PDA

عرض كامل الموضوع : ؟..Can you speak English>>> هاااااااه؟؟


وتين..~
24-12-2009, 01:01 PM
http://dc05.arabsh.com/i/00901/niq7ayrng2oo.jpg



من المعروف أن اللغـه الأنجليزيـه تعتبـر من أشهـر اللغـات الأجنبيه العالميـه والأكثــر شيوعآ وأنتشـار بالعالم من ناحيـة أهميتها وفائدتها العلميـه والثقافيـه والفكريـه والأقتصاديـه والتجاريـه .. وأحنا كـ عرب نحتاج لوجود هاللغـه بحياتنـا سواء كان مننا طالب أو سائح أو تاجـر لآبد أنه يكون ملم بقواعد هاللغـه كتآبتآ ونطقآ .... لأنها تلبي حاجات كثيرة وتعتبـر طريقة تفكير و وسيلة الاتصال مع الآخر والتعرف على ثقافتــــه وهي تشكل مفتاح الثقافة الأجنبية ..


بحكم أنفتاحنـا على العالم الجـديد و أختلاطنا بالدول المتقدمـه ومن جميـع قاراتها ..
ولأن صار عندنا عمالـه أجنبيه ماتفهم لغتنا وتجبرنـا نفهم اللغه الأنجليزيـه كـ لغه عااامه عشان نقدر نتواصل معهم.. وصار في بعثات للخارج لبناتنـا وشبابنـا تجبرك تحط لغتك العربيـه بمخباة ثوبك وتتكلـم بالأنجليزيـه ... وصار فيه طلاب بالمدارس يعين قلوبهم من يدرسون أولى متوسـط يبدآ حشــو الكلمات والجمل الأنجليزيـه براســه ألييييييين ما تطفح وينسآهـا بمجرد مايوصل لعتبات الجامعــه ...

يعنــي الدنيـا تمشي صـح مع الكل ألا طلاب المدارس pb036.. وين الطالب/ـه اللي تخرج من المدرسـه ودخل الجامعـه أو الكليـه وعنده ذكآء لغوي ومخزون ذهنـي في اللغـه الأنجليزيــه؟؟؟:confused:
ما أقول مافيييييه لكــن قليل اللي يملك هالشيء ويختلف من بيئه لأخـرى .....


يوم الأثنين تاريـخ 25 جمـادى الأخــر 1425هـ صــدر قرار وزاري ينص على تدريس اللغة الإنجليزية في الصف السادس من المرحلة الابتدائية في المملكـه العربيـه السعوديـه عشان يتحسن مستوى تدريس الإنجليزية في المرحلتين المتوسطة والثانوية ..
طبعآ القرار متأخرررر ووجوده والعدم وااااحد لأن عيالنا الحافظ الله أذكياء ماتتغافلهم هالوزاره pb034.. يدرون إن هالماده ماتتدرس إلا من أولى متوسط وورا عشان كذا قفلوا مخوخهم وماشالوا همها لين يجي وقتها _ يعني مافيش فايده pb095pb093..

الله يهدي وزاره التربيه والتعليم _كسبوا ذنبنا في تأخرنا عن الدول الثانيه بهاللغه!!
المفروض يدخلونها بالمناهج من أولى أبتدائي زي باقي دول الخليج عشان يتأسس الطالب في اللغة الإنجليزية ويقدمونها له بطريقة مبسطة من صغره مثل المدارس الخاصة ... يعني مانوصل لسادس أبتدائي إلا وأحنا منطلقين بالحكي .. بس بقرارهم السقيم طوااااالي نطوا لسادس أبتدائي..!! طيب خلوها رابع أو ثاني !! تمهيدي أذا مافيـه مانع خخخخخخخخخ :D......



أنــا من ضمن مئآت الطالبـات وطبعآ الطــلاب اللي عندهم غبـاء لغوي في الأنجليـزي pb036:(.. و لو تسألوني وش أكثر شي يستفزك بهالحياة: أقول أن يجي آدمي يقابلني ويحكي أنجليزي!! أموت قهر لأن أساسآ ما أفهم وش السالفه
(القسم الوحيد اللي مادخلته بأقلاع هو الأكاديميه) جد يجيني أحساس أني وحده فاشله ومغفله :sm5:..

وأظن الغالبيه منكم واللي لغته الإنجليزيه ركيكه او معدومه .. يواجه مواقف محرجه مع غيره .. سواء في مطعم أو سوق أو كوفي أو مستشفى أو بنك ..... الخ
وين ماتروح لابد ينط بوجهك شخص يتميلح بلغته الأنجليزيه أو أجنبي مايعرف يحكي إلا لغته الأساسيه .. هنا عاد يا إنك تتميلح زيه أو تبلم :eek: وتتلف وتحط رجلك وززززززز لاعادها الله من سوالف معه ..

فيه ناس بسم الله عليهم بلابل بالإنجليزي وإذا مو بلبل عصافير خخخ:D المهم إن قادر يفهم أو يشرح لغيره مقصده لو حب يآخذ ويعطي .. يعني مايبلتش ولا يطيح وجهه أو ينحرج بالعكس واثق وماشي بأمان الله ..
و فيه ناس حدث ولا حرج!!! :confused: لايفتهم ولايفهم ولا يقدر يتواصل مع ذولا الفئه وممكن يضطر يطلب من حد يترجم له أو يتكلم عنه يعني أنواع الفشيلــه ..




بالفتره الأخيره حسيت نفسي إني محتاجه هاللغه بعد مواقف كثيره ..
والمصيبه حتى هالكم كلمه اللي حفظتهم من أيام المتوسط طاااارت بحححح يعني أفلست منها مره وحده ..




b.r.b

وتين..~
24-12-2009, 01:09 PM
* مره كنت زياره لبيت أخوي .. شغالتهم فلبينيه ما صار لها شهر عندهم وما تحكي إلا بلغتها واللغه الأجليزيه ولاتفهم عربي أبدآ ..
المهم أن أخوي وزوجته كلهم رايحين لدواماتهم وعيالهم الصغار نايمين وأنا كنت توني صاحيه ونزلت أبي أفطر كان الوقت الصباح..

إلا الخدامه بوجهي جالسه تنظف الصاله ..


_شافتني أبتسمت : هيلو مدام ..
_أبتسمت لها وأبي أطلبها فطور واطلع مابي أكثر حكي وأتوهق: هلو .. أي وونت ..... أي وونتpb036 >>> (كلمة فطـور ضاعت) ..
أي وونت .... مايكروسوفت :D..

_طيرت عيونها: وات ؟؟ :eek:
_وأعيد الجمله وأنا أأشر يدي على فمي يعني (أكل) وواثقـه من كلامي: مايكروسوفت..

_قالت: أهاااا .. بريك فاست ..
_أنا كأن أحد صب علي مويه بارده من بردة الأحـراج pb036: يس ..

بعد ساعه كذا رحت أبي أتهرج معاها_ مسويه إني ذوووووق ,, أبي أسألها عن طبيعة حياتها وإذا كانت متأقلمه بالشغل في السعوديه.. ومن جهه ثانيه أبي أرقع لنفسي عقب الفطور .. وياااا شينه من ترقيعه جبت العيييييد بدري ..

قلت لها: طفل كويس ؟ >>> أشرت لها بيدي للأرض وهي فهمت إني أقصد أطفال ..

قالت: تشيردلن بربلـم ! >>> تحلطمت بكلام كثير لأن عيال أخوي حيل ملاقيف ..

عاد أنا أبي أمدح لها عيال أخوي الثاني ومتحمسسسسه قلت: ماي أأأ .... ماي أأأ >>>> (كلمة أخي بالأنجليزي ضيعتها) :(
أفكر وأضرب ع الثلاجه :
ماي فوت بول ... لأ ... ماي فريند ... لأ لأ ياربي .. مااااااي.. :Dpb027

الخدامه فتحت فمها تحسبني أنهبلت ,, وش جاب الكوره والصديق؟؟
وأنا مستمره أفكر قلت: شفتي أخوي "سميته بأسمه" وأشرت بأصابعي _ سيم سيم هذا ..
قالت: برذر ..

قلت: ايوووه برذر تشيرلدن فري ناااااايس و نو برمبلم ..>>>> (هنا مسكت معاي بربلم وتشيردلن وكل سوالفي بهالكلمتين) ..

شوي وسحبت نفسي ووجهي ثلج متفشله منها _ وماعاد سولفت معاها في ذاك اليوم أبدآ ...




* قبل فتره كنت جالسه بالمطبخ أجهز حق طلعة البر ..
ومحتاسه وأرتب وأعدل مع أمي..
رن جوالي بمسج ولما فتحته وإلا كلام إنجليزي أحسبها من الإتصــالات قطــاف أو حاجه زي كذا خخخخخخخخخ:D ما تعودنـا نتميلـح بهاللغـه بمسجاتنـا ألا عربي وبالعافيـه نستوعـب ..

ما أدري وش مكتوب بس ناظرت تحت وإلا تطلع من "خطيبـي" كاتب أسمه تحت وهذي أول مره يرسل لي من بعد الملكه pb094..
ويوم شفت المسج أنجليزي وأعصب وأتنوفخ : وش قصده؟ ليييييه يرسل مسج مايدري أني ما أفهم؟ وألا يعنني مدرس أنجليزي يتفلسف علي من هالحييييييين .... >>>> أخلاق نصراويه خخخخpb027pb189

وأروح لخدامة أخوي أبيها تترجم وأتذكر أنها تترجم بالإنجليزي بعد يعني ما قام منها شي :(.... بس خليتها تفهمني بالأشاره!! أشـّرت بيدها يعني (يبي يتصل بعد عشر دقايق) وأصررررخ : لأااا ماني فاضيه ..

طيراااااان لأختي وأصحيها من النوم عشان ترد ع المسج لأن اللغه عندها أزين مني ..
وأحن فوق رأسها فيني الصيحه: أكتبي بسرعه ألحين تمر عشر دقايق ..
كتبت بس عندها شوية أخطاء وتبي خدامة أخوي تصحح لها_
وأنادي الخدامه وتجلس تكتب على ورقه وأختي تنقل بالجوال .. يا حراااام توتروا معاي وأنا كل همي يروح المسج قبل العشر دقايق ..

راحت وتنفست الصعداااااااء أرتحتتتتتتتتتت .. بعدها رد خطيبي بمسج إنجليزي بعد: good luck ........ ألخpb094

هذي عاد فهمتها من نفسي .... وأعصب مره ثانيه: لييييه يقول حظ أوفر يعني مارح يتصل مره ثانيه؟ مو لازم أصلا مابي أكلمه >>>> ماقلت لكم أخلاق نصراويه خخخخخخخخ:Dpb189

عملت دراسه وأكتشفت إن اللي يشجعون النصر عصبيين ومتعصبين خخخخ:Dpb189



تصدقون .. ألحين كل ما أكلم خطيبي يجلس يمدح بالمسج يقولي: لغتك الإنجليزيه حلوه ما شاء الله .. >> بلاااااااه مايدري وش النكبه اللي صارت من وراء هالمسج .. مارح اعلمه إلا عقب العرس مابي إخرب الصوره الحلوه اللي راسمها عني pb094;)..




(بعض الأشخاص تحرجهم اللغه لما يسافرون برا عشان يكملون دراستهم أو يروحون سياحه أو رحلات علاجيه)

* واحد من عيال عمي يدرس ببريطانيا من خمس شهور ..
أتصلت عليه أمه قالت: هاه ياولدي بشر عسى صرت تعرف تحكي إنجليزي مثلهم؟؟

قال: الحمدلله .. أول اسولف بيديني ورجولي لما أحكي معهم عشان يفهمون و ألحين الحمدلله بس يديني (يحاول يشرح للناس ويفهمهم بكل جسمه) خخخخ pb192pb189..

قالت أمه: يالله عقبال ما تهجد يدينك وينطلق لسانك ..pb095





(بغض النظر عن الكلام .. أحيانآ الأسماء الإنجليزيه ونطقها يسبب إحراج .. خصوصآ الأجانب عليهم أسامي غريبه)


* صديقتي مصوره بجوالها فلبينه معها بالدوام ؛ خبركم عاد الفلبن يحبون التصوير؛
فتحت جوالها وأناظرها ..

قلت: من اللي بالصوره؟
قالت: ميني..
قلت: هذي اللي لابسه أبيض..
قالت: ميني ..

"عصـّبت عليها وأصرخ": مصورتها وما تدرين مني؟؟:mad:

قالت: أسمها "ميني" ..


[ لما نسأل عن وحده نقول: مني؟ يعني من هي؟ وبالنطق تطلع كذا ..]







b.r.b 2

:sm4:

وتين..~
24-12-2009, 01:13 PM
( فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )


* وحده من صديقاتي تدرس في الكليه بإختصاص طبي يعني معها لغه ..
كان عندها موعد أسنان واللي تعالجها دكتوره سعوديه و مساعدتها سعوديه بعد ..

ولما جلست على كرسي المريض صارت تتكلم الدكتوره بـ كلام انجليزي على أساس ان اللي قدامهم ما تفهم شي (يعني تحش بالمريضه ) pb093..
سألتها الدكتوره : اي سن تشتكين منه ؟
قالت : upper right first molar ..
الدكتوره : :eek:!!!!!!!

أنصدمــــــوا و وأنحرجـوا من أنفسهم .. وبعدها بدأو شغل ولا نطقوا بأي حررررف!! pb034







هذي من ضمن المواقف اللي مرت علي ..
أكيد إنتم مريتوا بمواقف أكثر :sm12: في سوق أو مطعم أو سفـر أو مستشفـى أو حتى في أيام المدرسـه..

أتحفوني ولا تنحرجون ولا شي لأن مشكله الأحراج مع عدم أتقان اللغه الأنجليزيـه مشكله على طول الأيام والسنوات ومالها حل إلا (الإختـلاط) بأشخاص يتقنون هاللغه ...
أستغفر الله pb036 تراي ما أحدكم ع الشر بس الكل أجمع على أن هذي أفضل طريقه بدون دراسه ولاشي .. يعني بـ ممارسة اللغه : )
بس ممكن يصير أختلاط إيجابي ومؤدب زي عيال أخوي ذولا صاروا يتكلمون مثل الخدامه.. والله يقولون كلمات ما نفهمها إلا بترجمه من أمهم وأبوهم:rolleyes: ..


وفيه حل ثاني وهو (مشاهدة الأفلام الأجنبيه) بس هذي عذروبها إن عيونك تنحول وإنت تقرأ الترجمه وما يمديك تشوف أشكال الأبطال خخخخخ pb027:D.. أعرف كثييييير تطورت لغتهم من الأفلام بس مشكلتي ما أحب أتابعها ...

لاحظوا أني أعطيكم حلول وما أعلم نفسي أول;) ..

بس ما يندرى يمكن بعد سنه أدخل الأقلاع وطواااالي أروح للأكاديميه_ ما أجلس في القهوه أبدا يعنني صارت عندي لغه خخخخخ:D _ وتصير رتبة عضويتي إنجليزيه pb034pb189..
ع العموم اللي عنده حلول أضافيـه غير اللي قلتها ينورنـا عسى ربي ينور دربـه ..


تحذير: ماحد يرد ع الموضوع بإنجليزي! خلوها فضفضه بالعربي لأن عجزانه أترجم :D..
اللي يخالف هالتحذير راح أكلم المشرفين يحذفون رده خخخخخpb027 أو أقيمه سلبي عناد فيه >>> عسسسسبت النصراويهpb095pb189

بارد بارد
24-12-2009, 01:17 PM
قريت الموضوع من اوله الى آخره يالنصراوية
وكلامك كله صحييييييح وميه ميه
ونحن نعاني كثيرا كما تعانين
ولكن مع فرق المستويات
انا مثلا افهم اللي قدامي وش يقول بس ما اقدر ارد عليه
اقرى وافهم وش مكتوب غالبا
لكن المشكلة تدرين وين
اننا ماعندنا شجاعه .... نخاف نتكلم ونغلط
شوفي اللي صار بس يعتمد على يديه بعد ماكان يرفس برجليه
كلها محاولة وخطأ
وبعدين نتعلم من اخطاءنا

المواقف اللي مرت عليك محرجة بجد وكثير مرت علينا
بس ما اذكر شي معين

لكن موضوعك خالص <<<< محمود بو شهري pb030
اقصد عقب ان شاء الله ماتصيرين مع رجلتس
بتضطرين تعرفين وتفهمين انجليزي


وزارتنا تخبص وتخبص ولا تحسبين ان سادس ابتدائي ولا حتى اولى ابتدائي حل للغة الانجليزي
المشكلة بالمجتمع اللي نعيشه
مثلا انا في دبي شفت عائلة اماراتية تتعشى ويسولفون مع بزارينهم ( ست عشر سنوات ) بالانجليزي واحيانا ينسون ويذب كلمتين عربي هههههههههخخخخخخخخ

انا زعلت لانهم بيضيعون عليهم لغتهم العربية وفي نفس اللحظة قلت ياحظ عيالهم اذا كبروا

ولاتنسون ان المسألة حثت عليها السنة النبوية ( أمن مكرهم )

دعابة ؛ بما انك نصراوية حاب اسألك هل تعانين من الضغط والسكر هههههههههخخخخخخخخخ

شكرا ومعليش .. خلصت حبر الاقلاع ههههههههخخخخخخخ

L A H N
24-12-2009, 01:22 PM
يووه يآوتين فتحي قرررح كبير:(

أنا أنسآآآنه من يوم أني بسآآآدس كنت أتسآرع الأيآم والخطآ عشآن أدرس هالمآده بأولى متوسط
كنت متحمسسسه لهآ وبقوه المهم قدر الله علي وتحقق حلمي وصآرت دووره بسآدس لهاللغه لفئه من البنآت وأنا من ضمنهم..
درسنآ هاللغه بس كآنت مختصره جداً يعني سهله درسنآ الحروف وش أسمك وش جنسيتك من هالأسئله...
المهم طلعت بشهآده أمتيآز بهالدوره
رحت لأولى متوسط قآبلتني مدرسه سعوديه بس دآرسه بأمريكآ يعني لغتهآ معقده جداً
من أول حصه مآانسى ذآك الموقف كنت محتآجه أني أودي دفتر للأستآذه أستأذنت منهآ أني أطلع أوديه
تكلمت معي بانجليزي اللي أذكر من كلمتهآ أنه نو بروبلم روحي أنتو تشوفونهآ سهله بس أنا بذآك الوقت مدري وش تقول pb036 الله يرجك توني صعطوطه على هاللغه تكلميني كيذا قمت أناظرهآ يعني وشو والأخير يعني:D
شآفتني وآقفه مآرحت قآلت لي طيب روحي pb027

طووول درآستي معها كرهت الأنجليزي واللي أخترع الأنجليزي كآنت أسئلتهآ أكبر من مقدآر فهمنآ لهالمآده من يوم أني بسادس كنت أتمنى أتقنهآ بالأخير كرهتني فيهآ هالأنسانه كنت أجيب درجات فيهآ مآتعجبني كآن لمآ يجي الأختبآر أحفظ الأجابآت بدون ترجمه ولا فهم وهذه غلط غلط شنيعpb036 كآن كآبوس عندي مآدة الأنجليزي حآول أبوي هنا هنا يحببني فيهآ بس مآش العقل مو مستوعبهآ بكل أختبآر كآن هو اللي يدرسني لأن أبوي يتقن هاللغه بحكم شغله وكآن يبيني أحبها بس مآآآش مآفيه أمل قآم طول هالسنين ويآآآي كآن يشجعني بس مآفيه أمل كنت أقوله خلآص يبآآ كرهتهآ وقسم باللهpb036 مآأفهم فيهآ دخلت دوره بس طلعت منهآ دوره ودرآسه مآيصلح عندي يآأدرس لهذه ولا لهذه المهم حطيت لي مُدرسه وتخرجت من المتوسط والحمدالله بدون أصآبآت الى الثآنوي قآبلتني معلمه عسسل تترجم كلش بالعربي كنت أفهم للمآده ورجعت حبيتهآ أبششركم:D
كآنت هالمدرسه تشرح وبعدها تترجمهآ لنآ بالعربي يعني نعرفهآ بالأنجليزي ونعرف معناها ونعرف وش هي تقول فرسخت عندي عرفت أشيآآآء كثيره على انها بسييطه وسخيفه والمفروض مجرد درآستي بالمتوسط أعرفها بس للأسف توني أعرفهآ بالثآنوي المهم من بعد ربي ثم هالمعلمه درست الانجليزي ودرجآتي بأمتيآز وأخذت شهآدة تفوق فيهآ بس للأسف مآأتقنتهآ بالشكل اللي أنا أبيه يعني بآلنسبه لدرآستي من متوسط المفروض أكون عآرفتهآ بس للأسف تطوري كآن قليل لأني مآتأسست من الأول وهذه نقطه منقهره منهآ:( يعني المفروض على درآستي لهالماده ثلاث سنين بالمتوسط أعرف أشيآء وأتأسس صح ..

وهذه أنا أطور من نفسي فيهآ وحآطته هاللغه في بآلي أني أتقنهآ
المشكله يآوتين أني أعرف أقرى وقرآئتي ممتآزه بالأنقلش بس مشكلتي مآأقهم وش هو مكتوب بالأصل يعني عندي ضعف بترجمة الكلمآت مدري وش معناهم كل كلمة أحط وش معناها بس من يجي بعدين أنساها على أنها مآره علي
وعدت نفسي من أدخل الجآمعه بسجل بدوره أو بأي شي يخليني أقوي لغتي
أبي تكون هاللغه لغتي الثآنيه وكثير أدخل الأكادميه وأستفدت شوي منهآ قمت أشتري كتب تطور للغه قمت أشوف أفلام بدون ترجمه قمت أفهم وش هم يقولون بس قليييييل يعني كلمات بسيطه يعني ربع الفلم فهمت كلمآتهم أما ثلاث أرباعه لاpb027 يعني لو تقولون لي تكلمي مع فلبيني أنجليزي أوكي بتكلم بس لمآ هو يكلمني بأنجليزي مدري وش يقولpb027
لأني بتكلم على قدي وعلى حجم كلماتي المحدوده فهو بيحسب أني بلبل فبينطلق بالانجليزي:D
وخاصة أنه عندهم سرعه ماشاءالله تبآرك الله وش يلحقني أستوعب pb027

حتى قررت بعد مآأتخرج أن شاءالله أدخل تخصص أنقلش بس خفت أنه يصعب علي ولا أقدر عليه خآصه أنه مو مثل الموآد اللي ندرسهآ يعني بنتعمق فيه ويبي له على الأقل بنك كلمآت يصير عندي وانا من هالنآحيه عندي ضعف فيهآ فتلاشيت هالفكره

تحسين ردي موضوع كاملpb027
وش أسوي موضوعك لامس شئ بدآخلي :Dpb189


تسلم يمينكbp039pb189

! Move on
24-12-2009, 01:22 PM
Hello, how are you؟
بس كلمتين عالخفيف عن خاطري يعني ..

حلو إنج تحبين تتعلمين اللغة الإنجليزية، وعلى فكرة تراها لغة وايد سهلة، وكل الحلول اللي حطيتيها حلوة. يعني إختي الصغيرة ما تعلمت الإنجليزي إلا من هانا مونتانا مع إنها في المدرسة ما يعطونها دروس إنجليزي قوية .. عادي يعني، كأي مادة ثانية. فممكن هالحل يفيدج في هالحالة.

حبيت أعلق على مواقفج .. خخخخ تراها وايد حلوة و تضحك
محد طلع من بطن أمه عالم، واللي يبي يتعلم الشي لازم يبذل مجهود
بس مثلما قلتلج الإنجليزي سهل ^^ .. وإن شاء الله يصير مثل الماي عندج .. بس صبري وتعلمي.

seeya
مع السلامة

! Move on
24-12-2009, 01:25 PM
+ سوري بس بضيف شي :
إذا تبين طريقة أسرع، وأسهل، وأمتع من هالطرق .. عليج بالقصص المصورة اللي تيج بالإنجليزي.
خذي لج كم مجلة، وابتدي اقري الحوارات .اللي فيها .
من صوب تستفيدين من الأسلوب، وتتعلمين اللغة .. ومن الصوب الثاني تستمتعين بالقصة.
جربيها ^^

روزهـ
24-12-2009, 01:31 PM
وششش الزين pb189:D

_أبتسمت لها وأبي أطلبها فطور واطلع مابي أكثر حكي وأتوهق: هلو .. أي وونت ..... أي وونتpb036 >>> (كلمة فطـور ضاعت) ..
أي وونت .... مايكروسوفت :D..

