PDA

عرض كامل الموضوع : ياحريم السعودية .. اتركن البربسه


مـدري ووووش أبي
17-10-2008, 04:27 PM
امس رقدت خمسه وثلاثين ساعه .. يحسبوني مت :sm12:
لي يومين ماشفت اهلي .. بس اذكر ملامحهم واقدر اتعرف عليهم لو اشوفهم :sm12:


المهم
صحصحت الصبحيه والبشريه اهلي يشخرون وبسابع نومه ..
اكيد واجد اللي مثلي نومهم منقلب .. احد يقوم الساعه ثنعش بالليل .. واحد قبل الفجر بربع ساعه .. واحد يرقد ثلاثة ايام ويواصل ثلاثة ايام .. نومه نظام شفتات pb027


المهم
قعدت اقلب وجهي الصبح .. انا والنت وثالثنا الشيطان pb027
قلت ازبط كمبيوتري خابرته يعلق .. وحذفت نص البرامج .. جيت اكحلها عميتها .. الحين كمبيوتري يحتضر واتوقع يقبع فيني بين لحظة والثانية :sm12:
حتى شركة اتصالي خربتها ..
ودقيت عليهم ابيهم يزبطونها ماردوا اليوم جمعه وجوالهم مغلق .. او يمكن هم مغلقينه عن النشبات مثلي وشرواي < اكلمهم باليوم ثلاث مرات يزبطون الاتصال .. هم يزبطون وانا اخرب :D.. ماتسوى عليهم هالكم ريال اللي ياخذونه .. احس انهم مايبون يجددون اشتراكي ويتهربون مني:rolleyes: .. ليه مايصارحوني :(




المهم
قلت خلني اسعسع بالاسواق < اسواق النت pb074
وحامت تسبدي مما رأيت pb093

دخلت اسواق الحريم .. الحريم مول .. سوق الحريم التجاري .. تاجرات النت .. نصابات النت < تعددت الاسماء والقراشيع وحده pb074

وسجلت الملاحظات التالية وابقدمها لوزير العمل ووزير التجارة ونسخة لبيل قيتس ومنه الى توم كروز pb154 :



1- النصب والهك والمدح للبضاعه اللي ماله سنع :
تسمع الشرح للبضاعه تسيل سعابيلك .. واذا طلعت الصورة صكيت الصفحة :D

2- غلاء الاسعار الفاحش البذيء:
اجل اسوارة عبارة عن خيط ولا شريطه بخمسطعش ريال = قيمة وجبة بكنتاكي :D .. ولفة الشرايط كلبوها تشتريها من ابوريالين بنص ريال > هالبنت عقلية تجارية pb027


3- اللعب على الوتر الحساس لمعشر حريم السعودية :
اكشخي لزوجك .. عيشي الف ليلة وليلة مع ابوالشبابpb035 .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت .. فاجئيءءء زوجك بشموع وليلة سحريه < هالليلة السحرية جذبتني ودخلت الموضوع

طلع كلش احمر باحمرpb068 .. المفرش والستاير والورد المجفف .. ثور مهب زوج pb108
وتلقى ابوالشباب زوج الست ساهر بالاستراحة يقلب القنواتpb192
وماجاب خبر هالضعيفه اللي لها اسبوع تدهر عشان هالليلة السحرية pb051


4- اللعب على الوتر الحساس لبنات السعودية :
لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

5- تدني وانعدام المواهب النسائيه في التصميم :
هالملاحظه سجلتها من الخلاقين اللي شفتها pb051

6- غرور وشوفة نفس البائعات : < شوهت سمعتهن pb027
الوحده كاتبه بموضوعها ترى مااقبل اضافة ايميل .. اللي يبيني يجيني انا مابروحش لحد .. لحد يكلمني الا جااااد ويقسم بالله انه جااد ويجيب معه شهود عدول .. وترى مهب كل اللي تشوفون موجود ياتلحق ياماتلحق .. ويمكن تلقى مقاسك ويمكن لا .. واللي نبيعه مانرجعه لو تموتون

<< كم مره كتبت طلب وكنسلته من هالعوائق التجارية



الزبده اني مدري ووووش أبي pb051
لايزعلون مني تاجرات النت .. بضاعتكم زينه وتهبل ومافيه منها الا بالسوق السودا pb051




مخرج سري :
شغالتنا ماسوت غدا pb051 .. وش رايكم نسفرها ؟

إعلامي نصراوي
17-10-2008, 04:32 PM
مخرج سري :
شغالتنا ماسوت غدا .. وش رايكم نسفرها ؟

او عاد مشكله لو تسافر من يشيل اغراضكم ويكنس ويطبخ ويجب كاس الماء ويشيل البيت فوق راسه

لو سافرته مته تجي الثانيه

راح تغنيني وتقولين راح الشتاء وجانا شتاء وشغالتنا لمته

الهامور
17-10-2008, 04:45 PM
امس رقدت خمسه وثلاثين ساعه .. يحسبوني مت :sm12:



نفس اللي صار معي بالضبط لدرجة أن الوالدة يوم قمت قالت تصدق أني خايفه أطق عليك أخاف أنك فاطس :(


حتى شركة اتصالي خربتها ..
ودقيت عليهم ابيهم يزبطونها ماردوا اليوم جمعه وجوالهم مغلق .. او يمكن هم مغلقينه عن النشبات مثلي وشرواي < اكلمهم باليوم ثلاث مرات يزبطون الاتصال .. هم يزبطون وانا اخرب :D.. ماتسوى عليهم هالكم ريال اللي ياخذونه .. احس انهم مايبون يجددون اشتراكي ويتهربون مني:rolleyes: .. ليه مايصارحوني :(


شوفي إذا كان خالد الكاف بيستقييل فإنه منتس يوم تغثينهم بالكونكت الرجال طالع من الإدارة ماغير يهوجس فيتس يقول وش هاللي أشغلتنا :D


2- غلاء الاسعار الفاحش البذيء:
اجل اسوارة عبارة عن خيط ولا شريطه بخمسطعش ريال = قيمة وجبة بكنتاكي :D .. ولفة الشرايط كلبوها تشتريها من ابوريالين بنص ريال > هالبنت عقلية تجارية pb027



وشوله وجبة كنتاكي أشتري فيها ثلاث أسهم حقت المملكة القابضة لتس وللزمن ـ لو صار أمر من امور الدنيا الا أنك عندك قرشين < أمحق حلول pb036


طلع كلش احمر باحمرpb068 .. المفرش والستاير والورد المجفف .. ثور مهب زوج pb108


لا وازيدك من الشعر بيت حتى السدارية حقت الاكل لونها أحمر pb036


الزبده اني مدري ووووش أبي pb051


هي هذي المشكلة ـ لو انتس تعرفين وش تبين كان خالد الكاف أرتاح pb034


مخرج سري :
شغالتنا ماسوت غدا pb051 .. وش رايكم نسفرها ؟


ودوها لمطوع يقرى عليها :D




يعطيتس العافية bp039:D

رامـــــا
17-10-2008, 04:55 PM
الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره
ههههههههههههههههههههههه
رهيبه يابنت ;)

قرأت الموضوع وابصملكـ بالعشره أنك كل مااورد فيه صحيح
وفي كل نقطه اقراها اقول صاادقه +:D


كنت هنا
bp039
يمتكنـ لي باك

لاتخلونن لحالي
17-10-2008, 04:58 PM
اكشخي لزوجك .. عيشي الف ليلة وليلة مع ابوالشباب .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت .. فاجئيءءء زوجك بشموع وليلة سحريه < هالليلة السحرية جذبتني ودخلت الموضوع


خخخخخخخخخخخخخخخخخخخخخخخخخخخخ

جبتيها عالجرح:d
شكلتس وحدتن منهم :d
ضابطه الحتسي:d


عاد تصدقين الي يتاجرون بالنت او غيره بهالشكل خاصه من مدح البضاعه وشوفه النفس ماحس اني بيوم بشتري منهم شي:d .. ماسكه براسي منذو زمن الي يمدح شي عنده نصاب بس يبي يمشي بضاعته :d
خاصه بضاعه الله بالخير:d


بس ترا شدّنن الثلج الملون الي يخلي بعلي مايناظر غير:d
شكلي ببحث عنوه :d <<وين هرجتس تو :d



مخرج سري :
شغالتنا ماسوت غدا .. وش رايكم نسفرها ؟

كل شي ولا التسفير :(
ارسلوها لنا اهون :d < وجه بدون شغاله :(




توني اصحى على هالموضوع الخفيف الظريف اللطيف :d
شوكرنات (f)

مـدري ووووش أبي
17-10-2008, 05:08 PM
او عاد مشكله لو تسافر من يشيل اغراضكم

لو سافرته مته تجي الثانيه
خلاص ابسامحها هالمره عشانك :sm12:
بس علمها تراها اخر مره :sm12:


الهامور المغرور < عشان السجع :sm12:
وشوله وجبة كنتاكي أشتري فيها ثلاث أسهم حقت المملكة القابضة لتس وللزمن
طيب واللي معه عشرين ريال :rolleyes:

شوفي إذا كان خالد الكاف بيستقييل فإنه منتس يوم تغثينهم
اللي يرد علي لبناني .. مدري عاد هو خالد ولا لا :sm12:

راما
يمتكنـ لي باك
تعالي وجيبي حلة محشي بالكوارع :(

لاتخلونن لحالي
بس ترا شدّنن الثلج الملون الي يخلي بعلي مايناظر غير
مايناظر غيرتس قدامتس .. ووراتس انواع البصبصه pb058
عشان بس ماتقولين بضاعتنا مغشوشه :sm12:
< عجبها دور البياعه النصابه pb027

MSS DL3L3
17-10-2008, 05:08 PM
هههههههههههههه

والله انك صادقه الي يبيعون بالنت بضايع تقليد والله بالخير وبالسعر الفلانيpb093

وخصوصا الي تجيك جايبه بهارات وتقول ترجعين بنت والفاظ وكلمات مدري وش تبي قلة حيا:mad:

كريم يخلي ابوكم ينهبل على النعومه pb027

ولا لعبة المتزوجين تخلي زوجتس مايشوف الا انتيpb036


بائعات النت ماثق فيهم مع احترامي للبقيه:rolleyes:

اجل وحده ابي اشتري منها شنطه وهي كاتبه الي بالرياض نسلمها يد بيد واقولها هاه عندك الشنطه نتفق على مكان استلمها قالت لا اول حوليpb036

قلت ليش احول وانا ابستلمها يد بيدpb034:confused:

وتققنعني احول ولمن شفت اصراها كذا روعتني حسيتها كذابهpb093

bp039 لكpb094

Bo0o0oRy
17-10-2008, 05:09 PM
امس رقدت خمسه وثلاثين ساعه .. يحسبوني مت

الحمدلله على السلامه :d


2- غلاء الاسعار الفاحش البذيء:
اجل اسوارة عبارة عن خيط ولا شريطه بخمسطعش ريال = قيمة وجبة بكنتاكي .. ولفة الشرايط كلبوها تشتريها من ابوريالين بنص ريال > هالبنت عقلية تجارية

هماهن لاقين عقولن لك عليها :p
التجاره شغل زين يابنت الحلال شفيتس انتي كبيتي العشى :d

اكشخي لزوجك .. عيشي الف ليلة وليلة مع ابوالشباب .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت ..

وزيدي عليهم << لكي تجعلي زوجك رومانسيا مثل مهند :p
خخخخخخخخخخخخخخخخخ هاذي اللي بيمشي سوقها صح

لحد يكلمني الا جااااد ويقسم بالله انه جااد ويجيب معه شهود عدول

والحرمه ماتجيب معها محرم؟ << نظام سعودي :p



مخرج سري :
شغالتنا ماسوت غدا .. وش رايكم نسفرها ؟

لا خلوها تكنس الحوش :d

وانا اعطيتس رقم مثلوثه :p

مدري وش تبين (ورود من هنا الى عندتس )

GHADA
17-10-2008, 05:11 PM
/

\

وقسم انكـ فاصلـه :d

مـدري ووووش أبي
17-10-2008, 05:15 PM
اجل وحده ابي اشتري منها شنطه وهي كاتبه الي بالرياض نسلمها يد بيد واقولها هاه عندك الشنطه نتفق على مكان استلمها قالت لا اول حوليpb036

انا شاريه شنطه من ابوريالين بمكه بخمسة اريل واببيعها لعدم التفرغ
تشترينها مني بلاش :rolleyes:

w7dah
17-10-2008, 05:16 PM
1- النصب والهك والمدح للبضاعه اللي ماله سنع :
تسمع الشرح للبضاعه تسيل سعابيلك .. واذا طلعت الصورة صكيت الصفحة

<<<<<< أيه يتحمسون عشان يشوفون الصور بعدين اذا سكرو يشاورن أنفسهم
- غلاء الاسعار الفاحش البذيء:
اجل اسوارة عبارة عن خيط ولا شريطه بخمسطعش ريال = قيمة وجبة بكنتاكي .. ولفة الشرايط كلبوها تشتريها من ابوريالين بنص ريال > هالبنت عقلية تجارية
<<<<< ما سمعتي أنه التجاره شطاره
الزبده اني مدري ووووش أبي
لايزعلون مني تاجرات النت .. بضاعتكم زينه وتهبل ومافيه منها الا بالسوق السودا

<<< شكل اللي يبون يحرجون بيبطلون لا يحرجون <خخخخخخخخ
مخرج سري :
شغالتنا ماسوت غدا .. وش رايكم نسفرها
<<<< أريح شي البيت بدون شغاله

.S A M.
17-10-2008, 05:31 PM
امس رقدت خمسه وثلاثين ساعه .. يحسبوني مت :sm12:

فيه شي احلى من النوم :sm5:pb189

قلت خلني اسعسع بالاسواق < اسواق النت pb074
وحامت تسبدي مما رأيت pb093

ماتنلامين .. شغل الحريم دايم بربسه :D

مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت

اوما مفرش يرجع الوحده لـ أول ليله زواج pb036 .. قوة نصب
والا هالثلج بالله وش سنعه يعني بنصدق مثلآ :confused:

عاد تدرين فيه الحريم يصدقون ذا الخرابيط والدليل قناة بدايه
مره كنت حاطه عليه ووحده تسأل تقول انا حامل وجاني نزيف وش اسوي :confused: <pb036
يعني من جدها هذي ؟!
( معليش احس اني شطحت شوي بس ابي افش غليلي )

6- غرور وشوفة نفس البائعات

وش عليه بس على هالماركات والا الموديلات اللي تخقق ..


مـدري ووووش أبي (bp039)
يعطيك العافيه

أروقة الصمت
17-10-2008, 09:26 PM
أما أول سطرين يكفون يعبرون عن حاله نص فتيات المجتمع بعد العيد واستقبالاً للدراسه :D

المهم ياعزيزتي انا فكرت أسوي تويجرة صغيره (على وزن التويجري كود يصيبنا بعضاً من الحظ :D ) وابيع فستاني الجديد .. للحين مارسيت على بر عليميه والله يرزقني بالرزقه الحسنه ..
مشكوره ياحبيبتي موضوعك رجعني للقهوة بعد طووووووووول غياب .. pb189pb189

. L A 7 N .
17-10-2008, 09:34 PM
لا قسم انت مو بس فاصله انتِ ماعندك فيش من اصله pb189

كل مره ادخل لك موضوع اطلع وانا اضحك الله يوسع صدرك بالعافيه :D

بالنسبه لتاجرات النت
99% منهم نصابات من خلال تعامل ماجبنه من راسي
اذكر طلبت طلبت كلفتني مبلغ وقدره وقالت لي وحده انها في السويلم وبربع السعر pb036

مااااااااااااعلينا

ليتهم على النصب وبس ينصبون وبنفس شينه بعد
يالله الثبات بس..!!

قمر
مواضيعك خطيييييييييره لايوقف تكفين pb189

ام كشه العبده
17-10-2008, 09:48 PM
هههههههههههههههههههههههههههههههههههه

اللي مثلك المفروض مايدخل الاقلاع الا مره باليوم
فاصصصللله من قلب

اقول ماعندكم مشد اندنوسي مقاس عشره ؟>>>>>>>>>>>>>>>>فاهمه غلط..

يمال العافيه ابشرتس رسمتي البسمه على محياي يافتاه ..

( كرامتي عاليه)
17-10-2008, 09:51 PM
ايه والله صادز انه بربسه

YaaDeiN
17-10-2008, 10:01 PM
:.:.:.:
بصراحه ما قد رحت لسوق النت لاني ما اتحملهم وما اقدر اهاوشهم من ورى الكيبورد


لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

ههههههههههههههه هههههههههههههه


مخرج سري :
شغالتنا ماسوت غدا .. وش رايكم نسفرها ؟

لاااا تذكريني شغلانتا بتروح والله يعينني على الكرف وامي ما تقصر
بدق (متى صيرين سنعه وتراى ماني مزوجتك تفشليني)

:.:.:.:

MOMENT
17-10-2008, 10:03 PM
/



خمسه وثلاثين ســــــــاعه :eek:pb189
كــذا غلط .. :sm4:
أجل الحمد لله حسيت صديقاتي وبنت عمي بخير وصحه وطبيعي نومهم :sm1:
بس اربع وعشرين ســاعه ان طولو :rolleyes:pb027


لو اجيبك بيتنا والله لاتنقلب الـ 35 ساعه لـ 5 ساعات كعقاب .. :)pb034
مافكر اتسوق عند ذا الناس ابدا
اصلا مااقبل وتحوم كبدي اشتري شي ماله ضمان ولا اقدر اهاوش لو صارت مغشوشه pb036
بس اعلانات الركب والاكواع .. بيناقشونها في الحكومه الامريكيه بعد
جنبا بجنب مع الاسهم ويدورن حل منقذ .. pb071

