PDA

عرض كامل الموضوع : طرق التسجيل في الجامعات مع النسب


جامعية فيلسوفة
01-07-2007, 11:54 AM
السلام عليكم ورحمة الله و بركاته pb189

يالله حي الطلاب مبرووك التخرج مع انها متأخره مرره خليتوني ادخل المنتدى غصب عني مع اني مشغوله هالايام pb094

كلكم اطلعتو على الموضوع الثاني حق توحيد التسجيل تكفون الله يخليكم انسووه خلوه على جنب لان فيه ناس بدو يلخبطون و يحوسون الدنيا و اخاف احط طريقة التسجيل هناك ثم تضيعون مره ثانيه :( فقررت احط هالموضوع للتسجيل و تراني بجلس معكم الين نهاية هالاسبوع و بعدها ماراح تشوفوني يعني حطو الي تبونه بسرعه و فيه الاعضاء الثانين ماراح يقصرون معكم خاصه الطلاب في الجامعه ومنهم الغاليه aNa 6aL 3omRy pb189

جامعة الملك سعود فتحت التسجيل اليوم و حطت النسب المفتوحه للطلاب وكل قسم كم نسبه يبي و بحطها لكم الحين :)

طلاب العلمي هذي الاقسام و النسب برنتات من موقع الجامعه <<ركزو قلت طلاب مو طالبات pb036



http://up.eqla3.com/files/Pics/eqla3_com_1183278412.gif
http://up.eqla3.com/files/Pics/eqla3_com_1183278580.gif
http://up.eqla3.com/files/Pics/eqla3_com_1183278506.gif


طلاب القسم الادبي هذي الاقسام و النسب bp039


http://up.eqla3.com/files/Pics/eqla3_com_1183279078.gif
http://up.eqla3.com/files/Pics/eqla3_com_1183279445.gif
http://up.eqla3.com/files/Pics/eqla3_com_1183279185.gif

طالبات القسم العلمي هذي اقسامكم مع النسبbp039


http://up.eqla3.com/files/Pics/eqla3_com_1183279471.gif
http://up.eqla3.com/files/Pics/eqla3_com_1183279560.gif



طالبات القسم الادبي هذي اقسامكم مع النسب

http://up.eqla3.com/files/Pics/eqla3_com_1183279614.gif
http://up.eqla3.com/files/Pics/eqla3_com_1183279649.gif


الحين بنبدا التسجيل pb034

اول شي ادخلو على هالرابط

http://www.ksu-admit.net/ksu/ (http://www.ksu-admit.net/ksu/)


الطلاب طبعا صفحة التسجيل الخاصه فيكم مع الاسف مافتحت الى الان بس الطالبات شوفو المربع الاسود ادخلو على تقديم جديدpb036

http://up.eqla3.com/files/Pics/eqla3_com_1183278037.gif


اذا فتحت لكم الصفحه بيطلع لكم استمارة التسجيل انتبهو يا طالبات حاولو تكونون دقيقين في البيانات هالصفحه بتكون مثل هالشكل الي بالصوره :)

http://up.eqla3.com/files/Pics/eqla3_com_1183278323.gif


اذا عبيتو البينات كامله اضغطو موافق بعدها بيطلع لك السجل المدني الخاص فيك ورقمك السري اذا صح اضغطي موافق بعدها بتفتح لك صفحه جديده مثل الي في الصوره

http://up.eqla3.com/files/Pics/eqla3_com_1183277971.gif


اذا طلعت معك هالصوره عبيه كامله من شهادة الثانويه العامه والي ما استلم شهادته للمعلوميه ترا الشهادات اليوم سلمت للمدارس واليوم يسلمونها للطالبات pb036 <<< هذا كلام مدرسة اختي اليوم استلمت شهادتها وفيه نقطه مهمه انتبهو للدرجات اذا عبيتوها حطو الدرجه الموزونه مو المتحصله:)

خلاص اذا عبيتي هالاستماره بتطلع لك الاقسام المتاحه لك يعني مثلا نسبتك 90 بيفتح لك الاقسام الي بتقبلك و الي ماتقبلك مايحطها يعني مو انتي تحطين الي تبين <<< هذا احلى شي علشان نفتك من الواسطه و قرفها ;)


بكذا انتهيتي من التسجيل للترمين pb058

هنا خلاص بتسجلون بس فيه ناس تحوس الدنيا ومنهم الي يغلط مثال عليه :(


http://www.awaael.org/upfiles/wvQ29744.jpg (http://www.awaael.org/)

هذا صاحبة الصوره وحده اسمها قنوعه ياقلبي انتي شكلك سجلتي و طلعتي اذا تبين ترجعين لبياناتك ماتاخذين تسجيل جديد ادخلي على ملفك بالرقم السري حقك اذا مافهمتي قولي لي و اشرحه لك من جديد pb094


تعبت وانا اكتب ولرابع مره يطير الموضوع و احمل من جديد :confused: بستأذن من بعض الاعضاء و باخذ ردودهم من الموضوع الثاني واحطه لكم هنا لان ردودهم بتفيدكم pb058

تراني حايسه بالموضوع القديم ماعرفت ارد على مين هنا اكتبو اسئلتكم والاعضاء مايقصرون و سجلو من الحين ولاحد يقول ما استلمت النتيجه :mad:

العيال تسجيلكم من الجامعه وعلى قولهم من سبق لبق يعني تتأخر بيحطون طالب ثاني بدالك حسب ما مكتوب في الموقع :)

بروح اريح شوي و ارجع اكتب عن الكليات الباقيه و جامعة الامام :sm1:

جامعية فيلسوفة
01-07-2007, 11:58 AM
هذا رد FreedoM pb189pb189








ياعمري عليكم على هالحوسه :D pb189

بجاوبكم على اللي اقدر عليه ،


توضيح بشكل عام النسبه العامه = النسبه المكتوبه في شهادتك
النسبه الخاصه = الدرجه المكتوبه عند الماده


مو الحين في الشهاده المواد وعند كل ماده درجتها من 100 هذي يسمونها النسبه الخاصه



روابط تفيدكم


تجارب الطلاب في اقسامهم
http://www.cksu.com/vb/showthread.php?t=47529

مرجع للمستجدين
http://www.cksu.com/vb/showthread.php?t=47627







هالقسمين من اجدد الأقسام بالجامعه
وكلية إدارة الأعمال على ماسمعت صار فيها تحديث واضافة قسم الموارد البشريه
وهو تخصص قادم وله مستقبل حلو

الأساليب الكميه
MIS
نظم المعلومات الإداريه " Management information system "

تخصص جديد ومطلوب ، بس ما ادري فيه بنات ؟؟





شوفي عزيزتي مافيه احد يدخل الجامعه وهو يعرف وش بيدرس

شيلي هالشي من بالك ادخلي القسم ولا تتوقعين فيه شي سهل

وش يدرسون كلها علوم جديده عليك مافيه شي قد مر عليك مافيه شي اقدر اشبهه بماده قد درستيها

الأقسام اللي ذكرتيها من افضل الأقسام صدقيني ، لكن لاتتوقعين تكون سهله خصوصا الإقتصاد

المحاسبه اغلبها حسابات وغثيثه شوي لكن قسم مطلوب




http://www.kau.edu.sa/admission/MAINPAGE/net/about.html






ايه ان شاء الله جامعة الإمام وجامعة الرياض يقبلونك بالراحه

لكن اذا بتدخلين جامعة سعود اي قسم وتحولين إن شاء الله تقدرين تحولين بس لازم تجيبين معدل اول ترم





ايه ان شاء الله
ماله دخل بالأولويه لان التسجيل من السبت للأربعا
القبول بالمفاضله اول شي يبدأون بالنسب العليا لين تكتفي الأقسام

مثال

يعني اول شي ياخذون الرغبه الأولى للي نسبهم 100 %
بعدين اللي نسبهم 99 %
بعدين 98 %


خلاص قفل القسم " اكتفى العدد "

وقيه احد نسبته 97 % ماراح يدخل لانه اكتفى القسم
ياخذون له رغبته الثانيه

او انه يكون اختياط اذا فيه مجال دخل

وبهالشكل آلية القبول




الدرجه اللي مكتوبه في الشهاده عند الإنجليزي







ايه بدأ من السبت



،
،


الله يوفقكم يارب

واي سؤال آمروا اللي نقدر عليه نساعدكم فيه bp039

جامعية فيلسوفة
01-07-2007, 12:00 PM
هذا رد MelOdy


.. ..

صباحكم رضى pb189

مبروك للناجحين وان شاءالله تتوفقون بالأقسام اللي تبغون تدرسونها ، ولو واجهتكم صعوبة لاتيأسون ابداً واجتهدوا لأن البكالوريوس مو آخر الدنيا شهادة الماستر تمحي البكالوريوس وماقبله pb027 pb189




ووووه بس



مبروك النجاح pb189
بحكي لك عن تجربتي مع الاقتصاد pb094

اصلاً انا كنت ابغى العلوم الأدارية ، لكن واجهت معارضة من اهلي لأنهم يبغون حاسب بزعم انه افضل لمستقبلي ولأن خواتي اعضاء هيئة تدريس بالملز فينتبهون لي pb058

انقبلت بالاقتصاد واهلي ابداً ماعجبهم ، يحسون ماله مستقبل ودراسته ماتذكر فتأثرت بانطباعهم ومامشيت كويس بالبداية :rolleyes:

وبالجامعة البنات غالباً يركزون على ادارة الاعمال والمحاسبة مع انه الأن الاقتصاد هو افضل الاقسام وشهادته معتبرة بالخارج وحتى بالسعودية البنوك والشركات تحتاج خريجين الاقتصاد ويمكن سمعتي بمدينة الملك عبدالله الاقتصادية فطبعاً بيكون فيها مجالات للخريجين ، وعن نفسي لأن ابغى مجال الاعلام كان اكثر شي بيخدمني هالقسم او الادب الانقليزي :)

بالنسبة لي القسم جداً ممتع ، في البداية تدرسين قانون وسياسه وادارة اعمال وكمي ومحاسبه واقتصاد وبالمستويات الأخيرة تكون المواد متخصصه ، مواد الاقتصاد تعتمد على الفهم والحفظ بعكس ادارة الاعمال يعتمد على الحفظ والمحاسبه بتعتمد على الفهم

اذا كنتِ علمي ان شاءالله مراح تواجهين فيه مشاكل ، وحتى لو كنتِ ادبي هي شوية طرق رياضية يكونون بنات الثانوي قد تعلموها بالرياضيات بس تدرسينها تمشين فيه bp039



One

ماأعرف اذا بيفتحون عندنا هالأقسام بحيث تكونون انتم أول دفعه ، لكن الأن حسب ماأعرف مو موجوده عندنا المتوفر للبنات بالعلوم الادارية : ادارة أعمال - اقتصاد - محاسبة - ادارة عامة - قانون


سمعت معلومة ماني متأكده منها وهي ان اختبار الكليات الصحية 11 جولاي ومافيه اي مقابلات شخصية :rolleyes:


.. ..
pb189pb189

جامعية فيلسوفة
01-07-2007, 12:10 PM
جامعة الرياض

فيه ناس فاهمين جامعة الرياض غلط يحسبونها جامعه جديده pb036
جامعة الرياض هي عباره عن مسمى فقط للكليات الموجوده بالرياض يعني اي طالبه تتخرج من كلية التربيه او الاداب يكتب في شهادتها متخرجه من جامعة الرياض و تتكون من

كلية التربيه الادبيه في الملز
كلية التربيه العلميه بالملز
كلية الاقتصاد والتربيه الفنيه بالملز
كلية الاداب على مخرج 9
كلية اعداد المعلمات اتوقع قريب من عليشه :D

هالكليات كلها تقبل نسب الين 80 و كلية الاداب احيانا تقبل تحت 80 حسب مزاج العميده و روقانها :D
كل كليه لها اقسام و كلية الاقتصاد تجميع علمي و ادبي مع بعض ومن افضل الكليات عندي انا لان مستقبلها حلو :)

تبوني افصل كل كليه وش تتكون منه بعد ابشرو :D

الي يسألون عن كلية التقنيه للبنات بصراحه مدري وش يقصدون لان قبل فتره قالو فيه كليه للبنات جديده فيها اقسام ومنها السكرتاريه وغيره بس مدري اذا تقصدون هذي pb036

البنات فيه لكم معهد الاداره يعني الي ماتنقبل في اي جامعه معهد الاداره بيفتح pb058

EMILY
01-07-2007, 12:13 PM
جامعيه..
الف شكر لك....أنا أشهد أن رايتك بيضاء..الله لايحرمك الأجر

موفقه يارب..الله يحفظك ويخلي لك غالينك..: )

لـيــدي
01-07-2007, 12:17 PM
طيب ..

الحين اذا طلعت الاقسام اللي اقدر اسجل فيها كم رغبة أقدر احط ؟؟؟

يعني فيه عدد محدد للرغبات و الا شلون ؟؟؟

bp039 bp039

Joorah
01-07-2007, 12:20 PM
مشكوووووووووره حبيبيت جامعيه





وربي تعبتي معنا



نردها لك بالإفراح إن شاءالله *_^

جامعية فيلسوفة
01-07-2007, 12:34 PM
ايملي pb189 العفو ياقلبي عقبال مايغيرون يوزرك :(


ليدي


طيب ..

الحين اذا طلعت الاقسام اللي اقدر اسجل فيها كم رغبة أقدر احط ؟؟؟

يعني فيه عدد محدد للرغبات و الا شلون ؟؟؟



تعالي هنا انتي اكثر وحده حايسه و شايله هم :D انتي كم نسبتك و قسمك تقدرين تعرفين الرغبات الي بيحطونها لك عن طريق نسبتك و بسهوله و تريحين نفسك pb034

شوفي بتطلع لك كل الرغبات المتاحه لك مثر نسبتك 85 و قسمك ادبي ماراح يفتح لك في التسجيل غير تاريخ و جغرافيا و علم اجتماع
الترتيب هم بيكتبونها لك مثلا تاريخ الترم الاول و تاريخ الترم الثاني و جغرافيا الترم الاول و جغرافيا الترم الثاني و دراسات اجتماعيه الترم الاول و دراسات اجتماعيه الترم الثاني

انتي مثلا تبين الرغبه الاول تاريخ تختارين اول شي تاريخ الترم الاول و بعدها تاريخ الترم الثاني ثم ثاني رغبه تكتبين جغرافيا الترم الاول و جغرافيا الترم الثاني وهكذا

انا حاولت ادخل تو اسجل اختي و اكمل اوراقها بس النظام خربان في الموقع قايله لكم موقع الجامعه لو يدخل 10 اشخاص تعطل pb093

جلكسيه العفو ياقلبي ورديها لي بعد 7 ايام لان زواجي باقي عليه 7 ايام الله يعين دعواتك لي بالتوفيق :(

جامعية فيلسوفة
01-07-2007, 12:46 PM
هذا موقع الكليه التقنيه للبنات بس للمعلوميه شهادتها دبلوم فقط

http://gt.gotevot.edu.sa/index.html

Super RoOoNy
01-07-2007, 01:04 PM
دام هذي النسب الموجوده للاسف ماراح اخش :(
بس جامعيه بسالك سؤال
بما ان نسبتي خياسه مره ومافيه امل ادخل الجامعه
بس فرضا لو بقدم ايش الاقسام الي ممكن انها تقبلني ونسبتي في الثمانينات بحيث انه يكون قسم مو صعب يعني اقدر اجيب معدل واحول

والله يوفقك يزواجك ويسعدك

لـيــدي
01-07-2007, 01:08 PM
بنات طلع لي لقد حدث خطأ حرج و قد تم تسجيل الخطأ لاصلاحه وش يعني

جامعية فيلسوفة
01-07-2007, 01:27 PM
حلوه كم نسبتك علشان افيدك

ليدي انا جالسه اسجل خواتي و خوات صديقاتي و يطلع لي نفس الي يطلع لك و اسوي تحديث الين يفتح جنني هالموقع الخايس

عزة ## المرتزة
01-07-2007, 01:58 PM
ماشاء الله عليك تستاهلين بوسة والله
طيب جامعة الرياض وشلون نقدم عليها ترى مو أنا اختي :d
والله يجزاتس خير (قلب يدقدق)

هذي انا
01-07-2007, 01:58 PM
مرحبا جامعيه والله يعطيك العافيه...

بنت خالتي دخلت درجاتها بدون الموزونه..وحفظت تسجيلها وقالها انه فيه خطاء...حاولت تسجل مره ثانيه ماقدرت لان سجلها المدني تسجل خلاص...

وحاولت تدخل بدخول مسبق ويطلع لها نفس مشكلت ليدي..يعني لو حاولت تعيد تسجيل الدخول اكثر من مره بيفتح معاها؟؟؟؟

& الحاج ترللي &
01-07-2007, 02:04 PM
hrkgf

0ne
01-07-2007, 02:25 PM
بنـــااات ..!!!
حاولت أسجل مليون مرة وكل مرة يقولي :
لقد حدث خطأ حرج و قد تم تسجيل الخطأ لإصلاحة


وش أسووووووي ؟!!!! :(

**Posy Cat**
01-07-2007, 02:53 PM
^
^
غريبه !

انا سجلت وخلصت وما كملت خمس دقايق حتى

ريانه
01-07-2007, 02:53 PM
الف شكر لجامعية فيلسوفه ..pb189
ويعطيك الف عافيه
وعساه في ميزان حسناتك يارب ..

لي عودة ان شاء الله .. لخدمتكمbp039
لكني حبيت اثبت الموضوع واشكر الغاليه جامعية

Joorah
01-07-2007, 02:58 PM
ههههههههههه


الله يوفقك جامعيه حبيبتي





وبنات عيدوا كذا مره أنا جاني زي كذا يوم بغيت اعدل شيء



كررت لين طفشت بس فتح معي بالنهايه



يعني هو عله يعي يفتح بسرررعه صيروا اعلل منه



وبالتوفيق للجميع إن شاءالله

متكيه وتفصفص
01-07-2007, 04:40 PM
مرحبا
مررررررهـ شكرا جامعيه ساعدتيني كثير
قررت أسجل هالترم بعد جلسة بالبيت دامت سنه كااااامله :cool: pb189
عاد من اليوم أحاول فيه أسجل وكل مره يقولي :
لقد حدث خطأ حرج و قد تم تسجيل الخطأ لإصلاحة :sm1: :sm1: :sm1:
مرهـ طفشني ماادري ايش اسوي فيهpb036 :(

جامعيه زواجك بـ 7/7/2007؟؟؟:D
الله يوفقنا يااارب ويسهل علينا

رياح الماضي
01-07-2007, 05:08 PM
بنااااااااااات اللي يطلع لها حدث خطأ حرج ترجع back وبعدين تسوي حفظ من جديد

يعني ترجع بالسهم للخلف وتسوي حفظ من جديد

وان شاء الله تضبط معكم والكل ينقبل ياااااااااارب

وبالتوفيق للجميع


بس حبيت اسأل جامعية فيلسوفه بالنسبه لكليات التقنيه للبنات وشلون طرق تقديمهم لاني دخلت الموقع ومااستوعبت شي حتى التخصصات ماعرفتها بالضبط

بليز اذا عندك خلفيه لاتقصرين معنا تحياتي لك قلبو

رويت من الظما
01-07-2007, 05:09 PM
تم التسجيل لـ اختي بـ نجاح :)
شكرا يا جامعية :)


ومساعدة للأخت جامعية ..


كلية التقنية للطالاب والطالبات

ومقرها في حي صـلاح الدين .. (( قريب من جامعة الامير سلطان الاهليه ))

عميدة الكلية بالنسبة للطالبات : منيرة العلولا


الكلية ماتقبل اقل من نسبة 90% :)

التخصصات المتوفرة فيها حاليا تخصصين للعلمي وتخصصين للادبي وشهاداتها دبلوم لمدة سنتين

التقديم عبر موقعهم بالانترنت
ولسى مابدا التسجيل ولا اعلن عنه :)

وطبعا يقبلون فئة قليلة معينة جدا :)


جامعة الإمام

طالبات

تتوفر فيها اربع اقسام في فرع الملز .. وهي :
(( كلية اللغات والترجمة - كلية علوم الحاسب والمعلومات - كلية الشريعة - قسم المكتبات والمعلومات ))

ملاحظه : قسم المكتبات والمعلومات تم دمجة ضمن كلية علوم الحاسب والمعلومات :)

وتتوفر ثلاث تخصصات في فرع البطحا وهي :
(( كلية أصول الدين - كلية الدعوة والإعلام - كلية اللغة العربية ))


وسيبدأ التسجيل اعتبارا من يوم السبت الموافق 7-7- 1428هـ.
والتسجيل سـ يكون للترمين الأول والثاني :)


بالنسبة للتسجيل في اي من هذه التخصصات لا يلزم نسبة معينة حسب توفر المقاعد ماعدا (( الحاسب والانجليزي ))


وبالنسبة للتسجيل في قسم الحاسب يشترط الحصول على نسبة (85% من معدل الشهادة الثانوية) فأعلى.
(( ويركزون على الرياضيات والفيزياء يكون درجتك فيهم ممتاز :) ))
وغالبا يقفل القسم على 96 % لانه يكون اكتفى

وبالنسبة للتسجيل بقسم اللغة الإنجليزية .. يجب اجتياز امتحان القبول
(( ويركزون على درجة الأنجليزي تكون ممتاز :) ))
وغالبا القسم يقفل على نسبة 92%


قسم الإنجليزي تربوي :)
وعبارة عن ادب وترجمة ومدته ثمان مستويات

هذي انا
01-07-2007, 05:18 PM
اهلين بنات ...اللي مرره ماضبط معها..تقدر تروح للجامعه وهم يضبطونه لها

رياح الماضي
01-07-2007, 05:19 PM
طيب سؤال بنوتات معهد الاداره احد يدري عنه شي؟؟؟

ابو شوشة الاصلع
01-07-2007, 05:42 PM
جامعية جزاتس الله خير انتي والاخوات بسألكم سؤال
جامعة الامام وجامعة الرياض اقدم على كل تخصص لحاله والا احط اوراق اختي عندهم وهم يختارون ؟؟؟

وهل جامعة الامام تقديمها الكتروني ؟؟

بسجل غصب
01-07-2007, 07:21 PM
:

.

طيب سؤال !

انا للحين م فهمت طريقه التسجيل بالنت !

الحين ما يحتاج اني اروح للجامعه و اقدم و اعطيهم اوراقي و ما ادري ايش !

ولا كيف !

تكفون نبي تفصيل كامل عن هالشي !

انا نسبتي 95,78 ما ادري هل في احتمال انقبل بالبترول و المعادن / حاسب و هندسه إداره اعمال الملك سعود !؟

mrs.pennington
01-07-2007, 11:08 PM
السلام عليكم بليييييييييييز ساعدوني انا بالشرقية مقدمة على جامعة فيصل هندسة تصميم داخلي وكاتبين بالموقع اختبار بعد اسبوعين عشان المهارات المعمارية واليوم زميلتي تقول يوم الاربعاء هذا في اختبار قياس لكل البنات اذا احد عنده علم يقول لي

جامعية فيلسوفة
02-07-2007, 12:51 AM
الي مافتح معهم الموقع الى الان يغيرون الاتصال انا كنت مثلكم مايفتح نهائي و غيرت اتصالي من اول نت الى نسمه و فتح بسرررعه و خواتي كملو تسجيلهم pb036


بسجل غصب العيال مافتح تسجيلهم في النت الى الان بس عن طريق الجامعه بجيب لك الكلام الي مكتوب في الموقع ان شاءالله الليله او بكره << اعذرني ياخوي والله من الشغل الي عندي بس ابشر pb036
على فكره يا بسجل نسبتك تقبل كل الاقسام الي تبيها و بالراحه ان شاءالله لاتخاف
برجع للردود

جامعية فيلسوفة
02-07-2007, 12:57 AM
العيال تسجيلكم مو الحين تسجيلكم يبدا في شهر 7 وهذا الي مكتوب لكم في الموقع طبعا التسجيل بيتم في الجامعه و قبولكم فوري

لمرحلة الثانية : التقديم لباقي الكليات
يبدأ استقبال الطلاب لبـاقي الكليـات يوم السبت 21/7/1428هـ وحتى يوم الأربعاء 16/8/1428هـ حسب توفر المقاعد . وسيكون القبول فوريا حيث يقبل الطلاب وفق رغباتهم بناء على نسبهم والمقاعد المتاحة في الكليات. وسيكون الاستقبال حسب النسبة المكافئة، أنظر الجدول رقم (4)، والتي تمثل 70% من نسبة الثانوية العامة و 30% من درجة اختبار القدرات العامة وذلك للطلاب فقط ، علما بأن التأخر عن الحضور في الموعد المحدد يؤدي إلى فوات فرصة القبول في القسم المطلوب بسبب استفادة طالب آخر من المقعد المتاح. وعلى الطلاب الدخول لموقع العمادة على الإنترنت (www.dar.ksu.edu.sa (http://www.dar.ksu.edu.sa/)) خلال الفترة من 11-20/7/1428هـ، للتعرف على الموعد المحدد لاستقبال طلباتهم حسب النسبة المكافئة ، وتعبئة وطباعة استمارة طلب الالتحاق بالجامعة وإحضارها عند التقديم.
مثال لحساب النسبة المكافئة :


نـسـبة الثـانوية العامـة = 79%
درجة اختبار القدرات العامة = 65
النسبة المكافئة = (79 × 0.70) + (65 × 0.30) = 74.8%
هذا الطالب على سبيل المثال لا تنطبق عليه شروط القبول بكليات الجامعة عدا كليات المجتمع لأن الحد الأدنى للقبول بكليات الجامعة كما هو محدد في هذا الإعلان هو حصول الطالب على نسبة في الثانوية العامة لا تقل عن 80% ، ويمكن القياس على ذلك لبقية الكليات مع مراعاة النسب الخاصة .


هذا هو الرابط

http://eservices.ksu.edu.sa/dar/shownews.jsp?id=255

مختبصه
02-07-2007, 01:50 AM
من اللي قريته .. ان فيه ثلاث مراحل للتسجيل ..

الاولى عن طريق النت ..

بعدين ..

يطلعون نتايج المرشحين للمقابلات الشخصيه في النت ..


بعدين في 4_ 11 / 7 يجون يعطونهم الوثائق الرسميه ..



هاه صح اللي فهمته والا لا .. ؟ ؟ ! !


قولي آمين يا فيلسوفه ..

ياجعل دربتس تساهيل .. وياجعل عرستس يتم باللي تبينه وتتمنينه ..

ويطلع رجلتس اللي متخيلته في بالتس ..

^
فيه احسن من هالدعوه .. :)


يله فمان الله ..

مختبصه
02-07-2007, 02:00 AM
نسيت حآأإأآقه .. !

انا أدبي وابي ادخل // إداره عامه //

تهقون بمشي فيها ؟

اصبع نمله
02-07-2007, 03:36 AM
جامعيه
الف الف مبروك
الله يوفقك يارب ويسهل لك
بارك الله لكما
وبارك عليكما
وجمع بينكما بخير
*********************
سؤالي هو
الحين جميع اقسام كليه التربيه[علم نفس - تربيه خاصه - تربيه فنيه - دراسات اسلاميه - رياض اطفال]
اول مستوى يقولون انه اعداد عام يعني يشمل [نهج - ترب - نفس - عرب - نجم]
لو ادخل اي قسم من اقسام كليه التربيه علشان احوّل
هل تكون المواد في كل الاقسام زي بعض؟؟ يعني اول مستوى مافيه الا هالمواد في كل اقسام كليه التربيه؟؟
اتمنى انك فهمتي سؤالي

مـلـــــيحه
02-07-2007, 04:10 AM
جامعيهpb189 الله يوفقك ويسعدك ادري انك عروسهpb189


ياشيخه الله يعطيك على قد نيتك مره افدتي المتقدمين للكلياتpb030

طيب انا بسأل عن كلية الاقتصاد قسم تغذيه علشان اختيpb189

هي علمي ونسبتها 88% وتبي تغذيه شلون اسجل الموقع عيا يفتح معاي:mad:

وبسأل عن قسم الزراعه بجامعة الملك سعود pb189 سمعت انه مثل التغذيه يعني مو حق مزارعينpb095

ياليت اللي عنده افاده يفيدني وله مني جزيل الشكرbp039

kin
02-07-2007, 07:11 AM
اصبع نمله :

انا صديقتي داخله تربيه خاصه والثانيه داخله دارسات اسلاميه ونفس المواد ونفس الموحاضرات( يا حظهم مع بعض )

يعني ايه نفس المووواد ان شالله

واذا مثلا دخلوك دراسات وانتي تبين تربيه ادرسي اول مستوى وخذي مجموع عشان تقدرين تحولين
( ترى مو متأكده من التحويل بس هذا الي قالت لي صديقتي )

,,,,,
الله يوفقكم ان شالله pb189

قنوعة
02-07-2007, 09:26 AM
مشكور ياجامعيه فيلسوفه ابشرك ضبط التسجيل
اثاريني حاطه الاجابه نعم في السؤال هل سبق ان سجلت في الجامعه :)
يوم غيرت الاجابه ضبطت الامور ..

.. دون جلوي ..
02-07-2007, 10:12 AM
.
.
... :) ...

صـبحكم بالخـير ... bp039
اول شي ... الف شكر لـ جامعيه فيلسوفه على هالجهد ... و الله يجزاكي الف خير ,,

الشي الثاني ... انا بصراحه منلحس :D ... مدري وش اسوي ولا فهمت شي ... !!!

انا نسبتي تبن ... انا نسبتي 69 :( علمي ,,,
هقوتكم وش الجامعات اللي تقبلني ... سعود تقبلني في اداره الاعمال ولا ... : (
او اي كليه تقبلني ... في قسم اداره الاعمال ...

بصراحه انا متحطم و منلحس ... مدري وش اسوي و وش السالقه !! :sm1:

جامعية فيلسوفة
02-07-2007, 11:34 AM
عزه المرتزه pb189 pb189

بشري سمنتي او الى الان في محاولات عليك بالعنبريه تراها تسمن :D


ماشاء الله عليك تستاهلين بوسة والله
طيب جامعة الرياض وشلون نقدم عليها ترى مو أنا اختي :D
والله يجزاتس خير (قلب يدقدق)


بيبدا التسجيل في جامعة الرياض او مثل مايقولون الكليات في بداية شهر 7 ان شاءالله بس انتبهو للجرايد و النت لانهم بيكتبون فيه النسب pb058

هذي انا


مرحبا جامعيه والله يعطيك العافيه...

بنت خالتي دخلت درجاتها بدون الموزونه..وحفظت تسجيلها وقالها انه فيه خطاء...حاولت تسجل مره ثانيه ماقدرت لان سجلها المدني تسجل خلاص...

وحاولت تدخل بدخول مسبق ويطلع لها نفس مشكلت ليدي..يعني لو حاولت تعيد تسجيل الدخول اكثر من مره بيفتح معاها؟؟؟؟


اول شي خليها تغير الاتصال لان اول نت اغلبه مايفتح الموقع انا جربت من نسمه و فتح بسرعه معنا و سجلو خواتي اذا غيرت الا تصال تدخل من دخول سابق و ادخل السجل المدني و الرقم السري و تكمل تسجيلها تشوف على جنب مكتوب الدرجات تفتحها و تعبيها و يمشي معها الموقع و تطلع لها الرغبات

0ne

غيري الاتصال و بيفتح معك اكيييد pb036

متكيه و تفصفص

غيري اتصالك بعد انتي pb036 وتر الزواج في 9 /7 :D

رياح الماضي


بس حبيت اسأل جامعية فيلسوفه</B> بالنسبه لكليات التقنيه للبنات وشلون طرق تقديمهم لاني دخلت الموقع ومااستوعبت شي حتى التخصصات ماعرفتها بالضبط

بليز اذا عندك خلفيه لاتقصرين معنا تحياتي لك قلبو


راجعي رد رويت كاتبه فيه عن كلية التقنيه pb189
بالنسبه لمعهد الاداره الى الان مافتح ومدري متى تسجيله


ابو شوشه الاصلع

خل اختك تروح وقت التسجيل للكليه او جامعة الامام و تقدم اوراقها و تختار اي قسم تبيه و يسجلونها فوري ان شاءالله اذا نسبتها حلوه لان التسجيل عن طريق النت بس لجامعة الملك سعود و جامعة الرياض و الامام من المركز يعني من الجامعه نفسها

mrs.pennington

روحي الجامعه بنفسك افضل من هالحوسه

مختبصه

صح عليك شاطره و ادارة اعمال يمكن تقبلك ان شاءالله و اذا شاطره بتمشين فيها اكييد مع ان فيه بنات يقولون فيها رياضيات وحوسه pb036

اصبع نمله

حسب ماسمعت ايه كلها نفس المواد اول مستوى و اذا تبي تدخل اي قسم و تحول هذا بيفيدك لانهم بيسوون معادله لك بدون ماتعتذر

مليحه

اختك بتنزل لها الرغبه في قسم التغذيه جامعة الملك سعود و ان شاءالله بيقبلونها ممكن الترم الاول و الاكيد الترم الثاني ان شاءالله اذا ماصار فيه واسطه و حوسه pb058
بالنسبه لكلية الا قتصاد بيقبلونها فوري بالقسم الي تبيه ان شاءالله

قنوعه

انتبهي ياقلبي و انتي تسجلين مره ثانيه

حارس القرن

69pb036 الجامعه ماتقبل هالنسبه <<< ام التحطيم :( مالك غير تروح لجامعة الملك عبدالعزيز و ام القرى و الجوف ان شاءالله بتقبلك

بسجل غصب

انا سألت و نسبتك ان شاءالله بتسجلك في البترول الا اذا ماصار حوسه و غيرو تسجيلهم و اذا تبي نصيحتي سجل في البترول افضل بكثير من سعود pb036

نوعا ما
02-07-2007, 03:03 PM
يسلموووووو ..؛

الحمد الله سجلت اختي وكلش تمام ؛)

وووهـ بس
02-07-2007, 03:50 PM
مرحبا جامعيه والله يعطيك العافيه...

بنت خالتي دخلت درجاتها بدون الموزونه..وحفظت تسجيلها وقالها انه فيه خطاء...حاولت تسجل مره ثانيه ماقدرت لان سجلها المدني تسجل خلاص...

وحاولت تدخل بدخول مسبق ويطلع لها نفس مشكلت ليدي..يعني لو حاولت تعيد تسجيل الدخول اكثر من مره بيفتح معاها؟؟؟؟



وشلون الموقع يقبل درجاتها اللي مو موزونه pb036
اصلا لو حطت غير درجاتها الموزونه بيقولها الدرجات ماتناسب نسبتك
خليها تحاول تدخل بالموقع اكثر من مره بانها تدخل بتقديم سابق وتعدل اللي بتعدله bp039


حارس القرن .
.
... ...

صـبحكم بالخـير ...
اول شي ... الف شكر لـ جامعيه فيلسوفه على هالجهد ... و الله يجزاكي الف خير ,,

الشي الثاني ... انا بصراحه منلحس ... مدري وش اسوي ولا فهمت شي ... !!!

انا نسبتي تبن ... انا نسبتي 69 علمي ,,,
هقوتكم وش الجامعات اللي تقبلني ... سعود تقبلني في اداره الاعمال ولا ... : (
او اي كليه تقبلني ... في قسم اداره الاعمال ...

بصراحه انا متحطم و منلحس ... مدري وش اسوي و وش السالقه !!


اهلين حارس القرن
بالنسبه لنسبتك حاولت ادور لك الاقسام اللي تناسبك بجامعة الملك سعود وهذا اللي طلع معي بالمرفقات
وهذا الرابط عشان تدخل

الله يوفقك bp039
http://www.ksu-admit.net/PlanDetailViewReport.aspx

وووهـ بس
02-07-2007, 03:58 PM
باقي المرفقات :)

لـيــدي
02-07-2007, 06:08 PM
جامعية يا قلبي .. pb189


تسلمين والله أحس ابتلشتي معانا ..

و الله يوفقك يارب ..

و عقبال ما نشوفك تسجلين بناتك بالجامعة :D

و خذي هذي bp039 bp039 <<-- وحدة لك و الثانية لزوجك :D <<-- تبي تتصفق pb034

Joorah
02-07-2007, 06:58 PM
بنات اللي عيت تقبلها سعود بالصحيه عشان المعدل



تروح لـ الكليه الصحيه



تراها لين الإربعاء ويقفلون التسجيل وعلى حسب المقاعد


<- لأن محد درى عنها حبيت اقووولكم

عجزت أنساك
02-07-2007, 07:23 PM
lll---[ عجزت انساك ]---lll


مساكم الله بالخير pb189 ..
بالنسبه للعيال ..

بدأ التسجيل في جامعة الملك فهد للبترول والمعادن ..
هذا موقع الجامعه
http://www.kfupm.edu.sa (http://www.kfupm.edu.sa)
ومن " هــنـا (http://www.kfupm.edu.sa/admissions/Files/AdmissionsArb.htm) " .. شروط القبول والتسجيل


وبعد جامعة الملك فيصل بدأ التسجيل فيها عن طريق موقعهم
http://www.kfu.edu.sa/ (http://www.kfu.edu.sa/)


الله يوفقكم pb189


lll---[ عجزت انساك ]---lll

Spanish eyes
02-07-2007, 07:38 PM
،‘

مــــرحَبَآ :o ،‘
جآمعيه يآحبيلكـ يختي pb189 ،‘

الله يــوفـــــقـــــــكـ ;; مـرهـ يسرّتي علينا شسمه :D

انـاالحمدلله pb059 خلآص سجلت وكذا وانشآلله يقبلوني pb124

بس بسألكـ :o !
صديقتي نسبتها 95.50% أدبي pb124 وتبغى ترجمه انجليزي !

تتوقعين يقبلونهآ ولا لاءهـ !!!؟:confused:
واذا ماقبلوها الترم الأول
وحطوهــآ في قسم ثاني تتوقعين تقدر تحوّل الترم الثاني لترجمهـ :confused: !!

<<يابثريpb093

عوآفـــي ياقلبــــيpb072 ،‘

،‘

MelOdy
02-07-2007, 07:50 PM
.. ..

مساكم رضى pb189

للأولاد قريت بالجريدة بعثات لكندا من المؤسسه العامة للتأمينات الأجتماعية تنتهي بالتوظيف للطلاب اللي نسبتهم فوق 90% علوم طبيعية ، وهي عموما قليلة لكن اشوفها فرصة ممتازة ، مجال التأمين مستقبله بالبلد خيالpb030

طلاب الرياض التخصصات الجامعية :

حاسب ( عدد فرص الابتعاث 7)
تمويل ( عدد فرص الابتعاث 3)
محاسبة( عدد فرص الابتعاث 2)
تسويق ( عدد فرص الابتعاث 1)
تأمين اجتماعي ( عدد فرص الابتعاث 1)
إدارة أعمال ( عدد فرص الابتعاث 1)

تقديم الطلبات على الموقع : www.gosionline.gov.sa

.. ..

هتون المشاعر
02-07-2007, 08:34 PM
السلام عليكم

ياحي الله جامعيه اللي شالت هم

الطلاب pb094

الموهم جامعيه انا سجلت في سعود

يوم سجلت درجاتي

ماطلعو لي ولا خيارات في التخصص :rolleyes: pb131

ليش ؟؟ لان النسبه الله يسلمك ما تساعد

80%

لذلك انا سمعت ان جامعة سعود

تقبل تأهيلي

يعني ادفع واذا نجحت قبلوني صح ولا لاء ؟؟

سؤالي

متى اسجل تأهيلي بداية السنه ؟؟؟؟؟؟؟؟؟

وكم ادفع سمعت انه 7 ألآآف بس ؟؟؟:rolleyes:

وتســـلمين يالغاليه pb094 bp039

مختبصه
02-07-2007, 09:16 PM
استفسار صغنون فيلسوفه .. !


سجلت بتقديم النت .. وكل شي اوكي


بس القسم اللي ابيه ماطلع ضمن الرغبات .. !

|| اداره عامه ||


مع انه طالع لي اقسام.. العام مقفله على 98 .. زي اداره اعمال وتربيه خاصه ..

يعني موب عشان النسبه .. !!



ونسبتي .. 93,80 .. مووش بطاله !

اصبع نمله
03-07-2007, 02:16 AM
umn \ygugy fdum
;l, \ mn\mn bn \`,fjklhgb \ m,h\uk543iowzmufdszv
^^^^^^^^^^^^^^^^^^^^^
معليش يعني هالطلاسم اللي فوق
هذي درر من اختي ام سنه وثلاث شهور
تركت اللاب توب مفتوح وجت ضغطت وردت
وشلون مادريpb036
خخخخخخخخخخخخخخخخخخخخخخخخخخ
حتى هي تبي تستفسر عن الجامعه
<<< كني طلعت عن مسار الموضوع<< من وين جبت كلمه مسار مادري

الناي الناطق
03-07-2007, 02:19 AM
السلام عليكم
عندى سؤال أتمنى ألقى له جواب
أذا سجلنا وجاء الترشيح أيش الاشياء اللي نرسلها بالبريد الممتاز لأنه كاتب أستمار القبول والشهاده وأنا مدري ووشو أستمارة قبول يياليت أحد يفهمني عندي أكثر من وحده سجلتها بس أبي أفهم هالنقطه
شكرا

مـلـــــيحه
03-07-2007, 03:47 AM
ياقلبي ياجامعيهpb189 الف شكر تعبناك معانا


يعني اختي بتنقبل بكلية الاقتصاد:sm5: يعني ما نشيل هم:confused:


طيب هو صحيح ان الزراعه بسعود هو نفسه التغذيه بالاقتصاد ابي اجابه:sm1:


الله يوفقك خيتو ومااااااره شكراbp039

نوير MISS
03-07-2007, 07:31 AM
جامعيه قلبي ..

يسلموووووووو الله يوفقك ياربي ويسخر لك ...


سؤال كم تسكر عليه العادهـ تغذيه في سعود؟؟؟

Super RoOoNy
03-07-2007, 10:55 AM
هلا جامعيه احس اني بنجلط والله :(
سجلت بس ماطلعت لي الرغبات ونسبتي 81,90
ليش جيد جدا منخفض مالهم رب ولا احد يهتم فيهم :d
بليييييييز علموني وش الحل ابي اي تخصص اهم شي مقعد مقعد :d
بس عاد يكون سهل ويقبلوني بحيث اني اقدر احوول فيه

الله يخليكم احس اني زعلانـــــه :(
:d

.. دون جلوي ..
03-07-2007, 12:10 PM
.
.
... :) ...

جامعيه فيلسوفه pb189 ... يـ ع ـطيك الف عافيه ... و ان شاء الله بشوف وش لون نظام
جامعه الملك عبد العزيز ... و معليش تعبناك pb094


وووهـ بس pb189 ... يعطيك الف عافيه ... اشهد انك فكيت ازمه :D
ياخي الله يوسع صدرك بالعافيه ... وان شاء الله انهم يقبلونا عاد :(

proonzya
03-07-2007, 12:17 PM
مرحبا جامعيه : بس حبيت اسألك كم نسبة قبول الانتسااااب في جامعة البنات ؟..

سمعت اقل شي 65 ..

ياليت اي وحده تقدرتفيدني بشوي معلومات عن تسجيل الانتساب ..
ويعطيكم العافيه ..

وبالتوفيق للجميع .. الله يكتب اللي فيه خير ..

تحيتي .,.,..bp039

رياح الماضي
03-07-2007, 03:23 PM
مسااااااااااء الخيييييييييييييييير

بالنسبه للكليات الصحيه اختي قدمت اليوم

ونسبتها 87 % وتخيلوووووووا في بنات جايين نسبهم فوق 95 % قال ايش اذا ماانقبلوا بسعود ينقبلون هنا

مادروا ان الاختبار التحصيلي بتفس اليوم:)

المهم بس حبيت ابلغ انهم قالوا لاختي انها قفلت على 85% مدري عاد يمكن بكره يفتحون من جديد


بلييييييييز حبيت اسأل عن التقديم في القوات المسلحه((مستشفى العسكري)) متى وكيف ووش نسب القبول؟؟

والف شكر لجامعيه وللجميع

جامعية فيلسوفة
03-07-2007, 03:28 PM
ليدي

امييين و يوفقك يا قلبي

Spanish eyes

قولي لصديقتك انها بتنقبل ان شاءالله و نسبتها تقبل الاقسام الي افضل من ادب انجليزي يعني لاتخاف

هتون المشاعر

نسبتك ماتقبلها الجامعه نهائي الا اذا بتدرسين بفلوس بتقبلك بالنسبه للسعر والله ماعندي معلومه مؤكده بس مره كنت جالسه جنب وحده تقول ان نسبتها في السبعين و تدرس ادب انجليزي على حسابها و الترم قيمته 4000 مدري اذا هي صادقه او لا انتي جربي و روحي من الحين قبل يقفلون

التأهيلي تسجيله الحين لانك بتبدين مع الطالبات تدرسين سنتين على حسابك اذا جبتي معدل عالي تصيرين مثل الطالبات اذا اقل مدري والله تكملين بفلوسك او لا

مختبصه

اسمها ادارة اعمال مو اداره عامه وهذي نسبة القبول 90 مافي شي اسمه اداره عامه ياقلبي شوفي جدول النسب مافيه الي تقولينه

الناي الناطق

استمارة القبول الاوراق الي سويتها عن طريق النت الاستمارات الي عبيتها هذي هي استمارة القبول فهمت علي

مليحه

حسب ماسمعت ايه نفسها بس فيه طالبات يقولون ان الي في الا قتصاد عباره عن تدبير منزلي يعني طبخ يعني تصير معلمة اقتصاد اذا هي تبي و الي في سعود ماتصير مدرسه و عن التغذيه يعني الخبيرات عن التغذيه هذا هم حسب ماسمعت والله اعلم و اذا دخلت كلية الاقتصاد تغذيه عطيني خبر اخطبها لاخوي بتصير طباخه فنانه :D

نوير

والله مدري على كم تسكر حسب عدد المتقدمات

حلوه و بنت عز

ياقلبي نسبتك ماتقبلها سعود الا بفلوس

proonzya

اول مر ه ادري ان سعود فيها انتساب مافيها انتساب لو فيها كان دخلو اغلب الطالبات pb036

بالنسبه لجامعات الرياض في كلية الاداب انتساب بس مدري وربي على كم pb058

Spanish eyes
03-07-2007, 03:44 PM
Spanish eyes

قولي لصديقتك انها بتنقبل ان شاءالله و نسبتها تقبل الاقسام الي افضل من ادب انجليزي يعني لاتخاف


،‘

جآمعيه أنتي كذآ pb111 ،‘ :p

يعطيكـ ألف عآفيه pb189 bp039 ،‘

الله يوفقكـ ويسعدكـ pb072 ،‘

،‘

Fushia.1
03-07-2007, 04:28 PM
سؤال كم تسكر عليه العادهـ تغذيه في سعود؟؟؟

شوفي هالرابط بيفيدك ..

[ النسب التي توقف عندها القبول للعام الماضي / طالبات]
http://eservices.ksu.edu.sa/dar/shownews.jsp?id=262


ملاحظين النسب مره مرتفعه !:rolleyes:

شخبوطة
03-07-2007, 06:59 PM
جزاك الله خير فيلسوفة الله لا يحرمنا منك ...بعد الزواج....


مشكلتي يا بنات سجلت وخلصت بعدين راجعت لقيت نسبتي حاطين الكسر اللي على جنب 9 وانا ماخذة

90 لما صلحتة

طلع نفس ماهو حتى عدت الدرجات مرة ثانية وبرضو نفس الغلط وحاولت اكثر من مرة بس مانفع...مدري وش

الحل؟؟؟ لان اكيد 90 تاثر على القبول....

الم_ح_طم
03-07-2007, 08:04 PM
الله يعطيك الف عافية ياجامعية
ويوفقك ويسعدك بالدنيا والاخرة
والله ماقصرتي bp039 bp039


طيب عندي سؤال
سجلت عن طريق النت
وماطلع لي غير عربي وجغرافيا وتاريخ ودراسات اجتماعية :sm1:
دخلت الدراسات الاجتماعية ترم اول ثم ترم ثاني ....
ودخلت الرغبة الثالثة جغرافيا ترم اول وترم ثاني ...
على اساس ادخله ترم واشد حيلي
والترم الثاني احول لكلية التربية قسم التربية الفنية pb094
بس مدري ابقدر احول اولا :(
تكفون علموني ...
على اساس اذا ما اقدر
اسجل بجامعة البنات وامري لالله
ولا تضيع السنة هذي بعد على الفاضي



تكفون ردو علي قبل يوم الاربعاء
بكرة بروح اقدم اوراقي واوراق اختي

غزالـ
03-07-2007, 10:04 PM
السلام عليكم
انا نسبتي 81.61%"علميء"

pb093 <<<ويش اسويء بعد ربي كااااااااتبهpb131

السنه هاذي النسب مررررررررره مرتفعه

يعني كل الطالبات جايبين90%فما فوووووق ؟؟؟؟؟؟؟؟؟؟؟؟؟؟؟
يعني ماشاء لله ع العيال 50% ويدخل جامعه:eek:

انا عارفه انو ولا جامعه تقبلي :(

المهم


انا ابي اعرف ايش الجامعات اوالكليات الأهليه الي تقدر تدخلني

طيب كليه المجتمع ادخل بفلوس ايش الأقسام الي عندها غير" الأقسام الأدبيه"
وهل اقدر احول بعدها لأي جامعه ابغها

وطيب قسم احياء دقيقهpb189 له مستقبل ولا لا:(
واذاكان له مستقبل ويش الوظايف المتوفره غير المُدرسه

""ادري اسئلتي كيثره تعبت وانا احوووس وادوس في مواقع الجامعات مالقيت شيء نفعني!""

وشكرأbp039

لـيــدي
03-07-2007, 10:17 PM
سلاااااااااام ..

سمعت خبر انه يوم الاحد فيه اختبار في الامام للي بيقدمون انجليزي

هو صدز و لا تسذب ؟؟

و انجليزيهم لغات والا ادب ؟؟


بليييز ردوا بسرعة عشان رحلتي يوم الخميس عشان اذا وشسمه اكنسلها ..bp039 bp039

proonzya
03-07-2007, 11:01 PM
اول مر ه ادري ان سعود فيها انتساب مافيها انتساب لو فيها كان دخلو اغلب الطالبات

بالنسبه لجامعات الرياض في كلية الاداب انتساب بس مدري وربي على كم


ياحبني لك ياجامعيه .. ايه انا عارفه ان سعود مافيها انتساب انا اقصد جامعة الرياض ..

يعطيك العافيه حبي .,.,..bp039

Daniele De Rossi
03-07-2007, 11:47 PM
طيب العيال بدا تسجيلهم او لأ ؟!

لاني اذا رحت لتقديم جديد يقولي لم يتم فتح باب التقديم للطلاب !

افيدونا الله يجزاكم خير

(وجه مفهي) :( :d

نوير MISS
04-07-2007, 02:11 AM
a7la a7d


مشكوره حبيبتي ماتقصرين ...

يعطيك العافيه جامعيه ...


بنات سؤال :: يعني ماله داعي نروح الجامعه صح ؟؟

طيب متى ناخذ بطاقاتنا وخرابيطنا

شوشة منتفشة
04-07-2007, 04:23 AM
هلا

بغيت اسالكم

أنا كنت ابي جامعة الرياض للبنات (فيزياء)
بس يوم شفت النسب انهبلت وانا نسبتي 93,61

http://www.al-jazirah.com/829659/ln100.jpg

يعني الكليه العلمية ماتقبل الا 95,5 وطااااالع يعني انا مالي مكاااان :sm1:


علموني اذا هذا الصدق وانها ماتقبل الا 96 وطالع عشان اسجل في جامعة سعووود؟

مع اني استغرب وشلون حددوا النسب

لان اليوم اخر يووووم

والله يعييييييييييييين

بليز اي احد يدخل يرررد علي اذا كان يعرف ولو معلومه بسيطه

طبيزه
04-07-2007, 08:22 AM
عزيزتي شخبوطه مافيه خطأ بالكسر لأن تسعه من عشره هي نفسها تسعين من ميه :)

وبالتوفيق لجميع الطلاب :)

غزالـ
04-07-2007, 10:22 AM
ابي احد يفيدني عن كليه المجتمع برياض

ويالت رقمهم

جامعية فيلسوفة
04-07-2007, 02:44 PM
شخبوطه

هو نفسه مافي غلط 9 معناه 90 :confused:
المحطم

اذا تبي نصيحتي واضح ان نسبتك تحت 90 فا الا فضل تسجلين في كلية الاقتصاد قسم فنيه لانك لو سجلت في الجامعه التحويل للفنيه صعب مررررره مابي العب عليك و اقولك حاول لان فيه ناس قبلك حاولو مانفع :)

غزال

طيب اذا تبين احياء ادخلي كلية التربيه العلميه ممكن تقبلك اذا مافي امل ادخلي سعود بفلوسك و التسجيل بادي روحي للجامعه و اسألي شوفي وش يقولون

ليدي

الي اعرفه ان الامام التسجيل فيه يبدا يوم 7 /7 و اذا تبين تتأكدين اتصلي على الجامعه او روحي لهم بنفسك افضل

MishoOo

تقديم الطلاب في الجامعه مو من النت و الاولويه الي يجي اول يعني حسب المقاعد روح لهم و شوف

نوير

وش هالعجله الله يصلحك تبين البطاقه الحين خلي ينزل اسمك مقبوله و تسلمين اوراقك للجامعه و بعد الدراسه لك بطاقه الاهم انتبهي لان يمكن بعد اسبوع ينزل اسماء المقبولات في الجامعه

شوشه

انتي فاهمه ياقلبي هالجدول الي حاطته او لا الكليات العلميه تقبل الين تنتهي المقاعد فيها و انتي على نسبتك ابشرك ان شاءالله مقبوله فيها و بالراحه في الدول واضح ان الكليات تقبل من 100 % الين 60 % طبعا حسب المقاعد ولا تخافين لك مقعد ان شاءالله و موعد التسجيل حسب نسبتك يبدا من يوم الثلاثا 17 /7 بس روحي قبل افضل لك

غزال

روحي للجامعه اسألي افضل من الاتصال

Fushia.1
04-07-2007, 02:56 PM
ابي احد يفيدني عن كليه المجتمع برياض
ويالت رقمهم

شوفي هالرابط ..
http://colleges.ksu.edu.sa/com/index.php?mod=view_content&content_id=112

نلاقين مواعيد التسجيل والاقسام ..
وهذا رقمهم 4036600
بس مدري اذا هو اكيد ولا لأ , لاني ماخذته من منتدى
بالتوفييق

رياح الماضي
04-07-2007, 04:10 PM
بالنسبه لجامعه الامام انجليزي

للي سأل تراه لغات وترجمه مو ادب

واختبار تحديد المستوى يوم الاحد الساعه 8 صباحا يبدا الاختبار في جامعه الامام بالملز

ولازم تكونين جايبه اوراقك معك يوم الامتحان

من شهاده ثانويه عامه اصل+صورتين
بطاقه عائله اصل+صورتين
وحسن سيره وسلوك اصل+صورتين


واللي سمعته ان الدخول يكون من بوابه 9 <<<مو متأكده

ومن اهم الشروط ان النسبه 85% فما فوق

((الجامعة تعلن موعد اختبار المتقدمين للإنجليزية الأحد المقبل

أعلنت عمادة شؤون القبول والتسجيل بالجامعة موعد اختبار المتقدمين والمتقدمات للقبول في قسم اللغة الإنجليزية بكلية اللغات والترجمة للفصل الدراسي الأول للعام الجامعي 1428-1429هـ يوم الأحد 23/6/1428هـ,وبينت العمادة أنه يشترط للمتقدم من الطلاب أن لا تقل النسبة المكافئة عن (75%)، وللطالبات عن (85%) في شهادة الثانوية العامة للطالبات، وسيكون مقر اختبار الطلاب في معرض الكتاب في المدينة الجامعية، وللطالبات في مركز دراسة الطالبات بالملز.

))

وتحياتي للجميع

شوشة منتفشة
04-07-2007, 11:12 PM
شوشه

انتي فاهمه ياقلبي هالجدول الي حاطته او لا الكليات العلميه تقبل الين تنتهي المقاعد فيها و انتي على نسبتك ابشرك ان شاءالله مقبوله فيها و بالراحه في الدول واضح ان الكليات تقبل من 100 % الين 60 % طبعا حسب المقاعد ولا تخافين لك مقعد ان شاءالله و موعد التسجيل حسب نسبتك يبدا من يوم الثلاثا 17 /7 بس روحي قبل افضل لك

شكرا ً شكرا ً قد كذا (وحده مادتن يدينها )

ياربي يوفقك ويسهل عليك ان شاء الله

آحبك والله

تعبت أشتاق
05-07-2007, 02:02 AM
جهد تشكرين عليه اختي


والله يوفقك

Super RoOoNy
05-07-2007, 05:44 PM
جامعيه زي منتي عارفه ان موقعهم مايطلع رغبات للي اقل من 85
يعني اروح للجامعه اسجل هناك ولا وش السالفه؟؟

غزالـ
05-07-2007, 08:18 PM
8888


مايطلع رغبات للي اقل من 85


معناتها مالهم قبول بالجامعه!:( لا تروحين لهم ولا تعبين نفسك

نغم الوجدان
06-07-2007, 05:35 AM
الله يوفقك يافيلسوفة دنيا واخرة ويسر امر زواجك امين يارب العالمين بس حبيت اسالك عنقسم دراسات اجتماعية هو علم اجتماع ولا وش بالظبط

UNiQUe
06-07-2007, 03:36 PM
الله يوفقكم كلكم وتدخلون الي تبغونه الحين ولا بعدين..

موفقه حبيبتي جامعيه pb189

جامعيه قالت الويكند هذا بيكون اخر ويكند لها معكم..لانو اتوقع موعد زواجها جا خلاص..
دعواتكم لها ربي يوفقها ويسهل أمرها..

pb189

ابو شوشة الاصلع
06-07-2007, 06:22 PM
الله يوفقكم كلكم وتدخلون الي تبغونه الحين ولا بعدين..

موفقه حبيبتي جامعيه pb189

جامعيه قالت الويكند هذا بيكون اخر ويكند لها معكم..لانو اتوقع موعد زواجها جا خلاص..
دعواتكم لها ربي يوفقها ويسهل أمرها..

pb189

الله يوفقها ويسعدها بزواجها وان يرزقها الزوج الصالح والذرية الصالحة bp039bp039bp039

Super RoOoNy
06-07-2007, 09:16 PM
معناتها مالهم قبول بالجامعه! لا تروحين لهم ولا تعبين نفسك

الله يهديك بس وش هالتشائم :D <--ترا نفس النسبه بس 82

مو معقوله ؟؟ طيب والترم الثاني ياجماعه

يعني شلون ماندخل الجامعه هاااااااااه :(

ابو شوشة الاصلع
06-07-2007, 10:06 PM
8
8
8
جامعة الملك سعود مستحييييييييل دايم يقفلون التسجيل فوق التسعين بكل الترمين الاول والثاني @@

لييش الهههههههه
07-07-2007, 05:02 AM
طططططططيب
قولولي من واقع خبرتكم
شنو احسن ادارة اعمال اقتصاد ولا محاسبه
قانون ولا انجليزي ؟؟؟؟؟؟
بسرعه قبل يوم الاحد


ومشكورة حبابه عالشرررح ما قصرتي والله خوش بنت

بسجل غصب
07-07-2007, 07:27 AM
:


.



:(


القياس حاسني !

و جبت نسبه جداً سيئه !

68 !! :(

و صارت المكافئه 87.78 % !!

هل لي امل انقبل في البترول و المعادن أو حاسب / هندسه / إداره اعمال الملك يعود ؟

:(

**Colors**
07-07-2007, 08:02 AM
السلام عليكم .. جامعيه جزاك الله خير bp039 . والله يوفقك بزواجك يارب : )

شفت كذا استفسار وبحاول اجاوب عليهم حسب اللي اعرفه



الله يهديك بس وش هالتشائم :D <--ترا نفس النسبه بس 82

مو معقوله ؟؟ طيب والترم الثاني ياجماعه

يعني شلون ماندخل الجامعه هاااااااااه :(


اهلين حلوه bp039 .. للاسف ياقلبي جامعه الملك سعود صار يوقف تسجيلها على 93 - 92 .. ونسبه 91 في حال توفر مقاعد pb093 .. مافي حل انك تدخلين الا بفلوس في جامعه الملك سعود .. يعني مثل مايسمونها خدمه المجتمع .. اللي اعرفه عنها تدرسين سنتين بفلوس .. واذا جبتي معدل اتوقع فوق 2 تدرسين مثل اي طالبه بسعود من غير فلوس : ) .. اسالي اهم شي عن تسجيلهم متى واذا في مقابله وهالاشياء ..



طططططططيب
قولولي من واقع خبرتكم
شنو احسن ادارة اعمال اقتصاد ولا محاسبه
قانون ولا انجليزي ؟؟؟؟؟؟
بسرعه قبل يوم الاحد


ومشكورة حبابه عالشرررح ما قصرتي والله خوش بنت


ياهلا ..

القسم تختارينه حسب ميولك وحسب نسبتك .. وحسب اهم شي ايش تحبين فيه .. شي راجع لك يعني وايش تحسينك راغبه


:


.



:(


القياس حاسني !

و جبت نسبه جداً سيئه !

68 !! :(

و صارت المكافئه 87.78 % !!

هل لي امل انقبل في البترول و المعادن أو حاسب / هندسه / إداره اعمال الملك يعود ؟

:(


ياهلا اخوي .. ياخي ارحمكم يالتوجيهي رجعتوا لي ذكريات التوجيهي والمعاناة :(

تبي الصدق مادري نسبتك ايش ممكن تدخلك !! بس اللي اعرفه انهم يقبلون للاولاد تقريبا الى نسبه 85 يعني ان شاء الله اهم شي تسجل بالجامعه بأي قسم ويفضل يكون بنفس الكليه اللي فيها القسم اللي ترغبه .. يعني مثلا تبي اداره اعمال اذا حصل لك محاسبه _ قانون _ اي شي بنفس كليه العلوم الاداريه ادخله وجب معدل وحول ..

او انك تسجل الترم الثاني .. بس ماادري اذا يقبلون كثير مثل الترم الاول او لا ..


والله يسهل عليكم جميعا .. ويكتب لكم اللي ببالكم bp039

انوار الرياض
07-07-2007, 08:21 AM
والله يوفقك ياجامعيه

ماقصرتي والله

واستفادو ناس كثيرين

والله يحقق لك الي في بالك

اكيد زواجك قريب الله يتمم عليكم افراحكم

دمت بود

έίмô_ô
07-07-2007, 09:45 AM
ياليتني ادري عنكم من زمـان : ((
وربي اني حايسهـ من يوم ماطلعت النتايـج
و بكل مكـان اكتب اسمي ونسبتي هـ ع

حـبيت اسأل عن التعليم الموازي بجـامعة الملك عبدالعزيز و ام القرى
لأني دورت في الموقع مالقيت اي شيّ عن مواعيد تسجيلهـ او حاجهـ عنهـ ..!!
و ترى التعليم الموازي غير عن السنهـ التأهيليه

و بعـد بغيت اعرف عن الجامعـات الأهلية اللي بجدهـ متىى التقديم فيهـا ..!
عندي رقم كذا جامعهـ بس مايردون عليّ : ((

ادري طلباتي كثير .. بس عجـزت القاها
و خايفهـ يروح عليّ التسجيل .. عشان كذا ودي اعرف و اروح مرهـ وحدهـ و اخلـص ..

ان شاء الله تفيدوني << قبل مايخلص التسجيل ^_^

\

Wan
07-07-2007, 10:07 AM
بنات .. جامعة الملك عبدالعزيز بجده

قسم ادب انجليزي تتوقعون إيش النسب إللي يقبلونها ...؟
وإيش مستقبل إللي تدخل هالقسم >>> لا تقولولها مدرسه ,,

ابو شوشة الاصلع
08-07-2007, 03:00 AM
ياشباب ياليت تفيدونا عن تقديم كلية اليمامة بنات وهل فعلا بدا التسجيل ؟؟؟
وهل اهليه او حكومية @@

للضرورة وياليت تفيدونا بسرررررررعة @@

**Colors**
08-07-2007, 03:52 AM
ياشباب ياليت تفيدونا عن تقديم كلية اليمامة بنات وهل فعلا بدا التسجيل ؟؟؟
وهل اهليه او حكومية @@

للضرورة وياليت تفيدونا بسرررررررعة @@


والله التسجيل مااعرف :( .. بس اليمامه اهليه

ابو شوشة الاصلع
08-07-2007, 06:27 AM
طيب متى تقديم كلية اعداد المعلمات <<< ياكثرك خخخخ

Super RoOoNy
08-07-2007, 10:48 AM
8
8
8

على طاري اليمامه !!
ايش الافضل جامعة الامير سلطان او هي ؟؟
من حيث المستوى التعليمي
كمان سمعت ان جامعة الامير سلطان غير معترف فيها صحيح هالكلام؟؟
احد يفديني فيها ويذكرلي التخصصات القوووووويييه مررره لها

:d

غزالـ
08-07-2007, 08:16 PM
هذا موقع هم :)


http://www.alyamamah.edu.sa/index_ar.php

سلام المارة
10-07-2007, 07:08 AM
يعطيك العافية يا جامعية
الله يسهل دربك وييييييين مارحتي قولي آمين pb189


بنات سعود ، اليوم يطلع القبول ولا كيف ؟ ومن وين ؟
لأني دخلت ع الوب سايت ومالقيت شي:(

ف بليز اللي تطلع نتيجتها تعلمني ،، لأنو حسب ماعرفنا ان اليوم يطلع القبول صح ؟

ابو شوشة الاصلع
10-07-2007, 10:38 AM
8
8
8
الي اعرفه ان النتايج تطلع يوم 3-7 بس ماني متأكد @@

البسمه المقهورهـ
11-07-2007, 06:05 AM
بالنسبه لجامعة المقهورين اوووه سوري قصدي جامعة الملك سعود

اذا عندك واسطه روحي جعل نسبتك انشاالله 60%


غير كذا لاتحلمون بها الا من 93% وفوق فقـــــــــــــــــــــــــط !!!

شيش طاؤوق
11-07-2007, 06:47 AM
الله يجزاك خير أختنا جامعية ويوفقك بزواجك ،،،،

أبسأل :

هل جامعة الملك سعود ( بنات) مهيب فاتحة التسجيل الفصل الثاني ؟؟ لأن مدة التسجيل كانت قصيرة وحركة أن الطالبة تسجل وما تدري أي الفصلين ما لها سنع ؟؟


ومتى يبدأ تسجيل البنات في الكليات( بالرياض) أبغى التاريخ مضبوط وهل تقدر البنت إذا قبلت الفصل الأول تعتذر مثل الجامعة ؟؟

وهل فيه بالكليات قسم يختص بالتربية الخاصة ؟؟
معاليش أسألتي واجد بس مضطر :( ..

ياليت أحد يرد لي ولا يسفهني :(

غزالـ
11-07-2007, 06:46 PM
ومتى يبدأ تسجيل البنات في الكليات( بالرياض)
في
14\7

الأفضل الي تبي تعرف عنهم اي شيء تروح لمركزالعماده

الله يعيني بس القبول مسويليء شبح فحياتي:(

مالي الا خدمة المجتمع
والمشكله حتي الحاسب ماعندهمpb131((انتقالي يعني تدرس سنه عندهم همن تكمل في جامعه))

عندهم دبلومات ويش اسوي بها:sm1


الله يكون في عوني وعون الي اقل من 85%:sm1:

:

غزالـ
11-07-2007, 07:54 PM
جامعة الرياض للبنات تعلن الجدول الزمني للقبول في كلياتها





الرياض - عبدالرحمن اليوسف

أعلنت عمادة القبول والتسجيل لجامعة الرياض للبنات عن الجدول الزمني لإجراءات القبول للطالبات للعام الدراسي 1428هـ - 1429هـ وانطلاقاً من حرص وزارة التعليم العالي لتقليل الهدر بسبب انسحاب الطالبات بعد قبولهن أو بسبب حجز الطالبة نفسها لأكثر من مقعد في الجامعة الكائنة في منطقة الرياض. فقد تم الاتفاق بين الجامعات على تنسيق أعمال القبول بينها بدءاً من الفصل الدراسي الأول لعام 1428 - 1429هـ وذلك عن طريق تبادل المعلومات وتنسيق الإجراءات ومواعيد التقديم للقبول تحقيقاً للمصلحة العامة.

وشروط القبول في كليات جامعة الرياض للبنات للعام الجامعي 1428 - 1429هـ:

الطالبات المنتظمات

يشترط لقبول الطالبات المنتظمات في كليات جامعة الرياض للبنات ما يلي:

أن تكون سعودية الجنسية، أو غير سعودية لأم سعودية، وأن تكون حاصلة على شهادة الثانوية العامة أو ما يعادلها من داخل المملكة أو من خارجها، وأن تكون النسبة المئوية لنجاحها في الثانوية العامة في حدود النسب التي تحددها الأقسام التعليمية في كليات الجامعة، واجتياز المقابلة الشخصية التي تُجرى لها في كليات التربية، وكلية الخدمة الاجتماعية، أو أي شروط أو اختبارات تراها الأقسام التعليمية، وأن تكون لائقة طبياً، وأن لا يمضي على تخرجها أكثر من خمس سنوات، أي لا يسبق عام 1423 - 1424هـ

ويضاف للمنتسبات موافقة جهة العمل إذا كانت تعمل.

أما المستندات المطلوبة للقبول في الكليات للطالبات المنتظمات والمنتسبات:

أصل الشهادة الثانوية أو ما يعادلها وصورتين منها، وصورة من دفتر العائلة لولي الأمر، أو صورة البطاقة الشخصية للطالبة مع الأصل للمطابقة، واستيفاء استمارة طلب الالتحاق، وموافقة جهة العمل لمن هن على رأس العمل، وخطاب موافقة معتمد من ولي أمر الطالبة.

وفي ضوء ذلك فقد وضعت جامعة الرياض للبنات الخطة الآتية لتنظيم القبول في الكليات التابعة لها، وقد اعتمدت سياسة القبول الفوري وستستقبل كل كلية مباشرة الطالبات المتقدمات للقبول بها وستقبل جامعة الرياض للبنات أكثر من (10000) طالبة منتظمة، كما تتوقع استقبال أكثر من (5000) طالبة منتسبة وتتمثل خطة القبول في مرحلتين.

المرحلة الأولى: وتختص بالقبول في ثماني كليات للتربية وهي: كلية التربية بوادي الدواسر، وكلية التربية بالأفلاج، وكلية التربية بحوطة سدير، وكلية التربية الأقسام الأدبية والعلمية بالدوادمي، وكلية التربية بساجر، وكلية التربية بعفيف، وكلية التربية بالزلفي، وكلية التربية بحوطة بني تميم.

والطريقة التي ستتبعها الطالبة للتقديم للقبول في هذه الكليات:

أ - يمكن للطالبة أن تتقدم عبر الإنترنت على مواقع الجامعة www.rug.edu.sa للقبول من تاريخ 26 - 6 - 1428هـ ولمدة ثلاثة أسابيع مع ضرورة مراجعتها للكلية المعنية التي ترغب في القبول بها لتقديم أصول المستندات المطلوبة وذلك وفقاً لما هو موضح في الجدول رقم (1) الذي يبين مواعيد استلام المستندات والتسجيل حسب النسب المؤوية لنجاح الطالبة في الثانوية العامة.

ب - كما يمكن للطالبة في حال عدم تمكنها من التقديم عن طريق الإنترنت مراجعة الكلية مباشرة من تاريخ 29 - 6 - 1428هـ وحتى تاريخ 18 - 7 - 1428هـ والتقديم بأصول المستندات المطلوبة للقبول في المواعيد الموضحة في الجدول رقم (1) حسب النسب المؤوية لحصولها على الثانوية العامة.

المرحلة الثانية: وتختص هذه المرحلة بالقبول في الكليات الآتية:

كلية التربية الأقسام الأدبية بالرياض، وكلية التربية الأقسام العلمية بالرياض، وكلية التربية للاقتصاد المنزلي والتربية الفنية بالرياض، وكلية التربية لإعداد معلمات المرحلة الابتدائية بالرياض، وكلية الآداب بالرياض، وكلية الخدمة الاجتماعية بالرياض، وكلية التربية بضرماء، وكلية التربية بحريملاء، وكلية التربية بالمزاحمية، وكلية التربية الأقسام الأدبية بالخرج، وكلية التربية الأقسام العلمية بالخرج، وكلية التربية لإعداد معلمات المرحلة الابتدائية بالدلم، وكلية التربية بشقراء، وكلية التربية بالمجمعة، وكلية التربية بالقويعية.

والطريقة التي ستتبعها الطالبة للتقديم للقبول في هذه الكليات:

أ- تتقدم الطالبة عبر الإنترنت على موقع الجامعة www.rug.edu.sa للقبول كما في الموعد السابق على أن تقوم الطالبة بتقديم أصول المستندات المطلوبة للكلية المعنية من تاريخ 14 - 7 - 1428هـ وحتى تاريخ 2 - 8 - 1428هـ طبقاً لما هو موضح في الجدولين (2) و(3) اللذين يوضحان المواعيد اليومية لكل كلية وحسب النسبة المئوية للنجاح لكل طالبة للقبول وطبقاً لما هو موضح قرين اسم كل كلية.

ب- وفي حال عدم تمكنها من التقديم عن طريق الإنترنت تتقدم الطالبة للقبول مباشرة للكلية بدءاً من تاريخ 14 - 7 - 1428هـ وحتى تاريخ 2 - 8 - 1428هـ لتقديم أصول المستندات المطلوبة للقبول طبقاً لما هو موضح قرين اسم كل كلية في الجدولين (2) و(3).

ابو شوشة الاصلع
11-07-2007, 09:38 PM
طيب يا اخوان اخواتي نسبهم 85.5 و 87.65
هل لو قدموا للتخصصات العلمية بجامعة الرياض ينقبلون والا مافيه امل ؟؟؟

حـلـم تـحـقـق
12-07-2007, 09:25 PM
ابدأ بجد ، قبل أن تدج :sm5:

http://www.cksu.com/you/


هي دو :D

صابغه الهوى فوش
13-07-2007, 05:19 AM
بصيييح الحين:sm1:
مليون مره دخلت موقع جامعة الرياض وسجلت بياناتي وضغطت ع نعم عشان احفظها وطلعتلي صفحه وش طولها طلااااااسم وError
من زيي:confused:

غزالـ
13-07-2007, 06:05 PM
88888888888888888888888888888888

كل البنات الي منتدى الكليه الرياض يقولون كذا..

الله يعينكـ

صابغه الهوى فوش
13-07-2007, 06:17 PM
غـــزالـ
طمنتيني الله يطمنكpb189

غزالـ
13-07-2007, 06:39 PM
88888888888

بنات كثيرين انهبلو سجلوا وبعدين تطلع لهم صفحه كلها كلمات انجليزيه ...pb036
موانتي بلحالك
طيب الحين الكليه ما تدخل النسب الي اقل من 85%
صوووح ولا لا........

صابغه الهوى فوش
13-07-2007, 07:50 PM
غــــزالــ
لا مو صوح:sm4:
لأني ع حسب ماقريته بالجداول اللي حاطينها بموقعهم الخايس اخر نسبه 60 بس ترى مو شرط لأن فيه نظام اسمه انتسابpb027

ابو شوشة الاصلع
14-07-2007, 06:52 AM
جامعة الرياض هل بدأ تسجيل البنات بمدينة الرياض جاوبوني ضروري@@

اطلعوا من حياتي
14-07-2007, 07:20 PM
السـلام عليكم ورحمة الله

لو سمحتوا ممكن اللي يعرف أي شي عن الجامعة العربية المفتوحة

أو أكاديمية الفيصل يفيدني ضروري :)

والبنـات اللي دراسين فيها أو يعرفون أحد فيها ، يا ليت تفيدوني << من باب سؤال المجرب قبل الخبيـر ;)


أبو شوشة الأصلع

ايه أتوقع بدأ pb036 جبت لك كلام انسان له علاقة بالموضوع ان شاء الله يفيدك :

السلام عليكم
أولاً نبارك للطالبات نجاحهن هذا العام ونتمنى لهن التوفيق والسداد التسجيل عبر الانترنت يبدأ في يوم الاربعاء الموافق 26/6/1428 ه خلال موقع جامعة الرياض للبنات http://www.rug.gov.sa (http://www.rug.gov.sa)
في موقع الجامعة صفحة تختص بمواعيد التقدم للكليات بالأوراق الأصلية ( شهادة الثانوية العامة - دفتر العائلة أو البطاقة وإذا كانت الطالبة من أم سعودية وأب غير سعودي فتقدم ما يثبت هوية الأم- استمارة الالتحاق ) وذلك على الرابط التالي
http://www.rug.edu.sa/kobool/info/Paper.htm
وذلك حسب النسب وذلك على الرابط التالي
http://www.rug.edu.sa/kobool/info/NesabHome.htm
ويوجد على الرابط أيضاً شروط القبول ونظام الدراسة.
* استمارة الالتحاق يمكن طباعتها من الموقع أو طلبها من الكلية في يوم تسليم الأصول حسب النسبة.
* التسجيل عبر الانترنت ليس إلزامياً بل خدمة جديدة للطالبات ويمكن للطالبة التسجيل من الكلية مباشرة في يوم وساعة التسجيل وتسليم أصول الأوراق المطلوبة. أي أن الحضور للكلية وتسليم الأصول في يوم وساعة النسبة لابد منه.
مدير الحاسب الآلي بالعماده - بدر القحطاني


المصدر : الرياض

bp039

Super RoOoNy
14-07-2007, 10:51 PM
8
8
8

على طاري اليمامه !!
ايش الافضل جامعة الامير سلطان او هي ؟؟
من حيث المستوى التعليمي
كمان سمعت ان جامعة الامير سلطان غير معترف فيها صحيح هالكلام؟؟
احد يفديني فيها ويذكرلي التخصصات القوووووويييه مررره لها

افا ليش السحبات هذي بس :D

ردوا علي بليز ابي اعرف جامعة الامير سلطان ايش مستواها التعلمي وهل شهادتنا اقوى من الملك سعود
لحد يطنش ني ترا بزعل <-- :D

يلا انتظر ردودكم بليز

ابو شوشة الاصلع
15-07-2007, 05:16 AM
أبو شوشة الأصلع

ايه أتوقع بدأ pb036 جبت لك كلام انسان له علاقة بالموضوع ان شاء الله يفيدك :

السلام عليكم
أولاً نبارك للطالبات نجاحهن هذا العام ونتمنى لهن التوفيق والسداد التسجيل عبر الانترنت يبدأ في يوم الاربعاء الموافق 26/6/1428 ه خلال موقع جامعة الرياض للبنات http://www.rug.gov.sa (http://www.rug.gov.sa)
في موقع الجامعة صفحة تختص بمواعيد التقدم للكليات بالأوراق الأصلية ( شهادة الثانوية العامة - دفتر العائلة أو البطاقة وإذا كانت الطالبة من أم سعودية وأب غير سعودي فتقدم ما يثبت هوية الأم- استمارة الالتحاق ) وذلك على الرابط التالي
http://www.rug.edu.sa/kobool/info/Paper.htm
وذلك حسب النسب وذلك على الرابط التالي
http://www.rug.edu.sa/kobool/info/NesabHome.htm
ويوجد على الرابط أيضاً شروط القبول ونظام الدراسة.
* استمارة الالتحاق يمكن طباعتها من الموقع أو طلبها من الكلية في يوم تسليم الأصول حسب النسبة.
* التسجيل عبر الانترنت ليس إلزامياً بل خدمة جديدة للطالبات ويمكن للطالبة التسجيل من الكلية مباشرة في يوم وساعة التسجيل وتسليم أصول الأوراق المطلوبة. أي أن الحضور للكلية وتسليم الأصول في يوم وساعة النسبة لابد منه.
مدير الحاسب الآلي بالعماده - بدر القحطاني


المصدر : الرياض

bp039

يا اختي الي فهمته من كلامكـ انكـ ما يحق لك الا تقدم الا على كلية وحده !!!

يعني تختار الكلية الي تبي اذا ماقبلتكـ تمسك الباب !!!!

ياليت تفيدوننا اكثر pb094

ولك مني فائق الاحترام والتقدير bp039bp039

غزالـ
15-07-2007, 08:39 PM
ايه اجل من زمان وهم يصايحون يقولون ان البنت اذا سجلت في كليه ولا جامعه وقبلتها بحيث انها مسكت كرسيء
مايحق لها تسجل في كليه ولا جامعه ثانيه.:sm4:



يعني تختار الكلية الي تبي اذا ماقبلتكـ تمسك الباب !!!!



يالأخو بالعقل اذا ماقبلتها تروح الي تبيء:D

غزالـ
15-07-2007, 08:53 PM
بنات الي تعرف معلومات عن الأنتساب تفيدنا:(

وبعدين
تصير منتظمه ولا pb131

Mohannad =) ..
15-07-2007, 09:37 PM
لاهنتو ياشباب من يفيدنا بالنسبة للمعلمين :( ؟!

اخوي يبي يسجل فيها ولاأدري كيف وابوي حاط الدعوة براسي :(..

da KHALED
16-07-2007, 01:23 AM
جامعية .. ماقصرتي ورايتك بيضاء :)

الله يعطيك الف عافية

ابو شوشة الاصلع
16-07-2007, 02:08 PM
في شي انا مستغرب منه !!!

الحين بالشروط يقولون (( يجب على الطالبة مراجعة الكلية المقدم عليها حسب الموعد بجدول النسب ))

طيب انا خواتي مقدمات عاى 3 كليات من جامعة الرياض وكل وحدة بمكان كيف يمديهن يراجعن كل الكليات بساعة ونص ؟؟؟

والا فيه مكان نقدم فيه على كل الكليات ؟؟؟ ووين هالمكان ؟؟؟


ياليت الله تفيدوننا للضرورة الله يجزاكم خير pb189bp039

الزير مناحي
18-07-2007, 12:32 AM
جامعة الملك سعود بدأت اعلان قبول الطالبات
ارسلوا اشعارات القبول على الايميل بلحاله..!!
مع انهم قالوا بيرسلون على الايميل ورسالة نصية على الجوال
اللي ينتظر رسالة الجوال...يشيك الايميل يمكن وصلته الرسالة .

http://vb.eqla3.com/attachment.php?attachmentid=467315&stc=1&d=1184707651


هذا كلامهم في اشعار القبول :

يعتبر قبولك لاغياً ويسقط حقك في المقعد إذا لم يتم إرسال المستندات المطلوبة التالية في اليوم المحدد لك عن طريق البريد الممتاز


1\ أصل استمارة الثانوية العامة مع 6 صور منها(ولن يتم تثبيت القبول بدون إرسال أصل الشهادة).

2\ أصل شهادة حسن السيرة والسلوك مع صورتين منها.

3\ صورتان لدفتر العائلة.

4\ استمارة طلب الالتحاق التي يتم طباعتها بعد إعلان نتائج القبول من موقع العمادة مع استكمال التوقيعات المطلوبة.

5\ لغير السعوديين (من والدتها سعودية فقط) إرسال صورتين من هوية الوالدة وصورتين من الإقامة وصورتين من شهادة الميلاد.

6\ موافقة ولي الأمر بالنسبة للطالبات، ويفضل أن تكون على استمارة طلب الالتحاق.

7\ أصل السجل الدراسي لمن سبق له الالتحاق بالجامعة أو أي جامعة أو كلية أخرى.

8\ على خريجات الثانوية العامة في الأعوام السابقة إرسال ما يثبت التحاقهن ببعض الكليات أو الجامعات في الداخل والخارج.

___________________________

الرقم 4
الاستمارة موجوده في الموقع
الصورة اللي حطيتها اذا ضغطت على الخيار الثاني بيعطيك الاستماره اللي تعبيها
ويعطيك الورقة اللي فيها موافقة ولي الامر

بالتوفيق للجميع bp039

سنيورا
18-07-2007, 12:58 AM
اقول يستهبلون حقين الملك سعود:D

صاير عندنا مناحه بالعائله 3 ما انقبلوا وكلهم فوق التسعين

ووحده انقلبت ترم ثاني ادارة اعمال نسبتها 97 !!!!!

اقول الحمدالله بس انه مابقالي شي واتخرج منها وافتككك:sm3:

طول عمري اقول هالجامعه زفت بس محد مصدقني الا الحين :sm12:

بس بعرف هل فيه امل اذا لقينا واسطه نمشي هالجيش الي عندنا ولا لا ؟؟pb027

وبشروا وشلون نتايجكم مثل الي عندنا ولا اوكي?

ksaboy_2006
18-07-2007, 01:04 AM
مشكووووووووووووره

أوجــاع
18-07-2007, 03:17 AM
في شي انا مستغرب منه !!!

الحين بالشروط يقولون (( يجب على الطالبة مراجعة الكلية المقدم عليها حسب الموعد بجدول النسب ))

طيب انا خواتي مقدمات عاى 3 كليات من جامعة الرياض وكل وحدة بمكان كيف يمديهن يراجعن كل الكليات بساعة ونص ؟؟؟

والا فيه مكان نقدم فيه على كل الكليات ؟؟؟ ووين هالمكان ؟؟؟


ياليت الله تفيدوننا للضرورة الله يجزاكم خير pb189bp039

وانا بعد اسأل :confused:

وشلوووون :(:(

اصبع نمله
18-07-2007, 04:41 AM
سنيورا
انا حالتي تشبه حاله الجيش اللي عندك
نسبتي تدخلني القسم اللي كنت ناويته الترم الاول لو ماتقفل بدري والترم الثاني بالرااااااحه
من ناحيه النسبه العامه والخاصه بعد
وكنت حاطه القسم اللي امنيه حياتي ادخله ترم اول وثاني
وحاطه حوالي ست رغبات
من بينهم علم نفس ورياض اطفال وتربيه خاصه واخر شي تربيه فنيه
وحطوني تربيه فنيه
ولو تشوفين المناحه اللي سويتها انا وصديقاتي
صياخ وزعاق وسب واللي تبين
انا انقبلت فنيه انا وين والفن وين
وصديقاتي ثنتين نسبهم 95% ما انقبلوا بالجامعه كلها
لانهم ماحطوا لافنيه ولا دراسات اسلاميه حطوا رياض اطفال وعلم نفس وقانون واداره اعمال
وثنتين اعرفهم نسبهم 94% انقبلوا دراسات اسلاميه
وحده حاطتها الرغبه السادسه ووحده السابعه
وثنتين جايبين 92% ولا انقبلوا ابد
ياربيه
ودي ادري من اللي دخل بالجامعه اجل
اللي معهم واسطه ونسبهم خاسفه!!!!!
حرام عليهم ظلم على مستوى

غـطـرسـه
18-07-2007, 04:48 AM
ياعالم .. بسألكم سؤال مررررررره مهم .... :(

بنت خالتي نسبتها 95% علمي ..
قدمت بالكليات الصحيه واختبرت ومانقبلت ..
وحطوا لها قبول بوحده من رغباتها الثانيه ..
ومن شين الحظ صارت (لغة فرنسية) ...

<< باللهي مو حرام ؟؟ :(

المهم انه فيه تقديم جامعة الإمام ..
هي تفكر انه ماترسل اوراقها وشهادتها للملك سعود ..
وتقدم بالامام ..


السؤال ..

هل تقدر تطنش سعود ؟؟ ماترسل لهم ملفها ؟؟
وتروح تقدم بالامام ؟؟
والا بيصير مشكله وقت التسجيل ؟ يعني بيقولون لها انك انقبلتي بسعود وماتقدرين تسجلين هنا؟؟
<< فهمتو شي ؟؟؟ :"(

خاصه ان لازم ترسل اورقاها يوم السبت 7-7
وتسجيلها بالامام بوم 11-7

بلييييييز ساعدوني :(
مررره البنت تضيق الصدر ..
وكانت مأملة على الكليات الصحية .. او حاسب ..

sm!le
18-07-2007, 04:51 AM
الحين ابي افهم شي واحد !!


94%

وجامعه سعود ماتقبلني ليـش !!
معليه يعني

احط لهم لسته رغبات
وضمنها رياض اطفال والترمين ولا يقبلون
سلامات
تراه ريـاض اطفال مو هندسة كيميائيه
مو حقران بالقسم بس مايوصل لهالدرجه


معقوله انا وصديقاتي ( 8 )
وكلنا فوق التسعين
يعني مابين ( 91% و 97% )

ماينقبل مننا لا 2 !!
وحده ادارة اعمال الترم الثاني نسبتها _ 97% _
ووحدة جغرافيا الترم الأول نسبتها _93% _



وين اللي يقولون التسجيل الألكتروني يساعد على قبول ووجود مقاعد اكثر !!

معقوله بسنه وحده ارتفع معدل نسب بنات الرياض بهالشكل المدري كيف جاي


يعني فرق مابين العام وهالسنه !

اذا كانو العام في الأنقلش موقفين على 95%
والخدمة الاجتماعيه 88%

هالسنه قريبة لي نسبتها 98% قبلوها انقلش الترم الثاني
الخدمة الاجتماعيه نص صديقاتي حاطينه الترمين ولا جابو خبرهم !!


