PDA

عرض كامل الموضوع : العشا عليكم الليلة (دليلكم لمطاعم مدينة الرياض)


VEER - ZAARA
04-01-2006, 04:19 AM
مرحبا :)

هيييييييييييييييه

عطلنا :D

بس من الحين مليت من الاجازة pb027

ملل من جد كل يوم مسرحيات وسينمات و منتزهات وأسواق وحدايق ودور اوبرا وحفلات

شي ممل نبي شي جديد pb095

اهاااااااااااااااااااااااااااااااااااااااااااااااا اا

لقيييييييييييييييتها

المطااااااااااعم ..! pb192 << ايقونه معبّرة بس تمفّلوا فيها شوي pb034

الشي الوحيد اللي مب للعائلات فقط pb034

الله يجزاه خير اخوي مناور طلّع حرتي شوي ايه الزبدة هذي المطاعم اللي انا جربتها ورأيي فيها :



الهدوج

http://www.ada.gov.sa/cgi-bin/images/itemID1718_photo01.jpg

مطعم مميز ولا عليه كلام أبداً سوى شوربة الذرة مايضبطونها صح

عندهم نوع من الدجاج اسمه الهدوج على اسم مطعمهم بس شييييييي :)

وعلى فكرة المسؤول عن الطبخ يشتغل عند الملك عبد الله بس معطيهم المقادير

وهذا موقعه ماله إلا فرع واحد بالرياض ( بعيد علينا سكان الشمال :( )

العنوان

شارع عنيزة

حي الروابي

الهاتف: 4939979

_____________________

القرية النجدية

http://www.ada.gov.sa/cgi-bin/images/itemID1341_photo01.jpg

هالمطعم متميز بموقعه الحيوي وجلساته رووووعه وفيه تراث وأصالة عنهم مثلوثة جيدة

http://www.ada.gov.sa/cgi-bin/images/itemID1341_photo02.jpg

موقعه

شارع التخصصى

حي المعذر

الهاتف: 4646530

________________________

الصاج الذهبي

http://www.ada.gov.sa/cgi-bin/images/itemID1431_photo01.jpg

اكله حلوووووو مشاوي وعصيرات وغيره وأقصد الفرع اللي عند مبني التلفزيون لكن كخدمة زفت :(

العنوان

شارع عنيزة

حي الريان

الهاتف: 4960888

_________________________

ماما نورة

http://www.ada.gov.sa/cgi-bin/images/itemID1823_photo01.jpg

عنده عصير ( جلاّب ) شيييييي والباقي مايستاهل كل هالزحمة

موقعه ( له عدة فروع )

شارع عقبة بن نافع

حي الملك فيصل

الهاتف: 2787444

________________________

مطاعم وحلويات سعد الدين

عندهم تشيز كيك يونس مع شاي نعناع وجلسات ماعليها :)

العنوان

شارع سلطان بن عبدالعزيز

حي العليا

الهاتف: 4623366

الفاكس: 4624550

_____________________

McDonald's

http://www.mcdonalds.be/images/logo_mcdo.jpg

http://www.mcdonaldsarabia.com/arabic/images2/qlty_high_pic05.jpg


الأمريكي الشهير طبعاً ما يحتاج مدح مني لكن المميز فيه فطيرة الفراولة والماك اريبيان

موقعه ( له فروع كثييييير بالعالم كله )

شارع الأمير عبدالله بن عبدالعزيز

حي الورود

الهاتف: 2645916

http://www.mcdonaldsarabia.com/
8
8
اسمعوا اغنية يوم الطفل العالمي pb189

_____________________

الفخار

http://www.ada.gov.sa/cgi-bin/images/itemID1415_photo01.jpg

السمك والمشويات ممتازة وموقعه مميز وجلساته للعوائل والعزاب حلوة وفيها رذاذ :)

موقعه

شارع العليا العام

حي العليا

الهاتف: 4623092 - 4659528

________________________

القرموشي

http://www.ada.gov.sa/cgi-bin/images/itemID1490_photo01.jpg

http://www.ada.gov.sa/cgi-bin/images/itemID1490_photo02.jpg

مطعم أكلات من المنطقة الجنوبية لكن ممتاز وأنا احب هالنوع من الأكل

عندهم معصوب مع القشطة والعسل خيال

له فروع كثيرة في الرياض وافضلها برايي فرع المرسلات

_________________________

مكاني

مطعم هندي عنده قطع دجاج اسمها Makani lolly pops بس عجيبة ولا تفوتكم المرقة نسيت اسمها

مشكلته هالمطعم جلساته اي شي :D زحمة ومكتووووم

موقعه

حي السليمانية شارع الأمير ممدوح ( اعتقد ) :cool:

_________________________

Fuddruckers

http://fuddruckershamburgers.com/fuddruckers_pictures/Fuddruckers-logo.jpg

ميزته هالمطعم كل شي طااازج وعليهم سلطات و ستيك ما يفوّت

موقعه

حي الحمرا مخرج 10 من جهة الشرق

وهذا موقعه على النت

http://www.fuddruckers.com/

_____________________

Lotus

مطعم للوجبات الصينية السريعة حليو وأسعاره رخيصة

موقعه

حي السليمانية قريب من مطعم مكاني الهندي

_______________________

البطريق

همبورجر ديلوكس بحياتي ماذقت مثله :eek: لا يفوتكم طازج وطعمه شي خيال

موقعه

له اربع فروع بالرياض .. طريق التخصصي بجانب بندة وفرع ثاني في الثمامة قبل الدوار الأول << يسمع بالوصف pb027

وفرع ثالث على طريق الستين الملز والأخير على طريق الملك فهد

_____________________

الأفندي

مطعم متخصص بالبروستد لكن مافي مثله وانا اعتبره افضل من كنتاكي لكن المشكلة موقعه بعيييد في النسيم :(

وله فرعين الظاهر في الملز

_____________________

هاشم

للحمص والفلافل pb027

موقعه

شارع خالد بن الوليد ( إنكاس ) وله أكثر من فرع غيره وهي امتداد للأصل في الأردن


____________________


و هذي مجموعة من المطاعم الاضافية ، اضغطو على اسم المطعم لقرأة ما كتب عنه:


مطعم تاو (http://www.eqla3.com/vb/showthread.php?t=173159)

مطعم توكيو الياباني (http://www.eqla3.com/vb/showthread.php?t=173574)

مطعم نوادر الصيني (http://www.eqla3.com/vb/showpost.php?p=3197875&postcount=6)

مطعم ابل بيز (http://www.eqla3.com/vb/showpost.php?p=3198102&postcount=7)

مطعم كريب اوي (http://www.eqla3.com/vb/showpost.php?p=3200246&postcount=8)

هذي مشاركة اخرا تتحدث عن مطعك كريب اوي (http://www.eqla3.com/vb/showpost.php?p=3360774&postcount=75)

مطعم بعلبك (http://www.eqla3.com/vb/showpost.php?p=3202943&postcount=13)

مطعم سعد الدين (http://www.eqla3.com/vb/showpost.php?p=3203443&postcount=15)

مطعم و مقهى سبازيو في برج المملكة (http://www.eqla3.com/vb/showpost.php?p=3219850&postcount=37)

مطعم الانتركوت في الفيصلية (http://www.eqla3.com/vb/showpost.php?p=3221250&postcount=38)

مطعم و مقهي A11 (http://www.eqla3.com/vb/showthread.php?t=196421)

مطعم زعفران الهندي (http://www.eqla3.com/vb/showthread.php?t=197607)

مطعم نكهات (http://www.eqla3.com/vb/showpost.php?p=3275384&postcount=46)

مطعم دارين و مطعم النخبة (http://www.eqla3.com/vb/showpost.php?p=3289105&postcount=55)

مطعم النورس الباكستاني (http://www.eqla3.com/vb/showpost.php?p=3289162&postcount=57)

مطعم صب واي الامريكي (http://www.eqla3.com/vb/showpost.php?p=3298002&postcount=62)

دليلكم لمقاهي (كوفي شوب) الرياض (http://www.eqla3.com/vb/showthread.php?t=199377)

مطعم اويسس للماكولات البحرية (http://www.eqla3.com/vb/showpost.php?p=3377136&postcount=77)

مطعم فورتي فور (44) (http://www.eqla3.com/vb/showpost.php?p=3377346&postcount=79)

مطعم فاهيتا افينيو (http://www.eqla3.com/vb/showthread.php?t=205639)



___________________

وانشاءالله بيتم تحديث الموضوع بستمرار.

VEER - ZAARA
04-01-2006, 06:27 PM
خلاص مابي منكم شي يالقعيطية pb131

هذي موضوعين لمشرفنا اسبرنزا عن

مطعم تاو (http://www.eqla3.com/vb/showthread.php?t=173159)

مطعم توكيو الياباني (http://www.eqla3.com/vb/showthread.php?t=173574)

عطونا تجاربكم لا هنتوا

وان شاء الله اليوم بسيّر على مطعم Crep Away اللي في التخصصي واعطيكم رايي فيه

C ya :)

تجاعيد الماء
05-01-2006, 11:20 PM
تبي الصدق قروشنا راحت على المطاعم مهوب من الجوع يالله لك الحمد و الشكر إلا من الملل من جدران البيت pb093
~~
عندهم تشيز كيك يونس مع شاي نعناع وجلسات ماعليها
منهو يونس pb027
ّ
فيه مطعم مره روعه اسمه الزعفران للمأكولات الهنديه أكله خطيييييير pb030 في السليمانيه شارع عبدالله الحمدان 0



VEER - ZAARA يعافيك ربي عالمعلومات القيمه bp039

Juhaina
05-01-2006, 11:34 PM
أهم مطاعم عندي بالرياض:

Royal Gulf Chinese Restaurant اللي ورا برج التعاونية...
كل ويك اند هناك و اطلب نفس الاوردر من أول ما انخلقت:
chicken corn soup
shrimp spring rolls
mixed fried noodles
shrimp with cashew nuts

Steak House بشارع الثلاثين...
أحلى soup and salad عندي بالعالم....
و ال sirlion steak عندهم حلو...

Roma الفرع اللي بعماير السيركون...
ال stuffed veal حقهم مرة حلو خصوصاُ يوم يكون medium و احمر من جوا :D ...

Caravan اللي بأوتيل الخزامى...

برج الحمام مقابل مستشفى التخصصي...
اموت بالجبنة حقتهم و الششبرك كمان...

تحياتي...

Esperanza
06-01-2006, 01:55 AM
VEER - ZAARA


ماشاءالله ، وش هالزين كله

انت الحين مستقصدني ولا وش السالفة.

ترا والله ودي اخفف وزني ، ارحمني الله يرحم والديك.

و مشكور على الاهداء يا حلو.

و لي عوده انشاءالله عشان اعطيك رائى في بعض المطاعم

لك الشكر و التحية


الموضوع مثبت

VEER - ZAARA
06-01-2006, 03:03 AM
اليوم رحت لمطعم نوادر الصيني اللي على شارع الابراج خلف وكالة الجميح - طريق خريص

صراحه المطعم غويلي ولاهو ذاك الزود صراحه يمكن لأننا طلبنا أكل spicy pb192

لكن كـخدمة وجلسات ممتاز :)

golden deema
06-01-2006, 06:50 AM
موضوع بيكون مرجع لنا في العطله :)

بس باضيف مطعم جديد امريكي توه فاتح بالرياض اسمه ابل بيز apple bees

في شارع التحليه طبعا مابعد زرته على قول اخوي مافيه عوائل لحد اللحين :rolleyes: pb093

هو على غرار شيليز بالنسبه لي شيليز افضل pb030

http://www.applebees.com/global_images/masthead_logo.jpg


http://www.applebees.com/ ( http://www.applebees.com/)


وبعد فيه crepaway

يقع في شارع التخصصي والفرع الثاني في مركز غرناطه

http://www.crepaway.com/Crepaway_content.html ( http://www.crepaway.com/Crepaway_content.html)



شكرا لك ....

VEER - ZAARA
07-01-2006, 01:00 PM
الحمد لله توني مخلص أكل من مطعم CrepAway صراحه مطعم لا يعلى عليه

أسعاره ممتازة وديكوراته وإضائته حلوة وفيه شاشات عرض الجزيرة الرياضية

كراسي وثيرة << متعوب عليها هذي :D وموسيقى ( مادروا عنهم المطاوعة ولا كان علوم pb027 )

أما الأكل شي ثاني pb030 ألذ أكل ذقته بين مطاعم الرياض كلها

و عندهم عروض حلوووووة ما راح اقولكم عنها pb034

نصيحة لا يفوتكم مطعم كريب اعطيه 10/10 pb192

ولد الديمن
07-01-2006, 01:16 PM
موضوع بطل
وجا في وقته
يا جماعه ابي مطعم عوايل و جلسات رايقه
و مايكلف أكثر من 100 للشخص
==
شكرآ محترفه ،،

VEER - ZAARA
07-01-2006, 07:52 PM
نسيت اعطيكم رقمه للحجز 2010505 وموقعه مثل ما ذكرت في اول الموضوع على شارع التخصصي ..

