PDA

عرض كامل الموضوع : اخاف ازعل الناس , فيني شقاوة بس مع الاصحاب مابينها ,


شنُوح ؟
05-06-2010, 11:52 PM
البيانات الشخصيّة :

العمر : 17 ربيعا
الجنس : ( ذكر - أنثى )
مكان الإقامة : الرياض
هل هي مدينتك الاصلية ام منتقل لها : متنقل
اذا كنت منتقل لها : ( انتقالك حديث ، انتقالك له فترة غير قصيرة ،
انتقالك له فترة طويلة )
الحاله الاجتماعيه : ( متزوج/ـة ، عازبـ/ـة ، مطلق/ـة ، ارمل/ـة )
مستوى التعليم : ثانوي
نوع الوظيفـة : طالب
الحالة المادية : ( ممتازة ، متوسطة ، ضعيفة )


البيانات الأسريّة :

نوع السكن : بيت ملك
عدد الترتيب بين أفراد الأسرة :2
عدد الأخوة والأخوات: بنات اربع اولاد 2
عمر الأب : ......47..... عمر الأم ......39......
مستوى تعليم الأب والأم ؟ الاب باكلوريس ام ثانوي
الجو الأسري في البيت ( العلاقه بين الاب والام ) : ............ممتازة ما شاء الله الله يديمها ...............
هل يوجد زوجة أب أو زوج أم ؟ : ....لا.....
هل يوجد أخ أكبر في المنزل ؟ : .....ايه.....
هل يوجد أعمام أو أخوال مقربين يمكن اللجوء اليهم ؟ : .......يب........
طبيعة علاقة صاحب المشكلة مع بقية أفراد العائلة : ............ممتازة.............
الجو الاسري بشكل عام في التفاعل : ( التواصل ممتاز - التواصل متوسط - التواصل ضعيف )



البيانات الطبيّة :

هل يوجد أمراض عضوية تعاني منها ، وماهي ؟ : .........لا الحمد لله .........
هل يوجد أدوية تستخدمها حالياً ، وماهي ؟ : .......لا الحمد لله ...........
هل يوجد أحد قريب بالعائلة يعاني من نفس مشكلتك : .......لا الحمد لله ...........
الحالة الصحية في البيئة التي تعيش فيها من ناحية الحي ومن ناحية خدمات المستشفى في المنطقة :
( ممتازة - جيدة - متدنية )


البيانات الدراسيّة :

العمر عند الدخول للمدرسة : ....6..... عدد مرات الرسوب : ... ولا مره الحمد لله ......
مستواك الدراسي على مختلف المراحل الدراسة ( ممتاز - جيد - متدني )
علاقتك مع الزملاء في المدرسه / العمل : ........ممتازة..........
هل واجهتك ظروف أثّرت على أي مرحلة من مراحلك الدراسية : .. لا الحمد لله ...


البيانات الإجتماعيّة :


هل هناك أي أنشطة أو ممارسات تتقنها : . ايه الحمد لله كثير ...
هل لديك قابلية للاختلاط الاجتماعي مع أبناء الحي وزملاء الدراسة والعمل
أم تفضّل الانعزال : . لا .. احب الاختلاط ...
كم عدد ساعات جلوسك مع الناس : ..على حسب الوضع مثل مدرسة طلعه على حسب .. وساعات جلوسك لوحدك .. برفقة النت اجلس ساعتين .. ،
وكيف هو شعورك في كلاهما : .. تمام الحمد لله .


؛





* أذكر مشكلتك الآن :


كذا مشكلة المشكلة الاولى :

كنت متفوق بالمدرسة , لين جيت لأحد مراحل المتوسطة و جبت تقدير اقل من الي قبل !
فخلاص من بعدها صارت نسبتي على هالحال ! و للعلم اني الحمد لله ما ينقصني ذكاء ولا شي !
مريت بهالنتيجة و خلاص رسخت ! حاولت ابرمج نفسي سويت كلش والله ولا فاد ! ابي تفوقي ..
لاني وربي متألم جداً .. :(pb189


المشكلة الثانية :

الحمد لله الله رزقني بكذا موهبه ! بس ما ابينها و ابدع فيها الا لمن اكون بالحالي او مع عيال عمي و الاقارب ..
مثلاً كوره تقلون بيلية العرف pb034 لكن العب مع اخوياي او ناس ماعرفهم عادي جداً مستواي ..
و ايضاً الحاسب الحمد لله فته بالحاسب لكن لا جيت اسوي او اطبق قدام الناس ماهو مثل لمن اكون بالحالي انسى و اتلخبط ! مادري وش الحل .. :(pb189


