PDA

عرض كامل الموضوع : اهل الرياض


فالح عبدالله
15-09-2006, 05:52 AM
السلام عليكم ورحمه الله وبركاته
من كنا صغار نروح للبحر شاطئ نصف القمر قريب من سكننا ونرى الناس لكن هناك ناس غير
ناس بالعاميه الحيا مابه حيا الى وهم اهل الرياض الى من رحم الله
ملابس غير شبابهم و ولا خلني ساكت
عموما مجتمع الرياض باأعتقادي مابه الا الاربعين اللي افتحو الرياض مع الملك عبدالعزيز رحمه الله
والباقي من كل ديرة جاءوك من سدير ومن المجمعه ومن الاحساء ومن عسير ومن الباحه ومن رماح ومن بيشه ومن سبت العلايا وعرعر ومن انحاء المملكه جاءو البعض لطلب المعيشه وأسسو عوائل وبيوت
فهذه المناطق اللي ذكرتها كلها تركيبتها معروفه
تركيبه السكان للمدن اللي ذكرتها معروفه اهاليها الا الرياض
سكان الرياض العاصمه للملكه العربية السعودية تجمعت الوزارات والدوائر الحكومية في العاصمه
وتضخم عدد السكان مع مرور السنين فأهل الرياض نعم سعوديين مافي شك لكن بصراحه صرقعتهم زائدة
انا برائي ان لااحد يعرف احد فمن هذا المنطلق تجد الشباب المراهقين والمراهقات الا من رحم الله تجدهم يتبعون ديرة ماهي ديرتك العب في حسبتها

فالمشاكل بالرياض ومستوى الجريمة عالي جدا حسب آخر الاحصائيات بالاعلام
واذا تحدث احدهم قال شباب الرياض معروفه هالكلمه انهم عرابجه وفي الحقيقه
الرياض فيه المشائخ والعلماء والوزراء وصفوة القوم ولكن هناك اسطوانه اسمها شباب الرياض
ياليت تنمحي مع مرور الوقت فشباب الرياض فيه الصالح والمفيد لمجتمعه ووطنه
واهل الرياض تنحدر سلالاتهم من خارج الرياض قدمو للرياض للعمل وتفرعت عوائلهم واصبح البيت او العائلة تتفرع الى بيوت
حتى الكاتبه رجاء الصانع الله يصلحها والمسلمين اجمعين
يوم طلعت كتاب أسمته بنات الرياض وهي اصلها من الشرقية
وابوها وجد جدها من الشرقية لكن سياسه شد الانظار والاذهان مسيطرة عليها
وتبي تلعبها صح لكن ماتلعبها على المحافظين والمحافظات والعوائل والقبائل والحمائل المحترمه والمحترمين جميعا
الى متى تبقا شباب الرياض او بنات الرياض ظاهرة او تسميتهم مرتبطه مع الاعمال المخالفه
انا لااعمم النظرة ولكن هناك فئة والله يهدينا لما يحب ويرضا
دمتم بخير ,,,

الكـــرز
15-09-2006, 07:30 AM
فيه رواية راح تنزل اسمها شباب الرياض
للكاتب عتيبي نسيت اسمه
عموما تظل العاصمه والعاصمه حشرا مع الناس عيد

SNAVRIL
15-09-2006, 07:36 AM
شباب العاصمة
يا مفحطين و متخلفين
يا نعومين و يقوطرون مصالة

و النوع الثالث , الشباب الرزين ما تلقاه و بالعين قطره ,, بس خل عنك , اذا لقيت هالنوع اعرف ان الجرح برا

ركبة البعير
15-09-2006, 07:41 AM
عموما مجتمع الرياض باأعتقادي مابه الا الاربعين اللي افتحو الرياض مع الملك عبدالعزيز رحمه الله
والباقي من كل ديرة جاءوك من سدير ومن المجمعه ومن الاحساء ومن عسير ومن الباحه ومن رماح ومن بيشه ومن سبت العلايا وعرعر ومن انحاء المملكه جاءو البعض لطلب المعيشه وأسسو عوائل وبيوت

مدينة الرياض عاصمة المملكة العربية السعودية التي قامت على أنقاض وبقايا مدينة حجر اليمامة التاريخية، والتي يعود تاريخها إلى زمن قبيلتي طسم وجديس البائدة، وقد شيدوا فيها حصوناً وقصوراً، روي أن بقاياها شوهدت في أول القرن الرابع الهجري، ثم استوطنت المكان قبائل حنيفة، وانتشرت في الوادي وازدهرت مدينتهم في الجاهلية واتخذها العرب سوقاً يغدون إليه للبيع والشراء والشعر والأدب، ويقول ياقوت الحموي في كتابه معجم البلدان إن اسم حجر يرجع إلى عبيد الحنفي حين احتجر ثلاثين قصراً وثلاثين حديقة وسماها حجراً وكانت قبل تسمى اليمامة.

من كنا صغار نروح للبحر شاطئ نصف القمر قريب من سكننا ونرى الناس لكن هناك ناس غير
ناس بالعاميه الحيا مابه حيا الى وهم اهل الرياض الى من رحم الله
ملابس غير شبابهم و ولا خلني ساكت

تصدق حتى حنا اذا شفنا اي احد من الشرقية قلنا ((رافضي)) نحسب كل اهل الشرقية رافضة بس لما تشوف تشوف عوائل قامت على ايدهم المنطقة الشرقية من الخبر الى الدمام وغيرها وغالبيتهم من اسر نجدية نزحت الى الشرقية

الرياض رياض العز وتبقى تاج على رؤوس الجميع

شكرا لك يابعدي

مدرري عني
15-09-2006, 07:44 AM
هذه ليلتي ، وقصة الأمس بطلاتها ' منكم وفيكم ' ، فنحن من وإلى الصحراء نعود ، وكما تنبت نجدنا الصالح والطالح ، فمن بطلات قصتي من هي صالحة ومن هي طالحة – وهناك الاثنان في واحد – و 'استروا على ما واجهتهم ' ! ولأني قد بدأت في كتابة رسائلي تجرؤا دون مشاورة أي منهن ، ولأن كلاً منهن تعيش حالياً تحت ظل ' راجل ' أو ' حيطة ' أو ' راجل حيطة ' أو وراء الشمس ، فقد آثرت تحريف القليل من الأحداث مع تغيير الكثير من الأسماء ، حفاظاً على العيش والملح ، بما لا يتعارض مع صدق الرواية ولا يخفف من لذوعة الحقيقة . صحيح أنني مستبيعة ولا أنتظر شيئاً . لا أخشى شيئاً . لا آمل في شيء ، على رأي نيكسوس كازانتزكيس ، إلا أن حياة صمدت على الرغم من كل ما ستقرؤون ، لا أظن أن هدمها ببضع رسائل بريدية ' بالشيء المجرز ' ! )


من بنات الرياض ..

..

الرياض ليست ملائكيه ولا شيطانيّه !!

هي ارض بشرررريّه

ككل البقااااع !!!!

واقعًا نستسيغه او لا نستسيغه !!

ونحبهاااااااااااااااااااا

بكل متنااقضاااتهاااا


جوريّه لك

و
.. قبله على جبييييييييين الرياااض ..

أحسـاس يتيـم
15-09-2006, 07:49 AM
خوي فالح.. :)

في كل مكـان تلقى نوعيـات الشباب .. كل الانواع الي تبيها ..

فلا تحكم بس على اهل الرياض .. ولاتعطي جهت الضوء عليها.. فصدقني في كل الاماكن.. ومثل ماقال"مدري عني".. ليسو ملائكه وكلنا بشر.. وفيه الصالح والطالح .. :)

فأنت تسرعت بالكلام وربما اندافعك هذا لسبب..!!

تحيـاتي لك..

فالح عبدالله
15-09-2006, 08:08 AM
ركبه البعير قصدك مملكه كنده او العصور السابقه
عموما
انا ابي من 1319 وجاي من فتح الرياض
هل لك ان تخبرنا عن اهلها


مع احترامي للرياض واهلها
90 من القضايا المشهورة والمشاكل من الرياض
تدخل بالاسواق تلقا الثاني مفتون باالاولى وانواع الصرقعه والجنون اشكال العالم
في الشوارع العامه بصراحه افرح اذا انتهت اعمالي من الرياض ورجعت الى اهلي سالم غانم من ارض الرياض
الرياض ليست جزر هاواي وسلم لي على الامير سلمان بن عبدالعزيز

Fruity
15-09-2006, 09:07 AM
استغرب كل هالتحامل على الرياض !!

الرياض مثلها مثل اي مدينة كبيره بالسعودية

والبشر فيها يختلفون فيهم الصالح والطالح

وقفت على الرياض يعني ؟

اما سالفة العرابجه والصرقعه موجوده بكل مكان

سواء بجده ولا القصيم ولا المدينه ولا حائل ... الخ

لكن بحكم انها عاصمه ومدينه كبيره شي طبيعي بتكون النسبه فيها اكبر


تحياتي لك

صوت الصمت
15-09-2006, 09:21 AM
الرياض رياض العز وتبقى تاج على رؤوس الجميع

عاشقة الإقلاع
15-09-2006, 11:42 AM
"]السلام عليكم ورحمة الله

بين الفترة والثانية تٌثار زوبعة على الرياض؟

للأسف أن تصدر ممن ينتمون لهذاالوطن ، أهكذا تورد الابل!

حسنا ... فمع تلك الزوبعة عشقت الرياضpb189 ..وأتمنى أن أعيشها أبد الدهر

فالح عبدالله ..الشر والخير لايختص بمنطقة دون أخرى ..فلو كان كذلك لاسهُل الأمر علينا بإقصاء الشر وحشره في منطقته !
* حين تحب / تشمئز من أحدهم لاتعلنه للملأ*
متى نكون شعب متوّحد نفسيا /عاطفيا ؟
متى ننتمي إلى كل المناطق دون تمييز؟
مشكلتنا عويصة

دمتم بوِدbp039

~ البروفسور ~
15-09-2006, 11:51 AM
الرياض رياض العز وتبقى تاج على رؤوس الجميع

bp039

Bloodthirsty
15-09-2006, 11:55 AM
انا اصلا من القصيم وبس عايشه بالرياض
فيمكن أصير مااعرف أهله زين
بس أحس ان شبابهم مثل اللي بكل مكان بعض جيدين وبعضهم لك عليه والانفتاح بالرياض مهوب مثل اللي جده ولا الشرقيه ياساتر هذولاك بايعينه
بس يمكني مااروح لتجمعاتهم بالرياض ولا أماكن اللي يدجون به مثل التحليه وغيره يمكن يسوون أشد عشان كذا مااعرفهم مدري

T'iamo Italiano
15-09-2006, 11:58 AM
مدري ليش كل هالهجوم على الرياض؟؟؟!!!!!!

الرياض مدينه مثلها مثل اي مدينه ثانيه يجتمع فيها اناس من جميع الفئات اكيد راح تلاقي فيها الطالح وبتلاقي فيها الصالح...

السؤال هنا هل تضمن لي ان الشرقيه كل سكانها ملائكه منزلين من السما مايخطون ولاتطلع منهم العيبه؟؟!!!!

عزيزي ...

الشر والخطأ موجود بكل مكان بالعالم مايقتصر على مكان دون الاخر فاتمنى منك ومن غيرك التريث قليا قبل اطلاق الاتهامات التي لا اساس لها من الصحه... pb093




وعلى الرغم من هذا وذاك سيظل عشق الرياض يسري في دمي pb189 pb189 pb189 pb189



الف شكر bp039

+ DoDo +
15-09-2006, 04:57 PM
لا أسكن الرياض
لكن اعشق لياليها
أضوائها تعلن بأن كل ليلة في الرياض "عيد"

لم ارى في الرياض ما نسبته عالية في الانحراف
فيها الغريب نعم .. لكن الم تسأل نفسك اذ كانوا يرونك ايضا بتصرفاتك ونظراتك غريب ؟
هو رأيك الشخصي و مجموعة تنظر من نفس زاويتك

ذاك لا يعني ان رياضناا ليست دائما "عرووس"

قدساويه
15-09-2006, 05:11 PM
انا شرقاويه

بس كنت بستعجل وبكتب كذاب بس خفت يوقفون يوزري :)

تذكر السوالف الي استمرت لمدة سنتين الي هي حرق السيارات في احياء الجلويه وماجاورها في الدمام ولما مسكوهم طلعوا مراهقين من ابناء الشرقيه من القطيف مو من الرياض

الحاجه الثانيه البلوتوثات الي كل شوي مصوره شباب من القطيف او الاحساء ماسكين ولد ويعملون فيه اللواط :(

انا اقول كل مكان فيه الزين وفيه الشين

لكن بما ان الرياض العاصمه وفيها من كل مكان تلقا في الرياض من كل مكان في السعوديه ومن برا السعوديه يكفي ان عدد سكانها تجاوزوا الخمسه مليون نسمه تخيل مدينه فيها اكثر من خمسه مليون واحنا في الشرقيه مابعد تجاوزنا مليونين حتى مع الاجانب :)

على فكره انا اشوف ان السعوديين كلهم فيهم استهتار والدليل لما تسافر برا سواء من اهل الرياض او الشرقيه او الغربيه او الشماليه او الجنوبيه وهذا الشي شفته بعيني محد قالي

La ViTa
15-09-2006, 08:14 PM
الرياض اكبر مدينه في المملكه ..
وهي العاصمه ..
يسكن فيها 4 ونص مليون ..
فيها اغنى طبقه في السعوديه
وفيها من كل انحاء المملكه من ثقافات متعدده
وفيها من الاجانب ..
وفيها توجهات مختلفه منها
دينيه متشدده ومنها متفتحه و وسطيه
يعني عموماً
مع هالاسباب شي طبيعي
يكون فيه مخالفات
وفروقات وأمور سلبيه ..

(GL)
15-09-2006, 09:39 PM
بعد التحيه لكاتب الموضوع ،، اتمني ان لايفهم من ردي اني متحامل على المناطق الثانية ولكن بحكم اني من اهل الرياض ولله الحمد ترعرت فيه <-- يمديك على التعبير وهذا وجهي اذا مو كله اخطاء املائية :sm12:

من كنا صغار نروح للبحر شاطئ نصف القمر قريب من سكننا ونرى الناس لكن هناك ناس غير
ناس بالعاميه الحيا مابه حيا الى وهم اهل الرياض الى من رحم الله
ملابس غير شبابهم و ولا خلني ساكت


عزيزي اتمني قبل ماتقول الكلام هذا وتتكلم عن طبقة اعمارهم ماتتجاوز 18سنة لانه لو فوق 21 ماجاك راح للبحرين ،، اتمني تشوف الاشكال اللى في البحرين اللى يطلع واهله مايدرون عنه -- من جايب لنا الكلام في البحرين مهوب اللى يطلع بالفروه في شارع المعارض pb192

وتضخم عدد السكان مع مرور السنين فأهل الرياض نعم سعوديين مافي شك لكن بصراحه صرقعتهم زائدة


شنو الصرقعه اللى تتكلم عنها انت بالله عليك ؟؟ شباب راحوا للبحر تبيهم يجلسون ساكتين ويصوروون مع بعض ؟؟

ياخي اطلع مجمع الراشد في الايام العادية وشوف الاستهبالات واستخفاف الدم اللى على غير سنع روووح لمجمع السييف وشوف اللى يجيك يبي السنما ثم يرجع لبيتهم بحكم انها قريبة اسئل رجال الامن بالمجمع ما اعتقد ان واحد من الرياض بيروح في ايام الاسبوع :sm18:

واذا تحدث احدهم قال شباب الرياض معروفه هالكلمه انهم عرابجه وفي الحقيقه
الرياض فيه المشائخ والعلماء والوزراء وصفوة القوم ولكن هناك اسطوانه اسمها شباب الرياض

ياخي وش نسوي اذا البلاغة اثرت في نفوس شبابنا مثلك تماماً تجرح وتداوي واسطوانة شباب الرياض ازين من اللى اذا قال احبج متحضر واذا قال احبك بدوي قديم :rolleyes:

وتضخم عدد السكان مع مرور السنين فأهل الرياض نعم سعوديين مافي شك لكن بصراحه صرقعتهم زائدة
انا برائي ان لااحد يعرف احد فمن هذا المنطلق تجد الشباب المراهقين والمراهقات الا من رحم الله تجدهم يتبعون ديرة ماهي ديرتك العب في حسبتها