VEER - ZAARA
07-01-2006, 07:57 PM
موضوع بطل
وجا في وقته
يا جماعه ابي مطعم عوايل و جلسات رايقه
و مايكلف أكثر من 100 للشخص
==
شكرآ محترفه ،،

هلا ولد الديمن :) ..

حدد نوع الأكل المطلوب ( خفيف , هندي ,صيني ..الخ )

وابشر بالخير دامك عوايل pb027 بس تراني محترف pb192 مب محترفة pb094

pixy
08-01-2006, 03:27 AM
ماشاء الله :)


شكلنا بنسمن بهالإجازة :rolleyes:



يعطيك العافيه أخوي VEER - ZAARA


بس والله البطريق من جدّ عنده هامبورجر عجييييييييييييييب

Esperanza
08-01-2006, 02:08 PM
السلام عليكم ورحمة الله


انا بستغل الفرصة هذي و اكتب لكم عن تجاربي مع بعض مطاعم مدينة الرياض طبعاً بتكلم لكم من وجهة نظر عائلية لاني الحقيقة ما بعد بديت اعرف المطاعم هذي الا بعد الزواج ، ولا قبل الزواج كان حدي مكدونلدز و برقر كينق و محلات الفول اللي في الحاره.


- مطعم بعلبك -

و موجد على شارع العروبة في اتجاه المطار القديم.

هذا كان اخر مطعم رحت له ، لذلك اتذكره زين.


الجلسات في المطعم لك عليها و تقل انك في جحر ضب مهوب على طاولة و الديكورات كانت مو الي ذاك الحد ، طبعاً انا ابني مقارنتي على المطعم اللبناني المنافس له و هو الريف اللبناني.

يمكن احلى ما فيهم اذا جابو لك العلف (خس و جرجير و نعناناع و فجل و مجموعة من الخضار الاخرا) اول ما تجلس على الطاولة ، بالاضافة الي الزيتون و الطرشي. طبعاً انا ما انصحكم تدقون في الماكولات هذي لانكم بتشبعون منها قبل ما يجي الطلب الرئيسي حقكم.

الحمص حقهم بصراحة زين و اللي يحب الثوم منكم يطلب لبنة بالثوم.

بالاضافة الي الحمص و اللبنة بالثوم انا طلبت سمبوسة بالجبن بس ما جابوها لي لذلك اضطررت الغيها في النهائية.

المعزبة طلبت شيش برك و هو قطع من لحم الغنم مقلية بطريقة معينة و مطبوخة في داخل لبن ، تقول المعزبة انها زينة ، انا مالي رائي فيها لاني ما اكل لحم الغنم.

انا طلبت لي سبقتي بلونيز على لحم العجل بس الحقيقة ما جازت لي.

و طلبت لي 2 كوكا كولا لايت و طلبنا شمبين سعودي.

و كانت التكلفة الاجمالية تعتبر رخيصة نوعاً ما (129 ريال).

انا عن نفسي ما حبيت المطعم و ارا بان الريف اللبناني افضل منه بمراحل.

و انشاءالله اعود لكم و اتكلم عن مطعم ثاني.

انوار الرياض
08-01-2006, 03:11 PM
بصراحه كروكي رائع للمطاعم هههههههههه كل الشكر والله يعطيك العافيه

بس الافندي وش جابه في النسيم خبري انه في الخزان خخخخخخخ

وفيه مطاعم كثيره رحنا لها من الي ذكرتها بس كانت اسعارها دبل بس اهم شي اننا وسعنا صدورنا وبلعنا هههههه

Esperanza
08-01-2006, 07:11 PM
السلام عليكم ورحمة الله


مطعم سعد الدين


و يقع على شارع الثلاثين في السليمانية من جهة اسواق التميمي.


اليوم تغديت في المطعم انا و المعزبة بعد صلاة المغرب pb027

القسم العائلي في المطعم يقع في الدور الثاني ، بس لا تشيلون هم ترا فيه اصنصير.

اول ما تدخل مع الباب بيجيك واحد هندي لابس ملابس بوابين و بيفتح لك الباب و بيرحب بك بلغة عربية مكسرة ، الديكور اول ما تدخل مع الباب جميل جداً.

في الدور الثاني رحب فيني جرسون فلبيني كاشخ بذيك البدلة السودا و بعدين وداني على طاولة جزء منها كان يشبة الجلسة العربية المرتفعة. (كل العمال انا لاحضت انهم فلبينيين)

الجلسة كانت حلوه و وسيعة و اذا بغيت فيه حاجز متحرك يصكه عشان تأخذ راحتك.

الحقيقة اعجبتني اسعاره (الببسي فقط بريالين).

طلبت لي حمص (7 ريال) و سمبوسة جبن (10 ريال) و شوربة ذرة (10 ريال). الحمص كان زين الا ان حمص بعلبك كان احسن منه ، و الشوربة كانت مقبولة و سمبوسة الجبن كانت زينة لكن شوي مزيتة. اكثر ما اعجبني الخبز اللي جابوه.

الطلب الرائيسي ما طول ، يعني خلال 15 دقيقة كان جاهز.

انا طلبت صحن من لحم العجل المقطع و علية حبتين ربيان و علية صلصة الظاهر انها من الثوم. و كانت خيالية و بالذات اذا اكلتها مع الخبز الحار حقهم.

المعزبة طلبت اسكلوب بانية لحم العجل و كان علية صلصة الفطر ، و اكنت بالفعل زينة و لذيذة


الفاتورة كانت معقولة جداً (129 ريال) و بدون رسم خدمة (ما يأخذون رسم خدمة).


بصفة عامة المطعم زين و اسعاره جداً معقولة و ديكوراته و جلستة جداً حلوه.

انا توقعت ان المطعم كونه حق ولد الحريري انه يكون لبناني تقليدي ، لكن طلع معضم الاكل عندهم تشكيلة من المطبخ الغربي.

و اللي القاء في تقرير عن مطعم اخر.

Juhaina
08-01-2006, 07:15 PM
عن جد سعد الدين حق سعد الدين الحريري؟؟؟

VEER - ZAARA
09-01-2006, 03:53 AM
تبي الصدق قروشنا راحت على المطاعم مهوب من الجوع يالله لك الحمد و الشكر إلا من الملل من جدران البيت pb093
~~

منهو يونس pb027
ّ
فيه مطعم مره روعه اسمه الزعفران للمأكولات الهنديه أكله خطيييييير pb030 في السليمانيه شارع عبدالله الحمدان 0



VEER - ZAARA يعافيك ربي عالمعلومات القيمه bp039

يونس شلبي :D ..

الزعفران .. تم تسجيل الإسم ووضعه في قائمة المطلوبين للعدالة pb027

تلسمين اختي تجاعيد العجيّز pb027

الكاسر888
09-01-2006, 12:49 PM
مطعم القرموشي عندهم قلابه مافي مثلها..

ولد الديمن
09-01-2006, 08:07 PM
هلا ولد الديمن ..

حدد نوع الأكل المطلوب ( خفيف , هندي ,صيني ..الخ )

وابشر بالخير دامك عوايل بس تراني محترف مب محترفة

خخخخخخخخخخخخخ هلا محترف
الأكل المطلوب يكون منوّع و اتيكيت و يفضّل فيه التجديد الأهم من كذا انه ملائم لكل أفراد العائلة
و مشكور يا خلفهم

VEER - ZAARA
10-01-2006, 12:26 PM
خخخخخخخخخخخخخ هلا محترف
الأكل المطلوب يكون منوّع و اتيكيت و يفضّل فيه التجديد الأهم من كذا انه ملائم لكل أفراد العائلة
و مشكور يا خلفهم

أنصحك تجرب مطعم CrepAway أو Applebee's

الأول على شارع التخصصي والثاني على التحلية عندهم أكلات متنوعة وأسعارهم ممتازة :) ..

VEER - ZAARA
10-01-2006, 01:18 PM
أهم مطاعم عندي بالرياض:

Royal Gulf Chinese Restaurant اللي ورا برج التعاونية...
كل ويك اند هناك و اطلب نفس الاوردر من أول ما انخلقت:
chicken corn soup
shrimp spring rolls
mixed fried noodles
shrimp with cashew nuts

Steak House بشارع الثلاثين...
أحلى soup and salad عندي بالعالم....
و ال sirlion steak عندهم حلو...

Roma الفرع اللي بعماير السيركون...
ال stuffed veal حقهم مرة حلو خصوصاُ يوم يكون medium و احمر من جوا :D ...

Caravan اللي بأوتيل الخزامى...

برج الحمام مقابل مستشفى التخصصي...
اموت بالجبنة حقتهم و الششبرك كمان...

تحياتي...

برج الحمام هو المعقول بينهم أما البقية مالها داعي نطر عند المساجد قبل تبدأ الدراسة pb027

تسملين يا جهينة على الإضافة وكل عام وانتي بخير ..

VEER - ZAARA
10-01-2006, 01:21 PM
VEER - ZAARA


ماشاءالله ، وش هالزين كله

انت الحين مستقصدني ولا وش السالفة.

ترا والله ودي اخفف وزني ، ارحمني الله يرحم والديك.

و مشكور على الاهداء يا حلو.

و لي عوده انشاءالله عشان اعطيك رائى في بعض المطاعم

لك الشكر و التحية


الموضوع مثبت

عندي لك حل شرايك تروح لمطعم وتطلب أكل للمدام وانت تطالع بس << آخر أساليب التعذيب pb027

مشكور جداً على التثبيت وكل عام وانت بخير :) ..

VEER - ZAARA
10-01-2006, 01:30 PM
موضوع بيكون مرجع لنا في العطله :)

بس باضيف مطعم جديد امريكي توه فاتح بالرياض اسمه ابل بيز apple bees

في شارع التحليه طبعا مابعد زرته على قول اخوي مافيه عوائل لحد اللحين :rolleyes: pb093

هو على غرار شيليز بالنسبه لي شيليز افضل pb030

http://www.applebees.com/global_images/masthead_logo.jpg


http://www.applebees.com/ ( http://www.applebees.com/)


وبعد فيه crepaway

يقع في شارع التخصصي والفرع الثاني في مركز غرناطه

http://www.crepaway.com/Crepaway_content.html ( http://www.crepaway.com/Crepaway_content.html)



شكرا لك ....

Apple bee's بسرعه فتح عندنا بعكس شيليز اللي للحين يعدلون في الديكورات لهم سنة :cool:

عندي إحساس انه المطاعم الأمريكية ( كريب وأبل وماكدونالدز وغير ه) بتغطي على هرفي وطقته ..

ان شاء الله ابجرب مطعم ابل لأني شفت موقعهم فيه أكلات ممتازة ..

تسلمين على الإضافة يا ديما وكل عام وانتي بخير :) ..

VEER - ZAARA
10-01-2006, 01:34 PM
ماشاء الله :)


شكلنا بنسمن بهالإجازة :rolleyes:



يعطيك العافيه أخوي VEER - ZAARA


بس والله البطريق من جدّ عنده هامبورجر عجييييييييييييييب



pb027

الله يعافيك وانا أنصح الاخوان والاخوات يجربون هبورجر البطريق الديلوكس لانه مثل ما قلت عجييييييب pb192

و كل عام وانت بخير اخوي pixy ..

VEER - ZAARA
11-01-2006, 05:58 AM
السلام عليكم ورحمة الله


انا بستغل الفرصة هذي و اكتب لكم عن تجاربي مع بعض مطاعم مدينة الرياض طبعاً بتكلم لكم من وجهة نظر عائلية لاني الحقيقة ما بعد بديت اعرف المطاعم هذي الا بعد الزواج ، ولا قبل الزواج كان حدي مكدونلدز و برقر كينق و محلات الفول اللي في الحاره.


- مطعم بعلبك -

و موجد على شارع العروبة في اتجاه المطار القديم.

هذا كان اخر مطعم رحت له ، لذلك اتذكره زين.


الجلسات في المطعم لك عليها و تقل انك في جحر ضب مهوب على طاولة و الديكورات كانت مو الي ذاك الحد ، طبعاً انا ابني مقارنتي على المطعم اللبناني المنافس له و هو الريف اللبناني.

يمكن احلى ما فيهم اذا جابو لك العلف (خس و جرجير و نعناناع و فجل و مجموعة من الخضار الاخرا) اول ما تجلس على الطاولة ، بالاضافة الي الزيتون و الطرشي. طبعاً انا ما انصحكم تدقون في الماكولات هذي لانكم بتشبعون منها قبل ما يجي الطلب الرئيسي حقكم.

الحمص حقهم بصراحة زين و اللي يحب الثوم منكم يطلب لبنة بالثوم.

بالاضافة الي الحمص و اللبنة بالثوم انا طلبت سمبوسة بالجبن بس ما جابوها لي لذلك اضطررت الغيها في النهائية.

المعزبة طلبت شيش برك و هو قطع من لحم الغنم مقلية بطريقة معينة و مطبوخة في داخل لبن ، تقول المعزبة انها زينة ، انا مالي رائي فيها لاني ما اكل لحم الغنم.

انا طلبت لي سبقتي بلونيز على لحم العجل بس الحقيقة ما جازت لي.

و طلبت لي 2 كوكا كولا لايت و طلبنا شمبين سعودي.

و كانت التكلفة الاجمالية تعتبر رخيصة نوعاً ما (129 ريال).

