PDA

عرض كامل الموضوع : الخطوط الجوية العربية السعودية تتمنى لكم رحلة سعيدة و أمنه (إيه هين)


Esperanza
21-07-2006, 02:15 AM
السلام عليكم ورحمة الله


ويلوموني على كرهي للسفر على السعوديةpb095



http://www.50005000.com/Air/002.jpg

http://www.50005000.com/Air/003.jpg

http://www.50005000.com/Air/004.jpg

http://www.50005000.com/Air/005.jpg

http://www.50005000.com/Air/007.jpg

http://www.50005000.com/Air/008.jpg

http://www.50005000.com/Air/009.jpg





http://www.50005000.com/Air/006.jpg

http://www.50005000.com/Air/010.jpg

http://www.50005000.com/Air/011.jpg

http://www.50005000.com/Air/012.jpg

تدرون عاد احلي ما في الخطوط السعودية أنهم يقول طز فيكم يا السعوديين ما عندكم طيران غيرنا و بتطيرون معنا غصب ، عشان كذا راحو و غطو شعارهم و اسم خطوطهم اللي باللغة الانجليزية فقط.pb095


سافرو بسياراتكم ابرك لكم حتى لو لم ماليزيا:)



لكم التحية

حبر و ورق
21-07-2006, 02:20 AM
هلا والله با Esperanza

الخطوط السعودية + الاتصالات السعودية = ارهاب

لازم نحاربهم في اسرع وقت


بس صور قوية

عبودي 1
21-07-2006, 02:27 AM
بالعكس كرحلات دولية الخطوط السعودية اكثر من رائعة .

حبر و ورق
21-07-2006, 02:37 AM
بالعكس كرحلات دولية الخطوط السعودية اكثر من رائعة .


هلا بك عبودي اخبارك انشاء الله بخير صحيح الرحلات الدولية حلوة بس ليه ما تكون الرحلات الداخلة مثل الدولية

للا شاشا
21-07-2006, 04:02 AM
بسم الله وش هالفال


الله يحفظنا


بالرغم من اي شي بس الحمد لله تعتبر من اكثر خطوط الطيران سلامه ...


انا شخصيا ما ارتاح الافيها ...



اهم شي عندي السلامه ... والله ترام ما يقصرون بس الكثره تغلب الشجاعه ..


ابشرك فيه خطوط جديده طالعه ... داخليه مثلا بين جده والرياض في اليوم مدركم مره واسعارها مررره رخيصه


وكمان الخياله بدت بس لسا خطوط سيرها قليله بس فيه امل

بس رجااااااء

كل شي ولا الفال الشين :mad: pb093

الله يحفظ السعوديه ومن فيها

pink sea
21-07-2006, 06:32 AM
متى راح يكون فيه خصخصه للخطوط

او يفتحون المجال لشركات ثانيه للطيران الخارجي مثل الداخلي

من جد بعض الطيارت وهي طايره تحس انها متخلخله وراح تتفكك

ريــ الرياض ـوف
21-07-2006, 08:53 AM
بصراحه حرام الواحد يسافر عليها
يعني انا عندي اطلع على الاماراتيه لعدة اسباب

1_ارخص منها
2_احلى
3_اذا بوقف بمكان فهو دبي وهذا بحد ذاته تغيير جو وشي حلو وتذكرتين بسعر تذكره وحده
بينما السعوديه توقف في كل مكان على كيف امها
مره راجعين من اسبانيا..تخيلو 11 ساعه بالطياره!!!
كل شوي واقفين بمكان نشيل ناس
خير راكبين طياره والا باص خط البلده!!!

ammar3
21-07-2006, 03:01 PM
الله لايعمينا
الظاهر ان الطيار منشغل بمناظر الربيع
الله لايلومه عندنا اذا وقع الواحد مايشوف الاطعووس ولواهيب

بس شكل الطيارة شي بصراحة وهي مكسور خشمها pb192

ددسن كوبيه
21-07-2006, 03:12 PM
8
8
لاقيتنا بلفه انتي؟

ددسن كوبيه
21-07-2006, 03:18 PM
مهب انت الي فوقك :|

waafe
21-07-2006, 03:22 PM
الدوليه عندنا اسعارها نار
انا سألت عن سعر تذكره لندن قالوا 5900 تقريبا
لكن لقيتها ب2900 على القطريه شوف القهر !!!

Esperanza
21-07-2006, 03:24 PM
حبر و ورق


حط همك على همي و خله همين ، وين نحاربهم معه وهم الكل في الكل ، خلني بس ساكت.




عبودي 1

والله يا عبودي لا داخلية ولا دولية كلها اردا من بعض.

