PDA

عرض كامل الموضوع : رائعة من روائع الشعر الشعبي


خالد
03-01-2000, 02:11 AM
أنا أحب شعر الحكمة لدى شعراء النبط وعلى رأسهم الشاعر جزاء الحربي. هذه ابيات للشاعر جزاء الحربي يقول فيها:
قالو علامك دايم تقل زعلان ** وياعل ما انته يابوصالح زعولي
قلت اسمحوا لي ياكريمين الايمان ** تراي من نشداتكم ضاق جولي
ولا كل من يبحث ورى سر الانسان ** يكشف عن اللي بالضماير يجولي
ومن قال انا افهم غاية القلب غلطان ** القلب دونه مبهات القفولي
ولاني على بعض المواضيع شفقان ** ولا احط راسي يم ضل يزولي
وامشي مع الطيب على قدر الامكان ** ولانيب اطاول شخص مهوب طولي
وانا اليا شفت الاعور وسط عميان ** اجنبه من خوف لا يصير حولي
واصد منه مع وسيعات الاوطان ** لو كان حفيانه مواطي ذلولي
والناس كل له محبه وصدقان ** وكل على محبوب قلبه ميولي
ورجل بلا هيبه مع الناس خسران ** لو يحسب من رجال زحولي
والضحك في وجيه الرجاجيل نقصان ** ان كان ماللضحك وقت واصولي
هذا وكل له محبه وصدقان ** والله فرق ما بين صنف العقولي



------------------
__________________________________________________ _________________________
بس قم بس

طرطنقي
03-01-2000, 03:16 AM
وعلى راسهم جزا الحربي ؟؟؟؟؟
من يكون جزا عشان يصير على راسهم ؟؟
(هم) بينهم وبين الشعر وقفة نفس .. طلع منهم حجاب مطرب .. وطقه الدين وهون !! .. هو اهم انجازاتهم في تاريخهم ..
الشعر خله لعتيبه ..
وخله لبندر بن سرور و خلف ...
وسلامتكم ..

------------------
هين .. هين يا الضبان


حبيبنا الطرطنقي .. كلنا عيال بلد واحد وكلنا بالطيب نتسابق وحرب فيها شعار وعظماء وعتيبه كذلك وقحطان وكل اللي بالسعوديه والشعر مهوب حكر بعد على القبايل ففيه حضر لهم قصيد ولا اجمل .
اخوك الممرور

[b]<small><small>[ تم تعديل الموضوع بواسطة &nbsp; الممرور &nbsp; يوم &nbsp; يناير 12, 2000]

فنيله علاقي
12-01-2000, 07:43 PM
اخوي طرطنقي :
الشاعر جزاء الحربي ما نقدر انقول انه على راس الشعراء لكنه شاعر من فحول الشعراء وله قصائد رائعه وفيها معاني جزله وكل شاعر له فن من فنون الشعر يجيده اكثر من غيره ، والابيات اللي كتبها خالد للشاعر جزاء ابيات ما احد يقدر ينتقد معانيها وكلها حكم جميله هذا اولا .

ثانيا كلمتك خل الشعر لعتيبه احب اقول ان الشعراء الذين يجيدون الشعر موجودين في كل قبيله وماهو في عتيبه لوحدها فخلف مثلا شاعر من الشعراء الذين يجيدون شعر المناسبات وهو مطرب سابق لا تنسى ، وانا من المعجبين في شعره ، بندر بن سرور ايضا شاعر لا يستهان به لكن هل معنى هذا ان الشعر وقف على عتيبه لوحدها اظن ان هذا يشي مبالغ فيه ، فجميع القبائل يوجد فيها شعراء فحول وانا متاكد انك تعرف ذلك وذاكرتك مليئه باسماء الشعراء من كل قبيله .

