PDA

عرض كامل الموضوع : " اصدقهم والا لا ؟ كيف اتأكد ! "


%Gone%
17-01-2010, 06:02 PM
البيانات الشخصية :

العمر : 23
الجنس : أنثى
الحاله الاجتماعيه : مطلقة
ان كنت متزوج مدة الزواج : طلاق ملكه فقط لم يتم 3 اشهر
وجود اطفال من عدمه : لا يوجد
طبيعة العلاقه مع شريك الحياة ....
مستوى التعليم :جامعي
نوع الوظيفـة : بسبب الاعتذارات فـ أنا مازلت طالبة


البييانات الأسرية :

نوع السكن : بيت
عدد الترتيب بين أفراد الأسرة : 3
عدد الأخوة والأخوات: 3 خوات ، و 3 اخوان
الجو الأسري في البيت ( العلاقه بين الاب والام ) : ممتازة
هل يوجد زوجة أب أو زوج أم ؟ : لا
طبيعة علاقة صاحب المشكلة مع بقية أفراد العائلة : عاديه



البيانات الطبية :

هل يوجد أمراض عضوية تعاني منها : نعم ، احتمال وجود ورم او حبه بالغده النخامية بالراس ، ومن كلام الدكتور ممكن تكون بسبب ضغوط نفسيه وماعندي ضغوط نفسيه غير هذي المشكله !!
هل يوجد أدوية تستخدمها حالياً : نعم
هل يوجد أحد قريب بالعائلة يعاني من نفس مشكلتك : لا

البيانات الدراسية :

العمر عند الدخول للمدرسة : 6 عدد مرات الرسوب : ولا مره
علاقتك مع الزملاء في المدرسه / العمل : جيدة


؛



* أذكر مشكلتك الآن :
بسم الله الرحمن الرحيم
بدايتي زي معظم الناس يمرون بحب طفولة ، لعب ومرح ويكبر هذا الحب مع مرور السنـين من دون ما احد يلاحظ !
كانت بيني وبين قريبي ع. ( اكبر مني بسنه ) علاقة حب ، و كانو اللي بعمرنا دايم يعايرونا ببعض ،فلان يحب فلانه وهكذا ، مايدرون انهم يعلقونا ببعض اكثر واكثر

علاقتنا انقطعت من بعد ماكبرنا ولا عاد صرنا نشوف بعض نهائي ! يعني من المتوسط وفوق
اسمع بأخباره من سوالف اهله ، نجح ، نسبته ، قسمه الخ
لكن قبل 5 سنوات لما كنت في اول جامعه ، صادف ان اهلي واهله قررو نسافر برا السعودية سوا !
هنا كانت اول مره اشوفه من عقب سنين
هنا بان كل شي
اتضح لعائلتنا ان هالاثنين بينهم شي
كانت تصير مواقف ( بدون كلام ) بينا ،، اهلنا يظحكون علينا
كل شي بان
ع فكره اهلنا متفتحين شوي
المهم
بعد مارجعنا من السفر ، طلب ايميلي ، واضفته كانت امي على علم طبعا
كانت مواضيعي معاه لا تخرج عن نطاق الدراسه و الجامعة والاعياد وهكذا
ماكان يتطرق للحب ، ماكان يتطرق لاي شي من هالامور يعلم ربي اني احترمته اكثر واكثر
توقعت اننا مثل الاخوان بالنسبه لبعض ، ماحطيت ببالي شي ثاني ابد
وبعد سنتين من هالحاله ، انخطبت لواحد
واستخرت ، لكن قريبي كان ببالي
كنت ابي المح له ، ابي اسوي اي شي بس خفت يردني وهو اصلا مابين شي طول السنتين !
قلت يالله بلاشها واستخرت ووافقت !
يوم من الايام لقيت امي تكلم ام ع. وتقولها اني انخطبت
باليوم الثاني جاني خبر انه ع. يبيني !!
وربي خفت لانها بتكون خطبه ع خطبه ، لو وافقت عليه يمكن ربي يعاقبني لان الاول ماله ذنب
وقعدت ادعي ان الانفصال مايجي مني ،، يجي من الخطيب
واستمريت على هالحال لين تملكت ، قلت هذا اللي كتبه ربي والحمد لله
لكن بعد شهرين !! انفصلت
ماتحملت ماقدرت اتخيل نفسي اتزوج غيره !
لكن بعد كذا ما جا تقدم !
والسبب لانه مابعد تخرج من الجامعه !
والحين له سنه متخرج ومالقاله وظيفه
وتطورت العلاقه اكثر ووصلت للجوال لكن قليييلة مره بس بدايتها كان يعبر عن مشاعره ، وكان يقول بتقدم ! وان اكثر شي شاغل باله انا ، لانه مايبي يعلقني اكثر يخاف يوقف نصيبي بسبته ، وانه مستحي من امي وابوي
و خلال هذي السنه ، تعبت امه جعل ربي يشفيها
بمرض نادر
وهو اكثر شي عاقه انه يخطب لانهم مو بحال زواج وخطبه علماً ان اخوه الكبير تزوج بهالفترة بس كان خاطب من قبل ماتمرض امهم

هو اكثر واحد بار في امه وحنون على اخوانه وخواته
لدرجة انه اكثر واحد متأثر من حالة امه ( هالكلام من اخته ، لانه مايقول لي التفاصيل ولا يبيبن لي شي )
الى هنا انا صابره ، وعاذرته ، له اسبابه ، امه ووظيفه ، يمكن اهله ردوه وقالو مو وقته ، كلهم عوامل قويه ماتخليه يتقدم

لكن !
فجأه بالجامعه تجيني وحده من البنات ن. تقول لي اعرف ولد عم قريبك ع. بالمسن ويحكيني عن ع.
انه راعي بنات وشرب !!
هنا لكم تتخيلون الصدمه الي صابتني !

( خلوني اقولكم منهي ن. ، هي وحده من البنات الي اعرفها من اول مادخلت الجامعه وعلاقتي فيها زماله بس ، ولا عمري قلت لها عن موضوعي مع قريبي ، لكن مره سئلوني عن سبب انفصالي وتكلمت ، بعدها بكم يوم جتني وصارحتني ، قالت لاني احبك لازم اقولك ، وانك ماتستاهلينه !
وان لها سنه تعرف ولد عم ع. ، ولا قالت لي خوفا من انها تطيح من عيني اذا دريت انها تعرف عيال! )

مسألة انه يشرب وينام مع بنات ، مادري ليه ماقدرت اصدقها يمكن لانها اكبر من اني اصدقها !
هذا غير اني اكشفت ان بعض معلومات ولد عم ع. الشخصية الي يقولها لـ ن. ، كانت اغلبها كذب ( بحكم انه يقرب لي بعد ! واعرف عنه امور كثيره )
فما استبعد انه يكذب بكلامه عن ع. بعد !
وكيف اصدق فيه كلام ، وانا اشوف فيه خصال كويسه ! ( بار فه امه ، واهله ، وانه بيتوتي ، الخ )
وترك الدخان ، اجل كيف يشرب !

والي يقهر ان هالولد ( ولد عم ع. ) يدري ان هالبنت تعرفني شخصيا ! وكان يقول لها ان ع. لو يدري ان فيه صله بين ن. وبين ك. ( انا ) بيقطع علاقتي فيك ( يمكن عشان مايصول لي كلام عنهم ) ،، طيب ليه تقول لها كلام شخصييي يمس سمعتي حتى انا !!
آكثر شي صدمني انه يحب وحده غيري !
كان ولد عم ع. يقول لـ ن. ، ان ع. يحب له وحده وتوه منفصل عنها وله فتره متضايق
كيف الانسان يحب ثنتين ؟ بنفس الوقت
من هذي البنت الي يحبها ؟
انا مو اي بنت عشان يلعب بمشاعري ع الاقل يحترم كوني قريبته !! دامه يستحي من امي وابوي ع كلامه
وكوني ضحيت بشي كبير وانفصلت قبل 3 سنين عشانه !! وأني حاولت اوقف معاه بوضعه مع امه !! الخ الخ

هو لو يقول لي انه مايحبني وان مشاعره تجاهي مشاعر طفوله وزالت
تهون علي من انه يعلقني بشكل غير مباشر ويلعب من وراي كذا !

والا المقصد يعني انتي الاساس وهم العب عليهم فتره واتركم ؟
اجل وش ابي به بعد مايشبع حب وانا بس اجيب له عيال واربيهم ؟
انا ما استحق حنان وحب بعد ؟

صعبه اني اواجهه واقول له سمعت عنك كذا وكذا ، لان اصلا الموضوع كبير فيه عرض وشرف ومهما كان ما أتجرا افتح الموضوع معاه ، لان بتكون نقطه ضدي
وحتى لو واجهته بيقول كيف تصدقين كلام عني ؟ برضو بتكون نقطه ضدي
وخايفه يردني ! احس انه مايقدر يواجه او يستحي مني ، ما ادري

وصعبه اواجه ولد عمه ، لانه مهما كان رجال غريب علي ولا ابيه يمسك علي شي

ولو الكلام كله صدق ماراح اسامحه لا دنيا ولا اخره !

الشي الي متأكده منه ، انه يحس بتأنيب الضمير ، ودي اوصل له حالتي الصحيه !! من السبب ؟؟ عشان يتحسر !! ( محد يدري عني الا امي وخواتي بس )

لكم تتخيلون حب عاش معي طول 15 سنه تقريبا ! ومازال ، كيف بتكون الصدمه

كان اكبر هاجس بالنسبه لي من بعد ماسمعت الخبر ، من بيكون زوجي ؟ خصوصا ان عندي خوف من الرجال تقريبا ، وهو الوحيد الي معتبرته زوج لي !

انا من جد تعبت وحالتي الصحيه دازت سوء معي من بعد هالسالفه مع انها كانت مستقره ،

ابي حل لمشكلتي
ما ابي اظلمه
اخاف يكون الكلام كله كذب ،
ابي اراء منطقيه تكفون
وابي اراء الشباب بعد ، هل بأمكانكم ، لما تحبون وحده بصدق تخونونها ؟

اخاف يتقدم لي احد ، واستمر ارفض عشانه وهو مايستاهل :(
انا ابي رايه الحين عشان لو ماكان يبيني ، معاي وقت أتأقلم اننا مو لبعض :(

* من أقوال ولد عم ع. البست فرند لـ ع.
-ادري ان ع. يحب ك. وانه من زمان متعلق فيها ويبيها ، بس هو توه ماتوظف وهي لسى تدرس
( وش دراه اني لسى ادرس :D ؟ انا المفروض متخرجه ، يدلكم ان ع. يسولف عني عند ولد عمه )
- ان ع. ماقدر يوصل لـ ك. ايام الثانوي ، وحب انه يتسلى فتره عشان ينساها شوي وبدا يكلم بنات
- فيه فرق بين ان الواحد يحب وحده ويعزها فتره وهو يدري انه بيفارقها ، وبين انه يحب وحده ويعزها ويبني حياته معها طول عمره ، وع. ماتوقع انه بيوم بينسى ك. او انه مابنى حياته معها
- اني كنت مع ع. لما وصله خبر خطبة ك. وانه تأثر كثيير وتعبت نفسيته

* ملاحظاتي لـ ع. في الاونه الآخيره
- تهرب ، ولا يدخل ماسنجر ، ولما اسئله يقول مشغول وانتي ماجبتي بلاك بيري ، ولما شريته ماطلب البيبي بين !!
- آخر مره كلمته كنت اسئله عن امه ، بس كان كلامه جدا جدا جدا رسمي !
- مره تناقشنا نقاش حاد وقلت له ليه ماتبين اهتمامك لي ؟ قال لي ما اقدر لعدة اسباب ( ولا ادري وش هالاسباب ؟)


* من آراء صديقاتي المقربات
- انه مستحيل يحبك ، ومستحيل يتزوجك
- اتركيه وبيرجع لك
- واجهيه بس لا تجيبين طاري الامور الكبيره

* رأي امي ( طبعا امي ماتدري عن الي انا سمعته عنه ! لاني ما ابي اخرب نظرة امي تجاهه وابي استر عليه )
لما قلت لها اني راح اتركه ، قالت لا تزيدينه ضيقه زود ماهو متضايق

* رأي أختي : ولد عمه كذاب !

