PDA

عرض كامل الموضوع : طريقه عمل القبوط مع الصور


قبــوط
03-01-2002, 12:46 AM
<font color="Green"><font size="4">بسم الله الرحمن الرحيم
السلام عليكم ورحمة الله وبركاته
هذي هي الاجابه على اسئله خالتي العنا في كيفبه طبخ القبوط وبعض الاسئله,انا آسف لاني تأخرت بس الصور اخذت وقت مني,ومن هذا المنبر احب اهدي سلامي واشواقي لأحبابي اهل التراث وخصوصن خالي المعري ومطحن :)والباقيين بعد :D
نبدأ الاجابه
بسم الله الرحمن الرحيم

السؤال الاول:-

القبوط من الاكلات الشعبية المشهورة
تقدر تقولي هي تبع أي منطقة؟؟
اذكر اسم الدولة؟؟

الجواب:

هو اكله شعبية للملكة العربية السعودية

وهو تابع لمنطقة نجد بالتحديد....0
وهناك بعض من دول الخليج مثل الكويت وقطر وعمان لكن في
السعودية وخاصة في نجد اكثر شئ وتحديدا محافظه الزلفي :)
السؤال الثاني:
ماهي مقادير عجينة القبوط؟؟؟

الجواب..
مقادير عجينة القبوط هي :
أ-دقيق بـر
ب- مجموعة من الخضار ..مثل:
1-الكوسة
2-القــرع
3-الباذنجان
4-الطماط
5-البصل
6-الماجي
7-الملح
8-الفلفل
9-اللحــــــم
السؤال الثالث
ماهي علاقة القبوط بنجوم الرياض؟؟؟؟؟؟؟

الجواب:
للاسف ماقدرت اعرف اجواب على السؤال هذا وسألت ناس
كثيييير لكن قالو اول مرة نسمع بنجوم الرياض...الظاهر انه من بنات افكار خالتي العنا :D :D
السؤال الرابع:
ماهي طريقة اعداد القبوط بالتفصيل؟؟؟

الجواب:

نجمع تلك المقادير ونضعها في القدر(اللي ذكرتهن في
الجواب الثاني) ونضع الطماط في الخلاط ..ثم نشعل النار
عليهم ..ونضع الطماط عليهم بعد مانقوم بضربه
بالخلاط....ثم نقوم بفرد العجينة وتقطيعها بكأس صغير او
نقطعها باليد ..المهم ان تكون على شكل دوائر .....وبعد
تقطيع العجينة نضعها على الخضار في القدر ..ولانقوم بوضع
العجينة كلها بالقدر مرة واحدة بل نضعها قطعة
قطعة..ونتركها على نار هادئة لمد ساعة ونصف الـــــــى
ساعتين ونقوم بملاحظة مقاس الملح ....ويوضع علية كأس من
الحليب حسب الرغبة...
خارج الاسئلة....هناك اسماء كثيرة للقبوط منهــــــــا
..
1-المطازيز
2-المصابيع
وهذي بعض الصور لي الي هو القبوط...وترى احسن وحده الي جمبها جركل لبن :D</font></font>
هذي صوره للقبوط بعد طبخه وتقديمه الى المائده جاهز للاكل :D http://gabooo6.jeeran.com/gabooo62.jpg
وهذي صور له اثناء مرحله الطبخ...وهذا اللنك علمن بأني حاولت انزلها على طول بالموضوع لكنها تخربه :) http://gabooo6.jeeran.com/gabooo61.jpg

ABDUL-AZIZ
03-01-2002, 01:25 AM
&lt;--- تقاطرت سعابيله.
.
.
الحين خالتي العنا ماتقدر تقول شي..
ولازم يضيفون الموضوع للموسوعة...
وبعد الموضوع يستاهل المميزة.
.
.
.
يعطيك العافية اخوي قبوط وتسلم.

سوالف القايلة
03-01-2002, 02:52 AM
هلا والله تسم بس توي ادري ان الماجي من انواع الخضار
هههههههه :D :D :D :D

تسلم والله
اخوك سوالف

سـَـاري
03-01-2002, 09:10 AM
ماشاء الله عليك أخوي ( قبوط ) .
ماقلت لنا من زمان أنها المطازيز كان ما تعبنا نسأل عنها .
وتوي أدري أن اللحم من الخضروات .

