PDA

عرض كامل الموضوع : اللي يبي قاموس لكلمات الشعر النبطي


عمي
10-11-2001, 07:26 PM
سلام شباب،

أنا شاعر مبتديء واكبر مشكله واجهتها الى الان هي ايجاد الكلمات المناسبه لوزن البيت بدون تضييع المعنى.

انا مبرمج كمبيوتر واقدر اسوي برنامج يساعد اللي عنده المشكله هذه بس احتاج مساعدتكم. اذا قدرت اجمع عدد كبير من الكلمات غير الفصحى اقدر اسوي برنامج عباره عن قاموس يبحث في الكلمه من الاخير للاول، مثلا اذا انت ورطان تبي تخلص بيت بكلمه على وزن "خير" تقدر تبحث عن كل الكلمات اللي تنتهي بحرف الراء او كل الكلمات اللي تنتهي ب "ير" او حتى كل الكلمات اللي تنتهي ب "خير".

البرنامج اذا نجح ممكن اطوره الى ادخال معاني الكلمات، البحث في الكلمات اللي تنتهي بحروف معينه ولها معني الألم مثلا، معلومات عامه عن وزن الابيات، الى اخره من التطويرات.

أول شي ابي أشوف اذا انتم مهتمين بالموضوع واذا صار فيه عدد كبير من الناس مهتمين نتساعد على جمع هذي الكلمات وجمعها مو صعب لان اللي ما يقدر يرسل كلمات ساده ممكن يرسل قصايد وانا اخللي البرنامج يدخلها كلها.

هذا المكان الوحيد اللي اقترحت فيه هذي الفكره ونجاحها (اني اتحمس لها وإلا لأ) يعتمد عليكم فالله الله بالردود.

ملاحظه: لا ترد بالكلمات أو بالقصايد لانه بيصير صعب علي جمعها من المنتدي (يمكن ارسالها بالايميل بعدين) بس ردوا انتم مهتمين بافكره والا لأ.

[ 11-12-2001: تم تعديل الموضوع بواسطة : عمي ]

عكاشه
11-11-2001, 11:29 PM
Text<font size="5">Text</font><font face="Arial">Text</font><font color="Red">الاخ/ عمــــــــي ياهــــــلا فيك وياهلا في مشروعك

بس عندي سؤال طال عمرك هل تقصد ببرنامجك هذا بس هو البحث عن الكلمه الاخيره فقط ؟؟ اذا كان جوابك بنعم وهذا هو فقط الهدف 00 فأنا اقول اكسب الراحه لان هذه ليست المشكله واب اضرب لك مثال الان لاحظ البيتين رقم واحد ورقم اثنين

1-ياعم وان كانك تريد الصراحه** ياعم مشروعك يبي زود تفكير0

2-ياعم وان كانك تريد الصراحه** ياعم مشروعك موفق على خير0

الاشياء اللي ودي اوضحها لك هي:-

أ-ان اللي بيكتب قصيده بمساعدة مشروعك اذا كان ان المشروع بيساعده فقط بالكلمه الاخيره فقط00 اذا من بيوصل الشاعر الى اخر البيت والوزن سليم0 واعتقد اذا وصل الى الاخير وهو سالم من الكسور والاصابات فاعتقد انه ماراح يكون بحاجة مساعدة برنامجك مع احترامي للبرناج 0 ولكن خلني افيدك 00 ولا تعتقد اني ممكن اكون احطمك0 بالعكس انا ابا اعطيك اشياء ممكن تفيدك اكثر وممكن اذا نجحت فيها انك تسوي شي يكون متميز 00 ومن الان اذا نجحت فيه فانا متنازل عن كل حقوقي في هذا البرنامج

ب- القضيه اللي تؤرق الشعار جميعا حتى من هم بالقمه هي الوزن السليم والوزن يكون من اول حرف في البيت الى اخر حرف 000 واللي انت تتكلم عنها هي القافيه وهذي تقدر تخدم الشعار فيها من ناحيه واحده فقط ولكن الشعار المتمرسون لا الناشئين لاتعني لهم شيئا قبل ان يلمو بالوزن000

الشعار المحترفون بينهم اختلاف بالراي من ناحيه القافيه وهي اللي تخص موضوعك او برنامجك انشالله اقدر اوصل الفكره او المقصود بشكل سليم