آسفه جدا على الاطالة


بعد ذكر المشكلة :
هل سبق وراجعت مختص أم لأ : لا لكن ناويه
مدة المشكله من بدايتها الى الآن : 3 سنين
مدى شدة المشكلة : ( تقريبا تعيقني )



* اكبر عائق يعيقك عن النجاح ؟
ولا شي

* أبرز الأشياء التي تسبب لك الخوف ؟

الصراخ ، التفكير بزوج المستقبل

* موقف مؤثر حصل لك في طفولتك ولم تستطع تجاوزه ؟

كانو يقولون عني شينه لين تعقدت pb093 ، لحد الآن لما اذكر كلامهم تخنقني العبره !
بس الحمد لله الحين ماعلي من احد !

* نقطة ضعف لديك ونقطة قوه ؟

نقطة ضعف : ماحب احد يصارخ بوجهي
نقطة قوه : ألقن الناس الشهادة ، جعلي ما انساها بيومي

جامعية فيلسوفة
17-01-2010, 06:24 PM
ياليتك ياقلبي تغيرين الخط لانه محد يقراه بسهوله :(

شوفي ياعيوني انتي لازم تحددين مشكلتك في الاول وهم اثنين الشخص الي تحبينه و ولد عمه لانك محتاره بينهم :confused:

اقدر اقولك ولد عمه كذاب لسبب بسيط المعلومات الي انقالت لك مو هينه ياقلبي تتوقعين الي يشرب والي ينام مع بنات والي يكلم ماينكشف لازم احد يدري عنه وينتشر عنه كلام بس غريبه كيف محد يدري الا ولد عمه وصديقته ;) ولد عمه يبي يبعدك عنه واستخدم هالبنت علشان توصل لك المعلومات الي كذب عنه وممكن في نفس الوقت استخدم هالبنت ضدك بحيث انه يروح لولد عمه ويقول له اني اعرف بنت تعرف هالبنت الي تحبها ويتكلم عنك عند الشخص الي تحبينه يعني بالعربي يلعب على الحبلين وهذا الي يمكن مغير هالشخص عليك ;)

حبيبتي ليه اتعبين نفسك وتشيلين هم اجلسي معه جلست روقان و قولي له انه فيه بنت في الجامعه جتني وقالت لي كلام عنك وابيك تنتبه لنفسك واكيد بيسألك وش قالت هنا قولي له كل شي و شوفي وجهة نظره في الموضوع وارتاحي نفسيا :rolleyes:

بالنسبه ان ولد عمه كيف يدري انك تدرسين بالجامعه ابدا الله يسلمك اجل انتي تدرسين بالدس محد يدري اكيد العالم كلها العارفه واقاربكم عارفين :D

انا مستعجله والا كان فصلت له الرد حبه حبه pb036

’ غَدِيرْ ،
17-01-2010, 06:32 PM
شوفي يابعدي ، مشكلتك لها أبعاد واجد ..
أولا أنا ما أتوقع ان " ع " يلعب عليك ...
مهما كان ترا السالفة وصلت لامك و أبوك ، وتقريباً صار شبه معروف للناس ,
إنك له و إنك ضحيتي بملكة قبل 3 سنين ’ عشانه ..
فمستحيل جداً يلعب بذيله ’ هالوقت بذات ..
مهما كان ’ هو أضعف من إنه يلعب بذيله بهالمواضيع ويهايط والموضوع تقريباً صار شبه رسمي ،
بالعربي , مايقوى يسوي سواته ذي أبد ...

/

مشكلتك إنك عقب ماسمعتِ الكلام من ولد عمه , صرتِ تحاسبينه على كل كلمة ..
وما ألومك طبعاً , لان موقفك صعب ..
- مره تناقشنا نقاش حاد وقلت له ليه ماتبين اهتمامك لي ؟ قال لي ما اقدر لعدة اسباب ( ولا ادري وش هالاسباب ؟)
بما إنه بيتوتي ’ ومنعزل .. ، فـ أكيد إنه مايحب يبوح بالي جواه ..
و خصوصاً الرجال إذا تراكمت عليهم ظروف مايحبون يكونون محل للشفقة أو المواساة أبداً !
لاتحاولين تكبرين الموضوع ، موب عشانه هو ! عشان صحتك ونفسك ..
إنقطعي فترة عن النت .. أبعدي عنه ...
إستخيري كثير كثير كثير ...

* حاولي توَصلين لولد عمه عن طريق ن ..
كلام إنك عارفة السالفة ، لانه يقول " إذا ك عرفت السالفة بقطع علاقتي فيك "
هذا دليل أنه يهايط هو بعد ، ليه يخاف من حق ؟
لاتقولين عشان صديقه ! لو إنه يخاف على صديقه كان ستر عليه لو فيه شيء , صح ؟
شكل ع يخر له كل شيء بحكم إنه البست فريند ..
و هالشيء سبب نوع من الغيرة عند ولد عمه !
تبين ترتاحين حاولي تخلين ولد عمه ذا يدري ، لآنه بعدها بيسكت ،
أصلا من كلامك عن ع ، باين إنه إنسان ناضج ، وفاهم , وبار بأمه ..
يعني حتى أخلاقه ماتأهله إنه يلف ويدور ...
فولد عمه كذآب ..

* أو أنك تواجهينه وترتاحين , وتقولين له في بنت بالجامعة قالت لي كذآ وكذآ ...
مع إني ما أحبذ هالطريقة .. أحسها بتجني عليكم كلكم ..
هو بتجني عليه لآنه بيحس إنه في محل غير ثقة عندك ..
وأنتِ بتجنين على نفسك لانك بتعقدين السالفة أكثر و أكثر ..
وممكن هذا الي هو يبيه ولد عمه إنك تصارحينه ’ عشان كل واحد منكم ينفر من الثاني !

\

هذا حسب الي أشوفه أنا ’
ممكن أكون أغفلت أشياء , لكن السالفة لو تنحط بالعقل وتضرب بأبعاده بتبين ..

حوسة مشاعر .
17-01-2010, 06:37 PM
ياعمري انتي :sm1::sm1:pb189 ..
اسمعيني ياقلبي .. انتي حطي نفسك مكانه :sm5:pb189 .. لووو افترض ان ووصله كلام عنك !!
وتركك .. راح ترضين ؟! هو كمان مايقددر يحدد انتي بريئة او لا .. طيب انتي وش تبين منه بهالموقف ؟! اذا احد قاله كلام عنك ؟ يصارحك صح !؟ ....
عليك اذن مصارحته بحيث ماتذكرين اسم الي موصل لك الكلام .. وحطي ببالك ان نسبة 50 % الكلام صح .. ونسبة 50 بالمية الكلام خطأ !!
بس تبين رايي .. اعتقد ان الكلام كذب .. لعده اسباب :
1- ان طبيعة الشخص الي وصل لك الكلام .. قد عهدتي عنه كذب ..
2- الكلام كبير جدا !!! كثيييييييييير يكلمون بنات .. بس نوم وشرب !! احسها ماتجي الا من انسان منتهي وانتي ع ماتقولين ان ولد عمك بار الخ .. مواصفات كويسة ! كيف تشكين فيه ؟ بعدين انتي لوو عرفتي عن (ن) ان الي تحبه كذا بتروحين تقولين ؟
حاولي تقارنين بينك وبين نفسك مقارنات عقلية .. استخيري ! شوفي للي ترتاحين pb189 ..
هل تصارحينه ؟! هل تعلمين امك بكل شئ !! ماعليك من تشششويه السمعة pb036 انتي الي بتندمين بالمستقبل pb030pb189 ...

معليش تراي مستعجلة ولا دققت بالموضوع كوويس :( بس اتمنا ان الفكره وصلتك ..

A L 3 O O M D H
17-01-2010, 06:39 PM
مشكلتك مشكلة .. شوفي ولد عم ( حبيبك ) موب شرط اذا درى عنك انك تدرسين ان حبيبك يسولف له
انا اعرف بنات خالاتي وين يدرسون وبنات عمي .. من سواليف الحريم عادي يعني .. حتى لو اسئلهم
فلانه وين تدرس قالولي ... ثاني شي .. اسئلي اخوانـك عن ولد عم ( حبيبك ) اللي هو يقرب لك
قوليلهم وش وضعه ومن هالكلام .. وكلمي اخوانك قولي لهم انتم عارفين الوضع وكذا ..
او خلي امك مثلا لو فلان وش رايكم فيه طبعا المقصود حبيبك ...
حبيبك اتركيه .. غيبي عنه .. طبعا الاهم من هذا كله لاتصدقيييييييييين الكلام اللي جاك من برى
اتركييه فتره .. وارجعي كلميه مكالمة مصارحة .. قولي له انت مازلت تبيني ؟ ولا طاب خاطرك
صارحية بالامر الواقع وحتى انتي لازم ترضين فيه وتلحقين على نفسك .. وهمومها ..
شوفي لك وقت تواجهينه موب بالاشياء اللي سمعتيها لا بالاشياء اللي بقلبك
بالحب اللي كان بينكم .. هذا اول شي .. مسئله انه كان يكلم بنات ..
ترى والله هالشي كثيرررررررررررررررررررررررررررررررررررررررر
يعني فترة مراهقه وفترة شباب .. وصدقيني كلها لعب بلعب 10%
صحيحه .. يعني يمكن كان يحب وحده .. بس حب شباب
موب حب من القلب للقلب زيـك انتي تأكدي منه .. واجهيه
قولي له الصدق .. وخليه يجاوبك ...
بس غيبي فتره خليه يفقدك شوي ..
وعلميه بوضعك الصحـي ..
اتمنى اني افدتك ..

! لـهـيـب !
17-01-2010, 07:05 PM
*بينك وبين ( ع )
علاقة حب طفوليه قديمه ..
تجددت على كبر ..
كنتي مخطوبه لشخص ما ..
وبعدين إنفصلتو ..
والسبب إنه ( ع ) لما عرف ..
قال إنه يبيك ,
فأنتي دخلتي في حيره لأمرك .. حتى إنفصلتو مع خطيبك السابق .. !
وإنتي طبعاً تحبينه وتبينه .. وهذي مافيها شك ,
وأنتي تظنين هالشي ..

((( السؤال : كيف كان الانفصال ؟ .. هل فيه علاقة وقرابه بين خطيبك السابق .. وأهلك او قريبك ( ع ) ؟ قلتي إنك استخرتي .. هل فعلاً كنتي مرتاحه ؟؟ )))


* وبعد الانفصال .. لا تقدم لك قريبك ( ع ) .. ولا شيء ..
مع أن الخطبه كانت مجرد كلام .. فلان يبي فلانه .. !
ولا حتى ع الاقل خطبه !!
والسبب :
1- ماتخرج من الجامعه
2- تخرج من الجامعه ومالقى وظيفه
وبعد تطور العلاقه عبر عن مشاعره وكان يقول ابتقدم وإنك شاغله باله وإنه مستحي من أمك وأبوك ..
وفوق هذا يقولك مايبي يعلقك ! ويخاف يوقف نصيبك !!

(( طيب .. هو الان قطعك عن نصيبك .. يعني كان تفكيره بس انه يلحق عليك قبل لا تروحين بعدين طرت له هالافكار و هالاعذار
هل طرحها على واحد من أهلك .. أمك مثلاً , أبوك , والا بس انتي .. هل قالها والله أنا أبغى فلانه .. لكن ظرفي كذا كذا وأبيها تصبر علي ؟؟
وحتى لو صبر .. عادي لو اشتغل اي شغلانه راتبه بألف ريال .. بس أجيب ع الاقل حق الملكه .. وأثبت اني سعيت وعلى كلمتي !! ))


* بعدين تطور الموضوع لمرض إمه .. بمرض نادر وتعبت كثير وهو اللي رده أكثر مع ذلك تزوج أخوه !
ولكن صعبه على نفسه انه يسوي أي شي وأمه بهالحاله بحكم انه بار وعطوف على أمه وأهل بيته
وهالكلام سمعتيه من اخته .. وهو ماكان يتحدث بتفاصيل !
وطبعاً انتي صابره ومتفهمه موقفه ,

(( الله يقومها بالسلامه ان شالله , يعني إستنحست ظروفه أكثر .. بس هو كان لازم يواجهك ويعلمك بهالشي .. كان لازم انه يتكلم بتفاصيل أكثر ..
على الاقل .. لو مايقولك الا ادعي لأمي تقوم بالسلامه وان الله يجمعنا .. مو يسكت ! ))


* وتجيك ( ن ) وحده من البنات بالجامعه .. وتقولك انها تعرف ولد عم قريبك ( ع ) وإنه يسولف عنه ويقول إنه راعي بنات وشراب ..


