PDA

عرض كامل الموضوع : الفن بالكويت ..... إلى اين !!


أرتيْم
04-01-2009, 04:29 AM
بسم الله الرحمن الرحيم
السلام عليكم ورحمة الله وبركاتة ..



الفن الكويتي والضياع الحاصل ، حبيت اناقشكم هالقضية خلال هالموضوع المتواضع
حالياً الفن الكويتي عمره طويل وتاريخ رائع بحد ذاته ، وكان البذره الأولى للفن الخليجي
عموما ً وساهم بشكل كبير في أحتضان بدايات النجاح لـ اغلب فنانين الخليج ..
لكن للاسف الفن في الكويت بسقوط متواصل !!




http://www.emasc.com/images/content/Kwait/Kuwait%201.1.JPG



مثلأ لو نشاهد الاسماء الاسطورية السابقة والحالية ، اعتقد ماكو مقارنة
شخصياً احس بالإحراج إذا ذكرت اسماء من طينة ..
{ عبدالكريم عبد القادر ، عبداللطيف الكويتي ، عوض دوخي ، عبدالمحسن المهنا
يوسف المطرف مع انه اشتهر كثير بالعدنيات وله شعبية كبيرة عندنا ،
محمد المسباح ، غريد الشاطئ ، صالح الحريبي وعياله ايضاً فنانين أحمد و عبدالرحمن
بس للاسف مظلومين واصواتهم رائعه مثل والدهم ..

ومؤخراً وإللي اشوفه حالياً متربعين بالساحة : عبدالله الرويشد ، نوال الكويتية ، نبيل شعيل
وطبعاً من كلامي هذا اقصد فقط الشارع والفن عندنا في الكويت ..

وكذلك المُلحنين والشعراء : من الملُحنين سليمان الملا ، راشد الخضر ، انور عبدالله
والشعراء : سامي العلي ، بدر بورسلي ، عبداللطيف البناي ،
كذلك علي المساعد إللي اختفى واتوقع اخر اعمال كانت مع سعد الفهد (بمهما شكيت) ..

شخصياً اعض إبهامي من الحسره .. لو نأتي نقارن مثلأ بالفنانين امثال بشار الشطي واحمد حسين وحسين الاحمد وعبدالقادر الهدهود ..

ومن الملحنين : مشعل العروج وفيصل الراشد ، صحيح ممتازين في مجال التلحين ..
لكن نحتاج الى آلحان تبقى بالذاكرة مثل آلحان انور عبدالله وراشد خضر ..

والشعراء حدث ولا حرج .. يمكن من بعد علي المساعد مانشوف شيء !؟
غير الشاعر عوض نفاع الي تعاون مع هند بمريض المحبه وكذا عمل مع عدة فنانين..
لكن يحتاج وقت ويكون مثل علي مساعد ع الاقل ..



http://www.elaph.com/elaphweb/Resources/images/Music/2005/7/thumbnails/T_e58d850d-57fc-48b5-b289-3ae22927f6bf.gif



هناك في تصريح للسفير عبدالله الرويشد ( يثُني ) من خلاله على الفنان بشار الشطي واحمد حسين !!
اتوقع اثني عليهم لان يدري محد راح يجاريه ع الاقل بالساحة مستقبلأ..
وانا شخصياً من عشاق ابو خالد واحب اغانيه ولازم اي كويتي يحب يسمع اغاني الرويشد
خصوصاً الشباب عندنا .. اغانيه ع الجرح دايماً ،،

بس يعني ليش أنت ياسعادة السفير تدعم هالنوعية من الفنانين بالمشاركة بهلا فبراير

وماتدعم نوعية أخرى من الفنانين إللي لهم مستقبل مثل : علي العبدالله
إللي من اروع الاصوات القادمة وعبدالعزيز الضويحي و عبدالرحمن الحريبي
وهذول الثلاثه كلهم نزلوا البومات بسنة 2008 ،، يعني حرام وظلم مانشوفهم بالمسرح !؟

وانا اشوف إللي متربع بالخليج حالياً بالفن دولة السعودية الشقيقة ..
نشوف عباس ابراهيم ونايف البدر وعبدالهادي حسين

وطبعاً غير العمالقة حالياً : محمد عبده ، عبادي الجوهر ، راشد الماجد ، خالد عبدالرحمن
رابح صقر ،الخ..

يعني شباب ونشوف لهم حضور قوي !! يعني مافي حزازيه واحقاد بين الفنان الموهوب والعملاق
نشوف في دعم واهتمام .. يعني لماذا لاتفعل مثلهم وتدعمهم !!




انا متأكد إن في الكويت هُناك ( تحجيم ) يعني لماذا لايتركون المهرجانات تمسكها وزارة الاعلام!!
الاستاذ سالم الهندي من مسك المهرجان وهو في سقوط مستمر ..
من بعد ماكان المهرجان الاقوى عربياً مع قرطاج خصوصاً بالحضور والدعم ،،
وكل الفنانين يحرصون على القدوم للمهرجان وبعضهم يحلمون على الظهور بخشبة المسرح ..

وعلى أمل إن نشوف دولتنا ترتقي مرة أخرى فنياً وكذلك رياضياً
واتأسف إذا بذر مني اي تقصير / زايـد

ROB.VAN.DAM
04-01-2009, 05:14 AM
.. هلا بك زايـد شلونك شخبارك عساك بخير ..

.. المهم نجي للموضوع السبب اللي جعل الفن بالكويت ينخفض هو ان فيه مواهب فنيه بالكويت كثيره

لكن ماأحد معطيها وجه لأن اللي اشوفه حالياً بالفن الكويتي فيه احتكار يعني مثل ماقلت انت يازايـد

عبدالله الرويشد يمدح في ناس هو يعرف انهم ماراح ياخذون منه الجو او ماراح يأثرون عليه أبـداً

فالشخص اللي يكون بذي الحالة هو ( مطمئن ) عشان كذا يخليهم يطلعون في مهرجان هلا فبرايـر

والباقين اللي اعتبرهم ( مظلومين ) مثل عبدالرحمن الحريبي وغيرهم مايبي يخاطر ويخليهم يطلعون

في حفلات لأنه يعرف ان عندهم أصوات قويه فيتجنبهـم لكن انا ماني ضد عبدالله الرويشد نفسه انا

ضد تعامله مع الفنانين اللي المفروض يكونون بشهرة ( راعين ستار أكاديمي ) اللي طبعاً ماشفنـا

منهم شي ابداً يعني فعلاً حرام اللي يصير في حق الفنانين الأخرين صراحة ظلم كبير ..

.. ومع ذلك يازايد ترى الفن الكويتي مهما صار له يبقى فن كبير وله تاريخه المشرف ..

.. وأشكرك يازايد على الموضوع وماقصرت ياخلفهم والله يعطيك ألف عافية ..

.. وسلااااااااام ..

pb189

YASER-M
04-01-2009, 05:22 AM
موضوع جميل ..

المشكله الان في الكويت حسب وجهة نظر شخصيه هي ( العقليّه الفنيّه ) ..

يعني اغلبهم هناك يميلون أو يحاولون ان يكونوا ذو ستايل " غربي " ..

فـ في اللبس و في طريقة الاغاني .. أشوف أنهم متأثرين جداً بـ الغرب ..

و هذا بالتأكيد سـ يؤثر فيهم و في مسلك او طريق الفن ككل في الكويت !

في السعوديه مثلاً .. فـ الفنانين مجتهدين دائما و لم يغيروا النهج الذين ساروا عليه من كان قبلهم ..

مثلا عندك نايف البدر و عباس ابراهيم استمروا على نهج العمالقه من قبلهم ..

زي محمد عبده , خالد عبدالرحمن , رابح صقر , راشد الماجد , و عبدالمجيد عبدالله ..

اللون متقارب و مألوف .. في غض النظر عن ان كل فنان له ستايل خاص ..

و لكن عموماً .. تحس ان ( الفكره الفنيّه ) واحده فيما بينهم ..

عندك كـ مثال مثلاً .. نايف البدر و أخذه لـ كم اغنيه من الفنان طلال مداح رحمة الله عليه و ادراجه لهذه الاغاني في البوماته ..

هذا دليل على فكره الفني ..

فـ عندنا بالسعوديه الجميع متأثر في الفنانين السابقين كـ ( فكر فني فقط , وليس كـ ستايل ) .. لذلك اصبح الفن هناك ضخم و كبير ..

اما بالكويت و كما قلت .. الفنانين الشباب غالباً أصبحوا يدرجون الالات الغربيه كـ القيتار في اغانيهم ..

و اصبحوا يعتمدون على الاغاني الخفيفه و السريعه فقط ..

أرتيْم
04-01-2009, 05:45 AM
ROB.VAN.DAM

هلا فيك أكثر .. وانا بخير ..
ومنور يابعد روما كلها pb189

ردك رائع واتفق معاك ، وحقين الاستار الاكاديمي على قولتك رايحين فيها
ماعندهم شي واصلن برنامج فاشل .. اللي يبي يتعلم يروح سوبر ستار او نجوم الخليج

ع الاقل برامج محترمة وتطلع بـ فايده .. عندك اخر الخريجين من استار اكديمي
ابوطبوقه مادري ابوصخر ، يعني مافي ابداً مكانيات صوتية ولا حضور بالاغاني ..

بس مستغرب ان اعلامياً قوي وكل مافتح جريدة اشوف صورته مع بشار واحمد حسين
يعني وين الحريبي وعلي العبدالله والضويحي وفيصل الراشد
اخر اثنين تكفي منهم أغاني " الكلام وتدور الزلة "


YASER-M

حضورك أجمل .. يالغالي
ومنور بـ هالرد الرائع
وهم اتفق معاك ... خصوصاً بالعقلية

يعني اول ظهور لـ بشار الشطي امام المسرح بهلا فبراير
كان لابس بدله !! يعني وين الزي الرسمي .. لان هذا مهرجان ولازم في احترام
حتى بالزي .. اممم !!


هاكم هالوردتين bp039 bp039
والثالثه لـ أطفال غزة bp039 ..
شرايكم فيني pb094

S.A.L.E.7
04-01-2009, 05:56 AM
؛

اهلين زايد . .

طرح مهم

بالنسبه للفن الكويتي وانحداره انا رايي من را الخوي اللى ذكر . .
تقريبا الشباب اللى تطلع بالكويت يكون استاسله غربي . .
يعني الاغنيه السريعه واللى 3 دقايق وانت ماشي . .
صحيح هذي الاغاني اللى تمشي مع هالوقت او بالاصح للجيل الجديد . .

ومن ناحية عبدالله الرويشد يوم يمدح الثنائي ( صدقني لو انه عارف انهم بيمرون جنبه ما مدح )
واكبر مثال المبدع عبدالرحمن الحريبي . . يعني فنان واعده من الكبار بصراحه . .
لا دعم ولا شركة انتاج للالبومات الخاصه فيه . .
ولا دعوات لحفلات الكويت الرسميه . . كلها ليش !!

هذا عيب الفن الكويتي ( الانانيه بشكل عام )
ابي كل شي لي وما ابي احد ينافسني !! يعني بجد كيف تبي الفن يرتقي وانت للحين اناني وما تبي احد ينافسك !
( الرويشد - نوال ) تقريبا هم الاسياد ولا اعتقد بيجي احد غيرهم
هذا اذا استثنينا عبدالكريم لانه من الجيل القديم . . ونبيل اللى ما يدري وش صاير فيه :(

الخلاصه ( الدعم في الكويت شبه معدوم واقصد بالدعم ؟ ان فيه اصوات قويه وتقدم فن حلو لكن ما حولك احد !!
واكبر مثال الحريبي )

الف شكر لك اخوي زايد وان شاء الله تفتح متصفح ثاني ويكون ازدهار الفن الكويتي يارب

:)

؛

Gianni Agnelli
04-01-2009, 06:27 AM
http://www.rashedalmajid.com/Rashed-Pictures/abe-shoorek/1.gif


كااان زمـااان يا كويـت ! ..

ماعليه نتكلم بـ منطقيه وش الأساامي الي طلعتها الكويت و اشتهرت و كونت شعبيه بـ وقت من الأوقـات هي كلهـا على بعضهـا 4 أصوااات الي شكلت لـ نفسهـا اسم و وزن على مستـوى الفن الخليجـي .. بـ نفس الوقت الكويت مااطلعت اصواات جديدهـ تستااهل تنسمـع وتشكـل جماهيرهـ او على الأقل تنجـح لها اغااني محدودهـ ..

عبدالكريم عبدالقادر pb189 ..
بعدهـ يجون ( نـواال / نبيـل / الرويشـد ) و كل الثلاث اساامي ذي حاليـاً ماهي مثـل اول .. من فترة التسعينـات و الرويشد و نبيـل مستوااهـم بترااجع و شعبيتهم و الطلب عليهـم قليل و انتشار اغانيـهم و نجاهم محدود .. نـوال برضو بـ اخر السنـواات الوااضح انه اساامي فناناات عربياات كومنت شعبيه اكثر منهـا بالخليج مثل ( اصااله ) على سبيـل المثاال طبعاً ماننسى اليسـا وغيرهـااا ..

بالسعوديه ان كنـا نتكلم عن طلال مداح و من بعدهـ محمد عبده جاهم عنصر ثاالث للهرم السعودي الي هو عباادي الجوهـر .. يعتبـرون جيـل !

بعدهم السعوديـه طلعت ( راشد الماجـد pb189 .. / عبدالمجيـد / رابـح / خالـد ) الي يعتبـرون الجيل الثاانـي ..

نشوف فيه جيـل ثاالث صحيح ماهو مسيطـر ع السااحه و وجودهـ مايتقاارن بـ الأسامي الي فيها جيـل رااشد مثلاً لكن نقول طلعت السعوديه ( راشد الفـارس / جوااد / عباس ابراهيم / الحكمـي ) .. !

و لو جينـا للمنطق و الوااضح ..

الأسـم الأبـرز عبدالكريم عبدالقادر من سنين و هو اقـل بكثيـر صرااحه من مستوياات الجيل الثاني بالسعوديه .. !

محمد عبده
عبادي الجوهر
راشد الماجد pb189
عبدالمجيد عبدالله
خالد عبدالرحمن
رابح صقر

6 اساامي بالراااحه تتفوق على اهم اسم بالكويت حاليـاً الي هو عبدالكريـم .. الشي الغريب الرويشد و نبيـل بـ التسعيناات كاانو قريبين كثيـر من نجاحاات راشد الماجد و عبدالمجيد .. لكن حاليـاً الي اشوفه انهم يجون بعد رابح و خالد من جميع النوااحي لا نجاحاات و لا انتشار اغااني و لا حتى مبيعاات او شعبيه !! ..

غريب وضع الكويت وفنانينهـا .. !

نتكلم عن الفـن بالخليـج .. نقولها بصرااحه السعوديه و بـس و البااقي طلعاات و نجاحاات محدودهـ ! ..

شيل فنانين السعوديه من الفن الخليجي .. الفن الخليجي صفـر ع الشماال ! ..

عبدالكريم عبد القادر ، عبداللطيف الكويتي ، عوض دوخي ، عبدالمحسن المهنا
يوسف المطرف مع انه اشتهر كثير بالعدنيات وله شعبية كبيرة عندنا ،
محمد المسباح ، غريد الشاطئ ، صالح الحريبي وعياله ايضاً فنانين أحمد و عبدالرحمن
بس للاسف مظلومين واصواتهم رائعه مثل والدهم ..

ومؤخراً وإللي اشوفه حالياً متربعين بالساحة : عبدالله الرويشد ، نوال الكويتية ، نبيل شعيل
وطبعاً من كلامي هذا اقصد فقط الشارع والفن عندنا في الكويت ..

شفت الأساامي الي حطيتهاا .. صدقنـي مانعرف الا عبدالكريم عبدالقادر و هو الي ممكن ينسمع له .. و ضف عليهم الثلاث اساامي الي على قولتك متربعين ع السااحه بـ الكويت فقط ..!

رح لـ الامارات .. تلقى شعبية فنانين السعوديه تتفوق على شعبية فنانينهم !
نفس الكلام بـ قطر بـ البحرين بـ عمان بـ الكويت الي هي تعتبر بـ فترة من الفتراات رائدة بـ مجال الفن حاليـاً صدقنـي ( راابح صقـر ) على سبيل المثاال ماني قاايل رااشد او عبدالمجيد .. خلنـا على راابح اشك ان جماهيريته و صيته اعلى من الرويشد و نبيـل ! ..

