هل أنت مريض نفسي ؟ لا ؟ طيب تعال واثبت لك انك مريض نفسي

[هارب إليها]

بسم الله الرحمن الرحيم

السلام عليكم ورحمة الله وبركاته



اكيد 95% منكم اجابوا اجابة واثقة واكيدة وسريعة وبلا تردد بـ لا .. رداً على سؤال الموضوع

طيب وش رايكم نعمل تحدي صغير بيني وبينكم pb036

التحدي يقول : بقرايتك للموضوع هذا للنهاية راح تتغير اجابتك الواثقة بـ لا .. إلى اجابة بنعم .. او على الأقل إجابة مترددة وبعد تفكير طويل بـ لا

اتفقنا ..!؟ طيب :)


المقدمة :

الطب النفسي او الطبيب النفسي .. كلمات وعبارات مخيفة عندنا .. فكلمة "نفسي" ارتبطت عندنا بالجنون .. فأي شخص يروح لطبيب نفسي يسمى مجنون .. وهذا الفكر منتشر في العالم الثالث .. بينما نشوف في العوالم المتقدمة تقديرهم للطبيب النفسي والطب النفسي بشكل عام .. واهميته للفرد .. فغالباً ما يكون لكل فرد طبيب نفسي يراجعه كل فترة والثانية .. مو شرط ان اللي يراجع الطبيب النفسي هو مجنون او مهووس او قاتل او شاذ او او او .. مثل غيرها من الافكار المزروعة في عقول الكثير من العقليات .. بالعكس .. الحالات المذكورة سابقاً تعتبر الأقل مقارنة بالحالات الاخرى الابسط والاكثر انتشاراً ..

في الموضوع هذا ما راح نتكلم عن الحالات الواضحة والحالات اللي ما يختلف عليها حتى صاحب المرض نفسه .. مثل الانفصام .. او الاكتئاب الحاد .. وغيرها

راح نتكلم عن اشياء بسيطة او امراض سلوكية منتشرة بشكل كبير .. هي اصلاً تصرفات مرضية تحصل بسبب حالات نفسية بحتة

اشياء قد ما يلاحظها الشخص المصاب فيها .. اشياء تكرر مع الشخص ربما عشرات المرات في اليوم وهو ما يدري عنها

الدافع القوي لكتابة الموضوع هذا هو برنامج شفته على قناة ون (( one tv )) .. البرنامج يعرض حالات مرضية مرعبة بصراحة وتقعشر لها الابدان .. وتخلي الواحد يحمد ربه مليون مرة على النعمة اللي هو فيها .. وكل الحالات المرضية اللي في البرنامج ابتدأت بدرجات بسيطة جداً ثم مع الوقت تطورت حتى وصلت إلى هوس وجنون

الحالات هذي راح اذكرها مع سياق الموضوع ومع سياق كل مرض



الأمراض :

طبعاً الأمراض كثيرة ولا يمكن حصرها .. وأعراض الأمراض اكثر بكثير .. كيف يعني ؟ يعني لما نقول فلان فيه الـ "وسواس القهري " الوسواس القهري له عدة اعراض مختلفة قد ما يكون في الشخص الفلاني إلا واحد منها .. وشخص ثاني مصاب بأعراض اخرى ... إلخ

لكن راح احاول اجمع اللي اقدر عليه واللي اشوف انها منتشرة .. وان شاء الله اوفق في عمل ولو شيء بسيط ينال على اعجابكم ويحقق الغاية المرجوة


ملاحظات هامة :

* راح احاول ابعد قدر المستطاع في الموضوع عن الاسلوب العلمي .. واخلي الاسلوب على شكل سوالف بسيطة بدون الكلام الطبي اللي يطفش وما يخلي الواحد يفهم ولا يستمتع

* قد يكون هناك شوية اخطاء في التصنيفات او ما شابه .. فالعذر والسموحة



الوسواس القهري :

الوسواس القهري وما ادراك مالوسواس القهري .. تدري ولا ما تدري ان المرض هذا يعتبر ثاني اكثر الامراض النفسية انتشاراً في العالم بعد الاكتئاب ؟ تبي تعرف كم عدد المصابين فيه ؟

طيب تفضل .. العدد هو (( 150.000.000 )) ايه لا تفتح خشتك .. مئة وخمسين مليون شخص مصاب باعراض المرض هذا على مستوى العالم .. طبعاً الاحصائية تقريبية ومو دقيقة .. يعني الرقم حولها (( اكثر الاحصائات تفائلاً تقول ان العدد هو مئة مليون ))

أعراض المرض :

اعراض المرض تنقسم إلى قسمين وهم :

1- التفكير والوساوس : كيف يعني ؟ يعني الواحد يصير يفكر في اشياء غريبة جداً وتبدا حياته تصير جحيم بشكل لا يطاق .. مثلاً يخاف من الموت .. يخاف يصير زلزال في اي لحظة .. يخاف المويه تتسمم ثم يموت .. يخاف يجيه حادث .. شي جنوني تخلي حياته مبهذلة .. طبعاً فيه درجات مختلفة .. مثل التفكير البسيط والمتكرر بالموت بس مو بشكل الهوس .. او الدرجات العالية من التفكير الجنوني واللي يخلي الحياة ما تطاق .. واحد الاعراض اللي عرضت في البرنامج اللي ذكرته هي تفكير بشكل هوسي .. البرنامج يعرض حالة أم مهووسة بالخوف من الجراثيم .. تخاف من لمس اي شيء .. تخاف تلمس اي سطح مكشوف .. لدرجة انها تخاف من ايش ؟ وش تتخليون ؟ تخاف انها تلمس ولدها .. ايه نعم تخاف انها تلمس ولدها عشان ما تنقل له الجراثيم .. ام ما تلمس ولدها ؟ :( .. والله حالتها تضيق الصدر .. يقولون لها المسي الطاولة ترفض .. بعد ما الحوا عليها واصروا عليها "البرنامج بإشراف دكاترة نفسيين مختصين " المهم بعد ما الحوا عليها لمست الطاولة من تحت !!؟ واستمر برنامجهم العلاجي معاها لمدة شهور حتى ضبطت امورها وصارت عادي تلمس الطاولة وتلمس ولدها وكل شي تمام :D

2- الأفعال القهرية : وهي الأكثر انتشار بشكل مو طبيعي .. وهي عبارة عن افعال يؤديها الشخص بشكل متكرر وكأنه فيه شي خفي يلح عليه بانه يسوي الشي هذا مرات ومرات .. مثلاً : اللي يقوم كم مرة عشان يتأكد ان الباب مقفول .. او كل شوي يروح يشيك على السيارة هل هو قفلها او لا .. او يشكك في الرقم السري لاي شي ويقعد يعيده مرات ومرات .. او اللي يحب يرتب الاشياء ويحب كل شي منظم .. او اللي يحب يغسل يدينه كم مرة .. مو غريبة عليكم الاعراض هذي صح ؟ كثير منا فيه شي منها ولو بشكل بسيط جداً .. انا شخصياً عندي هالنوعية من الاعراض .. دائماً اذا جيت اقفل السيارة مثلاً اقفلها ثلاث او اربع مرات .. او اشكك في الرقم السري .. مثل ما قلت لكم هذي تعتبر درجات بسيطة من المرض ومنتشرة بشكل كبير جداً .. الدرجات الخطيرة في التكرار عشرات وعشرات المرات .. واحد الحالات الخطيرة عرضت في البرنامج اللي ذكرته .. عرضوا حالة امرأة مصابة بالافعال القهرية في غسيل اليدين .. تخيلوا .. تقعد طول اليوم تغسل يدها .. يعني في الساعة الوحدة تغسل يدها اكثر من عشر مرات !!؟ طبعاً هذا يسبب آلام نفسية وعضوية ايضاً .. لان جلدة يدها بدت تتقشر :( وبدت الاعصاب اللي في اليد تموت والجلد يطيح .. منظر مرعب والله .. تتوقعون وشلون عالجوها ؟ راحوا وشقوا مخها ولعبوا في العصب المسبب للمرض وطابت بعد فترة !!؟

يا جماعة احمدوا ربكم :)




الرهاب :

الرهاب بمعنى عام هو الخوف الشديد من موقف ما يستاهل الخوف منه .. وفيه انواع كثيرة من الرهاب .. وراح نتكلم عن بعضها :

1- الرهاب الاجتماعي :

المرض واضح من اسمه .. هو عبارة عن خوف وقلق من اي مناسبة اجتماعية .. الهروب من اي شي فيه جمعة او جماعة او ناس .. من اعراضه احمرار الوجه .. الغثيان .. الرعشة .. التعرق .. الحاجة لدورة المياه بشكل مفاجأ .. كل هذا بسبب التواجد في مكان اجتماعي .. واحياناً يصاب المريض بالاعراض هذي بمجرد اقتراب موعد العزيمة .. يعني العزيمة بعد صلاة العشا .. من العصر وهو قلقان ومعفوس وضايق صدره .. والمصاب بالمرض هذا يحاول الهروب من اي مناسبة اجتماعية .. وقد يقلب حياته كلها فوق تحت عشان يتفادى الظروف الاجتماعية .. قد يترك الدراسة او العمل .. قد يقطع اهله واقاربه .. وفي الحالات المتقدمة ينعزل الشخص المصاب بشكل كبير ويلجأ للمخدرات والكحول للتعويض عن الفراغ الداخلي الناتج عن العزلة والوحدانية .. واكيد فيه حالات خفيفة وهي الأغلب .. كم واحد تعرفه ما يحب الجمعات ويكرهها ؟ وينعفس ويرتبك اذا انعزم ؟ واحياناً يحاول يتهرب اذا قدر ؟

2- الرهاب من الاماكن المغلقة :

مثل الطائرات والاصنصير والقطارات والباصات والاماكن الزدحمة مثل الاسواق .. واسباب خوفه هي انه لو مثلاً صار له شي وهو في المكان المغلق او المزدحم هذا من اللي بيساعده ؟ .. او لو صار حادث او حريق او اي شي آخر ما راح يمديه ينحاش ... إلخ .. كم واحد تعرفه يخاف يركب الاصنصير ؟وكم واحد تعرفه يحاول قدر الامكان انه ما يركب الطائرة ؟

3- الرهاب من الاماكن المفتوحة :

وهذا عكس اللي قبل .. فهو يخاف من الاماكن الخالية مثل البر او البحر او الغرف الفاضية

وفيه اعراض كثيرة جداً من الرهاب وإن كانت غير منتشرة مثل الرهاب من الحيوانات او الرهاب من المستشفيات ... إلخ




قلق الامتحـان :

برضوا واضح المرض من الاسم .. يا فيه ناس يختبصون اختباص اذا جت الاختبارات .. قلق ورعب وضيقة صدر عشان الاختبار .. لدرجة انهم من كثر قلقهم من الاختبار يفشلون فيه .. وبعضهم يذاكر ويذاكر ويصم المادة ومن الخوف ما يروح للاختبار !!؟ ومن اعراضه خفقان شديد في القلب وارق وتفكير متواصل بالاختبارات .. وبعض الدراسات تقول ان المرض منتشر بشكل كبير في العالم العربي بسبب ان التحصيل الدراسي هو وسيلة العيش الغالبة عندنا .. يا جامعي يا بلا .. بينما في الغرب الدراسة مو كل شي ابداً .. وايضاً ضغوط الوالدين وعبارات مثل (( عند الامتحان يكرم المرء او يهان )) وتخويف المدرسين للطلاب وايضاً الاجراءات والتفتيشات والوسائل الوقائية قبل اي اختبار تخلي المصاب بالمرض يزداد رعب وقلق



هجاس المرض :

هذا يخلي الواحد يصر ويلزم انه مريض وانه فيه امراض واصابات .. تشوف كل ما قرا عن ظهور مرض جديد يقول بس هالمرض فيني .. وكل ما حس بشي في جسمه قال خلاص انا مريض .. ويكثر مراجعات للاطباء ويكثر الشكوى وغالباً ما يصيب الكبار في السن (( العقد الرابع او الخامس )) .. ومن اسبابه الخوف من المرض وكثرة الاطلاع على كل صغيرة وكبيرة في مجال جديد الامراض .. وايضاً لما يفشل في اموره الحياتية يبدى يفكر في المرض كتعزية لنفسه وكهروب من واقعه



الانحرافات الجنسية :

ما راح نتكلم عنها بشكل كبير لانها حساسة شوي :D .. لكن هي باختصار الاظطرابات الجنسية بشكل عام مثل الشذوذ .. وحب الرجل للرجل والمرأة للمرأة .. بعضها اسباب بيولوجية يعني عضوية يعني مشاكل في هرمونات الشخص نفسه .. يعني رجال يصير عنده لخبطة في هرموناته الذكرية او العكس .. انثى يصير عندها لخبطة في هرومانتها الانثوية .. او قد تكون اظطرابات شذوذية نفسية ما لها دخل في المشاكل العضوية .. والسبب لذكري لها هو انتشار الشذوذ عندنا بشكل كبير سواء للذكور او للإناث .. وان كانت مشكلة مخفية او يتم تفاديها اعلامياً واجتماعياً .. إلا إنها بينة بشكل كبير .. طلة بسيطة على أي مدرسة للأولاد او البنات راح تكون كافية .. وايضاً فيه اعراض اخرى غير الشذوذ للانحرافات الجنسية .. بس ما نبي نفصل فيها pb036



الأرق :

الارق من الامراض المنتشرة بشكل كبير .. احياناً يكون بشكل غير متكرر .. مثلاً عندك شغل او سالفة مشغلتك ما يجيك النوم إلا لين تنتهي امورك منها .. او اذا كان جزء منك يعورك مثلاً ضرسك ولا بطنك ولا اصبعك ولا شي :D .. يطير النوم من عيونك وما تنام .. هنا طبيعي وما فيه مشكلة .. المشكلة لما تعيش حياتك كلها ما تنام .. ويصير النوم هدف لك وحلم تتمنى تذوقه (( الله يا كافي :) )) .. او قد يكون النوم قليل جداً ومتقطع وغير مريح ابداً وغير كافي لجسم الانسان (( الانسان البالغ يحتاج من 6 إلى 8 ساعات يومياً من النوم في المتوسط )) .. وله اسباب كثيرة اغلبها الضغوط النفسية ومشاكل الحياة او تأنيب الضمير (( تأنيب الضمير ؟ قلبنا مسلسلات مصرية :D )) ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟



السمنة :

كثير وكثير نقرا مواضيع عن السمنة وخصوصاً انها داء العصر .. بس بتكلم عنها باختصار وحبيت اضيفها لانها نقطة مهمة ومنتشرة بشكل كبير .. السمنة اما تكون بسبب اعراض بيولوجية او عضوية .. يعني خلل في الهرمونات .. لذلك ما يتم حرق الدهون ويحس الواحد بجوع دائم .. او نفسيه .. وهو ان الواحد يلجأ للأكل مو بسبب الجوع لكن بسبب الضغوط النفسية .. كم مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟



هوس نتف الشعر :

وهو عبارة عن نتف الشعر بشكل متكرر وحاد ويصل احياناً إلى درجة الصلع .. وينتشر غالباً في سن المراهقة وخصوصاً لدى النساء .. وسببه هو الضغوط الاجتماعية والنفسية .. وبما ان شعر المراة احد عوامل الجمال الرئيسية لها .. فهي تزيله بشكل لا شعوري كدليل على الآلام النفسية الحادة وخصوصاً في سن المراهقة .. وايضاً فيه حالات اخرى مشابهة مثل قضم الاظافر .. واحد الحالات اللي عرضت في البرنامج المذكور هي حالة لامرأة تنتف شعرها حتى اصيبت بالصلع .. وساعدها البرنامج اولاً بصنع باوركة لها .. ثم بـ اساليب نفسية حتى تتوقف عن نتف شعرها .. انا شخصياً اعرف شخص عنده عادة عض الاصابع .. فهو يعض اصابعه بشكل كبير ومتكرر .. حتى تحفرت المفاصل ووضح اثار الاسنان عليها .. الرجال راح ولزق الاماكن اللي يعضها بشكل معتاد بـ لزقات طبية "لزاق جروح " فصار كل ما جا يعض اصبعه عض اللزاق .. لذلك ما صار يلقى اللذة المعتادة في العض .. ومع الوقت توقف بشكل كلي عن هالعادة .. تدرون كم كان عمره يوم يسوي هالطريقة ؟ " اقل من 15 سنة " واكتشفها من نفسه :D .. كم شخص تعرفونه عنده عادة نتف الشعر او تقضيم الاظافر ؟



هوس الاحتفاظ بالاشياء :

بصراحة ما ادري هالمرض يدخل تحت اي تصنيف .. لذلك حطيته لوحده .. هذا طال عمرك يخلي الواحد يحتفظ باشياء كثيرة وهو ما يحتاجها .. ويصير عنده عادة الاحتفاظ بالاشياء القديمة بشكل غريب .. ويصير عنده اعتقاد داخلي انه بيحتاجها في يوم من الايام .. وحتى لو صار الشي عطلان وقديم وما يحتاجه مع ذلك يحتفظ به .. وتنتشر هالعادة عند الشياب الله يحفظهم :D .. انا عندي الوالد الله يخليه .. عنده هالعادة بشكل مو طبيعي .. لو تشوفون غرفته مليانة اوراق .. والله شي مو طبيعي بمعنى الكلمة .. اوراق وكروت وايصالات قديمة جداً جداً ما لها فايدة .. لكن بحجة انه يمكن يحتاجها !!؟ وابحط لكم صورة لدولاب الوالد الله يحفظه بعد شوي :D .. انا احس ان هالعادة عندي اخذتها من الوالد .. لذلك دائماً احاول ارمي الاشياء حتى ما يتطور عندي هالمرض :D .. وايضاً من الحالات اللي عرضت في البرنامج شخص عنده مرض الاحتفاظ بالاشياء .. يحتفظ باي شي ممكن تتخيله .. حتى كراتين علب الطعام الفاضية يحتفظ فيها .. لدرجة انها ما يقدر ينام في الشقة .. تخيلوا شقة مليانة اغراض ما فيه مكان لموطىء قدم .. لما طلبوا منه يرمي علبة فاضية بغى ينهبل .. ما قدر .. استمروا معاه كم شهر في العلاج وتدرون وش النتيجة ؟ بعد كم شهر من العلاج استطاع يرمي صفحات من جريدة قديمة .. يعني ما تحسن كلياً .. تحسن بشكل بسيط .. يا رب احفظنا :( .. كم شخص تعرفون فيه هالعادة ؟ كثير صح ؟

الصورة :

http://www.zemam.com/img1.jpg

الصورة السابقة عبارة عن درج واحد من الادراج .. اضرب هالدرج في 3 او 4 .. يطلع لك الناتج من الاوراق القديمة المخزنة

مثل ما شفنا في الموضوع فيه امراض قد تكون موجودة فينا بس ما انتبهنا لها .. وقد تكون نادرة الحدوث او متكررة .. المهم انها موجودة

هاه بشروا ؟ وش صار للـ لا الواثقة والاكيدة ؟ اهتزت او تغيرت ؟ ولا فشلت انا في التحدي ؟ ;)


في الختام اتمنى ان الموضوع يكون خفيف عليكم ومفيد في نفس الوقت

ولا تنسى : الابتسامة خير سلاح لكسب القلوب :)

هارب إليها

[RAUL]

يعطيك العافيه هارب اليها

انا بصراحه قريت العنوان وكان جوابي مشروط

يعني ايه ولكن فيني كذا وكذا

او لا بس فيني كذا وكذا :)

والاوجه اللي عديتها كثيره
واعتقد انها قد تعبر عن حاله نفسيه مؤفته
واصحابها مايطلق عليهم مرضى نفسيين

بس المريض النفسي كما هو المعروف عندنا

قد يكون احد الحالات اللي ذكرتها لكنها تكون حاله دائمه ومستمره

مثل الارق او الخوف او الاكتئاب او الاحباط او وسوسه

واذا كان هالشي موجود دايم بالشخص يسمى مريض نفسي

يمكن الاحظ فيني الوسواس القهري مثل ماتسويه بس يجيني بشكل قليل ومتقطع

يعني احيانا اشك اني قفلت السياره او اشك اني طفيت المكيف او التلفزيون ومثل كذا

يعطيك العافيه

[ريانه]

كنا نحتاج لمثل هالوقفات ... ;)
وقفه صائبه للتأمل ومعرفة الذات عن قرب
هارب يعطيك ربي كل العافيه bp039

لي رجعه مفصله باذن الله تعالى ...
حبيت اشكرك ... على جهدك الي تبذله
واستمرارك معنا ... وامتاعنا في ماتسطره اناملك
مـ ثـ بـ ت bp039

ولي رجعه للمناقشه

[الراهي]

اخي الحبيب

دع النفس لخالقها

باختصار لايوجد انسان بدون عيوب

ولايمكن ان نعتبر عيوبه مرض نفسي لمجرد ان الاطباء النفسيين يقولون ذلك

الا اذا كان قد وصل حد الهوس والتاثير على عاداته وعلاقاته الاجتماعيه

تحياتي الحاره لقلمك الرائع

[show me!!]