حومو كبدي احس عطو السالفه اكبر من حجمها ..
أحس حتى الاتحاد السوفييتي سابقا وصله خبر عن الركب والاكواع pb093


بس احلى شي الاحمر الي يرجع الوحده لليلة زواجها
ويخق زوجها عليها .. :sm5:pb192
وش الي يقهر في السالفه .. أن فيه نـــاس تصدق .. pb093
اصحــاب العقول في نعمه .. pb189;)

تحياتي لك .. bp039



/

جالكسيmiss
17-10-2008, 11:03 PM
امس رقدت خمسه وثلاثين ساعه .. يحسبوني مت
لي يومين ماشفت اهلي .. بس اذكر ملامحهم واقدر اتعرف عليهم لو اشوفهم

لا تخافين هذا يسمونه السبات الشتوي كل الناس كذاالزبده اني مدري ووووش أبي
هذا من كثر النوم خخخخخخخخخمخرج سري :
شغالتنا ماسوت غدا .. وش رايكم نسفرها ؟
لا هو احد لاقي شغاله الايام الله يجيب شغالتي

مزلبك
17-10-2008, 11:10 PM
يا حريم السعودية عليكم بالبربسه:D


الحين حنا في منظمة التجارة العالميه يعني التجارة إلكترونيهpb036>>>>>عفس الدعوة:D

زويـزو
17-10-2008, 11:19 PM
الحين انتي وش تبين >>تقرا يوزرك :D
يالله حي هالنشميه البنت التي لاتبالي ماخذه الدنيا بسعة صدر:D اجل نومتس منقلب ماتدرين ان الريااض بكبرها جايها فاايروس قاتل كل اهل الرياض يخمدون ماتشوفين شوارعنا تصفــر >>اي هين تصفر:D الواحد مايشوف امه وبوه الا كانه بيداوم وجا ابوه يعطيه فسحه شافه بسpb027

نرجع لمحور حديثنا >>مقطعينا بالمحااور pb036:D
الحين انتي مرتفعن ضغطس من جهازتس ومن شركة الأتصالت تحطين الحره في البيعاات قطع الأرقااب ولا قطع الأرزااقpb093:D

شوفي ونا اختس ان كنا بنحكي عن النصب والهك فتلقينه في كل محل حتا السوق اللي تتقضين منه اكبر حرراميpb027


3- اللعب على الوتر الحساس لمعشر حريم السعودية :
اكشخي لزوجك .. عيشي الف ليلة وليلة مع ابوالشباب .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت .. فاجئيءءء زوجك بشموع وليلة سحريه < هالليلة السحرية جذبتني ودخلت الموضوع

طلع كلش احمر باحمر .. المفرش والستاير والورد المجفف .. ثور مهب زوج
وتلقى ابوالشباب زوج الست ساهر بالاستراحة يقلب القنوات
وماجاب خبر هالضعيفه اللي لها اسبوع تدهر عشان هالليلة السحرية

هههههههههههههههههههههههههههههههههههههههههههههههههه ه
لا الحين تطوروا وطلعوا كتب الليله الحمرا والصفرا والبيج:D ياحليل سوالف الحريم الله يسخر لهن بس pb027

مخرج سري :
شغالتنا ماسوت غدا .. وش رايكم نسفرها ؟

حت ذا فاايروس بعد >>الضاهر توتس متعلمه هالفايروس:D
شغالتنا مضربه لها يومين ماتشتغل بس تااكل سلالن يسلها قلت لمي امعطيها للمكتب قالت ماافيه استقدام ابدددد قلت اجل تنثبرر وتعض الأرض فتشددوا في شغالتكم لأنها طفرة شغالاتpb027

دوتس يامي على هالأستنتاجات السنعه bp039

kiTkaaaT
17-10-2008, 11:22 PM
طلع كلش احمر باحمر .. المفرش والستاير والورد المجفف .. ثور مهب زوج
وتلقى ابوالشباب زوج الست ساهر بالاستراحة يقلب القنوات
وماجاب خبر هالضعيفه اللي لها اسبوع تدهر عشان هالليلة السحرية


كااااااااااااااااااااااركركركركركررررررررررررررررر رررررررر
اجل ثوووووووووووور اجل هههههههههههههههههههههههههههههههههههههههههههههههههه ههههههه
والله ياانك منسسسسسسسسسسسسسسسسسسسسسسسسسسسسسمه بقوه
متت ضحك على قصتك الواقعيه القصيره
لو عرفوا فيك البززنس قالوا ليتها مكملتها نومه ولا تمخمخ علينا
هههههههههههههههههههههههههههههههههههههههههههههههههه

وشغالتكم اذا سفرتوها
ترى ماراح تنامين هالنومه
راح تجلين الصحون بوقت الخمسوووثلاثين دقيزززا
ياحبييييييييييييلك انتي وموضوعك توووحفه

A.bood.y
17-10-2008, 11:33 PM
وماجاب خبر هالضعيفه اللي لها اسبوع تدهر عشان هالليلة السحرية

;)


أسلوب طرحك حلوووووو ،، كثري مواضيع مدري وش تبي :d

نـجـود
17-10-2008, 11:57 PM
:)

صرآحه تعليقآتك أضآفت للموضوع حلآوهـ :D

و كلآمك من أوووله إلآ آخــرووهـ صحيح < -- يا ختي قولي كوله صحيح و خلصينـآ :sm5:

و اللي أعجبنب كثير يوم تقولين الليله السحريه كوول شيء أحمر × أحمر ليه الرجآل ثور !! pb095 جد ضحكت ..

موضوعك بطل يـآ ألبـو pb189

ديم...
18-10-2008, 12:50 AM
والغريب عليهم سوق ..............
يالضعيفات يالسعوديات اي شي بيلزق هالاشهب بتشتريه ....لو انه بيفيد فيهم كان معليه,,بس القهر ان ولا وحده راضيه .................ولا شنب لازق ومطيع زى مايبونه........
الزبده .-----------التجاره شطاره------------وفن ----
ورزق الهبل على المجانين-----------مثل قديم

(ريانة العود)
18-10-2008, 12:52 AM
والله كلامك ماعليه غبار

كله صحيح بس وش نسوي والله اننا ننرحم

لك ياحلوهbp039

Primo
18-10-2008, 01:03 AM
ايه والله موضوعك في الصميم :sm5: ,,

قاهريني لا واذا قالت المصممه الفلانيه pb131

اتحمس اشوف التصميم في الأخير أشوف انواع البدع والغرائب ,,

مثلاً فستآن جرسيه معلق عليه لولو وبعدين ورد على جنب بعدين ريشه على الجنب الثاني بعدين شماغ ملفوف على الخصر :D
وبعدين علم السعوديه على الاطراف وبعدين شخبطه فسفوريه على القماش pb093 ,,
كم مره قلت كلمة بعدين :D ؟؟
:(

ويبقى أمل
18-10-2008, 01:05 AM
وسعتي صدري ياحبيلك:Dpb189

صدقتي بكل كلمه وأقولك تمسكوا بشغالتكمpb189:(:D

مـيومـه
18-10-2008, 01:14 AM
قسم بالله ان موضوعتس في الصميم .. ولي سنه و7 شهور وانا ناويه اكتب عنه .. بس عجزت اجمع افكاري من هالبلاوي اللي اشوفها كل يوم من الحريم .. المشكله اني ما اتوب .. ارجع وافتح منتدياتهم مره ثانيه ,, يختي تخلف وربي .. انا ما يقهرني الا الناس اللي يشرون منهم .. والا اللي يخقون على اشيائهم .. ياااوييلللله بس ..
قسم بالله ما ادي وش اقول ..
وكله كوم وهالبنات المشفح .. اللي يحطون بتواقيعهم ادعولنا نتزوج .. مييير صار موضه . ما يستحون وربي .. يا اختي تبين تتزوجيم ماقلنا شي بس لاتعلنينه على الملأ ..
مره شوكرن انك خليتيني اعبر عن مشاعري
وبالنسبه لشغالتكم ان كان ماتبينها عطينياها . ترة عندي استعداد اموت جوع بس تغسل عني الموعين ..