عزيزي احب اقول لك شي صحيح ان اغلب اهل الرياض مهاجرين له ولكن اغلب السكان اللى تشوفهم مولودين بالرياض من الثمانينات بالرياض ولا اعتقد فيه عقليه بالرياض تفكر كذا ما ادري من وين جاك التفكير هذا يعني انت مثلا لو جيت للرياض بتفكر كذا ؟؟ مو الرياض ديرتك مثل الدمام والخبر وغيرها من مناطق المنقطة الشرقية ؟؟

الى متى تبقا شباب الرياض او بنات الرياض ظاهرة او تسميتهم مرتبطه مع الاعمال المخالفه
انا لااعمم النظرة ولكن هناك فئة والله يهدينا لما يحب ويرضا
دمتم بخير ,,,

ياليتها تجي على الرياض وبس ،، اقسم لك بالله اني كنت في دولة من الدول مره وفي مكان النور فيه يميل للاحمر :sm5: واحد يماني يقول انا سعودي وينصب عليهم عندنا بالسعودية وفيه وفيه لما جيت قالوا هذا من عندكم في السعودية اتكلم معه طلع يماني ماعنده سالفه ولا عمره طب السعودية اصلا ً

وشكراً:D

فالح عبدالله
16-09-2006, 02:06 AM
اشوف كلامكم اصدق
اشوف افعالهم استغرب

علمتني الأيام
16-09-2006, 03:53 AM
pb189 فيـــه مثــلك يا الريـــاضpb189

The snike
16-09-2006, 04:01 AM
اولا اخوي اشوف انك بدل ماتنتقد الرياض كلها انتقد تصرفات سيئه وبعدين موضوع مع احترامي لك مايزيد الطين الا بله اطرح موضوع يهم الوطن عموما ويناقش مشكله من مشاكل المواطن عموما ابدلي بدلوي في هالموضوع

الرياض عاصمه المملكه ونسبه الجرائم في كل العالم تكون في العواصم اكثر من غيرها بسب كثره السكان وتعدد العادات والتقاليد . وبحكم طبيعتنا ومجتمعنا اللي يولي العادات والتقاليد اولويه في تصرفاته وبحكم تعدد القبائل وتعدد العادات وكل من استقر بالرياض ممن اتو من خارجها تمسك بعاداته وهو اللي خلاك تشوف التناقضات .واذا بتقيس معدلاتالجلرائم وغيره قارن بين عدد السكان كلما زاد لعدد زاد المعدل وش جاب الرياض عند الشرقيه
والكمال لله وحده مستحيل تلقى مجتمع مثالي حتى في الدول المتقدمه
ماودي اتكلم عن الشرقيه وش فيها لانه جزء من وطنا الغالي وكلاهما عينان في راس


كلمه اخيره ماقول الا ياحبني لرياض واهل الرياض ومشاكلها وبكل مافيها "ويازقيناه زقيناه " الكلمه بين الاقواس لغير المتكلمين باللهجه العتيبيه تعني احبها جدا ووصل لدرجه الهياااااام .

فالح عبدالله
16-09-2006, 04:26 AM
احترم الرياض واهلها
لكن لابد من ترويض فكرة شباب الرياض لانها العاصمه ولا بد ان تكون قدوة للناس والبلد

Fa100
16-09-2006, 05:49 AM
ما عمري زرت الرياض ولا اعرف اهلها

لاكن اتوقع انها مثل اي مدينه ثاانيه


+;4209925']
الرياض اكبر مدينه في المملكه ..
وهي العاصمه ..
يسكن فيها 4 ونص مليون ..
فيها اغنى طبقه في السعوديه
وفيها من كل انحاء المملكه من ثقافات متعدده
وفيها من الاجانب ..
وفيها توجهات مختلفه منها
دينيه متشدده ومنها متفتحه و وسطيه
يعني عموماً
مع هالاسباب شي طبيعي
يكون فيه مخالفات
وفروقات وأمور سلبيه ..






:)

غزير الشوق
16-09-2006, 06:02 AM
لو أن كل كلب عوا ألقمته حجراً **** لأصبح الحجر بمثقال من دينار

ياملا الثانكيو :)

انوار الرياض
16-09-2006, 06:29 AM
خلصنا من بنات الرياض وجينا لشباب الرياض

فالح عبدالله

الرياض تاج رااااسك :sm12:

يعني حرام تتهمهم هالاتهامات الباطله يعني انت متاكد انهم كلهم من الريااااض ؟؟!!

يعني ماحد جا من سيهات من القطيف من دارين من الاحساء من الجبيل من البحرين من الكويت

وش اعد وش اخلي يعني حبكت الا اهل الرياض عجزت تدخل مخي

ليش هالحقد على اهل الريااااض


بس اخر كلامي اقول مثل ماقالو اخواني


الرياض رياض العز وتبقى تاج على رؤوس الجميع

عريس مضيع الصاله
16-09-2006, 06:35 AM
يا حبني للريااض واهلها رغم الزحف الى فيها رغم كثرت مشاكلها رغم ظلم الشباب فيها . . .

انا ولد وعشت وكبرت فى الرياض لمدة 25 سنة ولاكن للاسف تركتها قبل 8 اشهر بحكم عملى ولا قليت

مثل الريااض كا مدينة . .

ويكفينى فخر اذا قالو من وين انت اقول من الرياض تدرون لية لان الرياض ما تخرج الا صنااديد رجال

ركبة البعير
16-09-2006, 08:42 AM
والله ماقصروا الصبايا والشباب
بعدين ياحضرت الأستاذ راجع كتب الانساب وشوف الاسر التي من الرياض اصلا وفصلا ولو بعدلك ناس بخلي الاخرين وبقولك على سبيل المثال لا على سبيل الحصر.........
الثنيان
العبيكان
الفريان
العبدالقادر
السبعان
الدخيل
النوح
المحمود
الريس
الثميري
الموسى
ابونيان
الفرحان
الشعيبي
المحطب
الدواس
الخضير

والله كثير ماكتبتهم بس هؤلاء اللي اعرف انهم اصلا وفصلا ابا عن جد من الرياض من مئات السنين وروح لحمد الجاسر ولا الحقيل يمكن يفيدونك , وعلى فكرة وللمعلومية يوجد حي بجنوب الرياض حي اسمه ((منفوحه)) والجميع يعرفه ومنفوحة كانت مدينة بجانب الرياض لكن لأتساع الرياض دخلت معها ولا تبعد عن الرياض القديمة سوى 3 الى 4 كلم ومنفوحة مستوطنة من قبل الاسلام ومنها الشاعر المعروف الأعشى, ومنفوحة مدينة مأهولة بالسكان من قبل الاسلام ولم تهجر الى عصرنا هذا والابراج والاثار دليل على قدمها بس هي مو موضوعنا بس حبيت ابين ان منفوحة تبع الرياض وكلهم اهل.
وأهل مكة ادرى بشعابها والغطاس مايغطس في بحر الا يسأل وش الاهوال اللي فيه

وتسلم يا بعدي والله يحفظك

فالح عبدالله
16-09-2006, 09:47 AM
الرياض مابي منطقه الرياض
ابي المدينه نفسها
وال فريان من بني هاجر مرجعهم لنا بالشرقيه
الشعيبي من الاحساء
وال فرحان من ال سعود
الرياض اصل لايوجد الا القليل النادر
هلا فيك ركبه

فالح عبدالله
16-09-2006, 09:53 AM
الرياض عاصمتنا
انا اعالج قضيه ماذميت احد
ماني مجبور ارد على كل الردود
واللي كلامه نازل عن المستوى يشوف له اقرب مسوده ويشخبط عليها

عزة ## المرتزة
16-09-2006, 10:39 AM
يعني اللي أصلهم من الرياض المدينة هم المؤدبين العاقلين
واللي جايين من قرى الرياض خربوها وخربوا سمعتها .. عجيب والله
موضوعك مدري وش يبي
طيب هذا الوليد بن طلال على قولتك من اهل الرياض الاصليين
ومايحتاج اقول واتكلم اكثر عنه يكفيك سلسلة نوات روتانا
الله يرحم حالك بس :(

غزير الشوق
16-09-2006, 02:56 PM
انا مدري وش الهدف بس من الموضوع هو اكيد مصيره الماصله :)

ياملا الثانكيو :)

ردد ياليل مطولك
16-09-2006, 03:57 PM
اشوف كلامكم اصدق
اشوف افعالهم استغرب

لا تكفى صدق


الرياضpb189 تسافر وتسافر وتروح اجمل الاماكن بالعالم والذ الماكولات ولكت تحن لرياضpb189

وما علينا...لاطربنا وانتشينا.....اهه المرد الرياض

عبق
16-09-2006, 05:31 PM
لا تلوم الشباب وتحاسبهم على تصرفاتهم لأنهم ما يتحملون الذنب الأكبر

اللوم على الإعلام والمدارس والبيوت اللي أفرزت هالجيل ولا تنسى إن المراهقة لها
مواصفاتها

وبالنسبة للرياض اللي أعرفه إن أهلها أربع وعشرين أو خمس وعشرين عايلة وقت دخول الملك

عبدالعزيز .. اللي يميزهم إنهم زي أهل أي قرية يعرفون بعض ويستحون من بعض

ما يخليهم أفضل من غيرهم

sanioreeta
16-09-2006, 08:34 PM
موضوع طفولي مليئ بالعنصرية..:rolleyes:

إلى الماصلة :cool:

فالح عبدالله
16-09-2006, 09:27 PM
يكلمني السفيه بكل قبح
فااكره ان اكون له مجيبا


يركدون ياجماعه اللي يفهم خطا مو مشكلتي
ان لاادعي الا تحرر ولا فجور انا ادعي الى مثاليات عاصمتنا
الرياض عاصمتنا واخبارها نشوفها بالعين
اما اللي مايتعدى بيته ولايشوف شئ وشاطر بس بالكيبورد بالردود الهابطه
يدع القيادة ويتمتع بالرحلة ويشاهد اجمل الابداعات والاهداف الطيبه ان شاء الله
الرياض لولا الله ثم سلمان بن عبدالعزيز ولا كانت حكايات الف ليله وليله
حنا عرب وانا ماذميت عائله او ناس لااحد يصير اسد بالكيبورد وفي الحقيقه يخاف من ضله
انا ياجماعه الخير اعالج ظاهرة تكثر بالمجتمع فالرياض عاصمتنا منها المشائخ وطلاب العلم والدكاتره وووو الخ
لكن فيه فئه تحتاج الى علاج باالابر الصينيه لعل وعسى ان شاء الله تستيقظ من سباتها العميق
دمتم بخير ,,,

ركبة البعير
16-09-2006, 10:59 PM
ولو لو بنرجع لأصول كل عائلة ومنابتها بنروح لليمن وشمال الجزيرة العربية

الحمد لله الذي جعلنا مسلمين

تشكرات

لين ست الحريم
16-09-2006, 11:46 PM
وش فيكم على فالح عبدالله تراه ماقصد شي ضد الرياض..بس هو مقهور من الشي اللي قاعد يحصل بالشرقيه
خلوني اعطيكم امثله بس لحد يزعل..
1-كلما تجي اجازة رمضان والا الحج ماتلقى الا الناس يقولون يووووووه وع الله يعين على اهل الرياض.
2-السيكورتي بالمجمعات وحتى الهيئه علقوا على عيال الرياض...واذكر امي اشتكت واحد من الشباب عند السيكورتي راح قالها والله شباب الرياض ذول مشاكل
3- الشاليهات بالشرقيه متروووووووسه اهل الرياض...لدرجة ان السن ست يوم فتح مجموعه من شاليهاته للايجار اكثر من تنكد هم اهل الشرقيه لان اهل الرياض بيجون الشاليه الوحيد اللي مايقدرون يجونه(لانه تمليك)
4- اهل الرياض عرابجه...لحوج...قراوة...ينشبون...قليلن ادب....ينخاف منهم
5- وحده الله يستر عليها متخصصه بأخذ ارقام الشباب الا شباب الرياض..تسالها ليش.. تقول هو انا بايعه عمري؟؟

انا من الرياض وجد اتنكد لما اكون بالجامعه واسمع الكلام اللي ينقال على الرياض..وجاء برجس وحادث النهضه وكملوها....واللي يضحك ويحزن بنفس الوقت ان حتى الاسر النجديه بالشرقيه تكره شي اسمه رياض ويضيق صدرها كلما راحت لها.....:(
الاخ فالح غاضب على هذا الوضع وهو الشي اللي حاول يقوله بالموضوع...
ماكانت سبه يالاعضاء عشان تجون تقولون الاشعار بالرياض وتمدحون......انما واقع...والواقع مايتغير الا بالاعتراف بوجود العلة اولا ومن ثم تصحيحها....
واللي يقول ان الرياض تجمع كثير ناس مو منها....صح.....بس حتى الشرقيه والحجاز فيها كثير ناس مو منها.....ومع هذا اختلفت السمعات بين المناطق...:)
مافي احد من الرياض يوقف ضدها:)....بس فيه ناس من الرياض يسكنون خارجها ويؤلمهم مايقال عنها(مثل حالتي)

في احد المنتديات انذكر موضوع مشابه ورد واحد رد سقيييييييييييييم ( لاننا محرومين وكل شي لا عندنا...فطبيعي ان جينا الشرقيه نخربها ونستانس)!!!!!!!!!!!!!!!!!!!!
والمصيبه انهم يجون الشرقيه وينصاد بعضهم من قبل الهيئه...وهيئه تعلم هيئه.....وتجي هيئة الرياض تعصب كلما مسكوا عيالها خارجها وتروح تشد عليهم اكثر واكثر بنظرها هم مايستاهلون شي:(
لا وابشركم من الاشياء الحديثه الويك اند الجاي مع اليوم الوطني...ونفس الاسطوانه تنعاد...الله يعين شكلهم بيجون!!!!!!!!

مع ان كل منطقه فيها الصالح والفاسد الا ان سمعة اهل الرياض هي اللي انتشرت بشكل رهيب...وهي الشي الوحيد اللي يتكلم فيها الناس ناسين او متناسين فساد بقية المناطق...
وووووووووووع اذكر مره كنت بجده الا ذيك الحجازيه تقول لي وكنا وقتها بعزيمه ...جده كولها اهل الرياض..اشبهم كدا تقيلين؟؟ماحوبهم انا<<<<<اقول خلي عنك هالكلام وروحي جددي الاقامه بس:) ماثقيل الا انتي وجدانك يوم انكبيتوا علينا من خراسان وشلتها وماورائها:(
تحياتي اخ فالح:)

: { Scorpiofull } :
17-09-2006, 01:33 AM
شكلك حاقد على اهل الرياض واي شي يصير من احد منهم ركزت عليه:rolleyes:
بكل مكان فيه الاخلاق وفيه الي الله اعلم بحالهم
الرياض كبيره وهي العاصمه يعني سكانها وش كثرهم من كل مكان في المملكه..
علشان كثرة السكان يبان اكثر بأي شي ( سيء ) يسوونه ....ماله دخل بالي أصله من الرياض او لا
باقي مناطق المملكه ماتجي ولا ربع سكان الرياض ولهالسبب مو يبان بالي يسوونه للمناطق الثانيه في المملكه

وهـ ياحبي للرياض وأهلها pb189 pb189 pb189

فالح عبدالله
17-09-2006, 02:25 AM
استغرب بعض الردود تقول انت تكره وانت حاقد
ياعالم هذي عاصم دولتنا السعوديه وعلى العين والراس
بالكلام اللين تاخذ الحق البين
شوفو كلام ست الحريم لين كلام عقل ومنطق ماشاء الله بسطت الامور
شكرا جزيلا ست الحريم لين
وفقك الله

sweet_girl
17-09-2006, 03:36 AM
سبحـــان الله عيـــال الرياض وبنات الريــــاض لا زم يندسون في كل سالــفه....

يعني البنت ولا لالولد اللي من سدير ولا من القصيم ولا من الزلفي يطلق عليهم عيال الرياض

وبعدين كـــم عددهم عشان تحكم على فئــــه منهم...

رح بــرى السعوديه من أغلب رجــال الأعمال والدبلوماسيين مهوب عيال الرياض!!