برد العجوز
03-01-2002, 09:48 AM
سلااااااااااااام
مرحبتين قبوووط
وشلونك وانا امك عساك بخير

وانا امك القبووووووط شمال واللي انت توصفه جنووووووووووب

اول شيء القبوط اشهر ناس تسويه الزبارا ( يوووه يا عليهم قبوووط مافي اخوه ولا اخته :D
ثاني انا امك ذا اللي توصفه المطازيز اللي غنو فيها
مطازيز يا قلب العنا مطازيز ( ترا ماهيب العنا بنتنا ) :D :D :D ;) ( العنا كيف الحال ابشري بالغثه وصلت ) ( جمله اعتراضيه مالها كرسي من الاعراب)





<font size="4">االقبووووط هو</font>
<font color="Red"><font size="4">صح زي ماقال ولدنا قبوط عجينه متماسكه تقطع دوائر ( مثل المطازيز ) بس الفرق ان القبوووط يحشى يعني قطع العجين المدوره تحشى بكشنة ( حمسة ) بصل مع طماط وفلفل اخضر وشو عدس اصفر من اللي يحط مع الحشوات دايم ثمن يدرعم على شكل نصف دويره او اصابع ثمن يحذف في المرقه</font></font>

وهني وعااافيه على قلوبكم
:D :D :D :D :D :D :D :D :D :D :D :D :D :D

سلم علي
03-01-2002, 10:49 AM
هلا بالقبوط

انت زلفاوي ;) والا ريضاوي &lt;=== عصماوي :D

كللك علي ماجيك وملحك ولحمك حلو ياحلو :D


انت دب والا عصقول ;) تحب الاسل باين عليك


يامال العافيه اللي تلزخك علي جبهتك لزخا مبرحا :D

العنا
03-01-2002, 04:48 PM
<center><font color="Navy">وعليكم السلام ورحمة الله وبركاته

قبوط أصبر شوي برجع لك :D

يا حيى الله برد العجوز :) أسفرت وأنورت وانا أختيس :)

ما شاء الله عليتس سبقتيني بشرح القبوط :D

قبوط هلا والله كيف الحال :)

أجل لقيت صور للقبوط ;)

نجي الله يسلمك لجواب نجوم الرياض ;)

نجوم الرياض هو المطازيز :p

ثانياً القبوط يشبه المطازيز بطريقة الاعداد والمكونات لكن يفرق أن القبوط محشي والمطازيز لا

أما الحشوه فهي تختلف أما تكون كشنة بصل
أو بصل وزبيب أو بصل ولحم مفروم

وطريقة حشو القبوط تتختلف ممكن تنحشى مثل السمبوسه :)

أو مثل الكبه أو مثل شكل المطازيز بحيث نضع الحشو بين قرصين من العجين ;)

&lt;&lt;&lt;&lt; برجع برد ثاني للمقادير والطريقة ;)

يشتهر أهل الزبير بصنع القبوط ;)

ويعتبر من الاكلات الشعبية لدولة الكويت والبحرين :)

بس بالكويت أكثر شي :)

أما أهل نجد يشتهرون بالمطازيز :D

هذا ولك شكر أخوي :)

بضيف الموضوع للموسوعه بعد اضافة الطريقة اللي عندي لعمل القبوط :D

&lt;&lt;&lt;&lt;&lt;&lt; يا ملحي وانا مشرفه <IMG SRC="cwm41.gif" border="0"> </font></center>

العنا
03-01-2002, 05:24 PM
<center><font color="Blue">طريقة عمل القبوط .... لا تصدقون هذا الموضوع الاول (http://www.eqla3.com/cgi-bin/cgi/ultimatebb.cgi?ubb=get_topic&f=7&t=001688)

سلالالالالالالالام :D

نجي لطريقة عمل القبوط على سنع :p

المقادير ياقلب العنا <IMG SRC="cwm37.gif" border="0">

- كاسين ونص طحين بر + ملعقة صغيرة ملح

- كأس ونص ماء

- كيلو لحم بعظم

- ثلث كأس زبيب

- فص ثوم مهروس ( حسب الرغبة ) :cool:

- 6 ملاعق كبيرة صلصة ( معجون طماطم علبتين )

- 3 كأسات بصل ( مقطع لقطع صغيره )

- كأسين عصير طماطم

- ملعقتين كبيره سمن

- علبين حبحر :D ( حبتين حبحر = فلفل حار )

- خضار مقطعة بحجم كبير ( يمكن اختيار نوع الخضار حسب الرغبة )

2 باذنجان كبير + 4 كوسه + 4 جزر + فاصوليا ...

يمكن اضافة الفقع :)

- عودين دارسين ( قرفه ) + 3 حبات لومي أسود

- بزار ( ملح + فلفل أسود + كركم + لومي أسود مطحون + بهارات مشكله )


الــطــريـــقـة

- يضاف الملح للطحين ويعجن بالماء جيداً ثم يترك نص ساعة

- يغسل الزبيب بالماء الحار ثم يصفى

- يضاف نصف كمية البصل للزبيب ويوضع في مقلاة تحتوي على ملعقة زيت أو سمن
يقلب على النار حتى يذبل ثم يتبل بالملح والفلفل واللومي ويرفع جانباً

- تقطع العجين الى كور صغيره ثم تبطط :D الى أقراص صغيرة دائرية الشكل
( مثل المطازيز )

- يحشى كل قرص بمقدار ملعقة صغيره من البصل والزبيب
ثم يغلق كل قرص على شكل هلال ( مثل السمبوسه ;) )
أو يغطى كل قرص بعد الحشو بقرص ثاني وتغلق الاطراف جيداًً

- يوضع اللحم في قدر كبير على النار ويقلب بضع دقائق :)

- يضاف الماء بكمية وافره على اللحم ( حتى يغطي اللحم )
ويترك حتى ينضج وينشف الماء ;)

- يضاف السمن وباقي البصل والثوم على اللحم ويترك على نار معتدله حتى يذبل البصل :)

- ثم يضاف عصير الطماطم والمعجون و 8 كأسات ماء
يترك نص ساعه على نار معتدله ;)
تضاف البهارت كلها :)

- ثم نضيف الخضار وحبات القبوط على نار هادئه وتترك حتى تنضج

- يحبذ بعد تخفيف النار وضع قطعة حديد تحت القدر ( علشان ما يحترق القبوط ;) )


همن لبوه بالعافية :D </font></center>

قبــوط
06-01-2002, 05:12 PM
<center><font color="Green"><font size="4">السلام عليكم ورحمة الله وبركاته
حيا الله كل واحد ووحده باسمه وباسمها :D
كرتون
هلا بك ياغالي,انت المميز والف شكر لردك :)
سوالف القايلة
هههههههههه وراك مطلع لسانك,مدري تسن الوضع ماعجبك خخخخخخخخخ
مشكور وتسلم يالطيب
ذيبان
هلا بك ياخوي لاتدقق واجد :D
برد العجوز
شوفي يا خاله,انا من طلعت على الدنيا وحياتي قبوطxقبوط,يمكن اختلاف ثقافات كون التباس بمخك,القبوط فوق وهذيك صوره :D
سلم علي
ههههههههههههههههه انا قبوطي ودب تقول مكيف صحراوي&lt;&lt; :D ويامال العافيه الي
تشوطك شوط زي التماس كهرب 220 ياعسل انت :D
العنا
دقيقه ادور ريال,,ايه هذاي لقيته منعفـط بـطاقيتي خوذيه $$ :D
انا زي ماقلت لبرد العجوز من انفست وانا ارضع قبوط تجين تقولين هذا مطازيز
مدري بس اكيد فيه اختلاف ثقافات عميق :D يعني ترى سمبوستكم عندنا نسميها مفطح
خخخخخخخخخخخخخخخ
الف شكر لك لتجاوبك وااهتمامك بالموضوع :)</font></font></center>

العنا
06-01-2002, 07:18 PM
<center>وانا خالتك اختلاف الثقافات وارد ;)