أرتيْم
04-01-2009, 06:29 AM
S.A.L.E.7

هلا صالح ، تواجدك اهم
واجل تقول الارسنال خخخ .. لايسمعك تزلع ويقلب الموضع pb192

وطبعاً انت ياصلوحي .. صلحت الموضوع اكثر
ووضحت ، لان فعلأ في تحجيم بشكل مخيف عندنا !!

نبيل شعيل له اغاني حلوه .. لكن ماحس والله
إلي يهز السوق بالكويت مثل الرويشد ونوال ..

يعني فنانين الخليج الثانين اشوف اكثر من شعبيته بالكويت عندنا

لك هالوردة bp039

مستلجــــه
04-01-2009, 06:52 AM
عندكم نوال .. صدقني بيجي يوم وتصير زي ام كلثوم في مصر
محد يقدر يصير زيها و هي اسطوره فنيه كويتيه
لان باعتقادي وحسب ما استشفيته من خلال زياراتي للكويت ان الشعب الكويتي اختلف عن اول وبالذات الجيل الجديد صار ستيله غربي بشكل غير عادي !
حتى البنات اختلفو كثير عن اول ... فـطبيعي ان الفنا راح يواكب التغيرات اللي حاصله
هم يبون يبعون وبس ومااعتقد بيطلع شاب يمشي على نهج الرويشد ايام اول او بتطلع بنت تمشي على نهج نوال وينجحون ! صدقني بتكتب عنهم الصحافه فتره وبيكونون منسيين لحد مايواكبون العصر ويصرقعون زيهم زي غيرهم
زي ما حصل مع امال ماهر في مصر .. اول ماطلعت الكل قال انها خليفه ام كلثوم والزمن الجميل .....الخ
والحين سوت نيو لوك وطلعت تغني وتسوي فيديوكليبات وفلتها :d
كانو يقولونها اول ... الفن مايوكل عيش
لازم الواحد يقدم شي هابط باسم الفن عشان يعيش
وهالشي صار في مصر والكويت بشكل ملحوظ لاني لازلت اشوف ان لبنان والسعوديه من اكثر الدول اللي محافظه على هويتها الفنيه وتعشق الطرب الاصيل ولازالت تخرج اجيال صاعده تغني باصاله وطرب
بس ترا عندكم في الكويت مسارح ودراما وكوميديا متفوقه على مستوى الخليج وبغض النظر عن الانحلال الاخلاقي في القضايا اللي تناقشها اغلب المسلسلات الا انو محد ينكر قوتها كانتاج كويتي تتنافس عليه الفضائيات
وعلى قوله جدتي .. كل زمان و قوته منه
بكرا بنقول الله يذكر بشار الشطي والهدهود كااانو فن .. مو زي اليوم ماحولك احد :d


وترا بشار الشطي يطلع منه .. عنده اغنيه ( وشلون ابصبر ) الى يومك وانا اسمعها ولا احس اني في يوم من الايام راح اكرهها او ازهق منها : )

الرهيب
04-01-2009, 06:58 AM
لجمال الطرح من قبل كاتب الموضوع و روعة الردود ولاهمية المشكلة الموضوع مثبت للنقاش الجاد

يعطيك العافية اخوي على هيك موضوع نفتتح فيه صباحنا بالإقلاعbp039

أرتيْم
04-01-2009, 07:03 AM
Gianni Agnelli

أحترم وجهة نظرك .. بس في اشياء اختلف معاك فيها

يعني بالاول اتفق معاك بخصوص عبدالكريم عبدالقادر
بس اتمنى يكون كلامك مو لان عبدالكريم سوا دويتو مع راشد !!

اصلن هالشي انجاز لراشد .. اتمنى في ناس تستوعب هالشي ومايكون في تعصب ..
لان عبدالكريم عبدالقادر هرم بالفن الخليجي وللاسف البعض مايعرف عنه شي ..
لو يغني بالمسرح .. بيصير هرم اساسي حاله حال محمد عبده وكاظم
وبتكرر عليه جملة .. ثابت والبقية متحركون ،

بس لان انسان قبل لايكون فنان .. منع نفسه يدش المسرح حتى رجوع الاسرى
فهالشي انجاز بحد ذاته .. واغانيه ابوخالد اكثرها اسطورية من كلمة ولحن ..

واشوفك حيل كاسر بـ عبدالله الرويشد !!
ترا والله اسطورة .. واحلى مافيه اغانية .. تشفعله !!
اتعب وانا اقول اغانيه اكثرها اسطورية ..

بس اذا في انتقاد انتقد البومه الاخير
لكن ماجي واتكلم على الرويشد طول مسيرته
لان تاريخه قوي مرة ..

ومادري بأي منطق جاي تقول رابح اكثر من شعبيته بالكويت
اسمع اغنية تعال وهو يقول خنقتني العبرة .. وتعال كلمني ،

في ناس تحاسب العشاق الي بس بالنت ..
ترا في ناس كثار مايشبكون بس يحبون فنانين ويعرفون اشياء اكثر من الي يشبك بعالم العنكبوتية

هالاحصائيه تدرون منصدم منها :D
وبخصوص الي ذكرتهم انا وماتعرفهم ، اعتقد معروفين عندنا بالكويت
تصدق نسيت الملا ابو حنان pb027 ..

انت لو تشوف يوسف المطرف شمسوي بالسوق مع ان توفى الله يرحمه
يخرش العود خرش واحد اهم الفنانين بالعدني .. بس انا يالغالي من هالكلام اقصد فقط بالشارع الكويتي

لان عندنا اللي يعشق العدنيات .. خصوصاً طبقة الحضر ، اكثرهم يسمعون عدنيات

ماعتقد غير عبدالمجيد وراشد لهم شعبية قوية بالكويت
بس هالشي مو شرط ان فنان احسن من فنان ...
وان شاءالله تكون فاهم قصدي


bp039


مستلجــــه


انا ليش كتبت هالموضوع لان في ظلم حاصل وحرام مانشوفهم منتشرين
اتمنى تسمعين لـ اصوات اللي ذكرتهم .. وتقولين كلامك صحيح!

الكويت سابقاً كانت الاهم بالخليج فنياً ورياضياً
مع مقصر طبعاً بمجال الفن .. لان اي فنان لازم يجيها

وحضور عبدالحليم حافظ اكبر دليل واعتقد كانت له جلسة وقتها
لان زيارة الكويت مهمة لـ اي فنان ..


ونوال مايحتاج مكانها بالقلب عند أهل الكويت
وممكن اعرف شلون حكمتوا ان اكثر الشعب الكويت إلي يسمعون اغاني تحولوا للغربي !!

نادر مالمارينا اف ام والكويت اف ام تحط ، وعلى كثر ماقز وافتر
الا اشوف ان الشباب عندنا حالهم حال غيرهم .. يسمعون لـ اي جديد لفنان يقدم فن رائع

يعني شفنا قبل طاحوا بسواها قلبي وراحوا لمرتاح لعبدالمجيد
يعني اتفق معاكم بـ هالشي ..

بس تبقى هذي نوعية من الناس وانا اخص ماجمع لا في ناس تحب تسمع اغاني
رومنسية ولكم فنان معين ..


بخصوص الانتاج والادرامه عندنا ، اعتقد شوهت سمعتنا عند العرب بشكل عام !!
مع ان هالشي مو موجود ابداً .. بس كلها من الديمقراطية اللي لها سلبياتها وهذا اكبر سبب فيها

يعني يتعدون المنتجين والكتاب بأشياء مو موجوده ابداً .. بالمجتمع
والمشكلة ليت الفنانين يكونون كويتين طبعاً ماقصد الي يقدمون فن محترم مثل الاستاذة حياة الفهد وحسين عبدالرضا وهالعمالقة ؟ اقصد اللي اكثرهم مصاروه تقريباً ،الخ .. افهموا عاد انتوا :D

bp039


الرهيب


مادري ليه حسيتك يوم تبي تثبته .. كنت تسمع اغنية رايق حبيب يابعد عمري ، رايق:D
اشكرك يالغالي على التثبيت ، وصبحك الله بالنورpb189

bp039

ح ـــسن
04-01-2009, 08:31 AM
بسم الله الرحمن الرحيم
صبحكم الله بالخير ..
بخصوص الفن ..لو قابلتني قبل 25 سنه راح اقولك الفن في الكويت والفن في السعوديه ..
لكن حاليا ..
انلغى هالشي تقريبا ..واجتمع كله تحت اسم الفن الخليجي ..
لو تلاحظ الكلمات بتلقاها باللهجه الخليجيه البيضاء ..
على العموم ظاهرة الاصوات الجديده ..والاغاني الجديده ..
وان كانت ماتمشي على مزاجنا حنا يامحبين الفن الاصيل ..والاغاني الطويله ..
لكن هالشي طبيعي ..لأن العالم لو مايتطور كان حننا للحين
عايشين في الكهوف ..
بس تعرف المشكله وين ..
ان حنا نشوف انهم يتأخرون مايتطورن وانهم متجهيين للاسفاف
وللفن الهابط ..
وهم يشوفون انهم يتطورون ويتحولون الى
فن متحرر بدون قيود وبدون رقابه
(ورده)

نايف أبو النيف
04-01-2009, 08:34 AM
الفن الكويتي
اللـه الله على زمان , كلنا تربينا على الفن الكويتي
مو بس من ناحية الطرب والاغاني لا
المسلسلات المسرحيات والاغاني

الفن الكويتي بإنحـدار وهذا شي واضح
وفي مستوى الفني كله بـ شكل عام مو بس الاغاني

يعني مثل ماقلت في السعوديه فيه انحدار ايوه فيه
بس مو بالدرجه الكبيره اللي نشوفها بالفن الكويتي
هذا ومايخفي على احد وجود المعاهد الفنيه عندكم وماهي موجوده في المملكه

ومثل ما للمعاهد الفنيه ايجابيات ولا تخفى على احد
هذي وحده من سلبياتها انها خلت كل من هب ودب درس وتخرج ويا صار يا فنان ولا مغني
واللي يقهر انه يحسب نفسه على الفن الكويتيpb189



بس اتمنى اننا مانكون متشائمين بالدرجه الكبيره
مثل مافيه عاهات على الفن الكويتي فيه شباب طالعين كويسيين وفي كل مجالات الفن


مشكور اخوي زايد
وماقصرت

هــــــــــلااا
04-01-2009, 09:15 AM
بسم
هناك في تصريح للسفير عبدالله الرويشد ( يثُني ) من خلاله على الفنان بشار الشطي واحمد حسين !!

هالتصريح متى قاله ؟؟؟
عقب ما تهجم على بشار الشطي في برنامج سابق ورد يرقع لنفسه ...

عجبتني هالمعلومه دعم الرويشد لبشار الشطي pb027pb027
يا معود الله الغني عن هالدعم .

مع حبي للرويشد وفنه وأعتبره النجم الأول بالكويت بس أول من حارب بشار ومازال
مستمر بحربه أهوا الرويشد ..بتقول ليش بأقول مشكله الغباء وعدم الثقه بالنفس ..
ومشاركات بشار الشطي في هلاا فبراير غصب عن الرويشد وربعه

ولا للرويشد أي فضل على بشااااااااااااااااااار الشطي ..

ولا لأحد فضل على بشار ألا حب أهل ديرته ..


وبالنسبه لعبدالرحمن الحريبي أظن لو سمعت الحريبي بآخر لقاء له وأهوا يغني لايف
بتعرف أمكانيات الحريبي وصوووووته اللي جداااااا ضعيف ولا يقارن ببشار الشطي
مع أنه أختياراته قويه بس صوته ما يساعد حتى بألبومه الأخير واضح هالضعف ..

أراهن إذا كنت سمعت ألبومات بشار
ولو مريت عليها ما أعتقد ألبوماته بهالسوء اللي يخليك تعظ أبهامك حسره ..


وعلى فكره ترى أغلب النجوم اللي تشوفهم كبار ومكسرين الدنيا
ببدايتهم كانوا الجمهور يعتبرهم فقاعات وبتختفي ..
فعط شبابنا فرصه بعد كونون لنفسهم خط خاص فيهم
والنااااااس أذواق يا أخي ..

يعني آنا تبيني أسمع وأستمتع في أغاني
عبداللطيف الكويتي ، عوض دوخي ، عبدالمحسن المهنا
يوسف المطرف وخالد الملااا pb036

يعني اول ظهور لـ بشار الشطي امام المسرح بهلا فبراير
كان لابس بدله !! يعني وين الزي الرسمي .. لان هذا مهرجان ولازم في احترام
حتى بالزي .. اممم !!

منو جمهور بشار ؟؟؟
مو جيل الشباب ؟؟؟
شفت الصاله شنو لابسين ثلاث أرباع الجمهور ؟؟؟
وبشار من هالجيل ويلبس مثل ما يلبسون شباب الكويت وإلا وين عايش أنت ؟؟؟

وليش بشار أول مطرب شاب يلبس جذيه على مسرح هلا فبراير ؟؟؟؟
قبله لبسوا مو أهوا اللي طلع بهالطلعه ..


ع العموم يكفي بشار الشطي تلقيب كل الصحف الكويتيه له
بنجم الشباب الأول



ومشكور ع الموضوع وعلى غيرتك على الفن الكويتي ..
مع أني مستغربه وقت نزول الموضوع pb024 ؟؟؟؟

malia
04-01-2009, 11:50 AM
بشار الشطي هواء افضل فنان شاب كويتي بشهادة كبار الفنانين
ولوكان مثل ماتقولون فاشل ليش لحد الحين موجود على الساحة ويحقق نجحات والبوماتة تحقق اعلى المبيعات بعتراف روتانا نفسها رغم التوزيع السي وعدم الدعاية والبومة الثالث قريبا
ويشارك في اكبر المهرجانتات العربية ( ذو مكايل لبنان - صلاله نجم العرب- هلافبراير اربع مرات على التوالي ) وحفلاتة من انجح الحفلات بعتراف المنظمين والصحافة ويشارك في اكبر البرامج العربية
حرام عليكم هذا الحسد ولله انه موهوب وصوتة حلو والبوماتة ناجحه مع انة محارب ولم يتم تصوير كلبات له وحفلاتة تشهد وشهادة كبار الفنانين له مثل نبيل شعيل و فضل شاكر ونوال و خالد الشيخ وراشد الماجد وتعاونة وتلحينة اوبريت كامل بنفسة لكبار الفانين وعمل موسيقى تصويرية لكثير من المسلسلات
لكن انتو تحقدو علية في هذا المنتدى من زمان وماتبون تعترفون بهذا الشي
ولي يسبون وينتقدون اتحد احد منكم سمع البوماتة اسمع ( بساط الريح -حبيب الدنيا -هنا على هنا -يعيش الحب -هلابلحبيب - اه ياهواى- انت البادي - موحرام ) وبعدين احكم بس معلقين على جديد x جديد

[CENTER]http://www9.0zz0.com/2008/09/03/00/217694922.jpg (http://www.0zz0.com)

http://www.shosho-starac.com/up/up/bashar-taratata-43.JPG

http://up.x333x.com/uploads/736c878380.jpg (http://up.x333x.com) [] بشار الشطي في راي هو الطالب الاكثر اجتهاد من الاكاديمية فنان لن يتكرر من الفنانين الشباب موهوب حقيقي بالفطرة صار نجم بمجهودة الخاص وليس بدعم ستار سيستم و lbc مثل باقي طلاب ستاراك رغم ظلم روتانا الواضح له من ناحية تصوير الكلبات والدعاية حتى استطاع بناء جمهورة الخاص وكون له شعبية كبيرة

:: بشار يلتقي جمهوره الواسع في (مملكة البحرين) ::

http://www.shosho-starac.com/up/up/1048-4133-6987.gif

http://www.shosho-starac.com/up/up/2992-5816-1366.gif

13 / 6 / 2007

بشار من اوائل النجوم الشباب الذين تم استدعاؤهم الى مهرجان الندوه الثقافيه في قطر
يديرها تحت عنوان ((الاغنيه الشبابيه)) لاعتباره رمزا للشباب و لاقت الفكره النجاح و تفاعل الجمهور وترك اثر ايجابي حضر الشباب لاول مره بكثافة هذه الندوات وكما علق المنظمون بشار غير فكرة الفنان الخليجي و اعطاه بعدا عربيا عالميا واخلاقه العاليه تركت انطباع محمود ...

