PDA

عرض كامل الموضوع : هل استخراج فيزا لامريكا سهل ام صعب حاليا ؟


روق المنقا
05-06-2005, 01:43 PM
يراودني حلم منذ الصغر بزيارة الولايات المتحدة الامريكية , وا ن شاء الله هذا الصيف 2005 طالع طالع ماعني وعنها وحددت ولاية كاليفورنيا لانها الاجمل اما مدينة لوس انجلس او سان فرانسيسكو...


انا طبعا ابي اروح سياحة لكن الظاهر مابيعطوني فيزا سياحية فقلت ابي اقدم على معهد لغة واسكن مع عائلة Homestay او في ستديو Residence... واروح بفيزا طالب .

السؤال :

1/ هل استخراج فيزا لامريكا حاليا سهل والا صعب ؟
2/ كم تستغرق الفيزا عشان تطلع ؟ وش الطلبات اللي يطلبونها ؟ كم رسومها ؟
3/ هل لازم اراجع السفارة في الرياض او القنصلية في الظهران تكفي ؟


وسلامتكم

تكفون ياللي تعرفون ردوا علي

Le Fils Fier
05-06-2005, 01:56 PM
أخوي روق الننقا اختيارك لامريكا بإذن الله موفق و تروح و ترجع بالسلامه و هذي اجوبتي :

1- لا تستطيع ان تقول سهل جدا و ليس بصعب بس الله بييسرها لك ان شاء الله .

2- أولا: أخذ موعد للمقابله الشخصيه
اذا كنت من سكان الرياض إتصل على 4881472 أو 4887678 ما بين الساعه 9 صباحا إلى 12 ظهرا و من 1 ظهرا إلى 4 عصرا .. اذا كنت من سكان جده إتصل على الرقم 02-6670080 فى نفس الأوقات ..لإجراء المقابله يجب عليك الحضور ما بين الساعه 8 صباحا إالى 10 صباحا فقط

ثانيا: إعداد الوثائق المطلوبه
1- تعبئة الفورمات المطلوبه سواء للسياحه أو الدراسه Ds 156
2- صوره حديثه مع خلفيه بيضاء (يشترط على الرجل نزع الشماغ و المرأه لا مانع من الحجاب)
3- كشف حساب لآخر 3 شهور
4- جلب جواز السفر القديم و شهاده من البنك عن الطالب او اللي بيصرف عليه للتأكد من ان الشخص معروف لديهم,( الصيغه معروفه لدى البنوك), وعموما هي مجرد شهاده با الرصيد بتاريخه على حسب التعليمات الصادره من مؤسسة النقد السعودي
5- تعريف من العمل أو شهادة راتب (الوظيفه، الراتب، كم صارلك معهم، عنوان الشركه و أرقامهم) , و الطالب يجيب تعريف بعمل اللي بيصرف عليه (الأب مثلا )
6- مبلغ 380 ريال على كل طلب و يكون الدفع نقدى
7- الذكور من سن 16 إلى 45 عليهم تعبئة طلب إضافى Ds 157

في يوم الموعد كل ما بكرت تخلص اجراءتك بسرعه..قبل ما تدخل السفاره يشيكون على اوراقك كامله..يمكن هناك فورم زياده لازم تعبيه >> تعبيه و انت هناك " لا تنسى القلم" بعدين اذا اوراقك كامله يعطونك ورقه صفراء عليها توقيع المسئول بأن اوراقك كامله و اذا ناقصه برضو يعطونك الورقه مكتوب عليها ايش اللي ناقصك و تجي مره ثانيه با الورقه الصفراء من غير موعد

بعد التشييك على الأوراق يفتحون الباب لك و يفتشونك على خفيف..وياخذون الجوال منك بعد ما تخلص من البوابه تمشي مسافه في ساحة السفاره و تدخل المبنى (اول ما تدخل تلاقي البهو قدامك, تذكره جيدا )..ويفتشون عليك مره ثانيه..ويقوم مسئوول الأمن بإرشادك وين تروح ...

بعد ما تروح المكان المخصص..تاخذ رقم " لا تضيع الرقم" و تستنى دورك "مش للمقابله" مجرد تشييك على الأوراق مره ثانيه و ترتيب اوراقك للي بيقابلك..بعد ما تخلص منه يعطيك رقم ثاني للمقابله..و يقولك ادفع مئة دولار بروسسينق في (ال380 ريال) .." احتفظ با الوصل"

تروح للصاله الخلفيه للمقابله...تحتري دورك...يسئلك اسئله عاديه جدا معظمها تكون جاوبت عليها في الفورمز.. مثال (ليش رايح, وين بتسكن, كم بتجلس, الدول اللي رحت لها,سبق لك الذهاب هناك اعني امريكا,سبق ان اعتقلت هناك او لا؟ اسئله عن الجامعه...بعدين يطلبون منك بصمات و يقولك ادفع برضو خمسه و ثمانين دولار..تروح للكاشير و يعطيك الوصل " احتفظ به " طبعا خليك صريح و جاوب على قد السؤال بدون تأليف و فلسفه و خل أجوبتك متطابقه مع الى ذكرته فى الفورم ..

بعدين تروح لبهو السفاره امام مدخل المبنى تحتري احد يجيك علشان ياخذ بصماتك..ستجد من سبقك في الانتظار..عشان كذا التبكير من البدايه احسن.....لأن مدة اخذ البصمات لكل واحد تتراوح من 15 دقيقه الى عشرين دقيقه..

