PDA

عرض كامل الموضوع : ...:: جايتك بعثه للخارج .. وانت موظف الآن ... وماتدري وش تسوي .. أدخل أبيك شوي ::..


المايستـرو
19-08-2006, 03:37 PM
http://www.pki.gov.sa/test/london/ww.gif


-- مرحبا للجميع --

بتكلم اليوم في موضوع ... امممممممم ممكن يكون مهم للبعض ... وهي تجربه انا مريت فيها ... وقابلت شباب في نفس الوضع ... فتكون الحيره في باله كثير .. ويكون التفكير دااااااااايم مشغله ... ومايدري وش يسوي .. ويحس الدعوه كلها محتاسه ..!!

بخص كلامي لشباب اللي يحمل شهاده البكالوريوس أو شهاده ماجستير أو معاه دكتوراه ... وهو على راس العمل حاليا ...طبعا مثلكم عارف ... صعب الآن واحد معه بكالوريوس تخصص حلو .. او ماجستير او دكتوراه .. ويكون عااااااااطل .. يعني جالس في البيت ... :)

يعني راح نتكلم الان فقط فقط ... عن اللي معاه احد هالشهادات .. وعلى راس العمل ... ( وعنده طموووووح أنه يكمل دراسات عليا ) ...

طيب أنتم عارفين أن الواحد إذا يبي يكمل دراسته على حساب الوزارة ... لازم يستقيل من وظيفته ( مهما كانت ) ... لكي يمسح اسمه ورقمه من التأمينات ... وهذا شرط أساسي ... والا ما راح تبتعث ..

طيب وش الحل ؟؟!! ... وش أسوي ؟؟!! ... أستقيل وأسافر ...!! وألآ بس أجلس في وظيفتي ..!!
طبعا الكلام اللي بقوله مجرد رأي ... والواحد عليه الأختيار ... :)

انصح أي واحد في مثل هالظرف ... وفي مثل هالموقف ... انه يجيب ورقه وقلم ... ويكتب النقاط التاليه .. او بعضها ... ( لأن مجرد أنك ما تفكر في اشياء ونقاط . مجرد تفكير في مخك من دون كتابه ... التفكير هذا يحرمك من ايجاد الحلول ... لكن لو كتبت الافكار والمعوقات ... ترجع لمخك يبدا يدور الحلول ...)

بذكر بعض النقاط .. وانت احسبها على نفسك ... وشوف هل هي سلبيه او ايجابيه لك ...


- الوضع العائلي -

-- متزوج --

هل راح آخذ عيالي وزوجتي .؟! ... ام أن لهم ظروف ما يقدرون يسافرون ... مثل ان الزوجه موظفه .. أو لها ظروف ما تقدر تسافر أو أو أو .... هذه اذا كانت موجوده تحسب كسلبيه ... اذا والله لا عادي زوجتي ممكن تروح معاي وماعندها أي مانع وعيالي ايضا ممكن اخذهم ... هذه تحسب لك ايجابيه :)


--- العزوبي ---

هذا ممكن أخف اموره شوي من المتزوج ... ولكن برضو عنده امور أخرى ... مثلا يقول متى راح اتزوج ؟ هل اذا خلصت الدراسه ... يعني بعد 3 سنوات تقريبا ... او ممكن بعد اول سنه اجي هنا واتزوج واخذها معي ؟ ... طيب هنا يحكم هل اللي تبي تتزوجها راح تروح معاك ... هل ماعندها التزامات .. وكذا تدخل في قسم المتزوجين :) وهنا انت تحدد السلبيه والايجابيه ... والبعض يقول لا والله انا الحين عمري 27 ... بسافر اخذ الماجستير وارجع بيكون عمري تقريبا 30 سنه ... طيب متى اكون نفسي عشان اتزوج .. كم يبي لي تقريبا سنتين .. يعني بتزوج وانا عمري 32 ؟؟!! .. هذه برضو فكر فيها ... وابرضو احسبها ايجابيه او سلبيه لك وحسب وضعك وتفكيرك انت ... :)


- الوضع الأسري -


وأقصد فيه ... أن فيه عوائل .. ما يقدرون يستغنون عن أولادهم مهما كان ... يعني تلاقي الولد له مكانته في البيت .. شايل البيت على راسه ... او انه لا قدر الله الأب متوفي .. او غير موجود في العائله .. فيكون الولد هو راعي البيت .. ومعتمدين عليه كثير ... فسفره كم سنه راح يخلق فراغ كبير .. وممكن يخلق مشاكل ... فالشخص برضو ما يفكر في نفسه بس .. وانه راح يدرس ويجيب شهاده .. لازم يفكر في أهله وعائلته اللي حوله .. وهل ممكن يستغنون عن خدماته في الفتره هذه .. او لا والله مستحيل يبعد عنهم الفتره هذه ... هنا تحسب ايجابيه لك اذا ممكن .... وتحسب سلبيه اذا مو ممكن ...


- الارتباطات الماليه -


واقصد فيها .. ان البعض مثلا ماخذ قرض من بنك .. او من شخص ... او عنده ديون ...او عنده اقساط ... او نقدر نقول عنده محلات .. وبزنس .. وهو اللي يديرها .... او ممكن نقول توه مستاجر بيت ... ومصلحه ومزينه وووووو .. وكيف بيجي وضعه لو ترك هالبيت بعد هالتعب ...
هنا ممكن ترجع لك ... هل ما عندك هل الامور .. او ممكن تحلها بشكل ما يضرك .. هذه ايجابيه لك .. وممكن تقول لا والله صعب جدا .. وصعب جدا مثلا اترك البزنس حقي .. لازم انا اتابعه بنفسي .. فهذه تسجلها سلبيه ...:)


- تأقلمه مع العيش الغربي -


البعض جرب السفر للدول الأوربيه ... والغربيه ... وجرب يسكن معهم .. وجرب يحتك معهم .. ويتكلم معهم .. ويعرف كيف يفكرون .. وكيف يمشون أمورهم ... فالبعض يقول والله انا سافرت اول .. واحس بكتمه لما اعاملهم .. او امشي مع الستايل والوضع اللي هم ماشين عليه ... مو زينا هنا في السعوديه الوضع متغير ... وأتمنى بس متى أخلص شغلي اللي سافرت له ... عشان أرجع لديرتي ... هذه يسجلها سلبيه ... والبعض يقول لا والله عااااااااادي جدا ... ممكن اسافر وانا جربتها .. وعادي جدا اتعايش معهم عادي وادخل معهم واحتك في الغربي .. وماعندي أي مشاكل ... هذه تسجل له ايجابيه :)


- قابلية الشخص للدراسه -


البعض الله يهديهم ... سمع بالتسجيل في وزاره التعليم العالي ... وشاف العالم تسجل .. قال معكم معكم .. وش ورانا ... ويكون بداخله عدم قابليه للدراسه ... يعني خلاص وصل لمرحله التشبع .. وخاصه اذا كان مخلص مرحله السابقه بشق الأنفس ... فشاف العالم تقدم .. قال معكم ... ( طبعا ممكن يقول لك لا الوضع هناك يختلف .. اذا رحت هناك راح ادرس غصب عني .. هذا شي راجع له صراحه :) ) ... فهذه اعتقد انها سلبيه ..

وفيه القسم الثاني اللي هو والله في راسه دراسه ... ويبي يدرس .. والدليل مثلا معدله في المرحله الدراسيه الماضيه له ... كان معدله مرتفع ... ( بالعربي مخه مفتح وناوي على دراسه :) ) ... هذه تحسب له ايجابيه ...


- الوضع الوظيفي -


البعض ما شاء الله متوظف في وظيفه مرموقه ... وراتب حلو ... ومرتاح في وظيفته .. ويمكن تعب كثير لين حصل هالوظيفه .. فيكون متردد كثير ... يقول اترك هالراتب !!! اترك هالمنصب !! كل نهايه شهر ينزل راتب وقدره في حسابي ... هل ممكن استغني عنه ..!! هذا ممكن تحسب عليه سلبيه ... ويقول عصفور حلو في اليد ... ولا عشره حلوين على شجره امريكيه :) ....

وفيه البعض يقول لا والله انا صراحه وظيفتي لك عليها .. او مدري وش تبي ... والراتب بعد ما يسوى .. انه مو طموحي وانا اطمح لشي اعلى .. او ان بيئه العمل اللي هو يشتغل فيها ما تساعده .. ولا ارتاح فيها الارتياح اللي ممكن ينتج ويعطي ... هذا اعتبرها لك ايجابيه النقطه ... ويكون ميله للدراسه في الخارج اكثر ... :)

- بعض النقاط زودني بها أخ لي -

- نوع التخصص -

اكيد ان هؤلاء الموظفين من خلال الخبرة الي تكونت عندهم وهم على رأس العمل شافوا الحاجة لبعض التخصصات اللي ممكن تفتح على الشركات مكاسب كبيرة والي فيه عليها طلب كبير مع انها لا تُدرس في جامعاتنا. بمعنى اخر تخصص يوظف حاملة وهو حاط رجل على رجل بمركز جدا ممتاز.
مثال: التجارة الدولية أو العقود القانونية الدولية أو هندسة المولدات الكهربائية بالطاقة الشمسية وهكذا..
اعتقد ان هذي فرصة جيده لهم بالاستقالة والعودة الى نفس الشركة.