اكيـد اللي فالجامعه يعرفون وش الخدمة الاجتماعيه !!!! pb093




لابوهم لابو من سجـّـل عندهم :)



إذا القبـول مافيه خلل فمن جد احيي هالجامعه العريقه والجميله :)

sm!le
18-07-2007, 05:01 AM
ودي ادري من اللي دخل بالجامعه اجل
اللي معهم واسطه ونسبهم خاسفه!!!!!
حرام عليهم ظلم على مستوى


نفس السؤال

ودي احد يجاوبني !!!
الخوف ان السنة الجايه يقولون مارح نحط قبول الكتروني لأنه العام كان فيه خلل

وتصير براسنا


اجل صاجينا فيه وهو معللق ومهنق
ونص البنات ماجاهم مسجات ولاشي
مخلينهم معلقين لما مدري كم

غزالـ
18-07-2007, 05:04 AM
88888888
بناااااااااااات

أنا اعلمكم ويشلون تدورن انكم مقبولين:D

أول شيء تروحين
عند كليه الرغبه الأولى الي انتي محددتها ويقلون لس انقبلتيء ولا لاا:D
((اذا لا ))يعني مانقبلتي:D

تروحين للثانيه:Dوذا صار نفس الشيءالي صار مع الأولى تروحين للثاللثه وهكزاpb027

((مساكين العيال الي عندهم خوات بيمشورون pb095في هالحر))


بنات كثرين من سعود ماقبلونهم ياترى ويش المشكله مع العلم ان النسب ممتازه؟؟؟!:(

هذا على حد كلامهمم:rolleyes: مو حقين سعودحقين الرياضpb027



موفقين يارب وأنا معكم ان شاء للهbp039

loco por el
18-07-2007, 05:04 AM
مرحبا
بليز ردوا علي بسرعه
اختي سجلت بسعود ونسبتها فوق ال 98 شيكت عالايميل ما حصلت شي وكذلك عالجوال
شيكت على الموقع بس ما لقت شي
بليز رد سريع الله يوفقكم

غزالـ
18-07-2007, 05:10 AM
8888888888888

بنات طولوا بالكم


وحده اعرفها نسبتها في التسعينات ومرتفعه ولا قبلوها كلش

حسبى لله ونعم الوكيل

loco por el
18-07-2007, 05:12 AM
ابشركم وصلنا الايميل
الظاهر مع الربكه صارت اختي ما تشوف بس الحمدلله انقبلت بالقسم اللي تبيه

شكرا لو ان محد عبرني

sm!le
18-07-2007, 05:18 AM
^^
^



الحمدلله زيـن قبلوها pb189bp039


بس لاتقول الترم الثاني ترا بنهار من جد !!! :sm12:

loco por el
18-07-2007, 05:22 AM
يا كثري اليوم
بس اختي يا حلوين كل ما تدخل رقم السجل المدني يقولون خطا مع انه واصلها ايميل بالقبول
تتوقعون وش المشكله؟؟؟؟؟
بليز رد سريع انه كاتبين بالايميل انه موعد تقديمه الساعه 12 ونص الظهر اليوم

s u n
18-07-2007, 05:23 AM
ظلم !! :(
قسم باالله ظلم !! :(
إذا كنّا جايبين في التسعين وفوق وش يحترون مايقبلونا !! :(
لو نسبنا تحت التسعين ماقلنا شي !!
بس كلنا في التسعين وفوق !! :(


يعني لو اني داريه كل هذا بيصير ليه اتعب نفسي
ودارس واكرف :(


واللي يقهر انهم مخلين بعض البنات معلقين
لارسايل على الايميل ولا على الجوال :sm5:
وكل وحده عايشه بأمل القبول :sm5:
فالأخير لما تدخل على موقعهم الأنيق تنصعق إنها ما انقبلت :sm5:

إذا هالسنه مايقبلون اللي نسبهم 98 أجل السنه الجايه
اللي جايبه 100 % ماراح تنقبل !!!!!! :sm3:
مدري يبونا نصير عباقره عشان ننقبل والا وش نظامهم !! :sm3:
كان عطوني خبر إنهم مايقبلون إلا العباقره :sm3:
بروح اشرب صابون من القهر !!! :sm3:



إذا كان فيه أحد قوي فيه الله اللي أقوى منهم pb189
حسبي الله على الظالم !!!!!!!!!

loco por el
18-07-2007, 05:24 AM
غير كذا التقديم راح يكون بجامعتهم اللي بالملز؟؟؟؟؟؟؟
هماهم يقولون بريد ومدري وشو؟؟
ترى من زود الربكه ما تدري وش تسوي مسكينه

caffeine
18-07-2007, 05:59 AM
عورن بطني تذكرت ايام التقديم وعوار الراس وحب الخشوم :( .
الله يوفق الجميع .

loco por el
18-07-2007, 06:03 AM
يا هوووووووووووه يا عالم احد يرد والله محتاسين
الحين التقديم بمقر الجامعه ولا بالبريد الممتاز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو سمحتوا رد سريع لانهم كاتبين التقديم الساعه12 ونص يعني بالجامعه اتوقع....
طيب ترسلها بالبريد ولا خلاص؟؟؟
لأن رابط القبول اللي بالايميل لما دخلت عليه اختي رفض يشتغل يقول السجل المدني غلط او رقم السر غلط
بليز رد سريع



الله يوفق اللي يرد علي ويحقق امانيه

ابو شوشة الاصلع
18-07-2007, 06:11 AM
في شي انا مستغرب منه !!!

الحين بالشروط يقولون (( يجب على الطالبة مراجعة الكلية المقدم عليها حسب الموعد بجدول النسب ))

طيب انا خواتي مقدمات عاى 3 كليات من جامعة الرياض وكل وحدة بمكان كيف يمديهن يراجعن كل الكليات بساعة ونص ؟؟؟

والا فيه مكان نقدم فيه على كل الكليات ؟؟؟ ووين هالمكان ؟؟؟


ياليت الله تفيدوننا للضرورة الله يجزاكم خير pb189bp039


عطونا وجه وجاوبوا :D:D:D

sm!le
18-07-2007, 06:17 AM
اللي اخبره ان جامعه الرياض تسجيلهم بعشره مو هالأيام
ويكون تسجيل الايام على حسب النسبه !!


انت ادخل موقعهم بتلقى جدول فيه الايام والنسب وكذا :/

sm!le
18-07-2007, 06:53 AM
حابس ابليس ودي افيدك بس الي اعرفه انهم يقولون ترسل بالبريد الممتاز بدون الحضور

لكن مدري اذا الاقسـام العلميه غير مدري :(

وبالنسبهه للموقع كان يهنق معي بس يقولك اذا ترسل والا تروح لان صديقتي مكتوب لها ترسل الاوراق يوم كذا بالبريد الممتاز

ايزي بدي
18-07-2007, 10:20 AM
احس ان الدعوها كلها لعب ونصب وشغل واسطه
اختي نسبتها 93.4 ادبي
قدمت على كل التخصصات الترمين كلها ولا طلع لها قبول
يعني معقوله كل الكراسي خلصت
شيء غريب
وفي وجعت نظري القبول الفوري السابق افضل واضمن
مهوب تقدم وبعد اسبوعين من الشد النفسي يجي ايميل والا رساله على الجوال الفجر يقول ماطلع قبول والله التخلف
ليه مايصير القبول عن طريق النت فوري
اذا توفرت الشروط من النسبة وغيره خلاص تنقبل ويريحون اعمارهم
بررب

ابو شوشة الاصلع
18-07-2007, 12:51 PM
اللي اخبره ان جامعه الرياض تسجيلهم بعشره مو هالأيام
ويكون تسجيل الايام على حسب النسبه !!


انت ادخل موقعهم بتلقى جدول فيه الايام والنسب وكذا :/



ادري ان التسجيل على حسب النسبة @@

بس سؤالي هم يقوولون راجع الكلية الي انت مقدم عليها بالوقت المخصص لك @@

طيب جامعة الرياض 4 كليات ويحق لكـ تقدم على ثلاث منها وكل وحدة منهن بمكان @@

والسؤال كيف يمديكـ تقدم على 3 كليات بـساعة ونص ؟؟؟؟

وهل فيه مكان نقدم فيه على كل الكليات ؟؟؟
يعني مثل المركز الرئيسي ؟؟؟

aNa 6aL 3omRy
18-07-2007, 01:08 PM
الرسالة الأصلية كتبت بواسطة ابو شوشة الاصلع »
في شي انا مستغرب منه !!!

الحين بالشروط يقولون (( يجب على الطالبة مراجعة الكلية المقدم عليها حسب الموعد بجدول النسب ))

طيب انا خواتي مقدمات عاى 3 كليات من جامعة الرياض وكل وحدة بمكان كيف يمديهن يراجعن كل الكليات بساعة ونص ؟؟؟

والا فيه مكان نقدم فيه على كل الكليات ؟؟؟ ووين هالمكان ؟؟؟


ياليت الله تفيدوننا للضرورة الله يجزاكم خير pb189bp039




اول شي لو اختك من دفعه السنه هذي تقدم عن طريق النت واذا طلع قبولها تروح تراجع الكليه المقبوله فيها وخلاص مايحتاج تروح لكل الاقسام ..
لو ماكانت من دفعه السنه هذي التقديم يكون شخصي تروح للاقسام بنفسها طبعن كل كليه في مكانها مافيه مكان واحد لكل الكليات والقبول لو انقبلت بوحده فيهم بياخذون اوراقها الاصليه ماتقدر تروح تراجع كليه ثانيه يعني ... عموما هم نسب قبولهم مثل بعض كليه الاداب وكليه التربيه مثلا لو بتنقبل في هذي بتنقبل في هذيك يعني بس تحدد هي رغبتها وياما بتنقبل ولالا ..
وحتى لو جت متاخره عن الساعه ونص تدخل في الفتره الي بعدها بيكونون نسبهم اقل منها عادي يعني ..


::

بالنسبه للقبول في جامعه سعود وقف على 89.94 ادبي وعلمي ... اتوقع الي نسبهم عاليه ولاانقبلو هذولا ماحطو رغبات كثير يعني الي حاطه رغبات حتى لو هي ماتبيها اكيد بياخذونها لو كان نسبتها عاليه .. شوفو هنا (http://eservices.ksu.edu.sa/dar/shownews.jsp?id=284)النسب الي توقف عليها القبول ..

الي انقبلو يرسلون اوراقهم بالبريد الممتاز مايحتاج الطالبه نفسها تروح للجامعه ابدا
واخر موعد لاستلام الاوراق يوم الاربعا القادم الي هو 11/7


الدخول إلى تقديم سابق باستخدام رقم السجل المدني والرقم السري من خلال رابط القبول الالكتروني في أسفل الصفحة


الدخول الى رابط استمارات التقديم وسيتم تمكين الطالبة المرشحة للقبول من طباعة استمارتين
الأولى اشعار ترشيح قبول
الثانية استمارة طلب الالتحاق بجامعة الملك سعود


التأكد من صحة المعلومات في استمارة طلب الالتحاق وتوقيع الطالبة وتوقيع ولي الأمر في الأماكن المخصصة


اتباع التعليمات في اشعار ترشيح القبول بدقة وارسال المستندات بالبريد الممتاز الناقل الوحيد والحصري لوثائق الطالبات المقبولات في جامعة الملك سعود للعام الدراسي 1428 / 1429هـ إلى العنوان التالي
جامعة الملك سعود
عمادة القبول والتسجيل
قسم قبول وتسجيل الطالبات
يجب التأكد من ظهور موعد إرسال المستندات في الصفحة الأولى من استمارة طلب الالتحاق بالجامعة
وفي حالة عدم ظهور الموعد على الطالبة الضغط على زر تحديث حتى يظهر الموعد

ملاحظات هامة:
للمساعدة سيتم إرسال رسائل جوال ورسائل بريد الكتروني للطالبات المرشحات للقبول تتضمن التخصص المرشحة للقبول فيه والفصل الدراسي وموعد ارسال المستندات ولكن هذا لا يعفي الطالبة من الدخول على حسابها والاطلاع على نتيجة الترشيح للقبول

الطالبة التي تقبل في الفصل الثاني لايحق لها المطالبة بالدراسة في الفصل الأول

الحد الأقصى لإرسال المستندات المطلوبة هو يوم الاربعاء 11 / 7 / 1428هـ

aNa 6aL 3omRy
18-07-2007, 01:29 PM
هل تقدر تطنش سعود ؟؟ ماترسل لهم ملفها ؟؟
وتروح تقدم بالامام ؟؟
والا بيصير مشكله وقت التسجيل ؟ يعني بيقولون لها انك انقبلتي بسعود وماتقدرين تسجلين هنا؟؟
<< فهمتو شي ؟؟؟ :"(

خاصه ان لازم ترسل اورقاها يوم السبت 7-7
وتسجيلها بالامام بوم 11-7

بلييييييز ساعدوني :(
مررره البنت تضيق الصدر ..
وكانت مأملة على الكليات الصحية .. او حاسب ..



لو ماقدمت اوراقها بيروح عليها القبول وعادي تقدم في الامام .. لان مادام اوراقها الاصليه معها يعني مالها كرسي في سعود فما راح يصير مشاكل .. بس مادام البنت تبي حاسب ياما تشوف لها احد يسوي لها تغيير رغبه طبعا بواسطه قبل تبدا الدراسه .. ولا انها تدرس ترم وتحول ترا التحويل مو شي مستحيل اذا جابت معدل عالي صح هم يطلبون 3.75 بس لو جابت 4 وزياده بتتحول بسهوله ...


::

Smile
انتي لو حاطه كل الرغبات الي طلعت لك انقبلتي .. شوفي صديقتك انقبلت جغرافيا وهي نسبتها اقل منك طيب .. يعني اكيد كل الرغبات الي انتي حاطتها تقفلت قبل يوصلون لنسبتك رياض الاطفال مثلا مقفل على الـ95.73 للفصل الاول و 95.27 للفصل الثاني
يعني لو من ضمن الرغبات الي انتي حاطتها ( جغرافيا ،تاريخ ، عربي ،دراسات اسلاميه ،فرنسي ، فنيه ) ولاانقبلتي يحق لك تخلين احد يراجع الجامعه قسم الرجال لانهم كل هالاقسام مقفلين على اقل من نسبتك اما لو مااحطيتيها من ضمن رغباتك .. فخلاص قدمي في غير سعود : )

الزير مناحي
18-07-2007, 04:20 PM
الحين هم محددين الموعد اللي نرسل فيه الاوراق وقايلين يوم الاحد 8\7
يعني لازم نرسلها في اليوم المحدد...ولا لازم نرسلها قبل وتكون في الموعد ذا عندهم...؟؟


الحد الأقصى لإرسال المستندات المطلوبة هو يوم الاربعاء 11\7 \1428 هـ


قصدهم يعني عادي اللين يوم الاربعاء
طيب وكلامهم عن يوم الاحد ...وش يقصدون فيه...؟!!

|.MooDy GirL.|
18-07-2007, 07:30 PM
خالتي نسبتها 95 علمي

قدمت على الطب وقالو لها امس انها مانقبلت

من امس وهي تصيح تحطمت مسكينه:(

وقلنا لها يلا معليه ادخلي حاسب بالامام

متى ينتهي التقديم في الامام.؟

ثرثرة
18-07-2007, 07:45 PM
ماقبلوني سعود :D لا نفع معهم ممتاز ولا بطيخ ، هذه الجامعة منسمة pb036
الحمدلله أني ما جلست عليها وسجلت في تخصص ثاني وإلا كان الحين دمعتي على خدي:( !

ما أقول إلا : خير يا طير ؟
أجل الأنقليزي مقفل على 98 pb036!

طيب إحنا اللي في منتصف التسعينات وش نسوي ؟ يعني كسالى مرة وننتحر :confused:؟

بنات سجلوا في الجامعات الأهلية اذا تقدرون ، وكليات خدمة المجتمع مو شينة pb093

اصبع نمله
19-07-2007, 01:53 AM
طيب هم يوم ارسلوا الايميل قالوا
-موعد تقديمك يوم-السبت 7/7/1428 الساعة 12:30
يعني نرسلها لهم بالبريد الممتاز اللي الله يستر بعد ماتضيع ويقولون مالنا شغل
ولا نوديها لهم بالجامعه
انا اللي فهمته انهم يبوننا حنا نجيبها
يعني البريد ماراح يوصلها بنفس الوقت بالدقيقه والساعه ولا لا؟؟

Super RoOoNy
19-07-2007, 03:22 AM
طول عمري اقول هالجامعه زفت بس محد مصدقني الا الحين

بس بعرف هل فيه امل اذا لقينا واسطه نمشي هالجيش الي عندنا ولا لا ؟؟

وبشروا وشلون نتايجكم مثل الي عندنا ولا اوكي?

ياقلبي عليكم ماودي احبطك بس لا ولا اي واسطه تنفع اساليني انا
مالك الا دكتور ولا دكتووووره وشي قوووي عرفتي

loco por el
19-07-2007, 09:03 AM
سمايل ... شكرا على ردك يا ذوق
اختي امس مره كانت حوسه ما تدري وش تسوي ... قامت البست عباتها واخذت اوراقها وراحت للجامعه بالملز قالو لها ما ندري عن شي روحي عليشه راحت هناك قالو ما له داعي جيتك لأنو فيه لخبطه بالايميلات فيه بنات مقبولات وارسلوا لهم عدم قبول وناس العكس
وقالو اللي ارسلو لها قبول خلاص ترسل اوراقها بالبريد واللي ما طلع لها قبول تروح للجامعه وتتأكد لانو بيطلع لهم قبول بعد ما يكتبون خطاب خطي
المهم تقول لكم اللي يبي يتأكد يروح عند مبنى 4 قاعه الكومبيوتر بعليشه طبعا

اختي الحمدلله انقبلت حاسب هي وصديقتها... الله يوفق الجميع ان شاء الله ..