::غنيــــــــــلي::

http://www.shosho-starac.com/up/up/y7u.gif

::على الوتــــــــــر::

http://www.shosho-starac.com/up/up/mjnh.gif

::تــــــــــوب 20::

http://www.shosho-starac.com/up/up/saw.gif

::جلســـــــــــات خليجيات::

http://www.shosho-starac.com/up/up/8817-7808-8968.gif

::قمـــــــــرين::

http://www.shosho-starac.com/up/up/768.gif

::قناة MPC: كلام نواعم::

http://www.shosho-starac.com/up/up/jhfsda.gif

::ستارأك 5::

::ستارأك 4::

http://www.shosho-starac.com/up/up/kjhjkgjgh.gif

http://www.shosho-starac.com/up/up/klhjkhjgh-1.gif

::بشار في الوادي::

http://www.shosho-starac.com/up/up/jhgjmmjkmjk.gif

:: في عناق الوطن والشعب ::

http://www.shosho-starac.com/up/up/khyuyrttrr.gif


::مع حـــــبي::

http://www.shosho-starac.com/up/up/aaaad3e68a.jpg

::مهرجان هلا فبراير 2007::

http://up.x333x.com/uploads/bc9d89ed6b.jpg (http://up.x333x.com)

::مهرجان هلا فبراير 2008::

http://www.shosho-starac.com/up/up/ftr5.gif


::اوبريت الله يعز الكويت ::

عمل ضخم ضم نجوم الكويت الكبار الذين تغنوا بألحان المايسترو
وتعتبر بصمه في مسيرة هذا النجم الشاب..

http://www.shosho-starac.com/up/up/Bix08479.jpg[/FONT][/QUOTE][/QUOTE]

الريــ صقرــاض
04-01-2009, 12:35 PM
اهلين

اهنيك بصراحه على موضوعك
مشكلة الاغنيه الكويتيه هي المحسوبيات
او بمعنى اخر الواسطات

يعني فيه اسامي كثيره ذكرتها انت وضيف عليها مساعد البلوشي عصام كمال
وفيصل مرزوق بس اللي طالع على السطح للأسف انصاف الفنانين
وبدعم كبير من فنانين الكويت الكبار
لنا يمكن اكثر من 20 سنه 4 فنانين كويتين ثابتين والباقي متغيرون
يعني غير عبدالكريم والرويشد ونوال ونبيل مافيه احد فعلا سطر اسمه في سما الاغنيه الكويتيه
لكن هي بس المحسوبيات لو تختفي من الوسط الفني الكويتي راح يولد لنا عبدالكريم جديد او رويشد جديد
والف شكر

سـوآق الشيـوخ
04-01-2009, 12:53 PM
.

مدري ليش متحـامل ع بشـار واحمد بشكـل هذإإ !.؟
مدري تكـره خـامات صوتهم ولا اغانيـهم ..
تقـارن بينه وبين مدري عبدالرحمن .. ممكن يصيـر صوته بالألبوم عادي مع المؤثرات وكذا .. لكن مسرح ولايف بشع جداً جداً .. فيه فنانين كبار كبار .. لكن صوتهم ابشع من ايش بـ لايف من دون مأثرات وكذا !
غير ان اغانيـه تشهـد له واعمـاله وتلحيـنه للأوبريت وجمهـوره إلي نشوفه بهـلإ فبراير وو
فنـانين كبـار وقفـوا معه .. اولهم نبيـل شعيـل !! ,,

http://www.youtube.com/watch?v=QRmS0Myl-LU&feature=related
" شوف هذا .. جمهـوره بلبنـان عشان تعرف قدر الي قارنته فيه ! .. الي لو .. ولا بـلإش "

عــشــووق
04-01-2009, 01:17 PM
.
.

بس حبيت أعلق على شغله بخصوص بشار الشطي بالعكس يملك صوت رائع !!

ماشوف بالبشاعه رغم اني ما استمع له كثيراً إلا له أغاني رومانس كلاسيك مشهوره !! وضربت

وياه مثل حبيب الدنيا و شلون أبصبر وغيرها , بس يمكن انت قصدك ع الطرب الأصيل مو أغاني الشباب

الي تتغنى هـ الوقت :) .. وعبدالله الرويشد من مسك هلا فبراير واهو خابصه

لا الحريبي و لا الأصوات الشابه يعطيها فرصه !! .. الحريبي لو يلقى أحد يهتم فيه بيكتسح شباب الخليج كلهم

شكراً .. وبكون متابع للموضوع

ميس الريم
04-01-2009, 01:45 PM
//


الفن الكويتي من زمآآن في حالة ركوود حاله حال الفن بشكل عام في الوطن العربي !

بس يمكن الفرق إن الكويت من الأساس مقارنتا بغيرها من الدول كآانت غير ! مميزة وعاصمة الفن في الخليج pb189..!

عبدالكريم عبد القادر معذور بسبب حالته الصحية ، وين عبدالله الرويشد pb036 فرررق عن قبل الألبومات الصراحه ماعرف شو اقول عنها ؟ ونفس الكلال لبلبل الخليج نبيل شعيل ! الوحيدة نوآل صامدة للحين وتقدر تنافس الموجودين حاليا في الساحة الفنية!

والشباب اليداد .. مالهم للحين بصمه واضحة مقارنتا بغيرهم من الشباب مثل هند والحكمي وعباس ابراهيم pb036

والركود هذا مش بس على صعيد الطرب والأغاني حتى في التمثيل سواء مسلسلات أو مسرحيات.. ! اتوقع المشكلة سببها قلة شركآت الإنتآج القوية :rolleyes: وبعد التوجه اليديد لدولة الكويت صآر في إنغلاق أكثر وإلتزآم أكثر pb036 آذكر في لقاء لحياة الفهد تقول سبب توجهها لقنوآت ثانية غير قناة الكويت هو رفضهم لكل النصوص باعتبارها خارجة عن الآدب واوفر!


عوافي زايد

أرتيْم
04-01-2009, 01:47 PM
اول شي الموضوع واضح ، هو ضعف الفن بالكويت عندنا !!
لا احد يجي ويقولي انت ماتحب بشار وشايل عليه ... داعم سيارتي هو مثلأ يعني !!
او اطلبه افلوس ؟؟

ياليت الموضوع مايروح مقارنات ، وإلي مزعله الموضوع مو شرط يقرأ
لان هذا واقع بالفن الكويتي ... كل واحد جاي يقول فناني احسن

ياليت في منطق شوي ياناس ؟؟ انا اتكلم بشكل عام بالفن
واقارن بالحالي والماضي .. وما اعتقد جرحت اي فنان

وترا هم تكلمت عن الشعراء والملحنين .. محد تطرق لـ هالمجال pb036
بس رحتوا للفنانين ، الي مو مقتنع وحاط بفكرة براسه لايرد ونشوف خراب بالموضوع

يعني ماشفت من إللي ردوا تكلم عن مثلأ اساطير .. كـ راشد خضر اللي له فضل كبير على القيثاره نوال .. واتوقع نوال لا الحين ماتزوجت عشانه pb192
و الشاعر عبداللطيف البناي واعماله صعب اعدها !!

الي يبي يسوي آكشن ويخرب الموضوع بالمقارنات .. بركبه الدوريه :) < وش تحس فيه على هالايقونة :D


هــــــــــلااا

توني اشوف ردج بموضوع ابوصخر وإني شايله فوق ظهري
ممكن اعرف شلون حكمتي اني اكرهه ؟؟ انا اتكلم بس عن اعماله
وحتى ذكرت احمد حسين وياه .. يعني ماقصد التجريح ،

لو يجون كل اللي بالفني ويشوفون وجهة نظري متأكد الاكثريه بـ يتفقون معاي
.
.

ياليت اول شي نبعد عن العاطفة ، وانا يوم اتكلم ابتكلم عن فنان كويتي
يحمل خامة طربية اصيلة مستقبلأ .. اوكي بشار الشطي شنو آلحانه !؟ اللحان غربيه
واغنية مرام اللي لحنها اكبر دليل .. اللي تقول فيها " قررت انساك ، تعبني هواك "
هالالحان اربع شهور وينسونها الجمهور ...


بخصوص الزي : بالعيّد مثلأ شنلبس حنا !!

او الجمهور بشكل عام اللي كانو بالحفلة ، شنو يلبسون !! كلهم " دشاديش / اثياب "
وماعليهم شرهه بالحفلة ، لان تحصلين بـ ياخذ راحته ويبي يفلها ..

لكن انت فنان كويتي وبالديرتك وبمهرجانك .. وجمهور من دول ثانية تطالعك
الافضل انك تكون بالزي .. اذكر كل فنانين الخليج جذي !!

اعتقد ماني غلطان بـ هالنقطة ، وانا ماقصد التجريح ببشار
بس هذا الواقع ..

حنا نبي فنان كويتي يخلف اساطير مثل عبدالكريم والرويشد ،
ياهلا لازم نكون واقعين !! ابسئلج سؤال ؟؟ ماتحسين في فرق بين فن الي يقدمه بشار واحمد حسين
والفن اللي يقدمه نايف البدر و عباس ابراهيم ، الاول مقتدي بطلال مداح رحمة الله عليه
والثاني محمد عبده .. يعني شوفي العقليات .. وبدولة قطر في فنان شاب هم قادم بقوة فهد الكبيسي

وانا يوم اقول عبدالرحمن الحريبي وعلي العبدالله .. لان متأكد مليون بالمية
عندهم الامكانيات يكونون حالهم حال عباس ونايف وهالمواهب القوية عربياً ..

يعني شفتي شلون شفنا عبدالعزيز الضويحي انظلم !!
وتهمش حقه عندنا ، مع ان صوته قوي قوي قوي ..
وله جمهور قوي بالكويت ، بس انا اتكلم عن الاعلام وماتكلم بشار فاشل البومه او لا ..

زين شرايج بصوت انغام بالمسرح ؟؟ واطي حيل وفي نقاد قالوا صوته مو صوت فنانه
بس لان لها اغاني قوية وتعرف تختار الكلمة وتعاونات مع ملحنين كبار قدرت توصل للنجومية
حتى بالخليجي انغام قوية ، وانا مجبور اسمع اغانيها مثل يااطيب ائلب ومحد فاضي وحلفتكم بالله وهالشي حاصل مع الحريبي .. مع ان اشوف صوته روعه ومايعور الاذن ..
واغانيه روعه من كلمة وكذلك لحن .. والبومه الاخير يشهد على انه فنان ذكي ويقدم فن خليجي

صحيح الرويشد مايدعم الشباب مع ان له الكلمة في ذلك ويعتبر السفير وهرم اساسي
بأي مهرجان في الكويت ..

بس اغنيته " عيدي ياكويت " تبقى الاروع .. وتخنق العبرة اي كويتي اذا سمعها
اذا مخنقتج العبرة .. متأكد انج مو كويتية
احس يغني من اعماق قلبه وكذلك اغنية وطن النهار لعبدالكريم عبدالقادر ..

وين الشباب ماطلعوا بأغنية من هالنوع ع الاقل !!


malia / سـوآق الشيـوخ


شاكرلكم على الردود ، وانا وضحت بردي اللي فوق للاخت هلا
وانتوا لو فاهمين الموضوع عدل .. ماستعجلتوا بـ هالردود ،

واحترم وجهة نظركم ، بس غلط اننا نقول هذول هم الي بـ يرفعون اسم الكويت
يعني مثلا لو تجي تقارن عبدالكريم ونوال والرويشد بفنانين الخليج العمالقة الاخرين
تقدر تقارن .. لان فعلأ لهم اعمال اسطورية ومشرفة لذلك ..

الريــ صقرــاض

كلامك رائع وشاكرلك على ردك يالغالي .. وللمعلومة عصام كمال جنسيته سوريه
ومساعد البلوشي خامته الصوتية رائعه ، بس للاسف محد داري هم عنه !!

وخلك عنك يابن الحلال المقارنة بين راشد ورابح ..
الموضوع شرق وانتم تقارنون .. ابعرف متى تتركون هاالعداوه بينكم ياعشاق راشد ورابح؟

عــشــووق

حياك الله ولد عمي ، وتسلم على مرورك ..
وطبعاً اقصد الفن والكبرياء والشموخ الي كانت دولتنا تحمله

قبل الكويت كانت فن وآد ورياضة وعلوم ..
بس الحين عكس وصارت الدول الثانية تسبقنا ..



كيفي كول


شكراً لمرورج ، واتفق معاج .. يعني انتي وياي واكثر من عضو
فمادري ليه يحاسبوني اتهجم على بشار ونجوم استار اكديمي ..
وانا وضحت كل شي .. وللاسف ماعندي استعداد اوضحه لهم مرة ثانية!

وتصدقين افضل يرفضون النصوص ، لان مجتمعنا الكويتي محافظ واكبر من هالنصوص
وشركات الانتاج الفاسدة!!

.
.



السموحة للي مارديت عليهم ، وبرب .. نتواجه بعد مباراة الازرق
والله يوفقنا pb189

مـا تهـاب
04-01-2009, 02:24 PM
وضع الفن الكويتي محد راضي عليه هالوقت
لاطرب ولا تمثيل انا اشوفه انحدار من القمة
وين زمان الفن الكويتي ووين الحين
نبي نسخة ثانية من ابو خالد ومن الرويشد ونوال ولايهون بو شعيل

بس يمكن هالتجديد في الفن يناسب مستمعينه الشباب من الجيل الكويتي
واكيد فنانينهم الشباب يدورون الي يرضي جمهورهم


عافاك على الطرق والنقاش

iDANCE
04-01-2009, 02:57 PM
بدون زعل ..!!
المجامل للاسف التي تحصل بين الفنانين الكبار واعطاء الثقه لـ بشار وغيره هي سبب في تدنى
مستوى الاغنيه الكويتي في السنوات الماضيه بدون زعل بشار لايستحق ان يحمل اسم الكويت
عاليا مع احترامي الشديد لانه صوته واغانيه لاتوهله الي هذا ليس هو فقط فهناك اسماء اقسم
ان ليس لها علاقه بـ الفن عموما لكي لانخرج من صلب الموضوع اذا اردت الفن الكويت ان يعود
مثل سابقا وهذا صعب .
ان يعطي المواهب الحقيقيه المدفونه في الكويت و مهضوم حقه في المشاركه في هلا فبراير
هذا العام واتمنى ان إداره هلا فبراير تتغير كليا وتخرج من اطار الهندي والرويشد لاني لي قاعد اشوفه
ان المصلحه في الاختيارات واضحه مثل وضوح الشمس
ومبدع في الطرح عزيزي

الـ ع ـسكـريـه
04-01-2009, 03:01 PM
,’


السلامـ عليكمـ ..

زايد .. هذا اول موضوع لك اطب فيه .. !!
انت تتكلمـ عن هبوط الفن الكويتي .. .. .
وانا معك في هالنقطـه .. شي طبيعي ان الفن تغير ..
وراح يتغير في الايامـ الجايه ,, .. . .

قبل الفن الكويتي .. كان عباره عن طبلتين .. وعود .!!
ودمـ تشك .. !!
بعد 10 او 15 سنه .. .. طور الملحن المرحومـ .. راشد الخضر
الاغنيه الكويتيه .. ودخل فيها الكمـان والاورج .. ودمجها مع الايقاعات
بدليل .. اغنيه ( فارس احلامي ) .. شلون بدايتهااا .. وكيف نهايه الموسيقى ..
عندك اغنيه .. ( رحلتي .. ) لـ عبدالله رويشد .. كيف صاغ اللحن .. وبدع فيه

نجي بعدها لـ فتره الثانيه التسعينيات ..
وكيف تغيرت الاغنيه .. من مكهبــله لـ مختصره ..!!
او شبهه مختصره ..!!

* * *

شوف يا زيااد ... الاغنيه الكويتيه القديمه لا زالت موجوده صدقني
بدليل المعهد الموسيقي .. وبالتحديد .. الدكتور بندر عبيد ..
اللي حاط كل جهده وقدراته في صياغه الحان كويتيه .. وتعليم الطلبه لـ هذا النوع ..


لكن السؤال يا زايد ... ليش الفنان ما يتجهه لـ سليمان المـلا .. .. او بندر العبيد ..