انا سافرت مره وحده مع السعودية من لندن للرياض و ضيعو عفشي و يوم عوضوني عطوني الفين ريال و شناطي كان فيها اكثر من 8000 ريال هدائيا,

و يوم رحت معهم للقاهرة درجة اولي حطونا في طيرات والله ان كراسيها اشين من السياحية

و يوم رحت معهم الي ابوظبي رجعوني على طيران الخليج مع الهنود و البقلاديشية.

خذها مني حلف والله ثم والله ما اطير معهم اذا عندي خيار غيرهم.






للا شاشا

الله يبشرك بالجنة.

انشاءالله تجينا خطوط مضبوطه و يقفلون السعودية هذي.





pink sea


نقول انشاءالله قريب و ينهون الاحتكار.






ريــ الرياض ـوف

تدرين عاد احلى ما في السعودية يوقفون في كل مدينة يمرون عليها ولا احد يقول لك انهم بيوقفون ، يعني طز فيك يا الراكب.





ammar3

:) :) :)

احلى تفسير للي صار.





لكم الشكر و التحية

ركبة البعير
21-07-2006, 03:30 PM
السواق عليمي والطياره قرنبع

Esperanza
21-07-2006, 03:31 PM
هذي بعض الحوادث الماأسوية للخطوط السعوية للفائدة العامة.




(1)

التاريخ:
24/6/1967


عدد الوفيات:
16 من 17


مطار الانطلاق:
نجران


الوجهه:
جدة

التفاصيل:

سقوط الطائرة

_______________________



(2)

التاريخ:
8/7/1968


الوفيات:
11 من 11


مطار الانطلاق:
غير معروف


الوجهه:
مطار الظهران:


التفاصيل:

الطائرة سقطت و تحطمت بعد 3 محاولات للهبوط إثناء عاصفة رملية.


___________________


(3)


http://www.50005000.com/Air/028.jpg



التاريخ:
19/8/1980


الوفيات:
301 من 301


مطار الانطلاق:
الرياض


الوجهه:
جده


التفاصيل:

الطائرة هبطت في الرياض بعد وصولها من رحلة مجدوله من كراتشي الباكستانية ، بعد انتظار ساعتين في مطار الرياض و عند الساعة 1808 انطلقت الرحلة إلي أخر وجهه لها في مشوارها إلي مطار جده بعد إن أنزلت بعض الركاب و حملت البعض.
بعد 6 دقائق و 54 ثانية من انطلاقها شاهد طاقم الطائر أدخنة تخرج من منطقة العفش في الطائرة ، و عند الساعة 1820 قرر قبطان الطائرة العودة لمطار الرياض للهبوط ، و عند الساعة 1822 بدأت الأدخنة في الدخول إلي مقصورة الركاب من ما آدا إلي هلعهم الشديد.
عند الساعة 1825 تعطل المحرك رقم اثنين للطائرة، و في تلك اللحظة بدأت النيرات بدخول إلي مقصورة الركاب.
عند الساعة 1827 استطاع قبطان الطائرة إن يهبط بها في المطار ، ولكن طاقم الطائرة لم يتمكن من فتح أبواب الطواري نتيجة التدافع الشديد للركاب و مضاربتهم مع بعض.
عند الساعة 1905 و بعد 38 دقيقة من هبوط الطائرة استطاع رجال الإنقاذ من فتح احد أبواب الطواري من الخارج ولكن بعد وفات جميع ركابها.


________________


(4)

التاريخ:
22/12/1980


الوفيات:
2 من 291


مطار الانطلاق:
الظهران


الوجهه:
كراتشي


التفاصيل:

حصل انفجار للضغط داخل الطائرة إثناء صعودها إلي 29000 قدم فوق المياه الدولية بالقرب من دولة قطر ، استطاع قبطان الطائرة من الهبوط بالطائرة بنجاح في مطار الدوحة ولكن بعد إن توفى 2 من الركاب نتيجة سقوطهم من الطائرة عبر الفتحة التي أحدثها الانفجار و على علو 29000 قدم.
سبب الانفجار هو تصدع في جدران الطائرة الخارجية.



_____________________



(5)



http://www.50005000.com/Air/029.jpg



التاريخ:
12/11/1996


الوفيات:
312 من 312


مطار الانطلاق:

دلهي الهندية

الوجهه:

الظهران


التفاصيل:

الطائرة السعودية اصطدمت في الجو بطائرة شحن كزخستانية في الجو ، وكان سبب الاصطدام هو نزول الطائرة الكزخستانية عن الارتفاع المحدد لها و دخولها في مسار طائرة الخطوط السعودية.



