PDA

عرض كامل الموضوع : حــــياة مــول ،، هيا بنا نصــيع ،،، باااا ي يالمملكة صرتي قديمة ،


الثالولة
29-11-2007, 04:55 AM
بسم الله الرحمن الرحيم



السلام عليكم ورحمة الله وبركاته

سوف ارتجل بالكتابة
دون تكلف


وبدون مقدمات :)

،
،
،


قبل فترة ليست بالطويلة

كانت المملكة تزدحم أيام الأربعاء والخميس بالشباب ذوي الأشكال الغريبة العجيبة
أصحاب الصرعات اللتي لم يفعلها حتى الغرب

وحتى البنات ، حدث ولا حرج

وهذه أحد نتائج الكبت في هذا المجتمع الجليل


وفي آخر أيام الاختبارات النهائية

نجد مالم نشاهده طوااال السنة

عند دخولك للسوق
تعتقد بأنك في حفل لمجموعة من المدارس
جميع المراييل بجميع أشكالها وألوانها
تجدها في ذالك اليوم

أما الشباب
تجدهم بمجموعات
ومن يذب على الثاني ;) ;)



أما الآن
الأمر تبدل

المملكة أصبحت مكان قديم


الآن
حياة مول هي المكان البديل


اليوم
شاهدت مالم أشاهده بالمملكة نفسها

شيء مرعب

في الخارج عند مواقف السيارات
مسجلات بأصوات عالية وغناء صاخب
وصراخ شباب
ورقص
وضجة وازعاااج pb131

أما من يحومون بالسيارات حول المجمع
ممن لم تسنح لهم الفرصة بالدخول
تراهم خارج السيارة
وكأن السيارات صممت للجلوس على الشباك pb036


ومن المفترض حتى تقل زحمة السير
ان يمنع دخول السيارات المليئة بالسباب
لأنهم هم السبب الرئيسي لهذه الفوضى

أصبحت حياة مول

جمامعة الملك سعود للبنات

اصبحت اكمل مشواري للبوابة سيراً على الأقدام
اخصار للوقت :)

تماماً مثل الجامعة :)



وأثناء سيري متجهة للبوابة

اتسائل ما الذي يحدث :confused:
هل أتى اليوم الوطني بهذه السرعة

ما هذا الشغب ؟ pb036



و الأهول من ذالك عندما ندخل داخل المجمع

لا أعلم كيف أصف



وما شد انتباهي ان اغلبهم من فئة المراهقين مابين 15 وأكثر

حتى المضايقات اصبحت تأتي من الأطفال :(





كل ما تبادر لذهني

نحن دائماً نقف بصف الشباب
مساكين
لا يستطيعون الدخول للأسواق
مساكين حقاًً
لماذا هذا الظلم
ربما تكون النية صالحة
ربما .. ...

لكن في الحقيقة
الموضوع كبير جداً pb093

إذا كان هذا اليوم من الأيام الممنوعة لدخولهم المجمع

ماذا سيكون الحال لو سُمح لهم ؟؟


أعتقد ان شبابنا والمجتمع بأكمله بحاجة لفورمات بالكامل pb093


عندما نرى الشاب العابث
يطالب بأن يكون لهم مجال للدخول وأنهم مظلومون
وان هناك من يخطئ ولا يجب أن نعمم الخطأ

ألا يرى ما يفعله ؟؟ :confused:




مالحل في المشكلة الأزليه مع الشباب و المجمعات



ما رأيكم بشكل عام ؟؟



الله يكون بالعون
اعذروني على رداءة تنسيق الموضوع :)
المهم وصلت الفكرة ;)

خَجَلْ
29-11-2007, 05:02 AM
وأخيرا أحد لا حظ معي التجمع الي يصير موطبيعي ابد والله اني قلت مسرع اليوم الوطني جاء وش فيه وش صاير وضع يحتاج لحل !!

شعلة القلب
29-11-2007, 05:11 AM
اجل بالله رايحه للسوق تتسوقين وتجلسين اكثر من نصف ساعه بس عشان تدخلين بالسياره للمول
ولين دخلتي انواع الزحمه والمضايقات كلها بسبب
الشباب اللي سادين الطريق ويستعرضون عند البوابات
بسياراتهم وسادين الطريق على الناس اللي لالها ولا عليها:confused:
ومايخلون الناس تخلص شغلها


الحل بالامن
انا مااشوف فيه امن متواجد الا قليل مررررررررهpb093
هذاك اليوم ساعه ندخل وساعه نطلع
لدرجة بغيت اتصل على الشرطه تجي تنظم المكان
وتنظم دخول وخروج السيارات

الله يهديهم بس خل يفتحون لهم شئ يهدرون طافاتهم فيه
هالشباب عندهم طاقه لو تتوزع كفت وبقت بعدpb036

بنت دخنة
29-11-2007, 05:19 AM
متي تكبر عقولكم ايها الشباب ؟؟؟؟

انها زحلطن
29-11-2007, 05:20 AM
الثالوله مطور..
تسلمين عالموضوع الهادف..
بس بقولك شيء والله انا ماأرتاح لا بالمملكه ولا بحياة مول لكثرة الناس والمشاكل اللي فيها..
واذا بغيت أتسوق اطق مشوار لـ (غرناطه) رغم اني من سكان العليا
بس الواحد يتجنب الاماكن اللي تجيب القرف ويروح مكان محترم شوي
حياة مول كل ماله وسخافته تزيد
وبقولك شيء..
ترا اللي تشوفينهم هذول بحياة مول
تراهم (بـــزران)
والله كلهم اعمارهم مابين 15 إلى 19 سنه
يبون يرزون نفسهم بهالمرحله
وقالوا اللي اكبر منا عاشوا حياتهم ليش احنا مانعيش حياتنا؟؟
فهذول اسمهم بزران/ورعان/جهال/أي شيء
بس مو شباب..




وبقولك بصراحه موضوعك موضوع يستاهل الطرح..

مسجل,خروف,بكله
29-11-2007, 05:23 AM
تكلموا عن تجربتكم بشكل عام
وماذا ترونه في
المشكلة الأزليه
مع الشباب و المجمعات


المشكله الأزليـه في مجتمعنا..

كبت_ فراغ _ أسواق & مطاعم..

المشكه عندنا هي الكبت في المقام الأول وبعد كذا يجي الفراغ..

يعني لما تكون فيه رغبه من الشباب سواء بنات أو صبيان pb095بالتنفيس عن أنفسهم..

مافيه إلا دهره بهالأسواق والمطاعم اللي على أفى مين يشيل..


نفتقد للمعارض والدورات التثقيفيه..

"خصوصاً إن عندنا طاقات تفوق التصور..

كان من الممكن إقامة معارض للرسم والتصوير ...إلخ.."

نفتقد للمسارح نفتقد لفعاليات كثيره .. في كل بقعه في العالم ومو موجوده عندنا..

يطول الحديث ولاصوت يُسمع..pb093


bp039

مخنوشه
29-11-2007, 05:29 AM
السلام عليكم ورحمة الله وبركاته


وعليكم السلام و رحمة الله وبركاته ..



إذا كان هذا اليوم من الأيام الممنوعة لدخولهم المجمع

ماذا سيكون الحال لو سُمح لهم ؟؟


مين قالتس انه ممنوع pb036

حياة مول مليااااااااااااان شباب ..
وياليتهم شباب مثل العالم والناس pb093

اشكال غريبه وعجيبه وتخوووووف :(

روحي فوق عند المطاعم تشوفين اغرب من اللي بالشارع :(
ماكأنه سوق كأنه مكان مفتوح للبنات والعيال يجون ويسوون اللي يبوووون :(
مسخره ما بعده مسخره pb027
ومغازل عيني عينك وياويل احد يقول شي :(

فيه هيئة بس الله يعينهم :(
يمسكون الشباب اللي منفشين شعورهم ومنزلين بناطيلهم
ويخلون البنات اللي اقالهم لابسين عبايات pb036
المفروض يكلمونهم كلهم :(


أعتقد ان شبابنا والمجتمع بأكمله بحاجة لفورمات بالكامل pb093


الله يعينهم الجيل هذا pb093
انوااااااع الخراب :(
ذاك اليوم بزر لو ادزه طاح قاعد يغازل pb036


ومره كنت امشي جاء جيش وش كثره انا انهبلت قلت اكيد فيه شي حريقه كهرب اي شي pb036
فجأه اشوفهم يلاحقون بنت شكله بالمتوسط متشخصه اقاله وهم منهارين عنده وكل واحد يقوله شي :(


الله يستر علينا وعلى اخوانا وخواتنا والمسلمين أجمعين ..

Mad Cat
29-11-2007, 05:34 AM
الشباب والمجمعات مشكله ازلية ماراح تزول إلا بقدرة قادر >>:(

والله اني كرهت اسواق العليا منهم .. مافي مثل غرناطه حبيته هالسوق احس اني

بطحس فيه الين يطلع من خشمي ..pb094

الوافي من اجلك
29-11-2007, 05:40 AM
.









هلا والله ..




اغلبهم توهم بزران
ولابعد اغلبهم من زلمات سوريا وصعايدة مصر ;)
يعني لا تظنين انهم سعوديين
اقل من النص ويمكن اقل بعد pb034




حياة مول انا اشوفه اكثر مركز تسوق مليان امن
حتى الشرطة بكبرها جاية تساعد الامن اللي فيه :sm12:





يعني راس ابوها نزلي راسك في الارض لين تتعدين الجموع الغفيره اللي خارج السوق
وان شاء الله بتنحل المشكلة pb027





واذا دخلتي عاد احس ان الجموع بتختفي

عاد انا مدري اذا داخل السوق فيه شباب بالكثره هذي والا لا pb036
يبي لي استطلع المكان pb192




ع طاري السوق مره نزلت اهلي فيه المهم فيه سياره قبلي ومثلك عارفه عندهم دايم زحمه
فعاد الواحد ساعه على ما يطلع
اللي قدامي يمشي جمب ثلاث بنات وبنت صغيره عمرها يجي 7 سنوات
انا قلت يذا الوقح اللي غصب بيرقم pb192
المهم وافتح الدريشة ابسمع وش يقول لها
توقعي وش سمعت pb036
سمعت وحده من البنات تقول 54 كم :mad:
عاد في قلبي قلت الله يسعده ويسعدني pb192

ولولا ها الحلوووه اللي اخذت الرقم ما شفتي العالم اللي كل يوم تزيد في السوق ;)

فعاد انتي تخيلي وهي تمشي للسوق ترقمت وبسرعه انجرت واخذت الرقم pb036
يعني عندنا بنات جايين السوق وهم ما يبون يشترون يبون رقم وبس :(



هذا غير البنات اللي كل قروب اكبر من اللي قبله
والعبايه مفتوحة واللبس كل ماله يصغر
كل وحده ودها تغري العالم اكثر عشان تقهر صديقاتها اني احلى منكم pb034









يالله كل يوم حنا من حفره لدحديره :(











.

فنون الإقلاع
29-11-2007, 05:52 AM
تعرفون وش القهر عاد ان هاللي يغازلون اعمارهم من 15 الى 19 مبزره وربي ما يدروون اني اكبر منهم

بعشر سنوات او خمسطعش سنه اذا هو ابو 15 بس عاد هم يقوسونها بالطول pb093

خَجَلْ
29-11-2007, 05:54 AM
المشكله الأزليـه في مجتمعنا..

كبت_ فراغ _ أسواق & مطاعم..

المشكه عندنا هي الكبت في المقام الأول وبعد كذا يجي الفراغ..

يعني لما تكون فيه رغبه من الشباب سواء بنات أو صبيان pb095بالتنفيس عن أنفسهم..

مافيه إلا دهره بهالأسواق والمطاعم اللي على أفى مين يشيل..


نفتقد للمعارض والدورات التثقيفيه..

"خصوصاً إن عندنا طاقات تفوق التصور..

كان من الممكن إقامة معارض للرسم والتصوير ...إلخ.."

نفتقد للمسارح نفتقد لفعاليات كثيره .. في كل بقعه في العالم ومو موجوده عندنا..

يطول الحديث ولاصوت يُسمع..pb093


bp039

أهليين مسجل ,خروف ,بكله ,<<ياحليلكم كلكم أخوان :D

شوفي انا معاك انه أحنا نعاني من كبت وفراغ وما عندنا الاسواق والحمد الله بعد انه عندنا اسواق نغير جو فيها بس عيالنا مره منهبلين يعني الزعاق والصراخ والتصفيق والرقص والله ماله داعي
اول كنا نعناني من كبت اكثر من كذا ولا نشوف الاشكال او بالصح موبالشكل هذا الحين مابهم حياء ابد pb036
مدري شلون اقولك ولا اعتقد انه المعارض راح تكون كافيه ولا حتى سينما يقولون يبون سينما بالعكس أنا احس السينما تزيدهم بتشوشهم أكثر ما هم شايشين <<تحسينه كلمه إباحيه مدري وس تبي جت معي قلت خل اكتبه لا يجيه بعد هي كبت :D
عيالنا تحسينهم يبون يلفتون النظر وبس يعني نحن هنا :(

الله يعطيكم العافيه ويمكن تكون لي رجعه متابعه الموضوع pb189

مسجل,خروف,بكله
29-11-2007, 06:12 AM
أهليين مسجل ,خروف ,بكله ,<<ياحليلكم كلكم أخوان :D

شوفي انا معاك انه أحنا نعاني من كبت وفراغ وما عندنا الاسواق والحمد الله بعد انه عندنا اسواق نغير جو فيها بس عيالنا مره منهبلين يعني الزعاق والصراخ والتصفيق والرقص والله ماله داعي
اول كنا نعناني من كبت اكثر من كذا ولا نشوف الاشكال او بالصح موبالشكل هذا الحين مابهم حياء ابد pb036
مدري شلون اقولك ولا اعتقد انه المعارض راح تكون كافيه ولا حتى سينما يقولون يبون سينما بالعكس أنا احس السينما تزيدهم بتشوشهم أكثر ما هم شايشين <<تحسينه كلمه إباحيه مدري وس تبي جت معي قلت خل اكتبه لا يجيه بعد هي كبت :D
عيالنا تحسينهم يبون يلفتون النظر وبس يعني نحن هنا :(

الله يعطيكم العافيه ويمكن تكون لي رجعه متابعه الموضوع pb189



ياهلا بك..