وتوقيعتس خطيييييير هههههههههههههههه

araam
18-10-2008, 01:16 AM
الحمدلله افتكينا من البازارت اللي ناطين فيها

المبربسات وعلى قولتهم مصممه والقماش بخمسه بريال وملصقه عليه قرابيع

وياليتها خايطتها ملصقتها بصمغ مسدس من العجز pb093

الله يرحم حالنا لو مو لاقين احد يبربسون عليه كان ما بربسوا ;)

jojo pop
18-10-2008, 01:22 AM
هلا والله
يالله ان تحييها
مهوب موضوعتس ولا انتي لحالتس الي ماندري وش تبي
ولا هوب لحالتس الي تنام 35 ساعه:|
اتوقع نص الشعب السعودي صار تسذا
مدري من الي باخ"ن" علينا شي مدري وش جاينا
ملاحظين ان معظم العالم صارت تسذا
توني قايمه :| ومافي اكل :|


؟مخرج سري :
شغالتنا ماسوت غدا .. وش رايكم نسفرها
اقضبي قردتس لا يجيتس الي اقرد منه :d

وتجارة النت
<توها تذكر الموضوع:d

بالرغم من اجتياحها للسوق الانترنتي وبقوه وكل من هب ودب قال طالبها من النت
ولعدم ثقتي فيها فلذلك <اخلصي :d
انا أرى انها مريحه ومطلوبه من كل شخص
خاصتن اهل الرياض وهالزحمات
ولكن "الثقه" و "الصدق"
قبل كل شي :)
تمنياتي لكم بالتوفيق
وشكرا جزيل الشكر :)
<اطلعي برا انتي وهالحتسي الي ماله طعم :d
ابطلع خلاص :)
تحياتي الحاره :)
جهير بوب:)
الرياض:)

أم غمازات
18-10-2008, 01:27 AM
:



1- النصب والهك والمدح للبضاعه اللي ماله سنع :
تسمع الشرح للبضاعه تسيل سعابيلك .. واذا طلعت الصورة صكيت الصفحة :D



علشان كذا صرت أنا أشوف الصورة همن اقرا المميزات لان الصورة ثلاثة ارباع البضاعة




2- غلاء الاسعار الفاحش البذيء:
اجل اسوارة عبارة عن خيط ولا شريطه بخمسطعش ريال = قيمة وجبة بكنتاكي :D .. ولفة الشرايط كلبوها تشتريها من ابوريالين بنص ريال > هالبنت عقلية تجارية pb027




يابعدي احيانا يكون الشغل نظيف ومكونات الأسوراة << معليش جوعانه
المهم تحسينها على سنع موب كلش من ابو ريالين فهذا شغلها المرتب يغفر لها
بس تذكرت على السالفة حبوب انتشرت اظاهر انها تخلي لون الجسم واحد يجيبونها من برى بمدري كم مية ويبيعونها بخمسة الآف pb036 استحو على وجيهكم وش هالطمع وش هالجشع المادي اللي عندتس اي من حقك تكسبين بس دبلي السعر بشكل معقول pb036 اوب تدبلينه الف مره




3- اللعب على الوتر الحساس لمعشر حريم السعودية :
اكشخي لزوجك .. عيشي الف ليلة وليلة مع ابوالشبابpb035 .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت .. فاجئيءءء زوجك بشموع وليلة سحريه < هالليلة السحرية جذبتني ودخلت الموضوع

طلع كلش احمر باحمرpb068 .. المفرش والستاير والورد المجفف .. ثور مهب زوج pb108
وتلقى ابوالشباب زوج الست ساهر بالاستراحة يقلب القنواتpb192
وماجاب خبر هالضعيفه اللي لها اسبوع تدهر عشان هالليلة السحرية pb051





والله لو اسوي العاب بنفسي ولا نلعب حيوان نبات ولا اونو ان تسانها اهون
حلو التجديد وحلو تغيرين من الروتين وحلو وحلو بس من دعايتهم يحسسونك انك بتعيدين ليلة الدخله بكل حذافيرها



4- اللعب على الوتر الحساس لبنات السعودية :
لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره




آخر شي قريتة بعرصي pb036 ايه بعرصي هذيك الحشرة مدري تطحنينه وتجففينه ويديتس لون غير شكل وقسمن قاريته بوحده من منتدياتهم واظاني معاه خلطات ثانية :D




6- غرور وشوفة نفس البائعات : < شوهت سمعتهن pb027
الوحده كاتبه بموضوعها ترى مااقبل اضافة ايميل .. اللي يبيني يجيني انا مابروحش لحد .. لحد يكلمني الا جااااد ويقسم بالله انه جااد ويجيب معه شهود عدول .. وترى مهب كل اللي تشوفون موجود ياتلحق ياماتلحق .. ويمكن تلقى مقاسك ويمكن لا .. واللي نبيعه مانرجعه لو تموتون

<< كم مره كتبت طلب وكنسلته من هالعوائق التجارية



تحسين نفستس بتطلبين هيروين على هالعوائق اللي حاطينه pb131
يابعدي كثيرين اللي تسذا حتى بنتدى الحراج مايمديتس تكملين الموضوع الا خاتمينه بالكلمة الدارجة :D الله لايوفق ولا يسعد ولا يسامح ولا يحلل اللي تلعب pb036 وقسمن حتى لو بشتري شي تعوفه نفسي يختي ممكن اشوف لتس شي ومايجوز لي طيب ليه كذا تفكيركم

موضوعتس تحفة وهذي الفضاوة وماتسوي :Dbp039

MoshAna
18-10-2008, 02:26 AM
looooooooooooooooool


صح لسانك يابنت ..

تصدقين عاد انا احب اتفرج فقط عالبضايع يعني ادخل واحيانا اقول اشتري ماشتري

بس لا جيتي للجد ماراح اشتري وش يضمن لي يعني اشتري من وحده ماعندي عنها اي خلفيه ولا عرف مناه سوى انها نك نيم هنا ..

هذا غير عن مشاكل القياس هل بيطلع حلوو ..محلات ماركات لها اسمها ووزنها وعسانا نسلم ..

احيانا افكر اتهور اشتري شنط ..بس برضو اهون باللحظه الاخيره ..مدري ليش ؟!

عموما الموضوع ظريف خفيف يهبل مشكوور هحبيبتي طلعت وانا راسمه البسمه على محياي

قلق نفسي
18-10-2008, 02:49 AM
بعنوانك طلبتي المستحيل :d

قصيمي تحت المطر
18-10-2008, 02:54 AM
من زمان وانا اقول أن النصف الثاني لنا بدون مخ .. :d

مدمنة قهوه
18-10-2008, 04:03 AM
امس رقدت خمسه وثلاثين ساعه .. يحسبوني مت
لي يومين ماشفت اهلي .. بس اذكر ملامحهم واقدر اتعرف عليهم لو اشوفهم


نفس حآلتي
بس آنا 18 سآآعه :(
طآآح بدني من زوآج ولد عمتي :sm5:

آهم شئ الونآآسسسسه :D

,,

موضوعك بطل , اسمع الكل يتكلم فيه ,
بس عمري في حيآتي ما تطرقت له أو اطلعت عليه :D


لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

اعوووذ بالله :(
اكره دعايات البشرهـ والشعر بسبة هالنفآآآآآق الفآآآحشش :(
والنآآس يكسرون خآآطري :(


,,


لك bp039

د.محلل
18-10-2008, 04:21 AM
صادقه لكن مو الكل ..

سبق شريت عطور وحاجات ثانيه وكلها مثل ماوصفت لي ..

لكن مره شريت نظاره شمسيه .. قال تقليد ماركات وشبه الاصلي وهياط .. قلت نشوف .. شريت منه وحده ب100 ريال .. المهم دارت الايام ( بعد مرور شهرين :) ) كنت اتمشى في الثميري وحصلت محلات تبيع بالجمله وحصلت نفس النظاره الدرزن حقها بمية ريال :)

حنا مناقول لاتتكسب .. لكن خلك في حدود المعقول .. مو تبيعني قطعه بسعر درزن ..!

وبعد ثالث لبسه انكسرت :(



وبالنسبه للبنات .. انا ماادري شلون تخاطرون بانفسكم بالخلطات والخرابيط الي ماتدرون وش مصدرها .. خلطة تسمين وخلطة تنحيف وتعديل خشم وغمازات و...الخ

شون اكل شي مادري وش مكوناته ؟ او احطه على بشرتي ؟؟

لابوها سمنه ولانحف بتجيب لي مصايب مالها اول ولا اخر ..

خلو كل شي طبيعي .. واشترو سلامتكم ..

وحقين بدايه تابعتها مره .. تحف فنيه الشات حقهم .. كل ماضاق صدري فتحتها :)

احآسيس ملحوسهـ
18-10-2008, 04:54 AM
ههههههههههه قصم صادقه موب صاحين الحريم على كل من هب ودب ببيع واتااجر

تلقاها وصلت لاعراض بيتهااا بتبيعهااا من زود البزنس

اما ساله الحريم ورجالهم

فايقولون العقل نعمه

من جد موب دااري عن ابو اللي جابوها

اما سالفه شغالتكم

فا جايها عدوى من شغلات هالايام

عيون أبوها
18-10-2008, 04:56 AM
والله العنوان لحاله معبر....صادقة والله ياليت يتركون عنهم البربسة ...لأنها تسوي تعفن بالمخ ...من كثر ما الواحد يلتفت لهالسخافات ...من جد أنا أؤيدك أختي في رسالتك ...ياحريم اتركوا البربسة pb153
شكرا( مدري ووووش أبي) عالموضوع المفيد bp039

هو منتهى الحب
18-10-2008, 05:02 AM
موضوعك في محله وفعلا فيه زي كذه يرفعون ظغطي ولا عاد المتسوقات من النت ليه قلت الأسواق عندنا ياالله كول واحد ينام عل القنب اللي يريحو<<<<قامت ترقع
مني لكbp039bp039bp039bp039bp039bp039bp039bp039bp039<<<بسسسسس ما نعطى وجه واللهpb094

هو منتهى الحب
18-10-2008, 05:13 AM
من زمان وانا اقول أن النصف الثاني لنا بدون مخ ..
عرفت المثل اللي يقول رزق الهبل عالمجانين !!!!!