ومسوي فيها اهل الشرقيه واهل الشرقيه الشرقيه كلها كبر العليا

ونص سكانها بعد اهل نجـــد

فالح عبدالله
17-09-2006, 05:38 AM
حلا
الشرقيه قبايل وعوايل وش دخل نجد فيها
بني هاجر وبني خالد وبني مرة والعجمان وعوائل الحاضرة الاحساء والشيعه هؤلاء هم اهل الشرقيه
الشرقيه من الخفجي الى خرخير وحفر الباطن بعد
الشرقيه خادم الحرمين مسميها ام الخير
وبعدين انت وش فيك معصبه محد وطا على عباتك :)

N.M.N
17-09-2006, 06:17 AM
الله يهديك يا فالح بن عبدالله

الرياض تجمع لكل سكان المملكة العربية السعودية

كونها هي العاصمة وتوجد فيها كل الخدمات

لكن لا ننسى ان لها اهل عاشوا قدم التاريخ

قبل الاسلام بقرون

لا ننسى ان الرياض كانت قرى صغيرة سابقاً

منفوحة ومعكال والدرعية وعرقه وغيرها من القرى

التي اصبحت حالياً تدخل في حدود مدينة الرياض

اهل هذه المدن هم سكان الرياض الاصليين

وهم اصحاب عادات وتقاليد اهل نجد الاصيلة

وكلهم اسر متداخلين في ما بينهم غالباً

فلا تحكم على الرياض اصلحك الله بمن فيها حالياً

الرياض فيها على اقل تقدير اكثر من 4 مليون شخص

من سعوديين وعرب واجنبيين

اذا اردت ان تحكم على اهل الرياض القدامى

ارجع الى كتب الانساب والى كتب التاريخ

التي حفظت تاريخ الرياض واهاليها

حفظت لهم اصالتهم وكرمهم وجودهم والصفات تطول ...

اتمنى منك ان لا تعمم ما تراه من فئه قليله بكل المجتمع

فقد ترى اناس هم من سكان الرياض لكنهم ليسوا من اهلها

فلا تحكم على اناس هم من سكان الرياض بانهم من اهل الرياض

N.M.N
17-09-2006, 06:43 AM
بصراحه افرح اذا انتهت اعمالي من الرياض ورجعت الى اهلي سالم غانم من ارض الرياض


لا حول

ليش هذا التضخيم

لا تحسب الرياض مثل : لاس فيغاس ولا شيكاغو

الحمد لله الرياض امن وامان

مثلها مثل كل مدن المملكة

القيثارة
17-09-2006, 06:44 AM
لا ننسى ان الرياض كانت قرى صغيرة سابقاً

منفوحة ومعكال والدرعية وعرقه وغيرها من القرى

التي اصبحت حالياً تدخل في حدود مدينة الرياض

اهل هذه المدن هم سكان الرياض الاصليين

وهم اصحاب عادات وتقاليد اهل نجد الاصيلة



شكرا N.m.n

وعلى فكرة
أكثر من ربع سكان الشرقية من الرياض وماحولها

في الحقيقة أن كل منطقة فيهم حقهم من الخير والشر

ولكن الرياض ونجد خصوصا

أتحدى يكون فيه أكثر من علمائها وأهل الخير كثير فيها

وللمعلومية أبطال قصة بنات الرياض لم يكونون من الرياض جميعهم بل بالعكس

ولكنهم عدة فتيات متجمعات في الرياض

عموما عدد سكان الرياض 6 مليون وليس 4 مليون

شكرا لكاتب الموضوع

N.M.N
17-09-2006, 06:44 AM
اولا اخوي اشوف انك بدل ماتنتقد الرياض كلها انتقد تصرفات سيئه وبعدين موضوع مع احترامي لك مايزيد الطين الا بله اطرح موضوع يهم الوطن عموما ويناقش مشكله من مشاكل المواطن عموما ابدلي بدلوي في هالموضوع

الرياض عاصمه المملكه ونسبه الجرائم في كل العالم تكون في العواصم اكثر من غيرها بسب كثره السكان وتعدد العادات والتقاليد . وبحكم طبيعتنا ومجتمعنا اللي يولي العادات والتقاليد اولويه في تصرفاته وبحكم تعدد القبائل وتعدد العادات وكل من استقر بالرياض ممن اتو من خارجها تمسك بعاداته وهو اللي خلاك تشوف التناقضات .واذا بتقيس معدلاتالجلرائم وغيره قارن بين عدد السكان كلما زاد لعدد زاد المعدل وش جاب الرياض عند الشرقيه
والكمال لله وحده مستحيل تلقى مجتمع مثالي حتى في الدول المتقدمه
ماودي اتكلم عن الشرقيه وش فيها لانه جزء من وطنا الغالي وكلاهما عينان في راس


كلمه اخيره ماقول الا ياحبني لرياض واهل الرياض ومشاكلها وبكل مافيها "ويازقيناه زقيناه " الكلمه بين الاقواس لغير المتكلمين باللهجه العتيبيه تعني احبها جدا ووصل لدرجه الهياااااام .

صح لسانك يا ولد العتبان

N.M.N
17-09-2006, 06:44 AM
تذكر السوالف الي استمرت لمدة سنتين الي هي حرق السيارات في احياء الجلويه وماجاورها في الدمام ولما مسكوهم طلعوا مراهقين من ابناء الشرقيه من القطيف مو من الرياض

الحاجه الثانيه البلوتوثات الي كل شوي مصوره شباب من القطيف او الاحساء ماسكين ولد ويعملون فيه اللواط :(


هذا لا يعني بعد ان كل ابناء القطيف مخربين

N.M.N
17-09-2006, 06:49 AM
الثنيان
العبيكان
الفريان
العبدالقادر
السبعان
الدخيل
النوح
المحمود
الريس
الثميري
الموسى
ابونيان
الفرحان
الشعيبي
المحطب
الدواس
الخضير


اللهم لك الحمد

الاهل والخوال من العوائل المذكورة

ممن عاشوا على جوانب وادي حنيفة

تسلم يا ركبة :sm5:

القيثارة
17-09-2006, 06:49 AM
هناك سبب في عدم ارتياح من يأتون من خارج الرياض إلى الرياض

وهو الجفاف في التعامل وليس جميع أهل الرياض هكذا

بصراحه افرح اذا انتهت اعمالي من الرياض ورجعت الى اهلي سالم غانم من ارض الرياض

ان شاء الله دوم غانم

لكن الرجاء عدم المبالغة ماألومك لو تحب تعود سالم من الناحية المرورية والحوادث وغيرها لأن الرياض مكتظة وجافة

في التعامل وخصوصا مروريا اللي يجون من برا الرياض يتأذون من التهور المروري في الرياض

N.M.N
17-09-2006, 06:50 AM
يعني اللي أصلهم من الرياض المدينة هم المؤدبين العاقلين
واللي جايين من قرى الرياض خربوها وخربوا سمعتها .. عجيب والله


لا

الرياض اصبحت مدينة كبيرة

وفيها من كل المناطق

والخطأ لا يصدر من اناس محددين

N.M.N
17-09-2006, 06:52 AM
4- اهل الرياض عرابجه...لحوج...قراوة...ينشبون...قليلن ادب....ينخاف منهم


:rolleyes:

سبحان الله

الحين اهل الرياض هم العرابجه واللحوج

N.M.N
17-09-2006, 06:53 AM
شوفو كلام ست الحريم لين كلام عقل ومنطق ماشاء الله بسطت الامور
شكرا جزيلا ست الحريم لين


تشكر من يوافقك في نهجك

وتقبح من يخالفك

N.M.N
17-09-2006, 07:00 AM
شكرا N.m.n

وعلى فكرة
أكثر من ربع سكان الشرقية من الرياض وماحولها

في الحقيقة أن كل منطقة فيهم حقهم من الخير والشر

ولكن الرياض ونجد خصوصا

أتحدى يكون فيه أكثر من علمائها وأهل الخير كثير فيها

وللمعلومية أبطال قصة بنات الرياض لم يكونون من الرياض جميعهم بل بالعكس

ولكنهم عدة فتيات متجمعات في الرياض

عموما عدد سكان الرياض 6 مليون وليس 4 مليون



القيثارة

يا هلا ومرحبا

ولا شكر على واجب

حق علينا ان ندافع عن الرياض واهلها ومن يسكن فيها

وعن كل مدينة من مدن المملكة

وبالنسبه لرواية بنات الرياض

الجميع يعلم من هي مؤلفه الروايه وما اهدافها ومن في الرواية من شخصيات

اما عن سكان مدينة الرياض

بصراحه لا اعلم عن رقم محدد

لكن احتمال انهم يزيدون عن 6 مليون

جوهره الرياض
17-09-2006, 08:46 AM
الحين كل هالكلام والسب عن اهل الرياض ولا اهل جده

يعني اهل جده هم اللي ما ادري من وين جايين بقايا حجاج ولا اصل ولا شي

واهل الرياض المحترمين الأصل والفصل ينقال عنهم كل هالكلام

اقول بس كيف الحال؟؟؟

لين ست الحريم
17-09-2006, 03:48 PM
:rolleyes:

سبحان الله

الحين اهل الرياض هم العرابجه واللحوج

اخوي الكريم هذا مو كلامي هاذي امثله على اللي ينقال عن الرياض بالشرقيه....وعلمك انا بالذات ماقد مره قلت هالكلام ...لاني مو مقتنعه فيه...

وماله داعي تصيرون كذا معصبين وتقولون اهل جده واهل الشرقيه بعد ......
كلامكم على العين والراس وكل المناطق فساد....بس فهموني وشلون بالضبط اتفقت الشرقيه والحجاز على ان اهل الرياض مزعجين؟؟؟؟؟:eek: :eek: :eek:

من ردودكم واعتراضكم الواحد يستنتج انكم الفئه الصالحه في الرياض والنعم فيكمpb189 ..ويمكن لانكم طيبين تشوفون كل الناس مثلكم......:D
على العموم الاخ فالح ماقصدكم انما قصد الفاسدين وعادة هم عارفين نفسهم زين...pb131

وجد تراها مشكله اجتماعيه بالشرقيه والحجاز.....مو حاله هاذي اقعد اسمع كل يوم كلام يسم البدن عن اهل الرياضpb131

تحياتيbp039

ردد ياليل مطولك
17-09-2006, 03:48 PM
n.mn وش بقيت من الكلام......كفيت ووفيت....
تحياتي لك ياخي n.mn

لين ست الحريم
17-09-2006, 03:55 PM
تشكر من يوافقك في نهجك

وتقبح من يخالفك

لا لاتقول كذا....

اقرا ردود الاعضاء كلها دفاعيه...مافي رد ناقش وسأل نفسه ليش كذا ينقال عن اهل الرياض
وكلكم عارفين ان هالكلام ينقال عليكمpb131 بس الظاهر مو هامكم لان وش عليكم ساكنين بالرياض...ماياكلها الا النجادا اللي ساكنين بالشرقيه وماغير يسمعونpb131 :sm1:

انا ماكنت بصف فالح كثر ماكنت ابي اوضح كلامه اللي انتوا فهمتوه كهجوم:eek:
واذا اتفقت انا وهو..فلاحظ اننا الاثنين بالشرقيه...نسمع ونشوف .....وننقهر:sm1: :sm1:

واعييييييد لو انك ساكن بالشرقيه كان حسيت وفهمت....بس دامك بعيد وشلون بتلاحظ؟؟؟

خمسطعش
17-09-2006, 03:55 PM
ياحبيبي ..

اهل الرياض يجون الشرقيه مسافرين يعني يفلوووون ابووها بس وقت الشدايد ماعليك ازهلهم ..

وان كان ودك تشوف الله لايهينك رح غرز في الثمامة وراح تشوف

مهاجر الدنيا
17-09-2006, 04:05 PM
الاخ فالح عبدالله تحيه طيبه ..
هناك فرق كبير بينما تذكر وبين الواقع الذي نعيشه فلا اعتقد ان فتره بسيطه في الرياض علمتك كلما ذكرت ..اخي انا في الرياض ...واعرف الرياض ...كما انني درست في الشرقيه ووجت ما لم اجده في الرياض من بعض المشاكل التي ذكرت ..
للاسف لم يكن اسلوبك في تعريف سلوكيات اهل الرياض جيدا ذالك ما حدى بالبعض الى التلفظ عليك

تحياتي

مهاجر الدنيا
17-09-2006, 04:13 PM
على فكره اخ فالح شكلك راعي عصبيه قبلييه وجاي تعلمنا انك قبيلي وردودك لما رجعت لها تثبت هذا ...
يا اخي الرسول ذم هاذي العاده اتركوها انها منتنه ...الله يصلح الحال

انوار الرياض
17-09-2006, 09:51 PM
يعطيك العافي يــ ان Nmn والله كفيت ووفيت بارك الله فيك ورفع الله قدرك ونور دربك

حتى باقي الاخوان مثل ركبة بعير والاخوات ايضا ,,

اخ عبدالله عليك الاعتذار لاهل الرياض عامة لانك اساااتهم واسات شبااابهم

P U M A
17-09-2006, 10:29 PM
بـ اعتبار ان كلامك صحيح :rolleyes:
مهمـا شفت ومهمـا سمعت .. (( لا تعـمم ))

الكـــرز
18-09-2006, 12:09 AM
الموضوع شطح وبقوه عن مبتغاه
الرجاء من الجميع ابراز قبيلته قبل لايتكلم بنحولها الى قناة الساحة الشعبيه عرضه من هنا وعرضه من هناك
لااحد يتطاول على المناطق (لحوج قراوى.....) ترا هالفئه مفتخرين بحالهم لاعاد نجرح فيهم
ارجعوا لأصل الموضوع
خذت مكان الكاتب:)
فالح عبدالله احترامي لك خيوو

فالح عبدالله
18-09-2006, 02:21 AM
وش صار باليوم الوطني العام
الرياض فقط ورقص وهز بالشوارع
حتى جاءتهم الشرطه الدينيه والشرطه الامنيه
المناطق الثانيه ملتزمه الصمت
وش تسمون هذا الشئ
انتم تدافعون عن الرياض وانا ادافع عنها
انا اتكلم عن فئه هل انتم من هذه الفئه ؟
وبعدين البنات حفظهم الله في حلهم وترحالهم في بيوتهم وداخلين معارض على موضوعي
هم شافو اللي يشوفون الناس ام بس رياض رياض برد على الموضوع وادافع عن كل الفئات
انا احب الرياض جزء من بلدي لكن اللي على راسه البطحا ( الصلعه ) يلمسها فالرياض لولا الله ثم سلمان لوجدتها مستنقع لكل من نفسه تتبع الهوى والفساد وانا اعرف الرياض مثلكم وشوف عيني مابي احد يقول ومهما تكلمتو على عيني وراسي لن ازعل منكم لان الدين واحد والهدف خدمه الشعب :)
دمتم بخير ,,

علمتني الأيام
18-09-2006, 03:05 AM
أخ فالــح...

أعتــقد انك بتكحلها أعميتها:)

الرياض فقط ورقص وهز بالشوارع
حتى جاءتهم الشرطه الدينيه والشرطه الامنيه
المناطق الثانيه ملتزمه الصمت


كم مليـــون عــدد سكان الرياض!!

كلهم طلعوا يرقصــون ويغنون!!

مشكلتك أخذت عينه وعممت نتيجتها على الكـــل...

وبعدين البنات حفظهم الله في حلهم وترحالهم في بيوتهم وداخلين معارض على موضوعي
هم شافو اللي يشوفون الناس ام بس رياض رياض برد على الموضوع وادافع عن كل الفئات



في بيوتنــا:)

كيــف يعني أنت متصور بنات الرياض محجر عليــهم ومربطين بسلاسل !!


أحنا نشوف ونشووف أنا عشت بالشرقيه مثل ما عشت بالرياض


ياخي ترضى أحكم على الشرقيه من باب حكمي

على شبـــاب منطقة عنّك !!
أو اللي شفته بالقطيف وذيك المناطــق!!
او اللي شفتــه بشاطئ أرامكــو!!
أو االهوايـــل اللي شفتها بالكم كامباونــد عندكم من السعوديين وغيرهم!!

