PDA

عرض كامل الموضوع : منطق البنات في صورهم في الفيس بوك


أخت يونس
20-06-2008, 09:00 PM
منطق البنات في صورهم في الفيس بوك ..

1- فيه بنات عندهم منطق غبي..تقول انا اصلا كذا شكلي وانا مسافرة برا ..عادي مااتحجب ولا شي..وهذا لبسي..فيعني وش تفرق اني احط صوري في الفيس بوك .. عاد هذا المنطق مطلعينه بعض الشبابpb184 ..عشان يلعبون عالبنات ..قبل الفيس بوك .من ايام الماسنجر (حسيت اني اقول من ايام البيجر) يقول الولد للبنت ..الحين مو انتي اذا سافرتي تكشفين ..طيب عادي وريني صورتك..زي اي واحد يشوفك برا ..فأنتي عزيزتي البنت لا تصيرين بقرة وتقولين اي والله صح صادقpb036..او تقولين اي والله بما اني كذا شكلي برا..وش يمنع احط صوري فيس بوك زي كل البنات (طبعا لازم الجمع تتخيل انه كل بنات العالم حاطين صورهم مابقي الا هي مسكينة محرومة من الغزل والترزز لووول).. شوفي اذا بتعرفين هل معاك حق وهل منطقك صح ..اسألي نفسك هل انتي عادي عندك يدرون اهلك انك حاطة صورك في الفيس بوك ؟ او موريتها فلان وعلان ؟ pb093..هل انتي ممكن تجلسين مع ناس اول مرة تعرفينهم وتعترفين انك حاطة صورك عادي ؟ غالبا لا.. ..(عن النواس بن سمعان رضي الله عنه عن النبي صلى الله عليه وسلم قال" البر حسن الخلق و الإثم ما حاك في نفسك وكرهت أن يطلع عليه الناس " رواه مسلم .....) وبما انك ماتتجرأين تعترفين انك حاطة صورك لا عندك اهلك ولا عند عامة الناس..وماتبين احد يدري ..معناته فعلا أثم ..غللللللطpb056.. حبيبتي الغلط واضح ..لا يلعبون عليك أسوء الناس ..ولا تصيرين مع الخيل ياشقراء و بقرة ترعى في المرعىpb082<مدري من وين جبتها ..المهم توصل الفكرة.... خلاص حطوا صورهم البنات ..وبنات المدرسة و بنات الجامعة وفلانة و مدري مين ..وهذي يدها وذي خشمها وهذي نص وجهها و الثانية جسمها و عاد درجات في الجراءة .. حتى لو وانتي مسافرة كذا شكلك..بس قدام اهلك وراضين ..وطبيعي ..مو حاطه صوري وكل واحد يجي ويتأمل فيها..ويتغزل فيها..و احب هذا ولا ذاك ولا مدري مين ..وادخل نفسي بخرابيط مالها اول ولااخر :mad:

2- المنطق الثاني تجيك الفئة الثانية اللي اسوء من شلة اللي احنا كذا شكلنا واحنا مسافرين ..هذوليك عالاقل يمكن تحط صورتها بسن قلاسز وجينز و واقفة بشارع في اسبانيا وتقول ياي يابنات ياحلو هذيك الايام ويعني اسم انها طالعة بشكل طبيعي شوي وكل طموحها انها طالعة كلاس و كيوت:D ...ولو انه غلط و دلاخة ..ولا أهلها يرضون بناء على النظرية نمبر ون ..لكن ولكنننن تهوووووووون عند المنطق حق فئة 2..اللي تجيك ..تتفصخ وتصور ..ومرة تمد السيقان وتحوس بصنادلها و خلخال وبوديكر ومنكير وياما مدت اليد وياما مدت الساق وتدهر بالميك اب و مرة عين ومرة شفايف وتمد بوزها عشر متر يقالي شفايف هوت و فجأة بطن وبكرة صدر ووو ماتوفر شيء..ويالله عاد ركب الصور حتى تحصل على الشكل النهائي pb027لووووول (اللهم عافنا مما ابتليتهم) ..المهم هذول ايش منطقهم ..هو منطق طبيعي جداً وغريزي ..اللي هو تبي تغري وتبين انها فيها اشياء حلوة وتحصل على مدح وغزل و ترضي هالجانب الانثوي فيها..كل بنت ترى فيها هالجانب..وانا أولكم ..مرة يمتعنى المدح خصوصا لو جاء بأسلوب أحبه ..ياسلام ودي أوظف شركة كاملة فيها مليون موظف..ولا ألف ..مليون واجد ماادري وين احطهم فيه..وكل يوم يتغزلون فيني ويمدحوني و بعد ينكتون علي ويوسعون صدري بعد فقرة التدليع ..فهو شي طبيعي ..كل بنت تبغى تكون عليها الانظار والكل خاق مع شكلها ولا جسمها ولا اي شيء فيها شايفه هي انو حلو فيها ..ومصورته ..فبتقولين وش المانع دام انك معترفه بهالشي.. طبعا الجواب واضح ..والاعتراض من جانبين ..الاول معروف ..اللي هو من ناحية دينية ..غير انه حرام وكذا .هذا مفروغ منه .. بتجي وحدة وتقول والله انا محرومة محد شاف جمالي و محد قدرني في المجتمع المغلق و انا ماعجبت الامهات وماانخطبت وشوفي الحين كيف الشباب منهبلين علي.. ولا أنا مظلومة ولا ابوي مقفل علينا و صار عندي ردة فعل ..وانواع القضايا مايمدي اعطي امثلة كثير..لكن مهما كان مشكلتها .. الله مايخلقنا وينسانا !! ..و لذلك ماهي قضية حرام وبس ...لما تعرفين انك تملكين هالنعم وهالجمال في اي جزء فيك ..ومنعنتي نفسك عن هواها من انك تحطين صورك وتنمدحين وترضين غرورك ..فهذا اسمه صبررررر عن معصية الله ...وصبر على هوى النفس..ومن قد ماهو هالصبر صعب و مكانته عظيمة عند الله سبحانه وتعالى..تخيلي انه ارفع درجة من الصبر على اقدار الله ! و برضو أرقى ..يعني تخيلي هالصبر عن انك تحطين صورك وتحصلين عالكلام اللي تبين ولا انك تكلمين واحد ولا اي شي من هالنوع من المعاصي..اللي فيها اتباع هوى النفس..أرقى وأعظم درجة واجر من الصبر على موت شخص عزيز عليك !! ...مااعتقد بعد ماالله قدر صبرك عن هالرغبات ورفع مكانته وأجره أكثر من الصبر والحزن اللي يجي الواحد لما يفقد شخص عزيز عليه .. لك وجه تناقشين ..

والجانب الثاني ..يختي اخلاقيا ..أرقى ..الناس الكلاس مايرضون على انفسهم هالتفصخ وكل من هب ودب يجي يتفرج ...اللي يسوى واللي مايسوى ...الأجانب وهم أجانب ...اذا جت وحدة متشخلعة ومترصرصة ..بالضبط زي نوعية صور بنات الفيس بوك ..بنفس أسلوب التفصخ ..تعتبر " ##Bit" لو جاها واحد وقالها تجين معاي بكم ؟ محد يشره عليه ..وحتى الكنيسة مايدخلونها ..بعض الكنايس عليها لوحة حاطين ممنوع اللي لابسة كت ..واللي لابسة قصير..لوووول فكيف عاد لو شافوا أشكالكم ..وتدخل بروفايلها مكتوب مسلمة !pb093 ..الله يهديكم بس..لا تشوفين اللي حولك وتحسبينه عادي...لا مو عادي ..كيفهم ..حتى لو ودك ولا انقهرتي ولا وتفر..كل شي بأجره ..مافيه شي بيضيع..بتتحاسب ام صورة على صورها وعلى كل شخص شافها وخق ولا ماخق ..الله يحاسبهم .. هذا في الاخرة ..وفي الدنيا عاد تجي العقوبة ..ياتروح منها هالنعم اما حسد او زوال نعمة ..من حق النعمة الشكر..مو تعصين ربك فيها ..وغير كذا مشاكل عدم توفيق وتتعثر امورها ولا اي شي ...محد يضمن بكرة وش يصير.. ولا تموت وصورها مرززه للعالم..واللهي فشيلة وين تودين وجهك فيه وانتي ميته وبتتحاسبين ...فبس بليز قبل ماتسوين اي شي ..فكري شوي.. هذا مو تعقيد ..هذا واقع ..الكول والوناسة في اشياء ثانية..فرقي بين الاشياء اللي تتمشى والأشياء اللي تو متش .. بتقولين كيف اعرف..المقياس زي ماقلت ..الحديث في النقطة الأولى ..وقيسي عليه ..اذا شيء يزعجك الناس يدرون عنه ..اعرفي انه تو متش ..



( وهذا مصدر درجات الصبر شوفوه بأنفسكم ..عشان مايطلعون لي ناس ويتفلسفون علي ..ماجبت حكي من عندي وبنسخ لكم الجزء اللي يوضح النقطة اللي حكيت عنها..لان الموضوع طويل مرة ..بس والله زين احفظوه بال هذا ..المفضلة ..يمكن كثيرين يصير مخه الحين مو متقبل يقرأ شي ديني ..بس يمكن بعد وقت ..تحتاجه :rolleyes:.....فاحترم نفسك واحفظه ..واذا ماتبي ولا ماتبين ..بكيفكم ..هذا جزاي بعد ..)


هذا الشاهد :

الصبر نوعان، بدني ونفسي وكل منهما قسمان: اختياري واضطراري، فصارت أربعة:
أ - بدني اختياري، كتعاطي الأعمال الشاقة.
ب - بدني اضطراري كالصبر على ألم الضرب.
ج - نفسي اختياري كصبر النفس عن فعل مالا يحسن فعله شرعاً ولا عقلاً.
د - نفسي اضطراري كصبر النفس عن فقدان محبوبها الذي حيل بينها وبينه.(مثل حب الابو لابنه لا أحد يستهبل ويفهم غلط ..مو حب عشاق وفلانتين ) والبهائم تشارك الإنسان في النوعين الاضطراريين لكنه يتميز عليها بالنوعين الاختياريين، والصبر الاختياري أكمل من الاضطراري، فإن الاضطراري يشترك فيه الناس ويتأتى ممن لا يتأتى منه الصبر الاختياري، ولذلك كان صبر يوسف على مطاوعة امرأة العزيز وصبره على ما ناله من السجن أعظم من صبره على ما ناله من إخوته لما ألقوه في الجب وفرقوا بينه وبين أبويه، وباعوه بيع العبد، ومن الصبر الاختياري صبره على العز والتمكين الذي أورثه الله إياه فجعله مسخراً لطاعة الله ولم ينقله ذلك إلى الكبر والبطر، وكذلك كان صبر نوح والخليل وموسى الكليم والمسيح ومحمد صلى الله عليه وسلم فإن صبرهم كان على الدعوة إلى الله ومجاهدة أعداء الله ولهذا سموا أولي العزم، وأمر الله رسوله أن يصبر كصبرهم ((فاصبر كما صبر أولوا العزم من الرسل))

- الصبر عن معصية الله:
وأبرز الأمثلة وأشدها وضوحاً صبر يوسف عليه السلام على مراودة امرأة العزيز، لقد كان الصبر ظهير يوسف في محنته التي ابتلي بها اضطراراً واختياراً وكشف عن هذا حين عثر إخوته عليه فقال: ((أنا يوسف وهذا أخي قد من الله علينا إنه من يتق ويصبر فإن الله لا يضيع أجر المحسنين))، لقد رفض كل العروض والإغراءات وخرج من الفتنة بإيمانه وصبره، وكان صبره هذا أرقى من صبر أبيه يعقوب على الفراق وأرقى من صبر أيوب على ما بلي به لأن صبرهما كان اضطرارياً لا حيلة لهما في رفعه ولا دفعه بينما كان صبر يوسف اختياراً وحين تملك فلم يتكبر ولم يطغ صبراً اختيارياً، يقول ابن القيم نقلاً عن شيخه ابن تيميه رحمهما الله: "كان صبر يوسف عن مطاوعة امرأة العزيز على شأنها أكمل من صبره على إلقاء إخوته له في الجب وبيعه وتفريقهم بينه وبين أبيه، فإن هذه أمور جرت عليه بغير اختياره لا كسب له فيها، ليس للعبد فيها حيلة غير الصبر، وأما صبره عن المعصية فصبر اختيار ورضا، ومحاربة للنفس .

وهذا اللنك حق الموضوع اللي قلت لكم احفظوه ...

http://www.saaid.net/bahoth/10.htm (http://www.saaid.net/bahoth/10.htm)


وشكراً ..

امونه53
20-06-2008, 09:28 PM
صدقتي انا اشوف الماسن كله صور البنات انفسهم وبعضهم معهم شباب مو محارم لهم يعني يقدرون يشوفون
مع اني اشوف الجنسيات الشاميه يرفضون ان البنت تشوفهم من شدة حرصهم رغم انهم بالطبيعه عادي يكشفون لكن بعض العقليات يحسون براحة اذا حطو صورهن رغم ان الراحه بعيده عنهم

الله يهدي الجميع يارب ويجزاك كل خير:)

لستُ عاديه
20-06-2008, 09:54 PM
ليش هالبنات يسوون هالحركات ؟

الخلل فيهم أو في أهلهم ؟

هل هم من فئة ( والذين في قلوبهم مرض ) ؟؟

بعض الظواهر والتصرفات تعجز تجد لها تفسير :confused:

bp039 تسلمين عالموضوع

نايم
20-06-2008, 10:01 PM
مكاااااااني

بااااااااكpb189

انا بعبر عن وجهت نظرى يمكن ناس تختلف معى:rolleyes:

بس انا اشوف بنت تصور صوره عاديه ومحترمه ممكن اتقبلها

بس الموت وشق الجيب هالبنات المتخلفات
الي تصور يدينها او رجولها او او او
من جد هالنوعيه احسها تعاني من مرض نفسى وتبين احد يمدحها بس

وكل انسان له قناعته وتصرفاته الخاصه فيه
ولا نقدر نفرض على شخص يعيش بالشئ اللي حنا نشوفه صح
كل واحد ينام على الجنب اللي يريحهpb036

مواهب
20-06-2008, 10:03 PM
ما اقول الا الله يخلف على اهل البنات اللي تفكيرهم
مثل ذا التفكيرpb093
بعض البنات صار تفكيرهم غبي بشكل غير متوقعpb036
صور في الفيس بوك
وصور في الماسنجر
وحركات مدري وش تبي pb093 :confused:

بس البلا كله في الدين

البنت اذا خافت الله وصار عندها دين وذمة
ما ينخاف عليها من شيء:)


bp039 تقبلوا مروري bp039

عسى بس ردي موافق للموضوع
لاني ما قريت الموضوع كامل بصراحة

مسالمه
20-06-2008, 10:05 PM
كيفهم يصورون يدينهم يصورون اكواعهم وشفايفهم << يمكن وحده تحط قلوس حلو نسألها كم رقمه
بس ابي افهم وش الحكمه انهم يصورون رجلينهم الله يحوم كبودهم من بيخق على رجل :D

فيس بوك يكفي لو ماجا منه الا ابلكيشن فريندز فور سيل pb189 :D

أخت يونس
20-06-2008, 10:09 PM
مرحبا أمونة ..امين واياك
موضوعي مو مختص بجنسية معينة ..اما بالنسبة للأشوام فحالهم زي الناس يعني فيهم ناس يراقبون الله في أنفسهم.وفيه ناس الله يستر علينا وعليهم...فأنا بالنسبة لي مااقيس اخلاق الشخص و وازعه الديني بجنسيته ولا بأصله وفصله ومستواه الاجتماعي ولاحتى بمظهره الخارجي (اذا ماكان فيه تجاوز ملحوظ)

أخت يونس
20-06-2008, 10:44 PM
ليش هالبنات يسوون هالحركات ؟

الخلل فيهم أو في أهلهم ؟

هل هم من فئة ( والذين في قلوبهم مرض ) ؟؟

بعض الظواهر والتصرفات تعجز تجد لها تفسير

لستُ عادية ..مرحبتين ..الله يسلمك
مااشوفها ظاهرة تعجز عن تفسيرها ..بالعكس ماهي مستغربة ..مثل ماانتي شايفة موضوعي كله تفسير لهالظاهرة ..وإذا فسرت الامور وجدت الحلول ..وهذا اللي احاول اوصله ..انا عن نفسي مالاحظت اي نقاش لا في ايميلات وفي في منتديات لمحاولة الحد من هالظاهرة ..اللي صارت عادي pb093..خصوصا البنات الصغار..والله حرام ..ارحمهم ..فاان شاءالله يوم تطيح على كلام يقنعها ويخليها تصير شي حلو في الحياة بدال ماتضيع وقتها في مد رجولها وتلبس في هالشوزات وتلطلط كل يوم قلوس وتنفش الشوشة وكل يوم طالعة لها بصورة وفرحانة فيهاpb082 عشان جاها تعليقات كثيرة والكل قال واو !..الله يرحم الحال :(

maiaa
20-06-2008, 10:45 PM
واقفة بشارع في اسبانيا وتقول ياي يابنات ياحلو هذيك الايام ويعني اسم انها طالعة بشكل طبيعي شوي وكل طموحها انها طالعة كلاس و كيوت :D

خخخخخخخخخخ مثل خطير :D


......

آنآ رآيي ..

صح انها حركة مالهآ داعي :D بس مو لدرجة انهم مريضاات وفيهم تخلف وتسسذا :Dpb036


مراااهقة وسسعة صدر همن تعدي وتعقل pb192

T جنــون T
20-06-2008, 11:01 PM
كل واحد ذنبه على جنبه ..
وكل الي بالنت كبار ..
سوا بنت او ولد ..
يعني كل بنت رازه خشتها .. او يدها ..
وانفتن فيها الرجال ..
لها ذنب ..
عاد خلوها تشوف كم واحد بيشوف صفحتها .. وكم ذنب على ظهرها
الله لا يسخط علينا ...

أخت يونس
20-06-2008, 11:07 PM
انا بعبر عن وجهت نظرى يمكن ناس تختلف معى

بس انا اشوف بنت تصور صوره عاديه ومحترمه ممكن اتقبلها

بس الموت وشق الجيب هالبنات المتخلفات
الي تصور يدينها او رجولها او او او
من جد هالنوعيه احسها تعاني من مرض نفسى وتبين احد يمدحها بس

وكل انسان له قناعته وتصرفاته الخاصه فيه
ولا نقدر نفرض على شخص يعيش بالشئ اللي حنا نشوفه صح
كل واحد ينام على الجنب اللي يريحه


هلا فيك نايم ( مدري ليه كتبت هلا فيك مكاني لووول ..شفتك كاتب مكاني وخبص مخي)

واللهي شف انا عن نفسي ماأخالفك الرأي..لولاحظت ماعلقت على اللي تصور بصورة محترمة ..لكن بشرط مايكون شي تخاف ان الناس يدرون عنه او لو دروا اهلها سطروها لووووول ..يعني تكون واثقة من نفسها وهالشي عند اهلها وبيئتها مسموح.. فيه اختلاف في البيئات والقناعات والجو اللي تربت فيه ..ولا يعني انها اقل من وحدة عبايتها على راسها ..فالمظهر بالنسبة لي مادام ماهو خارج عن الأدب العام لا يحكم الشخص..الله واعلم من يقوم ثلث الليل ومين يستغفر في الصباح والمساء ومين يتصدق ووو..باختصار الله واعلم مين اقرب لربه ..والباطن دايما عندي أهم من الظاهر . شكرا لك

ايلينا
20-06-2008, 11:19 PM
:

إلآ الهبآله أعيت من يدآويهآ ..

صعب تقنعين نآس متمسكه بفكره
او رأي , وبنآت الفيس بوك أو غيرهم
ذولآ حاطين في بالهم انه الوضع فري
وعادي دآم انا بنت حلوه وكول .. !

الله يهديهم هذآ الي نقدر نقوله .. !bp039

مش ولا بد
20-06-2008, 11:24 PM
الواحد مايقول الا الله يهديهم
بس المايرفع ظغطي الا شي واحد
اذا صورو وهم ماسكيت ستار بكس وغيره (قرونه :|)
ويطلعون يدهم بزعهم موب مقصوده :o


يلبى قروباتهم تحشيش :p

ليالي الحب
20-06-2008, 11:27 PM
وش هو الفيس بوكpb036

مره دخلت من باب الفضول بشوف صور بناتنا:D
بس ماعرفت شلون ادخل على الصورpb093

اللهم زدني به جهلا

غريب الدار
20-06-2008, 11:28 PM
يابن الحلال لاتروح بعيد ,, تعال شفهم في المنتدى ... كل وحدة رازة صورة يدها ولا ساقها ولا براطمها pb192 يعني تعالوا شوفوني تراي زينة pb036 ناس مريضة :(

Rebel
20-06-2008, 11:38 PM
انا مع وضد في هذا الشي!
مع اللي تحط صورتها طبيعي بلا تقطيع ومسح الوجه في "البينت" ولا فلاش في وجهها والخرابيط ..يكونون محترمات وكل اللي عندهم صديقاتهم ويعرفونهم بكيفهم !
وضد اللي تصور لي فمها و""رجلها"" وحركات جمعو الصور وركبوها على بعض اكرههههم يبون يتميلحون بس مب قادرين والنوع اللي يسوي كذا اأكد لك انهم شيووون استغفر الله!

المهم بالنسبه لي عامه اللي حاطه صورتها عندها نقص قاتل تبي احد يمدحها ويخق عليها صراحه ماأشوف له داعي حتى لو انك ماتبينين في السيرتش ومقفله بروفايلك على الاخير ماتعرفين ايش يصير وش هالثقه العمياء في صديقاتك اللي ممكن نصهم شفتيهم كم مره وبس يعني مو ذيك المعرفه وماتسوى عليك في الاخير

صديقاتك وعارفين شكلك وشوله واذا ودك تكشخين وريهم الصور على الطبيعه :d!!!