لا تقعد تمدح لي عبدالله رويشد .. ولا تمدحون لي راشد .. ولا حتى نوال .!!
شفني انا من جمهور نوال .. لكني لحد الان .. تركت شريطها الجديد ورجعت لاغانيها القديمه
اقول في قلبي ,, ( يمكن بعد 10 سنين ) اسمع شريطهااا هذا ’’ :d

..

الفنان هو السبب الرئيسي في استمراريه هذا النوع من الاغاني ..
عندك مثال بسيط محمد المسباح .. ترك الفن والغناء لان الساحه ما عجبته ,,
وقال بكل بساطه انا اغني لـ اطرب ... وهاللون مو لايق علي ..!!

وبخصووص راشد الماجد اللي صرعتوني فيه ..
شرايكمـ في مشكـلني .. / العيون السود ... !!
هذا ما اسمه مواكبه لـ مبدأ (( الجمهور عاوز كده )) .. !!
الترقص .. والدمبكه ..!!


* * *

نجي عند بشار واحمد حسين .. والطقه اللي جت وراهمـ ..
هذولي شبااب ( يعني يا عزيزي يبون الشهره باي وسيله )
ماعندهمـ وقت ,, لاي شي ..!!
ثانيااا .. /
لو نستثني بشار منهمـ لانه للامانه ولد شغيل ..
لكن هو حب يسوي لعمره خط مختلف عن الباقين في دمج الايقااعات الغربيه ع الاغاني الخليجيه
مثل اغنيه ( شلون ابصبر ) الفضيعه ... اللي لحنها كان رومبـا ..!!


* * *

مستلجه .. pb189
قريت ردتس وقلت بتكافخ معها الحين :d
وبعدين رجعت قريته مره ثانيه وقلت لا العجله مهيب زينه ..!!


انتي تقولين ان المستمع الكويتي صار ستيله غربي ..!!

لازم الواحد يقدم شي هابط باسم الفن عشان يعيش


موش بس في الكويت ...
عندي وعندكـ خير :d


وهالشي صار في مصر والكويت بشكل ملحوظ لاني لازلت اشوف ان لبنان والسعوديه من اكثر الدول اللي محافظه على هويتها الفنيه وتعشق الطرب الاصيل ولازالت تخرج اجيال صاعده تغني باصاله وطرب

هالحين لبنان محافظه على هويتها الفنيه ّّ
خخخخخخخخخخخ :d
ضحكتيني ... بأماره اغنيه ( تبكي الطيور ) التركيه واللحن ملطوش
واغنيه ( ضحكة الدنيا .. ياغايب ليه ما تسأل .. وزمـان قلبي استحـلى من زمان .. " امل حجازي " )
كلها لطش من الاتراك .. وتقولين هويه ..!! :d


نجي عند السعوديه ..!!
محد حافظ على الاغنيه السعوديه الا ثنين ( طلال مداح / عبادي الجوهر )
حتى محمد عبده خخخخخ // اجل ( تدلل .. )
والدويتووو اللي غنااه مع الخمه الجسمي .. واحلامـ وراشد .. ومدري من بقاا ..!!
لحد ينط ويقول اغنيه خاصه وشيوخ !!
حتى ايش شيوخ :d

في الزمن الجميل ماكانت فيه محسوبيات
حتى اكبرهمـ محمد عبده غنى اغاني خاصه ..!!


رابح ..
ابدع في التوزيع واللحن اللي كان يدخل عليه ايقااعات غربيه ..!!
مع دمجه لـ الطيران ..!! وهذه تريد ماركـ لـ كسب الجمهور !! :d
مافيه سعودي مايحب الاستنزااال ... :d
واذا ودتس تسمعين اغنيه سعوديه صح ..!!
ادخلي على اغاني طلال مداح .. واسمعي ( وعدكـ متى ) ......!!
او عبادي ( انفاسكـ دخون )



* * *

لي باك ... عقب المباراه ... :d

تسحيبات الثنيان
04-01-2009, 04:32 PM
,

مـرحبـا اخـوي زايـد ,
شـوف هـو مـو بـس الفـن الكـويتيـي اللـي نـازل مستـواه ,
كـل الفـن بشكـل عـام وبـالخليـج خصـوصـاً نـزل مستـواه ,
ولكـن فـي الكـويـت ملحـوظ هـالـشي عكـس السعـوديـه ,
والسـبب كثـرت المطـربييـن عنـدنـا عكـس عنـدكـم ,
مـن اهـم الأسبـاب فـي هبـوط الفـن عنـدكـم ,
هـو الإعـلام الكـويتـي ,
صـار اهتمـامـه منصـب أكثـر علـى ستـار اكـاديميـي وطقتهـا ,
وقـدم بشـار الشطـي وكـأنـه بطـل قـومـي :p ,!
ومـاعـاد يهتـم فـي ارشيـف الفنـانييـن ,
ويـركـز عليـهم ويكـرمهـم ,
مثـلاً [ عبـدالكـريـم عبـدالقـادر ] ,
للأسـف الإعـلام الكـويتـي متجـاهلـه ,
عطنـي مقـابلـه أو تكـريـم لـه قـريـب ,
الـرجـال بغـى يتـوفـى ولا حصـل تكـريـم ,
والحمـد للـه عـدت علـى خيـر ,
وبعـد مـاطـلع مـن المستشفـى ,
سـوت معـه إذاعـة صـوت الخليـج القطـريـه لقـاء مطـول ,
وفيـه نقطـه مهمـه غيـاب الأسمـاء الفنيّـه الكبيـره عـن السـاحـه ,
مـن كتـاب وملحنييـن ,
ويـن [ بـدر بـروسلـي ] [ سليمـان المـلا ]
[ انـور عبـداللـه ] وووووالـخ عـن السـاحـه ,!
بـرأيـي [ عبـداللـه الـرويشـد ] ,
وهـو اللـي حـافـظ مـاء وجـة الفـن الكـويتـي الأن ,
تحيّـه bp039 ,

مستلجــــه
04-01-2009, 05:20 PM
العسكريه pb189
اشتغل العرق خخخخخخخخخخ pb027

لحظه لاتاكليني انتي وياه pb027

الفن هبط في كل مكان صح عليكم .. لكن افهمو وش قصدت واحكمو بعدين pb027

مو ان الشعب الكويتي صار يسمع غربي لا :sm4:
احكي عن ستيله في اللبس في نمط الحياه في الشعر في اشياء كثيره وهالتغيرات مو بس شكل !
يعني اكيد ما سوا هاللوك الا وهو حاس انه صح وانه عصري بهالطريقه
انا معكم ان اشكالهم حلوه :sm5: بس وين راحت الدشداشه ؟pb192
خلوني اصير واضحه معاكم .. يعني نكون واقعيين .. الواحد وين يسمع الاغني اكثر شي ؟
في السياره ..
طيب بحكم انه شاب وسيارته كول ولبسه كاجوال .. يصلح يشغل ام كلثوم وهو يسوق ؟؟pb036
طبعا لا !
اذن بيشتري شغلات كول ... عشان وهو ماشي في الطريق العالم تتلفت عليه ويسطلون على الواد الروش اللي مار ولا هو معبر احد pb027
انا احكي عن فئه الشباب !
نادر مره اللي يطلع يستعرض بالسياره مشغل اغنيه طربيه .. واغلب شعبنا يحب الاستعراض pb027
يعني اكثر المبيعات بتصير لصالح يش ؟؟
غير الفئه اللي من 13 سنه لـ 22 هذولي يحبون الطق والشكشكه وبعضهم يجي متأمرك خالص وهم على فكره اكثر شي تلقاه مسوي زحمه في محلات الكاسيت ..
مااحكي عن الكويت بشكل خاص ! هالشي مر على اغلب الدول العربيه .. يعني لانروح بعيد حتى لو اروح لجده مااسمع الا مصري في الاشارات pb036
وان سمعت رابح اعرف ان اللي جنبي نجدي pb027
الطربي له جو خاص تسمعه .. واغلب الناس احين حكي عن نفسي واللي اعرفهم .. ننزل الاغنيه من النت ونحطها في الايبود .. الطربيه طبعا ..
لانك ماراح تسمعينها على كل وقت .. اما السي دي الي يضرب وتحسينه موسم راح تشترينه لانك بتشغلينه في كل وق وبيكون معاك دايما .. اذا طبيعي مبيعات الطرب تقل ..

نرجع للكويت ..
نبيل شعيل صوته مو ذاك الزود ! لكنه بدع في كثير اغاني ..
ومحد ينكر هالشي pb189
وفي الاونه الاخير خنبق في كثير اغاني زي جاني الخاين والاناني pb036 وبرضو محد ينكر هالشي :D
بشار الشطي صوته حلو .. لكنه طلع في زمه اغبر :D
عنده ذكاء موسيقي بس ماعنده خبره تصقله ولا احد ياخذ بيده صح
اتذكر نبيل شعيل اعلن انه بيدعمه .. بس المشكله وش صار نبيل شعيل الحين ! هذي الغبنه صدق
نجي للرويشد .. كان فنان عظيم بمعنى الكلمه pb189
شوي شوي لحق الموجه ودحدر مع اللي دحدرو :(
ولكن تبقى نوال pb189
صح ان طبقه صوتها ماتعجبني مره لكن تبقى فنانه ومطربه من العيار الثقيل ومحد ينكر هالشي برضو pb189

.....

نجي للسعوديه ولبنان وليش قلت انهم اكثر بلدتين عربيه محتفظه بالطرب والاصاله ..

بحكي عن لبنان اول ..
صح طلعت لنا كومه مطربات ماري وش يبون !
وصح الشعب اللبناني يحب الطبله والدبكه .. لكن !
لما نجي لاعمده الفن هناك زي فيروز وصباح وووديع الصافي وملحم بركات
باستثناء الاخير الي بدا طلع مهرج في فيديوكليب كارول صقر pb093
فيه اسمي كبيره .. ولازالت لبنان محافظه عليها !
يعني تروحين مطعم لبناني تسمعين فيروز pb189
مو بس في لبنان .. في لعالم كله !
الشعب نفسه متمسك بقديمه اللي يعتبر كنز موروث pb189
ولازالو يوصلون للعالم الخارجي صوت فيروز ووديع وصباح وغيرهم
حتى الاجيال الشابه واللي طالعه جديد بغض النظر عن الخنبقه وقله الحيا اللي يسوونها الا انهم يرفعون القبعه للمطربين الكبار وفيه احترام وفخر انهم يتعاملون معاهم وسحرص اغلب الفنانين الشباب ان مشواره الفني فيه بصمه لاحد الفنانين الكبار قبل ما يندثرون ..زي ما حصل مع التعاون بين رولا سعد والصبوحه وكان دويتو حلو بصراحه ..
واغلبهم تربو على الفن الاصيل .. على سبيل المثال ملحم زين .. ادم .. وائل جسار وغيرهم وهذولي كلهم مطربين شباب لكن عندهم اغاني قويه وطربيه من العيار الثقيل واصوات محد ينكر جمالها ...
حتى في بعض برامجهم زي سوبر ستار .. تعتمد على الصوت واداءه في الاغاني الطربيه .. لانهم حريصين على تخريج اصوا جديده طربيه .. وهذي وريدا عطيه من ابرز الاصوات القويه اللي طلعتها لنا لبنان ...وغيرها كثير
خلي هيفاء وهبي ونانسي وهالخمه على جنب لانهم هبه وصرعه لكن محد ينكر ان هيفاء وهبي فنانه استعراضيه اكثر من رائعه .. اول ماطلعت كانت فاشله لكن بعد ظهورها على اكثر من مسرح بطريقه استعراضيه زي برناج الوادي اثبتت نجاحها في هالمجال .. يعني انا اشوفها زي مارلين مونرو في بعض الشغلات ;)
وبرضو اليسا صوتها فيه طرب pb189
والبوماتها كلها حلوه .. وعندها حس فني عالي pb189
خلونا نكون منصفين شوي ونترك النظره بزاويه ضيقه انو الفن اللبناني شخلعه وقله حيا وبس .. شوفو الجوانب الثانيه
يمكن كلامي مايعجب ناس كثير بس بعد عشر سنوات راجعو ردي وشوفو اذا معي حق والا لا

بالنسبه للسعوديه برضو لازال فيه شباب واجيال طلعت وتطلع خامات صوتيه رائعه pb189
وكلها طربيه .. يعني عباس ابراهيم مثلا من اول البوم ضرب وتفائلنا خير انه خليفه محمد عبده وان الفن لسى بخير ...يعني انا اشوفها كثيره بصراحه .. واحد بسنه وعنده هالحس لفني العالي الله لايضره pb189
برضو نايف البدر صوت طربي كله شجن pb189
ولازال عندنا ناس سواء ملحنين او شعراء عليهم القيمه pb189
هذا هو قصدي .. الشعووب كلها تغيرت لكن لازال فيه ناس تناضل عشان تحافظ على الفن وفيه ناس انجرفت مع السيل ..
لكن لو نجي للشعب اللي صدق شعب يحب الطرب ولا يقبل بغيره لكن للاسف ماعندهم فنانيين كثير ..
هم الشعب السوري ...pb189

عشان كذا مهما ناقشنا ماراح نحل شي .. لانها مسأله ترجع لامو اكبر من النقاش ..
ومتى ماتراجعوا الفنانين الكبار عن فنهم وماصرت تفرق بين اخر البوماتهم وبين البوم اي فنان جديد توه طالع على الساحه فهذي هي المصيبه ووقتها تقدر تقول باي باي يا فن .. :(

نـكـووش
04-01-2009, 05:29 PM
موضوع بطل pb189

الجمييع يعرف ان الفن الخليجي مو زي اول وخصوصا ً الكويتي
وين كوويت زمااان < اقول اشش يالبزر pb027

مثل ماقال تسحيبات عبد الكريم عبد القادر هذا الفن لحاله pb189
قسم بالله قهر .. شف الاعلام كيف عند بشار الشطي والاعلام عند عبد الكريم عبد القادر :rolleyes:

بشار الشطي .. اعتبره عادي جدا ً وستار اكاديمي والاعلام الكويتي عطاه اكبر من حجمه بكثيـرpb093



وعلى فكره ترا مو بس الفن الكويتي اللي طايح مستواه حتى السعودي pb071
لكن الاعلام السعودي وكثرة الفنانين تخليكم تحسسون انه ابطل شيء pb027
بالسعوديه الاسامي موجوده لكن العطا مو زي اول .. اخرها شريط خالد ومحمد عبده وراشد .. وين الاعمال الطربيـه :rolleyes: كلها اغاني فتره معيـنه وتنسى bp039


زايد يعطيك العافيه والنقاش راح يطوول bp039

هــــــــــلااا
04-01-2009, 07:16 PM
ا
ممكن اعرف شلون حكمتي اني اكرهه ؟؟ انا اتكلم بس عن اعماله
وحتى ذكرت احمد حسين وياه .. يعني ماقصد التجريح ،


ما قلت تكرهه ولا يعنيني أحمد حسين ولا في مقارنه بين بشار واحمد ..

ا
لو يجون كل اللي بالفني ويشوفون وجهة نظري متأكد الاكثريه بـ يتفقون معاي


ومنو قالك أنه الموجودين بالفني يعبرون عن رأي الجمهور الخليجي
آنا أشوف أنه جمهور الأقلاع يمثل نسبه من الجمهور السعودي بس ..


ا
اوكي بشار الشطي شنو آلحانه !؟ اللحان غربيه
واغنية مرام اللي لحنها اكبر دليل .. اللي تقول فيها " قررت انساك ، تعبني هواك "
هالالحان اربع شهور وينسونها الجمهور ...
الحييييييييييييين سمعت قررت أنساك لمرام !!!!!!!!
وما سمعت ألحان أوبريت الوطن كااااامل اللي تغنى فيه عبدالكريم والحريبي ونوال وبو شعيل ؟؟؟؟؟
ما سمعت لحنه للفارس (( ماوفيتك ))
ما سمعت لحنه لنفسه (( أحاول أنساك ))
وألحانه في البوم الضويحي الأخير ..
ألحانه كثيره ومنوعه ستايلاتها على حسب المطرب اللي يتعامل وياه .