غير القضايا اللي تصيــر عندكم وملفاتها مرت علــي بس المشكله انو ما فيه سبوت
لايت عليكم والشرطــه الدينيه على قولتك,,,, مقلص عندكم دورهـــا




لولا الله ثم سلمان لوجدتها مستنقع لكل من نفسه تتبع الهوى والفساد وانا اعرف الرياض مثلكم وشوف عيني مابي احد يقول

:rolleyes:


يــاخي كل مكان فيــه الخيــر والشر وارجـــع لكلامي فوق الأقتباس....

فالح عبدالله
18-09-2006, 03:11 AM
اقصد الرياض فقط
العاصمه اللي احتفلت باليوم الوطني
شاكر لك ايضاحك علمتك الايام

N.M.N
18-09-2006, 03:42 AM
اخوي الكريم هذا مو كلامي هاذي امثله على اللي ينقال عن الرياض بالشرقيه....وعلمك انا بالذات ماقد مره قلت هالكلام ...لاني مو مقتنعه فيه...

وماله داعي تصيرون كذا معصبين وتقولون اهل جده واهل الشرقيه بعد ......
كلامكم على العين والراس وكل المناطق فساد....بس فهموني وشلون بالضبط اتفقت الشرقيه والحجاز على ان اهل الرياض مزعجين؟؟؟؟؟:eek: :eek: :eek:

من ردودكم واعتراضكم الواحد يستنتج انكم الفئه الصالحه في الرياض والنعم فيكمpb189 ..ويمكن لانكم طيبين تشوفون كل الناس مثلكم......:D
على العموم الاخ فالح ماقصدكم انما قصد الفاسدين وعادة هم عارفين نفسهم زين...pb131

وجد تراها مشكله اجتماعيه بالشرقيه والحجاز.....مو حاله هاذي اقعد اسمع كل يوم كلام يسم البدن عن اهل الرياضpb131

تحياتيbp039

الله يبارك فيك

انا فقط متعجب من الكلمات

وانا اعرف انكي نقلتي لنا رأي الاخرين

وعن نفسي والحمد لله احترم جميع مناطق المملكة

وسطها وشرقها وغربها وشمالها وجنوبها

واذا كان في منطقة سلبيات لا انسى الايجابيات

N.M.N
18-09-2006, 03:48 AM
اتمنى منك التوضيح على ما في الاقتباس

وتحديداً ما وضع بالاحمر وتحته خط

ركبه البعير قصدك مملكه كنده او العصور السابقه
عموما
انا ابي من 1319 وجاي من فتح الرياض
هل لك ان تخبرنا عن اهلها


مع احترامي للرياض واهلها
90 من القضايا المشهورة والمشاكل من الرياض
تدخل بالاسواق تلقا الثاني مفتون باالاولى وانواع الصرقعه والجنون اشكال العالم
في الشوارع العامه بصراحه افرح اذا انتهت اعمالي من الرياض ورجعت الى اهلي سالم غانم من ارض الرياض
الرياض ليست جزر هاواي وسلم لي على الامير سلمان بن عبدالعزيز

وش صار باليوم الوطني العام
الرياض فقط ورقص وهز بالشوارع
حتى جاءتهم الشرطه الدينيه والشرطه الامنيه
المناطق الثانيه ملتزمه الصمت
وش تسمون هذا الشئ
انتم تدافعون عن الرياض وانا ادافع عنها
انا اتكلم عن فئه هل انتم من هذه الفئه ؟
وبعدين البنات حفظهم الله في حلهم وترحالهم في بيوتهم وداخلين معارض على موضوعي
هم شافو اللي يشوفون الناس ام بس رياض رياض برد على الموضوع وادافع عن كل الفئات
انا احب الرياض جزء من بلدي لكن اللي على راسه البطحا ( الصلعه ) يلمسها فالرياض لولا الله ثم سلمان لوجدتها مستنقع لكل من نفسه تتبع الهوى والفساد وانا اعرف الرياض مثلكم وشوف عيني مابي احد يقول ومهما تكلمتو على عيني وراسي لن ازعل منكم لان الدين واحد والهدف خدمه الشعب :)
دمتم بخير ,,

ارى انه تناقض :rolleyes:

N.M.N
18-09-2006, 03:57 AM
وش صار باليوم الوطني العام
الرياض فقط ورقص وهز بالشوارع
حتى جاءتهم الشرطه الدينيه والشرطه الامنيه
المناطق الثانيه ملتزمه الصمت


للمعلوميه

اقيمت المجالس والاجتماعات

بين كبار شيوخ الرياض ونجد وبين صاحب السمو الملكي الامير سلمان بن عبدالعزيز حفظه الله

وكان محور الحديث عن اليوم الوطني من منظور ديني

الاسلام لا يوجد به الا عيدان لا ثالث لهم

واليوم الوطني يعتبر عيد لانه يعود كل سنه

مثله مثل عيدان الفطر والاضحى

واقترحوا وطالبوا عدم الاحتفال بهذا اليوم

واذا بناخذ على قولتك من ( رقص وهز )

لا يشكلون ما نسبته 1% او على اعلى تقدير 2% من سكان الرياض

والاجانب لهم في الاحتفال نصيب

انوار الرياض
18-09-2006, 04:06 AM
صح لسان يـ اخ N M N
بصراحه بردت قلبي بها الرد لاخلا ولا عدم

يافالح عبدالله

اشوفك التفت على بنات الرياض بعد انهم محجورين ومايطلعون وراه يابو الشباب لايكون انا في العصر الحجري

اقول عاد كافي اهانات لاهل الرياض والرياض عموما

وخل عنك العنصريه واذكر الله واقضب ارضك شرقيتك

علمتني الايام مشكوره على ردك ياعزيزتي

ميرندا تلقيمه
18-09-2006, 04:22 AM
:o :o ياتسبديه ... ياليل الليل ...

السلام والرحمه عليكم ..

اما بعد ... الحمد لله الذي انشى السحاب .. ونزل الامطار ..
وسبحان الله كلن يتغير الا اهل السعوديه وطقاقهم

اما بعد ..
عندما قرات سطورك .. التي احصيتها (بفارتي) اطال الله في عمر سموها
وجدت انها 27 ... سطر.. << يالطيف..
واحترت وضيعت في موضوعك تسني ناقه مضيعه حوارها ...

طيب جدو ؟ ممكن تعطيني من وقتك الثمين .. بس شوي
ادري ان عندك اعمال وبعارين وغنمات وعنز وارانب وتمر وبحر ودله؟!

وتخبرنا اول شئ انت من اهل الرياض ام لا ؟!
و مالشئ الذي لم يعجبك في الرياض؟ وهي مصدر رزقك !
ياخي تجحدها وهي مصدر رزقك واعمالك << ياساتر ..:(

ياجدي .. ابغى تكتبلي الاشياء اللي مو عاجبتك في الرياض بالتفصيل؟

الم يعجبك الرقص يعنيpb036 ؟

طيب انا اسمع كثير من الحجاز واهل الشرقيه عن اهل الرياض ؟!
ولو اكتب كل المصطلحات والالفاظ والجمل ...
لووضعت معجم .... من كثرتها وقوتها
ياساتر دوله واحده والكل حاقد على الاخر ؟

شئ واحد اوحد من الواحد

لماذا المثفقين عندما يحاولون تطويرالمناهج ويثقفون شبابنا وبناتنا عن وطنهم
وتصير الشرقيه كالرياض وجده كحائل... وكلها متساويه ؟
من حيث المستشفيات والجامعات وكل موسسة تحتاجها كل مدينه تكون موجوده

لماذا هذه الصفات عندنا النقد والسبسبه والتجريح في اهل كل مدينه!
لماذ لا نحكي ماهي مطالبنا وامانينا؟

هل الرياض كجده ؟ او جيزان كالرياض ؟:(
فالرياض شيكاغو وجيزان كالمزاحميه

ولماذا عندما يتكلم اهل الراي والعلم والنظرالى بعيد...
نطيتو ... وقلتو مايحتاج ...وانتو علمانين ... وتبون الفساد ..

مع انكم الان اثبتوان الفساد موجود .. من دون عقدكم ...
اللي هي قيادة المراة للسياره والخ والخ ...
وانني بريئه انا وبنات جنسي .. من فسادكم

والشباب اللي تقول يرقصون باليوم الوطني !!
اي يوم تحكي عنه:D ؟! <<برضو ياتسبد جدتي
في حياتي لم احس بهذا الاحساس =اليوم الوطني ؟!

وليه احتفل بهاليوم :eek: ؟

وانا في وطني مهمشه ؟!
حتى هاليوم وضعوه اجازه ؟!
اين النشاطات اللي بالجامعات عن اليوم الوطني ؟!
وتشجيع المواهب مو العباقره;) ؟

اعذرني انا ادور سبب لهالشباب ان يرقصو مالقيت سبب؟
الا العطاله :( ؟!

اوانها اغنية او سامري مرت بالصدفه ورقصوا عليها:(

حتى في الرقص حاسدينهم :rolleyes:
يلعن ام اللي يحرمكم ياشباب الرياض عن الرقص
وانتم عاطلين باطلين ومن كل مكان مطرودين
نسب عاليه ؟
وظايف مافيه ؟

اقسام في الجامعات زفت ...:(

وتريد منهم ان مايرقصو ؟!:(

طيب عشان جدنا فالح صفوا صفين واقلبوها محاوره ...

وش صار باليوم الوطني العام
الرياض فقط ورقص وهز بالشوارع
حتى جاءتهم الشرطه الدينيه والشرطه الامنيه
المناطق الثانيه ملتزمه الصمت
وش تسمون هذا الشئ
انتم تدافعون عن الرياض وانا ادافع عنها
انا اتكلم عن فئه هل انتم من هذه الفئه ؟

مو هو يوم وطني ؟ وش المطلوب منا ؟! مو الاحتفال :sm3: !

كل الدول يطلعون شعوبها ويتظاهرون ويحكون مطالبها

ويحتفلون .. باعيادهم الوطنيه ... وبكل مناسبه .عندهم

الا نحن؟!!

اجل ينلغي اليوم الوطني ؟ ماله فايده ....

والا يوم بابا الفاتيكان يحكي عن الاسلام
اين السعوديه ارض الحرمين ؟!
و الاراضي المقدسه
واللي ماللي وكل شئ اننا واننا
... ماخليتو شئ الا انتو احسن الناس ؟

مصر وهي مصر اللي تنتقدون علمائها طلعو اهلها وبينو عن استنكارهم !!!

الا انتو ياشياب وشباب وطني متسدحين وكلن ماسك كيبورده...
الله يفشلكم :(

وبعدين وش الشرطه الدينيه !!!!

انا اول مره اسمع بهالمسمى ياليت تخبرني عنها ؟
جد .. وش هاذي:eek: ؟!

انا لاادري عن نواياك فعلمها عند العلي القدير
بس واضح انك تستفز الرياض وتبغاها على هواك ؟
والله ياجدي .... انت مالك ومال الانترنت ... :(

رمضان كريم ...

دمعة حاشي
18-09-2006, 04:57 AM
صعفق...
الله ان تفتحه شات وتخلينا نهايط....:d

ضاقت عليهم الوسيعه وقامو يحتسون عن الرياض

فالح عبدالله
18-09-2006, 12:01 PM
اشكر الاخوه
على مرورهم ولي عوده

N.M.N
20-09-2006, 02:52 PM
للمعلوميه

اقيمت المجالس والاجتماعات

بين كبار شيوخ الرياض ونجد وبين صاحب السمو الملكي الامير سلمان بن عبدالعزيز حفظه الله



سبحان الله

التاريخ يعيد نفسه

لا زالت الاجتماعات تقام

في مكتب سموه في قصر الحكم
الأمير سلمان يستقبل رئيس الهيئات والسفير التشيكي


* الرياض - واس:
استقبل صاحب السمو الملكي الأمير سلمان بن عبد العزيز أمير منطقة الرياض في مكتب سموه في قصر الحكم أمس معالي رئيس هيئة الأمر بالمعروف والنهي عن المنكر الشيخ إبراهيم بن عبد الله الغيث ووكيل الرئيس العام الشيخ الدكتور إبراهيم بن سليمان الهويمل ومديري الفروع في مناطق المملكة، كما استقبل في مكتب سموه في قصر الحكم أمس سفير جمهورية التشيك المعين لدى المملكة بندريخ جونيك. وجرى خلال الاستقبال تبادل الأحاديث الودية واستعراض ومناقشة مجالات التعاون بين المملكة والتشيك في مختلف المجالات.




http://213.136.192.26/2006jaz/sep/19/fe10.htm

عروق الثرى
20-09-2006, 04:47 PM
عطو سداح فرصه

ارق وحده
20-09-2006, 07:40 PM
صراحة انا برأيي أشوف ان الرياض فيها الزين و الشين..ومو بس الرياض في اي مكان في الدنيا واي مكان في العالم اكيد بيكون في الزين والشين..وهذا مو شي غريب او جديد..والحين يعني ظاقت تحكي عن الرياض؟؟يعني انتو في الشرقيه كلكم بريئين وملائكة و ماتخطئون ابدا ؟؟(ما شاء الله عليكم)

اذا كان هدفك من الموضوع انك تعملها مشاكل و قلق بين الرياض والشرقيه او اي دولة ثانيه..بصراحة مالها داعي..

واذا كان هدفك من المموضوع انك تنبه عن اهل الرياض..المفروض انك ما تقول اهل الرياض..تقول السعوديه كلها..لأنو زي ما قلت الشين والزين في كل مكان...

تحياتي..

دايم دوم
21-09-2006, 01:22 AM
الدليل ان الموضوع ليس له اي داعي


ان اهل الرباض في مدينه الرياض لو اتى أليهم احد من اي منطقه لزياره

لن يستطيع احد ان يحدد انه هذا الشخص جاء من اجل الزياره او انه من سكان الرياض او من خارجها

يعني ااي شخص هو من اهل الرياض سواء من اهل المدينه او من اتى لزياره

شريطي كوكتيل
21-09-2006, 04:04 AM
وش فيها الرياض

حر . . .

زحمه . . .

مطبات . . .

تفحيط . . .

حوادث ...

دوامك توصله بعد ماتطلع روحك ... وترجع لبيتك وضغطك مرتفع من الزحمه . . .

بالشتاء مالنا الا الثمامه نروح نشوف المهبل هناك والعوايل مايلاقوا محل يجلسوا فيه من الشباب

الصيف برضه نروح الثمامه وكلها شاليها ت تقص الظهر من الغلا .

مافيها اي شي يخلي الواحد يتمسك فيها .

صحيح اني مااطلع منها الا قليل ومستانس فيها

بس لو القى بديل عن زحمة الرياض كان هجيت .

فالح عبدالله
21-09-2006, 05:40 AM
ياجماعه الرياض عاصمه بلدنا ولا نريد ان ياتي الزائر ويجد
الاشكال التي ترونها وتعرفونها على قولتنا المصرقع
انا لما ازور الكويت او ابو ظبي او الدوحه او غيرها
اجد شباب هادئ وتفكير سليم وهذي موجودة بالرياض ان شاء الله
فيها شئ لما نعالج مشاكلنا ؟

X_x5x_X
21-09-2006, 06:05 AM
والله هالفئه اللي تتكلم عنها مهيب مخصوصه في اهل الرياض اللي يسببون قلق ,,

هم فئه معينه موجوده في كل ديره ودايم تلقاهم يسببون ازعاج ونكد وهياط انا من الرياض ووننزعج منهم ,,

اللي تلقى ثوبه اصفر وسرواله طويل يمسح الشارع وششماغ معفوله وريحته حطب اخاف اقول منهم تسبب حزازيه بس هم معروفين بالرياض وحتى بالشرقيه ,,

ولا يسكنون الا باطراف المدينه دايما وخاصه الجنوب والشرق ,,

:)

دايم دوم
21-09-2006, 04:10 PM
اجد شباب هادئ وتفكير سليم وهذي موجودة بالرياض ان شاء الله
فيها شئ لما نعالج مشاكلنا ؟


يااحمق

ليس المشكله في المعالجه

هذا من حقك

ولكن المشكله في التحديد بكلمة شباب الرياض او اهل الرياض

لأن لايمكن حصر ذلك يفئه معينه


لو كان موضوعك عن الشباب بشكل عام وليس هناك تحديد منقطه

فلكان افضل

وربما الجميع شارك

لين ست الحريم
21-09-2006, 09:26 PM
يا فالح ماظني بيردون الرد اللي انت تبيه....
اعذرهم ماينلام الواحد ان دافع عن ديرته..لانه يحبها بعيوبها ومميزاتها

الرقي
21-09-2006, 11:01 PM
عن من تتكلم يافالح ؟!! .. الواحد نفسه بخشمه .. شعب طغى عليه الكبر حتى وهو عايش بقهر وراتبه 2500 ..!!