انا عن نفسي ما حبيت المطعم و ارا بان الريف اللبناني افضل منه بمراحل.

و انشاءالله اعود لكم و اتكلم عن مطعم ثاني.

وعليكم السلام ورحمة الله وبركاته .. حي الله المشرف :) << جحد مقدور pb027

صراحه على سعره هذا وكلامك انه مهو ذاك الزود ما يستاهل نحطه في القائمة ( قائمة المطلوبين pb027 )

أنا ذكرت مطعم نوادر الصيني وقلت انه غويلي :D لأنه الحساب طلع 170 ريال تقريباً لكن احنا أربع أشخاص pb192

ودقينا في الأكل لما دخنا ( معكرونة وقطع دجاج ولحم وعصيرات وغيره ) وبعدها طلبنا شاي صيني pb030

عمووماً هي تجارب والتجربة خير بركان ..

ركبة البعير
11-01-2006, 04:27 PM
امس اول العيد تعشيت بأبل بيز (نحلة التفاح) وكليت اللين طلع الاكل مع خشمي طبعا اهم شي طلبت مقبلات حقتهم مشكله(تور يعني برج) تجيك على شكل برج به اجنحة دجاج وحلقات بصل بس مش دائرية وخبيزات جواها دجاج وصحن به جبن و شي اخضر حلو المهم طلبت ستيك ابل بيز وجمبري و باستا مع ستيك دجاج بالزبدة طبعا مو وحدي معي صاحبي
قسم العوائل بيفتح بداية شهر فبراير ولايفوتكم المطعم وشكرا للموضوع

ابووفىماعنه خفى
12-01-2006, 08:04 PM
ماما نور
وفتح فرع ثاني قي شارع الأبراج

بجوار بروست غصن التوت بحي السويدي هناك بعيد علينا يا اهل النظيم pb095

وغصن التوت له فرعين bp039

واحد في السويدي والثاني في الشفاء pb189

ايضا عمو حمزه

له فرعين

واجد في المربع

والثاني في البديعه على طريق المدينة

شـادن
13-01-2006, 12:29 AM
عن جد سعد الدين حق سعد الدين الحريري؟؟؟



لا مو حقه :| pb036

حق واحد اسمه سعد الدين بس مو الحريري

وياكرهي لذا المطعم بعد ... مانفطر ونتغدى الا عليه بالجامعه :mad:

:D

بوهه طايره
13-01-2006, 11:05 AM
كل عام وانتو طيبين


ليتني شفت الموضوع قبل اسبوع :(
في السفر اكثر شيء نعاني منه المطاعم

بصراحها احنا ما جربنا من مطاعم الرياض الا اللي نعرفهم او يصيرون قريبين منا
مثل فدركرز وبلانت هوليوود .. اكلهم معروف طيّب



لكـن المصيبه كانت فـ الفورسيزن pb093

غالي والأكل مو مره ..
عندهم فتوشويني بحري .. ريحته استغفر الله تجيب الهم pb093
والبرجر اللي يجي بمنيو السناكس .. استهباال
ونفس الشيء ام علي .. مرره عاديه وحلاها زايد يغثّ
بس الكلوب ساندويتش والبطاطا المقليه لذيذين << اخاف انتي ميته جوع pb027

ومن بوفيه يوم الجمعه ...
الطماطم المحشّيه كانت كويسه والحلويات مرره طيبه يمي يمي


ومايفرق عنه كثير الفيصليه .. طباخهم مو مره
حتى كيكة التمر حقتهم يعني



برايفت جهينه :/

Caravan اللي بأوتيل الخزامى...

هل هو نفسه التابع للأوتيل ؟
لأن مره سكنّا في الخزامى وطلبنا من المنيو اللي عندنا وجانا اكل مو مره
مع ان زوجة عمي تمدح الخزامى ومطيرته فوووق واحنا جانا شيء مرره عادي مو لهذيك الدرجه

ياليت تفيدينا .. حتى لو كان غير اذا جينا المره الجايه الرياض نجربه :)



،

جهد حلووو .. يعطيكم العافيه bp039

.. تم حفظ الموضوع ..

:)

VEER - ZAARA
13-01-2006, 01:59 PM
بصراحه كروكي رائع للمطاعم هههههههههه كل الشكر والله يعطيك العافيه

بس الافندي وش جابه في النسيم خبري انه في الخزان خخخخخخخ

وفيه مطاعم كثيره رحنا لها من الي ذكرتها بس كانت اسعارها دبل بس اهم شي اننا وسعنا صدورنا وبلعنا هههههه

وفيه له فرع بالنسيم :) ..

حياك اختي :) ..

VEER - ZAARA
13-01-2006, 02:19 PM
السلام عليكم ورحمة الله


مطعم سعد الدين


و يقع على شارع الثلاثين في السليمانية من جهة اسواق التميمي.


اليوم تغديت في المطعم انا و المعزبة بعد صلاة المغرب pb027

القسم العائلي في المطعم يقع في الدور الثاني ، بس لا تشيلون هم ترا فيه اصنصير.

اول ما تدخل مع الباب بيجيك واحد هندي لابس ملابس بوابين و بيفتح لك الباب و بيرحب بك بلغة عربية مكسرة ، الديكور اول ما تدخل مع الباب جميل جداً.

في الدور الثاني رحب فيني جرسون فلبيني كاشخ بذيك البدلة السودا و بعدين وداني على طاولة جزء منها كان يشبة الجلسة العربية المرتفعة. (كل العمال انا لاحضت انهم فلبينيين)

الجلسة كانت حلوه و وسيعة و اذا بغيت فيه حاجز متحرك يصكه عشان تأخذ راحتك.

الحقيقة اعجبتني اسعاره (الببسي فقط بريالين).

طلبت لي حمص (7 ريال) و سمبوسة جبن (10 ريال) و شوربة ذرة (10 ريال). الحمص كان زين الا ان حمص بعلبك كان احسن منه ، و الشوربة كانت مقبولة و سمبوسة الجبن كانت زينة لكن شوي مزيتة. اكثر ما اعجبني الخبز اللي جابوه.

الطلب الرائيسي ما طول ، يعني خلال 15 دقيقة كان جاهز.

انا طلبت صحن من لحم العجل المقطع و علية حبتين ربيان و علية صلصة الظاهر انها من الثوم. و كانت خيالية و بالذات اذا اكلتها مع الخبز الحار حقهم.

المعزبة طلبت اسكلوب بانية لحم العجل و كان علية صلصة الفطر ، و اكنت بالفعل زينة و لذيذة


الفاتورة كانت معقولة جداً (129 ريال) و بدون رسم خدمة (ما يأخذون رسم خدمة).


بصفة عامة المطعم زين و اسعاره جداً معقولة و ديكوراته و جلستة جداً حلوه.

انا توقعت ان المطعم كونه حق ولد الحريري انه يكون لبناني تقليدي ، لكن طلع معضم الاكل عندهم تشكيلة من المطبخ الغربي.

و اللي القاء في تقرير عن مطعم اخر.

ماشاء الله حللتهم تحليل حلو :D ..

المطعم باين عليه ممتاز وأكله متنوع وأسعاره جيدة بالنسبة للخدمة وجودة الأكل ..

تم إضافته للقائمة وان شاء الله المرة الجاية إذا زرت مطعم بحلله تحليل مثلك علشان نستفيد ونختار الأفضل ..

نصيحة ياجماعة إذا احد يبي فطور أو غدا أكل لبناني يجرّب مطعم الفخّار على طريق الملك فهد

وهذا رقمهم 4659991 ولا أنصح بالعشا فيه لأنه دايماً زحمة في الليل بشكل ما تتخيلون :( ..

VEER - ZAARA
13-01-2006, 02:27 PM
مطعم القرموشي عندهم قلابه مافي مثلها..

صراحه القرموشي مطعم شعبي ممتاز لكن مشكلته الخدمة مثل كل المطاعم اللي من هالنوع pb192

شي ثاني الجودة تختلف من فرع لفرع عندك فرع النسيم لو يعطوني فلوس مع أكلهم ما أخذته pb093

عندك فروع الروضة والمرسلات والملز حلوين :) ..

ددسن كوبيه
13-01-2006, 04:24 PM
الريف اللبناني بطل!! وبلس هاوس حلو بعد ووتر ليمون عليهم بيتزا بطله عالعموم كلهم بالتحليه ذول ولا يفتوكم كبابجي ومطعم جي فرح وزيت وزعتر صراحه زيت وزعتر انصحكم تفطرون فيه هو وجي فرح لان احس فطور عندهم احسن

Le Fils Fier
14-01-2006, 10:30 AM
ما شاء الله عليكم مطاعمكم واجد عشان كذا أغلبكم سمان >>>> بينجلد .

أنا إذا جيت الرياض ما اكل في مطاعم اكل في بيوت أخاف أتسمم <<<< الولد من جد متسبب .

بس في مره أكلت من مطعم أسمه البحصلي ركزوا في اسمه و ما عجبني أكله .

اذا تعرفون مطاعم متخصصه في الكورن فليكس ( عشقي الأول و الأخير ) علموني بشرط تكون في المنطقه الشرقيه أو مطاعم تكون شايله الأجبان و اللحوم الحمرا من المنيو حقها لاني الحمدلله عندي حساسيه و كره شديد لها . <<< شكلك بتطول .


صاحب الموضوع مشكور على الوصف .

VEER - ZAARA
14-01-2006, 07:30 PM
امس اول العيد تعشيت بأبل بيز (نحلة التفاح) وكليت اللين طلع الاكل مع خشمي طبعا اهم شي طلبت مقبلات حقتهم مشكله(تور يعني برج) تجيك على شكل برج به اجنحة دجاج وحلقات بصل بس مش دائرية وخبيزات جواها دجاج وصحن به جبن و شي اخضر حلو المهم طلبت ستيك ابل بيز وجمبري و باستا مع ستيك دجاج بالزبدة طبعا مو وحدي معي صاحبي
قسم العوائل بيفتح بداية شهر فبراير ولايفوتكم المطعم وشكرا للموضوع

شكراً لك على الإضافة والمعلومة بخصوص قسم العوائل لأني كنت اعتقد انه مفتوح :) ..

Esperanza
18-01-2006, 03:01 AM
السلام عليكم ورحمة الله


مطعم سبازيو

المطعم موجود في الدور السابع و السبعون (77) في برج المملكة (يعني أنت و السحاب جنب بعض)pb027

موقع برج المملكة على خريطة الإقلاع لمدينة الرياض:

http://www.eqla3.com/vb/showpost.php?p=3108607&postcount=47


أمس بالليل قررت ادلع المعزبة و أوديها لم مطعم جديد فكان اختياري لمطعم سبازيو على انه من أفضل المطاعم في مدينة الرياض.

اتصلت على المطعم من العصر (هذا تلفونهم 2111888) و حجزت لي طاولة على الساعة 9 بالليل.

توكلت مع المعزبة للمطعم و بعد ما عدينا حقين التفتيش اللي يغثونك و يخلونك تفتح كبوت الموتر و شنطته لأنهم خائفين انك حاطن قنبلة (ما يدرون إن المرتبة الخلفية ممكن يحط تحتها طن متفجراتpb034 ) ، و سفطت قدام مدخل برج المملكة و ما دريت إلا و ذاك الهنديين ناقزين و احد منهم فتح باب المعزبة و الثاني فتح بابي (ترى كل هذا بسبب اللون العناب للهوندا) ، يوم نزلت من السيارة ما دريت إلا و الهندي مطلع لي كرت اصفر و بعدين راح و ركب في مكاني في السيارة ، الحقيقة إنا طارت عيوني ، صحيح إن الهوندا تأخذ العقل بس مهوب إلي درجة انه يسرقها و إنا واقف قدامه ، سألت الهندي وش السالفة فقال لي انه بيروح يوقفها لي ، فبكذا تطمنت شوي.

دخلنا البرج و سألت عن المطعم فدلوني طرقة ، يوم وصلت عند الاصنسير اللي قالوا لي عنه نقز لي واحد ثاني بس المره هذي كان سعودي لابس ذيك ألبدله الكشخة (انا حسبته صاحب المطعم) فقال لي "عندك حجز" فقلت له أكيد ، سألني "وش اسمك" فقلت له يعني ما عرفتني "إنا اسبرانزا ولد أبو اسبرانزا رد على و قال " ونعم ، تفضل".

رحت للاصنسير و ضغطت الزر حقة و قعدت انتظره يؤصل ، راحت دقيقة و بعدها دقيقة ، و صارت الدقائق تجر الدقائق و فكرت اهون عن السالفة و ارجع للبيت ، بس ما أمداني أقرر إلا و باب الاصنسير يفتح و يطلع لي ذاك الهندي اللي كاشخ أكثر من الثانين.

المهم بعد ما رحب فيني و حب خشميpb027 ضغط على زر الدور 77 و شوي ولا الاصنسير يمغط ذيك المغطه اللي حسيت معها إن مصاريني طلعت من مكانها ، يعنبو هالاصنسير كان في كل ثانية يعدي حدود أربع ادوار.