ههههههههههههههههههههههههههههههههههههه
أجل مايكروسفت وش تفرق عن البريك فاست :sm12:


يا بنت الحلال انا كنت دبشة درجة أولى انجلش pb094 بس اذا سافرت اجمع لي كم كلمه ومن أجي انساهم pb094 خخخخخخخخ
الين تأدبت وصرت امارسها بنفسي pb189 اذا حبيّتيها تحبك اللغه بس انتبهي تستحين خربطي الين يطلع الصح خخخخخخخ pb189:D
حلو الواحد يكون عنده اساس صح بعدين هو ينمي نفسه بنفسه pb189
الافلام تشكل عامل رئيسي للتعليم :Dpb189 ~> تذكرت أمي لا هاوشتني قالت انتي بس عليها اقول اتعلم لغة لازم اشوفهم pb094 خخخخخخخخخخخخخخ


موضوع حلو pb189 واسلوبك يجذب الواحد يقرا pb189:D
الله يوفقك وتصيرين تحتسين انجلش وانتي ماتدرين عن نفسك pb189:D

..bp039.,~

إلى متى ««
24-12-2009, 01:44 PM
أهلاً أهلاً وتين
ذكرتيني باللي يدخلون أدبي وبعدها ينسون جدول الضرب على طول :D
مع انه جلس معاهم 8 سنين pb036
شوفي أنا أسمع أفهم أمّا أتكلم هيهيهيهيهي قويه pb027
بس أدبّر نفسي يعني منب ضايعه الحمد الله
و عندي حصيله لغويه كبيره بس ما اعرف وين احطها :D



يوم الأثنين تاريـخ 25 جمـادى الأخــر 1425هـ صــدر قرار وزاري ينص على تدريس اللغة الإنجليزية في الصف السادس من المرحلة الابتدائية

ويا ليت فيه فايده منهج سادس زي منهج أول متوسط :sm5:

.
.

يعطيك العافيه bp039

miss.najla
24-12-2009, 02:01 PM
لا تفتحيييييييييييين الجرح :sm1: :sm1:
والله إني كل يوم أدخل الأكاديميه أحاول القط لي كم شي :confused:

من مواقفي باللغه كثيره بس فيه واحد مستحيل أنساااااااااه pb093
قبل ثلاث سنين كنت أنا وبنت خالتي بماكدونالز pb189
وانا دبشة مادري وين الله حاطن رحت أنا وبنت خالتي بنطلب pb189
قالت بنت خالتي ون ماك فلوري بلييز pb189
التفت لمي وقال اند يوو
أنا قلت اااااااااااااااا اااااااااااا مثله pb131 pb131 :confused:
قالي whate pb036
بتلت أقووله مثل هذي بنت :(
وبنت خالتي ميته من الضحك علي قسم ذيك المره جتن الصيحه :(

عارف وساكت
24-12-2009, 02:04 PM
للاسف هذا حال اغلب الشعب لان الاساس عندنا معدوم لا مناهج مثل العالم ولا استاذه مثل العالم يعنى استاذ الانجليزى يتخرج ويدرس وهو مايعرف يتكلم انجليزى لا بلبل ولا عصفور على قولك هههههه ... والله هذا اللى لا حضته من خلال دراستي وانتم اكيد مريتوا بنقس الشئ ..


انا يصراحه استفدت من الافلام كثير وكمان المباريات احط التعليق عالانجليزى وكنت بفتره ادرس برمجه دراسه ذاتيه واستفدت من المصطلحات اللى مرت على ...
اعتقد ان التعليم الذاتى سماع اشرطه قراءه كتب مشاهده افلام + اختلاط هو انسب طريقة للتعلم ..

شافتني أبتسمت : هيلو مدام ..
_أبتسمت لها وأبي أطلبها فطور واطلع مابي أكثر حكي وأتوهق: هلو .. أي وونت ..... أي وونت >>> (كلمة فطـور ضاعت) ..
أي وونت .... مايكروسوفت ..

_طيرت عيونها: وات ؟؟
_وأعيد الجمله وأنا أأشر يدي على فمي يعني (أكل) وواثقـه من كلامي: مايكروسوفت..

ههههههههههههههههه ههههههههههههههههههههههههه والله مت ضحك هههههههههههههههه

تصدقون .. ألحين كل ما أكلم خطيبي يجلس يمدح بالمسج يقولي: لغتك الإنجليزيه حلوه ما شاء الله .. >> بلاااااااه مايدري وش النكبه اللي صارت من وراء هالمسج .. مارح اعلمه إلا عقب العرس مابي إخرب الصوره الحلوه اللي راسمها عني ..

ترا مافى زى المصارحه في هذه الفتره عشان الصدمه ما تكون قوويه عليه ههههه

مشكوور ع الموضوع bp039

ودامك نصراويه فلا حرج عليك ههههههههههههه أمزح

د . سناء
24-12-2009, 02:06 PM
.
.
.
الله يوسع صدرك pb189 موضوع خفيف عالقلب ..
الانجليزي بهالوقت محد يقدر يعيش بدونه .. في كل مكان المستشفيات البنوك حتى النت ..
احيان تصير مواقف سخيفة بسسب جهلنا بهاللغة .. مدرسة الانقلش عندنا كانت تتكلم عن اهمية هاللغة بوقتنا و ذكرت لنا موقف بستشفى مرت من جنب الاصنصير و كان مكتوب عليه Broken elevator << المصعد معطل .. و مليان ناس حوله تنتظره يفتح لانهم ما قروا الكلمة او مافهموها .. و ناس تمر و تطالع و تضحك و محد نبههم :mad: وقاحة هالي يضحكون طيب اوكي طايح من عيونكم ما يعرفون انقليزي لكن نبهوهم لوجه الله :D

و بعد وحدة من قريباتي .. كانت بالحرم و جنبها الرفوف الخشبية الي يحطون عليها الناس اغراضهم .. المهم جتها وحدة ايرانية و كلمتها بالانقلش تقول لها جيبي الشنطة من فوق الرف لانك اطول مني .. هذيك تنحت :D خخخخخخخ
عادت الحرمه الجملة .. راحت قالت لها what ? what ? .. المره تعيد و تزيد و تأشر بيدينها و رجلينها و هذيك اشتغلت مثل الشريط .. وت ؟ وت ؟ وت ؟pb036
مسكتها من يدها و سحبتها و اشرت لها عالشنطة .. ابتسمت ابتسامة عريضة و قالت اوكييي اوكييي ..
من فترة تخرجت و انعرض عليها وظيفة بس كلها بالانقلش .. قلت ايه هم يمسكونك من يدك و انتي وت و اوكي :D

يعطيك العافية وتين bp039

RainAroma
24-12-2009, 02:09 PM
مع الانترنت ومواقع التعلم والافلام والكتب الالكترونيه والاذاعات ع النت وسكايبي والمسن ...صارت تعلم الانجليزي اسهل بمراحل من اول pb189...واتوقع نفس الحكايه مع اي لغه غيرها ...يعني حجة ان مافيه اماكن للممارسه هنا لازم ندور غيرها :D

طيراااااان لأختي وأصحيها من النوم عشان ترد ع المسج لأن اللغه عندها أزين مني ..
وأحن فوق رأسها فيني الصيحه: أكتبي بسرعه ألحين تمر عشر دقايق ..
كتبت بس عندها شوية أخطاء وتبي خدامة أخوي تصحح لها_
وأنادي الخدامه وتجلس تكتب على ورقه وأختي تنقل بالجوال .. يا حراااام توتروا معاي وأنا كل همي يروح المسج قبل العشر دقايق ..


ودي انك علمتيه انك ماتعرفين ولا اذا عزمتي ماااره سوي انك فهمتي وارسليله رد بالعربي كذا مثلا: ((ههههه اهم شي الضحكه :D مشغوله والله ..اممم هههه ولاعاد تعودها وترسل بالانجليزي...لان ثقافتي فرنسيه يابعدي))<<< بتجيب اجل العلاقه :D ....
نرجع لموضوعك :
اللغات بشكل عام احبها وعندي شغف pb189 اتعلمها ولي مع تعلمها وقفات <<< pb036 ......
1-اذكر شغالتنا الفلبينيه كانت تتكلم انقليزي كوووويس واختي تسولف معها فالمطبخ ولما تطلع اروح بعدها بدون ماتدري واسولف مع الشغاله وتجلس تضحك علي كلماتي وتسفهني وتعطيني كم كلمه وهي تغسل pb036
.......
2-وخواتي واخواني الاكبر مني يعرفون انجليزي بحكم الدراسه والشغل... وكانوا يسولفون بالانجليزي اذا فيه شي سري pb034 ... وكنت امووت فافلام القناة الثانيه واهم شي لغز الكريستال ابوصلعه pb189واتعلم منها كلمات واطبقها عليهم وكانوا يموتون ضحك علي لاني انطق غلط واتهور بكلمات صعبه :D وكان معي دفتر اكتب فيه الكلمات الجديده بحروف عربيه وكانت اختي تمر من عندي وانا انقش وتقول هذي موب طريقه تتعلمين فيها pb093 ...وسحبت عليهم وواصلت وتحقق الحلم ودخلت القسم اللي احبه pb189 وصرت ارطن معهم انجليزي ...وبالهنا والشفا <<< الله يشفيك :sm3:
........
ايــــــه ايام البريسز كان عندي موعد شد وتمغيط ... والدكتور السوري جلس يسولف مع الممرضه انجليزي مكسسسسسسسسسر ويضحك معها :cool: ويحسبني ما ادري وش يقولون pb094 عاد يوم خلصوا الدكتور رجع لمكتبه و قامت الممرضه تعدللي الكرسي قلتلها..
بالانجليزي والدكتور يسمع انه الشد يتعبني ودي اشتري مسكن ممكن توريني وين الصيدليه... فبهت الذي كفر pb034 ...
عاد الجلسه اللي بعدها الدكتور يسولف لاخوي كالعاده وهو يشتغل وقال: بدي اسافر ع فرانصا = فرنسا ...وان دراستي للطب كانت بالفرنسي وانا الانجليزي تعلمته بعدين ومدري وشو <<< رقع رقع :D ....وعن التميلح للممرضات :)
...............
اسفه عالاطاله بس الحديسو زو شقون :D
موضوعن يهوس
ينطيك العافيه
bp039bp039bp039bp039

محظوظة ومبروكة
24-12-2009, 02:12 PM
:(جبتيها عالجرح :(



من ناحية الدراسة من جد اجل 6 سنوات ندرسها abcd والاسماء والافعال الخمسة

نعيد ونزيد فيها خلال ها6 سنين

انا اقول اكبر غلط وغلط تعودنا علية للاسف وصار يتعب خصوصا بالدراسة بالجامعة :(

الغلط من هيئة التدريس والمدرسات عموما ..

المفروض حصة الانجليزي كل شي يكون فيها انجليزي

اللي عندنا المدرسة تتكلم عربي ... الحوار مع الطالبات بالعربي ؟؟!!

حتى الشرح عربي ×عربي

هذا غلط ويضر الطالبة اوكي اول مرة ثاني مرة وبعدين شوي شوي لمن يتعودن على اللغة

ويفهمون الكلام pb189

انا وحدة تعبت يوم كنت ادرس بالجامعة الصراحة عندي مادة انجليزي ادارة كانت شرح ×شرح وياليت تحفظين الكلام لا .. شرح من فهمك بعد :D

انا اطقطق بالانجليزي يعني اهون من غيري بس هالمادة طلعت لي الشيب :D <<ماتعودت الا يس ونو واخرتها شرح وبرزنتيشن وحالات قوية :D

يعني يعطونا السهالات بالمتوسط والثانوي واخرتها التعب يجي بالجامعة pb093


بصراحة المناهج عليهم اكبر ×

شوفو غيرنا وين وصلو واحنا هذا حدنا abcd pb093

والحين يعني طلعوا بشي جديد من 6 الانجليزي نفس الموال بس بدل 6 سنين abcd والاسماء والافعال الخمسة زادو سنة pb093

ومن ناحية المواقف اللي قلتيها

ماتنلامين دامك دارسة بالسعودية ومدرسة حكومية pb189:(



bp039

doab
24-12-2009, 02:26 PM
موضوعك كنت اعاني منه قبل سنة او سنتين

كنت في الثانوي ما افهم انجليزي ابدا ابدا ابدا

اش ما قالت الابلة ما افهم منها شي يعني اذا جاوبت اجاوبها من الكتاب نفسو بس انها تسالني شي من ذاكرتي

اتنح واتلخبط ووجهي يسير احمر وصحباتي طبعا يرقعو يردو بدالي

مع اني كنت ادرس بمدرسة خاصة من التمهيدي يعني ادرس انجليزي

بس اش دراسة كانت زي وجههم

بس الحمد الله دحين مع اني كنت اقول مستحيل اتعلم انجليزي اش ما سار

لاني اكره دي المادة

بس اول ما دخلت الكلية لانو نظامها الدراسة كلها انجليزي يعني لازم اخذ كورسات انجليزي عندهم

وبصراحة مررة استفدت منهم وصارت لغتي مررة كويسة وحبيت الانجليزي

الحمد الله

وعقبالك يارب يسيري بلبل انجليزي

A L A N O D
24-12-2009, 02:28 PM
اوما مايكروسوفت هههههههههههههه
i hope to be a good speaker in the future
just don't despair pb095 < ماتعاند ابدن :D

manalo
24-12-2009, 02:30 PM
يالله كانت احب مادة عندي
والماده الوحيده اللي ماشيل همها ابداً
شوفي علشان تتعلمين لازم اول شي تحبين اللغة
ثاني شي الارادة والعزيمه على اتقانها
وفكرة الافلام مره حلوه وتساعد اكثر من الكتب
وذكرتيني بموقف في عيادة اسنان :D
كان الدكتور سعودي وهو يحفر بضرسي طايح حش مع الممرضه عن دكتورة معهم
واخوي مايدري وش الطبخه .. بغيت اقوله عيب عليك بس خفت يقولي وش دخلك pb036
طلعت من هالموقف انهم ماخذين فكره عن ان السعوديين ميح بالانجليزي pb093
والشرهه على وزارتنا الموقرة
وعقبال ماتدخلين الاكاديميه وتكتبين مواضيع زيك زي غيرك ;)

دنيآ حظوظ
24-12-2009, 02:36 PM
عاد أنا أبي أمدح لها عيال أخوي الثاني ومتحمسسسسه قلت: ماي أأأ .... ماي أأأ >>>> (كلمة أخي بالأنجليزي ضيعتها) :(
أفكر وأضرب ع الثلاجه :
ماي فوت بول ... لأ ... ماي فريند ... لأ لأ ياربي .. مااااااي.. :dpb027
الخدامه فتحت فمها تحسبني أنهبلت ,, وش جاب الكوره والصديق؟؟
وأنا مستمره أفكر قلت: شفتي أخوي "سميته بأسمه" وأشرت بأصابعي _ سيم سيم هذا ..
قالت: برذر ..

ههههههههههههههههههههههههههههههههه يآزينك واللهpb027

آنآ آكثر من مره آقول بتعلم بتعلم ولكن:sm18:

عآد توه هآلأسبوع صآر لي موقف حسيت آني مآآآلي دآآآعي pb093

سجلت حساب بموقع imvu(وهو شبيه بالمسن بس فيه نآس يتحركون وهيك :sm5:)

عآد هآلموقع آغلبه آجآنب ..وآنآ دخلت متنحه مآدري آيش آلهرجه

وآدخل عآلنآس اقول hi<يعني آني خويتهم :D

يردون علي عشر كلماتpb036

لين صاروا يتريقون علي ويضحكوون pb094 ..طبعاً آنآ فآتحه الوآفي وشغآله نسخ ولصق pb027

طبعاً محد طول وسولف معي آللي يطلع وآللي يطنش:cool:

بس خش مزآجي هآلموقع آحس بيطلع منه فآيده عسآني مآحصل فيه عرب لين آستفيد pb095

هذيان
24-12-2009, 02:39 PM
ههههههه ياحبي لك أجل مايكروسوفت :sm5:
شوفي الله يسلمك , تعلم لغة جديدة للطفل هو بمثابة تغيير له في تصرف أو طبع
وبيكون شي صعب , وهالكلام ينطبق على هالطفل لما يكبر ويصير بالمتوسط ..
الحاجة لدراسة اللغة من الإبتدائي الصف الأول مطلوب جداً , ماعرف ليه مرفوضه للآن
يعني مجرد إستفتاحية للطفل باللغة بيكون مساعد له يحبه بالصفوف المتقدمة ..
عشان كذا تلاقين متوسط - ثانوي ويطلع منها ناسي كل شي , أصلاً بيكون ماصدق تخلص منها
يعني نرجع لمحورنا الأول اللي هو تغيير شي بالشخص أمر صعب .. ببعدك عن اللغة وأقولك
الأسهم اللحين موجوده في كتب البنات ثالث ثانوي , واللحين تقول أختي ليه يعلمونا إياها
ماراح نستفيد , مع إنها لغيرها ممكن تفيد , مجرد ما إنه علم راح يفيدك مستقبلاً ..


بالنسبة لمواقفي بالإنجليزي ههههههه ماقد توهقت برا لإن الكلام خفيف أصلاً مهب ذاك المحادثة
الصعبة , العلة بالكلاس ولا برا , يعني من المواقف اللي ودي إن الأرض انشقت وبلعتني :(
كنت مع وحده من البنات تسلم على أستاذة تدرسني جت الإستاذة تكلمني حسيت بحرارة في وجهي
وعروق دمي صارت زرقاء ههههه فسفورية اللي تبين وعجزت أبلع ريقي هذا كله حياء لين
جينا للنقطة الثانية اللي هي لازم أحكي إنجليزي معها لإنها ماتفهم عربي أصلاً بدل ماقولها إنتي
درستيني كورس الترم الماضي قلت أنا درستك الكورس الماضي pb093 ..

و من المواقف بعد , تسألني وحده من الإستاذات متى سجلتي المادة وجاوبتها وبعدين تنحت
شوي وماظنيتها تكلمني واثاريها تكمل حكيها معي وانا ساكتة :D تحسبني مافهمت عليها ,
يوم نبهوني إنها جالسة تحاكيني قلت يس وعادت كلامها وجاوبتها .. ياشين إذا يحقرونك
يحسبونك مافهمتي وأنتي فاهمة بس الحكي يضيع :(:D


ومره بعد كنت متأخرة يوم دخلت الكلاس قالت لي why you are late قلت لها سوري :D
ردت علي وين أصرفها سوري , وقتها أنا مدري وش تقول تنحت اناظرها لين رجعت كملت
الدرس مشيت وخليتها pb095


أشين شي يصادفني إذا جيت متحمسة بتكلم إنجليزي مع وحده من الإستاذات وشوي افتح فمي
إلا هي تتكلم عربي , أقوم أفلها عربي pb093 قتلت حماسي :( . وبعضهم ماتتكلم إلا إنجليزي
سواء حكيتي عربي إنجليزي هذي بجد تعجبني pb189 تعطيك ثقة إنك قادرة تتواصلين معها ماتكسر
الحاجز وتعطيك عربي ..




موفقة ياقمر , وترى سهله اللغة للي يحبها طبعاً , pb189

Iknow
24-12-2009, 02:52 PM
السـلام عليكم ورحمه الله وبركاته ..!!

والله موضوعك جاي بوقت كنت افكر اكتب عنه .. ومع مغامراتي باللغه الانجليزيه مع اصدقائي الاجانب :d .pb095.!!

لاني طلعت روحهم خخخخخخخخخخ :d pb094..!

انا من لما كنت في الابتدائي اللغه الانجليزيه كنت احبها كثير ..والي مخليني احبهاا اكثر ابوي .pb094pb189. لان هو كان يعلمني ..!

كنت فرحانه كثير لما رحت المتوسط على الاساس بتعلم اللغه وبصير بلبل بس مااش صدمت بـ الواقع المر .. الاستاذه كانت فاشله والمنهج افشل :( :(

وطول فتره وجودي في المتوسط كنت كارهه حصه الانجليزي .:sm18:. لما رحت الثانوي عجبني المنهج حسيت بدينا نتعلم اشياء جديده وقواعد .. وجبت لي مدرسه خاصه وعلمتي كل شي والحمدلله علاماتي بدت ترتفع بـ الانجليزي وخوياتي بدوا يتلزقون فيني اغششهم في الامتحان ..:d .;).!!


وتخرجت من الثانوي وقلت بدخل قسم انجليزي بالكليه بس للأسف يوقلون خلاص مكتفين :rolleyes:

لكن ما يأست ورحت درست في معهد الحمدلله الحين تحسنت لغتي كثير وصرت اقدر اكتب واقراء بطلاقه مع وجود بعض الاخطاء لكن نقول ككل اعتبر جيده جداً .pb094pb189.!

وتوته توته خلصت الحدوته ..:d pb094..!!

( فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )

خخخخخخ ذكرتيني بـ ابوي لما كنت اروح معه للمواعيد الدكتور بريطاني ويجلس يسولف وهو وياه وانا جالسه مدري وش السالفه انقهر احسهم يحشون فيني ... المهم اقعد اسوي نفسي فاهمه اذا شفتهم يضحكون ضحكت معهم .:d pb094..!

تذكرت برضوا موقف مره كنت انا واختي بمطعم .. والي يشتغلون كلهم من الفلبين .pb030. ولا واحد يتكلم عربي فيهم المهم جانا واحد وقام يسولف ومدري وش يقول وكذا ..الي فهمته منه انه يبينا ندخل ونغير المكان عشان الحين صلاه وعطانا المنيو .. وهو يأشر لمكان بعيد ..قامت اختي تصرفه تأشر بيدها وتسوي حركه انها تسوق وقالت ( بابا اوت سايد ) pb036<:d وقام هو وابتسم قال اوكي ..!!:d

واختي تقولي افلقيني اذا فهم وش قلت ..!:d

قاعده اقول لاختي ودي ارجع الحين له وقوله ترا يوم نجيك ذاك اليوم ما كان عندنا لغه ...pb027pb189 ..!!

( طبعاً هذا كله قبـل اخذ لغه ) ..:d ..!

اخذت اربع سنوات من عمري اتعلم اللغه الانجليزيه:( عيال اختي ساكنين في دوله ثانيه شهر بس اللغه صارت عندهم ممتازه .:).مدري وش السبب المنهج والا الاساتذه :rolleyes:!!

بس جتنا استاذه انجليزي وعطتنا حل .. وفعلاً نفع معي الحل ..!! pb094pb189


وتين.bp039. مو صعبه اللغه الانجليزيه اذا كنتي فعلاً تبين تتعلمينها .. سهله واسهل من العربي كمان .. بس يبيلها تأسيس صح .. وممارسه ..!!


يعطيك العـافيه .bp039.!

:: E 7 S A S ::
24-12-2009, 02:52 PM
آآح بتلسع :D

موضوع قميييل جدا ..
أنا أدرس أنجليزي .. وعندي عقده من مواد العربي :( والله اني ارسب بالعربي وأنجح بمواد التخصص :(:sm1:
عندنا مدرسه سودانيه تقولي آآيوا أنتي خواجيه pb027 pb094
بس الأنجليزي ماده حلوه و ممتعه الدراسه فيها pb192 بس أن عندي مشكله فالحكي مب أن ما عندي حصيلة فوكااب (شكلي بنجلد pb036) بس إني أخاف أغلط ثم يطيح وجهي pb192
الكتابه عندي حلوه و ءألف قصص أطفال pb024 (غير معده للنشر بيني وبيني :D ) وحتى الفهم .. وأحاول كتب المترجمه اقرأها بالأنجليزي pb094
إلا شيء واحد بالأنجليزي ماحبيتو - الشعرpb093- ما أحس فيه اللذه اللي بشعرنا العربيpb094

الحمد لله ما قد صار لي مواقف كذا :D ساعة الزنقه ادبر نفسي واصير اتكلم :D
إلا مره الوالد عزم دكتور يعالج عنده وجايب زوجته معه وهي ماتحكي عربي اببببببد وقامت تبربر معي انجلزي وأحس اني علقت في بعض الحكي فقلت لها
sorry my English not so good :):rolleyes:
وكأن ودي أقولها لا تحمسين الله يصلحتس ترا على قدي اللغه pb027

وكان ببالي فكره اني اسوي قروب لناس تحكي انجليزي بس :D واللي يحكي عربي اصقعه بلود pb027 عشان ادعم لغتي :rolleyes: بس اني هونت قلت وش انا مكلوفتن به pb192

مَاءْ
24-12-2009, 03:05 PM
I have embarrassed yourself with the maid<< مهوب عناد:D

على طاري الشغالة الفلبينة , الفلبينيات لغتهم الأنجليزية مُنطلقة كثير .. الوالدة لو يصير اللي يصير ماتجيب إلاَّ فلبينية صدق ترطن أنجليزي وبالعربي مافي إلا كم كلمة .. بس أكره ما فيها ما تحب الصغار ودي أذبحها إذا أسنفرت بوجه بزارينا :(
بس بالأنجليزي مُدرسة ماهرة وهذي حسنة الوحيدة .

الحمد لله بالثانوية كنت من الأوائل بالأنجليزي لأن كل اللي ندرسه بمرحلة نعيده بمرحلة ثانية غير أن الوالد والوالدة متحدثين جيدين ..وبالجامعة كذلك .. وبحكم تخصصي كان عندنا أسماء وعناوين ومسميات للمادة باللغة الأنجليزية والحمد لله بعد التخرج حاولت أقوي اللغة بالمركز البريطاني بس ما كملت الكورس لأني أشتقت لأهلي و رجعت :(pb189
أتحدث بشكل جيد وهذا فضل الوالدة والوالد ولا يهون شغالتنا سوزي أم السانين :D بس كتابة لازم أخبص شوي :sm5:
ومواقف ما صارت لي كثير بس دائماً تصحيح لنطق المفردة أو كتابتها بشكل صحيح .. ما أنحرج ولا أتفشل عادي pb030

أعتقد أن كل ما تقربنا من شيء صرنا نعرفه أكثر فلو مارسنا القراءة للكتب العربية عرفنا الإملاء والقاعدات , ولو مارسنا اللغة الإنجليزية حتى لو بالتدريج أكيد مع الوقت بتجيب نتيجة .

There is a book fundamentals of English for betty azar أنصحك فيه .. وشاهدي أفلام غير مترجمة كثير بتستفيدين.

