PDA

عرض كامل الموضوع : حيرآنه وآبغى رآيكم =(


ســآره ••
31-03-2010, 09:58 PM
.

.



العمر : 25
الجنس : انثى
الحاله الاجتماعيه : متزوجه
ان كنت متزوج مدة الزواج : سنه ونص
وجود اطفال من عدمه : لا يوجد
طبيعة العلاقه مع شريك الحياة : عاديه
مستوى التعليم : جامعي نوع الوظيفـة : موظفه

البيانات الأسرية :

نوع السكن : شقه
عدد الترتيب بين أفراد الأسرة : التاسعه عدد الأخوة والأخوات: 11
عمر الأب : ب 80 عمر الأم : 65
الجو الأسري في البيت ( العلاقه بين الاب والام ) : اكثر من رائعه الحمد لله والشكر
هل يوجد زوجة أب أو زوج أم ؟ : لا يوجد
هل يوجد أخ أكبر في المنزل ؟ : نعم
هل يوجد أعمام أو أخوال مقربين يمكن اللجوء اليهم ؟ : لا يوجد
طبيعة علاقة صاحب المشكلة مع بقية أفراد العائلة : ممتازه




البيانات الطبية :

هل يوجد أمراض عضوية تعاني منها : نعم,السكر-خمول الغده الدرقيه-ديسك
هل يوجد أدوية تستخدمها حالياً : ابر انسولين-حبوب الغده-مهدئ بروفين للديسك
هل يوجد أحد قريب بالعائلة يعاني من نفس مشكلتك : لا

البيانات الدراسية :

العمر عند الدخول للمدرسة : 6عدد مرات الرسوب : ثالث ثانوي بأختياري
علاقتك مع الزملاء في المدرسه / العمل : اكثر من ممتازه


؛



* أذكر مشكلتك الآن :

السلام عليكم ورحمة الله وبركاته

انا من صغري ابتليت بخمول الغده الدرقيه وتسببت في زيادة وزني يعني من 14 سنه مستمره على حبوب الغده وكل ما اراجع الدكتور يقولي لسى فيه خمول, ومن سنتين بدأ فيني الم اسفل الظهر وواحده من رجلي الم فضيع يصحيني من النوم راجعت المستشفى وطلع فيني الديسك واصبحت كل فتره والثانيه اضرب ابر مهدئه وحبوب البروفين,بعدها بفتره يعني تقريبا قبل خمس شهور طلع فيني سكر وبما انه مانفع فيني الحبوب والمنظم اضطر الدكتور يمشيني على الابر وحتى مع الابر قليييل جدا القاه طبيعي يمكن مرتين بس,طبعا خلال هالفتره تزوجت صار لي سنه ونصف ولسى ماصار حمل,كل مااراجع دكتور السكر او الغده او دكتورة الحمل كلهم يقولون لازم تنقصين وزنك,,فقررت اشترك بنادي صحي ولما قلت للدكتور اقترح علي يعطيني تحويل لدكتور جراحه ممتاز يسويلي تحوير معده او ربط معده يقول انسب لك مع انه وزني تحت الميه ولكن قصيره,شاورت اخصائي علاج طبيعي فقال ماانصحك ابدا بالنادي لانك ماراح تتحملين الالم الفضيع من الديسك ,انا لو امشي ربع ساعه بس ماانام الليل من الالم حتى مع المهدئات ..
ابي رايكم ابدأ بالنادي ولا اروح لدكتور الجراحه واتوكل على ربي؟؟؟
وهل تعرفون احد عمل عملية تحوير او ربط وطلعت النتائج موفقه؟؟
تعبت من الالم والوجع السكر والديسك هدوا حيلي

الله يجزاكم خير ودعواتكم


بعد ذكر المشكلة:
هل سبق وراجعت مختص أم لأ : لا
مدة المشكله من بدايتها الى الآن : سنتين
مدى شدة المشكلة : ( تعيقني )