المشكلة الثالثة :

انا انسان مطفوق جداً و راعي سعة صدر منب احب الكتومين الساكتين طول وقتي لقلق و طهبله
يعني اضيف جو , خصوصاً مع الاقارب اكثر شي ..
اجي عند العيال ما تبين عليّ هذي ما اسوي شي الا ( شطحات يسمونها لي ) , فأبي شخصيتي الي مع العائلة من ناحية سعة الصدر تكون مع اخوياي .. :(pb189


المشكلة الرابعة :

لمن اتكلم مع اخوياي , جماعة , بالمدرسة تحديداً ما اقدر اتكلم بكامل حريتي , بكامل تعابيري , اخجل نوعاً ما , اخاف اني اغلط , اخاف اني ازعل شخصية من كلامي , فمعروف عني بالنت انسان اتكلم بحرية ولا علي بأحد دامه على وزن الذوق العام ..

عندي اخر شي , هو مثلاً نمزح وزي كذا , و نكون جماعة واقفه مع بعض و كانت الذبه علي وشوي اليمه ! يحمر وجهي و يبين اني عصبت ! ولا اعرف ارد مادري اتلخبط مادري وش اقول ! فكيف ما بين غضبي و الي ابيه اهم شي ردي ! لساني طويل و اعرف ارد لكن بهالوقت ماعرف ارد اتجمد يعني وش السواة ..


بعد ذكر المشكلة :

مدة المشكله من بدايتها الى الآن : .... ثلاث اربع سنوات .....
تأثير المشكلة هل يمتدّ للمحيطين بك أم أنّ أثرها لا يتعلّق إلا بك : ...
هل سبق وراجعت مختص أم لأ : .... لا الحمد لله .....
إذا كان هذا حديثك الأول عن المشكلة ، فما هو سبب لجوؤك لطرحها هنا : . لأني مليت احس اني عندي اشياء و لا قدرت اطلعها و ظالم نفسي ..
مدى شدة المشكلة : ( تعيقك عن أنشطة الحياة / لا تعيقك )


* اكبر عائق يعيقك عن النجاح ؟

الخوف من ناتج سابق , التوتر , القلق , الخجل كل ذولي اكثر شي

* أبرز الأشياء التي تسبب لك الخوف ؟

نظرات الناس ! و تجمهر الناس لمن تكون في شي محيوط بك نظرات الناس

* أبرز الأشياء التي تساعدك على التفاؤل وتدفعك الى المحاولة وعدم الفشل ؟

ثقتي بربي , و نفسي , و النتائج الايجابية السابقة

* هل هناك مواقف سلبية .. عالقه في ذاكرتك وتؤثر على عطاءك ؟

ايه , فيه

* نقطة قوّة لديك ونقطة ضعف ؟

القوة : انسان حقاني , ضعفي : اني ما ازعل يعني بكل الحالات ما ازعل بس اشيل بخاطري ولا ابين , ماعرف اقول لا , اذا جيت ارد على الناس احط نفسي بمكانهم حتى لو في الكلام دفاع لنفسي , ما احب ازعل شخص و اقول كلام ما يرضي شخص .

نازكـ
06-06-2010, 12:26 AM
هلا بك ..

الدراسـه شد حيلك وخـل تفكيرك ينصب باللي ينفعك..
لا تحصر ثقاقتك في دراستك اقرا واقرا خصص لك كتاب كل شهر ..
بتفيدك قرايتك وقت الحـآجه ..
اقرا بكافة العلـوم وبتشوف الفرق ..

يمـكن تحطمك من درجتك في أحد المراحل هزت الثقـة شوي وخلتك تمشي على هالموال ..
بقولك الدرجـآت عمرها ماكانت مقياس لذكائك و ثقافتك :sm4:..
ثقافتك هي اللي تمشي معاك طول عمرك ما تنتهي بمجرد انتهائك من الامتحـآن ..

المشكلة الثانيـه ..
قو ثقتك بنفسك ..
يمكن لاصرت مع أحد ترتبك بزود وتضيع العلوم بسبب انخفاض مستوى الثقة عندك ..
خل عندك ايمـآن قوي بأنك قادر تنجز .. وبتنجـزbp039 ..

لا تخلي نظرة الغير تحط من مستوآك ..
انت عندك ثقة وقوة مصدرها من نفسك ..
لا تتخليها تتلاشى بحضور أحد ما تعرفه ..