وش رايك فيني أنا وأغراضي..pb095pb036

شوفي حبيبتي..

زي ماقلتي الضغط يولد الإنفجار..pb093

يعني لو كان الإحتواء من البدايه موجود ولو فيه بعض الأمور اللي تتعلق بهوايات وإهتمامات الشباب بكثره عندنا..

صدقيني كان راح تقل هالظاهره.. وكان شفتي تفريغ طاقاتهم في ممارسة هواياتهم على الأقل << مهب الترزز في كل زاويه من أسواق الرياض..pb036

وطبيعي طالما إنه عندنا ثقافة " للعوائل فقط " وكل شي ممنوع وكل ممنوع مرغوب << ياقدمك pb036

هي السائده.. بتلاقينهم بهالصورة وبهالتفريغ في أمور تافهه وسخيفه..pb093

الله يظبط أمورنا على خير ويهدي شباب أمتنا:sm18: pb034


bp039

حنيني@بالكشنه
29-11-2007, 06:14 AM
ll2sf hathi mshklh malha 7l o y36eek al3afyh 5yto

عذابي غ ـير ..!
29-11-2007, 06:22 AM
.
.

حياة مووول
:eek:
من جد من جد
شي مو طبيعـــــــــي

وكلهم بزرااااان والله اعطيهم متوسسسط pb036
لكن الحين اشوى ع الاقل بدو بـ حل منطقة المطاعم
ماعاد فيها ابو كدش والا ابو جينز حزامه للـ الركبه :D
كل المنطقه حاوطوها ومايدخلها شباب أبــــــدن

امس ياحرام واحد شكله وش حليله يقول تكفى بروح أتزلج بس قسمن وأرجع
وبعطيك جوالي تأمين اذا سويت شي والا تأخرت خذه لك
خخخخخخ
بس عيا السكيورتي

.
.

وبرضوا بعد امس صار شي ثاني pb036
شلة حريم يهاوشون السكيورتي لاانه ضرب ولدهم كف :eek:
ولدهم كبيـــر على فكره ومرسم بـ شماغ pb192
اعطيه 2 جامعه << على كيفها خخخ
وشلة حريم ثانيه يتهاوشون معهم
ويوكلون بعض ز .. :D خخخ عاد مدري وش سالفتهم ووش مسوي الولد عشان ضربه السكيورتي كف
والاهم من هذا كله .. اني صورتهم فديو كككك << سعوديه نمره واستماره :D

.
.

واللي يحكي عن امن حياة مول انه مافيه امن كثير
ترى نص هاللي يمشون ببدل عاديه جينز وتي شيرت بس صدقيـّـيـّن يعني لوول مو مغزلجيين وكيذا
كلهم سكيورتيـّه متنكرين
يطلعون وقت الازماات ( فيس وحده صارت لها مشكله وجو فزعوا هم )
هههههههه

بس المشكله وين ؟
من وين يجون هالشباب كلهم ؟
كيف يدخلون ؟
ياخوفي فيه هاك الحرمه حقة الفيصليه اللي كلبشوها تدخل الشباب بـ 50 ريال !! جت لـ حياة مول ؟ pb036

ع العموم يالثالوثه
كلامك مره حقيقي ومافيه مبالغه أبدن
والله يستر ع بناتنا وشبابناا

.
.

دانــه نــجد
29-11-2007, 07:34 AM
<< كــل ممنوع مرغــــــــــــــــوب >>

ما اقول الا

الله يستر على شبابنا وبناتنا ويهديهم:confused:

شبابيـkـ الحُ ـب
29-11-2007, 08:12 AM
.
.
.

وهذه أحد نتائج الكبت في هذا المجتمع الجليل

كـبـت كـبـت كبـت ..

مـو كبـت اللـي يسـوي فيهـم كـذا الا قـولـي شبـااب مـو متـربـي:sm12:

هـذا وهـم ينقـالهـم مكبـوتيـن ماخلـوا شـي ماسـووه ..اجـل لو انهـم مثـل الغـرب اختـلاط وكل ابـو شـي وش يبـون يسـوون pb036 ؟؟

هـذا هـم مـو مقصـريـن فاتحيـن المجمعـات مـلاهـي والشـوارع متـى مابغـوا اجتمعـوا فيهـا الحثـاله وسـووهـا العـن مـن الكلـوب نـايت pb131

لحـد يجينـي ويقـولي لاتعمـين تـرانـي ماعميـت اتكـلم عن فئـه معينـه عـديمـة تـربيـه وقليـلـة حيـاء pb093


والاهم من هذا كله .. اني صورتهم فديو كككك << سعوديه نمره واستماره

مـاودتس تسـدحيـن لنـا الفـديـو نتفـرج عليــه ونحـلله pb094

اذا ماودتس ارسليـه خاص نحـلله انا وياتس بس :D pb189


bp039

محد حولك
29-11-2007, 08:18 AM
يا حليلك حليلاه
ما شفتي شي
هذاك اليوم بروح للدانوب ومدري بعد هو الدانوب نفس حياة مول بتقضى اغراض للبيت
شفت لكم شي على كيف كيفكم
مبزره يمكن اعمارهم 8 سنين او حولها
الي لابس سروال ابوه من كبره وشغر عربجه وسلاسل
والمشكله يرقم؟؟
طيب ابي اعرف يرقم عشان ايش بالضبط؟
يلعب مع البنت بلاي ستيشن ولا وشلونpb192
ولا بعد معهم جوالات اخر موديل
وحاطين الشوشه والله مهوب سهلين هالمبزره
بس مدري عن هالي يرقصون
بس وين الهيئة ولا الهيئة شاطره علي:D

الله يخلف بس

مش ولا بد
29-11-2007, 10:16 AM
سدريتا :Dpb189


لا من جد الشباب ماينعطون وجه بات هلمزره مسوين الهوايل وماطح فيها الا احنا ياضعوف :confused:

بس تدرين اعقد لو سمحو لهم راح نبطل نشوف هنوعيه :rolleyes:
لانو بيصير شي عادي طبعن مع المراقبه وكذا;)



عوافي ياسدريتا bp039pb192

Fiorella
29-11-2007, 11:02 AM
وووووع حياة مول
خايس سوقاً وناساً

الي تقولين عنه برا السوق مدري ماقد شفت ,,
بس جوا وعند المطاعم بزارييييين واشكاااااال مادري وش تبي من الدنيا
استعراض بزارين متوسط ( اولاد وبنات) كلهم عليهم اشكال !!


....
بعدين احس قلتوا كبت كثير !!
برايي ماتوقع انه كبت الي يخليهم كذا
يعني اهلنا اول كانوا نفس حياتنا واكثر كبت !!
ليش ماصاروا زيهم !!

بس حركاتهم تدل على اهتمامتهم .. وسطحيتها !!
ووش السبب الي خلا اهتمامتهم كذا ,, وخلا هذي الطريقة في الترفيه عندهم !!
لحد يقولي ماعندهم اماكن ترفيه ثانيه !!
لو فيه اماكن ترفيه ثانيه بيصير نفس ماهو صاير الحين !! بتقولون برضو كبت ؟؟


بس ياليت احد من الي قالو الكبت هو السبب يقولي وش مفهوم الكبت عندكم ؟؟


........

أعتقد ان شبابنا والمجتمع بأكمله بحاجة لفورمات بالكامل
اولا التعميم ممنوع !! المجتمع منهم مشايخة ودكاترة وناس أفاضل

بس لو حكينا عن البعض .. لا ماتوقع يحتاج فورمات
يحتاج لتعزيز هويته الإسلامية بس:rolleyes:

عريس مضيع الصاله
29-11-2007, 11:11 AM
اكثر شيء اكره بحياتي السوق .

Reeham
29-11-2007, 11:21 AM
انتو من جد بتتسوقوا بمولات الرياض ؟؟؟؟!!!!

يااااربييه لو اجلس من غير ملابس مارحت لهالمولات pb095

مره يتيمه اللي رحت فيها للمملكه وكان برمضان اتخيلوا :sm1: كرهت حياتي ودنيتي واليوم اللي اتخلقت فيه واليوم اللي فكرت فيه اروح السوق << اعصابك خيتو pb030 عنجد والله شو هالعالم المتخلفه يااااناس بكل دول العالم السوق والشوبنق متعه الا هنا عندنا مأساة ونقمه علينا

نصيحتي بنات ترى يمدحون الشوبنق بالنت :)

Super RoOoNy
29-11-2007, 11:34 AM
حياة مول ؟ <<--بيئـه نمر ون

مادخلته الا مره وحده و من جد قرفت وحامت كبدي
الناس الي فيه مو راقين ابدا

ماعجبني وشفت التخلف والهبال الي حكيتي عنه
واحد كان يتزلج قدامنا ويعرض ههههه
مسكين محد عطاه وجهه المشكله مايعرف يتزلج ههه

الحمدالله والشكر

واذا على الفورمات لا احسها قويه يعني هي فترة طيش بالنسبه للشباب فتره وتعدي
والبنات كمان
بس المسؤليه الكبيره على الامن برا و جوا
اذا كان فيه من ينظم المول مايصير فيه هالخبال!

ثانكس ثالوله <ورده

هناء
29-11-2007, 12:03 PM
الله يهديهم هالشباب

مانقدر نسميهم شباب لانهم في فترهـ مراهقه

انا ماأبرر لهم اللي يسوونه

اوكي هم يسوون شي غلط بس وين الكبار ؟

وين التنظيم ؟ وين الشرطه ؟ ليه مايكثفون الهيئه شوي

وين التوعيه من الاهل ؟ يعني مايشوفون عيالهم يطلعون من البيت بها الشكل ؟؟



ماأقول غير الله يهديهم ويصلحهم يــارب ,,

عبــ الإله ــد
29-11-2007, 12:15 PM
السوق مسبب أزمة من تالي وخصوصاً على الحارة اللي وراه ..

الأيام هذي صاير أتقضى في صحارى وما أشوف الزحمة اللي كنت أشوفها ..

الظاهر الناس حولت على حياة مول ..

FrEaKy
29-11-2007, 01:10 PM
الفضاوه/ عدم وجود اماكن تجمع مناسبه للشباب / قلة التربيه / ضعف الوازع الديني / الغيره .. وما ادراك ما الغيره pb030 :D ..

كل هذي عوامل ساهمت في هالمصايب اللي قاعده تصير في الاسواق و خصوصا " حياة مول "

انا والله مانيب أروح لأسواق واجد مع اهلي اخوي هو اللي غالبا ما يكون متكفل بمشاوير الوالده في الاسواق ..
و حياة مول ما قد دخلته بس أسمع عنه من الشباب انه فيه بلاااااوي pb093

المسألة ماشوف لها أي حل .. حتى لا الهيئه ولا الشرطه ولا قواة الامن المسلحه :D قادره على حل هالمشاكل ..

الحل بيد الله ... ما اقول الا الله لا يخسف بنا بس :(





يا حليلك حليلاه
ما شفتي شي
هذاك اليوم بروح للدانوب ومدري بعد هو الدانوب نفس حياة مول بتقضى اغراض للبيت
شفت لكم شي على كيف كيفكم
مبزره يمكن اعمارهم 8 سنين او حولها
الي لابس سروال ابوه من كبره وشغر عربجه وسلاسل
والمشكله يرقم؟؟
طيب ابي اعرف يرقم عشان ايش بالضبط؟
يلعب مع البنت بلاي ستيشن ولا وشلونpb192


:D:D:D:D:D

بس مدري عن هالي يرقصون
بس وين الهيئة ولا الهيئة شاطره علي:D


اخواننا رجال الهيئه عساهم على القوه كلنا نقدر أنهم يسوون أعمال محد يقدر عليها الا هم pb030 ..

لكن الله يهديهم

من تالي صايرين يحطون حيلهم في البريئين اللي مالهم دخل :D
و راعين الدجه و البلااوي يتمشون قدامهم خخخخخخخخخخ

شي غريب ... احد منكم مثلي ملاحظ هالشي :D ؟

Stupid Feeling
29-11-2007, 01:16 PM
لا تلومونهم يا جمااااعة الخيييير (( وجه عبدالله السدحان pb027 ))

اكيد هالشئ انا اول المعترضين عليه .. لكن بعد البنات والله اني معترض عليهم :D !!! يعني بالعقل لو ما فيه بنات تلبس بنات مخصّر ومقصّر بنفس الوقت بيجون الشباب بيشوفون قدامهم بنت محتشمه ويسحون اصلا يغازلونها :D بالتالي بتنتخي ظاهره الغزل في المملكه ,,

لكن الي صاير الي الطرفين يساعدون بعد البنات يلبسون لبس مغري والشباب بعد اللهم يا كافي يلبسون لبس مغري ونص pb027 ,,

وبشكل عام الصياااعه الحمدلله سوقها ماشي بالبلد سواء بالفيصليه او المملكه او حياة مول او حتى سراديب حي منفوحه ;)

FrEaKy
29-11-2007, 01:26 PM
لا تلومونهم يا جمااااعة الخيييير (( وجه عبدالله السدحان pb027 ))

اكيد هالشئ انا اول المعترضين عليه .. لكن بعد البنات والله اني معترض عليهم :D !!! يعني بالعقل لو ما فيه بنات تلبس بنات مخصّر ومقصّر بنفس الوقت بيجون الشباب بيشوفون قدامهم بنت محتشمه ويسحون اصلا يغازلونها :D بالتالي بتنتخي ظاهره الغزل في المملكه ,,

لكن الي صاير الي الطرفين يساعدون بعد البنات يلبسون لبس مغري والشباب بعد اللهم يا كافي يلبسون لبس مغري ونص pb027 ,,

وبشكل عام الصياااعه الحمدلله سوقها ماشي بالبلد سواء بالفيصليه او المملكه او حياة مول او حتى سراديب حي منفوحه ;)

pb189

pb111 ;)

Dajwet
29-11-2007, 01:32 PM
واغلبهم من السواريا والمصاريا الله يحوم اكبادهم

مباركـ
29-11-2007, 01:41 PM
ما أطيق الأسواق سبحان الله أنام إذا دخلتها :D

ويمدحون حجاب والقريه الشعبيه :D

شبابيـkـ الحُ ـب
29-11-2007, 01:54 PM
!!! يعني بالعقل لو ما فيه بنات تلبس بنات مخصّر ومقصّر بنفس الوقت بيجون الشباب بيشوفون قدامهم بنت محتشمه ويسحون اصلا يغازلونها بالتالي بتنتخي ظاهره الغزل في المملكه ,,

لكن الي صاير الي الطرفين يساعدون بعد البنات يلبسون لبس مغري والشباب بعد اللهم يا كافي يلبسون لبس مغري ونص ,,

وش تبـي تفهمنـا بالضبـط ؟؟


تبـي تفهمنـا ان الشبـاب ذولا مثـل القـرود مسنتـريـن قبـال المجمعـات ينتظـرون اشـاره من البنـات

بفتحـة عبـاة ولا غمـزه ولا حـركـه مقصـوده او غيـر مقصـوده عشـان ينطـطـون مثـل القـرود وراهـا ؟؟

ولا عشـان تدخلهـم ويلاحقـونهـا ويلاحقـون غيرهـا .. ؟؟


.
.

أنت تـروح وتـرجـع بكـل الاحـوال لسبـب واحـد ان الشبــاب اصـلاً غيـر متـربـي :sm4:

لو هـم لاقيـن ابـوهـم وراهـم يسنعـهم ويعلمهـم ولا امهـم معلمتهـم ان هالحـركات عيـب

مارضـوا على انفسهـم هالوقفـه pb024

أجـل يوقفـون بالشـوارع عشـان يرقمـون خخخخخخخخ pb036 :D


المشكـله اسـاسهـا بالأهـل ..يفـرخـون ولا يعـرفون يربـون

مهيتيـن عيالهـم بكـل شـارع بكـل مجمـع pb093


عـاد لو اقـولكم في سنـه من السنـوات اللـي راحـت جلـدت الهيئـه خمـس شبـاب بالراشـد قـدام خـلق الله pb189 pb189 pb189<<للهيئـه pb058

مـن عقبهـا ما قمنـا نشـوف شبـاب صايـع ويغـازل مثـل اول ببجـاحـه ابـداً اعتبـروا كل الشبـاب pb034

مايخـرب المجمـع الا لاعطـوا اهل الريـاض اجازات مؤتمـر ولا اوبـك pb027

لحـد يحقـد علي ترى اتكـلم بمـا تراه عينـيbp039 :rolleyes:

FrEaKy
29-11-2007, 02:04 PM
وش تبـي تفهمنـا بالضبـط ؟؟


تبـي تفهمنـا ان الشبـاب ذولا مثـل القـرود مسنتـريـن قبـال المجمعـات ينتظـرون اشـاره من البنـات

بفتحـة عبـاة ولا غمـزه ولا حـركـه مقصـوده او غيـر مقصـوده عشـان ينطـطـون وراهـا ؟؟

ولا عشـان تدخلهـم ويلاحقـونهـا ويلاحقـون غيرهـا .. ؟؟


.
.

أنت تـروح وتـرجـع بكـل الاحـوال لسبـب واحـد ان الشبــاب اصـلاً غيـر متـربـي :sm4:

لو هـم لاقيـن ابـوهـم وراهـم يسنعـهم ويعلمهـم ولا امهـم معلمتهـم ان هالحـركات عيـب

مارضـوا على انفسهـم هالوقفـه pb024

أجـل يوقفـون بالشـوارع عشـان يرقمـون خخخخخخخخ pb036 :D


المشكـله اسـاسهـا بالأهـل ..يفـرخـون ولا يعـرفون يربـون

مهيتيـن عيالهـم بكـل شـارع بكـل مجمـع pb058


عـاد لو اقـولكم في سنـه من السنـوات اللـي راحـت جلـدت الهيئـه خمـس شبـاب بالراشـد قـدام خـلق الله pb189 pb189 pb189<<للهيئـه bp039

مـن عقبهـا ما قمنـا نشـوف شبـاب صايـع ويغـازل مثـل اول ببجـاحـه ابـداً اعتبـروا كل الشبـاب pb034

مايخـرب المجمـع الا لاعطـوا اهل الريـاض اجازات مؤتمـر ولا اوبـك pb027

لحـد يحقـد علي ترى اتكـلم بمـا تراه عينـيbp039 :rolleyes:


اختي bp039 ...

المسألة مو كذا ... بس اني انا مثلا كـ شاب .. لو أمشي في مجمع أو أي مكان و ألقى بنت متستره ولابسه لبس محترم
أستحقر نفسي لما أناظرها .. pb071

و أي شاب مراهق عنده حركات هالفاضين اللي يدورون في المجمعات ما يقدر يناظرها يستحي اصلا

لكن لما يشوف اللي جايه ماخذه الدعوه فله عبايه مفتوحه و البرمودا طالع و السيقان تلق :D

و العيون اللي تصلخ الوجه :D

اكيد راح يلعب عليه الشيطان و بيتهيض مثله مثل كل الشباب اللي قاعدين يستهبلون على بنات خلق الله

لكن ... أنا أؤيد ان الوحده تطلع مع محرم pb192 ... و أن ما حصل لها محرم عاد تطلع و تستر نفسها زين
و محد جايها ولا احد مقرب لها بإذن الله :)


و ان كانت معزمه على هبالها تتحمل ما يجيها :D

الليدي لجينا
29-11-2007, 02:15 PM
وهذه أحد نتائج الكبت في هذا المجتمع الجليل

والكبت يولد الانفجار :) وهالشباب لو مالقوا بنات معطينهم وجهه كان ماتجمهروا !!! :rolleyes:

:)

وشي مهم ::rolleyes:
هالشباب هذولا منوين جايين ؟؟ مهوب عيالنا مهوب اخواننا ؟ يعني لو كل وحده منا وكل واحد بدل التذمر اصلح نفسه واللي حوله ... شوي شوي يصلح المجتمع باذن الله :)

bp039

فلــونه
29-11-2007, 02:35 PM
(( كل ممنوع مرغوب ))

لو ما يمنعون الشباب من دخول الأسواق بيتعدل هالحال ..
يمكن اول سنه بيصيرون مشافيح ..
بس بعدين بيصير الوضع عادي عندهم ومب صاير مثل المسخره الي الحين قاعده تصير pb093



الثالوله مطور bp039
يعطيك العافيه ..



/
\

شبابيـkـ الحُ ـب
29-11-2007, 03:04 PM
اختي bp039 ...

المسألة مو كذا ... بس اني انا مثلا كـ شاب .. لو أمشي في مجمع أو أي مكان و ألقى بنت متستره ولابسه لبس محترم
أستحقر نفسي لما أناظرها .. pb071

و أي شاب مراهق عنده حركات هالفاضين اللي يدورون في المجمعات ما يقدر يناظرها يستحي اصلا

لكن لما يشوف اللي جايه ماخذه الدعوه فله عبايه مفتوحه و البرمودا طالع و السيقان تلق :D

و العيون اللي تصلخ الوجه :D

اكيد راح يلعب عليه الشيطان و بيتهيض مثله مثل كل الشباب اللي قاعدين يستهبلون على بنات خلق الله

لكن ... أنا أؤيد ان الوحده تطلع مع محرم pb192 ... و أن ما حصل لها محرم عاد تطلع و تستر نفسها زين
و محد جايها ولا احد مقرب لها بإذن الله :)


و ان كانت معزمه على هبالها تتحمل ما يجيها :D


بـرضـوا تـرجـع للنفـس السـبب بتـبريـرات ملينـا منهـا .. pb071

ان الشبـاب غـيـر متـربـي pb093

طـيب اتـرك عنـك البـنت المحتشمـه اكيـد مهـو بجـايهـا شـي ولو جاهـا يمكـن ماتسكـت

بـس انت تشـوف ان فيـه راحـه تـدخـل للسـوق بوابتـه مزحـومـه ابـوهـا من هالسمـلق والدشيـر pb036

تتـوقـع المحتشمـه لاراحـت السـوق مايضـايقهـا ويزعجهـا وجود الشبـاب بمجمـوعـات كبيـره كل همهـم المـراكـض ورى البنـات ؟؟

نجـي للشبـاب ..اللـي مالهـم مبـرر ابـداً دايمـاً حاطيـن البنـات شمـاعات لأخطـائهـم pb093

ماانكـر ان فيـه بنـات منتهيـة صلاحيتهـم ..ولا انكـر ان فيـه شبـاب لو ينجـلد من اليـوم لبكـرى مالـه نيـه يتـوب :D

بـس قِلـه ..مسـألـة ان الشعـب كله منتهـي وخـربـان هـذي عـاد اللي ماتنقبـل pb036

مـو معقـوله شعـب كـله مُنقـاد ورى الاستعـراض وحـركات المـراهقيـن ..بجـد ماعـاد نميـز بيـن المـراهقيـن وبيـن ابـو ثـلاثيـن سنـه كلهـم نفـس العقـول الصغيـره نفـس التفـاهـهpb036

السـالفـه مصخـت ويبيلهـا تـدخل من الهيئـهpb189
لـو يجلـدون الهيئـه واحـد يعتبـرون البـاقيـن pb034

الشبـاب اللي يقـولون البنـات وما البنـات كلهـم كـذابيـن

هم وش مـوديهـم للسـوق اصـلاً نصهـم يجـون ومالهـم حاجـه بس عشـان يقـزقـزون ببنـات النـاس

حتـى شـوفـوا واحـد من اللـي راديـن ماخـذ جـوه كـله بالتقـزقـز ..وشايـف وشـآف العبـاة واللـي تحـت العبـاة pb093

نـرجـع نقـول الشبـاب مو متـربيـن :sm12:

هـم لو يـدرون ان النظـره بـس اثـم ..فمـابالكـم باللـي يـروح كـل يـوم عشـان يقـزقـز ببنـات النـاس ..؟؟!!

بالله مـو متـربي pb024


يانــااااس ربـوا عيـالكم مايصيـر كذا مهيتينهـم آفـه على المجتمـع :sm12: :mad:

مـتـألـقـه
29-11-2007, 03:13 PM
.
.

الأسبوع اللي راح رحت لحياة مول

الصراحه ماشفت شي قوي .. لأني رايحه فترة العصر والمغرب

بس يوم طلعنا منه بعد صلاة العشاء

كانت العالم توها جايه وأنواع السيارات والاستعراض والأغاني الأجنبيه اللي يهتز المكان منها :sm3:

والشباب اللي يتمشون برا تقولين جايين من عرض أزياء :D

يوم ركبنا السيارة قالت بنت خالتي اني شفت بزر تقريبا 10 سنين واقف فوق لحاله

تحلف انها شافته يدخن هذاك السيجار الكوبي :eek:

تقول طقتني الغلقه يوم شفته .. خير انشالله وين أهله عنه .. توه بزر حرام عليهم :(

رَوّنق
29-11-2007, 03:28 PM
!

!



عآلم تعبآنه .. !

متى بنتطور ؟

متى بتنحل هالمشآكل السخيفه .. ؟

العآالم مشغلهم الله في تطور بلدآنهم وبعضهم في الشقآء .. !

وحنآ ورآ ذآ يغآزل وش وقلة الأدب .. ؟

متى بتكبر العقول ؟؟

وش يستفيدون هالورعنه اذا سوو هالحركآت البآيخه .. !
يعني لهدرجه ثقته ماراح يلقاها الا به السخآفه
ويعنني ترآني قوي ورجال ومدري ايش ..!


يآعالم ربو عيآلكم ع التربيه الأسلاميه الصحيحه ..
ااجلسوا معآهم افهموا نفسيآتهم وش يبون من هالحركآت ..!

صحيح ان هذي مرحلة المرآهقه وهي مرحله نشأة الشخصيه .. !
بلله اذا هذا حالهم كيف يربون اجيآلهم ..!

حرآم وربي طفل صغير عمره 15 او اقل او اكثر يسوي هالحركآت ..!

وين ابوه عنه ؟

مسنترين عند هالأسهمم .. ؟ ومدشرين عيآالكم وحنا ماقصرنآ نعطيهم كل اللي يبونه ..!

ماقصرتوا من الناحيه الماديه بس الناحيه المعنويه اشد التقصير ..!

انا ماراح الوم هالمبزره بلوم ابوه وامه ..!

الابن في هالمرحله يحتآج من ينتبه له اكثر ويحرص عليه ..!

والبنت تحتآج من ينتبه لها ام واب واخ ..!

عاجبكم حال هالمراهقات اللي بالسوق ..!
الوحده عمرها صغير 13 ..ميك آب كآمل وموبآيل ونك بلوتوث مقزز ولا فخر .! وترقيم وخوي معها ..!

يالله طفله بها الحركآت من وين عرفت كل هذآآ .. !!

انتبهوآ لعيآالكم قبل مآ تندمون ..! ولا تنسون انهم امانه في ارقآبكم ..!

!

!

Serenity
29-11-2007, 03:52 PM
وعليكم السلام ورحمة الله..




اتسائل ما الذي يحدث :confused:
هل أتى اليوم الوطني بهذه السرعة

ما هذا الشغب ؟ pb036



طيب حتى لو هو يوم وطني ما رح يبرر الشغب....:(الحل في مثل هذه المشاكل هو تكثيف وجود الامن الخاص بالمركز التجاري من الداخل وتكثيف وجود افراد الشرطة من الخارج..خصوصا من الخيالة ....لانهم هم المخولون بردعهم اكثر من اي شخص اخرواذا ما رضيوا يكثفوا من السكيورتي ...يصير حياكم .. تعالوا سووا شوبنغ عندنا في جده.:D.....شبابها شبعان ما رح يعاكسوكم ابدpb027




لو ما يمنعون الشباب من دخول الأسواق بيتعدل هالحال ..
يمكن اول سنه بيصيرون مشافيح ..
بس بعدين بيصير الوضع عادي عندهم ومب صاير مثل المسخره الي الحين قاعده تصير pb093









صح كلامك......عندنا في جدة الشباب في السوق اكثر من العائلات في بعض الاحيان ومع ذلك ما بتصير مضايقات الا نادرا وغير كذا كل واحد ماشي لحاله في امان الله...


ولو كل وحدة احترمت نفسها ولبست عباية سادة و محتشمة -مو عباية مكتوب عليها كلام اورسم معناه تعال عاكسني- رح تقدر تمشي في السوق حتى لو هي لحالها وما رح يكلمها احد



جده ام الرخاء والشدة pb189pb189pb189





سلمت يمينك الثالوله مطورbp039bp039bp039

ميشو الشقردي
29-11-2007, 04:19 PM
مرحبًا بالجميع ..

:

مشكورة اختي مدري وش اسمس على طرحك للموضوع

:

مشكورين باقي الاعضاء على ردودهم ولا هنتوا ..


:

قلتوا أمن .. قتلوا نظام .. قلتوا خرطي .. قلتوا شباب ومبزرة .. قلتوا بنات وكتلوجات .. أقولكم لا يكثر بس ..

:

لي عودة أخرى بفضائح حياة وسلام والعليا ورويال بنات مول

أقول ..

الوسم تعدانا ولا نزل علينا مطر .. تحروا العقوبة من الله اذا كانت بنات مول على موالهم وعلى خرطيهم هذا ..

:

برب <<< عساني أذكر ولا أنسى

N0URAH
29-11-2007, 04:38 PM
مالنا غير نقول الله يهديهم هاللحوج ! :(
الغريب مااحد مانعهم ولا موقفهم عند حدهم ؟! :confused:
زحمه ع الفاضي .. انا رحت حياة مول يوم الاثنين بس كان هادي تقريبا ولا فيه حركات عبط !
ربي رحمني الحمدلله مااطيق الزحمه ..! :(
من جد الله يهديهم ..

(f) !*

الثالولة
29-11-2007, 05:16 PM
أعتقد لو كان فيه عقوبة صارمة إزاء أي شغب يحدثه
يخاف ويرتدع

مثل قرار الجلد :sm10:

<< ماعندها وقت

في حال أحدث مضايقات يجلد أمام الجيع :sm10:

شكراً لردودكم وتواجدكم
لي عودة :)

Dwerah
29-11-2007, 06:01 PM
الفرمته لازم تكون لمخ الشباب فقط .. ولا يمنع البنات بعد

вяόкεη ωiήgs
29-11-2007, 06:31 PM
..


.. متى يكبرون هالـ اشكال ويتركون عنهم حركات العبط ..

.. الله يهديهم بس .. / .. bp039 ..


..

ورد هانم
29-11-2007, 08:25 PM
ع الطاري

اين يقع ‘ حياة مول ‘ ! ؟ ؟

حرم فزاع
29-11-2007, 09:06 PM
أعتقد ان شبابنا والمجتمع بأكمله بحاجة لفورمات بالكامل
والله يبي له دليت مب فورمات


ع الطاري

في نهاية الصيف
كنت في حياة مول الليل انا وامي واخواني

فجأه المول انقلب حلبه مصارعه :eek:

البنات يتضاربون مع العيال وباليدين بعد خخخ
ملاحظه بس
وبنص المول
وانواع الالفاظ السوقيه

عيال الشوارع يستحون يتلفظون فيها

بالله هالاشكال وش ينتسوى بهم

وكلهم ال وال

لا هئيه تقواهم ولا امن

المشكله انه ماينشره ع هالمبزره كلهم تربية فلبينو وحبشيات
المشكله بالروس الكبيره
الي والله لو درت عن مبزرتها ان تحش روسهم :sm3:

بس وينهم؟؟؟

Flexible
29-11-2007, 09:09 PM
جيل امحق في ظل عدم وجود رقابه وعصا

الهيئه (قلوب من هنا لفرعكم اللي بحي الملك فهد)

الثالولة
29-11-2007, 09:20 PM
ع الطاري

اين يقع ‘ حياة مول ‘ ! ؟ ؟


تقع بحي الملك فهد شمال الرياض
على طريق الملك عبد الله تقاطع الملك عبد تالعزيز
جنب صحارى
وقدام الساحة العسكرية بالضبط
وجنب شارع الإتصالات

<< وصف دقيق

اذا ما عرفتي قولي لي اسدح لك مكانها بقوقل ايرث ;)

100%أكيد هلالية
29-11-2007, 09:37 PM
ثلاث أربآع شبآبنـا صيّع و ضيّع :D

حتّـى بـ المنفوحه تلقيـنهم يغآزلون!! pb036

مايصدقـون يشوفون بنيّـه :D

بس حيآه مول انا رحت لمّـه وقسم انّـه عآديـ .. واللّـه كل الأسوآق صآيره كيذآ pb093

لا حسيب ولا رقيـب ..

المصيبـه تلقيـن ذا اللّي شآدّين حيولهم بـ ذب الكلام الحلـو وأرقآمهم كلهم من 18 وتحت ..pb036

ولا البنآت اللّهم لـك الحمـد بس وربّيـ انهن كلهن فآهمين الموضه غلط !

عيب وربّي عيب مير لو فـيك ذرّه شيآكه كآن قلنـا ايه مشّي حآلك انتيـ ويّآهـا ..


جآيّه لمّك وحـده حآطه ميك اب اهلهـا كلهم :D وعبآيه مخصّره ونعله مدري وش تبي تطقطق في ذا الأرض يعنيـ اسمعوني يآهوووووووه ! pb027


والمصيبـه ان النّآس مآخـذين فكره ان اللي تلبس عبآيه ع الرآس مؤدّبه واللّي ع الكتف رآيحه وطي !!pb036

الاّ الحين اختلفت الآيه نص البنات اللي مآش نص لفّه لابسين عبآايات ع الرّآس وطايحين لك مغآزل من ورآ أهلهم ..

يعني صآرت البنت اللي تلبس عبآيه ع الكتف بـ احترآمها زيّي انا .. :D وربي انهن مؤدّبآت أكثر من غيرهن .. pb036


طوّلت عليـكم بـ الهذره اللي مال أمّها دآعي بس حبّيت أعلّق .. pb192

Lancom
29-11-2007, 09:38 PM
صادقه والله حياة مول صايره العن من المملكه والمشكله انهم بزران مابعد طلعو من البيضه ولاتنسي البنات بعد
هناك استغفر الله كبر الحمير ولا يعرفن الغطا ولا الطرحه وياليتهم يتحجبون بس هم هناك لا الكشه طالعه وبعضهم لابسات عباة بدون طرحه ولا ياليتهم حلوات ولا مملوحات شيون وقيون عيون:D

الله يهدي مبزرتنا بس

deep
29-11-2007, 09:39 PM
الوسم تعدانا ولا نزل علينا مطر .. تحروا العقوبة من الله اذا كانت بنات مول على موالهم وعلى خرطيهم هذا ..

:





:sm1::sm1::sm1:

والله مايحزن مثل انقطاع الامطار ورحمة رب العالمين

ارتاح بشوفة المطر

الله يغيثنا ولا يعاقبنا بما فعل السفهاء

Stupid Feeling
29-11-2007, 10:12 PM
هلا والله بصديقي الجديد FrEaKy pb189

شكرا لك لأنك دافعت عني بغيابي :D والحين جاء دوري ادافع عنك بغيابك (( << تحس انهم الاثنين يشتغلون جنود بالحرس الوطني pb027 ))

"كرتونة غلا" .. bp039

طيب هدي اعصابك واشربي كاسة ليمون :D الدعوه نقاش وكلام ينقال بمنتدى ..!!

انا وصديقي الجديد FrEaKy :Dpb189 ما كنا نقصد ان السبب بهالشئ هو الشباب فقط .. وحنا صادقين :D , يعني الطرفين يساعدون بعضهم على هذا الشئ .. ولاعه لوحدها ما تسوي نار لكن ولاعه وشوية بنزين تسوي الهوااايل ;) يعني طيب لنفرض انه فيه شباب والله وجالسين واغاني واخر صياااعه :D بس كل يوم ما يشوفون الا بنات لابسين عبيابات محتشمه ..!! وش بيجلسهم بهالمكان اليوم الثاني ؟ بيطفشون ويرووحون يدورون مكان ثاني لأن الشباب الي هنا همهم القزقزه pb034 وهالشئ ما بيحلصونه في وجود بنات محتشمات ...!! واكيد بيطفشون ويروحون لمكان ثاني يدورون فيه على بنات من النوع الي عليه الطلب لأنه لو جلس بهالمكان ما بيشوف شئ .. بيشوف وحده لابسه عبايتها وماشيه مهوب وحده لابسه عباية اختها الصغيره الي اطول منها وماشيه ;)

ستايـ ع ذوقك ـل
29-11-2007, 10:19 PM
بيت خالتي خلفه بالضبط
اتعزز لها من الازعاج والزحمه والمهايط ومواكب الدبابات

الله يستر من اللي جاي

وجه بن فهرهـ
29-11-2007, 11:01 PM
السلام عليكم :)

والله بحكم اني سعووديه فأشووف البلاوي للأسف في كل مكان pb093

ماعاد فيه مثل اوول اماكن معينه تلاقين هالفئات فيها

صايره في كل جحر

pb036

وعلى طاري حياة موول لا يفووتكم مطعم الدانووب التشيزكيك أليــــــــــم pb189

>> شطحت :D


والله يعطيك العافيه ع الموضوع البطل bp039

II D!NA II
29-11-2007, 11:13 PM
بجد شي يخوف
حتى انتو لاحظتو ؟؟؟؟؟؟
لا والبلى الشرطة تلحقهم بالسيارات وهم زي القطاوة منحاشين يقطعون الشوارع خطر الواحد يصدمهم
والا يمسكونهم ويضربونهم بعصا الشرطة ويعبونهم بالباص علشان يحجزونهم
واحد كان يحاول يهرب من الشرطي خلاه الشرطي يعض الارض وقعد فووووقه مع انه زي الجسمي وجلده بالعصا حقته كفخه تكفيييخ

بس من امن العقوبة اساء الادب pb093 يمكن الجلد انسب وسيلة :confused:

لازم نلقالهم حل هالمشاغبين اللي يجون كل ويك اند
الشرهه على الاهالي والله
الله يحلل التحلية

مراهقين حياة مول ماتقواهم الهيئة لانهم يتجرأون عليهم وقد سمعت ان من
جرأتهم سوو حركة مش ولابد لمطوع الهيئة :mad:

واللي يقول البنات وش يجيبها بالسوق تفتن الناس الا الرجال وش يجيبهم انتو لو شفتو كيس زباله لحقتوه وقلتو يفتن ؟؟؟؟؟؟؟؟

واللي يغازل ويلاحق بنات الناس والله انها ترجع لاخته وامه
والواحد المفروض يكف بصره عن الحرام وإذا تعمد الإنسان النظر فإن هذا يدخل في زنا النظر

يا قاطعا سبل الرجال وهاتكا ...
سبل المودة عشت غير مكرم .....
إن الزنا دين إذا استقرضه ...
كان الوفاء من أهل بيتك فاعلم ...
لو كنت حرا من سلالة ماجد ....
ما كنت هاتكا لحرمة مسلم ...

الثقل صنعهـ
29-11-2007, 11:39 PM
^

انك لا تسمع الموتى ولاتسمع الصم الدعاء :(

عزيز 69
30-11-2007, 12:03 AM
الى الحين حقين الاسواق عايشين؟خخخخ


والله الحين الرياض ما ينفعلها الا تجتمع مع اخوياك وقوة بلايستيشن ونت وافلام وبس...

Dr : Arwa
30-11-2007, 12:20 AM
رحت لها في رمضان وفي العشر الاواخر ماكنه رمضان الاغاني والشباب اللي معسكرين برا المجمع
مدري وش يبون ....!
بس لعانه وفضاوهـ ..!

الله يهديهم

سنيورا
30-11-2007, 12:36 AM
اليوم كان فيه بزران الشنب توه بادي يلطع يدورون على حياة مول وصحارى

قام واحد فصخ قميصه وصاروا اخوياه يصفرون له ويصارخون ويقولون جسمك بطل

ههههههههههههههههه لو تشوفون جسمه انواااع الخياااس عصل مصصصل وععععععععع ماله معالم من كثر عصالته ويقاله يبي يطلع عضلات بالغصب يقوم يشفط بطنه وتطلع ضلوعه كنها عضلات يعني :d مسكين ماله امل:d

وترا كلهم مبزره وحتى البنات الي يستعرضون والله ابصملك محد يتعدى الـ17

v.NISTELROOY
30-11-2007, 12:42 AM
لو ما يمنعون الشباب من دخول الأسواق بيتعدل هالحال ..
يمكن اول سنه بيصيرون مشافيح ..

صعبه صعبه من جد pb036،،

انتم تشوفون اللي اشوووووفه وقسم اتحدى اذا فيه سوق بالخليج كله ادج من حياه مول pb093 :(

والله المطاقات ماتخلص الدمااااان واصله للشارع لا واللي يغبنك بزراان كلهم 14 ولا 15

مسووووي زاااحف ويغازل ،،

في المطاعم والالعاب بحياة موووول شي مو طبيعي احس اني مو في السعوديه اشكااال غريييبه من البنات والعيال اللي ولا واحد وصل 18

لا ولاحظت انه البنات يغازلووون والله اني ما انصب pb036

تجي تتمليح ومدري ايش !

شعب خرباااااان توكم ماشفتو شي بس اصبرو سنتيين بتشوفون الهوايل :D

بس احلى شي العييد الوطني ياهو صار هباال خخخخخ ،،

funky girl
30-11-2007, 12:56 AM
--------------------------______________---------------------------

صراحه هالسوق ماقد رحت له ابدا

بس ناويه اروح له علشان محل كان في غرناطه وسكر وفتح في الحياه مول >> من القراده :mad:

واتوقع انه سوق خايس ماعدا المحل اللي ابي اروح له:D

وحده من زميلاتي في العمل قد حكت لي عن السوق وقالت فيه شئ غريب عجيب

ماعمري شفته في اي سوق خاصه المطاعم

عا انا اشوف هالشئ ممممممممم يرجع للأهل مع احترامي للجميع بس وينهم عن عيالهم وليش الولد او البنت كذا هايتين واهتماماتهم سطحيه

بعدين إذا ابو 15 سنه رقم اجل إذا صار عمره 25 وش بيسوي :confused: الله يستر منهم




الف شكر كاتبه الموضوع bp039


--------------------------______________---------------------------

kin
30-11-2007, 12:57 AM
والله اعرف وحده كويتيه جت الرياض راحت حياة مول

والله انها تقول وجع وش هذا ماعمري شفت ناس كذا :(:sm1:

يضيق صدري عليهم كل مال الدنيا تخرب ,,

شبابنا وبناتنا كل مالهم يضيعون :sm1: ( موب كلهم طبعا )

المشكله لو تبي تنصحهم وتقول الي يسونه غلط ماراح يسمعون ,,
بلعكس يحسبه شي واو ومحد قده :rolleyes:

والمشكله الثانيه انهم صارو مايستحون الشي الي براسه يسويه مافي شي اسمه حيا او خوف


يا الله اجل جيل عيالي وش بيصير :sm1:


الله يهديهم ياربي ويستر عليهم ,,


يعطيك العافيه ثالوله pb189

coup_de_grace
30-11-2007, 01:00 AM
حياكـ ثالوثة....

تخيلي معي يارعاك الله <<< اوب ماخذها من سعد القوي ابد pb034


المهم تخيلي معي انكـ دخلتي السوقــ وكان كما وصفت ِ . . . من زحمة وتعديات.... هل - في خضم كل ذلكـ - سوفـ تواصلين المضي في قدما ً في مشروعاتك التي فكرت قضاءها داخل السوقـ ..ام ان نقطة stop ستظهر لتمحي تلك المشروعات....!

هنا يبقى الخيار خياركـ....



لا اقف موقف المدافع عن ابناء جنسي....فهم وان كانوا اكثر من ذلكـ....فهم شباب مراهق...لم يجد سبيلا ً اخرى يسلكها لكي يملأ وقت فراغه...

هم فئة لم يروا عيبا ً او حراما ً فيما يفعلونه...ولن يفعلوا...

فقط...يبحثون عن ذوات نفس الأطباع...

ان جارتهم فرحوا....وذهبوا...

وإن لم يفعلوا...لن يكلوا ولن يملوا....

^
^

وجهة نظري...بنفس فكرتكـ

طرحتها على طلابي ...طلاب الثالث ثانوي...

فكانت اجوبتهم...هي ما دافعت بها عنهم...:)


لقد وجدوا بأن لهم الحق في أن يفعلوا ما قد يكون دخيلا ً على المجتمع في نظرنا ...

وكذلكـ لم يغفلوا بان لنا الحق في انتقادهم...ولكن ليس منعهم...


لأن في منعهم...فإننا نسلكـ سبيلا ً من حيث لا نعلم, لفتح أبواب لهم...لا تبشر بخير...



الثالوثة....لكـ تحياتي وخيــّـــتي pb089

سآآرونآآز~
30-11-2007, 01:00 AM
والله المضايقات صارت من المبزره ومن راعين الشوارب ومن راعين الشيب

واللي يزيدهم هالبنات (مع احترامي للمحترمات)اللي يجون طاقين الزين وضاربين الميك اب وفاكين الشعر ويتسكعون واعمارهم ماتتعدى 15 ويترززون عند العيال.

انا ما ادري وين اهاليهم قسم بالله موب صاحين اذا هم موب خايفين على بناتهم على الاقل يفكون العالم من شرهم.
قسم بالله اني لاطلعت السوق تحوم كبدي اشكال مقززه لا من البنات ولا من الاولاد
وععععععععععععععععععععععععععععععععععععععععع

خرطوش فردك انا
30-11-2007, 01:35 AM
كلامك صحيح

بس لا تعـمـمـين

بعدين هالاشكال اللي يجونك شعر كشه يمين بالله انهم اقذر خلق الله

اشوف الواحد فيهم وهو متفاخر ومصدق نفسه شكل بطل و أوكي

ما يدري اني من جواي ودي أتفل في وجهه وأمسح فيه الأرض

وبعدين انا ألعن شي عندي بهالدنيا اذا شفت مصري ولا سوري ويغازل !!

يعني انتم عارفين قصدي ,, سوري ويقاله سعودي :)

من طقة فقندش وقشقري :)

لابوهم لابو ابوووهم

Abo 3zayez
30-11-2007, 01:41 AM
السلام عليكم

..

اول شي انا مع ( قهر ) و ( FrEaKy ) pb189pb189 بكل كلمه قالواه

اول شي اسباب هالحركات والمغازل والاستعراض :-

1- اول شي العيال مكبوووتين ومافيه شي يسوونه ( فراااغ ) يعني اغلب العيال اللي بين 14 ل 19 ماعندهم اماكن يروحون له مافيه استراحات يجتمعون به .. فكل واحد يسوي نفسه انا القوي قدام اصدقائه ويروح يغازل ويستعرض ..

2- البنات والاستعراض بالعبايه والميك اب اللي يردح بوجهه pb036 .. يعني تجيك وحده مطلعه سيقانه وفاتحه العبايه ومطلعه وجهه الي مغطس بميك اب :D .. يعني بالله هذي جايه تشتري شي ؟؟ pb093 .. اقسم بالله لو انه واحد من هالعيال شاف وحده لابسه عباية راس او عبايه كتف مايتجرأ ويستحي انه يحط عينه بعيينه.

( لو صار شي واحد من هالسببين اتحدااااااااااكم اي بزر يغازل او بنت تستعرض )

3- دخول الفكر الاجنبي لنا ... يعني اللحين الانترنت دخل لنا اشياء كثيره عن التصرفات الشبابيه للدول الاجنبيه .. يعني الافلام يصير به كل شي .. من وشلون يصير المغازل ومن كل واحد عنده قيرل فرند .. فعندنا التقليد ينتشر بسرعه.

4- الاهل يعطون العيال والبنات الحريه بزياده ومافي تربيه جديه .. يعني وين الاهل عن البزر اللي يروح لاسواق معروف عنه بالمغازل .. ووين الاهل عن البنات اللي تطلع للاسواق كانه طالعه لعرس .. الاهل اكره ماعندهم الولد او البنت يزعلون .. فتلقى الاهل ضايقه صدوره على انهم زعلوا ولد .. فيسون له الشي اللي يبيه

..

اما الحلول .. ماتوقع ان فيه حل بيعطي شي ايجابي بشكل كبير pb093

1- زياده سلطة الهيئه .. و تصفيق كل من يتجرأ انه يغازل وييجلدونه قدام الله وخلقه ( يجلدون داخل السوق , ويجلدونه عند الشباب ) عشان يعرفون نهايه كل مغازلجي.

2- فتح اماكن شبابيه ( ملاعب كوره مثل اللي بحديقة الروابي , المخيمات الشبايبه , الخ... ) ماتوقع انه ينجح الى بعد مايصير الحل الاول pb036

3- الاهل ينتبهون اكثر لعيالهم وبناتهم.

---

الله يغيثنا ولا يعاقبنا بما فعل السفهاء

bp039 bp039 bp039

رجـــه girl
30-11-2007, 01:46 AM
أعتقد ان شبابنا والمجتمع بأكمله بحاجة لفورمات بالكامل

<< من جد هههههههههههه

بصراحه حياة مول اذكر اني رحت قبل لا يفتح رسمي ريحته بويه ومافتح كلش << متحمسه
وكانوا كلهم شوااااام من جد قلت وش هذاا
ماش ماعجبن

وبعدهاا رحت برمضان<<لااااااعادت

تخيلو وقسمن اني مااشوف شئ من لاناس يعني الحين بتذكر وش لون الطريق القى ناااااااس وازعاج
يعني حتى بتذكر ماقدرت وهـ بس اذكر دخلت الدوو
وامي مع شوشتي امشي انتي وهالزحمه الي جابتني لمهاا


خخخخخخخخ المشكله متواعده مع صددقيقتي<<ضاقت

هجيت لصحارى لوووووووول


بس عاد امي كرهت حياة مول<<يعني انسى الفكره اروح مع ماما

وثانكس عالموضوع
وسوري عالاطالهـ :)

الليدي لجينا
30-11-2007, 02:38 AM
والله اعرف وحده كويتيه جت الرياض راحت حياة مول

والله انها تقول وجع وش هذا ماعمري شفت ناس كذا :(:sm1:

قولي لها روحي المارينا عندكم وتلقين اشد من كذا !!!!!!

مدري ليه.. نعتبر المغازل من اهم ظواهر التخلف والانحطاط عندنا خاصه !!!!!!! هو صح تخلف وانحطاط بس ترا مو بس عندنا !!... في كل مكان بالعالم فيه بنات وعيال يصيير عندهم مغازل ومعاكسات ... طبعا بكلامي مابرر لهم تصرفاتهم لاااا .. بس انقهر لما نعتبر هالشي مايصير الا عندنا واننا صرنا متخلفين بس علشان الشباب يغازلون !!!! وان شبابنا مشفح من بد شباب العالم !!pb036 .. ظاهره موجوده بكل مكان في العالم !!بس يمكن طريقتهم فيها نوع من الهمجيه وهذا بسبب الكبت والتربيه الغير صحيحه pb093!!!

ومره ثانيه اقول لو كل واحد مننا اصلح نفسه واللي حوله صلح المجتمع :) باذن اللهbp039

bp039
:)

احلى سوسو
30-11-2007, 02:38 AM
.
.
شوفي عزيزتي راعية الموضوع..معاك حق الحياة مول فيه ناس وأشكال غريبه وشباب وبنات وشيبان وعجز!
.
.
بس اذا عـ الأشكال فمارح أحد يطلع من بيته وإنتهينا..:cool:
.
.
الرياض مافيهاتماشيات الاالمولات الكبيره والحياة مول سوق جديد وحديث وفيه إختراع إسمه الدانوب pb189
.
.
ايه صح فيه الدونات اللذيذهpb034
.
http://up.eqla3.com/up/s_thumbnailer-11-2007/uyktym31.jpg
^
هذي صورة لمحل كريسبي كريم للدونات..وترى راعي المحل كويتي ..pb192
على فكره يوم صورتهم أعطوني دونات مجاناًpb095
.
.
.
بعد فيه محل كبير ومميز أسمه نيولوك رائع فيه كل شي كل شي يعني كل شيpb030
.
.
بعد الملاهي حلوه...
.
.
الله يرحم أيام عقارية الستين pb027<<------بس ترى موعلى زمانيpb036
.
.
الله يهدينا أجمعين..bp039
.
.
المثلوثه المطوره والله ملاحظه نفس ملاحظاتك:(

سحر المعاني
30-11-2007, 03:00 AM
لا تلومونهم يا جمااااعة الخيييير (( وجه عبدالله السدحان pb027 ))

اكيد هالشئ انا اول المعترضين عليه .. لكن بعد البنات والله اني معترض عليهم :D !!! يعني بالعقل لو ما فيه بنات تلبس بنات مخصّر ومقصّر بنفس الوقت بيجون الشباب بيشوفون قدامهم بنت محتشمه ويسحون اصلا يغازلونها :D بالتالي بتنتخي ظاهره الغزل في المملكه ,,

لكن الي صاير الي الطرفين يساعدون بعد البنات يلبسون لبس مغري والشباب بعد اللهم يا كافي يلبسون لبس مغري ونص pb027 ,,

وبشكل عام الصياااعه الحمدلله سوقها ماشي بالبلد سواء بالفيصليه او المملكه او حياة مول او حتى سراديب حي منفوحه ;)








بـ الإضافة إلى هذا الرد الجميل أعتقد أنه من اللازم تطبيق عقوبات صارمة ضد من يخلق الفوضى في المجمعات التجارية أو في المنتزهات العامة

ريما بسملعلي
30-11-2007, 03:23 AM
ظاهره المغازل موجود بكل المجتمعات ...

وفعلا هي نوعا ما منتشره بمجتمعناpb093...

حلها يكون بالرقابه الصارمه...

ومعاقبة الشباب المستهتر وإحتشام البنات أعتقد لو مافيه

بنات يطقون الزين ويكشخون عا سنقت عشره pb030بالسوق ماراح

يكون فيه مغازلات بالشكل اللي قاعدين نشوفه الحين:sm1: ...

