PDA

عرض كامل الموضوع : ## كل ماتريد معرفته بخصوص التأشيره البريطانيه ##


نوقاهيلتون
03-03-2008, 07:09 AM
http://up.eqla3.com/up/get-3-2008-mpxdgxw5.bmp (http://up.eqla3.com/up) كيف الحالbp039 مو صح انا سألت امس بموضوع الاستفسارات عن الفيزا البريطانيه ولااحد جاوبنيpb024 غير ساهي والف شكر لهbp039 ؟؟ المهم انا رحتلهم وحبيت افيد كل اللي ناويين يستخرجون هالتأشيره شوفوا ياطويلين العمر المطلوب صورتين او ثلاث بخلفيه بيضاء/ جواز السفر ولو عندكم القديم بعد خذوه وبقوللكم ليش بعدين/ لو عندكم عيال خذوا جوازاتهم لأنهم بيطلبون ارقامها/ كشف حساب بالانجليزي لآخر 6 شهور/ لو موظفين لازم يكون معاكم خطاب تعريف من العمل / اثبات مصدر الدخل باللغه الانجليزيه (( واشدد على اللغه الانجليزيه لأنهم ماراح يقبلون اي شي بالعربي))..لو اعمال حره او عقارات او غيرها ضروري اثبات/ تاريخ الحجز على بريطانيا وعنوان السكن .. بكذا نكون خلصنا طلباتهمpb030.. نجي لتجربتي وتراني فرحانه فيها اول مره اروح بنفسي عشان اسوي فيزاpb027 رحت الساعه 9 الصبح...لقيتهم قافلين وقالوا تعالي 10 وربع و بما ان المكتب بعيد مررررررره عن بيتنا رحت تكيت بستاربكسpb187 ورجعتلهم.. عند المدخل كتبت اسمي ورقم جوازي وتليفوني والساعه كم دخلت المبنى وسبب الزياره..وبعدين فتشوني انا وشنطتي وقالوا حطي الجوال على السايلنت وممنوع استعماله جوا...(( مدري ليه جتني نفاضه بغيت اهون حسيت اني داخله للتحقيقpb036)) ماعلينا.. دخلت جوا وسألوني رايحه سياحه قلت ايه..عطوني ابلكيشن وقالوا تبين تعبينه انتي والا تعبيه لك الموظفه وتدفعين 35 ريال(( قود بيزنيسpb034)) وطبعا مثلي مثل اي سعودي وسعوديه قلتلهم عبوه انتم واعطيكم 35 بس عشان محد يزعل ترى موب كل الناس مثلي لكن انا خفت اني اخربط والا اغثهم كل شوي وش هذا ووش هذا ولأنها اول مره...قعدت مع الموظفه ودوكم الأسئلهpb154 الاسم واسم الزوج او الزوجه اذا كنتوا متزوجين طبعا ومكان تواجد كلا منهم الآن/ اسم الاطفال في حال وجودهم/ رقم التليفون / الايميل في حال وجود ايميل/ مسافر لحالك او مع احد/ رايح لأي منطقه بلندن/ كم بتقعد هناك/ كم المبلغ اللي راصده للرحله/ هل تنوي الدراسه او العمل هناك؟/ فيه احد يقربلك عايش بلندن؟/ متى تاريخ الرحله ووين السكن(( انا من حمد ربكم ماطلبوا مني الحجز ولا اسم السكن بس عطيتهم تاريخ قريب وقلت السكن بأوتيل ولاقالوا شي)) / تاريخ ولادة الأب والأم ومكان ولادتهم/آخر سفراتك لأوروبا بالعشر سنين الأخيره (( عشان كذا قلتلكم خذوا الجواز القديم لأنهم بيفتحونه ويسجلون كل الدول اللي زرتها وتاريخ زيارتك لكل دوله وكم قعدت فيها ومتى طلعت منها))/ هل سبق ورفض طلبك باعطاء تأشيره؟/كم مدة التأشيره اللي تبيها(( انا اخترت 10 سنين )) هاذي تدفعون عليها 1300ريال / بعد كذا ياخذون بصمات اليد اليسرى واليمنى ويقولونلك متى تجي تستلم الجواز..غالبا يسلمونك اياه اليوم الثاني على طول;). طبعا انا كان ناقصني شي واحد بس اللي هو اثبات مصدر الدخل عشان كذا بجهزه واروحلهم مره ثانيه وان شاءالله اعلمكم وش صار معي. اتمنى اني افدت كل من كان عنده تساؤل بخصوص هالتأشيرهbp039 رأيي ان التأشيره البريطانيه من اسهل التاشيرات في الاجراءات هو بس اللي صعب على البعض انهم لازم يروحون بأنفسهم لأنهم بياخذون البصمه. مدري وش رايكم؟؟bp039 ((( نسيت اقوللكم اني اليوم حسيت نفسي معقبpb027)))

سوسه
03-03-2008, 09:03 AM
:

الله يـوفقـك و يسهـل لـك السفـره

وإن شـاء الله تنبـسطـين ;) pb189

عقبـالي :(

بس اهـم شـي تنـزلـين تقـريـر عن الـرحلـه ;)

:

سـاهـي
03-03-2008, 10:20 AM
نوقا هيلتون http://www.vb.eqla3.com/images/smilies/rose.gif
الحضور عندهم في السفارة حاجه تطفش :(
لو مثل قبل المكاتب السياحية تجيب لك التأشيرة وانت قاعد في بيتك كان تماام :(
كلنا معك يالاخضر لما تاخذين الفيزا :D

bigname
03-03-2008, 10:31 AM
مشكورة نوقا على المعلومات الحلوة ...
وبالنسبة للحضور والتبصيم تبي تصعب على الناس وخاصة اللي كانوا من أول يعطونها لمكاتب السياحية يخلصونها لهم ....