خفوق
18-10-2008, 10:28 AM
هذولا ينطبق عليهم المثل المصري الي يقول

رزق الهبل ع المجانين

مايشتري منهم الا الي اتفه منهم

ولا العاقل مايطير ورى كل شي ينمدح

بس اغلب مجتمعنا تسود فيهم روح القطيع

مع المصلين يصلون و مع المولين يولون يحبون التقليد و بس و ليه فلانه احسن مني

T F A S E E L
18-10-2008, 01:00 PM
. ثور مهب زوج

خخخخخخخخخخ ..
ألله يرج بليسك ..
والله إنتِ صادقة ..
بضاعتهم زلابه ..:d

لاهنتِ

مصقوعه بقدر
18-10-2008, 01:03 PM
وين بوه ذا اللي يبيعونوه:D
لله الحمد والشكر والمنه<<قامت تصلي ركعتين
لابجد الحمدالله ماشفت ولامريت على هالاشكال بالنت بس المصيبه
اللي شفتها باحدى القنوات انقلب شاتها بسطه حريم تبيع خلاقينها وشغالتها pb036
والله اقول بيجي يوم اشوفها تحرج على زوجها تبيعه ماشاء الله كلش للبيع
خلطات من ابو خرطي خاصه لاقالت عندي خلطه تخليك نجفه :D
ياشيخه طيري والله لو بيدك عصا سحريه والا لاقيه مبزره تصدقك
مع اني اشك في بعض العقليات سهل تهكين عليهم


اعلاااااااااااااااااان عن بيع هامpb036pb189
عندي قميص محبب له من السنين والدنين محبوس عندي
وجاا ليوم اللي بعتق رقبته وبنزله للبيع:( بنات اللي تبيه تقولي والوعد عند المحطه:D

لابجد اللي اشوفه ببعض القنوات البيع صار سهل والخرطي اسهل واسهل
والناس ماتصدق خبر
ووعلى طاري لميس ومهند قريح اللي مقومين السوق على رجل وحده
تقول زوجة اخوي فيه محل شاورما كبر القوطي
لو يعطيني شاورما بلاش سطرته بكف تدرون ليش؟؟
مو عايف نفسه حاط لوحه وكاتب فيها لاتفوتكم شاورما لميس ومهند
وحاطين صورهم على باب المحل!!!!!!!!!!!!!!pb036
حتى اللحم والدجاج ماسلمت من لميس ومهند :confused:
دام لميس وصلت للشاورما اجل لاتستبعدون
نحصل قريبا في الاسواق فول ومرقوق مهند:Dpb189

بقوه ثانكسpb189

LUXE
18-10-2008, 01:38 PM
خخخخخخخخخ


لا والا ما شفتو قناة حواء استفحلت حالتهم pb093





شغالتنا ماسوت غدا .. وش رايكم نسفرها




اكرههم اكرههم الى بكره pb093

بري حالــي
18-10-2008, 02:37 PM
مخرج سري :
شغالتنا ماسوت غدا .. وش رايكم نسفرها ؟


مب شغلتها الطبخ pb034

شوفي وانا اختس التجاره اللي عن طريق النت انحطت للضعيفات اللي عندهم اخوان من شاكلة هالشخص pb093 شوفي واحكميpb192

http://www.youtube.com/watch?v=qoYKJcoN13E


لومالها زباينها ماشفتي المنافسه عليها وهذا اللي خلاهم يبطرون وينصبون..

انا ما اتوقع بلجأ لها الا اذا شفت شي مميز حييييييل ومو متوفر عندنا ومن موقع تسويق والا التاجرات مالي نيه اربحهم:D ..

يعطيك العافيه bp039

تورتيلا
18-10-2008, 02:55 PM
خخخخخخخخخ
ضحكتيني وانا مالي خلق

الله يعطيك العافيه

Sayonara
18-10-2008, 04:37 PM
المشكلة اذا جت وحدة تبيع اغراضها المستعملة :mad:
تلقينها كارفتها ويوم ملت منها قالت خل العب على هالحريم pb095
ولا فتحت دولابها وطلعت خلاقينها اللي ما تبيها
لاااااااااا وتبي تبعيها باكثر من نص قيمتها ..
مثلا الفستان 150 وتبيعه 145 وياليتها ماركة ولا شيء يسوى pb058
الا من مانغو وايتام وخلافه ... والله اروح اشتريها جديدة انظف عقب ما عرقت فيها
والادهى والامر اذا جت تبيع ملاعق وشوك ولا قلاية واثاث متكسر تبي تبيعه
والله اني شايفة طاولة تلفزيون مقشعه تبي تبيعها ..

ياحريم اتركن البربسة ..

ويعطيك الف عافية على هيك موضوع bp039 pb189

.:"Z.a.7.f.H":.
18-10-2008, 05:01 PM
يااختي عليك اسلوووووووووووووبpb027
فاااااااااااصلة من جد

شكلك ماخذه لك لفة على عالم حواء وحامت كبدك من اللي شفتيهpb101
بصراحه ماالومك:rolleyes:
ودك تقرين وصف البضاعه ولاتشوفينها من زود النصب
انا بس بفهم..مين الهبلا البقرة اللي تشتري منهمpb034

سيري دايما هنا واتحفينا بمواضيعكbp039

حلم المدينه
18-10-2008, 06:52 PM
شكل موضوعك كماله للموضوع اللي قبل يامصل منتديات الحريم pb027pb027pb027
ياحبيلس والله انك تجنين ومن كثر ماحبيتك رسمت لك صوره بذهني:sm5:

فديتكpb189

مزلبك
18-10-2008, 08:04 PM
مب شغلتها الطبخ pb034

شوفي وانا اختس التجاره اللي عن طريق النت انحطت للضعيفات اللي عندهم اخوان من شاكلة هالشخص pb093 شوفي واحكميpb192

http://www.youtube.com/watch?v=qoYKJcoN13E


لومالها زباينها ماشفتي المنافسه عليها وهذا اللي خلاهم يبطرون وينصبون..

انا ما اتوقع بلجأ لها الا اذا شفت شي مميز حييييييل ومو متوفر عندنا ومن موقع تسويق والا التاجرات مالي نيه اربحهم:D ..

يعطيك العافيه bp039



وش دخل ذا المقطعpb027

تعرفين البنت تتكلم عن ايشpb027

ياخي بعض الناس توهيم يطيحون youtube ويجيك مدرعم ينزل رابط فيديو توهـ شايفه ويدخله غصب بالموضوعpb027

الله يصلح حال الأمه بسpb027

Amicable
18-10-2008, 08:24 PM
عزيزتي المدرسه ...

دفتر تحضير سحري يخلي مديرتك راضيه عليك مع كتاب طبخ باللغه الأندنوسيه :d

ولا سمبوسه مثلجه اللحمه الله واعلم من وين والنظافه الله واعلم وبأسعار ميب صاحيه واخرتها الحريم يقصن على رجالهن انهن هم مسوياتها اصحوا يارجال الأرض حريمكم لاعبين عليكم

وماجاب خبر هالضعيفه اللي لها اسبوع تدهر عشان هالليلة السحرية

ههههههههههههههههه من جد

لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

لبياض طبيعي كما السوريات عزيزتي الفتاه والزوجه بودره فعاله بمكونات الله واعلم وشي :d


جبتيها ياشيخه ياكثر الحريم اللي كذا اتركن عنكن الخمبقه وكل وحده تفتح كتب بزرانها وتدرسهم

miss najool
18-10-2008, 08:49 PM
بــتــس فتق في راستس اوب طبيعي ..

خنطرير طرحتس ..