المشكـلة الثالثه ..
أتوقع مشـآكلك أنك تفقد الثقة والتعزيز النفسي ..
بس بقول لك ..
انا أحب الانسـآن يكون بهالشخصيـة ذي ..
أحسه يبرز ثقله أكـثر ..
عاد مدري عن غيري ..

يسعدك ربي ..
بنصحك بكتاب أتوقع يفيدك ..
كتاب شوربـه دجـآج لحياة لا تعرف اليأس ..
أو شوربـة دجاج لحيـآة المراهقيـن <<بتستفيد منه حتى لو كبرت ..
أحسـهم بيفيدونك


أخـر شيء ..
خل ثقتك بنفسك كبيره وايمانك بأنجازاتك أكبر ..

ربي يوفقك ..

الخيـّـال
06-06-2010, 01:47 AM
الله يحيي رماد ..
بخصوص المشكلة الاولى ..

حاول تعرف سبب هالنزول في مستواك بالمتوسط .. وتحسس نفسك ان بهالأسباب نزل مستواك
مانزل المستوى بسبب مثلاً ضعف الفهم .. او مثلاً بضعف القدرة على التفكير ..

لاترسخ انك السبب .. هاذي سبب مواصلتك على نفس مستواك بعد مانزلت من التفوق ..
فانت نزلت درجاتك لكذا ولكذا لكذا ..
بعد الله ثم مجهودك في التخلص من هالسلبيات .. سبب يعيدك للتفوق مجدداً ..


بخصوص المشاكل البقية .. تحتاج بعض الدورات وبعض التثقيف وبعض الخبرة ..
لان الآمر فيها تحتاج مهارات ومقدرة على مواجهة الناس .. اضافة على مهاراتك انت سواء بالحاسب او بالكورة ..

فما في شخص يولد وهو عنده القدرة على هذا الجانب .. الا اذا طوّر ..
انت مو ناقص بشيء .. لكن تحتاج تطوّر من مهارات المواجهة ..

مع اصحابك .. حاول تكون " عفوي " بشكل اساسي ..
وقول اللي بخاطرك وتفاعل مع اللي يشدّك واضحك مع اللي يضحك وازعل مع اللي يزعلك ..

الآمر مايحتاج قدرة تطويرية في المشكلة الرابعة .. يحتاج بس خروج من جو التوتر !
ومايخرج من هالجو الا اخراجك نفسك بالتفكير في جلوسك معه .. والتعامل معهم كأنهم اهلك ...

فانت ماينقصك شيء .. فيوم اهلك يتفاعلون معك ويضحكون معك .. يعني انت لك القدرة على تحقيق هذا الشيء مع آخرين ..
الآمر يجب ان يخرج من نفسك .. ويجب ان تحسس نفسك بآن الناس لا تقيّم .. بل هم يتعاملون بعفوية ايضاً



بالتوفيق لك ..
bp039

نجدية الحشا
06-06-2010, 02:29 AM
هلا بك أخويّ
عادي مشكلتك بسيطة جداً
أنت فقط تحتاج شوية تدريب , وشوية دعم للثقة في النفس
والحمدلله أن أهلك توآصلهم معك ممتاز , وربي عطاك كثير موآهب
لكن يبي لك شوية دعم , حاول تحضر دورات
وتقرأ كتب وتطلع وتدخل مع الناس ,

كلها شوية أحاسيس مرآهقة رح تزول
والله يوفقك

D.Maha
06-06-2010, 02:54 AM
كنت متفوق بالمدرسة , لين جيت لأحد مراحل المتوسطة و جبت تقدير اقل من الي قبل !
فخلاص من بعدها صارت نسبتي على هالحال ! و للعلم اني الحمد لله ما ينقصني ذكاء ولا شي !
مريت بهالنتيجة و خلاص رسخت ! حاولت ابرمج نفسي سويت كلش والله ولا فاد ! ابي تفوقي ..
لاني وربي متألم جداً ..