- تغيير مجال الوظيفة -

كثير منا بعد ما يدرس التخصص الي عجبه ايام الجامعة للاسف يتوظف على غير تخصصة وخاصة المهندسين.

أو يدرس تخصص كان حلو وجميل ايام الدراسة لكن على ارض الواقع سيء ومحبط العمل فيه.
هنا يبدا التحسف ويقول ياليتني دخلت تخصص كذا وكذا ... فهنا تكون نقطه ايجابيه بالنسبه له




- نقطه أخيره ... -


بعد ما تشوف النقاط الي تكلمنا عنها ... وتكتبها في ورقه .. وتحسبها زين ... يجي الأن أهم شي .. وهي صلاه الاستخاره ... تتوضأ .. وتكون نفسيتك زينه ومرتاحه .. وتصلي لك ركعتين ... وتدعي ربك دعاء الاستخاره المعروف ... وبعدها تشوف ربك وش يكتب لك ... والأفضل أنك تستخير أكثر من مره ...

هذه بعض النقاط اللي كانت في بالي الأيام اللي راحت ... وكل مره أقول راح اكتبها .. راح اكتبها ... وخاصه اذا مثلا جلست مع واحد من الشباب في الوضع هذا .. ومحتار وش يسوي ... فيكون نقاشنا على الامور والنقاط اللي ذكرتها ..

طبعا هناك امور أكثر وأكثر ... لكن بإعتقادي أن هذه هي الأهم ...

أختم بقول الله عز و جل .... (وعسى أن تكرهوا شيئا وهو خير لكم )
تحياتي للجميع

أشوفكم على خير

دمتم بود

أخوكم

المايسترو
bp039
http://www.pki.gov.sa/test/london/ww.gif

AHMED!!COOL
19-08-2006, 05:55 PM
الله يعافيك يالمايسترو

والله نقاط مهمه وتأخذ في عين الإعتبار

جزاك الله الف خير

المايستـرو
19-08-2006, 06:18 PM
الله يعافيك يالمايسترو

والله نقاط مهمه وتأخذ في عين الإعتبار

جزاك الله الف خير
http://www.pki.gov.sa/test/london/ww.gif

الله يعافيك أخوي

AHMED!!COOL

وجزاك الله خير ...

http://www.pki.gov.sa/test/london/ww.gif

10 على 10
19-08-2006, 06:21 PM
بخص كلامي لشباب اللي يحمل شهاده البكالوريوس أو شهاده ماجستير أو معاه دكتوراه ... وهو على راس العمل حاليا ...طبعا مثلكم عارف ... صعب الآن واحد معه بكالوريوس تخصص حلو .. او ماجستير او دكتوراه .. ويكون عااااااااطل .. يعني جالس في البيت ... :)

يعني راح نتكلم الان فقط فقط ... عن اللي معاه احد هالشهادات .. وعلى راس العمل ... ( وعنده طموووووح أنه يكمل دراسات عليا ) ...

معاه دكتوراه ، وعنده طموح انه يكمل دراسات عليا ؟! . ممكن تفهمني كيف تجي ذي ؟! .

ابو الفهاوة
19-08-2006, 06:23 PM
ما يسترووو على اسمكـ ..
الله يعافيكـ بتفتح مخخه مقفله :) <<< بينجلد


ابو فهفهـ

المايستـرو
19-08-2006, 06:37 PM
معاه دكتوراه ، وعنده طموح انه يكمل دراسات عليا ؟! . ممكن تفهمني كيف تجي ذي ؟! .

http://www.pki.gov.sa/test/london/ww.gif

مرحبا 10 على 10

فيه ناس معها دكتوراه .. ويبي يصير بروفوسور ... :) ناس طموحها عالي ...

http://www.pki.gov.sa/test/london/ww.gif



ما يسترووو على اسمكـ ..
الله يعافيكـ بتفتح مخخه مقفله :) <<< بينجلد


ابو فهفهـ



http://www.pki.gov.sa/test/london/ww.gif

مرحبا ابو فهفهـ ...
الله يعافيك يارب ... وتسلم على مرورك ياغالي

http://www.pki.gov.sa/test/london/ww.gif

Esperanza
19-08-2006, 08:20 PM
المايستـرو

والله ان الدراسة زينة و انك تحصل على اعلا الشهادات حلم يراودني انا بالذات ، لكن الخوف بعد السنين اللي قضيتها في الشغل و بعد ما وصلت للمركز اللي انا فيه اني ارجع بالشهادات العالية ولا القى وظيفة بنصف راتب الحين ، وللاسف هذي حصلت للبعض من اللي انا اعرفهم.

انا لقيت الحل ابتقاعد تقاعد مبكر بعد كم سنة و بعدين اروح اكمل دراستي و اذا رجعت على الاقل احصل لي راتب ، طبعاً دراستي بتكون على حسابي.

وش رايك يا خالي المايشترو ينفع ولا ما ينفع.


موضوعك جميل و مفيد الله يجزاك الف خير.

المايستـرو
19-08-2006, 09:19 PM
المايستـرو

والله ان الدراسة زينة و انك تحصل على اعلا الشهادات حلم يراودني انا بالذات ، لكن الخوف بعد السنين اللي قضيتها في الشغل و بعد ما وصلت للمركز اللي انا فيه اني ارجع بالشهادات العالية ولا القى وظيفة بنصف راتب الحين ، وللاسف هذي حصلت للبعض من اللي انا اعرفهم.

انا لقيت الحل ابتقاعد تقاعد مبكر بعد كم سنة و بعدين اروح اكمل دراستي و اذا رجعت على الاقل احصل لي راتب ، طبعاً دراستي بتكون على حسابي.

وش رايك يا خالي المايشترو ينفع ولا ما ينفع.


موضوعك جميل و مفيد الله يجزاك الف خير.




http://www.pki.gov.sa/test/london/ww.gif
مرحبا يا عمدتنا Esperanza

والله الحيره هذه على كثيرررررررر من الشباب المتقدمين ... يشوف منصبه .. ويشوف الراتب من جهه ... ويشوف الشهادات الكبيره من جهه ثانيه ... وانا مريت في الفتره هذه .. والشعور هذا ... :(

مسأله التقاعد المبكر ... صراحه فكره حلوه .. لكن كم بيكون عمرك وقتها ..!! ... طيب بتقول انا في راسي دراسه في راسي دراسه ... طيب حلو ... انت لما تروح وتدرس وتتخرج كم بيكون عمرك !! قصدي رؤيه الشركات لك وانت تقدم عليها بسن معين ... مدري احس انها تفرق صراحه مع هالشركات

بعدين يا أخوي انت في جهه معروفه بالابتعاث ... ليش ما يبتعثونك وانت على راس العمل ؟ ... اتوقع لو تحاول فيهم بيوافقون ....


تحياتي لك .. وربك يكتب اللي فيه الخير

http://www.pki.gov.sa/test/london/ww.gif

10 على 10
19-08-2006, 09:37 PM
مرحبا 10 على 10

فيه ناس معها دكتوراه .. ويبي يصير بروفوسور ... :) ناس طموحها عالي

انت متأكد من كلامك هذا .
على حد علمي ان درجه البروفسور او ( أ . د ) تمنح للشخص عن طريق الجهة الي يعمل فيها خاصة اذا كانت اكاديميه علميه ( جامعه ، مركز للعلوم والتقنية ، فالشخص الي معاه دكتوراه يعمل ( بحث ) في موضوع ما تابع لتخصصه ويعرض على لجنه علمية مشكله من نفس الجهه التابع لها الشخص فتمنح هذه الدرجه .

وما تمنح عن طريق الابتعاث كما ذكرت. ولا يوجدفي برنامج ابتعاث وزاره التعليم العالي شئ من هذا .

rs4ever
20-08-2006, 12:07 AM
جزاك الله خير اخوي مايسترو

و الله اني تعبت من التفكير خلال الفترة الماضية (فتح باب الابتعاث)

انا معي دبلوم تقنية تخصص برمجه و معدلي الحمد لله يسمح لي اكمال البكالوريوس لكن المشكلة اني على راس العمل

افكر حالياً في السنتين الجايه اني اطلب منحه لاكمال الدراسة من الوزارة اللي اتبع لها

اذا عندك معلومات يا ليت تساعدني و ما راح انساك من الدعاء :)

المايستـرو
20-08-2006, 12:20 AM
http://www.pki.gov.sa/test/london/ww.gif

انت متأكد من كلامك هذا .
على حد علمي ان درجه البروفسور او ( أ . د ) تمنح للشخص عن طريق الجهة الي يعمل فيها خاصة اذا كانت اكاديميه علميه ( جامعه ، مركز للعلوم والتقنية ، فالشخص الي معاه دكتوراه يعمل ( بحث ) في موضوع ما تابع لتخصصه ويعرض على لجنه علمية مشكله من نفس الجهه التابع لها الشخص فتمنح هذه الدرجه .

وما تمنح عن طريق الابتعاث كما ذكرت. ولا يوجدفي برنامج ابتعاث وزاره التعليم العالي شئ من هذا .

مرحبا اخوي ... والله انا ماني متأ:د 100% من المعلومه ... إذا ممكن تمر الوزاره او تكلمهم .. يفيدونك أكثر مني في النقطه هذه ...

