PDA

عرض كامل الموضوع : قررت انى اتهور واشترك فى الشوتايم..ابى شوركم


نسناس لكزس
26-04-2006, 10:02 AM
السلام عليكم


ودى اعلمكم انى زهقت من كثرة الدعايات فى MBC2 وتى فى ون وقررت انى اتهور واشترك فى الشو تايم. دخلت على موقعهم ولقيت مجموعة باقات كل وحده ازين من الثانيه...لكن قلت استشير المشتركين قبلى واستفيد من خبرتهم...

هل اقدر اشترك فى باقه واحده بس والا لازم اخذهم كلهم؟

انا احب الافلام الاجنبيه خصوصا الجديده والمشهوره. ما احب افلام كلارك غيبل وانجريد برجمان وجيمس بوند القديمه المغبره.

وش رايكم؟ وش احسن باقه عندهم؟ وكيف تكلفتهم؟



ابو انترا..."اليوم طالع قمر"bp039 فى البشت السماوى





ابو لكزس

!!..ANTRAX..!!
26-04-2006, 10:08 AM
هلا ابو لكزس ، انا اتابع الشوتايم بس ماهو متابع بقوة يعني نص ونص اشوف انها تجيب افلام جديدة لكن تحوسها شوي بالاعادات
بالنسبة للباقات لا تسالني عنها لان مشترك غير شرعي معهم ههههههههههههههههههههه

انا اشوف انك تتابع قنوات اوروبية افضل واحسن خصوصا اذا عندك خلفية بالانجليزي

ابو انترا..."اليوم طالع قمر"bp039 فى البشت السماوى


من ذوقك

سـاهـي
26-04-2006, 10:30 AM
الموفي شانيل في الشو تايم زفت
أتوقع سوبر موفيز في الاوربت أصرف منها
انا عندي الثنتين واتابع افلام الام بي سي تو
اما الاعلانات في الثنتين نفس الشي

Mrjojah
26-04-2006, 05:54 PM
الشوتايم

عندهم

باقة التوتال

تحتوي على جميع قنوات الشووتايم مع الرياضيه


باقه الموفيز

تحتوي على قنوات الافلام فقط

مع كم قناة كرتون

باقة الكيدز

باقه قنوات الاطفال

طبعا

مافيه فرق بين التوتال والموفيز الا بس قنوات الرياضه

انا اشتركت فتره سنه

والحين انقطع ولا جددت اشتراكي

طبعا نسيت اذكر انه باقه الموفيز والتوتال

فيها ثمان قنوات للعرض يعني يعرضون لك افلام جديده

وانت تطلب الفلم اللي تبي بـ 15 ريال

او انك تدفع كاش ويحطون برصيدك الافلام

او انك تشتري بطاقه مسبقه الدفع >>> مش زينه

احسن شيء تدفع كاش يعني تعبي رصيدك افلام

وتطلب اللي تبي

افلامهم بالنسبة لي عاديه احيانا تجيهم حاله

يجيبون افلام مسكته

واحيانا ما تفرق عن ام بي سي تو

طبعا غير الاعاده للفلم لين تحفظه وتطفش

احسن ما فيهم ما يقطعون الفلم بالاعلانات

مثل الام بي سي يطفشون كل شوي دعايه

وهذي الحسنه في الشوتايم

مااقدر انصحك واقول خذه ولا اقدر اقول لك لا تاخذه

لان لكل شخص ميوله

بس حبيت اعطيك فكره عن الشوتايم قبل تشترك :d

والامر في النهايه راجع لك

اتمنى اكون افدتك :)

تشاو

الزعيم909
27-04-2006, 01:38 AM
الشوتايم مره تجيب أفلام رهيبه تقول هذي أحسن قناة بالعالم

ومرة تجيب أفلام خياس تلعن أبو الساعة اللي أشتركت به


أما الهوم سينما أغلب أفلامها بايخه (لي 4 شهور مشترك ماشفت إلا فلمين صح عليها)

الف مليون
27-04-2006, 01:51 AM
خلكـ مثلي تريح راسكـ

اشتركـ معهم بين ثلاث شهور إلى 6 شهور

لان اذا طالت المده تقل الافلام الجديده عليك لانهم يقعدون يعيدووون فيها

فاشتركـ باوربت او باقة ستار لمدة ثلاث شهور على ماتنزل الشوتايك مجموعه من الافلام الجديده

وبعدين ارجع لشبكـة اوربت تلقاهم نزلوا افلام جديده وهكذا تريـح راسك وتنووع

وعلى فكره شوتايم عندهم اشتراك بالاقساط بعد :)

نسناس لكزس
27-04-2006, 03:44 AM
هلا بالجميع. وشكر خاص لكل واحد ادلى بدلوه فى الموضوع

بس ودى اعرف شغله ياليت احد يوضحها لى....

