PDA

عرض كامل الموضوع : ماذا تعرف عن خالد بن عبدالرحمن


modallal
13-05-2001, 07:43 AM
ماذا تعرف عن خالد بن عبدالرحمن

انا اعرف عن خالد حكاية البومة الاول عندما رفض جميع المنتجين محاولاته اقناعهم بانتاج البومه الاول الى ان وافق احدهم وطلب منه ان تكون كلمات بعض اغانيه موقعة باسمه ففعل خالد وتنازل عن حقوقه الادبيه لذلك المنتج

المهم ان الالبوم صدر بميزانيه ضعيفه ووزع فقط في العاصمه ولكن سرعان مانتشر ذلك الالبوم بسرعة البرق

والبقية تاتي

ياليت من عنده اضافات تتعلق باخبار نادرة عن هذا الرائع ان يتفضل باضافتها مشكورا

المدلل

الحـــــ9999ـــــزين
13-05-2001, 10:39 AM
خالد
والله وكفو وتسعه وسعين وسوالفه واجد
وانا من الناس الي جلسو معه قبل ما يشتهر
مره من المرات كانا طالعين جنب استاد الملك فهد
وخالد يا طويل العمر كان معنا وكنا نطلبه
نبيه يغني وهو معي من السحا وكان محترم
وخجول في نفس الوقت وخالد ترا
يتيم الاب من الصغر
خــــالـــد
خـالـد
:confused:

modallal
13-05-2001, 05:20 PM
سالفه ثانيه

يقولون اول حفلة لابو نايف كانت في القاهرة عاصمة الفن طبعا التذاكر "سولد اوت" يعني مخلصة لانه فعلا تاخر في مسالة الحفلات وشهرته بلغت القاصي والداني

المهم يوم دخل المسرح كانت الصاله مليانه بس ماقالوا له انهم 99% منهم مشاهير حتى انه تلعثم في الكلام وكان لابس بدله يقال انه من اللخبطة والربكة دخل يديه داخل جيب الجاكيت

والله ماالومه ابد انسان خجول واخلاق تفاجا بالحضور

حروف الحب
13-05-2001, 08:40 PM
مرة من المرات انا وجوسمين نتمشى.. ولا بذاك الوحش اللي هجم علينا :( واقوم انا اصيح :(
وقالي جوسمين:
لاتخاف ياحروف فإن الوحوش تخاف من عصويد :D
<font color="Red">خالد عبدالرحمن..

على بالي اغانية القديمة..

صارحيني
صدقيني
انتظرته
ياشوق
من دلعك
اهلا هلابك
لاتناجي
ضويتي
بقايا جروح
ياضامية
وغيرها..

ليته يعود لألحانه القديمة ذات الرتم الحزين :( :)</font>

قوطي][G][فاضي
14-05-2001, 01:05 AM
ابو نايف ما له مثيل


فنان بمعنى الكلمة

لحن فأبدع
غنى فأطرب
اشعر فأبكانا


صفحة جديدة -شدو - تقوى الهجر - آهـــــات


ابونايف من محبين هواية الصيد والقنص

هل مرة شفتوا له فيديو كليب ؟
لا ومع ذلــــك ناجح لا يحتاج الى ترزيز البنات في الفيديو الكليب وعمل الحركات المقززة


فهو ناجح بذاته.....اكبر دليل على ذلك تكريمه في مهرجان القاهرة للأغنية العربية هو ومحمد عبده وطارق حكيم

modallal
14-05-2001, 06:20 AM
وش سالفة تكريم ابو نايف في مهرجان الاغنية ??

ترى انا مادري والله بس قوطي فاضي يقول مكرمينه !!!!

اللي يعرف تفاصيل الخبر يقول لنا

sweet_zozo
14-05-2001, 10:51 AM
هالووو ادري انكم بتاكلوني لكن انا ماعرف عن الاخ خالد الا شيين
اسمه
والشي التاني انه يجيب اكتاب مررررره حزين يناس الدنيا دي نحنا مش حناخد منها حااجه
سلاااااااااااااام


بس الصدق اني سمعت له كم اغنيه مااشبها شي سلااااام

مقلع_فاكينه_في_اليوكي
14-05-2001, 03:00 PM
والله ياشباب انا انسا اقدر ابونايف وعندي كل جلساته وحفلاته... في مجلة المختلف, عدد 117 في مقاله لي ابو نايف...
وسلامتكم :D

المحبط
15-05-2001, 07:00 AM
مشوار خالد عبدالرحمن .. صارحيني = بقايا جروح = افراق = انتظرتة = لو بكيت = موادع = سامريات = اهات = ودي تشوف الهم = امر تدلل = صفحة جديدة = عقد واسوار = فرحة لقانا = على النوى = قلبك كبير = اعاني واخيرا وليس اخرا ياهاجري .... مشوار مخاوي الليل
:D :D :D :D :D :D :D

المكرش
15-05-2001, 07:56 AM
اقول ياحلو قديمك يابو نايف
ابو نا يف هو الفنان الشعبى الاول فييييذا
واللى مايعرف للصقر 0000يشويه 0000او بكيفه :eek:

modallal
15-05-2001, 06:33 PM
اعرف عن خالد بن عبدالرحمن

انه في فترة اعلن رغبة جادة في اعتزال الفن لظروف لاتخفى على متابع ولكن في تلك الفترة ادرك انه لم يعد صاحب القرار الاول والاخير في مسالة اعتزال الفن <IMG SRC="cwm45.gif" border="0">

عاشق الشرفه
15-05-2001, 09:06 PM
رعش قلبي سحر عينك وانا مقدر علي الكتمان *&*& ذكرت الله علي زينك يحفظك من حسد الاعيان
* وشلون ماغليك وانت الذي علمتني حبك ياهاجسي عشقي عيونك ***** ;) تسأل وتلقي الجواب في نظرة عيوني تصوير لجمل عذاب :o حبك يامفتوني وشلون وشلون ماغليك &^&^&^&^&^^^&^^^^^&
* ان عنيت اليوم باكر ماعنيت الهوي ماعادلي ونفسي جزعت الهوي اه ذقت بوقته وكتفيت حلوه الذكري الا منها طبعت
*سارت وانا عيني تراقب خطاها &^^&^ خطوة تسوق الخطوة بهون وركود &^&^ لا عتني بنظرة وبعده ماكفاها من العيون السود ادواي منشود سارت ^&^&^&^&^&&^&^&^&^^^^&^&^&^&&&&^^^^^&&^ :
<IMG SRC="cwm37.gif" border="0"> <IMG SRC="cwm37.gif" border="0"> <IMG SRC="cwm37.gif" border="0"> <IMG SRC="cwm37.gif" border="0"> <IMG SRC="cwm37.gif" border="0">
و من جديدة الموت والويل ياهوه فهل سمعتو ا اغنية
* ان غبت عني حن قلبي وتشره &&***&*&
قريبا في الاسواق <IMG SRC="cwm41.gif" border="0">

modallal
16-05-2001, 02:07 PM
عاشق الشرفه

الله الله ماتنلام بحبك للفنان دام هذا ذوقك في الكلمات

انا عندي اضافه انا اعتقد ان الفنان خالد لاينقصة الذكاء الفني ولكن طيبته تطغى على الذكاء في التعامل مع الجمهور فما بالك بزملائه الفنانين