هارب اليها pb018

ومن قريت العنوان بس قلت ايه....عارفه نفسي pb030

عاهاتي :D :

الرهاب :
هوس الاحتفاظ بالاشياء :


بس الرهاب ولله الحمد لسه في مراحله الاولى ما بعد تقدم :rolleyes:

اما الاحتفاظ بالاشياء يعني مو في اوله...ولا في اخره زي اللي جا في البرنامج :D

يعني تقدر تقول نص البيسمنت على حسابي :rolleyes: !


والف شكر على الموضوع الرااااااااااااائع ;)

[جرحـ الغـلا]

ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟

اهئ اهئ اهئ اهئ اهئ


منعوا الاكتفيد وعجزت القى شى مثله كان عندك قلي ;)
<<< ينسدح الساعه 12 ويقعد الى الساعه 5 وينام ويقوم الساعه 6 بعد مامنعوا الكتفيد :(
(مدمن الاخ) :D

هذا شكل من اشكال الارق :D

[oxymoron]

موضوع رائع و تنسيق أروع ... استفدت من الموضوع كثير !

هارب إليها... راح أحطك في قائمة الأقلام الذهبية << و الله من زين القائمة pb027

أبي أقول ملاحظة عندي يمكن تكون صح أو غلط (البنات هم اللي يقدرون يجاوبوني) .... مرض الكآبة منتشر بشكل فظيع في السعودية (طبعا هو منتشر بكل مكان بس أنا بتكلم عن ديرتنا) ... بس ما تلاحظون إن نسبة الكآبة عند البنات مرتفعة بشكل غير طبيعي ؟؟ هل العادات و الكبت هو السبب الرئيسي ؟

[هارب إليها]

RAUL

ايه نعم يا راؤول .. حالة نفسية مؤقتة .. المهم انها حالة نفسية

انا حبيت اوضح ان المرض النفسي مو شرط يكون جنون او انفصام او اي شي آخر مثل ما احنا نعرف .. حبيت اوضح ان الامراض النفسية او السلوكية ابسط مما نتصور .. وهي علمياً يطلق عليها مرض نفسي بغض النظر عن مفهومنا نحن للامراض النفسية

ومو شرط يكون فيه ارق او اكتئاب او احباط عشان يطلق عليه مريض نفسي

يعطيك الف عافية على الاضافة راؤول وعلى مشاركتنا رأيك

[هارب إليها]

ريانه

يعطيك العافية على اطرائك الرائع

وشاكر لك تكريمك للموضوع

بانتظار عودتك



الراهي

هلا وغلا اخوي الراهي

اكيد النفس لخالقها وما فيها اي خلاف

لكن هل معناه اننا نوقف عن عمل اي شي عملي لدراسة الجسد او نفسية الانسان بحكم ان النفس لخالقها ؟

واكيد ان الانسان بدون عيوب

ولايمكن ان نعتبر عيوبه مرض نفسي لمجرد ان الاطباء النفسيين يقولون ذلك
اجل مين ؟ يمكن الخبازين هم اللي يحكمون :D

ما ادري يالغالي احس انك رديت على عنوان الموضوع واختبصت امورك وما فهمت السالفة

شاكر لك مرورك وتوقفك عنوني

[هارب إليها]

show me!!

مرحبا بك شو مي

الرهاب + هوس حفظ الاشياء .. وعرفنا شي جديد عنك :D

يعطيك العافية على اضافتك وصراحتك .. وشاكر لك مرورك



جرحـ الغـلا

هلا والله جرح

يا ساتر .. عايش على الاكتفيد اجل !؟

فيه حبة اسمها فاليوم ؟ الظاهر انها حقت النوم اذا ماني غلطان صح ؟

يا ليت تفيدنا عن هالنقطة

وشاكر لك مرورك


oxymoron

هلا بك اوكسي مورون

شاكر لك كلامك الجميل وشاكر لك اضافتي إلى قائمتك الذهبية :D

أبي أقول ملاحظة عندي يمكن تكون صح أو غلط (البنات هم اللي يقدرون يجاوبوني) .... مرض الكآبة منتشر بشكل فظيع في السعودية (طبعا هو منتشر بكل مكان بس أنا بتكلم عن ديرتنا) ... بس ما تلاحظون إن نسبة الكآبة عند البنات مرتفعة بشكل غير طبيعي ؟؟ هل العادات و الكبت هو السبب الرئيسي ؟

اكيد الاكتئاب يعتبر المرض النفسي رقم 1 في العالم .. وانا ما ذكرته في الموضوع لسبب انه واضح وشي ثابت وبين حتى لصاحبه .. انا حاولت اعدد اشياء صاحبها ما يدري انها مصاب بها .. وبالفعل البنات عندنا عندهم هالمرض بشكل كبير بسبب الضغوط الاجتماعية الكبيرة عليهم

شاكر لك مرورك واضافتك

[لق لق]

ايه ايه ايه :D

انا عندي حاله اخاف من المستشفى او الدكتور بالاخص :D

اذا سمعت طاري يالله نوديك للدكتور اخاف واهج واقول لا خلاص مايوجعني شي واحيانا مو دايم ابكي من الخرعه :D

يعطيك العافيه هارب :)

[الســـنعه]

مرحبــــا ;)
يؤؤ يؤؤؤ كل هالشئ تدخل تحت دائرة الامراض النفسيه :eek:
يعني في أشياء كثيره نشووفها بمجتمعنا تتسوى بس توقعتها اشياء بسيطه pb036
هارب مقدمه رائعه مرره واسلوب سلس خلاني أخلص الموضوع للآخر بالنسبه
الأمراض النفسيه لاشك أنها منتشره عندنا بشكل كبير مرره خاصه بمجتمعنا
وقد مره قريت بموقع أنهم سوو إحصائيه وجدوا أن العالم العربي أكثر الأمراض النفسيه أنتشارا
بسبب:الأحقاد والغيره والضغووط اللي مالها أول ولا آخر :rolleyes:


الوسواس القهري
هذا منتشر عندنا الله يكفينا شره بشكل كبير خاصه الوسواس من ناحية الوضوء للصلاة
يعني يتووضأ الواحد ويقعد ساعتين وهو يتوضأ للصلاة
بعدين يرجع ويعيد وضووئه لان شك بأن وضوئه خاطئ :confused:

قلق الامتحـان
هذا أحسه أسوء شئ لأنه يصير بأنسان عادي جدا مافيه الا العافيه
يجيك مذاكر وصام الماده صم مع قلقه الزايد وخووفه وبعدين يجيب العيد بالاختبار pb027

هوس الاحتفاظ بالاشياء
ياكرهي للعاده هذي أنا ماصدق خبر يجي يوم وأفضي الأغراض الزايده عندي علشان تخفف علي شوي pb030


هارب عوافي
تحياYT

[بنت البدو]

السلام عليكم pb192

أنا اول ماقريت العنوان بصراحه كان ردي
(نعم)
وبقول ايي وحده من اللي ذكرتهم فيني من الاقوى واللي مسيطر علي الى الاخف<<ياساتر pb036

1:الوسواس القهري :

أكثر شي أعاني من ومسبب لي قلق في حياتي سواء كان تفكير او افعال قهريه مقدر اتحكم فيها :(
يعني دايم افكر في الموت مايمر يوم ماقول انا بموت فيه لدرجه صاروا اهلي مايخلوني اشوف اخبار والجرايد اللي يشترونها يقصصون منها صور الموتى لاني انا واختى نعاني من هالوسواس غير كذا دايم افكر في السكون<<الجنانوه - اخاف من الظلمه ماانام الا واليت مفتوح لاني بوسوس ان في سكون في الغرفه غير كذا اخاف من الوحده اوسوس في كل شي الاكل - النظافه - المكان اللي جالسه فيه لدرجه صار عندي طقوس اسويها عشان ابعد الوسوسه واكتشفت بعدين انها افعال قهريه مثلا عشان ماخاف من السكون اشيك على كل شي مسكر في غرفتي قبل انام:درج-دولاب-تحت السرير-اشوف الدرايش مسكره-الباب مسكر<<كل ذولا اشيك عليهم يوميا عشان اتاكد ان الغرفه فاضيه مافيها لاسكون ولايحزنون وكل شوي اتاكد ان الباب مقفول<<تحمدوا ربكم بس pb131
لازم اغسل ايدي ثلاث مرات بالمويه الحاره والصابون قبل اسوي اي شي حتى لو ايدي نظيفه واذا مسكت اي شي حتى لو كان نظيف رجعت اعيد غسل ايدي pb030 ...

2:الرهاب من الاماكن المفتوحة :


إقتباس »
وهذا عكس اللي قبل .. فهو يخاف من الاماكن الخالية مثل البر او البحر او الغرف الفاضية


هذا كان فيني بعدي خف الين اختفى<<وش بقى مافيتس انتي :confused:
احس الوسواس القهري اللي فيني طغى على كل الامراض :(

3:هجاس المرض :

هذا فيني بعد للاسف اي مرض جديد اوسوس انه فيني غير كذا لما اقرا مجله واشوف فيها اعراض اي مرض اقراها بأهتمام وافكر هي فيني ولا لا واروح اسأل امي حتى امي صارت تشق صفحه الصحه من اي مجله اشتريها<<خليتيهم الجمارك انتي ووسواستس pb093

بصراحه الاعراض الثلاثه هم اللي اعاني منهم لاكنهم بدوا يخفون لاني صرت في كل مره اوسوس فيها اني اغسل ايدي او اشيك على الغرفه استغفر واتعوذ من الشيطان واجبر نفسي اني ماخلي الوسواس يسيطر علي عشان مايتفاقم ويصير مرض<<وهو وشو اللحين :D
8
8
8
ياربي انا الوحيده اللي كبيت العشا pb036

[حرباز]

لي عوده مطولة مع الموضوع :)
لكن اعلمك انا نعم :)
الله يشفيني :) فيني من امراض الرهاب الكثير :)
فيني الخوف من المرتفعات بشكل مهوس !! بس الحمدلله قاعد اعود نفسي كل يوم اروح السكاي بريدج حق المملكه :)


فيني ايضاً نوع من الرهاب يمكن قليل في الناس ، وهو ما احب اركب مع ناس يسرعون اخاف يجيني حالة نفسيه اخاف مرره واتلعثم بالكلام وكل شي

انا مضطر اغادر :) لي رجعة ان شاء الله
برب

[غربه الروح]

ماقريت الا اول سطرين من الموضوع
بالعكس ما قلت لا.. ولا قلت ايه
ترددت اني اقول لا pb036

ارجع ان شاء الله :)

[ليت الزمن يرجع]

هارب اليها .... قلم رائع :)

.. مثلاً يخاف من الموت

هذي تجي الحوامل اكثر شي :d

قلق الامتحـان :

اما هذا مستحيييل ,, اقلق علشان امتحان ؟؟؟ :d مايقلق الا الدوافير بس :d

فيه حالات اخرى مشابهة مثل قضم الاظافر

بالله ما تخبرون علاجها وشو ؟؟؟ لا تقعد تناظر اانت وياه مهوب انا ترا :d



في الختام اتمنى ان الموضوع يكون خفيف عليكم ومفيد في نفس الوقت

الموضوع اخف من الخفيف وقمه في الافاده ,,

يعطيك العافيه هارب اليها ...

[YAT]

هلا منحاش pb024

:

اول شي أأكـد على كـلامك
فكلمة "نفسي" ارتبطت عندنا بالجنون .. فأي شخص يروح لطبيب نفسي يسمى مجنون

بالضبـط .. عندنا المريض النفسـي مجنـون , ولو تقـول للشخـص انت فيك كذا وكذا من الامراض النفسية
يقـولك لأ .. الي فيني مو امـراض نفسيـة .. الامـراض النفسيـة جنــون فقـط !
عـلى ان الـجـنـون من الامـراض العقليـة ولا يمكـن حتـى ذكـره بجانـب الامـراض النفسيـة ؛

وانـا كنت سابقاً مثل غيري ماخـذ فكـرة غلط عن العيادات النفسيـة , وان كلها مجانين pb027
لكـن مع مـرور الوقت التقيت بنـاس تـراجـع اطباء نفسييـن .. وهـم ماسكين مناصب وأعمـال كبير ؛

فـ انصـح الي ماخـذ فكـرة غلـط عن علم النفـس وأمـراضـه .. يقـرأ عنهـا ويتثـقـف ؛

:

بالنسبـة للـي فيني من الأمـراض النفسيـة خخخخخخخخخخ .. ماش احس اني خبل .. المهم
فيني ثـلاثـه من الـي ذكرتهـــا بموضوعك .. حتى لو كانت بشكـل بسيط ؛

وأكـثــرهـــا مهبــل فيـنــي وابـغـــى اتخـلـص منـه :(

الوسواس القهري :

1- التفكير والوساوس : كيف يعني ؟ يعني الواحد يصير يفكر في اشياء غريبة جداً وتبدا حياته تصير جحيم بشكل لا يطاق .. مثلاً يخاف من الموت .. يخاف يصير زلزال في اي لحظة .. يخاف المويه تتسمم ثم يموت .. يخاف يجيه حادث .. شي جنوني تخلي حياته مبهذلة .. طبعاً فيه درجات مختلفة .. مثل التفكير البسيط والمتكرر بالموت بس مو بشكل الهوس .. او الدرجات العالية من التفكير الجنوني واللي يخلي الحياة ما تطاق .. واحد الاعراض اللي عرضت في البرنامج اللي ذكرته هي تفكير بشكل هوسي .. البرنامج يعرض حالة أم مهووسة بالخوف من الجراثيم .. تخاف من لمس اي شيء .. تخاف تلمس اي سطح مكشوف .. لدرجة انها تخاف من ايش ؟ وش تتخليون ؟ تخاف انها تلمس ولدها .. ايه نعم تخاف انها تلمس ولدها عشان ما تنقل له الجراثيم .. ام ما تلمس ولدها ؟ .. والله حالتها تضيق الصدر .. يقولون لها المسي الطاولة ترفض .. بعد ما الحوا عليها واصروا عليها "البرنامج بإشراف دكاترة نفسيين مختصين " المهم بعد ما الحوا عليها لمست الطاولة من تحت !!؟ واستمر برنامجهم العلاجي معاها لمدة شهور حتى ضبطت امورها وصارت عادي تلمس الطاولة وتلمس ولدها وكل شي تمام

يمكن الي فيني يميل للوسواس بالتفكير اكثر منه بالأفعـال .. بس الحمدلله ما عمري فكرت بالموت !

لكـن دائماً اتوقع الأسـوأ بكل شي ... مثل تفكيـر الشيبــان :rolleyes:
والحمدلله ايضاً اعتبـره شي جداً بسيط وتافه اذا ما شفت غـيـري ,

مثلاً ..
دق علي واحد من العيال .. وقالي بإندفاع وينك فيه ؟ اتوقع خلاص الرجال مسوي حادث ويبين اجي اشيله
دق علي واحـد مبطي عنـه .. وكان صوته ماش .. احتريـه بس يقولي فلان عطاك عمـره !!


الشـي ثـانـي
الرهاب :
الرهاب بمعنى عام هو الخوف الشديد من موقف ما يستاهل الخوف منه .. وفيه انواع كثيرة من الرهاب

الرهاب الي فيني ما ذكرتـه مع الأنـواع الي ذكـرت ..
انا فيني رهـاب الـسـرعــة بالسيـــارة :( , على انـي احياناً اسـرع ( امشي 140 اعتبر نفسي صكيت الطبلون )
لكن ماش فيني هالخوف الغير الطبيعي من السرعـة والحـوادث بشكـل عـام !

لدرجـة خلاص ... اذا انا موجود بالسيارة يعني مافيه سـرعه وسق بهدوء !
واحياناً احـس اني شايب اذا ركبت مع احـد .. كل شوي .. انتبه انتبه , واشيل هم السواقه اكثر منه
واجلس اوجـهه وأقلق الي يسـوق لين يهددني بالتنزيـل على الطريق علشان اسكـت pb027

بس ايضاً هالشي مو بشكـل دائـم .. يعني تجيني احيان اكون مفهي .. لو تمشي بي 260 ما دريت


وأخـيـراً المـرض الثالث الي فيني ..

الأرق :

الارق من الامراض المنتشرة بشكل كبير .. احياناً يكون بشكل غير متكرر .. مثلاً عندك شغل او سالفة مشغلتك ما يجيك النوم إلا لين تنتهي امورك منها .. او اذا كان جزء منك يعورك مثلاً ضرسك ولا بطنك ولا اصبعك ولا شي .. يطير النوم من عيونك وما تنام .. هنا طبيعي وما فيه مشكلة .. المشكلة لما تعيش حياتك كلها ما تنام .. ويصير النوم هدف لك وحلم تتمنى تذوقه (( الله يا كافي )) .. او قد يكون النوم قليل جداً ومتقطع وغير مريح ابداً وغير كافي لجسم الانسان (( الانسان البالغ يحتاج من 6 إلى 8 ساعات يومياً من النوم في المتوسط )) .. وله اسباب كثيرة اغلبها الضغوط النفسية ومشاكل الحياة او تأنيب الضمير (( تأنيب الضمير ؟ قلبنا مسلسلات مصرية )) ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟

مو أرق دائـم .. لكن زي ما ذكرت اذا فيه شي مشغـل بالي احياناً اجلس يومين ما نمت ,
يعني اذا فيه شغله طول اليوم افكـر فيها .. ما أنام لين اخلصها .. لاني ادري مافي أمل انام من التفكير فيها
فـ اذا ما كان ذهنـي مرتاح 100% ... انسـى انام عـلى طـول ؛


هذا الي فيني من أمـراض والحمدلله متعايشين انا وياها حبايب pb027
واتوقع الثلاثـه كلها مرتبـطـه ببعـض .. لو تخلصـت من واحـد منهــا الباقيـه بتروح معـه :)

:

واخيـراً ودي اتكلـم عن شي ما ذكرته انت .. الي هو التخلص من هالأمـراض

اول خطـوه للتخلص منها ..
هو الأعـتـراف بوجودهـــا فيـك , حتـى تقدر تتخلص منها بسهولة

وبعـدهـا ممكـن الشخص يتخلص منهـا بدون الحاجـه لمراجعـة طبيب نفسي ..
سـواء بالقـراءة عن هالمرض او العاده وكيف تعود نفسك بتركها , او الاشياء المسببه للمرض والابتعاد عنها
والأهـم هو الإرادة .. اذا وجـدت .. قدر الشخـص بسهولة يتخلص من كل العيوب الي فيه ؛

:

طولـت .. لكـن الموضوع اعجبني
ألـف شكــر عزيزي هارب إليها .. ولا تبطي علينا

سـلام .

[متمرجح]

:eek: :eek: :eek: :eek: :eek:

هارب ... احلف انك مامعك كتاب !!! والله يانت عطيتنا دبلوم عن علم النفس الجيلوجي وكل شي :D

موضوع منتاز وزين ويهبل ويخلي الواحد يدخل جو نفساني مع نوع من الرومنسيه الشاذه pb189 pb192


<-------- بذمتك عاد ما حسيت انه غشيم وداخل عرض pb192


عاد صراحه صراحه ... والله انك مبدع ورهيب وموضوع خيال لو اقدمه بحث لدكتور نفساني ان يعطيني

شهادة دكتوراه في هالعلم الله لايضرك ;)



اللي يقوم كم مرة عشان يتأكد ان الباب مقفول .. او كل شوي يروح يشيك على السيارة هل هو قفلها او لا .. او يشكك في الرقم السري لاي شي ويقعد يعيده مرات ومرات .. او اللي يحب يرتب الاشياء ويحب كل شي منظم


ايه والله انك صادز حتى انا بعد كذا وبشكل مفرط من بعد يوم اخذت موقف من قفله السيارة والمفتاح موجود

تعقدت وصرت كل مانزلت من السيارة افتح نص الدريشه ثمن اصك الباب واروح بعد ثانيتين ارجع للموتر وافتح الباب

واتأكد من الباب هو مفتوح او لا ... ماش حتى الدريشه رغم انها مفتوحه بس ما اضمنها اخاف انها تروح تنصك

تلقائي :D وهالحين صاير موسوس بشكل غير طبيعي والله يستر من الجاي كيف ابتعامل بذا الوضع المحبط :(



وبدت الاعصاب اللي في اليد تموت والجلد يطيح .. منظر مرعب والله .. تتوقعون وشلون عالجوها ؟ راحوا وشقوا مخها ولعبوا في العصب المسبب للمرض وطابت بعد فترة !!؟

يا جماعة احمدوا ربكم

يالله لك الحمد والشكر :)

فعلا اصحاب العقول في نعمه ;)

بس حبيت انوه بملاحضة صغينونه على كلامك العضيم ..... انا مدري وش انت تقصد في هالمرض الي تشتكي منه

الحرمة .... بس انا اتوقع انه مرض نفسي


الأمراض النفسيه <------- سبب تسميتها نفسيه

لأنها غير واضحه او تقدر تقول غامضه لحتى الان عند الدكاترة ... لذالك امحطو كلمة مرض نفسي

ولا ان جيت للصدز هو موب نفسي ... هو عضوي بس للحين ما قدر يلقون وش سبب هالمرض ...

عشان كذا هم قاعدين يتعاملون معه عن طريق الجلسات وجها لوجه pb162

وياكثر الأمراض الي قبل 100 سنه يسمونها نفسيه .. لاكن في ضل التطور عرفو انها عضويه ولقو لها علاج

بالسهوله ....<------ الي هي عمليه ;)


ومازال البحث جاري لأستنتاج الامراض النفسيه وسبب هذي الامراض .... الي هي طبعا في الاساس عضويه

لاكنها مايدرون وين مكان وسبب هالمرض بالضبط :rolleyes:


<---------- ياكثر هرجك الي على غير سنع pb192



كم واحد تعرفه ما يحب الجمعات ويكرهها ؟ وينعفس ويرتبك اذا انعزم ؟ واحياناً يحاول يتهرب اذا قدر ؟


ياكثرهم كثراه :rolleyes:



كم واحد عرفته ياكل عشانه ضايق صدره ؟

هههههههههههههههه ولا واحد pb034

انا الي اخبر الي ضايق صدره تنقفل معه شهيته pb093


والسبب من هيك pb192 <---- وش عنده

لأن الي صابختن معه اتش pb151 <---------- مثل كذا

خلاص تنسد نفسه عن الاكل وتروح شهيته حتى لو هو جوعان .....


سبب الجوع pb192 هو ان جسمك يفرز افرازات ثمن توصل للراس فيقول الراس انا جواعان ويبدأ بطنك

ينقرش ويغوغي ;)

لاكن اذا ضايق صدرك ..... ماراح يفرز جسمك افراز الجوع للأكل pb192 فيبدأ يفرز افراز ثاني الي هو

افراز الضيق والإنتكاك بسبب خلل في الإعصاب وعدم صبطها ... لذالك هالافراز هذا يبي يصطر افراز الجوع

ويقولا لاعاد تجي في طريق ولاشفتني امسي خلك واقف الين اخلص .... pb192 ..





..... اما عن الإطباء النفسيين انا ما احسهم مرعبين او المرضى مجنونين ... بلعكس هذا مرض حاله حال اي

مرض بس نضرة الناس له تخليك تتهرب منه ولاسمعت طاري طبيب نفسي تقعد تزاعق ومابي ومدري ايش :rolleyes:


موضوع مميز وفكرته بعيده عن الأعضاء وموب اي واحد يقدر يكتب مثل هالموضوع


يعطيك العافيه ;)

[خالدونا]

موضوع قوي يا هارب ,,الله يعطيك العافيه يادكتور ;)

انا عن نفسي من يوم قريت العنوان مااحترت في الاجابه ابد :)

اعتقد ان جيلنــا الحالي يعانـي من مشاكل نفسيه اكثر من السابق بكثير

والجيل الي بيجي بيعاني اكثر واكثر اذا استمرت نظرتنا بان الامراض النفسيه ( عـار ) وانها ما تصيب الا المجانين !!

مشكلتنا المتوارثة اننا نحاول إخفــاء عيوبنـا خوفاً من المجتمع ونظرته القـاصره والجاهله!!

المرضى النفسيين الي محرومين من العلاج ينقسمون لقسمين من وجهة نظري

القسم الاول : مايدري من الاساس انه مصاب بمرض نفسي يحتاج العلاج مع العلم انه يعــاني منه!!

وسبب جهله هو الغموض والكتمان الي يفتعله المجتمع والي تسبب طبعاً في حرمانه من عرض حالته على الاطبـاء

في مرحلة مبكره كفيلة بتدارك الوضع!! :(

والمصيبه الاكبر اذا كان المريض في سن الطفوله واهله اما جاهلين او متسترين على وضعه وحجتهم

( بكره يكبر وتروح هالمشكله !!) pb030

القسم الثــاني :يدري انه مصــاب ولكن خوفه من انكشــاف امره يجعله يتجّه للخيــار الاقل إحراجاً بالنسبة له

وهو تحمل عناء المرض خوفاً من نظرة المجتمع المتحجـّر !!

الأمراض النفسية تزداد تأثيراً مع مرور الوقت بمعنى انه كلما تأخر اكتشاف المرض كلما كان العلاج أكثر صعوبه!

هذا إذا لم يتطور المرض في الشخص المصاب ويخلف امراض أخرى :)

هوس الاحتفاظ بالاشياء :

بصراحة ما ادري هالمرض يدخل تحت اي تصنيف .. لذلك حطيته لوحده .. هذا طال عمرك يخلي الواحد يحتفظ باشياء كثيرة وهو ما يحتاجها .. ويصير عنده عادة الاحتفاظ بالاشياء القديمة بشكل غريب .. ويصير عنده اعتقاد داخلي انه بيحتاجها في يوم من الايام

هذا اول مره ادري انه مرض نفسـي يعني راح اَضمّه للقائمه pb027

عن نفســي احب احتفظ بالكثير من الاشيــاء القديمه كـ تذكار لمرحلة او لأشخــاص أعزهم كثير

حتى لو كان هالشي غير مهم مثلاً عندي فنيله ريــاضيه لأحد الأصدقاء من خامس ابتدائـي

واحتفظ برسائل ورقيه كانت تجيني من عيال عمي في الديره لها تقريباً من 15 الى 20 سنه يعني من مرحلة الابتدائية تحديداً

والى هالحين مايدرون اني متحفظ فيها, ودائماً اذا طفشت او كنت متضايق اروح اقلّب اوراقي القديمه واعيش جو حلو :)

تقول اسمه مرض نفسي وانا اسميه وفــاء لمرحلة سابقة من العمر :)

قد تكون لي إضافه او شي نسيته وودي اقوله لكن حبيت ارد بشكل سريع ويمكن ارجع اذا ماعندك مانع :D

لكن ياليت يا (دكتور موضوعنا) لو تعطينا ولو نبذه مختصره عن الاشيــاء الي تعاني منها يمكن نلقالك حل

ترى كلنا اخوان لا تستحي pb095

[نيرمين]

أول شي يعطيك ألف عافيه على هالموضوع المفيد:)

قلق الامتحـان :

برضوا واضح المرض من الاسم .. يا فيه ناس يختبصون اختباص اذا جت الاختبارات .. قلق ورعب وضيقة صدر عشان الاختبار .. لدرجة انهم من كثر قلقهم من الاختبار يفشلون فيه .. وبعضهم يذاكر ويذاكر ويصم المادة ومن الخوف ما يروح للاختبار !!؟ ومن اعراضه خفقان شديد في القلب وارق وتفكير متواصل بالاختبارات .. وبعض الدراسات تقول ان المرض منتشر بشكل كبير في العالم العربي بسبب ان التحصيل الدراسي هو وسيلة العيش الغالبة عندنا .. يا جامعي يا بلا .. بينما في الغرب الدراسة مو كل شي ابداً .. وايضاً ضغوط الوالدين وعبارات مثل (( عند الامتحان يكرم المرء او يهان )) وتخويف المدرسين للطلاب وايضاً الاجراءات والتفتيشات والوسائل الوقائية قبل اي اختبار تخلي المصاب بالمرض يزداد رعب وقلق


أعاني من هالمرض وبكل فخر:( بس الحمدلله ماوصلت للمرحله اللي اذاكر فيها ولا اجاوب لحد يناظرنيي قولوا مشالله واتفلوا pb024 خخخخ (وجه حوطي خايف من العين)



الأرق :

الارق من الامراض المنتشرة بشكل كبير .. احياناً يكون بشكل غير متكرر .. مثلاً عندك شغل او سالفة مشغلتك ما يجيك النوم إلا لين تنتهي امورك منها .. او اذا كان جزء منك يعورك مثلاً ضرسك ولا بطنك ولا اصبعك ولا شي .. يطير النوم من عيونك وما تنام .. هنا طبيعي وما فيه مشكلة .. المشكلة لما تعيش حياتك كلها ما تنام .. ويصير النوم هدف لك وحلم تتمنى تذوقه (( الله يا كافي )) .. او قد يكون النوم قليل جداً ومتقطع وغير مريح ابداً وغير كافي لجسم الانسان (( الانسان البالغ يحتاج من 6 إلى 8 ساعات يومياً من النوم في المتوسط )) .. وله اسباب كثيرة اغلبها الضغوط النفسية ومشاكل الحياة او تأنيب الضمير (( تأنيب الضمير ؟ قلبنا مسلسلات مصرية )) ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟

طيب سؤال اللي يعاني من نوم شديد يعني يمسك خط 13 ساعه نايم pb027 واحيانا اكثر:( هل هو يعاني بعد من مرض ولالا!!(وجه متلطم يقول ترى مهوب انا)


السمنة :

كثير وكثير نقرا مواضيع عن السمنة وخصوصاً انها داء العصر .. بس بتكلم عنها باختصار وحبيت اضيفها لانها نقطة مهمة ومنتشرة بشكل كبير .. السمنة اما تكون بسبب اعراض بيولوجية او عضوية .. يعني خلل في الهرمونات .. لذلك ما يتم حرق الدهون ويحس الواحد بجوع دائم .. او نفسيه .. وهو ان الواحد يلجأ للأكل مو بسبب الجوع لكن بسبب الضغوط النفسية .. كم مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟

آآآآآآآآآآآآه بس وش ذبحنا غير الاكل:(:( برضوا أعاني من هالمرض pb131


ولا تنسى : الابتسامة خير سلاح لكسب القلوب

مازلنا نبتسم الى الان:) رغم الجروح <==منتي بعاقل


يعني الان انا اعاني من مرضين نفسيين وواحد مشكوك بأمره pb036 يالله الحمدلله على كل حال

هارب سلمت اناملك bp039

[حلم سنجاب]

الحمدلله على الصحه والعافيه

بس عندي مشكله مع دكتور الاسنان


معد اعرف اسوق اذا دريت فيه موعد

[عيشالك]

الأرق :

الارق من الامراض المنتشرة بشكل كبير .. احياناً يكون بشكل غير متكرر .. مثلاً عندك شغل او سالفة مشغلتك ما يجيك النوم إلا لين تنتهي امورك منها .. او اذا كان جزء منك يعورك مثلاً ضرسك ولا بطنك ولا اصبعك ولا شي .. يطير النوم من عيونك وما تنام .. هنا طبيعي وما فيه مشكلة .. المشكلة لما تعيش حياتك كلها ما تنام .. ويصير النوم هدف لك وحلم تتمنى تذوقه (( الله يا كافي )) .. او قد يكون النوم قليل جداً ومتقطع وغير مريح ابداً وغير كافي لجسم الانسان (( الانسان البالغ يحتاج من 6 إلى 8 ساعات يومياً من النوم في المتوسط )) .. وله اسباب كثيرة اغلبها الضغوط النفسية ومشاكل الحياة او تأنيب الضمير (( تأنيب الضمير ؟ قلبنا مسلسلات مصرية )) ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟


يا ربيه ملاحقني هالشي
بعدين ليه ايقوناتكم ما تشتغل باحط
دموع غزيره


تحياتي

[MelOdy]

مرحبا هارب :)

يسعدلي مساكم جميعا bp039 bp039

هالموضوع كل شوي باارجع له عشان اعرف اني لست وحدي اعاني :( :(

في فترة قصيرة انقلبت كل حياتي وصرت شخصية ثانية تماما :rolleyes:

اكثر شي اثر في حياتي الرهاب الاجتماعي pb093 pb093

اكره اروح بيوت ناس يعني كل سنة ممكن اروح عزيمة وحده كنت احضر اجتماع اول يوم في العيد والحين بطلت بعد والباقي نجتمع في مطاعم او مقاهي بحيث متى ماحبيت اطلع تكون عبايتي علي والسيارة عند الباب :rolleyes:
وحتى في المطاعم من كثر القلق اصلح اشياء غلط كثير وممكن اكب العصير واحط اكل في صحن غلط واكل بطريقة غلط :( :(

واشيل هم قبل العزيمة بااسبوع وانا متنكدة وفي يوم العزيمة اطلع اللبس بروح بعدين احس اني تعبانة وابطل بعدين يجي احد يقولي لازم تروحين وارجع اقرر اروح بعدين احس اني مره متضايقه وابطل وعلى هالحال :)

ويوم زواج اخوي كان اصعب يوم في حياتي اتذكر اخذت غرفة في نفس الفندق بحيث لو تضايقت اطلع وبرضو كانت الكوافير بنفس المكان وطلعت للغرفة ثلاث مرات تقريبا بس الحمدالله انتهى اليوم على مايرام :)

ومشكلتي اليومية حكاية الجامعه كل يوم اصحى تعبانه وجسمي كله متكسر واحس بضيق تنفس وعدم تركيز وغثيان
وافكر اروح او مااروح واول مااقرر اغيب سبحان الله كل هالاعراض تختفي :eek: :eek: :eek:

شفت فيلم امس في ام بي سي تو اسمه What about Bob من جد حالته نفس حالتي طالما هو في البيت تمام بس يطلع تجيه كل امراض الدنيا :( :(

حتى في السفر اهتم كثير بمكان السكن لأني مااطلع ابدا كل نشاطاتي تكون في الفندق او ماجاوره pb027

اضافة الى الاماكن المرتفعه يعني اخر دور ممكن اصعد له الخامس غيره يكفي احساسي اني في دور مرتفع (شكلي الوحيده اللي ماراحت سبايزو في الرياض :D )

واكره اي مكان مغلق يعني الاصنصير استحالة اركبه وقاعات الامتحان تجنني لدرجة اني ماادخل القاعه الا بعد مايروح نص الوقت :rolleyes:

وعن نفسي كنت عارفه ان عندي مشكله وراجعت مساعد نفسي والمساعد النفسي يختلف عن الطبيب النفسي بأنه يعالج عن طريق السلوكيات فقط ولايصرف اي ادوية :)

والحمدالله مع هذا نظل احسن من غيرنا pb094 pb094

يعطيك العافية هارب على هالموضوع الحلو bp039 bp039

[ريانه]

هارب وش ذا طلعت مريضه بنسبه 90% :eek:

ههههههههههه ياكافي

خلني امشي معك نقطه نقطه pb027

عندي مايلي :


الأفعال القهرية ..


اذا جيت ارسل رسالهلرقم حافظته عن ظهر قلب ما ادور الرقم بالاندكس حق الجوال pb027
لا اطبعه طباعه .. واقعد اقراه كم مره قبل احط اوكي على ارسال
واذا ارسلت لازم اروح ارجع اشيك الرقم من جديد اخاف اني غلطانه هههههههه

او اذا جيت اوقت المنبه اطل فيه يمكن 10 مرات علشان اتاكد انا وقته والا لا ههههههههه
ياربييه وش كثر حالتي صعبه ... وهذا غيض من فيض


- الرهاب من الاماكن المغلقة :

اخاف من الطيارة اول ما تقلع بس عقب ما نتواسى بالجو ارتاح كثير pb095
اخاف من المصاعد المسكره ... احب مصاعد البنوراما " القزاز" ارتاح لها كثير pb027
واذا ركب معي واحد سمين او وحده سمينه تحصلني اتشهد لين ما انزل اخاف يطيح فينا :D
اخاف اسبح بالمسبح بالحالي ... احس كن بيجي احد يغرقني وانا غاطسه تحت وبموت ولاحد درى عني pb027
ههههههههههههههههههههههههههه... حالتي صعيبه والله :(


قلق الامتحـان :

هنا ممكن احس بضيقه صدر ومزاج متقلب ..
وادور اي شي يلهيني عن الدراسه pb027
يعني حالتي طبيعيه نوعا ما

هجاس المرض :

ممكن اخاف ...لكن خوفي مايجي من عدم
على سبيل المثال /
قد مره اتعبتني جيوبي الانفيه .. وكنت على نيه سفر قلت ودي اروح متعافيه
ويجي (البرفسور/ الجراح) يكشف علي ويقول لي انتي ضروري تسافرين بكره؟ pb071
قلت له حجزي خلاص ... قال لا انا ضروري اسوي لك اشعه مقطعيه !!
طيب ليه يادكتور وانا عظامي واحد يصقع بالثاني من الروعه
قال لا بس ابي اتطمن ... طيب تتطمن على وشو ؟؟ :confused:
لا ولا شي بس ابي اتطمن على صحتك .!
دكتور قل لي انت شاك بشي ؟؟ ترى انا مؤمنه بكل شي .. واذا فيني شي انا راضيه بكتبه ربي :(
قام يناظر فيني ويغير تركيز الضوء على فتحات خشمي ... ويقول متى مسافره بكره ؟ pb093
يادكتور ... وانقطع حسي ..ابي صوت حسيت مافيني صوت :eek:
خطر ابوس راسه :( .. قال يا بنتي ابي اتطمن بس
طيب وش تتطمن عليه علمني بس ... قال والله ابي اتطمن على صحتك بس
طيب تتطمن وتبي مقطعيه ؟ وتقولها بكل هالقوة ؟ :confused:
قال علشان جيوبك الانفيه تكون عندي مثل الكتاب المفتوح
ضاق خلقي بقوة وقلت بكل عصبيه ... لا ما اقدر اجي بكره بكون مشغوله طول اليوم
قال متى راجعه ؟ قلت بعد ثلاث شهورتقريبا ويمكن قبل ... قال اجل بعطيك علاج تاخذينه طول فترة سفرك
بس اول ما ترجعين تسوينها ضروري جدا!!!
وانا الي تتعب نفسيتي وحسبه توديني وحسبه تجيبني ... pb030
ماعلمت احد من اهلي ... وطول وقتي احس اني بموت ..
وترسم بذاكرتي صورة الدكتور وهو يطلب مني الاشعه المقطعيه pb036
ورجعت لديرتنا سالمه غانمه الا من وسواس الدكتور :(
وبعد فتره تغير علي الجو وزادت علتي وصارت جيوبي الانفيه تنزف :eek:
هنا بس تأكدت ظنوني .. وحسيت ان الدكتور كان حاس فيني بشي كايد :(
واهلي دروا .. وابوي الله يحفظه من كل شر انهبل :eek: ... ويسحبني لدكتور الي يعالج عنده
وانا طول الطريق اقول ياويلي... ولا اقدر حتى ابلع ريقي
وابوي طول الوقت احسه يحاول يرخي اعصابي .. ويسولف معي :)
بس اطل بوجهه احصله اصفر :(
وادخل للدكتور ..احس ما اقدر حتى امشي ..
فحصني .. وكشف علي .. وقال مافيك الا العافيه بعطيك كم علاج على بخاخ لمدة شهر وراجعيني الاسبوع الجاي
قلت له يا دكتور ماتبي تسوي لي اشعه مقطعيه ؟
الدكتور .. غريب سؤالك ليه ؟ :confused:
قلت لاني رحت للجراح الفلاني وطلب مني وكان يبيها ضروري pb036
قال لا مايحتاج ابد ... ومافيك الا العافيه مجرد حساسيه والتهاب بسيط ومع العلاج بتعافين ان شاء الله :)
قلت له اخذت العلاج شهر وشوي وقطعته صار لي شهر وزود .. قال لا ماعليك ارجعي واخذي العلاج الي وصفته لك
قلت له طيب والنزيف ؟ قال لان الانف هو اكثر جزء بالجسم مليء بالاوعية الدمويه .. ومن اقل حركه قويه ممكن ينزف
سبحان الله خلال ثواني تغير حالي :eek: ... واتصل على امي اصيح صياح كابته من 3 شهور وشوي http://www.eqla3.com/home/eqla3/www/vb/icons/icon4.gif
ابي اقول لها مافيني شي ... ما قدرت ..رميت التلفون على ابوي يطمنها :(
وهو الي يضحك علي pb027 ... ويقول عوضينا عن طيحة القلب والا بنرفع عليك قضيه pb034
ياربي لا تعيدها من ايام :(
فعلا عشت حاله نفسيه صعبة جداًhttp://www.eqla3.com/home/eqla3/www/vb/icons/icon4.gif
ومازلت اعاني من مشكله الجيوب الانفيه :(

الأرق :

والله انا هالشي يحبني ...
يا تحصلني ارق على طول ... والا نوم على طول pb030
نادر ما يكون عندي حل وسط ... استخدمت المنومات .. في حالة الارق والتعب النفسي
لدرجه ان اختي الصغيره صارت تغبي الحبوب عني ... علشان ما تجلس بالحالها
وكل يوم تسألني ... بتاخذينها اليوم بعد ؟ :(
الى ان حسيت اني اذبح نفسي بنفسي ... وصرت اتحمل واحاول اعالج نفسي من الجذور ;)
والحمد لله انا في تحسن :)

السمنة :

اذا تعبت نفسيتي اكل حتى لو اني شبعانه pb030
هههههههههههههههههههههههههههههههه pb027



هوس نتف الشعر :

مو انتف شعري من تعب نفسيه والا نحوها
لا بس كنت من الفضاوة اقعد قبال المرايا واتفحص شعري
واي شعره اشوفها ماتعجبني كنت " طق " انتفها .. pb027



هوس الاحتفاظ بالاشياء :

ممكن تكون فيني هالصفه ... احب اجمع كل المراجع حقتي
واذا احد طلب مني مرجع .. احب انه يرجعه لي ..هو نفسه ولا اقبل بنسخه جديده pb151
لاني في كل مرجع لي احط في نهايته مثل الظرف الصغير
اجمع فيه بعض النوتات الي تفيدني بشكل مباشر للمرجع
وشغل بيدي وانا مرتبته .. فحرام يضيع علي pb094
" رغم انه ضاع لي الكثير منها " :(


هاه هارب حالتي صعبه والا لا ههههههههههههه pb027

<<<< مسكت خط مع الموضوع :D
فعلاً ... لانفسنا وارواحنا حق علينا
لازم نحاول قدر الامكان نصحح من بعض الاخطاء الي نطيح فيها لاشعورياً
وحاليا الاغلبيه من الجيل الحال يمتلكون ثقافه ونادر مانحصل الغير مثقف
فأمر العيادات النفسيه ..او الطب النفسي حاله حال اي فرع ثاني من افرع الطب
والتحجر والانغلاق راح وقته ... واتمنى مع مرور الوقت تتسع نظرتنا لهذا المجال من الطب
لانه ومن وجهة نظري البسيطه هو نواة كل المجالات الطبيه الثانيه
عن طريق النفسيه ...نقدر نعالج اكبر الامراض واخطرها ... وتتجاوب مع العلاج
هارب اليها يعطيك العافيه ... bp039
نسخه لمنتدى المواضيع المميزة بعد اكتمال الردود bp039

[Sweet Eyes]

الله من الفضايح ... pb027

خل اشوف اللسته ...
إكتئاب ..
رهاب إجتماعي ..
رهاب من الاماكن المغلقه .. بس بشكل خفيف :rolleyes:
ارق ..