ا
بخصوص الزي : بالعيّد مثلأ شنلبس حنا !!
او الجمهور بشكل عام اللي كانو بالحفلة ، شنو يلبسون !! كلهم " دشاديش / اثياب "
وماعليهم شرهه بالحفلة ، لان تحصلين بـ ياخذ راحته ويبي يفلها ..
الله يهداك أي عيد ؟؟!!!
هذي حفلات ونجم يبي يتفاعل مع جمهوره ويأخذ راحته حاله حال الجمهور .

وبالمناسبات الوطنيه مثل الأوبريتات وحفل القرين تلقاه لابس دشداشه ..

الكن انت فنان كويتي وبالديرتك وبمهرجانك .. وجمهور من دول ثانية تطالعك
الافضل انك تكون بالزي .. اذكر كل فنانين الخليج جذي !!
آنا ما يهمني الجمهور اللي يطالعني بالتلفزيون أنا جمهوري جدامي وناطرني
وستايل بشار مو غريب على شبابنا الكويتيين وأنت أكيد عارف
وما كنت أتوقع أنه لوك بشار بالحفلات بيكون محل تحليل أو أنتقاد
وخصوصا من شاب كويتي !!!

اماتحسين في فرق بين فن الي يقدمه بشار واحمد حسين
والفن اللي يقدمه نايف البدر و عباس ابراهيم ، الاول مقتدي بطلال مداح رحمة الله عليه
والثاني محمد عبده .. يعني شوفي العقليات .. وبدولة قطر في فنان شاب هم قادم بقوة فهد الكبيسي
عن نفسي ما أبي أحد متأثر بأحد أبي أشوف شيء جديد وخاص بالنجم .

اوانا يوم اقول عبدالرحمن الحريبي وعلي العبدالله .. لان متأكد مليون بالمية
عندهم الامكانيات يكونون حالهم حال عباس ونايف وهالمواهب القوية عربياً ..
منو قالك أنه نبي مثل عباس أو نايف
آنا مو شايفه أنه لعباس أو نايف جمهور إلا من ديرتهم
ايعني شفتي شلون شفنا عبدالعزيز الضويحي انظلم !!
وتهمش حقه عندنا ، مع ان صوته قوي قوي قوي ..

اللي ماله ظهر وسند يضيع والسبب معروووف بالنسبه لنااا ع الأقل ..

ا
وله جمهور قوي بالكويت ، بس انا اتكلم عن الاعلام وماتكلم بشار فاشل البومه او لا ..
أنت شايف أنه للضويحي جمهور قوي
ولا شفت جمهور بشار الشطي ؟؟؟؟؟؟؟!!!!!!!!!!!
ولا بحياتنا شفنا لنجم شاب جمهور في هلا فبراير مثل جمهور بشار الشطي
ما تعتقد أنه هذا يعتبر نجاح

وما أنكر أنه مشاركة بشار مفروضه على المنضمين في هلا فبراير فرض
فارضتها شعبيته وجماهيريته
وما أظن الواسطه و المحسوبيه بتجمع له جمهور يترس المدرجات ..

ازين شرايج بصوت انغام بالمسرح ؟؟ واطي حيل وفي نقاد قالوا صوته مو صوت فنانه
بس لان لها اغاني قوية وتعرف تختار الكلمة وتعاونات مع ملحنين كبار قدرت توصل للنجومية
حتى بالخليجي انغام قوية ، وانا مجبور اسمع اغانيها مثل يااطيب ائلب ومحد فاضي وحلفتكم بالله وهالشي حاصل مع الحريبي .. مع ان اشوف صوته روعه ومايعور الاذن ..
واغانيه روعه من كلمة وكذلك لحن .. والبومه الاخير يشهد على انه فنان ذكي ويقدم فن خليجي
أخوي الحريبي كان في أستديو ما يغني بمسرح
وبالتحديد في برنامج (( تو الليل ))
وصوته كاااااااان ضعيف لدرجه صدمني وآنا من معجبيه مو ضده ..

اصحيح الرويشد مايدعم الشباب مع ان له الكلمة في ذلك ويعتبر السفير وهرم اساسي
بأي مهرجان في الكويت ..
بس اغنيته " عيدي ياكويت " تبقى الاروع .. وتخنق العبرة اي كويتي اذا سمعها
اذا مخنقتج العبرة .. متأكد انج مو كويتية
احس يغني من اعماق قلبه وكذلك اغنية وطن النهار لعبدالكريم عبدالقادر ..
يا أخي الرويشد ما أحب أتكلم عنه لأنه يعتبر رمز كويتي
ولا آنا اللي أقيمه أو أقيم أعماله
الرويشد ما قارنته بأحد هذا وضعه غير بالنسبه لي مع كرهي الشديد لنهجه الغبي ..

وعبدالكريم عبدالقادر الله يعطيه الصحه أغانيه علامات بارزه محد ينكرها ..

ا
وين الشباب ماطلعوا بأغنية من هالنوع ع الاقل !!
وين الشعراء عطني كلمات محترمه أعطيك أغنيه محترمه ..


ا
.. نتواجه بعد مباراة الازرق
والله يوفقنا
مبرووك التعادل :(

___________________


مستلجــــه
اتذكر نبيل شعيل اعلن انه بيدعمه .. بس المشكله وش صار نبيل شعيل الحين ! هذي الغبنه صدق
يا معوده كااااااااافي أنه ما يحاربه في الخفاء ويعلن دعمه جدام الناس ..





واللي يقولون أنه الأعلام عطى لخريجي ستارأك أهميه
آنا ما أشوف أحد من خريجي ستارأك له حضور لا في الصحافه ولا بالمهرجانات
إلا بشار الشطي وهذا دليل أنه ستارأك مالها شغل بالموضوع
الموضوع موضوع شعبيه وأستحقاق ....

الـ ع ـسكـريـه
04-01-2009, 07:19 PM
,’


لج لج .. pb189
ياحياتي .. انا اكل الناس ولا اكلتس ... :d
انتي ان كنتي تقصدين زمان فيروووز ووديع قلنا اوكيه
خليني امشي معتس فيروز غنت اغنيه (( كان غير شكل الينسوون .. وكان غير شكل الزيتون ))
اذكر اول ما غنت .. انتقدووها بشكل كبيرررر ...
بس طنااش ..

نجي .. عند عيالنا وربعنااا .. هل البناطيل والجينزات :d
يقول المثل :d ... اكل ما يعجبك .. والبس ما يعجب الناس ..
هذاا الوضع الدارج الحين .. ومضطرين نواكبه ,,,
ولكن من حيث الموسيقى صعب يا لجلج تحكمين على اذواقهمـ الموسيقيه من لبسهمـ :p

لجلج pb189

^_^ ريمـوـو ^_^
04-01-2009, 08:04 PM
للآسف مو بس الاغاني والفن الكويتي تغير
حتى مسلسلاتهم تغيرت !

ماادري ليش كذا فجأه !

انا بالاساس مايعجبني من مطربينهم الا ( الرويشد و نوال ) pb189pb189
بس للآسف حتى هذولي تغيروا مو مثل اول خصوصا الرويشد :(
وين اغانيه اول كان قمه :(


نبيل شعيل مدري احس صوته عادي !




شكرا على الموضوع bp039

انسان عاديـ
04-01-2009, 08:53 PM
هلا بـ صاحبي pb189
شلونك يابعدي ؟!


الموضوع كان يتكلم عن فن الكويت الحبيبه .. pb189
لكن الاخوان والاخوات دخلونا في متاهات مالها داعي ..
صرنا نتكلم عن لبنان والسعوديه وغيرو من المواضيع اللي لاتمت بصله ..

نرجع لموضوع الفن الكويتي ..
بالنسبه لي اشوف ان الفن الكويتي قبل الغزو الكويتي كان متسيد بالخليج ..
لكن بعد فترة الغزو تغيرت كثير .. وكمل الناقص بعد دخولنا الافيه الثانيه ..
اعتقد اختفاء الملحنين والشعراء الكبار اللي كانو بالثمانينيات والتسعينات له تأثيرهم

بالنسبه للأنحدار اللي صاير .. انا اشوفه عند الكل ..
لكن في الكويت فيها انحدار بزياده ..

فيه اصوات حلوه مثل مساعد البلوشي .. وناصر الرغيب .. وابناء الحريبي
لكن اعتقد ينقصهم الدعم من الاعلامي والدعم من الفنانين الكبار
أضن انهم يفتقدون للملحنين والشعراء اللي كانو بالزمن الجميل pb189




في صحة الفن الكويتي pb189 (http://www.rowaished.com/ram_file/ya-denia.ram)



برب pb189

قـــارورة بيبـــسي
04-01-2009, 09:43 PM
؛



فعلا الفن الكويتي مو مثل اول :(
حتى كل كل شي الحين مو مثل اول
بس دام الشخص نفسه موجود ممكن يرجعك لاول
بس اذا الشخص مو موجود ماتقدر ترجع زي اول



يعني اذا الشخص موجود مثل عبدالكريم عبدالقادر
يقدر الى الان يغنيلك اغاني قديمه ويذكرك باول وتقول الله عالطرب
بس لما تجي لشخص متوفي ماتقدر تخليه يرجع زي اول تسمعه
عرفت كيف؟؟



وعلى طاري الاغاني والكلمات
الان تغير الزمن وكل زمن له اغانيه
يعني مثلا ابو نوره مو مثل قبل 10 سنيين
صح والا لا؟؟
بس بحفلاته يقدر يرجعك ايام المعزايم و غيره ...




ونجي حتى لنوال والرويشد
برضو نوال انا اشوف تجيها حالات بالحفلات تغني
اغانيها القديمه اللي كنا نتسدح لاسمعناها
مادري انا اشوف نوال الى الان مستواها حلووو
مع انها تخربها بكم اغنيه بالالبوم مع العروج
لو مايجي من الالبوم الا
( ضاقت عليك , وين انتهي , مين علمك , ماي عيني , ليه ساكت)
مادري نوال الى الان نوال القديمه ...

اما الرويشد مادري بالنسبه لي
الى الان متمسكه باغانيه القديمه (مو كلها)
لان صوته بصراحه ينمل منه





اما المهرجان ( هلا فبراير)
فعلا ليش مافي دعم للشباب
وين مهرجان الدوحه تدعم الشباب القطر بكل ليله واحد جديد بين الفنانيين الكبار
خاصه الاسامي اللي ذكرتها احسها فعلا تحتاج دعم واصواتها حلوووه ...





بشار الشطي..
ماخذ اكبر من حجمه .. انا اشوفه ملحن اكثر من مطرب
لان صوته مايشدني يمكن هو مغني للاعمار اللي اقل من 20 سنه
مو شرط حتى اقل من كذا على حسب ذوق السامع
يعني في وحد اعرفها عمرها 16 وتسمع لفيروز و عبدالحليم
وتقول لو بغير سمعت ابو نوره او عبدالكريم
تقول ماتهمني الاغنيه جديده والا قديمه
قد ماتهمني الكلمات و فيها طرب ...
يعني زي ماقلت في ناس الى الان متمسكين بالاغاني القديمه










وكل شي تغير :d


؛

مُزدك
04-01-2009, 09:54 PM
الأغنية الخليجيه أجمعها بإنحدار .. أنا لا ألوم فنانِ هذا الجيل الجديد
من جميع دول الخليج لكن اللوم يقع على كِبار الفنانيين سواء راشد
و عبدالمجيد و عبدالكريم و رابح وغيرهم .. الفنّ يقف على لسان محمد
عبده فقط الآن .

M E S U
04-01-2009, 09:55 PM
ليش وين راح خالد بن حسين ؟ pb094
( تراني أمزح .. تخيلوا بس :( )

موضوع يفتح النفس يا زايد .. لي فوق الساعه هنا pb030
الفن الكويتي له عقد تقريبا ً وهو قائم عى 3 اسماء ما غيرها ..
عبدالكريم / الرويشد / نوال ..
عبدالكريم طبعا ً خلصين منه .. تعدى مرحلة اننا نصنفه لأنه " هرم " فني كبير pb189
الرويشد عملاق في الفن الكويتي وقدم أعمال طربية كبيرة ما يجهلها المستمع مثل
ثنائياته مع خالد الشيخ و طربياته مع عبدالرب ادريس.. باختصار فنان " أثرى "
الساحة الخليجية بكل ما تعنيه الكلمة .. وما زال قادر انه يعطي أكثر وما ينقصه
شي عشان يكون من العمالقة اللي يخلدهم لتاريخ الفني pb189
نوال pb189 يا لبى قلبها بس .. ليتها تحط عقلها في راسها وتتركـ عنها الخرابيط ..
لأنها مو ناقصة محبة ولا تقدير عند الجمهور .. هي باختصار فنانه لها مكانتها
وقيمتها على ساحة الفن الكويتي والخليجي بشكل عام pb189


نجي لقضيتك اللي هي جيل الشباب واسباب الانحدار ..
أول شي وقبل لا نلوم الاعلام ليش ما نشوف هالشباب وش يقدمون ؟
هل قدموا أعمال كبيرة وقوية ومحد عطاهم وجه ؟
انا ما اشوف ان هذا اللي حاصل .. صحيح يقدمون أعمال " جيدة " لكنها ماهي
كافيه عشان تسحر أسماع الجمهور وتخليهم يلتفتون لـ هالفنان الشاب ..
انا بصراحة اشوف ان اللي كنا نسميه ( ظلم اعلامي ) انقرض مع انتشار الانترنت ..
الفنان أول اذا ما دعمته الاذاعات و التلفزيون والصحافة يكون مصيره الضياع ..
لكن الحين ما عاد يخفى على الجمهور شي .. يمكن الظلم الوحيد اللي ما زال موجود
هو " الدعوات " للمهرجانات والحفلات .. وهالظلم راح يختفي تلقائياً بمجرد ما يكوّن
الفنان اسمه وينجح ويصير عنده جمهور يطلبه في الحفلات .. لأن هدف المنظمين
الأكبر و الأهم هو الربح والاقبال الجماهيري ..

اذا استبعدنا الظلم الاعلامي ..على كذا نلوم مين ؟
انا اشوف ان اللوم المفروض يكون على الملحنين / الموسيقيين اللي اعتبرهم مسؤولين
عن دعم المواهب الشابه .. ليه ما عاد صرنا نشوف تبني واهتمام فني زي ما كنا نشوف أول ؟
( نوال & الرويشد / عادل الخضر ) و ( عبدالمجيد / سامي احسان ) ( أحلام / أنور عبدالله ) ؟
ولو رجعنا لزمن أقدم كنا نشوف اساتذه مثل ( عباس غزاوي ) تبنوا عمالقة هذا الزمن
مثل محمد عبده وطلال مداح الله يرحمه .. ومثل ما طلال بنفسه تبنى عبادي الجوهر ..
هالاساتذه كانو يؤمنون بالموهبة .. بمجرد ما يلقون صوت يشوفون فيه مستقبل وموهبة
يدعمونه بكل الطرق .. سواء بتقديمهم لأساتذه ثانيين أو عن طريق منحهم ألحانهم ..

الأصوات الجميلة موجودة .. وحب الفن الأصيل ما زال موجود ولو انه صار أقل ..
لكن المشكلة الحقيقية هي في الدعم .. هالشباب ما لقوا من يدعمهم فنيا ً ويقدم لهم
أعمال " عليها القيمة " تناسب أصواتهم .. لو كان هالدعم موجود ما اتوقع بيكون
مصير الساحة بهالشكل .. وخليني أعطيكـ مثال حي على كلامي الطويل هذا بكلمتين :
" عباس ابراهيم " <- كاتبه كل هالرد عشان تقول عباس :Dpb189


طيب نجي للفنانين الكويتيين الموجودين حاليا ً ..
وتحملوني لأني بطلع لكم اسماء غبار :D

عبدالرحمن الحريبي / فنان يطلع منه و اختياراته حلوة ..
لكن صوته للأسف جدا ً ضعييييف .. لدرجة ان عنده أغاني في
ألبومه الأخير عاجبتني لكن صوته مخربها بقوة ..

أحمد الحريبي / صوته حلو و أفضل بكثير من عبدالرحمن ..
بس ما اشوف له حضور لافت للأسف ..
مدري اذا في الكويت عندكم نفس الحال ؟

عبدالعزيز الضويحي / فنان اتذكر ان بدايته كانت قوية .. وما انسى
" علميني " .. وبرضو له جو حلو في الجلسات pb189
عبدالعزيز محتاج دعم اكثر bp039

عصم كمال / الصوت الأجمل والاحساس الأروع pb189
ادري انه مو كويتي .. لكن بما انه محسوب خليجي فـ ياليت
صوت مثل صوته نسمعه في اغاني تليق فيه ..

