PDA

عرض كامل الموضوع : طلب : محل تلميع بالرياض


بدون تعليق!
23-06-2008, 06:04 AM
كامري اسود

بس فيه مشكله يا اخوان:sm18:


عندي ترميل وخشونه بالبويه ... كبوت وصدام ورفرف

الترميل نقاط بيضاء صغييييره مدري هي انحكت البويه كلها ولا لا ..؟

الصدام من تحت تحس لونه باااااهت

الكبوت فيه خشووونه تقدر تقول وسط وترميل بسيط عباره عن نقط بيضاء


انا بسوي للموتر تلميع كاااامل مع الانوار طبعا


بس افضل محل تلميع يا اخوان .. ابي شغل دسم لو ب 1500 ماعندي مانع

بس يضمن لي شغله ... وترجع السياره بويتها زي الوكاااله ..


ياليت تدلونا .. لاني رحت للمحلات اللي عند المعارض .. كلهم سواريه
انا اخاف من هالجنسيه صراحه لانه انصب علي اكثر من مره ايام الكامري 2002
والفورد 2005 ..

يقولك ايه يروح وياخذ منك 500 ريال واخرتها تتحسف مافيه فرق

ابي محل حق سيارات فخمه وعماله فلبينيه وممتاز شغله

ياليت تدلوني .. لو برى الرياض ماعندي مشكله اسافر ..


شكرا لكم

ترى يوم اقول ب 1500 ترى انصب :sm12:.. بس كنت اقصد يعني شغل زين pb192

K E M O
23-06-2008, 06:56 AM
التلميع الساطع بالملك عبدالله حلوين

ترنج ولادي
23-06-2008, 07:15 AM
شف عندك واحد بالعروبه وانت واقف عند الاشاره على يمينك المملكه ويسارك العليا مول وخلفك طريق الملك فهد رح سيده اللين تجيك محطه على اليمين فيها التلميع الساطع يمدحونه والسيارات الي فيه فخمه

وعندك برضوا الي بشارع التخصصي قبال مدارس دار السلام وانت جاي من كوبري اليورمارشيه واليورمارشيه على يسارك اتجه سيده كنك رايح لتقاطع الملك عبدالله تلقاه على يسارك بتجيك حفريات ديور معاه ويجيك على اليمين
<<<عليك توصيف
انشاءالله وضح الوصف
عوافي حبيب قلبي:)

da KHALED
23-06-2008, 01:29 PM
التلميع الساطع بالملك عبدالله حلوين

هذا جربته داخلي واعجبني .. لكن خارجي مدري عنه .. الناس تمدحه بس انا ما جربته

فيرناندو خوزيه
23-06-2008, 01:45 PM
عندك مركز Lazer على طريق خريص .. شغلهم ممتاز وترجع لك وكالة .. بس عيبهم ما فيه تسعيره ثابته .. يعطيك سعر بعد معاينة السيارة .. أنا صكني بـ 1200 .. بس بصراحة يستاهل ..

ملك الرجه
23-06-2008, 03:39 PM
هلا اخوي مثل ماقال لك اخوي فيرناندو
عندك ليز اللي بطريق خريص افضل محل تلميع بس اسعاره غاليه شوي
والسبب يرجع ان جميع مواده اصليه
واللي دلني عليه صاحب محل تلميع اعرفه قالي هو افضل محل
بالتوفيق اخوي
تقبل تحياتي

حمد 88
30-06-2008, 02:41 AM
الي مجربه عند الزول علي محل التلميع الساطع الي بالتخصصي بعد شركة المملكة تلقاه يمينك والله يوفقك

بيض بالليمون
30-06-2008, 03:35 AM
ليزر اللي في طريق خريص قبل المعارض
عطاني 1.000 لـ الـ لكزس
بس ترا ما على شغلهم كلام انا مجرب التلميع الساطع اللي بطريق الملك عبدالله شغله مثل وجهه

معلومه ما اكشتفها إلا قريب :(
التلميع الساطع مو كل المحلات مثل بعض يعني اسم على اسم بس :(
مثلاُ اللي في العروبه ما يقارن بـ فرع الملك عبدالله ابداً واحد راقي و واحد مأخذ هيبه و سمعه بسبب الـ لوحه بس :)

انا ما قهرني إلا سالفة الشهادهـ و التلميع الماسي

بدون تعليق!
30-06-2008, 05:47 AM
السلام عليكم


ابشركم ..

لمعت الموتر عند التلميع الساطع بالف ريال خارجي وداخلي ..<< بينشق وجهي من الفرحه !

صراحه ماكنت اتوقع بيبقى اثار بس الحمد لله .. الترميل اكل وجه الموتر وراح بنسبة 60 بالميه من اسفل الصدام

اسعارهم ..

600 داخلي
1000 كامل

طبعا بفصل برقع للموتر .. مشكله الاسود ياخوان حساس لو داخل المدينة ؟

بما اني راعي سرعه يعني اقل شئ امشي بخريص 140 .. والدائري الشمالي شئ ثاني !!

بالنسبه للتلميع الساطع .. انا سمعت انه يبيع اسمه على المحلات ......!
الله يوفقكم ..