مختبة
20-06-2008, 11:54 PM
يا سلام وليه ما تكلمتي عن الأولاد pb192:D!!!
الشباب نفس الشي..بالفيس بوك وهنا pb027
حنا شعب نقدر التميلح لووول شي بدمنا
نحب نترزز ونستعرض لووول
عادي كل انسان حر

عندي سؤال يا ترى لو بكره البنات اكتفوا بالحجاب الشرعي وكشفوا وجيههم بيستمر مسلسل الاستعراض بالصور؟؟

ريما بسملعلي
21-06-2008, 12:06 AM
الا تعالوا أحد يعلمني شلون أدخل الفيس بوك بليززززز //

كم موضوع بخلال ذا السنه عن الفيس بوك من جد تحمست أشوفه //

كلي فحولة
21-06-2008, 12:11 AM
بجد كلامك يضحك ههههه
يعني الحين جبتي الأسد من ديلووو وعرفتي الخوافي كلها بهالمنطقيين اللي مافي أذكى منهم ؟
طيب ايش رايك اعطيك جوك واقول ماشاء الله انتي ذكية
اجل على بالك البنات مخفات ههههههههههههههههههههههههههههههه
وعشان واحد قالها اذا سافرتي برى يشوفونك تصدق وخلاص يعني ينلعب عليها
هههههههههههههههههه
معليش بس والله كلامك ضحكني يعني ليه شايفة البنات كذا مايفهمون شي
والشي الثاني
المنطق الأول سليم وين المشكلة يعني جد دامها اذا سافرت او طلعت تكشف خلاص عادي تحط صورتها وين المشكلة
بالعكس انا ماتقهرني الا اللي تكشف بس ماتوري صور
عموما موضوعك مناسب إذا كنا بنتكل من باب المثاليات وكذا


..لكن بشرط مايكون شي تخاف ان الناس يدرون عنه او لو دروا اهلها سطروها لووووول


ههههههههه .. باللهي وش هالمنطق .. خليهم يشوفونك بصورة معروفة .. عشان ماتنفضحين ؟ عادي يشوفون بس صورة معروفة ؟
كلامك متناقض مرة

طيب خلاص
21-06-2008, 12:13 AM
الله يهديهم ويستر عليهم غصب عنهم:mad: ابد ماعندهم منطق:sm4:

يعني بنات ناس وقعديين يعرضون نفسهم قدام من هب ودبpb131

انما الامم اخلاق مابقيت ...فأن هم ذهبت اخلاقهم ذهبوا:(

مين يفهمني وش الفيس بوك وياخذ اجريpb094

غ ـرآم أطفـآل.!
21-06-2008, 12:17 AM
الله يهديهم :(
في صور والله الواحد يستغرب كيف مصورتها ورازتها قدام خلق الله والكل يشوفها ..!
ماتستحي وقسم:(
والا اللي يصورون بدورة المياهـ الله يكرمكم وش الحكمـه ..!!
في مقطع باليوتوب واحد مسويها وحاط تعليقات على صورهم بس لو يشوفونه يكرهون اعمارهم على اللي مسوينه عجبني صراحه:d
المشكله انهم كباااااااااااااار مو صغار نقول مو فاهمين بس انها فاهمه وتعرض جسمها وتقول شرايكم ..!!
عندهم قناعه اي شئ نطلعه ونصورهـ الا الوجه مو خوف اتوقع من الله قد ماهو خوف احد يعرفها :(
تبين تصورين صوري ياختي بس لاتعرضينها قدام العالم وش تستفيدين بس غير الذنوب.؟
ع العموم الله يستر على الجميع ..

Juhaina
21-06-2008, 12:49 AM
والله شوفي أنا معاكي في فئة إستعراض و كل شي...

بس في كثير عالم داخلين فيسبوك و كل اللست أصحابهم و ناس يعرفوهم بالحقيقة...
و يعني عاملين high security settings...
يعني مثلاً و لا أحد غير أصحابه يقدر يدخل بروفايله و يشوف صوره...
و حتى لما تدوري بال search results ما يطلع لك غير الإسم و علامة إستفهام بدل الصورة...

يعني كل واحد عقله براسه يعرف خلاصه...
اللي يبي يستعمل التكنلوجيا بصياعة حيسوي كذه و هذا يدل على مستوى التفكير و الوعي عنده...
واللي يبي يستفيد منها يظل على إتصال بأصحابه و يلاقي عروض و أخبار برضو يقدر...

مثلاً فيه بنت من جدة ترسم على بلايز شغل يدها كله...
أنا تعرفت عليها عن طريق فيسبوك و إشتريت منها و دليت صديقاتي عليها...
يعني هذي البنت متخرجة و قاعدة بالبيت...
بس ماشاالله عن طريق فيسبوك عملت قروب و صارت تبيع و تنزل صور بضايعها و تسمع إقتراحات الناس لها و تشترك ببازارات...
يعني هالبنت مثال بسيط عن مين يقدر يستعمل فيسبوك بذكاء :)...

أخت يونس
21-06-2008, 01:08 AM
تحتوحة ...مو دايما اللوم عالاهل ..والله فيه ناس ماقصروا مع عيالهم ابد ..بس البنت متأثرة بصديقاتها و بتمشي مع الموجه ..وتحس ان امها أولد فاشن وتبالغ ووو ..فاذا اهتدوا مجموعة وكثر الخير..بتتأثر هالبنت وغيرها بالوضع وتحس نفسها غلط وبايخة..زي قضية الحجاب برا..اول محد يتحجب ..وجه موجة البنات الياي والستايل..تأثروا بالمحاضرات الدينية وتحجبوا..وفجأة صار الحجاب موضة وكلاسي..فكل فئة ماتقتنع و تتأثر الا بأسلوب معين ولازم تشوف فلانة من الناس وش سوت لول

ترتر
21-06-2008, 01:09 AM
اناااااااااا ضط هذه الحركه
اللهم لك الحمد والشكر الله لا يبلاني ياربي

أخت يونس
21-06-2008, 01:14 AM
مسالمة لووووووووول ياحبي لك
ترز رجلها عشان تشوفين انها لابسة سنيكرز ماركة ولا لابسة صندل وعاملة بوديكر ومتحسفة لول
الفيس بوك حلو ..انا مااعترضت عليه ..مررة موقع حركة ..والكوزز اللي فيه تونس ..والالعاب وكل شي ..موقع ذكي واجتماعي ويوسع الصدر..بس هي قضية الصور اللي على غير سنع وبس تقليد ولا حسيب ولا رقيب ..تركت الموقع كله ولهت بصورها وخذت ذنوب عالفاضي وهي مو حاسة لازم تتنبه ان هالشي مو عادي

deep
21-06-2008, 01:19 AM
الا تعالوا أحد يعلمني شلون أدخل الفيس بوك بليززززز //

كم موضوع بخلال ذا السنه عن الفيس بوك من جد تحمست أشوفه //

الله يزيدك جهل فيه :d

مواهب
21-06-2008, 01:22 AM
تحتوحة ...مو دايما اللوم عالاهل ..والله فيه ناس ماقصروا مع عيالهم ابد ..بس البنت متأثرة بصديقاتها و بتمشي مع الموجه ..وتحس ان امها أولد فاشن وتبالغ ووو ..فاذا اهتدوا مجموعة وكثر الخير..بتتأثر هالبنت وغيرها بالوضع وتحس نفسها غلط وبايخة..زي قضية الحجاب برا..اول محد يتحجب ..وجه موجة البنات الياي والستايل..تأثروا بالمحاضرات الدينية وتحجبوا..وفجأة صار الحجاب موضة وكلاسي..فكل فئة ماتقتنع و تتأثر الا بأسلوب معين ولازم تشوف فلانة من الناس وش سوت لول

الله يسلمتس يا بعدي
انا ما قلت اللوم على الاهل
انا قلت الله يخلف على اهلهن:rolleyes:
يعني الله يعوض اهلهن خير (عسى وصل كلامي):D

والله يهدي بناتنا وعيالنا لكل خير :)

عفوا رجعت عشان اوضح سوء الفهم اللي صار
عوافي bp039

A F N A N
21-06-2008, 01:26 AM
الله يهديهم و يصلحهم
في البداية كنت اشوفهم واتحمد ربي :D الحين صار الوضع عادي ..
وبعدين فيه ناس محترمين بالفيسبوك .. مو الكل كذا bp039


فيس بوك يكفي لو ماجا منه الا ابلكيشن فريندز فور سيل pb189 :D
pb189pb027
كم سعرك ؟ pb095
<-- ادمان

أخت يونس
21-06-2008, 01:27 AM
maiaa اهليين



صح انها حركة مالهآ داعي بس مو لدرجة انهم مريضاات وفيهم تخلف وتسسذا


مراااهقة وسسعة صدر همن تعدي وتعقل


لووووووووول وشدعوى محد قال مريضات وتخلف ..كان احد كاتب في الردود مدري عنهم لول..بس انا مااشوفهم مرضى ومتخلفين ولا كان ماناقشت خير شر..بالعكس حرام كثير منهم فئة مدارس وصغار وبس تقلد على غير سنع ...

والله شوفي مااشوف المراهقة عذر لأي تصرف أحمق ...وخير ياطير واذا كنت بفترة مراهقة ..ولا يجيك يسوي بلاوي الدنيا كلها ويقول طيش شباب ..سلامات عسى ماشر !!..ترى المراهقة مو فترة تتحول فيها لمخلوق مرفوع عنه القلم ..ولا سمعنا ان المخ في هالفترة يجيه مرض يخليه يختفي pb036 .. فمثله مثل غيره ..لكن الفرق انه عشان سنه صغير..لازم ينصح ويعرف الصح من الغلط على الأقل مايصير على عماه وحرام يمكن يكون عنده قدرات لو احد ساعده فيها صار شيءمهم في المستقبل بدل ماتضيع اهتماماته في اصور رجلي ومدري ايش

أخت يونس
21-06-2008, 01:35 AM
جنون ..مافيه شك كل واحد بيحمل ذنبه ...لكن الواحد يسوي اللي عليه ..ترى والله فيه بنات بكلمة وحدة منك ..وحتى ماتحتاج أسلوب ومحاضرات ..كلمة وحدة تأثر عليها..لو قلتي لها..تصدقين بياخة ..شالت صورتها ..واستحت ..وفيه عاد ام لسانين وانا الصح والكل غلط وانواع الزحمة والعناد ..فالله يهدي الجميع خصوصا النوعية الأولى ياحبي لهم bp039

د.محلل
21-06-2008, 01:40 AM
انا شفت موضوع فيه صور من الفيس بوك ..

صراحه شي يضيق الصدر .. طفاقه على قرونه على فداغه ...

السؤال .. وزبدة الموضوع ...


ليه ثلاث ارباع ( ماودي اقول كلهم ) الي ينشر مثل هالصور سعوديات ؟؟؟؟؟؟؟؟؟؟؟؟؟؟؟؟؟؟؟؟؟

طيب خلاص
21-06-2008, 01:57 AM
يا جماعه سألة السؤال بالمخفي ماحد جاوبpb094

طيب اسأل بالمكشوف ايش هو الفيس بوك:mad:

يعني منتدى ولا مسن ولا شات ولا سبيس هوايش بالضبط :confused:فهموني وايش الغرض منهpb036

بحور ورديه
21-06-2008, 01:59 AM
ايلينا bp039
إلآ الهبآله أعيت من يدآويهآ ..

صعب تقنعين نآس متمسكه بفكره
او رأي , وبنآت الفيس بوك أو غيرهم
ذولآ حاطين في بالهم انه الوضع فري
وعادي دآم انا بنت حلوه وكول .. !

الله يهديهم هذآ الي نقدر نقوله .. !bp039


يسلم بوئك .........

شكرا حبوبه .........

مسالمه
21-06-2008, 02:08 AM
;7675919']
pb189pb027
كم سعرك ؟ pb095
<-- ادمان



$ 1,004,110 pb192

دبيه مقلعه
21-06-2008, 02:12 AM
اللي حاطه صورتها واهلها دارين هذي بكيفها وبراحتها وكل واحد ومجتمعه pb071
لكن شرهتك على اللي حاطه اسم وهمي وسيقان واشياء ماتنقال وتعليقات قلة ادب هذي الله يهديها ويصلحها شغلها مهوب عدل pb093

وبالنهايه كل واحد ينام على الجنب اللي يريحه pb071

فراشه ملونه
21-06-2008, 02:22 AM
يا هالفيس بوك

الي على كثر ماسمعت به الا اني ماعمري دخلته

جحيحهـ
21-06-2008, 02:33 AM
موضوعك حلو

بالنسبه للسعوديات مثل ماقال اخونا ليش بس هم
انا لاحظت ادخل بروفايلات اجانب وربي ابشوف هبالهم ولا صور توسع الصدر ابد مابوه الا صوره شخصيه حتى مالطت ميك اب
ولبس الدوام وحتى بعضهم مايبتسمون

اما ادخل بورفايلات اخواننا بالله ولا البنات بعضهم يموتون ضحك يصور اشياء تضحك
مثل واحد متجمع هو واخوياه مصورين سيقانهم يتهزون بالبنات

المهم هذي شي جديدن علينا اصبري لنا شوي نستوعبه همن نعرف نستخدمه

الا الاحظ شي واحد
بروفايلات البنات كل اللي يردون اولاد وبروفايلات الاولاد ما يرد عليهم الا البنات
ماخذين مبدا ان البنت ماترد على بنت مثلها

وكمان عرفت شي ان البنات اللي يحطون صورهم وربي بريئات وحده قلت لها ليش تحطينهم
قالت عادي ونبهتها على هالشي والحمد لله شالتهم على طول
فيه بنات بريئات تاخذها من باب التقليد وبس

عموما
انتي بهذا الموضوع نبهتي على شي المفروض الكل ينتبه له

ربي يستر على بناتنا

؛؛

اللي يسئل عن الفيس بوك
مثل السبيس تحطين فيه صور لك ومعلوماتك وتكتبين اي شي وترفعين فديو
ولك لست باصدقااء انتي تختارينهم
بحيث تكونين صداقاات هو اساسا مفهومه تكوين صداقاات

؛؛

طبيزه
21-06-2008, 02:33 AM
بصراحه انا اتقبل البلوقات والسبيسات والفلكر .. كل هالمواقع اتقبلها واحسها لها فايده ماعدا الفيس بوك مدري وش سنعه صراحه..
طبعا اللي أسسه الهدف منه ان الناس اللي تعرفهم في مجتمع معين تقدر تتواصل معاهم بسهوله .. أو إذا حبيت تبحث عن اشخاص كنت تعرفهم سابقا وانقطعت سبل التواصل بينكم..
أنا سجلت مره زمان و تصفحته حسيت التطبيقات حقته كثييييره و سالفه عشان أفهمها.. برضو ما حبيت اسجل بإسمي الحقيقي اللي يعرفني ويبي يتواصل معاي فيه ألف طريقه غير الفيسبوك هذا.. بعدين قلت وش الفايده أصلا منه؟؟ علم لا ينفع و جهالة لا تضر =) عملت دي اكتفيشن للحساب و هذا آخر علمي فيه..

أخت يونس
21-06-2008, 03:07 AM
هلا ايلينا .. لوووووول حلوة الهبالة اعيت من يداويها ..اكيد صعب الاقناع ..عشان كذا حطيت الأدلة وطولت الموضوع ..الله الهادي بس الواحد يحاول بدل مايجلس يتفرج ويتمسخر..فيه ناس عندهم قابلية لتغيير وقلبوهم رهيفة بس محتاجين من يوجهم ..فحرام تغلط بحق نفسها وتتحمل ذنوب عشان تحسب الوضع عادي
امييييين يعطيك العافية
..
مش ولابد
لوووووووووووووول نفس التعليق ..قرونتين وهي جت على هذي..خذي وخلي
ولا صفة الماركات ..تطلع دولابها كله.. جزم وشنط وسياراتهم وسيارات جيرانهم ولا حركة الفلوس اللي تنصف وتتصور..ماادري يعني وش الهدف ؟! دعاية لبنك ولا ايش لووول الحمدالله ياربي اللهم لا شماته
..

أخت يونس
21-06-2008, 03:11 AM
..ليالي الحب ..هو مو نايت كلوب عشان تقولين اللهم زدني فيه جهل ..ولاهو شي سيء..بالعكس حلو الموقع يونس خصوصا لو تجمعتي مع اهلك وصاحباتك..وفيه العاب خفيفة دم..انا ماأسب الموقع ابدا ..بس أعيب على اللي أساؤوا استخدامه ...بالنسبة للي ماقدرتي تدخلين على صورهم..بروفايلاتهم تكون مقفلة ..ولا تضيعين وقتك فيهم ..انا احكي عن الصور اللي مرت علي "في لعبة السيل فرندز مثلا " ويضيق صدري اني اشوف ان هالبنت اللي متصورة بهالطريقة مسلمة ومن مجتمعي ويمكن تكون بظروف ماهي في حالة توازن فياليت يلاقي كلامي او كلام غيري عندها قبول

أخت يونس
21-06-2008, 03:12 AM
غريب الدار ..اهلين .. مو مرض بس الغالبية تقليد اعمى على عدم وعي و مافيه وازع ديني ..فكثير والله مايلاقون اهتمام ولا تنبيه ..ويتأثرون لما يحسون بحجم الذنب ...
__________________
Rebel هلا فيك
ايه مثل ماوضحت قبل في الردود ..فيه بنات ماعندها الا صاحباتها وحاطة صورتها بطريقة محترمة ..وبيئتها كذا ...فهذي اهون ..ومثل ماقلت هي بيئتها كذا ..فماهي داخلة في موضوع النقاش ..
والله من ناحية الثقة فعلا ..غير الفيس بوك ...في كل شي ..الثقة في ناس معرفتك فيهم سطحية مررة تسبب مشاكل

لووووووووووول جازت لي ودك تكشخين

أخت يونس
21-06-2008, 03:13 AM
هلا مختبة وعليكم السلام ..ماادري انتي قريتي الموضوع كامل ..المقصد منه مو الاستعراض..عشان كذا ماحكيت عن الشباب ..ولا والله لو بحكي فيهم ماخلصت ..الله يعافيك وش اقول وش اخلي..اظاهر صاروا يتسلفون عشان يشتري سيارة كشخة ويرزها في الفيس بوك لوووووول
هدف الموضوع ..توضيح ان رزرزة الصور في الفيس بوك بطريقة وقحة او من وراء اهلك وماتحبين احد يدري عن هالشي ..دليل انه غلط وذنب ..فلا تصيرين تابعة و مع الموجه حطوا صورهم احط صورتي واحسبه عادي وانا اشيل ذنوب وانا على عماي
_________
ريما بسم الله علي.. اكتبي في قوقل facebook
ويطلع لك الموقع وسجلي..وشوفيه حلو الموقع ..وسجلي مع صاحباتك عشان تلعبون مع بعض..لحالك طفش

miss_كليجا
21-06-2008, 03:17 AM
الفيس بــــوك :sm5:
والله هو ان جيتيي انه ونيس فهو ونيس تشوفين هالوجيه السفرة وهالتشخيصات كنتس فاتحة دفتر خطابةpb095pb095
بس هالبنات مصخوها يعني هالعيال مساكينpb192pb189 أن خربوها خربوها تلقينه حاط صورته وهو يتشمس في شرم pb192ولا ان كان ولد نعمهpb024 وزاعط في ماربيا;) يعني هاذي حدودهم بس البنات ياكافي تقل يلعبون غميمة pb027ياما حطت ايده!!! ياما حطت رجله!! ياما رزت خشمه ههههههههه أما خشمه ذي والله الي تضحك وش الحكمة اموت واعرف:confused: من جددد عقليــات غريبة
انا اهون عندي تطلع البنت متحجبة وشكلها محترم من انها تسوي حركات النص كم ( صورة وحده مطلعه بطنه وتحك سره ينقاله اغراء) وعييييييه مالت عالاغراء كرهت الحريم والله:sm18:





الزبدة:D
مو شرط أنو الفيس بوك بسبة هالأشكالpb093 يكون تشيب ممكن يكون وسيلة لصداقات راقية :rolleyes:



وبس :rolleyes:عوافي عالموزوع bp039

أخت يونس
21-06-2008, 03:30 AM
مرحبا كلي فحولة ..والله انا اكثر وحدة تحب الضحك ..الحمدالله دامني قدرت اونسك ..الله يسعدني من زمان
ماضحكت من قلب :(

يعني الحين جبتي الأسد من ديلووو وعرفتي الخوافي كلها بهالمنطقيين اللي مافي أذكى منهم ؟
طيب ايش رايك اعطيك جوك واقول ماشاء الله انتي ذكية

واللهي انا ما قلت مافيه غير هالتحليلين ..لكن هذول أبرز الأسباب ..و أنا بنت وفي مجتمع البنات ..وكثير نحكي بهالموضوع وفيه بنات اعرفهم حاطين صورهم وهذي اسبابهم ..فأنا ماجبت شي من عندي .. اما تعطيني جوي وتقول ذكية ومدري وشو ..فماهو هذا موضوعي ..ماتحدثت عن الذكاء في هالموضوع ..ممكن تشارك في هالعبارة في اختبارات الذكاء والمواضيع المختصة بهالمجال

اجل على بالك البنات مخفات ههههههههههههههههههههههههههههههه
وعشان واحد قالها اذا سافرتي برى يشوفونك تصدق وخلاص يعني ينلعب عليها
هههههههههههههههههه

انا ماعممت انا احكي عن فئة معينة ..ايه نعم ممكن تكون مخفة ..مو عيب ولا حرام ..تراها بشر ..في لحظات ضعف لها ..ماتبغى اصلا تفكر صح ولا غلط .. يمكن اصلا من غير مبررات تتصرف تصرفات تندم عليها,فيه كثير بنات كذا عواطفها تحكمها فممكن تسوي الشي حتى وهي مومقتنعة ..فلازم تقوي وازعها الديني وتفكر بعقل وتصير لها شخصيتها بدال ماتضيع نفسها بهالتفاهات.

يعني ليه شايفة البنات كذا مايفهمون شي

انا ماحكيت عن البنات عموما ! ..بالعكس والله كثير بنات ماشاءالله عقلها وقدراتها توزن بلد ..بس انا خصيت وقلت البنت اللي تحط صورها في الفيس بوك بالطريقة هذي ...الخ ..واذا مالها مبرر و مخبية هالشي عن الناس..دليل انها مستحية من الشي اللي عاملته وفي نفس الوقت مو معترفة انه غلط ..ففعلا هذي تسمى ماتفهم شيء


المنطق الأول سليم وين المشكلة يعني جد دامها اذا سافرت او طلعت تكشف خلاص عادي تحط صورتها وين المشكلة
بالعكس انا ماتقهرني الا اللي تكشف بس ماتوري صور


لووووووووووووووووووووووووول والله وصحيح جبت الأسد من ديلو ..شفت طلعت انت من الشباب اللي يقنعون البنت تحط صورتها دامها برا تكشف .. ..انقهر يااخي وش عليك منها..هي لما كشفت كانت ماشية مع اهلها وقدام الناس ..ماسوت شي بالخفية وبخوف وباحساس بالذنب ..ويمكن يجي يوم الله يهديها وتتحجب ..وفيه فرق كبير..لما توريك صورها من ورى اهلها ..معناته بتكسب ذنب اضافي اللي هو يندرج تحت عقوق الوالدين


عموما موضوعك مناسب إذا كنا بنتكل من باب المثاليات وكذا

الله أكبر ..اذا ماحطينا صورنا في الفيس بوك صرنا مثاليين لوووول .. اصلا مسألة الصور بديهية انها غلط ..بس انا اوجه هالموضوع للبنات اللي تقلد وبس ومحد قد نبهها ...وينا وين المثالية ..
ماضيعنا الا اننا نعتقد ان ابسط الامور مثاليات ..ونسمح لأنفسنا بكل التجاوزات..بهالعذر اللي نسلي فيه أنفسنا .بعتبار ان اي شي فيه مخالفة لأبسط رغباتنا يندرج تحت المثالية !!