*ارجوا اضافة قصص نادرة ان وجدت لهذا الفنان وانا من الحين اعدكم بقصة

اخوكم المدلل

المحبط
16-05-2001, 11:56 PM
اللي اعرفه ان رقم جواله مهووب صاحي وتراه يبدا ب 0548 والباقي نفس الشي كلهم رقم واحد ههههههههه :D :D :D :D :D :D

كريزي®
17-05-2001, 06:36 AM
خالد عبدالرحمن فنان حساس وجميل وخاصه في السامريات مايختلف فيها اثنين
ولي ملاحظه اخوي الرزين كلنا عبيد لله لاكن لاتقول ان خالد عبدالرحمن ودعاني (خاصه) وكلنا نعرف خالد وش يكون لاكن هذا مايعيب الرجل فهو محترم بمعنى الكلمه وشكرا للجميع
للمعلوميه انا من اشد المعجبين بخالد لاكن ياليت يتراجع عن الطريق اللي سلكه اخيرا

modallal
17-05-2001, 06:08 PM
السلام

القصة اللي وعدتكم فيها

في يوم من الايام كان ابو نايف في رحلة فنيه في اوروبا..

المهم .. الرجال حن للسعودية قال خل اكلم الشباب كلم مالقى احد او هو لقاهم وقالوا له طالعين في رحلة بريه "بالشمال"

الرجال .. هذا انت يا"ابونايف" سال عن الباقي من الحفلات هل هو ارتبط فيها بعقود تترتب عليه فيها شروط جزائية او هي مجرد اتفاق مبدئي قالوا له لا ابد مايترتب عليك فيها شي لو تركتها ...

الرجال شال شناطة وقال سلام انا ماشي لديرة الاجواد اللي هم حنا :)

وصل الرياض قال وينك يامفاتيح وعلى الموتر الين قال سلام ياشباب في وقت ماكانوا ابد متوقعين انه يجيهم... تمت

انا ادري القصة هذي ماهي فنية ولكن المطلوب واللي ارجوكم انه تكون فيه اضافات قصص نادرة للفنان او شخصية بين احد الاعضاء والفنان خالد بن عبدالرحمن

سلام ياشباب

اخوكم

modallal
20-05-2001, 09:39 AM
سلام

فيه واحد في عمر خالد

انزعج من اخوانه اللي اصغر منه باقلاعهم فيه وقولتهم "خالدعبدالرحمن" طبعا هو الكبير ياطلالي او عبداوي ومايسمع للجدد ولا يدري منه خالدعبدالرحمن!! ولا هو عارف شكله!!

المهم راح المانيا "هذا انت يالكبير" في رحلة عمل وكان لسا واصل الفندق بشناطة وزحمته طبعا هو جالس يسوي check in

يقول يوم خلصت وكنت رايح للغرفة او هو سويت مادري؟؟... مادريت الا ذاك اللي جالس في "اللوبي" وباين انه خليجي .. يقول يوم دريت الا جايني يقول غداك عندي يقول قلت له يابن الحلال توني واصل وابي ارتاح رد عليه الخليجي ان نمت الحين تراك دمرت كل سفرتك قال خوينا اجل تدري وشلون خلني اخذ كوفي الحين حتى اني ماانام

وجلسوا في اللوبي يسولفون يوم جاء وقت الغدا "والله جعت" طلعوا فوق في الغرفة اللي هي غرفة العازم اللي تبين من السوالف انه سعودي ومن الرياض وخوينا كمان من الرياض "صاروا اثنين رياضيين الله واللياقه :)" يقول يوم دخلنا الغرفة الا هذاك العود "الكلام هذا كان في بدايات خالد" .. يقول خوينا قلت له ما شاء الله وتدق عود؟؟ يقول انه ضحك وقال على قدي اطقطق والا انا مااعزف

الوكاد ان الرحلة استمرت تقريبا خمس ايام وتراهاماكانت بالصيف ولا درى خوينا ان ذا فنان واسمه "خالد عبدالرحمن" الا في مطار الملك خالد وسلموا على بعض وتبادلوا الارقام والى يومكم ماتقابلوا

عاد يقولون اخوان بطل القصة انه يقول انتم ياجمهورة اللي عطيتوني عنه فكرة ثانية وتخلون الناس ماتسمع له تصقعون الصوت على العالي عند هالاشارات وتبون نسمع له؟؟؟

تعليقه النهائي انه رجال يستاهل كل خير "هذا انت ياخالد"

تمت

اخوكم

hala
20-05-2001, 03:14 PM
خالد يستحق التكريم لانه فنان مجتهد

اناعندى سؤال لك يامدلل عن حكايت المنتج اللى

طلب من خالد انه يتنازل له عن بعض الكلمات

من هو ممكن تقول اسمه لوتكرمت

وعلى فكره اخوى الرزين خالد من اهل القويعيه

modallal
21-05-2001, 07:46 AM
سلام ياهلا

اول شي شكرا على قراءة الموضوع

وشكرا على المشاركة
وياليت تفيدنا بسوالف نادرة

اما من نحية المنتج اكذب عليك لو قلت لك اني اذكر اسمه
ولكن راجع البوم صارحيني
ان كان ماتغيروا كتاب الكلمة والملحنين راح تعرفه مافيه كلام

اخوك

pro603
23-05-2001, 12:44 AM
خالد عبدالرحمن....فنان رائع....لالالالا....والله أسف....رائع شوية رائع....هو أسطورة....أجبرني أني ألاحق جلساته قبل أشرطته الأصلية...غنا خالد للمعاق في شريطة رسالة من معاق وقدمه هدية للمعاقين ...أكثر أغنيه يحبها العطا بدليل أنه سمى ديوانه الشعري بالعطا ودائما يقول أكثر كلمة أحبها كلمة العطا...ذكي جدا...بل أنه عبقري.... في أحد ألبوماته ظهر لأول مرة ملحن مبدع رائع أسمه سلطان الشادي لحن لخالد مجموعة من الأغاني مثل من دلعك...و...فزو لها...وش تنتظر...صفق الجميع لهذا الملحن ووصفوة بالمبدع..وأخذو يقولون..شف ياخالد يون خليت غيرك يلحن لك طلعت هاذي الألحان الحلوة....ليكتشف الجميع أن خالد هو سلطان الشادي نفسة فقط غير الأسم ليفحمهم جميع....خالد متواضع وكريم ألى ابعد الدرحات...ويكفى تنازلة لأغنية الذاهبة من ديوان ياهاجري ألى ديوان شمس الغرام للمبدع ناصر القحطاني....وزع الكثير من الأغاني على كثير من الفنانين مثل أحلام...على عبدالستار...عبدالعزيزالمنصور...خالد الماجد...خالد محمد...والكثير غيرهم....يحاول يقلدة الكثير من المطربين في أداءه أو اختياره للكلمات ...مثل .... فارس مهدي ..و..نواف منيف...خالد محمد....ظهر على شكل جلسات شاب يسمى نفسة بندر الشوق....صوتة وادأه نسخة كربونية من صوت خالد.....مستحيل أن تميز الصوتين تشابة في الأصوات غير طبيعي ....سبب الكثير من البس لجماهير خالد ألى درجة سألة أحد المعجبين في مقابلة mbc-fm الأخيرة متى تنزل ألبوم قصة هوانا....قال خالد أنا ماعندى ألبوم أسمة قصة هوانا هذا واحد من المعجبين فيني صوته يشبه صوتي....طبعا ممكن تسئل نفسك كيف أعرف هل الي قاعد أسمعه خالد ولا بندر....المسألة يبي لها فهم عود ...خالد يغنى ثلاث أوزان على العود مايطلع منها أبد .... والأوزان الي يغني عليها بندر مهيب من ضمن الأوزان الثلاثة هاذي....والحق ينقال بندر هذا فنان لو ينزل شريط والله أن يفجر السوق....دائما يقول خالد الفن لايأخذ من حياتي اكثر من 15%....سئله أحد المذيعين عن سبب مطارة الصحافة له وتلفيقها أخبار عنه وأصداراها لشائعات عنه....قال اللهم أرزقني وأرزق مني ....يرد خال على الشائعات التي تحاصرة....سيدي لايشغلك تزميرهم ****** لي نبح كلب نوكلة الحصا******بعضهم كله غلط تفكيرهم****العوج منه تعدلة العصا.....في النهاية أنا أعترف بأنني محنون المبدع أبو نايف ومستعد لمناقشة أي شخص يشكك في قدرات خالد أو يقلل قي أي موهبة من مواهب خالد....
http://mypage.ayna.com/pro60332/Image4.JPG