الله يعطيك العافيه :)

http://www.pki.gov.sa/test/london/ww.gif

جزاك الله خير اخوي مايسترو

و الله اني تعبت من التفكير خلال الفترة الماضية (فتح باب الابتعاث)

انا معي دبلوم تقنية تخصص برمجه و معدلي الحمد لله يسمح لي اكمال البكالوريوس لكن المشكلة اني على راس العمل

افكر حالياً في السنتين الجايه اني اطلب منحه لاكمال الدراسة من الوزارة اللي اتبع لها

اذا عندك معلومات يا ليت تساعدني و ما راح انساك من الدعاء :)

هلا والله أخوي

أنا أدري ان الكثير يفكر في الشي هذا ... ويسأل من هنا ومن هنا .. ولا يدري صراحه كيف يحلها ... عشان كذا قلت اشارك ببعض الافكار او ممكن نقول النقاط اللي مشتته في بال الكثير .. وانا اولكم .. بس قدرت اجمعها

بخصوص انك تكمل على حساب الجهه اللي انت تعمل لها .. والله حسب انت وين تشتغل ... وكيف شروطوهم في الابتعاث


تحياتي لك

http://www.pki.gov.sa/test/london/ww.gif

كاس العالم
20-08-2006, 01:40 AM
المايسترو الغالي

يدك على جروح شباب كثير

في مكانه موضوعك...

وانا احد اللي يمرون فيه هالشعور

أمرين أحلاهم مر ...


وكل امر فيه ايجابيات تخليك تقتنع لدرجة انك

تعقد العزم عليه ... لكن بعد يوم او يمكن أقل تتراجع وتقول لا يمكن الخيار الثاني

أفضل وفيه ايجابيات اكثر بمعنى انك لا تستطيع الجزم بشكل نهائي ...!

وأفضل الأمور أنك تستخير الله سبحانه وتعالى

أحيانا كثر الإستشارات تدوخك بعض الناس من زود حرصه عليك يلزم بالشور

لكن أتوقع أنه أفضل خيار لك ولمستقبلك أن قرارك النهائي يبنى على


قـــــــــنـــــاعـــة تــــامة

حتى لا تؤنب ضميرك مستقبلا ...

لك أرق تحية

المايستـرو
20-08-2006, 02:14 AM
http://www.pki.gov.sa/test/london/ww.gif

المايسترو الغالي

يدك على جروح شباب كثير

في مكانه موضوعك...

وانا احد اللي يمرون فيه هالشعور

أمرين أحلاهم مر ...



وكل امر فيه ايجابيات تخليك تقتنع لدرجة انك

تعقد العزم عليه ... لكن بعد يوم او يمكن أقل تتراجع وتقول لا يمكن الخيار الثاني

أفضل وفيه ايجابيات اكثر بمعنى انك لا تستطيع الجزم بشكل نهائي ...!
وأفضل الأمور أنك تستخير الله سبحانه وتعالى


أحيانا كثر الإستشارات تدوخك بعض الناس من زود حرصه عليك يلزم بالشور

لكن أتوقع أنه أفضل خيار لك ولمستقبلك أن قرارك النهائي يبنى على

قـــــــــنـــــاعـــة تــــامة


حتى لا تؤنب ضميرك مستقبلا ...
لك أرق تحية


مرحبا يا غالي .... اول شي صحيح انك دوخخخختني :sm5: .. بس ابشرك قدرت اقرا كلامك ...

فعلا كلامك صحيح 100% ... الواحد ما يقدر يقدم على شي مثل كذا الا يكون مقتنع 100% ... ومستخير ربه ... لأنها خطوه جريئه ... وتحديد مصير


تحياتي لك

http://www.pki.gov.sa/test/london/ww.gif

هتلان
20-08-2006, 05:24 AM
الله يعطيك العافية على معلوماتك القيمة يالمايسترو

الحقيقة مريت بهالتجربة وكنت فعلا ناوي اقدم استقالتي من العمل على الرغم من اني كنت على وشك استحقاق ترقية حلوة...لكن مديرنا الله يجزاه بالخير قال لي اصبر سنة ونص..لان فيه زميل لنا مبتعث الان وبيرجع بعد سنة ونصف..واول مايرجع امش انت مباشره بعده وانا مستعد ادعمك بكل جهدي للحصول على فرصة الابتعاث
فالحمدلله اخذت الترقية وانا منتظر زميلي يرجع..على الاقل مكاني اللي انا فيه حساس جدا في الوزارة وحيوي والكل يتمنى يشتغل فيه او يتعرف على الموظفين اللي فيه :)
بالتالي لو استقلت يمكن صعب جدا ارجع لنفس مكاني ويمكن اروح لعمل مايجوز لي واقعد اتندم طول عمري
لا وازيدك من الشعر بيت من طيبة قلب هالمدير(ياحبيله بس ابو احمد :) ) يقال له بيرفه عني رشحني لدورة في ماليزيا هالسنة بامشي لها بعد اسبوع :)

المايستـرو
20-08-2006, 09:21 AM
http://www.pki.gov.sa/test/london/ww.gif

الله يعطيك العافية على معلوماتك القيمة يالمايسترو

الحقيقة مريت بهالتجربة وكنت فعلا ناوي اقدم استقالتي من العمل على الرغم من اني كنت على وشك استحقاق ترقية حلوة...لكن مديرنا الله يجزاه بالخير قال لي اصبر سنة ونص..لان فيه زميل لنا مبتعث الان وبيرجع بعد سنة ونصف..واول مايرجع امش انت مباشره بعده وانا مستعد ادعمك بكل جهدي للحصول على فرصة الابتعاث
فالحمدلله اخذت الترقية وانا منتظر زميلي يرجع..على الاقل مكاني اللي انا فيه حساس جدا في الوزارة وحيوي والكل يتمنى يشتغل فيه او يتعرف على الموظفين اللي فيه :)
بالتالي لو استقلت يمكن صعب جدا ارجع لنفس مكاني ويمكن اروح لعمل مايجوز لي واقعد اتندم طول عمري
لا وازيدك من الشعر بيت من طيبة قلب هالمدير(ياحبيله بس ابو احمد :) ) يقال له بيرفه عني رشحني لدورة في ماليزيا هالسنة بامشي لها بعد اسبوع :)



هلا وغلا هتلان ...

ما شاء الله مديرك شكله شي pb192 ... والله اذا مواعدك زي ما تقول ... لوني مكانك عادي اصبر لي سنه ونص .. بس اضمن اني ابتعث .. ولا اروح الحين ما ادري عن وضعي :( ...

تحياتي لك يا غالي وتسلم على مداخلتك :)

http://www.pki.gov.sa/test/london/ww.gif

مهاجر الدنيا
20-08-2006, 09:23 AM
الماسترو الله لا يحرمنا منك ولا من معلوماتكم حقيقه دوما تتحفنا بما هو جديد ...وان شاء الله يستفيد الكثير من موضوعك هذا .....ّّّّّّّّ ّ ّ ّ ّ

مهاجر الدنيا

bigname
20-08-2006, 09:55 AM
- الوضع الوظيفي -


البعض ما شاء الله متوظف في وظيفه مرموقه ... وراتب حلو ... ومرتاح في وظيفته .. ويمكن تعب كثير لين حصل هالوظيفه .. فيكون متردد كثير ... يقول اترك هالراتب !!! اترك هالمنصب !! كل نهايه شهر ينزل راتب وقدره في حسابي ... هل ممكن استغني عنه ..!! هذا ممكن تحسب عليه سلبيه ... ويقول عصفور حلو في اليد ... ولا عشره حلوين على شجره امريكيه :) ....





يعطيك ألف عافية أخوي المايسترو على النقاط المهمة ، أنا صراحة دائما أفكر أني أكمل دراستي بس لما أناظر لوظيفتي أخاف أني أرجع ولا أحصل الوظيفة اللي كنت اشتغل اللي فيها ، فكنسلت الفكرة لأني مدام أني على رأس العمل ووظيفة كويسة فليش استقيل واروح ادرس وأنا مش ضامن أني احصل وظيفة بعد ذلك والا لأ !!!

وهذا الشيء حدث لأحد زملاء أخوي ، راح درس الماجستير والدكتوراة ورجع للسعودية وجلس حدود ستة أشهر يالله لقى وظيفة .

عموما يعطيك الف عفاية أخوي المايسترو على الموضوع الحلو .

اقرب بنشر
20-08-2006, 10:40 AM
يمال العافية والله

الماسترو

بعض الناس يجيهم تفريغ من العمل الواسطة

الي موظف زي حلاتي واسبرنزااا شيبان ما نفرط ابد في الوظيفة

اقرب بنشر
20-08-2006, 10:41 AM
يمال العافية والله

الماسترو

بعض الناس يجيهم تفريغ من العمل الواسطة

الي موظف زي حلاتي واسبرنزااا شيبان ما نفرط ابد في الوظيفة

المايستـرو
20-08-2006, 12:34 PM
http://www.pki.gov.sa/test/london/ww.gif
الماسترو الله لا يحرمنا منك ولا من معلوماتكم حقيقه دوما تتحفنا بما هو جديد ...وان شاء الله يستفيد الكثير من موضوعك هذا .....ّّّّّّّّ ّ ّ ّ ّ

مهاجر الدنيا

هلا وغلا مهاجر الدنيا ...
تسلم يا الغلا على كلماتك .. وعلى مشاركتك .. شرفني حضورك .. :)

http://www.pki.gov.sa/test/london/ww.gif

يعطيك ألف عافية أخوي المايسترو على النقاط المهمة ، أنا صراحة دائما أفكر أني أكمل دراستي بس لما أناظر لوظيفتي أخاف أني أرجع ولا أحصل الوظيفة اللي كنت اشتغل اللي فيها ، فكنسلت الفكرة لأني مدام أني على رأس العمل ووظيفة كويسة فليش استقيل واروح ادرس وأنا مش ضامن أني احصل وظيفة بعد ذلك والا لأ !!!