(( أنتي تعرفين هالبنت مسبقاً ؟؟ يعني لو تخيلنا شوي .. نقول ان ولد عم قريبك ( ع ) قال للبنت تعرفين فلانه ! قالت ايه قالها .. خطيبها راعي بنات وشراب !!
حلو .. طيب هي وش دخلها عشان تروح تقولك يعني ! وبعدين ؟ اصلاً حتى لو يجيني احد من بعيد يحضرني من شخص بهالطريقه .. بقوله عادي , لو كان فيه بلاوي الدنيا
.. يعني بيني وبينك .. ماتدخل العقل .. وحركه مو حلوه .. تنرفزت بصراحه .. وأكد هالشي ان ولد عم قريبك ( ع ) .. يقول معلومات كذب بكذب .. ))

ومن ضمن المعلومات اللي تقال .. انه يحب وحده ثانيه ,
وانه انفصل عنها ,, وانه متضايق (( وهالشي ضايقك وحرك غيرتك أكثر من إنه راعي شراب وبنات ! وبعدين حلوه واحد يحب له وحده وهو بالاصل راعي شراب وبنات بعد يعني ماكفاه !!! كرامتك محفوظه يختي بس لو دققتي بهالكلام .. وبهالمعلومات يعني مادري كيف .. يحب له وحده وتركها وهو متضايق .. وهو بالاصل راعي شراب وبنات !! )

وكلل الكلام اللي ذكرتيها والتساؤلات .. امحيها من راسك ..


كيف الانسان يحب ثنتين ؟ بنفس الوقت
من هذي البنت الي يحبها ؟
انا مو اي بنت عشان يلعب بمشاعري ع الاقل يحترم كوني قريبته !! دامه يستحي من امي وابوي ع كلامه
وكوني ضحيت بشي كبير وانفصلت قبل 3 سنين عشانه !! وأني حاولت اوقف معاه بوضعه مع امه !! الخ الخ
هو لو يقول لي انه مايحبني وان مشاعره تجاهي مشاعر طفوله وزالت
تهون علي من انه يعلقني بشكل غير مباشر ويلعب من وراي كذا !
والا المقصد يعني انتي الاساس وهم العب عليهم فتره واتركم ؟
اجل وش ابي به بعد مايشبع حب وانا بس اجيب له عيال واربيهم ؟
انا ما استحق حنان وحب بعد ؟
صعبه اني اواجهه واقول له سمعت عنك كذا وكذا ، لان اصلا الموضوع كبير فيه عرض وشرف ومهما كان ما أتجرا افتح الموضوع معاه ، لان بتكون نقطه ضدي
وحتى لو واجهته بيقول كيف تصدقين كلام عني ؟ برضو بتكون نقطه ضدي
\

ولاتواجهين ولد عمك ولا عليك منه وإتركيه .. لا تدخلين نفسك بأمور قد تسيء لك أكثر .. !


* من أقوال ولد عم ع. البست فرند لـ ع.
-ادري ان ع. يحب ك. وانه من زمان متعلق فيها ويبيها ، بس هو توه ماتوظف وهي لسى تدرس
( وش دراه اني لسى ادرس ؟ انا المفروض متخرجه ، يدلكم ان ع. يسولف عني عند ولد عمه )


... الله يجزاك خير والله على هالمعلومه ..


- ان ع. ماقدر يوصل لـ ك. ايام الثانوي ، وحب انه يتسلى فتره عشان ينساها شوي وبدا يكلم بنات
اني كنت مع ع. لما وصله خبر خطبة ك. وانه تأثر كثيير وتعبت نفسيته


وش هالتناقض .. يبيها ومتعلق فيها .. وحب إنه يتسلى عشان ينساها وبدا يكلم بنات !
وعرف انه تأثرت نفسيته كثير وتعب .. !
هذا كويس اشوفه دليل انه يبيك والرجال متعذب فيك ..

شوفي يا أختي من اللي فهمته وعرفته بقولك أرائي وتوقعاتي
* يمكن تهربه على قولتك مجرد ضغوط نفسيه تراكمت عليه وكبت بداخله ,
* يمكن تهربه انه ممكن يوصل له كلام عنك ينقله هالولد عم من البنت اللي يقول انه يعرفها ,
بس مادري اذا كان يتجرأ او لا .. وتلقين خطيبك .. حب يتأكد ويتريث فوق ماهو مضغوط ..
وهالشي بعد فهمته ... عن قولة ماقدر ابين اهتمامي لك لعدة اسباب !!
مجرد احتمالات .. لا اكثر ولا اقل ..
بس المصيبه .. انه تقولين المشكله لها ثلاث سنين
يعني معقوله ماطرا جديد ؟
معقوله ماوضح ان فيه تنتظره وانفصلت على شانه !!
ترى هو الرجال وعادي لاشال الحمل كبير ..
كتوف الرجال تشيل شي ماشالته جبال ..
انا امي تعبانه مريضه .. اوكيه مو مشكله
لكن عندي بنت ناس وأوادم تنتظرني ومضحيه على شاني
أقلها اتصل عليها .. وأسلم عليها وأحكي لها أخباري .. وأخبار امي وصحتها ..
وأمنيها بكلمتين يرتاح قلبها .. عشان هي تقدر تريحني من ضغوطي ..
كلمتين منهآ .. تعطيني دافع قوي للصبر
حتى من حقوقها علي انها التجي لها .. هي ملاذي مهما كان ..
نصحيتي لك تصبرين عليه وتستخيرين ربك مع الدعاء ,
وان طالت وفقدتي صبرك
بكل حب وموده ..
قولي له . .امك تعبانه وماقلنا شي امك امي والله يقومها بالسلامه ,
لكن فكر بوحده تنتظرك ليل نهار .. مابي منك شي ..
لكن .. عشمني .. بس عشمني بكلام يرد الروح
وقولي اذا انت رجال تحبني وتبيني ورايدني بالحلال
وضح لي وبين لي .. حسسني اني لك ,
على الاقل كلمني وش صار معك .. وش صار على امك
لا تقول مابي اشغل بالك واكدرك ..
لا اشغلني وكدرني .. انا وانت واحد
وبنعيش فبيت واحد
واللي يخصك يخصني ..
واذا مخبي علي شي ..
لا تجي لي وهو باين عليك .. !
وتطلب مني ما أسأل ولا اقلق ..



بس أبيك تتأكدين من حاجه وحده اعرفيها عنه بينك وبين نفسك
هل كان يبيك .. لمجرد إمتلاك !
أو كان يبيك مستعد انه يضحي عشانك وعشان حبك والزواج منك ..

وصلى الله وبارك . .
هذا اللي عندي تقريباً
بلغينا بالجديد bp039

قهـوة
17-01-2010, 07:31 PM
انتي حطيتي اراء صديقاتك
وانا اميل لهالرأي

- واجهيه بس لا تجيبين طاري الامور الكبيرة
تكلمي معه بس لاتقولين له عن الاشياء اللي سمعتيها ولاتجيبين طاري البنت او الولد اللي نقلوا لك الكلام!!
واجهيه بالاشياء اللي تخصك وتخصه وهي اهم من اللي سمعتيه عنه


اللي انا اتوقعه
ان الرجال يمر بظروف نفسية صعبة
بسبب مرض امه ويمكن فيه اسباب ثانية
عشان كذا هو متغير هالفترة!


اما اللي مفروض تسوينه انك تفاتحينه بالموضوع، تلمحين له
مو تسألينه عن الاشياء اللي سمعتيها عنه! او تسألينه عن ولد عم البنت! :sm4: .. الامور هذي لاتجيبين طاريها
اساليه عن السبب اللي خلاه يتغير هالفترة
اسأليه عن الاسباب اللي مو مخليته يهتم فيك ( واللي ماقالها لك اول مرة ) :confused:
حطي النقط على الحروف، قولي له انك تحسين انك معلقة، خليه يحدد كل شي معاك
يبيك ولالا!
اذا انتي تبينه، قولي له انا مستعدة انتظرك الى ماتلقى وظيفة وتستقر، بس حدد موقفك مو تعلقني! حسسني انك تسعى عشاني!
وبعد ماتلقين جواب لكل اللي تبينه حددي موقفك، وقرري.
بس حطي في بالك ان الثقة اهم ماتنبني عليه اي علاقة
اذا ماوثقتي فيه كيف بتحبينه وتستمرين معه! لاتصدقين كل ماتسمعين
فيه ناس هوايتهم بهالدنيا ينكدون على غيرهم!


الشي اللي ابي احذرك منه
انتبـــهي شي يطلع منك للبنت اللي نقلت لك الكلام!!
ترى من حكى لك حكى فيك ;)
واللي تحكي هالكلام الكبير عندك ماأستبعد انها تنقل كل سواليفك عند غيرك.


اللي ودي اعرفه وش مصلحة البنت الي نقلت لك الكلام!
تعرفك؟ تهمها مصلحتك؟ ولا بس تحب نقل الحكي
من علاقتك مع البنت تقدرين تميزين هل كلامها صح ولالا.

%Gone%
17-01-2010, 07:37 PM
اشكر جميع الي ردو علي :(
بس بجاوب ع كم سؤال

((( السؤال : كيف كان الانفصال ؟ .. هل فيه علاقة وقرابه بين خطيبك السابق .. وأهلك او قريبك ( ع ) ؟ قلتي إنك استخرتي .. هل فعلاً كنتي مرتاحه ؟؟ )))

مافي اي قرابه بينا وبينه ، وكان الانفصال باتفاق من الجميع بعد ما احترموا رأيي وبدون اي مشاكل



(( طيب .. هو الان قطعك عن نصيبك .. يعني كان تفكيره بس انه يلحق عليك قبل لا تروحين بعدين طرت له هالافكار و هالاعذار
هل طرحها على واحد من أهلك .. أمك مثلاً , أبوك , والا بس انتي .. هل قالها والله أنا أبغى فلانه .. لكن ظرفي كذا كذا وأبيها تصبر علي ؟؟
وحتى لو صبر .. عادي لو اشتغل اي شغلانه راتبه بألف ريال .. بس أجيب ع الاقل حق الملكه .. وأثبت اني سعيت وعلى كلمتي !! ))

ماطرحها على اي احد ، كان يقول زمااان ، بكلم امك دايركت لانها زي امي ، بس انا ما ادري وش الي يرده اهله ، اخته ( مع العلم انها تدري اني قاعده ارفض الخطاب عشان اخوها !! ) كانت تقدر تضغط عليه بس ما ادري ايش الي في بيتهم غير مرض امه ويرده انه يخطب ع الاقل !
الشي الثاني ، اخته تقول لاختي اني دايم اسئله ، ويطلع ولا يرد علينا !
وهو يقول اني قلت لاهلي وقالو مو وقته وظروفنا الخ ( مع انه من كلامه كان متحمس )
بس وش هالتناقض بين كلامهم ؟ هي تقول مايتكلم ، وهو يقول تكلمت ، من اصدق !!


(( الله يقومها بالسلامه ان شالله , يعني إستنحست ظروفه أكثر .. بس هو كان لازم يواجهك ويعلمك بهالشي .. كان لازم انه يتكلم بتفاصيل أكثر ..
على الاقل .. لو مايقولك الا ادعي لأمي تقوم بالسلامه وان الله يجمعنا .. مو يسكت ! ))


كل ما كلمته قال ادعي لامي و وع فكره ترا من طبعه كتوم حتى مع امه !



(( أنتي تعرفين هالبنت مسبقاً ؟؟ يعني لو تخيلنا شوي .. نقول ان ولد عم قريبك ( ع ) قال للبنت تعرفين فلانه ! قالت ايه قالها .. خطيبها راعي بنات وشراب !!
حلو .. طيب هي وش دخلها عشان تروح تقولك يعني ! وبعدين ؟ اصلاً حتى لو يجيني احد من بعيد يحضرني من شخص بهالطريقه .. بقوله عادي , لو كان فيه بلاوي الدنيا
.. يعني بيني وبينك .. ماتدخل العقل .. وحركه مو حلوه .. تنرفزت بصراحه .. وأكد هالشي ان ولد عم قريبك ( ع ) .. يقول معلومات كذب بكذب .. ))

ايه اعرفها شخصيا ، وهي لها سنه تعرف هالولد ولا قالت لي
خايفه تطيح من عيني لما اعرف انها تعرف عيال بالمسن ، بس مره حكيت لها عن سالفة انفصالي ، قالت لازم اقول لك لانك فعلا ماتستاهلينه !



