PDA

عرض كامل الموضوع : هيه يا زمن الخيانة .... حتي انتي تخونيني>>> ممنوع دخول الصاحيين


cher
26-11-2007, 06:56 PM
التحميل من هنا (http://up.eqla3.com/up/get-11-2007-avonzd04.jpg)

هيه يا زمن الخيانة والبعد والهجران وكل مفردات الحزن بهالديره:sm1:

الله من ضيقة النفس هي ناقصتها ضيقة :(
اجل ذي اخرتها تجيني الطعنه من الاحباب:sm1:
انا قلت المرندا اذا تطورو كفروا ... لكن حتي انتي يا غرشة الببسي خنتيني .. :D

قالولي صرتي بريالين قلت لااا ما يسوونها الله يرحم ايام ما كان العائلي بريالين ونص لين ما ادمنه الشعبpb034
وصار بخمس ثم رجع اربع ريال صج يهود بس ما يسونها :(

قالولي القرار بعد شهر قلت ماشاء الله لجل عيونك يرخص الريالين ...pb189وسالت سؤال على الطاير اجل البربيكان والفيروز كم وصلوا:(:(

لكن الي شفته اليوم ... سببلي صدمة نفسية .. :eek:
ليتها ريال ريالين:rolleyes:
ليتها ثلاث:(
لهالدرجة ... صوروا لنا كيف صرنا .. رايحين فيها:sm1:

لهالدرجه صار يسوي الريال pb036:eek::(

اجل قزازة الببسي الي تخبرونها صارت نص الاولية:D

لماذا :(

مستحين ترفعون السعر عادي يا حبايبي غمه سوده وتختفي ويمكن اتهور واتركم يا مال العمي ... :D
لكن ترتكبون جريمة بحق قزازتي عشرت عمر الي للحين ما ... نسيت الاولية ام نص ريال ونص تأمين>> حقد مغبر:D

تجيبون لي هذي الي مدري هي قزازة ولا سن توب ...:(:(

ياهي تقهر تقهر والله لا تضحكون علي عادي الزياده الي بريال صار ريالين لكن ...
لما تحس الواقع متمثل في قزازه تنغبن وودك تطقها بكوه لين الصباح:sm1:

احس هالقزازه تعبير عن الليالي السوده الي راح نشوفها يعني انتوا يا الاولين الي هم جيل الاغنياء حنا
بكرا عيالكم زين عرفوا يشترون ... فتحت الببسي خخخخخخخخخ:D

يعني:(

لو صار الخبز بريالين عادي:D
لكن يصير ثلاث بدل الاربع فيها دمان لين الركب :mad:
كفر سيارتك صار بالفين عادي ....:rolleyes:
لكن يصغرونه لك قهر :sm17:
تطلع من بيتكم تطيح بحفره تكسر رجلك عادي:(
الحفره تكون مليانه مويه قهر قهر قهر وع :D
يزيد ... يحش بالاتحاد الهلال الاهلي ... يحش النصر تنهبل:(

احد حاس مثلي ولا انا خبله :D

هذا غير احساس اني صرت عجوز خبركم لاحقه على نص ريال خخخخخخخخخخ :D
فيني انتماء وعشرت سنين ونص هالي يطالعون ... يقولون وش فيها طيب نيولوك:sm17:

القزازه قدامي وللحين ما فكيتها احس طعمها غير ولا ودي اتفل عليها ثم افتحها :D
يا وحشين يا وعين :(
احس انها خطوة اعبر من خلالها لجيل جديد معفن ملعون الوالدين:(
لجيل حقدت عليه وكرهت النيولوك حقه من ايام ما كانت غرشة الببسي رصاصية وبالنص حمره وزرقه واخيرا هلالية يعني موت وخراب ديار :(>>>> وسعو صدوركم من غيركم اشكي له:sm1:

باي باي قزازتي القديمة:sm1:

اني اجتر الذكريات وفيني البكوه وبعنف:sm1::sm1::sm1:
تذكرين يا قزازتي يوم احطك بالفريزر ابيك تبردين ..pb030
وافتح الثلاجه وطيحين بين رجولي وبغيتي تصرعيني لا بارك الله فيك من قزازه:(

تذكرين كم مره امي تزحلقت فيج وبغت تموت علي وتنكبني بهالغرفة وانا تاركتك على الارض تقل الغام :D

تذكرين يوم ما احطك بالكيسه ... ودخلت البيت وارمي الكيسه وما اسمع الا صوت طاااخ طيييخ :(:(
تذكرين يوم اقاطعك خخخخخخخخخخخخخخخ
يا كثر ما قاطعتك ... :sm5:
ويا كثر ما خربتها:D
ايه ادري جليلة حيا ما استحي ... :D
المفروض اقاطع الحين بس قلتها جليلة حيا الي ما قاطعت بوك ايام الدنمارك اقاطع بنتك :D

واصلا ما اغلي من الولد الا ولد الولد لا يغرك بس صياحي اذكر صياحي على الاولية وصراخي بالبقالات ما ابيها ابي القديمة :D
ياهو انا حقوده للحين ما نسيت التوفي الاصلية كيف كان طعمها ... غير عن الي موجوده الحين:(

ولقزازتي الجديده اقولها:rolleyes:

اني احوبكي رغم ماكان ... ماضيك لا انوي اثارته حسبي بانك هاهنا الان:sm5: >>>>البلا ساعة وتصيح خيانة خخخخخخخخخ

الموضوع اذا ظل موضوع :rolleyes:
مفتوح للجميع ...

الي يبي يتذكر .. الحلاوه الي بعلبة حديده وعليها بوستر قراولة ولزقه من الجوانب :rolleyes:
وداخلها سكر مطحون وقطع حلاو ... وابد ابد ما استخدم الغطاء يلاحق فيه اخوانه ينقال بيشمخهم والي اذا جت على وجه واحد مهنم مات :D
والي بيصيح على حلاوة توفي البرتقالية ام نص ريال ... لما فجاة تغير طعمها وحطو فيها زيوت وصارت خايسه:(
الي يبي يتذكر علبة الفاصوليا البرتقالية القديمة وكيف كانت وكيف صارت بعد اضافة المكونات ... الحافظة والخياس حقهم :(
الي يكره بسكوتة ابو الولد ابو الولد ودعايتهم المريضه ... حياه الله بالسب والشتايم :D
تذكرون ايام البرائه والدجه بالشوارع لا خطف ولا تصوير كام .. ومحد حولك:(
تن ترن تن تن :rolleyes:
تن ترن تن تن:rolleyes:
حقت القناة الثانية :(
الله يا كثر ما كنت اقعد اتحراها تفتح واقعد اقول:D
تن ترن تن تن:D
تن ترن تن تن:D


يالله اسالك >> قولوا امين :D
الصحة والسلامة اللهم لا تولي علينا من لا يرحمنا ولا يتقي الله فينا :(>>> بتقنت على القصيبي:D
يالله يا كريم نترك هالمشروبات واضرارها بخير من غير شر ونقاطعها بسلام ونرجع نشرب الي اهالينا كبرونا فيه عصيرات وشاي وقهوه من غير شر قولوا امـــين

ستايـ ع ذوقك ـل
26-11-2007, 06:59 PM
الله يحرمك منه
ولا تشرهين لا على صغيره ولا على كبيره

deep
26-11-2007, 07:01 PM
اهم شي

قشطة التاج لايزود سعرها

تراها مؤشر خطير

LA..TRO7
26-11-2007, 08:07 PM
يمدحون شرب الماء ...........

كثري منه يمال العافية .............

rorona
26-11-2007, 08:59 PM
والي بيصيح على حلاوة توفي البرتقالية ام نص ريال ... لما فجاة تغير طعمها وحطو فيها زيوت وصارت خايسه

>>هرام هرام لية تقلبين المواجع :( ولا تشيبس جحا الي صار طعمة ماصخ الحين http://www.vb.eqla3.com/images/smilies/n/sm1.gif

والببسي لو يخلون العلبة ب10 مالنا غني عنة ^_^

Ophel!a
26-11-2007, 09:07 PM
هي مهب مشكله خيتوو قولي لااله الا الله بس ,,

وموضوعك يشمل الدوري على وزارة التجارة على مؤتمر اوبك خخخخخخخخخخخخ


انا اللي قاهرني ان الرز ارتفع سعره pb131 :D


::


بس ياحبذا تشربين ليمون ولا نعنااااع وتذكرين ربتس :D

المسورب
26-11-2007, 09:14 PM
الله يستر من الجاي اليوم على الاشياء الغير ضرورية الخوف بكرا يصير العجز من شراء الخبز والطحين

- - - - - bp039 بالتوفيق bp039 - - - - -

لا رحـمـك الله يـاقــلـب عـلـى رأس أبــرقـــه
مشبعـك وقتك حزن وقلوب خلق الله جــيـــاع
واللي يعرف أن الغلى لـو أن الله مـا خـلـقــــه
ما كان لحظات التلاقي مثل لحـظات الـــوداع
ومن التجارب والسنين الماضيات المورقـــــه
كثر السقوط يعلمك وش كبر قدر الارتفــــــاع

ميرندا برتقال
27-11-2007, 12:09 AM
وه بس يالميرندا البرتقال قلوب قلوب


شير عوافي

الله لايحرمنا

cher
27-11-2007, 12:37 AM
الله يحرمك منه
ولا تشرهين لا على صغيره ولا على كبيره


عوووذهpb036

ياخي قول من غير شر طيب خخخخخخخخخ:D
تبيني اموت يعني بسم الله >>> براا:D
مدري وش تبي صراحة:(

والله يديم علينا الصحة والعافية:(

والي بيصيح على حلاوة توفي البرتقالية ام نص ريال ... لما فجاة تغير طعمها وحطو فيها زيوت وصارت خايسه

>>هرام هرام لية تقلبين المواجع :( ولا تشيبس جحا الي صار طعمة ماصخ الحين http://www.vb.eqla3.com/images/smilies/n/sm1.gif

والببسي لو يخلون العلبة ب10 مالنا غني عنة ^_^



يا فاهمني:sm1:

تتذكر الشبس حق تسالي لما خلوه مع الكتشب خياااس :D

احس كل مره كنت اقول سفروا الطباخ ... حقنا الاولي ... لين ما تغيرت الديره كلها:D
واذا رحت محل قديم ... :rolleyes:
وشفت بضاعة قديمة وشريتها الطعم غيير بس ينقال يقصون على الجيل المغبر ترا للحين نصنع سوالفكم خخخخخخخ
تذكرون الي كنه ليز بس كور جبن وكان ابيض على ذهبي من تحت :rolleyes:
هذاك ياهو اختفييييييي ابد ما تشوفه اختفي يومني بزر خخخخخخخ:D
وحقدت وقاطعت الشبسات :sm1:

والببسي صحيح بكل مكان بوجهك بس حلو الواحد يخفف يمدحون المراعي وهالعصيرات الي غرشها كنها منكر من كثر ما يسودونها ويبيضون هالقزازات ... وبالمره ما فيها سكر احسن للصحة >>>> حشي اعلان:D
الا شفتوا عيال التسلب حقون الربيع ابوي قالي جيبيلي يا بنيتي عصيرات رحت وخذيت له ينقال الحين ما فيها سكر
زين ما ذبحته:sm1:

من زاوية مكتوب خالي من السكر ومع المكونات فيه سكر:eek:
وه بس يالميرندا البرتقال قلوب قلوب


شير عوافي

الله لايحرمنا


وين المرندا خخخخخخخخخ:D
شفتوا المرندا الجديده بريالين مت ضحك ... قلت الي ما سواها الببسي سويتوها يا المرندا بس لها جمهور وفي وانا اشهد
تقل جمهور النصر لزقه مع ذا النادي ما يتوب ولو تسمم>>> طيب قولي لعمرك:(
والله يعافيج قلبوpb189pb189pb189pb189

اهم شي

قشطة التاج لايزود سعرها

تراها مؤشر خطير

مدري ما ركزت فيها صراحة بس اتوقع زادة هي من غير شيء والكبيره بثلاث مدري اربع :sm5:

يمدحون شرب الماء ...........

كثري منه يمال العافية .............

اصلا الماء اساس كل شيء بشرط ما يرفعون سعره :D
لا عطشت ما برد خاطرك الا مويه بلا ببسي بلا هم قاصين عليكم بهالاعلانات الي ثلج وغازيات ويالله تبردون على كبودكم:D

هي مهب مشكله خيتوو قولي لااله الا الله بس ,,

وموضوعك يشمل الدوري على وزارة التجارة على مؤتمر اوبك خخخخخخخخخخخخ


انا اللي قاهرني ان الرز ارتفع سعره pb131 :D


::


بس ياحبذا تشربين ليمون ولا نعنااااع وتذكرين ربتس :D

خخخخخخخخخخخخخخخخخخخخخخخخخخخ

احس الموضوع كتب نفسه ما كتبت شيء خخخخخخخخخخ
شوي واسولف لكم عن طقاقي مع عيال الحاره>> ذكريات:D

والرز ترا ارتفع من جديد قولي كيفpb034

طحت على علبتين للمهيدب عرفتي الرز الي بالبلاستك كنه كاسه ونظيف ينقال سريع تكبكبه
الاولي مكتوب عليها 18 والجديده مكتوب عليها 18.5 ... يعني الكيلو صار بعشره ريال تقريبا غريبة :D