الحياه مول دايم اشوف سيارات هيئه موقفه عنده بس فاضيه :D

ليه مادري:confused:

مَـاءْ
30-11-2007, 03:53 AM
الاسواق عندنا ماتنطب بالاجازه الاسبوعيه واذا مضطره المغرب انا بالبيت يعني عندي من الصبح او الضهر او العصر
حتر بنص الاسبوع ارروح اول العصر وارجع بدري ومريحة راسي من الزحمات وهالاشكال اللي تجيب المرض لا من بناتنا ولا من عيالنا وعلى قولتكم مراهقين
لكن اللي اتعجب منه شلة بنات اكبرهم ما طقت ال15 سته ومهيتين شي يجيب الغثا

بتي فور
30-11-2007, 04:30 AM
والله هالموضوع قلق
الناس وصلوا القمر وشبابنا للحين يراكضون ورى البنت
مانختلف بغباء الشباب ومخهم الفاضي
احتقر اللي كله همه بنت تعطيه وجه ولاتاخذ رقمه
يلعن بليسك ماعندك كرامه ولا اخلاق ولاتبن:(

والله لو انها لاندزي لوهان ما سويت معها كذا >>>> ايه هين


مانختلف ان شبابنا سلنتح بس المشكله مهب بالشباب وبس

المشكله بالبنت مايهمني لبس البنت لان من وجهة نظري
مهما كانت لابسه البنت ولو مالبست عباة اصلا مهب عذر للرجال يراكض وراها ويرقمها
شبابنا مخهم مضروب بقوه يحتاج فورمات
يقولك ليه البنت تلبس مخصر ولا الفراشه ولا ملثمه
اجل تستاهل اللي يجيها وابي ارقمها بالغصب؟؟
طيب انت وش دخل اهلك هي وش لابسه؟؟

المشكله بالبنات اللي يتميلحون ولا تعال شفني ورقمني
هنا المشكله بالبنات مهب مشكلة اللبس او الميك اب او غيره
قبل ماكنا نسمع بنت ترقم ولا بنت تتميلح
يمكن صدق تبي احد يرقمها بس حتى هاللي تبي احد يرقمها يكون فيها حياء ولو شي بسيط مره مره
الحين ماهنا حياء ابد

اعرف واحد والله شوفه عيني رقمته بنت بجرير
انا اعرفه ويقرب لي
اجل بنت ترقم وتقوله خذ الرقم قبل يشوفنا احد؟؟

وغير ذا كله الشباب لما يكون فاضي ولاعنده لاشغل ولامشغله ,, لاسوق يضفه ولا ملاهي ولا سينما ولا بحر
ولا اي شي اصلا ,, باختصار ضف للثمامه ولا الكوفي او اجلس بالبيت
طبيعي يطلع للسوق ولا التحليه ويستهبل هناك
فاضي 24 ساعه وش ترجون منه؟

ع الطاري
الحين الحياة مول وش يطلع بالضبط والله اول مره اسمع به؟
ماعمري دخلت غير غرناطه ومستغرب ليه هالسوق على كبره والماركات اللي فيه بس فااااااااضي
وازين ماعندهم البطاطس المشوي بالدور الثاني:d

" قيـود"
30-11-2007, 04:36 AM
تدرون البلا وشو؟

ان جاك بززر من بزرانك يرقمك صدق صدق وقتها احس اني بقووم اهفه واسطره

اذكر مررره بزر هاه هاه 15 بالكثير اعطيه ويطالع ياحياه الشقا وش معجلك؟ ولا يرفع جواله يعني تبين رقمي بغيت اقووم اصفقه بس كظمت غيضي خفت عليه لاينهار

حياه مول ماحسيت انو فيه هالتجمهر زي المملكه الي احس ان دخلتها كني داخله ثانويه بنات وعيال مختلطه

نــو
30-11-2007, 04:54 AM
^
^
روحي له الاربعاء بالليل !
اطلعي فوق
بتمسكين راااسك !!



وما شد انتباهي ان اغلبهم من فئة المراهقين مابين 15 وأكثر

حتى المضايقات اصبحت تأتي من الأطفال
ليتهم يحارشون البنات الكبار كان اهون !
تقولين بتحقره ويروح ,
المشكله انهم بيناتهم هالبزارين العيال والبنات كلهم 14 , 15
صغااار
ويتميلحون على بعض وشله شباب ورا شله بنات والبنات يضحكون خير وش يبي ذا هاهاهاااي :confused:
هذاك اليوم والله شوفة عيني شله اكبرهم يمكن عمره 16
فجأه اخترشوو وتجمعو حول بعض .. جت خويتك ؟ جت خووويتك :confused: ؟؟
وجت الخويه :( أعطيها 14 سنه بالكثيررررر
ابعد عن ربعه شوي ومسك يدها مدري وش قال لها واستحت وراحت :(
ورجع لهم وهو مبسوط وهم فخورين بصديقهم القوي :sm1:



المشكله بالبنت مايهمني لبس البنت لان من وجهة نظري
مهما كانت لابسه البنت ولو مالبست عباة اصلا مهب عذر للرجال يراكض وراها ويرقمها
شبابنا مخهم مضروب بقوه يحتاج فورمات
يقولك ليه البنت تلبس مخصر ولا الفراشه ولا ملثمه
اجل تستاهل اللي يجيها وابي ارقمها بالغصب؟؟
طيب انت وش دخل اهلك هي وش لابسه؟؟
:d
شكراً لـ مخك الي يفكر :( bp039bp039




وصلت الفكره يالثالوله bp039
الله يصلحهم ويهدي أهلهم الي فالتينهم

فلــه
30-11-2007, 05:16 AM
ثالوله pb189 كيفك ؟! ..

تصدقين حياة مول للآن مارحت له :D ! .. مدري احس ما اهمتيت :/

الكبت .. هي مشكلة المجتمع الحقيقه ! .. ليه مثلا مانشوف شعب الامارات يسوون سوايا شعبنا ؟
ليه هم مؤودبين وراقين ؟! .. المشكله احنا , المشكلة محدده ومعروفه يبغا لها دراسه وحلول
بحيث انها تكون بعيده وماتخدش خط وحدود | ( العادات والتقاليد ) :rolleyes:
ودامك ذكرتي ان الأذى يجي من عيال الـ 15 ..لاشفتي اي حاجة منهم
بقولك هذولي اطفال مبزرهـ .. من 15 الى 19 .. حطي ( × ) على عقولهم !!
هذي رغبة منهم في التحدى والتمرد للكبار ولفت الانتباه
صدقوني احنا فينا طااقه !! .. والبعض يفجرها بطريق غير سويه
لان بحركاته هذي يحس انه ( بطل ) انا سويت .. وانا فعلت.. وهذي قالت لي ووو!!
بأفعاله يحس انه تحرر من قيود اسرته والتسلط والكبت
الي هي بدورها تتحكم بأفعاله :rolleyes:

اما البلا الحقيقي .. لاجاك فئة الراشدين ! .. من الـ 22 ..26..27..28..29 .. وطالع ,
هذولي الي ينشره عليهم .. اللهم لك الحمد .. . بعضهم عقولهم لاتنموا
يبي لهم تربية من أول وجديد مع حديثي الولاده ;) ..

~

pb189

ت م ي 100
30-11-2007, 05:41 AM
غريبه هالسوق من بد اسواق الرياض فيه فساد عظيم

وكلهم من فئة المراهقين

مو بس العيال حتى البنات

ذاك اليوم اشوف بنت ان كانت كبيره فهي بثاني متوسط الكحل والمسكره والروج احمر وحاله شكلها يضيق الصدر
تخاف عليها من العماله طايره عيونهم فيها :(

مفروض الاهل يربون بناتهم من يومهم صغار يحببونهم بالستر

والعيال حاله ثانيه يعني من يومهم صغير مفروض ياخذه ابوه معه لمجالس الرجال ويبين له ان هذا مكانه

موب سوقه ومغازل

وهذي وجة نظر


عوافي على الموضوع bp039

خفوق
30-11-2007, 06:48 AM
انا مايكوي قلبي الا ان اغلبهم اجانب

وين مارحت لقيت هالاجانب

وعيالنا يشوفونهم ويقلدونهم

كنه من زين الوجيه الحين


المشكله عندنا

ان مافيه اماكن تضف هالشلل

مالهم الا التسدح قدام بيبان المجمعات

خلهم يسوون لهم عرض ازياء:d

البنطلونات فيه اوسع شوي

وطالعه على فوق اكثر :d

وشعور ادميه..مهوب الواحد منهم كنه طير ف موسم تزاوج


هذا حلي الحنون الرقيق

اما حلي العنيف المليان بالتعسف و الترجيف

هو انهم يتعاملون مع الوضع تعامل "جمهره" ف التفحيط

اي واحد مكوم له شله و جالس عند الباب"جمهره" ينمسك ويخالف وبعدها تشوفون السوق كيف بيفضى


اساسً لو تقيسون اللي صاير بتلاقونه فعلاً جمهره

هذاك تفحيط وهذا مصيعه

والرسول ف النهايه نهى عن الجلوس ف الطريق لانه يضايق الناس و يأذيهم

وانا اميل للحل الثاني اكثر

واشوفه الحل الامثل والمناسب

خاااش غلطْ
30-11-2007, 01:24 PM
الحل انهم يفتحون مراقص وكباريهات .. :) ..pb027

لا سمعت هالسواليف احمد ربي انه ماحط بقلبي حب السوق .. :D

ولا مادري وش كان بيصير لي ههههههههه ... يااني اكره بشكل .. قللق .. :D

بس من رأيي الحل هو ..

1- ان الهيئة والامن يمشون نظامهم على الكل .. مهب ناس وناس .. وفاهمين قصدي .. :rolleyes:

2- العقوبات الصارمة .. جلد .. وغرامة .. وسجن ..

لو مشوا على هالنظام .. هالظاهرة ان شاء الله بتختفي مع الوقت ..

ورد هانم
30-11-2007, 01:27 PM
تقع بحي الملك فهد شمال الرياض
على طريق الملك عبد الله تقاطع الملك عبد تالعزيز
جنب صحارى
وقدام الساحة العسكرية بالضبط
وجنب شارع الإتصالات

<< وصف دقيق

اذا ما عرفتي قولي لي اسدح لك مكانها بقوقل ايرث ;)


ياعلك سالمه ..bp039
الا ..متى فتح ! ؟؟

على كثر جياتنا للرياض ،، ماسمعت عنه ،، ولادخلناه
/،،/

وعلى قوقل ،، اذا قربت جيتنا ،، بقولك تسدحين صورته pb027
الله يخلي لنا رادشنا ومراكزنا :rolleyes:
التعليقات بواد ،، وهي بـواد ..! :D

Silver Shadow
30-11-2007, 03:24 PM
كبت , كبت , كبت بكل مكان اسمع هالكلمه فلان غازل ايه والله من الكبت وفلان رقص بالشارع ايه والله من الكبت حفظت الكلمه هذي لين صارت مخزنه بالهارد دسك عندي مثل شعار نوكيا لا فتحت الجوال حتى مره مسكتني الدوريه السريه مسرع قالي ليه تسرع قلت له وش اسوي من الكبت :D


اي كبت اللي يخلي شباب يتجردون من اخلاقهم وقيمهم ويسوون حركات لا الدين ولا المجتمع يرضى بها !!


الى متى نخلي الكبت شماعه لافعالهم ؟ ليه الاجيال اللي سبقتنا تعلموا المرجله والسناعه ولا صاعوا ودشروا مع انهم كانوا مكبوتين اكثر مننا ولا كان عندهم وسائل ترفيه موب مثل اللحين يالله لك الحمد كل شي ميسر ومتوفر !! السبب الاول والاخير اللي خلانا نشوف هالعينات التربيه والتربيه ثم التربيه !!


تلقين الاب 24 ساعه مسافر اما دشره او ظروف عمل ومطنش عياله ولا يشوفهم الا بالشهر مره او مرتين والام مهيته عيالها وبناتها بنهاية الاسبوع تعطيهم المصروف وتقول للسواق ودهم للي يبون ( طبعا السواق في حال كونهم مبزره ) وهي تروح تهيت بعزايم وعروس واجتماعات ولا تدري عن عيالها وبناتها وين يروحون ولا وش يسوون !!


اذا كان فيه وازع ديني + تربيه صحيحه ما اتوقع راح نشوف مثل هالعينيات !!



اما ان كانوا شيبان فما اقول الا الحمد لله على نعمة العقل !! رجال الواحد منهم لو اعرس جاه عيال يلبس لو وست وفنيلة ضيقة شاااده على جسمه لو تشوفه جتك كتمه فما بالك باللي لابسها ( عاد ياليت جسمه زين يشفع له :)) وشعره مسوي فيه حركات ولابس سلسال وحاط اسواره وبعضهم يحطون طوق او مدري وشو مثل اللاعبين :D


هذا اللي نشوفه اسمه مسخره وقلة حيا وابدا ما كان الكبت عذر لهم !!



وحتى بعض البنات بعد مسخره وقلة حيا :D تجيك لابسه برمودا ضيييق وفنيلة صغيره طالع سرها يتدودل يا جعل سرك للخرم:D وعبايه ضيقه ومفتوحه من قدام والسيقان والمقدمه كلها طالعه !! يعني بتخققين الشباب على سيقانك يا ظلال سعاد حسني :D ويبدون يلاحقونك وتجين تنزلين موضوع متى الشباب يعقلون ويتركون الملاحق والمغازل :(



المهم نهاية الاسبوع الجاي ان صار فيه قلة حياء علموني خل ادق على عمي نايف يقطع عليهم الكهرب pb192

BSH
30-11-2007, 03:41 PM
.
×

يآ ذآ البزآرين القلق :( ..

قضينآ من المملكه جتنآ حيآهـ مول :(

الله يصلحهم بس والا يآخذهم :d

الثآلوله .. وردهـ ..