بس أبيك تتأكدين من حاجه وحده اعرفيها عنه بينك وبين نفسك
هل كان يبيك .. لمجرد إمتلاك !
أو كان يبيك مستعد انه يضحي عشانك وعشان حبك والزواج منك ..


عجزت احدد :(

ليل العشآق
17-01-2010, 07:41 PM
( يا ايها الذين امنوا ان جاءكم فاسق بنبا فتبينوا ان تصيبوا قوما بجهاله )

لا تستعجلين في الحكم على ولد عمك ..وانتظريه وانتِ تمشين ..يعني لا يعيقك عن طموحاتك واحلامك
فـ إن كان لك نصيب معاه كان بها .. وان ماكان لك نصيب معاه لا يضيق صدرك لانك ماح تخسري شي..واتذكري ان رزقك مابياخذه احد منك ابد ابد .. فـ أرتاحيbp039

..غـنـج }!
17-01-2010, 07:57 PM
* رأي أختي : ولد عمه كذاب !

وأنا أقول صاحبتك الي توصل لك الكلام هي الكذابه :(

عندي إحسسسسسسسسساس قوي كل السالفه من فبركتها !!!:rolleyes:

البنات لاتستبعدين عنهم شي أبدددددددد:sm4:
الغيره والحقد يلحس مخهااا لحسسس
يمكنها غيرانه منك ولإنك عايشه حب مع ولد عمك
وهالحب حقيقي pb189 وهي ماحصلت هالشي pb036
عني أنا !
مااستبعد هالتصرف أبد
وإنتي أدرى بصاحبتكpb036pb189

ولو بغيتي تتأكدين قولي لها عطيني فلان الي هو صاحبها أو مادري أيش يصير
وقولي لها عطيني رقمه بسأله أتأكد عشان أترك ع !
وشوفي وش بترد عليك bp039

H a n
17-01-2010, 08:06 PM
الولد مايحبك ولا شي . ولما قال ابيك لما انخطبتي هو بس يبي اللي بيد غيره .. واكبر دليل انو ماجاء يتقدم لما صرتي حره ..

وكيف مايبي يوقف مستقبلك ولما تملكتي وخلصتي قال ابيها !

لو كان يبي كان فيه مليون طريقه خصوصا انه قريبك يعني مافي احراج ابدا بالعكس اهلك رح يراعون ظروفه لو مجرد خطبه بس ..

لو الولد يبيك كان ما استنى سنتين عشان يقولك .. الرجال لما يحب حب حقيقي علطول يقول ومافي اي قوة توقف بوجهه ..

وانتي واضح انك تبين تعطينه اي عذر وجالسه تبررين له عشان صعب عليكي تتقبلين حقيقة انو مايحبك ..

نصيحتي لك شوفي حياتك ومستقبلك واطوي صفحته .. يكفي الوقت اللي ضيعتيه معه ويكفي صحتك اللي تعبت عشان شخص مايستاهل ..

كائن بشري
17-01-2010, 08:08 PM
السلام عليكم اختي pb189

مشكلتك اختي قلبك واهلك :(
اهلك المتفتحين في أمر محرم وعواقبه وخيمه :(
عمر التفتح ماكان بشئ غلط بشئ سماه ربي خطوات الشيطان :(
بشئ ربي الي خلقنا وهو اعلم بمصلحتنا نهانا عنه :(

مااستفدتي الا انه
تعلق قلبك بشخص حتى لو قريب بس شخص اجنبي عنك
ماينعرف صالحه من باطله :rolleyes:

اختي تعلقي بربي استغفري منه واتركي هالولد لله وربي بيعوضك خير منه pb189
ربي امهلك والحمدلله نعمه فاستغليها pb189

بغض النظر عن تفتح اهلك ومباركتهم لعلاقتكم
انتي بنفسك توبي من هالذنب وعلقي قلبك بالله ترتااااااااااااااااحي صدقيني pb189

وهالولد وقتها اذا صادق وفيه خير لك ربي بيكتبه لك ويتقدم بالحلال pb189
واذا مو صادق وفيه شر لك ربي بيصرررررررفه عنك :rolleyes:

ربي وحده اعلم بالخير لنا وربي وحده ارحم بنا حتى من انفسنااااااااااااا pb189
طيعيـــه واستغفري وعيشي سعاده الطاعه pb189
واياك واي علاقه لاقريب ولا بعيد :(
لاتظلمي نفسك :(


ربي يسعدك دنيا وآخره ويرزقك الزوج الصالح الي يستاهلك pb189




----------

رَغد
17-01-2010, 08:20 PM
بأختصآر
محور مشكلتك

ظن وشك
ياانه الولد فعلا موكويس
ي ان هالبنت كذآبه
..
آنت الرجآل عارفته وقريبك ..والخبر كآن صدمه
واتوقع بتقدرين توصلين للخبر
الدور والبآقي ع البنت اذا علاقتك قويه معهآ
تذكري قد جبتي سيره عندهآ ؟
هل من قبل لاتقول السالفه تدري عن حبكم؟
..
وذكرتي ان اهلكم على بينه بهالعلآقه
يعني في احتمآليه انه يتسرب حتى لوبطريقه غير مباشره
..

وبغيت انبهك ع شغله .. اللي يشرب ورآعي خرآب
غالباً ريحته فايحه ..ومو بسهولة يتخبى هالشي
عكس لوراعي بنات يمكن شي بالخفى ..اونزوه
محد بيدري عنها
..
حطي كل الاحتمالات عشان توصلين لثغره اللي تبين لك
الحق pb189

..
وصادقه غنج
في فئة من البنآت الغيره تعمي قلوبهم
يقذفون.. ويفترون .. ويتكلمون باللسنه الناس بالكذب ..ماعندك مشكله

..
اخر شي اسئلي نفسك ؟؟
لوطلع هالكلام صح او ملفق شنو تبين منه بالأساس؟؟
حددي وضعك ..مع سردك للأحدآث احس مآفي
تصريح انه خطب رسمي .. اوبين موقفه
او اعتذر حتى


اسئلي الله بكل وقت ورددي
اللهم ارني الحق ..pb189

كـآرميل
17-01-2010, 08:33 PM
ياليتك حطيتي اسماء ولو تخيليه محمد ، فهد ، علي اي شي بس بالحروف مره صارت صعبه:(

بس حسب مافهمت ان الناس يوصلون لك كلام عنه سيء

طيب استخيري الله في تركه وتذكري ان اصلا مكالمتك له حتى لو امك راضيه وحتى لو ان اهلك متفتحين حرام : )
وانها خلوه غير شرعيه: )

فـ انصحك عاجلا غير اجل وعدم التسويف بالامر استخاره ربنا+مواجهته انه يرسيك ع بر يبيك يعني بيتزوجك يعني متى بالضضبط؟! لو امه ظلت مريضه عشر سنين راح يخليك عشر سنين؟!

الحب والحرب
17-01-2010, 08:46 PM
حبوبة
انتي كبيره لدرجه تقدرين تميزين الكذب من الصدق
انتي بنت لدرجه تقديرن تحكمين قلبك وعاطفتك من الصادق والكاذب

عندي احساس كبير السالفه فيها كذب
وكذب كبير
من ولد عمه
من صدقتك وهذا الاكيد

حسيته رجال بمعنى كلمة رجال من بره لامه واهله هذاا الشي انتي تعرفينه مو احد قالك ااياه صح

هواللي شرب ويكلم بنات يبين عليه لا اذا كنتي مو قريبه لدرجه انتي تفهمينه
صدقيني الف والدوران واضحين ويمكن بالفترة الاخيره مشغول وتعبان من مرض امه
او انه حاس بالذنب لانه معلقك

ان رايي واجهيه وصلي احساسك له واشرحي له كل شي
وبدون لوم او نك تبين له انك مصدق او مكذبه تكلمي وخلي احساسك موقف لامعه ولا ضده وقتها ببين لك
ردة فعله كيف ووشلون
واذا مررة ماتقدرين اقرب خواته له وهي تتكفل بالموضوع
وانتي سمعتي فقط لامصدقه ولامكذبه

اتمنـــى افدتك pb189

6aL 3mRaHa
17-01-2010, 09:01 PM
صديقتك ن هذي وش اللي خلاها تقولك انها على علاقه بولد عم ع ؟

هل هي اللي سئلت ؟ وحده من صديقاتها اللي سئلت ؟ او انتي اللي قلتيها كذا من باب انك تفضفضين او انك تسولفين ؟

لانه ممكن اذا كانت هي اللي سئلت او صديقتها يكون اللعبه مخططه عليها من قبل بحيث انهم يستدرجونك

ويسئلونك عن سبب انفصالك ثم تبين لك ان عندها شي يخصك ولازم تعرفينه بس انها مستحيه تقوله

اما عن ع دام هذي صفاته ان شالله ان الكلام اللي وصلك عنه كذب في كذب ولا تتحاملين عليه كثير من ناحية

انه مايفضفض لك ترا الكتوم كتوم بذات الرجال لاننه مايبي شفقه ورحمه من اي احد

وانا اقول اول مايجيك خاطب حاولي انك تقولين لاخته انه جاك واحد يخطبك وان وش صار عليكم تبوني ولالا ؟

عشان هي توصل الكلام لاخوها فإذا لاسمح الله اخوها تراجع عن خطبته لك

وعلى قولتك كان اللي بينكم مشاعر طفوله فقط .. فبيسهل عليه الرفض احسن لك من القعده كذا معقله

وصديقيني الدنيا ماتسوى لاتمرضين نفسك عشان اي احد هذي صحتك والصحه ماتتعوض

والله يوفقك ان شالله ويديم عليك الصحه والعافيه

شرنقةَ بــؤس} ~
17-01-2010, 09:52 PM
مابي اقول صدقي رفيجتچ وحچي ولد عم ع . ..
بس هم بقولچ حذري منه ..
لا دخان من دون نار ..
ولاتخلين خرابيط الحب تعمي عيونچ صورة مستقبلچ ..
ترى الحب بيروح وبيصير مكانه احترام ومودة .. او غير ذلك
فاحرصي على اختيار شريك العمر اللي يناسبك .. اما الحب شي ثانوي .. والحب من الله محد له ايد فيه ..
.
ثاني شغلة ..
مادري بس احس انتي خربتي على روحچ .. يوم تماديتي بالحچي معاه بالمسنجر وحتى الموبايل .. صج ولد خالتچ .. بس يظل ريال غريب !
.
ومثل ماقالت .. Han 
يمكن اهو شاش واستنفر يوم انخطبتي وصرتي بيد غيره ..
والحين يوم صرتي حدره .. بدى يزهد ..
.
يمكن أنا مايخقلي اقول اللي بقوله ..
بحكم أني ماعرف الولد .. ولا عرف نمونته مثل ماتعرفينه ..
بس مثل مايقول برنارد شو .. لا احتاج لالتهام كامل البيضة لأعلم انها فاسدة ..
.
ع هاذا ماني مرتاحتله .. ولا بسالفة التمغط والمماطلة بالخطبة .. اقل شي يقول والله أنا ابي فلانة حق اهله .. ولا انه يعلقچ وينقعچ ..
.
عصفور باليد ولا عشرة بالشجرة ..
اذا تقدملچ واحد سنع المرة الياية .. دييييري بالچ تسوين سواتچ الأولية .. وتفركشين الأكو والماكو عشان سواد عيونه .. لو اقلها انچ تدعين..
قظبيه .. وقوليله ياولد الحلال .. چانك تبي الحلال حياك ولحق ماتلحق .. واذا بتعلقني وناويها لعب ومسنجرات وخرابيط لاتودي ولاتييب .. فعلمني
لازم تحددون علاقتكم وباقرب وقت .. ويعني امه مريضة .. عالاقل عطوا الناس خبر عشان تصير بايد الكبار .. ويحس هو بالمسؤولية ويتلحلح .. امه بالعكس راح تستانس أزين لها تعرف .. اسم الله عليها الله يشافيها ..
لاتندمين بأجر انچ ضيعتي عمرك ونفكيرچ وشبابچ .. وفرص يات لعند باب بيتچ .. عشانه ..
 