* مدى حرصك على الصلاة بوقتها واحساسك بالطمأنينه والخشوع فيها ؟
اصلي كل صلواتي واتأخر فبعضها الله يهديني


* اكبر عائق يعيقك عن النجاح ؟
لايوجد

* أبرز الأشياء التي تسبب لك الخوف ؟

فقدان اقربائي او احد غالي على قلبي الله لايقوله

* موقف مؤثر حصل لك في طفولتك ولم تستطع تجاوزه ؟
لا يوجد

* نقطة ضعف لديك ونقطة قوه ؟

نقطة ضعفي طيبتي
نقطة قوه ايماني بالله عز وجل


^
^
^
طبعا هذا يوزر صاحبتي واخذته pb189

Leo Femme
31-03-2010, 10:29 PM
اعرف وحده عامله عملية تحوير او تصغير والله مدري..
والحين حامل..
مين الدكتور اللي حولك عليه؟

lulu-jeddah
31-03-2010, 10:45 PM
والله ماعندي خبرة في هادي الامور

بس ماحبيت اطلع بدون لا ادعي لك


الله يشفيكي يارب و يصبرك =(

هينا هوه اوبا
31-03-2010, 10:48 PM
حنا مجرد اعضا مو دكاترة

ماراح نقدر نفيدك اكثر من الاطباء

اللي اقدر انصحك فيه شوفيلك دكتور ممتاز وبتمشي امورك


الله يوفقك ويرزقك بالطفل اللي يملي عيونك ويصلحه

mo ana
31-03-2010, 10:52 PM
حبيبتي سارا
انا ما انصحك بتحوير المعده بصراحه بسبب انها عمليه خطيره وذات مضاعفات كبيره .
في حال الضروره انصحك بعمليه التكميم او ماتسمى بالتسليف . وطبعاً ماتتخذين هالقرار الا بعد مراجعه جراح عنده خبره تامه في حالتك اللي هي : الم الدسك , مرض السكر . + ماتروحين لأي دكتور الموضوع صعب ومهم اختاري دكتور مشهور ومعروف + اقري عن جميع العمليات وشوفي خبره ناس قبلك عن طريق النت او حتى السؤال بأي مكان .
ثاني شي بالنسبه لسكر الدم : تقولين انه مايخف مع الابر معناها راجعي الدكتوره الاساسية يمكن تحتاجين لأكثر من الابر او عندك خربطه شيكي معاها روحي لأخصائية تغذيه وتشوف لك الاكل حقك لانو انا امي الله يشفيها ويشفيك والجميع فيها سكر , وتاخذ حبوب وايضاً تاخذ بعد ابر خفيفه بس ان سكرها مره مرتفع وتقول لي ليش ؟ وبما ان تخصصي بالغذاء راجعت شوي معاها الاكل حقها
لقيت انها ( في ذاك اليوم اكلت فول بالعشاء وكثرت) والفول يرفع السكر مررررررررره . يعني دققي بس على الاكل حقك وغيري عاداتك الغذائية انا اعرف انه صعب بس مع الاستمرار راح يكون سهل بأذن الله