(6)

التريخ:
24/8/2001


الوفيات:
الحمدلله لايوجد


مطار الانطلاق:
كوالالمبور ماليزيا


الوجهه:
الرياض.


التفاصيل:

إثناء تحرك الطائرة نحو مدرج الإقلاع ضيع الطيار طريقة و طاحت الطيارة في مجرى مياه الإمطار. (هي نفس صور الموضوع)



لكم التحية

ركبة البعير
21-07-2006, 03:49 PM
اسبرانزا اعقل ترى ورانا سفرية تبيني اسافر على بعير؟؟؟؟؟؟؟؟

Esperanza
21-07-2006, 04:09 PM
ددسن كوبيه

شكلك ما بعد تمرمطت مع السعودية ، عقبالك انشاءالله.:)





waafe


السالفة استغلال ، هم اذا ما استغلونا من يستغلون:)

ترانا حبيبين ولا نقول شي و ندفع و احنى نضحكpb131






ركبة البعير

تصدق ان مافيه احلى من السفر على ظهر بعير:)

و الطيارات من جد قرنبع انا اذكر يوم كنت اروح للفلبين على السعودية (ترى مهوب حب فيهم بس كانت التذاكر ببلاش) ، كانت كباين العفش تهز بقوه و تقل انها بتطيح و كانت انوار الطيارة الداخلية تولع و تطفى تقل دسكو.




لكم الشكر و التحية

t00fee
21-07-2006, 04:45 PM
اذا جت sky بتسحب على الخطوط السعوديه بقوه
زي موبايلي :D

حفيد طرفه
21-07-2006, 05:35 PM
مسكين الي صادم فيها ..
من وين بيدبر قطع الغيار !
<--- هذا همه ..

ماقصرتي اخوي اسبرانزا
والله من السواقه !

آن*دو*تروا*
21-07-2006, 06:48 PM
لاعااااد :( طيب الخطوط الاماراتيه احسن من السعوديه ؟؟

menya
21-07-2006, 07:17 PM
بالعكس الخطوط السعودية ما فيها زيها بالدنيا لولا ان اسعارها غالية شوي

حفيد طرفه
21-07-2006, 09:06 PM
^^ ايه والله انك صدقت ..
راحه وطمأنينه <--- اقول كل تبن ! ..

فتى ماربيا
21-07-2006, 09:35 PM
مشكور اخى اسبرانزاء بس اشوف ان الاماراتيه اضر!! منالسعوديه ... بعدين السعوديه تهتم بركاب الدرجه الاولى


وفئه معروفه عند الجميع !!!!! بعدين عندك واسطه او معرفه تطلع اولى الى نييورك وانت سياحى !! والله فوضى !!!


بعض المرات فى المطار اسولف مع الموظفين يشتكوم من الترقيات ومن المدراء ووضعهم سى !!!!!

المنافس
21-07-2006, 09:52 PM
الخطوط السعوديه مادام ان حاميها حراميها فلا تطور ننتظره منهم

تحياتي،،،

بدون أخلاق
21-07-2006, 09:57 PM
كيف الحال ،،

اجل كيف تبينا نسافر يبو ،،

هذي بعض الحوادث الماأسوية للخطوط السعوية للفائدة العامة.


:(

خذوني معاكم
21-07-2006, 10:04 PM
الله يكفينا الشر,,


عاد انا خلقه اكره ركوب الطيارات,,

وووهـ بس
21-07-2006, 10:42 PM
جميع الخطوط يحصل لها حوادث

يعني برأيك اذا ركبت خطوط غيرها ماراح يصير شي مثلا ؟؟
اللي مكتوب لك بيصيرلك لو انك في احسن طياره


وبالنسبه للحادث ماأفدتنا بالتفاصيل ,متى هالحادث , البلد اللي حصل فيه او المطار

بس الصور .. وحطيتوها على الكابتن pb036
انا مااقول انه بريء لاني ماادري وش صاير
بس معروف سواقة الطياره غير سواقة السياره
يعني يسمع منهم وينفذ
احتمال يكون الغلط من اللي يكلمونه ؟؟


على العموم الحين الخطوط راح تتحسن مع المدير الجديد او الرئيس والله مدري وش تسمونه pb036
بس البلى الوحيد اسعارها


وبس ,,,bp039

cupcake
22-07-2006, 02:38 AM
^
^
الحادث ذاقدييييم له يمكن سنتين يمكن اقل ويمكن اكثر وحصل بماليزيا ..

al 3need
22-07-2006, 06:17 AM
جميع الخطوط يحصل لها حوادث

يعني برأيك اذا ركبت خطوط غيرها ماراح يصير شي مثلا ؟؟
اللي مكتوب لك بيصيرلك لو انك في احسن طياره


وبس ,,,bp039


فعلآ اللي كاتبه االله بيصير ..