احساس حنون
18-10-2008, 10:42 PM
ههههههههههههههههههههههههههههههههههههههههههههه

موووضووع ولا احلى << اسلووبك خطير يابـــت :)

@Roma@
18-10-2008, 10:51 PM
pb189صرررررررررراحه موضوعك بطل

انا صراحه فيني تكه من هالحريم اللي بالمنتديات ولا يهوونون حق قناة بدايه
الحين الكنتروول حق بدايه ماتحووم كبدوهم من هرج الحريم الماصخ
اللي تقوول الدورة منقطعه عني ووش تتوقعوون
غصب تبيهم يقووولون مبرررك انتي حامل
ولا اللي تقوول زوجي مايصلي وش اسوووي
لا وكله كوووووووووووووووم اللي تقوول
وشو دعاء العرس هذي ودي صرااحه ...................... ولا بلاشpb093


عاد امس وحده كاتبه تكفوون ولدي فيه حراره وش اسوي
ياختي اسألي امك
ماعندك ام
اسئلي خالتك
خالتك ميته
اسئلي ابوكم
pb131


صرااااااااااااااااااااااحه حريم بدايه حوومتو كبودنا
الحين مايدروون ان العالم العربي كله يقرى خراطهم
وش بيقوولوون الناس عن حرييمنا بسpb093pb093



( الا اقوول عندي لانجري يصفق ويرقص للي تبي على الخاص هههههه):sm12::sm12:

Memento Mori
18-10-2008, 11:02 PM
خخخخخ قد قلت لتس اني احبتس ؟؟ pb189:D

مشكلة الخلطات ذي مشكلة pb093 هالحريم المهبل مايدرن انه حتى عيادات البشرة لما تجي تسوي لك خلطة تسويها لك انتي على اساس المواد اللي يتقبلها جسمك واللي يتحسس منها وبمعايير دقيقة ومو كل احد نفس الشي ! pb036 مايدرون ان نص الخلطات حقات البساطات والعطارين مليانه زئبق ونصها مواد مسرطنة تجيب البلاوي للجسم !! :eek::eek:
اذا جابر موسى يقول انه زين الاتات نصاب وهو زين الأتات اللي له شركة وماركة تجارية تروحين لحرمة جاهله ولا عطار متخلف !! :eek::eek:
وبعدين وش ركب وأكواع وربي الحريم مهبل !! pb036 ركبتك او كوعك لونهم غامق استخدمي زيت زيتون مع ملح خشن وحطيه عليهم لفترة معينة وافركيهم كم من مرة بالاسبوع كذا تفتحين منهم شوي ولايضيق صدرك ولا شي كل واحد كوعته وركبه زي لون بشرته pb034 حتى لو قشرتيهم ولو قلتي بهم تراهم بيرجعون pb034 شوفي بيونسي وتايرا ونعومي كامبل وكل ابوهم الممثلات السمر المشاهير كوعتهم وركبهم سود وهم 24 ساعه تحللس وتمللس ! pb034 لانه لون بشرتهم كذا لاتشوفين اللي من العرق القوقازي - الشرق اسويين - الهسبانيك
لانه طبيعة جلودهم كذا ربي خلقهم + جوهم يساعد pb131 >> علميا غالب مشاكل البشرة من الجو وحنا جونا اللهم لا اعتراض غبار وحر وجفاف وش تبين الالوان تصير ! pb093
التركيات والايرانيات لو جن عندنا اعتلدزن :D يحمدن ربهن ع الربيع اللي هن عايشاتن بوه بس pb034 ..
ولو بتحطين شي على وجهك حطي من الحاجات الطبيعية يالله من فضلك pb030 مافي ترى زي الثلج لتقفيل المسامات - الخيار لاثار الارهاق - العسل والشوفان للنضارة - الزبادي احسن سكرب للوجه pb034
اذا صوفيا لورين بجلاله قدره تقول انا عمري ماكبيت شي اي فاكهة او خضار احطها على وجهي وتعطيني احسن نتيجه pb030 >> طبعا صوفيا لورين تخقق بدون شي بس يعني الشيء بالشيء يذكر .. :D
ولو عندك مشاكل ببشرتك روحي طبيب مختص يشوف وش تعانين منه يمكن يكون ارهاق او سوء بالتغذية او فقر دم او مرض ماتدرين عنه لاسمح الله لاتدربين دميجتك عند الحريم الجهله ولا تفتحين قناة زي البدايه ! pb093
>> مرة حرمة مرسلة مسج عيوني متحسسة ومحمررة وزواجي مدري كم باقي عليه وش تنصحوني اسوي ؟ pb036
بغيت اقول قطري بخل pb034 >> مجرمه :D
لابجد يعني ياكمخه مايبي لها مطوع روحي الدكتور قبل لاتعطيك وحدة وصفة تطيحهم بيدينك pb093!!

والحديث يطول يمكن لي باتس pb024
لتس bp039bp039bp039bp039

yes .!
18-10-2008, 11:35 PM
:sm12:


الحمدلله مو بس انا نومي ملخبط pb034


المهم نجي لزبدة الموضوع والله انك صادقه نصب قووي بس موب عيني عينك

لأنهم يلعبون عليك من ورا الشاشات <<< :D

مره شريت منهم شنطه لوي فيتون بس موب الاصليه مره بـ1500 << pb093

مافرقت أبد عن خرابيط المرقاب لعبوا علي حسبي الله عليهم

اول واخر مره اشتري من النت ما كثر الله غير اسواقنا الله يخليهم pb189


يعطيك العافيه bp039


برايفت : ليش تسفرون الشغاله وانتي وش وراك بعد النوم يتطاير من راسك الشرهه عليك انتي موب عليها pb027

صِـبـا
19-10-2008, 12:17 AM
موضوع :sm5: أصلا ً اسلوبك جد فاااصـل pb027 ..

أنا مايبط كبدي ويقهرني الا الحريم حقون بداية :mad::mad::mad::mad:!

قمة في التخلف ! ياناس حرمة ياكبرها ماعندها عقل تجي تسأل أسئلة تااافهة جدا ً جدا ً جدا ً!
ولدي تعبان ايش اسوي له :mad:!
تعبانة وفيني ..... :mad: شيء يقرف :mad: ..
، ادعوا لي بالزواج تكفوووون الله يحفظ لكم اهلكم ويدخلكم الجنة يارب !
وجع مشافيح :mad: ..
وزواجي بعد شهر ابغى خلطة تنحفني :mad: ..
وكلة كوم والي تنشر غسيلها كوم :mad: زوجي ضربني زوجي نحرني زوجي ذبحني ووووو :mad: ..
زوجي خانني ووووووووو :mad: وجع ليش تكبين عشاك وتضحكين الخلق عليك !
روحي افرشي سجادتك وادعي ربك يفرج همك ودوري على حلول واقعية مو تجين تفضحين نفسك قدام الناس pb093 ، الي أصلا ً مابتقدم لك شئ مفيد !

يالله يهدي حريمنـا بس ..

bp039

Doot
19-10-2008, 02:14 AM
35 ساعه

يؤ يؤ يؤ ماشاء الله مشرووع دخوول كتااب جيينس الظااهر << لا عاد تنكتيين لو سمحتي pb093


مدري وش ابي انتي كذا ;)

والله انك صاادقه بصرااحه اغلب البضاايع

غلاء X خياس

بس ما صارت البضايع بالذوق هذا والاسعاار هااذي الا انهم ملاقين احد معطيهم وجه :mad:

- اللعب على الوتر الحساس لبنات السعودية :
لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

هههههههههههههههههههههههههههههههههههه

رهيييبه هالنقطه من جد حسساسه الكل يضحكووون عليه انا عن نفسي اشوف الركب السوده من علامات الجوده العالميه <<< ما يمدييك على التصرييفه

غناااتي موضووع اووب خطيير اخطططر من الخطيير

مشكوورهـ ماقصرتي pb189

Lancom
19-10-2008, 04:00 AM
خخخخخخخخخخخخخخخخخخـ

المشكله مهب بتجارتهم صحيح انه نصب X نصب ماوقفت عليهم يعني :rolleyes:

بس المشكله بطريقة التسويق الفاشله جداً جداً :D

مثال :

بناااااات الحقووووو كريم يبيض في 3 ايام pb036 لو انك قايله شهر ممكن تمشي على الناس بس 3 ايام قويه والله :D
اذا المضاد الحيوي وهو علاج لازم تاخذينه 5 ايام عشان تطيبين شلون كريم يبيض جلدك الاشهب pb036


الحقووووو يالمتزوجات ابهري بعلتس بليلة رومانسيه ولادخلتي تقلينه اونو بس مكتوب فيه كلام رومانسي على ماقالوا pb094
يعني هاللي كاتبته يسوونه قبل ماتجين انتي وانووك اللي صجيتنا فيه pb131


لمحبات الكوشخه شنط تهببببببببل تاخذ العقل تقليد الماركه درجة اولى ب2000 لاحظوا انه تقليد الماركه مهب الاصليه :D


لبشره تلق لق دوتس هالمقص ذا يخلي بشرتتس تلق وتشبه بشرة الاوروبيات والايرانيات ;) طيب هم بشرتهم الله خالقها كذا تهبل مهب من مقصك اللي بيخلي بشراتنا كذا زيهم pb131



ولا حقين القنوات والتشات عالم حواء وبدايه والطقه ذي ,,,,,,,,


بنااااااااات الله يزوجها اللي تقولي وش اسوي مع زوجي جالس بالصاله وزعلان .....pb036

طيب انتي اعرف مننا بشخصيته زوجك ووش اللي يرضيه ووش اللي مايرضيه تجين بتثرين الناس ليه pb131


بناااااااااات ادعو لي اتزوج ترا عمري 22 ولا تزوجت للحين كرر ياكوكو pb036
طيب اعصابك يالعانس تراك توك بزر :D


والا اللي تجي تقول تكفوون تكفوون عطوني طريقة الكيكه والله يزوج اللي بترد علي ..... طيب افرضي ان اللي ردت عليك متزوجه تتزوج مره ثانيه :D


يعني لا اسلوب ولا تسويق ولا حتى ادعيه زي الناس pb093


بس لا فضيت احط عليهم واوسع صدري واضحك عليهم :Dpb189

بري حالــي
19-10-2008, 04:45 PM
وش دخل ذا المقطعpb027

تعرفين البنت تتكلم عن ايشpb027

ياخي بعض الناس توهيم يطيحون Youtube ويجيك مدرعم ينزل رابط فيديو توهـ شايفه ويدخله غصب بالموضوعpb027

الله يصلح حال الأمه بسpb027


حااول تستوعب معي :d

نتكلم عن اللي كل مازاد عندها غرض قامت تتاجر فيه .. طيب لو نفكر ليش لاقت المسأله رواج وكثروا تاجرات النت لأنهم لقوا زباين:d

وشلون لقوا زباين:d ؟؟

هذا اللي قصدته بعض الحريم طلعاتهم للسوق بالحسره وتستسهل انها تشري من النت :d

فعشان نحد من انتشار هذه الظاهره لازم نقضي اولا على اشكال اللي بالمقطع اللي حطيته..