* حابه ارتب لك الخطوات
بما انك صعب عندك الرياضه , انصحك بالتالي :
1- مراجعه الطبيب المختص بالسكري مع مراجعه " اخصائيه " تغذية مختصه بالسكري ومراجعه "مثقفه "سكر .
2- بما انك صغيره بالعمر تقدرين تمشين على حميه غذائيه تناسب وزنك وطولك مع اخصائيه تغذيه حقت السكر يعني الرجيم هذا الخرابيط اللي يعطونه بعض المستشفيات ما انصحك فيه انتبهي انه شي يكون مناسب لك بحيث تساعدك على النحف وتوازن السكر عندك . ( كثير اعرفهم راحوا لرياض الهجن لو تعرفينه ونحفوا لكن ما اقدر احكم على عملهم لان ماجربت ولا اعرف التفاصيل بس ممكن تقرين عنه وتروحين تشوفينهم )
3- بما انك متزوجه فيه اشياء كثيره تساعدك على انقاص سعراتك الحراريه الضحك ينقص , العلاقه الخاصه تقوم بدورها , عمل المنزل المشي في المنزل وانتي تسوين الاشياء طبخ وكذا .
4- ممكن تراجعين اخصائي علاج طبيعي بحيث انو يشوف لك حل اخر لتحمل الم الديسك بدون اللجوء للحبوب كل وقتك .
5- بالنسبه للغده لازم تراجعين احد مختص بهذا الموضوع لان معروف انه مهما تسوين رجيم ومهما تعملين وفيك الغده ماراح تنحفين الا بعلاجها وفيه طرق للعلاج حبوب او اي شي ثاني راجعي الدكتوره وهي تعلمك بالضبط كيف تحلين هالمشكله قبل اي عمل ثاني وعلى فكره هالغده من الممكن وما اقدر ابصم لاني ما اعرف حالتك بس االلي اعرفه انها من الممكن انها تأثر على سكر الدم فحاولي تحطين حيلك على هالمشكله .
6- روحي لطبيبه للحمل وهكذا حاولي تكون ممتازه ومعروفه واحكي لها كل مشاكلك من الاول للأخير عشان تقدر تتخذ العلاج انا انصحك بالاستشاريين .

عموماً ربي يشفيك ويرزقك ويرزق الجميع يارب الطفل البار .
واتمنى لك انها تنحل كل مشاكلك بأسرع وقت ممكن وياحبيبتي تذكري انك تحتسبين الاجر وماتستسلمين
وانا اسفه اني طولت معك ولكن حاولت اني اساعدك بقدر استطاعتي

انتبهي لنفسك
مع السلامه

ضابط أمن
31-03-2010, 10:53 PM
شوفي اختي الكريمه انا افضل حاليا البدء ببرنامج حميه عن طريق المراكز المتخصصه الممتازه مثل عالم الحميه لان الواضح ان المجهود الرياضي يتعبك وخلي التحوير او الربط اخر الحلول بعد استشاره الاطباء :)

عشى ما سر !!
31-03-2010, 10:56 PM
حبيبتي الله يشفيك ماقدر افيدك بالأمور الطبيه بس انا نصيحتي لك .. استشيري دكتور مختص و فاهم عمله كثير

الله يسعدك / bp039

koogak
01-04-2010, 12:29 AM
اعرف واحد من الشباب سوى عملية التحوير في مستشفى الامن العام في الرياض عند دكتور سعودي بس ما اعرف وش اسمه

بالنسبه لرياضة ليه ما تحاولين تنزلين وزنك بالسباحة

آحـن وآحـد
01-04-2010, 12:34 AM
هذا الموضوع راح يفـــيدك
- دليل الأقلاع لأفضل الأطباء بالسعوديه - (http://vb.eqla3.com/showthread.php?t=447060) ‏(http://vb.eqla3.com/images/misc/multipage.gif 1 (http://vb.eqla3.com/showthread.php?t=447060) 2 (http://vb.eqla3.com/showthread.php?t=447060&page=2) 3 (http://vb.eqla3.com/showthread.php?t=447060&page=3) ... الصفحة الأخيرة (http://vb.eqla3.com/showthread.php?t=447060&page=23))

تهاني الخليج
01-04-2010, 12:41 AM
والله زي ماقالو لك صعب ننصحك
بس جربي زي ماقالو لك تحتمين و جربي الاكسرسايز بشي بسيط
لو صحتك ساعدتك و حسيتي انك قادرة كان بها ..
و لو تعبتي و صار الموضوع شي مكلف عليك نفسياً
إلجئ للجراحة و الله يرفع عنك يارب و يشفيك و يعطيك
و ايانا الصحة و العافية ياااااارب ..pb189