وهذا الشيء حدث لأحد زملاء أخوي ، راح درس الماجستير والدكتوراة ورجع للسعودية وجلس حدود ستة أشهر يالله لقى وظيفة .

عموما يعطيك الف عفاية أخوي المايسترو على الموضوع الحلو .

مرحبا bigname فعلا كلامك منطقي .. بس البعض يقول .. انا لو رحت راح اجيب لي درجه دراسيه اعلى .. ومنها راح الاقي وظيفه اعلى .. يقول صحيح بجلس ادور لي وظيفه اول ما ارجع .. بس لو حصلت بلاقي شي حلو ... مجرد رأي لهم :)

تسلم يا غالي على مداخلتك ...

http://www.pki.gov.sa/test/london/ww.gif

يمال العافية والله
الماسترو
بعض الناس يجيهم تفريغ من العمل الواسطة
الي موظف زي حلاتي واسبرنزااا شيبان ما نفرط ابد في الوظيفة

هلا والله وغلا اقرب بنشر

اللي يجيه تفريغ هذا شي روعه .. وكذا يطمأن على مستقبله ونفسه لو صار شي مستقبلا ...
ومثل ما قلت فيه شباب خلاص له فتره في وظيفته وصار له خبره فيها .. وصعب يتركها بعد هالمده

تسلم يا غالي على مشاركتك ... لا تحرمنا من مداخلاتك ... الله يعطيك العافيه .. :)

http://www.pki.gov.sa/test/london/ww.gif

J w A n A
23-08-2006, 05:14 PM
ياعيني عليك .. مشــاء الله

حلو التفكير بهذي الطريقه اجيب ورقه وقلم واحدد اموري ووضعي

دعواتك أخوي ربي يسهل واكمل الماجستير
لكن كل الأبواب مقفله :)


الله يعين

اتمنى ليك التوفيق " .. bp039 .."

" جوانــا "

المايستـرو
23-08-2006, 11:05 PM
http://www.pki.gov.sa/test/london/ww.gif

ياعيني عليك .. مشــاء الله
حلو التفكير بهذي الطريقه اجيب ورقه وقلم واحدد اموري ووضعي
دعواتك أخوي ربي يسهل واكمل الماجستير
لكن كل الأبواب مقفله :)
الله يعين
اتمنى ليك التوفيق " .. bp039 .."
" جوانــا "

ياااااااا هلا وغلا بـ جوانــا .... من طول الغيبات جاب الغنايم :)

بخصوص القلم والورقه ... أقول لك شي ... هذه انا استخدمها في كل امور حياتي الكبيره ... وخاصه الأمور اللي تحتاج تخطيط ... والحمد لله نسبه نجاحي واقتناعي بالشي اللي اسويه بعد ما اسوي الحركه هذه نسبه كبيره جدا ... ولا اندم عليها لو كانت مو ناجحه ...

وإن شاء الله ربي راح يوفقك ويفتح لك مجال تكمله الماجستير ....

اتمنى لك التوفيق في كل أمورك bp039
http://www.pki.gov.sa/test/london/ww.gif

فانكوفري
01-09-2006, 05:53 AM
حطيت يدك على الجرررررح
آآآخ بس ودي اصيح
حتى وزير التربية والتعليم الغى الاجازة الدراسية ( بدون راتب ) يعني مانبي لهم شي ء منة الله ولا منة خلقه وكانت متااااحة وعادي تقدر تاخذها بسهولة رحت وجبت قبول من الجامعة الاردنية وبتخصص روعة ( تكنولوجيا تعليم ) وكان من المفترض ابدا بالدراسة بعد اسبوع لكن الوزير وبقرار ارتجالي اثار استغراب وتعجب الجميع حتى الموظفين الكباار في الوزارة الغى الاجازة الدراسية ؟؟؟؟

لاحول ولاقووة الا بالله والله يكتب الي فيه الخير

فانكوفري
01-09-2006, 05:53 AM
حطيت يدك على الجرررررح
آآآخ بس ودي اصيح
حتى وزير التربية والتعليم الغى الاجازة الدراسية ( بدون راتب ) يعني مانبي لهم شي ء منة الله ولا منة خلقه وكانت متااااحة وعادي تقدر تاخذها بسهولة رحت وجبت قبول من الجامعة الاردنية وبتخصص روعة ( تكنولوجيا تعليم ) وكان من المفترض ابدا بالدراسة بعد اسبوع لكن الوزير وبقرار ارتجالي اثار استغراب وتعجب الجميع حتى الموظفين الكباار في الوزارة الغى الاجازة الدراسية ؟؟؟؟

لاحول ولاقووة الا بالله والله يكتب الي فيه الخير

فانكوفري
01-09-2006, 05:54 AM
.......

المبدع2001
01-09-2006, 03:10 PM
جيت على الجرح يالمايسترو .. انا ماكانت تواجهني اي مشكله من اللي ذكرت

وقدمت على البعثه وسعيت لها بكل الطرق عشان يتم الموافقه عليها

وبالفعل حصلت لي البعثه لاكمال الدراسه وسافرت وبعد مابديت دراستي بكم اسبوع

تراكم علي اكثر من سبب وخلتني افكر اما بالاكمال او قطع الدراسه

ومن الامور اللي خلتني اعيد التفكير فيها

اول شي الاهل بعد وفاة اختي رحمة الله عليها صرت افكر باني اكون قريب من الأهل بهذا الوقت

وبعدين صار التفكير بالوظيفه بشكل جاد اكثر خاصه اني مابعد ارتبطت باي وظيفه رسميه

الى متى بقضي عمري دراسه؟ وهل دراستي بتساعد على تكوين نفسي اكثر من اني اتوظف وابدا بتكوين نفسي

وهل اذا رجعت من دراستي بكون ضامن الوظيفه اللي كنت اطمح لها .. او بنصدم مثل كثير من اللي بنفس حالتي

وبعدين نجي لموضوع مهم انا كنت غافل عنه ولا عطيته اي اهتمام اللي هو الزواج

متى بتزوج ؟ اذا رجعت من فتره الدراسه او الافضل اني اتزوج واخذ زوجتي معي؟

ماعندي حلول للأسف لين الحين لكثير من الاسئله خاصه اني الان في اجازه غير اعتياديه

اما بالنسبه للي عندهم التزامات ماليه هذول احسهم يواجهون مشكله كبيره

خصوصاً اذا كانو يعتمدون على نفسهم بقضاء التزاماتهم الماليه

اشكرك اخي الغالي المايسترو على طرحك للموضوع

وان شاء الله بكون متابع لكل رد يضاف هنا وتعليقاتك المفيده

واعيش مع الاخوان تجاربهم لعلها تساعدني بايجاد الحلول الصائبه والتائهه عني

ركبة البعير
04-09-2006, 07:14 AM
انا موظف وبوظيفة حكومية ورئيس قسم وبراتب مناسب ويوم شفت البعثات تدهر قلت اكمل ماجستير افضل لي ولمستقبلي رغم اني ترددت بس استخرت الله والحمد لله سافرت واستقلت قبل اسبوع
توكل على الله ولنجعل الاستخارة في كل الامور

المايستـرو
04-09-2006, 10:11 AM
http://www.pki.gov.sa/test/london/ww.gif
حطيت يدك على الجرررررح
آآآخ بس ودي اصيح
حتى وزير التربية والتعليم الغى الاجازة الدراسية ( بدون راتب ) يعني مانبي لهم شي ء منة الله ولا منة خلقه وكانت متااااحة وعادي تقدر تاخذها بسهولة رحت وجبت قبول من الجامعة الاردنية وبتخصص روعة ( تكنولوجيا تعليم ) وكان من المفترض ابدا بالدراسة بعد اسبوع لكن الوزير وبقرار ارتجالي اثار استغراب وتعجب الجميع حتى الموظفين الكباار في الوزارة الغى الاجازة الدراسية ؟؟؟؟

لاحول ولاقووة الا بالله والله يكتب الي فيه الخير

هلا وغلا فابيانو سلميانو

هههههههههه اذا ودك تصيح ... غيرك صاح وخلص pb192 ...
ما عليك .. القرارات كل يوم طالع جديد ... وكلها خطط مدروسه :)

وربي اذا كاتب لك شي .. صدقني راح يصير ...