عموماً انتي رحتي للسفارة والا مكتب خاص للسفارة موجود خارج حي السفارات ؟
لأني قد سمعت انه في مكتب خارج حي السفارات ...

يعطيك العافية على المعلومات الحلوة ...

M9O9DY
03-03-2008, 08:31 PM
الله يعطيك العافية على هالتفاصيل .. بس عندي كم سؤال..
انا ناوي ان شاءالله أسافر أسبوع في أبريل الجاي أقدر أطلعها من ألحين !!
وبالنسبة لاثبات الدخل واللي سربوت لا شغل ولا مشغلة, يكفيهم كشف الحساب والا كيف!!

(( انا اخترت 10 سنين ))

يعني متى ما نويتي تسافرين في العشر سنين الجاية تقصّين التذكرة وعلى المطار..!!

شاورما ضبان
03-03-2008, 09:57 PM
عوافي على المعلومات
بعد 11/9
كل حاجه تغيرت

ثلج بارد
03-03-2008, 11:51 PM
.

موضوع مهم جداً والسفارة البريطانية تغير نظامها عن الأول

لكن لندن تستااااهل pb189

الله يعافيك يالغاليه pb189

لكن استغربت من شيء وهو هل اقدر اطلع فيزا ل 10 سنوات pb036

اذا كذا والله حلو مررره وبيفكنا من الروتين لكل سنه pb093

مشكوره يالغاليه ودائماً مبدعه ماشاء الله عليك bp039

موضوع مثبت .. وبانتظار عودتك ان شاء الله والفيزا معك pb189

وعقبال ماتفتحي ان شاء الله مكتب تعقيب اد الدونيا :D

http://adv.eqla3.com/es/tr/Muthabit5.gif

نوقاهيلتون
04-03-2008, 04:56 AM
:

الله يـوفقـك و يسهـل لـك السفـره

وإن شـاء الله تنبـسطـين ;) pb189

عقبـالي :(

بس اهـم شـي تنـزلـين تقـريـر عن الـرحلـه ;)
[/RIGHT]:

:[/QUOTE]
هلا سوسهpb189 قولي آمين جعلك تلفين العالم شرقه وغربه وترجعين سالمه غانمه بس عاد لاتنسين تسويلنا تقارير<<<<<<<< ترى هي اللي قايلتلك تنزلين تقرير:D ابشري والله ياسوسه بس خل اروح ومايكون خاطرك الا طيب مابعد تأكدت الروحهbp039
نوقا هيلتون http://www.vb.eqla3.com/images/smilies/rose.gif
الحضور عندهم في السفارة حاجه تطفش :(
لو مثل قبل المكاتب السياحية تجيب لك التأشيرة وانت قاعد في بيتك كان تماام :(
كلنا معك يالاخضر لما تاخذين الفيزا :D
هلا عمي ساهيbp039 شفت وشلون اجل انا مااخطيت يوم قلت حنا ماغير نمسط من هالدراهم بس انتم خلصوا شغلنا:D..انا معاك ان قبل ازين بس ترى الشغله مافيها تعب انت بس حضر اوراقك وودها لمهم وثاني يوم وهم طاقينك بالفيزا و10 سنوات بعدpb034[RIGHT]اقول ساهي اذا تبي احد يعبيلك الابلكيشن تراني جاهزه ومانيب ماخذه عليك الا 350 باوند<<<<<<< تراك قايله 35 ريال:Dمشكورة نوقا على المعلومات الحلوة ...
وبالنسبة للحضور والتبصيم تبي تصعب على الناس وخاصة اللي كانوا من أول يعطونها لمكاتب السياحية يخلصونها لهم ....

عموماً انتي رحتي للسفارة والا مكتب خاص للسفارة موجود خارج حي السفارات ؟
لأني قد سمعت انه في مكتب خارج حي السفارات ...
يعطيك العافية على المعلومات الحلوة ...
هاااو هاااو انا ماعلمتكم اني في جده ؟؟pb036 آسفه والله احسب اني قايلته لا وبازتن بذا الموضوع بزعمي جايبه كل المعلومات:D bp039 bignameترى والله ماهي صعبه كلها ربع او نص ساعه بالكثير وبعدين تاخذلك فيزا 10 سنوات يعني مافي مقارنه حتى مع الشينقين اللي يخلونك تحتري 14 يوم وآخرتها معطينك 6 شهور والا سنه بالكثير:(..انت بس شد حيلك وسوها وخلها عندك:) ايه وعلى فكره ترى انا مارحت القنصليه رحت لمكتب تابع لهم واتوقع بالرياض نفس الشي ماتروح للسفاره اكيد حاطين مكاتب براbp039

نوقاهيلتون
04-03-2008, 05:22 AM
الله يعطيك العافية على هالتفاصيل .. بس عندي كم سؤال..
انا ناوي ان شاءالله أسافر أسبوع في أبريل الجاي أقدر أطلعها من ألحين !!
وبالنسبة لاثبات الدخل واللي سربوت لا شغل ولا مشغلة, يكفيهم كشف الحساب والا كيف!!