مثلا لدينا كلمات تنتهي بثلاثة احرف متشابهه ولكن اخطاء اللي حاصل او الالتباس هو ان بعض الشعار لايعتبرها على وتيره واحده مثال

1-المدينه, 2-سنينه(اعوامه),3-سنينه(يعادله بالعمر)

اخي بعض الشعار يجيز استخدام هذه الكلمات في قافيه واحده ولقصيده واحده000 والبعض يرفض استخدام الاولى مع الاخيرات وذلك لاختلاف الحركات في اواخر الكلمات 0

ممكن انك تطبق برنامجك بان تدرج الكلمه الواحده وما يندرج تحتها من كلمات مطابقه0

مايفيدك في مشروعك (التغلب على مشكلة الوزن) هو التفعيله0 وهذي اعتقد اذا انت ما كنت شاعر مستحيل تسويها والله اعتقد حتى اذا انت شاعر صعبه مره ليش ان كل حرف من التفعيله يكون لازم يكون له احرف معينه وتكون هذه الاحرف علامته الاعرابيه محدده مثلا اذا يفترض ان يكون هنا حرف نون علامته الفتحه فالباء مثلا اذا جات في هذا لموقع لابد ن تكون مضمومه 0 هذا كمثال فقط

صدقني هذا الشي صعب انك تحصره ببرنامج هذا شي بديهي في الشاعر وموهبه0

وانا اسمح لي اقول كلمه وقد اكون مخطي 00 انا اعتقد ان لك مشروع ثاني ممكن؟ وانك حطيت الموضوع هذا لكي تجد المساعده 0 واخوي لاتلومني بكلامي هذا 00 لاني اشوف انك ماتفرق او ما فرقت بين الوزن والقافيه 0 وهذا يدل على بعدك بشكل كبير عن الشعر 00 انا اسف اذا كان سببت لك ازعاج واسف على الاطاله واتمنى ان تجد مايفيدك 0

لك تحياتي

</font> :) :) :)

عكاشه
13-11-2001, 12:34 AM
راعــــــــــــــــــــــــــي العنــــــــــــود اذكر انك كنت قدامي

والا توهيقه 000 برضه انا باقي عند كلامي

بس انت ادري ليش رحت علشان ماتعزم احد

صح والا؟؟ :( :(

عمي
13-11-2001, 01:30 AM
منكم نستفيد يا استاذ عكاشه،

انا زي ما قلت لك شاعر مبتديء وأول محاولاتي مالها شهر زمان. لكني من عمري أحب الشعر الفصيح والنبطي قراءه وحفظ.

انا ما ادري وش هي بحور الشعر أو اوزانه لكني اتطعم الشعر وكتبت الى الان في هذا الشهر اكثر من 7 قصائد بالفطره اطولها كان 12 بيت اعجبت اللي قروها من زملائي (استحي انشرها على الانترنت الان ;) ).

مشكلتي كانت في الكلمات زي ما قلت بشكل خاص لان دراستي في الجامعه وعملي يفرض علي استخدام اللغه الانجليزيه فما عندي ذاك العدد من الكلمات العربيه والعاميه اللي يحتاجها الشاعر.

ما اخفي عليك القول (ولأستفيد من خبرتك :D ) ان اول قصيده لي كانت اربع ابيات الفتها في راسي. لكن محاولاتي التاليه كانت علي ورق واستخدمت اسلوب علمي في الكتابه (وش تبي من مبرمج :) ) فكنت اكتب الافكار اللي ابي اوصلها في القصيده علي الورقه وبعدين ارتب هذه الافكار علشان يصير فيه تسلسل للمعنى وبعدين اشوف اهم فكره (بيت) في القصيده وأألفه وبعدين ابني باقي القصيده على نفس اللحن ونفس القافيه.
ففكرة البيت عندي، والوزن مو مشكله عندي لأني احس بالنشاز في البيت اذا سمعته(من كثر ما قريت قصايد)، ولكن مشكلتي الاساسيه في القافيه. ابعطيك مثال واقعي ولو اني قلت اني ماني ناشر شي الان :