وبعدين الله يسلمك على هالموضوع وسفرتي الاسبوع الجاي :sm12:

الله يحفظنا والجميع ان شالله bp039

محمد_777
22-07-2006, 06:30 AM
اخي العزيز اسبرانزا اول شي الطيار ماضيع طريقه ولا شي كل اللي في الموضوع ان الطائره بعد ماوصلت من الرياض ونزلو الركاب والطيارين جا فريق صيانه ماليزي واخذوا الطائره الى الورشه لفحص روتيني تخضع له جميع الطائرات اذا تجاوزت ساعات محدده المهم بعد ماعملو للطائره الفحص اخذوها الفريق الماليزي وشغلوها علشان يوصلها للبوابه ومن الاهمال والجهل في الفريق الماليزي شغلو فقط محركين من اصل 4 محركات والطائره هاذي تم تصنيعها على العمل مع جميع المحركات المهم واثناء طريقهم الى البوابه فقدوا السيطره على الطائره يعني ماصار فيها تحكم فحاولو انهم يوقفونها ماقدروا فاشافو في حفره صغيره وحاولو يوقفون الطائره وماقدروا فطاحت في هذه الحفره اللي هي تصريف لمياه الامطار وتم تحميل الخطأ على فريق الصيانه الماليزي والسبب اهمالهم و تشغيل محركين بدل جميع المحركات تم صيانه الطائره طبعا على التأمين والمعروف ان كل شركه طيران يجب ان يكون لديها تأمين على جميع الطائرات والمسأله قضاء وقدر والحمد لله انها جت على الحفره ولا لو كان امامهم طائره لحدث شي عظيم

وبعدين جميع الحوادث قضاء وقدر وماله علاقه هذه شركه طائرتهم جديد ولا قديمه وبالنسبه لحادث طائره الترايستار فراح اجيب التفاصيل بالكامل واضعها ان شاء الله والأن الخطوط السعوديه ولله الحمد حصلت على المرتبه الاولى في معايير السلامه وبعدين حتى لوكنت راكب في افخم طائره قد يحدث شي لاقدر الله

ارجو ان اكون وضحت

Esperanza
22-07-2006, 11:26 AM
t00fee

من بوك للسماء:)





حفيد طرفه

قطع الغيار عادي ، يخصمون من راتبة للاف سنة القادمة:)





menya

اما من ناحية ما فيه مثلها فكثر منه.






حفيد طرفه

:) :)

ياخي انت رهيب






فتى ماربيا

والله يا الغالي انكانهم يهتمون بالدرجة الاولي فقط فهذا قل فيهم ، مع اني اعارضك في الشي هذا لاني جربت الدرجة الاولي عندهم و اقدر اقول لك ان الخطوط السرلنكية احسن خدمه منهم.





المنافس

صح لسانك






بدون أخلاق

فيه وسائل كثيرة ، البعير:) ، السيارة ، الباخرة بس ابعد عن المصاريا و فيه انك تسافر على خطوط جويى محترمة.






خذوني معاكم

نسب امكانية حدوث وفاه من حادث طياره تعادل 1 من كل 8 مليون ، يعنى الطيران أمن اكثر من اي وسيلة سفر اخرا ، لكن مشكلة الطيارة تخوف لانك معلق في السماء.:)





وووهـ بس

ابدا السعودية ماهي اسوا من غيرها لكن لو مثلاً نقارنها بالخطوط الامارتية اللي انطلقت خدماتها من عام 1985 و ما عمرها حصل لها حادث اعتقد بتعرف الفرق.

و انشاءالله مع المدير الجديد تحسن الاوضع مع اني اشك في الشي هذا


و انا ذكرت معلومات عن الحادث في احد مشاركاتي.





cupcake

الحادث كان عام 2001





al 3need

زي ما انا قلت يبقي السفر بالطياره هو الاكثر امان من اي وسيلة سفر اخرا.






محمد_777


يعطيك العافية على التوضيح ، انا اخذت معلوماتي من موقع متخصص بحوادث الطيارات و كان يقول ان الطيار و معه 5 من الطاقم و اثنا خروجة من هانقر الصيانة و كان رايح للبوابه عشان يحمل الركاب ضيع الطريق و صار اللي صار.

لكن بعد ما قريت مشاركتك رحت و بحثت في مواقع اخرا و حصلت موقع يقول نفس كلامك ، يعني فيه اختلاف في طريقة حصول الحادث.





لكم الشكر و التحية

Esperanza
22-07-2006, 11:33 AM
هذي اضافة اخرا عن احد حوادث الخطوط السعودية للفايده العامة:



التاريخ:

8/9/2005


المكان:

مطار كلمبو في سريلانكا



التفاصيل:

اثنا توجه الطيارة لمدرج الاقلاع و على متنها 452 راكب وفرد من الطاقم ورد للطيار بلاغ بوجود قنبله على الطيارة ، فور وصول الخبر لطاقم الطيارة قام الطيار بابلاغ الركاب بضرورة مغادرة الطيارة و تم ذلك في وسط المدرج عنطريق مخارج الطواري.
في هذا الوقت هلع الركاب و بدو في التدافع للخروج من الطيارة بسرعة فنتج عن ذلك اصابة 62 راكب ، احدهم توفا و تم نقل 22 للمستشفي.

انا اعتقد ان سو التصرف من الطيار و قلة تدريب الطاقم اللي اعتقد تركو الطياره قبل الركاب هم السبب.


لكم التحية

الطيرو الازرق
22-07-2006, 02:51 PM
هذي اضافة اخرا عن احد حوادث الخطوط السعودية للفايده العامة:



التاريخ:

8/9/2005


المكان:

مطار كلمبو في سريلانكا



التفاصيل:

اثنا توجه الطيارة لمدرج الاقلاع و على متنها 452 راكب وفرد من الطاقم ورد للطيار بلاغ بوجود قنبله على الطيارة ، فور وصول الخبر لطاقم الطيارة قام الطيار بابلاغ الركاب بضرورة مغادرة الطيارة و تم ذلك في وسط المدرج عنطريق مخارج الطواري.
في هذا الوقت هلع الركاب و بدو في التدافع للخروج من الطيارة بسرعة فنتج عن ذلك اصابة 62 راكب ، احدهم توفا و تم نقل 22 للمستشفي.

انا اعتقد ان سو التصرف من الطيار و قلة تدريب الطاقم اللي اعتقد تركو الطياره قبل الركاب هم السبب.


لكم التحية

:D :D :D :D

اشوى اني سويسريpb192

PubMed
22-07-2006, 04:02 PM
رحلات السعودية لاوربا راااااااااااااااااااائعة

جربت كذا طيران وما ارتحت لهم

لكن المحلية طبعا سيئة لانعدام المنافسة

فراس
23-07-2006, 12:36 AM
والله معك حق حبيبي ...

اطلع أولى سعودية واطلع أولى إماراتية وشوف الفرق ...

وثاني شي بالنسبة لحادث ماليزيا ترى هالطيارة 747 اللي إصدارها 400 و هذي هي اللي تطير على ماليزيا وبالنسبة للخطوط السعودية ما عندهم منها إلا كم حبة مع العلم إن الخطوط الماليزية كل أسطولها 747 هو من الإصدار 400 مو مثل الخطوط السعودية أغلب الأسطول حق 747 من الإصدار 100 يعني له تقريبا أكثر من 20 سنة ...
فاللي قول إن الغلط من الفريق الماليزي أشك في روايته لأن أسطولهم كل أبوه 747 من الإصدار 400 يعني أقل شي يكونون عارفينها شبر شبر

بالنسبة لي أسافر غصب على السعودية في الرحلات الداخلية أما الدولية أدور أي خطوط ثانية ... ماليزية إذا كان لماليزيا أو البريطانية إذا أبي أروح لندن ومن لندن ممكن أروح على أي مكان في العالم ....

محمد_777
23-07-2006, 02:33 AM
والله معك حق حبيبي ...

اطلع أولى سعودية واطلع أولى إماراتية وشوف الفرق ...

وثاني شي بالنسبة لحادث ماليزيا ترى هالطيارة 747 اللي إصدارها 400 و هذي هي اللي تطير على ماليزيا وبالنسبة للخطوط السعودية ما عندهم منها إلا كم حبة مع العلم إن الخطوط الماليزية كل أسطولها 747 هو من الإصدار 400 مو مثل الخطوط السعودية أغلب الأسطول حق 747 من الإصدار 100 يعني له تقريبا أكثر من 20 سنة ...
فاللي قول إن الغلط من الفريق الماليزي أشك في روايته لأن أسطولهم كل أبوه 747 من الإصدار 400 يعني أقل شي يكونون عارفينها شبر شبر

بالنسبة لي أسافر غصب على السعودية في الرحلات الداخلية أما الدولية أدور أي خطوط ثانية ... ماليزية إذا كان لماليزيا أو البريطانية إذا أبي أروح لندن ومن لندن ممكن أروح على أي مكان في العالم ....