حياتس bp039

**لولو كاتي**
24-12-2009, 03:17 PM
:D


يختي المشكله نهاب نحتسي لو نعرف ماش مانسطي

انا وحدتن منب اسطي والا يعني ادربي رويسي والله يطلع مني :D

ولو اني اعاني من مشكله :( تحوووق كل الفهلوه الي قلتها قبل :D

دايمن اغلط واخربط واقول he وانا احتسي عن بنت والمفروض اقول she
pb027

عاد شوفي عيون اللي يسمعني السوالف عن بنت والمقصود ولد pb036

لازم بالاخير اقول تراي الخبط معليش لحست مخك :D

نكهتي-اوروبية
24-12-2009, 03:28 PM
اي لغه في العالم مايبيلها تعلم وبس ,, اهم اهم شي المممارسة ,,

اللحين اعضاء هيئة التدريس بالجامعات نسوا اكثر اللي درسوا من اللغه لان مافيه ممارسة,,,

بعكس اللي يشتغلون مع الشركات عندهم اللغه للحين باقيه وفي تطور مستمر ,,

Sharar
24-12-2009, 03:52 PM
أهـلاً وتين..

اللغة الإنجليزية أصبحت ضرورة..
فهي لغة العالم الأولى في العلم..والإقتصـاد وحتى الإتصـال.

إتقانها بشكل كـامل هو الضوء الأخضـر للطبيب..والأكاديمي أو أي متخصص آخر
للنجـاح العالمي مثل حضور مؤتمرات عالمية ومتابعة تطور المهنة العلمي...الخ.

الآن..وإدراكاً لأهمية هذه اللغة..هناك بعض التحركات من الآباء لتعليم الأبناء منذ الصغر
سواءً في معاهد متخصصة خارج أوقات الدراسة أو حتى إرسالهم يوميا لمدة ساعتين مثلاً عند
بعض العوائل الأجنبية لتدريسهم والإختلاط بأطفالهم كما يحدث عندنا في الشرقية مثلاً.

أما مناهج التعليم..وللأسف..لانخرج منها إلا بـ ذي إس إس ويندو..دور..
أو نقول قودمورنينق على وقت المغرب!.
وإذا مرة لغتنا قوية بنقول آي وونت مايكروسوفت!

باي ذا وي:
هابي تايت فور ذا مايكروسوفت.

شكراً لكمية خفة الدم الكبيرة في النص.

Al milany
24-12-2009, 04:14 PM
الانكليزي مهم الصراحة >> جاب شيء جديد :d
لا صدز مهم لازم كل شخص يحاول يتعلم لو حاجة بسيطه

عَـروب
24-12-2009, 04:35 PM
أي وونت .... مايكروسوفت ..

هههههههههههههههههههههههههههههههههههههههههههههه


العنقليزي على قولة جدتي :Dpb189 يبيلك تكونين في وسط ناس وتظطرين تتكلمين معهم

والا دامني بوسط اهلي واذا حفظت لي كم كلمه بنساها لاني مافيه احد اتكلم معه :rolleyes:

واحسن طريقه من وجهة نظري لتعلمها اني آخذها من أهل اللغه < تذكرت بالكليه جايبين لنا هنديه وهااتك يالحروف المعوجه pb036


ثانكيو pb189bp039

late time
24-12-2009, 04:37 PM
اتقان اللغه = ممارسه..

كل اللي عليك تحبينها وتجمعين لك كم كلمه وتثقين بقدراتك وبعدها مارسيها مع كل غير عربي..حتى لو ضاعت منك كم كلمه هم بيساعدونك بالمحادثه..

الشغاله والسواق وعمال المطاعم كلميهم بالانقلش وبتتحسن لغتك مرره..عن تجربه..

شي ثاني..المفروض اللي قادر.. يدخل عياله مدرسه اهليه عالاقل لو بس بالابتدائي عشان يتأسسون صح بالانقلش..

عالعموم تراها لغه حلوه وسهله جدا..بس يبغالك تثقين بقدرتك..بالتوفيق وعقبال ماتكتبين موضوع بالانقلشpb058

هيّن !!
24-12-2009, 05:15 PM
مايكرو سوفت متعوب عليها خخخخخخخخخ :D
حنا عندنا استاذه من أول يوم دخلت علينا وهي تقول الحصه كلها انقليزي مابي أسمع ولا كلمه عربي واللي بيتكلم عربي بعتبر انه ما تكلم :rolleyes:

ومرت الأيام وكان عندنا بنت مالها بالانقليزي ابد وتبي تروح الحمام قامت قالت لها ابي اروح الحمام
والاستاذه تقولها كلميني بالانقليزي
قالت البنت : استاذه اروح الحمام واذا رجعت قلت اللي تبينه
عاد الاستاذه حفظتها الجمله وخلتها تعيدها وطلعتها للحمام , وش عقبه :D

بالنسبه لي أنا أستوعب اللي ينقال بس اني ما أعرف أرد pb036
عقبالي انا وياك نصير بلابل ان شاء الله :sm5::D

رَمَـــآدْ
24-12-2009, 05:23 PM
الله يرحم ذكرتيني بايام معاناتي الانجليزية من المتوسط الى الثانوي اللي للحين مدري كيف نجحت في هالمادة ذيك الايام
بعد ما خلصت ثانوي درست في معهد الادارة العامة وهالمعهد ما شاء الله تبارك الله عليهم تاسيس في اللغة قوي برنامج مدته سنة كاملة كلها انقلش × انقلش وهالشي خلاني استفيد فايدة كبيرة وخلاني انسان منطلق نوعا ما في اللغة يعني لو اني امارس اللغة بشكل يومي راح اصير في النهاية اسكتلندي << قول قسم :D
وانا ادرس في معهد الادارة وفي اخر مستوى لي جاني اخوي في الثانوية كان عنده اختبار في الانقلش ويبيني اذاكر له المهم قلت مو مشكلة لاني متصور ان منهجهم سهل لكني انصدمت انهم معطينهم اشياء تعتبر صعبة علينا احنا ياللي متخصصين في هالمجال والمشكلة انهم جايبينها من غير تمهيد يعني المنهج فيه انواع اللخبطة وواضحة كل الوضوح ان المدرس عارف ان مثل هالدروس صعبة ولا راح يقدرون عليها الطلاب واللي من جد يضحك ان المدرس محدد لهم الاشياء اللي بالفعل لازم اللي بمستواهم يدرسونها اما الاشياء الصعبة اللي قلت لكم عليها الحمدلله ما تفشلت مع اخوي فيها بس تضايقت يوم اني مريت عليها مرور الكرام المفروض ان مثل هالمدرسين اللي عارفين ان هالمناهج صعبة على الطلاب انهم يكتبون تقارير يوضحون فيها هالشي للوزارة اللي اكيد انها راح تهتم برأي مدرسين المادة بس المشكلة عندنا ان محد حولك ولا احد فيه حيل يعلق على مثل هالامور ويمكن بعضهم مو متصور ضرر هالشي على الطلاب في المستقبل مثل ما هو صاير مع الاغلبية الحين لكن كل اللي ابي اقوله ان دراسة الانقلش ما هي ذاك الصعوبة اهم شي يبي لها فوكابلري << يعني كلمات حتى القواعد بطلوا يدققون فيها والدليل انكم لو تتابعون افلام اجنبية راح تسمعون كلمات غريبة ونطقها غريب حتى تركيب الجملة غريبة مثل العامية عندنا تقريبا
خلاصة القول العلم في الصغر كالنقش على الحجر والعلم في الكبر كالنقش على البحر << تحطيم pb027

There is a book fundamentals of English for betty azar أنصحك فيه .. وشاهدي أفلام غير مترجمة كثير بتستفيدين.


I recommend study this book
انا انصح بدراسة كتاب بيتي ازار الاحمر للمرحلة التمهيدية والاسود للمرحلة المتقدمة لانها مرة مفيدة وفي كتاب بعد لونه ازرق بس بصراحة ما تعمقت فيه كثير لكن الاكيد انه مفيد وحتى طريقة الدراسة فيه بالحيل ممتعة وواضحة كل قاعدة تتعلمينها تطبقين عليها تمارين وتحتاجين لقاموس اكسفورد انقلش انقلش عربي لانه يشرح لك معنى الكلمة اللي تبين معناها بالانقلش ويعطيك معناها في النهاية بالعربي

وبالتوفيق ان شاء الله لك ولكل انسان يبي يتعلم هاللغة

مدينيه عسل
24-12-2009, 06:23 PM
الانقليزي سبب لي عقده بحياتي :sm1:
أحتاجها بقوه لما أروح لدكتورة الاسنان وتبربر هي وممرضتها
فوق راسي ولا أفهم شي :( أحس أني أنسانه مالي داعي
أحب هاللغه وأتمنى أتعلمها ، بس ماعندي عزيمه ولا فيه أحد يشجع pb093
لك bp039

المهراجــا
24-12-2009, 06:33 PM
خخخخخخخخخخخ أما مايكروسوفت هذي قووية :Dpb189 ..

نجي للجد .. بالنسبة للغة الإنجليزية .. فـ دولتنا جداً سيئه من حيث توفير الخطط المدروسه لتعلم هاللغه ..

ومن من ناحية الأولاد اقدر اجزم ان لا يوجد طالب مُتخرج من الثانويه يتقن الإنجليزيه شكل معقول لوفرضنا إنه يدرس الإنجليزي من 6 إبتدائي ! .. الأغلب إنجليزيتهم ركيكه هذا إذا ما كانت معدومه :rolleyes: ..

ونظراً للدول المجاوره فهم جداً متطورين عنا من هذه الناحيه وإن دل على شيء فهو يدل على تفكير وزارة التعليم الرجعي وهو السبب في تخلف الطلاب ليس فقط بالإنجليزيه بل بكل المناهج الي اغلبها دروس عفى عليها الزمن :rolleyes: !! ..

طبعاً هنا أنا ماجبت طاري الشركات والوظايف ! .. أغلب الشركات الحين تشترط يكون معك لغة إنجليزية قبل شهادتك يمكن ! .. إن كان معك لغة بيمشي وضعك وإن كان ما معك قضبوك الباب وانا أخوك :D ..

وصراحه مع اني والحمدالله اتقن الإنجليزيه بشكل جيد جداً بسبب إهتمام أمي بتعليمها لي من الصغر pb189 وبرضه الأفلام اللي ساعدتني بشكل كبير بإتقان الآكسنت pb030 .. لكن المشكلة إني أشوف هنا كثير يحطون بتواقيعهم عبارات بـ الإنجليزية أغلبها فيها اخطاء pb036 ! ..




يعطيك الف عافية .. وعقبال مانشوفك بلبل قولي آمين :D ..

زيـت وزعـتر,,
24-12-2009, 06:37 PM
هـــآآآي pb095:D

كيف آريـو؟؟pb093
* *

هــلأ واللهpb189

تجننييييين يابنت فــله مـاشاء الله:D

يا انك ضحكتيني ضحــك الله يونـسك بالعافيـهpb189

آآخ من هذي اللغه مقرقعه رآآسي pb131

مـره دخـلت مركـز لتعليم العنقليزيـه :D

كنت مره مره مره صفــر بالعنقليزيpb131

قالت لي الأستاذه كوني أي جمله بإستخداامVerb to Be << فيرب تو بي _ فسر الماء بالماء:D

المهم وأقووم بـكل وثووووق زاائد عن اللزوومpb189 وأقـول بأعلـى صوت

I'm a dog << يعني أنـاا كلبه:sm18:pb093

وأنـا وش قصدي قصديI'm good << يعني أنـا جيده:D

سبحان الله يمكن ربي عاقبني لأني متكبره وجايـه بمدح نفسيpb036

البناات انفقعو ضحـك والمشكلـه الاكبـر ان بنت خالتي كانت معي

وهي من النـوع الي مايصدق أغلط عشان تمسكها علي:D

المـهم ودخلت المركز وتحسنت لغتي الانقليزيه شوي

وووو إلـى يومك هذا ما اخذت الشهاده حقت المركز الصيفي

والحين أحــاول أشووف السعوديه 2 عشان تتثبت بعض الكلماات شوي



مشــكوووره عالموضوع أختي pb189

ونستينا الله يونسك:Dbp039pb189 ننتظر جديدكpb189


يـلا قد باايpb036


أقــول بس ياازين العربيــه زيناااهpb189:D

مااش يأني ضميري أختم بالانقليزي pb093

يــلاا الى اللقااءpb189pb189

ليّونا
24-12-2009, 07:25 PM
هههههههههه مواقفك مع خطيبك رهيب وضحكني صج لوكنت مكانك كنت برد عربي المهم يفهمها خخخخخخخخ
انا طورت الانجليزي عندي من الافلام والروايات صحيح مااجيد القواعد 10 على 10 بس افهمها واتكلمها كويس
قبل فترة شفت ايميلات تبع المسن كمبيوتر ترد عليك زيادة تعليم تقريبا وتجربة ضفتهم ومشيت معي شوي
عوافي عالموضوع

Flower Fall
24-12-2009, 07:42 PM
تعلمنا بالمدرسه اللغة الانجليزيه خطأ يركزون على القواعد اكثر من المحادثه وهي المطلوبه
لكن لابد من تعلمها خارج نطاق التعليم افضل ...

تذكرت موقف حصل لي كمان مشابه لموقف صاحبتك...
مره كنت عند دكتور ويحكي لممرضه وانا جالسه ههههههه يتوقع اني ماني فاهمه ايش يقول
لكن الله يستر عليهم ..,

Sense
24-12-2009, 08:33 PM
ياهلا فيك pb189
كلامك 100% صــح !

الانجليزيه نحتاجها كثير بحياتنا سواء سافرنا ، سووق ، مستشفى ، شارع ، بنك ، مطعم ... اي مكان

و مثل ماقلتي لو الوزارة تبدأ تدرس الطلاب من أولى ابتدائي كان مايجون في المتوسط الا عارفين اشياء كثيره وحتى اشياء تمشي الحال
على مايوصلون للجامعه الا هم توب باالانجليزي
..
أنــا من ضمن مئآت الطالبـات وطبعآ الطــلاب اللي عندهم غبـاء لغوي في الأنجليـزي .. و لو تسألوني وش أكثر شي يستفزك بهالحياة: أقول أن يجي آدمي يقابلني ويحكي أنجليزي!! أموت قهر لأن أساسآ ما أفهم وش السالفه
(القسم الوحيد اللي مادخلته بأقلاع هو الأكاديميه) جد يجيني أحساس أني وحده فاشله ومغفله ..

بالعكـس :sm5: هناك الاخوان مايقصروون معك حتى لو بديتي من الصفر .. وتيتشر Serenity
الله يوفقها ماتقصر بالدرووس pb189
..
_وأعيد الجمله وأنا أأشر يدي على فمي يعني (أكل) وواثقـه من كلامي: مايكروسوفت..
ههههههههههههههه :D ياحبي لك اجل تبين مايكروسوفت pb027
..
( فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )
وعع ياشين هالناس اللي تسووي كذا
مره كنت رايحه المعهد
المهم دخلت انا وصديقتي دورة المياه نبي المرايه لزوم تعديل الشعر pb027
المهم ونشوف عاملات نطافه 3
المهم ثنتين اشكالهم انثى ووحده مسترررررررررجله << اول مره اشوف وحده فلبينيه بووي :D
المهم يوم دخلنا قالت البووي
قامت تطالع فيني قالت She is sexy يعني واااو مرره مثيره << خااقه هالفلبينيه وتحسبني ماافهم انجليزي pb027 pb095
قلت لها What
تقللللبت عيونها قالت nothing .. you're beautiful .. قلت الله يسلمك .. وانا عارفه وش قصدها هالفلبينيه pb036
المهم صديقتي قعدت تضححك وطلعنا
يعني لو اني مافهمت حكيهم كان كملوا بس يوم رديت عليها سكتت pb095

..
وفيه حل ثاني وهو (مشاهدة الأفلام الأجنبيه) بس هذي عذروبها إن عيونك تنحول وإنت تقرأ الترجمه وما يمديك تشوف أشكال الأبطال خخخخخ .. أعرف كثييييير تطورت لغتهم من الأفلام بس مشكلتي ما أحب أتابعها
بالعكس ،، تبين تتعلمين لغه لا تطالعين الترجمه
بتقوولين كيف افهم .. انت لما تنمين مهارة الاستماع عندك راح تفهمين وحاولي الكلمات اللي مافهمتيها ترجميها من الدكشنري << صح ان الطريقه صعبه ..بس راح تفيدك كثير احسن من تتابعين الترجمه .. << ترا هذي طريقتي وكل واحد له طريقه :)
..
بس ما يندرى يمكن بعد سنه أدخل الأقلاع وطواااالي أروح للأكاديميه_ ما أجلس في القهوه أبدا يعنني صارت عندي لغه خخخخخ _ وتصير رتبة عضويتي إنجليزيه ..
:D يارب الله يسمع منك ..
ع العموم اللي عنده حلول أضافيـه غير اللي قلتها ينورنـا عسى ربي ينور دربـه ..
مممممممممممم
اسمعي اخبار يعني اذا فتحتي اللاب افتحي اذاعة CNN
رااح تفيدك وخاصه بتنمين مهارة الاستماع عندك
برضووا الموفيز تفيدك
فيه درووووس مرررره وخاصه بالقرامر مفيده بالأكاديميه pb189
وحااولي تشتركين بورشات العمل بالورشه
فيه سيديات بتلاقينها بالمكتبات الكبيره تجيك مجموعه من السيديات تجي معها كتب عن المحادثه والقرامر والفوكاب ..
...................
بالتووووفيق

عملت دراسه وأكتشفت إن اللي يشجعون النصر عصبيين ومتعصبين خخخخ
صااادقه .. هههههههههههههههههههه . . ثلاث من صديقاتي نصراويات ههههههههه على طوول يعصبوون pb093 pb027
~
Good luck .. I wish see you in English Academy in eqla3 forums
Thank alot my sweety bp039 pb189 << انتبهي تحذفين ردي بس ابي اتفلسف شووي pb027 :D

حلاوه فوشيهـ
24-12-2009, 09:10 PM
يالله انك تحيي وتين عالفكره نكك حلوو .. pb030
الانجليزيه يلغتييي فيهاا مااااش يعني
ولا كلمه حتي ما اعرف انطق الكلمات :sm3:
فيي حصه الانقليزي يجني نوم احاول افههم منها لكن ولا شيي :( >> لاحياة لمن تناديي pb093
يوم كنت في المتوسط كنت شطوره حبتين ;)
بس يوم طلعت الثانوي جاتني ابله تعطنا اسئله الاختبار وفوق هذا مااحلي شي ولا افهم شي معها >>> pb036 :confused:
دااايم اقول بكره اتعلم انجليزي عشان اذا سافرت اكون اعرف على الاقل شي
ولا اذا دخلت الجامعهـ .. عالاقل اعرف شي فيها .. :confused:
في اختبار الانجليزي ما اذكر شي حتي التعبير بالقوة احفظه pb093 عاد شوفي النطق كيف pb027
افكر اروح اشوف للأكاديميه يمكن افهم شي منها .. pb036
الله يعطيك العافيه ياوتيين .. :)
سميييي bp039

نور المشعل
24-12-2009, 09:18 PM
تعلم اللغه الانقليزيه يحتـاج لـ شي اساسي الاقي كثير من النآس تفتقده وهو الثقه بالنفس
عامل مهم يخلي الانسآن قادر على انه يتجـاوز حدوده ومايتراجع
وفي حاجه انـا استغربها كثير لما نحكي عربي ونخربط في كلمه نعكس حرف مكان عرف أو نحطها بوزرن غير وزنها النحوي <~ مادري اذا الشرح صح او لا .. اقصد يعني جمع مذكر ينجمع جمع مؤنث والا اي شـي بالغلط تعدي عادي .. بس لما يلخبط بالانقليزي تصير مصيبه والكل ينتقد وكانه فرح بالخطـاء هذا
والموضوع عادي الامريكان مثلاً كثير يخطئون وعندهم مشـاكل باللغه .. :d

تعليم اللغه جداً مهمه .. واحنـا متأخرين فيه والسبب الاول التعليم زي ماذكرتي

R E C
24-12-2009, 09:34 PM
فتحتي جروح مو جرح :sm5:

اوما مايكسروسوفت هههههههههههههههه يا ملحك تكفين :D

يختي صدق انها لغه عالميه و المفروض اننا نتقنها وكذا بس ليه نظرات الاستحقار في مجتمعنا اذا احد ما يعرف ؟ يعني مهما كان هذي مو لغتنا ! ..

هذا شيء والشيء الثاني اغلبنا خجول .. يعني فئة كبيرة ما تتكلم حتى لو عندها حصيلة لا بأي فيها بس لانهم يخافون انهم يغلطون وبكذا يتفشلون :(

يعني الحين بالفصول اذا غلطت وحده جلسوا يضحكون عليها و اذا تكلمتي ما اجنبية وغلطتي عادي تمشي لك وين المشكله pb036

شسمه تخيلي مره اضفت وحده من البرازيل بالمسن يعني كـ نوع من التعرف على ثقافات اخرى + تطوير لغه + اجرب شيء جديد :D .. المهم انها جلست تقول لي وش ديانتك ؟
قلت لها الاسلام .. قالت اها وبعدين جلسنا نسولف بعدين مدري وش قالت شيء عن البقر
زي اللي تنكت المهم اني اسلك لها pb027 .. بعدين قالت اووه سوري نسيت انكم ما تاكلونها
وتقدسونها .. انا ما فهمت احسبها تتكلم عن الخنزير اننا ما ناكله و بدت الفلسفه عاد قلت لها
اساسا بغض النظر عن انه محرم بديننا يع اضراره ما تنعد وو < يا ليل الفاهمين غلط :sm5:
هي سكتت شوي احسها تقول وش تبي ذي الحين pb036
بعدين قلت لها لا لا امزح ناكل البقر عادي تستهبلين pb036 .. الخنزير اللي ما ناكله
هي انلحست قالت الحين علميني تاكلون البقر والا لا pb036 :D

الحمدلله انا افهم اذا تكلم احد بس مشكلتي في تركيب الجمل اذا جيت اتكلم :sm5:
والقرامر رايح فيها عاد pb027 .. بس اني صرت اتحمس اذا قريت شيء بالانجليش
عبارة او قصه قصيره اروح اترجم اي كلمه ما فهمتها و اذا حسيت هالكلمه تُستخدم كثير اسجلها عندي واشيك عليها من فترة لـ فترة حتى ترسخ ;)

عذرا ع الرد الطويل بس ما ينحك لي لسان :sm5:

يا رب نشوفك بعد 6 شهور مشرفه بقسم الانجلش ;)

::

ليش هه يعني ضحك
24-12-2009, 09:38 PM
حلوه سالفه طبيبه الاسنان
من جد ناس ماعندها ذوق
انا عندي محصول لغوي الحمدالله وكله من الاغاني والافلام :D <<< pb027pb027
ذاك اليوم كنت بعرس وكنت اتعشى مع وحده
ومعنا ع الطاوله قروب جالس شوي تجي وحده معهم وتقول اهلن وجلست
قلنا هلا فيك ،،، شوي ووتتكلم بالانجلش علينا وحنا جالسين بنفس الطاوله
معها خخخخخخخخخخخخخ والبنت اللي معي ماكانت فاهمه
واختنا بالله تتكلم وانا ماحبيت احرجها فسكتت بعدين
حسيت مصختها لانها استرسلت بالكلام قمت ضحكت بسخريه
و قزيتها بعدين هزيت راسي  يمين ويسار بس ماقلت شي
يعني اذا وحده بتتكلم علي قدامي وكني مو موجوده مراح اشره عليها
سبحانه ناس فاهمه اللغه غلط
ونصيحتي لك مارسي اللغه بآي مكان حتي لو تغلطين ارجعي للفلبينيه خخخخخخ
في مقوله مشهوره عن اللغه use or u`ll lose it
اهم شي
اسمعي اسمعي اسمعي ومو شرط تفهمين بس واصلي استماع
علي قد ماتقدرين وانتي جالسه شغلي الاي تونز علي اي اذاعه وخليه شغال طول فتره جلسوك ع النت اذنك بتتعود ع اللغه واللاوعي هو اللي بيسمع بدل منك بس لو جلسي تحاولين تفهمين مراح تلقطين كلمات .. استمري اسمعي
كل اللي عليك شغلي اي شي بالانجلش ولاتسوين شي ،، المخ هو اللي راح يشتغل ويسمع واللاوعي عندنا هو اللي بيسمع ويتعلم
كذا بتتطورين كثير بيصير عندك محصول لغوي مفردات وسرعه الاستيعاب بتزيد
حتى مرات وانتي تتكلمين تطلع كلمات منك تستغربين من مصدرها :D هنا فايده اللاوعي pb094

بهذي المناسبه ادعوك لمشاهده how i met you mother يجنن هالمسلسل
بيشدك خاصه انه يضحك وعالدرب تطورين لغتك

بالتوفيق ياحلوه وآسفه لو ازعجتك فلسفتي pb027pb027pb027

ناكس عقاله
24-12-2009, 10:01 PM
مااعرف من اللغه الانجليزيه الا : يو كول كنبتتستداون بليز يو هاف نمبر (مكالمتك لاتتم حسب الطريقه التي استخدمتها ) :d


ياشينه لاجالك طعس ابوه راعي غنم وامه ممرخه للحريم.. واخذ دوره عشان يسافر برا المملكه ويدشر ويجي مصفي الطبلون يهايط : وط يورز نييمز ؟