انا مابى قنوات رياضيه ولاشى.

كل اللى ابيه باقه قنوات سواء كانت خمس او عشر تكون مخصصه حق افلام ومسلسلات امريكيه. بس

فهل اقدر احدد القنوات اللى ابيها؟ يعنى اقدر اسوى لى باقه قنوات خاصه فينى والا ماعندهم هالشئ؟

وكم تكلفتها ياشباب؟


شكرا مره ثانيه والله انكم سنايدى



ابو لكزس

Mrjojah
27-04-2006, 04:27 AM
تناسبك اخوي نسناس باقه الموفيز

قيمتها 1990 تقريبا يا تدفعها كاش

والا مثل ما قال اخوي مليون بالاقساط

بس الاقساط لازم تعطيهم رقم حسابك ويشترطون بعد بنك ( الامريكي - البريطاني اتوقع - ) الراجحي مايبونه

على اساس يسحبون من رصيدك قيمه الاشتراك شهريا 166

واحيانا يسحبون اكثر من شهر يعني مثلا انا سحبوا مني 500 :(

وترى الصحن والرسيفر مجانا بس ماانصحك لانه اذا انقطع الشوتايم (خلص اشتراكك)

يقطعون حتى القنوات العاديه اللي مالها دخل بالشوتايم

مثل الام بي سي والكويت ودبي ..الخ

طبعا اذا اشتركت راح يفتحون لك قنوات الاي ار تي لمده اسبوع او اسبوعين

بس الله يعينك على قنوات الهنود بتحوم كبدك منها pb093

شكلنا كرهناك قبل لا تشترك :d

د . حـجـازي
28-04-2006, 03:04 AM
انا مشترك في الشوتايم الآن تقريباً ماشي في السنة السادسة .. :)

وماني قادر استغني عن الشوتايم .. لانها في نظري أفضل باقه تجيب أفلام حلوة :)

لو عندك في البيت ( ستلايت ) حق النايل سات ..

مايحتاج تاخذ ستلايت الخاص بالشوتايم .. يكفيك البطاقـه فقـط .. تحطها في الرسيفر وتبرمج القنوات وانتهى الوضع :)

كـ بدايه اشترك لمدة 6 شهور .. في باقـة ( الموفيز بلاس ) أفضل شي برأيي .. :)

ولو ماعجبك الوضع لاتكمـّل .. كلها بطاقه اللي معك وانتهينا :d

بس احب الشوتايم في تعاملهم .. كل فترة 3 شهور يتصلون علي .. راضي عن الأداء والبرامج ... إلخ من هالاسئلة

ولدرجة آخر مرة جددت فيها اشتراكي جاني مندوب الشوتايم لحد باب البيت واشتغل الاشتراك بعد ربع ساعه بالضبط :)

ولما جددت مسويين لي عرض خاص ومن الشركة الأم في دبي .. بـ 1800 ريـال سنة كاملة في باقة الموفيز بلاس :)


.. اتمنى اكون أفدتك ..

..

د . حـجـازي

هلالي حبيب
28-04-2006, 04:40 AM
انا مشترك في الشوتايم قبل سنتيــن ونصف وكنت مبسوط عليها وخاصة في قناة هوم سينمــا .. وكنت مشترك في باقة الموفيــز

وبعدها جربت اوربـت لكن اوربـت عاديـة جدا ولا تقارن بشوتايــم وبعدين لابــد انــك تآخذ الرسيفر تبعهـم وكنـت اجدد عندهم فقط عشان الدوري السعودي كان فيه مباريات اللي ماينقلونها على السعودية تنقل على اوربــت حصري ... وعندهم قناة مثل الهوم سينما اسمها تي في ماكـس لكن افلامهم عاديــة ..