لا ياعزيزي الطائره هذه 300-747 ,والخطوط السعوديه تمتلك منها 7 طائرات و5 طائرات من طراز 400-747 واللي في الحادث االاصدار 300 وقديمه جدا

محمد_777
23-07-2006, 04:31 AM
وعلشان نميز ان هذه الطائره من طراز 300 او 400

طراز 300 راح تشوف الجناح بشكل ممتد بدون اي انطواء

طراز 400 راح تشوف اخر الجناح في الاخر مطوي للأعلى

سعودي مقلع
23-07-2006, 11:59 AM
pb192

السعودية خياري المفضل في كل الاحوال


كلف الحب الك مشرفنا الغالي

وش ملحـــــــه
24-07-2006, 08:43 AM
أخوي أسبرانزا أنا ملاحظ أن كل الحوادث ألي حاطها قبل عشرين سنه ألا حقت عام 1996 هذي أنت قلتها عليشان الطائره الكازخستانيه نزلت عن الأرتفاع المخصصلها ودخلت في مجال الطائره السعوديه فالخطء مهوب منهم

فمن عام 1980 إلى يومك والحمد لله ماصار حوادث للخطوط السعوديه وكان الغلط منها

وطيران الإمارات بادي من عام 1985 فما أستعمل طيرات الترايستار ألي أستعملناها قبل مايطلعون

ويعطيك ألف عافيه

مهاجر الدنيا
24-07-2006, 03:28 PM
مذور اخوي اسبرنزا بس وش نقول ...(وش عدك على المر الي امر منه)

خاااش غلطْ
24-07-2006, 09:44 PM
الخطوط السعودية صراحة زفت
ومانب اواطنها ابد .!!
سواء بالرحلات الداخلية ولا حتى بالدولية .!!

حووسة .. وخربطة .. ويسمعون بالنظام ..:@

اذكر من المواقف المشينة اللي صارت لي معهم .. :d
كانت فيه رحلة لي من نيويورك لجدة ..

البوابة المفروض تفتح الساعة 8 ونص ..
والأقلاع الساعة تسع ..
بس وش اللي صار :d

البوابة مافتحت الا 9 ..
وطبعا زحمة الركاب وعدم التنظيم ..وبطىء الموظفين وبرودهم .!!!
خلونا ننطق بالطيارة من 9 الى 10 .. على ماتمتلي الطيارة ..

وماأقلعت الطيارة الا الساعة 11 .!! :@
هذا غير درجاتهم المخيسة .. :(

شاي بالنعناع
29-07-2006, 12:42 PM
الأخ العزيز اسبرانزا :

ما أدري إنت من وين تقلب في الانترنت وتطلع لنا مثل هذه المواضيع؟! .. أحس إن معظم مواضيعك فيها شي جديد!! ..

على العموم .. كلمة عامة وحكمة تقول : ومن يتهيب صعود الجبال يعش أبد الدهر بين الحفر .. وكما قال الفيلسوف العظيم انف الناقة : هونها وتهون!! .. والحكمة الهندية التي تقول : دنيا هي دو شاندريا هيه .. ( الوصول إلى القمة سهل لكن المحافظة عليها أصعب!!) .. وفيه فيلسوف اغريقي قديم اسمه ما يحضرني الآن .. اظنه شعبان عبد الرحيم قال مقولة وهي : رضينا بالمر والمر ما رضي بينا!! ..


الخطوط الجوية العربية السعودية منذ تاسيسها وحتى ما قبل حرب الخليج الثانية 1991 م كانت تعيش في فترة مزدهرة .. والذين سافروا على الخطوط السعودية في أواخر السبيعنات واواسط الثمانينات لا شك كانوا يجدون الفرق في الخدمة وفي التميز .. كانت الخطوط توزع هدايا للأطفال على جميع الدرجات .. وزجاجات عطر .. وكان الطاقم مختار بعناية .. وكانت الوجبات يقوم بإعداها طباخون سويسريون ماهرون .. ولكن بعد ذلك بدأ المستوى في التدني شيئا فشيئا حتى وصلت الخطوط الجوية العربية السعودية الناقل الرسمي للمملكة العربية السعودية إلى ادنى مستوياتها منذ تاسيسها!! .. وهو أمر يشعرنا بالأسى نحن السعوديين على الدرجة التي وصلت إليها هذه الخطوط التي تحمل علم المملكة العربية السعودية .. كانت فترة رئاسة بن بكر فترة بدا فيها نجم الخطوط السعودية في الأفول .. هل تعلم ( وهذا كلام أحد قدامى الموظفين في السعودية ) أن بن بكر لم يكن ينزل كثيرا للميدان طوال فترة رئاسته .بل ولا يقابل كثير من المدراء لا سيما في محطات السعودية البعيدة .. كان يجلس في مكتبه العاجي وكانه في أمبراطورية ضخمة .. صحيح أنه اقتصادي متميز .. ولكن الاقتصاد ليس كل شيء .. حتى المحطات التي تصلها الخطوط السعودية تعتبر اقل بكثير من المحطات التي تصل إليها كثير من الخطوط ذات الاداء المتواضع!! .. هل يعقل إنه حتى هذه اللحظة لا يوجد خط لنيوزلندا بالرغم من أعداد الطلبة السعوديين هناك . وبالرغم من أن تلك البلاد لا تطلب من السعوديين تاشيرة دخول ؟!.. وهناك الكثير من الامثلة .. الشيء الوحيد الذي حافظت عليه الخطوط السعودية هو الصيانة .. ولكن من يدري في المستقبل ماذا سيحدث لوضع الصيانة .. أخشى أن يأتي اليوم الذي نستخدم فيه طائرات لخطوط اخرى للتنقل بين مدننا!! ..