هذا مايمنع ان كلامك صحيح اني درعمت بالمقطع :d..
بس كيفي ردي واحط اللي ابيه :d..

بري حالــي
19-10-2008, 04:56 PM
خخخخخخخخخخخخخخخخخخـ

المشكله مهب بتجارتهم صحيح انه نصب X نصب ماوقفت عليهم يعني :rolleyes:

بس المشكله بطريقة التسويق الفاشله جداً جداً :D

مثال :

بناااااات الحقووووو كريم يبيض في 3 ايام pb036 لو انك قايله شهر ممكن تمشي على الناس بس 3 ايام قويه والله :D
اذا المضاد الحيوي وهو علاج لازم تاخذينه 5 ايام عشان تطيبين شلون كريم يبيض جلدك الاشهب pb036


الحقووووو يالمتزوجات ابهري بعلتس بليلة رومانسيه ولادخلتي تقلينه اونو بس مكتوب فيه كلام رومانسي على ماقالوا pb094
يعني هاللي كاتبته يسوونه قبل ماتجين انتي وانووك اللي صجيتنا فيه pb131


لمحبات الكوشخه شنط تهببببببببل تاخذ العقل تقليد الماركه درجة اولى ب2000 لاحظوا انه تقليد الماركه مهب الاصليه :D


لبشره تلق لق دوتس هالمقص ذا يخلي بشرتتس تلق وتشبه بشرة الاوروبيات والايرانيات ;) طيب هم بشرتهم الله خالقها كذا تهبل مهب من مقصك اللي بيخلي بشراتنا كذا زيهم pb131



ولا حقين القنوات والتشات عالم حواء وبدايه والطقه ذي ,,,,,,,,


بنااااااااات الله يزوجها اللي تقولي وش اسوي مع زوجي جالس بالصاله وزعلان .....pb036

طيب انتي اعرف مننا بشخصيته زوجك ووش اللي يرضيه ووش اللي مايرضيه تجين بتثرين الناس ليه pb131


بناااااااااات ادعو لي اتزوج ترا عمري 22 ولا تزوجت للحين كرر ياكوكو pb036
طيب اعصابك يالعانس تراك توك بزر :D


والا اللي تجي تقول تكفوون تكفوون عطوني طريقة الكيكه والله يزوج اللي بترد علي ..... طيب افرضي ان اللي ردت عليك متزوجه تتزوج مره ثانيه :D


يعني لا اسلوب ولا تسويق ولا حتى ادعيه زي الناس pb093


بس لا فضيت احط عليهم واوسع صدري واضحك عليهم :Dpb189

هههههههههههههههه جبتيها صارت فرجه استغفر الله

انا يصدموووني حيل اللي تحط تاريخ مدري وشو :confused: و تسأل متى اولد ياحريم pb036

والا اللي تقول الحقوا علي ياذكيات الشات زوجي قافل جواله برقم سري وفتحته كيف ارجع اقفله pb027

So Bnt
19-10-2008, 06:38 PM
:d
:d
:d
واااااوه انا اكره التسويق عن طريق العنترنت يرفع ضغطي جدن:d

طسّي السوق وتقضي :)

ضحكتيني مدري (امممططططخ)

براسي موال
20-10-2008, 07:40 AM
4- اللعب على الوتر الحساس لبنات السعودية :
لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره

LooooooooooooooooooooooooooooL
pb027pb027pb027

لهدرجـه صـآرتْ اليونسكـو بينظـرونْ لأمـره :D:D
الله يسعدكْ موتيني ضحكْ ع هالصبحيـه :sm3:bp039bp039



مخرج سري :
شغالتنا ماسوت غدا .. وش رايكم نسفرها ؟

لآااااء حرااام عليكمْ pb094pb094
آعطوهـآ فرصْ pb094pb095
الأنسـآن بعد كمْ من فرصـه يصير آحسـنْ من الأبداع نفسه pb094pb027

Lancom
20-10-2008, 07:54 AM
هههههههههههههههه جبتيها صارت فرجه استغفر الله

انا يصدموووني حيل اللي تحط تاريخ مدري وشو و تسأل متى اولد ياحريم

والا اللي تقول الحقوا علي ياذكيات الشات زوجي قافل جواله برقم سري وفتحته كيف ارجع اقفله

:D

يقهروووووون بعد زي ماقلتي انها تسألهم عن ولادتها متى ؟؟pb036 اذا الدكتوره وهي الدكتوره ودارسه وفاهمه ماتعرف بالضبط متى ,,,,, تروحين تسألين هذولي اللي يمكن الوحده اعلى شهاده اخذتها الثانويه وتجي تهايط عليهمpb131


وكل سواليفهم على الفاضي ياطبخ ولا عيالهم ولا عرس ولا ازواجهم ولا بيع ........

لدرجة بعض الاحيان اتفشل اخاف اذا قرأوها الاجانب بيقولون وبس وهذي اهتمامات المرأه السعوديه طبخ ونفخ وبزران ورجل وين الحقوق اللي يطالبون فيها بكل مكان pb093

مهاجرهـ
20-10-2008, 10:39 AM
والا اللي تحلف ان اللي ماجربت (..............) ماتزوجت
هههههههههههههههاي يعني اللي متزوجه ترى مهيب متزوجه
لنها ماجربت ذاك اللي يقولون عليه:d

ziz00o00
20-10-2008, 12:29 PM
انا عندي مشكلة مع النوم . مو مشكلة ارق ولا شيء مشكلة إني ما غير نائم :(
حتى إنه خلصت الاحلام عندي . صرت احلم إني في فراغ :( .. ما علينا نجي للموضوع ,

سالفة اسواق النت اسمع عنها وعن الدخل الي يجي من وراها ..
بصراحه كان همي الدخل المادي بس :D وقلت ياولد يبي لك فكرة معينه وكم اعلان على الطائر واخسر في البداية مو مشكلة بس بتكسب لأن شعبنا شعب يشتري لو قلت له هذا الغرض بـ 999 ما عنده مشكله يشتريه يحسبه اقل من الالف ريال :D << صارت لي ذات مره :(

- غلاء الاسعار الفاحش البذيء:
هذي تنفع لـ 999 ريال على شباصه ولا على اكسسورات ولا ثيمات جوال ولا نغمات ما تسوى
( من طقت . بابا فين ) , وتدخل من وراء الفكرة ذهب :sm5: <- استأذنت من صحن حول الفيس:D

- اللعب على الوتر الحساس لمعشر حريم السعودية
لا كشخه تستاهل ولا زوج يستاهل بعد , ذي تتعب وتكشخ من جهة وتصرف لمن يخلص رابتها ولا تستلف حتى من زوجها وابو الشباب تاكي في الاستراحه ولا طالع لكافي شوب ويجي تالي الليل ما همه إلا إنه يحط راسه .. ويختلفون بعد فتره ولا يتألفون , هذا يقول لها ما غير تصرفين في ذا الفلوس وهي ترد عليه وينك ما اشوفك ولا تعطيني ويطلقون في الاخير !!
والسبب هالاعلان التجاري :D <- اجل شكلي بشوف لي شغله ثانيه :(

شغالتنا ماسوت غدا pb051 .. وش رايكم نسفرها ؟
بل يسفرونك انتي pb071 , شغاله تسوي غدا وانتي وينك عن البيت ؟! فالحه تتصلين على الاتصالات وتهبلين فيهم ولا نائمه وتحلمين << متعقد من سالفة الحلم :(

مدري وش تبين , منوره هالحتهbp039
وننتظر الغدا تسوينه انتي :D .. اقصد ننتظر جديدك ,