تحياتي لك bp039

http://www.pki.gov.sa/test/london/ww.gif

جيت على الجرح يالمايسترو .. انا ماكانت تواجهني اي مشكله من اللي ذكرت
وقدمت على البعثه وسعيت لها بكل الطرق عشان يتم الموافقه عليها
وبالفعل حصلت لي البعثه لاكمال الدراسه وسافرت وبعد مابديت دراستي بكم اسبوع
تراكم علي اكثر من سبب وخلتني افكر اما بالاكمال او قطع الدراسه
ومن الامور اللي خلتني اعيد التفكير فيها
اول شي الاهل بعد وفاة اختي رحمة الله عليها صرت افكر باني اكون قريب من الأهل بهذا الوقت
وبعدين صار التفكير بالوظيفه بشكل جاد اكثر خاصه اني مابعد ارتبطت باي وظيفه رسميه
الى متى بقضي عمري دراسه؟ وهل دراستي بتساعد على تكوين نفسي اكثر من اني اتوظف وابدا بتكوين نفسي
وهل اذا رجعت من دراستي بكون ضامن الوظيفه اللي كنت اطمح لها .. او بنصدم مثل كثير من اللي بنفس حالتي
وبعدين نجي لموضوع مهم انا كنت غافل عنه ولا عطيته اي اهتمام اللي هو الزواج
متى بتزوج ؟ اذا رجعت من فتره الدراسه او الافضل اني اتزوج واخذ زوجتي معي؟
ماعندي حلول للأسف لين الحين لكثير من الاسئله خاصه اني الان في اجازه غير اعتياديه
اما بالنسبه للي عندهم التزامات ماليه هذول احسهم يواجهون مشكله كبيره
خصوصاً اذا كانو يعتمدون على نفسهم بقضاء التزاماتهم الماليه
اشكرك اخي الغالي المايسترو على طرحك للموضوع
وان شاء الله بكون متابع لكل رد يضاف هنا وتعليقاتك المفيده
واعيش مع الاخوان تجاربهم لعلها تساعدني بايجاد الحلول الصائبه والتائهه عني

هلا وغلا المبدع2001

أول شي ... الله يرحم أختك .. ويغفر لها .. ويسكنها فسيح جناته بعونه تعالى ...

فعلا الاسئله اللي طرحتها انت .. واللي دار في بالك ... هي شي من اشياء كثيررررررررره تدور في بال الشباب الان .. وخاصه بعد ما قبلوا ...
المشكله ان الوقت يداهم الواحد ... وكل يوم يقول خلها شوي .. خلها شوي .. ولا يدري الى متى :(

تحياتي لك يا غالي bp039

http://www.pki.gov.sa/test/london/ww.gif

انا موظف وبوظيفة حكومية ورئيس قسم وبراتب مناسب ويوم شفت البعثات تدهر قلت اكمل ماجستير افضل لي ولمستقبلي رغم اني ترددت بس استخرت الله والحمد لله سافرت واستقلت قبل اسبوع
توكل على الله ولنجعل الاستخارة في كل الامور


هلا والله ركبة البعير pb192


طبعا هو اهم شي الاستخاره في كل شي ... بس لازم ندرس الامور اللي احنا فيه .. والوضع بشكل عام .. وطبعا الاستخاره شي لا بد منها

ربي يوفقك وترجع لنا سالم غانم بعونه تعالى

تحياتي لك bp039

http://www.pki.gov.sa/test/london/ww.gif

ALBNTLY
23-05-2008, 03:22 PM
مرررررره شكرا اخوي المايسترو على طرح هالموضوع لانه ( حــــارق مخي ) هالايام بشكل كبير ،،
أنا بوظيفه زينه راتبي ماكنت احلم فيه بصراحة وهالوظيفه( قطاع خاص) جت من بعد ما قدمت على البعثه اللي( ماكانت مضمونه بوقتها ) بس من بعد الوظيفه مشت امور البعثه وصار مسالة الحيرة مابين الوظيفه والبعثه امر حتمي،،

تعععععععبت بشكل ما تصور وكل شي انت كتبته انا فكرت فيه ،، وبنفس الوقت مو سهل عالواحد يرفس فرصة البعثه بكل سهولة لانه يخاف يجيه يوم يندم اشد الندم ( كأنه رافس نعمه ) .

من مميزات البعثه برأيي ( لغة انجليزيه اللي مافيه مكان ما يطلبها + تزيد تعليمك ببلد متطور + تصقل شخصيتك كون انك يتكون لحالك بدون اهلك خاصة احنا يالسعوديين متعودين عالاعتماد على وجود الاهل بجانبك + حياة غيييير )
فالبعثة غييييييييير من كل النواحي ...

* كني كتبت لائحة السلبيات والايجابيات اللي نصحتنا فيها ونا مادري :D

شكــــــرا مره اخرى،،

المايستـرو
23-05-2008, 11:49 PM
مرررررره شكرا اخوي المايسترو على طرح هالموضوع لانه ( حــــارق مخي ) هالايام بشكل كبير ،،
أنا بوظيفه زينه راتبي ماكنت احلم فيه بصراحة وهالوظيفه( قطاع خاص) جت من بعد ما قدمت على البعثه اللي( ماكانت مضمونه بوقتها ) بس من بعد الوظيفه مشت امور البعثه وصار مسالة الحيرة مابين الوظيفه والبعثه امر حتمي،،

تعععععععبت بشكل ما تصور وكل شي انت كتبته انا فكرت فيه ،، وبنفس الوقت مو سهل عالواحد يرفس فرصة البعثه بكل سهولة لانه يخاف يجيه يوم يندم اشد الندم ( كأنه رافس نعمه ) .

من مميزات البعثه برأيي ( لغة انجليزيه اللي مافيه مكان ما يطلبها + تزيد تعليمك ببلد متطور + تصقل شخصيتك كون انك يتكون لحالك بدون اهلك خاصة احنا يالسعوديين متعودين عالاعتماد على وجود الاهل بجانبك + حياة غيييير )
فالبعثة غييييييييير من كل النواحي ...

* كني كتبت لائحة السلبيات والايجابيات اللي نصحتنا فيها ونا مادري :D

شكــــــرا مره اخرى،،


http://www.pki.gov.sa/test/london/ww.gif

::
::
::
::

يخليك ربي اخوي ... pb189


بخصوص ما كتبته انت من ناحيه مميزات البعثه ... ترى ممكن تحصلها وانت على راس العمل في دوامك ..


ربي يكتب لك الخير pb189 ،،،


::
::
::
::

حبر و ورق
24-05-2008, 03:24 AM
المايستـرو مشاء الله موضوع حلوووو وفيه فايدة للجميع

موضوووع مثبت

أشعار
24-05-2008, 03:39 AM
شكراً للي رفع الموضوع , وقت تحديثه الآن مناسب فعلاً لأن الابتعاثات بدت . أنا مو موظفة و دراستي بكالوريوس الآن بس أفكر بشكل جاد إني لما أتخرج و أقدّم فوراً على الماستر و الدكتوراه دامني فبريطانيا ماله داعي أرجع و أكرف و بعدين البلد كل يوم برأي , مدري بعد اربع خمس سنوات خبرة هل راح تكون الابتعاثات متيسرة مثل الآن ولاّ لا . الواحد يغتنم الفرصة من الحين أفضل له .
المشكلة إن تخصص الطب لازم المتخرج يمارس المهنة كم سنة قبل ما يقدم على الماستر , بس ان شالله تطلع أنظمة على وقت تخرجي تيسرها .

ألف شكر لك اخوي bp039

.

المايستـرو
24-05-2008, 02:53 PM
المايستـرو مشاء الله موضوع حلوووو وفيه فايدة للجميع

موضوووع مثبت
::
::
::
::

يخليك ربي اخوي ... pb189

::
::
::
::

المايستـرو
24-05-2008, 02:56 PM
شكراً للي رفع الموضوع , وقت تحديثه الآن مناسب فعلاً لأن الابتعاثات بدت . أنا مو موظفة و دراستي بكالوريوس الآن بس أفكر بشكل جاد إني لما أتخرج و أقدّم فوراً على الماستر و الدكتوراه دامني فبريطانيا ماله داعي أرجع و أكرف و بعدين البلد كل يوم برأي , مدري بعد اربع خمس سنوات خبرة هل راح تكون الابتعاثات متيسرة مثل الآن ولاّ لا . الواحد يغتنم الفرصة من الحين أفضل له .
المشكلة إن تخصص الطب لازم المتخرج يمارس المهنة كم سنة قبل ما يقدم على الماستر , بس ان شالله تطلع أنظمة على وقت تخرجي تيسرها .
ألف شكر لك اخوي bp039


::
::
::
::


يسعـد لي هالمسا... pb189


تفكيرك سليم 100 % ... أنك تكملي الماستر ... منها أن الأمور متيسره امامك ( سكن - في سلك الابتعاث - لياقة الدراسه .... )

ومنها أن الدرجة العلميه للماستر أفضل بكثير من البكالوريوس .. وخاصه عندنا هنا بالسعوديه ...