فـتنه’
24-12-2009, 10:11 PM
؟..Can you speak English>>> هاااااااه؟؟
ههههه ضحكني العنوآن بقوه

متحدثتكم خريجة بكالوريوس لغه انجليزيه
اللغه في الكتابه لابأس فيها لكن في الممارسه:sm4: لأنو في الكليه
كانو يركزو على المواد النظريه اكثر من العملي والممارسه اللي هي اهم شئ في تعلم اللغه واتقانها

التعليم عندنا متساهل فيه كثيييير

عآفآك~bp039

FOFO
24-12-2009, 10:25 PM
يازينك بس اسلوبك رهيب pb095 pb189
لو مايجى منها إلا مايكروسوفت pb027 pb189

انا والله افهم وعندى مخزون لغوى كويس .. صح الإسبلنق لك عليه :sm12:
بس كـ لغه تمام .. لكن المشكله والعائق الاكبر الثقه pb093
لما اتكلم احس إنى بـ اغلط وماراح يفهم على الى قدامى او راح يضحك على لغتى pb093
مع العلم ان الاجانب بهالنواحى ابد مايترقون هذى حركاتنا مع الهنود والشغالات pb093
بس مدرى محتاجه اوثق بنفسى اكثر من ناحيه اللغه :sm18:

مواقف لى ما اتذكر .. كنت انا الفلته بالشله حقت الانقلش pb027
لإن اغلبهم اخيس منى ومايحبونه pb027
بس اتذكر صديقتى قومتها الابله تقرأ بحصه الانقلش وكانت الكلمه دفرنت ..
وقرأتها بطريقه تموت ضحك pb027 دي في رينت < كذا قسمتها عشان تقدر تقرأها pb027
عاد نص الفصل فطسو عليها pb027 وللحين عياره عليها هالدي في رينت pb027

انا كانت عقدتى باالنقلش كلمه سكسسفول = نجاح :sm18:
لأن طول الله بعمرك حرف السين يبيله وزنيه عندى pb027
بعباره اخرى ماش السين رايح وطى معاى pb027
ودايم بكل كلامى احاول لاشعوريا تعودت إنى افلتر كلامى واتجنب الكلمات الى فيها هالسين النحيس pb027
لدرجه من شروط زواجى مايجينى واحد اسمه سعود ولا سعد ولا شئ من ذا الطقه pb027
الزبده من نحاستى كل ماجيت اقرأ جمله بالانقلش وتنقز لى هالكلمه وهاتك اقعد انطقها ثكثثفولى pb093 pb027
والفصل فاطسين على لأن باين متوهقه pb093 :D
حتى الأبله ياحبى لها ابله رحمه pb189 تضحك على :D

مدرى وراى مسكت حط بموضوعك واكتب بحماس pb036
ياحبى لك يسلم قلبك على هالموضوع وخفه الدم pb189
برب اقرأ الردود pb189

A n t
24-12-2009, 11:50 PM
يختي الخلق بدوا يتعلمون لغات ثانيه و احنا للحين يتعلمون انقلش
الحمدلله أنا أعرف يعني و زين مره،
أبي أتعلم ياباني

الانقلش سهل مره مدري ليه طلابنا مايحبونه :(
يختي كثير طالبات أشوفهم يقولون ما نحبه ممل و صعب
مالت عليكم بس :(

عندي طالبات بأول ابتدائي أهلهم يعطونهم هدايا اذا حفظوا كلمات
و شاطرييييين مشالله يحكون انقلش رهيب *_*

بس لو من اولى يبدأ كان حلو

الامارات ما يوصل 12 الا يغرد انقلش مشالله
على قولتهم هناك لازم مشرفين أجانب على كل مدرسه عشان هالشي
هم المستفيدين
الله يرزقنا

LuCk DaY
25-12-2009, 12:34 AM
bp039
الله يوسع صدرك على هالموضوع,,
اسلوبك يجنن كلك ملح بسم الله عليك,,

احنا ما خربنا الا مناهجنا و مدرساتناpb093,,اذكر قبل كانوا يقولون لنا ان الانجليزي مو اساسي ومدرستنا بالمتوسط الله يذكرها بالخير تشرح ما تشرح كله واحد فصلنا مزعج بشكل تقول كلمه وتسكت ما تقدر عليهم اذكر ما عقلو الا مره جايبه معها ميزان :Dوصارو يشاركون عشان قياس الوزن..كلهم رسب الا انا وبنتين انا عندي احد يذاكر لي الله يجزاهم خير,, وبالامتحانات اي سؤال اختياري نختار واحد وبعدين نروح نسئلها صح واذا قالت لا اخترنا غيره وهكذا :D.وطلعنا من المتوسط بمستوى زفت pb093,,بالثانوي ملخصات محلوله واذا جئ الامتحان حددوا الاسئله,,كيف بيكون مستوانا وهذي دراستناpb093,,

انا مواقفي مع الإيرانيات يجن بكل ثقه يرطنن ايراني ويبني افهمن وانا اخاف منهم ما احبهم و اقول ما فهمت بالانجليزي تقلب انجليزي تحسب اني فالحتن به وانا من جنبها و بطَلع الروح تفهمني وعقبها اتوهق وشلون بفهمها انا ذلحين ونقعد انا واللي معي نجمع كلمات من مخزون كل وحده وكلهم اردى مني وبعد جهد جهيد نطلع بجمله مكسره عايفتن العافيه اهم شي الخلاص ,,,

ابلتنا بالكليه تقول تابعوا cnn عشان تقوئ لغتكم,,بس الافلام اسرع واحسن بالذات الافلام الخاصه بالاطفال:D تكون مفهومه وبسيطه,,اختي بالمتوسط مستواها زوين لانها مدمنة افلام تتابع الفلم اكثر من مره ما تمل.. قبل كان ابوي يمنعنا من الافلام عنده انها ماهيب زينهpb036 بس ذلحين غير اربع و عشرين ساعه التلفزيون ع قناة الافلام والمتابع اختي اللي بالمتوسط:D,,

يعطيك العافيه,,
bp039

Sentimental
25-12-2009, 12:59 AM
اتوقع الانجلش زي الكمبيوتر يعني يحتاج انك تتعلمين بالممارسه ..
بمنعى تسمعين وتتكلمين وتقراين انجليزي اكيد بتكتسبين اللغه بسرعه..
اعرفلك بنات لادرسو ولاحد درسهم لغه وهم اللي عملوا على نفسهم..
الحين احس التعليم صار اسهل يعني تقدرين تعلمين نفسك ..
انا امنيتي اتعلم لغه ثانيه غير الانجليزي واتقنهاpb034
فرنسي.. ايطالي.. ياباني<< كثري منها

يعطيك العافيهbp039

Hasna
25-12-2009, 01:00 AM
ههههههههههههه ياحبي لك والله فطست ضحك على مواقفك
ليتك راده على خطيبك وقايلتن له بالفرنسي pb095
je suis occupée, veuillez me rappeler ulterieurement
جو سوي اوكيبي فويي غابلي الطيغيو غمون :D
كان وهقتيه من جد عشان مايهايط عليك << تعاطفت معك خخخخ

بالنسبة لي لغتي الانجليزي لابأس فيها صح احيان لاتوهقت اضطر استخدم لغة الاشارة pb093
للأسف تعليمنا ضايع ورايح في خرايطها مالنا غير التعليم الذاتي عن طريق المواقع و الأفلام والكتب
تساعد كثير على تطوير اللغه ..
انا هالفتره جالسه احاول اطور من لغتي خصوصاً انو تخصصي يلزم علينا تعلم اللغة الانجليزية
والسمستر الجاي الي بتشرف على تدريبي بريطانيه مدري وشلون بتفاهم معاها : (

يله عقبال مانشوفك فتيته بالانجلش bp039

^^ريـ نجـد ـامي^^
25-12-2009, 01:23 AM
الأفلام الأفلام هي أكثر شي دعم دراستي للأنقلش رغم اني تخصصته
بس أغلب الطابع كان أدبي جداً مابين شعر ومسرح ..الخ
لكن الأفلام كل فلم أمسكي كلمه وأربطيها بالنطق بكلمه نستخدمها يومياً
وبعدين أعرفي معناها..
أو كل شهر تعلمي مجموعه مثل الملابس أو كلمات عن الترحيب او الألوان وكذا
راح تكونين مجموعه حلوهـ وأستمري ..

Brain~
25-12-2009, 01:25 AM
أناااااااااا ألقي اللوم كله على وزارة التربيه والتعليم اييييييه نعم
ورا ماخلونا ندرس من يومنا في الروضه كان تشوفينا بلابل زي الناس والعالم

والله شي يقهر ياختي يدرسونا مواد مالها داعي واشياء سخيفه او مانحتاجها اعنبوكم توناا بزران
مفهيين ماله داعي الدروس الكبيره

أنا الحين طال عمرتس توني مخلصه ثلاث شهور ماخذتلي دوره يعني وأحس انس تحسنت شوي
خخخخ يعني اعرف كليمات وأركب جميلات:D
بس ملييت ابي اوقف وبعدين انشاء الله أكمل احس أدرس من جهتين حومت تسبد

أما المواقف ماعندي الحمد الله وانشاء الله مايصير لي ووه احس فشيله
بس يعني بعظ الكلمات اذا مافهمتها يعني تجيك وحده تتكلم عربي بس تدخل كلمات كثييره بالانجليزي
اسلك أهز راسي وأسوي نفسي فاهمه وبسpb027

طيب والله اعرفلك ناس ماعرفوها الا من الأفلام ماخذو دورات ولا خرابيط
بس من يوم كانو صغار وهم يتابعون أفلام والحين مرره لغتهم زينه

وفيه ناس اعرفهم مره سخفين مالهم داعي يعني مسوين فشخره مدري وش علتهم
بنتهم الصغيره في مدارس إنجليزيه تخيلي ماتعرف تتكلم عربي والله سخافه طيب الواحد حلو يتعلم ويتكلم لغات
بس اللغه الأساسيه لازم والله العظيم حتى هم مع بعظ كلامهم بالانجليزي يااعمري بنتهم رحمتها
والله البزران يلعبون مع بعظ وذي كنها طرما ماتتكلم معهم ولاتعرف بالعربي إلا كلمة علك بس

بس والله فعلا لازم نتعلم ياختي كلن يعرف انجليزي الفلبين الهند المريخ
تجيك شغاله ماكملت دراسه وترطن رطن
يعطيك العافيهbp039bp039وانشاء الله ماتخلص السنه ذي الا انا وانتي بلابلpb027

وتين..~
25-12-2009, 01:43 AM
جمعـه مبآركـه عليكم ,,

الله يهنيكم ويسعدكم ع الردود الحلـوه .. والله كبر حماااسي للنعلـم وعطيتوني أضافات حيييل روعـه وقيمـه ممكن تفيدني وتفيـد غيري ..

أن شاء الله يا أنا ياا هاللغـه والوعـد بالدوري :D



أغلب الردود أجمعت أن المشكلــه من أساسهــا من ورزارتنـا الموقـره أن أدخلوا هاللغـه بسنوات دراسيـه متأخــره ,,
وبالدرجـه الثانيـه تكمن المشكلـه في صعـوبة المناهـج ..

وبالنهايـه هو قلـة الحماس وعدم الرغبـه في تعلمها بأي شكل آخـر >> الظاهر تعودنـا على أن كل شي يجي من المدرسـه وكبرت معنا العــاده القشــراء pb093




لي بآك مع ردودكـم بأذن اللــه pb189

همسـة حنيـن
25-12-2009, 01:53 AM
I wish we all can speak English fluently
هلا وتيـن
الإنقلش عندنا رايح فيها مو مننا صدقيني , لو تلاحظين في الأفلام كيف
ينطقون الكلمات وكيف أتعلمناها في المدارس pb030
مدرساتنا ماكانو ينطقو الكلمات صح عشآن تتعلم منهم :D
بصرف النظر عن اللي درسها في المراحل التعليمية المتقدمة هالنوعية
ماشاء الله هم اللي أحسهم إستفادو صح pb189

محد قدك بتأكلي المايكروسوفت طلعتي هامورة pb027
أسلوبك حلو يعطيك العافية bp039

حَلايْ ايطَالِيْ
25-12-2009, 01:56 AM
آهلين وتين pb189 ،
احبك من اسمك .. زي اسم بنت بنت عمي الله يشفيها : (
اتوقع السبب الرئيسي لعدم إتقاننا للغة الانجليزية التأسيس الخاطيء .. المفروض الانجلش يُدرس كمادة اساسية من التمهيدي / اولى ابتدائي .
بالنسبة لي الحمد لله لغتي لا بأس بها.. كمحادثة و قراءة بس السبيلنق موش ولابد .
ان شاء الله ناويه اطور لغتي اكثر بالبرامج والمواقع والكتب التعليمية وكثير طوروا لغتهم بمتابعة الافلام الاجنبية pb189 .
واهم شي الممارسة / اعرف واحد داخل دورة انجلش ( محادثة ) وما استفاد ولا شي من اللي تعلمه لإنه ما تمرس كويس : /

وكمان مو كويس نحكي انجلش وننسى لغتنا الأم .. حلو نوفق بين اللغتين :sm5:


-


شوفوا هذا المقطع لايفوتكم :D

http://www.youtube.com/watch?v=a7YyE21Mglg&feature=related


عوافي | bp039

لوقانه
25-12-2009, 02:01 AM
اولا اسمك حلو ومره جميل
وااآآآآآآاااه يا الانجليزي سالفته سالفه
انا سويت على نفسي انتفاضه لاني بالعربي الفصيح درج مااعرف ولا شي ابدا مع اني متخرجه من كلية واخذ علاماتي بالنجلش جيد جدا بس ماافقه شي
قدمت على شغاله فلبينيه تجيد اللغه بيرفكت
شريت كتب قيمه للتعليم
سويت المستحيل
دخلت اكاديميه الفيصل
صرت اشوف فلام اجنبيه واعلي على الصوت
جلست احاول احاول احاول وابشرك
ضييعت العربي ولا عرفت الانجليزي
صرت افضل افضل من اول بس ماأتعدى 25 بالميه من اللي كنت اطمح له
ويا انا يا اللي مايتسماش
تعبنا من جد تعبنا والسبب وزارتنا ماعلمتنا من يوم كنا صغار بمواد زس الناس
وان شاء الله ماينتقل العقده بعيال بدخلهم انتر نشونال بإذن الله وبكيفه لا يعرفون عربي ابد المهم يقرون قران وبس انا ياطخه والا اكسر مخه ماعندي حل وسط
وش اسوي طفشت

لحـظه ..!
25-12-2009, 02:49 AM
آي دونت سبيك انقلش ..:)
آيام سبيكة بالانقلش :D
,,,
آه ياختي لاتشكيلي ابكيلك..:(
المشكله اني استحي احاول اتكلم ..صح لو تكلمت بيطلع كم كلمه حايسه بس تنفهم بالنهايه على الاقل
ولد اخوي يخربط بالكلام اليين تعلم اللغه زين..لانه ماشالله مايخجل يجيب العيد وموسع صدره ياحليله
عيال اخواني بزارين الواحد كبر الصعوه ويرطنون ماشالله pb189
وانا العمه اتبوسم بس..فاهمه شوي بس غير فعاله بالمشاركه خخخخخخخ
,,,
اخوي يقول اذا جيتي مطعم ولا مستشفى انتبهي تبدأين X Kyuzmi << سلكي ترا مدري شلون تنكتب
عشان لايكملون لك الباقي يرطنون..ابدأي عربي عشان يتكلمون معك عربي خخخخخ
عزالله فلحت دامي بسوي كذا :D
وبعدين دراستنا ذي عيب ندرسها ترا..قسما بالله استهباااااااال موب تعليم لغه
والله اذكر ابلتنا بالمتوسك كل كلامها عربي يوم جت الموجهه كله انقليزي وحنا pb036 :cool:
,,,
ماهنا حل غير الهجره..;) << لاحظي هجره ميب بعثه ناويه اهج :D
بلا افلام بلا حوسه نركز باللغه ولا بالترجمه ولا بالقصه يعني pb036
<< ماش مابراسي لغه زواله بعيد عنك..
عوافي يأمر ..آي لوف يو وتين :D
pb189 bp039

Middle Easter
25-12-2009, 03:20 AM
خخخخ بس بقول عجبتني سالفه "ميني" :d

SNICKERS
25-12-2009, 03:52 AM
هههههههههههههه مايكروسوفت ودي بس اشوف وجه الشغاله وقته
وسعتي صدري بمواقفك
انا مره احب الانجلش من يومي صغيره وافلام الديزني اتابعه من غير دبلجه
واحب اردد الاناشيد الانجليزيه وانا بالابتدائي وبالمتوسط
طحت ع الاغاني الانجليزيه احب اغنيه بس الحين الحمد لله عقلت ما اسمع اغاني
بس المشكله بتعليمنا
انا درست خاص من التمهيدي بس المشكله ما يعلمونا الا اشياء بسيطه
واكثر شي يعيدون
اتخرجت من الثانوي افهم بس ما عندي جرائه اتكلم
بالجامعه اول سنه كنت متاخره عن المحاضره وجت الدكتوره وقومتن تبي تحرجن عطتن نص وقالت ترجميه
انا الحمد لله اعرف ترجمته بس ترجمه حرفيه
يعني عندي حصيله لغويه بس مشكلتي اتكلم اذا كانت ممرضه شغاله عامل
بس غير كذا ما احب احرج نفسي اخاف اقول الجمله خطا
اشوف افلام كثير مرات اذا مالقيت ترجمه شفته وفهمته مرات انسى اضيف الترجمه
بس مشكلتي بالمحادثه ما ادري وشلون بحسن نفسي
ابي اتكلم بطلاقه وابي الاكسنت يصير حلو؟؟
bp039

Mariposa Dama
25-12-2009, 03:59 AM
انا احس احسن حل لتعلم اللغة مثل ما قلتي افلام اجنبيه بس بدون ترجمه:d
و قراءه كتب انقليزيه بعد و ايذا جيتي تسمعين اغنيه تقرين الليركس حقتها وكوللو بالانقليزي ;)
سنه بالكثير الا انتي بلبل:d
شكرا على الموضوع الحلو و اسلوبك برضو يجنن:d
تسلمين

some day i will
25-12-2009, 04:11 AM
بالنسبه لي دراستي الثانوية والمتوسطة مافادتني بشئ..
طلعت من الثانوي وعندي حصيلة فوكابلري كبيرة جداً..
وافهم للي قدامي بنسبه 60% تقريباً..
وكله من الأفلام والأغاني..
عندي اخوي الصغير بسادس انجليزيته مره حلوة بالنسب لعمره..
وكلة من الالعاب..
لاحظت بظرف سنه تطور كبير بلغته ماشاء الله..

دخلت الجامعة ادب انجليزي مع انى ماكنت ابغى ابداً وكانت اخر خياراتي..
على اساس راح اتقنها ان شاء الله كلغة ويكون مجال تخصصي شئ ثاني..
لكن وعسى ان تكرهوا شيئاً وهو خيراٌ لكم تتعتبر من انجح الاختيارات في حياتي..
وناسبني جداً..

كطلاب جامعة الاحظ ان الكل يفهم اللى ينقال..
يقدر يقرأ زين..
لكن المشكلة العظمي المحادثة..
وكله بسبب انا ما نمارس اللغة..
يعني حدنا حدود الجامعة وبالتحديد المحاضرة..
وبرضوه بسبب انو مافيه ثقة والخجل من ارتكاب الأخطاء..
مع انه شئ متوقع كونك جالس تتعلم لغة ولازم تواجهك مصاعب وتخطئ..
لانو عن طريق الخطأ راح تتعلم..

بالنسبه للأخطاء اوووه عدي واغلطي..
هذا وانا بثالث الان..
لكن بعض الاحيان بجي اجاوب بالمحاضرة..
والا بنكلم دكتورة..
بعد ما ارجع افكر باللى قلته..
الاقيني مرتكبه اخطاء سخيييييييييييييييفه وتفشل..
وكله من الارتباك والحياء..
شئ طبيعي..

دائما البنات يسألوني الانجليزي صعب؟؟..
تعلم اللغة مو صعب..
لكن يبغى له متابعه واجتهاااااااااااااااااااااااااد..
اوكي راح اتخرج بعد سنتين..
لكن هذا مايعني انى اتقنت اللغة..
علشان اتقنها محادثة وكتابة واستماع لازم اواصل التعليم الذاتي..
ومافيه زي القراءة..
لكن مين يسمع..
واعتقد انه هذا سبب مهم ان مجموعة مو هينه تتخرج من القسم..
لكن تلاقينه مو بالمستوى اللى المفروض يكونه المتخرج من قسم الانجليزي..

بالنسبه للمواقف..
اذكر مره ابغى اقول لاخوي الكبير شئ مره مهم..
والمفروض انو اخواني مايعرفون وش هو..
فقاعدة اسولف له بالانجليزي..
شوي الا اخوي الصغير يقول اللى قلته بالضبط..
عاد تعالي شوفي طيحه الوجه والتهزئ اللى جاني من امي يوم عرفوا السالفة..

afnan1988
25-12-2009, 04:17 AM
( فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )





اممم اتذكر كانت معنا بنت بالمتوسط عايشه باامريكا وامها والدتها هناك وكان الاكسنت (يعني اللهجه) حقها بطل مرررررررررررره
يعني شفتي الزنوج الامريكان اذا تكلمو ماتدرين وش يقولون هي كانت كذا
فكانت تمشي من عند الاستاذات تسب هذي وهذيك وتتهاوش مع البنات بالانقليش ولا احد يدري وش تقول pb095pb095
الموقف الثاني : قبل فتره رافقت مع جدتي بالمستشفى وانا الانجلش حقي مو ذاك الزود يعني اعرف اصرف نفسي بمطعم سوق بس اخذ واعطي واسولف بالحكي مااقدر اوقف pb095
المهم انو جاء الدكتور ودخل ومعه 6 طلاب وقعد يسال عن جدتي
قام التفت علي وسالني ايش الادويه اللي كانت تستخدمها ,, قمت قلت : والله مدري عنها ,, لاني مو ساكنه معها pb094
قام التفت على الطلاب وتكلم بالانجلش وقال : بيمرون عليك من هالاشكال كثير ( يقصدني ) يعني اللي مايدرون وين الله حاطهم
اذا قابلتو ناس مثل كذا ابتمسو وقولو جواتكم الحمد لله لانهم من جد بيتعبونكم ,, قامو الطلاب يضحكون على خفيف
الدكتور كان استشاري وكبير بالسن قعدت اطالعه وانا افحم من القهر
قام التفت علي وجاء بييحكي قاطعته وقلت : اسفه دكتور انا وحده ماادري وين الله حاطني لاتقعد تتكلم معي اذا صحت المريضه من المنوم تكلم معها
ولاتقعد تحش بالناس بوجيهم لانو من جد عيب
الدكتور قفط وقال انا اسف ماكان قصدي انتي فهمتيني غلط
انا قاعد اقول لطلاب انو اذا مرت عليكم هالحالات تحملو لاتزعلين يابنتي ومن هالحكي
وطلع بعد مليون اسف
يعني الاستغفال غبي جدا جدا جدا
بعد هالموقف قلت لازم ادخل كونسير اقوي الانجلش عندي لانو من جد فشله كان ودي ارد عليه بالانجلش بس خفت يتعمق معي ويطيح وجهي فحمدت ربي اني فهمت عليه واخذت حقي

[ مْـبَـلْـتَـعْ ]
25-12-2009, 04:41 AM
هههههههههههه و اللهِ موضوعك يشكي حالي خخ ..
المهم خلني أقول سالفتي .. و بنفس الوقت الكم حل للي عندي .. pb192

كأي مواطن أو طالب سعودي ترعرعنا بدون ما نفهم في اللغة أي نيلة .. :sm12:
يعني الجمل العادي .. (وش اسمك - كم عمرك - انت من وين ؟ - وين تشتغل ؟ .. الخ)

تخرجت من ثانوية و الحمدلله أكو خلفية بسيطة في الانجليش .. بس ما توصل لحد كافي ..
و انقبلت في الكلية .. و كانت دراستنا كلها بالانجليزي .. فلازم السنة التحضيرية كلها انجليزي في البداية .. و بعدها تدخل التخصص ..

المهم و خذ لك 6 ساعات دوام يومياً بس انجليزي .. و من جد لو انا عندي لغة كويسة
فالفضل راح يرجع لكليتنا الجميلة .. :D الله لا يحرمني منها ..pb094

المهم .. توني متخرج من الكلية .. بدبلوم .. و قررت أكمل دراستي بأمريكا و آخذ بكالريوس ..
و توني ما صار ليي اسبوعين في أمريكا ..

و أول ما جيت كنت واثق من نفسي و عامل فيها أوباما في خطابه الخير ..
و أفهم و محد قدي :D ..

لكني و للأسف انفجعت بالواقع المرير بأني أحتاج من شهر إلى شهرين عشان أقدر
أتكلم لطلاقة هذا زود على الي عندي من لغة خخ ..