مس.سلاف
20-10-2008, 06:24 PM
يااحليك بس ..,

موتنيني من الضحك ..,

رَوّنق
20-10-2008, 08:21 PM
هههههههه ..
الله من حومة التسبد بهالطقه ..
والله يابعضهم فيهم نصب ولعب على شلة من الحريم المخفآت ..
تجيك الوحده ضايقه فيها الدنيا وتبي اي شي ينحفها يشيل سواد الركبه وتلقى هاللي تبيع وتدبل السعر ..
وتلعب عليهآ ..
وتراني شاريته مدري من وين .. يعني حاجات فخمه افهمي ..
وكله كوم واللي ماتجيك جاده وتلعب عليها شوي وتنتحر هاللي تبيع ..
لكن انا ابي أعرف خرابيطهم وين يلقونها مثل .. اللمبة السحريه .. عصا الزوجيه :D هم يصنعونها
ع كثر ما اروح للسوق ما مرت علي ..:D
بصرآحتن أحلى متاجره شفتها واحس انها صدق ..
مثلاً وحده من البنات مبدعه بالرسم .. يعني رسمها روعه مره ..
تستغل موهبتها وترسم ع التيشيرتات وتبدع .. وتبيع .. هذي تستاهل لانها تعبت فيهآ ..
أمآ البآقي استغفر الله بس : )
يآ يتاجرون زي الناس وبضاعتن حلوه ولا يتركون عنهم المطرسه pb071

شظايا أنثى
21-10-2008, 03:37 AM
.. ثلج ملون يخلي زوجك مايناظر غيرك لين يموت
هذي بصراحة مت ضحكpb027pb027..

وماجاب خبر هالضعيفه اللي لها اسبوع تدهر عشان هالليلة السحرية
اي والله صااااااااادقة..pb093pb036pb131:mad::eek:<<لاول مرة احس اني بزر هع

4- اللعب على الوتر الحساس لبنات السعودية :
لبشرة موردة مثل الايرانيات < الله خالقهن تسذا .. لشعر مثل زينب العسكري .. وداعا لسواد الركبتين والاكواع .. < هالموضوع تسرب من النت ووصل للقنوات الفضائيه والحين اليونسكو يبي ينظرون بأمره
اي والله ياكثرهن في النهااية انواااااااع الاثار الجانبية والخمقة الي بتطلع لك مؤخرا<<ترى تحسرت الى ماطلعت معاي موخرا..pb093pb093

بس بصراااحة فيه اشياء صادقة فيها وفيه اشياء لا والله<<احس بيجيني كف:D

قــوت الـقـلوب
21-10-2008, 04:03 AM
ااما النوم معك حق كل بيتنا شفتات مايطبون علينا الحراميه ابد
24 ساعه فيه احد صاحي

والمشكله كلنا دوامات مافيه احد عطالي بطالي فينا >>>> ماشاء الله علينا

ههههههههههههههههه

المهم اما بربسه الحريم كثر منها

انا اامي تقولي دايم بزوجك ياصيدلي ياراعي عطاره وانا محتاره مدري ايهم اخذ كلهم عندهم خرابيط تصلح لي

قسم بالله سجلت في منتدى الفراشه عرفتوه ذاك المنتدى اللي من شروطه انك تحلف انك بنت مو ولد
اما عليهم شرط جهنمي

والحريم

قسم فقط للمتزوجات وقسم للي على وشك وقسم للمطلقات وقسم للبنوتات الحلوات اللي كلهم ادعوا لي اتزوج
ابي شعري يطول

ابي اصير بيضا

ابي شعري ناعم

ومن هالحتسي

وبائعات النت يعني ماادري مافهمتهم هم اكيد انهم يرربحون ويكسبون بس صراحه احيانا احس بضاعتهم رخيصه مره مع اني مااحس انها رديئة واحيانا احسها طاقه للسما

وبعدين فيه اشياء يبيعونها موجوده بالسوق و شالفايده مادري
مثل مكياج وخرابيط

اما تصاميمهم اللي يسونها ابد ماتعجبني بس على قولتهم تميزي محد يصير مثلك

والله حاله


بس ترى تجيني حالات ادهر في عمري

عشان كذا امي تدور لي راعي عطاره

ومستحيل اروح السوق ماامر الصيدليه اشتري مبيض اسنان ولا ااشتري صبغه ولا ااشتري مبرد ولا ااشتري خرابيط اخرى

وش اسوي من عاشر القوم

ايه صح وعلى طاري الليله الرمانسيه اللي كل وحده منزله وش سوت وكل كلمه والثانيه كاتبه اذكروا الله

وينصحونها البنات شيلي الصور خافي من عيون الناس على مفرش وكم ورده وكم شمعه

وبيني وبينكم يجيني فضول اعرف ردات فعل ازواجهم يخقون ولا من جنبها



اهنيك جدا جدا على اسلوبك مره حلو

وبالنسبه للشغاله سفروها ولا تدرون جيبوها لنا وحنا نسفرها انتم جيبوها ووماعليكم

:)

ورانا عمار
21-10-2008, 04:23 AM
pb189pb189مدري ووش ابيpb189pb189
احبتس يامره
انا ودي اعرف ليش عندنا يالسعوديات عقدت البياض
وتاجرات النت مستغلين نقطت ضعفنا وكل يوم اعلان عن كريم يبيض وابره تفتح والطلب عليها بالهبل مادري وين عقول هالحريمpb131

بو سطام
21-10-2008, 10:49 AM
وربي أنك مولية
فطست ضحك

لحظة لقا
21-10-2008, 12:16 PM
الزبده اني مدري ووووش أبي pb051
لايزعلون مني تاجرات النت .. بضاعتكم زينه وتهبل ومافيه منها الا بالسوق السودا pb051



ياملحك pb027وملح سوالفك :sm5:

متشكره ياأختي على الموضوع الرهيب pb034

طفشـ girl ـآنه
21-10-2008, 12:21 PM
- اللعب على الوتر الحساس لمعشر حريم السعودية :
اكشخي لزوجك .. عيشي الف ليلة وليلة مع ابوالشباب .. مفرش سرير يرجعك لاول ليلة زواج .. ثلج ملون يخلي زوجك مايناظر غيرك لين يموت .. فاجئيءءء زوجك بشموع وليلة سحريه < هالليلة السحرية جذبتني ودخلت الموضوع

طلع كلش احمر باحمر .. المفرش والستاير والورد المجفف .. ثور مهب زوج
وتلقى ابوالشباب زوج الست ساهر بالاستراحة يقلب القنوات
وماجاب خبر هالضعيفه اللي لها اسبوع تدهر عشان هالليلة السحرية


ههههههههههههههههههههها والله انك صادقه
هالحريم لو بيدهم يوصلون للقمر ويرجعون باليوم خمس مرات عشان هالزوج وهالليله الحمراء ما قصروا راحوا
بس عجبني المفرش اللي يرجعهم ليلة زواجهم تهقين وشو pb034

عبري عن حبك لزوجك بالايطارات الملونه pb036 ودخلت وشفت هالاطارات برواز صوره وفيه احبك بالاضاءه pb093 تحوووووم الكبد

كوني له فراشه في ليلة خاصه
والضعيفه صارت له فراشه بس مااااااااا تسوى عليها من ليله
بقولكم قصة وحده قايلتها لي اختي قاريتها في منتدى < اميييينه في النقل لان حقوق الطبع محفوظه
تقول الله يسلمكم فيه بنت متزوجه وتدخل منتديات كوني لزوجك وكوني لزوجك
وكانت وحده تبيع كتاب عن فن الليالي الزوجيه وكيف تتمتعي بزوجك ؟ pb094pb094
طبعا طلبته منها و كان من ضمنه ليلة الارنوبه :eek: ليلة الفراشه :eek: ليلة السحليه :D لا لا امزح مافيه سحليه
المهممم البنت سوت ليلة الفراشه
جابت لبس فراشه وغيرت ديكو الغرفه < الله يعظم اجر رجلتس بس
واتت الليله الموعوده
لبست لبس الفراشه و سوت جو ببخار ملون وسكرت اللمبات وجلبت ورود وخرابيط
دقت على رجلها وقالت اذا دخلت البيت دق علي لا تجلس عند اهلك ارقى الغرفه < يا حياة الشقى تدهر وساكنه عند حموله بعد
طبعا البخار طلع من تحت الباب
وابو زوجها كان راقي لغرفته شاف البخار وصرررررررررررررررخ للي تحت تعالوا في حريقه
وفتح الباب وقامت الهبلا تغني غنيه عن الفراشه وتحرك يدينها وتدلع pb094
شافته واررررتاعت تفشللللللت pb036
وابو رجلها استحى ورجع لهم بالدرج قال لا لا مافيه شي فلان رح لزوجتك شكلها تحتريك
لووووووووووووووووووووووووووول الله لاا يحطنا بهالموقف بس
هذي اللي تتميلح :D


والا اللي تحلف ان اللي ماجربت (..............) ماتزوجت
هههههههههههههههاي يعني اللي متزوجه ترى مهيب متزوجه
لنها ماجربت ذاك اللي يقولون عليه:d
وشو :confused: