري للحين ولا لا :D

المليحة
15-06-2010, 12:31 PM
أهلاً بك عزيزتي ..
في الحقيقة البعض يتحدث عن مدارس التحفيظ العصرية , وأنا أقصد مدرسة تحفيظ القرآن
مثل المدارس التعليمية الأخرى , أنا ولله الحمد قد تخرجت منها قبل 5 سنوات تقريبا , كانت
ومازالت هي أجمل أيام عمري التي قضيتها ..
ثم إني عانيت كثيرا في تسجيلي لكوني غير سعودية , وفي ذاك الوقت كان قبول الأجانب
ممنوع في مدرستي , لكن بفضل الله تم قبولي بعد اختباري في جزء عمّ , والرياضيات وغيرها
فقد علمتني الكثير في المنزل ..
ثم من يقول إن الفلوس هي سبب للتسجيل فيها , فيشهد الله إننا لم نكن نعلم عنها في الأصل
والكثيرون منا لم تهمهم تلك الأموال و والله وحده عالم بالنوايا ..
شخصيا , أتمنى أن أسجل كل طفل في بيتنا في مدارس التحفيظ , فحينما أجلس مع أطفال
يتميز من درس في مدارس التحفيظ من بينهم غالبا , وهذا الكلام بشهادة الجميع ..
والتشدد الذي يتحدثون عنه لم أشعر به اطلاقا =(
نعم كنا ملتزمين بالحجاب الشرعي و ... وكان ذلك لا يضايقنا , وكانت المرآة والكريمات ممنوعة
لكن ليس السبب كما ذكر بأن همنا صغير و غيره , بل هي أنظمة كي لاننشغل في هذه الأمور
ونهتم بدراستنا , ومنا نتحدث ونلعب في أوقات الفراغ , فلا أحد يمنعنا من الحديث كما ذكر !
هذا مالدي , ووفق الله الجميع (bp039)

فيدروبان
15-06-2010, 01:15 PM
من جد والدليل ان السعودية على قمة دول العالم الاول وش جاب فنلند والسويد واليابان لنا حنا سابقينهم بمراحل بسبب حفظ القرآن لا اله الا الله بس اللي يحمينا من العين

الا وشي مدارس تحفيظ القرآن هذي؟ يجلسون يحفظونهم قرآن من الصبح لين الطلعة؟ الله يكون في عونهم كان اكره حصة لي استغفرالله القرآن ياشينها يودونا لم غرفة التربية الاسلامية ونجلس نفصخ في الجزم وتمتلي ريحة الغرفة شراريب يع

pb093

تدري ليه الريحه هذه ؟
من نوع الجزمات والشراب اللي تستخدمها ومن نظفها ;)

يتكلمون عن طريقة تعليم وانت تتكلم عن القرآن وانك ما تبغى تتعلم وتحفظ قرآن
ما تحب القرآن ما تحب تتعلمه براحتك لكن تقول إن تعليمه ما يضيف لنا شيء وكأنك تقول هو السبب في تأخرنا !
وش قدمت المدارس الثانيه ؟
وش قدمت الجامعات بتخصصاتها المختلفه ؟

الصبر ضياء
15-06-2010, 02:54 PM
أنا أيضًا من خريجات مدارس التحفيظ ( من أولى ابتدائي إلى ثالث ثانوي)
سقى تلك الأيام ، إلى الآن أتمنى أن ترجع

حب وتعاون ونشاط ، ولعب ، وألفة بين المعلمات والطالبات والإداريات ،
وسوالف ،وحفظ قرآن ، ومسابقات و..، و..

وما عندنا شيء من اللي ذكرتيه من تشدد وتعسف ومعاملة سيئة

وأزيدك من الشعر بيت مدرسة أختي (تحفيظ كذلك) جعلت المديرة غرفة مخصصة فيها أركان للرسم
والأعمال الفنية والمكياج .. وفي حصص الفراغ تذهب من تريد الذهاب إلى تلك الغرفة وتقضي
وقت الفراغ في ممارسة الأعمال الفنية وتعزيز الأنوثة =)
لكن بعد فترة أقفلت الغرفة ، بسبب شكوى بعض أولياء الأمور ، وان الغرض من المدرسة التعليم
فقط بعيدًا عن هذه الأمور الفارغة :/