هذولي اللي قال عنهم أبا القاسم عليه الصلاة والسلام بحديث الثلاثه اللي مايكلمهم الله يوم القيامه " وذكر منهم الفقير المتكبر "

عكس أهل الشرقيّه طيبة أهل الخليج فيهم ..

أما ذولي ودك تخفس بهم بنووي pb192

فالح عبدالله
22-09-2006, 04:14 AM
قوات الامن السعودي تفقد السيطرة شمال الرياض

لا حول ولا قوة الا بالله
لم اتصور ان ارى مدينة الرياض بهذا الشكل يوما من الايام

في اهم الطرق الرئيسية وشرياناتها المهمة

تفقد السيطرة وينزل الشباب مترجلين باعلامهم

الطرق مغلقة والشوارع حيص بيص

وقوات الامن الخاص على اهبة الاستعداد والباصات مجهزة

ورجال الامن في اشتباكات بالايدي

مع شباب طائش سعى خلف الاحتفال باليوم الوطنى

الذي أعد له وخطط له حتى حقق الهدف وخرق الشباك

شارع التحلية الامير محمد بن عبدالعزيز وشارع العليا العاام

رجال الامن في كل ناحية

الاشارات حمراء


لكن السيارات كلها خضراء ولا قيمة للاحمر حينها

الشباب خرقوا جميع الانظمة المرورية

في عكس السير وتعطيل الحركة والوقوف في وسط الشارع الرئيسي

وتغيير الوان السيارات والسير بدون لوحات

الشباب خرجوا مع النوافذ بالاعلام والاشكال الغريبة ترقص يمنة ويسرة

ثياب ممزقة وأخرى مرقعة باللون الابيض والاخضر وقد اخفوا معالم الوجه او غيروا لونه



في تمام الساعة الثانية عشر والنصف

قوات الامن تفقد السيطرة في هذا الاحتفال البهلواني الحيواني

الذي عطل السير وآذي الخلق بالرقص والازعاج والتعدي على الاخرين

كنت

في سيارتي الخاصة ومعى عائلتي

وقد اغلقت النوافذ خوفا على نفسي من سطوة الشباب والاعتداءات اللا مسؤولة

اذ بذلك الشاب يصعد على كبووت السيارة

وبالبخاخ الاخضر يكتب على زجاج سيارتي

Ksa


ذلك في وسط الزحام وامام رجال الامن

امام ناظري حصلت المشادة بين بعض رجال الامن والشباب بالايدي

سيارات المرور لا قيمة لها وهي تقف مغلقة الخط والسيارات تتجاوزها يمنة ويسرة

ورجل المرور يصرخ ولا حياة لمن تنادي

يا ترى

من المسؤول !!!!!

الكلام هذا اليوم اليوم

انوار الرياض
22-09-2006, 07:32 AM
يعني الشرقيه

والغربيه ماحتفلو باليوم الوطني

ولا صار فيها خيص وبيص

معقوووله

صحيح اني في بيتي بس ماصدق انهم مايسوون شي

بس مادري ليه الكل حاقد على اهل الرياض

بعدين يعبرون عن فرحتهم في الشوارع يوم وطني واجازه لي متى الكبت لامنتزهات ترفيهيه ولا جلسات غير هالبر والمقاهي بعد

دعوهم يتنفسون الصعداء

بعدين هالي رايح هو والعائله

ياخي انا نروح وسط مواكب تجي بمحض الصدفه والله ماقد احد تعرض لنا عدا انهم في حالهم ونتفرج عليهم بس..

شباب الرياض ( قلب ينبض) شباب الرياض فيه منهم اخواني عيال اخواني عيال عمتي عيال خالي عيال عمي مارضى احد يسبهم

او يقلل من شااانهم لو كتبو وش ماكتبو

خاااش غلطْ
22-09-2006, 08:34 AM
انا جاي اعقب بس على رد الغالي ركبة بعير حق العوايل..

ياخي تراك غلطان وانا خوك .. ذي عوايل رياض الخبراء :d.. مهب الرياض ..!!

مزحلق في الهواء
22-09-2006, 02:54 PM
الرياض مابي منطقه الرياض
ابي المدينه نفسها
وال فريان من بني هاجر مرجعهم لنا بالشرقيه
الشعيبي من الاحساء
وال فرحان من ال سعود
الرياض اصل لايوجد الا القليل النادر
هلا فيك ركبه


تبي تعلمنا انك هاجري؟:eek:
الشعيبي من القصيم اصلهم سبعان وفيه ناس منهم نزحو للحساء ;)
فالح تبي تعلمنا انك ولد قبايل ليش جاي تخطب ولا باز بقبيلتك ترا مايحقر الناس الا احقرهم مع احترامي لقلملك
مافيه فرق بين القبايل وخط 110 الا في الزواج ولا الباقي سمن على عسل والله لا يغير علينا pb189


عششششششششششان ماششتت :sm18:
طيب انت كاتب هالموضوع كله وش الهدف منه عشان نتناقش معك
كاتبه تسب اهل الرياض ولا شباب الرياض ولا بنات الرياض ولا اهل نجد ولا وش السالفه :mad:
فرحان بالشرقيه الي انت عايش فيها مع احترامي لك ولشرقيه
ترا والله حيين من الرياض لو تجمع الشرقيه من الخفجي الين الشعيبه ماتجي كبرها وشلون بالرياض بكبرها :D

خربت علي اليوم كنت فرحان باليوم الوطني وخربتها وقمت اشب فيكم :D

لي باك مره ثانيه ;)

N.M.N
22-09-2006, 03:16 PM
يا فالح ماظني بيردون الرد اللي انت تبيه....
اعذرهم ماينلام الواحد ان دافع عن ديرته..لانه يحبها بعيوبها ومميزاتها

ماذا تريدون منا ان نرد

هل تريدوننا ان نوافق على افترائكما

نعم ... سندافع عن ديارنا

في المنطقة الوسطى وفي المنطقة الشرقية وفي المنطقة الغربية وفي المنطقة الشمالية وفي المنطقة الجنوبية

عن المملكة العربية السعودية بكل مدنها

ان ذكرنا العيوب فلن ننسى الايجابيات

N.M.N
22-09-2006, 03:17 PM
عن من تتكلم يافالح ؟!! .. الواحد نفسه بخشمه .. شعب طغى عليه الكبر حتى وهو عايش بقهر وراتبه 2500 ..!!

هذولي اللي قال عنهم أبا القاسم عليه الصلاة والسلام بحديث الثلاثه اللي مايكلمهم الله يوم القيامه " وذكر منهم الفقير المتكبر "

عكس أهل الشرقيّه طيبة أهل الخليج فيهم ..

أما ذولي ودك تخفس بهم بنووي pb192

اعوذ بالله

تخفس بنا بنووي مره وحده

الله يهديك

اذا قابلت واحد او اثنين فقراء ومتكبرين

فلا تظن البقية على شاكلتهم

N.M.N
22-09-2006, 03:20 PM
قوات الامن السعودي تفقد السيطرة شمال الرياض

لا حول ولا قوة الا بالله
لم اتصور ان ارى مدينة الرياض بهذا الشكل يوما من الايام

في اهم الطرق الرئيسية وشرياناتها المهمة

تفقد السيطرة وينزل الشباب مترجلين باعلامهم

الطرق مغلقة والشوارع حيص بيص

وقوات الامن الخاص على اهبة الاستعداد والباصات مجهزة

ورجال الامن في اشتباكات بالايدي

مع شباب طائش سعى خلف الاحتفال باليوم الوطنى

الذي أعد له وخطط له حتى حقق الهدف وخرق الشباك

شارع التحلية الامير محمد بن عبدالعزيز وشارع العليا العاام

رجال الامن في كل ناحية

الاشارات حمراء


لكن السيارات كلها خضراء ولا قيمة للاحمر حينها

الشباب خرقوا جميع الانظمة المرورية

في عكس السير وتعطيل الحركة والوقوف في وسط الشارع الرئيسي

وتغيير الوان السيارات والسير بدون لوحات

الشباب خرجوا مع النوافذ بالاعلام والاشكال الغريبة ترقص يمنة ويسرة

ثياب ممزقة وأخرى مرقعة باللون الابيض والاخضر وقد اخفوا معالم الوجه او غيروا لونه



في تمام الساعة الثانية عشر والنصف

قوات الامن تفقد السيطرة في هذا الاحتفال البهلواني الحيواني

الذي عطل السير وآذي الخلق بالرقص والازعاج والتعدي على الاخرين

كنت

في سيارتي الخاصة ومعى عائلتي

وقد اغلقت النوافذ خوفا على نفسي من سطوة الشباب والاعتداءات اللا مسؤولة

اذ بذلك الشاب يصعد على كبووت السيارة

وبالبخاخ الاخضر يكتب على زجاج سيارتي

Ksa


ذلك في وسط الزحام وامام رجال الامن

امام ناظري حصلت المشادة بين بعض رجال الامن والشباب بالايدي

سيارات المرور لا قيمة لها وهي تقف مغلقة الخط والسيارات تتجاوزها يمنة ويسرة

ورجل المرور يصرخ ولا حياة لمن تنادي

يا ترى

من المسؤول !!!!!

الكلام هذا اليوم اليوم

عجباً

من ذاك المكان تبدأ مواضيعك

من ذاك المكان تبدأ تحركاتك

بعد علمي انك تنتمي الى ذاك المكان

اعذرك على هذا الموضوع المفتري

لكن لماذا لم تكتب منقول

رغم انني اشك من صحه ما نقلت

N.M.N
22-09-2006, 03:22 PM
انا جاي اعقب بس على رد الغالي ركبة بعير حق العوايل..

ياخي تراك غلطان وانا خوك .. ذي عوايل رياض الخبراء :d.. مهب الرياض ..!!

:rolleyes:

يا حليلك

على مشاركتك هذي

اقدر اقول ان لك من اسمك نصيب

انوار الرياض
22-09-2006, 09:23 PM
هي انت يالي تقول لركبة بعير واظاهر انك خاش غلط :sm5:

هالعوايل من رياض الخبرا pb131

شكلك من قهوجيتهم والله العالم

انوار الرياض
22-09-2006, 09:25 PM
ردين مثل بعض

عهــــود
23-09-2006, 03:00 AM
سؤال يافالح

هل محاولة استنساخ ( الساحة ) في ارجاء ( الجادة )

هي محاولة لجذب اكبر عدد من الردود والزوار للموضوع !

ضاقت مالقيت غير الافكار المطروحة هناك لاجل تقتبس منها وتكتب هنا !

كون الموضوع قد لاقى هناك ( اقصد الساحة ) موجة غضب عارمة

من شباب الرياض

واهل الشرقية ( بالذات ) ماقصروا في الاستفزاز ورمي اهل الرياض بشتى الالفاظ الممجوجة والسوقية

ماكأننا ابناء لوطن واحد !

اكره التقسيم والتفرقة اكرهها لحد مااشعر بـ ( الغثيان )

والله ماكنت قبل ادري ان اهل الشرقية يكنون العداء لنا

شفت الردود في الساحة

كنت اقول اوكي هذول شيعة ماعلينا منهم

شي طبيعي بيكرهونا

لكن هل ياترى برضو اللي هنا شيعة ( لا أريد ان أعمم لكن الله أعلم )

أتمنى يافالح انك تطرح لنا مستقبلا مواضيع تعود بالنفع

بعيداً عن إثارة الضغائن

ووقاحة البعض

اللي شوي ماباقي الا يقول يااهل الرياض ( لاتعتبون ) الشرقية

انوار الرياض
23-09-2006, 04:17 AM
bp039 عهووودbp039 ( احب هالاسم )pb189 pb189


ولك مليووووووووون تحيه حاره نابعه من القلب على كلامك الي يثلج الصدر ويشرح الخاطرpb111



فالح عبداللهpb019
pb192


الله يحفظك يارياضي العزيزه وابناء رياضنا الغاليه


:sm20:

MhAgEeR
23-09-2006, 05:02 AM
ويكفينى فخر اذا قالو من وين انت اقول من الرياض تدرون لية لان الرياض ما تخرج الا صنااديد رجال

^
^
http://www.eqla3.com/vb/images/smilies/004.gif

لين ست الحريم
23-09-2006, 05:13 AM
ماذا تريدون منا ان نرد

هل تريدوننا ان نوافق على افترائكما

نعم ... سندافع عن ديارنا

في المنطقة الوسطى وفي المنطقة الشرقية وفي المنطقة الغربية وفي المنطقة الشمالية وفي المنطقة الجنوبية

عن المملكة العربية السعودية بكل مدنها

ان ذكرنا العيوب فلن ننسى الايجابيات

الللللللللللللله يسامحك يعلم الله اني مافتريت شيpb093

وعلى فكره مو انا اللي افتري على الرياض وانا بنتها اللي كل من عرف عايلتي من اهل الشرقيه قال وش تسوين برى الرياض:eek:

انا بنتها اللي كلما اسمع الكلام اللي يقهر عنها اتعب.....وزهقت وانا ادافع واقول عاصمة اكيد فيها كل شي من صالح وفاسد:sm1: ومع هذا لازالت اسمع كلام يسم البدن..

هذا مو افتراء ياللي ظلمتني هاذي حقيقه..هذا كلام نقال...وش يدريك باللي ينقال وانت برى المنطقه؟؟
واعيد مهوب كلامي ولاصدر من لساني....
واقطع لساني ان قلت شي على اهلي ...ولا استاهل اكون بنت نجد ان كنت مفتريه هالاشياء

اجل انا صديقتي الحجازيه تقول اهل الرياض بدو ولحوج ويفشلون:eek: :eek: :eek: قسما بالله توطيت فبطنها وقلت لها من زين اهلك يوم جو من اندونيسيا انتي وجهك شوفي صرفه بعيونك اللي تحتاج اقامه قدام مفتشي الجوازات:rolleyes:

قول اي شي عني الا اني افتري......ماتبي تسمع اللي ينقال قول لنا وراح نسكت ولانضيق صدرك...اما اننا نفتري فهاذي مالنا فيها اي مصلحه

وعشان اعطيك مثال اني ماعندي نظره افتراء على اهل الرياض فخلني اتكلم لك عن ولد خاليpb093 شاب عمره 19 ضايغ فاسد صايع:eek: وبالرياض ساكن ومتعب اهله...ودايم يجي الشرقيه ومايعلمهم...الين ما شفته انا وامي بالصدفه في الراشد..وكنا عارفين ان اهله يدورونه.....راحت له امي وجرته متجاهله نظرات اصحابه اللي لو شفت اشكالهم كرهت شي اسمه رجال:sm18:
طبعا تاخذه البيت وتطيح فيه هواش.....وحتى ابوي اخذ عنوان اصحابه وارسل لهم من ياخذ اغراضه...طبعا امي كلمت اخوها اللي تفاجأ ان ولده بالشرقيه...ولك ان تتخيل حالته وعنده ولد مفشلهpb093
المهم هالشله تمثل الرياض بشكل سئ جداااااااااااااا....بس انا ماحكمت لان الاشكال اللي شفتها بالراشد ماتقول انهم عيال نجد...وبالفعل سالت ولد خالي عن اسامي اصحابه ويطلع ولا واحد فيهم نجدي:eek: وفوق كذا فاشلين دراسيا واهتماماتهم داشرهpb093 مسكت ولد خالي وقلت له غير اصحااااااااااااابك...دور لك عيال حمايل..احترامي لكل الناس بس حلاتها تمشي مع جماعتك....وبالفعل من ماغير اصحابه تغير حاله:D
يعني ماكانوا عيال الرياض اصلا انما كانوا عيالها سكننا....pb131

فالح عبدالله
23-09-2006, 05:33 AM
انا كاتب الموضوع قبل لايجي الساحه واتحدى احد يجيب تاريخ كتب قبل تاريخ كتابتي
عموما حقوق الطبع محفوظه
لااحد يتنكر للاحداث
ولو جيت برد من هنا او هناك هي كداعم للموضوع ومستاذن من اصحابها
فلا مجال للتاكبر والتعلي على اكتاف الناس العاقلة والمؤدبة
وهذي الردود تاتيني من الايميل يابشوات وياهوانم
المشكله كثيرهم اذا قال من الرياض انتفخ راسه يظن انه مسموح له لا والله
الديرة محكومه من الله ثم ال سعود والامثلة كثيرة لمن حاول ان يرى نفسه ويكابر بمعصيته
اذهبو لسجون الحائر والملز وتراهم ممن يدعون ويستكبرون من سجون الحريم والرجال
الله يهدينا لما يحب ويرضا والى الرد من نفس الموقع :


تنكرون بااحداث الرياض ؟
انتم يامن تدافعون عن الرياض لم يمسكم مشاكل من شبابه وليس شبابه من فئه محسوبه على البلد

حسبنا الله ونعم الوكيل .
من مشاهداتي ..