modallal
23-05-2001, 05:08 PM
سيدي لايشغلك تزميرهم
****** لي نبح كلب نوكلة الحصا
بعضهم كله غلط تفكيرهم
******العوج منه تعدلة العصا

الله الله يا pro الحقيقة موضوع غني ... لكن عاد اجزم ان عندك المزيد اللي ماذكرته ولا ذكرة احد الاخوان فياليت تثرينا

اخوك

Lone Wolf
23-05-2001, 11:31 PM
<center>ابو نايف ... انت فنااااااااااااان العرب والخليج والعالم كله</center><MARQUEE><center>ابو نايف وبس .... والباقي على شحم</center></MARQUEE>قال ايش ... قال محمد عبده اللحجي ولا عبد المجيد الي جده مضيع جوازه في مكه منذ مبطي[/center}}Text

بنت نجد
24-05-2001, 07:47 AM
<center><font color="Red">مرررحباااا مدلل .. والله موضوع حلو وودي اضيف معكم اضافه مدري عاد ان كان غيري قد قالها قبلي ولا لا ..عموما هو رأي شخصي اكثر ماتكون معلومه >> لا ياشيخه ؟</font></center> <IMG SRC="cwm28.gif" border="0">
<center><font color="Blue">انا اشوف ان خالد عبدالرحمن موهبه لا غبار عليها .. لكنه للاسف يسئ في الاختيار مما يؤدي بمستواه الكبير الى النزول وبالتالي يخسر شريحه كبيره من جمهوره .. يعني اتوقع ان بدايه خالد عبد الرحمن كانت قويه بمعنى الكلمه لدرجه ان اغانيه القديمه كلها كانت محط اعجاب جمهوره.. وكان موهبه فنيه قادمه الى الساحه الفنيه وبقوه لدرجه اننا كنا نادر مانشوف له اغانيه رديئه او ماتكون بالمستوى المطلوب
يعني .. ومن اشهر اغانيه الي لاقت صيت وقتها صارحيني ..وتقوى الهجر .. وتذكار ..و ..و

وش اعد ووش اخلى ؟ :) :) لكن للاسف اتوقع الكل يلمس ان مستوى خالد نزل عن اول.. ونادر ماتلقى له اغنيه ناجحه بمعنى الكلمه ( من وجهه نظري طبعا ).. عشان كذا اتمنى من الفنان خالد انه يعيد ترتيب اوراقه من جديد ويعيد حساباته ..
ويهتم باختيار اغانيه والحانه.. عشان مايخسر الجمهور الي كسبه.. :)</font></center>

<center><font color="Green">اكثر مايعجبني في خالدعبدالرحمن هو انه فنان شامل ماشالله عليه يعني تلقاه شاعر وملحن ومغني.. فنان متعدد المواهب ..ومثل هالموهبه نادر ماتحصلها في غيره من الفنانين ... :) :) فتحيه تقدير ومحبه له :) :)</font></center>
<table style="filter:glow(color=red, strength=2,400)"> :) :)</table>

modallal
24-05-2001, 12:41 PM
اختي بنت نجد

رايك له احترام وتقدير ومشاركتك نعتز بها

والحقيقة اني اتفق معاك ولكن اسمحيلي باستعارة ردي على احد الاخوان في منتدى اخر قد يوضح بعض الجوانب التي ادت الى انحدار المستوى التصاعدي للفنان خالد

اليك الرد

سلام اخوي

انا كنت معاك في بعض الكلام اللي قلته حتى في بعض ردودي السابقه راح تلاقي اني اوافقك الراي في بعض النقاط اللي انت ذكرتها"نفس اللي ذكرتيه يابنت نجد"...ولكن!!

اللي يعرف خالد يقول ان الرجال يستاهل كل خير

كذلك اعترف بكل جراة اني لما شاهدت حفلة دبي اللي نزلها D.J مشكورا ايقنت ان اغنية "الذاهبه" لم تكن مصادفه انها نزلت في هذا السنه
كذلك اغنية "المحال" في البوم العمالقة المسمى "مهرجان رناد" التي تطاول بها "ابونايف" على العمالقة وتعدى فيها القمم رغم اني والله قبل اصدار الالبوم توقعت ان الفنان "خالد" استعجل بالانتحار فنياولكن كانت المفاجاة بالتفوق مع مرتبة الشرف رغم نجاح بقية الاعمال للعمالقه بكل خبراتهم الفنية التي يضيع امامها "ابونايف" لو حاولنا المقارنه

ورغم فشل حفلة الكويت اداءا الا ان نجاح حفلة مهرجان دبي اذهلني

حبيبي ارجوا ان تعلم ان هناك جهد واضح في اعماله الاخيرة مقارنة بالاعمال السابقة رغم ان الاختيارات ماهي بالمستوى المامول من فنان قدم اعمال خرافية في بداياته
وتاكد حبيبي ان ذلك النجاح الرهيب في البداية هو ماجعلنا نطالب خالد بالتميز دائما ...
قف معي قليلا عند البداية من حيث الكلمات هناك من قال انه الافضل وضاع الشعراء في ذلك الوقت .. الغناء الجميع راهن انه فارس الساحة القادم بما في ذلك عمالقة الفن راهنوا على نجاحة .. اما التلحين فالملحنين اقاموا الدنيا غيرة وغبطة ..

ذلك النجاح اكل الساحة ذلك الوقت اكل "اليابس والاخضر" فتلاشت جميع تلك الاسماء في ظل وجود عبدالمجيد وراشد وطلال مداح ومحمد عبدة فلم يتبقى اخيراالا خالد فاصبح اخر ضحايا نجاحة المكتسح للساحة انذاك ولكن اصبح اكثر المتضررين

هل كان المتوقع الاستمرار على نفس المنوال الفطرة الالهية تقول لا لا لا ...