تايد مع مبيض
17-01-2010, 10:32 PM
أولاً الله يعينك .. وييسر أمورك

مشكلتك وأنا أخوك صعبة .. مهما كان ما ندري وش الظروف اللي صايره .. ولو اني منك وفي مثل موقفك .. أطبق القاعدة الشرعية اللي تقول.. البينة على المدعي واليمين على من أنكر .

البنت اللي قالت لك الكلام قولي لها تجيب اثبات .. عاد وش نوع الاثبات هذا يعتمد عليك وعلى الشيء اللي يخليك تقتنعين ان اللي تحبينه راعي بنات وشراب ..

لا يخفى عليك الحسد والغيره في مجتمع الحريم .. خصوصاً انها عارفة ان علاقتك بقريبك نهايتها زواج في حين علاقتها مع ولد عم قريبك .. ما تحدد مصيرها.

نصيحة .. أخ لأخته .. تسعة أعشار حسن الخلق في التغافل .. لا تصير كلمة توديك وكلمة تجيبك .. التحري للأخبار فن يبي لك تتعلمينه.

بالنسبة لقريبك.. ووضعك كبنت تفكر في مستقبلها
حطيه قدام الأمر الواقع واطلبي منه يتقدم ولو بخطبه .. أقلها الواحد يعرف مصيره و وش هو عليه
ان وافق كان بها .. وارمي الكلام اللي قالته البنت في حوض سمك موجود في مركز أسنان
ان ما وافق .. ابدي ابعدي عنه بشويش .. وخليه يشوف مستقبله وانتي شوفي مستقبلك .. لأن أكبر غلط إنالواحد يستمر على غلطته وما يصححها ..

بالنسبة لطلبك وجهة نظر الرجل ..

بشكل عام الرجل اذا تزوج .. يتغيّر
اللي راعي بنات ولقى وحده تغنيه عنهن .. يخليها هي تاج راسه
واللي ما عمره عرف بنت وتزوج وحده ما تأدي حقوقه وحاقرته .. يتعرف على عشر غيرها

الهادي الله وأنا أخوك .. والأمر أولاً وأخيراً بيدك.

** نصيحة .. أقرأي كتاب الرجال من المريخ والنساء من الزهرة .. راح تتعرفين على نفسية الرجل وكيفية التعامل معها .. زوجتي تقراه واستفادت منه كثير
وانا نفس الشيء قريته وعرفت نفسية المدام وكيفية التعامل معها خصوصاً اذا قامت أنبيرات الهرمونات تلعب وقلبت النفسية

أخوك تايد مع بندول نايت

فهريه
17-01-2010, 10:35 PM
أغلب مشاكلنا بسسب أننا نعيش بالظنون
الرجال تقدرين تكلمينه .. ومافيه عواقب بينكم
مايحتاج تستشيرنا .. المفروض تستشيرين ثلاثة عقلك وقلبك وحبيبك
عقلك بيقولك إذا استمرارك بانتظار تعطفه وشفقته هو من صالحك ولا لا ؟
قلبك بيقولك إذا قادرة تضحين فيه ولا في كرامتك اللي تحت قيد الانتظظار بتعطفه عليك؟
هو باختصار دقي عليه ( يا فلان أنا كذا وكذا وكذا وقولي كل مافي قلبك واختمي النقاش بسؤال أنت بتتقدم لي ولا أبدا حياتي من جديد من دونك ..

ترا بجد العمر يمشي وانتي ما تدرين يمكن يجي يوم ويقولك انا ماوعدتك بشي والله ماكتب نصيب
وللمعلومية مكالمتك له لا تجوز شرعا لان مابينك رابط شرعي

بالنسبة للكلام اللي وصلك لا تواجهينه فيه الا اذا تاكدتي لو بنسبة واحد بالمية
لو كلنا مشينا مثلك وصدقنا كلام الناس كان اغلب المجتمع متفكك

ونصيحتي استخيري استخيري فالله الطف بك منا

هامتي فوق
17-01-2010, 10:57 PM
ليه ماتصارحين واحد من اخوانك او أبوك وتخلينهم يسألون عنه زين..وأنا مع اللي يقولون حكاية المماطلة بالخطبة مريبة نوعا ما..يعني ع الأقل تملكوا وخلوا الموضوع رسمي وهذي مافيها حيا يعني قولي له على بلاطة بتتقدم أكيد ونربط كلام عن طريق الاهل أو خلاص انا بطريق وانت بطريق.

الزوايا
17-01-2010, 11:03 PM
اذا كنتي تبغين تقطعين الشك باليقين خلي يتقدم لك رسمي ويخطبك بس خطبه رسميه لحد ما يستقر امره وربي يشفي امه واوضاعه تتحسن

واذا رفض اعرفي انو مجرد ما قويتي علاقتك فيه ووصلت للجوال خلاص استغنى وحاب يكمل معاك كذا

ربي يفرج همك يارب

أحلى ابتسامة
17-01-2010, 11:20 PM
مدري شقولك صراحة

بس حبيت انبهك على شغلتين

أولآ ..أساس علاقتك غلط
حتى لو كنتو متفتحين هذا مايبرر انه تكون علاقة بينكم
وش بقيتوا لعقب الزواج
وش بتسولفون فيه
وش تتناقشون فيه

ثانيـآ .. انتي كاشفه اوراقك لصديقاتك وكلن عارف سالفتكpb093
فبالتالي توقعي يجيك كلام من وإلا منا

واعتقد والله أعلم ان كل هالسالفة من تأليف البنت اللي تعرف ولد عم خطيبك
هذا إذا كان فيه ولد عم أصلآ ..!


نصيحة من قلب عزي نفسك يختي

اقطعي علاقتك فيه وقولي له ماراح اكلمك إلا إذا صرت زوجتك pb189
وإذا جزم وجالك يبيك,, ذاك الوقت صارحيه
وقولي أنا وصلني هالكلام عنك كذا وكذا وكذا ....

ولو ماني شاكة بصحته كان رفضتك بدون ما اناقشك بس انا اعرفك وحبيت توضح لي الأمور عشان تقطع على ولد عمك وكل من يبي يفرقنا اي طريق
وودي إنعلاقتنا تبدأ بالصراحة ..:)

وتذكري ..
( من يتق الله يجعل له مخرجآ )

الله يوفقك باللي يسعدك ,,

طنط فتكات
17-01-2010, 11:39 PM
السلام عليكم ورحمة الله وبركاته

تبين نصيحه صادقه انسيه واتركي السعي والبحث وراه وعزي نفسك واضح جدا انه مايبي يرتبط فيك غير كذا اي شخص يوم يطلع عنه حكي يمس الشرف ترى هذا شي خطير وجريمه وقذف

يوم تجين تدخلين في هالمعمعه قبل يبين الحق بيرشونك معهم وبيوصل الموضوع لشرفك انتي والناس بتعتبرك مثله حتى يمكن يفسرون انفصالك عن زوجك الاول بمثل هالاسباب

قالت ويقول وعاد من الي قال ومن الي يقول وزي ماقلتي يمكن ان هذا يكذب ويتكلم في ولد عمه وش بيرده ان مايكذب في شرفك ويتكلم فيك وسيرتك على كل لسان؟ ترى موب لازم انك ماسمعتي شي عنك يعني ماحد حكى فيك ماتدرين عن النفوس المريضه

الله هو فقط من بيده اظهار الحق من الباطل في الوقت المناسب

ثم لماذا لا تعتبرين ذلك رساله انذار لك ان تبتعدي ؟

فيه ناس سبحان الله تدور على مذبحها زي مايقولون وتجيهم رسايل ومع ذلك مالهم الا الي في راسهم والله يقول وعسى ان تحبو شيئا وهو شر لكم وفرطتي في الاول وكرهتيه مع انه قد يكون خير لك

يوم يكون في الموضوع لبس والمسأله تحتمل امرين ليه اعرض نفسي لهالموقف؟

انتي تحبينه جايز بس هو لا لأن الرجال اذا حب وحده على طول يطلبها او يكلف احد يطلبها خصوصا لو ماكان مستعد لان الاستعداد راح يجي لكن متأخر شوي فما يبي البنت تضيع او تروح لاي ظرف من الظروف ويسارع في طلبها حتى موقفه يوم ماتقدم الا على خطبة ذاك وقال يبيك مالحظتي ان الحركه مهينه لك اكثر من انها رغبه فيك؟؟؟؟ مالاحظتي انها تشبه حركه الطفل يوم يجيه ولد خالته يلعب معه على كثر الالعاب الموجوده بس يشوف ولد خالته ماسك اللعبه يتطاقون عليها ويصير صياح على لعبه من بين ميه لعبه واول مايغادر الطفل المنافس ويترك اللعبه لصاحبها على طول تلقين اللعبه الي كان يصيح عليها رماها وراح الحافز الي يخليه يتمسك فيها

بالله عليك هذا يستاهل الي جالسه تسوينه بعمرك الحين؟؟؟ يعني يفترض لو كنتي تفكرين صح وحسيتي ان قيمتك ماغلت الا يوم جا واحد يتقدم لك يصير هذا حافز لك تتمسكين انك تتزوجين واحد غيره ولو مابقى في العالم الا هو لايمكن ترتبطين فيه

وهناك سبب ايضا يشجع على صرف النظر عنه ايضا ممكن تزوجينه وحوله هالشرباكه من الكلام لكن يوم تروح السكره وتجي الفكره ويجون عيالك بعدين وهم الي سمعتهم بتتأثر يوم الواحد يتزوج مايكون اناني يفكر برغباته وبس المفروض يفكر حتى بعياله وسمعتهم ومستقبلهم

تعتبرين نفسك شي قليل؟ وحتى استغرب منك تقولين مطلقه الي ماصار ما اعتبره طلاق توك بنت ولابعد دخل عليك يعني مثلك مثل اي بنت يحق لها ترتبط بافضل انسان والفرص كثيره

انتي مثل الي يالله يالله سريع سريع ابي اعرف الحق والغلط الحين بقوانيني انا وبوقتي الي ابيه انا الحين الحين واي شي يعترض طريقي باتجاوزه والحواجز باطمرها كله بس عشان ارتبط بهالانسان !!!!

كانك تبين تسبقين القدر حتى لو ماجا في بالك هالشي هذا هو الي جالس يصير

وشلون تعرفين الحق من الباطل؟

اتقي الله وكوني مع الله وتقربي الى الله ليريك الحق وسيصل رزقك اليك وليس انتي من تصنع رزقها وتحضره

وان كان في هالانسان خير لك ربي بيظهر لك الحق على روس الاشهاد وبيجيبه عند رجليك واذا فيه شر لك بيصرفه عنك وبيعوضك خير وابرك منه انطلاقا من هالآيه الكريمه

( وزكريا إذ نادى ربه رب لا تذرني فردا وأنت خير الوارثين ( 89 ) فاستجبنا له ووهبنا له يحيى وأصلحنا له زوجه إنهم كانوا يسارعون في الخيرات ويدعوننا رغبا ورهبا وكانوا لنا خاشعين ( 90 )

استجاب دعاء زكريا وفوق هذا اصلح له زوجته ليش؟

1- كانو يسارعون يعني السرعه غير الي يمشي على مهل وغير الي يؤديها وهو ماله خلق سواء في عباده او صدقه الخ

2- في الخيرات اوجه الخير لاتحصى ولكن يجب ان يسبقه مسارعه

3- ويدعوننا رغبا ورهبا

4- وكانو لنا خاشعين


وبقيه المعاني اعتقد لاتحتاج الى شرح

وفقك الله bp039

هيّن
18-01-2010, 12:17 AM
bp039pb189

لآ
لآ تصدقين ولد عمـه ولآ كلآمـه pb189
ولو أنّ الأمور تمشي ضد ع pb189 وتحسيـن أن كلآم ولد عمّه صحيح
bp039
أفضل حلّ تواجهينه وتعرفين الحق من الباطل
ولآ تضيعين عمرك ع الفاضي
ممكن يصير انسان كفـو مررره pb189 وتخسرينه بسبّه تصديقك لكلآم الناس
وممكن حسافه فيه كل ثانيه جاء على بالك فيها bp039 وانه مايستاهلك وانتي مصدقته ومسلكّه له أموره :)

عشان كذا حآولي تسئلينه
وتوّضحين له الأموور كلها بدون ماتوصلين له ان الكلآم جاي من ولد عمه وكذا pb189
حاولي تصبرين عليه فتره pb189 يعني ماتدرين وش ظروفه pb189
اصبري يمكن ربيّ يعدلها من عنده bp039
وبعد فتره حآولي تسئلينه bp039 وش فيك كذا وش اللي قلبك
؟
وانت صدق تبيني وتبي انتظرك أو أشوف نصيبي ؟


