PDA

عرض كامل الموضوع : استفسار عن يورك والدراسة


R A ! G ~
05-06-2008, 11:43 PM
مساء الخير bp039

أنا ودي أروح ليورك بريطانيا لان تخصصي انجليزي ، ولا بعد نويت ولا حجزت :D
عندي عدة استفسارات شاغلة راسي :(
- يورك وش رايكم فيها وش المعاهد الممتازة ؟ وكيف الحياة هناك وكيف اهلها ؟
- كم ميزانية تكفيك لثلاث شهور ؟ وكم بصرف في اليوم وهل في مصاريف اخرى مثل نقل ؟
- كيف الدراسة والدوام ؟
- وش تنصحون مع عائلة او سكن معهد، انا بسكن مع عائلة ؟ هل هي افضل ؟


تكفون ردوا قبل السبت :( اخاف يروح حجزي

أشعار
08-06-2008, 03:48 PM
..

إن شاء الله ما يكون راح حجزك ! , آسفة جداً ما شفت موضوعك إلا الآن .

يورك أنا ما عشت فيها بس هي قريبة من مدينتي فأعرف عنها معلومات واضحة بخصوص الحياة . العرب فيها قليل مقارنة بلندن و ليدز و مدينة مريحة من ناحية هدوء و جو لكن راح تتعبك شوي من ناحية الأكل . قلة العرب فيها مخلي معظم محلاتها و مطاعمها متوفرة باللحوم و الذبح بالطرق غير الإسلامية هذا غير إن المساجد فيها نادرة يعني ضروري تحدد قبلتك فبيتك . و إذا بيروح معك أحد من عائلتك " بنات صغار " أو أطفال فالمكان مو مناسب لهم برأيي , لأنه لا توجد مدارس خليجية فيها . أفضل معاهدها أو بمعنى أدق أشهر معاهدها في تدريس اللغة هو هذا (http://www.english-in-york.co.uk/) . أنصحك بشدة فيه خصوصاً إنه معترف فيه في السعودية . بس على فكرة كثير اللي صاروا يسافروا ليورك من الخليجيين عشان دراسة اللغة فلا تستغرب لو حصلت على وقت سفرك خليجيين كثير معاك . لأن المدينة أصلا صغيرة أي شي يطغى بنسبة معينة فيها يصير بارز .
المعيشة في يورك مستواها في الغلاء مقارب لمستوى لندن . يعني أغلى من مدينتي و من كذا مدينة قريبة منها . و الله ما أعرف أحدد كم ميزانية تكفي لثلاثة شهور لأنه يعتمد حسب صرفياتك بس السكن قول من 600 _ 800 باوند شهرياً و إن شالله تحصل أقل . أنا أفضّل سكن الجامعة على أساس إنه غرفة لوحدك حسب طلبك بينما العائلة فيه غرفة لوحدك صحيح بس أتوقع تنحسب عليك نسبة من السعر حسب المميزات اللي يوفروها لك . هذا الحاصل فليدز و لندن أتوقع فكل مكان . بس يورك أهلها عمليين جداً فعشان كذه أنا فضلت السكن الداخلي خوفاً من إنه ما تقدر تتكيف بسرعة مع الفاميلي . علماً إنهم مميزين كتعامل . تكاليف الدراسة تحصلها في موقع المعهد أو لما يردوا على استفسارك . أنا أقول 40 ألف ريال لثلاثة شهور في يورك تعتبر تكلفة كحد ( أدنى ) لازم ما تحط فبالك أقل منها bp039 . معيشة + دراسة + نقل + مصروف شخصي + مبلغ جانبي للطوارئ . يعني لو تقدر تخلي احتياط عشرة آلاف زيادة عليها يكون أضمن كثير . هذا المبلغ كان تكلفتي لمدة اربعة شهور تقريباً في ليدز . و بالاقتصاد .

بالنسبة للنقل فهو بالقطار لو تبي تروح لمدينة ثانية و بالباصات . و داخل المدينة لو سكنك قريب من المعهد تروح مشي لأن المدينة صغيرة .

أتمنى إني أفدتك .. و بالتوفيق bp039

R A ! G ~
09-06-2008, 01:16 PM
ألف شكر ياأشعار على الشرح الوافي المفصل bp039 يعطيك العافيه