الأمريكان ما عندهم ذاك التفهم بأن الشخص الي قدامهم ما راح يفهم كل كلامهم .. pb131
و تشوفيهم منطلقين يتكلمون بشكل سريع و ياكلون الحروف .. يعني أفهم منهم 50% من كلامهم ..
و الباقي أهز راسي زي الهنود قولتن إني فاهم عليك و أسلم في السالفة .. :D

استغفر الله من ذا الكلام بس واحد من الشباب قال لي ..
اذا تبي تكون لغتهم مثلهم بالضبط .. لا تقول أستحي و مدري ايش ..
حاول انك تتكلم مع البنات بشكل خاص أكثر من غيرهم .. ! pb036
طيب شلون ليه يعني .. ؟
قال لي لأنهم يهذرون و يقرقون عليك طول ما انت في وجههم من غير ملل ..
و راح يسألونك مليون سؤال بطبعهم فضوليين و يحبون يعرفون عن الشخص الي قدامهم أكثر .. !

و فعلاً .. شخصياً يعني جربت .. بس مو تفكرون إني مضبط لي ألف وحدة pb095
لأ يعني بنية حسنة سوالف و فلّة حجاج .. الواحد يحس ان البنت حتى لو انت ما عندك سالفة ..
هي تخترع سالفة من تحت الأرض و في النهاية ما تسكت .. !

هذا حل بالنسبة للأولاد .. أما بالنسبة للبنات أعتقد بالفطرة ما يحتاجون لهالشي ..
يعني انتم بينكم و بين بعض يعني السوالف ما تخلص ..
استلموا بعض و ان شاء الله يكون في تحسن .. :D

يعطيكم العافية bp039

Nina-chan
25-12-2009, 05:04 AM
الحمدالله ما عمر مواقف صارت وفشلتني....

انا من كنت بالابتدائي وانا اعشق الانجليزية....وكانت لغتي قوية وقتها....لأن الكتب كانت اجنبية....وبعدها يوم دخلت المتوسط...استاذتنا بعضهم يشرحون بالعربي والدرس انجليزي والمنهج خايس واستمر الموضوع للثانوي...وخربت لغتي بقوووة....بعدها دخلت ترجمة بجامعة سعود لأني احب اللغة ذي بشكل مجنووون....وهذاني بتخرج....مشاء الله اكتب كويس وافهم تقريبا خمس وتسعين بالمية لكن بالتحدث اعطي نفسي خمسين بالمية او اربعين....والسبب تدريسهم الخايس....الاستاذات عربيات والمحاظرات كلها سواليف عربي...وعندنا تقريبا 14 مادة باللغة العربية ندرسها خلال خمس سنين مستوعبة؟؟؟؟.....:(

بس ناوية اشتغل عليها بقوة بعد ما اتخرج ان ربي كتب....واذا تبين نصيحتي....اجلسي طول الوقت على الاخبار والبرامج الامريكية مثل دكتورز واوبرا....تقوي اللغة بشكل كبيـــــــر....حتى لو بدون ترجمة يكون افضل عشان تركزين على الكلمات نفسها....ولا تخافين كلمة ورى كلمة....وبعدها بترطنين انجليزي....وحاولي تراسلين خطيبك انجليزي....وبالمسن جربي تضيفين ناس اجانب مو خسرانة شيء pb030 بالتوفيق

Best Wishes

ملائكية الروح
25-12-2009, 05:29 AM
( فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )

أوووهوو كثري منها !!!
أنا أدرس بمجال طبي ، يعني عندي لغة ، أفهم وأكتب ومستواي كثيرر حلو الحمدلله pb094
بس مشكلتي المحادثة ع قولك يبغالها ممارسة pb093 وأنا جالسة أمارسها قد ما أقدر :rolleyes: ...
المهم ع سالفة الاستغفاااال pb131
رحت مرة اسوي عملية فعيني ، وطول العملية الدكتور مع الممرضات
مزح ومدري وش :mad: مآآآخذ رآآآحته ع الاخر اني مش هحفهم حاااقه pb034
اييييي هين بس pb027pb024
المهم بعد ما خلصت قال : عاوزة أكتبلك إجازة ؟ :D وبكل براءة
قلت : لا إنا في إجازة الحين بالانجلش pb027pb027pb027
هو طير عيونه pb036 لو و و و ل pb095
شكله يقول في نفسه يعني فهمتي كل حاقه أولتها يا بنت الايه :mad: >> pb027

وتين
انا وانتي وجيلنا لازم نطور نفسنا بنفسنا :)
أمانة يا حكومة ارحمي الاجيال الجايه
عيييييييييييييييييـpb131ـيييييييييييييييب
انها يوصلون لأعمارنا ومايصيرون بلبل انجلش pb093
والله عيب
سانكس pb094
bp039

((AMEERAH))
25-12-2009, 05:51 AM
شافتني أبتسمت : هيلو مدام ..
_أبتسمت لها وأبي أطلبها فطور واطلع مابي أكثر حكي وأتوهق: هلو .. أي وونت ..... أي وونت >>> (كلمة فطـور ضاعت) ..
أي وونت .... مايكروسوفت ..

_طيرت عيونها: وات ؟؟
_وأعيد الجمله وأنا أأشر يدي على فمي يعني (أكل) وواثقـه من كلامي: مايكروسوفت..


ههههههههههههههههههههههههههههههههههههههههه
ههههههههههههههههههههههههههههههههههه

الله يعافيك عالموضوع اللي يوسع الصدر :Dbp039bp039

Sbeekah
25-12-2009, 06:02 AM
ياختي اكره شي اسمه انجليزي :(

يوم كنت في سادس ابتدائي كنت متشوقه اني اروح اول متوسط عشان الانجليزي :sm5:
لكن يوم جيت في اول متوسط تمنيت انا مافيه شي اسمه اللغه الانجلزيه كان ومازل صعب علي
كانت ابله عندنا تخيلي في الاختبار تغششنا كيف بالله نتعلم وفيه مدرسه كذا انا مانكر اني اساتنس في ذاك الوقت لكن كل الندم جاءني يوم رحت الثانويه ام التوهيقات !!



موقفي مع اللغه الانجليزيه :D pb094

مره كنا مسافرين المهم نزلنا انا واهلي نفطر في الفندق الا تقولي امي روحي جيبي بيض
والبيض لازم طلب على مايخلصونه
قلت: يمه وش اقولهم :eek:
قالت: روحي اطلبي بيض
قلت: يايمه والله ماعرف اخاف اتوهق في الكلام:confused:
قالت: شوفي خواتك يعرفون انجليزي ومن هالحكيpb036

>>وقوم وانا اقول بتشفون من الي يعرف الانجليزي pb024
واروح ابي اطلب وروح للي يسوي البيض وقوله بليز ذات آ آ << ماعد طلع الكلام قاعده افكر ايش بقول :Dماعرفت وش اسم البيض وأشر يدي على البيض الي يسويه<< يعني افهم وجب نفسه المهم فهم علي وقام يسوي الطلب ( كان قاعد يسوي البيض ) وورجع في مكاني على مايخلص
قالت امي: ها وش سويتي
قلت :لا ابشرك طلبتpb024<<يعنني مسويه انجاز
بعدها بشوي رحت خذيت البيض وعطيته لمي وانا مستانسه يعنني قدامهم اني اعرف اطلب بالانجليزي:)
الا تاكل امي من البيض الى تلاقيه عاده ماستوى <<طلع البيض الي طلبته مو مستوي
قالت امي :الله يعز النعمه وش ذا البيض
قلت : :eek: ليه وش فيه ؟؟
قالت:البيض الي طلبتيه مو مستوى جعلك معد تطلبين لي شي :(pb093

عندي مواقف اكثيره بس اكتفي بهذا الموقف pb094


ايه لو اقولك انا في حروف معرفها بتصدقيني :D !!

يعطيك العافيه على الموضوع pb189
bp039

I Can`t
25-12-2009, 06:20 AM
آهلا

ياختي جيتي ع القرح بزاتو pb027

انا انسانه كنت متفووقه بالانجلش في جميع مراحل حياتي pb189
اقرا واتكلم بس ماكتب :(pb189
ايه السبلنق عندي به حوادث شنيعه لاتليق بطالبه لغات وترجمه :(

ولي الحين ترمين افحط في الدوره المكثفه حقت الامام مب حبٍ لهم عشان ما ادخل القسم الا انا قوويه
وربي معي pb189pb189

متحدثه بشكل جيد ومنطلقه وماني خجوله كثير , بس قولي لي اكتبي واصيح ص1
اسمي زين مني اكتبه خالي من السبيل مستيك :(pb189

لذلك تحمدي ربتس pb027
وتعلمي من نفسك الشي اذا رغبتيه بتجيبينه بس بالإراده pb189pb189

Aski Memnu
25-12-2009, 09:04 AM
اسعد الله سنك :)

اللغه شي مره مهم..

وانا الحمد لله من يوم ماكنت صغيره اتفرج على الافلام بحكم البيت كله يحب اللغه الانجليزيه ماشاء الله..

والحمد لله انا دحين بمارسها في بلدها :)

نصيحتي ليكي القصص المصوره.. الافلام.. وفي حركه اتعلمتها لما اخدت دوره انه تجيبي دفتر تلفونات ابو حروف انجليزي.. وكل ماتتعلمي كلمه تكتبيها تحت حرفها المخصص وكمان تكتبي المعنى عربي وانجلش..

:)

moon walk
25-12-2009, 09:55 AM
لا تقلبين علي المواجع انا من النوع الي أفهم اذا كان احد يتكلم معي بس انا ماعرف أتكلم
أو بالأحرى ماعندي ثقه:( انو أتكلم حتى اذا قريت شي أفهم أغلبه.
لما كنت بالمتوسط كانت استاذتنا تتكلم عربي وانقلش بس الغالب عربي بس ما احد كان ينتبه معاها
لانو كانت تعطينا اوراق قبل اي امتحان فكنا نقول ليه نتعب انفسنا حتى الاوراق الي تعطينا اياها كنا
نحفظها ماكنا نفهماpb093 .
لكن الحين بالثانوي استاذتنا ماتتكلم ابدا عربي أول كنت أكره الحصه كره موطبيعي بس الحين عشاني تعودت الحصه صارت مره ممتعة pb030.
الحين ان شاء الله مقرره أدخل قسم انقلش أو أدخل دورة.

ثانكس يا حلوهbp039:)

ضحكة قمر
25-12-2009, 10:24 AM
طيب واللي يبي فرنسي و اسباني وياباني :(pb189
الفرنسي للبرستيج قاتله الله :Dpb189
والياباني قلبي ناغزني ويقول انها بتصير موهيمه :(
واللي يتعلموا انجليزي
تراها سهله وممتععععععععه وتفك ازمات :Dpb189
يالله شدوا حيلكم فيها ... bp039
عليك مواقف هههههه آجل هي از ماي فوت بول ههههههههههه

& روح الطفوله &
25-12-2009, 01:28 PM
موضووعك خطيييييير ;)

والله صادقه والله وهقه اللي مايعرف انقلش ولا يدبر عمره :D

بس الحمد لله انا اعرف وامشي عمري :rolleyes:

فيه موقف صآر لي وانا رايحه للهوني مون ،، كنت راكبه انا و pb192 بتاكسي ،، الا راعي التاكسي يقول لزوجي بالانقلش طبعااا ،، وش رآيك أزوجك وحده ثآنييه وقعد يسولف ويخربط ،، يوم خلص من كلااامه قاله زوجي ترااا المدام تعرف انقلش ،، هو انحرج وقام يتعذر سوري سوري آم جست كيدنق :D

شكراااا على موضوعك الرايق bp039

طايرة على سعفة
25-12-2009, 02:32 PM
اشوف اغلب الردود يعرفون انجلش

الا انا:(

والله انهم اجرموا فينا ،، لو حنا دارسينه من وحنا بزران كان تمام

والحين ماخذينا الا انواع الفشايل وين مانروح ،،

يالله عقبال مانتعلمها خخخخخخ

حلم مقتول ..!
25-12-2009, 03:35 PM
صيري هلاليه وتعرفين انقلش صدقيني بينفتح لك كل شي :Dpb189<<pb027

انا الحمد الله كنت في مدرسه قويه بالانقلش ومن صحيت عالدنيا وانا احكي انقلش غير اني دخلت كليات صحيه ومرره فادتني في كل شي بس لازلت اطمع اني اكون نيتيف سبيكر يعني احكي مثل هالاجانب بالضبط ونفس الاكسنت :(pb189

نصيحه دامك مقبله على زواج اهتمي انك تطورين لغتك وادخلي دورات تعلمي الاساسيات لاني اشوف ان البنت لازم تكون مثقفه قدام زوجها وتهتم بالامور هذي ومو بس بالشكل واللبس و و الخ ،،:rolleyes:


بقولك موقف لامي الخطيرررره :Dpb189

ما تعرف انقلش الله يهديها ،، وكنا مع السواق في السياره ويوم وصلنا المكان الي نبيه

تبي تقوله وقف هناك خلاص ،، قالت له اوكي بليز ستاند اب هير pb027pb027

الرجال قال ستاند اب ؟؟ :confused:

انا من قوه الضحك ما قدرت احكي وارقع الموضوع pb027

السواق نزل من السياره ووقف هههههههههههههههههههههههه بعدين تم تدارك الموضوع :Dpb189

جبـنة موزريلآ
25-12-2009, 04:01 PM
آه يالإنقلش..|pb189
هاللغه أحبها وودي أتعلمها
بشكل موطبيعي
ودي اصير بلبل فيها
نفسي بالإجازه الصيفيه
الله يحينا إن اسجل بدورة اللغه الإنجليزيه
بـ أكاديمية الملك فيصل بالرياض يمدحون
تدريسهم
وفي مستويات كل دوره مستوى
وإن شاء الله غذا تيسر وتعلمت بشتري
روايات باللغه الإنجليزيه
عشان مأ أنساه
والله يوفقنا ويوفقك يآآرب
وان شاء الله ندخل الإقلاع ونبربر مع بعض
بالإنقلش..|pb024pb189

l7en ..
25-12-2009, 04:17 PM
انجليييزي:sm1: جيتي على الجرح يا وتينpb093

أنا ياطويلة العمر مثلي مثل اي مواطن في هذا البلد بدأت دراسه اللغه أولى متوسط ووقعت في غرامها
وحبيتها من كل قلبي pb094 وصار الانجليزي عندي لعب مو ماده ماشاء الله تبارك الله وتفوقت في الماده ومن يومها وانا حلمي ادخل قسم ادبي انجليزي في الجامعه:rolleyes: عشان اطور لغتي واكمل دراسات عليا في التخصص ..ويوم جيت اقدم في الجامعه انصدمت اكبر صدمه في حياتي السنه اللي قدمت فيها كان التقديم للانجليزي لبنات الادبي فقط وانا كنت علمي :sm1: فما قبلوني وحاقده عليهم الى الان:mad: وانا على وشك التخرج لانهم حطمو احلامي :sm1:

ومع تخصصي الجميل نسيت اغلب الكلمات الانجلش والقواعد لان دراستي اغلبها لاتيني ...وبس الحمدلله على كل حال <<<قصة حياتها

ع العموم اللي عنده حلول أضافيـه غير اللي قلتها ينورنـا عسى ربي ينور دربـه ..

الافلام طريقه رووووعه وطورت لغتي كثيييييييييييير بس مشكلتها الاكسنت(اللهجه) امريكي وانا
نفسي اتعلم اكسنت بريطاني pb189
واهم شي للي يبغى يتعلم الكلماااااااااااات احفظ اكبر عدد تقدري وبعدها المحادثاات
وفيه مواقع لتعليم الانجليزي للاطفال حلوه للمبتدئين يكون فيها ناطق للكلمات استعملها مع اخوي لانه مييييييح جدا

وتين يعطييك العافيه على الموضوع وان شاء السنه الجايه نشوفك منزله موضوع في
الاكاديميهpb095

لغة المشاعر
25-12-2009, 04:25 PM
اووووووووووووووه
ياذا اللغه كلنا نحب نتكلم ونحب نسمع بس للأسف ماتخلو من الأخطاء :(

لغتي لابأس بها أفهم واتكلم شوي شوي بس مااعرف اكتب :D
هالسنه معاي وحده بالدوام .. لغتها مررره واااو ( مصريه :D)وزوجها دكتور يعني
متقنه اللغه من تكلمت لها وودي آخذ كورس ومدري ايش قالت خليك معاي وانا اعلمك pb034
ياحلاااااوه دبلوم ببلاش :D:D

المهم من مواقفي ..
كنت بالمستشفى ( كنت مصلحه عمليه ) وكانت معاي وحده بالغرفه ترتفع حرارتها الى 40 الله يشفيها pb189pb189:(
المهم ارتفعت حرارتها ونادت النيرس قالت اختها ابي ثلج
والنيرس تناظر فيها ايش ثلج pb036
رحمتها وطلع المخزون اللغوي اللي عندي
قلت آيس آيس
قالت آهـا اوكي pb030pb189
حسيت اني فرجت كربه pb189
< فرحانه

يعطيك العافيه ع موضوعك ومواقفك التحفه بصراحه :D
إلا ورى ماتخلين شغالة اخوك تعلمك pb192pb189

Miss Ghada
25-12-2009, 04:29 PM
انا الحمدالله تطورت لغتي من (مشاهدة الأفلام الأجنبيه)
وتعرفين البرامج والاخبارالي تجي بـmbc4 الصبح اتابعها اذا واصلت لأنو الصبح مافيه شئ ينشاف

حكاياتي
25-12-2009, 04:45 PM
الروايات بالانقلش

تساعد باللغه كثيييييير مررره

مشكلتي موب باللغه مشكلتي بالسبلينق بالكتابه فيها اخطاء كثيره ان دل يدل ع ان تاسيسنا خطا بخطا

::
اما مايكروسوفت شيييي هههههههههههههههه

لوزين جبن
25-12-2009, 05:56 PM
pb189هاي ياقهوجيييييييييييين
ترى اول مره ارد في القهوه لانني للاسف لم اتفعل ؟؟الى متىىىىىىىىىىىىى مسجله من قبل رمضان يمكن:sm1:
وهذا اليوزر بايقته من اخت صديقه اختييييييييييييييييييييي :D
وانا مو مستوعبه اني ارررررررررد من الفرحه

المهم بقولكم انا احب الانجليزي مره بس للاسف انا ماعرف الا يس وتزوجت انسان يعرف بس نو :latkather:
يعني كملنا صراااحه.....pb093

طيب والمشكله سنويا نسافر برااااااا طيب شلون ؟؟؟
اتوقع يجينا وحي هناك وبعدين خلاص يختفي اذا رجعنا خخخخخخ

الناس تستخف كيف تدبرون نفسكم واحنا عادييييييييييييييي
وهو يقول تعلمي اللغه وانا اقوله انتي اللي تعلمهاااpb036
عجازيييييييييين
وعلى طرا الاخلاق النصراويه ترى اليوم بتزييييييييد خصوصا بعد الهزييييييييييمه:sm1: 3/2

بس لنكن قلبا واحد يانصراوييييييييييييين ويانصراوياااااااااات pb189ونحن نطمح ولن نمل وان شاء الله فالنا الفوز في المباريات الجاييييييييهpb189
ياحبي لكم ولهم >>>>>>النصر

عآلم غريب
26-12-2009, 12:15 AM
مواقفك تووووحفة هههههههههههههههههه pb189:D

الانقلش آحبببه وصح مااتقنه كثير كحوار ..pb094
لكن مع الافلام صرت احسن بكثيييييييير ..;)
واي اجنبية انط بوجهها اسولف معها :D
خصوصا الممرضات ;)pb189

الممارسة + الافلام
هي الحل لتقوية اللغة ;)
بما انه مافيه مجال نهاجر :(

ومناهجنا × <كبر راس معلماتنا الفاشلات pb093
وش كثرهم يتخرجون ..مايفهمون شي :sm12:
والسبب المناهج وطريقة التدريس :rolleyes:

وتين ..
يعطيك العافية ..bp039
موضوعك وسوالفك حلوووة pb189

وتين..~
26-12-2009, 01:45 PM
ياهووووووووه ياكثررر الفاشلين بهاللغــه .. يعني مو بس أنا :Dpb027





بارد بارد

يالله أنك تحييه :)

أييييييه وأنا أختك أمس زاد الضغط والسكر عقب خسارة النصر :( ربي يعوضنــا ..

زي ماقلت أن الخوف والشجاعه هي سبب من أسباب ضعفنا في اللغـه ...
ومجتمعنا اللهم ياكافي يدورون علينا الزله .. الله المستعان ..

منور بطلتك





ĻąHŇ~


هلا وغلا .. أنتي مثلي أحلامـي مؤجلــه وبخاطري أتعلم من ألحين بس الله يعين قلبي من هالتسويف :(

يالله نبدآ أنا وأنتي بعد التخرج ويآرب لا يعوقنـا شــر ;)

فديتك أنتي وردودك pb189.. يفدآك الموضوع لو تبين :)





! Move on

أعجبتني فكــرة القصص ذي .. دخلت مزآآجــي بس وين ألاقيها؟؟ :confused:


مشكـوره ع الأضـآفه الحلـوه ..

لا عدمت هالطلــه bp039..





روزهـ

يالله أنك تحيييييييها :)

مشكلة الأمهـات مايعرفون أن هالأشياء من صالحنــا .. تذكـرت أمي مره كنت أقرأ كتاب أسمه (شوربة دجــآج) مؤلفه أجنبي ,, وجالسه أحكي لأختي مضمونه .. قالت أمي/ عفيييييييييه بنيتي تعلمي الطبآخ خخخخخخخخخخخخ .. الكتاب ثقافي مو حول طبخ .. ياحبي لها بس ..

لا تحرمينآ من تواجدك ياقميلـــه bp039




إلى متى ««


منوووووره يالغــلآ pb189......

ع طاري جدول الضـرب .. أخواني الصغار لما يجون عندي عشان أشرح لهم رياضيات طواااااااااااالي أصرررفهم / أقول ما أعرررررررررف خخخخخخخ بجد ناسيه هالمآده أقصــد كارهتها وماصدقت خبر دخلت أدبي منها ...

لا فقدتك bp039




miss.najla

أما موقفك بماك خخخخخخخخخخخخ فشيلــه:D .. والله ماودك تطلبين بسبب هالأجانب يحرجونك معهم ..

يالله صفـي طابوووور مع قائمـة الفاشلين في هاللغه .. وعقبال ماتتعلمين :)

iRakan
26-12-2009, 05:19 PM
ضربتي على الوتر يا وتين :sm1:
أنا عقدتي الانجليزي pb093 ، دخلت معهد دايركت انجلش عشان أتحسن pb192
بعد الاختبار قالوا لي ، بـ نحطك بالمستوى الثاني :)
قلت لا و كلا و أرفض قطعاً :mad: ، أنا سفير آل محبه أدخل بالمستوى الثاني pb131 !!
سحقاً ، معهد فاشل pb027 !!

و هذا موقف ثاني ، فشيله كبر أفريقيا :(
هاك اليوم ، كنت أسمع أغنية أجنبية على جوالي ;)
داخل جو و ما فيه إلا قوة هز هالرقبه pb192
شوي إلا يدخل علي أخوي اللي بـ ثاني ابتدائي pb131
سفير ، تفهم وش يقولون أنت pb036 ؟
قلت انقلع و لا عاد تعيدها يا ولد pb071

و هذا موقف ثالث pb192
يوم إني داج بـ ماليزيا مع الاهل بالإجازة الصيفيه
جيت بأركب المصعد ، و كان معي موظف في الفندق
قال [ كان يو سبيك انجلش :) ؟ ] هنا انلحست pb030
وش اقول يا ربي :(
أقول [ يس ] و يقوم يهذر علي :(
أقول [ نو ] و يقول الله لا يبلانا pb093
أبي أقول [ نص و نص ] بس نسيتها :sm1:



ما يستفاد :Dbp039
1ـ تعلم انجليزي عشان ما تتوهق ;)

و ثانك يو وتين :Dbp039

^مــجــودي^
26-12-2009, 06:37 PM
<== يحب الانجليزي مررره

يعني ودي اتعلمها

بس مشكلتي كسووووول

S O U L
26-12-2009, 07:01 PM
ذكرتيني بأيام الابتدائي pb189
بنات عمي توأم أصغر منّي ب 3 سنين تقريبا, بس بلابل ماشاءالله :D أهلهم مايحاكونهم الا انجلش (والصراحه اني ضد هالشيء), فاللي صار إنّي صرت أبغى اتعلم زيهم, صرت وش أسوي قبل ما أروح لهم ؟ pb027
أجيب ورقه وأكتب فيها الكلمات الانجليزية المهمه اللي استخدمها يوميا, بس المشكله اكتبها بحروف عربية pb027 وأخذ الورقه معي وأغش منها لا وصلت pb094

دخلت المتوسط وانا مره متحمسه للانجلش pb189 بس للأسف المنهج كان مش كويس والتيتشر تشرح بالعربي ! :) أصلا ماتشرح الله يهديها كانت تسولف وآخر خمس دقايق تعطينا شرح ع السريع (طبعا بالعربي) !!
بس الحمدلله كانت درجاتي مرتفعه فيها, بس بالثانوي التيتشرز كانوا مره كويسين وأسسوني صح pb189 الله يسعدهم وين ماكانوا يارب pb189
وتخرجت من الثانوي وانا مره حابه أتعلم زياده, والحمدلله تخصصت بكلية اللغات والترجمه, لغة انجليزية pb189
وترا اللغه مره مره سهله, بس يبي لك تشدين حيلك شوي وتقرين وتعودين اذنك على سماعها وتضبط امورك pb189

اما بالنسبه لمايكروسوفت pb027 تقطعت من الضحك هههههههههههههههههههههههههه

~ J 4 E
26-12-2009, 08:46 PM
بصراحة .. نظامنا التعليمي فاآاشل لأبــــــــــــــــعد الحدود

سواءا جاء تعديل أو ماجاء .. النظام كله من الأساس مخّخّمج = " معفن "

والدليل معظم الدول تهتم بنظامها التعليمي .. لدرجة ان المدارس الحكومية تكون هي القدوة والمثال للمدارس الخاصّه ..