:)pb189 وربيّ يكتب لك العافيه
ويوفقّك ويسهل أموّرك

آلغاليه
18-01-2010, 02:45 AM
ياحبيلك بسسسسسسس وسعي صديرك ولايضيق صدرك والله يشفي اميمته ويفرج همك يااااااارب
والله ياقلبي دام الوضع بربسه تبغين الصدق
جوال ونت ومافي شي رسمي
لاتستبعدين ايييييييي شي
وخلك ثقيله مهوب خفيفه يعني
دامه مايسأل لاتسألين ويكفي خواته لو تبغين تتطمنين على امه
مسألة بيضيق صدره زود اذا تركتيه ذا حكي حريم الصدق مافيه كذا ابد

كلام صديقتك انه راعي بنات وذا الامور منيب احب خربطة ذا الحكي وهو مجرد كلام
عندها محادثات!!
مسجلتهاا
تصورها وترسلها لك
اما والله يافلانه اعرف ولد عمك وهو كذاااا كذااااااا
ذي صراحه مااااااش
وقريبك هذا نصصصصصصصيحه مني لك اتركيييييه الحين
ولاهو متشره لاتخافين
بس استمرررري مع خواته
يمكنه يشوفك نزوه!!
تخيلي يعتبرس نزوه وتذبين وجهس انتي
يمكنه يختبرك
يمكن اشياء واجده
ودامه قريب وفيه حب طفولي<ياحيسفابي ماعشته
انصحك تخلين امورك طبيعيه مع اهله وهو اتركيه
واذا فكررررر انه يتصل واتصل قولي حسيت نفسيتك تعبانه ولا حبيت اضغط عليك
وبسسس

واذا جا نصيب احسن منه استخيري اكثر من مره
ولاتخلينه عائق ترا راحة البال تنشرا وش لك بشقى مابعد اعرستي وشايلتن همه لاحقتن على غثاه وانا اختس نصيحه بسسس ابتعدي الحين
والله يوفقس وفرج هممممممممك

..purity..
18-01-2010, 03:02 AM
نصييييحه قبل تقدمين بأي خطوه استخيري

واستخيري بان كان فيه الخير ربي يقربه وان كان فيه شر يصرفه

عشان ترضين :)

بس صدقيني لو هو صدق صديقه ما فتن عليه وهو داري ان الكلام بيوصلك ;)

وادعي ربي يريك الحق حقا ويرزقك اتباعه والباطل باطلا ويرزقك اجتنابه

غُصون
18-01-2010, 04:36 AM
*
*

-ادري ان ع. يحب ك. وانه من زمان متعلق فيها ويبيها ، بس هو توه ماتوظف وهي لسى تدرس
( وش دراه اني لسى ادرس ؟ انا المفروض متخرجه ، يدلكم ان ع. يسولف عني عند ولد عمه )

طيب ولد عمه خويته موب معتس تدرس!!
اكيد وصلت له
يعني الاكيد اذا موب من خطيبك من خويته ذي:rolleyes:
انتبهي من البنت ذي مره
الرجل عنده مشاكل وهموم ومرض امه وانتي قلتيه انه حنون ومتعلق في امهpb189
يعني عقله وقلبه مع امه اللي المفروض اصلا انه يدير باله عليها
انتي ابعدي عنه ذا الفتره
اذا اذا سلمي وتطمني بالمسجات بين فتره وفتره اسم انك وقفتي معه
وانا مع راي اختك مليون بالميه
لان ولد عمه خبيث وينقل الكلام زي ماقالت جامعيه

الله يشفي امه ويوفقك في حياتك يارب bp039

! لـهـيـب !
18-01-2010, 06:10 AM
ماطرحها على اي احد ، كان يقول زمااان ، بكلم امك دايركت لانها زي امي ، بس انا ما ادري وش الي يرده اهله ، اخته ( مع العلم انها تدري اني قاعده ارفض الخطاب عشان اخوها !! ) كانت تقدر تضغط عليه بس ما ادري ايش الي في بيتهم غير مرض امه ويرده انه يخطب ع الاقل !
الشي الثاني ، اخته تقول لاختي اني دايم اسئله ، ويطلع ولا يرد علينا !
وهو يقول اني قلت لاهلي وقالو مو وقته وظروفنا الخ ( مع انه من كلامه كان متحمس )
بس وش هالتناقض بين كلامهم ؟ هي تقول مايتكلم ، وهو يقول تكلمت ، من اصدق !!

\

الجميل في الموضوع , إنك قريبه لهم ..
يعني لو صار شي بتعرفين عنه .. وبيوصلك ,
علاقتك حلوه معاهم ؟
مع اخواته وأمه ؟
روحي إعملي زياره مثلاً مع أمك ..
تطمنين على والدته وتشوفين ومنها يرتاح بالك أكثر وتحسين لو شوي باللي قاعد يدور حولهم ..
كلمي وحده من أخواته اللي واثقه منها .. اسأليها عن اخبارهم وأخبار خطيبك ..
قولي اش فيه حاسته متغير .. كذا كذا ..
وبعدين .. يمكن ماحب يتكلم بالموضوع بشكل عام مع أهله وأخته موجوده ,

\

ايه اعرفها شخصيا ، وهي لها سنه تعرف هالولد ولا قالت لي
خايفه تطيح من عيني لما اعرف انها تعرف عيال بالمسن ، بس مره حكيت لها عن سالفة انفصالي ، قالت لازم اقول لك لانك فعلا ماتستاهلينه !

\
خايفه تطيح من عينك !
عشان تكلم أولاد ..
وهي الحين جايه تقولك إنه خطيبك راعي شراب وبنات ..

مااعرف بصراحه .. ولد عم خطيبك هذا .. مشبوه
وخطيبك هذا مع ظروفه .. يجيب الشكوك حواليه !

خطيبك .. قالو عنه راعي بنات وشراب
والرجال يحبك .. ويبيك ..
وقالو انه يحب وحده .. ويوم انفصل عنها تضايق !
وإنه حاول يوصل لك في الثانويه وماقدر
عشان كذا طاح بالبنات وصار يكلم
وإنه يوم عرف بخطوبتك تأثر وتعبت نفسيته كثير كثير ..
راح هو خطبك ..
ويوم خطبك طاح بظروف كثيره !

لو قلبنا القصه يمين شمال
ولد عمه هذا ماجاز لي :d
وحتى لو كان صادق .. بعد ماجاز لي ..
يابعض الرجال وجيهم بارده الله يحلل الحريم عندهم :(

الجميل في القصه
إنه أهلك عارفين ,
واهله كذلك عارفين
يعني لو صار شي ..
رايتك بيضاء
وبخصوص تعبك
لا تخبرينه هو بحال كان متضايق
ولو عرف وزعل منك
تقدرين توضحين له كل الاسباب ,
أولاً كلام الدكتور وإنه احتمال ضغط نفسي أو حاجه يعني مو أكيد
ثانياً .. انك مشغول مع الوالده فما حبيت اضايقك وأكدرك وإنت بعيد وبحال ربي يعلم فيها ..

وزي ماقلت لك قبل .. إنتهزي الفرصه .. وكلميه ..
بس لا تكبين العشا مره وحده :d وتقولين كل شي ..
وبعدين خبريه ياولد الناس الخطاب على بابي كثير
وإنت للحين مجرد بس انك تبين لي انك تبيني
ماشفت شي ..
يعني حتى لو كان بيتوتي وكتوم ..
مو مشكله .. بس هذا أمر يستفزه ..
بينكسر الخجل والانطواء هذي حياة ..
بيتنرفز .. بيتضايق .. بيقول أنتي تضغطين علي
ايه مو مشكله .. اذا الحين ومنضغط
بكرا لا جتك الدنيا بكبرها ضدك وش بتسوي

ومالك الا الصبر .. وش دراك يمكن الرجال يبني من تحت لتحت ويخطط على نار هاديه بعيد عن الضغوط والمشاكل ..
وربي يعينك والله ..




* تذكرت نقطه :

الحين خطيبك .. صديق مقرب كثير لولد عمه هذا صح ؟
ويقوله كل شي .. !
ويقوم ولد عمه يعلم بأسراره لوحده بنت .. مادري تقرب لكم او لا
يعني ماعليش حتى لو صاحبي مجرم .. ومعاي طول الوقت
ويخبرني بكل شي .. وبيننا عيش وملح ..
ماراح اسيء له بهالشكل .. وليه أروح أعلك سالفته وأقول كل شي لهالبنت
يعني عشان توصلك ؟
أنا قايلك ولد عمه هذا ماجاز لي pb093

فاغره
18-01-2010, 06:54 AM
\

* تذكرت نقطه :

الحين خطيبك .. صديق مقرب كثير لولد عمه هذا صح ؟
ويقوله كل شي .. !
ويقوم ولد عمه يعلم بأسراره لوحده بنت .. مادري تقرب لكم او لا
يعني ماعليش حتى لو صاحبي مجرم .. ومعاي طول الوقت
ويخبرني بكل شي .. وبيننا عيش وملح ..
ماراح اسيء له بهالشكل .. وليه أروح أعلك سالفته وأقول كل شي لهالبنت
يعني عشان توصلك ؟
أنا قايلك ولد عمه هذا ماجاز لي pb093


هنا مربط الفرس
اخاف ان خطيبك لما عرف انك خلاص انخطبتي
قال خليني اوضح لها انها راحت وانا ابيها
هي كذا كذا رايحة وبتتزوج
فسلمك الله انتي ضحيتي ورجعتي له
طبعآ ردة فعله لاتعليق
لاتقدم
ولا كلم امك ولا ابوك
وجلس يتحجج
بس لانك اصيله صبرتي
انا اقول يمكن يكون مفبرك السالفه هو وولد عمه
عشان انتي تصرفين النظر
وتجي منك
ويطلع هو من الموقف المحرج اللي انحط فيه

ارجع واقول احتمال

وممكن كمان طلب من ولد عمة يوصل لك هالكلام يختبرك فيه
مو عشان يعرف ردة فعلك
لا على شان يمسك عليك ممسك انك تسمعين كلام الناس فيني وكذا

ليه انا بنيت هالاحتمال
لعدة اسباب
ماقال ابيك وابي اتزوجك الا لما ضمن انك انخطبتي
جلس يتحجج بظروف الدراسة بعدين الوظيفة بعدين مستحي من امك وابوك
مرض امه كان له مثل المخرج لانو الواحد معروف لما تصير له مشكله من هالنوع
يحب انو خطيبته تسأل عنه وعن امه
كلمته لما قالك عندي عدة اسباب حسيتها منفرة ومو حلوة خاصة انو انتي مرة واضح عليك حبك له ولامه
الطناش اللي انتي ماخذته منه


ولد عمة وصديقة مستحيل يجي كذا من الباب للطاقة ويفضح
اصلآ وش بيستفيد وهو عارف انو ممكن توصلين الخبر لخطيبك وتخرب بينهم
انا انصحك انو ماعاد تسألين اخواته ولاتدخلينهم في حياتك
خلي علاقتك معاهم حلوة جدآ
روحي زوري امه وخذي لها حلاوة وتحمدي لها بالسلامه
لاتدقين علية
لو حابة تطمنين علية ارسلي له رساله

بناء على ردات فعله
تقدرين تحددين
وتشاورين امك بالسالفة


يمكن اكون ظالمته
بس مدري لية كذا إحساسي

ربي يسهل امرك ويوفقك
قلبي معك
bp039

طفلتـه
18-01-2010, 07:40 AM
شوفي شلون انتي الحين عايشه بحيره وشك وجيتي كتبتي موضوع من كثر ماهو شاغلك..
[ اصدقهم والا لا ؟ كيف أتأكد ! ]
استغربت من الي قالو صديقتك كذابه او الولد كذاب على اي اساس حكمو!!
وهم ماعاشو الموقف ولاحتى يعرفونهم شخصيا !!