معليش طولت ,, لكن من متى تعرفني يا اسبرانزا أكتب ردود قصيرة؟! .أنا دايم أحب اللت والعجن .. وأكتب على كيفي طالما سعة المنتدى تستوعب .. طنش تعش تنتعش .. وسلامتكم!! ..

سعود(مبرمج)
29-07-2006, 12:57 PM
سلم لي على طيران الاتحاد الاماراتي

على فكرة

اكره شيء صار لي في الحج الماضي يوم ركبت طيارة تركيه على انها خطوط السعودية

جايبين تركي مايعرف يتكلم عربي زين ساعه ماقال الدعاء قلب كلمة كآبه المنظر الى كعابه المنظر وانواع الضحك بين الحجاج

حايـرة
29-07-2006, 01:55 PM
يووووومه


الله يستر من الحوادث..:(


تسلم اسبرينزا

دكتور زبادي
29-07-2006, 11:33 PM
قسم بالله قلة حيا ذي ميب خطوط

تأخير بالرحلات وتروح للمطار تلقا طابور فيه ستين واحد واقف

عشان واحد يشتغل بالكاونترات ! و 6 فاضية

وواسطات عشان تلقالك حجز لجدة ولا للدمام

قسم بالله قلة حيا

الى متى الاحتكار ذا يا ناس

ورد هانم
01-08-2006, 10:24 AM
*
*
انا ماراح اتكلم عن الامن فيها ...لان كل هالاشياء قضاء وقدر..
لكن الي يصعب الحال علينا
تخيل دوله من اكبر الدول العربيه تقريبا في المساحه..
.هذا غيران مناطقها مترامية الاطراف،،

تخيلوا...كل هالمساحه وعدد السكان الي بعد كم سنه ويطق..
ولازلنا
على خطوط طيران وحيـــــــــــــــــــــــــــــــــــــــده

ليه؟؟؟؟؟

طيب نقارن بلدنا اقلها بالامارات
ايش فرق مساحه؟؟؟ايش فرق عدد سكان؟؟؟
ومع ذلك ..لايقل عن 3 خطوط طيران فيها..
واحنا لنا الله
لو مالقينا حجز نروح نقط اعمارنا عند طيران اخواننا الخليجين..
،،،،،،،،،،،


على فكره يقولون ان فيه خطوط طيران داخليه جديده بتفتح >> متى ناوين يطيرون ..الله العالم>>الظاهر لي صكت السعوديه
اسمها( سماء) صاحبها ولد الامير خالد الفيصل..
قريت الخبر في جريده من كم شهر ...وماشفنا شي!؟!؟

دحومي و بكيفي
02-08-2006, 09:38 AM
سافرت على الامارات ..وعلى KLM وعلى Air France ..

وسافرت على السعودية ..

سافرت على السعودية مره وحده فقط وكانت لباريس .

ماتوقعت ابد ان الخطوط فيها الخدمات هذي >> متعود على الدمام الرياض

اول مره اطلع معاهم رحلة لمسافه طويله ..

السلامة عالية جدا ، مجهزه بنظام ترفيهي ممتاز ( تشوف طاش ما طاش وفلم عادل امام ) ، مصلى بالخلف (ممكن تلعب فيه بلوت ;) ) ، اكل على كيف كيفك ( لحم برياني ) ، تعامل ولا اروع من المضيفين ..

المشكله طبعا في الرحلات الداخليه .. وفي الموضفين الداخليين .

في الخارج وخصوصا دول اوروبا نشوف لباقه غير طبيعيه من الموضفين .. وفي الرياض والشرقية نشوف رفعه خشم .