لم يستطع احد المواصلة بنفس المنوال .. كلمة واثق

اما النتيجة فهو يحاول الوقوف ثانية ولم يستسلم وتلك شجاعة بحد ذاتها..ولم يستسلم امام التجريح الشخصي "كم اتمنى التفكر في ذلك وتعرف طاقة الصبر عند هذا الفنان"

احترم الجمهور مقارنة بكلمات سنة 2000 والا مانت معي؟؟ .. جراءة ايضا محسوبة لو نظرنا لطرح خالد لمواضيع اجتماعية مختلفه عن الحب والحبيبة والهجران والخيانة خالد غنى "للصديق" وليست اغنية حب تصلح ان اهديها لصديق .. وهنا الفرق في وقت تاثر فيه حتى الكبار بمستوى الكلام المطروح

اخيرا اقول ان خالد قدم شهادة التميز في بدايته
لذلك اعتقد انه يملك مايقدمة ولكن بعيدا عن الضغوط النفسيه والتوجيه الاعلامي
لذلك من حقه علينا المتابعة

لاني من اللي يقولون انه الحين زين زي اول لكن اتابعه
واشهد للجميع بمنافسه شريفه ومستمتع فيها
واسمع لهم كلهم

اخوك المدلل

merta7
25-05-2001, 03:56 AM
<p align="center"> <object id="RAOCX" classid="clsid:CFCDAA03-8BE4-11cf-B84B-0020AFBBCCFA" width="288" height="80">
<param name="SRC" value="http://www.kubbar.com/Music/aljumairy-shwayyekh-samra.ram">
<param name="CONTROLS" value="ALL">
<param name="AUTOSTART" value="TRUE">
<param name="NOLABELS" value="TRUE">
<param name="RESET" value="TRUE">
<embed src="" height="80" controls="Default" autostart="true" console="Clip1">
</object></p><hr size="1"><center>


:D :D

بنت نجد
25-05-2001, 07:32 AM
<center> تسلم يا مدلل على الرد ..وبصراحه اقنعتني وانا فعلا المس تطور ملحوض في مستوى خالد وعوده حقيقيه تقريبا في مستواه الكبير الي تعودنا عليه وهذا شي واضح وملموس في البومه الاخير ياهاجري.. فنلاحظ ان اغلب اغانيه قويه مثل
" صبر ايوب " , " ابيك يا عمري ", " لا تخليني " , " وليله " .. فانشالله يعود لسابق عهده وامجاده بنفس القوه الي بدء بها ..</center>

<center><font color="Red">طيب يا مدلل انا ودي اخذ رايك في اغنيه " الجمر والبرد " الي غناها خالد عبدالرحمن بالفصحى ؟؟؟ تتوقع انها ناجحه .. :) :( ؟؟؟ ماادري انا احس ان محاولته فاشله ومااستصاغها جمهوره .. ماادري احس ان خالد مايناسبه يعني فصحى... فوشهو رايك ؟ >>>مابقى الا اجيب المايك </font></center> :D

modallal
25-05-2001, 11:10 AM
حبيبي مرتاح

تسلم على الاستراحة الموسيقية :)

بنت نجد
والله انا ماني ناقد متخصص

لكن اقولك تري البوم خالد فيه اجتهاد والحقيقة ماهو كل مجتهد مصيب
يعني اللي بوصلة ان خالد صار يتعب على الالبوم ماهو مثل اول ويوم عن يوم بدا التسليم بانه اما التميز في الساحة او الانسحاب بشرف

اما بالنسبه "الجمر والبرد" ماكانت اول مرة خالد يغني بالعربية الفصحى فقد غني "لالا تناجي" و"ظن" ويبدو لي انهم كلهم كلمات خالد

الجديد هذه المرة الموسيقى الراقصة المصاحبه والا اللحن كان طربي لو فصلتي الاداء عن الموسيقي هذا الجديد
وانا من وجهة نظر شخصية ارى ان خالد يبحث عن الجيد الذي يذكر في تاريخة حتى وان لم يحقق النجاح الفوري
وارى انها من الشجاعة ان يخوض في مجالات فنيه اخرى يعني صراحة اعيب على بعض الفنانين التردد في الطرح قد يصل احيانا الى تغيير اغاني الالبوم كاملا

على فكرة ترى اذواق الناس مختلفة يعني انتي جاملتي اغاني في الالبوم الاخير انا كنت اراها عادية ولكن لايمنع من اعادة تحليلها ... لذلك ياليت تقولين لي الاغنيه اللي عاجبتك وتحاولين تغوصين في التفاصيل من حيث الكلمات واللحن والموسيقى

وخاتما شكرا على سؤالك عن رايي
اخوك

بنت نجد
26-05-2001, 03:36 AM
<center><font color="Navy">ماشالله عليك يا مدلل يعجبني تحليلك ونقدك :) :) ماانت سهل بصراحه
وبصراحه انا ماسمعت اغانيه الي ذكرتهم بالفصحى عشان كذا ماني ملمه في الموضوع بشكل كبير لكن الاغنيه هذي بالذات ماهضمتها من جد
:( :( من جميع النواحي ..

لكن على قولتك هالشي مايمنع انه عجب غيري
وهي ومحاوله لابأس بها بالتنويع والتجديد والتغير .. لكن طبعا من الافضل من وجهه نظري
ان مايكثر منها لان جمهوره تعود على اسلوب
معين ونهج معين في غناءه من الصعب احيانا
انه يبدلها :) :) وهو اللون النجدي البحت
الي نعشقه ونحصله في صوت خالد ...

بالنسبه لسؤلك عن افضل الاغاني الي عجبتني في البومه ياهاجري.. فراح اقول لك انا مااعرف

انقد مثلك :( :( وازركش كلامي ..عموما عجبتني " ابيك يا عمري " اكثر شي من البومه الاخير ماادري يمكن عشان الكلمات سهله ومستساغه :) :)

ناهيك عن اللحن ..تحسه شبابي وايقاعه جمييل.. وماادري احس انه خالد غناها باحساس عالي وقوي

وتفاعل معها كثيررر... :) :)

وفيه اغاني اقل منها بالنسبه لي لكن تظل جميله مثل زي مافقلت انا من شوي ليله ولا تخليني وصبر ايوب بالذات جميله على فكره تحسها مختلفه عن الباقي... :) :)

هذا الي عجبني وانشالله نشوف المزيد من ابداعاته
في البوماته القادمه ..