يعني متى ما نويتي تسافرين في العشر سنين الجاية تقصّين التذكرة وعلى المطار..!!
هلا RomiO bp039الله يعافيك..ابد طلعها من الحين بس لارحت لهم قول انك مسافر اليوم الفلاني يعني اختار تاريخ يكون قريب بعد اربع والا خمس ايام من روحتك لهم عشان يطلعونها بسرعه لكن المشكله انهم احيان يطلبون البرنت حق الحجز وحجز السكن هناك..بهالحاله مثل ماقاللي ساهي تقدر تتفق مع مكتب حجز يسوونلك حجوزات وهميه..وخلاص طلع الفيزا وخلها عندك متى مابغيت بهالعشر سنين طقلك تذكره وروح:rolleyes:...اما بالنسبه لاثبات الدخل خخخخخخخخخخخخخخخخخ اللي لاشغله ولا مشغله ممكن تجيب كشف حساب واثبات دخل الوالد مثلا .. مايكفي الحساب لحاله لأنهم يبون يتأكدون ان هالشخص ماهو رايح هناك يحملهم ديون ومشاكل وانه قادر يصرف بالبلد.bp039
عوافي على المعلومات
بعد 11/9
كل حاجه تغيرت
هلا شاورما ضبانbp039 الله يعافيك وفعلا ماسووا فينا خيرpb093.
.

موضوع مهم جداً والسفارة البريطانية تغير نظامها عن الأول

لكن لندن تستااااهل pb189

الله يعافيك يالغاليه pb189

لكن استغربت من شيء وهو هل اقدر اطلع فيزا ل 10 سنوات pb036

اذا كذا والله حلو مررره وبيفكنا من الروتين لكل سنه pb093

مشكوره يالغاليه ودائماً مبدعه ماشاء الله عليك bp039

موضوع مثبت .. وبانتظار عودتك ان شاء الله والفيزا معك pb189

وعقبال ماتفتحي ان شاء الله مكتب تعقيب اد الدونيا :D

http://adv.eqla3.com/es/tr/Muthabit5.gif
هلا والله بمشرفنا الغاليbp039 ..والله يعافيك ويقويك.. ايه والله تستاهل لندن pb189ياحبيلها حتى فيزتها تخلص بسرعه انا مثلك استغربت يوم قالولي تدفعين 1300 ويطلعونها لمدة 10 سنين بس يوم رحت صدقت..حتى حاطين لوحات وكاتبين فيها الفيزا طويلة الامد..عاد يوم سألوني كم تبينها قلتلهم طويلة الأمدpb071 قالوا يعني 10 سنين قلت ايه. طيب ابفتح مكتب بس ماودك تقط معايpb027 وشكرا على التثبيت ياذوقbp039

ركبة البعير
06-03-2008, 10:38 AM
طيب انا ادرس في امريكا وزيارتي القادمة للسعودية ودي وانا راجع اقعد في بريطانيا اسبوع عند ولد عمتي؟؟؟ وش الاجراءات المتبعه؟؟

fas-85
06-03-2008, 04:26 PM
مشكورة نوقا على المعلومات الحلوة ...
وبالنسبة للحضور والتبصيم تبي تصعب على الناس وخاصة اللي كانوا من أول يعطونها لمكاتب السياحية يخلصونها لهم ....

عموماً انتي رحتي للسفارة والا مكتب خاص للسفارة موجود خارج حي السفارات ؟
لأني قد سمعت انه في مكتب خارج حي السفارات ...

يعطيك العافية على المعلومات الحلوة ...


ايه في الرياض طلعو بمكتبهم برا
جنب المبنى الجديد حق السدحان
اللي هو هذاك الشي الجديد اللي قبال اسواق الجزيره
في شارع في الوسط كذا مو باين
ادخلو منه و مدخل رقم 3 اذا ماني غلطانه
اطلعو الدور الثاني و اصلا بتلقون جنب الباب مكتوب مكتب استخراج التأشيرات البريطانية
و تاخذ رقم و تجلس تنتظر دورك و الدفع كــــــــــــــــــــــاش

JeNaN
06-03-2008, 05:04 PM
يعطيك العافية

Sky Liner
06-03-2008, 10:10 PM
يعطيك الف عافيه


لاني والله كنت شايل هم الفيزا بعد ماغيروا الانظمه حقتهم

واذا على كلامك يعطون فيزا 10 سنين مرره حلو وراح نرتاح مره

نوقاهيلتون
07-03-2008, 01:14 PM
طيب انا ادرس في امريكا وزيارتي القادمة للسعودية ودي وانا راجع اقعد في بريطانيا اسبوع عند ولد عمتي؟؟؟ وش الاجراءات المتبعه؟؟
هلا ركبة البعيرbp039 لما ترجع للمملكه تقدر تقدم عليها وتطلعلك على طول ان شاءالله...وسمعت بس ماني متأكده انو تقدر تطلعها من السفاره السعوديه بالبلد اللي انت فيها لكن مثل ماقلتلك ماني متأكده..وتجي لزيارتك وترجع بالسلامه ان شاءاللهbp039
ايه في الرياض طلعو بمكتبهم برا
جنب المبنى الجديد حق السدحان
اللي هو هذاك الشي الجديد اللي قبال اسواق الجزيره
في شارع في الوسط كذا مو باين
ادخلو منه و مدخل رقم 3 اذا ماني غلطانه
اطلعو الدور الثاني و اصلا بتلقون جنب الباب مكتوب مكتب استخراج التأشيرات البريطانية
و تاخذ رقم و تجلس تنتظر دورك و الدفع كــــــــــــــــــــــاش
fas-85 هلابكbp039 شكرا عالمرور والاضافه
يعطيك العافية
الله يعافيك ياربbp039
يعطيك الف عافيه


لاني والله كنت شايل هم الفيزا بعد ماغيروا الانظمه حقتهم

واذا على كلامك يعطون فيزا 10 سنين مرره حلو وراح نرتاح مره

هلا بكbp039 والله يعافيك... لاتشيل هم الشغله بسيطه ياجماعه بس حصلت لخبطه مني قيمة الفيزا 1600 ريال لعشر سنين وليس 1300 مثل ماذكرت سابقا..اعتذر عن الغلطbp039

oOMiMiOo
07-03-2008, 04:45 PM
يعطيك الف عافيه نوفا هيلتون على المعلومات ..