قلق الامتحان .. صار لي مره .. اذكر مر نص الوقت وانا اطالع بـ شاشة الكمبيوتر ومدري وش الاختبار عنه .. واناظر الورقه ومدري وش مكتوب .. جاني نوع من التتنيح .. واستغربت وجودي بالقاعه اصلا !!! جنون مؤقت ؟؟ pb030
قمت من مكاني وسلمت الورقه للتيتشر وانسحبت من الاختبار .. اول مره بحياتي واخر مره ان شاء الله :D


عندي ملاحظه ... الانسان لما يمر بضغوط او مشاكل .. نلاحظ عليه بعض الامراض اللي ذكرت ..وتكون بشكل خفيف .. و مؤقته وتختفي بمجرد زوال الضغوط هذي .. وطبعا تكون مرض بشكل رسمي لما تطول ويهمل علاجها واكبر مثال الوسواس القهري .. يبدا صغير .. الين يتمكن من الانسان .. وقتها يصعب علاجه ..

عافاني وعافاكم الله جميعا .. وجزاك الله خير هارب .. :D << لو ما احط الا هذي تكفي صح ;)

[زحمة حكـي ،]

السلام عليكم ورحمة الله وبركاته

وعليكم السلام ورحمة الله وبركاته

اكيد 95% منكم اجابوا اجابة واثقة واكيدة وسريعة وبلا تردد بـ لا .. رداً على سؤال الموضوع

لا .. أنا من 5 % الباقيين .. لأني كنت أشك في نفسي والحين تأكدت بعد ماقرأت موضوعك :D


الوسواس القهري :

احيان أشك مثلاً اني قفلت غرفتي وانا طالعه .. او طفيت الكمبيوتر .. ويحصل أوقات ارجع البيت عشان اتاكد .. لكن مو بشكل مبالغ فيه بس شك بسيط

لكن اعرف وحده عندها هالحالة بشكل متعبها ومتعب اللي حولها

تتقرف من كل شي ..
ومستحيل تاكل عند الناس ولا من يد اهلها .. الا يمكن ثنتين من خواتها وهذا لو حدتها الظروف يعني

لو دخلت المطبخ مستحيل تخلي احد يدخل معها .. الخضار والرز مثلاً تغسلهم بالصابون ولا 20 مره

لدرجة انه يفقد طعمه ونكهته من كثر الصابون .. وتجلس بالمطبخ ماتتحرك لين يستوي ( ينضج ) الأكل
يعني معاناه كبيره لها .. لذلك ماتطبخ دايماً .. وتكتفي بشرب السوائل أكثر شي pb093

وشي ثاني بعد .. لو مر أحد وهي تاكل خلاص توقف اكل وماعد تكمل .. غير انه لو كح احد او عطس بنفس المكان تقوم وتترك المكان كله حتى لو بينها وبينه مسافه وكان حاط منديل على فمة ولا خشمه <<<< ماودكم انها تستفيض بالشرح :D


3- الرهاب :

اخاف من المستشفى بشكل كبير .. وما احب اروح الا اذا فعلا حسيت اني ماعد اقدر اتحمل

تجيني ضيقة صدر منهم ومن ريحتهم pb093

و أمي كانت تخاف من الدرج المتحرك وكانت مستحيل تطلع منه لو وش صار .. لكن مره كنا مسافرين واظطرت تطلع لان مافيه خيار غيره ومسكينه والله ماسكه يديني بكل قوتها لانها تقول احس انه بيطيحني واشوى الحمدلله كنها بدات تنفك عقدتها مع الاستخدام المتكرر

وفيه خالة امي هذي عاد سالفتها سالفة .. مره من زمان مره كانت بالمطار وماتدري وشو ذا حطت رجلها قام سحبها على فووق وكان قدامها واحد لابس بدله تعلقت بكرافتته وقعدت تصيح :D

ومن يومها عندها خوف موب طبيعي منه .. الله لا يلومها ضعيفه :D

قلق الامتحـان :

ذكرتني بـ اختبارات الثانويه العامه بغيت اموت بسببها pb093

كان عندي خوف مو طبيعي من اسئلة الرئاسة من يوم اني باولى ثانوي .. عاد يوم صرت ثالث الله لا يوريك النوم نسيت شكله .. وجاني هبوط بالضغط وكل اللي ذاكرته تبخر بصالة الاختبار وماحليت الا سؤالين واشوى نجحت بقدرة قادر

هذا طبعاً حالة خاصه .. لكن بوجه عام انا وقت الاختبار يزيد عندي الأرق والصداع وفقدان التركيز pb093

هجاس المرض :

انا احيان اكون اكل شيء ما احبه مره كـ مجاملة للي معي.. واكون حاسه انه بيعورني وفعلاً يعورني مدري ليه :confused:


الأرق :

أنا والارق أصحاب من مده وثالثنا السهر pb093 <<<< صارت تألف شعر :D

ذبحني الأرق نفسي أنام يوم زي العالم والناس بدون ما اتقلب 3 ساعات عشان اقدر انام مع اني احيان اكون منهكه وتعبانه وفيني النوم بس مقدر انام ... ولو نمت مستحيل انام اكثر من 4 ساعات ومقطعة بعد كل شوي اتوقظ :(

رحت لدكتور اختصاصه طب نوم .. وامراض التنفس .. لكن الحمدلله ماعندي مشكلة بالتنفس لذلك مانفع علاجه pb093


كم مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟

كذا مره سويتها .. المشكلة اكل وانا مالي نفس :confused:

و اعرف يمكن شخصين نفس حالتي


كم شخص تعرفونه عنده عادة نتف الشعر او تقضيم الاظافر ؟

كنت اقضم اظافري لين صرت ثالث ثانوي .. بعدين فجاه تركت هالعاده القبيحه بدون اي مقدمات :D

واعرف اكثر من شخص مازالو يقضمونها .. وكانوا في فترة المتوسط ينتفون شعورهم بس كبروا واعقلوا


هوس الاحتفاظ بالاشياء :


احب احتفظ بأي ورقة عندي حتى كتب الجامعه والملازم والنوتات .. احس بحتاجهم بيوم .. وكل ماجيت يقالي برتب وبرمي اللي ما احتاجه لقيت كل شي اطلعله مية عذر واخليه <<< عندها ولاء :D

:

بشكل عام ما ادري اذا يطلق على هـ التصرفات مرض نفسي .. :rolleyes:

لكن بالنسبة لي تجيني احيان حالة طفش وزهق وضيقة صدر .. احس ان فيني اكتئاب إذا صح التعبير.. فترة وتروح .. يمكن من ضغوط الحياة :confused:

يعطيك العافية .. bp039

وان شاء الله نلقى العلاج عندك ويكون لك السبق في ذلك :D

[بنت شيوخ]

ياحيا الله هارب ..

اهتزت الــ لا بعنف :d ..

يعطيك الف عافيه .. موضوع قوي ومفيد وبالصميم ..

انا عندي الارق :) :( و هوس حفظ الاشياء ..

وش العلاج ! :)

مبدع دائما ..

سلامي :)

[كان ياماكان]

صباح الخير
عزيزي هارب إليها
موضوعك رائع من ناحية قيمة معلوماتية وطريقة سرد... أنا بصراحة اول ماقريت العنوان قلت هارب إليها يحاكيني.. إيه وابصم على إيه بالعشرة:)..
ولما قريت التفاصيل قدرت (تقريباً) أصنف الحالات اللي فيني أو الاعراض اللي تجيني.. وبعضها ماعرفت اصنفها او أدرجها تحت أي بند وبحط بعض الاعراض بشكل مو مرتب..
أنا من النوع اللي أتشاءم وأتفاءل بالأشخاص والاشياء.. يعني اول مأاصحى من نومي أول شخص اشوفه أو أول موقف يصادفني يخليني آخذ فكرة عن اليوم بمجمله وأحياناً ماأطلع من البيت بسبب مثل هذي الاشياء!!..
أحمق وأعصب كثيييير من حاجات في منتهى التفاهة ولدرجة الجنون يعني ممكن يتكسر كل شي قدامي.. وفي المقابل أتعامل مع اشياء في منتهى الأهمية بمنتهى البرود !!..
الارق.. هذا شي دايم وملازمني منذ الصغر يمكن انا عودت نفسي على السهر من سنييين طويييلة وإنقلبت عندي الساعة البيولوجية.. وصرت اواصل بالايام ولما ابغى أنام أتعب كثيير لين انام بس لما انام بعدها أنام نوم ثقييل ومو معقول ولفترات طويلة جداً..
الأكل.. أنا بالعكس لما أتضايق أو يصيبني إكتئاب تنسد نفسي وأنحف بسرعة حتى العام نزلت 19 كيلو دفعة وحدة !!..
الرهاب.. أخاف من الاماكن المرتفعة تجيني دوخة والطيارة أخاف أول إقلاعها وعند هبوطها يجيني قلق مو طبيعي واقضي نص الرحلة مااحاكي أحد ولا اسولف إلا بالنادر أحاول أنام إذا كانت الرحلة طويلة والباقي أسبح واتشهد..
أخاف من الموت دائماً وأبداً يخطر على بالي إن منيتي قرّبت( هذي ماأظنها مرض نفسي) فالحياة الدنيا بمجملها هي مشوار قصير جداً...إلين فترة راحت كان ممنوع على كل اللي أعرفهم يفتحون أي سالفة تتعلق بالموت قدامي.. من تالي صار الموت هي سالفتي..
أخاف من الغد ودايماً يقلقني التفكير فيه.. مع نظرة سوداوية للمستقبل.. مع إني عايش بطريقة ماتتناسب مع قلقي إطلاقاً.. إهمال وفوضى بكل شي!!
أخاف من الأمراض بشكل جنوني وإذا شفت احد فيه فلو أو زكام أبعد عنه كيلو وأغسل يدي بعدها ألفين مرة.. علشان المؤكد 100/100 إن العدوى بتنتقلي.. عموماً أنا بطبعي أقرف من ظلالي ولا يمكن آكل أنا واي شخص(حتى من أهلي) في صحن واحد.. يقابل هالخوف إهمال شديد في العلاجات والوقاية..والمستشفيات مااروحلها غير لما ازحف على ركبي!!.. وأخاف من الإبرة وماآخذها إلا إذا كانت الحل الاخير وفي عمري ماشفت أبرة أخذتها:)..
أخاف من الدم وماأقدر أشوفه لا من أول ومن تالي زادت الحالة صرت مااقدر أشوف منظر إنسان مجروح حتى في جريدة..
ختاماً أخاف من بعض الحشرات.. وأكثر مايروعني منها الصراصير pb094 (ماأدري هذي حالة مرضية او لأ) !!..
هوس الإحتفاظ بالاشياء.. عندي هوس بهالموضوع وأثره مرض وأنا ماأدري:)..
أنا عندي نفس حالة الوالد الله يخليه لك يعني لايمكن ارمي أقل ورقة وكل كم شهر يطلع من غرفتي كرتون ورق منوع للمستودع... ومكتبي الاوراق فيه للشارع!!..
صراحة من خبرة ألفين سنة في هالمجال مالقيت طب نفسي متطور بشكل جيد عندنا هنا.. (من اللي شفته) أو الأشخاص المتخصصين اللي قابلتهم.. يمكن علشان الطب النفسي عندنا تونا ماحسينا بأهميته كما هو الحال في المجتمعات المتقدمة.. بالإضافة طبعاً للمشكلة الاساسية زي ماتفضلت ياعزيزنا وهي النظرة العامة من قِبل المجتمع لمن يعاني من أعراض نفسية أو من محاولة العلاج منها عبر مراجعته لطبيب النفسي حيث ممكن يطلق عليه إنه يعاني من اعراض الجنون...
يعني أنا بأحكيلك قصة حصلت معاي.. السنة اللي فاتت جاني أرق مو طبيعي قعدت كم يوم احاول أنام ماأقدر.. وأنا في الغالب دايماً إذا سافرت أجيب معاي أنواع المهدئات يعني روش ريهابنول إكزانيس فاليوم وغيرها وغيرها.. ماعمري إستخدمتها بس لايمكن تخلى منها غرفتي.. تتوزع على الاصحاب والأحباب وكل من له رغبة فيها :)..
المهم هذيك الفترة من كثر ماعانيت من الأرق إتصلت على شخص أعرفه وسألته شلون استخدمها قالي آخذ الإيكسانيس حبة تحت اللسان وحأنام.. أخذتها ولا فاد بشي غير إني صرت دايخ وحسيت بالغثيان.. كلمني قالي إنتا ماعمرك أخذت لازم تأخذ نص حبة تكفي قلت أنا اخذت حبة ولافاد قالي خذ نص وإشرب معاها شاي حتهدى وتصير أوكي.. طبعا أخذت النص والنص الثاني بعدها فتحت الدرج وصرت ابلبع من كل شي قدامي مع صداع شديد ابغى أنام ولا فاد المهم ليلتها جاني إنهيار... أخذوني المستشفى وحولوني على العيادة النفسية دخلت لقيت دكتور مصري إصبعه في خشمه الله يعزك (بجد أحكي).. وكانت ممرضته فلبينية شكلها يرووووّع.. وجهها مليان بثور وحبوب ومايلة على بني كنها حروق.. واول مادخلت لقيت إثنين طالعين من عنده اشكالهم شبه وعرابجة وفهمت من اللي معاي إن مثل هالاشكال تجي مثل العيادات هذي علشان تآخذ الحبوب والعلاجات والله أعلم..
وكانت ريحة الدكتور تخنق لما قرب مني وسألني مالك قلت مني قادر أنام وفيني صداع فكه بليييز.. سألني عن أشياء بتحب عندك صدمة عاطفية وضع البيت غيرها المهم كنت أجاوبه وأنا مخنوق من ريحته.. عطاني إبرة ونمت بعدها نص ساعة يمكن كانت ألعن نومة نمتها في حياتي.. وعطاني نوعين حبوب رميتها اول ماوصلت البيت في الزبالة:)..
بس على العموم أنصح بعض الناس اللي تجيهم حالات إكتئاب شديدة أو يعانون من أعراض نفسية إنهم يآخذون جلسات يسمونها (Relaxation) هي تشبه التنويم المغناطيسي إلى حد ما بس تفرق إنها لتهدية الأعصاب وتحسس بالراحة..
وتبقى المصيبة الكبرى إننا عارفين الأخطاء اللي فينا بس نصّر عليها..
لك كل الإحترام والتقدير ياعزيزنا هارب إليها
مع تحياتي.

[الناي الناطق]

السلام عليكم..
احب اشكرك اخوي هارب اليها على موضوعك المتميز خصوصا بالنسبه لي لأني اعاني من بعض الاعراض اللي مكتوبه واحسب اني لحالي واني اعاني من مرض مزمن
بقولكم قصتي مع هالاعراض خصووصا اني تجرأت اعلنها للكل :)

يوم كان عمري 15 سنه صار حادث توفي فيه عيال عمي وهم في سني كانت هاذي هي البدايه بعدها بمدة سبعة شهور قاموا الناس يتكلمون في مشكلة عام
2000 اذا تذكرون كيف هولوها وكان ذاك الوقت 11 رمضان وبكره بيدخل عام 2000 :)
قامت مرة عمي الله يهديها قالت خوذوا فال الصغار ان بنتي تقول انا شفت في النوم ان هالعالم يحترق وقاموا يجبون سوالف عن الموت واشياء تخوف
عاد انا كنت مهزوزه بوفاة عيال عمي فكات هذا الكلام مثل الصفعه خصوصا اني صغيره (((((ومراهقه)))وشئ طبيعي تكون فيه لخبطه في المشاعر في هذا السن
توهمت ان قلبي فيه مشكله واني بموت وماراح احضر العيد مع اهلي ونزل وزني وصار لوني اصفر من عدم الاكل والتفكير وقلة النوم
ثالث يوم بالعيد جالسه اتفرج على التلفزيون برنامج صحي عن اعراض السكته القلبيه
صرت احس بنفس الاعراض اللي يقولها انهرت رحت للوالد انا فيني مرض في قلبي ودوني المستشفى ورحت صلحوا تخطيط وثلاث دكاتره على راسي كل ماقالوا تحسين بكذا قلت ايه pb027
بعد الكشف طلع الدكتور للوالد قال بنتك فيها شئ نفسي وليس عضوي واذا تبي احولها على طبيب ابوي ماتردد رحت لدكتور عطاني حبوب زي البندوول اسمها سيروكسات
بعد 8 اشهر توقف العلاج رجعت زي ماكنت ويمكن احسن لاني عرفت ان اللي فيني مجرد اوهام وللحين اعاني من نفس الاعراض لكن مو لدرجة الهوس واعيش حياتي طبيعيه خصوصا ان هالتجربه كانت لي وانا صغيره
نصائحي للي يعانون مثلي من الوسواس القهري
العلاج ضروري وعلاج هالحاله بالذات يكون في علاج السلوووك لان سمعت من الدكتور قال للوالد بنتك صغيره وحلو انك جبتها للعلاج لانك لو سكت عنها راح يتطور
الى مرض نفسي وليس حاله عابره
الدكتور النفسي اصبح صديق للعائله لاننا اكتشفنا اشياء كانت غايبه عننا منها
اول الواحد اذا انا وسوست في الصلاه ولا الوضوء اخذوه للمطوع وقام يقراء عليه ويمكن يعامله على اساس انه ملبوس ويطلع اللي فيه وسواس قهري مرضي وليس شيطاني وعلاجه الى جانب القراءن والاذكار الادويه النفسيه
والواجب علي هالجيل الثقافه النفسيه وعدم الأنتقاص من الذين يترددون على الاطباء النفسيين لانهم موب مجانين لان كل انسان له طاقه في التحمل ومو اي احد يقدر يتكيف معها وشئ طبيعي انه تكون في اضطرابات
اختي واخي تخيلوا حياتكم مثل المياه الراكده ولكن صار لها ضربه قويه راح تبتدا بالاهتزاز ثم ترجع عاديه وهذا اللي اعنيه بكلامي

[المهاة]

هارب اليها.موضوع فنااان ..ممتع ومفيد..واقلاعي من الطراز الراقي..يستاهل المميزه بكل جداره..عافاك الله :)

انت صادق فعلا.اكثريتنا نعاني من اعراض تنم عن اضطراب الحاله النفسيه ولو على خفيف.. pb030 ..والسبب طبعا معروف الاوهي الضغوط النفسيه والاقتصاديه والاجتماعيه ورتم الحياة المتسارع .. :rolleyes:

بس بقولك شغله مفيده..ترى احداث العالم ومآسيه ونشرات الاخبار الكئيبه.ومخالطة الناس الكئيبين والمملين..تزيد من حدة بعض اعراض التعب النفسي ..فالافضل تجنب هالامور قدر الامكان.. ;) .وتجنب الناس الحزينه الكئيبه اللي تستنزف طاقتك.وتنقل لك عدوى الكآبه pb094

ومن افضل وسائل الاسترخاء والطمأنينه النفسيه هو ذكر الله وقراءة القرآن والصدقه ولو بالقليل..ومساعدة الاخرين..تدخل الى النفس سعاده واحساس بالرضا..والبحث عن الابتسامه ومصادرها..وممارسة الرياضه ولو في ابسط صورها..كالمشي مثلا..والابتعاد عن المشادات الكلاميه ..او الشد مع الناس في الحوار حتى لو حوار في امور الحياة او الاوضاع السياسيه..لان التحمس يرفع الضغط.ويوتر :D ..احسن شيء.تمرير الكلام.وعدم التدقيق فيه..وتعويد النفس على البرود والتروي ..ولاحظ ان .التطنيش علاج فعالّ لكثير من المسببات للاحباط النفسي..ومضاعفاااته ...اعاذنا الله واياكم منه ومن مسبباته pb036

نرجع لبعض ما اوردته بموضوعك الشيقّ... :rolleyes:



الوسواس القهري.
فعلا..اشوفه والاحظه بكثره في ناس اعرفهم..وحده اعرفها تعيد في صلاتها كم من مره..لانها تحس في كل مره انها خربطت فيها او كانت ساهيه..احيانا تشتد عندها الحاله هاذي واحيانا..تخف..وتعاني نفس الحاله عند الوضوء :confused: ..لدرجة تعيد وضوئها اكثر من مره..الله يعافيها ولا يبتلينا..
وفيه بعض الناس. تحسهم يسوون حركات لا اراديه برؤسهم او بعيونهم ..او اكتافهم. بحركات متراتبه...غصبا عليهم..كنوع من الوسواس القهري..الله لايبلانا :(
انا كنت يومني صغيره اقضم اظافري..لكن ولله الحمد مرت هالحاله فيني وانتهت..لاني يوم كبرت وعرفت اني عشان اكون بنت صدقيه لازم تكون اظافري حلوه ..اجبرت نفسي على ترك هالعاده المرضيه..وفعلا نجحت.. pb192 ولله الحمد..
وكانت معنا بنت في الجامعه ..كانت تنتف شعر راسها ..وانا لما اشوفها اصير كذا :eek: ..
ووحده من الشله المبجله.كانت تقضم اطراف شعرها باسنانها والين هاوشناها تقول..اوخر التقصفات pb027 .بس على مين.دارين انها عادة مرضيه مسيطره عليها... ;)

الرهاب..
اكييد كثيير من الناس يعانون منه..واعرف بنات يكرهون الاماكن الزحمه والعزايم والعروس.لانهم يعانون من هالاحساس المرضي.. pb094
انا ولله الحمد ما اعاني من هالرهاب..وبالعكس .احب مالي .اخترق الحشود والعالم pb027 ..بس على شرط مناسبات سنعه وفايف ستارز pb034
انما عندي فوبيا الاماكن المرتفعه..يووووه احس بدوووخه لما اطل من مكان مرتفع واحس رجولي اتخدرت ولاعاد هي مني ابدن..اكره الاماكن العاليه والمرتفعه.. pb030




هوس الاحتفاظ بالاشياء:
ايييه جيت على الجرح..انا فيني هالطبع الشين..اكدس في هالدولاب.واتحسف ارمي اشياء شريتها..احبها وعليها القيمه.لكن معاد البسها..ولا استعملها لاني استعملتها .ولاني بالاحرى اشتريت اشياء جديده pb027 .
اما اهم شيء واكثر شيء زاعجني..هي ادوات واغراض المكياج والعطووور ومستلزمات الشعر...يووووه ..امتلت دروجي وفاضت..ولسسسسسسسسسسسسسسسسسسسسه pb027 بجد مو مطاوعني قلبي اكب اللي عندي.ومغير اشتري واعبي pb030


كم مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟
انا ما اكل اذا زعلت بالعكس تنسد نفسي..بس الشيء اللي اتناوله بشراهه وانا نفسيتي تعبانه هو الكاكاو والشوكلاتات..بشكل مبالغ فيه..الين يتعدل المزاج..ثمين ابدا انتبه واقول..عزّ الله خربنا الدايت..وابدا رحلة الحرمان من جديد pb027

بس فعلا اللي يحس ان الاعراض عنده قويه وانه فعلا تعبان..لازم يتعالج طبيا وسلوكيا.عند الطبيب النفسي المؤهل .حتى ما تتفاقم عند الحاله..وتقوده لحاله اصعب..لاسمح الله...ومثل ما الراس يصدع والمعده تجيها حموضه واللوز تلتهب.والقولون يتهيج ..والاسنان تسوس...والعيون تمرض..اكيد النفس ايضا تتعب.وتمرض...ومثل ما نعالج هالامراض ونروح الدكتور عشان يوصف لنا العلاج المناسب لها. واحيانا نقوم بعمليات جراحيه..لطلب الشفاء باذن الله.مثل ما الطبيب النفسي يعالج اية عارض نفسي ..قد يمر به الواحد مننا.. :rolleyes:

ولنتذكر دائما قوله تعالى ( الا بذكر الله تطمئن القلوب)
ودعاء ذهاب الغم والكرب(اللهم لا اله الا انت سبحانك اني كنت من الظالمين)وتكراره كثيرا ..
وهالدعاء هو دعاء ذهاب الحزن..
(اللهم اني عبدك ابن عبدك ابن امتك..ناصيتي بيدك..ماضي في حكمك..عدل في قضائك..اسألك بكل اسم هولك..انزلته في كتابك..او علمته احد من خلقك او استأثرت به في علم الغيب عندك.ان تجعل القران الكريم ..ربيع قلبي ونور بصري وجلاء حزني وذهاب همي )

جزيت خيرا على هالموضوع..وزوجت بكرا.. pb034

[رجة ونص]

مساء الخير

يالله حي هارب موضوع ممتع وشيق bp039

الطب النفسي او الطبيب النفسي .. كلمات وعبارات مخيفة عندنا

ابدا انا اصلا صديقتي تحضر الماستر وانا صايرة فار التجارب حقها من ايام البكالوريوس

واي مقاييس او اختبارات تكون علي تخبر انها بتستفيد من كثر البلاوي الي فيني pb027

وحتى انا اذا تضايقت مسكت التلفون وسواليف معها ساعة ساعتين لين ارتاح وببلاش pb034

الرهاب :

من الاماكن الضيقة يعني لو ابي اطلع شي من تحت السرير اتخيل اني علقت وماني قادرة

اطلع :rolleyes:

هوس نتف الشعر :

هذي مشكلة تواجه اختي من جد تعبنا معها اتفقنا انا والوالدة اذا شفناها تنتف شعرها نخبطها

على ايدينها عشان تبطل بس احيانا تزعل علينا pb131

يارب لك الحمد على العافية هذا الي نقدر نقوله :)

[NEVER SCARED]

وألي مهووس بقلمك الرائع وش نوع مرضه :)
لي رجعه على رواقه

[قلق هانم]

.. مثلاً يخاف من الموت .. يخاف يصير زلزال في اي لحظة .. يخاف المويه تتسمم ثم يموت .. يخاف يجيه حادث .. شي جنوني تخلي حياته مبهذلة .. طبعاً فيه درجات مختلفة .. مثل التفكير البسيط والمتكرر بالموت

طيب واللي ماجته هالمشكله الا من بعد حادث ؟ :(

[*المستبده*]

مبدع ياهارب ويعطيك العافيه على الموضوع الرائع..
لاننا وللاسف هالايام الامراض النفسيه والجسديه كل واحد فيهم يحلف انه مغطي على نص الديره..
انا الحمدلله مافيني اي مرض من اللي ذكرتهن :D <<لايكثر..
الوسواس القهري :
انا حاسه ان فيني بوادر توي قبل تسم يوم اسولف على اميمتي اقول مدري وش جاين هاليومين ماصرت اقدر افتح الابواب بالدوام ولا امسك كتب غير كتبي ولا
دفاتر البنات الباقيه اعوذبالله والمشكله كل هالوساوس جات فجأه من يوم ليومين :confused: ولا جيت عند باب اقول للي معي يفتحه جايتني وساوس اقعد اقول هالحين كم واحد مسك هالباب وفتحهه يمكن ايده نظيفه ولا لا :( ..
واحس ايديني تنمل لا حسيت اني ماغشلتها بديتول وحالتي حاله..واميمتي خافت تقول الحقي على نفستس وش جاتس قبل كم يوم شايفه برنامج ايدين مقشره ومتشققه من كثر ماغسلتها(اتوقع نفس البرنامج اللي قصدك عليه)..
هذا بالنسبه للنظافه اما الابواق وتقفيلها حوسه:( مدري وش يجيني والبيت مظلم والناس نايمه اروح اشوف الابواب مقفوله ولا لا واشيك عالغاز بعد مع اني
مااطب المطبخ بالصبح وتجيني هواجيس.. pb093 لا وصاني احد على شي مع اني داريه اني سويته اقعد اوسوس ..بس الحمدلله توي مابعد يستقوي علي المرض
هوس الاحتفاظ بالاشياء :
ههههههههه تجيني وساوس لا بغيت ارمي شي..مثل ماذكرت بالضبط لايزيد ولا ينقص..وبالملابس القديمه وحالتي حاله معها..

وشكرا هارب (يصلح نعتبرك مرجع للاستشارات النفسيه بالاقلاع عاد الله يعينك كلهم حالات نفسيه مستعصيه خخخخخخ) :D

[هارب إليها]

لق لق

مرحبا لق لق

خوف من المستشفى ؟ المشكلة المستشفى شيء لا بد منه .. الله يعينك .. على فكرة الخوف هذا منتشر .. لان المستشفى يعبر عن الالم والوجع .. وهذا يخلي الواحد يكرهه بشكل طبيعي .. ويزداد ليصل لحد الخوف والقلق عند الدخول له

يعطيك العافية على مشاركتنا ما عندك

[هارب إليها]

الســـنعه

اهلاً وسهلاً بالسنعه :D

يؤؤ يؤؤؤ كل هالشئ تدخل تحت دائرة الامراض النفسيه
يعني في أشياء كثيره نشووفها بمجتمعنا تتسوى بس توقعتها اشياء بسيطه
ايه نعم .. طبياً وعلمياً هي امراض نفسية لانها تصرفات خاطئة ناتجة بسبب اسباب نفسية بحتة

هارب مقدمه رائعه مرره واسلوب سلس خلاني أخلص الموضوع للآخر بالنسبه
مشكورة .. وكلك ذوق

الأمراض النفسيه لاشك أنها منتشره عندنا بشكل كبير مرره خاصه بمجتمعنا
وقد مره قريت بموقع أنهم سوو إحصائيه وجدوا أن العالم العربي أكثر الأمراض النفسيه أنتشارا
بسبب:الأحقاد والغيره والضغووط اللي مالها أول ولا آخر
صحيح واضيفي لذلك الاوضاع السياسة المتدهورة والمظطربة في العالم العربي تعتبر سبب كبير للاظطرابات النفسية

هذا منتشر عندنا الله يكفينا شره بشكل كبير خاصه الوسواس من ناحية الوضوء للصلاة
يعني يتووضأ الواحد ويقعد ساعتين وهو يتوضأ للصلاة
بعدين يرجع ويعيد وضووئه لان شك بأن وضوئه خاطئ
مثل ما قلت .. المرض هذا يعتبر ثاني اكثر الامراض انتشاراً في العالم


هذا أحسه أسوء شئ لأنه يصير بأنسان عادي جدا مافيه الا العافيه
يجيك مذاكر وصام الماده صم مع قلقه الزايد وخووفه وبعدين يجيب العيد بالاختبار
المشكلة ان بعضهم من قبل الاختبارات وهو قلقان ومظطرب ونفسيته تعبانة مرة .. يعني يعيش ايام سيئة جداً .. واضافة الى ذلك يخبص في الاختبار :D

ياكرهي للعاده هذي أنا ماصدق خبر يجي يوم وأفضي الأغراض الزايده عندي علشان تخفف علي شوي
الله يعين الجميع


يعطيك الف عافية على المرور والاضافة

[هارب إليها]

بنت البدو

مرحبا ببنت البدو

أنا اول ماقريت العنوان بصراحه كان ردي
(نعم)
ما شاء الله .. مجهزة امورك :D

يعني دايم افكر في الموت مايمر يوم ماقول انا بموت فيه لدرجه صاروا اهلي مايخلوني اشوف اخبار والجرايد اللي يشترونها يقصصون منها صور الموتى لاني انا واختى نعاني من هالوسواس
يبدو لي حالتك متطورة .. لدرجة ان اهلك صاروا يقصقصون الجرايد

المكان اللي جالسه فيه لدرجه صار عندي طقوس اسويها عشان ابعد الوسوسه واكتشفت بعدين انها افعال قهريه مثلا عشان ماخاف من السكون اشيك على كل شي مسكر في غرفتي قبل انام:درج-دولاب-تحت السرير-اشوف الدرايش مسكره-الباب مسكر

لازم اغسل ايدي ثلاث مرات بالمويه الحاره والصابون قبل اسوي اي شي حتى لو ايدي نظيفه واذا مسكت اي شي حتى لو كان نظيف رجعت اعيد غسل ايدي
الله يعينك :(

هذا كان فيني بعدي خف الين اختفى<<وش بقى مافيتس انتي
طيب يا بنت البدو يا ليت تسولفين لنا عن سبب خوفك من الاماكن المفتوحة وش شعورك لحظتها وش اللي يقلقك ؟

هذا فيني بعد للاسف اي مرض جديد اوسوس انه فيني غير كذا لما اقرا مجله واشوف فيها اعراض اي مرض اقراها بأهتمام وافكر هي فيني ولا لا واروح اسأل امي حتى امي صارت تشق صفحه الصحه من اي مجله اشتريها<<خليتيهم الجمارك انتي ووسواستس
يبدو لي ان اعراضك اغلبها متعلقة بالشي الغامض او المجهول .. فعندك خوف من الموت .. وايضاً السكن والجن .. والخوف من المرض اللي يؤدي غالباً للموت

ياربي انا الوحيده اللي كبيت العشا
لا وش دعوة .. مو انتي اللي كبيتي العشا .. كلن كتب عن شعوره واللي فيه .. وهذا مو كبة عشا .. هذا مشاركة وسواليف .. لا تقلقين :D

______________________________________

حرباز

يا هلا والله وغلا حرباز .. نورت الموضوع

الله يشفيني فيني من امراض الرهاب الكثير
فيني الخوف من المرتفعات بشكل مهوس !! بس الحمدلله قاعد اعود نفسي كل يوم اروح السكاي بريدج حق المملكه
الجميع ان شاء الله .. انا فيني الخوف من المرتفعات لكن بشكل خفيف جداً .. يعني اكره الالعاب العالية والتلفريك والطقة هذي .. احاول اتجنبها بشكل خفيف .. لكن ما اقلق ولا اعرق لما اظطر اركبها او شي

فيني ايضاً نوع من الرهاب يمكن قليل في الناس ، وهو ما احب اركب مع ناس يسرعون اخاف يجيني حالة نفسيه اخاف مرره واتلعثم بالكلام وكل شي
هذا ما ادري والله يدخل تحت اي تصنيف .. لكن اكيد له تصنيف علمي واضح ..

يعطيك العافية على الاضافة حرباز .. بانتظار عودتك الكريمة

______________________________________

غربة الروح

اهلاً وسهلاً غربة

كويس انك ترددتي من اساسه .. غيرك قال لا مباشرة :D

بانتظار عودتك

[هارب إليها]

المستصحه

مرحبا المستصحة

شاكر لك اطرائك الرائع

هذي تجي الحوامل اكثر شي
الحوامل خارج الحسبة .. انواع المشاعر في فترة الحمل :D

اما هذا مستحيييل ,, اقلق علشان امتحان ؟؟؟ مايقلق الا الدوافير بس
هههههههههههههههههه وش عندها العربجية :D .. لا مو شرط .. فيه ناس عندهم قلق طبيعي من الاختبار لو انه ما عمره فتح كتاب :d

بالله ما تخبرون علاجها وشو ؟؟؟ لا تقعد تناظر اانت وياه مهوب انا ترا
عادي اعترفي بالحقيقة :D

شاكر لك مرورك وتشريفنا بحضورك



_______________________________________




YAT

بالضبـط .. عندنا المريض النفسـي مجنـون , ولو تقـول للشخـص انت فيك كذا وكذا من الامراض النفسية
يقـولك لأ .. الي فيني مو امـراض نفسيـة .. الامـراض النفسيـة جنــون فقـط !
عـلى ان الـجـنـون من الامـراض العقليـة ولا يمكـن حتـى ذكـره بجانـب الامـراض النفسيـة ؛
يسلم بؤك .. درر :D .. والله عندنا عقليات هنا تنرفز .. وماخذة تصورات ما ادري وش تبي

فـ انصـح الي ماخـذ فكـرة غلـط عن علم النفـس وأمـراضـه .. يقـرأ عنهـا ويتثـقـف ؛
اكيد .. وايضاً ضروري الاعلام يلعب دور لتحسين الصورة الراسخة

بالنسبـة للـي فيني من الأمـراض النفسيـة خخخخخخخخخخ .. ماش احس اني خبل
:D

لكـن دائماً اتوقع الأسـوأ بكل شي ... مثل تفكيـر الشيبــان
والحمدلله ايضاً اعتبـره شي جداً بسيط وتافه اذا ما شفت غـيـري
انا اتوقع ان هذا طبع فيك .. يعني طبعك متشائم او تتوقع الأسوأ .. وما اتوقع انها بسبب نفسي

انا فيني رهـاب الـسـرعــة بالسيـــارة , على انـي احياناً اسـرع ( امشي 140 اعتبر نفسي صكيت الطبلون )
لكن ماش فيني هالخوف الغير الطبيعي من السرعـة والحـوادث بشكـل عـام !
فيه واحد يشاركك هالشعور اللي هو حرباز :D

لدرجـة خلاص ... اذا انا موجود بالسيارة يعني مافيه سـرعه وسق بهدوء !
واحياناً احـس اني شايب اذا ركبت مع احـد .. كل شوي .. انتبه انتبه , واشيل هم السواقه اكثر منه
واجلس اوجـهه وأقلق الي يسـوق لين يهددني بالتنزيـل على الطريق علشان اسكـت
يالله اكره شي عندي اذا ركب معي احد مثل كذا .. ينرفزني :D

بس ايضاً هالشي مو بشكـل دائـم .. يعني تجيني احيان اكون مفهي .. لو تمشي بي 260 ما دريت
اجل الفهاوة منقذة بعد الاحيان اذا توهقت تفهي :D

مو أرق دائـم .. لكن زي ما ذكرت اذا فيه شي مشغـل بالي احياناً اجلس يومين ما نمت ,
يعني اذا فيه شغله طول اليوم افكـر فيها .. ما أنام لين اخلصها .. لاني ادري مافي أمل انام من التفكير فيها
فـ اذا ما كان ذهنـي مرتاح 100% ... انسـى انام عـلى طـول ؛
صحيح وهذا الاغلب عند الناس .. اذا كان عنده سالفة يبدا يقل نومه

واخيـراً ودي اتكلـم عن شي ما ذكرته انت .. الي هو التخلص من هالأمـراض
ايه نعم يالغالي انا ما تكلمت عن هالنقطة .. انا حبيت اعرض فقط .. عشان الواحد يعرف وش عنده من مشاكل ويعرف اسمائها .. والعلاج للمختصين واهله .. فيه نقاط نظرية للي يرغب بالعلاج وهي مثل ما ذكرت مثل الاعتراف بوجودها فيه وعدم الخجل منها .. إلخ

يعطيك العافية على المرور وتشريفنا بحضورك

[عيطموس]

السلام عليكم ورحمه الله
بعد ماقريت الموضوع حسيت إن كل حياتنا أمراض نفسيه
كل بيتنا فيه مرض نفسي
:eek:
اللي أشوفه يا أخ هارب إليها إن الناس الحين اتجهوا بشكل كبير نحو الجانب النفسي
فتلاحظ إن أكثر البرامج اللي تشد الناس هي اللي تتكلم عن الأمراض النفسيه
منها فيه برنامج آفاق نفسيه على الاف ام ، وبرنامج مستشارك أحيانا يستضيفون د/طارق الحبيب ويتجهون الناس نحو منحى ثاني في البرنامج بعيدا عن موضوع الحلقة ، كل هذا يدل على أهمية الأمراض النفسيه وبدأ اهتمام الناس بها ..
التفكير والوساوس : كيف يعني ؟ يعني الواحد يصير يفكر في اشياء غريبة جداً وتبدا حياته تصير جحيم بشكل لا يطاق .. مثلاً يخاف من الموت .. يخاف يصير زلزال في اي لحظة
هذي الحاله فيني من عقب تيسونامي وانا أتخيل إن اللي بيقومني من النوم هو زلزال مفاجئ ، لكن الموت أحس أغلب الناس فيهم هالخوف ومن بينهم أنا :(

اما هذي اللي ماتلمس الطاوله الله يعافيها ولا يبلانا :(
لكن عندي أخوي لو يبغى يشرب مويه أو شاهي لازم يغسل الكوب بنفسه حتى لو كان امي اللي غاسلته ، وأشياء كثيره أخرى

الأفعال القهريه: هذي ألاحظها بشكل خاص في الأشخاص المنظمين ،
هذا أبوي تلاقيه مثل ماذكرت يتأكد من إنه قفل السياره ، يتأكد حط الجوازات في الشنطه يشيك عليها قبل مانطلع واحنا في الطريق واذا وصلنا بشكل غير طبيعي ،، pb093
الرهاب الاجتماعي
بالنسبه لهذا المرض أغلب الناس تلاقي عندهم على الأقل بنسبة 3%
أحيانا إذا جت مناسبه نشيل همها وإذا فكرنا فيها نلاقي إن الدعوه كلها ناس نلاقيهم ونرجع بس!!
وتفكير وش اسوي وش ألبس ماأدري ليه هل هو بسبب الفراغ؟؟ وإلا شي تعودنا عليه
مستحيل نلقى أحد مايشيل هم

الرهاب من الأماكن المغلقه..
ياكثرهم.. لكن ودي أسأل هل يدخل معه الناس اللي يخافون من الدرج الكهربائي؟؟
كثيرين أشوفهم يخافون من الدرج الكهربائي
فيه وحده أعرفها تخاف من الطياره لدرجه إنها ماتسافر خوفاً من الطياره pb093
الله يعافيها ولا يبلانا

نتف الشعر
ونقيس عليها تقضيم الأظافر :D
وحده أعرفها ماعمري قد شفت أظافرها طويله وإذا بغت تطولها تشيل هم تقول على الله تطول ما أقضمها :eek:


هارب إليها :)
موضوع شيق يحاكي حياتنا
موضوع شيق ومفيد مثل ماتكرمت :)
كم نحتاج مثل هذه المواضيع
دمت سالما :rolleyes:

[..Buzz..]