تحياتي </font></center>

modallal
29-05-2001, 03:55 PM
سلام يابنت نجد

الحقيقة بادئ ذي بدء لك الف شكر على الاطراء

اما من ناحية اعجابك بالاغاني المذكورة فالحقيقة انها اغاني خالد ولا احد يقدر يأديها مثلة ولا احد ينكر ان وجود خالد واستمراريته في الساحة راجع لاجادتة وتمكنه من هذه الالوان

ولكن انا اقول اغنية "الليلة" والف سؤال!!!!
الاغنية تطريبية جميلة كلمات رقيقة وعذبه ... ولكن!!!
انا ماادري لية خالد مايحاول انه يدخل الطرب اداءا في مثل هذي الاغاني اللي لايكاد يخلو البوم لخالد من نوعيتها علما بأني اراهن انه قادر على ذلك ومتمكن
هل محاولة التطريب السماعي تعتبر شي ماهو كويس في نظرة ؟؟؟

انا ودي اقول ان حتى السامريات اللي يتميز فيها خالد هي بحر واسع للابداع في الاداء ولكن خالد مع اجادته للابحار في الوان الفن السامري الا ان ابداعة الحقيقة يكمن في صياغة اللحن المناسب اما الاداء اكثر مايقال عنه انه جميل
... ولكن لما الخجل من محاولة التطريب اداءا فيها؟؟؟

يعني انا سمعت البوم مسرب لخالد غني فيه اغنية

"احسن بك النية وتفتح علي ابواب"

الاغنية سامرية تفنن فيها خالد وابدع الى درجه غير طبيعية وكانت موسيقي مهي جلسة ولكن لما نزلت نسخة اصلية افولها بكل صراحة للاسف خالد اعاد تسجيلها بنفس المستوى اللي انا جالس اقولة

والسؤال هنا ليه ليه ليه ياخالد وش العيب في محاولة التطريب؟؟؟؟؟؟؟؟؟

واخيرا ليعلم هو والجميع ان جلسات خالد فيها من الطرب مايفوق الالبومات الموسيقية
يعني الغريبه انه في مواجهة الناس قادر على التطريب وعند التسجيل يصبح اداء فقط !!!!

نقاط متفرقة

الالبوم مافيه سامري ... شي طيب من باب عدم الاعتماد كليا على السامري.

الالبوم فيه تنويع موسيقي رغم انه ماوصل لطموحات المتلقي


اخوكم

[ 05-29-2001: تم تعديل الموضوع بواسطة : modallal ]

عاشق الشرفه
29-05-2001, 07:42 PM
الجمر والبرد


بكل صراحة خالد يمكن نقول ان صوته ماهو ذاك مع الاغاني الي بالفصحي لكن ياجماعة الخير الرجال ماقصر نجح والله انا اقول طبعا من رايي ان خالد في اغنية البرد والجمر لما اسمعها اسمعها كاملة يعني ماامل منها حالها حال الاغاني الزينة لكن انه نجح انا اتوقع لومعطيها كاظم او احدي فننات الشام يمكن تكون اميز وانجح رغم نجاحها مع فنان نحبه ونمووووووووت فيه لدرجة كبيرة اكبر من اي حب اخر وسلامتكم وباي وانشالله ماغثيتكم بكتباتي
ايجود الزمن بلغياك والقاك تناصفني وجدي *&**& *)*)*&*&*&* ياســــــــــــــــــــــــــلاممممممممم <IMG SRC="cwm20.gif" border="0">

منادي
29-05-2001, 11:29 PM
بصراحه الفنان خالد عبدالرحمن رائع بمنتهى الكلمه

ناجح كفنان وكملحن وكشاعر

أبوزيد الهلالي
30-05-2001, 09:04 AM
عندي معلومة عن خالد (يمكن ما تعجب البعض :()
هذا ايام ما كان خالد مسجون في سجن الحاير (للاسباب اللي تعرفونها :( :() ,
يقولي ضابط بسجن الحاير , (وبصراحة الرجال ماله بالاغاني ولا يعرف منهو خالد عبدالرحمن قبل) ,المهم الرجال كان يسولف لي عن تعامل خالد مع المساجين وعن اخلاقه وخجله يقول شي خيالي وعلوم رجال وسنع حتى اني تحسفت (الكلام للضابط) ان مثل هذا ينسجن :confused: ويقول ومادريت ان الرجال مغني مشهور الا قبل يطلع من السجن بشهر واحد !!
يمكن تستغربون ان خالد ما اخذ الا نصف المحكومية بس والسبب انه حفظ نصف القرآن خلال فترة وجوده بالسجن

آسف ان كنت غيرت الموضوع ولكن معلومة تذكرتها وحبيت اقولها لكم , واللي ما اعجبه الموضوع اعتذر له بشده ولا يواخذني :) :)

pro603
30-05-2001, 10:03 AM
ياهلا فيك أخوي أبو زيد الهلالي....
أسلوبك المؤدب...خلاني أتردد في كتابة الرد...
بس أعتقد....
هنا مجرد جماهير ومعجبين بفن خالد...يعنى أشوف موضوع زي هذا يعتبر جزء من حياة خالد مالنا أي علاقة فية....صح ولاأنا غلطان يأخوي أبو زيد...وأنشالله أنك مازعلت علينا...

أبوزيد الهلالي
30-05-2001, 09:00 PM
لا ابد اخوي , بس الموضوع كان ملذا تعرف عن خالد وانا اعرف هالشي وقلت اكيد كثيرين ما يعرفونه واقوله , ومعليش اذا كان الموضوع ما اعجبكم وبعدين هي غلطه واكيد ان خالد استفاد منها ولا وش رايك ؟؟

ومرة ثانيه لا احد يزعل تكفووووووووووووون :)

صغنطوط
30-05-2001, 10:55 PM
هلا وغلى والله
بصراحه مااعرف عنه اي شي
وإذا عندك معلومات لا تبخل علينا ومشكور

هيكل سيكل
31-05-2001, 05:12 AM
سلاااااااااااام يامدلل :)

حبيت بس اسجل اعجابي بموضوعك وبردود جمهووور ابونايف..

والله من زماااان ودي اتكلم عن خالد وحبي لفنه وزين اللي فتحوا منتدى للفن هنا..

اول ماطلعت اشاعة موته قبل شريط ياهاجري..نزلت موضوع في العام عنه بس شاااتوه للماصله :)..

الزبدة..
لي رجعة لموضوعك ان شالله بس عقب الامتحانات.

modallal
31-05-2001, 02:04 PM
عاشق الشرفه

ان بغيت الجد الرجال مقصر ابد لكن انا اقول صدقني القادم احلى بس انتظر شف حفلة دبي اللي انا صراحة مبسوط من ادؤة فيها مرة وانت تدري ان القادم احلى

تسلم ولا تبخل علينا
-------------------------------------------

منادي
الحقيقة ان خالد رائع في كل شيء ولكنه مايقدر يصير جمهور
والاروع من خالد وبدون مجاملة هو جمهورة لذلك

انت الرائع :)

-------------------------------------------

أبوزيد الهلالي

الحقيقة اخلاق خالد سر جماهيريته

والاخلاق انعكست على فنه حين قال انا ماابي اغني بعد 12 مساءا ... والتصنع يبان مع الوقت وانا عندي سالفة على الاخلاق بقولها لكم في رد اخر والحقيقة اللي قال السالفة هذي علم من اعلام الفن وماهو بحاجة لمجاملة خالد

تسلم اخوي على المشاركة وترى خالد ان كانكم عارفين السالفة كان ضحية وخذته الشهامة

--------------------------------------------

pro603

غيرتك على خالد شي طيب لكن السالفة ماصارت سر وصدقني اللي شافوة وهو هناك وزاروه اكثر من اللي شافوه في حفلاته فيه ناس كانوا يجون من الخليج خاصة لزيارته