الحل بيدك انتي وبس..يانك تواجهين وتقطعين الشك باليقين .. ياانك تقعدين على نار
اختاري ..
ومافيها شي لو واجهتي .. وسالفه خوفك انه بيزعل لاحبيبتي من حقك تسالين وتتأكدين
لان الكلام ماهي مجرد سالفه بسيطه عشان تتجاهلينها
بس اكيد بطريقتك وباسلوب مايخليه يحس انك مصدقتهم واهم شي تقتنصين الفرصه المناسبه


بالنسبه للبنت الي تجيب لك كلام .. صدقيني ياما مشاكل كبيره صارت بسب
النقل والقيل والقال الكذاب ماراح يجيك مكتوب على جبهته كذاب ومنافق
اكيد بيعطيك ادله وبراهين على كلامه وبيجيك من الجانب العاطفي
وترا انا خايف او خايفه على مصلحتك عشان تنجرفين وتصدقين
لا حبيبتي معليش.. مفروض تحطين حد لهالشي ..صديقتك تبي تجيب لك كلام اوكي خليك قد كلامك الي جبتيه وواجهي واذا ماتبين تواجهين لاتجيبين لي هالسوالف
خصوصا ان الكلام كبير وقوي ..




بالنسبه لـ حبك وتضحيتك على حساب نفسك
واضح انك تحبينه لدرجه تبررين له اي موقف وتصرف .// يحب امه .. متأثر بمرض امه .. كتوم ..إلخ //
ياليت ياقلبي ماتتعلقين اكثر على اساس انه كان يحبك بالطفوله او على اساس سفرتكم
الحب يتغير يتبدل ممكن يتطور ممكن لا ..فيه حب يخليه يتمسك فيك ويبيك زوجته وشريكه حياته
وفيه حب مجرد حب تملك وهذا الواضح../يوم انخطبتي لشخص ثاني قال ابيها
ويوم انفصلتي!! مفروض يجي يخطب لو يبيك..لكن جلس يماطل بسالفه امه ...
حبيبتي لو يحبك بيخطبك باسوء الظروف مافي شي يمنع الرجال لو حط شي براسه
وترى السالفه ماهي صعبه مجرد كلام رسمي و خطبه
موب زواج ويفتح بيت ومسؤوليه عشان نقول يمكن مايقدر
انتي لسا بعز شبابك.. لاتضيعين وقتك بالتفكير والتعلق بهالشكل
مصلحتك اهم ..وسوالف الحب والتضحيه مجرد اوهام لاتضيعين وقتك فيها ..
اوكي حبيه بس اذا يستاهلك او مقدم لك تضحيه .. اما تحبين شخص يماطل!!..
معليش مع السلامه

لمتى الانتـظار ؟
لمتى تقعدين تبررين .. اليوم امه بكره بيجيب لك حجه ثانيه ..
حطي حد لسالفه الارتباط يا ايه يا لا..
لان الواضح انه ماعنده نيه .. وبنفس الوقت حاس بالذنب لانك ضحيتي عشانه..
خلي قلبك قوي وهيئي نفسك لاي صدمه



نقطه ثانيه فيما لو هو فعلا شاريك ممكن التغيرات الي صارت
تكون من تصرفاتك الاخيره وخلته ينفر
تمنعي عنه فتره ولاتصيرين كثيره عليه. عطيه فرصه ولاتنشبين له.
ولو هو يبيك وشاريك بيسال عنك..
حتى لما تقابلينه حسسيه بتقصيره بس بطريقه حلوه موب نكديه تخليه ينفر منك




والله يوفقك يارب ويسعدك .. bp039

UlKeR
18-01-2010, 09:00 AM
ياقلبي انت علاقتك فيه من سنوات مو ايام وشهور يعني المفروض تكوني عارفته تمام المعرفه

معقوله هو راعي شراب ؟

معقوله راعي بنات ؟

انتي تحبيه يعني اكيد تعرفيه ويبين من كلامه وحركاته واهتمامه !

انا بقلك اللي متوقعته ممكن يكون صحيح وممكن لا وممكن يكون جارح لك بس حلو انك تعرفي راسك من رجولك

انتي تقولي لمن انخطبتي كان معاكي ماسنجر من سنتين ومالمح؟
معقوله يحبك ولا لمح ولابين عليه !

ليش حيا يعني ؟

طيب بعد مااتخرج ليش مااتقدم وخطبك امه تعبانه اوك طيب مو لازم تتزوجو فالوقت الحالي
بس عالاقل يخطبك وتتسمي له . . انتي بنت وحتجيك فرص زواج مو معقوله حترفضي لانك بتستنيه

طيب الى متى ؟

كلامك انو ماعاد يهتم وووووو يخوف ترا

انا اشوف اللي مايهتم مايحب

من رأيي بما انكم تكلمو بعض فالفون تكلميه شوفي بدون حيا انتو في حكم المخطوبين دحين

لاتجاملي ع حساب نفسك كلميه وقوليله سمعت وسمعت واجهيه انو انقال عنك كذا وكذا وكذا


انا احبك ومن حقي اعرف انا عارفه انو مافي ولد ماله فالحركات النص كم وقت المراهقه وانا ماحزعل بس يكون عندي علم فيها وشوفي ايش حيقلك

وشوفيه قولي انا تجيني فرص اذا انت فعلا تحبني وتبغاني تعالو اخطبوني لو مجرد خطبه والزواج متى ماتيسرت امورك واتوظفت

نصيحه لاتجلسي تستني سراب خليكي صريحه معاه لاتخلي حاجه تمنعك

ماتدري عن اللي فالقلوب امكن الولد اتغيرت مشاعره امكن الكلام صحيح انا مابغا اخوفك بس جد مابغاكي تستني وتتفاجئي بسراب وتنصدمي وتتعبي بعدين

صدقيني عشن ترتاحي القلق النفسي وكثرة التفكير مرا متعبه

كلميه وشوفيه وربنا يكتبلك الا فيه الخير

mum !
18-01-2010, 11:47 AM
انا ماقدر اقول لك الا شي واحد،

واجهيه وصارحيه بكل شي وصل لك وانقال لك وقولي فلان قال لفلانه ،
ليه ؟
1- انتي ترتاحين، ووضعك الصحي يستقر ولاتلعبين في نفسيتك،
2- تعرفين جواب لهالاسئله ( وهالشي مو من جوابه ) من ردات الفعل ومن الاشيا اللي بتصير بعدين،
3- تقطعين الطريق على اي احد ناوي لك شي او لفق عليك شي
* لاني بصراحه اشك انه هو بعد وصل له كلام عنك انتي ، مثل ماوصل لك كلام عنه وعن طريق نفس الاشخاص،

هذي اهم الاسباب،
يعني ممكن يكون كلم مره مرتين ثلاثه ،
من ضغوط من غلطه اي شي !!
لكن يكلم وينام وويشرب وكل شي !!!!! مستحيييل لان الدلالات على شخصيته ماتبين كذا ابد
بالعكس يعني بالعقل ( شخص يترك التدخين ، وبالمقابل يشرب ؟؟؟ )

وشي خليه بعقلك ، احفظيه دايما عندك ولاتنسينه
* طالما ماعندك دليل ، لاتصدقين اي شي ولاحتى تفكرين فيه. عشان ماتتعبين .



الله يشفيك ويشفي امه ويكتب لكم الخير يارب ،، bp039

%Gone%
18-01-2010, 01:12 PM
اشكركم جميعا :( pb189

الاحظ ان الاغلبيه اتفقت ، اني ابعد عنه فتره

وانا من الان ناويه ع كذا ان شاء الله


بالنسبه لخواته ، اوكي علاقتنا قويه بس مانتطرق لموضوعي مع اخوهم !
ماكأنهم يدرون حتى ، وينذكر اسمه عندي ولا كأني اعرفه خخخخ :D


فيه اشياء
كنت اهوجس فيها زي كلام الاخت هنا

انا اقول يمكن يكون مفبرك السالفه هو وولد عمه
عشان انتي تصرفين النظر
وتجي منك
ويطلع هو من الموقف المحرج اللي انحط فيه


ممكن كلامك صحيح

و الاخ هنا

وش دراك يمكن الرجال يبني من تحت لتحت ويخطط على نار هاديه بعيد عن الضغوط والمشاكل

يا اخ لهيب ، ردودك كثييير مريحتني
وانا معاك ، اشك في وضع ولد عمه

وعلى فكره ، ولد العم ، وهو يقول لـ ن. الكلام ، ماكان يتكلم عن ع. وبس
كان يتكلم عن نفسه بعد !
يعني انه هو واياه يسوون هالاشياء سوا ! تتوقع يكشخ عندها يعني ؟

وكمان معلومه ، احوال ع. افضل بكثير من احوال ولد عمه ، وفيه اشياء كثيره يتفوق فيها ع. على ولد عمه ، هل تتوقع هذا نابع من غيره ؟


طيب انا خلاص قررت ابعد عنه فتره 3 شهور كذا
وبشوف ردة فعله
وبنفس الوقت انا ما اعرف اواجه بالفون :( مره اخاف واستحي وكل شي لذلك مكالماتنا يمكن 4 مرات خلال ال 3 سنين !! وماتتعدا دقيقتين بس

يعني حتى لو واجهته صدقوني الرايه بتكون له

هل تأيدون اخليها بالمسن احسن ؟ :(

وقلتوا لي لازم اتأكد قبل ما اواجهه عشان يكون عندي حجه ، بس كيف اتأكد ؟!!

. . L u t y ؛
18-01-2010, 02:03 PM
السلام عليكم ..
يا gone
قريت كل الردود .. وماخفيكِ إنـي احترت معكِ ..:(
ولو إنـي ميالة لـ رأي أختك أكثرر .. لـ أن أتوقع رأيهها هو الأصح بحكم إنه قريبكم ..
لكن إنتبهي .. المواجهة مانصحكِ فيها أبداً أبداً أبداً !!
تخيلي تواجهينه وتقولين هل إنت سكير ولا لا ؟
مررة قوية حتى لو يحمل بقلبه كل مشاعر الود لكِ .. بتنقلب مجرد ماتسألينه .. !
هذا شي ..
ثاني شي كلمي صديقتكِ .. قولي صراحة أنا بكلم خطيبي وبحكيه عن كل الموضوع .. واستغفلي صديقتكِ .. وسوي كنك بتنصحين خطيبكِ وكذا ومانتي راضية ..
إن شفتيها قامت تعذرب وتلف وتدور .. خذيها منـي .. هـي كذذااااااابة !
وأصلاً كيف بتكون صادقة .. ؟ لو هـي صادقة شلون صبرت على ولد عمه ّ! شلون تحب واحد سكير وراعي بنات ؟
-

..
ابعدي فترة عن حبيبكِ ..
واغلي نفسكِ ..
واصبري لين يجي هـو يخطبكِ pb189

رانـيا
18-01-2010, 02:50 PM
أولاً الله يعينك .. وييسر أمورك

مشكلتك وأنا أخوك صعبة .. مهما كان ما ندري وش الظروف اللي صايره .. ولو اني منك وفي مثل موقفك .. أطبق القاعدة الشرعية اللي تقول.. البينة على المدعي واليمين على من أنكر .

البنت اللي قالت لك الكلام قولي لها تجيب اثبات .. عاد وش نوع الاثبات هذا يعتمد عليك وعلى الشيء اللي يخليك تقتنعين ان اللي تحبينه راعي بنات وشراب ..

لا يخفى عليك الحسد والغيره في مجتمع الحريم .. خصوصاً انها عارفة ان علاقتك بقريبك نهايتها زواج في حين علاقتها مع ولد عم قريبك .. ما تحدد مصيرها.

نصيحة .. أخ لأخته .. تسعة أعشار حسن الخلق في التغافل .. لا تصير كلمة توديك وكلمة تجيبك .. التحري للأخبار فن يبي لك تتعلمينه.

بالنسبة لقريبك.. ووضعك كبنت تفكر في مستقبلها
حطيه قدام الأمر الواقع واطلبي منه يتقدم ولو بخطبه .. أقلها الواحد يعرف مصيره و وش هو عليه
ان وافق كان بها .. وارمي الكلام اللي قالته البنت في حوض سمك موجود في مركز أسنان
ان ما وافق .. ابدي ابعدي عنه بشويش .. وخليه يشوف مستقبله وانتي شوفي مستقبلك .. لأن أكبر غلط إنالواحد يستمر على غلطته وما يصححها ..

بالنسبة لطلبك وجهة نظر الرجل ..

بشكل عام الرجل اذا تزوج .. يتغيّر
اللي راعي بنات ولقى وحده تغنيه عنهن .. يخليها هي تاج راسه
واللي ما عمره عرف بنت وتزوج وحده ما تأدي حقوقه وحاقرته .. يتعرف على عشر غيرها

الهادي الله وأنا أخوك .. والأمر أولاً وأخيراً بيدك.