السلام عليكم ورحمة الله وبركاته :

لا نستطيع أن نحل مشكلة ما بنفس مستوى التفكير الذي أدى إلى صنعها:rolleyes: ..."
قالها اينشتين يارمادْ وليست المشكلة هي ما نصنعه نحن فقط بل ما نعيشه بسبب لا يخصنا فنحن مسئولون عن صنعه لا تستغرب ما أقول وركز معي لأعلمك شيئاً بهذا الجانب وسأعود إن سنح لي الوقت للثانيه والثالثهْ .:)
إن المشكلة هي ما يحدث لنا ويسبب لنا مشاعر سلبية ويعيق تفكيرنا / أليس كذلك ؟؟؟

لاحظ أني قلت يسبب لنا ولم اقل أحدث لنا أو رسم لنا، فالأحداث تحدث ونحن من يقيمها بحسب تفكيرنا نحن / تقييمك هذا :
مريت بهالنتيجة و خلاص رسخت :
هو المسبب ْ ، انساه من هاللحظه وسنبارك لك التفوقْ ./ bp039
انت تستحق أن تكون متميز ، ثقه عاليه تمتلكها بالطرح ْ ،:) !
هي ماتجعلني اتيقن من استحقاقك التميزْ.!.bp039
ابحث عن المحفزات التي تساعدك على الدراسه الجيدهْ .. أنت بحاجة فقط للتحفيز والجهدْ ..pb036
لاني وربي متألم جداً ..
بسبب تفكيرك السلبي في نفسك ، وكان جسدك يشعرك انه غير راضي عن تفكيرك!:)
الآن ابتسم وقم ، وادرس جيداً ، وتوقع الأفضل .

تنهيدهـ|
06-06-2010, 03:07 AM
ماتوقع هي مشكله مجرد هذي اشياء انت تقدر تسويها بـ داخلك :rolleyes: !
يبي لك ورقه وقلم وجلسه مع روحك :)

اولاٌ / الدراسه انت الحين ثنوي ولا pb036؟ المهم فكر فكر فكر فكر فكر مليون مره لازم تصير شاطر لازم ابوك يرفع راسه ويقول هذاااا ولدي ;) !
الخطوه الثانيه السنه الجايه انقل من مدرستك pb027! لا تقول اخوياي ما اخوياي :rolleyes:
كلنا كنا نقول كذا ومانبي نفارقهم pb093 بس اذا نقلت بيتغير عليك الجو
من [ من اصدقاء . معلمين pb189 ]
ويصير ماعندك الا الدراسه قدامك :D ! , الخطوه الثالثه اذا انت بحكوميه انقل بـ اهليه توها جديده pb027 < عشان يصيرون الطلاب دوافير pb094 . .
:" ادري تقول مستحيل اسوي هـ الاشياء لكن لازم تسويها اذا تبي درجات ترا محد ينفعك :(pb189 !
انا كنت مو لم الدراسه :sm5: !
طيب انا : نقلوني اهلي مدرسه غصب وحطيت حرتي بالدراسه وصرت الحمدالله :Dpb094
< هذي اشياء ماعلينا منها بس بقول مثال يعني pb036 !

ثانياً / معروف انو انت مع اهلك فالها وعادي وتصارخ وتضحك اهلك ذولي تمون آكثر ;)!
لكن اصدقائك . , تحتاج " ثقه ودعم " bp039هو تراها اشياء عاديه وكثير ناس مثلك مو انت الوحيد :sm5: : )
وانت تكلم اصدقائك لا تجي هذي الافكار في بالك :rolleyes: " ليه انا كذا . وغيرها من تفكيرك الي هو مشكلتك الأن pb093" !
وعلى طول غير تفكيرك اشغل نفسك تقدر مو صعب pb189 !
انت فيك توتر شوي اذا قالو شي يضحك اضحك تفاعل بالسالفه اذا قالو سالفه bp039 !
لاتصير بروحك :eek:! انت ادعم نفسك انا بصير كذا تفااااااااائل يعني لا تحبط نفسك ولا تجي هذي الافكار في بالك :rolleyes:!
طيب في شي اقوله يخفف التوتر واذا عصبت حط حرتك فيه " العلك " :Dpb036 كله ترا دايماً يخلي عندك التطنيش اذا عصبت :rolleyes:pb036
ويخفف التوتر pb034! < لان تحط حرتك فيه bp039
اذا عصبت من شي او سمعت شي ينرفز :mad:/ خليك ايزي ولا تعصب ولا تثير اعصابك ابداً ;)! خليك عاااااااااادي واذا تاكل علك اعلك وتذكر اي شي يضحك و شيل التفكير :rolleyes: , وسسسسلك pb034 !