بس تقل قرأة إنك تعرف سباحين واجد <IMG SRC="cwm13.gif" border="0">

ورى ماتخلي عنك سالفة الطبخ لنا (( العجز )) :)

وركز على السباحين :D

الموضوع الاول لطريقة عمل القبوط (http://www.eqla3.com/cgi-bin/cgi/ultimatebb.cgi?ubb=get_topic&f=7&t=001688)

يعطيك العافية :) وبانتظار مشاركاتك :) </center>

خارش
06-01-2002, 09:02 PM
متى ناكل :p

الطوالة
29-04-2003, 06:39 AM
<< يسععععععععبل

والقفر ما جا له طاري :(

ولا يهون الفقع :D

شرب المقلب
30-11-2010, 11:43 PM
يالبى القبوط

احاسيس داشر
01-12-2010, 07:30 AM
الموضوع قديم

بس مايمنع اننا نشيد فيه ونقول تسلم

Queen Y
08-12-2010, 09:17 PM
يعطيكم العافية

الحين عرفنا شنو الفرق بين المطازيز و القبوط

أنا اسمع أكثر شي الكويتيين يسوون قبوط خصوصا للنفساء

بيره بالفراوله
08-12-2010, 11:02 PM
نو القبوط من اهل الزبير مو الكويت ؟

ويكون محشي ومو محشي وطريقة كالتالي

طريقة عمل اهل الزبيبر

المقادير ...

مقادير العجينه

طحين اسمر (حسب الرغبه )


ماء للعجن


ملح

قليل من الزيت

مقادير الحشو ...

لحم مفروم

3 بصلات

بقدونس

بهار

قليل من الملح

زبيب (حسب الرغبه )

ليمون اسود مطحون ملعقه


مقادير المرق ...

اوصال لحم ... ليمون اسود ... راس ثوم كامل ... بطاطا ... باذنجان ... صلصه ... بندوره .. مل

طريقة العمل ....

*طريقه المرق نضع الماء ونضع اوصال اللحم والبهار ونجعله فتره لحتى تستوي اللحمه نضيف عليها البندوره والصلصه والبطاطا والباذنجان والليمون الاسود وراس الثوم .. الى ان يغلي الماء ثم تكون العجينه جاهزه

*تعجن العجينه وتترك جانبا ً

*اما الحشوه نقوم بوضع قليل من الماء اللحم المفروم والبهار(ليمون اسود مطحون) على النارلحتى تشرب الماء

ووعندما تشرب الماء نقوم بوضع البصل والبقدونس وقليل من الملح وتحمسه على النار ...

* نقوم بتكوير العجينه

ومن ثم نفردها

ونضع قليل من الحشو بداخلها

بعدين نسكرها

وتلف الاطراف حسب الرغبه ..

بعدين نسقطها بالمرق وبعد ان تغلي نهدئ النار ... الى ان تنضج

وهذه الشكل النهائي

13032009264.jpg - 45 KB (http://up.eqla3.com/yww0i005uxlg)

رقيقه الاحساس
11-12-2010, 06:51 PM
يعطيك العافيه

شهويتيني ابقوم الحين اسوي قبوط

عاد بالشتا احلا تسوي المطازيز والا القبوط

بنـت ابـوي
04-01-2011, 12:41 PM
اجل الماجي والمـلح والفلفل من الخضروات لوووووووووول


احس القبوط اكله كويتيهpb036
حنـا من اهل الشرقيهـ مانعرفها نشوفها بالمسلسلات بـس
نعرف شي يشبه اسمه مرقوق:confused:

هع لووول هع
04-01-2011, 03:59 PM
وش ذا الغبرات اللي كاحت علينا :\

عاد تصدق جا في بالي الاقط

_ReRo_
04-01-2011, 09:41 PM
اييييه حنى نسويه

بس حنى مو من الزلفي ^_^


مررره شي لذيذ والاحلى لو صار القبوط محشه يمي يمي بس مو اي احد يتقنه


مشكووور اخوي

لذيذ الموضوع ^_*خخخخخخخ

مقدور
04-01-2011, 11:39 PM
نتمنى عدم رفع المواضيع القديمه

ويالله عسى من راح للجنه