خلال دقيقة وصلنا للدور 77 و فتح باب الاصنسير ، اول ما طلعت مع الباب و تنسد اذاني كاني توي نازل من طيارة (هذا لان المكان مرتفع) توجهت للمطعم و لاقاني واحد هندي كاشخ أكثر بزود عن اللي قبل و سألني إذا إنا أبي القهوة أو المطعم ، قلت له المطعم فوداني لمه ، يوم اقبلت على المطعم و ينقز لي هندي ثاني (يا كثر ما يتناقزون هالهنود) و قال لي "السيد اسبرانزا ولد أبو اسبرانزا" إنا طارت عيوني وشلون عرف اسمي حتى اني شكيت إني لين الحين معلق الإثبات حق الدوام ، بس يوم تاكدات اني ما كنت ناسي بطاقة العمل على مخبات ثوبي قلت له ايه إنا اسبرانزا (طبعاً بغيت اسأله وشلون عرف اسمي بس قلت لنفسي يا ولد اركد).

قعدنا الهندي الكاشخ على طاولة في وسط المطعم ، بس قبل ما نقعد نشبت فيه المعزبة و قالت له إن ودنا نقعد جنب الشبابيك الكبيرة اللي تطل على الرياض ، طبعاً الهندي عيا و قال إن الجلسة جنب الشبابيك يبي لها حجز خاص و لازم نكون على الأقل 5 أشخاص ، عاد توقعون المعزبة تركته ، لا والله نشبت في حلقة و بغت تخبطه بشنطتها (هي قشراء الله يخليها لي) إلا إني هديتها و وعدتها إن إحنا نجيب أمها و إخوانها المره الجاية عشان نصير أكثر من 5 أشخاص و يقدونا جنب الشبابيك.

جاب لنا الجرسون قائمة الأكل على لوح قزاز ياله يشيله الرجال من كبره (إنا استغربت وشلون ما طاح البرج من ثقل قوائم الأكل حقتهم) ، تصفحت قائمة الطعام و كان عندهم بس 3 أنواع شوربة فيها ، شوربة بحرية و شوربة ربيان و شوربة قرع (والله مال امها داعي شوربة القرع).

إنا و المعزبة ما جاز لنا شي من الشوربة فحولنا علطول على الدسم ، أكثر ما لفت نظري سالفة أكله عندهم من فخذ خروف يقولون أنهم يطبخونها لمدة 7 ساعات (يعني لو اطلبها ما تجهز إلا بكرة).

لفيت على القائمة كلها فجازلي شرائح لحم العجل المشوية بالزبدة و 20 نوع من التوابل و كان اسمها دايلا ماما ، إما المعزبة فطلبت نوع من المكرونة الايطالية.

طبعاً طول الوقت كان الجرسون واقف على بعد كم متر مننا و يناظرنا و الظاهر يقول في نفسه وش جابنا للمطعم حقهم ، المهم ما أمدانا نحط قوائم الأكل على جنب إلا و نقز لنا الجرسون (ما قلت الكم يا حبهم للمناقز) و سألنا وش نبي نأكل و نشرب.

إنا طلبت لنفسي ببسي دايت (تراني حريص على رشاقتي) بسعر 10 ريال و المعزبة طلبت لنفسها عصير أناناس بسعر 16 ريال. و طلبت إنا اللحم حقي اللي كان بسعر 80 ريال ، إما المعزبة فيوم طلبت طلبها اقترح عليها الجرسون تأخذ صحن فيه ثلاث أنواع من المكرونه فوافقت (طبعن عرفت بعدين إن سعر الطبق حقها كان 90 ريال.)

سألنا الجرسون إذا نبي سلطة أو شوربة مع الأكل فقلنا له لا ، فقال لا لازم تطلبون ، إنا سألته إذا الشوربة من ضمن سعر الطبق اللي طلبناه فقال إيه. لذلك إنا طلبت لي الشوربة البحرية و المعزبة طلبت شوربة القرع.

جابو لنا الشوربة اللي كانت كل وحده منها في صحن صغير كله سبع ملاعق ولاه قاضي و جابو لنا معها خبز (الحقيقة خبزهم كان رائق.

بعدها بحدود العشر دقائق جابو لنا الطلبات الرئيسية ، الحقيقة اللحم حقهم كان مهبول و من جد لذيذ على الأخر ، و نفس الشي ينطبق على المكرونة.

نسيت أقول لكم إن الببسي اللي جابوه كان في كاس صغير ولا يجي ولا نصف العلبة الحقيقية حقت الببسي لذلك طلبت الببسي 3 مرات لأني كنت اعتقد انه بيكون ببلاش.

خلصنا من أكلنا و طلبنا الحساب.

الحساب كان 358 ريال و من ضمنه 50 ريال رسم خدمة ، و الأكثر من كذا الشوربة حقتهم اللي ما تجي ربع علبة ببسي كانت بفلوس ولا هي ببلاش ، وكان سعر كل وحده منها 50 ريال.


بعد ما دفعنا الحساب و دعينا على المطعم و مسكنا الباب مرينا لنا على فوال و أخذنا لنا تميسة و صحن قلابة بخمسة ريال لأننا ما شبعنا من الأكل في المطعم أبو 358 ريال.:mad:

هذا باختصار كان تجربتي في مطعم سبازيو و انصح كل واحد يقضب ارضة و يأكل فول أحسن له. الا اذا كان توه ماكل و الفلوس مضيقة عليها فممكن يروح ينقرس (يمزمز) عندهم على الاكل حقهم.


ملاحظات :

المطعم بديكوراته كان خيال.
كانو مشغلين موسيقا خاثرة في المطعم.
اكلهم جداً ممتاز
اغلب اللي كانوا في المطعم كانوا حريم.
كان يفضل انه يكون عندهم قسم منفصل للتدخين لان الحريم اللي كانوا في المطعم ذبحونا بدخانهمpb094 .


لكم الشكر و التحية

خيال نجد
18-01-2006, 02:36 PM
مطعم الأنتركوت ... في برج الفيصلية ... في الدور 20 لإذا ما خانتني الذاكرة

أحد فروع سلسلة مطاعم الأستيك العالمية انتركوت الؤسسة في باريس ...

المطعم ما يبيع الا طبق واحد فقط و هو استيك اللحم و يجي معاه طبق سلطة و بطاطس مقلي ... و سعر هذي الوجبة بدون الخدمة هو 99 ريال ... و اللذه الحقيقيه في " السوس " المحطوط على الاستيك ...

هذا المطعم ما يقدم الا لحم يعني الي ما ياكلون لحم لا يقبلون له ,,,

فيه قسم أفراد و قسم عوائل ...

للحجز 8001248998

رنـّو
19-01-2006, 07:07 PM
^
^
^
دا المطعم من جد جيد :) ..
له فرع بالسوليدير - بيروت

خيال نجد
19-01-2006, 08:26 PM
^
^
^
دا المطعم من جد جيد :) ..
له فرع بالسوليدير - بيروت

الفرع الأساسي في باريس في منطقة سنجرمان ... و له فرع ثاني في الشانزليزية ...

و له فرع في فرانكفورت ...

و في بيروت فتح قبل سنتين ...

و الرياض فتح فيها قبل شهرين ...

رحت لكل الفروع بإستثناء حق بيروت و كان أفضلهم الي في سنجرمان ...

MiSs ~ VirGo
23-01-2006, 06:49 PM
الفرع الأساسي في باريس في منطقة سنجرمان ... و له فرع ثاني في الشانزليزية ...

و له فرع في فرانكفورت ...

و في بيروت فتح قبل سنتين ...

و الرياض فتح فيها قبل شهرين ...

رحت لكل الفروع بإستثناء حق بيروت و كان أفضلهم الي في سنجرمان ...



حق بيروت ماحبيت السوس pb093


اللي بيروحون للانتركوت انصحكم بالكريمه مره يمممممممي .. اللي جربوها فباريس لايجربونها هنا لوول pb016


واهم شي قولو للويتر يخلي الستيك Well done pb036


وصحه وعافيه ;)
ثانكس عالموضوع :)



Regards ..
MiSs ~ VirGo

golden deema
24-01-2006, 04:17 AM
الفرع الأساسي في باريس في منطقة سنجرمان ... و له فرع ثاني في الشانزليزية

في حياتيي ما قد تحسفت اني اكلت في مطعم زي الانتركوت شانزليزيه pb093

ياحسافة 170 يورو علييهم كل ما تذكر يتعصر قلبي ستيكهم مره شين يحوم الكبد وخدمتهم زفت

والمشكله دايما زحمه :mad:

افضل ستيك اكلته عند كليم جنبر ارفاين و ستيك أليي اورلاندو :)

i 1 c u
31-01-2006, 02:26 AM
..

موضوع يستاهل التثبيت,,

حبيت أضيف بعض المطاعم ::

فاهيتا أفينيو -- شارع الضباب

CrepAway -- شارع التخصصي

جي فرح -- شارع التحلية

..

بوفيه فندق الفهد كراون يعتبر مميز

Esperanza
04-02-2006, 06:33 PM
السلام عليكم ورحمة الله


تقديراً لمجهود اخي (VEER - ZAARA) في اعداد و متابعة هذا الموضوع الجميل و بعد الحصول على موافقته ، فقد تم عمل ما يلي:

1) تغيير اسم الموضوع ليكون :

العشا عليكم الليلة (دليلكم لمطاعم مدينة الرياض)

2) اضافة روابط جميع المواضيع التي كتبت عن مطاعم مدينة الرياض لهذا الموضوع.

3) الابقاء على تثبيت الموضوع و جعله الموضوع الرئيسي و الدليل الكامل لمطاعم مدينة الرياض.

4) سوف يتم اظافة رابط اي موضوع يكتب عن المطاعم في مدينة الرياض لهذا الموضوع.


انشاءالله يقدم هذا الموضوع الفائدة لجميع سكان و زوار مدينة الرياض.


لكم الشكر و التحية

’S u l t a n
05-02-2006, 01:05 AM
:

:


صراحه معلومات حلوة .. تشكرون عليها كلكم

أنــا بسأل عن البيت الإيطالي .. أبي كل شي عنه اذا تكرمتوا pb094

CrepAway <- تم إدراجه في جدول الاسبوع القادم .. :D


:


:



:

آن*دو*تروا*
05-02-2006, 01:38 AM
Hi..

حلوه فكرة الموضوع ياليتني شايفته من قبل كل مره نحوس وين نرووح:(


المهم تعشينا في مطعم حلو شككله جديد اسمه " نكهات " هو كان بدال مطعم "ماربينيا" موقعه على طريق
الملك عبد الله بعد سيتي بلازا ..


اكلهم عجبني وخاصة (سلة الصياد )pb189 حلو وبعد ( مكرونة فوتو شيني الدجاج) رووووعة pb189 pb030

وديكور المطعم راقي وبسيط بس مو كبير مرهpb058 ..


وبس ..



:: :: ::

رسيــل
05-02-2006, 11:03 AM
VEER - ZAARA

يسلمووووووووو


خلينا نوسع صدورنا بهالاجازه


عندك بعد فودركرز بالتخصصي روعه


سي يااا

وش ملحـــــــه
06-02-2006, 04:05 AM
أحسن مطعم مشاوي في الرياض الريف اللبناني وبعدين سعد الدين

وفيه مطعم جديد أسمه باك يارد هو تبع ستيك هاوس موقعه بعد أسواق الجزيره ألي في السليمانيه على وأنت جاي من العماير السيريكون

اقرب بنشر
06-02-2006, 12:34 PM
الي يحب الكباب خبال شي مو طبيعي

مطعم الرافدين تقاطع الملك عبدالله مع التخصصي شمال بعد الاشارة وانت رايح شمال

اقرب بنشر
06-02-2006, 12:36 PM
فيه مطعم حلووو ورخيص صراحه ونضيف عمو حمزه لا يفوتكم الفتوش والربيان المشوي بدون قشر

اقرب بنشر
06-02-2006, 12:37 PM
الي يبي رز ولا في الخيال يقولي وانا اعطيكم مكان

ريــ الرياض ـوف
09-02-2006, 03:24 PM
الله يهديك وراك حطيت كل الاشكال
يعني ماك و تاو :D
مافيه تناسق ابد :D

يعطيك العافيه جهد تشكر عليه

بس من عندي


الريف اللبناني بالتحليه

الريف الايطالي بالتحليه

مطعم روما بالسيركون

بيتزا روما بالتحليه


ان ذكرت شي جيت

برب

fms
09-02-2006, 03:50 PM
بخصوص مطعم الانتركوت حق الستيك.

في اكثر من شركة لها نفس الاسم حتى في بيروت في السولدير في مطعمين بنفس الاسم.

أنا جربت واحد واعجبني هو الي مقابل فرايديز. وهذا المطعم له فرع بجنيف

سألت احد الي يشتغلون فرع الفيصلية تبعكم او لا؟

قالي شوف ان كان فيه كاتشب تراه مهوب حقنا.

احنا ما نقدم كاتشب

بس الشيء الي محيرني بفرع بيروت انه ما يشغلون ناس الا نفسهم خايسه. مالهم نفس لاحد و شوي يجلدون الزباين."تراني مبالغ شوي"

MishareH
09-02-2006, 06:00 PM
مرحبا

الحين مطعم الانتركوت موجود فالرياض

تيب مطعم اروما كافيه اللي فدبي وجده فيه كمان فالرياض ؟؟!!