أما بخصوص الهيئة ، والمحاضرات ، والإلزام بالعباءة ،
فهي غير مختصة بمدارس التحفيظ ياعزيزة ، بل حتى مدارس التعليم العام توجد لديهم تلك الأمور

وقولك : ان بنات التحفيظ غير مؤهلات يعني بالوجه داخلين عشان الفلوس
كلام غير صحيح مطلقًا ، والتعميم لغة الحمقى مثل ماقيل
يعني كل واحد يتكلم عن نفسه ، إذا انتِ داخلة عشان الفلوس فغيرك مادرى انها تصرف مكافآت إلا بعد ماسجل

ربي يحفظ الجميع ، ويرضى على مدارس التحفيظ ويسدد مسعاها

Apollo
15-06-2010, 05:35 PM
فيدروبان

مع احترامي .... انا اتذكر ايام المدرسه كان القران كل اسبوع وكان اكره حصه كان يعطونا حفظ كل اسبوعين وجه ولا وجهين .... ما نستفيد شيء كله احفظوا وسمعوا .... لا تفسير للمعاني ولا شيء .... وحتى بمدارس التحفيظ ..

في فرق اعتقد الاخ كان يقصد حصة القران مو القران نفسه

الصبر ضياء
15-06-2010, 06:07 PM
^
^

صحيح أن الهدف الأسمى هو فهم القرآن وتدبره ، لكن القول بأننا من الحفظ { مانستفيد شيء!!} فيه إجحاف

لو لم تكن الاستفادة من حصص القرآن تلك إلا الحفظ والقراءة به في الصلاة لكفى .

butter fly
15-06-2010, 06:07 PM
.
.

أتذكر وحده من البنات كانت تدرس تحفيظ , وكانت مدرستهم مرره فلتّانه وجابو لهم داعيه تدرسهم مدري كانت دكتوره ف الجامعه pb036 !
المهم هجدتهم مرره حتى بحصص الفراغ تروح تاخذ الفصل اللي عنده فراغ وتدخلهم المصلى وتشغل الفديو الشيخ العريفي وتلف التلفزيون عشان غض البصر وتقول اسمعوpb036 !
ولا أحد يسولف ولا أحد يتكلمpb036 !
وكل اسبوع محاظره لازم الحصه الاولى والثانيه تمسك المدرسه كلها ف الساحه وتحّدث عليهم
وياويل اللي تحكي بس اسمعي pb036 ,
مع ليش المفروض لاإفراط ولاتفريط pb189pb189

وسالفه ثانيه لنفس البنت كانت ب أولى ثانوي pb036 ومنهجهم القران يحفظون سوره البقره وال عمران
معلمتهم كانت حامل وولدت وجلسو شهر بدون معلمه ولما بقى على الترم 3 اسابيع جابو لهم مدرسه بس وش تلحق وش تخلي ف اليوم الواحد يحفظون من5 الى 10 أوجه pb036
والفصل فيه 40 طالبه!!!
تقول يالله كل وحده تحفظ وتسمع لها صاحبتها وتجي البنت تحفظ أول ايه وتسمع لها صاحبتها بس هذي الأيه وبعدين يقولون خلاص استاذه سمعنا ونجح كل الفصل بالقران الصالح والطالح الكسلان والشاطر :confused:

فيدروبان
15-06-2010, 06:29 PM
apollo


أنا معك المدارس حفظ بدون تدبر معانيه وهذا خطأ وأنا لما كنت أدرس نفس الوضع اللي بمدرستك بمدرستي
وفي حلقات تحفيظ تطبق نفس الطريقه لكن مو كلها


من جد والدليل ان السعودية على قمة دول العالم الاول وش جاب فنلند والسويد واليابان لنا حنا سابقينهم بمراحل بسبب حفظ القرآن

هو يتكلم عن القرآن وحفظه وما تكلم عن حصة القرآن

ولو اعتبرناه أخطأ بالتعبير وكان القصد من كلامه الحفظ بدون فهم لمعاني الآيات المفروض ينتقد النقطه هذه ويطالب بتصحيح الوضع
وبعدين إذا هو يتكلم عن حصة القرآن وهذا الشيء مو واضح من كلامه بيقنعني إن الحصه الوحيده اللي يدرسها بالأسبوع هي السبب في تأخرنا ؟

ربآَاآَهـ
15-06-2010, 06:47 PM
http://www.almlf.com/get-6-2010-almlf_com_0kx2x39e.jpg