إقتباس »
..لكن بشرط مايكون شي تخاف ان الناس يدرون عنه او لو دروا اهلها سطروها لووووول
ههههههههه .. باللهي وش هالمنطق .. خليهم يشوفونك بصورة معروفة .. عشان ماتنفضحين ؟ عادي يشوفون بس صورة معروفة ؟
كلامك متناقض مرة

كويس علقت ..عشان كنت حابة اوضح اكثر بس ماحبيت اطول في الرد..متوقعة 100 بالميه بيجي هالتعليق فقلت اذا جاء معناته فعلا فيه ناس تفهم ظاهر الكلام وتمشي ..
اولا اذا بتحكي عن التناقض ..ارجع لكلامي ..انا ماقلت انا احط صورتي واهلي دارين ولذلك حلال علي ..انا تكلمت بوجه عام ..ولا انا ماحطيت صوري والحمدالله مقتنعة رغم اني ماني مطوعة بس ماأحب اصير فرجة للعالم ..بس مخي مو مقفل..احاول اتفهم غيري...فيه بنات هي واهلها كذا ..تلاقي صور العايلة كلها موجودة ..واللست فرند اخوانها واهلها وبروفايلها مقفل..وصورتها محترمة مافيها قلة ادب ..فهذي تسمى قناعات ..مااقول حلال ولا حرام ..لاني ماني مفتية ولا احط في ذمتي شي...بس اللي حكيت عنه الشي اللي انا متأكدة انه غلط ...
ومالها دخل الفضايح ! المقصد من الخوف من الناس..لانه يعتبر مقياس للغلط حسب ماورد في الحديث "الاثم ماحاك في نفسك وكرهت أن يطلع عليه الناس" ... اتمنى تكون توضحت لك الصورة..وشكرا

..PLACEBO ..
21-06-2008, 03:43 AM
\\

مو كأنكم مبالغين !!

صور السيقان والبراطم وماني عارف أيش أتوقع إنها من مراهقات
وبيوم راح يعقلوو .. خاصة إن البنات هنا مكبوتات خلف الحجاب ..
وكثير منهم مو مقتنعين فيه ..ويلبسونه بسبب الأعراف فقط ..
لذلك تطلع مواهبها بالنت وتصور أجزاء من جسمهاا !!
لكن اللي مقتنعه بالحجاب ماتسوي كذا أبد ..


عموماً الماي سبيس أحلى من الفيس بوكbp039 ..

أخت يونس
21-06-2008, 03:50 AM
طيب خلاص ..
ياحبي لك ..يختي هذا اللي اسميه احساس انسانيbp039 ..اي والله الله يهديهم بأي طريقة
الفيس بوك موقع اجتماعي حلو لتواصل وفيه العاب مشتركة بين كل الاعضاء..تسجلين وتضيفين صاحباتك واهلك واللي تبين ..ويكون لك صفحتك ولهم صفحاتهم وتتبادلون السواليف وتلعبون مع بعض ووو..الخ خرابيطه واجدة ..الغرض منه التواصل وتبادل المنافع والتسلية ..وبرضو الابتكار ممكن تبتكرين لعبة ولا فكرة ولا أي شي مفيد ولا مسلي وتضيفينها وهذا اللي يميز الموقع ..بدال ماتضيعين وقتك بتصوير رجولك و ترزينها جنب اسمك اللهم لاشماتة.

@روبي@
21-06-2008, 03:51 AM
هذه نتيجه الفهم الخاطئ لتقنية

دحيم الفسقان
21-06-2008, 03:58 AM
مشكلتنا شـعب يعشق تقليد الغرب



ولا يعي ولا يفهم معنى التقنيه الجديدهـ



للأسف كل تقنيه جديدهـ تنزل نستخدمها في شي صخيف جدـاً


بدايه من البلوتوث اول ماطلع وكلنا شفنا كيف الفضايح !!


المشكله ليت الواحد اذا وقع بمعصيه او فضيحه يستتر بس للأسف اشوف الكل صار يعتبرهـا شي جميل ان يعلن هذه الفضيحه أمام الملاء




مانقول الا الله يستر المسلمين والمسلمات

أخت يونس
21-06-2008, 03:59 AM
مزاجي غير.. امييين
والله الواحد يقول اللهم عافنا مما ابتليتهم.. ويامقلب القلوب ثبت قلبي على دينك ..محد ضامن نفسه ..الهداية من الله
شوفي فيه وفيه ..فيه اللي صغار ويدربون روسهم ..تقلد وبس وماتفكر اساسا وش معنى اللي تسويه ..وفيه عاد كبار وعارفة انه غلط وذنوب بس في غفلة وسيطرت عليها رغباتها ...ايه ماخبت وجهها الا لأنه ماتتجرأ تواجه الناس بهالشي الغلط اللي سوته ..وهذا تعريف الذنب في حديث الرسول عليه الصلاة والسلام (الاثم ماحاك في نفسك وكرهت ان يطلع عليه الناس)<كيفت على هالحديث لووووول كل شوي مستشهده فيه..والله حكم ودرر ..اللهم صلي وسلم عليك

أخت يونس
21-06-2008, 04:12 AM
جينا ..اهلين..شكرا للإضافتك ..شفتي كيف هذول الناس اللي يتطورون ..يعرفون يستفيدون من الشيء اللي قدامهم و مزاياه بدال مايخلونه وسيلة ترجعهم لوراء..ماشاءالله فعلا ناس راقية وعقول صاحية ..ايه طبعا انا أيد هالشي..وموضوعي مو ضد الفيس بوك..ولا هو عن الاستعراض(الاستعراض ممكن يكون بتصوير اغراضها وسياراتهم وخرابيطهم مو شرط تطلع صورتها..هذي تفاهة انا بغنى حتى عن اني احكي فيها)..بس الحكي على الاستهانة بعرض اجسامهم ونص وجيهم وشفايفها وو..الخ..القضية انه غلط ويحملها ذنوب كثيررررة وهي تحسبه عادي وكول .

رجول حرفي

اهلين فيك ..وشكرا لتأييدك

تحتوحة ..
هههههههههههه وصل كلامك ..اوكي توضحت الحين العذر والسموحةbp039 ..لا تلوميني قاطعين قلبي بعض الأهل ..على قد مايتعبون في تربية بناتهم ويحرصون عليهم..مايفيد ..اي والله مثل ماقلتي الله يخلف عليهم

1500
21-06-2008, 04:17 AM
مراحب

النوعيه الي ذكرتيها من البنات تفكيرهم موب مثل تفكيريك انتي والا انا
اعرف بنات حاطين صورهم وقعدت معهم... عندهم هالشي عادي جدا
وتشاور امها واخوها وش الصوره الزينه الي احطها pb192
هذا الشي مايعتبر عيب عندهم اصلا ولا خروج عن المألوف او ارتكاب كبيره وفضيحه
بالعكس تحط صورتها اهي واخوها وابوها في عيد ميلادها واهم قاعدين يطفون الشموع والحفله كانت واااااو pb192

ماتحكمين على اخلاق البنت اذا شفتيها حاطه صورتها والا ماحطتها
احكمي عليها بمقارنتها بالمجتمع الي اهي فيه

غريب الدار
21-06-2008, 04:18 AM
انا ادخل في الفيس بوك دايمن لانه والله فيه ناس كانوا يدرسون معي كثيرين واضفتهم عندي وسويت محادثه معه ... فكرة الموقع رائعة جدا بس عندك القراوة ماودك يفلونها ابد :d

أخت يونس
21-06-2008, 04:30 AM
عفوا
هلا افنان ...اي والله الحمدالله ..طبعا اكيد فيه ناس محترمين ..والفيس بوك موقع حلو و خفيف دم.انا ماني ضده بالعكس .. و وضحت هالشي كم مرة ..اتمنى ماانفهم غلط..انا خصيت البنات اللي يحطون صورهم بطريقة قليلة ادب او حتى بطريقة عادية بس مايرضونها اهلها ولا بيئتها..
( معليش كررت كلامي..بس اعرف كثير مايقرون الا الرد اللي يخصهم )

(ياأنتي مبنكه يافنان لوووووووووول هامورة ماشاءالله ممشيه السوق على كيفه pb024ا<<انشهرتي في السيل فرندز )


د. محلل

اي والله انك صادقة قرونة على غير سنع الله لايبلانا
الجواب: لأن كثير منهم ماتتجرأ تحط صورة وجهها..ماتبي تنعرف..لانها مسوية هالشي بدون رضى اهلها ..وبالنسبة ل بيئتها لو سمعوا انها حاطة صورتها ضاع مستقبلها ..ولذلك طلعوا بهالصور المموهه وصور شف جزء مني وتخيل الباقي ...فعشان كذا شفت ان هالحديث اللي حطيته مناسب للموضوع .عشان تستوعب هالبنت اللي سوته اسمه أثم ..وتحاسب عليه ..ولازم تعرف انه مو عادي ..حتى لو مليوووون بنت عملت هالحركة لا يعني انه صح وفيه ملايين من السعوديات ماسووا هالحركة لأنهم عارفين ان الله حق ويعرفون بيجي يوم بيسألون فيه عن كل صغيرة وكبيرة ..فأقلها حرام ياخذون ذنوب على صور تافهه .

أخت يونس
21-06-2008, 04:43 AM
بحور وردية .. هلا فيك ..مالي وردة ولا سمايلي فيس عالاقل :(

بس دامك أيدتي كلام سنع ..خذي راحتك والبيت بيتك

__________________

دبية مقلعة ..


اللي حاطه صورتها واهلها دارين هذي بكيفها وبراحتها وكل واحد ومجتمعه

يختي أنتي رهيببببببببببة ..فاهمتني ..شفتي وشلون ..يطلع لك واحد يقول تناقض ليه تقولين هذول كيفهم..وصلي لهم المعلومة بليز ..يمكن فيه طرق شرح اخرى :D

وبالنهايه كل واحد ينام على الجنب اللي يريحه

الله يريحك ..ويريحنا ..ويريح الجميع bp039

______________________________________

فراشة ملونة

ادخليه اذا لك رغبة ..تراه حلو مرة وحركة ..احنا بس نحكي عن فئة فيه ..ولا الموقع مانعيبه ..بالعكس هو حلو ومسلي ..

أخت يونس
21-06-2008, 05:03 AM
هلا جحيحه ..لا والله القلة ادب موجودة في كل الجنسيات ..يمكن مامرت عليك قلة ادب الاجانب..ولا مايقصرون ابد لووووول وبرضو ..مثل ماعندهم ناس محترمين عندنا كثير..وان شاءالله انهم الأكثرية ..ومو محتاجين وقت عشان نستوعب..ياكثر العقول اللي عندنا احسن من الاجانب مليون مرة ويستفيدون من كل شي و وين ماراحوا مثلوا انفسهم وبلدهم ودينهم بأحسن صوره..بس انا احكي عن فئة معينة اللي حاصرين عقولهم بالصور التافهه عيب عن الله وخلقه ..

اما ابو سيقان لووووووووووول انبسط عالناس اللي يضحكوني..

اي والله كثير ماعندها نوايا سئة بس من باب التقليد ..وبسرعة تتعدل بس كثير منا ينحرجون من انهم ينصحون تخاف ينقال عليها مطوعة ولا يجادلها احد ..
اميييييين الله يستر عالجميع ..

أخت يونس
21-06-2008, 05:13 AM
هلا طبيزة ..والله الموقع حلو للي مايحصر مخه برزرة صوره بطريقة تنزل من مستواه..يعني وسيع صدر..لما تسجلين مع ناس تعرفينهم وتلعبون مع بعض..فيه تسلية..مو ضروري تسجلين باسمك الحقيقي هو بينشب لك بكذا نك نيم يرفضهم بس يمشي لك بعض الاسامي .. اما الأبلكيشنز فهي في البداية تنخبصين ..بس اذا عرفتي لها تونس..بس عموما مع طول الوقت يصير ممل .
مس كليجا ..
ههههههههههههههههههههههههههههههههههه ياملحك
الحكمة من الخشم يعني ترى ملامحي زينة لووووووووول

انا اهون عندي تطلع البنت متحجبة وشكلها محترم من انها تسوي حركات النص كم ( صورة وحده مطلعه بطنه وتحك سره ينقاله اغراء) وعييييييه مالت عالاغراء كرهت الحريم والله

ايه هذا اللي وضحت كم مرة في الردود السابقة <<من بيقرأ ردودك الرد اطول من الوضوع pb030
بس والله من باب ان كل شخص قرأ الموضوع يستحق النقاش bp039

انوار الرياض
21-06-2008, 05:16 AM
بالله وش الدبره

وش هالاشياء الي اسانا استخدامها في النت

Ophel!a
21-06-2008, 05:24 AM
:D

طلع البرتغال من البطوله وبديت افكر انا :D ,,


\\

الزبده pb036 ,بس لاااحد يضحكpb094

الحين الفيس بوك ذا مثل النت لوق ولا وشلون pb036 ,,

الحين السبيس وماسلمنا من اموره هالدور هذا اللي ماادري وشو :D ,,


\\

Fashion Lady حلو اسلوبك بالموضوع bp039,,

3ashq 7nsh
21-06-2008, 05:24 AM
لا حول ولاقوة الا بالله

أخت يونس
21-06-2008, 05:26 AM
مس كليجا ..

الزبدة
مو شرط أنو الفيس بوك بسبة هالأشكال يكون تشيب ممكن يكون وسيلة لصداقات راقية
أكيد مافيه شك ..وتم ذكر ذلك فيما سبق من الردود (ياذا الردود:d)..صح لسانك وحياتس الله على قل الكلافة

______________________

Placebo مرحبا ..
مابالغنا والله ..هذا البلا اذا تعذرنا لهم بالمراهقة ..وهي مو عذر..صحيح ممكن تعقل وممكن ماتعقل ...بالعكس هالمرحلة مهمة في تأسيس شخصيتها..وحلو انها توزن الأمور وماتستهين فيها..

اما من ناحية الكبت وعدم القناعة ..صحيح كثير كذا سبب لهم ردة فعل ..فعشان كذا حلو كل شيء يجي باقتناع وحلو التوسط في الأمور ..

________

روبي ..عليك نور ;)

سقامه
21-06-2008, 05:30 AM
سؤال يمكن تزرون علي

وشو الفيس بوك ؟؟

أخت يونس
21-06-2008, 05:40 AM
..دحيم الفسقان ..اي والله كثير كذا ..تقليد وبس..التقليد في الشي الكويس مانعيبه ..لكن التقليد في الدلاخة هو اللي ماله سنع ...اي والله انك صادق صايرين يباجحون بالغلط..عاد هذول يعتبرون وصلوا لمرحلة متقدمة ..الله يكفينا الشر ...والله يستر عالجميع امييييين

_______________


النوعيه الي ذكرتيها من البنات تفكيرهم موب مثل تفكيريك انتي والا انا
اعرف بنات حاطين صورهم وقعدت معهم... عندهم هالشي عادي جدا
وتشاور امها واخوها وش الصوره الزينه الي احطها
هذا الشي مايعتبر عيب عندهم اصلا ولا خروج عن المألوف او ارتكاب كبيره وفضيحه
بالعكس تحط صورتها اهي واخوها وابوها في عيد ميلادها واهم قاعدين يطفون الشموع والحفله كانت واااااو

ماتحكمين على اخلاق البنت اذا شفتيها حاطه صورتها والا ماحطتها
احكمي عليها بمقارنتها بالمجتمع الي اهي فيه


1500
هلا وسهلا ومرحبتين ..
لا تخافين ماتغيب عني الفئة هذي اللي هي بيئتها كذا..لكن ماذكرتها في الموضوع لانها مو داخلة ضمنه...بس علقت عليها في احد الردود السابقة ..اكيد مالاحظتيها لان الردود صايرة جرايد لوول بس وش اسوي لما الواحد يفتح موضوع لنقاش لازم يكون قده :sm5: ..

هذا ردي الأول


واللهي شف انا عن نفسي ماأخالفك الرأي..لولاحظت ماعلقت على اللي تصور بصورة محترمة ..لكن بشرط مايكون شي تخاف ان الناس يدرون عنه او لو دروا اهلها سطروها لووووول ..يعني تكون واثقة من نفسها وهالشي عند اهلها وبيئتها مسموح.. فيه اختلاف في البيئات والقناعات والجو اللي تربت فيه ..ولا يعني انها اقل من وحدة عبايتها على راسها ..فالمظهر بالنسبة لي مادام ماهو خارج عن الأدب العام لا يحكم الشخص..الله واعلم من يقوم ثلث الليل ومين يستغفر في الصباح والمساء ومين يتصدق ووو..باختصار الله واعلم مين اقرب لربه ..والباطن دايما عندي أهم من الظاهر . شكرا لك
وهذا الثاني


اذا بتحكي عن التناقض ..ارجع لكلامي ..انا ماقلت انا احط صورتي واهلي دارين ولذلك حلال علي ..انا تكلمت بوجه عام ..ولا انا ماحطيت صوري والحمدالله مقتنعة رغم اني ماني مطوعة بس ماأحب اصير فرجة للعالم ..بس مخي مو مقفل..احاول اتفهم غيري...فيه بنات هي واهلها كذا ..تلاقي صور العايلة كلها موجودة ..واللست فرند اخوانها واهلها وبروفايلها مقفل..وصورتها محترمة مافيها قلة ادب ..فهذي تسمى قناعات ..مااقول حلال ولا حرام ..لاني ماني مفتية ولا احط في ذمتي شي...بس اللي حكيت عنه الشي اللي انا متأكدة انه غلط ...
ومالها دخل الفضايح ! المقصد من الخوف من الناس..لانه يعتبر مقياس للغلط حسب ماورد في الحديث "الاثم ماحاك في نفسك وكرهت أن يطلع عليه الناس" ... اتمنى تكون توضحت لك الصورة..وشكرا

bp039

مَـاءْ
21-06-2008, 05:46 AM
\\

عموماً الماي سبيس أحلى من الفيس بوكbp039 ..



جابك الله

ممكن تنورني وتعطيني فكرة عن الماي سبيس والفيس بك

bp039:rolleyes:

Recoba
21-06-2008, 05:50 AM
باختصار ال facebook بالأصل موقع ( اجتماعي ) قبل ما يكون ( ترفيهي ),, هو نظامه انك تسجل باسمك الحقيقي,,وهذا المفروض,,اللي بيسجل يسجل باسمه الحقيقي لأن الغرض من الموقع اجتماعي مو ترفيهي,,
على عكس my space و netlog اللي مفروض تسجل فيهم ب nickname ,,


مسالمه انا اغلى منك :P
$1,827,605

أخت يونس
21-06-2008, 06:06 AM
غريب الدار .. اهلين فيك مرة ثانية .. الفيس بوك حلو مثل ماقلت انت وكلنا نستخدمه .. بس الشرهه على اللي يشوهون سمعة دينا بهالصور الغبية (انت لو انك مسيحي ولا اي ديانة ثانية وعندك خلفية بسيطة عن الاسلام وشفت وحدة رازة اي جزء من جسمها ومخبية وجهها !! وش تفهم ! وبعدين يجون يقولون تطنزوا فينا وسبوا اسلامنا ..ففعلا اهون اللي صورتها محترمة ومع اهلها أقلها مايقولون مكبوتين ومجبورين على هالدين وخايفين ومساكين ومدري ايش ) ..والمشكلة الاستهانة بهالموضوع وهو والله مو هين ..غير انه ذنوب وسمعة شينة ..قرونة زي ماقلت
_________________

انوار الرياض هلا... الدبرة نحاول عالأقل نوجه اللي مو عارفين الصح من الغلط وماخذين الدعوة عادي.واذا كثر التوعية في الموضوع ..حسوا الناس بجديته ..
______________
Ophel!a
هلا فيك ..تقدرين ترجعين لردود السابقة سواء ردودي ولا ردود بعض الأعضاء ..شرحوا ووضحوا سالفة الفيس بوك كله

تسلمين ..الله يحلي أيامك bp039
_____________
عاشق حنش <ان شاءالله كتبت الاسم صح
شكرا لمرورك ..ولا إله الا الله
____________
هلا فيك سقامة ..
سقامة واي يوزر سأل عن الفيس بوك

ياليت ولا عليكم أمر إذا حابين تعرفونه..ترجعون لردود السابقة سواء ردودي ولا ردود بعض الأعضاء ..كلنا وضحنا وشرحنا الفيس بوك بالتفصيل فمنعاً لتمطيط الموضوع بالتكرار ..سيروا على ثاني صفحة او ثالث صفحة ..وشكرا bp039

شمس الأمل
21-06-2008, 06:26 AM
الله يستر عليهم ولايبلاانا ياررررب ..

قصيمي تحت المطر
21-06-2008, 07:24 AM
وش أنت يالفيس بوك ؟ أحد يفهمنا وشو ؟

جامعية فيلسوفة
21-06-2008, 07:28 AM
وشو هالفيس بوك ولاحد يقول موقع اجتماعي ومن هالخرابيط هاتو رابطه خل نشوف هالشي الي تحكون عنه
pb131

.HaNan.
21-06-2008, 07:52 AM
ههههههههههههه والله توني اعرف facebook من هذا الموضوع

مدري انا متخلفه لاني مااعرفه ؟ والا اللي يدخله متخلف ؟ والا وش السالفه ؟

على العموم هي تقنيه حالها حال غيرها اللي سبقتها ,,

لكن حسن استغلال التقنيه بشكل صحيح هو المطلوب منا

والشي الثاني , البنت عارفه ان الشي اللي تسويه مايجوز

ولا له دخل بالمجتمع المحيط ومن هالكلام ,,

المساله واضحه بحكم الشرع !

يعني تبون توضحوون لنا ,,,,

ان البنت تقول انا تربيت على هذا الشي !!

اوكي اسوي اللي ابي بما ان اهلي موافقين ؟؟

ونسيت انه لايجوز اصلا كشف الوجه للغير المحارم ,,

اللهم لاتواخذنا بما فعله السفهاء منا

Mad Cat
21-06-2008, 09:00 AM
والله اني اقرأ بهالموضوع وحواجبي طايره ..

وشو الفيس بوك .. :(
ماستوعبت وش الفيس بوك :(:confused:

وتدرين عاد .. مابي افهم .. دام فيه صور وفضايح وشخلعه مانبيه pb093

ياللـه سترك وساترن من خلقك :(

ملامح طفله
21-06-2008, 09:13 AM
كلمن بعقله راضي...

ماسووا هالحركات الا من الكبت اللي هم فيه..

خلوا الشعب يعيش بئى pb024

ذبحنــي غــلآكـ
21-06-2008, 09:45 AM
انا احس البنات الي يسون كذا

من الفراااااااغ والطفش اللي هي فيه

وتجي تقولك

انا اهلي صاكين انا ماطلع انا وانا وووووووو

الحمد الله انا لادخلته ولاابغى


موضوعك روووعه ويبغاله وقفه

واسمحيلي برسله لصحباتي ع الايميلbp039

ع ـنيده
21-06-2008, 10:31 AM
الله يعافيهم ولا يبلانآ ..