مساء الخيــر
موضوع رائع جدا ياهارب .. :) بس من جد بصير اشك بنفسي انا :D
مابقى شي مهوب فيني
:D

الوسواس القهري
اممممم فيني منه اشياء .. مثلا .. مرات اصحى من النوم
اتـاكد اني قفلت باب غرفتي .. اخاف يدخل حرامي وانا نايمه !
:(
بعد مااكلم بالجوال اتأكد كم مره اني قفلت الازرار
واذا حطيت المنبه لاااازم اتأكد كذا مره اني حاطه التوقيت صح
اذا قمت من مكان ارجع اطالع فيه مرتين عشان اتأكد اني مانسيت فيه شي

الرهاب
بالنسبه الأجتماعي .. وش هالاعراض يااساااتر لاااا الحمدلله انا بنعمه
بس مشكلتي اكره البرزنتيشنز (الإلقاء) ماااحببببها .. وكنت اشيل لها هم قبل بفتره طويييله
اللحين اشيل لها هم بس مو مثل اول.. من كثر ماجربنا تعودنا
بس مازلت مااحب الوقوف قدام عدد كبير من الناس وتكون انظارهم موجه لي ومركزييين :(
احاول مااطالعهم او اتخيل اني مع صديقاتي وبس تهووون علي كثير ..
ايه وفيه شي .. طول فترة وقوفي وكلامي لاااازم اكون ماسكه شي صغير
بيدي اضغط فيه كل ماحسيت اني برتبك .. والله حسيت انه يسااااعد كثيييير :)

الرهاب من الاماكن المغلقه
اخاف منها اذا كانت كبيييره وخاليه بس
ونفس الشي المسبح مستحيييل اجلس فيه لحالي ابدا .. احس ان اللمبات
بتسبب للمويه التماس كهربائي .. واخاف اقرب منها ... واذا طلع
اخر شخص من المسبح الحقه على طول حتى بدون مااطلع من الدرج
امسك اقرب طرف واطلع بأسرررع وقت
اخاف من قطع الشوارع حتى لو كانت السيارات شبه واقفه
ويجيني رعب اذا ركبت مع شخص يسرررع بوسط شارع
بس مع كذا .. اموووت على لعب اخـــطر الالعاااب مهما كانت بدون اي تردد
مو تناقض.. مدري شسالفتي !!

الرهاب من الحيوانات ..اعاني من الحشرات خاصة الي تطييير ومن الزواحف بس

قلق الإمتحان
على حسب الماده .. وحسب مذاكرتي .. واسلوب الأستاذ/ة
يعني يعتمد :)
..
الأرق
الحمدلله قليــل مااعاني منه .. بس مدري وش فيه علي ذا الايام :(

السمنة
انا من الي اذا ضاقت صدورهم ماذاقوا شي
ونفس الشي مع القلق .. مااقدر اكل وانا قلقانه من شي
حتى لو بموت جوووع

هوس الاحتفاظ بالاشياء
يووووه كثييير اعرفهم يحتفظون باشياء مالها دااعي
انا احتفظ بأشياء .. مالها فايده صح بس يكون لها ذكرى خاصة
عندي ورد جاف ومتفتت ما بقى منه الا تناتيف من ايام زواج وحده عزيييزه علي :)

يعطيك الف عافيه هارب .. استمتعت وانا قاعده استكشف نفسي :)
الله يشفينا من كل عله يارب <<-- مزكومه :(

[الهلي]

وعليكم السلام ورحمة الله وبركاته

ياناس هارب ذا نعمة عل الاقلاع والذي نفس الهلي بيده :d

موضوعك بصراحة مميز...وانا اطالب اقل شي بتثبيته اسبوعين :)

استفدت اشياء كثيييرة..الله لايحرمك الاجر..

واسمح لي اتبع الموضوع بموضوع اخر مختصر عن الوسوسة في الامور الدينية..


تحية من كل pb189 ـي

[كتكوته مفترسه]

كل الناس عندهم مرض نفسي..
بس شي طبيعي بالنسبة لللدنيا اللي نعيش فيها حاليا ما اتوقع احد نفسيته سليمة!

[عطر الحكي]

الله يعين

ارق ورهاب وكلش كوكتيل امراض

الله يشفي الجميع
هارب شكرا لك

[هارب إليها]

متمرجح

اهلاً وسهلاً سي متمرجح

هارب ... احلف انك مامعك كتاب !!! والله يانت عطيتنا دبلوم عن علم النفس الجيلوجي وكل شي

موضوع منتاز وزين ويهبل ويخلي الواحد يدخل جو نفساني مع نوع من الرومنسيه الشاذه
الحمدلله .. اهم شي الفائدة والوناسة والاخلاق :D


تعقدت وصرت كل مانزلت من السيارة افتح نص الدريشه ثمن اصك الباب واروح بعد ثانيتين ارجع للموتر وافتح الباب

واتأكد من الباب هو مفتوح او لا ... ماش حتى الدريشه رغم انها مفتوحه بس ما اضمنها اخاف انها تروح تنصك
مهبول انت ؟ السرقات هالايام مولعة .. والله انه يطير موترك في ثواني :D


بس حبيت انوه بملاحضة صغينونه على كلامك العضيم ..... انا مدري وش انت تقصد في هالمرض الي تشتكي منه

الحرمة .... بس انا اتوقع انه مرض نفسي
لا انا وضحت وقلت انه افعال قهرية حيث انها تظطر تغسل يدها عشرات المرات بدون سبب .. من باب الوسوسة


لأنها غير واضحه او تقدر تقول غامضه لحتى الان عند الدكاترة ... لذالك امحطو كلمة مرض نفسي

ولا ان جيت للصدز هو موب نفسي ... هو عضوي بس للحين ما قدر يلقون وش سبب هالمرض ...

عشان كذا هم قاعدين يتعاملون معه عن طريق الجلسات وجها لوجه

وياكثر الأمراض الي قبل 100 سنه يسمونها نفسيه .. لاكن في ضل التطور عرفو انها عضويه ولقو لها علاج

بالسهوله ....<------ الي هي عمليه
لا لا لا .. انت خبصت الدنيا الله يحفظك :D

بالعكس .. قبل كان اي مرض يخلونه عضوي .. ما كانوا يدرون انه فيه امراض نفسية بدون الم عضوي واضح .. لذلك كانوا يعالجون الامراض النفسية بادوية لاعتقادهم ان الالم في مكان معين

وبالعكس كل ما تقدم العلم كل ما اكتشفوا امراض نفسية اكثر .. وان كثير من الامراض اللي كانت تعتبر عضوية اسبابها نفسية بحتة

عكست الله يجزاك الجنة :D

انا الي اخبر الي ضايق صدره تنقفل معه شهيته
صحيح .. فيه نوعية اذا ضاق صدره ما كل .. واذا زاد صار عنده مرض النحافة بسبب اعراض نفسية

..... اما عن الإطباء النفسيين انا ما احسهم مرعبين او المرضى مجنونين ... بلعكس هذا مرض حاله حال اي

مرض بس نضرة الناس له تخليك تتهرب منه ولاسمعت طاري طبيب نفسي تقعد تزاعق ومابي ومدري ايش
كلامك صحيح .. ما ذبحنا إلا نظرة الناس

يعطيك العافية متمرجح على المرور وعلى اطرائك الرائع


____________________________________________


خالدونا

يا هلا والله خالدونا سميي :D

موضوع قوي يا هارب ,,الله يعطيك العافيه يادكتور
دكتور ؟ ... هـــع :D

اعتقد ان جيلنــا الحالي يعانـي من مشاكل نفسيه اكثر من السابق بكثير
صحيح والسبب هو رتم الحياة المتسارع بشكل كبير وايضاً الاوضاع السياسة وانفتاح العالم ووصول آخبار الكوارث لحد بيتك .. كل هذي ساعدت في انتشار وزيادة الاظطرابات النفسية

والمصيبه الاكبر اذا كان المريض في سن الطفوله واهله اما جاهلين او متسترين على وضعه وحجتهم

( بكره يكبر وتروح هالمشكله !!)
هذي اكثر عبارة شائعة نسمعها من الوالدين :(

بيكبر وتروح هالمشكلة ؟ كيف ؟

صحيح ان النظرية من ناحية عامة صحيحة .. لكن اذا كان الولد شقي نقول يكبر ويعقل

اذا كان دلوع نقول يكبر ويعقل

لكن اذا كان عنده عادات نفسية خاطئة كيف يعقل ؟ بالعكس تزداد وتكبر وتتضخم

قد تكون لي إضافه او شي نسيته وودي اقوله لكن حبيت ارد بشكل سريع ويمكن ارجع اذا ماعندك مانع
تيك يور تايم .. الموضوع موضوعك :D

لكن ياليت يا (دكتور موضوعنا) لو تعطينا ولو نبذه مختصره عن الاشيــاء الي تعاني منها يمكن نلقالك حل

ترى كلنا اخوان لا تستحي
هههههههههههه الله يرجك انا اول من تكلم عن نفسه لو تقرا في الموضوع راح تلقاني كاتب وش الاعراض اللي فيني .. لما اتكلم عن مرض معين وهو فيني اقول هذا فيني

يعطيك العافية على تشريفنا بحضورك خالدونا


____________________________________________


نيرمين

اهلين وسهلين نيرمين

الله يعافيك وان شاء الله تستفيدين منه

أعاني من هالمرض وبكل فخر بس الحمدلله ماوصلت للمرحله اللي اذاكر فيها ولا اجاوب لحد يناظرنيي قولوا مشالله واتفلوا خخخخ (وجه حوطي خايف من العين)
فيك عرق مصاريا يالدافورة :D


طيب سؤال اللي يعاني من نوم شديد يعني يمسك خط 13 ساعه نايم واحيانا اكثر هل هو يعاني بعد من مرض ولالا!!(وجه متلطم يقول ترى مهوب انا)
على فكرة .. فيه مرض ايضاً اسمه مرض النوم بس هذا مو نفسي .. هذا عضوي .. وعلى ما اعتقد ان سببه لخبطة في الهرومونات او الانزيمات ..

و13 ساعة ما تعتبر كثيرة ترى هالايام .. جد والله :D

مازلنا نبتسم الى الان رغم الجروح <==منتي بعاقل
يا شيخة انتي .. حسيت عمرك 90 سنة ومليانة مواقف وقصص وحكايات :D

يعطيك العافية على المرور يا نيرمين

[رافع الراس..]

هذا يخلي الواحد يصر ويلزم انه مريض وانه فيه امراض واصابات .. تشوف كل ما قرا عن ظهور مرض جديد يقول بس هالمرض فيني .. وكل ما حس بشي في جسمه قال خلاص انا مريض .. ويكثر مراجعات للاطباء ويكثر الشكوى وغالباً ما يصيب الكبار في السن (( العقد الرابع او الخامس )) .. ومن اسبابه الخوف من المرض وكثرة الاطلاع على كل صغيرة وكبيرة في مجال جديد الامراض .. وايضاً لما يفشل في اموره الحياتية يبدى يفكر في المرض كتعزية لنفسه وكهروب من واقعه

صدق هذا الشيء ايام المراهقة كان يلاحقني <<<<يقاله كبير
جد صرت اوسوس ياي مرض هو كثرة القراية احيانا تؤذي تصدقون الجهلا براحة
مشكور هارب اليها والله موضوعك رائع ..

[حــلا الدنيـــــــا]

مرحبا أأخ هارب

معقوله كذا!!!!!!!!!!!!!

يعني اللي تخاف من الامتحانات شي طبيعي

مااتوقع أنه يوصل لدرجة المرض النفسي!!!!

هو أكيد له دخل بالنفسيه :)

لأن ذيك الفترة تصير النفسيه زفت بصراحه pb093

عموماً لو صار مرض فـ نص العالم عندهم هالمرض pb093

أخ هارب

يعطيك العافيه بصراحه فيه معلومات جديده علي......

[سينا]

سلام
بصراحة أنا عندي تصرفات مختلفة عن تصرفات الناس الطبيعيين بس ما توصل للأمراض اللي تكلمت عنها

كثير ما يقولون عني مجنونة وتصرفاتك غريبة , وأنتي مو طبيعية ... بس أنا خلاص تعودت

وبيني وبينك تعجبني كلمة مجنونة ... لأني من جد مجنونة

[طخ طيخ]

الله يعطيك العافيه

يابوالعقدكلها

شكلك زي هذا=========>> pb131

بس صراحة

هوس الاحتفاظ بالاشياء :

بصراحة ما ادري هالمرض يدخل تحت اي تصنيف .. لذلك حطيته لوحده .. هذا طال عمرك يخلي الواحد يحتفظ باشياء كثيرة وهو ما يحتاجها .. ويصير عنده عادة الاحتفاظ بالاشياء القديمة بشكل غريب .. ويصير عنده اعتقاد داخلي انه بيحتاجها في يوم من الايام .. وحتى لو صار الشي عطلان وقديم وما يحتاجه مع ذلك يحتفظ به .. وتنتشر هالعادة عند الشياب الله يحفظهم .. انا عندي الوالد الله يخليه .. عنده هالعادة بشكل مو طبيعي .. لو تشوفون غرفته مليانة اوراق .. والله شي مو طبيعي بمعنى الكلمة .. اوراق وكروت وايصالات قديمة جداً جداً ما لها فايدة .. لكن بحجة انه يمكن يحتاجها !!؟ وابحط لكم صورة لدولاب الوالد الله يحفظه بعد شوي .. انا احس ان هالعادة عندي اخذتها من الوالد .. لذلك دائماً احاول ارمي الاشياء حتى ما يتطور عندي هالمرض .. وايضاً من الحالات اللي عرضت في البرنامج شخص عنده مرض الاحتفاظ بالاشياء .. يحتفظ باي شي ممكن تتخيله .. حتى كراتين علب الطعام الفاضية يحتفظ فيها .. لدرجة انها ما يقدر ينام في الشقة .. تخيلوا شقة مليانة اغراض ما فيه مكان لموطىء قدم .. لما طلبوا منه يرمي علبة فاضية بغى ينهبل .. ما قدر .. استمروا معاه كم شهر في العلاج وتدرون وش النتيجة ؟ بعد كم شهر من العلاج استطاع يرمي صفحات من جريدة قديمة .. يعني ما تحسن كلياً .. تحسن بشكل بسيط .. يا رب احفظنا .. كم شخص تعرفون فيه هالعادة ؟ كثير صح ؟


:eek: :eek:

والله هذي مشكله عندي بصراحه

بعض دفاتر الابتدائي الى الحين عندي طلعات او سفرات تلقى عندي ذكرى منها

غرفتي فيه قسم للاغراض القديمه حاولت اتخلص من بعضها وسويت حالةاستنفار ومادريت بنفسي الا

انواع الذكريات

بس خلاص ابجيب العيد pb036 بحرقها كلها الا بعض الاشياء ===========>> مافيه امل وحصه pb034



الله يعافيك اخوي هارب اليها ومميز


يا عقد pb034


لك تحياتي

[Nonetta]

مرحبا أخوي هارب bp039

أنا أشوف انه صار عندنا وعي بهالأمور مو مثل أول

مع أن في ناس إاى الآن يعتبرون المرض النفسي جنون فقط pb093


الوسواس القهري :

الأفعال القهريه:

هذي أعاني منها أسوي شئ معين بعدين أرجع مره ثانيه عشان أتأكد أني مسويته :(

ويكون فيه حوار وصراع داخلي بين الشخصيه المريضه والشخصيه العاقله pb036

الشخصيه المريضه: الظاهر أني ماسويت كذا بروح أتأكد

الشخصيه العاقله: إلا سويته أقعدي بس

الشخصيه التعبانه: بس مره وحده بروح أتأكد وارجع

الشخصيه العاقله:لا يعني لا ( ياحبيلي وانا صارمه) pb024

الشخصيه المريضه: إلا بروح

الشخصيه العاقله: طيب روحي pb027

يعني تنتصر الشخصيه المريضه في الأخير


خخخخخخخخخ ياحبيلي شكلك تقول وش الله بلاني بها العاهات :D



هجاس المرض :

انا إلى الآن أحس أن فيني مرضين بس على خفيف

يعني ماوصلت مرحلة الهاجس[/align]

[خفوق]

عندي اضافه اذا سمحت
في امريكا عدد الاطباء النفسيين كثر ذر بليس
بمعدل طبيب واحد لكل 300 شخص و شف عاد كم عدد السكان عندهم
وهناك تروح للطبيب عشان تفضفض و تأول اللي بألبك
يعني مهوب لازم تعالج و تزرط لك كومة حبوب
ويوم قريت العنوان قلت الا انا مريضه و كلنا مرضى بطريقه او اخرى

و تحياتي

[@آنسه دولمه@]

الأرق::
مو شرط يكون مرض او في سالفه شاغله البال..
ممكن يكون بمرحلة المراهقه الهرمونات مضطربه ..
يعني في بعض الناس بمرحلة المراهقه ينتابهم كسل شديييييد كله نوم×نوم وفي بعضهم العكس نشاط شديييد ولعب وحركه لين2بالليل وهو صاحي من العصر مشالله وانا من هالنوووع<عشان كذا قال مشاللهd:
على العموم شكرا على الموضوع...لاتحرمنـــــا دمت بحفظه ،

[*الجوزاء*]

اماااااا انا علي نفسيه ماهي بطبيعيه.. :eek: :eek: :eek:

امزح ترا لا والله بس ما احس تسمى حاله نفسيه ..لان هذه كلمه كبيره .. pb036
تشكرات افندم.. ;)

[صاحب الظل الطويـــــل]

ههههههههههه
الحمدلله طلعنا منها سليمة :D
إلا دوار البحر شي نفساوي والا سيمباثاوي ؟؟ :D

عمــومــًا
صديقي
موضوع فروتي على قولتهم ;)

bp039
أبو ظل
:):)

[بيالة ببسي]

هوس الاحتفاظ بالاشياء :

بصراحة ما ادري هالمرض يدخل تحت اي تصنيف .. لذلك حطيته لوحده .. هذا طال عمرك يخلي الواحد يحتفظ باشياء كثيرة وهو ما يحتاجها .. ويصير عنده عادة الاحتفاظ بالاشياء القديمة بشكل غريب .. ويصير عنده اعتقاد داخلي انه بيحتاجها في يوم من الايام .. وحتى لو صار الشي عطلان وقديم وما يحتاجه مع ذلك يحتفظ به .. وتنتشر هالعادة عند الشياب الله يحفظهم .. انا عندي الوالد الله يخليه .. عنده هالعادة بشكل مو طبيعي .. لو تشوفون غرفته مليانة اوراق .. والله شي مو طبيعي بمعنى الكلمة .. اوراق وكروت وايصالات قديمة جداً جداً ما لها فايدة .. لكن بحجة انه يمكن يحتاجها !!؟ وابحط لكم صورة لدولاب الوالد الله يحفظه بعد شوي .. انا احس ان هالعادة عندي اخذتها من الوالد .. لذلك دائماً احاول ارمي الاشياء حتى ما يتطور عندي هالمرض .. وايضاً من الحالات اللي عرضت في البرنامج شخص عنده مرض الاحتفاظ بالاشياء .. يحتفظ باي شي ممكن تتخيله .. حتى كراتين علب الطعام الفاضية يحتفظ فيها .. لدرجة انها ما يقدر ينام في الشقة .. تخيلوا شقة مليانة اغراض ما فيه مكان لموطىء قدم .. لما طلبوا منه يرمي علبة فاضية بغى ينهبل .. ما قدر .. استمروا معاه كم شهر في العلاج وتدرون وش النتيجة ؟ بعد كم شهر من العلاج استطاع يرمي صفحات من جريدة قديمة .. يعني ما تحسن كلياً .. تحسن بشكل بسيط .. يا رب احفظنا .. كم شخص تعرفون فيه هالعادة ؟ كثير صح


ياخي قد رديت بس شكله ما نزل ولا انه يستهبل ,

عموما انا ياطويل العمر عندي هالحوركينه , احب اجمع الاشياء القدميه لاني يمكن استخدمها في يوم من الايااااااام

تقبل اطلق تحية في الكره الارضيه

[هارب إليها]

حلم سنجاب

مرحبا حلم سنجاب

بس عندي مشكله مع دكتور الاسنان

معد اعرف اسوق اذا دريت فيه موعد
:D

يعطيك العافية على المرور

________________________________________________


عيشالك

اهلين وسهلين عيشالك

يا ربيه ملاحقني هالشي

مهونة ان شاء الله


بعدين وش فيها الايقونات ؟ شغالة زي العسل .. يمكن العطل من جهازك :D

مشكورة على المرور عيشالك

________________________________________________


MelOdy

مرحبا ميلودي .. اهلين وسهلين

هالموضوع كل شوي باارجع له عشان اعرف اني لست وحدي اعاني

مو انتي لوحدك .. كثير بيرجعونه عشان يقنعون انفسهم انهم مو الوحيدين اللي يعانون .. وهذا شي طيب وصحي