** نصيحة .. أقرأي كتاب الرجال من المريخ والنساء من الزهرة .. راح تتعرفين على نفسية الرجل وكيفية التعامل معها .. زوجتي تقراه واستفادت منه كثير
وانا نفس الشيء قريته وعرفت نفسية المدام وكيفية التعامل معها خصوصاً اذا قامت أنبيرات الهرمونات تلعب وقلبت النفسية

أخوك تايد مع بندول نايت

:sm12:

جيت برد لقيت هالرد كفى ووفىbp039

فعلا لازم تحسمين الموضوع ثلاث سنين موب شويه
وانتي تنتظرين الزواج مافيه حل وسط يا ابيض يا اسود
واذا ماعنده نيه انسيه وانسي اللي خلفوه
واذا تقدم لك الكفو وافقي والله يسهل امركpb189

GLORY
18-01-2010, 03:11 PM
مابي اقول صدقي رفيجتچ وحچي ولد عم ع . ..
بس هم بقولچ حذري منه ..
لا دخان من دون نار ..
ولاتخلين خرابيط الحب تعمي عيونچ صورة مستقبلچ ..
ترى الحب بيروح وبيصير مكانه احترام ومودة .. او غير ذلك
فاحرصي على اختيار شريك العمر اللي يناسبك .. اما الحب شي ثانوي .. والحب من الله محد له ايد فيه ..
.
ثاني شغلة ..
مادري بس احس انتي خربتي على روحچ .. يوم تماديتي بالحچي معاه بالمسنجر وحتى الموبايل .. صج ولد خالتچ .. بس يظل ريال غريب !
.
ومثل ماقالت .. Han 
يمكن اهو شاش واستنفر يوم انخطبتي وصرتي بيد غيره ..
والحين يوم صرتي حدره .. بدى يزهد ..
.
يمكن أنا مايخقلي اقول اللي بقوله ..
بحكم أني ماعرف الولد .. ولا عرف نمونته مثل ماتعرفينه ..
بس مثل مايقول برنارد شو .. لا احتاج لالتهام كامل البيضة لأعلم انها فاسدة ..
.
ع هاذا ماني مرتاحتله .. ولا بسالفة التمغط والمماطلة بالخطبة .. اقل شي يقول والله أنا ابي فلانة حق اهله .. ولا انه يعلقچ وينقعچ ..
.
عصفور باليد ولا عشرة بالشجرة ..
اذا تقدملچ واحد سنع المرة الياية .. دييييري بالچ تسوين سواتچ الأولية .. وتفركشين الأكو والماكو عشان سواد عيونه .. لو اقلها انچ تدعين..
قظبيه .. وقوليله ياولد الحلال .. چانك تبي الحلال حياك ولحق ماتلحق .. واذا بتعلقني وناويها لعب ومسنجرات وخرابيط لاتودي ولاتييب .. فعلمني
لازم تحددون علاقتكم وباقرب وقت .. ويعني امه مريضة .. عالاقل عطوا الناس خبر عشان تصير بايد الكبار .. ويحس هو بالمسؤولية ويتلحلح .. امه بالعكس راح تستانس أزين لها تعرف .. اسم الله عليها الله يشافيها ..
لاتندمين بأجر انچ ضيعتي عمرك ونفكيرچ وشبابچ .. وفرص يات لعند باب بيتچ .. عشانه ..


انا مع رأيها قلبا وقالبا !
وان مافادك رأيها صدقيني ماراح يضرك !! اشتري راحة بالك !

ولا تفكرين مجرد تفكير انك تصارحين ولد عمك بالكلام !
لأنه حتى لو كان الكلام عنه صحيح مااظن انه بيكون لهالدرجه من الغباء:cool: حتى يقول الكلام اللي قالوه فيني صح !!

! لـهـيـب !
18-01-2010, 03:57 PM
وعلى فكره ، ولد العم ، وهو يقول لـ ن. الكلام ، ماكان يتكلم عن ع. وبس
كان يتكلم عن نفسه بعد !
يعني انه هو واياه يسوون هالاشياء سوا ! تتوقع يكشخ عندها يعني ؟
وكمان معلومه ، احوال ع. افضل بكثير من احوال ولد عمه ، وفيه اشياء كثيره يتفوق فيها ع. على ولد عمه ، هل تتوقع هذا نابع من غيره ؟

طيب انا خلاص قررت ابعد عنه فتره 3 شهور كذا
وبشوف ردة فعله
وبنفس الوقت انا ما اعرف اواجه بالفون مره اخاف واستحي وكل شي لذلك مكالماتنا يمكن 4 مرات خلال ال 3 سنين !! وماتتعدا دقيقتين بس

\
إحتمال وراد وكبير ,
وبعدين قلت لك وضع ولد عمه هذا مايطمن ,
يعني حتى لو كان يسون هالشي ..
البنت ليه تقولها كذا !
وبعدين وش هالبنت اللي يقولها واحد انا راعي شراب وبنات وتستأمن له ,
هالموضوع أنتي شيليه من راسك ,
ماتدرين صحته من كذبه ,

إنتي خلك بالنص , لا تكونين قريبه منه حيل , ولا تقطعين عنه مره ,
إن أرسل .. ردي ..
وإن ماارسل .. كل يومين ثلاثه كذا ارسلي .. كيفك كيف الوالده .. وبس ..
وإصبري وشوفي
هالشي بيخليك بمرحلة أمان ..
وإن طرا شي جديد .. وتبينت لك الامور ..
مافيه شي قدامك تخسرينه ..
إن تعدلت .. خطوه لقدام
وإن ساءت .. خطوه لورى
ولا كأن شي صار ..
هذا إن صبرتي وأنا اتوقع انك صبرتي ثلاث سنين مو هينه ,
إن ماصبرتي كلميه .. لو حتى بالمسن ..
يعني شوفي .. لمتى هالحال كذا بس
ولمتى بصبر ..

وردة تشرين
19-01-2010, 12:54 AM
احياناً الحب يعمي القلب عن الحقيقه
برايي اختي تتأكدين من صدق ها البنت قبل كل شي
وانا احس انا الولد ع لعاب ويتسلى وماعنده جديه بالارتباط او يمكن واثق بانك تستنيه ومراح ترتبطي بغيره فا مرتاح من ذا الشيء الخوف انك تستنيه ويتركك باالاخير وبعدين كلها خطبه بس قدام العالم وتوضح صدق نواياه لك ولأهلك انصحك تتاكدين من اخلاقه اكثر بس موعن طريقه لانه يمكن يمثل عليك دور الانسان المحترم البار وهو بالعكس ومل من التمثيل فصاريتهرب

وبالاخير اتمنى لك التوفيق

الـــوآن
19-01-2010, 01:16 AM
-ادري ان ع. يحب ك. وانه من زمان متعلق فيها ويبيها ، بس هو توه ماتوظف وهي لسى تدرس
( وش دراه اني لسى ادرس ؟ انا المفروض متخرجه ، يدلكم ان ع. يسولف عني عند ولد عمه )
ن قالت له أكيد :d


حبيبتي ليه اتعبين نفسك وتشيلين هم اجلسي معه جلست روقان و قولي له انه فيه بنت في الجامعه جتني وقالت لي كلام عنك وابيك تنتبه لنفسك واكيد بيسألك وش قالت هنا قولي له كل شي و شوفي وجهة نظره في الموضوع وارتاحي نفسيا
لأ من جد إنتبهي تسوين كذا
إنتي عارفه أن الرجال خلوق ومتربي أفرضي كان مظلون ، تتصورين الموضوع بيكون مثل ما إنتي متخيله وراح يتضايق ويقول حسبي الله عليهم وبس ؟
لأ طبعا راح تكبر المشكله لحد ما تتصورين أولاً لأنه مظلوم وغير كذا لأن الإنتقادات الي موجهه له مو بسيطه أبداً


إذا ك عرفت السالفة بقطع علاقتي فيك
هذا أكبر دليل أنه مو واثق بكلامه



حبيبتي أبيك تعرفين أن الرجال أنواع ومره مختلفين عن بعض أعرف وحده متزوجه واحد جداً كتوووم بشكل مو طبيعي وكان أبوه تعبان وسألته كيفه الحين قال الحمدلله بخير وجداً طبيعي وهو بالعنايه وبعدها بكم يوم توفى ، مو لشي بس سبحان الله مايحب يتكلم خصوصاً عن الاشياء الي من طرفه وطرف أهله بغض النظر عن الحب الي بينهم وعلاقتهم
يعني مو معناته مايتكلم مايحبك يمكن هذي طبيعته وأنتي راح تكونين اعرف بطبيعته ما

موفقه ان شاء الله

وطن !
19-01-2010, 01:28 AM
أنا احس ان البنت تكذب عليك وولد عم ع يكذب عليها بعد
يعني يقولها كلام وهي تزوده وتبهره وتقوله لك

ليش ؟

أكيد هي راحت تقول لولد عم ع انه بيخطبك وبما انها على علاقة معاه فأكيد جا بباله انها هي تبيه يخطبها بعد وهو شكله يبي يلعب وبس
فهو قام يخربط قصص عن ع وهي من الغيره زودت عليهم وبهرت ونقلتهم لك

لاتسمعين منها ولاتجيبين طاري لأهلك أو له هو عن ولد عمه وكلامه

يَـ yam ـمْ
19-01-2010, 04:18 AM
مثل ماقلتي ولد عمه يعرف عن علآقتكم فلآتستبعدين انه غآر ويبي يفرقكم عن بعض
واذا تشكين بتصرفآته معك واسلوبه الجآف فأعذريه عشآن امه خصوصا وانك تقولين هو اكثر واحد مهتم فيهآ فأكيد ان مكانتها بقلبه غاليه واثر عليه مرضها وعلى نفسيته
لآتخلين كلام وحده عنه يأثر عليك خصوصا ماتعرفين نوايا هاللي مرسلها ليش ولو هو يبي الخير كان ماكانت هذي طريقته فيه اكثر من طريقه يبين فيها غرضه ان كان شريف


رأيي من رأي اختك / والرأي الأول والأخير لك

لآتنسين تستخيرين قبل أي خطوه او تصرف تسوينهآ / الله يكتب لك اللي فيه الخير ويريح بآلك

حلم القلوب
19-01-2010, 11:01 AM
شئ واحد اقوله لك اقطعي علاقتك فيه نهائيا
وحيباان الحق لو يبغاك حيجي ويخطبك قدام اهلك
تخافي بكره يعايرك انك كلمتيه
ولو جا وقتها اسالو عنه واستخيري

بالتوفيق

~ R e e m - 3 }
19-01-2010, 12:33 PM
\
إحتمال وراد وكبير ,
وبعدين قلت لك وضع ولد عمه هذا مايطمن ,
يعني حتى لو كان يسون هالشي ..
البنت ليه تقولها كذا !
وبعدين وش هالبنت اللي يقولها واحد انا راعي شراب وبنات وتستأمن له ,
هالموضوع أنتي شيليه من راسك ,
ماتدرين صحته من كذبه ,

إنتي خلك بالنص , لا تكونين قريبه منه حيل , ولا تقطعين عنه مره ,
إن أرسل .. ردي ..
وإن ماارسل .. كل يومين ثلاثه كذا ارسلي .. كيفك كيف الوالده .. وبس ..
وإصبري وشوفي
هالشي بيخليك بمرحلة أمان ..
وإن طرا شي جديد .. وتبينت لك الامور ..
مافيه شي قدامك تخسرينه ..
إن تعدلت .. خطوه لقدام
وإن ساءت .. خطوه لورى
ولا كأن شي صار ..
هذا إن صبرتي وأنا اتوقع انك صبرتي ثلاث سنين مو هينه ,
إن ماصبرتي كلميه .. لو حتى بالمسن ..
يعني شوفي .. لمتى هالحال كذا بس
ولمتى بصبر ..


ايه ايه بالضبط pb189
شيلي هاك البنت من راستس أساساً !
اشك فيها واحسها تكذب ووراها شي على هالكذبه

راعي ظروف ع. ماتدرين كيف نفسيته ! وبرضو مرض امه ويدوّر على وظيفه
محيوس الولد من جد bp039

خوذي بكلام الأخ فوق . . وادعي ربي pb189

طمنينا عليتس ياعزيزه . والله يوفقتس bp039