كتبت البيت هذا
00 باعترف لك ياللي العيون تفداه ** انك ملكت القلب والعقل والروح 00

وتوهقت يوم جيت ابني باقي الافكار (الابيات) لانه ما لقيت كلمات كثيره تخدمني على وزن "الروح"

اضطريت اني اختصر في القصيده اللي كنت ابيها تصير حوالي 15 بيت الى التالي (لا تهزئني الله يخليك <IMG SRC="cwm2.gif" border="0"> )

00 سبحان رب الخلق كمله واعطاه ** مع الزين والعقل يا ناس مملوح 00
00 معذور يا قلب يوم انك تهواه ** واعرف انه لو كابرت تراك مفضوح 00
00 ان كان ما بان من ضحكتك وانت وياه ** عينك لا لقت عينه بتخور وتبوح 00
00 وبتعترف لك ياللي العيون تفداه ** انك ملكت القلب والعقل والروح 00
00 يا ### الله يديم علينا نعماه ** ومن شر خلقه يحفظنا وين ما نروح 00

وفيه بيتين بعدها خاصه ما ودي انشرها.

ابيك يا عكاشه ولو فيها كلافه تقوللي رأيك بصراحه في هذه البيات وتبين لي اذا كان فيها كسر واللا لا.


هذا قصدي يوم قلت اني احتاج للكلمات بس الان، لكني زي ما ذكرت في بداية الموضوع انه اذا نجح المشروع يمكن اضافة اشياء كثيره له.




.

راعي العنود
13-11-2001, 01:32 AM
<font color="Blue"><font size="5"><font face="Courier New">اخوي : عكاشه ...لاوالله وانا اخوك ماهي توهيقه

ولكن انت شفت رد الأخوان على موضوعي ...وشفت ان

وجهة نظر المشرف تختلف عن وجهة نظري فاحترمت

وجهة نظره واصبح ليس من حقي استضافة اخونا

الا بعد موافقة المشرف وهذا اقل شي نطيع فيه

مشرفينا وامرهم على العين والراس ,,,,

فاصبح موقفي يستوجب على حذف الرد ...وانت

يابوعبدالله الخير والبركه..والعزايم تستحقونها

وماني متهرب يابوعبدالله أبشر بسعدك...

:D :D :D :D :D :D :D :D :D :D</font></font></font>

عمي
13-11-2001, 01:36 AM
وشو موضوعه اللي تتكلمون عنه يا شباب انا ما قريت اللا رد عكاشه علي؟!!

:confused:

راعي العنود
13-11-2001, 02:40 AM
<font color="Green"><font size="5"><font face="Impact">عمي الحبيب ...مافيه الاسلامتك طال عمرك كنت

راد انا قبل اخوي عكاشه ...وانا اعجبتني فكرتك

وطلبت ان توضع نسخه من الموضوع في شعبيات

عرضت الموضوع على الزملاء المشرفين.لم يوافقوني

رأيي وشفت عدم رغبتهم ...احترمتها...واحترمت

رأيك وفكرتك فحذفت ردي ...

هذي السالفه من طق طق لسلام عليكم :D :D

وتقبل تحيات اخوك راعي العنود....

:D :D :D :D :D :D :D :D :D :D</font></font></font>

عكاشه
16-11-2001, 03:57 PM
<font color="Blue">الاخ عمي انا اشوف ان ابياتك كبدايه تعتبر فوق الجيد جدا هنا هفوات بسيطه شف انا ماراح اطول عليك انا ابا اكتب ابياتك ثاني مره اللي متغير هو اللي فيه الخلل

سبحان رب الخلق كمله واعطاه@@(أ)مع العقل والزين ياناس مملوح

معذورياقلبْ يوم انت تهواه@@تراك لو كابرت فالحب مفضوح

ولابد ماتفضحك ضحكتك وياه @@واعيونكم وقت اللقاء يمكن اتبوح

وبتعترف لك ياللي العين تفداه@@ انك ملكت العقل والقلب والروح

البيت الاخير بما ان فيه اسم وانت ما احبيت تذكره انا لا يمكن اعبث فيه وهو ناقص

احتراما لمشاعر قلب المحب

اخي اوصيك بالقراءه واستشارة الناصح الصادق

لك تحياتي</font>