إذا انت تحب الجديــد اشوف فيه اماكن لبيـع افلام الـ vcd , dvd تكــون موجــودة قبل نزولها في السـوق بفترة طويلة وزيادة عن السابق تــكون مترجمـة وجودة الصورة جيدة جداً يعني عكس السابق اللي كانت تصور من شاشات السينما وتكون غير مترجمة ورديئة الصورة والصوت ... وبعض الأفلام مانزلـت إلى الآن ...



ومشاهدة ممتعة مع الشوتايم ...

عطر القلم
28-04-2006, 04:42 AM
انا قد اشتركت لمدة سنة بشوتايم

بس ماش غالية ومملة !


عقبها اشتركت في اوربت والحين لي 3 سنوات وكل سنة اجدد :)

ان بغيت افلام سنعة تلقا وان بغيت مسلسلات تلقا وبرامج ...

اوربت لحالها

!!..ANTRAX..!!
29-04-2006, 05:40 PM
8
8
احيانا اوربيت تبتدع بشكل غير طبيعي اذكر لما كنت مشترك فيها كانت تجيب افلام ولا اروع ومسلسلت جديدة روعه

الديناصور
30-04-2006, 08:34 PM
فك لك اشتراك في محل افلام Dvd اصرف لك لايجيك يوم تقول والله الفلم فاتني وتكون الاعاده في وقت منت فاضي فيه

تحياتي

مغازلجي
04-05-2006, 11:01 AM
الشوتايم اطلف قنوات الافلام

بس انه موت 1500 :( واكثر ب6اشهور :sm5:

والله لو اني pb071 خاني ساكت احسن

احس ماله اي داعي تدفعله الفلوس خاصة بعد ماراح الكالشيوpb189 عنهم

فنولوجيا
13-05-2006, 09:18 PM
اهلين

انا انصحك انك تشترك في الشو تايم ... والسبب

انا قد اشتركت في اوربت

وحرام فيه قرش واحد مسلسلات سخيفه وافلام اسخف

اما الشو تايم

اشتركت سنه وودي اجدد

مسلسلات جديده

وافلام جديده

وحتى الهوم سينما خطيره بس يعيدون الافلام بعد شهرين في العاديه

انصحك انك تشترك في الشو تايم ولا تستخدم الالهوم سنما الا اذا جا يخلص

تحياتي

الزعيم909
13-05-2006, 11:32 PM
وشولة تشترك وتدفع

دور رسيفر يفتح لك الشوتايم ازين وارخص

أمير الأحساس
14-05-2006, 09:33 AM
شوف يالغالي انا اشتركت لمدة سنه معهم...

صراحه احلى مافيهم تعاملهم معك مثل ما قال الدكتور حجازي....

عيبهم بس الإعادات يعني اذا كنت من النوع اللي 24 ساعه قدام الدش يمكن يجيك ملل..لكن مع هذا ترى قنواتهم للأفلام كثيره ....يعني يمكن تتنقل بينها....

في قناة للأفلام القديمه مررره....وفي قناة لافلام التسعينات....وفي 3 قنوات تقريبا للأفلام الجديده....

في قناة اسمها هوم سينما مثل ماقالوا الشباب....تطلب الفلم اللي تختاره من القائمه....صراحه حلوة وافلامها دايم جديده....

وفي كم قناة مسلسلات كوميديه....وفي قناتين الظاهر مسلسلات بوليسيه....وفي قناة الحيوانات (اعزكم الله)

ايضا قناة كنت اتابعها كثير الي هي ديسكفري.....

وفيها ميزة الشوتايم انها تجيب الفلم كامل....والافلام والبرامج كلها مترجمه......طبعا قنواتها فاتحه 24 ساعه....


اذا محتار بين اوربت والشوتايم......الشوتايم من غير ماتفكر.....

الأمر راجع لك .....موفق اخوي.....

فائق التقدير والأحترام...

الزعيم909
14-05-2006, 10:01 PM
وفيها ميزة الشوتايم انها تجيب الفلم كامل...


من تالي أشوف بدت تقطعpb093

جهراوي حلو
15-05-2006, 02:00 AM
الله ينوركم و الله إنكم نورتونى