مآَقآَلت شي pb036 :eek: أَصلاً موضوعه كلوه نقطتين وأَسفهام :eek: بس أَنآَ شريره كنت أَتبلى عليه ! pb036 pb093

مشكله الناس اصحاب الفكر المحدود pb093

وحتى انتـ/ي بتحاسبـ/ين على كل كلمه قلتيه :D
" قيمـ/ي أَحمر بيدينك ورجلينك :)

No Comment ~
15-06-2010, 06:55 PM
- آآخ ذكرتيني بالايام اخوالي , طبعاً أنا كنت أدرس بمدرسه عامه مب تحفيظ
درست ابتدائي والوضع تمام في المدرسه , دخلت المتوسط أعوذ بالله من جد مدري وش أقول يعني
تعقيد ؟ اشد من التعقيد من جد ..

أولاً كانوا يمنعوننا من الالوان وبس مسموح باللون الاسود والبني ودرجاتهم <-- عجايز والله
لو شافوا بنت حاطه شباصه خضرا والا ورديه خلوها تفصخها وفي الزباله !
وان ان صارت وحده حبيبيه خذتها منها وقالت ارجعي خذيها آخر السنه

والا اذا شافوا بنت جزمتها وانتم بكرامه خيوطها حمرا - والجزمه سوداء - قالوا ممنوعه ياويلك تلبسينها بكره
ويقعدون يراقبونها لين تغيرها وينشبون

تجيبين شنطه فيها الوان والا كتابات بالانقليزي يصادرونها ويعطونك بدالها كيسه تحطين اشغالك فيها خخخ !

مره أختي جايبه شنطه مكتوب فيها آي لوف خذوها منها وعييو يرجعونها

والا لو جيتي وانتي مضبطه شعرك خلوك تحوسينه !
مره كنت رايحه المدرسه ومزينه شعري , تتذكرون الربطات المغاطات ؟
المهم كنت رابطه شعري فيهم وومزينته , أول ما جيت الصباح سحبووني للاداره وقالوا فكيه قبل تدخلين الحصه
سلامات !!

والا في الشتاء ممنوع الجاكيتات الوان , بس مسموح بالابيض والاسود والبني والالوان الغامقه
واذا جيتي بجاكيت لونه مخخالف يخلونك تفصخينه .. واذا كان ذاك اليوم برد مره تفصخينه ويعطونك جاكيت عجز
واذا توهقوا خطر ما يحبسونك ولآ تطلعين للبنات بهالجاكيت !
وين جايتهم وانا لابسه شورت مثلا وقاعده أغري البنات خخخخخ ؟

والا الشرابات عاد .. تلبسين شراب طوويل ولو لبستي قصير سيداا مخالفه

كان تعقيد لأبعد حد , اللي حاطه كحل تمسحه اللي لابسه سواره تفصخا وفي الزباله اللي لابسه سلسال نفس الكلام


فتره المتوسط كني عجيّز , جكيتاتي وجزمي وانتم بكرامه وشنطتي كلها بني أسود أبيض !

وكل هذا ليش ؟
عشان اذا طلعتي في الشارع ما تفتنين اللي الرجال وتلفتين نظرهم بشنطتك الورديه خخخ !
والا اذا طلعتي ما تفتنينهم بربط جزمتك !

وطبعا التكشخ داخل المدرسه يبونك شيفه عشان البنات ما يشوفونك حلوه ويحبونك !


واللي شعرها لين كتوفها والا رقبتها احيانا لازم تربطه ياويلك تفكينه

بس أنا كنت أسفههم ما أربطه لو وش ..


والا حصص الفراغ علطول تجينا حقت المصلى وتشغل لنا فديو يروع واشياء تجيب الصياح



كان تعذيب مب مدرسه , لين طلعت للثانوي ورحت مدرسه أهليه وأنوآع الفله ولآ شي ممنوع خخخخ

عاد الجامعه أزين من الثانوي بعد pb094





فيه مدارس متعقده ومتششده ’ على حسب المديره
مديرتنا كانت معقده وفاهمه الدين غلط .. تشدد يخوف

Apollo
15-06-2010, 07:07 PM
اللي قيموني احمررر pb189 .... عاد انا اموت في اللون الاحمريكا قيموني اكثر اكثر pb189:D
الله واكبر راس مالوووو رقم يطلع وينزل ...