اكره اروح بيوت ناس يعني كل سنة ممكن اروح عزيمة وحده كنت احضر اجتماع اول يوم في العيد والحين بطلت بعد والباقي نجتمع في مطاعم او مقاهي بحيث متى ماحبيت اطلع تكون عبايتي علي والسيارة عند الباب
وحتى في المطاعم من كثر القلق اصلح اشياء غلط كثير وممكن اكب العصير واحط اكل في صحن غلط واكل بطريقة غلط
طيب وش الموقف اللي صار لك ؟ هل فيه موقف هز ثقتك في نفسك من الناحية الاجتماعية ؟

لانك تقولين في فترة "قصيرة" انقلب كل حياتي .. يعني احس انه في موقف حصل


ويوم زواج اخوي كان اصعب يوم في حياتي اتذكر اخذت غرفة في نفس الفندق بحيث لو تضايقت اطلع وبرضو كانت الكوافير بنفس المكان وطلعت للغرفة ثلاث مرات تقريبا بس الحمدالله انتهى اليوم على مايرام
حتى زواج اخوك .. عاد يعصب عليك اخوك ما لها داعي :D

ومشكلتي اليومية حكاية الجامعه كل يوم اصحى تعبانه وجسمي كله متكسر واحس بضيق تنفس وعدم تركيز وغثيان
وافكر اروح او مااروح واول مااقرر اغيب سبحان الله كل هالاعراض تختفي

عموماً بالنسبة للجامعة اعرف ناس كثير نفس حالتك .. تجيهم كتمة للجامعة .. بسبب همين .. الاول الاهم الاجتماعي في الجامعة .. والثاني هم الدراسة .. فتجي كتمة وضيقة صدر مو طبيعية


وعن نفسي كنت عارفه ان عندي مشكله وراجعت مساعد نفسي والمساعد النفسي يختلف عن الطبيب النفسي بأنه يعالج عن طريق السلوكيات فقط ولايصرف اي ادوية
طيب وش صار على المساعد يا ميلودي ؟ هل فادك ؟

لاننا نسمع ان الطب النفسي عندنا سيء والاطباء ما زالوا ضعيفين وغير مؤهلين بقوة ؟

هل هذا صحيح وهل هذا ما لاحظتيه عند المساعد ؟


يعطيك الف عافية ميلودي على الرد الجميل ومشاركتنا ما لديك

[هارب إليها]

ريانه

ولكم باك ريانه :D

هارب وش ذا طلعت مريضه بنسبه 90%

:D


او اذا جيت اوقت المنبه اطل فيه يمكن 10 مرات علشان اتاكد انا وقته والا لا ههههههههه
ياربييه وش كثر حالتي صعبه ... وهذا غيض من فيض

نفس الحالة عندي pb030

اخاف من الطيارة اول ما تقلع بس عقب ما نتواسى بالجو ارتاح كثير

ههههههههههههههههههههههههه اما الطيارة ذي سالفتها سالفة

انا استمتع بركوب الطيارة يا زينها زيناه << بزر :D

لكني اعرف ناس اذا ركبوا الطيارة الدمعة تبرق من عيونهم


واذا ركب معي واحد سمين او وحده سمينه تحصلني اتشهد لين ما انزل اخاف يطيح فينا

اجل الله يعينك .. يا كثر السمان عندنا .. يبي لك تتشهدين واجد :D

اخاف اسبح بالمسبح بالحالي ... احس كن بيجي احد يغرقني وانا غاطسه تحت وبموت ولاحد درى عني

طيب وش رايك اني اعرف واحد يخاف يسبح في المسبح لحاله تدرين ليه ؟ يقول اخاف تطلع لي سمكة قرش وتسحبني وتاكلني :D

هنا ممكن احس بضيقه صدر ومزاج متقلب ..
وادور اي شي يلهيني عن الدراسه
يعني حالتي طبيعيه نوعا ما

ايه طبيعية هذا قلق معتاد وطبيعي من الامتحان

ويجي (البرفسور/ الجراح) يكشف علي ويقول لي انتي ضروري تسافرين بكره؟
قلت له حجزي خلاص ... قال لا انا ضروري اسوي لك اشعه مقطعيه !!
طيب ليه يادكتور وانا عظامي واحد يصقع بالثاني من الروعه
قال لا بس ابي اتطمن ... طيب تتطمن على وشو ؟؟

هههههههههههههههههههههههههههههههه

والله ودك يضيفون كورس لطلاب الطب اسمه " كيف تخبر المريض "

عندنا اطباء يجيك ونفسه في خشمه يقولك "وين فلان" يرد عليه فلان وقول انا .. يقوله الطبيب " ابوك مات " ويروح ؟؟

قال لان الانف هو اكثر جزء بالجسم مليء بالاوعية الدمويه .. ومن اقل حركه قويه ممكن ينزف
سبحان الله خلال ثواني تغير حالي

الحمدلله مرت بخير .. بس يمكن الطبيب الاول يبي يطمن عليك ولا شي << رجع يدافع :D

استخدمت المنومات

طيب كيف المنومات هل لها اضرار جانبية حسيتي بها ؟ صداع .. غثيان .. اكتئاب ؟ اي شي ؟


اذا تعبت نفسيتي اكل حتى لو اني شبعانه

كويس .. اول بنت تعترف في الموضوع بالشي هذا :D

لا بس كنت من الفضاوة اقعد قبال المرايا واتفحص شعري
واي شعره اشوفها ماتعجبني كنت " طق " انتفها

طيب واذا ما عجبك كل الشعر ؟ وش السواة ؟ :D

ممكن تكون فيني هالصفه ... احب اجمع كل المراجع حقتي
واذا احد طلب مني مرجع .. احب انه يرجعه لي ..هو نفسه ولا اقبل بنسخه جديده

غريبة .. انا احتفظ بالاشياء لكن إلا الكتب .. اول ما اخلص منها على طووووووول شوووت في كرتون الكتب المهملة :D .. ومن كرتون الكتب المهملة إلى المحرقة .. تذكرني بهموم وآلام وهم الاختبارات


وحاليا الاغلبيه من الجيل الحال يمتلكون ثقافه ونادر مانحصل الغير مثقف
فأمر العيادات النفسيه ..او الطب النفسي حاله حال اي فرع ثاني من افرع الطب
والتحجر والانغلاق راح وقته ... واتمنى مع مرور الوقت تتسع نظرتنا لهذا المجال من الطب

لا والله يا ريانه .. ما لك لوا :D

اخرتها كنت اسولف مع شباب عن موضوع الطب النفسي

والله يا ردوا علي ردود تضيق الصدر .. كلهم قالوا .. الانسان يا مجنون ويحتاج مريض نفسي اياً كان .. يا طبيعي وما يحتاج ؟

انا احاول افهمهم انه فيه اظطرابات عادية مو شرط الجنون .. قالوا لا مو صحيح .. النفسي يعني جنون

فكرة راسخة في عقول "شباب" فما بالك بكبار السن

يعطيك العافية ريانه على الاضافة الجميلة وتكريم الموضوع

[هارب إليها]

Sweet Eyes

اهلين وسهلين سويت آيس .. وش السالفة هونتي ؟ هماك مو رادة على الموضوع ؟ وش هالتواضع :D

خل اشوف اللسته ...
إكتئاب ..
رهاب إجتماعي ..
رهاب من الاماكن المغلقه .. بس بشكل خفيف
ارق ..

لستة مطعم :D

قلق الامتحان .. صار لي مره .. اذكر مر نص الوقت وانا اطالع بـ شاشة الكمبيوتر ومدري وش الاختبار عنه .. واناظر الورقه ومدري وش مكتوب .. جاني نوع من التتنيح .. واستغربت وجودي بالقاعه اصلا !!! جنون مؤقت ؟؟
قمت من مكاني وسلمت الورقه للتيتشر وانسحبت من الاختبار .. اول مره بحياتي واخر مره ان شاء الله

ههههههههههههههههههههههههه .. شكله جنون مؤقت :D

لا هذي دايماً تصير خصوصاً في الاختبارات الورقية

انا دايم اشوف ناس معي في القاعة يبلمون ويقعدون يناظرون الورقة .. شوي ويقومون يسلمون الورقة ويطلعون

لما نخلص الاختبار واسئلهم وش السالفة .. يقولون كل شي ضاع ..

ولما اعطيهم الورقة بعد الامتحان يحلون كل الاسئلة او اغلبها

بس رهبة الامتحانات شتتهم


عندي ملاحظه ... الانسان لما يمر بضغوط او مشاكل .. نلاحظ عليه بعض الامراض اللي ذكرت ..وتكون بشكل خفيف .. و مؤقته وتختفي بمجرد زوال الضغوط هذي .. وطبعا تكون مرض بشكل رسمي لما تطول ويهمل علاجها واكبر مثال الوسواس القهري .. يبدا صغير .. الين يتمكن من الانسان .. وقتها يصعب علاجه ..

معك حق في بعض الامراض مثل ما قلتي بسبب ضغوط او مشاكل في وقت معين

مثل الارق او الاكتئاب او او

لكن فيه اشياء مزمنة بدون ضغوط نفسية

مثل الرهاب الاجتماعي .. او الافعال القهرية


عافاني وعافاكم الله جميعا .. وجزاك الله خير هارب .. << لو ما احط الا هذي تكفي صح

:D

يعطيك العافية على المرور سويت .. بس ليش حاذفة على اليسار وكتابتك على اليسار ؟ نوع من التميز يعني ؟ :D

_______________________________________

.. T w i n s ..

اهلين وسهلين توينز


لا .. أنا من 5 % الباقيين .. لأني كنت أشك في نفسي والحين تأكدت بعد ماقرأت موضوعك

تصدقين الاكثري كانوا من الـ 5% .. توقعي كان غلط :D


الخضار والرز مثلاً تغسلهم بالصابون ولا 20 مره

لدرجة انه يفقد طعمه ونكهته من كثر الصابون .. وتجلس بالمطبخ ماتتحرك لين يستوي ( ينضج ) الأكل
يعني معاناه كبيره لها .. لذلك ماتطبخ دايماً .. وتكتفي بشرب السوائل أكثر شي

يؤ ؟ تغسل الاكل بالصابون ؟ وش ذا pb036

ترى اللي يقرفون من غيرهم واجد .. وتختلف درجاتهم من خفيف إلى عالي

انا من النوع الخفيف .. يعني احاول يكون كل شي نظيف .. بس عادي اكل من غيري جداً ايزي

الله يعين صاحبتك


وفيه خالة امي هذي عاد سالفتها سالفة .. مره من زمان مره كانت بالمطار وماتدري وشو ذا حطت رجلها قام سحبها على فووق وكان قدامها واحد لابس بدله تعلقت بكرافتته وقعدت تصيح

ومن يومها عندها خوف موب طبيعي منه .. الله لا يلومها ضعيفه

ههههههههههههههههههههههههههههههههه بقوة بقوة وبقوة الله لا يلومها :D


هذا طبعاً حالة خاصه .. لكن بوجه عام انا وقت الاختبار يزيد عندي الأرق والصداع وفقدان التركيز

عندي حبوب خاصة للامتحانات .. تبينها ؟ << مروج pb034


انا احيان اكون اكل شيء ما احبه مره كـ مجاملة للي معي.. واكون حاسه انه بيعورني وفعلاً يعورني مدري ليه

اكرام النفس هواها .. مستحيل اكل شي ما احبه لو وش :D

ذبحني الأرق نفسي أنام يوم زي العالم والناس بدون ما اتقلب 3 ساعات عشان اقدر انام مع اني احيان اكون منهكه وتعبانه وفيني النوم بس مقدر انام ... ولو نمت مستحيل انام اكثر من 4 ساعات ومقطعة بعد كل شوي اتوقظ

الله يعينك والله .. طيب ما جربتي الادوية ولا خايفة من خطرها ؟ او الادمان عليها ؟


كذا مره سويتها .. المشكلة اكل وانا مالي نفس

و اعرف يمكن شخصين نفس حالتي

كثير والله اللي كذا .. دايم الواحد اذا طفش كل .. يمكن ما ياكل وجبة ثقيلة لا .. ياكل فصفص او شوكلاتة او شي خفيف .. اهم شي انه ياكل


احب احتفظ بأي ورقة عندي حتى كتب الجامعه والملازم والنوتات .. احس بحتاجهم بيوم .. وكل ماجيت يقالي برتب وبرمي اللي ما احتاجه لقيت كل شي اطلعله مية عذر واخليه <<< عندها ولاء

وش فيكم يالهعالم ؟ انا اي شي متعلق بالجامعة او الدراسة ارميه مباشرة وبكل قوة

احتفظ باشياء ثانية صح .. لكن ذي مستحيل :D

لكن بالنسبة لي تجيني احيان حالة طفش وزهق وضيقة صدر .. احس ان فيني اكتئاب إذا صح التعبير.. فترة وتروح .. يمكن من ضغوط الحياة

لا هذي طبيعية .. اكتئاب مع ضغوط الحياة يروح ويجي .. ضيقة صدر .. المشكلة اذا كان اكتئاب مستمر

وان شاء الله نلقى العلاج عندك ويكون لك السبق في ذلك

انا رديت على احد الاخوان اللي قال ليش ما تكلمت عن العلاج (( راجعي ردي على YAT ))

ووضحت ليش ما كتبت عن العلاج

لكن ان شاء الله احاول اكتب معلومات اساسية ونصائح للبداية في العلاج


يعطيك العافية على الاضافة يا توينز وشاكر لك مرورك


_______________________________________


بنت شيوخ

حياك الله بنت شيوخ

اهتزت الــ لا بعنف

:D

انا عندي الارق و هوس حفظ الاشياء ..

وش العلاج !

ثالث شخص يسالني عن العلاج :D .. انا جاوبت عليهم .. راجعي ردي على YAT و .. T w i n s ..


يعطيك الف عافية على المرور بنت شيوخ وشاكر لك اطرائك الجميل

[Memories]

هارب حاقد علينا انت ..! :D

ترى كنت راضيـه بحالتـي .. بس طلعـت "" مريضـه نفسيـا "" وبقـوة بعـد
والوسـواس لاعب فينـي لعـب وانا مادريـت .. :(

بجـد تحليلـك روعـه .. والصـور الي صـورتهـا كثيـر مريـت فيهـا ..
بس مافيـه امـل اتعـالـج .. يوميـن وانسـى اني مريضـه نفسيـا .. لانه كل الي من حولـي مثلـي .. يعني برجـع اتعـود على الحالـه ..

سلمت يديـك وعافـاك الرحمـن ..
لاعدمنـا ذا الابـداع المتـواصـل منـك .. :)

[بوح القلوب]

هلا أخوي هارب ,
أجل طلعت أنا مريضه نفسية .. pb036
عندي أفعال قهريه .. pb030 وعندي حب تجميع الأغراض .. pb030
مهم , وأخاف أحتاجه .. :rolleyes:


ماشاء الله عليك , هارب ..
كفيت و وفيّت , مووضوع رائع جداً جداً .. :)

عوافي ,
http://199.237.50.6/vb/images/icons/icon39.gif

[الشقردية]

مــــــرحـــــبـــا

الاستشاري النفسي حلم يراودني .. و انشاءالله يتحقق

ما تصدقون وش كثر الطبيب النفسي يغير من شخصية الفرد .. اعرف وحدة عانت من مشكلة صحية و من بعدها و هي تعبانة نفسيا .. تخاف من طاري الموت .. علاقاتها الاجتماعية كل مالها تسوء .. تجيها ايام تعاني من ضيق في تنفسها و تقضي اليوم كله صياح .. عرضوها على اطباء قالوا اللي فيها شي نفسي ..
مع مرور الوقت لاحظت تغير شخصيتها .. لاحظت في يدها سيور مطاط .. لما سالت عنها قالت : اذا جاتني لحظة خوف او حسيت نفسي بتضايق ضربت نفسي بالسيور علشان اوعى لنفسي و انسى اللي فيني .. عرفت بعدها انها تروح لطبيب نفسي .. و الله يجزاها خير .. غيرت شخصية البنت حيـــــــــــل

الكل عنده مشاكل .. و مو عيب اني استشير ناس افهم مني بهالامور ..
اتمنى يجي الوقت اللي يكون فيه الاستشاري النفسي شي ضروري .. و اروح له و احل جميع مشاكلي النفسية ..
عدم الثقة + الخوف + الخجل التافهه

يا حظ الغرب بهالنقطة

اللي يحب يرتب الاشياء ويحب كل شي منظم .. او اللي يحب يغسل يدينه كم مرة ..
الله يستر .. عتريس انتبهي من النقطة الاولى .. الثانية و لله الحمد لك كم سنة قاطعه ذا العادة :D

هارب يعطيك العافية :)

[زحمة حكـي ،]

الله يعينك والله .. طيب ما جربتي الادوية ولا خايفة من خطرها ؟ او الادمان عليها ؟



جربت دوا وصفه لي نفس الدكتور لكن مافاد وتركته خفت اتعود عليه وهو مامنه فايده pb093

حاولت اجرب بناودل نايت لانه خفيف ومامنه خطر لكن نفس الشي ما أثر فيني <<< راسها يابس pb030

<< عجبها الجو هنا وخذت راحتها بالحكي :D

مشكور هارب مره ثانيه :)

[وتر حساسـ]

جبتهـا عالجــرح .. :( ..


ما كنـت متوقـع هالبـلاوي كلهـا فيني .. :(


قسـمـ بالله شككتني بعمـري :( ..


الرهاب الاجتماعي لاعب لعبته :( ..


وخـوف مو طبيعي من الأماكن المرتفعــه .. أحيان أحـس انه بيوصـل حـد الاغمــاء pb036


ولايهـون الأرق اذا وصل لمرحلـه معينـه تحس ان ودك تمـووووت أصرف لــك pb151

هـارب .. الجلسه عنـدك بكـمـ :D

[عــزام]

[QUOTE=وتر حساسـ][font=Simplified Arabic][align=center]





ولايهـون الأرق اذا وصل لمرحلـه معينـه تحس ان ودك تمـووووت أصرف لــك pb151

:
:( :( :(

وش الحل مع الارق ياناس

[بسكوتـه]

هلاوين هارب :)

موضوع مفيد جدا اوضح لنا ان اغلبنا مريضين نفسيين

كم واحد تعرفه يخاف يركب الاصنصير
انا اولهم :(

انا اكبر مشكلة عندي بحياتيالطبيب بشكل عام وطبيب الانان بشكل خاص اذا اخذت لي موعد عنده تصير حياتي جحيم والنفسيه عدام :( الكل يلاحظ علي
لدرجة اذا صارت عصبيه وأي شي ينرفنزي يجي السؤال من صديقاتي بسكوته عندك موعد مع الطبيب اليوم ؟:( :d :(


مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟
هنا انا العكس تمام اذا ضاق صدري او صارت مشكلة او اي شي ينكد تنسد شهيتي تماما عن الاكل لدرجة مرينا بضروف مو كويسه خلسه 3 ايام ما اكلت فيها شي بس اشرب مويه

هوس الاحتفاظ بالاشياء :
برضو هالخصلة عندي :d
ماودي ارمي اي شي لي(الا ان كان عاف الدنيا ) بس امي الله يخليها ما تخليني على كيفي :d:d

يعطيك الف عافية هارب على الموضوع :)

[غزير الشوق]

بهلوس بعد موضوعك هذا هارب :)

الله يكفينا شر الامراض النفسية :)

موضوع متعوب عليه ورائع وغير مستغرب من هارب اليها :)

تسلم هارب ولاتحرمنا من مواضيعك دوما :)

وياملا الثانكيو :)

[|[ Female PRIDE ]|]

يعطيك العافية أخ هارب ..
أسلوبك سلس .. والله ما حسيت اني أقرا موضوع تثقيفي ...
شكرن أقين ..
وننتظر جديدك .. :)

[][مجبور الخاطر][]

إثري مريض نفسي

يعطيك العافية هارب اليها

[عيون الكون]

مرحبتين هارب اليها ,,,


ربي يحرسك من العين قلم متميز ومبدع ... لكن لا استغرب هالابداع من شخصك الكريم ,,


من شفت العنوان عرفت ان خلفه موضوع رايق ومتميز .. وكنت طبعا مبعده نفسي عن اي مرض نفسي ..


اتاريني غرقانه فيه وانا مادريت pb093


بس مدري لاي نوع اصنف نفسي شكلي جامعه ثلاثه بواحد ...( حشى شامبو )


انا دايما عندي احساس بالخوف من فقد اغلا الناس عندي ومجرد بعدهم عني فتره بسيطه اجزم بالفرقا :(


الباقي اجزم اني بالاوكي ومافيني شي ... يكفي اني انام مرتاحه واصحى مرتاحه .. :cool:


يسلموا يابعدهم على هالطرح الرائع ..


ان لقيت حل لي علمن لا تجحدوه :D


تحياتي ..