كلهـ من الفرآغ ياليت الكل يشغل نفسه فـ شى ينفعه وينفع اخرته ..

الله يستر علينآ فوق الارض وتحت الارض ويوم العرض .. يآرب


تحيه لـ طيب قلبك خيتو ..:)

A F N A N
21-06-2008, 01:40 PM
مسالمه انا اغلى منك :P
$1,827,605
وانا اغلى منكم اثنينكم pb095
Afnan is worth $8,147,299 on Friends for Sale!
pb095

حيـاة الروح
21-06-2008, 01:53 PM
على كثر ماسمعت عن الفيس بوك بس ولا مره دخلته .. pb036

بس اول مره اسمع عن السبيس .. pb036

الله يستر علينا وعليهم ولا يبلانا .. :(

pixy
21-06-2008, 01:56 PM
بحل يالفيس بوك عن الـ****** >> مابي أسوي دعاية :d

P!XEL
21-06-2008, 01:57 PM
يصورون كلش الا ركبهم السود الله يفشلهم :d

الحمد لله على نعمة العقل..!!:D


عدد المتواجدون في هذا الموضوع » 17 , عدد الأعضاء » 15 , عدد الزوار » 2 ‏محـــــمد (http://vb.eqla3.com/member.php?u=104413)*, ‏!!.. HADI ..!! (http://vb.eqla3.com/member.php?u=333655), ‏code OF silence (http://vb.eqla3.com/member.php?u=322935), ‏حرم فزاع (http://vb.eqla3.com/member.php?u=159635), ‏رهف78 (http://vb.eqla3.com/member.php?u=188576), ‏رقيقه الاحساس (http://vb.eqla3.com/member.php?u=166969), ‏rakan3 (http://vb.eqla3.com/member.php?u=305827), ‏عا‘بر (http://vb.eqla3.com/member.php?u=172091), ‏فوضى منمقة (http://vb.eqla3.com/member.php?u=316498)
حشى شات مهوب موضوع

حرم فزاع
21-06-2008, 02:02 PM
ياشيخه خليهم مبسوطين

الكشه منفوشه بباريس ولندن ضاقت ع الفيس بوك

<<<المذهب ووووسيع pb027


وبعدين ابد كل ساقط وله لاقط pb036


الي اهلهم مخلينهم يتسكعون بهالمناظر مب ضايقة صدورهم لو شافهم احد بالفيس بوك



بس تدرين قديمك نديمك

ماشي شرات المسن لو نلف سبع لفات pb036

الشي المدعو الفيس بوك
ماحبيته بتااتا البته
استعراض
ولسني احب هالاجواء

اجل لو غرف نومهم مصورينها pb036


الله يستر علي لايجيني يوم وانحرف !!

رقيقه الاحساس
21-06-2008, 02:03 PM
الله يستر عليكم يا بنات المسلمين والا وشوله تحطين صورك اصلا بالفيس بوك يعنى بتسايرين الناس غصب على حساب نفسك ..وكل من يويق على صورك ..لنفترض انك بره تكشفين وهذا اصلا ما يجوز عديها زله وتروح ..لكن صورك لو مسكها احد اهل ابليس والله ما يعتقك ..عاد ليه تدخلين بهالمتاهه يا مال العافيه ..كله عشا تلفتين النظر ..

هالاجانب جابولنا بلاوي الله يبلاهم بانفسهم وانتوا من غير هدى وراهم وراهم ...

حكموا عقولكم قبل كل شي وقبل اي عمل تسوينه ..

بطني مصدع
21-06-2008, 02:19 PM
<<< ياشين اللي يقرا موضوع مايدري وش قصته
سوال وشو الفيس بوك مدري البوك فيس pb036
والله جد اتكلم

زهرة فى الإقلاع
21-06-2008, 02:39 PM
<<< ياشين اللي يقرا موضوع مايدري وش قصته
سوال وشو الفيس بوك مدري البوك فيس pb036
والله جد اتكلم

ياحبيلك pb189
تبين الصدق .. والله من جد زين انك ماتعرفين
باختصار تقدرى تقولى انه موقع يقال ان غرضه الأساسى التعارف بين الناس
والتعرف على الأصدقاء القدامى كزملاء المدرسة والجامعه وكذا
وأغراض أخرى لكن للأسف أُسىء استعماله بصورة كبيـــــرة :(pb093
واللى أشوفه ان المعظم يستعملونه لوضع صورهم ومشاهدة صور الآخرين
مع عدم انكار وجود فوائد له وان كانت مررة ضعيفة
نصيحة خيتوو .. انسى الفيس بوك :rolleyes:
أنا خوياتى يتطنزون على لأنى ماأشارك بالفيس بوك بس عادى والله
مايهمنى .. وش زوده عن الماسنجر :confused:
شوية أبلكيشنز مدرى كويسشنات لكن نصيحتى خلك منه

وووبث


ردا على صاحبة الموضوع
والله من جد مدرى وش أقولك - ماشاء الله عليكى أسلوبك مررة حلو
ومقنع وجمعتى كل أطراف الموضوع بصورة سهلة وأسلوب قوى
وحلو فى نفس الوقت

جعله الله فى ميزان حسناتك
bp039bp039

kol ely fat
21-06-2008, 03:23 PM
امممممممممممممممممممممم
موضوع حلو للنقااااش بين الاقلاعيين والاقلاعيااات
انا من خلال اطلاعي على برامج التوك شو الاجنبية وخاصة الامريكية
لاحظت انهم داااايم يحذرون البنات من وضع معلومات حقيقية عنهم وعن عائلاتهم ومكان سكنهم ومدارسهم وكذلك صورهم
لان عندهم ضاهرة انتحاال الشخصياااات وبرضو ضاهرة stalker مو متأكده من الترجمة العربية ، ولكن معناها المتعقبين او الي يلاحقون البنات وغالبا مايكونوا مرضى نفسيين او مجرمين
يعني دواااافع امنية
بس لا تستغربو حتى في مجتمعنا ممكن يكونو هناك مرضى نفسيين وستوكرز من كل الطبقات
وبعدين لا تنسون فيه بنات يحبون يجمعون الصور الي يلقونها اون لاين وينتحلون شخصية اصحابها الحقيين
موضوع طووويل وله اكثر من جانب
بس انا بصراحة ضد وضع صور شخصية وحقيقية
يمكن مواقع social network sites زي الفيس بوك ماتنفع للمجتمعات المحافضة اذا فيها توثيق بالصور
ممكن تعملى فيس بوك لاطفالك
وبس
اتمنى ماكون طولت وكررت الافكااااااااااار

سشوار محروق
21-06-2008, 03:34 PM
هــلا فـاشن لــيدي .. pb189
آآه بــس قلبتي المواجع .. :sm1:
أعز صديقاتي سوت هالحركه يعني صورت جزء من جسمها ( طبعا وهي محتشمه )
وماعلمتني لأنها تعرف اني بوريها النجوم بعز القايله .. !
مع ذلك عرفت وتظايقت وحلفت معاد أكلمها الى يومك هذا .. !

أنـا أقـول ان هالــشي له أسـباب وأولــها .. :
- ضـعف الوازع الديـني ..
شوفي لاتقولين فراغ عاطفي مدري تفكك اسري
اوكي هذه لها أثر بس :sm4:
السبب الأول والأخير ضعف الوازع الديني زي ماقلت لك
اعرف بنات اهلهم مورينهم شغل الله وظالمينهم او بالاحرى
مش فاهمين بنتهم ايش تحتاج او وش اللي يريحها اعرف
بنات ماعمرهم عرفوا شي اسمه استقرار نفسي
لكن ماتجرؤا انهم يكلمون شباب او يتقابلون او يحطون
صورهم بالفيس بوك او تدخين او مخدرات لا سمح الله .. !

ثانياً :
لو كل بنت تعرف انها بتأثم على كل نظره فتنه عليها مارح تسوي
هالشي وبكره تتحمل ذنب كل نظرة مفتون لها
اذا هي قاصده هالشي .. ;)

ثالثا :
البيئه اللي عايشه فيها وطريقة تعامل الأهل معها هل
هم مفلتين البنت وفري مررره أو متزمتين ومايحسسون البنت بأنهم واثقين فيها
فالبنت بتسوي هالشي الغلط كردة فعل أو تبي
تحر أهلها وتبي تعلمهم انها ترا مهما حبستوها ترا أقدر أسوي
هالشي من وراكم .. :rolleyes:

وفيه اسبااااااب كثيره منها ظعف بالشخصيه
أو تــحس بالنــقص فتحاول تظيعه بهالأشياء
أو لقافه وحب استطلاع شي جديد تبي تجربه وماتدري انه شرعاً مااااااااااايجـــوز .. :sm4:


نصيحه ياااابنات اسمعوني بلى !:mad::D
خافوا الله تراكم محاسبين بهالشي يوم القيامه خلاااص كفايه ذنوب :sm1:
الله اذا بيعاقب قوم يعاقبهم كلهم بخيرهم وشرهم .. :sm1:
ماتشوفون الغبره الله يستر من تاليتها فيضان ولا زلازل
لاسمح الله هالحين كل وحده تروح تمسح صورتها pb189
وتصرف عمرها او تحط لها يوزر ثاني ترا مهيب نهاية الدنيا pb036
خااااااااااااااااااافوا الله بكره انا وانتي يوم تطلع روحنا
نتذكر بلاوينا والمصايب وش عقبه !!!!
ماينفع وقتها لا استغفار ولا هم يحزنون محد يدري متى يومه !! كلنا
نخطي مافي احد مايخطي قال الرسول صلى الله عليه وسلم
: "كل ابن آدم خطاء، وخير الخطائين التوابون"

وقال الرسول صلى الله عليه وسلم :
قال : والذي نفسي بيده - لو لم تخطئوا لجاء الله عز وجل بقوم يخطئون ثم يستغفرون الله فيغفر لهم .

خلاص والله ندري انك حلوه وقمر وعسل بس ماتخافين بكره من الفضيحه !
بكره تعظييين أصابع وكراعين الندم بعد .. :sm4:pb131:mad:
ههففففففففف .. pb131 >> ظايق صدرها عوذ بالله .. :sm1:
هذا وحنا سعوديات وقدوه لغيرنا ماتشوفون الاجانب المسلمين بالمواقع مقل يو تيوب لمن يشوفون مثلا مقطع فزاع والبلى اللي سوته بعض البنات ! قسم حسيت ان خششهم طارت ! :eek:
وقالوا كيف حنا مستغربين ان فيه بنات من السعوديه يلبسون النقاب يسوون كذا اجل وش خلينا للباقي !!!

اعقلوا يرحم والدينكم عشاني pb094pb189pb189pb189pb189 :D

أدري اسمحوا لي شطحت واجد بس والله من الحره يابنات ماتخافون الله يعاقبكم بأي شي :sm1:



bp039pb189

أميرة بكلمتي
21-06-2008, 03:50 PM
بصراحة هالـ فيس بوك ماعرفه ولا عمري دخلته ..

بس قد دخلت موقع نفس فكرته , وبالصدفة بعد

بصراحة شي يندى له الجبين ..
لو كل وحدة فكرت إنها بهالفعل عرضت نفسها وبطريقة رخيصة ..
وكل هاللي مروا وعلقوا ومدحوا وخقوا
من وراها يستحقرونها , ونظرتهم لها ما تتعدى كونها ......!
ماكان رضت تكون بهالصورة ..!

ومليون بالمليون كل وحدة منهم تسوي هالهوايل من ورا أهلهها..
حرام هالي وثقوا فيها وعطوها جهاز ونت تقوم تستخدمه في اللي ينزّل سمعتها وشرفها في الحضيض.
بس صدقيني الحين مافيه بنت ساذجة
إلا تسوي كل شي بمحض ارادتها وبما تمليه عليها لكاعتها ومخها المريض .

وبعدين فيه نقطة ..

ياليت كل ام وأب يشبعون غرور الأثنى داخل بناتهم ..
عشان بعدين ماتضطر انها تدوّر هالإشباع في مكان موبوء زي كذا وبطريقة غلط pb093

لكن انا ما أحط اللوم على الأهل .. لأن كل بنت وضميرها
إن كان حي فـ صدقيني بيجيها اليوم اللي يصحى ضميرها فيه
وإن كان فيه سبات ونبات اقري عليها وعلى ضميرها السلام !
الأهل يغرسون في عيالهم الصلاح ويوكلون الله وماضاع من اتكل عليه

وفيه نقطة حبيت اثيرها ..

وهي هالشباب اللي يمشي ويعلق ويرفّع بهالـ بقرة اللي عرضت نفسها .pb093
مايخافون يشوفونها بأعز الناس لهم ؟
لهالدرجة يهون عرض المسلمة على اخوها المسلم ..!
صحيح هي اللي بدت بس لا تكون انت معين لها على الشر .. وراقب الله في خوالج نفسك وتصرفاتك
لأن هاللي كتبته بتسأل فيه عند الله .. وبـ تكون طرف اساسي في هالمهزلة اللي جالسة تصير



يارب تفتح على قلوبهم ,وتهديهم, وتردهم للحق .:)

يارب لا تؤاخذنا بما فعل السفهاء منا


<< ياكثر بربرتي pb094

خفوق
21-06-2008, 05:02 PM
هالي تكلمين عنهم ماتدرين تحتقرينهم ولا ترحمينهم

يعني هي تبي احد يمدحها و يحسسها بقيمتها

و ليه فلانه تنمدح وهي اقل جمال مني و انا احلى منها

طيب يا هبلا الي بيمدحك هذا من يكون ؟ وش يطلع ؟

انا اذا قيمني شخص احبه و احترمه ابعتز بها التقييم و بيعني لي شي

لكن واحد ما اعرفه ولا يعرفني

ما ادري هو داشر كلاب ولا صايع ولا محشش ولا سكير ولا عربيد ولا وش يطلع

و يجي يقول لي انتي فتنة الدنيا

و افرح؟؟؟؟؟؟؟


اذا شفتي الفئه الساقطه هذي تمدحك معناته انتي ولا شي

اذا اعجبتي هالاشكال المفروض تحطين عزا و يضيق صدرك

لانها دلاله على انه انحدر مستواك و صرتي تجذبين الذبان

هذا شي

و الشي الثاني مهوب مادحك الا يبي من وراك شي

يعني يبي يمدحك وبس؟

ليه صدقه و دفاعة بلى مثلا؟

راحمك ان كلن مادح صديقاتك و باقي البنات و انتي لا

حسنه يعني

ليه انتي شيفه و لا تسوين لدرجة انك تدورين المدح و الكلام الزين من ادنى و اسفل الناس؟؟


عزو ارواحكم

ولا تفرحون بالمدحه من فلان و فلنتان

ما مدحك الا يبي من وراك شي في النهايه

ما يوقع الذبان الا على انتو خابرين

هينا هوه اوبا
21-06-2008, 05:32 PM
لبى الفيس بوك اللي خلانا نشوف هالمزايين بس
خل عنكم

om kalthoum
21-06-2008, 05:35 PM
ياليل الليل يختي وانتي وش عليس منهم عاجبنا الوضع
نبي نشوف عيون وخشوم وسيقان نبي نشوف خلق ربي ونقول الحمدلله
سواء زينه والا شينه بعدين انتي بنت وهم بنات ليش مغتاضه منهم
عشانس ماتسافرين مثلا والا ماتلبسين مثلا والا مثلا مثلا

خليها تورينا نبي نشوف عادي هي سافرت ولبست نبي نشوف ;)

نا من خلال اطلاعي على برامج التوك شو الاجنبية وخاصة الامريكية
لاحظت انهم داااايم يحذرون البنات من وضع معلومات حقيقية عنهم وعن عائلاتهم ومكان سكنهم ومدارسهم وكذلك صورهم
لان عندهم ضاهرة انتحاال الشخصياااات وبرضو ضاهرة stalker مو متأكده من الترجمة العربية ، ولكن معناها المتعقبين او الي يلاحقون البنات وغالبا مايكونوا مرضى نفسيين او مجرمين
يعني دواااافع امنية
بس لا تستغربو حتى في مجتمعنا ممكن يكونو هناك مرضى نفسيين وستوكرز من كل الطبقات
وبعدين لا تنسون فيه بنات يحبون يجمعون الصور الي يلقونها اون لاين وينتحلون شخصية اصحابها الحقيين
موضوع طووويل وله اكثر من جانب
بس انا بصراحة ضد وضع صور شخصية وحقيقية
يمكن مواقع social network sites زي الفيس بوك ماتنفع للمجتمعات المحافضة اذا فيها توثيق بالصور
ممكن تعملى فيس بوك لاطفال
احلى كلام في الموضوع هذا ضيفي وانا اخوس
عندس هنا عيال ملاعين جدف يسرقون الصور ويشهرون فيها pb034

~ مدمنة فآنتآ ~
21-06-2008, 05:58 PM
واللهـ بلآوي سووودآ في فيس بوك وفلكر ..

مرهـ شفت صور لقروب بنآآآت مآ تتصوروووون شلون وقحآآآت متفصصصخآت !!

يعني بطلآت لآنهن متفصخآت ومطلعينهآ قدآم خلق الله

اللي في المدرج يتفرج

والله يصعب علي حآآآآآآآآلهم البنآت اللي كذي

الله يهديهمـ شنقول بعد !

بحور ورديه
21-06-2008, 07:59 PM
بحور وردية .. هلا فيك ..مالي وردة ولا سمايلي فيس عالاقل :(

بس دامك أيدتي كلام سنع ..خذي راحتك والبيت بيتك



لا حرام عليك pb093

بس والله كنت راده من اضافة رد سريع :D

فاشن ليدي pb094 سوري يالغلا بس كنت قاريه الموضوع ونا مستعجله فاحبيت ابين اني مررت من هون :rolleyes:

لك bp039bp039bp039pb189

أريج خالد
21-06-2008, 08:57 PM
بصراحه انا مااعرف وشو الفيس بوك ...؟؟؟؟....
بس اللي فهمته منكم انه موقع , الخبله السفيهه المراهقه تحط صورها فيه, وتقول تعالو شوفو!!!!!!
نفس الفكره ماتقبلتها ,يعني تصور كراعينها ويدينها بالجوال >>>>>>بجد فاضيه ..والله ماجربت الكرف بوظيفه 12 ساعه باليوم وراتب الف وخمس ويالله يعجب بعد.
المشكله هي الفراغ ,لو الأهل يفضون لبناتهم المراهقات شوي ويشغولون وقتهم كان ماعانينا من هالشي .
وبصراحه اكثر معد فيه اباء حازمين زي اول الا من رحم الله .
المراهقه (اللي بهالصوره ولااعمم)محتاجه رجل حازم تخاف منه .ابو ,اخو,خال ,عم .بعد خوف الله تعالى طبعاً.
فلنفرض ان لاسمح الله احد ما ,عانى من الموضوع هذا واكتشف ان بنته او اخته تسوي هالشي .
اول خطوه للعلاج التخويف من الله ثم التهديد بحرمانها من اي شي تحبه .سفر ,فلوس ...الخ.
رسالتي لهذه الشريحه من بناتنا للأسف ..
اتقي الله ,اتقي الله ,اتقي الله
ماتخافين ان يدك اللي صورتيها بنفسك ونزلتيها يعاقبك الله بحرقها وتشويهها ..
الله قادر ياخذ منك نعمة الجمال زي ماعطاكياها وبكل سهوله وبساطه (كن فيكون)..
واذا مااتعظتي بعد هالموضوع فكري زين ,تقدرين تحملين جهنم؟؟
انتي ماقدرتي تصبرين على حر الرياض عااد كيف جهنم .
نسأل الله السلامه
صاحبة الموضوع ..
موضوعك بطل ويستحق التثبيت ,من جد اتمنى يثبت ..
ياعسى كل حرف كتبتيه عليك بمليون حسنه مضاعفه ..
ياليت تكثر مثل هالمواضيع سواء منك او من اي عضو آخر ..
شكراً.

ObsessioN
21-06-2008, 09:05 PM
علشان نتكلم بالعموم

إذا البنت من بيئة محافظة ومجتمع محافظ وتسوي كذا فهذي من وجهة نظري " تعاني من عقدة نقص " تعوضها بالتنازل عن هالشيء للفلت الإنتباه

إذا البنت من بيئة عادي هالشيء ومجتمعهم يعتبر " هذا شيء طبيعي " فهذي بنت تمارس عاداتها اليومية وتخرج بصورة طبيعية تعكس واقعها

،

مرهبه
21-06-2008, 09:31 PM
اوووووووووووووص
ياموضوعك يجنن

رحت للفيس بوك لقاافه ابتفرج على صورهم وياانا فطست ضحك

طيب اوكي انتي هاي كلاس وتكشفين وعادي بس ماله داعي كل خلق الله تجي تتملق فيك وع والامر انهم شينااااااات شيووون

موضوعك مرة بطل عجبني

عوافي

بالله وش يحسون به وهم رازين صورهم

سحر المعاني
21-06-2008, 09:33 PM
أنا قبل ايام سجلت في الفيس بوكـ و رزيت صورتي في البروفايل
جانوني اجنبيات يقولون تونا نعرف ان الشاب السعودي وسيم

يااااااااااي

هماي أنا
21-06-2008, 10:07 PM
.. خاصة إن البنات هنا مكبوتات خلف الحجاب ..

لول اتوقع ماتوا المكبوتات الحين ! راح زمان الكبت !
الحين تحول الحجاب لمسأله قناعه عند اغلب العوائل :).. على الرغم اني مو محجبه وأمي ماتمانع لو بحط صوري وممكن أشاورها بهذا الشي .. بس مافكرت ارز صوري لا بماسنجر ولا فيس بوك واعرف كثير بنات كذا .. وبنفس الوقت اعرف محجبات(( بقنااعاتهم من غير ضغوط من احد )) رازين صور مخله بالأداب :p


البنت السعوديه .. ما يردعها دين ولا أخلاق ...

اللي تخاف منه شي واحد ..

هو انها لين جت تتزوج ... اهم شي ان زوجها ما يدري وش سوت هي


90% صحيح :)

لكن التقليد في الدلاخة هو اللي ماله سنع

لووووووووووووووووووووووووووووووووووووووووووووووووو وووووول بالضبط !
إنتي كذا (y)

Suvana
21-06-2008, 10:20 PM
.
.