رآئحة المطر
01-04-2010, 12:43 AM
اعرف كثيييييير سووها والحمدالله اللحين بأحسن احوآلهم
بس لآتآخذين بكلامي ابد لإن العمليه آثارها تختلف من شخص لـ شخص
فيه دكتور إسمه ( د.محمد الزبـن ) بمستشفى القوآت المسلحه بالريآض
انا شخصيآ رحت لمـه كنت بسوي عمليه بس ابد الأبدين ما شجعني عليها
يقول حرآم انتي صغيره كيف تسوينها ؟! وحولني على دكتور اخصائي تغذيـه
بس مآرحت له , رحت للدكتور صآلح الرآجحي تعآمله رآقي وأخلاقه عآليه
انصحك تروحين لمـه هو اخصائي تغذيه وامراض مزمنه ويعآلج الضهر الله والعآلم ..
وإذا تبين رقمه رآسليني على الخآص .. بس اللحين جوآله مقفل , اول كآن يرد علي علطول !
وإذا كنتي بالريآض او بالقصيم , البكيريه , روحي لمستوصف التدآوي له عيآده هنآك
انا اللي اعرفه التداوي القصيم , اللي بالرياض شآكه بس انتي إسألي ..
والله يعآفينا ويآك , إدعيلي بعد انا انحف

Juujuu
01-04-2010, 02:28 AM
ليه ماتربطين اسنانك !!

اذا كنتي خايفه من عمليه وكذا .. اربطي اسنانك احس اريح وتنزلين بسرعه ان شاءالله


ولاتنسين الاستخاره ! =)

اصاله*
01-04-2010, 03:54 AM
الله يصبرك ويشفيك
استخيري واسألي الاطباء والمختصين

فجر44
01-04-2010, 06:41 AM
ماانصحك بالعمليه ولد جيرانه سواها والحين متمرمر كل يوم بمستشفى وكل يوم ببلد

علموه إني أضييق
01-04-2010, 06:51 AM
الله يشفيك ويعافيك ما أزيد عن الأعضاء شيء
بس بقولك عندي مثالين حيين بخصوص الديسك اذا تبين تتعالجين
فيه مستشفى باالهند pb036 تحديدا كيرلا:sm3: يعالجون الديسك
باالزيوت العطريه والادويه وتاخذين لك غرفه بنفس المستشفى ولايكلف شيئ
اذا تبين ارسلي على الخاص وبجيب لك الارقام واسم المستشفى

وبخصوص السمنه لاتضيقين صدرك ولاتسوين تحوير وماتحوير
اتبعي انظمه تساعدك على النزول شوفي نظام عاشقه مره ممتاز ومناسب لك لانك فيك
سكر حاولي تكثرين حركه اذا حطيتي هدف بتوصلين له

طمنيني عنك واي شي الخاص ينور فديتك bp039

أســـأل الذي أخرج ماء زمزم فرجاً لهاجر .. pb189
أن يخرج لكِ فرجاً وبركة وسعــــادة لا شقــــــاء بعدهِ بإذن الله pb189
وأن يختصكِ من بين خلقة ويقــــــول :وعزتـــــي
وجلالـــــي لا أرد لكِ دعــــاء pb189

دعواتك لي pb189

سحايب
01-04-2010, 08:33 AM
ياقلبي في حالتك محد يقدر يفيدك ماراح نكون اعلم من الاطباء
انا بس انصحك 1-اسخيري ربك في العملية
2- لو مترددة استشيري دكتور ثاني ولو قال نفس الكلام توكلي على الله
( لاخاب من استخار ولا ندم من استشار)
ومايمنع لو تجيبين زيت مقري فيه وتدهنين مواضع الالم والصدر كل ليلة احسك صغيرة وجتك الامراض مع بعض يمكن محسودة
والله يشفيك ويكتب لك الخير يارب
ويرزقك الاولاد الصالحين

كـآرميل
01-04-2010, 09:38 AM
ابي رايكم ابدأ بالنادي ولا اروح لدكتور الجراحه واتوكل على ربي؟؟؟نآدي اول:)