ثالثا انا ماني حربي علشان ابين لك لكن كلمتك عن قبيلة حرب فيها شي من عدم الانصاف ، فهذه القبيله هي من اكثر القبائل تدينا في المملكه على حسب ما يذكر عنهم وكل قبيله ياخوي طرطنقي فيها حقها من الردى والطيب وكل قبيله عندها اشياء تفتخر فيها واشياء اخرى لا تحب ذكرها وتحاول دفنها عن الاخرين وانا وانت نعرف ذلك جيدا
لذا اشوف انه احنا نتجنب الكلام والخوض في مثل هالامور اللي دفنها الزمن والخوض فيها لن يقدم ولن يوخر

------------------
نفس يرضيها مد شعير ** ياويش تزعلها له

وحيـد
12-01-2000, 10:59 PM
بسم الله الرحمن الرحيم
الاخ خالد مشكور على ايراد قصيدة الشاعر المبدع جزا الحربي وهو من فحول الشعرا مثل بدر الحويفي وصياف الحربي وعبد الله بن عون مستور العصيمي ورشيد الزلامي وضيدان بن قضعان والاكلبي ومساعد الرشيدي وما لايحصى من الشعرا والشعر ليس حكرا على قبيلة دون اخري ومن اعطاه الله الموهبة في شي ابدع فيه شعر والا غيره اما الغطرسة وهضم حق القبائل فانه لايسب القبيلة باكملها الا شخص ناقص ولو اني والحم لله من قبيلة من اعز القبائل في الجزيرة وبلاد الشام الا انني ارى انها فيه الجيد وفيها الردئ ولو ذكرت المبدعين من هذه القبيلة لضاقت بهم الساحات ولكن القبائل كلها يجد لديها مبدعين وليها متوسطين وغير ذلك وانصح الاخ طرطنقي بعدم هضم حق القبائل والا سياتيه من يوقفه عند حده بالوقائع والشهود والله من وراء القصد وان اكرمكم عن الله اتقاكم

خالد
13-01-2000, 03:23 AM
بيض الله وجيهكم يا شباب على كلامكم وأعتقد أن أخونا الطرطنقي ما يقصد ان شاء الله أنه يتعرض للقبيلة كلها. يمكن بس ما راجع كلامه وفكر فيه شوي وطق زر _أرسل الرسالة_ قبل ما يقراها مرة ثانية.
لكن والله في كل دار ام عامر، وفي كل قبيلة حقها من الزين والشين والطيب والخايب، والله فوق الجميع. وأنا اتفق معكم على حكمة الشاعر جزاء، وأنا والله ماأعرف من حرب شاعر إلا هو، ومانيب راعي شعر شعبي. توني طايح فيه وفي قرايته يوم طلعت الساحة هذي، لكن والله ما عمري قعدت اتابع الصفحات الشعبية. مامن زود رغبة، لكن الساحة هذي والله حببتني في الشعر وقرايته.
مشكورين.

------------------
__________________________________________________ _________________________
الكمبيوتر صديقي!

قابعها
13-01-2000, 10:07 PM
تسلم يدك يا خالد وصح لسان الشاعر
وانت يا طرطنقي كل شي حاشر نفسك فيه
وانت والله ماعندك سالفه

------------------
اذا صار حبيبك عسل صكه واستريح

فنيله علاقي
14-01-2000, 06:35 AM
خالد عطنا من شعر جزاء اذا عندك زياده

------------------
نفس يرضيها مد شعير ** ياويش تزعلها له

خالد
15-01-2000, 05:26 AM
والله انك اقشر يافنيلة العلاقي. أكيد انك دريت أن قازي قضى. خلني في حالي أرحم لي.
أنا ما أحفظ شعر جزاء، لكن هذي جتني من صديق يعرف أني أحب أشعاره، ففرودتها إليكم.

وحيـد
15-01-2000, 08:43 AM
السلام عليكم ومشكورين يااخوان
انا اعرف جزء منقصيدة لجزا الحربي ومنها
ياعل عين مابكت فرقا الاضعان**تعطى النويفج لين تذبل ذبليا
جانا الربيع وربعت كل الاوطان*** وانا صناديق الضماير محليا
لاشدو العربان من عقب مقطان*** واليوم منهم جانب العد خليا
وتفرقوا من نقرة العد سلفان*** احد رحل جنوب واح شمليا
عليهم الخافق تقل فيه نيران*** تصلاه غمقات الهواجيس صليا
وقال الوداع وغادي وجهه الوان *** متخالط فيه الزعل والخجليا
الى ان قال
وان كان حدوك المقرد وعدوان *** ماناب ابا زيد ولا انتي بعليا
والمعذرة ان كاني اخطيت واللي يعرفها يوردها كاملة مشكرا