<<< ذوقها صعب لما تفكر تطلع مطعم :$
أصلا ماحب اطلع مطعم الا اذا كان عشا رسمي مع احد صار لي زمان عنو او احد جديد :d

بليز اروما كافيه قولوا فيه والا لأ !!

عسووووله
09-02-2006, 06:16 PM
1- مطعم دارين طريق الملك عبدالله امام بي لس
روعه اكله وخاصه صالونه الروبيان وريش اللحم دايم اطلبهم
وعندهم محار رايق من المقبلات وعندهم الباستات رايقه واسعارهم معقوله


2- مطعم النخبة تقاطع التخصصي بطريق الملك فهد
فيه قسم خاص للمؤتمرات والجلسات الخاصه
وقسم خاص بالعوائل
خدمه مره مره ممتازة وفي الاعياد عندهم بوفيه خيال
المطعم ماكمل سنه واول بوفيه يفتتحونه كان بعيد الفطر اللي راح الشخص ب75
بعد الاكل يقدمون القهوة والحلى بطريقه شيك
اسعارهم معقوله بالنسبه لاكلهم
اكثر شي يعجبني عندهم : اجنحه الدجاج يحطون عليها سوس روعه واللزانيا رايقه


اللي بروح له ان شاءالله : مطعم زعفران اول مره اسمع فيه وشوقتوني اروح له

يعطيكم العافيه bp039

Esperanza
09-02-2006, 06:32 PM
MishareH


اروما كافيه موجود في الرياض على شارع التحلية و في الدور الثاني فوق مطعم السزلر هاوس.

Esperanza
09-02-2006, 06:42 PM
مطعم النورس الباكستاني pb027


امس كنت انا و المعزبة رايحين ناوين نتعشا في مطعم الباك يارد قريل و لكن للاسف ما لقيت مدخل عوائل فقلت اكيد ما فيه قسم عوائل ، بعد كذا رحنا لم مطعم ابلبيز اللي في التحلية و لكن ايضاً للاسف ما لقينا عندهم قسم عوائل (يقولون بيفتح بعد 3 اسابيع).

لذلك بدينا ندور و ندور على مطعم جديد نحصله فلقينا مطعم اول مره نشوفة و كان على الشارع اللي عند تقاطع شارع الضباب عند الركن الفرنسي على الشارع اللي يودي لمستشفي العسكري و اسمة (النورس).


اكتشفت بعدين ان المطعم باكستاني ولكن الحقيقة كان اكلهم اللي يغلب عليه الطابع الهندي جداً جداً لذيذ و رخيص.

يعني انا و المعزبة اكلنا الين ما قوينا نتحرك و طلعت الفاتورة بس 77 ريال.



الاكل اللي طلبناه كان:

3 كوكا كولا ( 2 لي انا pb027 )
شوربة دجاج بالذرة
شوربة هوت اند ساور الصينية.
رز برياني دجاج
سلطة لبن
دجاج النورس الخاص (تراه فضيع بالمره)
كباب لحم (تراه مهبول)
قارورة مويه


و كانت كلها زي ما قلت فقط 77 ريال ، و المحل كان نظيف بديكوراته الحلوه.


اللي يبي اكل لذيذ و رخيص يجرب المطعم هذا.



و هذا تلفونهم:

4160972


بس اهم شي لا تجيبون طاري الهنود لانهم يزعلونpb027



لكم اجمل تحية

ريــ الرياض ـوف
10-02-2006, 02:13 AM
الحين مطعم الانتركوت موجود فالرياض

فيه الانتركوت في الفيصليه ;)

بالنسبه لاخوي fms

اللي بالفيصليه يقولون هو نفسه اللي بفرنسا
والشي المميز عندهم هو الصوص حقهم
مابعد رحت له اللي هنا
بس انشالله اني بروح ليه واسوي له تغطيه تحط تغطيات اسبرنسا على جنب :D


اسبرنسا

ياخوي ترى اروما كافيه اللي عندنا بالرياض هذا الظاهرانه اسم على اسم
يعني لو جربت حق جده وحق البحرين بتشوف الفرق الواضح بينهم






على فكره تذكرت

_مطعم جزيرة الاحلام الصيني
_ميراج الصيني
_تي قاردن
_القلوب حق الفيصليه
_فيه مطعم اسمه الالب هذا مكانه ماعجبني ولا ديكورات ولا شي بس فكرته حلوه يجيب لك الستيك وانت تشويه بنفسك يحط لك الجمر على الطاوله وانت تقلب
انا استانست عليه :D
_البرازيلي اللي في الفيصليه ..حلو اوبن ايريا وكله ستيكات
_يقولون فيه ايطالي في الانتر حلو مدري عاد مارحت له



وسمعت ان فيه مطعم لبناني له فرع في بيروت بيفتح مكان كان الفرنسي اللي بالتحليه;)
عاد وش اسمه مدري
بس الي عرفته ان له فرع في بيروت
ان جاني الاسم علمتكم :D


برب وراقعه تاني :D

كاس منكسر
11-02-2006, 02:00 PM
هع هع والله فله اكثر المطاعم قد كليت فيها

أصــايــل نـجـد
12-02-2006, 12:51 AM
الــركــن الـلـبـنـانـي

pb189 pb189 pb189




في آخر الثلاثين بعد السيفوي وجنب عبداللطيف جميل ...

النزغه
12-02-2006, 01:21 AM
مرحبــــــــأ

بالنسبه لكريب واي اعتبروه بيتي الثاني <<لااه
احب المكرونه البيضا والزلطات خيال تجنن والفوندان بعد


وبالنسبه (انتر كوت) اللي بالفيصليه وع لانه فرع انتر كوت بسويسرا مهوب فرع باريس
والصوص حقهم متلبد تقل حمص مهو مثل صوص باريس ااه يجنن

وماقريت عندك الريف اللبناني؟؟
حلو واحسن شي عنده شيش برك يهبل تهبيل

وثانكس

VEER - ZAARA
12-02-2006, 02:29 PM
أنصحكم تجربون مطعم Subway الأمريكي يقدم سندوتشات بس كل شي طاازج وشغل نظيف

http://www.onlinefoodcourt.com/Image/ResturantLogos/subwayIndex.jpg

http://www.subway.com/applications/Menu/index.aspx

صراحه انا ادمنت عليه من اسبوع ولا اضني أغيره :) ..

وهذي فروعه

Olaya Main St
North Prince Abdullah Street
Riyadh
966-1-456-9255

Malaz-Ahsa Street
Riyadh 11461
966-1-476-5487

Thalateen Street
Happy Star Internet Cafe
Riyadh
966-1-464-6993

Vineel Arabia Compound
Khurais Road
Riyadh 11514
966-1246-3200

Al Faysaliah Mall - Olaya
Riyadh
966-1-2734220

King Fahad Road
Royal Center
Riyadh
966-01-455-6272

Olaya Main Street
Al Akariyah Mall
Riyadh
966-1-464-6993

KING ABDULAZIZ RD
SaharaMall
Riyadh KSA
966-1-452-0431

King Fahed Road
Royal Centerd
Riyadh
966-1-464-6993

Prince Abdullah
King Saud University
Riyadh 11514


Tahliya Street
Riyadh 11514





بالنسبة للمطاعم اللي ماعجبتني

مطعم بكين الصيني على طريق الملك عبد الله عند سدحان الملابس أكله يجيب المرض pb093

اللي يبي أكل صيني عنده مطعم لوتس في الملز شارع الستين او فرع السليمانية ومطعم نودلز

على تقاطع التخصصي مع الملك عبد الله او مطعم الخليج الصيني على طريق الملك فهد ..

مطعم هارديز مادري وش عليه كل هالفروع ماعنده الا ثلاث انواع برجر تلوع الكبد

جربوا برجر البطريق متأكد بيعجبكم :) ..

وردة حمراء
13-02-2006, 01:25 AM
مررررراحب للي شهوني بالأكل في هالوقت اللي ما أقدر أطلع فيه (:

أحب أدلو بدلوي وأنصحكم بماطاعم عجبتني بالمرره عندكم كواترو رااايق اللي بالمملكة عندهم باييلا وفيتاتشيني

رااايق لايفوتكم

بالإضافة إلى الركن المكسيكي بالسليمانية جنااان ذوقووا فيليه هامور بالكريمة البيضاء وسيزر سلط رووعه

بالإضافة إلى سبازيو بس أنا رحت له فطوور وطبعا جو راايق

ولايفوتكم فطور الشيراتوون يعجبني فطوره رراايق

والأفوكادو رااايق مرره بس المره اللي رحت له فيها كاان زحمه مرره ولا حصلت مكاان بس جوه رااايق

والله يعطيكم العاافية جميعاا على هالمعلوماات وبليز إذا في المره الجاايه تعطونا أفضل المقااهي اللي بالريااض لأني

تعبت من الدوراان أغلبها رحت لها ومرسي p:

اقرب بنشر
18-02-2006, 11:01 AM
يخوان خبرة عزابيه

مشكله المطاعم عندنا تهتم بالمضهر جدااا بسمن جوى الاكل الله الله

واسعار شوي غالية صراحه مقارنه بأسعار مطاعم برى

سوريا طاوله 10 في 10 ببلاش

botshika
18-02-2006, 11:40 PM
مطعم (موندو) الجديد بأوتيل الأنتر أنصحكم تروحون الجلسه رايقه و الأكل يجنن

botshika
18-02-2006, 11:50 PM
و أنتظروا مطعم عبدالوهاب بيفتح قريبا

$ ملك الاقلاع $
19-02-2006, 04:16 AM
مطعم (موندو) الجديد بأوتيل الأنتر أنصحكم تروحون الجلسه رايقه و الأكل يجنن

مرحبا أختي,,بغيت اسألك عن المطعم هل هو شرقي ,,إيطالي,,فرنسي؟؟
بوفيه ولا حسب الأوردر؟؟ وكم رقمهم لو بغى الواحد يحجز؟؟ :)

ريــ الرياض ـوف
21-02-2006, 10:40 PM
عندكم كواترو رااايق اللي بالمملكة عندهم باييلا وفيتاتشيني

رااايق لايفوتكم


والله يعطيكم العاافية جميعاا على هالمعلوماات وبليز إذا في المره الجاايه تعطونا أفضل المقااهي اللي بالريااض لأني

تعبت من الدوراان أغلبها رحت لها ومرسي p:

كواترو ذا مب غريب علي وين بالضبط بالمملكه؟


http://www.eqla3.com/vb/showthread.php?t=199377

^
^
هذا فيه تقريبا كل الكوفيات اللي نعرفها
موضوع خاص بالكوفيات



مطعم (موندو) الجديد بأوتيل الأنتر أنصحكم تروحون الجلسه رايقه و الأكل يجنن

بسالك
هذا هو الايطالي الجديد اللي فتح هناك؟

هنديه حليوه
23-02-2006, 01:51 AM
ياشيخ حراام عليك الصووره ذي

:( :( :(

ناوي تعذبني شكلك

http://www.mcdonaldsarabia.com/arabic/images2/qlty_high_pic05.jpg

http://www.ada.gov.sa/cgi-bin/images/itemID1823_photo01.jpg

عندهم شاورما يؤؤؤ خراافهpb030

Fuddruckers
pb189 pb189 pb189


حي الحمرا مخرج 10 من جهة الشرق

عند بنده وجرير :D

فيه مطعم هندي بغرناااااطه خطير

اسمه سباايسي

عنده دجاج بالكاري ومسالا pb189

مع رز برياني ولا رزعا ادي



انا مدمنه مطعم تاكو هت
ومطعم كانتون الصيني

وغيرها وغيرها pb030


يعطيك العاافيه خيوووووو فير زاراpb189

**أم لسانين**
23-02-2006, 03:34 AM
وش هالمـوضوع اللي يجـوع :d ..
من جد يعطيكم الـعافيه فـك ازمـه واللهي :d ..

ودي اسـأل إذا فيه احد جـرب La Piazza الإيـطالي pb189 بالشيـراتون ..

!..أبو يـارا..!
23-02-2006, 04:58 AM
مجهوووووووود رائع

وحلووو لاصحاااب الكروووش العظيمة

وانا بجرب البطريق واذا صار شين بفقع جبهتك انت وياه

Abo-Jariah
23-02-2006, 10:52 AM
لا ابوها من غربة ....:(




خست من كثر ماطبخ كبسة و اكل همبرقر ....



أبي مثلوثة تلعب ببطني لعب ... و شوية جريش تزيدها طرب

و ياسلام على القرصان الرقم الصعب..... اذا جاك بلحم و انت تاكل بطنك يقول طبب طبب pb027



هههههههههههههههههههههههه والله طلعت عفوية و في اقل من ثانيتين :D




ايـــــــــــــــــــــه و الا بروستد يا عيال ابي بروستد ابي فول و تميس ابي قلابة

و كبدة حاشي ابي سندويشة صبة pb027 <<<<<<<<< كح كح الله يرحم ذيك الايام

سبحان الله ....



يعطيكم العافية حسستوني الدنيا تغيرت ماعرفت الا مامانوره بس pb192 ....





الا على طاري المطاعم ....



يقولكم فيه بخاري دخل الساونة صار منتو هههههههههههههههههههههههههpb027
.....