مسأله ممارسه المهنه ... ممكن هذه تدبريها بينك وبين القنصليه السعوديه


و ربي يكتب لك الخير pb189 ،،، ويوفقك في كل أموركـ ،،،،


::
::
::
::

ليون هيوت
24-05-2008, 11:11 PM
آه من القلب
لقد فتحت جروحا مستورة أخي الكريم
رغم أني لست موظفا ولست في الموقف الذي ذكره موضوعك إلا أنه قد جعلني أفكر بأمور أتمنى لو يرجع الزمن قليلا لأغير القرار
لكن للأسف لا تفيد كلمة لو فقد فات الأوان

على العموم أحب أن أنوه بنقطة رائعة جدا تقدمها السعودية وهي الابتعاث للخارج للطلبة حتى لو لم يكونوا من المتفوقين
في بلدي البحرين، فقط المتفوقون جدا بمعدل 97% فما فوق يحصلون على بعثات للخارج (بريطانيا وأمريكا وغيرها من الدول المتقدمة في التعليم)
أما المتفوقون من 90% فما فوق فيحصلون على منح أو بعثات لجامعة البحرين واذا كان حظ أحدهم مرتفع قليلا سيحصل على بعثة الى دول مثل السعودية أو الكويت أو الأردن
للأسف كان طموحي الدراسة في أحد الجامعات القوية في أحد الدول المتقدمة لكن الآن متخرج من جامعة البحرين لأني لا أستطيع على تكاليف 4 سنين دراسة في الخارج
الحمدلله على كل حال

الذي أود أن أقوله أنكم أيها السعودييون استغلوا تلك الفرصة المقدمة على طبق من ذهب وتعلموا وواصلوا تعليمكم فغيركم يتمنى ويحلم بمثل هذه الفرصة
الله يديم الخير عليكم وعلينا جميعا
وبالتوفيق للجميع

ما همني احد
26-05-2008, 11:30 AM
مايستر موضوع روعه ومو غريب عليك

بس ليتك غطيت المبتعثات بعد

صح انه ممكن تطبيق الكلام بس يمكن فيه نقاط خاصه بالبنت :)

بس طريقه حلو لترتيب الافكار

مشكور مره

الافلاجي
27-05-2008, 01:25 AM
هلا بالمايسترو عاش من شافك يالغلا
يالغالي انا في الكهرباء وودي اكمل ولكن في مصر
خابر انت مشكلتي اللغه لك عليها ومتردد هل اخذها من جامعه غير معترف فيها ولا اكنسل الفكره لاني من النوع الي يشيل هم الوظيفه ما ودي اتركها
الراتب قمه في الروعه ولكن اطمح لتحسين مستواي العلمي :)
رايك يالغلا ؟!!

المايستـرو
28-05-2008, 09:15 AM
الذي أود أن أقوله أنكم أيها السعودييون استغلوا تلك الفرصة المقدمة على طبق من ذهب وتعلموا وواصلوا تعليمكم فغيركم يتمنى ويحلم بمثل هذه الفرصة
الله يديم الخير عليكم وعلينا جميعا
وبالتوفيق للجميع
::
::
::
::


يسعـد لي هالصباحــ... pb189


الحمد لله يارب ... في ديرتنا فتحو المجال للابتعاث الخارجي بشكل كبير جدا ...


المسأله مو من ناحيه استغلال البعثه ...


المسأله من ناحيه تفضيل البعثه على الوضع الحالي للمرشح للبعثه ...


يعني فيه البعض يستلم راتب حاليا .. يوازي الراتب اللي ممكن يحصل عليه اذا رجع من بعثته ..


طبعا الراتب مو كل شي ... لكن من اهم تقييم الوضع ...


و ربي يكتب لك الخير pb189 ،،،


::
::
::
::

المايستـرو
28-05-2008, 09:17 AM
مايستر موضوع روعه ومو غريب عليك
بس ليتك غطيت المبتعثات بعد
صح انه ممكن تطبيق الكلام بس يمكن فيه نقاط خاصه بالبنت :)
بس طريقه حلو لترتيب الافكار
مشكور مره
::
::
::
::


يسعـد لي هالصباحــ... pb189


الكلام يا غاليه كان بشكل عام ... بس فعلا يمكن ركزت أكثر على الشباب .. لأني بينهم واحس فيهم اكثر ...




ودمت بكامل عافيتكـ pb189 ،،،


::
::
::
::

المايستـرو
28-05-2008, 09:22 AM
هلا بالمايسترو عاش من شافك يالغلا
يالغالي انا في الكهرباء وودي اكمل ولكن في مصر
خابر انت مشكلتي اللغه لك عليها ومتردد هل اخذها من جامعه غير معترف فيها ولا اكنسل الفكره لاني من النوع الي يشيل هم الوظيفه ما ودي اتركها
الراتب قمه في الروعه ولكن اطمح لتحسين مستواي العلمي :)
رايك يالغلا ؟!!
::
::
::
::


يسعـد لي هالصباحــ... pb189


هلا والله بالغالي pb189 ... موجودين طال عمرك .. بس منشغل شوي بين موقعي وبين دوامي :( ...


من وجهة نظري ... التكمله في مصر صراحه ما يسوى ,,,,,


الآن لما تروح تقدم على وظيفه مرموقه ... مو يطالع في شهادتك ودرجتها ... ويقول يالله هذا منصبك ...


لالالالا ... بيسوي معاك مقابله ... بيسألك .. بيجلس معاك .. غير كيذا .. بيركز على اللغه كثيرررررر


يعني تخيل لو معاك ماستر .. بس لغتك ضعيفه ؟ ...


لو يجي مؤتمر او دوره خارجيه في مجال عملك .... راح تنحرج تاخذه لأن ما معك لغه ....


هذا شي .. الشي الآخر ...


برايك أنت .. كل اللي سافرو وأخذو ماستر من برى المملكه .. طالعين من هنا وهم مررررره كويسين في اللغه ؟ ...


لا طبعا ... فيه ناس اعرفهم سافرو هناك ما يعرف يتكلم .. عاش اول حياته بالرسم .. اذا بغى شي جلس يرسم لهم ابي اروح كيذا وابي اجي من هنا ..


لكن مع الاحتكاك .. وحاط في باله انه بيتعلم ... وصل pb189


واللي سبقوك في هالمجال ... مو اكثر منك يد او رجل او حتى قلب ...


انت ممكن توصل لمراحلهم وتتعداها بعد ... بس يبي منك ثقه في النفس اكثر .. ومغامره وجرأه .. pb189


وصدقني راح توصل ...


و ربي يكتب لك الخير يالغالي pb189 ،،،


::
::
::
::

ALBNTLY
04-06-2008, 11:04 PM
الله يعطيك العافية اخوي على مجهودك وردودك علينا ،،

بس ما اعتقد النقاط الايجابية في البعثة من الممكن اني احصلها بدون بعثه ونا جالسه بوظيفتي ،،

بس فيه نقطة استحوذت على تفكيري الا وهي : هل انت انسان روتيني او بمعنى ما يشكل الروتين عليك اي ضغط نفسي او طفش او ملل ممكن توصل معك لدرجة التفكير بترك وظيفتك كون انها روتيينه ؟؟

هنا ممكن تعرف هل البعثه مناسبه لك او رح تتحسف عليها لو فضلت الوظيفة عليها ولا لا؟؟؟

المايستـرو
09-06-2008, 09:02 AM
الله يعطيك العافية اخوي على مجهودك وردودك علينا ،،

بس ما اعتقد النقاط الايجابية في البعثة من الممكن اني احصلها بدون بعثه ونا جالسه بوظيفتي ،،

بس فيه نقطة استحوذت على تفكيري الا وهي : هل انت انسان روتيني او بمعنى ما يشكل الروتين عليك اي ضغط نفسي او طفش او ملل ممكن توصل معك لدرجة التفكير بترك وظيفتك كون انها روتيينه ؟؟

هنا ممكن تعرف هل البعثه مناسبه لك او رح تتحسف عليها لو فضلت الوظيفة عليها ولا لا؟؟؟
::
::
::
::


يسعـد لي هالصباحــ... pb189


بغظ النظر اذا كانت الوظيفه روتينيه .. او لا ... ممكن الروتين سبب من اسباب متعدده في مجرد التفكير لتغير الوظيفه ...

ومن خيارات تغير الوظيفه هي البعثه طبعا ...


لكن بخصوص الايجابيات اللي ممكن تحصل لك بالبعثه ... برضو يصادفها سلبيات .. او مثل ما نقول مخاطر لترك الوظيفه الحاليه ...


دمتي بود ،،


::
::
::
::

ALBNTLY
11-06-2008, 02:49 AM
::
::
::
::


يسعـد لي هالصباحــ... pb189


بغظ النظر اذا كانت الوظيفه روتينيه .. او لا ... ممكن الروتين سبب من اسباب متعدده في مجرد التفكير لتغير الوظيفه ...

ومن خيارات تغير الوظيفه هي البعثه طبعا ...


لكن بخصوص الايجابيات اللي ممكن تحصل لك بالبعثه ... برضو يصادفها سلبيات .. او مثل ما نقول مخاطر لترك الوظيفه الحاليه ...


دمتي بود ،،


::
::
::
::



اجل مافيه الا حل واحد
.
.
.
.
.
.
.
.
ماتستقيل وتقدم اجازه بدون راتب :D

:بنت الأجآويد:
17-06-2008, 01:16 AM
الله يعطيك العافيه المايستروا
ويجعل هذا في ميزان حسناك
لأنك تفك أزمه لكثير من حيرة هالشباب
مابي أطول بكلامي بس ماحبيت أقرأ الموضوع و أطلع :)

ســلآم .,’

Cup Coffee
01-07-2008, 07:59 AM
http://www.d3m-vb.net/vb/imgcache/3858.imgcache


:
:

السلام عليكم .

ممكن مسآعده \ نصيحة :D pb027..!

زوجي موظف عسكري : فني صيآنة طيرآن " فـ القوآت الجوية الخآصة "حآب يدرس طيرآن ويصير " بايلوت كآبتن" pb189 pb189 ومتردد
خآيف يسآفر ويدرس ويآخذ رخصة واذا رجع ميحصل وظيفه طبعاً واللي مردده وظيفته يخآف يستقيل ويفصل ويندم بعدين .