وش أقول لأقول .. شوفوا القدرات .. والله دليل داامغ انه عيالنا يسرحون الصباح ويرجعون والحصييلة صفر .. كمعلومة استفاد منها .. أما كتسمييع وحفظ خذووولكم طلاب !

والله جرررح كبيير .. بس ما احب اطول عليكم .. الصراحة عندي كلاااام كثيير وعتب كبيير ..

Arnb.n6
26-12-2009, 09:04 PM
حلوة مايكروسفت

تذكرت اختي ايام الجامعه كانت تبي تطلب فشار عاد قالت خلني اتميلح على صديقاتي واتكلم انقلش
عاد جت تقول بوب كورن قامت قالت كورن فلكس:D .

بعدين حلو الغصب في حفظ الانقليزي>>مهيب متعقدةpb036
اذكر ابوي يوم حنا صغار في الاجازة الصيفيه يقعد يحفظنا انقليزي الكتاب في يد وسلك التلفون في اليد الثانيه.:D

تيبل
26-12-2009, 09:10 PM
كل الردود أجمعت على التالي:( :
ما نعرف
ما نختلط بنيتف سبيكرز
نستحي
نخاف نتورط

.
.
.
.
ليه بس كذا وش ذا التحطيم pb131
كل أبوكم شطار والا شلون تنجحون بالثانوي علموني pb034
مشكلتنا الوحيده أنا نحط عائق عشان نبرر لانفسنا
وبعدين ترى مهيب لغتنا فبطقاق وش بيصير لو غلطنا نهاية العالم :rolleyes: بيضحكون علي خلهم يضحكون وش صار :D

بالنسبه لموضوع الحياء خلوني أعلمكم حركه خطيره أسويها :D اذا أستحيت وانا اتكلم اتخيل ان اللي تتكلم هذه مو انا واذا تفشلت عادي جداً لان الفشيله ما راح تكون بوجهي بوجه الشخصيه اللي امثلها مع الوقت والتجارب وعدد لا بأس به من الفشايل خلاص يصير الوضع عادي مره ;)
لدرجه أنك تبدا تستمتع بالنقد لان كل ما أنتقدت أكثر أعرف أن حصيلتي اللغويه صارت اكبر وعندي فوكاب اكثر :Dpb189



متابعه pb189:D

أريـج الورد
26-12-2009, 09:47 PM
ياهلا والله بوتين ..bp039
تصدقين عندي مصطلحات كثيره للغه الانجليزيه لكن ماادبر بهن كثير ..:D
عندي انا اللي يتكلم معي افهم عليه لكن بصعوبه اوصل له المعلومه ..pb131
وفيني بعد مثل اللي قبلي استحي اقول شي غلط ..:sm5:

اخر موقف صار معي ..قبل فتره كنت اتمشى بالنت المهم دخلت احد المواقع ..
وكان فيه تسجيل لدراسه لعده لغات من ضمنهن لغه صينيه ..:D
وكان بالاعلان انه ببلاش ..pb034 قلت يابنت سجلي لغه وببلاش من يحصله ..pb094
دخلت سجلت الاسم /رقم الهاتف / الايميل / رقم بطاقه الفيزا ..:eek: / هنا انا عاد وقفت
يبي يضحكون علي ..لا انا اللي اوريك فيهم واسكر الصفحه ..pb034
مرت الايام ..كنت نايمه ويرن التلفون وارد وانا نصي نايم ..(المحادثه مترجمه):D
هيلو هذا منزل اريج الورد ..:D ..يس (اول الوقت جاء ببالي المستشفى عندي موعد وياكدونه ..)
قالت انا من الموقع الفلاني انتي سجلتي تتعلمين اللغه الصينيه بس ماكملتي التسجيل ..:eek:
انا هنا دورو وجهي ماتلقونه اللحين انا فهمت عليه بس شلون راح اوصل المعلومه ..:confused:
قلت له اسفه مااقدر اتكلم انجليزي ولاافهم عليك ..قالت واات ..لا اللي فهمت علي انا ولغتي البسيطه
وهي بعد لغته مكسره ..:rolleyes: حاولت من هنا هنا افهمه لكن للاسف المحاوله بائت بالفشل ..pb093 ..فما كان عندي الا اقوله اسفه واسكر السماعه ..pb094
عاد بعده خلاص توبه ماارد الا انا شايفه الرقم..:D


للجميع اللي مايعرفون انجليزي ...bp039:D

أبـو عــرب
26-12-2009, 10:09 PM
المشكله انه اذا صار عندك حصيله ما عليها في الانقليزي بس اذا اضطريت تتكلم تنلخم ..

انا كذا .. اذا بغيت اتكلم انلخم وتطير مني كل الكلمات .. وأصير نفس حالتك يومك تقولين مايكروسوفت خخخخ

هذي الظاهر مالها حل الا انك تتكلم كثير .. صرت اكلم كل العمال انقليزي وان كنت الخبط معهم اغلب الاحيان :d



يعطيك العافيه يالنصراويه ..

Sentimental
26-12-2009, 10:12 PM
اول نشاط الي كان حجز مع مكتب الخطوط واللغه ماكانت اللي بداية دراستي بالجامعه..
امي جتني قالت لي كلمي واحجز لي تذكره ..
استني لما احد متمكن من اللغه يقوم ويحجز لك ..
ومارضت..
المهم دقيت وقلت في نفسي يارب يكون فلبيني يصبر على ركاكة اللغه:D
رد علي سعودي والله اني نسيت كل شي على اني عارفه وش باسوي ارتبكت..
ماتذكر الا ريكوست و......
لين ناظرتني امي"ياخساره دراستها في نفسها" وشوي الا بدات القريحه تطلع ..
وبالنهايه قالي شاكر اتصالك ويلزم اي خدمه ثانيه بالعربي..
دامه يتكلم عربي ليه من البدايه ليه مارحمني..
بس هو اللي ساهم بتقويه اللغه الركيكهpb034

يعطيكم العافيه ومتابعهbp039

الليدي بيكهام
26-12-2009, 10:12 PM
ههههههههههههههههههه تبين مايكروسوفت واللة انها حول البريك فستبالنسبة لي مالاقي صعوبة في الانجلش لانيEnglish teacher واعشق كل شي انجليزي (بيكهام)pb189pb189[/][RIGHT]مناهجنا قمة في الماساة ومنهج سادس هو نفسة منهج اول متوسطpb093موضوعك nice &funny (بدينا بالهياطpb034)bp039صدق النصراوييييييييييييية دايم اعصابهم تلفانة (ماتقصد نفسها;)

Dream~
26-12-2009, 10:19 PM
.
.
هلا وتين /pb189pb189
الله يوسع صدرك بالعافية ههههههههههههههههههههه :D
أجل آي ونت مايكروسفت ههههههههههههههههههههههههههههه
لو انا مكان الفلبن كان قلت ماطلبتي غالي هههههههههههههههه :D
الله يسعدك وربي فطست ضحك على موقفك pb027
ذكرتيني بوحده من صديقاتي يوم كنا بالجامعة فيه وحده ساعدتها بشي
قالت لها ثانكيو ,, صديقتي تقول احترت وش أرد عليها :D
وبعد تفكير عميق قلت لها نوووو ثانكيو فور هوم وورك هههههههههههههههههpb027
على أساس يعني "لاشكر على واجب " ههههههههههههههه pb027
تقول بعد فتره أكتشفت إنه مفروض أقول "ويلكم" بس :D

آآآآآه يالإنجليزي :D مشكلته مشكله وعلى قولتك ماتقدرين تاخذين لغه إلا بالمخالطه
هذي انجح طريقه عشان نكتسب اي لغه في العالم مو بس الإنجليزي :(
الأفلام مفيده كثير وإسألي مجرب :D يعني لغتي تحسنت يمكن 60 % لكن المشكله في الكتابه :( مره أعاني إذا جيت أكتب شي ابلع حرف من هنا وحرف من هناك pb093
يعني إذا تعدلت ناحيه الثانيه خربت ....الله يعين بس :D

موضوعك مره حلو ياوتين pb189pb189pb189
الله يعطيك العافية ودعواتي لك بلغة انجليزيه خطيره وتصيرين بلبل :Dpb189

لحظة وداع
26-12-2009, 10:36 PM
pb027pb189
حبيت موضوعك من الخاطر صدقpb189
ياليتى اعرف انجلش pb093 كان ما شفتينى الحق خواتى الصغار يترجمون لى الكلامpb131
وبعض الاحيان اقول ياليتى داخلة مدرسة خاصة مثل خواتى كان وانا فى المتوسط معى لغة زينة وتمشي الحال:(
اسلوبك حلو
pb189pb189

مُمُطرهِ | ~
26-12-2009, 10:37 PM
وو آلله آللغة الإنجليزية مرآ ممتعه حبيهآ وبتمشي معآكِ .~ pb189

أنآ آللحين أحآول أطور منْ نفسي بـهاللغة لآنهآ مرآ حبيتهآ فجآءة , pb094

ويآآربْ كلنآ نصير بلآبل بـ جميع اللغآت ....~

pb024

ريمـاز..!
26-12-2009, 10:41 PM
موقفك مع الشغالة ههههههههههههههه

عندي الانجليزي اسهل من العربي بس يبغاله ممارسه

مو تدرسين وتنسينه على جنب

ناويه حاليا ادخل دورة

مستواي وسط
عندي مفردات كثيير واعرف اكتب واقرا

بس مشكلتي الخجل وعدم الممارسه

يعطيك العافيه عالموضوع اللي يوسع الصدر

{ بـوهـة }
26-12-2009, 11:06 PM
موضوع خفيف وكلنا بحاجه له pb189

موقفك مع الشغاااااااااله بغيت اموت من الضحك , pb189:D
وش مايكروسوفت الله يرجك .. هههههههههههههههههههههههههههههههه

بالمناسبه , احس اللي يجيب شغاله تتكلم انجليزي يضرب عصفورين بـ حجر , pb189:D
لأنك بتضطر تتكلم معهآ , ومافيه احراج بالموضوع لأنها مقابلتك 24 ساعه وتعرف مستوآك !
انا مع ان الشخص يعلم اطفاله من صغرتهم حتى لو ماعطتهم المدرسه لغه انجليزيه ..
فيه عندك خيارات كثيره .. ياأما تجيبين لك عامله تتكلم انجليزي , أو تسجلينهم بـ معاهد ,
أو حتى فيه اجانب يفتحون لهم حضانه بيتهم يعلمون فيها الصغار وهم يلعبونهم !

فـ علشان كذا المفروض ماننتظر وزاره التربيه والتعليم لما تحط لنا نظام تعليم مثل النآس ! pb131
ندرس عيالنا من صغرتهم احنا بـ نفسنا .. pb189

.
.
موضوع الأسواق والطاعم ووو الخ .. انتي مو مضطره تتعاملين مع اللي يشتغل بـ لغته هو !
المفروض تتكلمين بـ لغتك انتي ..
انتي هنا ببلدك وهو اللي مطالب يتكلم بـ لغتنآ ,
فـ علشان كذا مو ضروري تحطين نفسك بموقف مثل كذا pb189 بـ مجرد مايكون اللي يشتغل مايعرف عربي دوري له بديـل ..pb192
اهم شئ انتي ! مو هو ..pb036

بس هذا مايمنع انك تتعلمين ,pb189:D

.
.

موضوع تشكرين عليه ياعسل , pb189
وان شاءالله يااااارب مايمر شهر الا وانتي صقر , مو بلبل ! pb189:D

على الريش
26-12-2009, 11:17 PM
موضوع قلب المواجعpb027

أذا أنا ببتعث ليش خسارة الفلوس علشان ادرس لغة من الصفر ..والله في ناس من دول فقيرة

زي تنزانيا ..الخ يدخلون الجامعة عدنا بدون مايدرسون لغة وبدون أي شئ وبلابل وعندهم قابلية يتعلمون اللغة العربية:D والسبة احنا..وأنت يالي جاي من السعودية ادفع 22 ألف حق المعهد بس وضيع سنة .

عام 2007 صار لي موقف مع شغالة أختي الفلبينية (تتكلم أنجليزي بس ولاتعرف حرف عربي)

كنت في المطبخ مستني العشاء ..وجهزت العشاء وقالت لي وين تبغاه في المبطخ ولا في الغرفة ؟

جاوبتها بكل ثقة : اند اند (end) تناظر مستغربة وأشار بأصبعي على فوق يعني في الغرفة

بدل ما أقول up قولت end أي نهاية سلاااامات:D

وفي مواقف ومواقف يوم رحت افتح حساب (في دولة أجنية) ويوم ماشتريت الابتوبpb095

قمة في الأحراج ..لكن الحمدلله الأن احسن بكثير

في طريقة والله أنا أستفدت منها في تطوير اللغة تناسب المسويات العالية في اللغة
الترجمة: ترجمة أفلام أجنبية , ترجمة مسلسلات .
تطور الليسنيق
والجرمر وتمسع كلمات جديدة وتشوف السبيلنق قبل ماتترجمها للعربية
وكيف تكون صياغة الجملة بالعربية ..ومع الوقت بتكون أغلب الحوارات مألوفة بسنبة لك لأنها مرت عليك قبل كذا وتعرف طريقة الأجابة عليها ..بدون أي صعوبة

طريقة جدا ممتعة لتعلم اللغة جربوها bp039

تسلمين على الموضوع

..زوزي..
27-12-2009, 03:46 AM
موضوع شدني

انا احب الانجليزي مررره المهم بعد التخرج دخلت المعهد البريطاني واستفدت مررره بس ماقولك اني بلبل بس اعرف اذا احد تكلم معي واعرف ارد وترى الافلام لها دور صحيح ماحب اشوف الافلام الا بترجمة لان في كلمات مافهمها بس لو شفت بدون ترجمة اقدر افهم وش يقولون ;)


فيه ناس يستغفلونك بإتقانهم للغه الإنجليزيه .. يتصرفون بطريقه سيئه وبثقه إن الشخص اللي أمامهم مارح يفهم مع إن هالأسلوب يزعج كثير ويظل راسخ بذاكرته )

انا مره صار لي موقف بالمستشفى كنت متأخره عن الموعد بسب سواقنا وكنت مرره متضايقه منه انا طبعي لاتضايقت وجا احد كلمني من اهلي افرغ فيه :D
بس اذا ناس غرباء اسكت ولا ارد ابد المهم سألت ذي اللي في الاستقبال ليه متأخره مارديت من الزعل يعني زي اللي اقول اخلصي علي بس :D
المهم قامت تقول للممرضه وهي تضحك شكل ماعندها عذر ورديت بالانقلش السبب اني زعلانه من سواقنا واذا كنت زعلانه ماحب ارد على احد وهي تنطم :D

المشكله ماتلقين هالمواقف الا من السعوديات والا الاجانب وش حليلهم يقدرون انك مو مره بالانقلش ويتعاملون معك على هالاساس :)


شكرا على الموضوع bp039

نسمات المطر
27-12-2009, 04:28 AM
مع انها لغة سهله
بس أساسنا بالأنجلش وتعليمنا مو ذاك الاهتمام

أصلاً شوفي بعض المدرسات شلون قسم نص الحصه عربي
المفروض من يوم تدخل لين تطلع كلامها انجلش

انا مو مره بس اعرف الكلمات بس صعب اركب جملة :D
_شافتني أبتسمت : هيلو مدام ..
_أبتسمت لها وأبي أطلبها فطور واطلع مابي أكثر حكي وأتوهق: هلو .. أي وونت ..... أي وونت >>> (كلمة فطـور ضاعت) ..
أي وونت .... مايكروسوفت

خخخخخخخخخخخخخخخخخخخخخخخخخخخخخ
اوما مايكروسوفت والله انك رهيبه pb027


يعطيك العافيه
bp039

فارس !
27-12-2009, 04:38 AM
يووووووووووووووووووووووووه الانجليزي حكايه

اللي يبي يتعلم انجليزي يسكن بـ هرفي بس
هو بيتعلم بس بيطلع كل سواليفه تشكن تشيز ميل بس
لكن بيتعلم


واحنا صراحه صرنا نتصرف بطرق غريبه
اجل مره شفت زيدي داخل مطعم بخاري في الرياض يقوله بالانجليزي حبتين دجاج مع رز خارجي
البخاري ع طول قال ايس فيه ايس كلام مال انتا pb093


فـ اللغه لابد تتعلم من اهلها
بعدين مساله التعليم من سادس او من اول كلها واحد
المنهج بايخه كله المضارع البسيط والماضي المستمر من اول متوسط لين 3 كليه pb030

وتين..~
27-12-2009, 07:11 PM
ياشين جو الرياض متقلب :sm5:
اربع فصول بيوم واحد pb036:sm18:



عارف وساكت

فكــره حلــوه منك بخصـوص المباريات أن نسمع التعليق بالأنجليـزي
طبعآ تصلح لبنات وشباب >> نبي نصير ملمين بكل أنواع التعلم عشان ماتسبقونا بشيء :Dpb189

وأحم أحم >> تتهرب من المصارحه خخخخخخخخخ
يعني وش أقولـه / صــادوه pb095





بقايـا الهدايـا


موقف اللفت يقهررر من جــد pb093.... ياشين الناس اللي تستهزأ بغيرها بهالطريقــه والله تدور الأيام ويصيرون بنفس هالموقف بس الله يسامحهم :(


منوره يالغلآ .. .. ولآعدمت طلتك الحلــوه bp039





RainAroma


خخخخخخخخخخخ تخيلي أقولـه ثقافتي فرنسي والله يمسكها علي العمـر كله pb027pb189

ع البركــــه أنتي أول وحده شآطـره باللغــه >> تصيرين صديقتي pb095..

أحس طلعت غبره يوم قلتي/ أبو صلعــه ...... ياقددددمه شكلـه يخوووف هع




محظوظة ومبروكة


صح أنو مهم تكون الأستــاذه نشرح أنجليزي ,, بس البعض منهم تشرح بنفس شينـه وتظل عابسه وعصبيه طول الشرح >> ماره علي هالنماذج بالثانوي pb093

بس أن كانت حابـه الماده من جد تحببنــا فيها وبأسلوب أو غيره ممكن نتقبلها ونتعلم تلقائيــآ
نرا أغلب الأساتذه بالمدارس دخلوا مجالهم من غيــر رغبـه ..... وهالشي حسينا فيه أكيــد :(



منوره بطلتــك bp039




doab


غريبـه .. البعض يلوم المدارس الحكوميـه أنها ماتعطي الطالب حقـه من هاللغـه .. بس أنتي درستي بأهلــي ولا أستفدتي شي .... معناها يظل العيب بطريقة التدريس في (المناهــج) :confused:...

شـآكـره لك التواجد bp039





A L A N O D

أنا وش قلللللللللللللللت >> توهقت بالترجمــه خخخخخخخ :Dpb027

لاعاد تعودينها طيب ,,,, يالله رايحـه أقيمك سلبي pb034



manalo


أقتراحآتك / 1- نحــب اللغـــه ..
2-الأراده والعزيمــه على أتقانهــا ..

>> لي ولغيـري هالكلام ,,, وألف شكـر لك يالطيبــه pb189

تشوفيني بالأكاديميـه أن شاء الله برتبـة / (أستــاذه E) خخخخخخخخخ





دنيآ حظوظ

أعجبتني فكــرة موقــع imvu >> تحمسسسسست والله pb189

طوالي فتحت قوقل أقرأ عنه .. يعطيك العافيـــه وعسآك تتعلمينbp039

بيض مقلي
27-12-2009, 07:48 PM
شرهتك على اللي ودّه باللغة الإيطاالية والفرنسية و هو ميح بالإنجلش !


تدرون وش أحلى شعور عندي .. إذا كنت مزكم !

أحسّ الاكسنت و انا اطقطق انجليزي يجي تقل اكسنت بريطاني هههه < يا عيال عاهه :( !

يعطيك العافية على هيك موضوع خفيف و مهضوم وظريف < قريباً الاكسنت اللبناني ههههه

وتين..~
27-12-2009, 07:52 PM
هذيــآن

ياللـه أنك تحييهــا pb189

دآيم أتمنــى أننا ندرس مواد تكون قد مستوانا الذهنـي وبدون حشو ع الفآضي .....
أقلها المواد العلميــه وقسم العلمـي كلللله ..... أغلب اللي يدرسونه عشان يطمحون لأختصاص طبي أو كليـه وجامعـه لها مستقبل وقليل أللي يتخصص بنفس المواد اللي درسها ,, يعني ماأستفدنـآ شيء pb093

بالنسبة لمواقفي بالإنجليزي ههههههه ماقد توهقت برا لإن الكلام خفيف أصلاً مهب ذاك المحادثة
الصعبة , العلة بالكلاس ولا برا , يعني من المواقف اللي ودي إن الأرض انشقت وبلعتني
كنت مع وحده من البنات تسلم على أستاذة تدرسني جت الإستاذة تكلمني حسيت بحرارة في وجهي
وعروق دمي صارت زرقاء ههههه فسفورية اللي تبين وعجزت أبلع ريقي هذا كله حياء لين
جينا للنقطة الثانية اللي هي لازم أحكي إنجليزي معها لإنها ماتفهم عربي أصلاً بدل ماقولها إنتي
درستيني كورس الترم الماضي قلت أنا درستك الكورس الماضي ..


خخخخخخخخخخخخ والله أنك تووحفـه ,,,, كذا تسوي فيك الربكــه :D
بس أهم شي أنها فهمت عليك ووصلها شعورك

ماشاء الله عليك فيك حب للتعامل مع الغيـر باللغـه الأنجليزيــه وتشجعين هالشي pb189

بالتوفيق لك يالغلآbp039 ...






Iknow


حلو أنك واصلتي طموحك ودرستي معهك .... كثير يحبطوني بسالفة المعهد ذي أنها نفس المدرسـه مجرد حفظ وبس :( .. تفائلت بكلامك :rolleyes:....



اخذت اربع سنوات من عمري اتعلم اللغه الانجليزيه عيال اختي ساكنين في دوله ثانيه شهر بس اللغه صارت عندهم ممتازه ..مدري وش السبب المنهج والا الاساتذه !!

ياعمري كديتي كد مع الـ E :(>> غبينه بزرررران يعرفون بشهــر وأنتي أربع سنوات ...!!


منوره بوجودك bp039





:: E 7 S A S ::



الكتابه عندي حلوه و ءألف قصص أطفال (غير معده للنشر بيني وبيني ) وحتى الفهم .. وأحاول كتب المترجمه اقرأها بالأنجليزي
إلا شيء واحد بالأنجليزي ماحبيتو - الشعر- ما أحس فيه اللذه اللي بشعرنا العربي

ماشاء الله عليــك pb189... أما الشعـر ماتنلامين والله من جد ماله داعي ..... يعني بنسوي أمسيات بالأنجليزي؟؟
تخيلي عاد تصير عندنـا أمسيات وقلطآت وأحتفلات بألأنجليزي خخخخخخخخخخخخخ pb027:D




sorry my English not so good
وكأن ودي أقولها لا تحمسين الله يصلحتس ترا على قدي اللغه
نفسي أشوف وجه الحرمه عقب كلامك خخخخخخخخ :D



لآعدمت هالطلـــه bp039


مَاءْ


I have embarrassed yourself with the maid<< مهوب عناد
سلبي سلبي >> خخخخخخخخخخ الله يهدآك كان حطيتي الترجمه بس pb036:D



There is a book fundamentals of English for betty azar أنصحك فيه .. وشاهدي أفلام غير مترجمة كثير بتستفيدين.

شــآكــره لك الأضـافه الحلــوه pb189..

لاتحرميني من طلتك الغآليـــه bp039





**لولو كاتي**


دايمن اغلط واخربط واقول he وانا احتسي عن بنت والمفروض اقول she

ياختي ياختي خخخخخخخخخخ عادي قولي أن الضمائر بالعربي تختلف بحسب اللهجات أجل كيف أنجليزي >> ينعن أوم التحريش:Dpb027 ..