×
.

ebn-al-wafa
30-11-2007, 04:11 PM
خخخخخخخخخخخخخخخخخخخخخخخخخخخخخخخخخخخخ
يوم تشوفين بزر يغازل عطيه حلاوه وخليه يروح pb027
//
الاسواق قليل بالمره اروح لها ..عشان كذا مدري هم وش يسوون يغازلون ولا يشترون <- افلقني يشترون pb027
تجمع الشباب امام الاسواق بعضهم بس وده يجرب شلون يغازل pb027
وبعضهم بس يقزز لين يطفش ويروح pb036

بعض الشباب اذا شاف بنت لبسها محترم ما يتكلم عليها !pb192
وبعضهم ما يفكر محترمه او ماهي محترمه ماخذ نظره ان كل بنت "تقبل تاخذ الرقم"pb036

فـ مستحيل الشباب يبتعدون عن مكان يتواجد فيه بنات يالله بروح أشوف هالسوق وأجرب ارقم بنات خخخ <-- ولا مره جرب pb192خخخخ أمزح لا أحد يصدق خخخ bp039pb094

الراهي
30-11-2007, 07:59 PM
متي تكبر عقولكم ايها الشباب ؟؟؟؟




:sm12:bp039

ليــــــان
30-11-2007, 09:00 PM
حتى انا استغربت لما رحت امس فوضى حتى اني شفت صغار عمرهم 13 وفوق يسبون الشباب الي اكبر منهم
بدون مااحد يتكلم عليهم ويقلدون نقر:sm4:

YounG..LadY
30-11-2007, 09:40 PM
قسم بالله جبتيها ع الجرح :(


اذكر سالفه صارت قدامي قسم بالله انها جد بنتين اعمارهم تقريبا ب11 و 12 يتمشون ومرو من عندهم شباب يعني اقل شي تعطيهم 25 مر من جنب البنيه مدري وش قال التفتت بكل نعومه ثمن قالت : ياقلبيييه


والله اني جلست ساعه مطيره عيوني بستوعب وش هاللي صار :(


الحمد لله اللي عافانا مما ابتلاهم به :(

Chili's
30-11-2007, 10:04 PM
فعلاً شي غريب وملفت نهاية الأسبوع

اليوم توني جاي من كريسبي
وكنت سامع كلام أحلى سوسو
قلت لبنت اخوي صوري دوناتهم اللي يسوون
لأنها أجرأ مني بصراحة
عاد انا رحت احاسب
شوي تسحبني بنت اخوي الثانية تقول شف شف
يوم التفت
والاقي الفلبينيين اللي من داخل يطاااامرون ويضحكون ويناقزون : |
اثرهم مبسوطين وهي قاعدة تصور ههههه
بس المهم ماعطونا دونات
بس انهم رهيبين

sho0oshe
30-11-2007, 10:10 PM
هالكلام من ربي خلقنا وحنا نسمعه :sm5:

عيالنا بناتنا مدري ايش

ياخي العيال هذولا منهم ؟ موب انت وهو واللي جنبك وخالك وجدك

البنات منهم ؟ مو انا وانتي واختي وبنت عمك


يعني مشكلتنا اننا نعرف ان هذا الشي غلط .. بس بسويه كيفي بوسع صدري :mad:

ولا فلان تحداني .. والله كل الناس يسون هالشي يعني وقفت علي انا :D

اعرف انه غلط بس الله غفور رحيم

اعذار محفوظه من كثر ما انقالت :mad:

pb093


انا هنا اتكلم عن التعليقات السخيفه والبنات اللي يتميلحون

اما سالفه واحد يرقص بالشارع وش عليكم منه خلوه يرقص مسكين :D

يعني دامه يرقص بلحاه وما اذى احد بالطقاق ان شاء الله يصير فيفي عبدوو



اخر حل اكتشفته

ان الواحد يسوي اللي عليه يتستر ويمشي بطريقه ويقفل اذانه ;)

وعاد هو اللي سوا اللي عليه وارضى ربه :D


يجي واحد يتميلح يجي واحد يعلق عاد ذنبه على جنبه انا سويت اللي علي .. هو عقليته متخلفه انا منيب ملزومه
ارفع ضغطي وينحرق دمي طول اليوم

على واحد عنده خلل دماغي ولا فاضي وقرر يتسلى شوي .. اوبيشوف هو خفيف دم ولا لاء


تراني كاتبه الرد وانا نايمه لحد يدقق pb027

الثقل صنعهـ
30-11-2007, 10:36 PM
كبت كبت كبت مكبوت مكبوتين ترا صجيتونا بهاالكلمه اللي يسمعهم يقول صاكين عليهم بقدر ضغط.!!

الا ماشاء الله عليهم كل اللي يبونه يسوونه مايحتاج نسرد قائمة الممنوعات اللي ماخذين راحتهم فيها هذا غير الويك اند المقتدر ببيروت والقاهره وغيرهم بالبحرين ودبي يعني لنكن واقعيين ليه الكبت هو الشماعه اللي تعلقون عليها اغلاطكم من جد لييييييييه

قولو فراغ \ قلة دين \ قلة تربيه \ مشاكل نفسيه منها حب الظهور
\قلة حيا صغر عقل اي شي مو كله كبت

التسكع كبت التفجيرات كبت السفر والدجه كبت والشراب كبت والتدخين كبت والشـ...؟؟ بعد كبت؟

سيرة الحب
30-11-2007, 10:51 PM
أثر كلكم ملاحظين pb036
رحت لها مرتين وارتعت من الزحمممممممممة
المشكلة مهيب مشكلة مغازل وشباب وبنات
المشكلة ماعاد فيه براءة pb036
اخر خمس سنين البنات تغيروا بدرجه كبيرة
اوب سالفة عبايات .. سالفة قواة الوجه اللي فيهم pb027
الله يهديهم بس ..
وصراحة اللوم الكبير على الأهل يعني الصغار في هالفترة
ماينعطون الحرية الكاملة ...
معليش تطلع مع صديقاتها للسوق بس تكون معها الام وتصرف نفسها
ولا تبين انها جاية عشان بنتها لا كأن لها غرض من السوق او شي


اما الشباب .. كل شي ممكن استوعبه في الدنيا
الا هاللي يدورون عند السوق pb027
وش المتعه في هذي بس ..
لو اني ولد وفاااااااااااااااضي لين اقول بس اخر شي افكر اسويه هالدوران من غير سنع

تحياتي

الثالولة
30-11-2007, 11:53 PM
أشكر الكل على الرد والتعقيب bp039

remoO
01-12-2007, 12:18 AM
من جد شي يجيب المرض غثوونا هالمبزره

C A N D Y
01-12-2007, 01:27 AM
انا خبري الكبت يؤدي للانتحار خخخخخخخخ
مب للدجة عند الاسواقpb034
لحد يصدق ويروح ينتحر

الموضوع والنقاش فيه بيتعبنا ويقهرنا زود:(
بس انا في بالي سؤال ودي اعرف جوابه
الحين الي يغازل وماله شغله غير الملاحق والترزز والتميلح
وشلون مايستصغر نفسه؟؟؟:(
وربي افكر فيها مستحيل اسوي شي يقلل من قدري لهدرجة
ربي ميزنا عن باقي مخلوقاته ورزقنا عقل نفكر فيه
موب كل شي حطيناه ع الكبت
يعني عشانهم منعوك من دخول "السوق"
فانت انسان مكبوت محطم و مهشم pb093

اجل البنت الي ماتطلع من بيتها طول الاسبوع
ويوم الخميس" اطلاق سراحها"
يعني عادي تطلع بالشارع و تمسك خلق الله وتكفخهم!!
حرام البنت مكبوتة pb036pb093!


اذا بتسوي شي سوه حالك حال نفسك
مب تأذي خلق الله وتزيد الزحمة ع الفاضيpb030


مافي احسن من الي عايش جوه لا همه الي ع يمينه ولايساره
اقلها يكون مريّح باله
وتراها مفيده لراحه الرقبة والعيون :cool:


خلونا نرتقي شوي
انت هو انتي هي انا
الكلام والتشكي ماراح يفيدنا
شوي شوي نحسن من انفسنا و باذنه تعالى نكون من افضل واحس الشعوب
ونرجع عز السيفين والنخلة
الشتا ع الابواب روحو المخيمات يكفي سعه الصدر الي فيهاpb189 وطلعو كل ابو كبتكم هناك
اجتمعو بمكان يسمحون انكم تدخلون وياكثرها ذي الاماكن واستانسو فيها
واذا مليتو الله يخلي ملحق البيت :D
وبالعطل سافرو غيرو جوpb030



ثالولة bp039

الآكورديـة
01-12-2007, 01:37 AM
والله صادقه هالمول فيه محلات مرررره حلوه والدانوب اولها pb189 بس هاللي فيه خلونا نكره نروحه ..
في ايام اجازه اجتماع الاوبك كنت هناك مع اهلي شوي الا انواع الازعاج والصياح قمت من زود اللقافه اناظر وش فيه الا تقريبا عشره اولاد من سن 15 وفوق لابسين زي فنانين الروك الامريكيين وداخلين من البوابه ومعاهم مسجل وهاتك رقص وصياح والسكيورتيه يحاولون يطلعونهم pb093 وبالاخير طردوهم كل ابوهم وانا مسويه كذا pb036 .. لاااااااااا ويزعلون اذا قلنا لهم مالكم مكان هنا .. بلاه من فعايلهم pb093 ..

كاس منكسر
01-12-2007, 02:45 AM
ههههـ من جد انا كنت من الناس المحبين للذهاب لهذه الاماكن الفيصليه والمملكه وحياه مول اول ما فتح

صح كان فيه امور غريبه بهذا السوق بس انا لي يمكن شهرين ما دخلت الا الفيصليه علشان بس امي تبي تاخذ كم غرض

بســ مدري وش اقول زحمه زحمه زحمه وخصوصا حياه مول الامر الغريب صح منضري كان منضر ولد يبغى يغازل pb094 لابس برموده ولبس حلو وشعري بعد مضبطه بس انا كذا احب اتزين

وعند الباب واقف استنى امي لتدخلني هناك لان عيال خالتي وخاللاتي هناك مجمعين يلعبون البزارين وانا كنت ظفشان :D

واذا بقروب من البنات جو يبغون يدخلوني وانا كنت استنى امي تاخرت علي فدخلت معهم pb094 بس دخلو وعلى طول هجيت ;) يوم رحت على المطاعم اذا بالسكيرتي يوقفني يقول اهلك قلت هم جوا قال لازم يجون pb131

واذا بمجموعه من الفتيات ياشرون لي من عند طاوله انا قلت هذا هم اهلي وادخل فشكرت الفتاه pb094

ودخلت والله اول مره اسوي كذا انا محترم pb036 بس يالله والله والله والله واللله وااللللله والللللللله واااالللللللللهههههههه

انيانا ولد تعرضت من مضايقات من بنات كاني بنت هم يلاحقوني pb036 الدعوه انقلبت ياعالم
من كل جه يرمقونني النظرات ومن كل جهه القا التعليقات والكلام

بس بصراح احس اني خارج المملكه

يالله يازين السوق على الظهر او العصر فاضي :D

M-A-S
01-12-2007, 03:34 AM
pb093pb093نعم مظلومين حنا pb192يوم الخميس رايح لحياة مول وشفت هوايل وكلهم مبزرة الابتدائيه واوف الساعه 12 نبي نطلع قعدنا 35دقيقه لين طلعنا من هشباب الطايشين:sm12:وش عنده المهم ونا اذكر الهيئة مسنتره هناك والخميس ذا ماشفتهم بس من جد ذل بزارين تطورو بس كل واحد يسئل نفسه سوئل انت تدري وين عيالك يروحون الاربعاء والخميس؟؟؟في عالم مايدرون عن عيالهم شي بس وش تقول الله يستر علي المسلمين اجمعين.bp039bp039

الثالولة
01-12-2007, 05:47 AM
الحين الي يغازل وماله شغله غير الملاحق والترزز والتميلح
وشلون مايستصغر نفسه؟؟؟
لأانه ياحبيبتي هو صغير

مو الصغربالعمر بس
حتى ( بالعقل )

شبابيـkـ الحُ ـب
01-12-2007, 09:35 AM
"كرتونة غلا" .. bp039

طيب هدي اعصابك واشربي كاسة ليمون :D الدعوه نقاش وكلام ينقال بمنتدى ..!!

اعـصـاابـي بمـويـا بـارده pb024 bp039


انا وصديقي الجديد FrEaKy :Dpb189 ما كنا نقصد ان السبب بهالشئ هو الشباب فقط .. وحنا صادقين :D , يعني الطرفين يساعدون بعضهم على هذا الشئ ..

سبـق وقـلت فيـه بنـات صـايعـات وفيـه شبـاب منتهيـه صـلاحيـاتهـم ..http://up.eqla3.com/up/get-12-2007-hp535ahn.gif

بـس المجتمـع ثـلاثة اربـاعه صـيـاعه وكل همّـه تـرقيـم هـذي كـارثـه وربـي :eek: pb036


يعني طيب لنفرض انه فيه شباب والله وجالسين واغاني واخر صياااعه :D بس كل يوم ما يشوفون الا بنات لابسين عبيابات محتشمه ..!! وش بيجلسهم بهالمكان اليوم الثاني ؟ بيطفشون ويرووحون يدورون مكان ثاني لأن الشباب الي هنا همهم القزقزه pb034 وهالشئ ما بيحلصونه في وجود بنات محتشمات ...!! واكيد بيطفشون ويروحون لمكان ثاني يدورون فيه على بنات من النوع الي عليه الطلب لأنه لو جلس بهالمكان ما بيشوف شئ .. بيشوف وحده لابسه عبايتها وماشيه مهوب وحده لابسه عباية اختها الصغيره الي اطول منها وماشيه ;)

سبحـان الله ياعليـك مـخ منخـرم ياقهـرانت وخـويـك :D


الحـين تـروحـون تعلقـون بـلاويـكم على البنـات وتـرجعـون لاشعـوريـاً تأكـدون السـبب اللـي سبـق وقلتـه واصـرّيـت عليـه ان الشبـاب مـو متـربيـن http://up.eqla3.com/up/get-12-2007-hp535ahn.gif

الحيـن تقـولـي كـل همهـم يغـازلـون ويقـزقـزون ..ايـه ليـش لان ماوراهـم احـد يربيهـم pb093

اهـلهـم جابـوهـم وهيتوهـم على النـاس ازعـاج واذيـه بخـلق الله ..الله يبيــدهم ونـرتـاح منهـم http://up.eqla3.com/up/get-12-2007-hp535ahn.gif

لمـن نتكـلم عن قضيـه اجتمـاعيـه يااخ قهــر ..

نـدور الحـلول الجـذريـه ونـعـالج المشكـله مانتعـذر ونبـرر لذيـك الفئـه اللـي يعتبـرون مـن حـثـالة المجتمـع افعــالهـم الغيـر مقبـوله:sm4:

بحجـة ان البـنت تسـوي وتفعـل ..بجهنـم اللـي تحـرقهـا انت وش دخـل ابـوك فيهـا مـنـت بـولي امـرهـا ..