إعتداء على العائلات امام أسواق الأندلس بشارع العليا ... قرابة منتصف الليل ...

طريق الملك عبدالله .... يحصل به "أمّ المهازل" . من المخنثين الذين صبغوا وجوههم ،بألوان ، ولبسوا باروكات .. وكذلك السرابيت الذين يتمايلون فوق اسطح السيارات المتحرّكة .. والدشير الذين اوقفوا سيّاراتهم وسط واحد من اهم الطرق في الرياض ... ليلعبوا كرة القدم ويتراقصون برقصات غربية ويستعرضون !!!!!!!

صدّق او لا تصدّق .. والله اسوأ من هذا يحدث ..

احد المخنثين من الجنس الثالث عشر ... ببنطلون ضيّق ، و باروكة شقراء .. يتمايل يمشي على قدميه اسأل الله عز وجل ان يكسرهما ... ويوزع قُبُلات بيديه للشباب الذين يمرّ بهم ويتمايل على اصوات الموسيقى التي بسيّاراتهم .. بطريقة وقحة جدا ..

أين الأمن والنظام في أهم ليلة تمر على البلاد ,, ألا وهي أوّل ليلة من ليالٍ شهر رمضان المبارك ..

أين قوّات الطوارئ الخاصّة

أين قوات الحرس الوطني في احتفالات اليوم الوطني !

أين الشرطة ؟!..

بعض النساء الساقطات .. في شارع العليا يتمشين ويتمايلن بعبايات صُبِغت بالأخضر ، والأبيض !...

الى اين يريدنا بنو علمان وبنو ليبرال ان نصل !؟! ..

هل فعلا تم اعطاء الضوء الأخضر لسرابيت الرياض وما حولها للإستعراض بهذه الطريقة ؟! ..

ماذنب العائلات ، خاصة غير السعوديين .. بحيث تم الإعتداء عليهم ، وتم التراقص فوق اسطح سيّاراتهم وهم بداخلها مقفلين الأبواب على انفسهم !؟! .. .. والأمر مستمر ، وسيستمر ..!

هل تتم محاسبة المقصّرين من رجال الأمن والمسؤولين عن الحفاظ على الأمن؟

هل يعلم سمو أمير الرّياض بما يحدث الآن ، وأمس ، وغدا في مدينته ؟

هل يعلم سمو الأمير نايف - وزير الداخلية ... المسؤول الأوّل عن الأمن ، و "الأمان" .. بما يحدث الآن في شارع العليا ، وطريق الملك عبدالله ؟

حسبنا الله ونعم الوكيل ..

-------

ملحوظة ..

هناك الكثير من العائلات الآن بين هذه المهازل ... !...

وللأسف .. هناك بعض العائلات بسيّاراتها مشاركة في المأساة ... اعتقد في مثل هذه الظروف.. مجرد رفع العلم (لا اله لا الله ) .. يُدخل من يرفعه في المعمعه ، ويجعل الساقطين يتجرّأون على من بالسيّارة التي ترفعه خاصة من النساء بحجة المشاركة في سخافات ما يسمى بإحتفالات اليوم الوطني ....

بعض العائلات مع السائقين ... وواضح انهن ربما مستمتعات حيث ان بعض النساء فتحن نوافذ السيارات يتفرجن على ما يحدث !!... أين أهاليهن من مسؤولية الحفاظ عليهن !.

المصيبة ان بعض "الذكور" من اولياء الأمور .. الذين يقودون السيارات .. اصطحبوا اهاليهم الى هذه المواقع !.. ألا يتحسبون للأسوأ !.! .. هم بهذا يعرضونهن للخطر من هؤلاء الأوغاد الذين لا ولن يقدّروا المسؤولية !.

حسبنا الله ونعم الوكيل ...

آمل ان يصل لعلم خادم الحرمين ما يحدث .. فهو قطعا لا ، ولن يرض بهذه الهازل .

لين ست الحريم
23-09-2006, 05:33 AM
عهود الموضوع مهو سالفة شيعه ولاسنه للاسف..ياريته كان كذا

لان حتى اهل نجد بالشرقيه صاروا يكرهون الرياض للاسف:( بس تراهم مايكرهون اهلهم..انما يسبون الاشكال اللي تجي وتسئ للرياض...من شباب مخرب للاماكن العامه ولا يعاكس بشكل غريب جدا ووقح...ليش انتبهوا له ؟؟ لا ن عيال الشرقيه بطلوا يعاكسون كذا والله يخلي البحرين خخخخخخخخخ فصار فعل عيال الرياض مستنكر..وبالتالي عرضة للنقد اكثر...
اجل سيكورتي يقول مانقدر على شباب الرياض؟؟خخخخخخخخخخخخخخخخخخخخخخ وش دعوى الجيش الامريكي هم!!

فيه عينه تسئ للرياض بشكل ماتتخيلين.....والمصيبه تعلم الكل انها من الرياض.....يعني من زينك؟؟شكلك مايقول انك ولد نجد على اي اساس تجي تخرب واخرتها ترميها على الرياض؟؟؟؟؟انسب خرابك لمنطقتك احسن واعدل

فاللي اكلها هم اهل الرياض الاصليين اللي يدافعون عنها بسبب اصلهم الطيب وتربيتهم الزينه اللي تخليهم يستغربون هالاشياء لانهم مايسوونها...بينما اللي سواها واحد مهوب من الرياض ولايقرب لها ولكن للاسف ساااااااكن فيها..

واسأليني انا بالذات عن هالاشياء لاني اكبر مدافع عن الرياض بالشرقيه...لدرجة ان بعض الناس كانوا يعلقون وبطلوا خوفا من لساني.

سامحني اخ فالح على الرد مكانك بس شي وبغيت اقوله
وتحياتي:)

لين ست الحريم
23-09-2006, 05:46 AM
مداخله يا اخ فالح..

ترى سالفة الفرح باليوم الوطني موجوده حتى عندنا بالخبر...والعوايل يروحون عادي..وحتى البنات مع سواويقهم...يعني مو بس الرياض بس عشان نكون حقانيين..

واليوم كان فيه فرح باليوم الوطني وانا كنت وقتها جالسه على البحر ويوم جيت اطلع الاالطرق مقفله بسبب الشباب...بس الوضع كان امن ومحدن تعدى على احد...والشباب كلمة حق كانوا مؤدبين...او على الاقل اللي شفتهم انا بس...

فيمكن يكون الاختلاف بطريقة الاحتفال والاخلاق اللي فيه فقط....وانا مااقدر احكم على الرياض لاني ماعمري حصلت لي روحه للرياض بوقت فايز فيه منتخب ولاشي مثل كذا:)

فما اظن احتفال شباب الرياض باليوم الوطني يعيبهم دام انهم مااذوا احد....وبيني وبينك منتخبنا يفشل والشباب يبي يستانس..فلانحرمهم من فرصه يشيل فيها العلم دام هالمنتخب نايم:(....وبعدين والله حرام...الرياض صارت ديرة البنات...اصلا انا مستغربه ان جنس الذكور لازال صامد :( فاذا على يوم يطلع حرة سنه فليش لا؟!!!!!!!!!!

اما البنات اللي يلبسون عبي ملونه...وعشان نكون صادقين فبنات المنطقه الشرقيه هم اللي استحدثوا العبايات المخصره والملونه وتفننوا فيها ونشروها.....اذكر بجده قبل يمكن 10 سنوات كانت بنت الشرقيه تبان بعباتها الحلوة والملفته:(
فأذا بنعيب لبس بنات الرياض...لازم نفكر انهم مهوب هم اللي بدوها؟!!!!للاسف كانت الشرقيه

فالح عبدالله
23-09-2006, 05:51 AM
مالهم الا الماي الحار هالاشكال المحسوبه ضمن البني آدميين
مابقا الا اعراض خلق الله وممتلكاتهم ياشله الفساد والخراب تتعرضونهم

جده الشرقيه كل المناطق لم تسجل حالة استنفار مثل هالخمه الملتمه المحسوبه على المجتمع
وارجو من الاخوة عدم الانفعال فمن دافع عنهم ينطبق عليه المقوله الراضي كالفاعل
فالرجاء التأكد من إي نوع انت قبل ان تعمل اضافه للموضوع واهديكم هالبيت يالمدافعين عن الفساد والمفسدون


اللي ستر عيبه عن الناس بهدوم
وش يستره لاصار عيبه لسانه

دمتم بخير

انوار الرياض
23-09-2006, 06:03 AM
يافالح عبدالله انت متاكد عاد عن هالي اعتدووو انهم من الرياض

ليش شايف شهادات ميلادهم وين

او بالاحرى متاكد انهم سعووديين

ياخي ياما شفنا سواريه ولبنانييين يتغزلوون فينا ونظراتهم بنت كلب مايوخر الا لما اعطيه خمسه بوجهه يعني كش عليك

فالح عبدالله اتمنى منك صرف النظر عن شباب الرياض لان الرياض بلد مشتركه من جميع الجنسياااات ياخي حتى التشاديه

صارو سعوووديين ويقولون من الرياض !!! ولا عاد هوساااوي بالله ذولا من الرياض

طولت المساله وهي صغيره عاد

فالح عبدالله
23-09-2006, 06:03 AM
كل السعودي بجهه وهؤلاء الله يهدينا وياهم بجهه

الشجاعه الكيبورديه ياليت تتخلى عنها بعض الانفس فمالها داعي
الموضوع اقنعني أو اقنعك
وللاسف نوريكم سهيل وتصدون عنه
نقولكم الحق والكلام الزين وماتبونه مالكم الا صعفق ابو نقا

فالح عبدالله
23-09-2006, 06:17 AM
نعم من الرياض
وانتي هل تعلمين عن هالسواريه واللبنانين هل شاهدتي شهادات ميلادهم ؟؟
نعم من الرياض

انوار الرياض
23-09-2006, 07:00 AM
نعم من الرياض
وانتي هل تعلمين عن هالسواريه واللبنانين هل شاهدتي شهادات ميلادهم ؟؟
نعم من الرياض


لايابابا ماشفت شهادات ميلادهم ولايهمني ذلك كل واحد يمثل نفسه سواء سوري ولا لبناني ولا اي جنسيه اخرى

لكن اهل الشام معروفين بلون بشرتهم ولون شعرهم الازرق

فالح عبدالله ياليت تنسحب لانه ماحد وافقك الراااي الا من هم على شاكلتك الرافضيه والله اعلم وقلبك الحقود على اهل الرياض


اقول خاف الله في شباب الرياض المسالمين

M!sS DantE
23-09-2006, 07:09 AM
ماما شوفي عبود خذ تفيختي
بابا شوف سوسو خذت لعبتي
معقووووووووووووووله انتم شباب المملكة ؟!
افااااااااااا .. استحيت عليكم واحد واحد
انتم الحين الي بتربون اجيال المستقبل !!
بصراحة قبل لادخل النت كانت نظرتي في الرجال غييييييير
ولكن بعد مادخلت النت صارت نظرتي العكس
تعملت ف بيتنا الرجل رجل حاجه كبيره حاجة عظيمة
يعني لو حتى اخذ سكين وقطعني ماتكلم ليش لانه رجال
احترم اللحية والشارب احس الرجال شي عظيييييييم
يعني حاجة فووووووووق الافق
لكن ...... , تغيرت نظرتي فيهم 180 درجه من الي شفته
رغم انه اصابع يدي مو سوا لكن خلاص من تصرفاتهم تعوفهم
مو رجال رجال الزمن ذا والله حتى كلمة حريم مصتخصره تنقال عليهم
بس هذا مايعني انه مافي رجال محترمين لاولله فيه رجال رجال ينشد بهم الزمن
وش شباب الرياض وبناااااااات الرياااض ... !!!!!!!!!!!!
ليش بالذات شباب الرياض او بنات الرياض
وش الي فلان من اصل الرياض والباقي ماهم منها
يعني الباقين هم الي مخربين الرياض وسمعتها
ماعتقد انه للرياض سمعة غير انها تضم
ناس مسلمين وعرب ويخافون الله يعني تعتبر مب سمعة تعتبر نعته
نجد صحرا يعني لو جينا لسكانها الاصليين على اصابع يدك
ماعتقد انه الي سكانها الاصليين من الجنه والبقيه من النار !!
انتم بتصرفاتكم هذي خلوتنا اضحوكه للي يسوى والي مايسوى
شوفو الناس وش تقول عنا بمصر والسودان والكويت واليمن والاردن وتونس .. الخ
يتريقون علينا عشان اننا محنا اسرة محنا يد وحده زي بقية الدول
اكبر التشماتات تجي على مكة وجده وجيزان وبالذات اهل الجنوب والحجاز والرياض والشيعه والسنه !
انتم اغبياء ولا وشو ماتحسون انكم سعوديين ماتحسون انكم بشر
طيب ان كان ماتبون على انكم سعوديين طيب على انكم مسلمين
الشيعي اخو السني مافيه فرق وش الفرق بينهم ليش التفرقه
ليش العنصريه ليش هذا بدوي وهذا متحضر والنفوس عند الله تساوت
ليش تخلون انفسكم مكان للسخريه والضحك والتفكك
لحظة اقفو خطوه خلوني اذكرهم بحاجه حصلت يوم الاربعاء تمنيت اني اعيشها
انا لما شفت اليوم الوطني وسوا حفلة بالمدارس للطلاب
وكل الطلاب خذوا اعلام وفرحانين ومبسوطين تمنيت من قلب اني ادرس الابتدائية
لما شفت الفرحة في عيون الاطفال قلت اخيرن حسيت انه الجيل الجديد متفاهم احسن منا
راح يحس انه من وطن واحد وارض وحده ويحبون بعضهم البعض
كلهم كانو فرحانين بذا اليوم والي حببهم فيه بزياده انه اجازة
ليش حنا شعب متخلف السبب الكلام الي يطلع من منا
انا تفجأت مره دخلت شات قبل سنتين مع صديقتي تبي توسع صدرها
دخلنا اشوف سب سب بشكل فضيع يالحجي يا زيدي يا مدري وشو
ولا الي فجعني موت الي يقول للحجازي يا طرش بحر
سالته انت من وين قالي من انا من الكويت
انفجعت واحد كويتي يسب ولد ديريتي بسبة كبيره
وش دراه الكويتي اصلن بذا لسب !!!!!!!
السبب انه احنا نسب بعضنا ونشتم ونعاير قدام الناس
خلوتنا مهزله وفرجه للناس بشكل مشييييييين قدام الناس pb093
واللهي حرام وعيب عليكم الي تسونه فشلتونااااااااا فشلتوناااااااااااااااااا
استحو على اعماركم والله الاطفال مؤدبين افضل منكم
الواحد طول بعرض وشنب ولحية وهو يسب سب بزراين !!!!!!!!
يعني بالله متى بتكبرون متى تتعلدون ماعمرنا تربينا نسب بعضنا
ليش الحين لما كبرنا نسب غيرنا ليييييييش !!
اتمنى اني قدرت اوصل شي او اقول شي ف قلبي ابيكم تفهمونه
انه حنا سعوديين يعني اسرة وحده فيها ام واب واخوان واخوات
كل واحد يحب الثاني ويعزه زي مايعز ويحب اخوه ويخاف على سمعته وعاره زيه زي اهله
الله يهديكم ويصلح بالكم الله يستر عليكم وعلينا ..