هذول وهم اول من رفعوا الاسعار .. ذيك الايام ومرتين ثلاث تضاعف السعر :rolleyes:

الله يستر من الجاي اليوم على الاشياء الغير ضرورية الخوف بكرا يصير العجز من شراء الخبز والطحين

- - - - - bp039 بالتوفيق bp039 - - - - -




المشكلة كل شيء قاعد يرتفع بس وهو متغطي:D
ربع نص نص ربع ريال :D

ولا جد الجد ترا الخضروات تسلم عليكم وعندك خيارين يا طماطم لونها اصفر يا طماطم عدله بسته ريالpb036
هذا انا الي مالي بالطباخ وقلت هاه شسالفة لا رحت اشتريلي نعناع ولا ادحبس ينقال اسوي فيها بنوته وبشتري اغراض للبيت>>>>> اكبر قهر تسوي ذكي وتشتري شيء وتكتشف ان امك فيها حساسيه منه والدليل قد شفتيه بالبيت يا الخبله:sm1:

اووم الاحراج

وثنكس على المرورbp039

الجامحة
27-11-2007, 12:54 AM
على التحميل من هنا حسيت بتطلع لي قارورة ببسي :D

مادري وش فرق هالعلبه عن غيرها ترى عاد انا الملاحظه عندي مش امورك :(
المهم إذا تقصدين انها صغيرها بالنسبه لسعر الجديد اللي قالوا عليها فما وقف الغش على هالعلبه
عندنا التجار ماشين على حل شعرهم ولا احد يقولهم ثلث الثلاثه كم
ياختي موب التجار الغش وصل كل مكان والتلاعب والتساهل اجل ذاك اليوم وحده من صديقاتي جايبه خدامه فتناميه
المهم هالشغاله ( حرنت ) المراد بحرنت اي اضربت او امتنعت عن العمل راحت للمكتب وقالت خلاص مابيها اللي هذا اوله ينعاف تاليه :mad:
تخيلي وش قال المكتب ..؟!!
قالوا والله موب على كيفك pb036 هاتي اثبات انها ماتبي تشتغل
قالت هذاهي اسالوها
قالوا لا مايكفي جيبي من مكتب العمل ورقه تثبت انها ماتبي تشتغل
المهم اتصلت على صديقة امها شغاله في مكتب العمل حق اللي هاربين المهم طلعت لها ورقه
اخذت الورقه وراحت المكتب
قال لاااااااااااااااا ما اقبلها جيبي ورقه تثبت انها مريضه وغير قادره على العمل
لان الخدامه قالت مابي اشتغل لاني مريضه pb071
يعني حتى ورقه رسميه رفضوها pb093
طبعا لو هم عارفين ان وراهم احد يوقفهم عند حدهم كان زانت الامور
لكن نظامنا ماشي على ( خل الدرعه ترعى )

Jroo7
27-11-2007, 02:24 AM
الله يكفين من شر 30% اللى يقولون عنها

عوافي شير bp039

بنت دخنة
27-11-2007, 07:07 AM
أشوي ان الهواء بدون افلوس

اعتيازي
27-11-2007, 07:28 PM
بروح اشرب بيبسي
اشهيتيني خخخخخخخخ

امونه53
27-11-2007, 07:41 PM
هههههههههههههههههه

عشقنا واحد بيبسي

يستاهل موازيع مش موزوع واحد

مَـاءْ
27-11-2007, 11:06 PM
الحمد لله الببسي لا يعني اي شي لي

عادي جدا ممكن يمر سنوات مااشتريه


الا اذا جا مع طلبات المطاعم نشرب عن قولت نحلل فلوسه والباقي اسلك فيه مواصير المطبخ

مخنوشه
27-11-2007, 11:38 PM
رفعوا سعر البيبسي pb036
وغيروا شكله pb036
وراااااااااااااااااااااه :( :(


مع اني انا مب راعية بيبسي وحركات :D
بس لارحت مطعم ما يعجبني أكلهم إلا مع البيبسي pb189 :D


بس تصدقين .. بعذرهم pb036 الفاضي يعمل ئاضي( قاضي ) pb027

يالله اسالك >> قولوا امين
الصحة والسلامة اللهم لا تولي علينا من لا يرحمنا ولا يتقي الله فينا >>> بتقنت على القصيبي
يالله يا كريم نترك هالمشروبات واضرارها بخير من غير شر ونقاطعها بسلام ونرجع نشرب الي اهالينا كبرونا فيه عصيرات وشاي وقهوه من غير شر قولوا امـــين


آآآآميــــــــــن bp039 pb189

الله يعطيتس العافية bp039 ..