BIG MAC
23-02-2006, 11:30 AM
مكاني

pb189 pb189 pb189

آآآآآآآه يا الروبيان ماسالا pb189
والله يا اكل المطعم ه>ا شي لا يوصف pb189

انصح الجميع فيه وخاصة انه فتح فرع ثاني على طريق الملك عبدالله جمب ماما نورة :)

وانصحكم تجربون مطعم الؤلؤة بلا ما ما نورة بلا هم
خاصة شاورما بالحمص pb189 pb189

الميـــــدأ
02-03-2006, 05:06 PM
مطعم الفارس

عندهم برياني خيال

شارع الستين مقابل النافورة


مطعم ملح وفلفل

خلف مكتبة الملك فهد


مطعم شتورة

خلف مكتبة الملك فهد


مطعم ماريز

مقابل سوق صحارى

مطعم عرفه

عنده صبه من 30سنة والناس يشترون منه

شارع صيته امام محطة القطار

بسكوت مينو
03-03-2006, 12:17 AM
امس رحت انا واهلي لكريب اوي

طبعا صراع لين وافقو

كل واحد يبي مطعم وانا اقول الاقلاع يمدحونه خل نجربه :D

وسوو نفسهم ضيعو عشان مانروحله

قلت على مين الاقلاع حاطين رقمه وانا خزنته بجوالي :D

وخليتهم يروحون غصبن عليهم

دخلنا وقعدنا .. وقعدت اقول الشباب اللي باالاقلاع يقولون الاكله ذي حلو ه

قالت امي على .... تراتس مصختيها :rolleyes:


المهم طلبنا وكل واحد مع الطلب طلب سلطه من السلاد بار

ياعمري ياحنا نحسبها زي سلطات بيتزاهت وبـ 7 ريال مدري 8

المهم طلع البوفيه حق السلطات خاااااااااايس تكرم النعمه

كله معلبات فقط لاغير

ذره وخس وفاصولبا حمرا وعدس فاكين من القواطي وحاطينها ايقال انه بوفيه

الموهم ماجازلنا بوفيه السلطات اللي خذا ذره واللي خذا خس واللي فاصوليا عن قولة ماخذينا

المهم جا الاوردر كان ره حلو والاسعار مره حلوه

السندويشات ماتتعدا 27 ريال ولذيذه مره بلابطريق بلاهم

بس اعجب اهلي المطعم

بس الصاعقه يوم جت الفاتوره موب عشان الاكل

عشان السلطه

السلطه الصحن الواحد بـ 30 ريال !!

على وشو ؟؟

ماادري

حتى سلطة بطاطس باالمايونيز اللي ببوفيهات النسيم مافيها

قواطي ياناس قواطي !! وبــ 30 !

هذا اللي انقهرنا عليه بس

المنافس
03-03-2006, 06:20 PM
شاكر لك اخوي والله يعطيك العافيه

تحياتي,,,

عبدالملك
08-03-2006, 01:25 AM
لعــشــاق البحري


انا من عشاقه

مافي افضل

من oasis في اوتيل الانتر

بوفيه مفتوح

فقط يوم الخميس

:( احبووو << كل خميس هناك

صراحه اكلهم مره حلو

الشخص ب 120 اتوقع شي زي كذا

عبدالملك
08-03-2006, 01:28 AM
مطعم الأنتركوت ... في برج الفيصلية ... في الدور 20 لإذا ما خانتني الذاكرة

أحد فروع سلسلة مطاعم الأستيك العالمية انتركوت الؤسسة في باريس ...

المطعم ما يبيع الا طبق واحد فقط و هو استيك اللحم و يجي معاه طبق سلطة و بطاطس مقلي ... و سعر هذي الوجبة بدون الخدمة هو 99 ريال ... و اللذه الحقيقيه في " السوس " المحطوط على الاستيك ...

هذا المطعم ما يقدم الا لحم يعني الي ما ياكلون لحم لا يقبلون له ,,,

فيه قسم أفراد و قسم عوائل ...

للحجز 8001248998

في باريس وجنيف

:( تعاف ستيك هاوس اللي كانو لاعبين علينا فيه

صراحه اللي بالرياض لسه مارحت له .. بكره لعيونك بروح لووو

حنّو
08-03-2006, 03:28 AM
ماشاء الله ماخليتوا مطعم ماكتبتوا عنه كل ماقلت ابكتب عن مطعم القاه مسدوح بموضوعكpb027

فيه كم مطعم حلو بس انه طلباته سفري بس والله اكله جنان

فور تي فور
اكله حلو وهو مكون من البيتزا والسندوتشات والسلطات يعني كانك تاكل بيتزا هت بس بنكهه احلى مره حلوه انا احب سندوتش الدجاج pb030 بصراحه مره رهييييبه

المطعم بالسليمانيه وله فرعين بخريص بلازا بس اللي بالسليمانيه احلى والفرع الثاني بالتخصصي بس ماذقت اكله:)



الضيعه
لمحبي الشاورما والله عليهم شاورما جنان حلوه مره ;)
بالسليمانيه


كبابجي
السندوتشات حقتهم حلوه وخاصه عنبتلي ويقدمون لك لبن عيران

برج الحمام
كل اكلهم شي ويذكرني بمطاعم سوريا pb189 اكلها جناااااااانpb030



طلب
اذا تعرفون مطعم يسوي المنسف مضبوط اذكروه لي ترى ودي اذوقه كل ماشفته بالتلفزيون ابي اروح اكله والله شكله يشهي pb027

botshika
09-03-2006, 03:43 AM
موندو..اللي بالأنتر تقريبا أكله انترناشيونال..

يعني الأكلات المعروفة من كل بلد.. و الغالب آسيوي.. هو بالمنيو مو بوفيه..و أكله مره حلو ..شخصيا عجبني أحب هالنوع من المطاعم..

و ترى عبدالوهاب فتح خلاص بالتحلية

بيبسي يغلي
10-03-2006, 12:12 AM
بليز اسبرنزا
روح لأي مطعم وتكلم لنا عنه

بسكوت مينو
13-03-2006, 12:37 AM
هااااااااااي

امس رحت لمطعم لابراسري اللي باالفيصليه

مو مره ابد ماعجبني

الغدا بوفيه بس شين تكرم النعمه ابد اوب زين

الصراحه ازين مطعم دخلته باالرياض ويواجه اذا بغيت اعزم احد سزلر هاوس
يوم السبت رحت انا وصديقاتي 3 وانا الرابعه

وكلشن طلبناه روبيان ودجاج وسمك ولوبستر ومقبلات وعصيرات وحلا

وازين من الفيصليه بمراحل الصراحه ب420 ريال فقط

حنا صارت عيوننا كذا

قلنا اكيد في خطا باالفاتوره

الصراحه توقعنا الفاتوه مو اقل من 700 بااالراحه

من الوناسه بخششنا كل الجرسونات يوم تجمعو علينا تقل عبدات الحرم

المره الجايه بسولفلكم عن مطعم الجريل اللي باالفور سيزون


ياالله انا استاذن

Esperanza
16-03-2006, 02:31 PM
اليوم انا بروح لم مطعم بس ما بعد قررت وين بالضبط.

و ابشرو بالتقرير اذا رجعت.

xoxoxoxo
16-03-2006, 07:08 PM
اليوم انا بروح لم مطعم بس ما بعد قررت وين بالضبط.

و ابشرو بالتقرير اذا رجعت.
يالله نستنى التقرير
pb189 pb189 pb189
ومدامك طالع شف بطريقك (ابل بيز) يقولون قفلوه الهيئه :eek:
صدق او لا؟؟

مابعد رحتله قهرررررررررررررررررر:D
pb189 pb189 pb189 pb189

Esperanza
17-03-2006, 09:54 PM
مطعم افوكادو
Avocado


مثل ما وعدتكم انا رحت مع المعزبة لم مطعم اليوم و كتبت فيه موضوع مفصل.

لكن لان الموضوع فيه صور كثيرة و كبيرة ولا حبيت اثقل الموضوع هذا فيها فنا كتبته في موضوع ثاني تحصلونة على الرابط التالي:



http://www.eqla3.com/vb/showthread.php?t=203578


اتمنى يعجبكم الموضوع و اكل المطعم

مخربتها
20-03-2006, 09:40 PM
اللي راح عبدالوهاب يعطينا فكره عنه و عن اكله
اذا كان يسوا ذا الزحمه اللي عنده و الا نشيله من اللسته:)

MiSs ~ VirGo
22-03-2006, 06:47 PM
اللي راح عبدالوهاب يعطينا فكره عنه و عن اكله
اذا كان يسوا ذا الزحمه اللي عنده و الا نشيله من اللسته:)



اذا راح نقارنه بفرع بيروت فيعتبر سئ .. حبيت جلساتهم مع انها شوي ضيقه .. اكلهم عادي مره .. الريف اللبناني احلى .. والويترز عيونهم طويله pb071



هذا رقمهم 012934111


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~


AppleBee`s


باختصار مطعم اطفــــال pb093
ابدا ما حبيته .. عورني راسي من الازعاج والخدمه السيئه!!
ويعتبر من اسؤ المطاعم في امريكا بس السعودين الله يهديهم عشانه امريكي صجونا فيه!!

اكلهم زي CrepAway و Fuddruckers .. بس Fuddruckers احلى بكثير!!

اذا في خاطركم ادخلو شوفوه وصدقوني بتطلعون pb036

scary_boss
24-03-2006, 09:12 AM
عبدالوهابpb192
جربته امس
جلساته رايقه وحلو ... عنده مشاوي عبدالوهاب :rolleyes: افضل ما عندهم
بس بصراحه لا تقارنونه بالريف اللبناني:) لا من ناحية الأكل ولا من ناحية الخدمه يعني ذولاك بروفيشنل اكثر
امس كنا شخصين طلعت الفاتوره 230 ريال على مشاوي وشيش طاوق وحمص وبطاطا حرا <=== بطله:D وشوربه وورق عنب وطبعا سعودي شامبين
يعني مهب غالي كثير
بس جربوه...تغير جو وأكله حليوbp039
تحياتي,,,

sendy
24-03-2006, 01:32 PM
اهلين وسهلينbp039

عبدالوهاب في التحليه جمب كان توه فاتح جديد اكلهم صراحه عجبني مره لذيذ خاصه البحريpb030 بس احسهم بخيلين المفروض في البدايه يقدمون سلطه ماقدمو الا زيتون:( جعلي مااطرهم وصحن كبر الزيتونه صوص:confused:

ريــ الرياض ـوف
24-03-2006, 07:06 PM
مساء الخير pb189

رحت لعبد الوهاب
بصراحه اكله رووووعه واحلى من اكل الريف بمراحل pb030
بس جلسات الريف افضل بواجد
ونصيحه لاتقعدون بغرفهم حتى لو يقولون لكم حبو السقف ونحطكم بشي غير غرفه عادي حبوه ولاتقعدون بغرفه :D
المكان كان زحمه ومالقينا الا غرفه قلنا مايخالف نحسب غرفتهم زي غرفة الريف تفتح النفس مع اني منب اواطن الغرف احس كني قاعده في بيت
بصراحه غرفهم غلللللللللللللقه بقوووووه :(
جلساتهم حلوه ورايقه اللي مكشوفه بس مو بمستوى جلسات الريف

الريف يتفوق بالديكورات والجلسه
عبد الوهاب بالاكل حقه ;)
.
.
.
رحت الأنتركوت اللي بالفيصليه
بصراحه اكله مب ذاك الزود
يعني مب على المكان ابد
وكاني مشتهيه ستيك ومشتهيه فيصليه عندي اني انزل البرازيلي اصرف من ذا
بصراحه الالب ننفس طريقته واحلى اكله بواجد
بس الفرق ان الالب ديكوراته شينه
.
.
.
ابل بيز مب شين اللي هنا
بس عيبه ان الي مايعرف يطلب بياكل هوا
الظاهر ان مو كل منيوهم حلو
بعكس تشيلز ;)
وعيبهم الزحمه :(

.
.
بس هذي اخر المطاعم اللي رحت لها وحبيت احكي عنها

ابو سميث
24-03-2006, 11:23 PM
ان شاءالله ابشطف الركن المكسيكي...كلن مدحه لي حتى انتم

أنصحكم تجربون مطعم Subway الأمريكي يقدم سندوتشات بس كل شي طاازج وشغل نظيف

جييييد..ودامه اعجبك جرب كويزنس صب..اعرف فرعين..واحد على شارع العليا جنب صب واي على طول
والثاني جنب جامعة الملك سعود على صفة بندة..وبرضو جنب صب واي (ناشبين بحلوقهم هههه)

جرب تركي مدخن..مع خبز سبيشل..جيييييد..

صراحة من عرفته وانا ساحب على امين صب واي

دبه ودها تلبس s
28-03-2006, 12:50 AM
كفيتو ووفيتو ..

باضيف اضافه حلوةةة

اعشق المدفون حق الجريف الجنوبي ..

ياناس عليه طعم خوووراااافىىىى

انا اكله مع البشاور وربي لزييييييييييييييييييييييييييييييييييييييز

,
,

ماشالله كل المطاعم جبتو سيرتها قلت احط شي شعبي :)

مبربسها
28-03-2006, 04:38 PM
ما خليتوا شئ ..!!