خـلك بنفسـك انا مايضحكنـي على غبـائه الا اللـي لا قـلـنا له ليـه تغـازل وتضـايق خلق الله .. يقـول (هـي تبـي) لاقلنـا له وش دراك ..؟؟؟

قال لو ماتبـي ماسـوت ومافعـلت ومالبسـت ..كـل تبـن ياشيـخ طـيب لابـغت هـي تـدشر ولبسـت عبـاة مفتوحـه و زفت
انت مثـل الكـلب يعنـي تنتـظــر طقـة اصبـع منهـا عشـان تـدشـر معهـاpb093


وتـلاحـظ هـالأعـذار مـن راعيـن القـزقـزه جعـل عيـونهـم الفقـع pb034

طيـب يالمتـربـي ماعلمـوك اهـلك ماتقـزقـز ببنـات النـاس ؟؟ ماعلمـك دينـك غـض النظـر pb036

ولا واااحـد ممنـوع يـدخـل مجمـع يجـي و يقعـد عنـد البـاب.. ليش طيب داق هالمشـوار كلـه وهـو مهـو داخـل؟؟؟؟؟؟

لانه يبـي يـغـازل ..ليــه؟؟؟ لانـه مهـو متـربـي ;)

ولا حـظ انك قـلت بيـدور غيـرها من بنـات الطـلب <<< = ان الـولـد مـو متـربـي واخـلاقـه بالحضـيـض:sm5:

ارجـع اقـول اغـلب شبـابنـا منحطـيـن لأبعـد حـد مالهـم اعـذار ولا مبـررات مقنعـه غيـر انهـم بلا كـرامـه ولا اخـلاق وعديميـن تـربيـه وهـذا هـو الواضـح http://up.eqla3.com/up/get-12-2007-hp535ahn.gif


قهـر لك انت وصـديقـك الجـديـد :D >> bp039 bp039

وان شـاء الله ماتكـون تبـريـراتـكـم لهالفئـه الكحيـانه لانكـم منهـم http://up.eqla3.com/up/get-12-2007-hp535ahn.gif


.
.

.


اخر خمس سنين البنات تغيروا بدرجه كبيرة
اوب سالفة عبايات .. سالفة قواة الوجه اللي فيهم


ايـه البنـات مكبـوتيـن مكبـوتيـن مكبـوتيـن pb034

اجـل الشبـاب يطلعـون ويدخلـون على كيفهـم ..ويغـازلـون ويطلعـون ذيـابـه والبنـات لا pb034

حتـى البنـات ذيـابـه pb192 pb093


حتى انا استغربت لما رحت امس فوضى حتى اني شفت صغار عمرهم 13 وفوق يسبون الشباب الي اكبر منهم

الا تقريبا عشره اولاد من سن 15 وفوق لابسين زي فنانين الروك الامريكيين وداخلين من البوابه ومعاهم مسجل وهاتك رقص وصياح والسكيورتيه يحاولون يطلعونهم

ايـه حتـى الاطفــال مكبـوتيـن مكبـوتيـن مكبـوتيـن pb034

كـل شـي ممنـوع وعيـب اول مايكبـرون مايخلـون شـي ماسـووه (اسم ان حنـا كبـار pb036 ) <<قـدوه فاسـده سببهـا الشبـاب الفاسـد pb093




الله لايخسـف بنـا ولا يعاقبنـا على اللـي وصلنـاله :( :sm12:

Hayo
01-12-2007, 11:07 AM
مثل هالاشكال شكله ونظرته لنفسه هم اهم شي عنده
فالحل الوحيد معهم انك تطالعينهم من بعيد وتأشرين عليه وتضحكين كنك تستهزين فيه عشان يتعقد ويتفشل pb027 << كننا ناقصين اجيال معقدةpb027

njm_saheel
01-12-2007, 03:16 PM
الحل في البنت للي تروح للمجمعات لو تسترت ولبسة لبس المسلمين ما كان شغنا الاشكال في الاسواق
اساس البلا من البنات وهن اهل الفتنة في كل زمان وماكن
هذا بحتصار

فرحتي
01-12-2007, 06:37 PM
ياناس ان استغرب من شي واحد بس
انه كيف تلومون البنت ام 15 سنه انها تسوي \ا الشي ولا تلومون اهلها اللي تاركين الحبل عا الغارب السواق عند الباب والجيب عامر
وانتبهي لنفسك حبيبتي ولا تتاخرين ok
وش ترجون با اللهي يسون لا وتلقاها محمله بنات خالاتها اللي بعمرها اصلا اللي بها العمر لمن يتجمعون يشجعون بعض غالبا عا الخراب وكل واحد يقول انا الجرئ
بتقول لو حرمناهم بيكون كبت انا اوافقك الكلام
بس ما اقول احرم البنت لا
تطلع وقت ما تبي ومتى ما تبي ترجع بشرط تكون معاها حرمه فاهمه وعاقله
وبس ......سلامو

MAHAWY
01-12-2007, 07:51 PM
الحل في البنت للي تروح للمجمعات لو تسترت ولبسة لبس المسلمين ما كان شغنا الاشكال في الاسواق
اساس البلا من البنات وهن اهل الفتنة في كل زمان وماكن
هذا بحتصار

لا والله صدق عاد :D
اللحين لو تلقى بنت متستره ومافيها شي ماخلوها لحالها :D؟!
مساكين هالبنات كل شي فوق راسهم :(pb189

مثل هالاشكال شكله ونظرته لنفسه هم اهم شي عنده
فالحل الوحيد معهم انك تطالعينهم من بعيد وتأشرين عليه وتضحكين كنك تستهزين فيه عشان يتعقد ويتفشل pb027 << كننا ناقصين اجيال معقدة
لا جبتها بصراحه الحل هذا هو اللي ينفع :rolleyes:

:

متابعه للموضوع pb189

واااااو
01-12-2007, 08:11 PM
والله من ناحية بزارين حياة مول قلعتهم
انا اللي قاهرني هالشباب الي يقولون ان البنات الي فيه يفتنونا بمكياجهم مع اني يوم شفت وجيههم بغيت اطرش
الشي الوحيد اللي اعرفه ومتاكده منه ان البنت لوحطت ميك اب تطلع حلوه (حتى لو كانت في الاصل شيفه )
الا بزارين حياة حتى بالميك اب شيووووووووووووووون


اقول بنات قد عمركم شفتو كحل واصل لنص الخد

KiNG ToTTi
01-12-2007, 09:02 PM
ميهب مساله كبت يعني الناس العاقلين مهوب مكبوتين !!
المساله مساله صيااعه !

غـدو
01-12-2007, 11:00 PM
.

وقسم إنهم مهابيل مين يحصل له سيارة وبر ولا يكشت :D

لاحظت إن المملكة صايرة كلها بنات 15 _ 13 اشكالهم أنواااع السلنتح pb071

وحياة مول كنت واقفه برا انتظر والله إني انهبل إذا مروا شله شباب اول شئ اعدادهم كبيرة تلقاه يجمع كل عيال

فصله ( على اساس إنهم مبزرة ) والكبار بعد ماقصروا يدورون بالسيارات :D وتعالي شوفي الأشكال الحمد لله :D

وقسم ودي اعكرف لهم عشان أحسسهم بأنفسم :D هم وخرابيطهم ،مصدقين الحين إنهم اجانب :D والله مايملح

السعودي إلا الثوب pb071 وغيره تقل هندي :D الله من أبو مرة ومرة شفت هندي طلع سعودي pb027

المهم .. اركدوا يملا الراكود اللي يركدكم pb071 مع إني عارفة مهوب مركدكم إلا الموت pb027

حياك الله bp039

Saudi-4-EvEr
01-12-2007, 11:43 PM
مرحباً ,,
bp039
الحين انا قبل كم يوم رايح مع الأهل ..

والله لا شفت زحمة ولا من الكلام الي تقولينه ..:confused:

بخصوص الصرعات الي طايحين فيها الشباب هالأيامpb024

قسما اني ماعمري شفت شخص غربي مسوي الي مسوينه pb036 لووووووووووووووول

بعدين لاصار مع اهله خليه ينبسط ويسوي اشجار بشعره وش وراه خخخ :sm5:

بخصوص الزحمة ,, ماعمري شفت زحمة , دايم اودي اهلي وانزل معهم ولا اشوف من هالزحمة الي تقولينها ,, اوقف عند البوابة وانزل الأهل pb093
لافيه زحمة ولا شيء !!pb093

وبخصوص البنات , ,{ التربيه تلعب دور } . ;)

دوتس bp039bp039

ميشو الشقردي
02-12-2007, 01:39 AM
عدناااااااا ...

أيها الربع .. أيها الربعات << للإناث :) ...

المسالة مهي مسألة بنت صغيرة ولا ولد صغير .. المسألة أكبر من كذا .. وبعدين مو بس بحياة مول الدشرة هذي .. روحوا شوفوا خواتها بنات مول .. بتلقون أكثر وأكثر .. وبعدين على فكرة ..

احذروا رجال الأمن .. عمال النظافة .. عمال التشغيل بصفة عامة بأية مول .. تراهم ملا!!!! خيير وليس كلهم .. وانما البعض منهم .. وشرايكم بالسيكورتي اللي يرقم ؟!! قسم بالله اني شايف سيكورتي يرقم .. يوم شافني اني شفته قام يتبسم .. يقول عادي عادي .. عاد هو ذل مني وقام يسولف وعلى باله ان الدعوى شبابية .. وانا من داخلي مولع شرار بس لاحترام للذوق العام ماودي اشرشحه وافقع وجهه .. بس قلت له كلمتين .. قلت الشرهه ماهي عليك على اللي موظفك هنا .. تفلت في وجهه .. ومشيت .. عاد اللي غابني ان البنت اللي خذت الرقم وحده دميييييييييرة .. تطرح الطير من السماء .. يعني ماجاز لها الا شين الحلايا ؟؟ .. ما اقول الا الله يستر ..

:

انا شفت ردودكم وتعليقاتكم اسم الله عليكم .. لقيتها كلها تشذب وتستنكر اللي صاير .. بس ابي شخص يجي ويمدح اللي صاير بالمول .. لأن فيه أسئلة حايرة بداخلي ودي أسئله اياه ...

:

شفتوا الموضة اللي صايره اللحين ... اربع ينات كبار يمشون معهم بنت عمرها صغير .. لابسة ومتكشخه ومسويه تسريحة ومكياج .. يسمونها كتالوج .. الله يخلف على ام جابتك .. انا اخبر الكاتلوج يجي صور ومجلات .. ماهو آوادم هههههههههه

وش قصدهم من هالحركة ؟؟؟

:

نصيحة للشباب آبائي .. ترا ما يجي من ورا هالمغازل وهالترزز وهالفرارة الا ...
وجع الراس من كثر الفرارة والدوران .. الفقر من كل يوم معبي موترك بنزين بخمسين ريال .. لحست المخ والفشيلة من انك ترقم بنتين بيوم واحد وبعدين تلخبط بينهم ويطيح وجهك وتتفشل .. احفظ ماء وجهك ولا تغازل .. ولا يمكن ترقم لك وحده قد رقمتها من قبل .. وش بتقول لها ؟؟ الكاميرا الخفية ؟؟ بتقولك التعلة الخفية اللي بتشق وجهك خخخخخ ..
(( استر على محارم الناس واحفظها .. عشان الناس يسترون على محارمك ويحفظونها ))

:

للفتيات ..
مدري وش اقولكم يا امهاتي .. بس ترا عيب هاللي يصير وهاللي يسوون بعض البنات .. وش بتقولين اذا كبرتي وعقلتي عن نفسك ووش سويتي وانتي صغيرة .. اروح للسوق عشان اترقم ؟؟ ولا عشان ادخل شباب ؟ ولا عشان اروح العب واهيص واغازل واستهبل على الشباب والاولاد ؟؟ .. انا استحيت وانا اكتب هالكلام .. اجل وشلون لو طلع من خاطرك .. وبعدين حاجه مو حلوة انك تلبسين عباية اختك الصغيرة .. ولا عباية يشمر قماشها من اول غسله :) ..
اتوقع من الادب واحترامًا للهوايات اني اذ ابغيت ارسم رسمة شجرة او ارسم رسمة فيل ارسمها على ورقة مو ارسمها على وجهي هههههههه .. اجل احد يحط مكياج اخضر ولا اصفر ؟؟ وععععععع .. وبعدين يالله من فضلك كل ماركة ملابس تجيب مقاسات لكل الاعمار .. يعني هي حبكت منكم يابنات ام 17 وَ 18 على لبس ملابس مقاس أطفال ؟؟؟

واخزياه بس .. عاد من زين الطبايع .. لو تسألها عن معنى كلمة .. ملاس ؟ ما تعرف ..

:

أحس اني كثرت كلام وكثرت هرج ..
لعل للحديث بقية ..

:

تحياتي واحتراماتي واشواقي وبوساتي واستسماحاتي وكل شي حلو مني لكم يا حلوين وياحلوات ..

الصحافـ تسوونامي ـ
02-12-2007, 03:33 AM
اخر الزمان
تنقلب الايه ... صار الرجال هو الي لازم يجيب معاه محرم !!!
ولااااا مستغربه بعد ان الشباب يبون يدخلون :d

انها زحلطن
02-12-2007, 02:02 PM
اقول بنات قد عمركم شفتو كحل واصل لنص الخد[/COLOR][/QUOTE]


حلوووووووووووووووووووووووة يالعنود..والله ضحكتيني
لا وبعد الشدو لاتنسينه اللي يوصل للأذن..ماأدري وش يحسون به
هالبزرات..شدو وكحل وبلاشر والله ولاكأني بروح عرس ومو أي عرس
عرس أحد من أهلي (حشى)..

رجاء لاأحد يعلق على ردي ويقول مراهقه ومراهقه..
كلنا مرينا بالمراهقه وماسوينا اللي سووه هالبزرات والبزران..
وعلى فكره مافي شيء خلاهم يتمادون بالغلط الا انهم شافوا الكل يقول:
مراهقين ولازم يعيشون حياتهم..

ولا وش رايك يالعنود؟؟
(خلاص صرنا صديقات)من يبي ينضم للشله يا صبايا؟؟

o0o Ro0omA o0o
02-12-2007, 02:56 PM
هههههههههههههه مليانه هالاشكال عندنا

الا بيسوون امريكان بالغصب:d

مرقت بصل
02-12-2007, 04:57 PM
يووووووه قديمين انتم
خخخخخخخخخخخخخخ وذا المبزره لين الحين ماعقلوا <<<<صار له سنه ماطب السعوديه الا مره

الا على طاري المبزره فدركرز لين احين زحمه الاربعاء؟

ناصر المغرم
02-12-2007, 05:25 PM
اللي قبلي غطوووو وكفوووو


بس لي وجهات نظر لتوضيح الحال وليس دفاع

والف شكر على الموضوع الحلو

واضح
02-12-2007, 05:42 PM
.
.
.
يعطيكم العافيه ونشكر صاحب الموضوع

الموضوع خذا حقه من النقاش ونشوفكم بموضوع ثاني