لا عدمت طلتكbp039

متى آتخرج؟!
27-12-2009, 08:33 PM
hello pb189pb189
pb189Wateen
how are you؟

pb027<< هذي اللي بتنجلد هههههههههه

والله كل كلمه قلتها صادقه فيهآpb189
اتوقع الاسباب هي مناهجنآ لآيغرك اننا ندرس 6 سنوات انجلش بهالمناهج بتطلعنآ بلآبل !!pb036pb093
لآنها بكل بساطه ماتخدمنآ:sm4:
والسبب الثاني المدرس او الملقي
تدرين ان اللي كانت تعطيني انجلش في المتوسطه 3سنوات وهي نفس الاستاذه وكل حصصهآ سواليف عن بيتها وعيالها واخوانها مزايين :Dpb189
<< تذكرت مره جابه صورهم والله ياهم طخمآآآآآنpb189pb189pb030
عاد يوم شفنا الصور وخلصنآ راح بلغنا عليها الاداره pb036<< قليلين خاتمهpb027pb027

ايه اقول عآد ان مناهجنا واساتذتنآ هم سبب هذا الوضع:)<< يعني اتكلم من جد:D
لما درست انجلش في الجامعه حسسسسسيت بمدى معاناتنآ في المدارس
في الجامعه دكاتره صح لغتهم صح حتى نطقهم صح pb189pb189
ابسط مثال كلمه ( سووري) نطقها غير عن نطق المدرسه ايام الثانوي"pb093
ابقول كم موقف صارو عن هالشيpb094

انا الحمدلله لغتي كويسه بس مو مررره بيرفكت يعني نص ونصpb094
بس اذا احد سألني اتنحpb027 هههههههه
مثل موقف صار لي ابوي pb189متعود اي رساله بالانجلش يرسلها لي افسرها له pb036
مره ناداني قدام عماني وعيالهم وعطاني رساله قال ترجميهاا :sm17:
والله ياني رحت فيهآآآ عرقت :(وجتني الكل يناظرني وانا : آآآآ يو آآآآ از ا :(:sm5:
ضاعت الحروفpb027pb027 قمت وقلت لحظه امي تناديني وانحشت:D

مره عمتي pb189جت بتشخص في مجلس مليآن حريم سالتها وحده امس وينك ادق عليك ولآ تردين
قامت عمتي وحطت رجل ع رجل قالت والله امس تاركه جوالي ع سنسوداين pb036pb036pb036:rolleyes:
فجاه الكل ضحكت وش لك بالتكشخ وانت مو يمه هههههههههههه كانت تبي تقول تاركته ع السايلنت خخخخخخخ


عوآفي ياوتينpb189pb189 ع فكره اسمك حلوpb189

Dimple
27-12-2009, 08:50 PM
.




حيها pb189 حي العنجليزيه pb192pb189

والله شوفي ياوخيه اللغه الانجليزيه صارت جدا مهمه bp039
ومن زمان كان اللي يعرف انجليزي شئ واو ! بس الحين صار تقريبا شئ اجباري الا شوي pb036pb027


بس انا عندي نقطه وحده حابه اقوولها pb094
المفروض ان الاجانب اللي يجون هنا يتعلمون عربي عشانهم عاشو بديرتنا ،
اجل واحد هندي مدري وشو مايعرف ولا كلمه عربيه الا شكرا ! رغم انه عاش في دوله من دول الخليج اكثر من 8 سنين ! واللهي شئ يقهر !

زي ما حنا ان سافرنا نتعلم لغه الدوله اللي حنا رايحين لها ، هم لازم يتعلمون لغتنا pb027


يمكن ان اللي قلته ماله دخل بالموضوع مرره pb094 بس شسوي انقهرت خخخخخخخخ


هااتس bp039

B R O D A 3 9 A B
27-12-2009, 09:13 PM
اللغه الانقليزيـة يبغالها تثقيف ذاتي .. إنتي تعلمتي بالمدرسه وكمان عليك تتعلمين من نفسك ، لو بنعتمد على المدرسـه ماكان شفنا خير .. كنت ماشيه في الانقليزي 100% جاتنا مدرسه تركيه الله يستر علينا وعليها غربلتنا من فوق لتحت ماتعرف بالحصه غير تتسخط ولسانه وسخ .. pb036 مريت بكوكتيل معلمات ... ويالله تعين

يبغالنـا تأسيس سليم من مراحل متقدمه جداً .. اجل من سادس وفاشخين خششهم من زود الفرحـه وياليته تعليم صاحي .. :rolleyes:

من خـلال تجربة شخصيه خليت جهازي انقليزي ويعود الفضل لله ثم لاختي اللي نصحتي بهالطريقـه برامج الجهاز اغلبها انقليزي لان اغلب يومي على النت واحفظ كلمات ومصطلحـات ممكن تزيد شوي من مستوى تعليمي .. والحمدلله نافعتني الحركه كثير pb189

اخخخ بس ذكرتيني بموقف خايس بس اللي مهون علي مصيبتي اني لسى مادرست انقليزي ابد :( كنت في سادس ودق على تلفون البيت رجال يتكلم انقليزي بحت يبغى ابوي اللي فهمته بس اسم ابوي خخخخ وتاكدت انه يبغانا وانا الهنديه اقوله لهده لهده يعني لحظه (ايقونه اغمى عليها) pb027 واروح اجري اكلم ابوي لان الرقم من الخـارج .. ويوم اشوف ابوي يكلمه بطلاقه ماشاء الله عليه وانا اللي اتحسر على عمري pb027

اذكر استاذه الانقليزي بالثانوي تقول رغم معرفتي لكل شيء بالانقليزي بس لارحت كوفي او مستشفى او اي حته احتاج اتكلم فيها انقليزي اتلعثم غير زوجها يسعفها ويتكلم بدالها .. pb036

وتين يعطيك العافيه .. bp039

عذبة الضحكه
27-12-2009, 09:50 PM
انا ادرس في مدرسه عندهم الانجليزي من الكي جي والبنات ماشاء الله بلابل

واليوم كان عندي درس في الصف السادس ودخلت معلمتهم الامريكيه تكلمهم في اشياء

تخص مادتها والبنات ماشاء الله خاشين جو معها:D ويرطنون انجليزي احسن منها :eek:

وانا اللي اتنح :eek:

يوم راحت قلت ماشاء الله عليكم انا ماعرف بالانجليزي الا يس ونو وقو تو هيل :D

قالوا معلمه هذي يعني اذهب الى الجحيم pb027

قلت وانا وش دراني كذا يقولون بالافلام pb027pb027pb027

هذي لك ولعريس الغفله bp039bp039bp039

جليليو
27-12-2009, 11:03 PM
المشكله عندنا من المناهج الانقليزيه+ طريقة التدريس اللي تعتمد على التلقي فقط ، انا لاحظت انه الطلاب الخلييجين خاصة الكويتيين والاماراتيين اللغه اللي عندهم لغه جيده وغالبا تكون مكتسبه من الدارسه فياليت يعاد النظر في هذا المنهج لانه بصراحه اصبحت اللغه ضروره .

غيمـون
27-12-2009, 11:29 PM
وتين pb189 منورة القهوة ..

تعقيباً على موضوعك المشكلة والله بالتأسيس pb093 انا ما درسني الا مصريات من جنبها
( الله يذكر ابلة نجوى بالخير ,, كانت تكلم نفسها وفي انشودة الباص (The Bus) في
ثالث ابتدائي اللي يعرفها يقولها لي لو سمحتوا لان هالانشودة بالذات طلعت من ثالث
يبون يحفظوني اياها وعجزت الييين ما يأس طاقم التدريس كله pb027 والحين ودي اعرف
وش كلماتها بالضبط يمكن ألقاها صعبة واعذرني على السباهة :D )
انا ويا الانجليزي وابوي كر وفر الييين ما عرفت لها :D اذكر لا جا اختبار انجليزي في الصفوف
الاولية يومني بزر ابوي يمسكني يذاكر لي ويهزئني لان كتابي حق التمارين جديد ولا شوهه
الا علامات استفهام بالقلم الاحمر <-- باين انها من جنبها pb027 , في النهاية صرت اسطح
كتاب التمارين حق الانجليزي وانطله على بيت الجيران ولا جا ابوي قلت الابلة جمعته اخر
يوم ولا امداها ترجع الكتب pb027..
الموقف اللي يمكن خلاني اصمل واتعلم الانجليزي : اول ما فتحت قناة ام بي سي 2 :sm1: يصيح
ذا الموقف pb027 الكلمة Chanel تنطق تشانل وانا باعلم بنات عماتي انها فتحت واقول قناة جديدة
فتحت اسمها شانيل pb027 وهم يكروووونها ضحك :sm1: كرهت نفسي في ذيك اللحظة ودعيت على
طاقم القناة كلهم ,,

بس والله اللغة لها مصادر ثانية للتعلم "ولو ان افضلها التلقين برأيي :rolleyes:"
ادخلي مواقع اجنبية ومنتديات اجنبية وطالعي افلام بدون ترجمة ومسلسلات تلقائياً بتلاقين
نفسك اكتسبتي اللغة , صديقتي مثلا لو تقولينها اكتبي اسمك بالانجليزي ما عرفت :D لكن
ما شا الله عليها لغتها حلوة وكل ذا بسبب الافلام بس pb189..

يعطيك العافية يا وتين bp039 وعقبال ما تفتين اللغة الانجليزية فت ومعها الفرنسية بعد pb189:D.

شرهتك على اللي ودّه باللغة الإيطاالية والفرنسية و هو ميح بالإنجلش !

pb027pb027pb027pb027pb027
تصير تصير <---" موسوعة تعليم اللغة الايطالية " منطول عندها من سنتين بقراطيسه :D ..

صوتك يناديني..!
27-12-2009, 11:48 PM
هههههههههه موضوعك قلب علي المواجع بما ان بكراا عندي دوام بدري راح احاول اختصر والا الكلام كثيييييييييييييييييييييييييييييييييييييييييييييير pb094

في المتوسط من بداية السنه تجيني مدرسه انجليزي سودانيه وتشرح لي ماتقول ذاا تقول زا !!!!:D

واخر السنه وقت الاختبارات النهائيه تراجع لي اختي الكبيره وقلت زا !!!!!!!!pb093:Dpb094


ـــــــــــــ

هذي وحده تحكي موقف صار معها في ماك تقول دخلت الاجت وحده شكلها توها متزوجه وبتكشخ على زوجها اني اعرف انجليزي !! قلت كيف عرفتي انها توها متزوجه ...؟؟؟
قال: شنطتها وجزمتها والشدو والمناكيرلونها سماوي:D

تقزل جت تطلب قالت : ون تشكن لحم !!!!!!!!!pb036pb036:D

____________________
مرااا كنت بفيسز واختي تقول اساليه عن عطر دكني وبكل ثقه بنفسي وبطلاقة لغتي قلت :
عندك عطر دوووووونكي !!!!!!!!!!!!!!!!!!!!!!!!:eek::D وادور اختي مالقيتها طلعت وتركتني pb027pb027pb027
________________


ودي اكمل بس الوقن\ت مايساعدني راجعه لك ولمووضوعك الحلوووbp039

Sosia
28-12-2009, 12:01 AM
سلااام bp039
والله صادقه حرام حنا السعوديين لغتنا استغفرالله يا نتعلمها من مدارس اهليه يا نكون عايشين برا
يوم حنا صغار ( عشان شغل البابا موب فلاحه ) pb034

والله انا لغتي مادعمتها وطورتها الا بفضل الله ثم الافلام ;)

انا بعد مره صار لي موقف خايس

تقريبا كلامي زين بالانجليش وكنت اكتب في موقع اجنبي تخيلي الكلمات كلها صح بس تعرفين بعض الايام تغلطين بالقرمر موب السبلينق يعني نادر مااغلط دايم اتاكد زين
تخيلي الخواجات يسلكون لي ونشب لي واحد سعودي يصحح لي يقولي لغتك جيده جدا لكن القرمر فيه اخطاء
والله من بعدها تعقدت ولاعاد كتبت احس تفشلت
ياشين العرب مسوين نفسهم فاهمين :rolleyes:
والى الان متعقده :confused:

Rossa Rossi
28-12-2009, 12:26 AM
اهلين وتين pb189

صادقه الانقلش بكل مكان خاصة الانترنت ...
المواقع الحلوه والي ادخلها دايما كلها انقلش عاد انا لغتي 2 من عشره كل شوي رازة ترجمة قوقل :D الله يخليها لها الفضل بعد الله :D مع اني اتابع افلام ومسلسلات اجنبيه بس ماخذت منها الا شئ بسييييط...
من المواقف الي صارت لي مره كنت داخله موقع اجنبي ويكلمني فوري اجنبي عاد انا ماحبيت اقوله مااعرف انقلش pb034 مسويه بطله :D قعدت اطلع كلمات تمشي الحال علشان يفهم واشوا فهم الين سألني سؤال مختصرحروفه واحطه في قوقل ماتترجمpb036 قلت الله يقلعك يالقوقل ماخربت الا الحين:mad: من عقبها وانا معزمه اعرف الانجليزي و ان شاء الله احدد وقت مناسب اروح آخذ كورس وانصحك تاخذين كورسات العله من مناهجنا pb093 ولا حنا دوافير بسم الله علينا :D
على فكره ترى الفرنسيين والايطاليين و الالمان نصهم مايعرفون غير لغتهم وشوفيهم متطورين اكثر منا لا بعد كثير مواقع امريكيه تترجم للغتهم بس حنا يالعرب كوكب آخرpb093

لكـ bp039

Serenity
28-12-2009, 01:45 AM
والله إني كل يوم أدخل الأكاديميه أحاول القط لي كم شي (القسم الوحيد اللي مادخلته بأقلاع هو الأكاديميه) جد يجيني أحساس أني وحده فاشله ومغفله :sm5:.. :(:(:(:(



الغلط مو من المناهج الغلط من المدرس والطالبpb093
معظم الطلاب يحطون مشكلة عدم تعلمهم اللغة من وهم صغار في المدارس كان بقية الدول بزرانها تفت اللغة وهذا اعتقاد خاطيء لأنه كل الناس بتعتبر الانجليزية مجرد مادة بتدرسها وتنتهي منها وهذا برضو خطا لانه الانجليزي لغة وليست مادة.
الشيء الثاني/اللي يبي يتعلم رح يتعلم حتى لو هو جالس في جحر: )
كثيرين مااعتبوا درجة بره البلد ولغتهم ماشاء الله تبارك الله
أفضل من بعض اللي خرج بره سواء سفر سياحة او دراسة.






ع العموم اللي عنده حلول أضافيـه غير اللي قلتها ينورنـا عسى ربي ينور دربـه ..

اسمحي ليpb094bp039
مااعتبر اللي ذكرتيه حلول لانه انتي بكلامك بتحصري تعلم اللغة في مجال معين ممكن الشخص مايكون له القدرة او الرغبة في خوضه.مو كل الناس تبي او تقدر تسافر ومو كل الناس تبي تتابع افلام عشان تتعلم.


...Step by Step...||المبتدئين واللي أول مره يدخلوا القسم طلوا هنا ضروري (http://vb.eqla3.com/showthread.php?t=404176) ‏


http://i46.tinypic.com/xkp452.jpg (http://vb.eqla3.com/showthread.php?t=463526)

تشرفينـا والله ، بنتظر رد لك في الاكاديمية لين تكوني واحدة من روادها ومعك رتبتها.هذا طبعا اذا انتي صادقة في رغبتك للتعلم. bp039

واكيد الكلام موجه للي عنده رغبة صادقة للتعلم: )


وزي ماقالوا بنات القسم لبى قلوبهم pb189pb189

RainAroma-move on
محد طلع من بطن أمه عالم، واللي يبي يتعلم الشي لازم يبذل مجهودمع الانترنت ومواقع التعلم والافلام والكتب الالكترونيه والاذاعات ع النت وسكايبي والمسن ...صارت تعلم الانجليزي اسهل بمراحل من اول pb189...واتوقع نفس الحكايه مع اي لغه غيرها ...يعني حجة ان مافيه اماكن للممارسه هنا لازم ندور غيرها :D


\\

نسيت اضيف/
الناس اللي مسويه فيها ترطن وتروح تتكلم وتهايط قدام احد مايفهم مافي اجبن واضعف منهم، لو فيهم خير لكانوا سولفوا مع ناس تتكلم لكن عارفين مستواهم موب ذاك الزود هي كم كلمة مشى حالهم بها وراحو يهايطو بها ع الباقين .pb093

A Living Legend
28-12-2009, 01:52 AM
كلام جميل واسمحيلي بكم تعليق ..

اولا .. استغرب من الي ينحرج لأنه ماعرف يتفاهم بالانجليزي مع واحد يشتغل بمطعم مثلا ولا محل .. ياخي انت في بلدك اذا هو مايعرف يتكلم عربي هذي مشكلته مهي مشكلتك ..

ثانيا .. حسب ما قريت ان البعض ينقد على عمره اذا شاف غيره يرطن .. طبعا لأن ماعنده لغه يحسب انه يرطن بينما تلقى لغته مكسره وحالة امها حاله .. يعني لا تغتر , واجدين الي عند روحه بلبل وهو حده ون بيق ماك سوبر سايز بليز

ثالثا .. تعودنا اننا نلقي اللوم على غيرنا .. كل ما ذا قلنا المناهج وما المناهج .. اذا المناهج سيئه وكنا احنا فعلا نبغى نتعلم ليه نحط رجل على رجل ونقول والله كانت المناهج تعبانه .. تعلم لغه جديده يندرج تحت تطوير الذات يعني احنا لازم نبذل الجهد مو ننتظر المدرسه تعلمنا .. هذي وجهة نظري وقد اكون مخطئ

رابع واخيرا .. السعوديين سبحان الله مهووسيين بشي اسمه اكسنت ! .. يعني الهنود كلهم لهجتهم بالانجليزي وحده ماتتغير .. الصينيين لهجتهم بالانجليزي وحده .. حتى المصاريا لهجتهم وحده واذا حاول يعدلها جاب العيد :D .. الا السعودي لازم يبذل جهد زايد و يتصنع في حروف مثل ال r او كلمات معينه .. يركز على شي سطحي والجوهر دمار.
ما شاء الله مافيه زي وزير البترول (النعيمي اظن!) و سعود الفيصل .. لغتهم افضل من النيتفز وبلهجه سعوديه بسيطه جدا

~ReEmA~
28-12-2009, 02:17 AM
موضوع مره حلو ومواقفك اعجبتني اهم شي خلك واثقه من نفسك

HRhr
28-12-2009, 04:22 AM
آهلن وتين ...
ياصار لي موقف السنه اللي راحت أنا وصديقتي أنواااااااع الإحراج
كانت أول أيامنا في السنه التحضيريه وهم يبغوونا نتعلم انجليزي لدرجة
حتى عاملات الكفتيريا فلبينيات وما يتكلمون الا انجليزي المهم شفنا عندهم
ساندويتش دجاج وكان شكله لذيذ قلت لصديقتي أبغى هذا قالت طيب وشو
الدجاج بالانجليزي طبعا كان المكان زحمة بنات وسالفة ومع الربكة نسينا
وشوpb093 قالت هي كيتشن صح قلت لها أيه صح وأنا ما أدري وترووح الذكيه
تقولها اسكيوزمي ون كيتشن ساندويتش :Dطبعا أنا في هاللحظه بس تذكرت
انو الدجاج تشيكن وما قدرت أصحح لها يوم سمعتها بس أضحك عجزت
بقووول شي ما قدرت والبنات اللي حولنا ميتين من الضحكpb027pb027
لا والعامله مسكينه طلع وجهها كذاااpb055 <<يالله ذكريااات تجنن بس حراام ورطتها
وهي يا أنها عصبت علي:mad:وجاني تهزئ محترم منها....

الحين بعد التحضيري أحس الحمدلله لغتي تطورت شويpb034 بس لا بد من الأخطاء..


موضوع ونيس لك يابعديbp039...

مي
28-12-2009, 04:43 AM
..




وسعتي صدري على هالصبحية الحزينة:D
أجل فيه أحد الساعة 4 الفجر وتوه صاحي pb093
اللغة الإنجليزية pb189
مهمة جداً في الوقت الحاضر خصوصاً انها أصبحت اللغة الأم
وكأنها طريقة التخاطب الوحيدة التي تجمع سكان الأرض
إذا كنتي تحبين السفر من الواجب تعلم اللغة
بحكم تخصصي لاقينا مواقف مضحكة كثثثثير خصوصاً أول سمستر ,لأنه ضروري تاخذين وتعطين باللغة الإنجليزية
القواعد هي أول شي أنصح فيه في التعلم , ممكن تتعلمين المحادثة حبتين من بعض الأفلام
ولكن في النهاية لابد بيكون تخاطبك خاطئ
مره كنا طالعين وصادفت شخص له محاولة في التحدث بالإنجليزي
صحيح انه كان يحاول , بس ليته ماحاول pb036
يستخدم المفردات الي مفروض تغيرت بوضع الماضي مع يستردي pb036
ويستخدم بعض المفردات الي قريبة للمعنى ويحطها > ماتعوق معه ابداً pb036
اللغة ابداً مو صعبة صدقيني بعض البنات صادفتهم في أول ترم لي بالقسم مايعرفون يرتبون جملة مفيدة
وبعد ماتعمقنا الحين صاروا مايعلى عليهم وأنتي تخيلي هي مجرد كم سنة !
وتين bp039



..

Oriental Sense
28-12-2009, 07:55 AM
أهلين وتين
الله يعطيك العافية على الموضوع
تصدقين كانت فكرة في بالي من زمان أكتب عن مواقف تعلم اللغة ، لكن ما ردني إلا قلة المواقف اللي صارت ...

أولا كلامك

(القسم الوحيد اللي مادخلته بأقلاع هو الأكاديميه)
اسحبي كلامك واعتذري لأقيمك أحمر pb192

******

والأشين من المواقف اللي ذكرتها بعض الناس اللي يتفلسفون ويدخلون كلمات انجليزية في كلامهم بدون سبب :rolleyes:

عندنا واحد بالعمل الله يهديه يحط كلمات انجليزية في كلامه بدون مناسبة
مره كنا جايبين أجهزة كمبيوتر للدوام ، ولا فيه عمال الصيانه يشيلون الأجهزة
وقلت له خلنا نحمل الأجهزة بأنفسنا لمكاتبنا ، وكان وقتها معنا بريطاني وفلبيني
وخويي يبي يتفلسف قدامهم
قال
نو .. نو .. اتز هيفي داونلود heavy download >>> قصده ان تحميل الكمبيوترات للمكاتب ثقيل :D
هههههههههههههههههههههه قسم بالله يا اني فقعت ضحك عليه .. ولا رحمته قدام الأجانب قمت أذب عليه pb192 بس الرجال أمون عليه وتقبل الذب مني :D



* وحده من صديقاتي تدرس في الكليه بإختصاص طبي يعني معها لغه ..
كان عندها موعد أسنان واللي تعالجها دكتوره سعوديه و مساعدتها سعوديه بعد ..

ولما جلست على كرسي المريض صارت تتكلم الدكتوره بـ كلام انجليزي على أساس ان اللي قدامهم ما تفهم شي (يعني تحش بالمريضه ) pb093..
سألتها الدكتوره : اي سن تشتكين منه ؟
قالت : upper right first molar ..
الدكتوره : :eek:!!!!!!!
أنصدمــــــوا و وأنحرجـوا من أنفسهم .. وبعدها بدأو شغل ولا نطقوا بأي حررررف!! pb034


صارت معاي .. مع مدرب الحديد فلبيني ، نشب لي يبيني أشتري منه بروتين ورفضت
ثم قام يتكلم مع المدرب الثاني فرنسي ويقول له بمعنى الكلام افزع لي وأقنعه يشتري بروتين وأعطيك نسبه :confused:
ثم تكلمت معاه بالإنجليزي قلت أنت تجمع الدراهم على حساب صحة الناس ، ومعروف انه ما يؤخذ البروتين إلا بعد استشارة طبية .. وشبيت عليه وقلت الوعد مدير النادي بعطيه خبر ...وفعلا علمت مدير النادي وأدبه تأديب...

على فكرة
وانا طالب في المرحلة المتوسطة كانت أكره ماده عندي الإنجليزي
ولما صرت في الثانوي صارت الإنجليزي مادتي المفضلة
وتخصصت انجليزي في الجامعة

سيّاف
28-12-2009, 09:08 AM
[RIGHT][COLOR=Blue]

نسيت اضيف/
الناس اللي مسويه فيها ترطن وتروح تتكلم وتهايط قدام احد مايفهم مافي اجبن واضعف منهم، لو فيهم خير لكانوا سولفوا مع ناس تتكلم لكن عارفين مستواهم موب ذاك الزود هي كم كلمة مشى حالهم بها وراحو يهايطو بها ع الباقين .pb093



+bp039

ياعزتيلي
28-12-2009, 11:58 AM
تسنتس فاتحتن جروحي :(


الانقليزي عندي فوبيا منه :(:(:(

حصه الانقليزي عندي من تدخل الاستاذه لين تطلع وانا جسمي مصلب وعروقي مشصصه حتى اروح للمدرسه الخصوصيه وانا مروعه تسني رايحه لدكتور اسنان >طيب وش حادتس :(



ليتنا مثل الاماراتيين من اولى ابتدائي ولا يخلص سادس الا هم بلابل pb189:(
مصيبه لا دريتي ان وحده بالجامعه ست سنوات لغه ماتعرف تقرا ا لاis are im
والمشكله كل الوظايف الحين تتقن اللغه تحدث وكتابه pb036
خن نروح مصر موب بس انقليزي حتى فرنسي واوقات ايطالي وحنا هنا لغه ومفحطييين فيها pb036


بالنسبه للمواقف pb027

قبل فتره اختي جايه تقول لي وشو موقع فيدكس ذاك حق التعارف pb036pb027pb027

->تراني ازين منها بشوي pb027

واذكر ايام الثانوي استاذه الانقليزي >تيتشر منى pb189:D
كانت تبي ترتب الفصل
وتقول بعدي طاولتس طبعا الي فهمته من الحكايه كلها ديسك pb027:(

واكلم زميلتي جنبي بعدي دسكتس بعدي دسكتس pb027pb027

ابد ماكان ودي اشوف لا وجهها وهي مغشي عليها ضحك :(

يارب ياكريم مايحول حوله الا انا ابلبللكم انقليزي pb189:(

M O U R I N H O
28-12-2009, 08:16 PM
ماأزيد على البعض pb189 قالو كلش


بس فيه نقطه مهمه أنك لازم تحطين في راسك أنك تبين تتعلمين لأن لو دخلتي 50 دوره وانتي حاطه في راسك أنك بتفشلين بتفشلين .. عطي نفسك بعضاً :D من التفـائل وحاولي تتكلمين كثير مع أختك اللي تجيد اللغه لو كلامات بسيطه بس أهم شي تثبت في راسك !