شاعر للايجار
15-01-2000, 09:34 AM
يا ناس سمعو .. واذا ما نيب غلطان ** وان كنت غلطانٍ ترى عادي قولو لي
الكل يعرف ابو صالح والاوطان ** تعرفه بشعر المديح الجزولي
وان كان فينا يا بوصالح الخسران ** خسران من عينه الظلوم الجهولي
والا انت – لا هنت – مثل بحرٍ وطوفان ** وين ايتوقف يوم هل بهلولِ
هذي قصيدة نصح لاصحاب الاذهان ** وحنا انتصحنا منك جعل عمرك يطولِ
كفيت و وفيت جعل مثواك الجنان ** اللي جعلها الله للعبد البذولي


أرجو أن لا أكون قد تطفلت على الشاعر الكبير جزاء الحربي ... والمعذره على التقصير فهو يستاهل أكثر بكثير ... وهو في غنى عن تعليقنا و مدحنا اياه ..

------------------
icq 19 19 11 44

[b]<small><small>[ تم تعديل الموضوع بواسطة &nbsp; شاعر للايجار &nbsp; يوم &nbsp; يناير 15, 2000]

طرطنقي
15-01-2000, 07:23 PM
مع احترامي لكل القبايل ...
وبعد اللي مهمب قبايل ...
واخيراً اللي متجنسين حديثاً ..
اقول وعسى ما يزعلون علينا هل الساحه :
الشعر ... ايه في كل القبايل ..
لكنه في عتيبه اعلى بكثير وارقى ، وهذا مايعيب القبايل الثانيه ، هذا رأيي وانا حر فيه ..
تراكم عاد مصختوها يا خوان بدوه !!!!



------------------
هين .. هين يا الضبان

طويرش
15-01-2000, 08:40 PM
عجبني رد طرطنقي على الموضوع ويوم جا يكحلها عماها
قال الشعار كلهم في عتيبة ولا قدر يسمي الا خلف
تراي بعلمك ياطرطنقي لو صاروا عتيبة كلهم شعار انت وش بيزيد فيك ؟ الا بتنقص لانك الوحيد اللي بتصير مطرطق بينهم
وبعدين نسيت قول شعار عتيبة ليت لنا صياف الحربي بمية شاعر من عتيبة
إسألهم يعلمونك

وإذا أتتك مذمتي من ناقص ____ تعرف الباقي


------------------
هاااااااااه ما اسمعكم

وحيـد
16-01-2000, 03:47 AM
الاخ طرطنقي اما انك جاهل ومحدود الاطلاع وفي هذه الحالة معذور واما انك مكابر ومتغطرس وهذا هو الداء المهلك لصاحبه قبيلة عتيبة ليست في حاجة ان تدافع عنها بهذه الطريقة فالشعر كما اخبرتك موهبة وليس حكرا على احد ولاداعي للتكرار وتقول ان الشعر في عتيبة اقوى وهذا راجع الى عدم اطلاعك والى قربه من لهجتك بنا على تقييمك هذا نقول ان المتنبي لايمت للشعر بصلة كما اننا لو عرضنا شعر من تقول انه قوي الى احد كبار مجمع اللغة العربية لاحتاج الى مترجم كما انني احيي فيك اعترافك ان هذا رايك الشخصي وانت حر فيه كما انصحك بالاطلاع والقراءاة للشعر الشعبي والعربي وسوف تغير نظرتك لانك سوف تنظر اليها بطريقة موضوعية وتتجرد عن انظرة الشخصية المحدودة واخيرا لكم تحياتي

طرطنقي
16-01-2000, 01:03 PM
انت يالخرتيت ..
اشهد بالله ان ماعندك سالفه ..
انت تعرف من هو متنبي الشعر الشعبي ؟؟؟
بندر بن سرور !!!
اما صياف الحربي شاعر قلطه ..
وشعراء القلطه هذولا ماهمب شعار اصلاً ...
انا احكي عن شعراء النظم .. شعراء القلطه مهاوش ومحاش .. واي كلام !
ويكفيهم ان حضرمي جاهم وسكتهم كلهم !!
اقصد بكر الحضرمي !!

------------------
هين .. هين يا الضبان