حياه انسان
16-06-2010, 01:17 AM
الا وشي مدارس تحفيظ القرآن هذي؟ يجلسون يحفظونهم قرآن من الصبح لين الطلعة؟ الله يكون في عونهم كان اكره حصة لي استغفرالله القرآن ياشينها يودونا لم غرفة التربية الاسلامية ونجلس نفصخ في الجزم وتمتلي ريحة الغرفة شراريب يع

كلآمك انت محاسب عليه .. !!
يعني تكره حصة القرآن وهو آفضل كتآآب نزل على وجه الارض !!

مع احترامي .... انا اتذكر ايام المدرسه كان القران كل اسبوع وكان اكره حصه كان يعطونا حفظ كل اسبوعين وجه ولا وجهين .... ما نستفيد شيء كله احفظوا وسمعوا .... لا تفسير للمعاني ولا شيء .... وحتى بمدارس التحفيظ ..
انت تتكلم الحين عن مدرستك ! اللي هي مدآرس التعليم العآم ..
ولآحد يجي ويتكلم يقول انو الحفظ بدون تدبر !!
انا ولله الحمد .. من أولى ابتدائي الى الحين ثاني ثآنوي تحفيظ قرآن ..
المرحلة الابتدائيه والمتوسطهـ حصتين قرآن يوميآ
حصة للتسميع وحصة لـ شرح الآوجه الجديده !!
بـ ثالث متوسط يكونون خآتمين القرآن ..
بالثانوي مرآجعه !! ابفهم آعآده الشرح وش فآيدتها !!
Apollo
كآنك قدها ناقشني وطلع عيووب التحفيظ لآتتكلم عن مدرستك وتعمم ع مدارس التحفيظ ..

ليبرالي حر
16-06-2010, 01:36 AM
بنات التحفيظ اقصى شي تشوفينه يسونه في الفصل انه يجتمعون ويسولفون ولا الغالبيه تستغلها في حفظ القرآن

شئ محزن أن تتغتال برآءة الأطفال بدعوى الدين ياسيدتي
يعني بالله عليك طفلة صغيرة يعجبك شكلها وهي منثبرة pb093pb093
الله يهديكم بس

حياه انسان
16-06-2010, 01:38 AM
^
يازينك سآكت ..
تبيها تتعلم الرقص مثلا !!
هذي مطالبكم يا الليبراليه
كفانا الله شروركم ..

M7MAD.Rw
16-06-2010, 01:40 AM
شئ محزن أن تتغتال برآءة الأطفال بدعوى الدين ياسيدتي
يعني بالله عليك طفلة صغيرة يعجبك شكلها وهي منثبرة pb093pb093
الله يهديكم بس

حسيت ان هـ الآطفآل حاطين فيهم قنآبل ومفجرين فيهم ..

تغتآل آجل ..!!

قالت يجتمعون ويسولفون بـ الفصل ..

ماقالت بآلسآحه والآ بالملآهي والآ بآلبيت ..

والفصل لآزم يكون هادي سوآء بحصه فرآغ والآ غيرهآ والآ تبيهم حضرتك إزعآج ولعب وصرآخ وجنبهم فصول يدرسون..؟!!

عجبي الا غصب يكون الدين سبب في كل شئ ..

MOOT
16-06-2010, 03:42 AM
اغلب بنات خالاتي فيها وماقد سمعتهم يتشكون دايم يسوون لهم برامج وفعاليات ومهتمين بالدين والدنيا ماتحيزوا لصف معين مثل الدين ومتشددين يمكن مدرستك كذا لكن موب شرط كل مدارس التحفيظ كذا والله يوفقهم ان شاءالله جميعا

مع ـآندهـ حظهـآ
16-06-2010, 08:02 AM
اهلييين اختي

انا من شفت عنوانك وجيت طايره موضوعك

انا درست بمدارس التحفيظ من اولى لثالث متووسط

وبعدين حولت لعام بس اقولك اللي شفته انا بمدرستي شيء غرييب

مره البنات ياكلون شيبس ليز
قالت المديره : طاااااااااالبه تحفيظ وتاكل لييييييز ششلون!!؟<<ليه من حرمه ع بنات التحفيظ

والاختلاط بطالبات الثانوي جرييييمه ومره معقدييين

بس البنات اللي بالمدرسه جدن ذذووق وادب
بس التشديد والتعقيد من المعلمات والايداره

شكرن اختي ع الطرح

P!XEL
16-06-2010, 08:15 AM
خلصوا من حقين الهيئة وأصوات الآذن إلي عدموها في بعض الاحياء .. وألحين في مدارس التحفيظ ؟pb036 .. ماينفع كذا قولوا تفصخوا أحسن :D .. !