سؤال \ هل العسكري يعطونه اجآزه ولو بدون رآتب ؟ سمعت فيه طريقة ولا ادري ش طريقتهآ بضبط !
تقديم لتعليم العالي وتنمية وبعدها تقدم اجآزه لنفس الدوآم والراتب يروح لصندوق !
ممكن تقولون لي كيف الطريقة بضبط ؟
وهل ينفع النظآم لـ عكسري , فعلاً في نآس درسُ طيرآن ورجعو ماحصلو وظآئف ؟


والف شكر لكم http://www.d3m-vb.net/vb/imgcache/3858.imgcache.

fares1234
06-07-2008, 08:00 AM
http://www.pki.gov.sa/test/london/ww.gif


- الوضع الأسري -


وأقصد فيه ... أن فيه عوائل .. ما يقدرون يستغنون عن أولادهم مهما كان ... يعني تلاقي الولد له مكانته في البيت .. شايل البيت على راسه ... او انه لا قدر الله الأب متوفي .. او غير موجود في العائله .. فيكون الولد هو راعي البيت .. ومعتمدين عليه كثير ... فسفره كم سنه راح يخلق فراغ كبير .. وممكن يخلق مشاكل ... فالشخص برضو ما يفكر في نفسه بس .. وانه راح يدرس ويجيب شهاده .. لازم يفكر في أهله وعائلته اللي حوله .. وهل ممكن يستغنون عن خدماته في الفتره هذه .. او لا والله مستحيل يبعد عنهم الفتره هذه ... هنا تحسب ايجابيه لك اذا ممكن .... وتحسب سلبيه اذا مو ممكن ...



هذه النقطة هي اللي شايل همها

لأن غالبية شغل البيت وروح وودي وجيب كله علي
وخايف لما اروح وأسافر ما يرضون الأهل عني

لكن ما لي إلا إني أحاول أن أسحب نفسي من بعض الاتكاليات التي علي وأنظر لمستقبلي

RAUL
06-07-2008, 09:56 AM
هلا اخــوي المايستـرو

بالنسبــه للتشييك بالتأمينات لا ... مايشيكون

يشيكون في بطاقات الاحوال اذا انت مغير من طالب الى موظف او لا ..
فيه ناس توظفوا ولا راحوا يعدلون المهنه بالاحوال ..
وطلعت لهم بعثات وخذوا اجازه بدون راتب .. وراحوا ..

فالح عبدالله
07-07-2008, 05:28 AM
الله يعطيكم العافيه

global_dot
08-01-2009, 04:56 PM
موضوع شاغلني كثير هالفترة..


بس فكرة تغيير الوظيفة بالاحوال وبعدها اجازه بدون راتب هذي عجيبة.. ما قد طرت لي..

يوافقون؟ كم تستغرق الاجراءات؟؟




المايسترو .. تشكر على الطرح, سهل الله عليك و سمح امورك..

~ Exceptional ~
10-01-2009, 02:34 PM
شكرا جزيلا المايسترو

بشروط الابتعاث مكتوب " الا يكون موظفا حكوميا " !

هل معنى هذا انو القطاع الخاص مسموح لهم ؟ وكيف لو كان اللي بالقطاع الخاص مسجل بالتامينات الاجتماعية !

J R 7
11-01-2009, 12:25 PM
.




يعطيك الف عافيه
مستمتع بالموضوع وبالردود pb189

.
.
.

1+1=3
13-01-2009, 09:50 AM
شباب انا كنت موظف واستقلت قبل كم شهر والحين في امريكا بعثه..

صراحه فقدت الراتب اخر الشهر.. كان راتبي ممتاز pb093
تقريبا ندمت على وظيفتي.. لكن الحين افكر استمتع بالتجربه والحياه هنا..و اخلص دراستي ولا ألتفت للماضي....

رغم كذا.. للبعثه ايجابيات في تطوير الشخصيه والمهارات..
و كنت اقدر اخذ ماستر وانا موظف.. لكن العيش في مجتمع جديد تجربه احلم فيها من زمان..
رغم اني سافرت لكل مكان تقريبا.. لكن العيشه في مكان والدراسه تجربه اعمق من زياره المكان للسياحه..

تعبت أشتاق
20-01-2009, 11:06 PM
موضوع مهمممم


وبجد كان ودي استشير احد بنقاط كثيره ذكرتها

واولها الوظيفه


مشكور اخوي ع الموضوع

CraZy_PhySiciAN
21-01-2009, 12:30 AM
بشروط الابتعاث مكتوب " الا يكون موظفا حكوميا " !

هل معنى هذا انو القطاع الخاص مسموح لهم ؟ وكيف لو كان اللي بالقطاع الخاص مسجل بالتامينات الاجتماعية !

سيم سيم سؤال

هل يحق لي اخذ اجازه بدون راتب؟؟ واطلع بعثه ؟؟

الاسطوره سامي
21-01-2009, 01:22 AM
والله موضوع مُفـيد ..

قد لآ أستفيد انا منه حالياً لإننـي فـ الثآنويه لآكن قد أستفيد منه مابعد الثـآنويه أو خلآلهآ ف بعض الأمور ..

يعطيك العآفيه يالغاليه ..

والله موضوع بطل ..

شكراً ..

أغلى واحد
22-01-2009, 02:13 AM
عندي سؤال بسيط الا وهو

هل وزارة التعليم العالي فعلا يشيكون على البطاقه ؟؟؟؟

اذا انا موظف او مسجل أني موظف pb036

اتمنى أحد يفيدنا في هالموضوع

little Rose
22-01-2009, 05:34 AM
أهلاً المايسترو

الموضوع ممتآز ..ماشاء الله ..من جميع الأشياء .

معليه فيه كم نقطة حآبه آضيفها..إذا سمحت لي ,

إنو; من المهم أن يضع الموظف أمام عينيه أن الوظائف بعد 4 أو 5 سنوآت من إبتعاثه قد تقل و قد تصل الندرة , فمن بآب الحيطه الأبتعاث عن طريق العمل طبعا ً أفضل وأضمن ;) . شوف السنة الوحدة كيف تتغير من أحداث وأمور كيف عآد لاجاك واحد مبتعث من قبل سنين !
يعني لو تلاحظ مصر قد صآر لها نفس السآلفة فترة ابتعاثات وووو إلى إنو توقف التوظيف في مصر
لأصحاب الشهادات الجامعية وفما فوق وإلا يغني أو يشتغل تآكسي .
pb036 :D
ياحلوووين ;

لا تتركون وظآيفكم ...بليز :sm4:

يآرب ماأكون أزعجتكم ..

مرة شكرا ً
bp039

little Rose
22-01-2009, 05:41 AM
رغم كذا.. للبعثه ايجابيات في تطوير الشخصيه والمهارات..
و كنت اقدر اخذ ماستر وانا موظف.. لكن العيش في مجتمع جديد تجربه احلم فيها من زمان..
رغم اني سافرت لكل مكان تقريبا.. لكن العيشه في مكان والدراسه تجربه اعمق من زياره المكان للسياحه..


فعلاً...كلامك مزبوط

عن نفسي ..أتمنى ذلك وبشدة ، بس الله أعلم وين الخيرة فيه bp039

أحلـ من القمرـى
06-03-2009, 01:34 PM
يعطيكم العافيه

يوم اقبلــت
27-06-2009, 02:54 PM
موضوع بصراحه مايحس فيه الواحد الا اذا ارتبط بوظيفه !

انا تخرجت الترم الي راح , بديت افرفر على وظايف , وبنفس الوقت استخرت ,
حطيت لي وقت قلت لازم بنهاية هلوقت اقرر , اكمل بعثه , او اتوظف !

بعد هلوقت قلت خلاص ان شاء الله ابتعاث , بعد الاستخارة !
بعدها حصلت لي وظيفه حكومية , اصر الوالد الا اني اخذها الين مايجيني القبول من الجامعات الامريكية و منها اعرف الشغل , كلامه سليم , دخلت والحين لي شهرين ووزياده جاني القبول بالايميل ! لكن هلوقت كنت متخذ قراري اني ماراح اقعد , نظام الحكومه مايعجبني , انت الي تدور على الشغل !
اسال مديري متى نبدى الشغل يقولي لاحق عليه pb093

اوكي وظيفتي تضمن لي اني ابتعث ,
لكن عندي عدة نقاط :
1 ) مابعد ترسمت , ممكن بنهاية الفترة السنه يقولون لك ضف وجهك . نظام غبي pb093 خلال السنه ادخل معهد اخذ دورات بالانقليزي و اجيب درجه معينه بالتوفل عشان يحددون اطلع ولا لا
2 ) ترسمت بعدها ممكن يقولون لي والله باب الابتعاث قفل ! ممكن يقولون لي انت ماسك مكان حساس ولا يمديك تطلع , ممكن يحددون لي التخصص !
3 ) نظام الحكومه ينفع لشخص الي عنده بزنس خارجي ولا يهمه طور نفسه ولا لا pb093
4 ) البيئه حلوه , لكن مافيها كرف مافيها خبره ممكن الواحد بعد مايفصل منهم يحصل الشركات تلاحقه .
ميزتين ممكن الواحد خايف انه تفوته , سنوات الابتعاث تتعبر سنوات وظيفه تحسب لك , الوظيفه اذا رجعت تحصلها


لكن قد الانسان مايجتهد ان شاء الله بيحصل وظايف ,,

برضوا فكرت خارج الصندوق < حالف الا يقولها سلكوا له :D مثل مافيه احتمالية { اني مااترسم + تحديد تخصص + مااطلع بعثه } مثل مافيه احتمالية اني ماالقى وظيفه


بالنسبه للزواج حطيت ببالي فكرة ممكن اطبقها , بعد سنة اتزوج تكون زوجتي متخرجه من الجامعه مثلا وادخلها معهد انقليزي , لان الماستر ماتوقع تلحق عليه


ملاحظه رفعت الموضوع عشان الشباب يستفيدون pb189

""miss""
29-06-2009, 03:26 AM
يعطيك العافيه اخوي ...