والاكيد انه كان ضحية اكثر من انه جاني للي يعرف بواطن الامور

شكرا pro603

--------------------------------------------

زغنطوط

راجع الردود اعلاة وابدا الحياة :)

--------------------------------------------

هيكل سيكل

هلا والله بالهياكل كل ابوهم :)

الحقيقة الاعجاب فيك انت حبيبي لمتابعتك رغم زحمة الاختبارات
اما جمهور ابو نايف مايبي له تسجيل اعجاب بعد كلام عبدالمجيد عنهم وطلال مداح الله يرحمة والحقيقة اللي يذكر الي قالوة ممكن يساهم هنا

هيكل بانتظار مشاركتك هنا تراك وعدتنا

والله تعبت لكن القصة ان شاء الله في رد اخر


اخوكم

[ 05-31-2001: تم تعديل الموضوع بواسطة : modallal ]

modallal
04-06-2001, 05:17 PM
هذي القصة اللي وعدتكم فيها والمصدر واحد صديق مقرب للملحن الاستاذ صالح الشهري

تذكرون يوم مهرجان الاغنية الاول في الامارات
اللي تكرم فيه فهدعافت كاحسن كاتب اغنية
واللي تكرم فيه الامير الوليد بن طلال اكثر واحد خدم الاغنية العربية وحضر بدالة خالد ابنه

المهم يقول صالح ماكان في راسي روحة للامارات المهم يقول مادريت الا الباب ينطق فتحت لقيت هذا خالد عبدالرحمن يسلم هليت فيه ودخلته طبعا يقول ماهي غريبة علي اخلاق خالد لاني سبق تعاملت معاه من اول

ويقول يوم تقهوينا قالي وش عندك ؟؟؟ هذا انت ياخالد
قال له صالح ابد ماعندي الا الدجة على قولتنا في اقلاع والا هو قالها باسلوب حلو<<==ماهي عكس مر :D

المهم يقول قال ورا ماتخاوي<<==هذا انت ياخالد
وين ؟؟ هذا انت ياصالح
قال مشيوير للامارات<<==اكيد كان فيها ابتسامة :)
صالح قال ابد والله بس مافيني روحة
قاله خالد اذكر ربك وقل لااله الا الله وانت تراك مخاويني مخاويني<<== التكرار هنا يفيد التلزيم :D
المهم يقول صالح قلت فرصة اشوف وش ورا هالاخلاق ويقولون الرجال ماتعرفه الا في السفر
عاد وافق<<== هذا انت ياصالح :D
ويقول يوم مشينا اثر الرجال"اللي هو خالد" جاي بر من الرياض ويوم وصل الشرقيه قال ابي لي خوي يكمل معي الرحلة
يقول<<==هذا انت ياصالح ..فرصة وجت لحد عندي
المهم انهم راحوا ودخلوا اخر ناس
الين رجعوا ويقول خالد هو خالد ماتغير ابد وتبين للاخ صالح ان الرجال"اللي هو خالد" ابد مايمثل الاخلاق او يتصنع ومن جد ذيك الفترة كان صالح يضرب فيه المثل بالاخلاق

بصراحة القصة هذي مقدمة اهداء لجمهور خالد ولابوزيدالهلالي

اخوكم

طائر الوشم
05-06-2001, 08:42 AM
السلام عليكمك

اخواني اذا كنتم تبوني اتكلم عن خالد فيبيلكم 10 ساعات تقرون يعني تبي تطير عيونكمزي كذا :eek:

,..

خــــــــــالــد عبــــد الرحمــــــن


هذا الاسطوره العملاق الذي قهر الساحه افنيه بفنه واجبر كبار افن على احترامه من اول البوم له ,,

الله يرحمك يا طلال يوم قال خالد هو خليفتي..

صارحيني ابدع فيه خالد وابدع معه رياض ابراهيم

بقايا جروح هذا الشريط الي يسمعه مايمل يعيش هايم مع احلى اغنيه..انا احب في هذا الشريط اغنية ضويتي اعيش في جو يا سلام جو شاعري..

افراق كل اغاني الشريط في كوم وتقوى الهجر في كوم

هذي الاغنيه التي كتبتها الشاعره الامل المجروح هذي الشاعره لها حكايه اسمعوها(( في يوم من الايام وانا كنت في دبي شفت واحد من المتجين وهو الي انتج شريط تقوى الهجر سئلته عن الاغنيه فقال هذي حكاية الشاعره وقصدة بي هذي القصيده رد على اغنية ابعتذر لمحمد عبده والي متب كلماتها وكانت تقصد الشاعر نفسه وهو كان زوجها وبعد لفراق كتب الشاعر قصيدة اعتذار للامل المجروح وردة عليه بتقوى الهجر ..انا ودي اعرف خالد داري عن القصه
الله اعلم))

انتظرته هذا الشريط جميل والاجمل اهلاً هلابك وياشوق

لوبكيت وموادع تعجز تقول من الافضل

سامريات ...محمد ذكر بعد صدور شريط سامريات لخالد فقال ان استمر خالد في السامريات فسوف يسحب البساط من تحتي..من حظك يا و نوره ان خالد ما انتج الا شريط واحد..

اهات في يوم ةاحد بس منذ نزول الشريط سحب ما يقارب 350,000نسخه وهو اكبر عدد توزيع ولم يكسر ه الا محمد عبده في شريط العنا,,

ودي تشوف الهم شريط اشهر بخالد الى العالم العربي ككل خصوصاً اغنية تذكار

شريط امر تدلل في هذا الشريط وجد خالد منافسه قويه من زميله الفنان المتئلق راشد الماجد وكان راشد منزل شريط شرطان الذهب رغم ان شريط امر تدلل كان اقوى شريط نزله خالد بعد افراق الا ان راشد تفوق بشريطه الاكثر من رائع وكان ايامها تو mbc_fmمشتغله في السعوديه وكانت تردد اغني خالد وراشد الي بس كانو يرددون راشد اكثر ليييييه ما ادري؟؟

صفجه جديده مالقيت في هذا الشريط اغنيه اعجبنتني غير حالمه..
وهنا بدا خالد بنزول
اصدر خالد شريط بعنوان عقد وسوار استعجل فيه بتسجيل وكان خالد فيه متسرع وثم اعاد تسجيله مما ادى الى ضعف في التوزيع ومن ثم فشل الشريط ؟؟
رغم وجود اغنيه اعتبرها انا والكثير افضل اغنيه سامريه خلجيه على الاطلاق وهي(( عشق بدوي))

نجي الى شريط فرحة لقاناشريط لا يعلى عليه قمة المتعه منوع بين اغاني بيقاع وعود وتسجيل موسيقي
وانا اعجبتني اغنية وش تبين

شريط على النوى في هذا الشريط بدى خالد الى العوده للمنافسه و بقوه

شريط قلبك كبير هذا الشريط لم تنجح فيه سوى اغنية وش تنتظر فقط (( اذا كثرة دبرت))

شريط اعاني هنا رجع خالد الى قمة عطائه
تدرون ليه لانه غير الشركه المنتجه وانتج من روتانا,,
وكذاللك شريط يا هاجري اروع الاشرطه الا انتجها ابونايف وياليته يستمر في انتاجه مع شركة روتانا
ويوجد الكثير والكثير من حلساته الرائعه مثل مديونه ,,وهب نسناس الهوي والكثر الكثير