اللهم من أرادنا بسوء فـ أشغله بنفسه .. !

آفقـدك لوغـبت !
16-06-2010, 08:38 AM
شئ محزن أن تتغتال برآءة الأطفال بدعوى الدين ياسيدتي
يعني بالله عليك طفلة صغيرة يعجبك شكلها وهي منثبرة pb093pb093
الله يهديكم بس

تغتال اجل pb027

حتى المفردات ماتعرف توظفها بالمكان المناسب pb093
وشيء محزن ان تدعو الاصلاح من اجل غريزة شهوانيه
ومصالح دنيويه !!pb093

روان 1990
17-06-2010, 04:14 AM
انا اعرف واحده في مدرسه تحفيظ تقول لازم العبايه اللي على الراس والشراريب الطويله ومرره تشتكي البنت من

اخلاق مدرساتها!!
انا في مدرسه عاديه ايامها كانوا لمن يجونا بنات التحفيظ كانت ماادري ليش سمعتهم طايحه كانوا يقولولي صاحباتي بنات التحفيظ مو كويسات اقولهم ياعااااالم تحفيظ قرااااان حرام عليكم وفجأه نلاقيهم في الاداره جايبين جوالات وصور وخرابيط واكتشفت انو كلامهم فيه جزء من الصحه وطبعا مو الكل بس انااحكي على الفئه اللي شفتها يعني انا احس على حسب المدرسه وعلى حسب الشخص لانو فعلا دي الاشكال السيئه اكيد مادخلت الا عشان الفلوس!!

وبنات خالي في تحفيظ اخلاق ماادري من فين مااخدينها تعدينا ولاتسلم وقله الادب اشكال والوان الدين مو بس احفظ قران كمان اخلاق!!

الخلاصه:بعض المدارس تعلم القشور فقط وبعض البنات داخلينها عشان الفلوس والتشدد ابدا مو طيب عمرو الكريم اللي بدهن فيه يدي ماحيمنعني اني احفظ كتاب الله والكلام في حصص الفراغ ماراح ينسيني القران التشدد ابدا مو حلو ورغم كدا فيه بنات معايا في الجامعه مرره كويسات وعسل من التحفيظ

H o r i a h
17-06-2010, 04:28 AM
أنآ تخرجت من مدرسة عآمه ولآزم نلبس عبآية ع الرأس .. وكل مدآرسنآ لآزم عبآية ع الرأس ..

وقريبآتي متخرجآت من تحفيظ وربي إن الكل يثني عليهن وع أخلآقهن .. لآ تعممون ع طآلبآت التحفيظ بسبب هفوآت وطيش من بعض البنآت ..

بنآت التحفيظ شوفوهن الحين بـ معآهد القرآن مآ شآء الله .. بـ الكليآت أصح قرآءة هن بنآت التحفيظ ..

خلصنآ من الهيئة وموآضيعهم بنبدأ بمدآرس التحفيظ .. :d




..

روان 1990
17-06-2010, 04:49 AM
ايشبكم قمتوا على البنت هيا كاتبه عن مدرستها وفي كتيير مأيدها وكتيير كمان ضدها يعني على حسب المدرسه

والمديره والطالبات وكل مدرسه فيها الطيب والبطال لااحد يتهجم على راي التاني كل واحد حرفي رايه

الدلخ
17-06-2010, 05:38 PM
الا وشي مدارس تحفيظ القرآن هذي؟ يجلسون يحفظونهم قرآن من الصبح لين الطلعة؟ الله يكون في عونهم كان اكره حصة لي استغفرالله القرآن ياشينها يودونا لم غرفة التربية الاسلامية ونجلس نفصخ في الجزم وتمتلي ريحة الغرفة شراريب يع

ياخي المفروض يستبدلون حصة القرآن بحصة تعليم موسيقى ..يمكن تطلع ريحة شراريبهم مره واو ..ياسمين وكادي