وموفق bp039 : )

عصير معصور
06-06-2010, 10:09 AM
حي الشعوب الاسلاميه بافضل تحية
السلام عليكم ورحمة الله وبركاته
يا صاحب المشكلة بسميك جدلا
ابوعراده ... من العرد الذي يعرد فهو معلاود
على العموم نرجع لي محور الحديث
شف انت تمر بحاله قد مرينا فيها من قبل <<<<< تبي 50 الف وتبادلنب بالعمر تصير كبير واصير انا صغير
ابي اطلع حرة االطفاقه الي براسي ابي اطلعه
طيب الي انت تقوله شي يصير مع اطلق انسان
بس فيه شي ودي اوضحه لك
معليش يا بو عراده ابي اكون مره صريح معاك
لانك تبحث عن حل والحل ما ياتي مع المجاملات
في قولك انت ....
و للعلم اني الحمد لله ما ينقصني ذكاء ولا شي !
مريت بهالنتيجة و خلاص رسخت
يابو عراده شف غير هل الكلام
يعني يقول المثل مداح نفسه احسن ابو شي !!!!
يعني الذكي ما يقدر يجيب درجات زينه
يعني الذكي ما يصير مبدع
طيب انت ما حصلت على درجات زينه
انت فقط تدعي الابداع لم يشاهد الناس هذا الابدع يعني الابداع غير موجود
يعني انت انسان غير مبدع وغير .......
طيب اذا ابيت انت تستسلم لي قولي هذا وش الي يخلي الواحد يقتنع بكلامك طيب
الي يقنع الافعال لا الخطابات
يعني يا بو عرادة نبي فعل ما نبي كلام
يعني بعد كم يوم اختبارة نهائية
ورنا انت ذكي او انت على غير ما تقول
نبي نشوف انت متفوق او هياط وكلام بدون فائده

الي بعده من كلامك ..........

الحمد لله الله رزقني بكذا موهبه ! بس ما ابينها و ابدع فيها الا لمن اكون بالحالي او مع عيال عمي و الاقارب ..
مثلاً كوره تقلون بيلية العرف pb034 لكن العب مع اخوياي او ناس ماعرفهم عادي جداً مستواي ..
و ايضاً الحاسب الحمد لله فته بالحاسب لكن لا جيت اسوي او اطبق قدام الناس ماهو مثل لمن اكون بالحالي انسى و اتلخبط ! مادري وش الحل


يا عمي طبق الكلام الي فوق على هذي بعد
يعني مجرد ادعا الي انت تقول
ورنا شغلك في الحاسب الالي
ورنا الابداع الي تقوله
نبي ادله يا ابو عراده

ونقولك عذر البليد حذف الطباشير

نكمل مع كلامك يا بو عراده

انا انسان مطفوق جداً و راعي سعة صدر منب احب الكتومين الساكتين طول وقتي لقلق و طهبله
يعني اضيف جو , خصوصاً مع الاقارب اكثر شي ..
اجي عند العيال ما تبين عليّ هذي ما اسوي شي الا ( شطحات يسمونها لي ) , فأبي شخصيتي الي مع العائلة من ناحية سعة الصدر تكون مع اخوياي ..

نصيحه فلها ولا عليك من اطلق شنب بس طبعا مو تسوي حرام
طيح الي براسك بكره تكبر وتقول الا ليت الطفاقه تعود يومن
فاخبرها بما اريد بها

نرجع لي كلامك يا بو عراده

لمن اتكلم مع اخوياي , جماعة , بالمدرسة تحديداً ما اقدر اتكلم بكامل حريتي , بكامل تعابيري , اخجل نوعاً ما , اخاف اني اغلط , اخاف اني ازعل شخصية من كلامي , فمعروف عني بالنت انسان اتكلم بحرية ولا علي بأحد دامه على وزن الذوق العام ..

عندي اخر شي , هو مثلاً نمزح وزي كذا , و نكون جماعة واقفه مع بعض و كانت الذبه علي وشوي اليمه ! يحمر وجهي و يبين اني عصبت ! ولا اعرف ارد مادري اتلخبط مادري وش اقول ! فكيف ما بين غضبي و الي ابيه اهم شي ردي ! لساني طويل و اعرف ارد لكن بهالوقت ماعرف ارد اتجمد يعني وش

يا عمي انت انسان راعي ادعائات طيب اسحب الميك وعطنى قصيده او خطاب او حتوته
يا عمي كل واحد وهو لحاله يحس انه البحتري
والمتنبي وابو تمام
واذا هو لحاله ينصدم انه واحد من الناس الي لن يذكر التاريخ اسمهم
فترك الادعاء
واسدل علينا بكل برهان يبين ما خط البنان
ابا عراده ويحك اذا كانت حياتك مجرد ادعاء
ويحك اذا كنت صاحب كلام بلا افعال
في وقت الرخاء الكل شجاع ولكن عند القاء يبين الشجاع

معليك من الاسلوب وعليك من المضمون
ولك اجمل الظنون في ما يخفيه المكنون