اصبع نمله
19-07-2007, 10:10 PM
لخبطه بالايميلات فيه بنات مقبولات وارسلوا لهم عدم قبول وناس العكس
^^^^^^^^^
الله من قل الدبره
=====================
انا صديقتي ارسلوا لها مسج يوم الثلاثاء لم يتم قبولك في جامعه الملك سعود نتمى لك التوفيق في مكان اخر
والاربعاء ارسلوا لها يقول تحاول الجامعه جاهدا قبولك سواء في الترم الاول او الثاني حسب النسبه
والخميس ارسلوا لها تم قبولك في جامعه الملك سعود في قسم دراسات اجتماعيه الترم الاول
مع العلم ان نسبتها 95% ولا حطت من ضمن الرغبات دراسات اجتماعيه!!!

ع العموم مبروووك قبول اختك ياحابس

sm!le
19-07-2007, 11:58 PM
واللـه اني قايلته !!

صار فيه لخبطه وحوسه ! , وطاحت بروسنا

رجعوا يرسلون لكل البنات اللي نسبهم في التسعيـن وحطوهم بأقساام مو في رغباتهم

غثـّونا اللي يقلعهم pb131

خايفه بكرة يقولون هونـّا !!

Mohannad =) ..
20-07-2007, 12:05 AM
لاهنتو ياشباب من يفيدنا بالنسبة للمعلمين :( ؟!

اخوي يبي يسجل فيها ولاأدري كيف وابوي حاط الدعوة براسي :(..

:( .. ؟!

زخة مطر
20-07-2007, 01:57 AM
خالتي نسبتها 95 علمي

قدمت على الطب وقالو لها امس انها مانقبلت

من امس وهي تصيح تحطمت مسكينه:(

وقلنا لها يلا معليه ادخلي حاسب بالامام

متى ينتهي التقديم في الامام.؟


التقديم في جامعه الامام يبدأ السبت 7\ 7
حسب ماقريت في الجرايد وخليها تروح اول يوم أضمن


http://www.alriyadh.com/2007/07/16/article265528.html

وبالتووفيق ياارب

زخة مطر
20-07-2007, 02:19 AM
على فكره بنات سعود

انا بنت خالتي سجلت

تربيه خاصه _ رغبه اولى

اقتصاد _ رغبه ثانيه

علم نفس _ رغبه ثالثه

ونسبتها 93 وشووي ادبي

تدرون وش قبلووها؟؟

فرنسي ترم ثاني بعد << داقه علي تعلمني يوم رديت عليها قالت بنسووااغ

تاخذ كورساات المسكينه

المووهم انا بعلمكم انه مو شرط تكونين حاطه الماده من ضمن الخيارات علشان يقبوونك فيها

والله يوفقكم ياارب

غـطـرسـه
20-07-2007, 02:30 AM
ana 6al 3omry

مررررره شكرا على ردك ...pb189

غزالـ
20-07-2007, 02:49 AM
أهم شيء مسكتوا كرسيءpb192 غيركم مو لا قى نص كرسيء...:D

صحيح انه قهر:rolleyes: بس وش تسويء يمكن خير لك :)

في انظام اسمه تحويلpb095

موفقين بأذن أللهbp039

ايزي بدي
22-07-2007, 09:17 AM
ابشركم اختي ارسلنا اوراقها اليوم عن طريق البريد الممتاز الي في المرسلات
هم قبلوها دراسات اسلامية الترم الثاني مع انها ماقدمت عليه

احلى سما
28-07-2007, 11:45 AM
لو سمحتو بلييييييز سؤال ع السريع

ايش يعني كلية المجتمع بالرياض .. يعني ادرس ع حسابي ؟؟

بلييييييز ردو علي جالسه اسجل اخوي

Super RoOoNy
29-07-2007, 08:34 AM
8
8

احلى سما
كلية المجتمع يعني تدرسين على حسابك اتوقع السنه 7 الالاف
فيها ادارة اعمال و محاسبه وتربية خاصه و اقسام اخرى
وتدرسين سنتين على حسابك واذا جبتي معدل تنقلين للجامعه الحكوميييه العاديه تدرسين عادي فهمتي؟

:D


شيء مسكتوا كرسيء غيركم مو لا قى نص كرسيء...

صحيح انه قهر بس وش تسويء يمكن خير لك

في انظام اسمه تحويل

موفقين بأذن ألله


هلا غزال كيفك طنيني ايش سويتي تراك مثلي :(

وعلى فكره فيه كليات تقبل اهم شي ماتجلسين !!

موفقه

غزالـ
29-07-2007, 08:17 PM
888888
حبيبتيpb189 روحي لجامعه الرياض
مالنا الا هم:(

وسلطان يمدحونهاpb192

أول ناس يقولون نسبتيء زينهpb094بغي أطيرpb027يوم قالت لي الموظفه

888
81.61%
كلش مالقنا لنا نصيب في الجامعات في معاهد وحكوميه بعد
وفيها مكافئاتpb058



كلية المجتمع يعني تدرسين على حسابك اتوقع السنه 7 الالاف
فيها ادارة اعمال و محاسبه وتربية خاصه و اقسام اخرى
وتدرسين سنتين على حسابك واذا جبتي معدل تنقلين للجامعه الحكوميييه العاديه تدرسين عادي فهمتي؟


بصراحه المجتمع هاذي ابدن مارتحت لهم وبلأخص

فيها بنات يحمون كبديpb093


ع فكره تسجيل جامعه الرياض ع النت قفل تقدرن تروحين لهم وتسجلين
موفقين بنااااااتbp039

Flwah
30-07-2007, 03:44 AM
8
8

احلى سما
كلية المجتمع يعني تدرسين على حسابك اتوقع السنه 7 الالاف
فيها ادارة اعمال و محاسبه وتربية خاصه و اقسام اخرى
وتدرسين سنتين على حسابك واذا جبتي معدل تنقلين للجامعه الحكوميييه العاديه تدرسين عادي فهمتي؟


معليش بس بصحح معلومه ان السنه بـ 14 الف .
و الترم اللي بـ 7 الاف .

Super RoOoNy
02-08-2007, 01:11 PM
8
8
8

شكرا فاهمه بالمقلوب ككك :D

غزال هلا والله لو بقولك تراك زيي <--درينا :D

اسمعي انا 81,92 :D

دخلت جامعة الامير سلطان وان شالله اقدم الاختبار كويس
القبول يعتمد على الاختبار والله مره خايفه

شوفي اذا تقدرين سلطان تعالي لان دراستهم روعه وكلها انجليش وتاخذين شهادتين بالكالوريس و انجليش
واذا ماتبينها زي ماقلتي

وترا انا بعد قالوا لي نسبتك تمشي خخخخخخخخخ امحق احسهم يجاملون والله اجل هالنسبه تمشي :(

يلا يعينا وعلميني ايش بتسوي
باي :D

غزالـ
03-08-2007, 06:52 AM
888888

اسمعي انا 81,92

الحمدلله اجل انا منيب بحالي الي بها النسبه:D
<<<<مستانه من قلبpb189


دخلت جامعة الامير سلطان وان شالله اقدم الاختبار كويس
القبول يعتمد على الاختبار والله مره خايفه


ايه ولله كله انقليزي :sm5:
الموظفه تقولي انه فيه ماث :( وكيمياء :D وفيزقس :D

قلت هااا فيرياء مره وحد انقليزي الي ماخذينه باثانويء كله عربي :D
pb094قالت اسئله كلها اختياري يعنيء سهل

فيزياء وانقليزيه ابدن مااستوعبpb027
عسانا بالعربي وياللهpb036
بس صراحه ناس أوكيpb189
أحس من بعض الناس الي يقلون لم يتم قبولك نتمنيء حظاً أوفرمع الجامعات الأخرىpb131
بس الي حرقني القسم الي كنت ابيه:sm1:

شوفي اذا تقدرين سلطان تعالي لان دراستهم روعه وكلها انجليش وتاخذين شهادتين بالكالوريس و انجليش
واذا ماتبينها زي ماقلتي

الود ودي:D
بس لما اشوف حظيء مع جامعه الرياض
وان شاء لله ربك يحلها ألنا

وترا انا بعد قالوا لي نسبتك تمشي خخخخخخخخخ امحق احسهم يجاملون والله اجل هالنسبه تمشي :(

ولله اني بريئه يوم اني اقولها تدخلون81%:sm18:
ههههههههههههه
بس رفعوا من معناوياتي شويات ع الأقل احسن من غيرهم<<<<حاقده

موفقه ان شاءلله ياربي:)
وكانك أنقبلتي في سلطان ربي يحميك من العينbp039

Super RoOoNy
04-08-2007, 10:57 PM
8
بيني وبينك ترا الفيزياء انا ميييح مره
وان شالله اعدي فيها يارب

ويحمييك ياقلبي بس وش ناويه تتخصصين :d

غزالـ
05-08-2007, 03:32 AM
888
اقول ماتلاحظين وأناختس انا قلبنها سواليف pb192
تراهم بقشونا:D

وش ناويه تتخصصين

قصدك في جامعه الرياض :rolleyes:

كل الرغبات حطيتها بغيت احط تاريخ بس تذكرت أني علميpb027

بس قهرpb131pb131pb131ياشيخه تدخلين علمي وتدرسين وتفاضل وتكامل
غيرالرسم بامنحيات:(
والنهايه تاريخ:(

الله يعين :sm18:



ع فكره تقديم معهد الأدارة العامة بدأ بس للأسف الموقع مايفتح وهم تقديهم ع النت
http://www.ipa.edu.sa
عندهم تخصصين

ادراه مستشفيات-- للعمليء بس:D فديتهم
وسكرتير تنفيذي-- للعلميء ولأدبيء:)
وفيه اختبارقبول
طبعاً لبنات :D

الشويش عطية
05-08-2007, 11:38 PM
يا الغالين بكرةة موعد تقديم اختي على جامعة الرياض وماني عارف وين المكان ياليت تساعدوني وتكسبون الاجر pb036

بسرررررررررررررررررررررررعة بليييز

.. دون جلوي ..
06-08-2007, 05:47 AM
.
.
... :) ...

يا شبااااب ... لا يفوتكم معهد الادارهـ ,,,
طبعا اتكلم عن العيال اللي نسبهم داجه :d

ترى بد التقديم ... و هم ما يقبلون بـ النسب ... لا
يقبلون بـ التقدير ... يعني اللي تقديره جيد يقبلونه !!!

بسرعه ترى ما بقى الا 3 ايام و يقفل التسجيل ,,,

اللهم اني بلغت ... اللهم فـ اشهد :)

:d

Super RoOoNy
06-08-2007, 05:13 PM
غزال لوووووووووووووووووووووووووووول
انا قلت بنفسي كيذا قلبنها سوالف خخخ :d

اممممممم
انا كنت افكر كيذا يعني دخلتي علمي وتعبتي نفسك بالمذاكره وطبعا شتان مابين العلمي والادبي !
وفي الاخير تدخلين قسم ادبي ؟
بس مو على كيذا انتي وش طموحك وايش ميولك مايهمك هالكلام عرفتي؟

ع العموم ادخلي الي تبين واذا براسك شي معين لايعوقك ابدا شي

ومعهد الاداره بنت خالي فيه وتمدحه واعرف ناس تخرجوا منه وعلى طول توضفوا
وخصوصن فيه اقسام مطلوبه وراستهم موش سهله طبعا كلها انجليش
وعلى حسب التخصص يحتاج مده معينه

بس بسال الحين انا سجلت وخلصت وطبعا دفعت ثمن الاختبار بهالجامعه
هل معقوله اذا جبت درجة موش ولابد ما انقبل ؟

والله القبول ومالقبول اهوجس لي كم يوم خايفه :(

اللللله يوفق

غزالـ
07-08-2007, 03:40 AM
8888
هلا وغلا حلوهـ وبنت عـز
:)

انا كنت افكر كيذا يعني دخلتي علمي وتعبتي نفسك بالمذاكره


حبيبه انتي:D ياليته ع المذاكره بس

تهون ع القسمين فيه مذاكره

بس الي قاهرني pb131مانغيب ولا يوم وان غبانا سوينا سالفه

غير المدرسات الخصوصيات:(:(الي كل وحده لها مبلغ وقدره!

غير الشطنه الي شوهت كتفيءpb036 تقل أثقالpb093

أيام راحت ولله يعوضنا ان شاء لله

............


وفي الاخير تدخلين قسم ادبي ؟

هاذا الي صاير الأقسام العلميه في التربيه كلها تقفلت!
http://vb.eqla3.com/attachment.php?attachmentid=481545&stc=1&d=1186447181
شوفي الصوره بالمرفقات شيء يعورالقلب
جامعه المللك اصلن ماطلع لنا رغبات عشان نتفاهم :D
ع طول مسكرين علينا:D


ومعهد الاداره بنت خالي فيه وتمدحه واعرف ناس تخرجوا منه وعلى طول توضفوا
وخصوصن فيه اقسام مطلوبه وراستهم موش سهله طبعا كلها انجليش
وعلى حسب التخصص يحتاج مده معينه

اكيد انا مسألت عنه كثير بس الي اسمع عنه انه كويس ع الأقل احسن من
القعده بها البيت :rolleyes:


بس بسال الحين انا سجلت وخلصت وطبعا دفعت ثمن الاختبار بهالجامعه
هل معقوله اذا جبت درجة موش ولابد ما انقبل ؟


تصدقين أمس افكر كيف لو مانقبلتي ويش تسويء وانتي معلقه كل أملك بسلطان
انتي ماتظمنين تنقبلين ولا لا
لاتنسين كل شي انقليزي

((أنا مااقول ذاالكلام عشان اخوفك بس لازم تشوفين لك احتياط وبس ولاتنسين تدعين ربك))


والله القبول ومالقبول اهوجس لي كم يوم خايفه

الله يعيني ويعنك
صراحه السنه هاذي ابدن مااذكر فيها شيء حلو

لأاجازتيين استمتعنا فيها ولا سفر طالعنا فيهاpb034
ينفع ادخل عربي
خخخخخخخخخخخخخخخخخ

بالتوفيقbp039

Super RoOoNy
07-08-2007, 05:20 PM
لاتذكريني بايام الدراسه والهم والغثا
بييني وبينك كنت راعية غياب وسحبات
ولذا على المدرسات اوووف اووف
ايش احكي لك وش اخبي ؟؟
مدرسات بالهبل رايحات وجايات وايام الاختبارات كل وحده تدق علي تشوف عندي وقت عشان تجيني :d


تصدقين أمس افكر كيف لو مانقبلتي ويش تسويء وانتي معلقه كل أملك بسلطان
انتي ماتظمنين تنقبلين ولا لا
لاتنسين كل شي انقليزي

((أنا مااقول ذاالكلام عشان اخوفك بس لازم تشوفين لك احتياط وبس ولاتنسين تدعين ربك))

لا بليــــــــز !!
ارفعي معنوياتي ترا من جد صارت تجيني كوابيس وربي :(
:(
:(

وش هالصوره المحزنه
يعني شلون بس المتفوقات والامتياز الي يدرسون واحنا مالنا اي نصيب من الدراسه :(

مافيش انصاف

ينفع ادخل عربي
خخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخ

deep
09-03-2009, 05:00 PM
انا ابي تربية خاصة وانا علمي ونسبتي 82