وش ذا الاسئله المفروض السعوديه تسوي مثلهم تمرمطهم ولاتسهل عليهم شي

وان شاءالله راح اطلع الفيزا واسافر دندن ..

نوقاهيلتون
08-03-2008, 07:37 PM
ابشركم خذيت الفيزا اليومpb080 بس فيه شي:confused: ماعطوني 10 سنين عطوني سنتين بس:( ويوم قلت لهم انا مقدمه على 10 سنين قالوا ايه انتي تطلبين بس هم يحددون كم سنه تاخذين...والمشكله دافعه 1600 ريال وقايلينلي هاذي عشان الفيزا طويلة الأمد...وآخرتها بس سنتينpb093 وكان في واحد مقدم على سته شهور ودافع 500 عطوه 4 شهور بس...فيه خربطه عندهم مو على قد الكلام اللي عشمونا فيه يوم رحنالهم اول مره يعني المكتب تابع للسفاره البريطانيه والشغل محليpb131...لذلك انا آسفه لكل اللي تعشموا مثلي.pb094 ميمو هلا بكpb189 وصحيح الشغله بسيطه بس الكلام اللي قالولي اياه غير اللي لقيته يعني مو اكيد يعطون 10 سنين...والله يوفقك ياربbp039

ثلج بارد
10-03-2008, 02:07 AM
^
مبروووك الفيزا pb189 وعقبال مكتبنا حق التعقيب بس بشرط يكون جمبه مطعم كبده :D

كويس عطوك سنتين pb189 .. مع الاوضاع الامنيه والأرهاب ..صار الواحد يتمنى لو 6 شهور ..

انا اعتبر سنتين كويسه جداً و4 سنوات خوورافيه بعد pb030

الله يوفقك يالغاليه وموضوعك عطانا معلومات جديده بطريقة استخراج الفيزا pb189

الله يعافيك bp039

bizaree
05-06-2008, 04:19 AM
السلام عليكم.
حبيت أستفسر..bp039
وين مكان القنصلية بالشرقية..؟
هل لازم أهلي يروحوا معي عشان يبصمون..؟
كم سعر تأشيرة السنتين..؟
متى تفتح السفارة وتستقبل طلب التأشيرة..؟
لقيت إستمارة طلب من موقع uk visas، ممكن أستخدمها ولا تغيرت..؟
وصلة الإستمارة..
http://www.ukvisas.gov.uk/resources/en/docs/1903073/vaf1
كثّرت أسئلة : )

فتى ماربيا
05-06-2008, 05:45 AM
بصراحه انى اقدم ل10 سنين وادفع 1600 ريال ... ويعطونى سنتين .. اقول لهم وين الباقى!!!

والا من بكره اكلم احد الصحف واخليهم يشرشحونهم ....:eek:

نوقاهيلتون
05-06-2008, 07:00 AM
السلام عليكم.
حبيت أستفسر..bp039
وين مكان القنصلية بالشرقية..؟
هل لازم أهلي يروحوا معي عشان يبصمون..؟
كم سعر تأشيرة السنتين..؟
متى تفتح السفارة وتستقبل طلب التأشيرة..؟
لقيت إستمارة طلب من موقع uk visas، ممكن أستخدمها ولا تغيرت..؟
وصلة الإستمارة..
http://www.ukvisas.gov.uk/resources/en/docs/1903073/vaf1
كثّرت أسئلة : )
وعليكم السلام هلا اخوي بالنسبه لاستفسارك بجاوبك على اللي اعرفه بالنسبه لموقع القنصليه بالشرقيه مااعرفه والله انا بجده..واذا الأهل بيستخروج التأشيره ضروري حضورهم بأنفسهم عشان البصمه والتصوير..والتأشيره لسنتين ماادري والله كم ياخذون عليها بس اتصل عليهم واسأل والقنصليه تفتح من 10 صباحا الى 5 مساءا...الاستمارات بتلقاها عندهم بالقنصليه تاخذها وتجلس تعبيها...وحياك الله لاكثرت اسئله ولاشي احنا بالخدمه.:)
بصراحه انى اقدم ل10 سنين وادفع 1600 ريال ... ويعطونى سنتين .. اقول لهم وين الباقى!!!

والا من بكره اكلم احد الصحف واخليهم يشرشحونهم ....:eek:
هلابك اي صحف ياعمي المكتب اللي يستخرج ماله دخل جوازك يروح القنصليه وهم اللي يحددون كم سنه يعطونك... حتى يوم سألتهم بالمكتب ليش معطيني سنتين قالوا مو مننا من القنصليه بس احتمال عشان جوازي تنتهي صلاحيته بعد سنتين وانت عارف ان مدة الجواز السعودي 5 سنين بعد كذا يتجدد.... انا لين هنا كنت مقتنعه..بس يوم راح زوجي يستخرج تأشيرته من السفاره بالرياض عطوه 10 سنين.. يعني دنيا حظوظ:(

ثلج بارد
05-06-2008, 11:09 AM
السلام عليكم.
حبيت أستفسر..bp039
وين مكان القنصلية بالشرقية..؟
هل لازم أهلي يروحوا معي عشان يبصمون..؟
كم سعر تأشيرة السنتين..؟
متى تفتح السفارة وتستقبل طلب التأشيرة..؟
لقيت إستمارة طلب من موقع uk visas، ممكن أستخدمها ولا تغيرت..؟
وصلة الإستمارة..
http://www.ukvisas.gov.uk/resources/en/docs/1903073/vaf1
كثّرت أسئلة : )


هلا عمي pb189

بالنسبة لمكانهم في الخبر انا بحثت في النت ولقيت احد الأخوان موصفها

شارع الأمير تركي بن عبدالعزيز ( شارع كورنيش الخبر ) تقاطع شارع الظهران مقابل مبنى شرطة الخبر من الجهة المعاكسة للزاوية.