المرجوجه
23-09-2006, 07:20 AM
:o :o ياتسبديه ... ياليل الليل ...

السلام والرحمه عليكم ..

اما بعد ... الحمد لله الذي انشى السحاب .. ونزل الامطار ..
وسبحان الله كلن يتغير الا اهل السعوديه وطقاقهم

اما بعد ..
عندما قرات سطورك .. التي احصيتها (بفارتي) اطال الله في عمر سموها
وجدت انها 27 ... سطر.. << يالطيف..
واحترت وضيعت في موضوعك تسني ناقه مضيعه حوارها ...

طيب جدو ؟ ممكن تعطيني من وقتك الثمين .. بس شوي
ادري ان عندك اعمال وبعارين وغنمات وعنز وارانب وتمر وبحر ودله؟!

وتخبرنا اول شئ انت من اهل الرياض ام لا ؟!
و مالشئ الذي لم يعجبك في الرياض؟ وهي مصدر رزقك !
ياخي تجحدها وهي مصدر رزقك واعمالك << ياساتر ..:(

ياجدي .. ابغى تكتبلي الاشياء اللي مو عاجبتك في الرياض بالتفصيل؟

الم يعجبك الرقص يعنيpb036 ؟

طيب انا اسمع كثير من الحجاز واهل الشرقيه عن اهل الرياض ؟!
ولو اكتب كل المصطلحات والالفاظ والجمل ...
لووضعت معجم .... من كثرتها وقوتها
ياساتر دوله واحده والكل حاقد على الاخر ؟

شئ واحد اوحد من الواحد

لماذا المثفقين عندما يحاولون تطويرالمناهج ويثقفون شبابنا وبناتنا عن وطنهم
وتصير الشرقيه كالرياض وجده كحائل... وكلها متساويه ؟
من حيث المستشفيات والجامعات وكل موسسة تحتاجها كل مدينه تكون موجوده

لماذا هذه الصفات عندنا النقد والسبسبه والتجريح في اهل كل مدينه!
لماذ لا نحكي ماهي مطالبنا وامانينا؟

هل الرياض كجده ؟ او جيزان كالرياض ؟:(
فالرياض شيكاغو وجيزان كالمزاحميه

ولماذا عندما يتكلم اهل الراي والعلم والنظرالى بعيد...
نطيتو ... وقلتو مايحتاج ...وانتو علمانين ... وتبون الفساد ..

مع انكم الان اثبتوان الفساد موجود .. من دون عقدكم ...
اللي هي قيادة المراة للسياره والخ والخ ...
وانني بريئه انا وبنات جنسي .. من فسادكم

والشباب اللي تقول يرقصون باليوم الوطني !!
اي يوم تحكي عنه:D ؟! <<برضو ياتسبد جدتي
في حياتي لم احس بهذا الاحساس =اليوم الوطني ؟!

وليه احتفل بهاليوم :eek: ؟

وانا في وطني مهمشه ؟!
حتى هاليوم وضعوه اجازه ؟!
اين النشاطات اللي بالجامعات عن اليوم الوطني ؟!
وتشجيع المواهب مو العباقره;) ؟

اعذرني انا ادور سبب لهالشباب ان يرقصو مالقيت سبب؟
الا العطاله :( ؟!

اوانها اغنية او سامري مرت بالصدفه ورقصوا عليها:(

حتى في الرقص حاسدينهم :rolleyes:
يلعن ام اللي يحرمكم ياشباب الرياض عن الرقص
وانتم عاطلين باطلين ومن كل مكان مطرودين
نسب عاليه ؟
وظايف مافيه ؟

اقسام في الجامعات زفت ...:(

وتريد منهم ان مايرقصو ؟!:(

طيب عشان جدنا فالح صفوا صفين واقلبوها محاوره ...



مو هو يوم وطني ؟ وش المطلوب منا ؟! مو الاحتفال :sm3: !

كل الدول يطلعون شعوبها ويتظاهرون ويحكون مطالبها

ويحتفلون .. باعيادهم الوطنيه ... وبكل مناسبه .عندهم

الا نحن؟!!

اجل ينلغي اليوم الوطني ؟ ماله فايده ....

والا يوم بابا الفاتيكان يحكي عن الاسلام
اين السعوديه ارض الحرمين ؟!
و الاراضي المقدسه
واللي ماللي وكل شئ اننا واننا
... ماخليتو شئ الا انتو احسن الناس ؟

مصر وهي مصر اللي تنتقدون علمائها طلعو اهلها وبينو عن استنكارهم !!!

الا انتو ياشياب وشباب وطني متسدحين وكلن ماسك كيبورده...
الله يفشلكم :(

وبعدين وش الشرطه الدينيه !!!!

انا اول مره اسمع بهالمسمى ياليت تخبرني عنها ؟
جد .. وش هاذي:eek: ؟!

انا لاادري عن نواياك فعلمها عند العلي القدير
بس واضح انك تستفز الرياض وتبغاها على هواك ؟
والله ياجدي .... انت مالك ومال الانترنت ... :(

رمضان كريم ...


pb189 pb189 pb189 pb189


مير باقول كلمه
وانا صايمه والله يتقبل منا جميعا
اتركوا عنكم العصبيه يا بشر
وكلن فيه عيوب واخطاء
من اهل الرياض او غيرها
ويافالح الله يصلحك من جد موضوعك مابينت وش الغرض منه
ان كانت نيتك تناقش عيوب ومساوئ فانت ما وصلت للي تبيه
الله يهديك ما وصلت ابد

وانت يا بشر تعوذوا من ابليس وماله داعي تزيدون الطين بله


وفي شي مابي احد يغفل عنه
ان مو كل من تصرف بشكل سلبي بالمناطق الثانيه او حتى بالرياض يكون من اهل الرياض
لان نسبه كبيره تنسب نفسها للرياض وماودي اقول ليه او سبب معين :rolleyes:

واللي صار بالرياض امس وقبله
على قد ما كانت بعض السلوكيات مبالغ فيها ومالها داعي الا انهم معذورين
فيهم طاقه ما يدرون وين يطلعونها
ويبون يفرحون ولا يدرون وش لون
مالهم الا يناظرون هالقنوات ويقلدون !!
والموضوع اكبر بكثير
بنرجع للتعليم والتربيه والمجتمع
شبابنا ما طلعوا لحالهم كذا وبهالشكل
لا
هم نتاج مجتمع مقموع ممنوع مفقوع وكل كلمه تمشي بهالسياق :D

واذا انت تقول الرياض عاصمه ولازم تصير مثاليه او قدوه ومن هالمسميات والمصطلحات
ترى نسبة الشباب بالمملكه ككل كبيره جدا ( نسيت النسبه والله بس اذكرها كبيره جدا )
فاذا انت بتوجه الخطاب لهم ابحث عن الكلمات اللي تأثر فيهم والاسلوب اللي يشدهم
ويحمسهم ويلامسهم


اقول قولي هذا واستغفر الله لي ولكم
:D <- - - - بمناسبة اليوم الوطني ;)

المرجوجه
23-09-2006, 07:29 AM
ليش بالذات شباب الرياض او بنات الرياض
وش الي فلان من اصل الرياض والباقي ماهم منها
يعني الباقين هم الي مخربين الرياض وسمعتها
ماعتقد انه للرياض سمعة غير انها تضم
ناس مسلمين وعرب ويخافون الله يعني تعتبر مب سمعة تعتبر نعته
نجد صحرا يعني لو جينا لسكانها الاصليين على اصابع يدك
ماعتقد انه الي سكانها الاصليين من الجنه والبقيه من النار !!
انتم بتصرفاتكم هذي خلوتنا اضحوكه للي يسوى والي مايسوى
شوفو الناس وش تقول عنا بمصر والسودان والكويت واليمن والاردن وتونس .. الخ
يتريقون علينا عشان اننا محنا اسرة محنا يد وحده زي بقية الدول
اكبر التشماتات تجي على مكة وجده وجيزان وبالذات اهل الجنوب والحجاز والرياض والشيعه والسنه !
انتم اغبياء ولا وشو ماتحسون انكم سعوديين ماتحسون انكم بشر
طيب ان كان ماتبون على انكم سعوديين طيب على انكم مسلمين
الشيعي اخو السني مافيه فرق وش الفرق بينهم ليش التفرقه
ليش العنصريه ليش هذا بدوي وهذا متحضر والنفوس عند الله تساوت
ليش تخلون انفسكم مكان للسخريه والضحك والتفكك
لحظة اقفو خطوه خلوني اذكرهم بحاجه حصلت يوم الاربعاء تمنيت اني اعيشها
انا لما شفت اليوم الوطني وسوا حفلة بالمدارس للطلاب
وكل الطلاب خذوا اعلام وفرحانين ومبسوطين تمنيت من قلب اني ادرس الابتدائية
لما شفت الفرحة في عيون الاطفال قلت اخيرن حسيت انه الجيل الجديد متفاهم احسن منا
راح يحس انه من وطن واحد وارض وحده ويحبون بعضهم البعض
كلهم كانو فرحانين بذا اليوم والي حببهم فيه بزياده انه اجازة
ليش حنا شعب متخلف السبب الكلام الي يطلع من منا
انا تفجأت مره دخلت شات قبل سنتين مع صديقتي تبي توسع صدرها
دخلنا اشوف سب سب بشكل فضيع يالحجي يا زيدي يا مدري وشو
ولا الي فجعني موت الي يقول للحجازي يا طرش بحر
سالته انت من وين قالي من انا من الكويت
انفجعت واحد كويتي يسب ولد ديريتي بسبة كبيره
وش دراه الكويتي اصلن السبب انه احنا نسب بعضنا ونشتم بعضنا ونعاير
خلوتنا مهزله وفرجه للناس بشكل مشييييييين نستحي نقول انه حنا سعودين pb093
واللهي حرام وعيب عليكم الي تسونه فشلتونااااااااا فشلتوناااااااااااااااااا
استحو على اعماركم والله الاطفال مؤدبين افضل منكم
الواحد طول بعرض وشنب ولحية وهو يسب سب بزراين !!!!!!!!
يعني بالله متى بتكبرون متى تتعلدون ماعمرنا تربينا نسب بعضنا
ليش الحين لما كبرنا نسب غيرنا ليييييييش !!
اتمنى اني قدرت اوصل شي او اقول شي ف قلبي ابيكم تفهمونه
انه حنا سعوديين يعني اسرة وحده فيها ام واب واخوان واخوات
كل واحد يحب الثاني ويعزه زي مايعز ويحب اخوه ويخاف على سمعته وعاره زيه زي اهله
الله يهديكم ويصلح بالكم الله يستر عليكم وعلينا ..


ياحبيلهم هالبنات كل وحده اعقل من الثانيه pb189 pb189 pb189 pb189

مستلجــــه
23-09-2006, 07:36 AM
هلا ..

بنظري ان الشر يعم والخير يخص ..سمعة اهل الرياض عموما سيئه في السعوديه وبرا السعوديه ...حتى المصريين بافلامهم لو يجي يتتريق على الخليجيين انهم راعين حريم كذا ..تلقاهم يحككون اللهجه البدويه او اللي هي اقرب للهجه النجديه ..يعني باختصار اهل نجد ..
..
ونفس الشي بنات الرياض .. على اني وحده من بنات هالمدينه الى اني مقتنعه تماما ان هالسمعه صح .. اوكي اختلف انها بالعموم .. لكن ارجع واقول الشر يعم والخير يخص .. ياخي بنات حمايل وكل وحده يوم عن يوم اتفاجأ ان لها قصص ومواعيد غراميه واشياء اسأل الله انه يثبتني ولايبلاني بماابتلاهم واسأل الله لهم الهدايه !!
من جد شي يفشل .. تلقى علاقاتهم دوليه من زين الطبايع بعد ..شف في باريس مثلا .. تلقى النجديات داقين الزين وفل ميك اب والشعر على اخر شي وملابس وقلة حيا ..احنا يااهل البلد نستنكره فكيف اللي مايعرفون عننا شي اكيد بياخذون فكره سيئه بالمره عننا كبيئه وكمجتمع ..وهالشي مو بس في باريس.. بيروت .. القاهره وغيرها !!
يعني بقولها بكل صراحه عشت فتره من حياتي بجده ..وهالفتره ولعتني بها .. ياخي شبابهم غير وبناتهم غير .. صح مايتغطون .. صح يحطون مكياج .. صح عيالهم اشكالهم بعيده كل البعد عن المرجله .. لكن !!
هم افعال مو اشكال !!
ولاعمري تعرضت لموقف بايخ او احد تجرأ وعاكس او ع الاقل قام يبحلق بعيونه .. اطلاقا .. ونفس الشي حريمهم وبناتهم ..كل واحد بحاله ..
غير شعب الامارات اللي وش اقول ووش اخلي ...ياخي بنات الامارات ثقل .. الحرمه تمشي وتناظر طريقها .. بناتنا لا!!
الوحده تمشي وعيونها على الناس كنها تخاف احد يشوفها وماتنتبه .. ودها تناظر من اللي شافها ومن اللي لا .. تحس عيونها تقول ..شوفوني ..تكفووون شووفووني !!
نفس الشي عيالنا .. يمشي وعيونه على الناس .. واذا مو على الناس فـ اكيد بتكون على الجوال ..((يدور بلوتوث)) هع
وضع مزري .. واقرب شعب لنا الشعب الكويتي .. نفس الحاله لاهين في القز والبلوتوث وعاكسني واعاكسك !!
فيه في كل مجتمع الصالح والطالح .. بس ارجع واقول الشر يعم والخير يخص ..
وسلامتكم :d

فالح عبدالله
23-09-2006, 03:48 PM
انا اللي مايفهمني مو مشكلتي
انا اتكلم عن فئه مصرقعه من الرياض هل انتم منها يامن تدافعون منها
ماذا حدث امس وقبل امس بالرياض هل تنكرون هذه الاشياء
وانا كاتب الموضوع قبل اليوم الوطني وقبل وقبل وكأني اعلم بما سيحدث عموما
لم نسمع عنها بالخبر ولا الطائف ولا عرعر ولا ابها
ليه الرياض بس سمعناها عموما جتني اوامر عليا تقول يافالح اترك الموضوع
مع احترامي للعقلاء في الرياض ومع احترامي لكل ضمير حي
ومع احترامي للادب والادباء ومع احترامي لكل نفس طيبه ردت في هذا الموضوع
وفرقاعه الصابون ظاهرة الرياض انتهت انتهت والشكر لله وموصول لااميرها المحبوب
صاحب السمو الملكي الامير سلمان بن عبدالعزيز آل سعود على مايقوم به من اجل راحه
الرياض والقضاء على الفشل واصحاب الفشل من كل مكان
دمتم بخير ,,,

(GL)
24-09-2006, 06:43 AM
والله الشرهه مهيب عليك الشرهه للي يرد عليك موضوع سخيف وفكر سقيم والداهيه اللى يقول الكبر والنووي
للحين فيه ناس تفكر كذا ياناااااااااااااااااااااااس ؟؟؟؟؟؟؟؟
كنت اتمني لو تسوي تصويت هل موضوعك للمميزة او للماصلة ثق تمام الثقه انك في مميزة الماصلة

فالح عبدالله
24-09-2006, 01:44 PM
والله الشرهه مهيب عليك الشرهه للي يرد عليك موضوع سخيف وفكر سقيم والداهيه اللى يقول الكبر والنووي
للحين فيه ناس تفكر كذا ياناااااااااااااااااااااااس ؟؟؟؟؟؟؟؟
كنت اتمني لو تسوي تصويت هل موضوعك للمميزة او للماصلة ثق تمام الثقه انك في مميزة الماصلة

اذا خاطبني السفيه بكل قبح
فأكره ان اكون له مجيبا

جأتني اؤامر عليا تقول واصل ولا تحط بينها فاصل
واهل الرياض على العين والراس لكن هناك فئه سوف نلاحقها بالسلاح وبالرجال وبالذخيره
اجل محارم المسلمين وممتلكاتهم ياااااااااااااااااااااا تخربونها وتهدمون القيم والشيم بمجتمعنا ياشله الخكرنه والفساد
بعيد بعيد هذي الرياض عاصمه الثقافه هذي الرياض منبع الخير لدولتنا فالرجاء اللي يدافع عن الحركات بالرياض فهو منهم
كما قال المثل البولندي
قل لي بماذا تفكر اقول لك من انت

اللي يدافع عنهم تراه منهم فالراضي كالفاعل


Gl
الصياح على قدر الالم
الشكر لله ثم لصاحب السمو الملكي الامير سلمان بن عبدالعزيز
والامير محمد بن سلمان بن عبدالعزيز
فشكرا لكم على ماتقومون به

shani_shani
24-09-2006, 03:50 PM
يافالح عبدالله انت متاكد عاد عن هالي اعتدووو انهم من الرياض



ياخي ياما شفنا سواريه ولبنانييين يتغزلوون فينا ونظراتهم بنت كلب مايوخر الا لما اعطيه خمسه بوجهه يعني كش عليك


أمممممم يعني السوريين واللبنانيين بيتركون بناتهم وهم من أجمل من خلق ربي وبيطالعون في بنات الرياض :rolleyes:

لو مثلا طالعوا في بنات عسير , ممكن نقول معهم حق , بس في بنات الرياض ( صعبة أصدق) .