L a M a R
27-11-2007, 11:48 PM
لا تقولين كل شي بهالدنيآ يهون الا البيبسي
ريتك مصوره شكله الجديد
اهم شي مايزيد سعر البيبسي الصغير مآآآره اللي يبيعونه بالكرتون pb094
اش بآقي مازآد :(
شكل السعوديه بالاخير بتنضم مع اندنوسيآ وسيرلانكآ ويستقدمون منهآ عمآل pb036

نور السعوديه
28-11-2007, 12:20 AM
يمــدحون اللبن http://vb.eqla3.com/images/smilies/frown.gif

انا تقولي اختي بس ماصدقت تقولي روحي اشتري كراتين ببسي بيرتفه سعرهـ http://vb.eqla3.com/images/smilies/frown.gif

MAHAWY
28-11-2007, 12:21 AM
:

ترا مافرقت اذا صارت بريالين بره الببسي على 7 ريال ولا قلنا شي ونشتريه pb036
وغير كذا في المطاعم نطلب ببسي ورييفل وبالاخير يطلع الببسي على 6 ولا 7 :rolleyes:
بس يغيرون شكله كيف ؟pb036

:

زخة مطر
28-11-2007, 12:29 AM
أشوى اني ماأحبه << وش تحبين تكفينpb036


قولي اامين الله يفكك منه

فـوق الحـــلا شامه
28-11-2007, 01:36 AM
البببســي مضــــــر بصراحه مااشششربه غير اذا شفت احد يشرربه < تقلـــــــد خخخخخخخخخ

اجل خلونــاا يد بيـــــــد ولآتشتروون نبي نخسررهمـ < تكفيــن

والله حــــــــرام عليهمـ يصعبــــون الآحوال المعيشيه خخخ

araam
28-11-2007, 01:42 AM
اذا ع البيبسي بسلامتهم

لا يرفعون اسعار الاشياء الاساسيه والا البيبسي بسلامتهم

الآكورديـة
28-11-2007, 02:34 AM
ايييييييييه الله يرحم حالنــا .. زمان مان للريال صنه ورنه الحين حتى الصغار ما يعترفون فيه pb093

مـتـألـقـه
28-11-2007, 03:26 PM
*
*
وه الحمدلله ان الببسي مايسوى عندي pb034

ما أشربه الا اذا أكلت وجبه من برى .. و فقط لأدفع لقماتي

على طاري اذا تذكرنا شي قديم وتغير

الكتكات pb189

آآآه ياحلو طعمه القديم .. خاصة الويفر اللي جواته

أما الحين pb131 ملعوب فيه ومنقلب 180 درجه

شيرbp039

BSH
28-11-2007, 05:07 PM
.
.
كللش الا الببسي لآ يقربونه ...:d

والا الباقي ان بغوآ يقطعونه من السوق هع

.
.

سـرّي للغـايـة
28-11-2007, 07:45 PM
حتى الشاورما بـ 6 ريال :d

ريما بسملعلي
28-11-2007, 11:35 PM
ليتها عا الببسي وبس:D
دكتوره جلديه اراجع عندها اول كشفيتها ب 200 الحين صارت ب 250:D
الشيراتون مع بداية ال 2008بيرفع سعر الكرسي بيصير ب 250ولسا كل مالهم يتنافسون من يزيد أكثر...

ريما بسملعلي
28-11-2007, 11:37 PM
بقول شيء بعد حتى المدرسين الخصوصين زادو اسعارهم مع الموجه اللي صايره مدرسة أختي رفعت سعرها صارت تأخذ الف بالشهر تقول زادو رواتبكم...

$ مقلع الحب $
29-11-2007, 09:30 AM
كلش ولا الببسي عاد لايسوون به شي

اللي تسأل عن الكتكات القديم ينباع للحين وبه منه لوح كبييير بس مدري من وين خالتي قبل تشري

مـتـألـقـه
29-11-2007, 10:40 PM
كلش ولا الببسي عاد لايسوون به شي

اللي تسأل عن الكتكات القديم ينباع للحين وبه منه لوح كبييير بس مدري من وين خالتي قبل تشري

عرفت اللي تقصد .. الكتكات اللي يصير لوح كبير فيه 8 حبات ومغلف بقسدير

هذا نجيبه من الكويت أو لندن

هو صح فيه شوي من طعم القديم

بس ولو طعم القديم غيييييييير pb189