هذا الي بغيت اقوله والسلام عليكم

اخوكم طائر الوشم


:cool:

modallal
05-06-2001, 09:38 AM
تسلم ياطائر الوشم

الحقيقة كفيت وفيت

بس للتصحيح خالد بدا مع روتانا من البوم "وش تنتظر"

اما يوم جبت طاري ابونورة انت ذكرتني ان ابو نورة قال عن خالد في بدايته "الفنان الامير" ولكن انا شايف عبدالمجيد مخطط على اللقب :)

فيه سالفة صارت بين طلال رحمة الله علية وابو نورة تتعلق بخالد ان شاء الله في رد قادم اقولها

اخوكم

عاشق الشرفه
05-06-2001, 09:39 PM
خالد عبدالرحمن


الــــــــــــــــــــذاهـــــــــــبـــــــــه
الله الي اراد و العقده قضاها اللي عقدها *** لا على الدنيا سلاام ولا
لباقي العمر زينه
الفضا ماكنه الا خيمه طاحت عمدها *** والفرح ما كنه الا شيخ انقصّت
يدينه
والعمر قطعه زجاج انكسرت ولا طال امدها *** والعرب في العيد بدموع
اليتامى مستهينه
والشوارع لفها ثوب الظلام اللي هجدها *** والبيوت اطلال من عقب
المحبه والسكينه
والشتا والليل والبرد وسما يصرخ رعدها *** والعيون اللي ورى الشباك
مذعوره حزينه
طولوا في الكهف الاصحاب وبقت روحي وحدها *** كنها في كوكب ثاني خلا
من ساكنينه
الوداع اللي بعلم العين يعبر من رمدها *** و الوداع اللي بلا علم
بقفص صدري غبينه
والوداع اللي بلا رجعه علي امر وادهى *** والله انه غرغرت سم وسكاكين
سنينه
والعنود اللي جفيت الناس والدنيا بعدها *** مدت الفرقى لغاليها وهي
تعطي الثمينه
وينها كيف تركتني ليه ماجت في وعدها *** والقمر لا طل خابرها تجي
بيني وبينه
رحت انادي واتلمس في مهب الريح يدها *** كني حصان بلا صاحب طوى
البيدا حنينه
رحت اصيح الصبح وينه والعرب مارد احدها *** ما سمعت الا صدى صوتي
يقول الصبح وينه
كنهم من يوم ذيك الشمس غابت عن بلدها *** طلعوني في النفود وصكو
ابواب المدينه
كنهم من يوم ذيك الذاهبه محد وجدها *** كل رجال من الشرهه قلع في
الدرب عينه
اثرها ماتت وماتت كل فرحه في مهدها *** والربيع اقفت به اللي كانت
التاج لجبينه
جاورت عقب الحدايق حفره مااقسى لحدها *** حفره ماني مصدق كيف ضمت
ياسمينه
للحزن فيني مثل ما للطهاره في جسدها *** وش اسوي لا فتشت اللي لها
وسط الخزينه
زخرفت حلم وبنت له مسكن وسمّت ولدها *** اه لو غرت ولدها في خميله
والدينه
عاهدتني واظفرت بيمين اقوى من عهدها *** والصبي لا خير فيه ان كان
مانفذ يمينه
ما تتقى من رثاها عرق اكتظ بشهدها *** ولا تبقى خلف قضبان الجفن
عذرا سجينه
كيف عند العالم ايام العزا مااحصى عددها *** والا انا طالت شهوره
والله اعلم كم سنينه
لا الثرى فيها نبات و لا المشي خفف نكدها *** ولا السما فيها طيور ولا
البحر يمه سفينه
لا القمر هذا مساه ولا العصى هذا رغدها *** لا الزهر هذا شذاه و لا
الذهب هذا رنينه
قالوا الشيخ الفلاني مرجع القوم وسندها *** قال يبشر بالعوض و العلم
جينا ناقلينه
ساق لك بدر البدور اللي نشدها من نشدها *** جادل هزت عروش و خيبت
روس ذهينه
قسمها في رسمها في جسمها الا في رشدها *** و اسمها انجال الغضب قومه
على الالسن رطينه
اترك الناي و عطيه شيخنا غن لسعدها *** وانبسط ياعم وانسى اللي ورى
التربه دفينه
قلت ولصدري تناهيت تروع من شهدها *** اه واويلاه من يجلب على قلبي
ظنينه
خلو اغلى ذاهبه ترعى ربيع اللي فقدها *** والعطا راعيه محد صوبه الله
لا يهينه
لو ضمنت الجنه وتفاحه القلب وشهدها *** قلت من بكرى عسى مجنونها
تاقف سنينه

==========================
كل الحب والتقدير لك يا كريزي
+++++++++++++++++++++++++++
والي المشرف المدلل الذي يستحق الترشيح طبعا لعيونه ولعيون ابونايف
=======================================

modallal
10-06-2001, 06:42 PM
قصة سوء التفاهم بين طلال مداح و محمدعبدة بسبب خالدعبدالرحمن

بعد حفلة الجنادرية اللي ظهر فيها خالد لاول مرة على المسرح داخل السعودية الموجي كان موجود في تلك الحفلة

الصحافة اتجهت الى العملاقين طلال وعبدة لسؤالهم عن الضجة التي صاحبة مشاركة خالدعبدالرحمن
طلال مداح قال هذا فنان كبير ويشهد له الجمهور هذا وهو مازال في بداياته اتمنى له التوفيق والفن للجمهور ولست انا او محمد من نرشح الفنان ونزكيه الفن للجمهور وهو الحكم
محمد عبدة قال كلمة قصير مرة اللي هي فنان يجيد اللهجة النجدية وسكت

طبعا اللي شاف الحفلة يعرف الجمهور وشلون استقبل خالدعبدالرحمن وشلون استقبل طلال ومحمد المهم لو كانت المسالة انتهت عند الحد هذا كان قلنا طلال يشجع المواهب ومحمد لا
لكن اسمعوا اللي صار
اللي صار ياحبايب ان ابونورة لما صعد الطائرة مع طلال عاتب طلال انه قال الكلام هذا عن خالد وقاله انت كيف تقول كل الكلام هذا عن فنان لسا في بدايته وتساويه فيني انا واياك ؟؟؟؟
طلال ماكثر كلام وقال بكل طيبة لمحمد انت ماشفت الجمهور كيف اسقبل خالد وكيف اسقبلني انا واياك !!! الجمهور هتف لة اكثر مني ومنك

وانتهت السالفه

اخوكم

الهلالي محمد
10-06-2001, 07:17 PM
مشكورين كلكم والله موضوع حلو عن ابو نايف

وبس عندي تعليق :

* خالد هو الوحيد الي اصدر شريط عن المعاقين (رسالة من معاق )

عطر النسيان
11-06-2001, 04:38 AM
مشكور اخوي المدلل على موضوعك ( الحلو) واللي مكمل حلاه خالد عبدالرحمن

احوي الغالي:::

خالد من الفنانيين القلائل اللي يتمتعون بطيبه خياليه(( لاهيب تصنع ولاهيب نصب))

احترم جمهوره فماكان منهم الا ان بادلوه الاحترام

احترم الفنانيين فلم نسمع عنه الا كل خير

غنى للمراه وجعلها(( محبوبته)) الدائمه

غنى للمعاق في سابقه لم يسبقها عليه احد


اتهم بتشابه الالحان فتعاون مع ملحن (( سلطان الشادي)) اللي هو خالد (( ذكرها واحد من الاخوان قبلي))

فنان بمعنى الكلمه قديمه لاينافسه عليه احد

جديده( لاباس به) لكن ماهو مثل قوة القديم!!!