بالعمارة أللي فيها الخطوط الجوية السعودية ولكن الدور الثالث.

تلقون المكتب بالوجه وفيه نظام السيفتي ( البوابة والأمن وغيرها نفس المطارات ).

استمارة طلب الفيزا ،، تطبعها من الانترنت وتعبيها أو تروح السفارة ويعبونها لك بمبلغ 35ريال

واريح لك يعبونها لك لان النموذج طويل والمعلومات لازم بالانجليزي

قيمة الفيزا 500 ريال 6 شهور .. وتاخذها بعد 3 ايام عمل غير الخميس والجمعه

وهذي ارقامهم

Al Khobar Office
Tel:- +966 (0) 3 882 5300
Fax:- +966 (0) 3 882 5384

مـا تهـاب
05-06-2008, 12:33 PM
يااااااااحبيلك والله انك سنعة pb189
ماحسيت الشي صعب حتى البيانات هم يكتبونها عنك وش نبي اكثرpb034
ماشا الله حلو فيزتي ل 10 سنوات على كذا لو تهاوشين مع سواقكم تفكرين تروحين لندن pb027>>>تحرظك على اللجؤ السياسي
تسلم يمناك يا مبدعةbp039

bizaree
05-06-2008, 05:54 PM
مرحبا..pb189

نوقاهيلتون

وعليكم السلام هلا اخوي بالنسبه لاستفسارك بجاوبك على اللي اعرفه بالنسبه لموقع القنصليه بالشرقيه مااعرفه والله انا بجده..واذا الأهل بيستخروج التأشيره ضروري حضورهم بأنفسهم عشان البصمه والتصوير..والتأشيره لسنتين ماادري والله كم ياخذون عليها بس اتصل عليهم واسأل والقنصليه تفتح من 10 صباحا الى 5 مساءا...الاستمارات بتلقاها عندهم بالقنصليه تاخذها وتجلس تعبيها...وحياك الله لاكثرت اسئله ولاشي احنا بالخدمهأهلاً يا سيدتي..bp039

مشكورة وما قصّرتي..
تعبناكِ..bp039

ثلج بارد

هلا عمي

بالنسبة لمكانهم في الخبر انا بحثت في النت ولقيت احد الأخوان موصفها

شارع الأمير تركي بن عبدالعزيز ( شارع كورنيش الخبر ) تقاطع شارع الظهران مقابل مبنى شرطة الخبر من الجهة المعاكسة للزاوية.

بالعمارة أللي فيها الخطوط الجوية السعودية ولكن الدور الثالث.

تلقون المكتب بالوجه وفيه نظام السيفتي ( البوابة والأمن وغيرها نفس المطارات ).

استمارة طلب الفيزا ،، تطبعها من الانترنت وتعبيها أو تروح السفارة ويعبونها لك بمبلغ 35ريال

واريح لك يعبونها لك لان النموذج طويل والمعلومات لازم بالانجليزي

قيمة الفيزا 500 ريال 6 شهور .. وتاخذها بعد 3 ايام عمل غير الخميس والجمعه

وهذي ارقامهم

Al Khobar Office
Tel:- +966 (0) 3 882 5300
Fax:- +966 (0) 3 882 5384

أهلاً عزيزي ثلج..bp039
تسلم وما قصّرت تعّبتك معي..bp039
شكراً..bp039

ــ

عندي إستفسار آخر..
أنا معي تأشيرة على جوازي القديم وراح تنتهي بشهر أغسطس\8، حاب أعرف هل من الممكن إنّي أسافر عليها إلى شهر سبتمبر\9 ، يعني تنتهي عليّ هناك ؟
كثّرنا : )

نوقاهيلتون
06-06-2008, 06:39 AM
عندي إستفسار آخر..
أنا معي تأشيرة على جوازي القديم وراح تنتهي بشهر أغسطس\8، حاب أعرف هل من الممكن إنّي أسافر عليها إلى شهر سبتمبر\9 ، يعني تنتهي عليّ هناك ؟
كثّرنا : )

هم لاعطوك الفيزا بتلقى مكتوب فيها عدد الايام المسموح لك بالتواجد خلالها بالبلد ..ممكن 90 يوم وممكن 180 يوم...فاعتقد اذا شافوا ان تاشيرتك باقيلها شهر بيسمحون انك تقعد ايام قليله بلندن.. لكن في لندن بيشددون عليك بالمطار..انا زوجي قبل لايجدد تاشيرته كان باقي فيها 4 ايام وتنتهي.. وصار عنده ظرف ضروري يروح لندن راحلها من باريس بالقطار ووقفوه بمحطة لندن ساعه تحقيق هذا وهي مابعد انتهت بس قصدهم ليش يوم قربت تنتهي التأشيره تبي تدخل لندن . ومره خلصت عليه الشينغين وهو بباريس وطلبوه الشرطه بس مشى حاله ...حبيت اذكر تجاربه لك عشان تحتاط...يمكن اكون ماافدتك كويس بس حبيت اساعدك بهالتقاط.