وهل تعرفون احد عمل عملية تحوير او ربط وطلعت النتائج موفقه؟؟كثير جدا:)

منهم مشهورين
منهم اعرفهم معرفه سطحيه
منهم معرفه شخصيه

ماشاء الله عليهم ربي يتمم بس ضروري تتطلعي اكثر عليها لانو راح تتغير اشياء كثير بحياتك للابد منها كميه الاكل فيتامينات على طول حياتك

تعبت من الالم والوجع السكر والديسك هدوا حيليالله يكون في عون الجميع:(

تايد مع مبيض
01-04-2010, 11:04 AM
قبل كل شيء .. الله يشفيك ويعافيك ..
كسل في الغده ..
دسك ..
سكّر ..
سمنه ..

والله اللي فيك مو سهل .. وان شاء الله إنك مأجورة .. بس تكفين يا اختي لا تزودين الوضع سوء وتقطعين معده ..

بس انا يا اختي ملاحظ إنك فكرتي تعالجين سمنتك بس مافكرتي تعالجين باقي الامراض اللي فيك.. واللي راح تساعد بشكل كبير انها تخفف من سمنتك.
أول شيء .. ابدي بالغده الدرقيه .ز لانك قبل الحمل لازم تنظمينها .. والا احتمالية التسقيط بتكون كبيره .. فيه دكتور كويس جداً في الحبيب .. ان كاني منيب واهم اسمه أمجد كف الغزال .. راجعي معه أول باول وان شاء الله تنتظم امورك .. بس ترى يبي لك تعرفين بالظبط كيف تاخذين دواء الغده .. لأن كثير من المرضى الله يهديهم يتعاملون معه كأنه حبوب بندول .. متى ما اشتهوا فكو العلبه وخذو حبه.
في حين انه لازم يكون في وقت محدد وعلى معده فاضيه أقل شيء بسبع ساعات .. يعني على سبيل المثال .. اذا انتي تاخذين الدواء الساعه سبع ونص الصباح يبي لك توقفين اكل من الساعه 12 الليل .. وبعد ما تاكلين الحبوب تجلسين أطول وقت ممكن على معده فاضيه .. (ساعتين الى 3 كويس)..
متى ما انتضمت الغده عندك .. صدقيني وانا اخوك ان شاء الله راح تنحفين ..
بعدها إبدي بالدسك وسوي عملية .. كثير ناس سووها والحمد لله امورهم الحين تمام ومن أحسن ما يكون يقدرون يمارسون الرياضه وعايشين حياتهم ..

السكر وانا اخوك ماله حل الا انك تحتجبين عن بعض الماكولات .. اضافةً الى ان افضل شيء لتنظيم السكر المشي .. وانتي ان شاء الله اذا سويتي الدسك .. ونظمتي غدتك .. وانتظمتي على غذاء صحي وصرتي تمشين عشان يتنظم سكرك .. وزنك ان شاء الله بيجي على وجهه .. وينزل وبتصيرين بارادتك هذي هزمتي الامراض وقويتيها .. بدل ماهي تقواك..

الله يعينك .. انا عارف ان الوضع يبي له جهد كبير وصبر أكبر .. بس ان شاء الله انتي قدها وقدود.

أخوك .. تايد بعسل السدر

calm ’
01-04-2010, 11:17 AM
صباح الخير ,

بعيد الشر عنّك هذا اول شي وان شا الله تقومين بالسلامة ’

شوفي .. أهم شي لا تاخذين لا بكلامي ولا بكلام الأعظاء ! بعظهم بيقولون لك خطيره ويخففون من عزيمتك وبالتالي بيضيق صدرك وبتصعب علىيك الحلول !

وبعظهم بيقولو لك سهله وانا اعرف احد مسويها وممكن ما تناسبك !