ماشالله 5 صفحات ولا فيه احد مسجل فيه واللي مايعرفه :D

ياحليلكم بس :Dpb189

،

بطني مصدع
21-06-2008, 10:42 PM
ياحبيلك pb189
تبين الصدق .. والله من جد زين انك ماتعرفين
باختصار تقدرى تقولى انه موقع يقال ان غرضه الأساسى التعارف بين الناس
والتعرف على الأصدقاء القدامى كزملاء المدرسة والجامعه وكذا
وأغراض أخرى لكن للأسف أُسىء استعماله بصورة كبيـــــرة :(pb093
واللى أشوفه ان المعظم يستعملونه لوضع صورهم ومشاهدة صور الآخرين
مع عدم انكار وجود فوائد له وان كانت مررة ضعيفة
نصيحة خيتوو .. انسى الفيس بوك :rolleyes:
أنا خوياتى يتطنزون على لأنى ماأشارك بالفيس بوك بس عادى والله
مايهمنى .. وش زوده عن الماسنجر :confused:
شوية أبلكيشنز مدرى كويسشنات لكن نصيحتى خلك منه

وووبث


bp039bp039

ياحبي لك وشكرا لردك ياقمر pb189pb189
اها هذا هو اجل الفيس بوك ياحبي له ماي هازبندوانا اقرا موضوعكم اساله اقول وشو الفيس بوك يقول لي وجه الكتاب :D
<<قامت تتمسخر عليه يوم عرفت معناه :D
عموما الله يهدي الجميع

ماضي بن حاضر
21-06-2008, 11:02 PM
كثير من الشباب يحبون هالاشياء حتى اللي فوق هنا لابد قلوبهم ما تخق

om kalthoum
21-06-2008, 11:18 PM
من جد ليه الاقلاعيين نقادييين ومايسون شئ لابناتهم ولاعيالهم
تجي الوحده داخله مليون ياربي مراهقات ومتخلاته وتلاقي لها هناك حساب في الفيس
ونفس الشئ الولد ونص الاقلاعيين شايفهم هناك يلا بس عن الخرط والضرط

Apple_Pie
21-06-2008, 11:39 PM
ليه خليتوه مرض نفسي :D طبيعه البنت تحب المدح و تحب لفت لانتباه هذى غزيزه فيها صحيح انى احمد ربي على العقل اذا شفت وحده مسويه لك علامه النصر :sm12: و لا مصورتن خشيشتها pb027 ا :Dبس ولوووو مرحله المراهقه ما ينشره عليهم :D يعنى ترى بزعمهم انهم كووووول و حركات... pb034

بس الى يقهرر بعض البنات الواثقاااات من نفسهم بشكل موطبيعي pb036 والله شفت صوره الى لان عجزت انساها من الروعه((مهوب الروعه الجمال لا يعنى الخوف )) :D وحده مطلعه ساقها و يدينها مرقعات بكل لون ابيض على اسمر و حاطه مناكير احمر :D اقول يا زين الستر بس

أخت يونس
22-06-2008, 12:18 AM
.شمس الأمل امييين و مبروك التخرج ..
__________


SNAVRIL
اهلين ..

البنت السعوديه .. ما يردعها دين ولا أخلاق ...

اللي تخاف منه شي واحد ..

هو انها لين جت تتزوج ... اهم شي ان زوجها ما يدري وش سوت هي

الله يهديك بس وش هالحكي ....البنت السعودية= جدتك وأمك وأختك و زوجتك (لو تزوجت).
ماأعتقد ان اهلك مايردعهم لا دين ولا اخلاق ولا اعتقد انهم يخافون من أزواجهم قبل مايخافون ربهم..
بالعكس أنا متأكدة ان أهلك أن شاء الله من أفضل الناس دينا وخلقا..بس يمكن انت مرت عليك نماذج سيئة من العامة.البنت اللي مايردعها دين ولا خلق وتخاف من بشر اكثر من ربها مو شرط سعودية ..المسألة ماهي مسألة جنسية pb192 ..لمتى واحنا بنقول السعوديين والسعوديات ..وفيهم ومافيهم ...الجنسية والبلد و المجتمع ماهو شمااااااعة لأخطاء الأفراد ..كل انسان يمثل نفسه فقط ... وهذا العدل والمنطق الصحيح وعلى هالمبدأ بيحاسبنا رب العالمين اعدل الحاكمين :
قال تعالى " ( وَلاَ تَكْسِبُ كُلُّ نَفْسٍ إِلاَّ عَلَيْهَا وَلاَ تَزِرُ وَازِرَةٌ وِزْرَ أُخْرَى ثُمَّ إِلَى رَبِّكُم مَّرْجِعُكُمْ فَيُنَبِّئُكُم بِمَا كُنتُمْ فِيهِ تَخْتَلِفُونَ ) [ الأنعام : 164 ] .
( مَّنِ اهْتَدَى فَإِنَّمَا يَهْتَدي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلاَ تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولاً ) [ الإسراء : 15 ] .

لكن هي القضية ان الشر هو اللي يطلع لسطح لأنه خارج عن الفطرة فيثير قلق الناس وفضولهم..اما الخير فما يسبب هالبلبة والقيل والقال والتساؤلات ..لأنه هو الصح والطبيعي والمفروض يصير ..فلا نخلي الغضب يسيطير علينا ونتهجم على أمة كاملة ونغلط بحقهم ونقذفهم وناخذ ذنوبهم ..وهم فيهم ناس الواحد أفضل من مليون شخص bp039 ... ]

pEpSi 3ady
22-06-2008, 12:51 AM
ما حطت صوره نص وجهاها ونص رجلها وكوعها ..
الا انها عارفه ان هالشي غلط تسويه .:rolleyes:
ولا في امل تطلع خشتها كلها ..:D
وهالحركه ما يسونها الا البنات الي يعانون من الكبت ..:)
واهلهم مربينهم على الشي الصح ..pb189
ويحاولون يطلعون تمردهم ( المراهقين ) عن طريق النت ..pb034
يعني تراهم سوو شي خطير يوم طلعت نص وجهاها ..pb027
وفي ناس الحمد لله استخدمو الفيس بوك وغيره في مجموعات ...:sm12:
سوى يتبادلون كتب .. او تجاره مثل البنت اللي تعرض بلايز وكذا ..:)
.................................................. .................
ما نقول الا الله يصلح الجميع ..pb189
ويثبتهم يارب ..pb094pb189

أخت يونس
22-06-2008, 02:13 AM
قصيمي تحت المطر-جامعية فيلسوفة-بطني مصدع-مهمتن بالحيل( اهلين فيكم)- وكل من يسأل عن الفيس بوك ..شرحناه لكم كذا مرة انا والأعضاء...تحصلون الحكي عنه في 2-3 صفحة ..واللي تقول وشلون نشوفه اكتبي في قوقل
Facebook ويطلع لك الموقع وسجلي زي اي موقع ثاني بس نادر مايقبل اسم نيك نيم..حطي اسمك او اذا منتي حابه اسمك الحقيقي حطي اي اسم عادي ....وللي خذوا فكرة سيئة عنه وقالوا اشوى اننا مانعرفه...بالعكس ادخلوا وشوفوه واستفيدوا من الأشياء اللي فيه وتسلوا ..انا علقت على ظاهره خاطئة انتشرت فيه ..وماعبت الموقع ابدا ...واللي فيها بلا بيطلع بيفس بوك ولا في البر ..ماتفرق ...
________________

بروق ياهلا ...مافيه تخلف في الموضوع لوووووول ..ماتوصل لهالدرجة..بس هي القضية نبغى يصير فيه وعي و وازع ديني ..كثير بنات ماتحس بحجم الذنب اللي بتاخذه من صوره تافهه ..حرام تكسب ذنوب على طبالتها وتناحتها.. كثير والله مايدرون تقليد اعمى بس وانتشر الشي فحسته عادي..اما اللي عارفة حجم الذنوب اللي بتحصلها وراضية وتعاند ..فالله يهديها..احنا سوينا اللي علينا..وابرينا ذمتنا ..وذنبها وهي اللي بتحمله.

قضية اهلي موافقين وبيئتي كذا ..طلعناهم من الموضوع ..لاننا مانناقش حكم الحجاب الشرعي..لان هالموضوع أكثر جدلا ..وفيه مذاهب ونقاش طويل..عن نفسي ماأشوف عندي الخبرة الكافية في فتح هالباب ولذلك اكتفيت بالقول ان اللي بيئتها كذا وهي ماشافت انه غلط مو داخلة بالنقاش...لانها تندرج تحت موضوع ثاني مثل ماقلت فوق انا ماأحب اناقشه ..________
ملامح طفلة …اي والله فيه جزء كبير تصرفاتهم هذي نتيجة كبت وعدم قناعة ..بس الواحد يسوي اللي عليه ..اللي بيقتنع كويس ..واللي مقتنع بذنبه …فكيفه

رايحه جايه
22-06-2008, 02:22 AM
الفيس بوك :(

قد جاني طلب صداقه من وحده تصلح صوره لدعايات قبل وبعد .. خاصة دعايات فرد الشعر :D

ووحده ثانيه تصلح عظه وعبره للناس اللي تلعب بالمكياج بدون سنع :D

أمّا آخر وحده مسويه طلب :( .. شكيت إن ماضيها بسطات بساحات الحرم .. وشكيت أكثر إنها

عروق مسويه مقلب يوم شفتها عبده وكلنا عبيد لله :D

أنا مدري ليه مايجيني إلا هالأشكال :D << الطيور على أشكالها تقع خخخخخخخخخخخخخ

بس فيه حركه فضيحه .. إذا طلع لك اللي مسجلين بالموقع وهم موجودين معك مسن .. قد طلع

لي اسم وحده ( فلانه الفلاني ) وأنا أعرفها كـ يوزر فقط من منتدى : )

أسلوبك حلو في الموضوع .. يعطيك العافيه bp039

بجد كلامك يضحك ههههه
يعني الحين جبتي الأسد من ديلووو وعرفتي الخوافي كلها بهالمنطقيين اللي مافي أذكى منهم ؟
طيب ايش رايك اعطيك جوك واقول ماشاء الله انتي ذكية
اجل على بالك البنات مخفات ههههههههههههههههههههههههههههههه
وعشان واحد قالها اذا سافرتي برى يشوفونك تصدق وخلاص يعني ينلعب عليها
هههههههههههههههههه


إن تساني منب واهمه .. أنت اللي تقول البنت اللي معي مسن ليه ماتكلمني جوال :D

ترى حتى الخراب له درجات ... فرق اللي على وجه إنحراف ولا اللي مخربها أوي أوي :D

فـش فـش
22-06-2008, 02:46 AM
الفيس بوك وما ادرك ما هالدبره :rolleyes:
يعني الحين مافيه احد منكم مسجل فيه :D
انتم مثل اللي يتكلمون عن البويات مدري هم مايدخلون النت ولا ايش ;)
(( يعني هم معنا ويشفون وش نقول>> دبشه انتي تبينهم يقولون والله احنا هنا ناقشينا طسي تكفين :D ))
اعترفوا مين مسجل فيه ومن هالنمونه :D << شتبين انتي خخخخخخخخخخخpb027
الله يصلح الجميع بس مير ناس ع النت كلهم برائه ونااس كلهم وشسمه pb036
<< هي جت ع النت بس pb034
خخخخخخخخخخخخخخخخخخخخخخخخخخخخخخخخخخخخخخخخخخ

لوحة فنية
22-06-2008, 03:07 AM
تميلح ليس الا :)

أخت يونس
22-06-2008, 03:35 AM
هلا ذبحني غلاك ...وجهة نظرك صحيحة ..والله ياغلا <<حرفت الاسم :D..ارجع واقول انا مااعيب الموقع ابدا..بالعكس مفروض الناس الكويسين مثلك وصاحبتك تدخلونه محد مجبر يحط صورته..ادخلوا يسهل التواصل بينكم ويونس ....

واسمحيلي برسله لصحباتي ع الايميل

مشكووووووووورة ..هذا اللي اتمناه ..خذي راحتك واي شخص يبغى يرسل الموضوع ايميل ..طبعا مسموح ومشكور بعد
عنيدة اهلين فيك ..اميين الله يعافيهم ولا يبلانا.. بالضبط جبتي نقطة مرة مهمة الفراغ هذا مصيبة ويحتاج موضوع لحاله ..الله يشغلنا باللي ينفعنا ..وتحية لذوقك وطيبتك
_________________
حياة الروح ..جربي تدخلينه اذا حابه تعرفين ..حلو الواحد يكون عنده خلفية عن كل شيء..السبيس أقدم ..ومانجح مثل نجاح الفيس بوك لأن الفيس بوك مميزات أكثر ومسلي أكثر للي يحبون اللعب وبرضو اللي يحبون يضيفون أي فكرة أو يفتحون قروب ولا حابين ينشرون أي شي جديد مفتوح لهم المجال في الفيس بوك .
__________
Pixy < ياعليك صورة رمزية الله يكفينا الشر تدرس طب عيون

أيه في مواقع تحوم الكبد ..أنواع اللي يصير وجهك كذا >pb036
الموقع اللي جاء في بالي قبل الفيس بوك ..اشتركت فيه وانفجعت وحامت كبدي وانحشت منه..تنام وتقوم تلاقي بلاوي على صفحتك لووول شيء مرعب
___________________
محمد اي والله الحمدالله على نعمة العقل ..الله يديمها من نعمة محد ضامن نفسه..

عدد المتواجدون في هذا الموضوع » 17 , عدد الأعضاء » 15 , عدد الزوار » 2 ‏محـــــمد*, ‏!!.. HADI ..!!, ‏code OF silence, ‏حرم فزاع, ‏رهف78, ‏رقيقه الاحساس, ‏rakan3, ‏عا‘بر, ‏فوضى منمقة
حشى شات مهوب موضوع


لوووووووووووووووول و أنت قاعد تحسب

أخت يونس
22-06-2008, 03:39 AM
حرم فزاع .. اهلين ..الفرق في الفيس بوك بالنسبة لبعض الناس ..مثل ماوضحت في رد سابق

هي لما كشفت كانت ماشية مع اهلها وقدام الناس ..ماسوت شي بالخفية وبخوف وباحساس بالذنب ..ويمكن يجي يوم الله يهديها وتتحجب ..وفيه فرق كبير..لما توريك صورها من ورى اهلها ..معناته بتكسب ذنب اضافي اللي هو يندرج تحت عقوق الوالدين
..

و مثل ماقلتي كل ساقط وله لاقط ..مافيه شك..بس الواحد يسوي اللي عليه ..يقول كلمة يبرأ ذمته

ولسني احب هالاجواء

لووووووووووووووووووول ياحبي لك


الله يستر علي لايجيني يوم وانحرف !!

اي والله دايما ادعي يامقلوب القلوب ثبت قلبي على دينك..واحاول اسلوبي لما اعلق على شي اشوفه غلط مايكون فيه طنزة ...اخاف تحل علي العقوبة وانهبل لووووول بسم الله علي.


.....................

رقيقة الاحساس

..لنفترض انك بره تكشفين وهذا اصلا ما يجوز عديها زله وتروح ..لكن صورك لو مسكها احد اهل ابليس والله ما يعتقك ..عاد ليه تدخلين بهالمتاهه يا مال العافيه ..كله عشا تلفتين النظر

ياحلو بعض الناس..يقولون حكي كان في بالي وماطلع ..فعلا اذا سويتي شي غلط يمكن يوم تصلحينه وخلاص..حتى لو ماراح تطيح بيد احد يسوي لها مشاكل..ماله داعي تكسب ذنوب مضاعفة ..يعني ماهي حجة انها تكشف برا ترز صورها ..وتزيد الطين بله ..يعني خلاص سويتي ذنب لا تضاعفينه .

ازاي كدا هاللون
22-06-2008, 03:41 AM
لووووووووووول انا يوم جاني ايميل عن صاحب الفيس بووك وليش فتحته رحمت هالناس اللي قاعدين يترززون pb095

اذكر ان سبب خروجي من الفيس بووك قمة السخافه اللي وصلوا لها العيال والبنات بالقروبات كل ماجا عيد ميلاد بنت فتحت لها قروب والممبرز بس 50 وجت الثانيه وهلما جرا

والا مره قريت اسم قروب وقسم بعده عرفت ليش سمونا العالم الثالث (منصور يقول انام ومحمد يقول انوم مين الصح فيهم) :rolleyes: ابي اسخف pb036

بس صراحه ماانكر انه له فوائد يعني في عيال مشالله فاتحين قروب اسمه (بيتي بيتك) من جد من جد اكثر من رائع pb189 وتوهم مسوين معهم مقابله بالمجلهpb189

وفي قروب اسمه (لوول يادنيا) هذا من جد بعد مره حلو كانو يجمعون ملابس اللي مايحتاجونها الاعضاء ويقسمونهم ويودونهم بيوت ناس محتاجين pb189

فيه بعد قروب(بصمة بنات):sm5:

اللي من جد يقهرني انو فيه بنات مايكتفون بس انهم بحطون صورهم بالبروفايل احيان تلقى بنات حاطين صورهم بقروبات :sm18: من جد هذولا مريضين :sm18:

وبعد تنرفزني البنت لا حطت صورتها وهي تدخن والا تشيشpb071 <<<واذا بوليتم فاستتروا :cool:

يعني انا مره تعرفت على بنت بمعهد وصارت عندي بالفيس بووك وتحط صور الله يهديها بس pb093 حتى تعلق تعليقات مدري وش تبي وبصراحه الشباب كان تعليقاتهم عليها مره لاو كلاس pb036 وبعدين مره بالصيف قالت لي وين بتروحين وبالصدفه طلعنا بنروح نفس المكان pb027 رحت وكانت هي متحجبه :eek: استغربت لان لها صور بشعرها بالفيس بووك بس وجها مو باين قلتلها انتي ليش دامك متحجبه حاطه صورك كذا قالت انا مو متحجبه من كيفي اهلي يبون كذاpb093 قلتلها طيب انتي وناسه يعني هالتعليقات :confused: قالت ايه ترضي غروري بنفسيpb027 قمت قلتلها ماشفتي القروب اللي فاتحينه بنات يقولون ان صديقتهم كانت تحط صورها وانها ماتت ويبون اي احد عنده اي صوره لها يمسحها :sm1: قالت لا وبعدين بسمالله علي في بنات يسوون اشياء اعظم من كذا مافيها شي اذا حطيت صورتي pb071

عرفت اني مستحيل اغير تفكير البنت وانه مقتنعه بهالشي انه يرضي غرورها:cool:

للاسف كثير من صاحباتي عجزت اوصل لهم فكرة هالشي بس مو راضين يقتنعون :eek:


كان الله في عون اباءهم وامهاتهم اللي قاعدين ياخذون هالذنوب :rolleyes:

أخت يونس
22-06-2008, 03:44 AM
زهرة في الاقلاع


ردا على صاحبة الموضوع
والله من جد مدرى وش أقولك - ماشاء الله عليكى أسلوبك مررة حلو
ومقنع وجمعتى كل أطراف الموضوع بصورة سهلة وأسلوب قوى
وحلو فى نفس الوقت

جعله الله فى ميزان حسناتك
امييييييييييييييين ..الله يسلمك فرحتيني ..الله يسعدك ويجبر خاطرك

_________
قلبوشي أنا

بس لا تستغربو حتى في مجتمعنا ممكن يكونو هناك مرضى نفسيين وستوكرز من كل الطبقات
وبعدين لا تنسون فيه بنات يحبون يجمعون الصور الي يلقونها اون لاين وينتحلون شخصية اصحابها الحقيين
موضوع طووويل وله اكثر من جانب
بس انا بصراحة ضد وضع صور شخصية وحقيقية
يمكن مواقع Social Network Sites زي الفيس بوك ماتنفع للمجتمعات المحافضة اذا فيها توثيق بالصور
ممكن تعملى فيس بوك لاطفالك
وبس
اتمنى ماكون طولت وكررت الافكااااااااااار


هلا بالعكس فكرت مو مكررة ..واضفتي اضافة جدا مهمة ..من غير الناحية الدينية ..فعلا من الناحية الامنية مو امن ابدا ..وممكن يسبب لك مشاكل ويتبلون عليك الناس بأشياء انتي بغنى عنها..شكرا كثير

أخت يونس
22-06-2008, 03:52 AM
سشوار محروق هلا فيك


السبب الأول والأخير ضعف الوازع الديني زي ماقلت لك


مافيها شك ..وعشان كذا جبت أدلة وشواهد على الصبر وان الواحد مايطاوع نفسه بأي شي يحس وده يسويه ..ولا حتى يجربه ..لان اساسا لو قلتي لهم وازع ديني ..ماتحس بالضبط وش المقصود.يجي في بالها انها تصلي وتصوم رمضان والحمدالله...فلازم يكون فيه شوي شرح عشان يتأسس الوازع الديني ..بدال مانقول لهم انتم ماعندكم وازع وبس..يعني نساعدهم على تأسيس هالوازع شوي شوي ..

ثانياً :
لو كل بنت تعرف انها بتأثم على كل نظره فتنه عليها مارح تسوي
هالشي وبكره تتحمل ذنب كل نظرة مفتون لها
اذا هي قاصده هالشي ..


شفتي وشلون ..فيه اللي قاصده وهذي صعب تقنعينها لكن ممكن الله يهديها وتتأثر..اما اللي ماتدري وتحسبه عادي..وفيه والله بنات كذا..تلاقينه تخاف وبسرعة تشيل صورها وتتحسف


ثالثا :
البيئه اللي عايشه فيها وطريقة تعامل الأهل معها هل
هم مفلتين البنت وفري مررره أو متزمتين ومايحسسون البنت بأنهم واثقين فيها
فالبنت بتسوي هالشي الغلط كردة فعل أو تبي
تحر أهلها وتبي تعلمهم انها ترا مهما حبستوها ترا أقدر أسوي
هالشي من وراكم ..

اكيد التربية مهمة ..ولذلك لازم نحاول نتفهمهم ونساعدهم بتجاوز هالمشاعر السلبية اللي تخليهم يضرون أنفسهم



وفيه اسبااااااب كثيره منها ظعف بالشخصيه
أو تــحس بالنــقص فتحاول تظيعه بهالأشياء
أو لقافه وحب استطلاع شي جديد تبي تجربه وماتدري انه شرعاً مااااااااااايجـــوز ..


نصيحه ياااابنات اسمعوني بلى !
خافوا الله تراكم محاسبين بهالشي يوم القيامه خلاااص كفايه ذنوب
الله اذا بيعاقب قوم يعاقبهم كلهم بخيرهم وشرهم ..
ماتشوفون الغبره الله يستر من تاليتها فيضان ولا زلازل
لاسمح الله هالحين كل وحده تروح تمسح صورتها
وتصرف عمرها او تحط لها يوزر ثاني ترا مهيب نهاية الدنيا
خااااااااااااااااااافوا الله بكره انا وانتي يوم تطلع روحنا
نتذكر بلاوينا والمصايب وش عقبه !!!!
ماينفع وقتها لا استغفار ولا هم يحزنون محد يدري متى يومه !! كلنا
نخطي مافي احد مايخطي قال الرسول صلى الله عليه وسلم
: "كل ابن آدم خطاء، وخير الخطائين التوابون"

وقال الرسول صلى الله عليه وسلم :
قال : والذي نفسي بيده - لو لم تخطئوا لجاء الله عز وجل بقوم يخطئون ثم يستغفرون الله فيغفر لهم .

خلاص والله ندري انك حلوه وقمر وعسل بس ماتخافين بكره من الفضيحه !
بكره تعظييين أصابع وكراعين الندم بعد ..
ههففففففففف .. >> ظايق صدرها عوذ بالله ..
هذا وحنا سعوديات وقدوه لغيرنا ماتشوفون الاجانب المسلمين بالمواقع مقل يو تيوب لمن يشوفون مثلا مقطع فزاع والبلى اللي سوته بعض البنات ! قسم حسيت ان خششهم طارت !
وقالوا كيف حنا مستغربين ان فيه بنات من السعوديه يلبسون النقاب يسوون كذا اجل وش خلينا للباقي !!!