نوقاهيلتون
06-06-2008, 06:41 AM
يااااااااحبيلك والله انك سنعة pb189
ماحسيت الشي صعب حتى البيانات هم يكتبونها عنك وش نبي اكثرpb034
ماشا الله حلو فيزتي ل 10 سنوات على كذا لو تهاوشين مع سواقكم تفكرين تروحين لندن pb027>>>تحرظك على اللجؤ السياسي
تسلم يمناك يا مبدعةbp039

مضاربهpb189 مين قاللك عطوني 10 سنين:( ماعطوني الا سنتين زوجي اللي عطوه 10 سنين شفتي وشلون التفرقه والعنصريه:D. والا على قوللك خافوا لا أهج هناك:D والله يسلنك ياقمرbp039

نوقاهيلتون
06-06-2008, 06:47 AM
قيمة الفيزا 500 ريال 6 شهور .. وتاخذها بعد 3 ايام عمل غير الخميس والجمعه



ثلجbp039 واحد كان مقدم على 6 شهور ودافع 500 ريال عطوه 4 شهور بس..يعني مو اكيد المده اللي نطلبها نلاقيها..عاد ماادري هالشي بس في جده والا حتى بالرياض والشرقيه ؟؟ وش معنى ابو الشباب معطينه من الرياض 10 سنين كامله مكملهpb058 لين الحين حاقده:D

umlamis
07-06-2008, 07:35 PM
ليش الفيزا البريطانيه معقدين

زوجي طلبوا منه كشف حساب ولازم الحساب يكون دسم عشان يعطونك فيزا
يوم سافرنا اسبانيا زوجي طلع فيزا شنقن من السفاره الايطاليه لانها اسهل من الاسبانيه وطلباتهم كثير

ورحنا على ايطاليا ال بعدين برشلونه

bizaree
07-06-2008, 08:45 PM
نوقاهيلتون
شكراً بعددِ نجوم السماء..
لا توفيكِ حقكِ.. bp039
: )

رساويـة مـزنقحة
08-06-2008, 04:51 AM
,

http://vb.eqla3.com/attachment.php?attachmentid=545460&stc=1&d=1206655743 { .. السـلام عليكم


ماشاء الله عليك رحتي لهم pb030
اثر السالفه سهله مافيها تعقيد pb030

هقوتك اجل اودي الـ 18 جواز وافيزهم :D
واخذ حق المعقب عن كل جواز 150 :D pb189

خل نضرب 150 × 18 جواز كم يطلع لي pb189 :D
2700 pb189 pb030
تستاهل العنوهـ والله pb027 pb027

بس غريبه الـ 35 الي تدفعينها وتعبي لك pb036
عندنا تدفعين الـ 35 عشان البصمة .. ( مع الشعب pb189 )
اما اذا تبين على طول تبصمين وتطلعين من غير انتظار ..
VIP يعني الملوك والامراء والدبلوماسيين pb027
فـ تدفعين 150 :D

,

شكرا لك اختي نوقا pb189 ..
افدتي كثير من الي يسالون
بارك الله فيك ووفقـك pb189pb189


http://vb.eqla3.com/attachment.php?attachmentid=545466&stc=1&d=1206655882

كــوكــة
08-06-2008, 01:10 PM
can i have a question plz

كأنك عارفة إن مشغول بالي بهالموضوع، شكراً على هالموضوع (bp039)
الحين كل اللي حكيتي عنه متوفر

-3 صور شخصيه
- الجواز
- عبيت الابلكيشن اون لاين وطبعته
- برنت حساب الفاذر عن 3 شهور ماضية
- اخذت موعد بكرا ان شاء الله

،

-// بس وش سالفة الضمان المالي أو تعريف ولي الامر اللي ينكتب ؟

-// هل عندك فورم اقدر اكتب بياناتي فيه، مع العلم إني لسّى في كفالة البابا وأدرس..
أيش البيانات اللي مفروض تنذكر؟

-// وكمان حجز الذهاب مو أكيد، لازم أجيب التذكرهـ؟، يعني هل يدققون بأنك بتسافرين أو لأ ؟
والسكن ضروري أعطيهم حجز أوتيل أو أو؟، أو أقول لهم عن نيتي بالسكن مع أحد الأقارب


،

طولت عليك عارفة، بس محتاجة هالمعلومات لأن الموعد بكرا pb094
يعافيك ربي ..،،bp039

نوقاهيلتون
08-06-2008, 11:25 PM
can i have a question plz

كأنك عارفة إن مشغول بالي بهالموضوع، شكراً على هالموضوع (bp039)
الحين كل اللي حكيتي عنه متوفر

-3 صور شخصيه
- الجواز
- عبيت الابلكيشن اون لاين وطبعته
- برنت حساب الفاذر عن 3 شهور ماضية
- اخذت موعد بكرا ان شاء الله

،

-// بس وش سالفة الضمان المالي أو تعريف ولي الامر اللي ينكتب ؟

-// هل عندك فورم اقدر اكتب بياناتي فيه، مع العلم إني لسّى في كفالة البابا وأدرس..
أيش البيانات اللي مفروض تنذكر؟

-// وكمان حجز الذهاب مو أكيد، لازم أجيب التذكرهـ؟، يعني هل يدققون بأنك بتسافرين أو لأ ؟
والسكن ضروري أعطيهم حجز أوتيل أو أو؟، أو أقول لهم عن نيتي بالسكن مع أحد الأقارب


،

طولت عليك عارفة، بس محتاجة هالمعلومات لأن الموعد بكرا pb094
يعافيك ربي ..،،bp039
اهلين كوكه..بالنسبه للضمان المالي هم يطلبون مصدر دخلك من وين عشان يضمنون انك بتقدرين تصرفين على نفسك هناك ...وللموظفين يطلبون تعريف من جهة العمل عشان يتأكدون انه موظف عندهم وعنده راتب يمشي ..هالأمور يهتمون فيها كثير عشان المشاكل اللي تصير من البعض انهم يسافرون ويفلسون هناك ويلجأون للسفارات ويحملونهم ديون. بخصوصك ممكن تجيين كشف حساب الوالد لآخر 6 شهور من البنك..وبيسألونك رايحه انتي ومين؟ وكم بتقعدين؟ وهل سبق وزرتي بريطانيا؟ وهل لك اقارب هناك؟. وهل ناويه تعملين او تدرسين هناك؟ اما الحجز انا يوم رحت ماكنت حاجزه ولامعاي تذكره بس كنت مكلمه مكتب في حال طلبوا الحجز يعمللي حجز وهمي.. لكن مادققوا ونفس الشي بالنسبه للسكن سألوني بس وين بتسكنين قلت بأوتيل بدون تحديد.. اعتقد انو على حسب اللي يجري معك اللقاء بعضهم متساهلين والبعض يصر على احضار كافة المعلومات الاكيده خاصه حجز الرحله والسكن.... اتمنى اني اكون افدتك وموفقه ان شاءاللهbp039

كــوكــة
09-06-2008, 12:03 AM
.