يعني باختصار الكل بيحكي لك من مخه ومن تجارب شافها , محد بيحكي لك من واقع طبي لأنهم ما يعرفون وش محتاجه انتي بالضبط ,

نجي للمشكله !
السكر راح يخف عليك بـ فوق الـ 60 % لو نحفتي , + راح يكون عندك امكانية حمل وولاده اكبر لأن المشاكل حقت التبويض بتخف بنسبة برضو فوق الستين ,
معناها حطي ببالك انك بتنحفين هذي قاضين منها ,

نجي لوشلون تنحفين ؟ انتي عندك سكر يعني شيلي من بالك ريجيمات وحرمان !!
والرياضه بتنفعك بس نتيجتها بطيئة !!

يعني ما فيه قدامك الا تقليل اكل + رياضه على خفيف علشان ما تتعبين !
خلي رياضتك المشي , لأن رياضة النادي متعبة !
تقليل الأكل كيف ؟ ما فيه قدامك الا انك تروحي اخصائية تغذية تنظم أكلك
أو تروحي لطبيب وتشاورينه بالعملية
مع اني اشوف كثير سووها ومشت معهم , بس الطبيب أفود لك (:

ما قدامك الا العافية pb189

بنت النوري
01-04-2010, 11:21 AM
الله يعافيك ويشفيك ويرزقك الذريه الصالحه

انا مااقدر افيدك من ناحيه العمليه لكن حبيت اذكرك بعلاج يمكن انك ناسيته

اول شي الدعاء

وبعدين الصدقه وانا مابي اقول عن فضل الصدقه بس انصحك تسمعين محاضره للشيخ ناصر العمر اسمها ويمنعون الماعون وتلقينها بالنت <<<< ضروري تسمعينها فيها معلومات قيمه

ولاتنسين الرقيه الشرعيه واذا تبين تستزيدين عن الرقيه راجعي موقع الشيخ عبد الله السدحان <<< لاتربطين الرقيه بالعين بس القران شفاء

وفيه شي مره زين ومجرب للغده والسكر ويمكن تستغربين انه فعلا علاج الا وهو الحجامه <<< واذا تبين رقم دكتوره تسوي حجامه وعندها خبره راسليني على الخاص

واسال الله ان يشفيك

ولاتنسينا من دعواتك

فلسفة عآطل
01-04-2010, 11:37 AM
يـ صبـاح الخـيرٍ


أنتيّ تقوٍليـن سمنتك مـن الحبوِب تبع الغـدهـ


يـ ليتك هـ الفترٍهـ تلتفتيـن لنفسـك ، عـالجيّ الديسـك أوٍل
بتتعبيـن حمـل وٍ ديسك الله يعطيـك العـافيه أن شـاء الله