ممكن يكون توقيت خالد نفعه في هاذيك الايام

لان كان الفن حلو والدخول له صعب والاسماء

ماهي كثيره( وبثره) زي الحيين


لقبه جمهوره فنان الحب وفعلا هو فنان الرومانسيه من الدرجه الممتازه

صور اغانيه لكن (( استحال)) دخول المراه معه

لان رده واضح وشافي (( لضعاف النفوس))

بقوله(( المراه اغني فيها كمحبوبه لي ))

لقب بفنان نجد لانه لايجيد النجديه الا هو وابو نوره

حينما تسمع لجلساته تعيش عالم ثاني

ميزته ان الحانه هادئه كلماته رقيقه تدخل القلب بسرعه

اتهم بانه فنانيين المراهقيين!!! فكان رده الرائع والمتزن (( المراهقه كل الناس مروا بهالمرحله ويسعدني ان اغني لهم))

حورب اشد المحاربه من الصحافه السعوديه لماذا!!

لانه فنان كون نفسه بنفسه كتب ولحن وشدا

دعي الى مهرجان الجنادريه عام1413 وكان (( بعز جماهيريته)) فسبب قلق ورهبه للكبار(( ذكرها اخوي المدلل))

المجلات تتسابق لطرح صوره على اغلفتها (( للكسب)) لانهم مالقوا واحد يمشي مجلاتهم الاهذا الرائع (( وهذي ماهي سلبيه)) بالعكس دليل ان الفنان مرغوب من الجماهير


تعاون مع الشاعرات كاول فنان بشريطه ( اعاني)
لانه شاعر بمعنى الكلمه لايفرق بين الشاعر والشاعره (( المهم الكلمه الحلوه))

شهرته بالخليج طاغيه!!!! وخصوصا بالامارات وقطر

مع انه (( فنان شعبي ولهجته نجديه))!!!!

تعاون مع غيوض صاحبة الكلمه السلسه (( وهي من الشاعرات التي تمد خالد بقصائد خياليه00 فمن منا ينسى البوم لو بكيت واغنية دقات قلبي ووشلون مغليك واعاني وغيرها الجميل لهذه الشاعره المبدعه والتي ظلت ملازمه( تقريبا) لفن خالد فلها جزيل الشكر))

لاانسى الشاعره الامل المجروح صاحبة الاغنيه الخرافيه ذات المقاطع الرنانه(( تقوى الهجر))

خالد قمه بكل شى وياليت اكتب واكتب واكتب لاني لو كتبت احس اني ماني موفيه حقه!!!!

(( هب نسناس الهوا لي من شمال
حامل لي ريح الخزامى والنفل
من فياض ظبيها يلعب دلال
ليل محض له من اللهفه جفل ))

(( لاتحسبني بالبرد بانسى غلاك
لاوالذي لاهنت نفسي مروده
دايم بوسط الليل بالحلم القاك
وياما تمنيت الحلم تصدق شهوده))


(( يحول اقسى من الحرمان الى مني تمنيتك

ترى بعد المدى يقصر ولاياصلك ماقلته

كتبت اخر قصيدة حب بها الخداع سميتك

وانا العطشان واغراني سرى بالله ماطلته))


ومشكور و معاليش انقلب الرد (( موضوع)) بس وش اسوي القلب وما يهوى!!!!!!

[ 06-10-2001: تم تعديل الموضوع بواسطة : عطر النسيان ]

modallal
12-06-2001, 04:13 PM
شكرا عاشق الفتى الذهبي

عطر النسيان

الحقيقة كفيت ووفيت الله لايهينك

اخوكم

سيدلان باشا
12-06-2001, 11:06 PM
معليش شباب ممكن اطلب كلمات تقو الهجر؟


ومعليش ثاني مرة ممكن اعرف كاتب كلمات الرائعة : الذاهبة؟

وتحياتي لمن يجاوبني

الفـــاضي
12-06-2001, 11:49 PM
<font size="5">قصيدة الذاهبة/</font>للشاعر المبدع . . . ناصر القحطاني
<font size="6"><center>كلمات تقوى الهجر</center></font>
<center>تقوى الهجر . .
ما نجبره من عافنا ماينجبر . . لا تعتذر
زاح الصبر . .
لالاتعن لي وتمر . . وتبغا الصبر
وين الصبر . . تقوى الهجر
وش لي بقا عندك . . تدور لي عذر لا تعتذر
جرحي عميق والقلب في دمه غريق
وتبغا الصبر ويلاه من وين الصبر مهما تقول لا تعتذر
مهما تقول من الأغاني والجمل . .
ما يحتمل قلبي فديا جبر الألم . .
يمشي معك درب الندم ما يحتمل
يكفي عليه . . منك احتمل كذب وغدر
حبك سراب ضيعت وقتي اتبعه
وسط الضباب صوتك ينادي اسمعه صرت اتبعه . .
واليوم في صحراء الظما
ترمي فؤادي وتحرقه
وترجع تقول أبعتذر ليه العذر
دام الهوى . .
ماله عل قولك عذر
والجرح يا جرحي يداويه الصبر . . ليه العذر . .
الله كريم . . الله عليم
هو عالم بالحال ولايمكن يظيم
عزاه لك يا قلب يا أحلى نديم
عزتي للحب لو يصبح يتيم . .
حبك يتيم وكلك ندم . .
وين الندم بين السطور
عمر العدم ماله ظهور. .
ترى هذا غرور
تمشي بطريق وأنا بطريق اللي يوديني البعيد
عنك يا أول رفيق . . البعد يعفيني المزيد . .
وين الوفا والتضحية وينك رفيق . .
وبتجمع أوراق السنين . .
لا تنسى تجمع جروحي . . ودمعي . . وآهاتي معك
وقلبي بعد ما قتلته . . يا رفيقي . . ما يقدر يمنعك
كل الأمر عاد بيديك . . يا خلي يا هاجر ما عندك عذر</center>

sweet_kitten
13-06-2001, 12:27 AM
طبعا مخاوي الليل ما عيلة كلام.....ولا يتجادل على مستواة اثنين :) لانة فنان بمعنى الكلمة...


بس حبيت اقولك اذا لسا ما دريتوا انة يوم 21-6 رح توكن لة حفلة بجدة بمناسبة المهرجان.....وطبعا هو رح يحيي اول حفلة :)

yooosef
13-06-2001, 08:52 PM
http://mypage.ayna.com/yoyo75/MAK.jpg

modallal
04-07-2001, 11:44 PM
تسلم

على ذي الاخبار الحلوة