الخلاصه : السعودية رقم 1 للرحلات الدولية الطويله . ( اوروبا - امريكا )
والافضل تشغل سيارتك اذا كانت الرحلة داخل المملكة

MhAgEeR
03-08-2006, 12:09 PM
يعطيك العافية مشرفنا على هالتوضيح


وان شاء الله اني ما اركبها غير ماركبتها ويازين الاماراتية وهـ بس http://www.eqla3.com/vb/images/smilies/004.gif

مهاجر

botshika
05-08-2006, 04:42 AM
*


فعلآ اللي كاتبه االله بيصير ..

وبعدين الله يسلمك على هالموضوع وسفرتي الاسبوع الجاي :sm12:

الله يحفظنا والجميع ان شالله bp039

مـن جــد :(

الله يستر بس





سلم لي على طيران الاتحاد الاماراتي

على فكرة

اكره شيء صار لي في الحج الماضي يوم ركبت طيارة تركيه على انها خطوط السعودية

جايبين تركي مايعرف يتكلم عربي زين ساعه ماقال الدعاء قلب كلمة كآبه المنظر الى كعابه المنظر وانواع الضحك بين الحجاج


شكلها نفس رحلتي العام..لا و مأخرينا فوق ال 4 ساعات بعد..!!

عهــــود
08-08-2006, 03:57 PM
إسبرانزا

:(


ليه كذا بس


تدري ( بالرحلات الداخلية ) مالنا الا هم


حسبي الله عليهم

l-oo-l
08-08-2006, 07:40 PM
الي يقولون السعوديه حلوه في الرحلات الخارجيه
ممكن مقارنه بين سعر تذكره بينها وبين القطريه (خطوط قادمه بقوه) ومقارنه الخدمات وبتعرفون انه ملعوب عليكم بقوه

وش ملحـــــــه
09-08-2006, 11:21 AM
بكولكم شي آخر أصطول شروه الخطوط السعوديه من بوينق طاحت منه 3 طيارات وهم في الطريق للسعوديه بس عتمو على الخبر

miss potato
10-08-2006, 03:03 AM
ياربييييييييييه :(



بطني عورني :(



ليه كذا مالقيت تحط الموضوع الا الصيف :(



ابوي يبينا نسافر علي السعوديه واحنا نبي علي الاماراتيه :(



السعوديه داخليا مخيسسسسسسسسسسه ومتخلفين الموظفين الي فيها وتعاملهم مهوب زين



بس دوليا ماعليهم زينين بس يمرمرون فينا في كل بلد علي كيفهم




شكرا :( <<< بدون نفس <<< مرتاعه D:

الـصـيـنـي
10-08-2006, 07:04 AM
يعطيك الف عافيه اخوي اسبارنزا




والصراحه يخوفون الخطوط السعوديه وشايفين انفسهم


<<واحد اعرفه راح يحجز من الخطوط السعوديه على دبي قال ياخي رح للخطوط الاماراتيه ارخص واحسن <<يالبى قلب الموظف قال احسن من خطوطنا


يعطيك الف عافيه عمي اسبارنزا

الـصـيـنـي
10-08-2006, 07:06 AM
يعطيك الف عافيه اخوي اسبارنزا




والصراحه يخوفون الخطوط السعوديه وشايفين انفسهم


<<واحد اعرفه راح يحجز من الخطوط السعوديه على دبي قال ياخي رح للخطوط الاماراتيه ارخص واحسن <<يالبى قلب الموظف قال احسن من خطوطنا


يعطيك الف عافيه عمي اسبارنزا

ورد هانم
10-08-2006, 10:42 AM
واحد اعرفه راح يحجز من الخطوط السعوديه على دبي قال ياخي رح للخطوط الاماراتيه ارخص واحسن <<يالبى قلب الموظف قال احسن من خطوطنا

ههههههههههههههه
وشهد شاهد من اهلها...
( عارفين انفسهم ):D

engima
10-08-2006, 01:00 PM
8
8
8
مكالماتهم مسجله و و خلي الإماراتية تنفعه يوم يسمعون المكالمه :)

engima
10-08-2006, 01:01 PM
برب و برجع إن شاء الله بموضوع مستقل عن الخطوط السعودية إن شاء الله :)
يعطيك العافيه إسبرانزا

ورد هانم
11-08-2006, 03:52 AM
8
8
8
مكالماتهم مسجله و و خلي الإماراتية تنفعه يوم يسمعون المكالمه :)

مو شرط قاله عن طريق المكالمه،،،
ممكن قالها وجه لوجه...

:D