٭ كيف يتم علاج هذه الحالات؟
- العلاج ينقسم إلى قسمين: علاج تحفظي وعلاج جراحي.
العلاج التحفظي يكون ناجحاً لدى كثير من المرضى ويتمثل في الراحة لعدة أيام واستعمال الأدوية المضادة لالتهاب المفاصل والأدوية المسكنة للآلام والأدوية المرضية للعضلات واستخدام العلاج الطبيعي. كذلك يجب تجنب أية عادات أو عوامل تؤدي إلى إجهاد أسفل الظهر.
أما العلاج الجراحي فيستخدم عندما يفشل العلاج التحفظي في إزالة الأعراض خلال أربعة إلى ستة أسابيع.
٭ ما هو العلاج الجراحي؟
- هو عملية استئصال الجزء المنزلق من الديسك والذي يضغط على الأعصاب عن طريق جرح صغير (2 إلى 3سم) في الظهر وباستخدام الميكروسكوب، عادة ما تستغرق العملية 45 إلى 60 دقيقة وتتم تحت تخدير كامل.
٭ هل هناك خطورة من العملية الجراحية؟ وما هي نسبة نجاحها؟
- نسبة نجاح العملية تزيد على 95٪ وعادة ما يصحو المريض من البنج وقد زالت آلام الدسك، أما ألم الجرح فيكون بسيطاً ويستمر يوماً أو يومين وعادة ما يتمكن المريض من الحركة والمشي في نفس يوم العملية أو اليوم التالي، ومع التقدم في مجال التخدير وجراحة العمود الفقري فإن هذه العمليات تعتبر آمنة جداً وهي جراحة روتينية في المراكز المتقدمة.
٭ متى يمكن للمريض العودة لحياته الطبيعية؟
- بعد العملية مباشرة يمكن للمريض المشي والجلوس والسفر بالطائرة أو السيارة لمسافات قصيرة ويمكنه العودة للأعمال المكتبية خلال ثلاثة أسابيع والعودة لأي أعمال أخرى خلال ستة أسابيع.
٭ هل هناك حلول أخرى غير العملية الجراحية؟
- في بعض الحالات يمكن إعطاء إبرة في الظهر تحتوي على مادة مضادة للالتهاب تعمل عمل الكورتيزون وقد تؤدي إلى تخفيف الآلام والتهاب في العصب.
٭ ماذا عن علاج الديسك بالمنظار والانزيمات؟
- في حالات قليلة جداً يمكن استخدام المنظار الجراحي لاستئصال الجزء المنزلق من الديسك وهذا يؤدي إلى تقليص الجرح من 3سم إلى 1 أو 2سم، أما الانزيمات وغيرها من المواد فلم يثبت علمياً أن لها دوراً ناجحاً في هذه الحالات وعلي العكس من ذلك قد تؤدي إلى صعوبة في العلاج لاحقاً.

أسأليّ دكتوٍرٍك عـن العلاج بـ الابرٍ


وٍالله يكوٍن فيّ عوٍنـك bp039

هرول على البراد
01-04-2010, 12:23 PM
والله ماعندي خبرة في هادي الامور

بس ماحبيت اطلع بدون لا ادعي لك


الله يشفيكي يارب و يصبرك =(

امين

’رزنامة الشوق’
01-04-2010, 12:42 PM
الله يشفيك ويشفي مرضى المسلمين اجمعين ، ماعليش يا أم ، وعفوا مادري حسيت باستسلامك بعض الشيء :$
قوّي نفسك وشدي عزيمتك و اعرفي مجرد استسلامك لفكرة انك مريضه هي مايعيقك ، وموب قصدي أزيد حيرتك لا بالعكس الا أشد على يدك وأقول لك ابدئي بالعمل بالحركة خوذي لك نظام معين أكل ، أحس بالدسك وأعرف قد ايش متعب !! :( بس الحركة المتوسطة له بتصير مريحه ما اقول لك العبي رياضه صح كلام الدكتور بيكون متعب لك بس الحميه بتكون مناسبه لك ومع استشارة الطبيب وعمل التحاليل

وبالنسبة لاستفسارك :

ابي رايكم ابدأ بالنادي ولا اروح لدكتور الجراحه واتوكل على ربي؟؟؟
القرار بيدك ودكتورك الخاص : )

وهل تعرفون احد عمل عملية تحوير او ربط وطلعت النتائج موفقه؟؟
خالي عمل ربط وحرمة من اقاربنا مسويتها ماشاء الله نتيجتها حلوه . ( راح تتبعين معها نظام ودكتور معين )

تعبت من الالم والوجع السكر والديسك هدوا حيلي

الله يكون في عونك وتحمّلي واحتسبي الأجر ..

كلام الاخت mo ana عجبني ماشاء الله :)

ربيع العمر
01-04-2010, 01:51 PM
الله يرفع عنك يارب
حبيبتي القسم هذا مخصص للإستشارات النفسيه والإجتماعيه فقط
خليت الموضوع أنا من أمس رغم مخالفته رغبة في إفادة الأعضاء لك
والله يعطيهم العافيه ماقصرو ، وأتوقع كذا الأمور وضحت لك
الي عليك الحين تتوجهين للطبيب المختص هو الي بيقيّم لك الحالة تمام
وماتشوفين شر ..

bp039