اعقلوا يرحم والدينكم عشاني

أدري اسمحوا لي شطحت واجد بس والله من الحره يابنات ماتخافون الله يعاقبكم بأي شي



نسخته مو عشان أعلق..بس عشانه كلام طالع من قلب صادق حنون .يستحق ينقرأ مرة ثانية ..وثالثة ..وينزل موضوع لحاله حسافة يكون بس رد ...سشوار محروق بجيب سيرتك في الردود اللي بعد ردك ..شوفيهم
___________

أخت يونس
22-06-2008, 03:57 AM
أميرة بكلمتي



بصراحة هالـ فيس بوك ماعرفه ولا عمري دخلته ..

بس قد دخلت موقع نفس فكرته , وبالصدفة بعد

بصراحة شي يندى له الجبين ..
لو كل وحدة فكرت إنها بهالفعل عرضت نفسها وبطريقة رخيصة ..
وكل هاللي مروا وعلقوا ومدحوا وخقوا
من وراها يستحقرونها , ونظرتهم لها ما تتعدى كونها ......!
ماكان رضت تكون بهالصورة ..!

ومليون بالمليون كل وحدة منهم تسوي هالهوايل من ورا أهلهها..
حرام هالي وثقوا فيها وعطوها جهاز ونت تقوم تستخدمه في اللي ينزّل سمعتها وشرفها في الحضيض.
بس صدقيني الحين مافيه بنت ساذجة
إلا تسوي كل شي بمحض ارادتها وبما تمليه عليها لكاعتها ومخها المريض .

وبعدين فيه نقطة ..

ياليت كل ام وأب يشبعون غرور الأثنى داخل بناتهم ..
عشان بعدين ماتضطر انها تدوّر هالإشباع في مكان موبوء زي كذا وبطريقة غلط

لكن انا ما أحط اللوم على الأهل .. لأن كل بنت وضميرها
إن كان حي فـ صدقيني بيجيها اليوم اللي يصحى ضميرها فيه
وإن كان فيه سبات ونبات اقري عليها وعلى ضميرها السلام !
الأهل يغرسون في عيالهم الصلاح ويوكلون الله وماضاع من اتكل عليه

وفيه نقطة حبيت اثيرها ..

وهي هالشباب اللي يمشي ويعلق ويرفّع بهالـ بقرة اللي عرضت نفسها .
مايخافون يشوفونها بأعز الناس لهم ؟
لهالدرجة يهون عرض المسلمة على اخوها المسلم ..!
صحيح هي اللي بدت بس لا تكون انت معين لها على الشر .. وراقب الله في خوالج نفسك وتصرفاتك
لأن هاللي كتبته بتسأل فيه عند الله .. وبـ تكون طرف اساسي في هالمهزلة اللي جالسة تصير



يارب تفتح على قلوبهم ,وتهديهم, وتردهم للحق .

يارب لا تؤاخذنا بما فعل السفهاء منا


<< ياكثر بربرتي


أميرة بكلمتي ..اقف تحية واعجاب لمثل هالكلام .. شوفتوا كيف ..عندكم كلام يدخل القلب على طول وعميق وجميل..بس محتاجين من يثيركم للكلام..ياليت انتي و سشوار محروق وكم رد مرة عجبوني ..ياليت تنزلون ردودكم في قروبات مشتركين فيها ولا ترسلونها بايميلات ..المهم يوصل صوتكم لأكبر عدد من الناس ..والله أن كلامكم مرة مؤثر ومرة حلو ..حرام بس يكتفى فيه كرد بيجلس يومين وينسى الموضوع .. انشروه ..ولا إذا تبغون من خلال هالموضوع خلونا نخليه يكون فاتحة خير ونعمل لنا قروب نرسل إيميلات مثل هالمواضيع ..الفيس بوك نقطة في بحر ..أشياء كثير ممكن نناقشها ونصلحها ..حتى لو مانطلع الا بشخص واحد يتأثر ..يكفينا ان كل كلمة نكتبها نيتنا فيها كويسة وبأذن الله ناخذ أجر عليها..
........

أخت يونس
22-06-2008, 04:01 AM
خفوق


هالي تكلمين عنهم ماتدرين تحتقرينهم ولا ترحمينهم

يعني هي تبي احد يمدحها و يحسسها بقيمتها

و ليه فلانه تنمدح وهي اقل جمال مني و انا احلى منها

طيب يا هبلا الي بيمدحك هذا من يكون ؟ وش يطلع ؟

انا اذا قيمني شخص احبه و احترمه ابعتز بها التقييم و بيعني لي شي

لكن واحد ما اعرفه ولا يعرفني

ما ادري هو داشر كلاب ولا صايع ولا محشش ولا سكير ولا عربيد ولا وش يطلع

و يجي يقول لي انتي فتنة الدنيا

و افرح؟؟؟؟؟؟؟


اذا شفتي الفئه الساقطه هذي تمدحك معناته انتي ولا شي

اذا اعجبتي هالاشكال المفروض تحطين عزا و يضيق صدرك

لانها دلاله على انه انحدر مستواك و صرتي تجذبين الذبان

هذا شي

و الشي الثاني مهوب مادحك الا يبي من وراك شي

يعني يبي يمدحك وبس؟

ليه صدقه و دفاعة بلى مثلا؟

راحمك ان كلن مادح صديقاتك و باقي البنات و انتي لا

حسنه يعني

ليه انتي شيفه و لا تسوين لدرجة انك تدورين المدح و الكلام الزين من ادنى و اسفل الناس؟؟


عزو ارواحكم

ولا تفرحون بالمدحه من فلان و فلنتان

ما مدحك الا يبي من وراك شي في النهايه

ما يوقع الذبان الا على انتو خابرين



خفوق ياهلا وسهلا ومرحبتين انضمي للقروب المقترح..احد داعي لي اظاهر ..ياررررررب شكرا..خفوق-سشوار محروق-اميرة بكلمتي ..من أجمل الردود اللي قريتها ..الله يسعدكم ويثبت قلوبكم ..والله شي يوسع الصدر ..وين اللي يقول السعودية ماتخاف ربهاووو..خاف ربك وتعال شف الناس الصح pb189 :rolleyes:

.................................................. .....................

أخت يونس
22-06-2008, 04:08 AM
هينا هو اوبا ...لا تعليق
___________

ام كلثوم


ياليل الليل يختي وانتي وش عليس منهم

اللي علي ..اني ماأوقف مكتوفة اليدين ..أعتقد أقل أقل القليل كلمة حق و توجيه يمكن بفضل ربي تأثر على شخص كان عنده الاستعداد بس يحتاج من يدفه شوي ويمشي في السليم ..مو لازم ننضمن للهيئة ولا نصير مطاوعة ولا نكون مطهرين من كل ذنب ..احنا بشر مستحيل نوصل للكمال ..وكل واحد وفيه عيوبه وانا ماازكي نفسي ابدا..انا انسانة عادية جدا من الناحية الدينية..لكن فيه اشياء بديهيه ومنطقية انها غلط ..ولما اشوف ان عندي وجه نظر فيها قد تقنع احد..احاول..ولي شرف المحاولة ..والواحد يدور الأجر لو بكلمة


عاجبنا الوضع

نبي نشوف عيون وخشوم وسيقان نبي نشوف خلق ربي ونقول الحمدلله
سواء زينه والا شينه

لووووووووووووووول ماقد شفت كائن بشري !! وش هالحرمان ياساترpb036..شفهم في التي في "تلفزيون"
اما ناس اهلهم تعبوا في تربيتهم ويخافون عليهم ومايرضون لهم يكون فرجة ويحملون ذنوب على عماهم ..فيضيق صدري عليهم..اخاف يجي يوم انسأل اني كان في قلبي كلام ممكن انصحهم فيهم وماقلته ..ولا انا ماهو من طبعي أفتح هالمواضيع لأنه متعبة..لكن الله يعلم اللي في القلب ..جبرت نفسي اتحمل كل هالردود ..وبعض التهجمات...عشان شي كسر خاطري وماقدرت اسكت عليه ..وقبل ماتستكثر على بنات الناس ان احد يوجهم ويسترون على أنفسهم..و ودك انه يستمر مسلسل الصور الفاصخة ..لو كانت هالبنت اللي تتفرج عليها اختك ولا من أهلك ...هل يرضيك ؟ خل عندك احساس انساني وضمير..اللي ماترضاه لنفسك لا ترضاه لغيرك..وترى الله حسيب رقيب..اليوم اقنعت فلانة تحط صورها وغريتها بالمدح والغزل و وااااااو دخت وتجننين ووو من الكلام الفاضي وقلة الادب..بكرة يجيك الدور ..ويغر اختك ولا بنتك شاب ماهمه الا غريزته وتسوي نفس التصرفات اللي انت في يوم غريت فيها بنت الناس وخليتها تسويها ولا حتى شجعتها تستمر فيها عشان تشبع غريزتك


بعدين انتي بنت وهم بنات ليش مغتاضه منهم
عشانس ماتسافرين مثلا والا ماتلبسين مثلا والا مثلا مثلا

خليها تورينا نبي نشوف عادي هي سافرت ولبست نبي نشوف


لوووووووووووول حركات 1415 ..محاولات الاستفزاز الفاشلة..نسيت اضيف هالأسلوب من اسأليب جرجرة الشباب للبنات ..يستفزها وانتي اكيد شينة وانتي ماقد سافرتي ..عشان تنقهر وتقول انا وانا ..ويقول لا مافيه شي يثبت ..وتتحمس وتطلع كل ألبوم صورها !!! :D
ايه ابد ماقد سافرت وساكنة بخيمة في الثمامة وألبس خيشة وميته غيرة لووول الحمدالله ..
ان شاءالله ارتحت بس .. اما من ناحية نبي نشوف..رديت على هالجزيئة فوق ..وشكرا لمشاركتك ..أعطت للموضوع أفاق أوسع وخليتني اذكر نقاط مهمة bp039

أخت يونس
22-06-2008, 04:12 AM
احلى كلام في الموضوع هذا ضيفي وانا اخوس
عندس هنا عيال ملاعين جدف يسرقون الصور ويشهرون فيها


انت برضو مشاركتك جيدة ..نبهت على نقطة اضافية من مساوء إضافة الصور غير الناحية الدينية

______
مدمنة فانتا
ماكتبت الموضوع ..الا لانه صعبان علي حالهم ..الله يهديهم امييين
________
بحور وردية ...مشكوررة bp039 pb189

أخت يونس
22-06-2008, 04:17 AM
أريج خالد ...امييييييييييييييييييييييين ..ياحبي لك يختي هذا الكلام اللي يوسع الصدر..وهذي الدعوات اللي الواحد يحب يسمعها ..الله يسعدك ويحفظك وين مارحتي

كلامك صحيح ..التربية أكيد لها دور..والأهم تثبيت الوازع الديني من الصغر..بس لا افراط ولا تفريط ..لازم كل شي يكون باقتناع ...انا عن نفسي ماأحب أسلوب الشدة ..لكن يمكن فيه نوعيات من الناس مايمشون الا بهالطريقة ..عالعموم اللي غلطت ماهي نهاية الدنيا..بكل بساطة شيلي صورتك وخلي لك شخصيتك وقناعاتك ..ماعليك من اللي حولك ..حركات القرونة والكبت والتقليد الأعمى مالها سنع <<ماسكة على هالجملة
احترمي دينك واحترمي نفسك يحترمونك الناس..
_________

Obsession

هلا فيك ..مثل ماذكرنا في الردود السابقة...البنت اللي بيئتها كذا..ماهي موضوعنا ..لانه تدخل في موضوع اخر
يندرج تحت احكام الحجاب اللي يختلفون فيها الناس..وانا هالباب ماابغى افتحه في النقاش لاني ماني مؤهله له.
___________



..مرهبه ..اهلين ..ياحبي لك مررررة شكرا...اندري يختي ..وين هاي كلاس معه..الهاي كلاس مو اني لبست شوز ماركة ولبست سكيني جينز يقالي فاشنبل ..الهاي كلاس مضمون قبل مايصير ظاهر..ولو انها صدق راقية كان ماطفرت وصورت كل دولابها كأنها تسوي دعايات مجانية لكل ماركة .. الحين المشاهير اللي يجون على "الرد كاربت" يرززون صنادلهم وفساتيهم ..المصممين شاحذينهم و دافعين لهم فلوس عشان يستعرضونها ويعملون لهم دعاية .... مو دعاية عل غير سنع
.................

سحر المعاني

اهلين .. زين والله ..شف كان فيه قروب ينتخبون ملك جمال الخليج pb192شارك معهم لووووول
...

أخت يونس
22-06-2008, 04:25 AM
الحين تحول الحجاب لمسأله قناعه عند اغلب العوائل .. على الرغم اني مو محجبه وأمي ماتمانع لو بحط صوري وممكن أشاورها بهذا الشي .. بس مافكرت ارز صوري لا بماسنجر ولا فيس بوك واعرف كثير بنات كذا .. وبنفس الوقت اعرف محجبات(( بقنااعاتهم من غير ضغوط من احد )) رازين صور مخله بالأداب

هماي أنا ..كلام صحيح ميه بالميه


إقتباس »
البنت السعوديه .. ما يردعها دين ولا أخلاق ...

اللي تخاف منه شي واحد ..

هو انها لين جت تتزوج ... اهم شي ان زوجها ما يدري وش سوت هي
90% صحيح

اختلف بالرأي ..نسبة 90 بالمية كبيرة..صحيح فيه بنات كذا...لكن ان شاءالله ماهم بهالكثرة..وارجع اقول ماهي مسألة تتحدد بجنسية..هالظاهرة في كل بلد

__________

هلا Miss Armani
كثر التساؤل عن الموقع دليل انه "ممكن" ماسبق وتناقش هالموضوع في المنتدى بهالجدية ..رغم ان الفيس بوك صار له وقت وقدم ..لدرجة ناس ملوا وتركوه ...وبرضو دليل ان الموضوع لاقى صدى واثار الفضول .. شكرا لمرورك ياحليلك لول

__________________

ماضي بن حاضر..
لووووووووووووول انت اظاهر ماقريت الموضوع,احنا نحكي عن الصح والغلط..ماقلنا وش مشاعرك تجاه الصور :D..عالعموم كلمتك هذي..تثبت انها فعلا اللي بتحط صورتها بتاخذ ذنب هالخقة

__________________________________________________ ____________

مخرج ستوب تعبت :sm12:

بقلاووة
22-06-2008, 04:47 AM
ماقد شفته ذا الفيس
اشوف بعض من هالصور بالفليكر ورسايل الايميل شي يضحك ويحزن :(

الحمد لله على العقل بسسسس والله يخلف على اهلهن pb093ودي اعرف بس
وش يحسن فيه لاحطن صور رجولهن و جزماتهن ((وانتم بكرامه)) من جد تفاهه
بتوريننا انتس يعنني حركات وكيوت وهاي كلاس وماركات << تفكير معوق :confused:
سخافه جد وقباحه ونقص وكل ابو مرض بالدونيا :mad: <<خلاص ماله تفسير الا تسذا pb027


كلش كووم ولاغطت وجهه بشوشته <<سلامات:D
والا لافتحت خشته تورينا تقويم سنونه << يامال الي مانيب قايله :D صرت احلم به ذي
والا هالصوره لاحطن ايدينهن فوق بعض مناكير واساور وزحمه وخطوره خخخخخ
والا والا والا ... الخ من الجنز وتحت الله يستر علينا وعليهن


مدري وراه الا لازززززم تطلع نص خشته , جزء من جسمه
اظافرهن وخلاقينهن بالصوره :confused:
يعني يقالي صوره عفويه :D .. او اغراء اوعميا او حولا ماشفتي او وشو بالضبط pb027

ابعرررف وش تحسوون فييييه طواعين يطعن العدوو << اعصابتس لايطق فيتس عرق تكفين :D

بليززز صورو طبخكن مواعينكن :D بزرانكم حوشكم بكفيكم
خششكن لااااع الله يعافيكن و يحومن تسبدكن :D

خلاص يسد تعليق تعبت نفسيا ووه ياررربيه :D
هذا هو رايي بهالفئه الداجه :D

علعموم كلن ذنبه على جنبه
والله يهدينا وياهم وعيالنا وبنياتنا bp039

واخيررن :D
اتمنى ان بروفايلات الاقلاع الي حاطينهن بالملفات الشخصيه
ماتكون فيها هالصور السخفيه :sm4:
لاني صدفه سيّرت على كذا بروفايل وشفت من نفس ذي النمونه :( الي مدري وش تبي pb027


الي بالاحمر هو خلاصه القول خخخخ

ويامال العافيه على الموضوع اختي
لتس bp039

اجرح واداوي
22-06-2008, 05:49 AM
\\

مو كأنكم مبالغين !!

صور السيقان والبراطم وماني عارف أيش أتوقع إنها من مراهقات
وبيوم راح يعقلوو .. خاصة إن البنات هنا مكبوتات خلف الحجاب ..
وكثير منهم مو مقتنعين فيه ..ويلبسونه بسبب الأعراف فقط ..
لذلك تطلع مواهبها بالنت وتصور أجزاء من جسمهاا !!
لكن اللي مقتنعه بالحجاب ماتسوي كذا أبد ..


عموماً الماي سبيس أحلى من الفيس بوكbp039 ..




pb093
مسألة الاقتناع ممكن تكون في الحجاب او غطاء الوجه نفسه
اما باقي الجسم معروف وبكل المذاهب انها اشياء محرمه تطلع !
يعني هي مو مقتنعه بحجابها وبغطاها خلاص يصير مبرر لها انها تطلع صورها لابسه شورت او راسمه بالكحل بآآآآآخر ظهرها ومصورته يقالها تاتو pb192 هذا كلام مقنع ؟


ههههههههههه انا مايقهرني الا اذا كانت البنت كبيره يعني 25 - 27 وكذا <<<<<< اعرف كم وحدة كذا
المراهقات يمكن نقول ماينشره عليهم بزرات بس هالحريم وش ينقالهم <<< طبعا من فئات الي تلبس كاب وتغطي عين وحده ويطلع طرف من الفم المرزوز والجسم باين


Fashion Lady
فيك الخير والله كلامك جداً مقنع ومنطقي bp039 :)
ياليت ترسلينه على قروب وينتشر بالايميلات يمكن ربي يهدي احد على يدك

Bright Sky
22-06-2008, 05:51 AM
اقول فاشن ليدي ماتلاحظين موضوعك تسويق للفيس بوك (بدون قصد) :d ,

شوفي عدد الاشخاص الي ماعرفوا الموقع الا من الموضوع ..

عاد الله اعلم كم عدد الي من طقة "مع الخيل ياشقرا" .. وبيقلدون الاصناف الي تنتقدينها ..


بالنسبة لموضوعك ,

قبل كنت اذا شفت مثل هالمناظر انقهر ويرتفع ضغطي واقول حرام وملعوب عليهم وودي اغير هالشي ..

لكن الحين لو يقولون السعوديات قلبوا عاهرات (الله لايقوله) ماعاد يهمني ..

يعني انا فاضي اشيل هم بنات العالم وهم ماشالوا هم انفسهم ..

اهم شي الواحد ينتبه لأهله وبنات الناس لهم اهلهم يربونهم ..


طبعاً اعتقد الجميع عارف ان وراه آخره وحساب .. وكل بلاويه راح يتحاسب عليها ..

ف يوزن اموره على هالشي :d ,



يعطيك العافية فاشن ,

deep
22-06-2008, 06:47 AM
من بريدي :)

مؤسس موقع الـ Facebook

اسمه : Mark Zuckerberg

http://up.eqla3.com/up/get-6-2008-b85rluzw.bmp (http://up.eqla3.com/up)

كان غرضه في انشاء الموقع ان يكون ملتقى لطلاب الجامعه وتبادل المحاضرات والدروس بحيث يكون الوصول للمعلومه سهل

يعني للعلم والمعرفه بس pb034

تحية لكل سعودي راز خشته في الموقع :D

miss_كليجا
22-06-2008, 07:31 AM
:eek::eek::eek::eek::eek::eek:

والله أني قايله انه الي حاطن الموقع له دبرة:rolleyes: بس مااااااش ماحولك احد:cool: مشغولين بالبطوووون والنعال والخشووومpb027pb027 ولا من شاف هالضعيفpb095 والله ماااهوب لم شئ :sm12:متحوسن حتى صورة زي الناس مب عارف pb027غايص بين الأسلاك ولابس زنوبة حمامpb027 ياااابعدي طايرة شوشته مع الدراسة pb131وقاطعه قلبه مساله الطلاب وشلون يستفيدون pb093خبرك يمكن لوماحط الموقع كان دجوووا ومحد نجح pb095pb095ولا عرفو ينطلون المحاظرات من أحد (ياشيييييين الملاحق للمحاظرات pb131الله يان الشحاته أسهلpb095 أعوذ بالله ياحسدهم ياهالدوافير يطلعون عيونك على مايعطونك شئ:sm12:<<<< البنت مقرووووصة الى الحين بقلبه هههههههههpb095pb095) هههههههههههههههههههههههههههه عالعموم من جددددد مررررره شوكرن عالمعلومة pb027pb027
بحط صورته ببروفايلي ولد الحلال اقل شئ نقدمه له هههههههههههههههههههههههههههههههههه<<< والله من الهطافة <<<براااااا ياشيخة لايكثرpb095pb095

جداويه يبويا
22-06-2008, 12:01 PM
عادي جداً .. وش فيها إذا حطينا صورنا بهالفيس بوك مع إني ما قد طبيته :rolleyes:
وش فيها إذا صورت أصباع رجلي الثاني < ما تقصد طرش أبد :D .. ورزيته بسبيسي pb192

مره من المرآت تصورت ونزلت صوري بالسبيس حقي
صوره لخشمي وهو منعفط :eek:
صوره ليد سواقنا بيتر برآيفت بيتر ( كم اشتقت لك يا هيواان :( )
ومره صورت معصب جدتي :sm3:
ومره تهورت وصورت ملابسي الداخليه pb036 +حمامنا pb036
ومره صورت يدي ويد صديقتي وحنا مشبكين ايادينا في بعض < كنديشن يا حلو البرائه pb094

ايه ايه تذكرت مره تصورت وانا انفخ اللبانه وطاااااااااارت اللبآنه في الهوى وعلى فكره ترى اللبآنه مو باطوق pb093 لا لا لبانه شريتها من التحليه pb094 < من محادثه بين بنتين يكشخون على بعض بالعلوك :D

BSH
22-06-2008, 02:57 PM
/


خلااااص صارت حركات قرآوى ، صوره يد وحده تسوق والعداد 0 pb027 والا صوره وحدده تشجع المنتخب بمقلطهم ، والا اللي لابس مايوه ومنسدح قدام مسبحهم على باله يعني انا في ماربيا pb027 لا جد اول مره اشوف احد يحتفل بمباراه ببيتهم pb036 والا يتشمس عند مسبحهم وهو فاضي pb036pb071
أحس راحت موضه الفيس بوك خلاااص ماضي واندثر pb027



الله يستر ع الجميع bp039


/

Maja
22-06-2008, 03:04 PM
والله شوفي أنا معاكي في فئة إستعراض و كل شي...