موضوع رايق :D

rakan3
28-12-2009, 08:34 PM
فيه بعض الناس بلابل ما شا الله عليهم بس اللي نخطئ فيه حنا دائماً الفرق بين b و p
يعني واحد بأي دوله بيقول للشرطي ولا اي واحد
where can i find mosque because i want to bray
الترجمه الي احنا نعرفها :وين القى مسجد عشان ابغى اصلي
الترجمه الصحيحه : وين القى مسجد عشان
الكلمه اللي بالأحمر معناتها نبح !!
لازم نفرق بيينها !! اذكر واحد اذا جيت بنقله كلام بالانقلش اقول p دائره فوقpb036pb027
وال u y الفرق بينهم أن الاولى بعصى والثانيه لأ pb027....
يعطيك العافيهbp039

قمر السلاطين
28-12-2009, 08:49 PM
ليش مصعبين الانجليش والله انه حبيب

بس المشكلة ان اللي يبي يتعلم انجليزي
يبي يصير بلبل من الله مايبي يتعب
لازم يتعب ويشتغل عا حالوووو

لان بصراحة حسب ماشفت من ناس درستهم الله لا يوريكم
يحسبون معلمة الانجليزي عندها عصا سحريييييية تدخل الكلمات بروسهم
وتحفظهم كل شي
المهم انه جهد شخصي الانجليزي

يجيب الله مطر

Empty Brain
28-12-2009, 09:18 PM
الانقليزي تحبينه بتمشين فيه اما انتس تتعلمينه غصب فمستحيل تمشين فيه ..
انا اعرف اقرا واكتب تقريبا بس اي كانت سبيك :( .. للاسف الى الان ماجتني الجرأه .

القمر
29-12-2009, 01:08 AM
يالله ياإن موضوعك تحففففففة :sm5:

يختي وربي إنك صادقة وش هالفشل توهم يصحصحون على سادس !
كان من أول pb093
العلم في الصغر كالنقش في الحجر
موب العلم في الكبر pb036

لحد الآن مناهجنا ماأدري متى بتتعدل pb093
لكن صراااحة قصة خطيييبك نكككككتة هههههههههههه
يابنت الحلال ترى الإنجليزي ممارسة اكثر من إنه فهم وتعليم
خذي الأمور ببساطة وتمشين حالك ..

أنا عن نفسي ماأخذت لغة إلا من الأفلام pb093
بس ربي هداني وتركت الأفلام .. طبعاً الدنيا ماتوقفت عندها لازلت شطورة
وأفهم .. وأدبر عمري بس لسا ماطلعت فوق الشجرة وصرت بلبل
عقبال ماتفتحين أكاديمية وتدرسينا E ..

ليش لا ترى فيه ناس تعلموا اللغة في شهرين !
وإن كانت مرة ماهي جاية معااك اللغة , فتراك تتكلمين بأزين لغة ع الوجود لغة القرآن pb189
لغة ربي pb189pb189
وتراها صعبة لغتنا ميب سهلة pb095
يعني جيبي الفلبينية شغالة أخوك وخليها تتعلم عربي نطقاً وكتابة pb095

إن إن مرة أتقنتها قالت ": أنا معلوم كلام أربي مية مية pb036
يازين سوالفك pb189

ZoZiTa
29-12-2009, 04:24 AM
الله يوسع صدرك زي ما وسعتي صدورنا بهالموضوع pb189

الحمدلله الحين لغتي ممتاااازة بس طبعا بعد معاناة شدييييدة في المدارس و الجامعات !
بس الفضل لله أولا و لأهلي ثانيا pb189
من وعيت و هم مسجليني دورات محادثة و اللذي منه :D

اذكر أول مشوار "بيزنس " رحته مع الوالد الله يطول بعمره , كانت لغتي كويسة بسـس
اني اخجل , سألتني مديرة العلاقات العامة " how are you " ؟ كيف حالك
جاوبتها بسرعة على أساس اني لماااااااحة و سريعة البديهة " I'm the daughter of the manager " انا ابنة المدير
شوي و لا شفتها pb036pb036:D
حسبتها تسألني " Who are you " مين أنتي ! pb027

موضوعك خفيف و حلوووو و طريقتك بالسرد ممتاااااازة , متت ضحك على حديثك مع الشغالة
اجل مايكروسوفت pb027pb027

موفئة pb189

حوسة مشاعر .
29-12-2009, 05:09 AM
في موقف حلوو باختبار الانجليزي :d ...
اتذكر اخوي مره قال لي هالسالفة مدري هو ولا صديقه المهم .. كان يختبر :d ويغش من دافور جنبه pb027 ..
عاد جا للسؤال الاخير:sm5:pb189 ..~ وراح صديقه الدافور وسلم الورقة :sm1: .. توهق الولد:sm18: ..~
عاد غششه الي وراه قال السؤال الاخير كذا وكذا :d يوم راح سلم الورقة قاله الاستاذ تعال تعال pb034..
انت وش كاتب هناpb027 .. قال الجواب pb036 .. قال يالدلخ ذا مو سؤال زي كلمة بالتوفيق عباره مشجعة يعني pb095 .. مت ضحك عليهم ..~
موضوعك روعة ..~ تقبلي مروري bp039

وتين..~
29-12-2009, 09:41 PM
نكهتي أوروبيــه

هلا فيك أخـوي .. معـك حق الممـارسـه ضروريـه وأغلبها تنتـج من الأختلاط بأشخاص يجيدون هاللغــه pb189



Sharar

هناك بعض التحركات من الآباء لتعليم الأبناء منذ الصغر
سواءً في معاهد متخصصة خارج أوقات الدراسة أو حتى إرسالهم يوميا لمدة ساعتين مثلاً عند
بعض العوائل الأجنبية لتدريسهم والإختلاط بأطفالهم كما يحدث عندنا في الشرقية مثلاً.

ياااازينهم من أبآء واعيين .. الله يزيدهـمpb189 ..


باي ذا وي:
هابي تايت فور ذا مايكروسوفت.

:confused:pb036؟؟؟؟

حيـــآك أخوي .... لآعدمت هالطلــه bp039





Al milany

أنين الألم

مدينيه عسل

منوريــن بطلتــكم .. مآآ آنحرم يآآرب pb189





late time

اتقان اللغه = ممارسه..

من ضـمن الحلــول اللي نآخــذ فيها بأذن الله pb189..


منوره يالغلآآآ bp039




هيّن !!

عندنا بنت مالها بالانقليزي ابد وتبي تروح الحمام قامت قالت لها ابي اروح الحمام
والاستاذه تقولها كلميني بالانقليزي
قالت البنت : استاذه اروح الحمام واذا رجعت قلت اللي تبينه
عاد الاستاذه حفظتها الجمله وخلتها تعيدها وطلعتها للحمام , وش عقبه


رحمتهاااااا >> وقت حرج مو حق تعلم خخخخخخخخ :Dpb027

آآميــن الله يسمع منك يآرب pb189




رَمَـــآدْ


درست في معهد الادارة العامة وهالمعهد ما شاء الله تبارك الله عليهم تاسيس في اللغة قوي برنامج مدته سنة كاملة كلها انقلش × انقلش وهالشي خلاني استفيد فايدة كبيرة وخلاني انسان منطلق نوعا ما في اللغة يعني لو اني امارس اللغة بشكل يومي راح اصير في النهاية اسكتلندي << قول قسم

معهــد الأداره معرووووف بتأسيسه الممتــاز للغـه .. حاقه بتهوووس :sm5:pb189



انا انصح بدراسة كتاب بيتي ازار الاحمر للمرحلة التمهيدية
والاسود للمرحلة المتقدمة لانها مرة مفيدة
وفي كتاب بعد لونه ازرق بس بصراحة ما تعمقت فيه كثير لكن الاكيد انه مفيد
وحتى طريقة الدراسة فيه بالحيل ممتعة وواضحة
كل قاعدة تتعلمينها تطبقين عليها تمارين
وتحتاجين لقاموس اكسفورد انقلش انقلش عربي لانه يشرح لك معنى الكلمة اللي تبين معناها بالانقلش ويعطيك معناها في النهاية بالعربي


آضــافات رائعـه منك .. يعطيك ألف عافيــه pb189

عندي مترجم أسمه (أطلس المملكـه) شريته من جرير بس عفــى عليه الزمــآن .. والله من زمان ما أستخدمته :(
راح أنفض الغبره عنه واحطه بجيبي


منور أخــوي




المهراجــا

طبعاً هنا أنا ماجبت طاري الشركات والوظايف ! .. أغلب الشركات الحين تشترط يكون معك لغة إنجليزية قبل شهادتك يمكن ! .. إن كان معك لغة بيمشي وضعك وإن كان ما معك قضبوك الباب وانا أخوك ..

:( .... تذكــرت أختي جاتها وظيفــه في بنـك وهي عندهـا بكالوريس خدمـه أجتماعيـه وشهادة حـاسب بعد ,, بس رفضوها عشان اللغــه ..
بعدها ربي عوضها بوظيفه أطلق شوي من البنك pb189..


لكن المشكلة إني أشوف هنا كثير يحطون بتواقيعهم عبارات بـ الإنجليزية أغلبها فيها اخطاء ! ..

حركآآآت ,, كاشفهــم pb034:)
حيلك فيهم .. أمشي وقيـم سلبي عشان يتعلمووون >> تحريييييييييش خخخخخخخخخpb027:D


حيآآك أخوي




زيـت وزعـتر,,


تجننييييين يابنت فــله مـاشاء الله

يا انك ضحكتيني ضحــك الله يونـسك بالعافيـه


pb094pb189


I'm a dog << يعني أنـاا كلبه

خخخخخخخخخخخ تكرمييييييييييين :Dpb189


والحين أحــاول أشووف السعوديه 2 عشان تتثبت بعض الكلماات شوي

اليوم أختي جالســه تتابعها ورافع الصـوت ع اللآلآلآخــر >> متحمسسسسه pb034

لآعدمت طلتك يالغاليـــه pb189




ليّونا

انا طورت الانجليزي عندي من الافلام والروايات صحيح مااجيد القواعد 10 على 10 بس افهمها واتكلمها كويس

ماشــآء الله .. الله يزيدك تطـور pb189


عوآفـي ع المرور الحلو




الاديبه

منوره الحتـه يابت ^ــ^

تعلمنا بالمدرسه اللغة الانجليزيه خطأ يركزون على القواعد اكثر من المحادثه وهي المطلوبه
لكن لابد من تعلمها خارج نطاق التعليم افضل ...

القواعد مهمـه والمحادثـه أهم ...... أتذكـر منهاجنـا في محادثات قليلــه والباقي تعابيــر وكلمات مترادفــه وأنتهــــى ..
ع قولتك نتعلمها من برا والشكــوى لله :(..




PURE FLOWER

اسمعي اخبار يعني اذا فتحتي اللاب افتحي اذاعة CNN
رااح تفيدك وخاصه بتنمين مهارة الاستماع عندك
برضووا الموفيز تفيدك
فيه درووووس مرررره وخاصه بالقرامر مفيده بالأكاديميه
وحااولي تشتركين بورشات العمل بالورشه
فيه سيديات بتلاقينها بالمكتبات الكبيره تجيك مجموعه من السيديات تجي معها كتب عن المحادثه والقرامر والفوكاب ..

أخبااااار؟؟ نو :(
خلينا ع القنــاة 2 أزيــن .... وباقي أقتراحاتك ماعرفتها ..؟ وين ألاقي ذولآ pb036........




Good luck .. I wish see you in English Academy in eqla3 forums
Thank alot my sweety

>> وبعديييييييييييييييين...؟؟؟ :mad:............pb027

منوره حبيبتي .. لآ تحرميني طلتك ")



حلاوه فوشيهـ

يالله انك تحيي وتين عالفكره نكك حلوو ..


الله يحييك ,, وأنتي الأحـلــى :)



افكر اروح اشوف للأكاديميه يمكن افهم شي منها ..

يالله خاويينـــي:rolleyes:pb189

just latifa
29-12-2009, 10:40 PM
بلا فخر اتلقى اللغه الأنجلزيه اكثر من 15 سنه ولأيخفيكم أني تنكه حتى يومكم الماطر هذا pb036

بأختصار اذا حبيتيها او أحتديتي بتعلمينها ..
والتعليم بيجي من الممارسه اكثر من الدراسه اليوميه
والتاسيس من الصغر افضل مب مثل حالنا الحين كل مارحت ولا رجعت من الجامعه اعطيت امي ذيك النظره الي فيها من القهر اقولها لو ابوي معرس على امريكيه او انتي ماخذه امريكي مب اصرف :( :D
مع العلم اني دارسه من اول ابتدائي انقلش :D بس سلوى المصريه كانت ماشغلتها غير تصبغ شعرها وتجمع طبيعات منا :D ماتشوفون بلوزتها الا مليانه طبابيع جعلها تطبع وماتقوم :mad:

على طاري ليه الفشايل !!! بلاخير هي مب لغتك
من زينهم هم وحرفهينهم الـ V.p الي اذا نطقتيهم صارت حفلت سعابيل :D
ونص حروف كلماتهم سايلنت :D ابي افهم ليه طيب نحط الحروف خخخخخخخخخخخ الله ياخذ ذا الغه السقيمه الا غصب ندرسها مع انها اسهل بلغتنا بواجد :D

اجل مايكرسوفت خخخخخخخخخخخخخخخخخ pb027pb189
يالله رجلك يعلمك ان شاء الله pb189
ماتخلينا رجلك يسوي لنا دروس خصوصيه pb027 pb094

بقايا همس!!
29-12-2009, 10:57 PM
انجليزيpb189pb030

امنيتي بالثانوي ادخل قسم انجليش
و غيرته على اخر شي

بس احبها هاللغه مررره
وودي بقوه اتقنها
بس قاتل الله الزواله:(:D

موضوع يوسع الصدر
سميbp039

AT00T
29-12-2009, 11:22 PM
كل مواقفك مريت نفس حاله

وكثير الحين صارت بأمكان العامه لغتهم انقلش يعني صادفت مجموعه بنات يتكلمون بينهم انكلش حتى الفئه عامه مايعرفون وش يتكلمون فيه>>>pb036
أيام دراستي متوسطه وثانويه مافهمت أنكليزي أبد أصلن مناهج غلط في غلط يعني مفروض يعلمونا لغه ومحادثه موب خشون على قرامر وقواعد وأنا ميححح ومانعرف ننطق حرف واحدpb093



بس بقرارهم السقيم طوااااالي نطوا لسادس أبتدائي..!!


قرار فاشل ومتاخر ولا راح يجب نتيجهpb093 مفروض يكون تدريسه من الصف أولى أبتدائي حتى يتعلمون للغه بشكل أفضل ومتقن لان عمرهم بهل مرحله مستعد أستواعب كل أشياء وفهمها:rolleyes:
ليش مانقتدي بالدول خليج تلاحظون أطفالهم لغتهم أنكليزيه ممتازه ماتقارن بطلابنا متوسط وثانوي:sm5::sm18:عندنا بعض كلمات مايعرف معانيها :confused:
أنا وحده من ناس أحب لغهpb094pb189 حلمي أشوف نفسي بلبل فيها :sm1:pb189لاكن ماحب أدرسها وأروح للمعهد وتوقف مدرسه تقرقر فوق راسي بذا قرامر وحطي is _arepb030:sm17: يعني نفسي أتعلمها عن طريق مخاطبه ومحادثه:Dpb189


موضوع جدا رائع وطرح فريد من نوعه bp039pb189

وتين..~
29-12-2009, 11:25 PM
نور المشعل

هلآ نور ... منووووره الحتــه pb189


تعليم اللغه جداً مهمه .. واحنـا متأخرين فيه والسبب الاول التعليم زي ماذكرتي

كثير من ألأخوان والأخوات قالوا: أن التعليــم مقصـر في كل المواد والمجالات مو بس أنجليزي :(

الله يرزقنآ الثقـه ع قولتك والحمآس اللي يخلينـا نحآرب التعليم السقيم :confused::rolleyes:




R E C



الحمدلله انا افهم اذا تكلم احد بس مشكلتي في تركيب الجمل اذا جيت اتكلم
والقرامر رايح فيها عاد .. بس اني صرت اتحمس اذا قريت شيء بالانجليش


تركيب الجمل ذي هي اللي تعوق غيرنا عن فهنـا .. يعني أن خلينآ الفعل بعد الفاعل أو المفعول به ببدايـة الجملـه وين المشكلــه؟؟؟ >> سلكوا سلكوا خخخخخخخخخخخ :Dpb027


يا رب نشوفك بعد 6 شهور مشرفه بقسم الانجلش
طلعت لي غيمه كبيييييييره :rolleyes:pb189 وتخيلت نفسي بذيك الرتبه اللي تكسر العين خخخخخخخخخخ

آآآميــــــــن عقبال ما أخدم اللي خدمونــي pb189




ليش هه يعني ضحك

اهم شي
اسمعي اسمعي اسمعي ومو شرط تفهمين بس واصلي استماع
علي قد ماتقدرين وانتي جالسه شغلي الاي تونز علي اي اذاعه وخليه شغال طول فتره جلسوك ع النت اذنك بتتعود ع اللغه واللاوعي هو اللي بيسمع بدل منك بس لو جلسي تحاولين تفهمين مراح تلقطين كلمات .. استمري اسمعي
كل اللي عليك شغلي اي شي بالانجلش ولاتسوين شي ،، المخ هو اللي راح يشتغل ويسمع واللاوعي عندنا هو اللي بيسمع ويتعلم
كذا بتتطورين كثير بيصير عندك محصول لغوي مفردات وسرعه الاستيعاب بتزيد
حتى مرات وانتي تتكلمين تطلع كلمات منك تستغربين من مصدرها هنا فايده اللاوعي

يآآآفديـت الاوعــي وراعيتـه pb189pb094>> مدري ليه راح تفكيري مع علم النفس pb189
وش هالثقآفـه اللي عندك يابنت :sm5:



بهذي المناسبه ادعوك لمشاهده (how i met you mother )
يجنن هالمسلسل
بيشدك خاصه انه يضحك وعالدرب تطورين لغتك

تحمست له ... دونته عندي بس أخلص من الردود أسوي لي حصيلــه كبيره من المراجع والمصادر
الله يعطيك العافيــه bp039




ناكس عقالــه

ياشينه لاجالك طعس ابوه راعي غنم وامه ممرخه للحريم.. واخذ دوره عشان يسافر برا المملكه ويدشر ويجي مصفي الطبلون يهايط : وط يورز نييمز ؟

ههههههههههههههههههههههههههههههه والله أنك صاااااادق pb192.. عاد ذولا الفئـه كثرااانه اللهم ياكافي
على يوم راح يقفلون البعثات بسببهم pb095pb189

>> ذكرتني بالطعوس اللي يشاركون بشاعر المليون pb030



ورد~

؟..Can you speak English>>> هاااااااه؟؟
اييييه .. مو أذا أحد كلمك أنجليزي ,انتي مفهيه / ماتقولين هاااااه؟؟؟ :eek:........:Dpb189

متحدثتكم خريجة بكالوريوس لغه انجليزيه
>> تصيرين صديقتـي خخخخخخخpb027

منوره حبيبتــي bp039



❤ FOFO ❤

يآآ الله أنك فوفوpb189pb189 ..

منورررررره بطلتك يالغاليــه

كـ لغه تمام .. لكن المشكله والعائق الاكبر الثقه


دايم الشعب السعودي متمقرد مع ذا الثقــه ,, الأجانب يعطون الشخص اللي قدامه فرصـه لو غلط بكلمه أو جملـه ,, لكــن السعوديين طواالي مجهزين الضحكـه والتريقه على قلة سنع pb093,,
الأسبوع اللي فات كنت بموعد أسنان وسألتني الدكتوره الأمريكيـه وهي تخصص (تنظيف أسنان) .. قالت بالأنجلزي مع الأشـاره طبعآ: تنظفيــن اسنانك؟؟؟
قلت وأنا أتميلح بالأنجليزي: تو ديpb036 >>> يعني اليوم ..... وانا أقصد كل يوم خخخخخخخخpb027
أبتسمت وقالت: أيفري دآي .. اوكــي >> صححت لي بأسلوب مهذب لأنها فهمت قصديpb189:D ..



بس اتذكر صديقتى قومتها الابله تقرأ بحصه الانقلش وكانت الكلمه دفرنت ..
وقرأتها بطريقه تموت ضحك دي في رينت < كذا قسمتها عشان تقدر تقرأها
عاد نص الفصل فطسو عليها وللحين عياره عليها هالدي في رينت


يووووه كأنك تضحكين علي أنا بعد خخخخخخخ مره نطقتها قدام أختي وأنفجرت ضحك أنطقها (دفرااااااانت) pb036:sm5:


ودايم بكل كلامى احاول لاشعوريا تعودت إنى افلتر كلامى واتجنب الكلمات الى فيها هالسين النحيس
لدرجه من شروط زواجى مايجينى واحد اسمه سعود ولا سعد ولا شئ من ذا الطقه
الله يرزقك بالمحروس اللي أسمـه/ مو بحرف السين ولا هو حولــه :Dpb189



A n t


أبي أتعلم ياباني

مرررررره شآآحطـــه بطموحك خخخخخخخخخخخ أحبطتيناااااااا :Dpb095


على قولتهم هناك لازم مشرفين أجانب على كل مدرسه عشان هالشي

ونآآســـه ليتها تصير عندنا ...... ع الأقل اساتذتنا يستحون على دمهم ويتحركون شوي :mad:



منوره غلآي bp039




LuCk DaY


الله يوسع صدرك على هالموضوع,,
اسلوبك يجنن كلك ملح بسم الله عليك,,


pb094pb189

.وطلعنا من المتوسط بمستوى زفت ,,بالثانوي ملخصات محلوله واذا جئ الامتحان حددوا الاسئله,,كيف بيكون مستوانا وهذي دراستنا,,

والله ما أنسـى مدرستنا بالمتوسط .. عجوووووز بس رعـــب أسلوبها بالتعامل pb093
وتعالي شوفي الشرح عاد ,, بس تنافخ علينا >> لاعادها الله من دراســه :(


لآعدمت طلتك الحلوه bp039




Sentimental

انا امنيتي اتعلم لغه ثانيه غير الانجليزي واتقنها
فرنسي.. ايطالي.. ياباني<< كثري منها

روحي صفّي مع اللي مع A n t. :Dpb189

الله يعآفيك ,,,,, لا عدمت طلتك bp039




V E N U S


ليتك راده على خطيبك وقايلتن له بالفرنسي
je suis occupée, veuillez me rappeler ulterieurement
جو سوي اوكيبي فويي غابلي الطيغيو غمون
كان وهقتيه من جد عشان مايهايط عليك << تعاطفت معك خخخخ

هههههههههههههههههههه ما ردني عن المهايط غير الطلعه للبــر :D:sm5:... عساه يعيدها بس عشان أمخمخ على الرد ؟؟


الله يوفقك بالترم الجآي .. طمنينـــا عنك طيب pb189





^^ريـ نجـد ـامي^^

الأفلام الأفلام هي أكثر شي دعم دراستي للأنقلش رغم اني تخصصته
بس أغلب الطابع كان أدبي جداً مابين شعر ومسرح ..الخ
لكن الأفلام كل فلم أمسكي كلمه وأربطيها بالنطق بكلمه نستخدمها يومياً
وبعدين أعرفي معناها..
أو كل شهر تعلمي مجموعه مثل الملابس أو كلمات عن الترحيب او الألوان وكذا
راح تكونين مجموعه حلوهـ وأستمري ..

تصدقين .. أمس بالمحاضـره مسكت كلمة (أني ثينق) أي خدمــه .. وأعيد واكرر كتابتها في ورقه ..
حسيت فيني حماس بدآ يشتعل وعلى قولتك "مجموعــه كلمآت" :rolleyes:

منوره ريآمــي
فديت طلتك يالغلا pb189



Brain~

أنا الحين طال عمرتس توني مخلصه ثلاث شهور ماخذتلي دوره يعني وأحس انس تحسنت شوي
خخخخ يعني اعرف كليمات وأركب جميلات
بس ملييت ابي اوقف وبعدين انشاء الله أكمل احس أدرس من جهتين حومت تسبد

ع البركــه :) بس نصيحـه لا توقفيــن عشآن ماتفقدين حمآسك لشيء أستمرررري أفضل pb189..


وفيه ناس اعرفهم مره سخفين مالهم داعي يعني مسوين فشخره مدري وش علتهم
بنتهم الصغيره في مدارس إنجليزيه تخيلي ماتعرف تتكلم عربي والله سخافه طيب الواحد حلو يتعلم ويتكلم لغات


وحده من صديقاتي كانت بالمستشفـى جالسه بالأنتظار وجات بنت صغيره عمرها 4 سنوات مع أمها وهي سعــوديه ..
المهم أنها مسويه فيها تبي تسولف مع البنت / كيف حالك ... أيش أخبارك؟؟
البنت أنطلللللللللقت بالحكي أنجليزي ولا كلمه عربي ..
صديقتي كذا .....؟؟
والله أنحرجت من نفسها حيييييييل حست أنها ولا شي :(..


يعطيك العافيه وانشاء الله ماتخلص السنه ذي الا انا وانتي بلابل

الله يعافيــك .. آآميــــن يالغلآ pb189 ..