حمد المانع / أحد يذكر هالمغبر غيري ؟ :D
هالولد أذكره طلع طلعه حلوة ايام مراهقتي السعيدة بعدين ماعاد سمعت عنه شي ..
مدري هو عايش للحين ولا انقرض pb036

ابراهيم التميمي / أحد مثلي يخق على " يا حمد " ؟ pb189
صوته مقبول جدا ً وكانت له اعماله حلوة .. برضو ما عاد سمت عنه شي ..


هذول الفنانين اللي طروا على بالي الحين .. وجاز انه فيه كثير ما اعرفهم
أو ما ذكرتهم .. وبشار الشطي أعتبره خارج الحسبه لأني ما هضمته للأسف :D
الحريبي احمد / عصام كمال / ابراهيم التميمي / عبدالعزيز الضويحي
اتوقع هالأسماء لو لقت دعم .. ممكن يطلع لنا جيل كويتي جديد يقدم لنا
أعمال طربية حلوة .. لكن من يسمع ؟ pb030


يعطيكـ ألف عافية يا زايد bp039

تيم الله
04-01-2009, 10:02 PM
الحديث عن الفن الكويتي,كالحديث عن الجرح الذي تحول فيما بعد إلى وردة بيضاء ذابلة جدّاً ..
يجب أولاً ان نتفق بأن العالم أجمع أصبح لا يقدم شيئاً فاخراً في الغناء على مستوى البُلدان
الموسيقى العربية و الخليجية أيضاً ـ فقدت أسماء كبيرة جدّاً على جميع المستويات كالغنائية مثلاً :
عبدالحليم , طلال مداح , أم كلثوم , عوض الدوخي
اما عن المستوى التلحيني فمثلاً :
رياض السنباطي , فوزي محسون , محمد عبدالوهاب , بليغ حمدي , القصبجي , محمد الموجي .
و على المستوى الشاعري :
نزار قباني , محمد حمزة , عبدالله الفيصل , كمال الشناوي , زمخشري .. إلخ

ـ فمن الطبيعي التأثير على المستوى العربي وليس على الفن الكويتي فقط وهذا ليس مخالفة لكلامك , لكن الشيء الحاصل تتحمله اولاً الذائقة بيننا و شُح المعاهد التي تفرخ الملحنين وغيرها
كذلك حصرية المال بالمسألة فأصبح الفن - شكل و مال - فالشاعر و الملحن و المستكشف : أمير
و من هذا المال يخرج اناس لا يمت صوتهم بالحسن و يغنون قصراً .

لهذا المسألة عويصة صدقني يا زايد و رويشد و غيره من بشار لو كانوا بعصر ثمين لم يكونون حتى كورّال نشيج واللهِ , أصوات حبيسه و رديئه ومسكينه اصفها ياعزيزي .
وهذاه الهبوط متصل كثيراً بالفن المصري و السعودي هنا أيضاً , هل تعي المشكلة الحقيقية يا زايد ؟
هو انّ لديك أرشيف ثمين يجب المقارنة به في هذا الزمن و سوف تجد فرق شاسع والله .

آسف كثيراً عن التأخير . pb189

هــــــــــلااا
04-01-2009, 10:31 PM
أختي قارورة بيبسي
آنا من جيل الشباب أسمع و يطربني عبدالحليم حافظ بكل أغانيه
ومحمد عبده حافظه نص أغانيه وأولهم المعازيم ..

ونوال والرويشد ما يعتبرون من الجيل القديم اللي يقصده الأخ
سمعي أول شريط لنوال وللرويشد وبتشوفين ستايلهم شبابي خفيف ومازالوا ..

حتى عبدالكريم عبدالقادر أغانيه دارجه ومحبوووووبه وكل الشباب يتغنون فيها
مثل أبو قذيله ووداعيه- رد الزياره- محال - آنا رديت وغيرها وغيرها
ولا أندثرت ولا نعتبرها قديمه لأنه عايشين معاها ..

الأخ كاتب عبداللطيف الكويتي ، عوض دوخي ،يوسف المطرف خالد الملاا
أسامي ما أدري أذا مرت عليج أو ما مرت
سمعيها وحكمي إذا ممكن تطربج هالأغاني ..

S A R O N Y
05-01-2009, 12:46 AM
موضوع حلوو pb189
كثيـر اللي تكلمو عن الفن الكويتي وهبوطه فالسنوات الأخيره ،،، لوقارنا بين الفن سابقا وحاليا ولاودي اقول قبل الغزو وبعده ولكن حتى باوائل التسعينات كان الفن عندنا محافظ على مستواه الى حد ما الى ان ياله مايشبه الانهيار pb036

تعددت والأسباب ومنها الواسطات عندنا عامله عمايلها كثير وصلت الى التحكم اختيار المطربين بالحفلات !!!!

واذا تكلمنا عالحفلات أول ماكانت مقتصره على مهرجانات سنويه ولكن اللقاءات والبرامج التلفزيونيه والسهرات الغنائيه والمهرجانات الموسميه في الحدايق والمنتزهات ........ وين كل هذا الحيين pb093

بالأول تلفزيون وطني واحد اما لحين تعددت القنوات الكويتيه لكن لو نطالع نوعية البرامج عباره عن برامج مشتراه ومسجله من مصر ولبنان وغيرهم !!!

عندنا شح فظيييع بالاهتمام بالمواهب الفنيه من متى ماطلعتلنا موهبه شابه ولاتقولون بشار الشطي pb036 فعلا موهبه حلوه pb189 ولكن عطوها اكبـر من حجمها بوايد !! كبروه وخلوه مطرب العصر وبين لحظه وضحاها اختفى ولاصار ينذكر الا بالمناسبات والحين وينه بشار اختفى !! :confused:

وربعنا موشاطرين الا بثلاثه نوال ونبيل ورويشد والأخيــر تمدن وصار يلبس كرافته ويحط جيل :D ومستوى اغانيه في انحدار مستمر pb093
حتى بالحفلات اكثــر الطلب على اغانيهم القديمه بأيام الثمانينات يعني الجمهور متعطش لهالون من الغناءpb189pb189


المفـروض يهتمون بهالمواهب الحلوه ويدعمونها ولو نمسك دوله عزيزه مثل الإمارات ،،، شوفو الإمارات شلون تهتم بتراث الأغنيه ويشجعون الاماراتيين والغير اماراتيين على غناء هاللون التراثي او قطـر في كل امسيه فنان قطري شاب يفتتحها pb189

ممكن اضيف سبب أخيـر وهو شركات الانتاج الفنيه هي عباره عن شركات تجاريه تهتم بالمدخول اكثـر من المضمون لذلك اتجهت لدعم الفنانين العرب لأنهم يدخلون اكثــر بكثيــر من الفنان الخليجي ;)
اثرت شجونا يازايد شكرا لك عالموضوع pb189

نامسه
05-01-2009, 12:46 AM
اولاً :

مابدا يهبط الفن الكويتي إلا يو قامو الفنانين يوسعون نطاق شهرتهم عقب الفضائيات pb093
قامو يدورون الالحان الخايسه والكلمات التافهه السطحيه اللي مالها هويه عشان يحوزون على اعجاب المستمع اللبناني والمصري والتونسي وووو.... الخ .!!
وعشان سالفة المبيعات والتسويق وهالخرابيط اللي ماننكر اهميتها للفنان
بس للاسف جت على حساب فنه وهويته الفنيه pb093


ثانياً :

حرااااام لما تكون فيه عقليات مريضه تتولى زمام امور مهمه في مجال الفن الكويتي مثال :
عبدلله رويشد ومهرجان " هلا فبراير " pb093
انسان مريض مايحب يدعم الشباب ومعترف بهـ الشي .!! pb093
ومادعم بشار واحمد حسين إلا لانهم مفلسين فنياً ماعندهم شي ينخاف منه pb093
مجرد جماهيريه لشخصياتهم بعد ستاراك .!!
ولا هذا " محمد ثاني .. محمد داوود .. سالم مساعد " شباب مثل الورد ودارسين في المعهد العالي
للفنون وطلعو في برامج مسابقات فنيه ويملكون اصوات روووووووعه ليش محد التفت لهم .!!
عيال الحريبي من اقوى الاصوات الشبابيه في الكويت وينهم pb093
خلاص شعار الفن عندنا :
صير سخيف تااااافه مالك هويه بتلقى جماهير لبنان وتونس والطقه الباقيه يغنون اغانيك ويرددونها
اما تتمسك بفنك وهويتك الاصيله بتلقى نفسك قاعد ابيتكم .!!pb093




بس اغنيته " عيدي ياكويت " تبقى الاروع .. وتخنق العبرة اي كويتي اذا سمعها
اذا مخنقتج العبرة .. متأكد انج مو كويتية
احس يغني من اعماق قلبه وكذلك اغنية وطن النهار لعبدالكريم عبدالقادر ..

انشششششششهد انها من اروع اغانينا الوطنيه pb189pb189



زايد pb189bp039

S A R O N Y
05-01-2009, 12:56 AM
ومادعم بشار واحمد حسين إلا لانهم مفلسين فنياً ماعندهم شي ينخاف منه Pb093
مجرد جماهيريه لشخصياتهم بعد ستاراك .!!
ولا هذا " محمد ثاني .. محمد داوود .. سالم مساعد " شباب مثل الورد ودارسين في المعهد العالي
للفنون وطلعو في برامج مسابقات فنيه ويملكون اصوات روووووووعه ليش محد التفت لهم .!!


نامسه حرام عليج :d

محمد داود اصوات مثل الورد وبشار واحمد حسين مفلسين فنيا احسها صعبه شوي :d:d

نامسه
05-01-2009, 01:05 AM
نامسه حرام عليج :d

محمد داود اصوات مثل الورد وبشار واحمد حسين مفلسين فنيا احسها صعبه شوي :d:d


تعرفين محمد داوود اللي اقصده .؟

S A R O N Y
05-01-2009, 01:07 AM
لما قلتيلي تذكرت اللي بسوبر ستار انا راح بالي على صديق مروه اللي بستار اكاديمي pb036

سوري pb094

اجدد حبي واعجابي بك :Dpb189pb189

نامسه
05-01-2009, 01:12 AM
لما قلتيلي تذكرت اللي بسوبر ستار انا راح بالي على صديق مروه اللي بستار اكاديمي pb036

سوري pb094

اجدد حبي واعجابي بك :Dpb189pb189



انا داريه انتس مضيعه :Dpb189

مستلجــــه
05-01-2009, 01:18 AM
عسعس pb189
صح صديقتي واحبك موت pb189 بس ارجعي اقري ردي زين لا اجي للكويت مشي واتهاوش معاك pb027pb189

حتى النظر
05-01-2009, 02:03 AM
الى يثرب :D :D

والله شف اخوي زايد bp039


ما الاحظ عندكم هبوط بالفن!!!

بالعكس...شف نوال والرويشد<< مع اني مستحيل اسمع لهم pb192
لكن والحق ينقال اكثر اثنين في الخليج متسيدين...مع رابح pb189 :D وراشد الماجد<< مع اني ما اسمع له برضو:D

طبعا انا عندي كل فنانين الكويت شي...وعبدالكريم pb189 pb189 pb189 شي ثاني...
صح ان اغانيه القديمه افضل بكثييييير...لكن اغانيه ماتنسي...فــن اصـيـل

_______

ذكرت انت يوسف المطرف pb189 اللي بتوقيعي حاط اغنيه له :D
هذا بصراحه شي ثاني...يعني اذا تبي تسمع عدني اسمع له....

يعني ما اسمع بالكويت pb189 الا لابو خالد وابو طارف...واحيانا تمسك على محمد البلوشي :D <<مايسمع الرويشد ويسمع للبلوشي


على طاري الرويشد...سمعت قبل كم سنه انه هو اللي مدبر سجن سعد الفهد pb189 pb189
يعني هو كان ورا اللي صار....لانه كان متوقع انه بيسحب منه كل شي........عن نفسي ما استبعدها منه...


وعن ان الملحنين والشعراء مهوب زي اول....
حتى عندنا بعد...شف صالح الشهري pb189 المفروض يخلَص على الكرف اللي يكرفه الضعيف :D
ماعندنا الا هو....
وخالد الفيصل والبدر مهوب زي اول....قليل اعمالهم....

عالعموم لي عوده :D <<لزق

سوبر هلالـــــي
05-01-2009, 05:30 AM
زيد bp039
انا اقولك تدري ليه عندكم الفن كويتي في انحدار الانانيه الفنانين ;)

عندك عبدالله الرويشد مطرب اناني ما يحب يشوف نجاح ذات اصوات قويه لانه عارف راح ينافسونه في كل شي من ناحيه لحن على شعراء كبار وملحنين

عبدالرويشد دعمه لبشار لانه عارف بالاساس صوته من الاصوات ضعيفه pb034 يعني صوته مشي حالك ......
يعني بشار يعتمد على ستايل سريع ولي مشي حالك لا يخدم الفن كويتي وبكذا يكون عبدالله الرويشد مرتاح
يعني لو تبي الجد بعد نفسه عبدالله الرويشد اختلف عن اول الحين نادر مااسمع له لانه تغير وصار يجاري سوق الغنائي دارج بالكويت

نبيل الشعيل فنان هالفتره غاب عن ساحه يعني تحسه موجود او غير موجود ينزل البوم وتضرب بس اغنيه وحده وبعدين يكون في سبات :cool:

عبدالكريم pb189اهو الوحيد الي جالس على عرش الفن الكويتي وهو ثابت
نوال pb189 ماشاءالله اعتبرها الحين واجة الفن الكويتي بعد عبدالكريم ;)

لاسف الفن عندكم اصبح يحكم عليه الانانيه من قبل اشخاص سلبياتهم يعني تبي تقنعني ياعبدالله الرويشد ان بشار شطي احسن من الحريبي وعبدالعزيز الضويحي ولا عصام كمالpb189

أبـو سـارة
05-01-2009, 08:24 AM
عبدالكريم عبدالقادر مازال بالنسبة يعتبر الأفضل لو انه أغانيه الأوّله أفضل بكثير bp039

بس مايزال يتربع على عرش الأغنية الكويتيه ..

وتجي بعده نوال bp039 بالمرتبة الثانية ..

نبيل والرويشد .. لهم أهميتهم بس بالفترة الأخيرة شعبيتهم أو بمعنى أصح مدى انتشار أغانيهم مهوب لهذيك الدرجة مثل ماكانوا عليها أول ..


البقية صارت تميل للأغنية السريعة وهالأغاني ماتطول كلها فترة بسيطة وتختفي ..

وهنا مشكلة الأغنية الكويتية بشكل أخص اللي صارت انتشارها بشكل أوسع ..

[[انيق مضيع]]
05-01-2009, 09:07 AM
زايـد
انحدار الفن بالكويت والخليج عموما لرحيل كتاب الأغنية بالخليج
( يوسف ناصر ، بدر بروسلي ، عبداللطيف البنائ ، عبدالرحمن البعيجان ، فائق عبدالجليل ، مبارك الحديبي )
والحان الجيل السابق من الملحنين ( خالد الزيد ، الرميثان ، الخضر ، انور عبدالله ) ..
والقائمه تطول
في نظري مقياس الفنان على مايقدمه من اعمال لا ظهوره في الحفلات الخ ،،
بدليل نجح عبدالكريم في السابق بالكلمة الحلوة واللحن المميز والشواهد كثيرة و الان اصبحت المسأله تجارية بحته بدخول شعراء الأموال على الخط الفني واصبح الامر تجارة مربحه وهالشي يطبق في الخليج كله مو بس بالكويت
في الوقت الحالي من يتربع على الساحه الفنيه الكويتيه هو عبدالكريم عبدالقادر فقط الشاب الذي اتى في زمن الكبار غريد الشاطئ الحريبي مصطفى احمد عبداللطيف الكويتي عوض الدوخي وغيرهم
واستغرب ان فيه عالم ماتعرف منهو عبداللطيف الكويتي ولا الدوخي ولا الحريبي ولا المهنا ولا مصطفى احمد .
ثقافه الجمهور عاوز كده هي من قدم بشار الشطى واحمد حسين على الضويحي وعيال الحريبي وخالد الاحمد وعادل الماس وغيرهم .مثلما في السابق لم تبرز الاسماء الشبابيه التي خرجت في منتصف الثمانينات الى بدايات التسعينات مثل محمد البنائ ومحمد سالمين وفيصل الفرج وليد شعيب.
زايد لي عودة على الموضوع ولك احلى http://vb.eqla3.com/images/smilies/rose.gif

~~ باب الليل ~~
06-01-2009, 01:58 AM
[CENTER]

::قناة MPC: كلام نواعم::

http://www.shosho-starac.com/up/up/jhfsda.gif



يوم شفت " كلام نواعم " + بشار .. !!
تذكرت انهم استضافوا من السعوديه " جواد العلي " .. pb036 !
اوكي وش الرابط بين جواد العلي و بشار الشطي و برنامج كلام نواعم .. ؟
الرابط هو كلمة ( نواعم ) .. ;) .. !