[COLOR="Red"]بس في كثير عالم داخلين فيسبوك و كل اللست أصحابهم و ناس يعرفوهم بالحقيقة...
و يعني عاملين high security settings...
يعني مثلاً و لا أحد غير أصحابه يقدر يدخل بروفايله و يشوف صوره...
و حتى لما تدوري بال search results ما يطلع لك غير الإسم و علامة إستفهام بدل الصورة...يعني كل واحد عقله براسه يعرف خلاصه...
اللي يبي يستعمل التكنلوجيا بصياعة حيسوي كذه و هذا يدل على مستوى التفكير و الوعي عنده...
واللي يبي يستفيد منها يظل على إتصال بأصحابه و يلاقي عروض و أخبار برضو يقدر...

COLOR]

موقع الفيس بوك بالنسبة لي من أفضل المواقع.. فيه كل الأطباء/الأصحاب/زملاء الدراسة الي تعرفت عليهم و اشتغلت معهم و درست معهم.. حتى أخوي :D .. حتى جهينة :D.. و اسمي موجود فيه بالصريح و صورتي بالحجاب (ما تبين الا للي بالفرندز لست).. يعني محترمة حالي و مالي شغل بأحد.. وأطنش اضافات من ناس ما أعرفها.. الي معاي في اللستة ناس أعرفهم شخصيا.. bp039bp039

حاليا قاعدة مع الكلاس حقي نحدد الوقت المناسب للـ reunion حقنا في الجامعة في وحدة من القروبات.. أنا صراحة شايفه انها tool ممتازة للي عارفين كيف يستخدمونها..

المقصود انه فيه صالح و طالح و فيه الناس الي عارفة تستخدمه صح و فيه ناس تستخدمه للتميلح .. تفاهة ما بعدها تفاهة. pb093

LeO
22-06-2008, 03:14 PM
اللهم استرنى و ذرتي ومن احب فوق الارض وتحت الارض و يوم العرض
ربي يهدينا و يهديهم
انا اهين عندى البنت تتصور كامله اما اللى تصور عين او فم او اصبع او رجل او كلو وتغطي وجهها
انواع الامراض
الحمدلله الذي عافانا مما ابتلاهم وفضلنا على كثير من خلقه تفضيلا كثيرا

عـقـد لـولـو
22-06-2008, 04:44 PM
الله يزيدني جهل به ..توصلني من البنات صور ع الايميل ويقولون هذولا حقين الفيس بوك !
وعععع استغفر الله قرف واللهي قمة في القرف ..
انا اشوف البنت اللي تعرض صور لها وكنها تقول الفائز اللي يجمعني ويكون مني صوره !!
مع احترامي لكم انا اشوفها "زباله" زي مستنقع وصخ كلن يمر ويوطاه << خاني التعبير :(
والعيال اكيد نظرتهم كذا .. الله يعافيهم ولايبلانا :(

والا عاد العيال آخر ايميل وصلني اليوم الظهر عن صورهم ..
والله بعضهم مقرفين وبعضهم يقلدون حركات البنات باستهبال ..
ناديت امي واختي يناظرون معي امي تضحك تقول خبول ذولا ؟؟ رجال طول وعرض يسوي كذا ؟؟ اهان نفسه ورجولته والله !!:(

يعني صايرين هالعيال والبنات زي المضحكه للكل ..


مره وحده من البنات عطتني رابط تقولي ادخلي صوتي لي .. اللي فهمته منها انه قروب خاص لها ولعائلتهم اخوانها وعيال عمها والبنات .. وتبغاني اصوت لها عشان تصير مديرتهم :d
المهم اني دخلت وشفت لازم تسجيل وكذا ورجعت لها ع المسن قلت ماحب وجع الراس دوري غيري ..
وبصراحه مافكرت ابدا اسجل فيه او ادخل اتفرج حتى مجرد تفرج !
بس بالفتره الاخيره صارت توصلني صورهم ع الايميل !!



لو كل واحد فيهم تذكر ان كل ضغطة على جهازه هو محاسب عليها .. وان كل صوره يحطها او يشوفها او يشجع صاحبتها محاسب .. ماراح يسوون هالشي ..
بس ضعف الدين والفراغ وحب المظاهر وبيتنا احسن من بيتكم واحنا نسافر وانتوا لا هي اللي ضيعتهم !
واللي يقهر من جد لما تشوفين احد يرد وبكل بجاحه ويقول قناعه ! وعاداتنا غير عن عاداتكم يا قراوى يارجعيين ياااي لين الحين فيه احد يناقش ع الحجاب !!!
يابوي يا امي القناعه في الحلال سوو بكيفكم ..
لكن في الدين وشرع ربي فرض عليكم شي قناعتكم خلوها لكم ..



الله يهدي الجميع .. وينور قلوبهم بالطاعه ..
والله يهدي كل بنت تعرض صورها كنها رخيصه ! ويهدي كل ولد يرفع بالبنات ويشجعهم على الحرام . قال تعالى (مايلفظ من قول الا لديه رقيب عتيد)
الواحد يتقي الله ويخاف لايبتليه بأحبابه وأقرب الناس له ..


والله انه يضيق صدري وأنتك اذا طلعت مطعم والا سوق والا اي مكان ! وشفت كيف صارت اشكال البنات والعيال !
والحين طينوها بهالفيس بوك !
عقول فارغه ! خلت من الخوف من الله .. ونست ان فيه موت وقبر صغير يحويها ! وحساب وعقاب !
{ حتى أذا جآء أحدهم الموت قال رب ارجعون لعلي أعمل صالحا فيما تركت كلا إنها كلمة هو قايلها ومن ورآئهم برزخ إلى يوم يبعثون }

وقال صلى الله عليه و سلم أفضل الصلاة وأتم التسليم لمّا مر بقبرين: ( إنهما يعذبان وما يُعذبان في كبير ، أما أحدهما فكان يسعى بالنميمة ، وأما الآخر فكان لا يستتر من بوله) من سنن ابن ماجه 341 ..
ملاحظين !! مايعذبان في كبير !!! واحد كان ينم ! واحد كان مايتنظف !
ومع ذلك يعذبااااان !!
كيف اللي يمشون بالنميمه الحين وحش في خلق الله وفضايح صور ونشر للعورات وتشجيع بعض ع الحرام وضعف دين ؟؟
الله يتوب علينا بس:sm1:

يتوقعون ان اللي تتفصخ وتسوي وتتكلم هي اللي وصلت القمر ووخرو عن طريقي !
والله تلقينها اكثر الناس حزن وكآبه وضيقه ! لأنها بعدت عن الله .. وعن ما أمر به ..
والولد نفس الشي ..

قَالَ تَعَالَى : ﴿ فَإِمَّا يَأْتِيَنَّكُمْ مِنِّي هُدىً فَمَنِ اتَّبَعَ هُدَايَ فَلا يَضِلُّ وَلا يَشْقَى.وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى. قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيراً. قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى ﴾ (طـه:123-126)

أخت يونس
22-06-2008, 07:10 PM
رايحه جايه


الفيس بوك

قد جاني طلب صداقه من وحده تصلح صوره لدعايات قبل وبعد .. خاصة دعايات فرد الشعر

ووحده ثانيه تصلح عظه وعبره للناس اللي تلعب بالمكياج بدون سنع

أمّا آخر وحده مسويه طلب .. شكيت إن ماضيها بسطات بساحات الحرم .. وشكيت أكثر إنها

عروق مسويه مقلب يوم شفتها عبده وكلنا عبيد لله

أنا مدري ليه مايجيني إلا هالأشكال << الطيور على أشكالها تقع خخخخخخخخخخخخخ


ههههههههههههههههههههههههههههههههه ياخف دمك أنواع الناس اللي مدري وش تبي..بس يضحكون على ذا التقليعات ..هالنماذج تخليني استانس على المواقع الاجتماعية ..تعرفين اللي من كثر مايصادفونك غريبين الأطوار pb168 يصير عندك استعداد نفسي معد فيه صدمات لول


بس فيه حركه فضيحه .. إذا طلع لك اللي مسجلين بالموقع وهم موجودين معك مسن .. قد طلع

لي اسم وحده ( فلانه الفلاني ) وأنا أعرفها كـ يوزر فقط من منتدى : )


لووووووول أحسك حسيت نفسك كونان ذيك اللحظة ..الفيس بوك كله تحسين انواع كشف الخفايا :D..بعذر الاستخبارات الامريكية لما طلبوا يشترونه من صاحب الموقع ..عرضوا عليه مبلغ وقدره عشان يصير لهم تحكم بانهم يطلعون على معلومات الخلق..من باب انهم يعرفون كيف يفكرون الشباب و وش وراهم و ايش يحوسون pb175<<حسيتهم خالتي قماشة لوووووول



أسلوبك حلو في الموضوع .. يعطيك العافيه


الله يحلي أيامك ...ويعافيك من كل شرbp039


إقتباس »
الرسالة الأصلية كتبت بواسطة كلي فحولة »
بجد كلامك يضحك ههههه
يعني الحين جبتي الأسد من ديلووو وعرفتي الخوافي كلها بهالمنطقيين اللي مافي أذكى منهم ؟
طيب ايش رايك اعطيك جوك واقول ماشاء الله انتي ذكية
اجل على بالك البنات مخفات ههههههههههههههههههههههههههههههه
وعشان واحد قالها اذا سافرتي برى يشوفونك تصدق وخلاص يعني ينلعب عليها
هههههههههههههههههه
إن تساني منب واهمه .. أنت اللي تقول البنت اللي معي مسن ليه ماتكلمني جوال

ترى حتى الخراب له درجات ... فرق اللي على وجه إنحراف ولا اللي مخربها أوي أوي

لوووووووووووووووووووووووووووووول

أخت يونس
22-06-2008, 07:13 PM
فش فش

يعني الحين مافيه احد منكم مسجل فيه
انتم مثل اللي يتكلمون عن البويات مدري هم مايدخلون النت ولا ايش


عادي كلنا مسجلين ..مو العيب في الموقع..بس هي قضية ظاهرة هالصور الماصخة اللي على بالهم عادية مافيها ذنوب وهي تجيب لها أنواع الذنوب والعقوبة وتنكد عليها حياتها وهي ماتدري وش السبب .

(( يعني هم معنا ويشفون وش نقول>> دبشه انتي تبينهم يقولون والله احنا هنا ناقشينا طسي تكفين ))

لوووووووووووووووووووووول ..هذا ان دل على شي ..دل على انهم كويسين من جوى.. واغلبهم ماقصدوا ولا حسوا بحجم الغلط..ويمكن بعضهم تأثروا..ولا اللي بتجي تباجح و تقول انا احط صوري بهالطريقة الفاصخة ومااحس فيها ذنب ..فهذي يبي لها شيخ يقرأ عليها pb030


الله يصلح الجميع بس مير ناس ع النت كلهم برائه ونااس كلهم وشسمه
<< هي جت ع النت بس
خخخخخخخخخخخخخخخخخخخخخخخخخخخخخخخخخخخخخخخخخخ


هههههههههههههههههههههههههههههههههههه سوالف ماقبل النوم ..هذي الحالة اذا جت الواحد ويحس وده يقول أشياء مايدري وشي pb036

__________________

لوحة فنية

اللي بيتميلح يتميلح محد ماسكه ..بس مايكون بطريقة فيها ذنوب كبيرة وتنزل من مستواه وهو مو حاسpb093


____________

أخت يونس
22-06-2008, 07:17 PM
ازاي كدا هاللون
اهلين


اذكر ان سبب خروجي من الفيس بووك قمة السخافه اللي وصلوا لها العيال والبنات بالقروبات كل ماجا عيد ميلاد بنت فتحت لها قروب والممبرز بس 50 وجت الثانيه وهلما جرا

اذا بتريحن مخك ..ابعدي عن القروبات لا تكلفين نفسك تلقين نظرة ..الا لو احد قال لك على قروب فيه فايدة ..وتجمعي انتي وصاحباتك بزاوية و ونسوا بعض..


والا مره قريت اسم قروب وقسم بعده عرفت ليش سمونا العالم الثالث (منصور يقول انام ومحمد يقول انوم مين الصح فيهم) ابي اسخف

ههههههههههههه تبين اسخف !! خذي (أي احلى مرة ولا مراا ) < نسويه قروب لوووووووول

بس صراحه ماانكر انه له فوائد يعني في عيال مشالله فاتحين قروب اسمه (بيتي بيتك) من جد من جد اكثر من رائع وتوهم مسوين معهم مقابله بالمجله

وش فكرة هالقروب ؟

وفي قروب اسمه (لوول يادنيا) هذا من جد بعد مره حلو كانو يجمعون ملابس اللي مايحتاجونها الاعضاء ويقسمونهم ويودونهم بيوت ناس محتاجين

ماشاءالله ..أغبط هالناس..من جد هذا اللي اسميه الشخص الراقي..اسم القروب مملوح بعيد عن التشدد والأسلوب التقليدي + ضمير انساني حي + استفادة من التقنية

فيه بعد قروب(بصمة بنات)

وهذا بعد ايش فكرته ؟




يعني انا مره تعرفت على بنت بمعهد وصارت عندي بالفيس بووك وتحط صور الله يهديها بس حتى تعلق تعليقات مدري وش تبي وبصراحه الشباب كان تعليقاتهم عليها مره لاو كلاس وبعدين مره بالصيف قالت لي وين بتروحين وبالصدفه طلعنا بنروح نفس المكان رحت وكانت هي متحجبه استغربت لان لها صور بشعرها بالفيس بووك بس وجها مو باين قلتلها انتي ليش دامك متحجبه حاطه صورك كذا قالت انا مو متحجبه من كيفي اهلي يبون كذا قلتلها طيب انتي وناسه يعني هالتعليقات قالت ايه ترضي غروري بنفسي قمت قلتلها ماشفتي القروب اللي فاتحينه بنات يقولون ان صديقتهم كانت تحط صورها وانها ماتت ويبون اي احد عنده اي صوره لها يمسحها قالت لا وبعدين بسمالله علي في بنات يسوون اشياء اعظم من كذا مافيها شي اذا حطيت صورتي
عرفت اني مستحيل اغير تفكير البنت وانه مقتنعه بهالشي انه يرضي غرورها


شفتي وشلون.. الحمدالله عالنعمة..يعني مو كل الناس عاشوا في بيئة متوازنة..فعلا قد تكون تعرضت لكبت وماانعطت المجال للاقتناع ..فيحصل هالشي..حرام الكل يتهجم عليهاpb093..لو الواحد تفهم الاحساس اللي تحسه ..وعلمها انها لما تضغط على نفسها وماتعمل هالشي اللي نفسها تسويه من باب الصبر عن المعاصي وان الله بيعضوها ..يمكن يجي يوم وتقتنع..بدال مانقول حرام ووو وبس ..وانتي مررة حلو منك انك تجرأتي وقلتي لها ..عالأقل أبرئتي ذمتك ..وماتدرين يمكن مااقتنعت في لحظتها ..ويمر عليها وقت تتذكر كلامك و تقتنع ..ترى هالبنات بشر مو شياطين ..يمكن يمر يوم ينكسر قلبها وتحس ان حياتها غلط وتبدأ تصلح اغلاطهاbp039..وأسهل شي بتسويها انها تعمل دليت لصورها ..وتوقف هالذنوب اللي تجمعها كل لحظة.

أخت يونس
22-06-2008, 07:20 PM
هلا بقلاوووة

مدري وراه الا لازززززم تطلع نص خشته , جزء من جسمه
اظافرهن وخلاقينهن بالصوره
يعني يقالي صوره عفويه .. او اغراء اوعميا او حولا ماشفتي او وشو بالضبط


لووووووووووووووووووووووووووووووووووووووووووووووووو ووووووووووول ياعليك تعليقات ..حرام مو مرض ..وش يحسون مثل ماقلت لك ..طبيعي ياتبي مدح يرضي غرورها ..ولا تبي تقلد وبس ماتبي تحس فاتها شي



بليززز صورو طبخكن مواعينكن بزرانكم حوشكم بكفيكم
خششكن لااااع الله يعافيكن و يحومن تسبدكن

لوووووووول ..اي والله اذا ابعدت اهتمامها عن نفسها شوي..طلعت قدراتها حتى الصور يصير فيها ابداع..لانها لما تصور روحها..اهم شي تفكر فيها تطلع حلوة بأي طريقة ..ويروح التركيز على النواحي الثانية ..اما لما تصور أشياء ثانية ..تطلع بأفكار جديدة تخلينا نقول واو بدال مانقول الله يخلف.




ويامال العافيه على الموضوع اختي
لتس


ياحبي لتس...الله يعافيك bp039

أخت يونس
22-06-2008, 07:23 PM
اجرح و أداوي



مسألة الاقتناع ممكن تكون في الحجاب او غطاء الوجه نفسه
اما باقي الجسم معروف وبكل المذاهب انها اشياء محرمه تطلع !


مسألة الاقتناع ممكن تكون في الحجاب او غطاء الوجه نفسه
اما باقي الجسم معروف وبكل المذاهب انها اشياء محرمه تطلع !

بالضببببببببببببببببط هذا اللي كنت بقوله في احد الردود وماعرفت اوصل الفكرة..شكرررررا كثير..الله يسهل أمورك bp039pb189



يعني هي مو مقتنعه بحجابها وبغطاها خلاص يصير مبرر لها انها تطلع صورها لابسه شورت او راسمه بالكحل بآآآآآخر ظهرها ومصورته يقالها تاتو هذا كلام مقنع ؟


اندري ! ..اما الكحل يقالها تاتو لوووووووووووول رهيبة ..بعد ليته كحل قلم حبر أسود هههههههه




Fashion Lady
فيك الخير والله كلامك جداً مقنع ومنطقي
ياليت ترسلينه على قروب وينتشر بالايميلات يمكن ربي يهدي احد على يدك

الله يسلمك ..مشكورة .. بيني وبينك انا كنت احاول انشره في قروبات بس مااعرف قروبات سنعة فعملت سيرش وشفت قروب كأنه لابأس..واضفته عشان انشر الموضوع ..وتفاجأت موضوعي جحدوه..وجاتني ايميلاتهم سكس وخرابيط :eek: رغم انه والله ماكان في واجهه القروب اي شي يدل انهم من هالنوع pb036 <<وحدة متعرضة لصدمة لووول.. واشوى الحمدالله نزلته هينا ومرررة اندعم الموضوع بكلام مرررررررة حلو وقوي و بأساليب مختلفة وكلها مقنعةbp039bp039bp039pb189pb189pb189 ..فياليت أي وحدة مشتركة بقروب حلو ...وحابة تنشره ...تتفضل ..واي رد حلو عجبها برضو تنشره ..:)

أخت يونس
22-06-2008, 07:26 PM
Sky soul

اقول فاشن ليدي ماتلاحظين موضوعك تسويق للفيس بوك (بدون قصد) ,
شوفي عدد الاشخاص الي ماعرفوا الموقع الا من الموضوع ..

عاد الله اعلم كم عدد الي من طقة "مع الخيل ياشقرا" .. وبيقلدون الاصناف الي تنتقدينها ..



لوووووووووووووووووووووووول كأنك حاس,بغيت ارسل لصاحب الفيس بوك ..اقوله هات عمولتي :D...والله شف انا جاية في بالي هالنقطة ..بس صدقني ..اللي فيه بلا مو محتاج فيس بوك يدشر فيه..يدشر لو انهم مقفلين عليه في قلعة..ولو فكرت من ناحية ثانية ممكن يكون تنبيه مسبق لبنت من نوعية" الخيل ياشقرا" فمن البداية يصير عندها فكرة ان هالحركة مو عادي وكذا وماتطيح بالغلط من الاساس ;)


بالنسبة لموضوعك ,

قبل كنت اذا شفت مثل هالمناظر انقهر ويرتفع ضغطي واقول حرام وملعوب عليهم وودي اغير هالشي ..

لكن الحين لو يقولون السعوديات قلبوا عاهرات (الله لايقوله) ماعاد يهمني ..

يعني انا فاضي اشيل هم بنات العالم وهم ماشالوا هم انفسهم ..

اهم شي الواحد ينتبه لأهله وبنات الناس لهم اهلهم يربونهم ..


طبعاً اعتقد الجميع عارف ان وراه آخره وحساب .. وكل بلاويه راح يتحاسب عليها ..

ف يوزن اموره على هالشي ,

شف الاعتدال كويس..مااشيل هم كل بنت واراكض وراها واقول الا صيري كويسة..ولا اقعد ساكته مثلي مثل الجدار وانا عندي حكي اقوله ..موضوع مايكلفني الا طقطقة كي بورد ويمكن ينتشر ويحد من هالظاهرة ..أحس هذا أقل شيء اسويه



يعطيك العافية فاشن ,

الله يعافيك

أخت يونس
22-06-2008, 07:31 PM
عمق


كان غرضه في انشاء الموقع ان يكون ملتقى لطلاب الجامعه وتبادل المحاضرات والدروس بحيث يكون الوصول للمعلومه سهل

يعني للعلم والمعرفه بس

تحية لكل سعودي راز خشته في الموقع

ناس يوصلون للقمة وناس يوصلون للقاع .. (عمق اسم على مسمى )

______________
ميس كليجا


خبرك يمكن لوماحط الموقع كان دجوووا ومحد نجح ولا عرفو ينطلون المحاظرات من أحد (ياشيييييين الملاحق للمحاظرات الله يان الشحاته أسهل أعوذ بالله ياحسدهم ياهالدوافير يطلعون عيونك على مايعطونك شئ <<<< البنت مقرووووصة الى الحين بقلبه ههههههههه

لووووووووووووووول بعذرك ينرفزون يختي إذا تخافين على دفترك سوي منه كوبي وعطي بنت الناس فيديها يجي يوم وتحتاجين شي من وحدة وتستنذل عليك زي يوم تنيجستي على بنت الناس pb034

بحط صورته ببروفايلي ولد الحلال اقل شئ نقدمه له هههههههههههههههههههههههههههههههههه<<< والله من الهطافة <<<براااااا ياشيخة لايكثر

تخيلي كلنا على بالنا نبي نحسسه اننا نقدر العلم والمعرفة نقوم نرزز صوره في بروفايلتنا لووووووووووول

____________________
جداوية يبويا

عادي جداً .. وش فيها إذا حطينا صورنا بهالفيس بوك مع إني ما قد طبيته

هذا الهدف من الموضوع ..شرحنا لك ليه مو عادي..لانه بيحملك ذنوب انتي بغنى عنها..واذا بتتجاهلين وتقولين برضو عادي..فاانتهى النقاش محد بيشيل ذنبك غيرك:D

أخت يونس
22-06-2008, 07:34 PM
Miss limoon


خلااااص صارت حركات قرآوى ، صوره يد وحده تسوق والعداد 0 والا صوره وحدده تشجع المنتخب بمقلطهم ، والا اللي لابس مايوه ومنسدح قدام مسبحهم على باله يعني انا في ماربيا لا جد اول مره اشوف احد يحتفل بمباراه ببيتهم والا يتشمس عند مسبحهم وهو فاضي
أحس راحت موضه الفيس بوك خلاااص ماضي واندثر

لوووووووووووووووووووول اندري ..علميهم عاد ياكثر اللي عقدتهم لااحد يقول قروية ولا قروي .. (خارج الموضوع)اذكر وحدة كانت تنتظر السواق عند بوابة الفيصلية ..ومرت سيارة من ذول اللي يرقمون ..ومد معروض او قام يسوي سبيلينق لرقمه :D ماادري المهم السالفة فيها ترقيم ..وقالت رح بس ياقروي ..وانهار ..ياحيوانة كولي تبن حقد عليها حقد لوووووووووووووووووووول ياانا مت ضحك عالموقف


____________________

Maja

موقع الفيس بوك بالنسبة لي من أفضل المواقع.. فيه كل الأطباء/الأصحاب/زملاء الدراسة الي تعرفت عليهم و اشتغلت معهم و درست معهم.. حتى أخوي .. حتى جهينة .. و اسمي موجود فيه بالصريح و صورتي بالحجاب (ما تبين الا للي بالفرندز لست).. يعني محترمة حالي و مالي شغل بأحد.. وأطنش اضافات من ناس ما أعرفها.. الي معاي في اللستة ناس أعرفهم شخصيا..