فيه مطعم 777 الصراحة أفضل همبورجر ذقتها (اكس لارج)

فيه فرعين له

الاول على طريق الملك عبدالعزيز من جهة الشمال يجيك على اليمين صاير بين امتداد مخرج 10 ومخرج 9

الثاني على طريق ممدوح اتوقع ,,الشارع اللي عليه ( مكاني )

MhAgEeR
02-04-2006, 07:40 AM
يعطيكم العافيه جميعـاً


ومرجع اكثر من رائع للي يبي اي مطعم :)




مهاجر

الـصـيـنـي
03-04-2006, 01:02 PM
يعطيك الف عافيه على هيك مواضيع تفتح النفس وتخلي الشبعان يجوع


والتغير مطلوب


بس انا الصراحه ماشفت موضوع لك استازي الكبير اسبرنزا عن مطعمCrepAway ماقلت كذا الا ادري انك ذوق ياذوق

Esperanza
07-04-2006, 07:51 PM
مطعم فاهيتا افينيو


و تحصل موضوع كامل عنه على الرابط التالي:



http://www.eqla3.com/vb/showthread.php?t=205639

ابو سميث
14-04-2006, 03:40 PM
مرحبا

هالايام طحت طيحة قشرا

بمطعم النقانق السريعة

من افضل الهوت دوج اللي ذقتها بالرياض صراحة واسعاره رخيييييييييصة
ويعدون لك الاكل طازج

جربه وان شاءالله منتب ندمان

له فرعين على خبري

واحد في العثيم على طريق الملك عبدالله اللي جنب سيتي بلازا

والثاني بشارع الشيطان (الدشوش) كانك رايح للتقاطع مع التحلية بتحصله يمين

Esperanza
25-04-2006, 08:08 AM
فيه مطعم اسماك النافوره انا مريت عليه الاسبوع الماضي ، المطعم تتعب و تقول اكلهم كثير.

هو بنظام البوفيه و النفر بسعر 90 ريال ، بس اعتقد انهم افضل و اكبر بوفيه مفتوح في الرياض.

محلهم على طريق الملك عبدالعزيز قطع الشارع عن ساسكو..


جربوه بس لا تروحون الا ونتم صايمين قبلها على الاقل 7 ايام عشان يمديكم تأكلون من كل صنف عندهم.

عبدالملك
25-04-2006, 01:29 PM
8
8

بس ماتوقع الافضل بالسي فود لان ذا اواسيس بالانتر فعلا هو الافضل وشي خراااااااااااااااااافي

المسبووهه
29-04-2006, 01:28 PM
مطعم البيت الايطالي ... ( لاكازا )

موقعه : في طريق الملك فهد ..

للناس اللي يحبون الاكل الايطالي انصحهم بذا المطعم ..

ديكور يجنن .. اضاءه .. اكل يهبل .. واسعاره حلووووه ..

الذ اكلاتهم ..

لازانيا باللحم المفروم ..

الصحن اللي في ثلاث انواع مكرونه .. (( مدري شسمه نسيت ))

رافيولي ..

مكرونه بالثوم << مصاريه خخخخخخ

ادعو لي عاد :d

راعية السيكل
03-05-2006, 04:24 PM
القرموشي





مطعم أكلات من المنطقة الجنوبية لكن ممتاز وأنا احب هالنوع من الأكل

عندهم معصوب مع القشطة والعسل خيال

له فروع كثيرة في الرياض وافضلها برايي فرع المرسلات








ياحليله هالمطعم عنده مطبق حلوووو

مستلجــــه
09-05-2006, 11:05 PM
مطعم فاهيتا افينيو & عبدالوهاب & سبازيو عليهم اكل يسطل ..<<-- راده وهي جوعانه

Blushy-Cheeks
09-05-2006, 11:14 PM
الله يعافيكم كلكم ما قصتروا..pb189 ..

أنا موب عايشة بالرياض حاليا :..

لكن بتلكم لكم شوي عن المطاعم اللي اذكرها ..:


water lemon pb189

هالمطعم أقدرررة صحيح أنة صغير.. لكنة ملموم وحلو يعجبني والأهم أكلة مرررة مرررة رهيب..


بيتزا روماpb189

أكلهم يســــطل .. وجلستهم مرة رايقة..


وبليس هاووس..

أكلهم برضوو حلووو لكن جلستة ما عجبتني صغيرة ومحششوورة بالبارتيشنز ..


وفدركرز>>ا فدركرز الصراحة داج ..

مدري ليه أي مطعم يفتح عندنا يدج ويجي أكلة موب مرة..

ناقص فرايديز يفتحونة..>>خلهم يفتحون تشيليز أول خخخ

ومطاعم كثير كثير .. لكن ما ودي أطول بردي..



..
و في زيارتي الاخيرة للرياض..:


رحت لعبدالوهااب..

مممممم الصراحة ما عجبني ابدا لا جلسة ولا اكل ..

وقد قالوا لي صديقاتي ما يستاهل بس.. مدري لي أصريت اروح لهpb093 .. الريف اللبناني أحلى حاقة pb189 ..


وتشيليز خخخخ أشوفة من سنتين عجزوا يفتحوونة pb036 ..


ورحت للأنتر كوت اللي في برج الفيلصية....

هو من ناحية جلسة ومكان حلو والـview روووعة .. و أهم شي مافيه بارتيشنز القلق :mad: ..

لكن أكلة يعني مو ذاك المستوى. . مو مثل انتركوت باريس وجنيف pb189 ..

لكن أستغربت أنة أول فرع له بالشرق الأووسط بالرياض ;) ..

^^

انشالله بنزل الصووور أو أنزل له موضووع..

..

مُخْ ـتَلِفَ ـه ..!
11-05-2006, 04:38 AM
ماشا الله كروكي ولا احلى والله انك بطل

بس اهم شييييييي

7
http://www.ada.gov.sa/cgi-bin/images/itemID1718_photo01.jpg


جاني احساس انك من عيال الحاره >> 24 ساعه زابنه عنده

بس مدري ليش اتغير طبخهم مو مثل اول

طيب القريه النجديه صارلي 5 سنين بروح له وماصار نصيب

في فاملي سكشن؟؟؟
او لا !!

ومشكور مره ثانيه

خالد سلطان
13-05-2006, 12:38 AM
لمحبي البحري انصحكم بمطعم الربيان الذهبي مره قوي
لازم امره بالشهر ثلاث مرات اذ مو اكثر
انصحكم بــ
شربه بيسك
محار بالفرن
كبريا بالفرن مع الجبن
استاكوزا بالفرن بالجبن<لايفوتكم>
مشكل مشوي

موقعه خلف اسواق النمر وخلف مستشفي سليمان الحبيب

orangah
13-05-2006, 03:21 PM
الركن اللبناني pb189

لوحة فنية
15-05-2006, 01:37 AM
^
^

يامال الثانكيوووووووو

10 على 10
15-05-2006, 08:32 PM
ماشا الله كروكي ولا احلى والله انك بطل

بس اهم شييييييي

7
http://www.ada.gov.sa/cgi-bin/images/itemID1718_photo01.jpg


جاني احساس انك من عيال الحاره >> 24 ساعه زابنه عنده

بس مدري ليش اتغير طبخهم مو مثل اول

طيب القريه النجديه صارلي 5 سنين بروح له وماصار نصيب

في فاملي سكشن؟؟؟
او لا !!

ومشكور مره ثانيه


اخبر قبل سنة تقريبا كان عوائل يوم ( الجمعه ) أما باقي ايام الاسبوع :sm4: عزاب، وما ادري اذا مستمرين على كذا او لا !

هوى نجد
16-05-2006, 04:52 PM
LIVING COLORS
احدث مطعم تم افتتاحه في مركز جالكسي في التحلية وهو تبع ووتر ليمون

اما عبدالوهاب ماعجبني ,المشاوي الي صجونا فيها الناس عاديه جدا وقليلة مره وما قدموا معها اي شي ماعدا صوص وعندهم عصير شمس السعودية اسمه ازين منه مريس وطعمه فيفادول:(

وجلساتهم الي تحت فخمة بس عيبها مكشوفة يشوفونك الي في الدور الثاني
عندهم شوربة فطر بالكريمة لذيذة
احلى شي عجبني عندهم الورد الطبيعي الي بالاستراحة الي تحتbp039

شـادن
18-05-2006, 11:36 AM
ططططييييييييييييييييببب الي عنده رقم مطعم عبدالوهاب يحطه لي ...


مزعجينا فيه ومسكت معي اروح اجربه

ودقيت على 905 عطوني رقم شذى القهوه



ههههههههه

شـادن
18-05-2006, 11:45 AM
^
^

خلالالالاص لقييييت الرقمم

fas-85
20-05-2006, 03:20 PM
لما تبون رقم عبدالوهاب اسئلو عن رقم قهوة كان لانهم نفس الشي
وهم يحولونكم او يعطونكم رقمهم

لا تفوتكم البطاطه حره و العصافير الصغار نسيت اسمه مع دبس الرمان شي خققااااااااااااان

ولا اقول لكم اختصار2934111

fas-85
20-05-2006, 03:36 PM
Living Colors

مين راح له؟؟
يقولون جلساته فوق السطح حلوه و على فكره المطعم كان فقط توصيل طلبات من فتره طويله
توه فاتح الفرع و ما فتح الا و اكله ممتاز و عليه طلب من الاوردرات

ياخلاف
22-05-2006, 05:53 AM
^
^

خلالالالاص لقييييت الرقمم

نصيحه لا تروحين له pb093

والله ياهو يجيب الهـم pb093

حنا رحنا تعشينا فيه يوم طلعنا منه مرينا ناخذ بروستد:D

N.M.N
22-05-2006, 08:20 AM
الف شكر

والله يعطيك العافية

سلطان السرحاني
22-05-2006, 09:36 PM
نصيحه لا تروحين له pb093

والله ياهو يجيب الهـم pb093

حنا رحنا تعشينا فيه يوم طلعنا منه مرينا ناخذ بروستد:D




خخخخخخخخخخخخخخخخخخخخخخخخخخخ pb192


لايكون بروستد الكوخ الاخضر :rolleyes:

*MisS.UnIvErSe*
24-05-2006, 10:02 AM
عبد الوهاب ماعجبني عادي جدا مايقارن ابدا باكل الريف اللبناني ..

اللي سألت عن القريه النجديه اللي اعرفه يوم الجمعه فيه عوائل ..

دبه وينه فيه المطعم الشعبي اللي حكيتي عنه ازا اتكرمتي !

هايدي الطخمه
26-05-2006, 03:37 AM
يعطيكم العافيه على المطاعم :)
بس ابي اماكن كوفي تصلح فطور ..

هوى نجد
30-05-2006, 05:54 PM
day mood
مقهى ومطعم ومخبز.يعني بتاع كله:D
بصراحة ديكور وجلسات مره رايقة . وفيه جلسة خاصة على اليمين( جلسة ملكية) pb189 ولها بابين باب على قسم الافراد وباب على العوائل.طلبت كوردون بلو حليو مهوب شين ,وعصير برتقال قدموه في كاس كبر جديpb095 وفيه ستيك بالبهار ماعجبني
ودورات المياه الله يعزكم مليانة تحف وشموع(مدري ليه احساسي ان صاحبته انثىbp039 يعني كديكور 10 على 10 وفيه تحت محل حلويات ومخبز فيه الخبز الفرنسي انواع واشكال، وحلويات الدايت، وكبة وورق عنب، وشوكولاانصحكم تروحون له يكفي القعدة وروحو بدري علشان الجلسة الملكية


على فكرة الحلا تطلبونه من تحت ويرقونه لك انا طلبت تيراميسيو .اسعاره حلوة مررره:)

عنوانه::: جنب اسماك النافورة .وبالماريه فوقه مروحة مدري وش تبي :D

لافندر
01-06-2006, 01:46 PM
لركن المكسيكي مطعمي المفضل

شارع التحلية

للحجز 4653330 :)

مقلع منذ مبطي
01-06-2006, 04:49 PM
[SIZE="2"]ازعجونا ب عبدالوهاب ورحت له مرتين الاولى مع المدام والثانيه مع الشباب والحقيقه " نوعية الاكل وطبخهم" مايوصل مستوى الريف اللبناني ولا حتى الركن اللبناني ..