أوكي ..

يعني مو مطلوب من ولي الأمر يكتب : اتعهد انا فلان الفلاني ألخ ألخ ألخ... صح ؟، كفاية كشف الحساب ؟

وبثقل عليك وبسأل، صور الجواز تنفع للفيزا - أقصد مقاسها - أو تتطلب شروط خاصة ومقاس معيّن ؟

،

ربي لايحرمك الأجر,, http://vb.eqla3.com/images/smilies/rose.gif

نوقاهيلتون
09-06-2008, 01:23 AM
.


أوكي ..

يعني مو مطلوب من ولي الأمر يكتب : اتعهد انا فلان الفلاني ألخ ألخ ألخ... صح ؟، كفاية كشف الحساب ؟
كوكه انتي ناويه تهجين؟؟ خخخخخخخخ امزح:D.. انا ماطلبوا مني تعهد من ولي الامر
وبثقل عليك وبسأل، صور الجواز تنفع للفيزا - أقصد مقاسها - أو تتطلب شروط خاصة ومقاس معيّن ؟
لاتثقلين ولاشي خذي راحتكbp039..انا اصلا وديتلهم صور مصورتها للجواز يعني تنفع خذيها معاك بالاضافه الى انهم بيصورونك عندهم لازم
،

ربي لايحرمك الأجر,, http://vb.eqla3.com/images/smilies/rose.gif
ولايحرمك وجميع المسلمين ياربbp039

طاير حاير
09-06-2008, 02:55 AM
امس تفلسفت ورحت السفارات احسب انه من هناك افيز ,, سالت طلع في السليميانيه :(

متى يداومون المكتب ؟

اوراقي جاهزه وكلش اوكي بس باقي التبصيم الظاهر

كــوكــة
09-06-2008, 08:54 AM
نوقاهيلتون ..

لاتلوميني، من شفت هل لك علاقة بخلية أو جماعة إرهابية، قلت ذولا ليلهم طويل ..http://vb.eqla3.com/images/smilies/grins.gif
وهـ بس ماتتصورين كيف ريحتني
وكنك حاسة بطاري نحشة، بس ودي بـأحد يشجعني هاااا تجين ؟ http://www.cksu.com/vb/images/smilies/gap.gif
بعد 3 ساعات بطلع لهم ، ثنكيو ثنكيو ثنكيو http://vb.eqla3.com/images/smilies/004.gif

،


طاير حاير

يفتحون من 10 إلى 5 العصر ، موفّق ..

طاير حاير
09-06-2008, 09:56 AM
،


طاير حاير

يفتحون من 10 إلى 5 العصر ، موفّق ..

يعطيك الف عافية اختي bp039

Coffee
18-06-2008, 03:59 PM
\\

الحين القنصليه البريطانيه اللي بالرياض بالسليمانيه

مقفلين عشان اجهزتهم معطله:eek:

متى يفتحون بالضبط..؟

\\

عزيز 69
19-06-2008, 06:58 AM
^^

انا رايحلهم امس فاتحين


يقولون سكروا الجوالات لا يخرب السيستم مره ثانيه:d

المهم انا قدمت عليهم فيزا دراسيه وعطيتهم كل الاوراق بس سالني ما جبت موافقة ابوك؟

هل هي لازم؟:/

Juhaina
19-06-2008, 07:14 AM
^
^
^

على حسب عمرك و السن القانوني ببريطانيا...

المهم أنا حبيت أذكر معلومة صغيرة يمكن تفيدكم...
لو عندكم فيزا بريطانية و قربت تخلص و تبوا تطلعوا غيرها...
لا تروحوا لهم إلا لما يكون باقي على الإنتهاء 3 أشهر أو أقل...

و أكيد حتى يعطوكم فترة أطول حطوا جواز سفركم القديم...
أو خلوا صور من الفيز البريطانية السابقة و حطوها بال application...

عزيز 69
19-06-2008, 03:23 PM
اكيد ما سالت هالسؤال الا انا صغير:d

عمري 16

اهم شي يعطوني الفيزا؟:d

نوقاهيلتون
19-06-2008, 03:36 PM
اكيد ما سالت هالسؤال الا انا صغير:d

عمري 16

اهم شي يعطوني الفيزا؟:d

يوم انك 16 وراك حاط بخانة العمر 18؟؟:d عموما اعتقد لازم موافقة ولي الامر عشان الاجراءات اللي يطلبونها من كشف حساب وخطاب تعريف من العمل ........ الى آخره.. بس لو تتصل عليهم وتستفسر احسن.

بن حلال
17-06-2009, 04:17 AM
الله يعطيكم العافية......الأخت كاتبة الموضوع , وكل من أضاف

س : متى إجازتهم الأسبوعية, عشان لا أضرب مشوار للرياض بدون فايدة .