،

الفن الكويتي .. :( pb189
ابد ما صار مثل اول .. دحدر بشكل غير طبيعي ..
انانية الرويشد وعقليته الماديه .. كسل نبيل .. خمبقة نوال في بعض السنوات .. !
( استثنيت ابو خالد pb189 لانه هرم لحاله )

الرويشد بـ انانيته و اهتمامه بالماده وهلا فبراير .. ضاع وضيع الفن الكويتي معه .. !
انانيته خلته يحرم اصوات كثيره حلوه بالكويت من الظهور بشكل رسمي بمهرجان ( كان ) كبير
مثل مهرجان هلا فبراير pb189 .. !
صار يهتم با شباه النجوم امثال الشطي ( ابو تي شيرت ابيض وعليه قلب احمر :D ) احمد حسين
وغيرهم من الخمه اللي اصواتهم مالها لا رائحه لا طعم لا لون .. !
يهتم فيهم لانه عارف ان الجمهور الواعي مستحيل يستغني عن الرويشد علشان يسمع لبشار ( وجه يطرش :D )
يعني معقوله الجمهور يترك الرويشد والطرب والصوت والتاريخ ويسمع بشار واحمد حسين pb036 !
وهذا اللي يبيه الرويشد لنفسه طبعا ً .. وضيع معاه كم صوت من اروع واجمل الاصوات الكويتيه pb189
يكفي لا قلنا بس عصام كمال pb189 .. !
وفوق كذا اهتمامه وخوفه على وضعه وتركيزه على هلا فبراير ضيع الرويشد نفسه وصارت البوماته
مجرد كمية اغاني بس اسم اني نزلت البوم كعادتي كل سنه .. pb093 .. !
الرويشد بالنسبه لي لو ما يستلحق عمره بالكم سنه الجايه .. والا بيكون فنان مهمش مثله مثل
نبيل شعيل .. pb093 .. !

نجي للدب هذا .. :D
بعد ما كانت له شعبيه بلبنان ومصر واكيد بالخليج .. دحدر الدوب :D وصار نفس ابو رويشد
البومات تفتقد للقيمه الفنيه pb093 .. بس الفرق ان نبيل ماهوب مهتم بفراير وانه يمسكها
ويصير مسؤول عنها .. واصلا صار نبيل كل سنه وش مشاريعه غير طرح البوم وحفلة هلا فبراير !
نبيل كان ممكن يكون شي مهم بتاريخ الكويت الفني .. لكن كسله ضيعه .. وصار متفرغ بس
يمدح بشلة الخمه بشار وغيره .. واللي يستشهد بنبيل وانه مدح بشار على اساس ان نبيل فنان
كبير اقولكم شوفوا مكانته الحين وشهادته لها قيمه والا لاااا .. !

نجي لنوال pb189 هي اللي بصراحه للحين محافظه على تاريخها وصح انها خمبقت بكم البوم بس
البومها الاخير عوضناااا كثير وفيه رجعه قويه لنوال pb189 صح ان الاغاني ما فيه اللي تعودناه
من نوال كـ اغاني مكبلهه بس انه يسنمع بالنهايه pb189 وبسلطنه بعد :D ..
نوال عليها الحمل انها تحافظ على الفن الكويتي وتبقى تقدم اغاني لتاريخ نوال pb189 ..
واول شي المفروض تسويه تشوت العروج اللي دخل عليها الحان مستهلكه واستعراض موسيقى بس !

على كثر الدعم اللي يجي لبشار والخرابيط الثانيه الا انهم مطربين ضعاف جماهيرهم بحدود بلدهم
الصغير بمساحته والكبير بقيمته pb189 .. !
لما تجي تشوف جيل الشباب بالسعوديه من جد تعرف ان الفن عندنا بخير pb189
( نايف البدر , تركي , عباس ابراهيم , ابراهيم الحكمي :D )
كل واحد منهم يقدم شي يبهرنا بكل البوم ‘
اختياراتهم تدل على انهم واعيين فنيين رغم انهم ما درسوا بمعاهد بس انهم حابين يقدمون فن
راقي pb189 فن ينسمع pb189 .. ماهوب فن جديد في جديد وآه يالونك pb093 .. !

الفن الكويتي محتاج بس ان الرويشد و نبيل يرجعون مثل اول .. !
دعم الاصوات القويه اللي راح تكون جيل الكويت بالمستقبل مثل ( الحريبي ، الضويحي ، عصام كمال )
ويسحبون على اشباه النجوم مثل بشار واحمد حسين اللي ابسط شي وهو الصوت ما يملكونه pb093
واختياراتهم كلها ضعيفه ولا فيها قيمه فنيه ولا شي يمت للفن بصله .. !
وبعد كذا راح يرجع الفن الكويتي مثل اول .. pb189 .. !

بالنسبه للاخت " يا هلااااا " .. bp039
قلتي ان عباس و نايف البدر مالهم جماهيريه الا بالسعوديه .. !
اوكي يعني شعبية بشار مقطعه الخليج والعالم العربي .. !
والا احنا يوم ندري عن حفل لبشار نجي زحف من السعوديه علشانه ;) .. !

بشار و اللي على شاكلته فنانيين مؤقتين اللي شهرهم مو اصواتهم والا روعة اختياراتهم ..
اللي شهرهم هو ستار اكاديمي وبس .. وكلها كم سنه وما نسمع فيهم ;) ..

،


زايد .. pb189
عواااافي يا خلفهم موضوع بطل pb189
ويستحق الثبيت والنقاش pb189 ..
ما ننحرمشي منك bp039


،

ت م ي 100
06-01-2009, 02:35 AM
: :

: :

الموضوع تقليب مواجع والله انا مالي مره بالفن الكويتي من ناحية

المغنين وشعراء وما الى ذالك اللي ينحرق قلبي عليها هي المسلسلات الكويتيه :(

خصوصا الكوميديه شي مو طبيعي بالنسبه لي كانت ومازالت اقوى مسلسلات عربيه كوميديه pb189

احس اني طلعت برى موضوعكم بس معليش من زمان تقرقع بقلبي :D

وشسمه
الفن الكويتي لو مايجي منه الا الاوبريت حق الثمانينات اللي تغني فيه سناء الخراز(الكويت بلادنا الكويت ارواحنا سورها ارواحنا سوروها )


مدري ينفع تبع موضوعكم المهم انه شي ابداع من زمان ودي اعبر عنه pb189 <<كل شي ماتدرين عنه وشوله حاشره نفسك بالموضوع :confused:

هــــــــــلااا
06-01-2009, 03:49 AM
يوم شفت " كلام نواعم " + بشار .. !!
تذكرت انهم استضافوا من السعوديه " جواد العلي " .. pb036 !
اوكي وش الرابط بين جواد العلي و بشار الشطي و برنامج كلام نواعم .. ؟
الرابط هو كلمة ( نواعم ) .. ;) .. !
أستضافوا أسماء كبيره وماراح أكتب أسامي لأنه واضح أنك متابع وعارف
الاسامي عدل ..

بالنسبه للاخت " يا هلااااا " .. bp039
قلتي ان عباس و نايف البدر مالهم جماهيريه الا بالسعوديه .. !
اوكي يعني شعبية بشار مقطعه الخليج والعالم العربي .. !
والا احنا يوم ندري عن حفل لبشار نجي زحف من السعوديه علشانه ;) .. !
والله أخوي ما في كلامي شيء يدل على شعبية بشار بالسعوديه pb024

بشار و اللي على شاكلته فنانيين مؤقتين اللي شهرهم مو اصواتهم والا روعة اختياراتهم ..
اللي شهرهم هو ستار اكاديمي وبس .. وكلها كم سنه وما نسمع فيهم ;) .،
بالنسبه لبشار الشطي
خلاص خلوا الأيام تحكم مو أنتوا
حاليا أهوا موجود بعد كم سنه شوفوا وين بيكون وعقب كتبوا ...

بس مو ملاحظ ولا فقره من ردك عدت من غير ذكر بشار pb192

خذ بدل الورده bp039bp039bp039


ما أدري ليش الردود حسستني أنه بشار الشطي سبب رئيسي في تدهور الفن الكويتي
أخاف أدش باجر ألقاه السبب في تدهور البورصه وعقبها سبب في أستقالة الحكومه pb036

بس أهم شيء دعم الرويشد لبشار الشطي pb027

miss Milano
06-01-2009, 04:14 AM
لحظة !

من قال عباس ماله جماهيريه الا بالسعوديه ؟

والله عباس مكسر الدنيا بقطر ولازال من اكثر الفنانيين اللي تنطلب اغانيهم في صوت الخليج !

والبومه كسر الدنيا عندنا مع ان بدون دعايه

وحتى وتركي ونايف لهم جماهيريه حلوة عندنا

والحق ينقال
الفن السعودي وبس =)

أرتيْم
06-01-2009, 07:19 AM
شاكراً على المرور الرائع ، جميعاً ..
اسمحولي .. ماني قادر اعقب على كل رد ،

حبيت اشكركم جميعاً على الردود والنقاش الرائع
وهالشي مخلي القسم الفني اقوى الاقسام بالمنُتديات العربية بشكل عام وبالاقلاع بشكل خاصbp039

وتحية خاصة / لـ تيم الله ، إنسان عادي ، باب الليل .. واسمحولي اذا نسيت احد
من الحين العتب ع النظر ، <-- ينطر زرار .. صار مشرف وقام يتغلى pb094 :D
فالح بس بالتشمت على الازرق :sm1:
.
.

البعض يتكلم عن اسباب هبوط نوال و الرويشد !!
يعني انبدا من الاخير اللي افتقد لمسات العمالقة من الشعراء والمُلحنين الكويتين
ياليته ع الاقل يواصل بتعاوناته مع عصام كمال بتلحين وتكفي رائعته " تعال وعلي مساعد ..
إللي له الفضل الكبير بشموار ابوخالد " وين رايح وتعال ،الخ ....

المشكلة ان العقلية عند الرويشد تغيرت ، ماكنت متوقع ينزل اغنية مثل ويني شوفوا من يسألني ويني؟؟ وانا ابرد عليه : كآني وينه الي يسأل عني .. توني يآي آه حسافه مالقيته :D

ياخي اذا بتكرر عمل " إللي نساك " مو بـ هالشكل يابوخالد pb189 :(

ونوال اعتقد لازم ماتجامل " مشعل العروج "
هو ملحن ممتاز ، بس مايقدر يلحن عمل اسطوري
كـ راشد الخضر او الدكتور عبدالرب إدريس ..

حتى الشباب مثل سهم ، تفوقوا عليه بقوة!
لان سمعت ان يأثر على نوال بكثير من اعمالها
والبوم نوال 2000 بالسيارة لا الحين

وأختي هلا : الحين عرفتي اني مو ضد بشار !!
يعني شوفي ردود الاعضاء حتى في اشخاص كويتين يقولون مايستحق يكون فنان الكويت مستقبلأ
اذا ردج عاطفي بشأنه فلاتتعبين نفسج بالردود لان واضح الي بتوصليله !

واذا ماتعرفين فنانين الكويت الاولين ، يعني اسمحيلي ماتعرفين شي بالساحة الكويتية !!
وانا ماذكرت اسمائهم إلى اني قريت وعرفت اشياء عنهم ..
يعني معقولـة ماتعرفين يوسف المطرف pb036
وانا يوم ذكرت الملا ، عن ضحك .. مع ان تصدقين كثار يحبونه ؟
وصوته اقل من عادي .. بس معروف على مستوى السمرات واكيد ان مو هذا مقصدي

واسمحيلي إذا حصل اي تقصير مني بحقج ، وللجميع طبعاً
اليوم صايم ترا .. ودعواتكم لـ اهل غزة pb189bp039

رسائل
07-01-2009, 04:00 AM
المشكلة ليست مشكلة الكويت.. المشكلة مشكلة ساحة وجمهور!
والمشكلة مشكلة ذائقة جمهور.. الحين روح وقول لأي شخص يمثّل هالطبقة وعطه اغنية محال مثلاً لعبدالكريم عبدالقادر او أي اغنية من هالنوع .. بيكون رده بكل بساطة " اوف! اغنية حزينة و 20 دقيقة ؟ بييييييييه ليه داش عزا آنا؟ ياعمي شغل غيره.. وووالخ " يعني حتى الذائقة تغيرت.. وجيل السميعة يضمحل أكثر كل ساعة ، وحتى هالسميعة بدأوا يطوعون نفسهم وينزلون أكثر وأكثر.. ويرضون بأي اغنية دام هالساحة خلت!!

ثاني نقطة نروح للي يحب يقلل من الكويت " عاصمة الفن الخليجي " ويلقي الضوء على السعودية.. السعودية بالجيل القديم طلال مداح.. محمد عبده .. وآخرين قلة ، مثلوا السعودية .. والكويت ؟ " عد وخربط " على الرغم من ان الكويت سكانها مايتخطون النصف مليون !!! كانت وجهة الممثلين والمغنيين والمسرحيين وكل مايمت للفن بصلة!!

النقطة الثالثة.. الفن يازايد مايقتصر على الأغاني وبس.. روح شوف المسرح؟ طارق العلي بكبره صار تجاري بحت .. مسرحياته " حط واحد قدامك وتعال اضغطه وحط عليه .. وملاقة! " روح شوف المسلسلات.. المغني والمقدم و كل الي ماله دخل بالتمثيل نشوفه.. وعرض أزياء و مكياج و"فل ميك-آب"!!!
ناس بعزا .. مكياج وتسريحة واحلى بدلة ؟ وين الدخول بأجواء المسلسل ؟ أصلاً حتى السيناريوهات غبية لأقصى درجة و إعادة أحياء لفكر قديمة وغبية.. مافيه تحديث وتجديد ومعايشة للواقع!!
نشوف الدراما سابقاً نترحم على الأيام الحالية.. وحتى الكوميديا و بالذات " كوميديا الموقف " الي اختفت حالياً والي تعتمد على إضحاك الجمهور عن طريق الموقف نفسه وليس الإعتماد على كلام وتعليقات الممثل ؟ نشوف مسلسلات " خالتي قماشة - محظوظة ومبروكة - رقية وسبيجة - درب الزلق .. إلخ " اختفت واختفت الثنائيات مثل سعاد عبدالله & حياة الفهد / عبدالحسين & سعد الفرج .. واختفت الأوبريتات الرائعة مثل بساط الفقر صحبة الرائع عبدالحسين عبدالرضا .. واختفت المسرحيات الهادفة ذات الإسقاطات المميزة والهامة للمجتمع والساحة السياسية والاجتماعية مثل " سنة الفين - باي باي لندن - مخروش طاح بكروش .. إلخ " ..

النقطة الرابعة والمهمة .. الدعم والمحسوبيات حالياً نشوف الفنانين الكبار يدعمون منو ؟ لا أحد.. واختفت الأسماء وانقرضت ، نشوف الساحة الغنائية اختفت من عبدالكريم و حسين جاسم و عوض دوخي و اسامي كثيرة انا في غنى عن ذكرها للي يحب ينساها!! نشوف ساحة التمثيل والمسرح النسائية مثل حياة الفهد و سعاد عبدالله ومريم الغضبان و مريم الصالح و اسماء كثيرة والرجالية مثل عبدالحسين عبدالرضا وسعد الفرج وابراهيم الصلال و خالد النفيسي وووالخ .. أيضاً ساحة الكتابة كانت غنيّة للغاية على الساحة الغنائية نشوف فايق عبدالجليل اعتقد اسم كافي .. وبالتلحين كانت الساحة ثريّة وعلى رأسهم الهرم سليمان الملا وغيره..