المقصود انه فيه صالح و طالح و فيه الناس الي عارفة تستخدمه صح و فيه ناس تستخدمه للتميلح .. تفاهة ما بعدها تفاهة.

صحيح ..هذا اللي نقوله وحكينا فيه في الردود السابقة..العيب في ظاهرة الصور الغبية...مو في الموقع..ولا الموقع مفيد للي يبي يستفيد والمحترم محترم وين ماراح pb024
___________________

أخت يونس
22-06-2008, 07:39 PM
أبلة نظيرة ..امييييييييييييييييين ..مشكورة bp039pb189

______________

عقد لولو


الله يزيدني جهل به ..توصلني من البنات صور ع الايميل ويقولون هذولا حقين الفيس بوك !
وعععع استغفر الله قرف واللهي قمة في القرف

وبصراحه مافكرت ابدا اسجل فيه او ادخل اتفرج حتى مجرد تفرج !
بس بالفتره الاخيره صارت توصلني صورهم ع الايميل !!

ماهو بهالصورة الشنيعة ..بس هالشاكلة من البنات والعيال اللي يشجعونهم ..هم اللي شوهوه ..ولا الموقع حلو للي يستخدمه صح pb161



لو كل واحد فيهم تذكر ان كل ضغطة على جهازه هو محاسب عليها .. وان كل صوره يحطها او يشوفها او يشجع صاحبتها محاسب .. ماراح يسوون هالشي ..
بس ضعف الدين والفراغ وحب المظاهر وبيتنا احسن من بيتكم واحنا نسافر وانتوا لا هي اللي ضيعتهم !
واللي يقهر من جد لما تشوفين احد يرد وبكل بجاحه ويقول قناعه ! وعاداتنا غير عن عاداتكم يا قراوى يارجعيين ياااي لين الحين فيه احد يناقش ع الحجاب !!!
يابوي يا امي القناعه في الحلال سوو بكيفكم ..
لكن في الدين وشرع ربي فرض عليكم شي قناعتكم خلوها لكم ..


الله يهدي الجميع .. وينور قلوبهم بالطاعه ..
والله يهدي كل بنت تعرض صورها كنها رخيصه ! ويهدي كل ولد يرفع بالبنات ويشجعهم على الحرام ..
الواحد يتقي الله ويخاف لايبتليه بأحبابه وأقرب الناس له ..


والله انه يضيق صدري وأنتك اذا طلعت مطعم والا سوق والا اي مكان ! وشفت كيف صارت اشكال البنات والعيال !
والحين طينوها بهالفيس بوك !
عقول فارغه ! خلت من الخوف من الله .. ونست ان فيه موت وقبر صغير يحويها ! وحساب وعقاب !
يتوقعون ان اللي تتفصخ وتسوي وتتكلم هي اللي وصلت القمر ووخرو عن طريقي !
والله تلقينها اكثر الناس حزن وكآبه وضيقه ! لأنها بعدت عن الله .. وعن ما أمر به ..
والولد نفس الشي ..

قَالَ تَعَالَى : ﴿ فَإِمَّا يَأْتِيَنَّكُمْ مِنِّي هُدىً فَمَنِ اتَّبَعَ هُدَايَ فَلا يَضِلُّ وَلا يَشْقَى.وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى. قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيراً. قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى ﴾ (طـه:123-126)

الله يجزاك خير ....مشكورة بس الواحد يجيهم باللين ويحاول يتفهم ويقنع ..مشى الحال الحمدالله..مامشى ..سويتي اللي عليك في الحد من هالظاهرة pb024

Bad Army
22-06-2008, 07:46 PM
يووووووووووه

انتووووو تعرفوووون الفيس بوووك
<-- طراه الإقلاع كله بدو :d


ماعليناااا


في واحد سبقني بكم رد وذكر ان الموقع اللي أسسه أصلاً كان مسويه للدراسة

اخوانا في الله قلبوها حفلة تعارف

زي سكاي بي كمان

في مشكلة بالشعب العربي عندنا

كل اللي يهمه " الا من رحم ربي " أكل وجنس ...

يا يدور شلون يتعرف,او يتكلم او يتفاخر

غير كذا ماعنده ماعند جدتي

أخت يونس
22-06-2008, 08:03 PM
المخبر السري اهلين:D <<ماسكة معاي ارد على كل الردود قبل مااطلع




في واحد سبقني بكم رد وذكر ان الموقع اللي أسسه أصلاً كان مسويه للدراسة

اخوانا في الله قلبوها حفلة تعارف

زي سكاي بي كمان

في مشكلة بالشعب العربي عندنا

كل اللي يهمه " الا من رحم ربي " أكل وجنس ...

يا يدور شلون يتعرف,او يتكلم او يتفاخر

غير كذا ماعنده ماعند جدتي



احنا ندور الناس اللي يندرجون تحت " الا من رحم ربي " نبي نطلعهم لسطح بدال مايتفرجون على ذا الظواهر الغبية اللي تشوه سمعة دينا وبلدنا ويسوون كذا >pb093 ويمشون بصمت ..نبيهم يتكلمون عالأقل يبان ان هالظاهرة مرفوضة من قبل الناس الطبيعين مو شرط المطاوعة ومنها نحس براحة نفسية لما نتطمن ان لسى فيه ناس فيهم خيرpb189..بدال مانتعقد ونهاجر إلى بلاد الحبشة

Super RoOoNy
22-06-2008, 11:42 PM
امممممم

عادي واذا صوروا انفسهم وعرضوها !

حرية شخصيــه ..

سبحان الله المجتمع هذا يتدخل بكل صغيره وكبيره

ما اعتبرها لا مرض نفسي ولا نقص ولا شي ليش تكبرون المسائل !! وتحبون التعقيد ؟

انا اعتبرها تقليد اعمى ..

انا مع الصور بس بحدود
يعني تطلع يدها و رجلها كيفها .. يعني جت على العادات ومدري وشو ؟ هماها تطلع بالشارع لابسه عبايه من دون قفاز وتطلع رجولها بالصيف خخخخخخ

دايم اشوف بروفايلات بنات يطلعون ايديهم ومع صاحبات مصورين يعني زي كيذا ! شي ممتع
مافيها شي


اما صدر ومدري ايش هذا راجع لاخلاقها ...

وانا بعد اقول ان My space امتع بكثير

يعطيك العافيه وانا اوافقك ببعض الامور انها تو متش من بعض الناس الي تبالغ في صورهم .. بس تبقى بنظري حرية شخصيه...

بلّى أنا
23-06-2008, 12:47 AM
عاد تصدقين ماشفت ولابنت بالفيس بوك بهالطريقه؟؟

الظاهر اني ماادخل الا على بروفايلات المحترمات..

عموما..

اللي تحط صورتها عادي..اذا عادي عندها تكشف وجهها..

اعتقد ان الوضع عادي.. يعني تطلع نفس اي جنسيه ثانيه..

,’

اللي يقرفني.. هي اللي تمغط شفايفها ومدري وشو..واحسها ودها اي كلب يمدحها .. حاسه بنقص..
,’

بعض صور الرجول واليدين اذا كانت عاديه.. انا اشوفه عادي

يعني رجولها ويدينها تطلع عادي في السوق او في المستشفى او اي مكان..

بعضهم يصورون مع صديقاتهم ويحطونها(للذكرى)..انا ماحب هالحركه .. بس ماشوفها عيب بقووه..

يعني اشوف هالأشياء في المنتديات.. ماحس انها شي كايد..

,’

المسأله كلها تعتمد على الناحيه الدينيه..في حياة البنت دون فيس بوك ودون منتديات..

..PLACEBO ..
23-06-2008, 12:48 AM
جابك الله

ممكن تنورني وتعطيني فكرة عن الماي سبيس والفيس بك

bp039:rolleyes:

هلا والله ..
معليش دوبي أشوف الرد ..
هنا الـMySpace (http://www.myspace.com/) وطبعاً من أقدم المواقع وأشهرهاا ..
قبل الفيس بوك وزحمته ..

الماي سبيس أسهل بكثير وأحلى ..عادي تسجلين
وتطلع لك صفحه تحطين فيها صوره شخصيه لك ,,
وألبوم صور .. وقائمة أصدقاء وتقدرين تكتبي بلوق
زي كذا .. البروفايل اللي بالإقلاع:Dنسخه مصغره
عنه ..

وأهم شي إن السعوديين مو كثير اللي هناك
يعني الواحد ياخذ راحته عن التميلح الزايد
اللي بالفيس بوكpb093

روعه المنظر
23-06-2008, 12:58 AM
ممكن سووعااال بس بليز لااحد يضحك ولا يتطنز ترى بزعل pb094


وشو الفيس بووك هذا ؟ pb036

ان تسانه شي شين اللهم زدنا فيه جهل pb094


سي يااا :sm12:

اخر حل
23-06-2008, 02:33 AM
.... سعوديات في الفيس بوك مستحيل ....
اجل لازم نسجل عشان ننصحهــم ..pb034

___________________________________

واشكرك اختي على الموضوع هذي البنت السنعه اللي تخاف

خواتها المسلمات .. bp039bp039

//

اخر حل
23-06-2008, 02:41 AM
ممكن سووعااال بس بليز لااحد يضحك ولا يتطنز ترى بزعل pb094


وشو الفيس بووك هذا ؟ pb036

ان تسانه شي شين اللهم زدنا فيه جهل pb094


سي يااا :sm12:


الفيس بوك مثل الشات :D لاكن فرق بسيط .. pb034

اجل سياا .. هاهـpb192 لاتعيدينها ..

mrs.dodo
23-06-2008, 02:49 AM
;7675919']الله يهديهم و يصلحهم
في البداية كنت اشوفهم واتحمد ربي :D الحين صار الوضع عادي ..
وبعدين فيه ناس محترمين بالفيسبوك .. مو الكل كذا bp039


pb189pb027
كم سعرك ؟ pb095
<-- ادمان

:D



$ 1,004,110 pb192



اللهم زد وبارك pb027
انا على قدي بس 216,558$ pb095

علشان نتكلم بالعموم

إذا البنت من بيئة محافظة ومجتمع محافظ وتسوي كذا فهذي من وجهة نظري " تعاني من عقدة نقص " تعوضها بالتنازل عن هالشيء للفلت الإنتباه

إذا البنت من بيئة عادي هالشيء ومجتمعهم يعتبر " هذا شيء طبيعي " فهذي بنت تمارس عاداتها اليومية وتخرج بصورة طبيعية تعكس واقعها

،

:sm12::sm12::sm12:

bp039



خاطري اعرف شي ...
ليه لما تجي بنت تقول ماعرفهpb036 ...!!!
تقولون الله يزيدك جهل فيه ..؟؟؟ :rolleyes:

ليش شراب هو ولا حشيش؟؟؟؟؟؟؟ pb036

بالعكس خليها تعرفه وتعرف وش سالفته وممكن تستخدمه ومو كل شي بالحياة نشوف السااايد افكت حقه بس :sm4:

وبعدين المبدأ مو مبدأ فيس بوك
اللي بتسوي شي سواء غلط ولا صح بتسويه فيس بوك ماسنجر اي شي

انا معك ان فيه بنات يرفعون الضغط بصورهم pb131
بس ولله مو صغيره عقلها براسها وتعرف خلاصها
وتعرف وش حدود المسموح والغير مسموح :)bp039 Fashion Lady

star top
23-06-2008, 02:57 AM
الحمدلله مافكرت افتش عن السعوديه او ابحث
عندي بالايميل الصديق هذا نضيفه مو موجود مايجتاج نضيفه

ازاي كدا هاللون
23-06-2008, 08:32 AM
باك:sm12:


سوري توي ارجع للموضوع:)


المهم بقولتس وش فكرة قروب (بيتي بيتك)

مجموعه عيال من جده يجمعون تبرعات بنفسهم ويروحون بيوت ناس فقراء ويرممونها لهم طبعا يصورون البيت قبل الترميم وبعد مايبدون يشتغلون عليه pb189

وطبعا صار فيه متطوعين كثييييييير حتى بنات كثير وانا كنت وحده منهم بس عشان انا من الشرقيه مااقدر اشاركهم


راحو مره رحله مع الاعضاء العيال وورهم البيت وكل شي تم

ومره وحده تكفلت انها تاخذ البنات ونفس الشي شافوا البيت وكل احد قام يحط اقتراحاته

واستقبلتهم قناة ام بي سي وسوت معهم لقاء وانتشر صيتهم وسوو معهم لقاء بالمجله والكل يدعمهم ويشجعهم :rolleyes:

يعني اتوقع لو مافي فيس بووك ماراح يقدرون يجمعون هالعدد من المتبرعين خاصتن ان كل شي مدعوم بالصور

ويسوون اجتماعات واشياء مره حلوه مشالله عليهم :)


ــــــــــــــــــــ


اما قروب بصمة بنات

سلسه بنات قروب بدبي وقروب بالشرقيه وقروب بجده

هدفهم نشر التوعيهbp039 بطريقة مره مسليه

والحلو انهم من كل الاعمار

يعني فيه قروب من 6 سنوات الى 14 سنهbp039 هذولا ينشرون التوعيه عند الاطفال

ومسوين كتاب زي حصن المسلم بس فيه صور ورسومات للاطفالpb189

وكتاب مواقف الرسول مع الاطفال وقصص الرسول بطريقة مشوقة pb189

والبنات من عمر 15 الين العشرينات يسوون تعليقات جوال وميداليات فيها اذكار وادعيه :sm5:

ويسوون كمان سبح عشان ا:sm5: اشكالها مره تخقق pb030

وطبعا كل الفلوس تروح لصالح اعمال دينيه وكذا

ويسوون بعد محاضرات واشياء زي كذا :sm12:

bp039

% فازلـين %
23-06-2008, 08:44 PM
^
^
^
حلوة افكارهم ماشاء الله..


...
بس بجد بجد مالو داعي البنت تحط صورها بالنت .. حتى لو يدها رجلها عينها ومدري شنو..
اولا .. حراااام
ثانيا .. هي مارح تستفيد شي.. كلش بيصير عليهااا .. ورح تتندم بعدين ..


تشكرااات كثيييير على الموضوع .. والله يحفظنا ويحفظ المسلمين


..

أخت يونس
23-06-2008, 09:42 PM
Super RoOoNy أهلين



عادي واذا صوروا انفسهم وعرضوها !

حرية شخصيــه ..

سبحان الله المجتمع هذا يتدخل بكل صغيره وكبيره


ماهي قضية اعتراض على الحرية الشخصية..طبعا لكل شخص حق أنه يسوي اللي يبغى في النهاية كل شي بيسويه بيرجع عليه ..سواء كويس ولا سيء .. لكن الهدف من الموضوع ..التنبيه للي يقلدون وبس ماتدري اصلا ان هالصور ممكن تكون مصدر ذنوب عليها .."لا أحد يقول مايدرون..والله فيه كثيرررر مايدرون ..يشوفون كثير مسوين كذا فيحسون عادي ..تحس انها حركة بنات وبس " ..فأقل شيء توصلها فكرة عن حجم الذنب اللي بتاخذه على حسب جراءة الصورة اللي حاطتها . أما اللي تدري ..فيمكن اذا فكرت من ناحية انها تحصل أجر اذا امتنعت عن عرض محاسنها وتحصيل الاعجاب وارضاء هالجانب الانثوي..فيمكن هالشي يكون دافع ..فهو مجرد توجيه و كلمة حق ..ماهي تدخل مارحنا لبروفايلاتهم وتهجمنا عليهم ..وبالعكس هذا شيء مطلوب محنا مجتمع غنم ..كل واحد يدربي راسه ويرعى..احنا مجتمع انساني راقي ..أنا نفسي أتمنى لما أكون غافلة عن شي أقلها ألاقي شخص ينبهني ..وبعدها أنا أقرر أقتنع ولا لا ..هينا حريتي الشخصية.

قال تعالى: { ولا تلبسوا الحق بالباطل وتكتموا الحق وأنتم تعلمون }(البقرة: 42)


ما اعتبرها لا مرض نفسي ولا نقص ولا شي ليش تكبرون المسائل !! وتحبون التعقيد ؟

انا اعتبرها تقليد اعمى ..


أوافقك الرأي من هالناحية ماهي مرض ولا نقص ..فعلا فيه ناس الله يهديهم أسهل كلمة مريضة ومدري أيش ..وسب وشتم بالشخص ..وهو انسان مرة كويس بس غلط بشي ..خلاص صار مريض..اذا هو غلط في ناحية انت شايف نفسك كويس فيها..انت تلاقي فيك نواحي أسوء منه ..ومن هالجانب أنا أشوف أهمية التوجيه ..عشان اللي غافل عن ذنب هو واقع فيه وهو مايسوى من حقه يتنبه.


انا مع الصور بس بحدود
يعني تطلع يدها و رجلها كيفها .. يعني جت على العادات ومدري وشو ؟ هماها تطلع بالشارع لابسه عبايه من دون قفاز وتطلع رجولها بالصيف خخخخخخ


انا ماأشوفها بهالطريقة ..يعني لما تكونين طالعة في اي مكان عام وشكلك طبيعي ماقليتي أدبك ..سواء متغطية ولا كاشفة ..عادي ماجلستي فرجة لناس..أما أصور يدي ورجولي..والاقي تحتها ميه تعليق من اللي يسوى ومايسوى ..الله وش هالنعومة وانتي احلاهم يد لووووووول مالها داعي:D..حتى لو ماكنت شيء عظيم ..بس صرت فرجة للي يسوى ومايسوى و الله أعلم من ناحية الذنوب ماني مفتي..لكن اعتقد واضحة يعني.



مشكورة و يعطيك العافية bp039

________________________

بلّى أنا اهليين


المسأله كلها تعتمد على الناحيه الدينيه..في حياة البنت دون فيس بوك ودون منتديات..

عليك نور ...هي مسألة توجيه وتنبيه بس..خاصة للي يسوونها تقليد بس بدون معرفة بحجم الذنب..واللي تقلد وبس ..تقلد كل شي..سواء اللي عادي او تو متش pb093



________________

باقي اليوزرات ..bp039
اعتذر عن الرد على الأسئلة المكررة ..ردينا عليها مليون مرة وبالتفصيل ..والموضوع مو من 100 صفحة..يعني بسهولة تحصل الرد:rolleyes: ..وشكرا للأعضاء اللي يجاوبونهم..أنا معد فيني أزيد وأعيد ..بيوصل الموضوع لدرجة البثارة اذا استمرينا في التكرار :mad: ..

شكرا لتفاعلكم pb189

أخت يونس
23-06-2008, 10:04 PM
لازانيا :D <<وحدة تنحة

لابيازا

خاطري اعرف شي ...
ليه لما تجي بنت تقول ماعرفه ...!!!
تقولون الله يزيدك جهل فيه ..؟؟؟


بالعكس خليها تعرفه وتعرف وش سالفته وممكن تستخدمه ومو كل شي بالحياة نشوف السااايد افكت حقه بس
وبعدين المبدأ مو مبدأ فيس بوك
اللي بتسوي شي سواء غلط ولا صح بتسويه فيس بوك ماسنجر اي شيأوافقك الرأي pb018 ..وهذا اللي حكيته في رد سابق


..ليالي الحب ..هو مو نايت كلوب عشان تقولين اللهم زدني فيه جهل ..ولاهو شي سيء..بالعكس حلو الموقع يونس خصوصا لو تجمعتي مع اهلك وصاحباتك..وفيه العاب خفيفة دم..انا ماأسب الموقع ابدا ..بس أعيب على اللي أساؤوا استخدامه ...__________________


Star top

الحمدلله مافكرت افتش عن السعوديه او ابحث
عندي بالايميل الصديق هذا نضيفه مو موجود مايجتاج نضيفه

أنت من النموذج الصاحي bp039..داخل عشان تتوصل مع أصحابك ..ماجيت تحوس لأهداف أخرى :D

________________________

أزاي كدا هاللون


المهم بقولتس وش فكرة قروب (بيتي بيتك)

مجموعه عيال من جده يجمعون تبرعات بنفسهم ويروحون بيوت ناس فقراء ويرممونها لهم طبعا يصورون البيت قبل الترميم وبعد مايبدون يشتغلون عليه


يختي هذول الناس الصاحية ..فكرتهم اعتقد مستوحينها من برنامج أمريكي اسمه

(Extreme Makeover( Home Edition


شفتي كيف ناس لما تشوف شي تعرف تستفيد منه :rolleyes:..وناس الله يخلف :( ...



اما قروب بصمة بنات

سلسه بنات قروب بدبي وقروب بالشرقيه وقروب بجده

هدفهم نشر التوعيه بطريقة مره مسليه

والحلو انهم من كل الاعمار


ماشاءالله عليهم .. حلوة فكرتهم مرة


أن شاءالله راح أضيف هالقروبين ... مشكووووووورة كثير..منكم نستفيد bp039pb189bp039

__________

فازلين ..

اميييين ..شكرا لك bp039

ziz00o00
23-06-2008, 10:12 PM
الفيس بوك زيه زي أي موقع للتعارف وتبادل المنفعه سواؤ بين طلاب أوغيرهم
وفكرت الموقع كانت من قبل طالب جامعة من أجل تبادل المنفعة بينه وبين
اصدقاءه الطلاب في الجامعة وغيرها ..

لكن للاسف البعض اساء استخدامه بشكل منافي للعُرف وقبل هذا
منافي للدين \ سواء من بنات أو شباب على حدٍ سواء ..


الموضوع احذ حقه وزياده شاكر لكم تفاعلكم

مغلق
bp039