احلى واطعم سيزر سالد ذقتها في الرياض عند " كان " اللي في التحليه


فيه مطاعم رايقه وحلوه من ناحية نوعية الاكل والمستوى ( الافوكادو رايق للي دوبهم متزوجين وكمان الاكل متنوع ولذيذ ؛ لاكلوز ؛ بعلبك ؛ البرازيلي ؛ الريف الايطالي وخاصة التريو باستا :sm5: يم يم يمي / النافوره في طريق الملك عبدالعزيز عندهم في الويك اند اكبر بوفيه متنوع في الرياض / برج الحمام / كان / الركن المكسيكي / ماكسيم في التخصصي/ الفراندا في فندق الانتر/ بوفيه الفهد كراون وكمان المطعم الهندي بنفس الفندق حليو ماعليه/ La Piazza في الشيراتون / ستيك هاوس / الركن اللبناني / سعد الدين / البوفيه اللي في ماريوت / بوفيه الهوليدي إن في العليا/ دارين في طريق الملك عبدالله / آفادز الهندي يجمع بين تميز الاكل والجلسه ..الخ :D )

فيه مطعم مااعتقد الاعضاء تكلمو عنه وهو مطعم ( الالب ) بحي المروج على امتداد طريق الامام محمد بن سعود وانت رايح لطريق الملك فهد على اليمين قبل بنك الراجحي .. حقيقه مطعم مميز كل اللي فيه لحوم وبحريات ... وكل ماعليك انك تشوي بنفسك :) واللي في المطعم شغلتهم يجيبون لك المقبلات والعصاير واللحوم او البحريات حسب طلبك ومعاها شوية بهارات وكاتشب وانواع الصوص ... ويحطون قدامك ( منقد) صغير فيه جميرات كنك في البر ايام المربعانيه :D وتبدا انت والمدام او مع الشباب بالشوي ....وفي الاخير يقهرونك اذا حطو في الفاتوره 15% خدمه pb131 على أيه !؟pb036 دام انو الزباين هم اللي يشوون ! عموما يعتبر الالب مميز على مستوى الرياض وكمان جلساتهم حليوه .


بخصوص مطاعم الفاست فوود ( اعجبني واتر ميلون و صب واي وخاصة اذا كانت " سناك" يعني تصبيره على الماشي :) وكمان " شاورمر " وخاصة ساندوتش اللحم بالزعتر يم يم :) )

-- " منـئـوشه" <------ في رأيي ألذ فطاير اكلتها في الرياض مكانه تقاطع الملك عبدالله مع التخصصي وانت رايح شمال عند الاشاره مباشرة

ملاحظات :-
- فيه مطاعم رغم انها مشهوره لكن سبق وحصل فيها تسمم " جماعي " لشخصين واكثر pb131 ... وهي
( ابو كمال في الثلاثين ؛ روما اللي في التحليه تقاطع شارع الدشوش ؛ الصاج الذهبي اللي في عليشه ولو تبغى تتأكد ادخل جوا عند تجهيز العصيرات تلاقي ذباب ووساخه مهيب طبيعيه pb131 )

/SIZE]

vincci
01-06-2006, 05:52 PM
ياملا العافيه

دليل للمطاعم علشان السمنه

ياليت تفتحون موضوع عن النوادي

VEER - ZAARA
03-06-2006, 08:59 PM
أحد قد جرّب أكل مطعم مكسيم و مطعم النخبة اللي على طريق التخصصي ؟

الطيرو الازرق
04-06-2006, 10:04 PM
أحد قد جرّب أكل مطعم مكسيم و مطعم النخبة اللي على طريق التخصصي ؟


لا والله ماتسد جربته

pb192







شكلك تقول وشوله تشارك اجلpb095



pb054




حبيت اقولك مشكووووورررر

ريمووو 2006
05-06-2006, 03:45 AM
موضوع رائعbp039 وفيه مطعم خطيييير ولايفوتكم اسمه ميراج (صيني)
دايما اطلب الرز الصيني والشريمب والسلطه اللي يقدمونها في قوقعه يميميميمي:sm7: موقعه شارع التخصصي مقابل اليورمارشيه وجلساته راااايقه تجيب العافيه

(زبيريه)
05-06-2006, 03:48 PM
ابل بيز يهبل مررررررررررررررررره ويكسر على كريباوي وفدركرز



في افاد الهندي بشارع الحليه حلو
سبايس بشارع الثلاثين السليمانيه هندي حلو
شيزان الهندي خلف الفيصليه حلو
الركن المكسيكي بالتحليه حلو مره
وفي مكسيم يطريق التخصصي
اسماك النافوره رحو له بوفيه عشاء اوغداء اربعاء وخميس وجمعه يجنننننننننننننننننننننننننننننننن وتحط فلوسك وزياده عليه من كثر ماالاكل يهبل وهو بطريق الملك عبدالعزيز
وان شاءالله اذا جاء شي فبالي كتبته

Coffee
20-06-2006, 10:47 AM
اهلييييين وسهلييينbp039 bp039






حبيت اشارك معكم واذكر لكم بعض المطاعم اللي جربتهاpb192








مطعم الخليج الصيني <<<<يهبببببل ويسطططططططططل:sm3: :sm5:
الاكل الحلو اللي عندهم هو الحمام المشوي يجنن

الربيان الحار مع قطع الفلفل والليمون
فيه عندهم دجاج حلو بس مااعرف وش اسمه<<<وشوله تتكلمين
هذا الدجاج معروف اسمه صعب بس اذا جابوه يقولون يمييي يمييي<<<لاياشيخه




وفيه البوفيه الفطور حق الفهد كراون بس الظاهر مايدخلونه إلا اللي ماخذين غرف او فلل(ساكنين)
عالعموم اذا كنت توك معرس خذلك غرفه انت والمدام
واذا كنت عندك شلقة بزارين خذ لك فله <<<بحسن فيكم وآخذ اجركم;)

انا قد سكنت بالفله انا والاهل مرره حلوه ورايقه ونظيفه وخدمتهم شيييي
نسيت اقولكم ترى اللي يسكن يكون بوفيه الفطور مجانااستغلو الفرصه ووسعو صدوركم وصدور عييلكم<<حسيت اني عجيز







ماتلاحظون اني حولت الموضوع من دليل المطاعم لدليل الاوتيلات

هع هع هع هع هع بس اهم شي انووو اعطيتكم شي يفيدكم<<<تمن بعدpb095










يسلمووووو ع الموضوع الروووعهpb189












ولي باااااااااك:)

orangah
27-06-2006, 03:10 AM
بغيت اسألكم لو احد خيركم بين قلوب الفيصليه وسبايزو المملكه ايهم تختارون ... بليز !

مخربتها
27-06-2006, 03:06 PM
بغيت اسألكم لو احد خيركم بين قلوب الفيصليه وسبايزو المملكه ايهم تختارون ... بليز !

القلوب احسن فرق لا من ناحية الجلسه اروق و لا من ناحية الاكل لانه اللذ من سبايزو (تكرم النعمه اكلهم يجيب المرض)

orangah
29-06-2006, 02:47 AM
القلوب احسن فرق لا من ناحية الجلسه اروق و لا من ناحية الاكل لانه اللذ من سبايزو (تكرم النعمه اكلهم يجيب المرض)


شورك وهداية الله pb094


مشكوره مخربتها pb189

MiSs ~ VirGo
29-06-2006, 03:25 AM
بغيت اسألكم لو احد خيركم بين قلوب الفيصليه وسبايزو المملكه ايهم تختارون ... بليز !



انا افضل سبازيو .. ما اعرف ليش .. احب جلستهم ..

القلوب جلساتهم حلوه بس اكلهم ما جربته لاني رحت للكوفي بس ما عجبني ..

bp039

النكبة
29-06-2006, 06:05 AM
فيه مطعم رااااااااااااااايق

استغربت محد جاب طاريه

هو مطعم النخيل اللي بالدور العاشر في فندق الخزامى

العشاء بوفيه يوميا ماعدا يوم السبت <----- توهقنا مره ورحنا لهم وصار صاك !

المطعم فيه للعوائل وفيه للعزاب

بس مشكلته الحين مافيه مواقف !

توقف سيارتك عند الكوفي شوب اللي بعد الفندق على شارع العليا

وتنزل وتدخل المبنى اللي جنوب الفندق وتطلع للدور العاشر بالأصانصير

وبتلقى المطعم بوجهك

المطعم من الداخل ممتاز

موسيقى هادئه

الأكل ممتاز

السعر تقريبا 120 ريال للشخص

معالي الوزيرة
29-06-2006, 06:07 PM
بغيت اسألكم لو احد خيركم بين قلوب الفيصليه وسبايزو المملكه ايهم تختارون ... بليز !

حسب أنا طالعة مع مين pb094

B R A V E
01-07-2006, 06:16 AM
انا عن نفسي اروح لسبازيو القلوب جلستهم حلوه لكن مدري ارتاح في سبازيو

midia
03-07-2006, 10:46 PM
انا اكثر شي يعجبني اسماك النافوره اللي على طريق الملك عبدالعزيز بس اذا كان بوفيه

وكمان تاو اللي على التحليه

وكمان بلس هاوس برضو على التحليه

وابل بيز استغفر الله الله يديم النعمه ماعندهم حلو الا الجوانح

وفيه افاد الهندي على التحليه لذيذ

وكمان جزيرة الاحلام صيني مره لذيذ التبنياكي وهي هي يمي يمي

وساندوتشات تعجبني بنينوس موجوده بالمجمعات

النخبه يعني على كبره

اما كافي يعجبني توتي كافي

تعبت وعندي المزيد

scary_boss
04-07-2006, 01:10 AM
ما تخبرون لي مطعم سوشي بطل:D ؟
والله ما حصلت ولا مطعم عنده سوشي زين
الي يعرف ياليت يديلناbp039

orangah
04-07-2006, 03:30 AM
8
8
8
scary boss

السوشي والاكل الياباني ما احبه ولا قد جربته لكن قد جربت مطعم فروساتو الياباني ؟! يمكن السوشي حقهم زين انا صراحه ما جربته !








______________

لكل اللي ردوا علي مشكورينbp039



اورنجه...

scary_boss
04-07-2006, 02:18 PM
^
^
مشكووور على ردك
بس ممكن تعلميني وينه فيه :)
تحياتي

orangah
05-07-2006, 02:23 AM
8
8
8


المطعم في التحلية بصراحه نسيت بجنب ايش بالضبط ! بس اذا تعديت ابل بيز امشي طوالي بتلقاه مع صفة المحلات اللي على اليمين ! امتداد الشارع على اليمين ! عساك فهمت علي ؟ يعني الريف على اليسار والمطعم على اليمين! اتوقع مو متأكده ترا ! بس متأكده انه في التحليه !

scary_boss
05-07-2006, 03:02 AM
^
^
^
:) عرفته ,,,يعطيكي ألف عافيه
اول كان اسمه لي كلوز :rolleyes: بس سوشيهم مش حالك:sm12:
اكرر شكري لك ومعليش تعبتك معي bp039

Mystery
15-08-2006, 11:27 PM
السلام عليكم ورحمة الله وبركاته



ابي أسماء مطاعم :-
1- فندق المملكه
2- فندق الفيصليه
3- برج المملكه
4- برج الفيصليه

وايجابيات كل مطعم وسلبياته وموقع كل مطعم بالضبط

الله يجزاكم الجنه

*MisS.UnIvErSe*
16-08-2006, 08:09 AM
للي يبغى سوشي .. "زي نودلز" عندهم منيو ياباني بس ماجربته
جربت الأكل الصيني عندهم بس وعجبني ..
لهم فرعين قبال اليورومارشيه وفي غرناطة

Mystery
17-08-2006, 05:32 AM
مكرر

اعتذر

cenuor
17-08-2006, 05:50 PM
8
8
روحي للبرازيلي اللي في الفيصليه حلوو ..!

كرافت
23-08-2006, 04:26 PM
مرحبا اللى يبغا سوشي ما فيه زي المطعم اليابني في فندق الرديسون ساس بشارع الملك عبدالعزيز بالرياض
فندق حياة ريجنسي القديم

من وجهة نظري احلا سوشي بالسعودية

واحسن بكثير من زي نودليز

يا زينها لندن السوشي تلقاه حتى ببعض المحلات والكوفي شوب طازه وحق اليوم معلب



بااي

scary_boss
23-08-2006, 11:30 PM
يا زينها لندن السوشي تلقاه حتى ببعض المحلات والكوفي شوب طازه وحق اليوم معلب
بااي
إإإإيه والله ,,, وتقعد تاااكل لين تقول بس وما يطلع نص اسعارناpb093

الصقيـل
02-09-2006, 03:42 AM
جوعتوني وانا متعشي خفيف .,.
بالهنا والشفا :)

همسة محبه
21-11-2006, 09:03 PM
مشكور

njm_saheel
26-11-2006, 12:39 AM
مطعم الألب لا يفوتكم واللي يبي يروح يعزمني وادله على المكان وغير كذا سوري المكان سري للغاية ويفتح بيده

ترتيلا
13-02-2007, 07:09 PM
طيييييييييب ايش الفرق بين مطعم القلوووووب تبع الفيصليه ومطعم سبازيوووووووووووو؟؟

وايش احسن القلوووب ولا النتركووت ولاA11??!!

شاكوش منقوش
14-02-2007, 03:22 AM
مطعم ميراج في التخصصي يمين اليورومارشيه يجننننننننننننننpb189 pb189 pb189 بس ظربة فلووووس البيبسي بـ6ريال:eek: ولا عندهم خبز
يعني اللي بيروح يحسب حسابه ببيبسي وكيس خبز مفرودpb192
وعلى فكره ترى جمبه الة بيبسي وش زين البيبسي حقها باااااردpb095

مطعم شيزان الهندي حلووو واسعاره حلللوهpb189 pb189 بس مدري وينه في دواعيس بس حول الفيصليه

مطعم افاد الهندي في التحليه يسسسسطل بس غويليpb189 pb189 pb189

انشاء محد قالها قبليpb094