كلام سليم ومجهود تشكر عليه


انا بانقل لكم تجربتي انا وزوجي:).... انا زوجي موظف قطاع خاص ووضعه يعتبر كويس بس مو بطل;)
الموهيم طرا عليه الابتعاث فصار بس يفكر حتى صار يقول اول مايجي لي قبول ع طووول راح استقيل من وظيفتي بس انا كنت متخوفه لان صعبه نرجع بدون وظيفه:confused: يعني هالحركه تنفع للعزوبي بس واحد متزوج فيها مغامره :(
الموهم جا لزوجي قبول على بريطانيا وزوجي كلم مديره والحمد لله مديره كان حبوب و قال راح اعطيك اجازة سنه طبعا اجازة بدون راتب وماااره انبسطنا .....
والحين عندنا مشكله تجديد الاجازه لان الحين صار لنا سنه والاجازه خلصتpb131 وزوجي بيكمل ماستر .. مايدري يكمل او نرجع:confused::confused: على قولتك عصفور بالشجره ازين من عصفورين ببريطانيا:D

دعواااااااتكم

Honest ILLusion
01-07-2009, 10:17 PM
الله كرييييييييييييييييييييييييييم

وليد العساف
02-07-2009, 02:34 AM
الله يعطيك العافية اخوي ,, كفيت ووفيت
والله يوفقنا ويكتب لنا الخير بديننا ودنيانا

funka
02-07-2009, 09:00 AM
كلامك جدا سليم مايسترو
بس من وجهة نظري ، اي واحد عنده وظيفه و براتب ممتاز و في امكانيه يترقى المفروض ما يفرط فيها
صح العلم شي جميل ، و كثير ناس يكون طموحها عالي

لكن خلينا واقعين ، هل اصبحنا نتعلم لأجل العلم ؟؟
للأسف كثير مننا اصبحت الشهاده بالنسبه له وسيله للحصول على وظيفه ، طبعا مو معنى هذا الكلام اني رح ادرس شي ما يناسبني او شي ما احبه
لكن يبقى من ضمن اهدافي اني اتوظف بهذي الشهاده

طيب السؤال الي يطرح نفسه ، ما هي الاضافة الي رح تضيفها شهادة الماجستير او الدكتوراه لك ؟؟

لو ما رح تضيف لك شي ، فليش تفرط في الي في يدك !!
هل هو لمجرد الرغبه في خوض تجربة الابتعاث و العيش خارج المملكه و الكلام هذا ؟

انا اعتقد اذا شخص متزوج ، و مستقر في وظيفته و راتبه كويس ، فالمفروض ما يفكر في الابتعاث

اعرف شخص استقال من وظيفه راتبها 14 الف !!
بالله عليكم لما يرجع بالشهاده رح يتوظف باكثر من كده ؟؟
طيب و لو افترضنا باكثر ، هل هذي الزياده لن تحصل الا بالشهاده ؟

في اعتقادي و من خلال ما سمعت ، الشركات الخاصه لا تهمها الشهاده بقدر ما تهمها الخبره ..

يمكن البعض يشوف اني ماديه ، لكن اقول انا واقعيه ..و هذي هي الحياه ..

قهيوة المغرب
03-07-2009, 06:15 AM
أنا قدمت أستقالتي غير مٍأسوف لا على الوظيفة رغم أن احبها ولا على الراتب اللي صاك العشرة !!
لأن الترقيات كانت ماسكته وحده ما تخاف الله .. مبدأ حشي ووصلي الكلام و ترقي !!
العلم بيفيدك شخصيا قبل ما يفيد مخباك .. و الرزق بيد ربي ماهو بيد أحد من خلقه ..
الله يوفقنا

أحلـ من القمرـى
03-07-2009, 04:22 PM
طيب انا موظفه حكوميه وموظفه بمرتبه اقل من مرتبتي الجامعيه وفكرت اخذ اجازه بدون راتب سنه طبعا سنه يالله تكفي بس لغه قبل لابدا بالماستر وماقدر اخذ اكثر من سنه لان النظام مايسمح باكثر

والصراحه محتاره الوالده تقول روحي وبعد سنه يحلها ربك وتشوفين عن نفسك وممكن تقدمين استقالتك

طبعا انا تبع وزراه التربيه والتعليم

شوروا علي

أحلـ من القمرـى
03-07-2009, 04:44 PM
أنا قدمت أستقالتي غير مٍأسوف لا على الوظيفة رغم أن احبها ولا على الراتب اللي صاك العشرة !!
لأن الترقيات كانت ماسكته وحده ما تخاف الله .. مبدأ حشي ووصلي الكلام و ترقي !!
العلم بيفيدك شخصيا قبل ما يفيد مخباك .. و الرزق بيد ربي ماهو بيد أحد من خلقه ..
الله يوفقنا


ماشاء الله عليك انا راتبي اقل ولاقدرت اتخذ القرار

funka
04-07-2009, 12:33 PM
طيب انا موظفه حكوميه وموظفه بمرتبه اقل من مرتبتي الجامعيه وفكرت اخذ اجازه بدون راتب سنه طبعا سنه يالله تكفي بس لغه قبل لابدا بالماستر وماقدر اخذ اكثر من سنه لان النظام مايسمح باكثر
والصراحه محتاره الوالده تقول روحي وبعد سنه يحلها ربك وتشوفين عن نفسك وممكن تقدمين استقالتك
طبعا انا تبع وزراه التربيه والتعليم
شوروا علي

اول شي استخيري ..
بعدين طبقي الخطوات الي في الموضوع و اوزنيها ..
و انا احس انك تروحي و فعلا جربي حظك .. خصوصا ان عندك فرصه تاخذي اجازة
استغلي الفرصه قبل لا تصير عندك ارتبطات و تتزوجي و يصير عندك عيال و لا تقدري تسافري << من عندي خمنت انك مو متزوجه pb094

ادري الكلام سهل و اتخاذ القرار صعب بس انتي الي تقدري تقرري صدقيني ، مهما سألتي و مهما الناس شارو عليك مو مثل لما انتي الي تقرري
لأنك ادرى بظروفك
و شوفي الفائده الي رح تعود عليك من الابتعاث ، لو كانت فائده كبيره فاتوكلي على الله ..
لو حسيتي انه لأ و جلوسك هنا أفضل فلا تسافري ..

BeckSara
04-07-2009, 02:25 PM
:

المآآيستروو بالـ أقلآع :eek:
والله توني ادري :eek: :D
على ـا طول دخلت ملفك الشخصي و قريت موآضيعك الي بـ ...... pb058

,

يعطيك العآفيه ع الطرح bp039 ..
موضوعك مفيد جدا , و عطيت الرآبط لـ كذا شخص pb189 ,’
مبدع bp039

:

أحلـ من القمرـى
04-07-2009, 05:13 PM
اول شي استخيري ..
بعدين طبقي الخطوات الي في الموضوع و اوزنيها ..
و انا احس انك تروحي و فعلا جربي حظك .. خصوصا ان عندك فرصه تاخذي اجازة
استغلي الفرصه قبل لا تصير عندك ارتبطات و تتزوجي و يصير عندك عيال و لا تقدري تسافري << من عندي خمنت انك مو متزوجه pb094

ادري الكلام سهل و اتخاذ القرار صعب بس انتي الي تقدري تقرري صدقيني ، مهما سألتي و مهما الناس شارو عليك مو مثل لما انتي الي تقرري
لأنك ادرى بظروفك
و شوفي الفائده الي رح تعود عليك من الابتعاث ، لو كانت فائده كبيره فاتوكلي على الله ..
لو حسيتي انه لأ و جلوسك هنا أفضل فلا تسافري ..


ياحبيلك هذا اللي انا افكر فيه قبل لا ارتبط ويصير عندي مسوليات..

لا والله ما احس جلوسي هينا افضل لي ست سنين وانا محلك سر وموظفه ع مرتبه اقل من مرتبتي

يعني مرتبه الثانوي وانا معاي بكالوريس ولا وظيفتي مو بتخصصي بعدpb131

فأحس اني لازم اطور من نفسي وابحث عن الافضل..

مشكوره قلبو..pb189bp039

قهيوة المغرب
05-07-2009, 12:00 PM
أحلـ من القمرـى
اذا معك محرم مستعد يطلع معك أطلعي .. طيعي شور أميمتك ..

اميره زماني ??
07-07-2009, 01:23 AM
الله يوفق الجميع
اخوي حاب يقدم على بعثه بس اهو المسئول عنا
وماندري وش نسوي الله يسهلها يارب