بعد ما تخلص بيقولون لك سنتصل عليك لحين انتهاء اجراءات التحقق

حط فى إعتبارك الإمور التاليه:

* احتفظ با الوصل و الرقم دائما...ستسأل عنه في كل مره
* الظهور بمظهر لائق مطلوب
* لا تكذب
* الأطفال تحت ال 12 و الكبار فوق 79 غير مطالبين با الحظور للمقابله, ولي الامر يسويها بدالهم
* الدفع كاش فقط
* فترات الانتظار طويله... قد تكون إحضار جريده او مجله فكره جيده
* لا يوجد غير الماء..تغذى كويس قبل ما تجي
* فترة التحقق عاده تاخذ من اربع اسابيع الى ستة اسابيع
* اخذ البصمات على حسب اللي قابلك قد يوافق من البدايه و اصدار الفيزا ما يأخذ اسبوع
بيعطيك اللي قابلك ورقه حمراء فيها عنوان ايميل تقدر تراسلهم للسؤال عن طلبك في حال انهم تأخروا ما اتصلوا عليك
* اذا انت مو شبهه...الموافقه شبه اكيده

3- لازم يكون في السفاره .

و بس خلاص

روق المنقا
06-06-2005, 12:04 AM
اخوي جوز حمام محشي الف الف شكر على هالمعلومات الحلوة كفيت ووفيت وماقصرت والله


بس عندي سؤال : من واجيب الفورمات اللي لازم اعبيها ؟ والا اروح للسفارة واعبيها هناك ؟



ومافهمت فترة التحقق .... ممكن توضحها شوي ؟



* فترة التحقق عاده تاخذ من اربع اسابيع الى ستة اسابيع



بعدين هل صحيح الفيزا تاخذ شهرين ؟ هذا واحد يقولي .

والف شكر لك يالغالي

عطه خير
06-06-2005, 07:45 AM
لأن مدة اخذ البصمات لكل واحد تتراوح من 15 دقيقه الى عشرين دقيقه..

ماصار لي كذا ياخوي وقت المقابله بعد مايخلص معك يقولك حط اصبعك على الليز حق البصمات اصبع السبابه بس لكل اليدين

Le Fils Fier
07-06-2005, 12:14 AM
أخوي الفورمه تاخذها بالسفاره و تعبيها في نفس الوقت .

فترة التحقق هي المده ما بين أخذ المعلومات منك لأى ما يتأكدون منك و أنك فعلا رايح للغرض اللي قايله و ما عند مشاريع ثانيه أنك تفجر مثلا ... ينكت الأخ , لا بس يبون يتحققون اذا زرت ايران او سوريا و لك في هالسوالف . و بعدها تطلع الموافقه و يمحطون لك الفيزه .

و ممكن الفيزه تاخذ شهرين عند بعض الناس . بس عندك هذا الخبر اللي نزل في الشرق الأوسط من فتره :


منح تأشيرات الدخول للطلاب السعوديين والخليجيين خلال أسبوعين بدلا من 90 يوما


واشنطن: عماد مكي
كشفت مساعدة وزيرة الخارجية الأميركية للشؤون القنصلية مورا هارتي وجود آليات جديدة وإجراءات مطورة لتسهيل منح تأشيرات الدخول للولايات المتحدة للطلبة السعوديين بشكل خاص وطلبة دول مجلس التعاون الخليجي بشكل عام من شأنه تقليص فترات الانتظار في انتظار منحها إلى أسبوعين تقريبا.

وبينت المسؤولة الأميركية التي استضافتها أول من أمس السفارة السعودية في واشنطن أن الإجراءات الجديدة تقضي باستخدام التقنيات الإلكترونية الحديثة الأمر الذي أدى إلى تقليص فترات الانتظار التي كانت تصل إلى ثلاثة اشهر إلى نحو أسبوعين على الأكثر حاليا.




أخوي عطه خير : وقت أخذ البصمات كان يختلف قبل فتره و أنا جربنها و في ناس الى الآن تطول معهام . و مشكور على اطلالتك الحلوه .

مجرم وعلى جيب
07-06-2005, 03:44 AM
مشكور على المعلومات القيمة

خيال نجد
07-06-2005, 04:04 AM
طيب يا جماعة أنا أبي أروح بعد شهر يمديني أطلع فيزا إذا قلت لهم أني مستعجل ...

Veron 14
07-06-2005, 06:59 AM
^
انا اللي اعرف ان زيارة الامير عبدالله الاخيره لـ امريكا ضبطت الامور شوي وصارت مثل ماقال الاخ تطلع باقل من شهر

مهوب مثل اول شهرين وازود ..

عطه خير
07-06-2005, 09:15 AM
طيب يا جماعة أنا أبي أروح بعد شهر يمديني أطلع فيزا إذا قلت لهم أني مستعجل ...

رايح تركيا الاخ pb129

دحومي و بكيفي
10-06-2005, 07:57 AM
اخر الاخبار يقولون انها تطلع في 3 ايام للطلاب ..

وبالنسبه للقنصليه في الظهران راح تفتح في شهر 9 انشالله ..

والاوضاع افضل بكثير ..

واللي مخطط يروح يحجز من الحين ترى الحجوزات مب مثل اول ..

عبودي 1
11-06-2005, 12:37 AM
كل هذا علشان اروح لامريكا
ياستار

Abo-Jariah
12-06-2005, 01:53 PM
معليــــــــــــــــــــــــــــــــــــــــــــــ ـــــــــــــــــش

بس شفت كلام

الشباب و الناس كلهم ؟؟

ولا واحد منهم للأسف صحيح !!!

الفيزا تجيك على حسب المزاج

انا اعرف ناس عاشو في امريكا

ويوم رجعوا السعودية يجددون ماعطوهم ..

و في نفس الوقت اعرف ناس طلعت في اسبوعين

و فيه في شهر و شهرين ...

بالعربي لا انا ولا انت ولا اي

احد يدري متى بالضبط لين

ما تقدم و بعد المقابلة هم يقولون لك

متى بالضبط ..