على العموم

الأخ فالح نقل وجهة نظر بقية المناطق في أهل الرياض

نفس رأيه يتردد عندنا في أبها و في عسير بشكل عام .


والله يخارجنا من الشروق
\

jorry
24-09-2006, 04:11 PM
shani_shani

أجل لو تدري ايش نظرة أهل الرياض عن ( 07 ) ..
بتكره نفسك ;)

عهــــود
24-09-2006, 04:58 PM
الموضوع صــار بيئة خصبة لتفريغ شحنات الحقد المناطقي

موضوع فكرته ( copy & paste ) من الساحات

وش بنتوقع يكون بالله ؟


فالح

مع انو موضوعك سخيف وتافه

وصراحة حسافة الواحد يتعب عمره ويرد ويرفع موضوع زي كذا

لكن برد لعل وعسى انك تفتح عيونك شوي

يـ ( الحاقد )

فعلا انت حااااااااااااقد

وعشان تموت بحسرتك ربي خلى رزقك في هالرياض اللي انت تكرهها :D

عشان تنغبن صح :D

الرياض ياعزيزي ( عـــــــاصة ) فيها اكثر من مليونين نسمة

الرياض بطبيعتها صعب يتخبى فيها شي

اي شي يصير كل العالم تدري عنه

مو مثل بلاويكم يااهل القرى والمحافظات

محد يدري عنكم

الدشرة عندكم ماعليها رقيب ولاحسيب :D

ماادري انت بأي عقل تفكر

الرياض اللي متجمعين فيها العالم من الشرق والغرب

ومن شتى مناطق المملكة

نستقبلهم على علاتهم مثلك واشكالك

تجي تسب في اهلها !

لا ونرد عليك بالدفاع عن مدينتنا

تقول ان احنا ندافع عن التصرفات الغلط اللي تصدر من الشباب !

مدري كيف تفهم انت

واللي جاي يمدح في عسير ويتغزل في بناتها المساويك

اشوا ان اكثر عالم قاعدة تهاجر من منطقتها هم انتم ياصفر سبعة مسوين لنا زحمة في كل مكان

الرياض تحتضن الجميع بكل حب

وانتم تبادلون الحب بالكره والحقد

بالله قل لي وش الفرق بينك وبين الاجنبي اللي جاي يدور رزقه عندنا ومع ذلك يكرهنا وحاقد علينا

والله العظيم شي يحز بالنفس

سعودي وقاعد تتكلم كذا !

ياجاحد !

الله والعالم فيك عرق فلسطن ولا كان ماكتبت هالموضوع اللي يفشل :D

خرابيطك وخنبقتك ذي ماتهز في اهل الرياض شعرة

ياأعمى البصيرة ياللي ماتشوف

الشمس ماتتغطى بغربال

فالح عبدالله
24-09-2006, 05:58 PM
عهود
موضوعي ماهو من الساحات
شوفي تاريخ كتابتي وتاريخ الساحات
انا اللي كاتبه واتحدىىىىى تثبتين اني ناسخ ولاصق
ايميلي تحت وجاءتني رسائل ناس تعرضو للاذى عن طريق الايميل
ياعهود الموضوع ليس لتفريغ الشحنات على قولتكم
الموضوع حريم بسيارتهم ويجونهم رخوم ويتعرضون لهم هذا شئ عادي عندكم
يجي يبوس السياره والحريم يكلمون اهلهم تعالو فكونا من هالحيواناااات

الموضوع لعلاج فئه واشوفكم كلكم مع هالفئه
من ضعفت حجته شفته يلصق التهم
تقولي الساحات
شوفي التاريخ انا كاتبه قبل اليوم الوطني باايام وعارف ماحصل العام سيتكرر هذه السنه
لااني اعرف الرياض جلست فيها 3 سنوات واعرف اهلها زين واعرف النوعيات فلا داعي للمكابره
الله يهدينا وياكم والمسلمين اجمعين لما يحب ويرضا

(GL)
24-09-2006, 09:37 PM
اذا خاطبني السفيه بكل قبح
فأكره ان اكون له مجيبا

جأتني اؤامر عليا تقول واصل ولا تحط بينها فاصل
واهل الرياض على العين والراس لكن هناك فئه سوف نلاحقها بالسلاح وبالرجال وبالذخيره
اجل محارم المسلمين وممتلكاتهم ياااااااااااااااااااااا تخربونها وتهدمون القيم والشيم بمجتمعنا ياشله الخكرنه والفساد
بعيد بعيد هذي الرياض عاصمه الثقافه هذي الرياض منبع الخير لدولتنا فالرجاء اللي يدافع عن الحركات بالرياض فهو منهم
كما قال المثل البولندي
قل لي بماذا تفكر اقول لك من انت

اللي يدافع عنهم تراه منهم فالراضي كالفاعل


Gl
الصياح على قدر الالم
الشكر لله ثم لصاحب السمو الملكي الامير سلمان بن عبدالعزيز
والامير محمد بن سلمان بن عبدالعزيز
فشكرا لكم على ماتقومون به


ياكبير بافعالك وصغير باقوالك
جأتني اؤامر عليا تقول واصل ولا تحط بينها فاصل
اما الجملة متعوب عليها مانعرف مبتداها من خبرها:sm1:
واهل الرياض على العين والراس

غصبن عليك ولعلمك هم تاج راسك وتاج راس اللى عطاك الاوامر العليا ياخطير :sm12:
لكن هناك فئه سوف نلاحقها بالسلاح وبالرجال وبالذخيره /QUOTE]
مسلسل هذا ولا شنو وش ذخيرته انت شكلك تتابع مسلسلات مانويلا بعد قل نحتاج للعتاد
[QUOTE]اجل محارم المسلمين وممتلكاتهم ياااااااااااااااااااااا تخربونها وتهدمون القيم والشيم بمجتمعنا ياشله الخكرنه والفساد

شف عاد يا ابو .....ق مدام الموضوع وصل للدرجة هذي بخاطبك بالمثل الهولندي حبيبي يعني الخبر والدمام مافيه من الاشيئاء هذي طيب خلنا نتكلم عن شبابكم بالبحرين ....اصلن الجنس الثالث ماطلع الا بالخبر زمان الرياض توهم يطلعون
مافشل السعوديه الا بناتكم والبحرين خير دليل ، جامعة البحرين كلها بنات من الخبر !!! وبنات الخبر كل خميس وجمعه بشاليهات البندر ؟؟ تقدر تقول لي لالالاء؟؟؟انتم على مستوى دولي حنا ممكن محلي ؟؟ واصلن شباب الرياض ماركه مسجله لهم بنات الخبر وهذا الصدق ومحد يقدر يقول العكس لاطلعنا لمجمع السيف بالله عليك منهي من بنات الرياض بتروح اربعاء خميس جمعه ؟؟ ياخي تكلم بالعقل ؟؟ ياخي الجنس الثالث اللى نشوفه بالهبل عند ساحة التميمي هذا بعد من الرياض؟؟؟ يامسكينة يا الرياض هذي ... !! وبعدين حبيبي حنا يا اهل الرياض لابغينا الجنس الثالث على طول فندق رامي بالبحريين وشغل البلوتوث شففففف كم فيه من السعوديين اللى مفشلينا من عندكم
...... اعلم ان المنطقة الشرقية من بلدي ولكن ما اساوم عليها بالرياض ،، الرياض تاج راسك وراس من عطاك الاوامر

ردد ياليل مطولك
24-09-2006, 10:23 PM
shani_shani
ارحمنا ياراعي السمعه الزينه.......انتم ما يحتاج...سمعتكم يبيلها شوي وتصير اطلق من سمعت الصحابه:D
والله اني من اول كنت بقول ان ما خرب الرياض الا 07 .....لكن الحيا ما يسمحلي اقولها...مهما صار حنا عيال مدينه وحده
ومالها داعي نقول وش سوات الج.......
فالح العبدالله
ترا انا كنت بالسن ست اليوم الوطني;) خلها مستوره وانا اخووك....مالها داعي نفضح ونقول وش اللي صار في ذاك اليووم:D
وبعدين وانا اخوك موب كل كلمتين طاق لنا مثل......اجل مثل بولندي;) :D

فالح عبدالله
24-09-2006, 10:41 PM
ردد ياليل مطولك
هلا فيك وغلا

على راسي ريشه
24-09-2006, 11:01 PM
فالمشاكل بالرياض ومستوى الجريمة عالي جدا حسب آخر الاحصائيات بالاعلام
,,,

الرياض هذي ولا شيكاغو:d

لين ست الحريم
25-09-2006, 12:39 AM
shani_shani

أمممممم يعني السوريين واللبنانيين بيتركون بناتهم وهم من أجمل من خلق ربي وبيطالعون في بنات الرياض

لو مثلا طالعوا في بنات عسير , ممكن نقول معهم حق , بس في بنات الرياض ( صعبة أصدق) .

وش فيهم بنات الرياض؟؟؟ملح وقبله
بالله تقارن الرياض ب 07؟!!!!!!!

ماودي احطمك بس تدري ان كل حي في الرياض والشرقيه يكثر فيه 07 يطيح سعره ويصير برخص التراب؟؟

La ViTa
25-09-2006, 02:39 AM
ماخلصتوا pb036

خلاص ياناس اهل الرياض وعيـن :D بس خلصونا :sm5:



//

لحظه لحظه توني اشوف رد ملك جمال :D

shani_shani



أمممممم يعني السوريين واللبنانيين بيتركون بناتهم وهم من أجمل من خلق ربي وبيطالعون في بنات الرياض :rolleyes:

لو مثلا طالعوا في بنات عسير , ممكن نقول معهم حق , بس في بنات الرياض ( صعبة أصدق) .



يااااي لا لا ما اقدر وش عنده تاركان 07 :D
تكفى بس لا تصدق الله يخليك بليــــــــز ترى بنات الرياض شيون ..
مسكين ارحمك ياخي :sm5: pb192

مشكله اللي الله خاسف بشكله ويحسب الكل اشين منه
وهو الزين و 07 حقتك بعد بس الزيون ولا تزعل :D

سواليف قديمه ترى بنات عسير وبنات حفر الباطن وبنات الجوف وبنات تبوك :D :D
وينا فيه ياقدمك pb192

وبعدين على سالفه انه اهل الجنوب متضايقين من اهل الرياض
ضحكتني بصراحه يمكن ابلعها من اهل الشرقيه ايه :D

اصلا ما خرب الرياض الا انتم بكل منطقه بعد وبكل نطاق
خلنا ساكتين الله يصلحك انت وردودك السنعه :D

تقل بزارين وخلوهم يدخلون نت

مدرري عني
25-09-2006, 03:17 AM
أمممممم يعني السوريين واللبنانيين بيتركون بناتهم وهم من أجمل من خلق ربي وبيطالعون في بنات الرياض

لو مثلا طالعوا في بنات عسير , ممكن نقول معهم حق , بس في بنات الرياض ( صعبة أصدق) .


هههههههههههههه


اعوذ بالله من الغيرررره بسسس

في تصنيف لدراسه مسحييه بجيبها لك

بنات الرياض نمبر 3 في ترتيب الجمال العربي ..

بس من رحمممة ربي في الشباب الجميلااااات ( الواثقات مو محتاجات تعزيز )

ماااا يكشفــــن ..


فالح ..

بعيدًا عن الترااشق الصبيااني

للاتهامات ..

.. كل القصّه ..

الرياض تُسلّط عليها الأضواء أكثرر


..

والغريييييييييب انطباعاتي ومشاهداتي مختلفه تماما عن كل اقوالك

شباب الرياض مثلا في الأسواق حتى لو ( دجــّوا )

ما تحسهم مفجوعييييين ع البنات

عكس شباب ( الراشد ) مثلًا ..

في الراشد يحسسونك ان البنوته ( لو ما يبين منها ولا حته )

مشروع كييكه لذييذه !


pb189 للرياااااااض شبرر شبرر


مسااء ممتع ع الكل ( :

][ مشمش ][
25-09-2006, 03:30 AM
يآكثر مشآكلكم يآ أهل الريآض !!

الوآحد أذآ دخل فيهآ وده يطلع بسرعه من التصرفآت ألي تحصل !!

أجل أذا وقفت عند أشآره وناظرت بألي جنبك يطب بوجهك ويقول خير وش تبي تقز .؟ pb192 !!

وين يآبو والله لو أنت توم كروز !!

نروح للشرقيه ونروح للغربيه والواحد يتمشى ويوسع صدره وهو بأمآن والسياره بأمآن !!

أما بـ الريآض لو تقفل السياره بقفل سآرقينهآ سآرقينهآ ,,, ولو تتمشى أنوآع التحرش يحصل pb192 !!

طبعاً الكلآم مب معمم لكل أهل الريآض لكن لفئه متخلفه جآهله سكنت هالعآصمه وشوهت سمعتهآ!!

ويآكثر مآيتشكون أهل الشرقيه منهم ,,, على قولت وآحد من الشبآب ,, يجون ويخربون ويمشون !!

يآليت مآفيه أجآزاااااااااات pb192 !!



عكس شباب ( الراشد ) مثلًا ..

في الراشد يحسسونك ان البنوته ( لو ما يبين منها ولا حته )

مشروع كييكه لذييذه !


والله عآد يقولون نآس من سكآن الشرقيه ,,, أنك لو تبي تعرف ألي من الرياض رح للراااشد !!

شف ألي مرسم ويلآحق البنآت أعرف أنه من العآصمه :D !!

البرق اليماني
25-09-2006, 03:54 AM
حلا
الشرقيه قبايل وعوايل وش دخل نجد فيها
بني هاجر وبني خالد وبني مرة والعجمان وعوائل الحاضرة الاحساء والشيعه هؤلاء هم اهل الشرقيه
الشرقيه من الخفجي الى خرخير وحفر الباطن بعد


اجمل مافي الموضوع اكتشاف الاخ فالح وهو ما يدري فيما اعتقد بان هناك رابط جميل في نظري يجمعه مع ابناء الوطن الشيعة

البرق اليماني
25-09-2006, 04:20 AM
سبحـــان الله عيـــال الرياض وبنات الريــــاض لا زم يندسون في كل سالــفه....

يعني البنت ولا لالولد اللي من سدير ولا من القصيم ولا من الزلفي يطلق عليهم عيال الرياض

وبعدين كـــم عددهم عشان تحكم على فئــــه منهم...

رح بــرى السعوديه من أغلب رجــال الأعمال والدبلوماسيين مهوب عيال الرياض!!

ومسوي فيها اهل الشرقيه واهل الشرقيه الشرقيه كلها كبر العليا

ونص سكانها بعد اهل نجـــد

يمكن المشاركة هذي توضح الكثير وهذا حنا يا اهل الرياض يا فالح

كلنا جريش المجمعة وما اشبَعنا .. والغاط والزلفي ندق حبوبه

:)

وش زودنا ما نفتخر :) ولا تدقق على تصرفات بعض المراهقين من الرياض ولا من الرباط

عطنا اللي عندك

صعفق بن نقا
25-09-2006, 04:26 AM
ترانا في رمضان والموضوع صار فيه عنصريه وهذا مانبيه

كلنا بلد واحد ووطن واحد تحياتي للجميع