خرفاش 1138 هـ
17-06-2010, 06:08 PM
حياك اختي اول شي اذا عرفنا وش هدف مدارس التحفيظ المباركه كل العيوب تسقط يكفي انها تعلم القرءان الكريم الي هو حياتنا ودستورنا والي يتقنه ويتعلمه حق التعلم معروف وش يكون ومايحتاج اكتب هنا اما الاسقاطات الي كتبتيها اشوفها عاديه جدن ومافيها الي يحتاج نتكلم عنه وننقص من حق مدارس التحفيظ وبعدين شدني كلامك ان بنات التحفيظ موب مؤهلات معليش بس وشلون قستيها هذي ..! نشوف كثير ونعرف كثير بنات وعيال من مدارس التحفيظ ما شاء الله تبارك الله لهم بصمه على منقطتهم وعلى مستوى المملكه وعلى مستوى العالم وبعدين تعلم القرءان وتعليمه شي اساسي في حياتنا والمفروض هذي المدارس تصير هي الاولى بدال المدارس التعليم العام الي مالقينها منها الا فراغ في العقول وسباهه منقطعه النضير والي دخل زي الي مادخل وكيف ماتكون الاولى وهو كلام ربي يُذكر أن عكرمة ابن أبي جهل رضي الله عنه كان إذا جاء يقرأ القرآن يـبكي ويقول كلام ربي كلام ربي هذا وهو الفتى الذي تسري في شرايـينه جـينات أكبر أعداء الله في تاريخ الإسلام
( أبو جهل ) وبعدين مايقهرك ويموتك الا الي يستهزؤون بمن يدرس القرآن... أو يقللون من شأن من يحفظ كلام ربه لعل ربه يحفظه وفيه ردود تقول تخلف وقتل للانسانيه تدخل الدين في الطفل من صغره وان هذا سر التخلف الي عندنا كذا بدون رتوش وبدون مواربة؟! يا للجراءه و والقاحه على القرآن في ارض القرآن؟!!! الغريب من جد في زمن الغربة هذا أن التقليل من شأن القرآن لم يعد "فعلا" منقطعا أو "صدفة" حادثة...
ولكنه فعل ضمن سلسلة مخطط لها من الأفعال والأقوال والتصريحات المتلفزة لتـتوافق مع "شـنشـنة" نعرفها من جوقة الليبرالين الفاسده ..
ياناس القران هو "الحياة" لنا والفخر لأجيالنا وقد وصفه من لا ينطق عن الهوى فقال صلى الله عليه وسلم
(كتاب الله فيه نبأ ما قبلكم وخبر ما بعدكم وحكم ما بينكم، هو الفصل ليس بالهزل، هو الذي من تركه من جبار قصمه الله ،
ومن ابتغى الهدى في غيره أضله الله، فهو حبل الله المتين، وهو الذكر الحكيم، وهو الصراط المستقيم..

(اللهم اجعل القرآن العظيم ربيع قلوبنا، ونور صدورنا، وجلاء أحزاننا، اللهم اجعله شفيعاً لنا، وشاهداً لنا لا شاهداً علينا، اللهم ألبسنا به الحلل، وأسكنا به الظلل، واجعلنا به يوم القيامة من الفائزين، وعند النعماء من الشاكرين، وعند البلاء من الصابرين، اللهم حبِّب أبناءنا في تلاوته وحفظه والتمسك به، واجعله نوراً على درب حياتهم، برحمتك يا أرحم الراحمين، سبحانك ربنا رب العزة عما يصفون، وسلام على المرسلين والحمد لله رب العالمين")

~ حرية رأي ~
18-06-2010, 12:55 AM
طال النقاش عن مدارس التحفيظ وصار النقاش كله عن هل انت مع او ضد مدارس التحفيظ pb036 وجاني تقييم احمريكا بسبب هالموضوع >>> عادي تعودت كل ما دخلت الجادة يجيني تقييم احمر شعب مايعترف بحرية الرأي :D
عموما البنت جايه تتكلم في موضوعها عن حال هذه المدارس الآن بسبب كثير من اللي يسيئون لها من ادارة ومعلمات ومنهجية تربوية بشكل عام مو جايه تقول ان هالمدارس سيئة ومبدأها فاسد
ولابد ان تغلق :rolleyes:
رغم اللي قريته بالموضوع من عرض لسلبيات هذه المدارس من وجهة نظرها وفقا للي شافته وعاشته فيها الا اني لازلت اتمنى لو اني درست في هذه المدارس للتشرف بحفظ كتاب الله كاملا :(
اداريات ومعلمات هالمدارس عليهم مسؤولية كبيرة الله يعينهم بس :rolleyes:
bp039 >>> للي قيموني اخضر ...