كنت أقدر اتجنب ذكر الاسماء لأني صعب أحصرها وانا اصغر من اني اعدهم.. لكن البعض يجبرك على تذكيره وانعاش ذاكرته أو اعطاءه بعض المعلومات لو كان جاهل!!

بالنسبة للحل.. اعتقد صعب بالوضع الحالي ، المطلوب دعم كامل للشباب " الي عندهم الموهبة " لأن الدعم موجود لكن في غير محله!! الواسطة والمحسوبية تلعب دور كبير .. وهنا المشكلة!

كان عندي كلام كثير لكن انت شايف الوضع.. ومكاننا حالياً مايسمح خخخ يمكن لنا عودة
وشكراً على طرحك الرائع :)

رسائل
07-01-2009, 04:09 AM
تسرّعت قبل لا أقرأ الردود ورديت .. وبصراحة الكلام الي فوق اغلبه مالخّص ولا حتى 10% من الكلام الي بقوله .. عموماً أحب أبدي أعجابي برد الأخت العسكريه .. واختصرت كلام كثير كنت بقوله..

وبالذات هالنقطة :

الفنان هو السبب الرئيسي في استمراريه هذا النوع من الاغاني ..
عندك مثال بسيط محمد المسباح .. ترك الفن والغناء لان الساحه ما عجبته ,,
وقال بكل بساطه انا اغني لـ اطرب ... وهاللون مو لايق علي ..!!

وبخصووص راشد الماجد اللي صرعتوني فيه ..
شرايكمـ في مشكـلني .. / العيون السود ... !!
هذا ما اسمه مواكبه لـ مبدأ (( الجمهور عاوز كده )) .. !!
الترقص .. والدمبكه ..!!


غراتسيا bp039

ياوجودي
07-01-2009, 04:37 AM
مشكلة والله اذا الواحد خآآق مع فنآن، وجاك يستشط عشانه

بشآر الشطي سوو زوبعه عشانه
والله لو انه عبدالحليم حافظ :D

اخوي زايد صبآحك سوكر bp039

فعلا الفن الكويتي مو مثل قبل فتره
بصراحه بشكل عآم لو تكلمنا نجد الفن تزعزع عن اول

يظل عبدالكريم اسطورة الفن الكويتي

الله على اغنيه للصبر أخر << معآنآه لحآلها

غير رصيده الفني الكبير / ويكفي انه هرم الاغنيه الكويتيه

نوال / نبيل / الرويشد كلهم أعلام في الفن الكويتي
صح البوماتهم الاخيره ماكانت بالمستوى المطلوب
لكن حتى فنانينا بالسعوديه البومآتهم الاخيره
كانت دون المستوى المطلوب :D

لكن هالشي مايقلل من تاريخهم

اما جيل الشطي وطقته الله لايعآقبنا
من جد يكفيك ستآيله
ولاتزعل مني زايد وراهم شباب الكويت يسوون تقليعات عجيبه << بيشوتها :D

بجد اشوف المطربين واشوف المسلسلات والبرامج
من جد ولاتزعل مني بعض الشباب الكويتي للأسف
فقد هويته الرجوليه بستايله الغبي

اخرها مسلسل يعرض ع روتانا خليجيه
فيه 2 شباب أخجل انهم ينتمون للكويت لاني اعتبر الكويت
دوله خليجيه يهمنا يكونون شبابها واجهه مشرفه لبلدهم حتى بالزي

ماقلنا مايلبسون جنز وستايل بس يكون رجولي شوي موب يطيرون الشوشه
تقول متروعين :D

موضوعك رائع زايد ولاتزعل تظل وجهة نظر bp039bp039

هــــــــــلااا
07-01-2009, 05:04 AM
وأختي هلا : فلاتتعبين نفسج بالردود لان واضح الي بتوصليله !
والله ما فكرت أوصل لشيء !! كلام عقبت عليه وبس

ع العموم مشكور ع النصيحه bp039

رسائل
07-01-2009, 05:14 AM
صراحة استوقفتني كم كلمة للأخت الي فوقي :

ولاتزعل مني زايد وراهم شباب الكويت يسوون تقليعات عجيبه << بيشوتها

انتي داخلة الكويت ؟
ولا مثلك مثل غيرك تحطين قناعة عن الكويت من المسلسلات ؟
مثل ما الكثير او الكل ماخذ فكرة غلط عن الغرب وانهم اهل انحلال وفسق ووو الخ ، وهالإعتقاد طبعاً خاطئ لما يوجد في المجتمعات الغربية من مسلمين ويهود متزمتين و مسيحيين اثوذوكس غيورين و الإعلام بيد الفئة المنحلة!!
الكويت نفس هالشي .. الإعلام بيد الفئة المنحلة ، الكويت نصها وما أبالغ ثلاث أرباعها بدو بمعنى كلمة بدو.. لكن الديمقراطية والإنفتاح بالكويت تخلينا نشوف مظاهر غريبة مثل اللبس وهالأمور.. الي هو من الطبيعي لو حصل انفتاح بالسعودية " وممكن قريب نشوفه " بتشوفين (ألعن) منه!


هذا انتي رديتي على نفسج!!


بجد اشوف المطربين واشوف المسلسلات والبرامج
من جد ولاتزعل مني بعض الشباب الكويتي للأسف
فقد هويته الرجوليه بستايله الغبي

تتوقعين الحين عايلة محافظة بتخلي ولدها يمثل ؟ او يغني ؟
أكيد لأ .. لذلك نشوف أي ممثل يكون من عائلة متفتحة .. والي يكون
مو من عايلة متفتحة تلقين عايلته شايتينه .. مثل ماهو حاصل من
مها محمد " حالياً " الي اسمها سابقاً " مها العدواني " ونزل من عايلتها ( قبيلتها )
انهم يرفضون انها تذيّل اسمها فيهم.. ويتنكرون منها!!


اخرها مسلسل يعرض ع روتانا خليجيه
فيه 2 شباب أخجل انهم ينتمون للكويت لاني اعتبر الكويت
دوله خليجيه يهمنا يكونون شبابها واجهه مشرفه لبلدهم حتى بالزي

ماقلنا مايلبسون جنز وستايل بس يكون رجولي شوي موب يطيرون الشوشه
تقول متروعين

هالستايل موجود بقوّة بالسعودية.. توني قبل اسبوع راد من الخبر
وبالتحديد مجمّع الظهران.. روحي وشوفي:)
وقبلها انا وزايد شفنا نفس الشغلة " مجمع فينيسيا " ..
أيضاً الرياض و جدة عندهم خير .. ودايماً اتردد على السعودية
بالمناسبات للأقارب أو للسياحة << سياحة داخلية :D

-

اتمنى اني ماغيرت مسار الموضوع .. واتمنى عدم حذف الرد..
فقط لأني حاب أصحح وجهة نظر البعض تجاه شباب الكويت والي يشوفونه
من خلال المسلسلات والبرامج!! bp039

آسف بحجم طول شعرك يازايد خخخ على تحويل الموضوع pb189

deoood
07-01-2009, 05:35 AM
بما اني تـوني قايم من النوم والمزاج مدري وش يبي شوربه وخل :d

لازم نـقول كلـمه حق في الموضوع هذا ..,

الهبـوط في الفـن يشمل الوطن العربي كامل ..,
بس الفرق بين السعوديه والكويت بالنسـبه للنقاش من طرف الأخـت مستلجه مشكوره :d
الفرق ان السعوديه يـنقسم الفـن فيها الى اجزاء عديـدهـ ..,!
طبعـاً الهـابط منها والصاخي ..,
وان كان الهابط في نظر الأخـرين قمـه الـطرب فذلك لا يمـنع ان نقولهم ذوقك والجبل ! :d

مـثلاً ..,
في قـديم الزمان وش كنّـا نسمع في الخلـيج عـموماً ..,
اكيد دنبك وعود ! :d
وانا اتكلم عـن الماضي القريب ايام طلال مداح والطقه هذولي ..,
ولا يـخفى علـينا ان الفنان رابح صقر اللـذي قـد يكون الان من اهـم أعـمدهـ الفـن في الـسعوديه بل الخلـيج كان فـيما مضى فـرشه على كـبري الـعماريه و عـود ومراويس << يسويها ذا الحساوي خخخخخخخ :D
اما الأن فـ لقـد تـطور تطور لا يتـصورهـ العـقل !
فـ اصـبح من امـهر المـلحنين فـي الوطن العـربي حالـياً ..,
وصـار يـستخدم الأت مـا كـان يـسمع فـيها ..,
هـذا يـسمى تـطور ..,
ولـ نـتكلم فـيما مـضى ايـضاً .,
فـ كان وقتها بما يـسمى فـن الكـسرات موجـود ..,
وكانـت شعـبيته مـنتشرهـ في ديـرتنا ..,
ولـك ايـها القارئ العزيز ان تدقق في النقطه هذي ..,
كلانا يـجمع علـى ان الفـن هـذا تعدى مستوى الهـبوط لكن نجـي لنـقطه تلخص المـوضوع اللي بوصل له ..,

كلـمات الفـن الهابط اللذي يسمى كـسرات فـيما مضى على ماذا كانـت تشتـمل !!
والـوقت الحـاضر بماذا يـغنون او بمـعنى أخـر يـنهقون !

اللـي بـوصله حـتى في الـفن الهـابط مسـبقاً زاد هـبوطاً لـدرجه انـهم يتغنون بكـلمات لو سـمعها كافر أسلم لـشدهـ وقعها على الأذن المـستمعه ..,

لـك فـي هـذا الـشطر مثـلاً ..
( الـتحليه جيتها مره .. من بعدها القلب مسروق )
( كتبت فيها انا كسره .. مسكين ياللي ماله معشوق )

يقصد الشاعر اللئيـم في هذا البـيت من القصيدهـ ان عـشيقه هـو من جنس الذكر ..,
لك ان تتخيل ايها القارئ الكريم الهـبوط في الفـن الهابط !
في الزمن الماضي كـان الفن الهـابط يـستحي يقول مثل هذي الكلمات ولكن الحين ..,!!!


بالعربي ما فيه احد ما هبط وسع صدرك
يعني وقفت على الكويت وفنه ..,
الـكويت صح ان ما فيهم الا نوال ويمكن الرويشد شوي لكن اذا جينا للحق نوال شي كبير الصراحه :d
يعني يكفي انه طلع من الكويت نوال ..,
عنـدهم بشار الشطي عندنا جواد كلنا في الهوا سوا ..,

اما بالنـسبه للأخت النـاقدهـ الكبيرهـ مستلجه ..,

طيب بحكم انه شاب وسيارته كول ولبسه كاجوال

اذن بيشتري شغلات كول

ويسطلون على الواد الروش

بـالفعل لـم اكـذب يـوماً حين قلـت انني عـندما اقراء لكـتابتها استـمتع وكـأن جرس النقـد العربـي الصريـح جميـعاً يـرن في أذني ..,
فـتحتار اتقول انها حجازيه ام مصريه ام جيزانيه ام لبنانيه ..,

سـلم قـلمك وسلم لسانك والـى الأمـام ايـتوها الكاجول :d
على فكره ماتوا اللي يقولون كاجول وكول هههههههههههه :d

يقولون صدز ما بقى الا ابو نايف :d:d

<< جوك غلط على القصه اللي فوق والله ماا ادري وش قلت :d

*AMOOOL*
09-01-2009, 02:57 PM
أذاأردت أن اتحدث عن الفن الغنائي في الكويت
[ سُأأكد ركووود الفن الكويتي بل وانحداره في ظل أنتشار بشار الشطي واعوانه **فئة ستار أكاديمي ]

ولكن سأتحدث عن الفن التمثيلي ,,

من المتعارف عليه ان الكويت تعد هوليود الخليج في هذا المجال
وأطربتنا الكويت بمسلسلات رائعه ناقشت العديد من القضايا ليس بالكويت فحسب بل في الخليج والدول العربيه ككل,,
تابعناها بشغف وصفقنا لها بحراره..
اي ان ان الدراما في الكويت امتعتنا وارست قواعد الفن التمثيلي بالخليج
لكن الآآن !
اصاب الدراما الكويتيه الهرم والعجز !
لانرى فنانين متمكنين ولا حوارات هادفه ولاقضايا قويه تمس المجتمع
مانراه هو ملابس تهريجيه وميك أب ومذيعات(عليميات)
يسابقن الفنانات للظهور بالمسلسلات ..
ولانرى كتاب وآآعين ومثقفين!!
بل نرى بنصوصهم أنهم عكسو صوره سيئه وسلبيه
عن مجتمعهم وعن أفراده ..الذي نعلم فيهم الخير الكثير,,
النصوص لاتخرج عن هذه الصور.......................!!
البنت لابد ان تحب وتخرج مع حبيب!وقد تخون
الولد لابد ان يشرب ويعق والداه!
الأم متحرره لاتفهم بالتربيه !
الاب يركض خلف الماده !
ان هنا لا أعمم بل هناك بعض المسلسلات التراثيه ,,
ترينا بصيص من الامل نحو نهوض الدراما الكويتيه ووقوفها على اقدامها مجدداً..
لكن الكثره تغلب القله ,,,,,,,,
أأمل بأن نرى مستقبلاً نصوص مثقفه وجيده وممثلين وآعيــن !
أمثال حياة الفهد واحمد الصالح وغانم الصالح وسعاد عبدالله..
وشكـــراَ

هــــــــــلااا
09-01-2009, 03:36 PM
سُأأكد ركووود الفن الكويتي بل وانحداره في ظل أنتشار بشار الشطي واعوانه **فئة ستار أكاديمي
ممكن أحد يوضح لي وين فئة ستار أكاديمي ؟؟!!!!
آنا أعتقد أنه متابعه ولا أشوف أحد من شباب ستارأك موجود ع الساحه!!
ممكن يطلعون بمشهد في مسلسل أو مقابله في جزء من برنامج
غيره مو شايفه شيء ثاااني ..

F E D U O
09-01-2009, 03:42 PM
بإختصار .. ما عاد في فن !!

زرار طقطق
09-01-2009, 04:19 PM
من نزل الموضوع وانا ابي ارد بس الاخوان ماهم مخلين شي اقوله

بس حبيت ابين شغله بسيطه بخصوص الفن الكويتي

محد ينكر ان الكويت منبع الفن الخليجي في السابق .. لكن حاليا ماعاد فيه فن

والسبب ؟

الفن الكويتي اتجه اتجاه كلي للفن المرئي وبالمرئي اقصد ( مسلسلات ومسرحيات )

حاليا مالهم منافس وطبعا استبعدوا اللي تسويه فجر السعيد بمسلسلاته :d

شوفوا حسين عبد الرضا - جاسم النبهان - ابراهيم الصلال - طارق العلي - داوود حسين

اسماء للحين وهي شايله اسم الفن الكويتي فووق فوووق .. مطلوبين في كل قناه وفي كل مسرح

ايام الفن الغنائي انتهت من بداية التسعينات او خلونا نقول من بعد الغزو .

ماعاد صار فيه اهتمام بالاغاني مثل اول على ايام السبعينات والثمانينات يعني تخيلوا ان الفنانين في الخليج كانوا يسافرون للكويت يسجلون فيها .

وحاليا فنانين الكويت يطلعون برا يسجلون اغانيهم مع ان فيه كل مقومات النجاح من استديوهات تسجيل وملحنين على راسهم انور عبد الله وسليمان الملا وشركات انتاج قادره تدعم الفن الكويتي .

لكن الاهتمام قل لان ماعاد فيه مستمعين للاغاني مثل اول .

تلاحظ الشباب اتجهوا للفن الغربي والالات الغربيه ..

حتى الفرق الغنائيه صار اعتمادها على هالشي ومايحتاج اذكر اسامي زمان كانت الجلسات ماتطفي في الكويت بس هالايام مقتصره على الملا والرويشد وكم فنان ينعدون على الاصابع .. يعني حتى الجلسات هجروها ناس واجد وبقى فيه من يتابعها بس على الخفيف :(

يرجع الشارع الكويتي لمثل اول وبيرجع الفن .. لكن على هالحال بيكون من جرف لدحديره .