مشكورين مقدما

ابو دنيدش
17-06-2009, 10:03 PM
والله حلو الاجرات بسيطة مرره انا انشالله يوم الاحد الي بعد كم من يوم بروح السفاراه قالولي يوم الاحد فاتحين عاد بروح واشوف بس تقولين لازم اخلي الجوال على السايلنت انا رحت السنة الماضيه لا عادي والي قبلها عادي وهاذي المره الله اعلم مكان السفاراه حول طريق التحلية عاد مدري وش اسم ذاك الطريق المهم انه عند السدحان واسواق الجزيرة بروح انشالله يوم الاحد والمشكله الاحد عند اختبارات شي يقهر


بس من جد مادمها لندن تستاهل والله لاسحب على ابو الاختبار


مشكوور باريس هيلتون على الموضوع المتكامل

كشميري
22-06-2009, 11:01 AM
طيب بسافر انا وزوجتي .... لازم اخذها معي تبصم عنددهم ... والفيزا ثنتين لي ولها ولا وحده تكفي
بعدين وش اللي 1300 غالي مرره مافي ارخص <==- مفلس ويبي يسافر :)

مكنسة كهرب
22-06-2009, 01:40 PM
طيب بسافر انا وزوجتي .... لازم اخذها معي تبصم عنددهم ... والفيزا ثنتين لي ولها ولا وحده تكفي
بعدين وش اللي 1300 غالي مرره مافي ارخص <==- مفلس ويبي يسافر :)

الابلكيشن اللي هو استمارة طلب الفيزا لازم كل واحد لحاله

حتى الاطفال المظافين بجوازات اهلهم لازم برضو استماره لهم

ورسوم الفيزا لكل واحد فيكم

الرسوم تقريبا 422 ريال فيزا 6 شهور للشخص الواحد

وطبعا راح تزيد الرسوم كل ما زادت المده يعني سنه والا خمس والا عشر سنين تفرق

حتى لو كان بزر مضاف مع اهله برضو راح يدفع رسوم فيزا

والحظور للبصمه لازم لكل شخص فوق الخمس سنوات يجي ويبصم مره رجال لازم كلكم تجون

واللي مايبي الزحمه والسرا ممكن تدفع 150 ريال على كل جواز وتدخل خدمة ال vip فيصير ما توقف سرا خاصه اذا خذت موعد وجيت عليه

وعموما حاول تجي الصباح بدري لانه يعتبر فاضي


ادخل موقع الفيز البريطانيه

عندك طريقتين اما انك تعبي الابلكيشن بالنت ويصير بس تجيهم تعطيهم الفلوس وارواقك اللي يبونها

او انك تاخذ الابلكيشن عادي ورقي وتسلمه لهم عاد يد بيد هو ويا الاوراق مره وحده

والابلكيشن الورقي موجود بموقعهم تقدر تطبعه او تاخذه من سفارتهم

R O M A
22-06-2009, 04:06 PM
افضل شي انك تخلصين شغلك كله من النت وتاخذين موعد اون لاين
وتشوفين الموعد اللي يناسبك وتروحين لهم وتقولين عندي موعد
يدخلونك ويخلصونك سريع سريع .. يوم اقدم عليهم سويت كذا
وجلست تقريبا 12 يوم وعطوني 3 شهور ولا فيها اي تعقيد ولا حاجه
علما اني من سكان الرياض

شكرا لك نوقاهيلتون ع هالموضوع اللي بيساعد الكثير

pb189

MiSs ~ VirGo
23-06-2009, 02:07 PM
^
^
^

12 يوم؟؟ :(
انا امس رحنا عشان البصمة ومسافرة يوم السبت ان شالله!!
في امل تخلص؟
please قولو اي :(

shiny_star
24-06-2009, 01:48 AM
الله يعطيكي العافية نوقا

ابغى اسالك موقع القنصلية في جدة فين ؟؟
ومن متى لمتى داومهم ؟؟

ومشكورة جدا (f)

بيت المسافر
24-06-2009, 03:15 AM
ياشباب راتبى بالبنك 4200 ... طيب اذا جبت كشف حساب يعطونى فيزه! ولا دبى ابرد لى !


:sm5:

مكنسة كهرب
24-06-2009, 03:56 AM
الله يعطيكي العافية نوقا

ابغى اسالك موقع القنصلية في جدة فين ؟؟
ومن متى لمتى داومهم ؟؟

ومشكورة جدا (f)

مكتب التاشيرات حقهم طال عمرك في طريق الملك عبد الله اللي كان اسمه ولي العهد

ووصفه بالذبط اذا كنتي جايه من طريق الاندلس بيجيك ميدان طارق بن زياد حق السفن
وتاخذين يسار تروحين جهة الملك عبد الله
لا تنزلين النفق مدري الكوبري لا اعملي يوتيرن
بتجيك ارض فاضيه بعدين هم

اصلا بتشوفين السيارات واجد شوي وبتعرفين :D

وفيه هذا الكروكي خذته من موقعهم

http://www.vfs-uk-sa.com/images/map-jeddah.jpg

R O M A
24-06-2009, 04:14 AM
12 يوم؟؟ :(
انا امس رحنا عشان البصمة ومسافرة يوم السبت ان شالله!!
في امل تخلص؟
please قولو اي :(

كلامي عن فبراير موب هالايام .. الحين والله مدري عنهم
بس اتوقع صعبه تطلع في كم يوم خصوصا موسم وزحمه !
ان شاء الله تطلع وتروحين وتجين بالسلامه

shiny_star
24-06-2009, 08:35 PM
كان عندي استفسار مدري رد

وين طار ؟؟

ريــ الرياض ـوف
24-06-2009, 08:59 PM
ممنوع رفع المواضيع القديمه
حذفت المشاركات ومازال الموضوع ينرفع !
استثنائيا انا هالمره رجعت مشاركاتكم عشان تشوفون الرد على استفساراتكم وبقفل الموضوع لفتره
تقدرون تنقلون كل استفساراتكم بالموضوع المخصص
عندنا موضوع مثبت وتقدرون تحطون فيه كل استفساراتكم بخصوص الفيز
الموضوع له سنه يرفع ليه ؟

تقيدوا بقوانين المنتدى الله يرضى عليكم bp039