[هارب إليها]

كان يا ما كان

مرحبا بالغالي كان

موضوعك رائع من ناحية قيمة معلوماتية وطريقة سرد... أنا بصراحة اول ماقريت العنوان قلت هارب إليها يحاكيني.. إيه وابصم على إيه بالعشرة
تصدق عاد يوم طرحت الموضوع مفترض ان الاغلبية بتقول لا .. لكن اللي شفته ان الاغلبية قالت ايه من البداية

من النوع اللي أتشاءم وأتفاءل بالأشخاص والاشياء.. يعني اول مأاصحى من نومي أول شخص اشوفه أو أول موقف يصادفني يخليني آخذ فكرة عن اليوم بمجمله وأحياناً ماأطلع من البيت بسبب مثل هذي الاشياء!!..
هذا الشي يمكن ما له تصنيف نفسي . يمكنه طبع متشائم فقط

أحمق وأعصب كثيييير من حاجات في منتهى التفاهة ولدرجة الجنون يعني ممكن يتكسر كل شي قدامي.. وفي المقابل أتعامل مع اشياء في منتهى الأهمية بمنتهى البرود !!..
عادي الواحد اذا صار كبير في السن يحمق بسرعة pb034

الأكل.. أنا بالعكس لما أتضايق أو يصيبني إكتئاب تنسد نفسي وأنحف بسرعة حتى العام نزلت 19 كيلو دفعة وحدة !!..
بالفعل هذا شي مشهور

وهو مرض النحافة

وان كان اقل من السمنة انتشاراً .. لكن مرض النحافة موجود وبشكل كبير

ويكون اما بسبب اظطرابات نفسية يصير الشخص يكره الاكل

او يصير بسبب انه يصير عنده هوس الحمية

وهوس الحمية هذا دائماً تلقاه عند النجوم والمشاهير

واي كلمة في الصحافة تقول "الممثلة زاد وزنها شوي" تنهبل وتكره الاكل

ومن المشاهير المصابين بهالمرض "انعدام الشهية" هي الممثلة نيكول كيدمان

أخاف من الموت دائماً وأبداً يخطر على بالي إن منيتي قرّبت( هذي ماأظنها مرض نفسي) فالحياة الدنيا بمجملها هي مشوار قصير جداً...إلين فترة راحت كان ممنوع على كل اللي أعرفهم يفتحون أي سالفة تتعلق بالموت قدامي.. من تالي صار الموت هي سالفتي..
بالفعل ما هي مرض نفسي اذا كانت في الحد الطبيعي

لكن اذا زادت وصار جل تفكير الشخص عن الموت يصير وساوس

ختاماً أخاف من بعض الحشرات.. وأكثر مايروعني منها الصراصير (ماأدري هذي حالة مرضية او لأ) !!..
انا جداً جداً اكره الحشرات برضوا .. وما اعتقد انه مرض نفسي

بس يمكن الخوف" المبالغ فيه" له خلفيات نفسية من ايام الطفولة

مثل مواقف مع الحشرات او شي

انا في طفولتي صار لي مواقف مرعبة مع الحشرات مقارنة بعمري في الطفولة

وترسخ عندي كره غير طبيعي للحشرات والزواحف المنزلية

أنا عندي نفس حالة الوالد الله يخليه لك يعني لايمكن ارمي أقل ورقة وكل كم شهر يطلع من غرفتي كرتون ورق منوع للمستودع... ومكتبي الاوراق فيه للشارع!!..
الوالد عنده الوالدة الله يحفظها .. كل فترة تنشب له .. انطل اوراق انطل اوراق .. بدون الوالدة كان البيت الحين غرقان اوراق :D

صراحة من خبرة ألفين سنة في هالمجال مالقيت طب نفسي متطور بشكل جيد عندنا هنا.. (من اللي شفته) أو الأشخاص المتخصصين اللي قابلتهم.. يمكن علشان الطب النفسي عندنا تونا ماحسينا بأهميته كما هو الحال في المجتمعات المتقدمة.. بالإضافة طبعاً للمشكلة الاساسية زي ماتفضلت ياعزيزنا وهي النظرة العامة من قِبل المجتمع لمن يعاني من أعراض نفسية أو من محاولة العلاج منها عبر مراجعته لطبيب النفسي حيث ممكن يطلق عليه إنه يعاني من اعراض الجنون...
مضبوط انت قلت الجواب

اولاً لان الطب النفسي ما بعد حسيتنا باهميته

وثانياً نظرة المجتمع لهذا المجال

ماعمري إستخدمتها بس لايمكن تخلى منها غرفتي.. تتوزع على الاصحاب والأحباب وكل من له رغبة فيها
افا يا كان .. اخرتها صرت مروج << بيوهق الرجال :D

واول مادخلت لقيت إثنين طالعين من عنده اشكالهم شبه وعرابجة وفهمت من اللي معاي إن مثل هالاشكال تجي مثل العيادات هذي علشان تآخذ الحبوب والعلاجات والله أعلم..
بالفعل انا سمعت كذا

وايضاً يصير البعض متعامل مع بعض موظفي الصيدليات انه ياخذ منه علاجات ومهدئات بدون وصفة طبية

إنهم يآخذون جلسات يسمونها (Relaxation) هي تشبه التنويم المغناطيسي إلى حد ما بس تفرق إنها لتهدية الأعصاب وتحسس بالراحة..
هل هذي موجودة في السعودية ؟ وين ؟ وضح للشباب المهتمين بالامور هذي


يعطيك الف عافية كان يا ما كان .. ومشكور على مرورك وتشريفنا بحضورك

[هارب إليها]

الناي الناطق

مرحبا بك الناي الناطق

بقولكم قصتي مع هالاعراض خصووصا اني تجرأت اعلنها للكل
شي جميل جداً

وترى الفضفضة تساعد الشخص كثير


2000 اذا تذكرون كيف هولوها وكان ذاك الوقت 11 رمضان وبكره بيدخل عام 2000

يوووه ومن ينسى زحمة 2000

قالوا الكهرب بيوقف

قالوا الكمبيوترات كلها بتطفى

قالوا انه يوم القيامة

قالوا وقالوا وقالوا

اذكر اننا شرينا كشافات وانوار احتياطية عشان اذا طفى الكهرب

ومرت ليلة 2000 واحنا نتفرج على الكشافات بدون ما نستفيد منها :D

قامت مرة عمي الله يهديها قالت خوذوا فال الصغار ان بنتي تقول انا شفت في النوم ان هالعالم يحترق وقاموا يجبون سوالف عن الموت واشياء تخوف
عاد انا كنت مهزوزه بوفاة عيال عمي فكات هذا الكلام مثل الصفعه خصوصا اني صغيره (((((ومراهقه)))وشئ طبيعي تكون فيه لخبطه في المشاعر في هذا السن

صحيح

والمشكلة ان الاهل يجيبون افكار غريبة

ويامنون بها ويعتقدون بها


صرت احس بنفس الاعراض اللي يقولها انهرت رحت للوالد انا فيني مرض في قلبي ودوني المستشفى ورحت صلحوا تخطيط وثلاث دكاتره على راسي كل ماقالوا تحسين بكذا قلت ايه

هجاس المرض :D


العلاج ضروري وعلاج هالحاله بالذات يكون في علاج السلوووك لان سمعت من الدكتور قال للوالد بنتك صغيره وحلو انك جبتها للعلاج لانك لو سكت عنها راح يتطور
الى مرض نفسي وليس حاله عابره

هذي النصيحة الذهبية .. العلاج المبكر


اول الواحد اذا انا وسوست في الصلاه ولا الوضوء اخذوه للمطوع وقام يقراء عليه ويمكن يعامله على اساس انه ملبوس ويطلع اللي فيه وسواس قهري مرضي وليس شيطاني

انتي ذكرتي نقطة مهمة

وهو انه فيه وساوس شيطانية ليست مرضية

وهذي غالباً تصير في الامور الدينية مثل الصلاة وغيرها


يعطيك الف عافية على المرور يالناي الناطق .. وشاكر لك توقفك معنا


__________________________________________________ __

المهاة

حياك الله المهاة

هارب اليها.موضوع فنااان ..ممتع ومفيد..واقلاعي من الطراز الراقي..يستاهل المميزه بكل جداره..عافاك الله
شكراً شكراً .. اخجلتم تواضعنا :D


انت صادق فعلا.اكثريتنا نعاني من اعراض تنم عن اضطراب الحاله النفسيه ولو على خفيف.. ..والسبب طبعا معروف الاوهي الضغوط النفسيه والاقتصاديه والاجتماعيه ورتم الحياة المتسارع ..

كلام جميل .. والمطلوب التوعية وتفهيم الناس بالشي هذا وانه مو عيب او مشكلة .. وان الانسان عادي يصير فيه اظطرابات نفسية


وتجنب الناس الحزينه الكئيبه اللي تستنزف طاقتك.وتنقل لك عدوى الكآبه

يعني مثل ؟ << وده يوهق احد اليوم :D


ومن افضل وسائل الاسترخاء والطمأنينه النفسيه هو ذكر الله وقراءة القرآن والصدقه ولو بالقليل..ومساعدة الاخرين..تدخل الى النفس سعاده واحساس بالرضا..والبحث عن الابتسامه ومصادرها..وممارسة الرياضه ولو في ابسط صورها..كالمشي مثلا..والابتعاد عن المشادات الكلاميه ..او الشد مع الناس في الحوار حتى لو حوار في امور الحياة او الاوضاع السياسيه..لان التحمس يرفع الضغط.ويوتر ..احسن شيء.تمرير الكلام.وعدم التدقيق فيه..وتعويد النفس على البرود والتروي ..ولاحظ ان .التطنيش علاج فعالّ لكثير من المسببات للاحباط النفسي..ومضاعفاااته ...اعاذنا الله واياكم منه ومن مسبباته

جميل ذكرتي نقاط حلوة وهي :

1- ذكر الله وقراءة القرآن

2- ممارسة الرياضة << تأثيرها سحري في تفريغ الغضب والمشاكل الحياتية

3- الابتعاد عن المشادات الكلامية

4- تمرير الكلام والتطنيش << حل جميل .. بس مو دائماً :D


وفيه بعض الناس. تحسهم يسوون حركات لا اراديه برؤسهم او بعيونهم ..او اكتافهم. بحركات متراتبه...غصبا عليهم..كنوع من الوسواس القهري..الله لايبلانا

مضبووووط .. هذي نقطة مهمة نسيتها في موضوعي .. وهي التصرفات الغير واضحة والمستمرة من اشخاص .. مثل اللي يرمش .. او يحرك يده بشكل متكرر ومتشابه .. او يهز راسه


ووحده من الشله المبجله.كانت تقضم اطراف شعرها باسنانها والين هاوشناها تقول..اوخر التقصفات .بس على مين.دارين انها عادة مرضيه مسيطره عليها...

هههههههههههههههههههههههههههههههه حلوة اوخر التقصفات :D


انا ولله الحمد ما اعاني من هالرهاب..وبالعكس .احب مالي .اخترق الحشود والعالم

اخترق ؟ حسيتك مدرعة عقب هالكلمة :D << نشبة


انا ما اكل اذا زعلت بالعكس تنسد نفسي..بس الشيء اللي اتناوله بشراهه وانا نفسيتي تعبانه هو الكاكاو والشوكلاتات..بشكل مبالغ فيه..الين يتعدل المزاج..ثمين ابدا انتبه واقول..عزّ الله خربنا الدايت..وابدا رحلة الحرمان من جديد

صحيح ومعروف ان الكاكاو معدل طبيعي للمزاج ..

يعطيك العافية على المرور يا المهاة وحضورك


__________________________________________________ __

[هارب إليها]

رجة ونص

حياك الله رجة ونص

يالله حي هارب موضوع ممتع وشيق

الشيق حضوركم وتواجدكم

ابدا انا اصلا صديقتي تحضر الماستر وانا صايرة فار التجارب حقها من ايام البكالوريوس

واي مقاييس او اختبارات تكون علي تخبر انها بتستفيد من كثر البلاوي الي فيني

وحتى انا اذا تضايقت مسكت التلفون وسواليف معها ساعة ساعتين لين ارتاح وببلاش

حركات .. استشاري نفسي وببلاش .. يا سلام :D


هذي مشكلة تواجه اختي من جد تعبنا معها اتفقنا انا والوالدة اذا شفناها تنتف شعرها نخبطها

على ايدينها عشان تبطل بس احيانا تزعل علينا

قد يكون حل جميل ..

وبكذا يرتبط عندها نتف الشعر بالالم والضرر "الم الضربة"


يعطيك العافية على المرور والحضور رجة


__________________________________________________ _____


أبوسطام

وألي مهووس بقلمك الرائع وش نوع مرضه
لي رجعه على رواقه

ما له علاج :D

الله يسلمك يالغالي وكلك ذوق .. ومشكور على مجاملتك اللطيفة

وخذ راحتك


__________________________________________________ _____


قلق هانم

طيب واللي ماجته هالمشكله الا من بعد حادث ؟

كثير يصيبهم حوادث وينسونها

قد يكون الحادث مسبب قوي للرعب هذا

واعتقد ان نسبة الخوف من الحوادث تتضاعف مرات ومرات لما يصاب الشخص بحادث


__________________________________________________ _____


*المستبده*

مرحبتين المستبدة "المزيونة سابقاً" :D

انا حاسه ان فيني بوادر توي قبل تسم يوم اسولف على اميمتي اقول مدري وش جاين هاليومين ماصرت اقدر افتح الابواب بالدوام ولا امسك كتب غير كتبي ولا
دفاتر البنات الباقيه اعوذبالله والمشكله كل هالوساوس جات فجأه من يوم ليومين ولا جيت عند باب اقول للي معي يفتحه جايتني وساوس اقعد اقول هالحين كم واحد مسك هالباب وفتحهه يمكن ايده نظيفه ولا لا ..
واحس ايديني تنمل لا حسيت اني ماغشلتها بديتول وحالتي حاله..واميمتي خافت تقول الحقي على نفستس وش جاتس قبل كم يوم شايفه برنامج ايدين مقشره ومتشققه من كثر ماغسلتها(اتوقع نفس البرنامج اللي قصدك عليه)..
هذا بالنسبه للنظافه اما الابواق وتقفيلها حوسه مدري وش يجيني والبيت مظلم والناس نايمه اروح اشوف الابواب مقفوله ولا لا واشيك عالغاز بعد مع اني
مااطب المطبخ بالصبح وتجيني هواجيس.. لا وصاني احد على شي مع اني داريه اني سويته اقعد اوسوس ..بس الحمدلله توي مابعد يستقوي علي المرض

بالفعل هذي من اعراض الوساوس القهرية والافكار الوساوسية .. اذ امثل ما قلتي انك في البداية حاولي تقطعين الطريق

وشكرا هارب (يصلح نعتبرك مرجع للاستشارات النفسيه بالاقلاع عاد الله يعينك كلهم حالات نفسيه مستعصيه خخخخخخ)

موافق ما عندي مشكلة :D

بس كم الراتب ؟ وتراني ما اقبل شيكات .. ما اخذ إلا نقد :D

[هارب إليها]

عيطموس

حياك الله عطيموس << وش معنى اسمك ؟ :D

بعد ماقريت الموضوع حسيت إن كل حياتنا أمراض نفسيه
كل بيتنا فيه مرض نفسي
يا ساتر :D


اللي أشوفه يا أخ هارب إليها إن الناس الحين اتجهوا بشكل كبير نحو الجانب النفسي
فتلاحظ إن أكثر البرامج اللي تشد الناس هي اللي تتكلم عن الأمراض النفسيه
منها فيه برنامج آفاق نفسيه على الاف ام ، وبرنامج مستشارك أحيانا يستضيفون د/طارق الحبيب ويتجهون الناس نحو منحى ثاني في البرنامج بعيدا عن موضوع الحلقة ، كل هذا يدل على أهمية الأمراض النفسيه وبدأ اهتمام الناس بها ..

اكيد لان اهم ما على الواحد راحة نفسه وباله .. وهذي يلقاها في مثل هالنوعية من البرامج

الأفعال القهريه: هذي ألاحظها بشكل خاص في الأشخاص المنظمين ،
هذا أبوي تلاقيه مثل ماذكرت يتأكد من إنه قفل السياره ، يتأكد حط الجوازات في الشنطه يشيك عليها قبل مانطلع واحنا في الطريق واذا وصلنا بشكل غير طبيعي ،،

كلامك صحيح جداً .. المنظمين فعلاً خصوصاً اذا صاروا منظمين بشكل زايد

الرهاب الاجتماعي
بالنسبه لهذا المرض أغلب الناس تلاقي عندهم على الأقل بنسبة 3%
أحيانا إذا جت مناسبه نشيل همها وإذا فكرنا فيها نلاقي إن الدعوه كلها ناس نلاقيهم ونرجع بس!!
وتفكير وش اسوي وش ألبس ماأدري ليه هل هو بسبب الفراغ؟؟ وإلا شي تعودنا عليه
مستحيل نلقى أحد مايشيل هم

هذا شي ما نختلف عليه .. وهو هم اللقاء او الاجتماع وهذا شي طبيعي

مثل وش البس .. وشلون اتصرف .. بس بشكل خفيف

لكن اذا كان بشكل متطرف وقلق وغثيان وتهرب ووحداوية .. هذا رهاب اجتماعي

ياكثرهم.. لكن ودي أسأل هل يدخل معه الناس اللي يخافون من الدرج الكهربائي؟؟
كثيرين أشوفهم يخافون من الدرج الكهربائي

ما اشوف ان الدرج الكهربائي يعتبر من الاماكن المغلقة

انا اللي كثير اشوفهم يخافون .. يخافون من الاصنصير


حياك الله عطيموس وشاكر لك كلامك واطرائك الجميل .. وبانتظار توضيحك لنا معنى اسمك :D


_________________________________________

..Buzz..

اهلين وسهلين بز

بعد مااكلم بالجوال اتأكد كم مره اني قفلت الازرار
واذا حطيت المنبه لاااازم اتأكد كذا مره اني حاطه التوقيت صح
اذا قمت من مكان ارجع اطالع فيه مرتين عشان اتأكد اني مانسيت فيه شي
فيك بس على خفيف :D


بالنسبه الأجتماعي .. وش هالاعراض يااساااتر لاااا الحمدلله انا بنعمه
بس مشكلتي اكره البرزنتيشنز (الإلقاء) ماااحببببها .. وكنت اشيل لها هم قبل بفتره طويييله
اللحين اشيل لها هم بس مو مثل اول.. من كثر ماجربنا تعودنا
بس مازلت مااحب الوقوف قدام عدد كبير من الناس وتكون انظارهم موجه لي ومركزييين
احاول مااطالعهم او اتخيل اني مع صديقاتي وبس تهووون علي كثير ..
ايه وفيه شي .. طول فترة وقوفي وكلامي لاااازم اكون ماسكه شي صغير
بيدي اضغط فيه كل ماحسيت اني برتبك .. والله حسيت انه يسااااعد كثيييير
في هالحالة اعتقد انه من الطبيعي او الغالب ان الشخص يخاف ويقلق من الالقاء امام مجموعة من الناس

وفيه حلول كثيرة وتدريبات تطويرية لتطوير موهبة وقوة الالقاء امام مجموعة من الناس

فيه ناس تطلع تلقي لكن بقلق .. وفيه ناس لو تطير السما على الارض ما طلعوا يلقون


ونفس الشي المسبح مستحيييل اجلس فيه لحالي ابدا

انا اول كذا .. ما احب اسبح لحالي

وما زال هالقلق عندي بس اسبح لحالي وانا مو مرتاح


يووووه كثييير اعرفهم يحتفظون باشياء مالها دااعي
انا احتفظ بأشياء .. مالها فايده صح بس يكون لها ذكرى خاصة
عندي ورد جاف ومتفتت ما بقى منه الا تناتيف من ايام زواج وحده عزيييزه علي


ورد جاف عاد :D

يعطيك الف عافية على المرور يا ..Buzz.. وتشريفنا بحضورك .. والله يشفيك من الزكمة

_________________________________________

الهلي

حياك الله يالغالي

ياناس هارب ذا نعمة عل الاقلاع والذي نفس الهلي بيده

موضوعك بصراحة مميز...وانا اطالب اقل شي بتثبيته اسبوعين

استفدت اشياء كثيييرة..الله لايحرمك الاجر..

واسمح لي اتبع الموضوع بموضوع اخر مختصر عن الوسوسة في الامور الدينية..


كلام كبير وشهادة اعتز فيها يالغالي

شاكر لك اطرائك الرائع

وخذ راحتك اتبع على كيفك

شاكر لك حضورك

_________________________________________

كتكوته مفترسه

كل الناس عندهم مرض نفسي..
بس شي طبيعي بالنسبة لللدنيا اللي نعيش فيها حاليا ما اتوقع احد نفسيته سليمة!

صحيح .. وقلنا بسبب الضغوط النفسية ورتم الحياة المتسارع والاوضاع السياسية في العالم تسبب اظطرابات كثير

شاكر لك حضورك كتكوته

_________________________________________


عطر الحكي

ارق ورهاب وكلش كوكتيل امراض

الله يعين الجميع

بس حلوة كوكتيل :D

يعطيك العافية على المرور عطر

[SOS]

انامستعده أساعد الجميع pb095

[BISON]

:eek: :eek: :eek: :eek: :eek:




سبب الجوع pb192 هو ان جسمك يفرز افرازات ثمن توصل للراس فيقول الراس انا جواعان ويبدأ بطنك

ينقرش ويغوغي ;)

لاكن اذا ضايق صدرك ..... ماراح يفرز جسمك افراز الجوع للأكل pb192 ;)

تصدقون أن هالافرازات اللي بالبطن سببت لي حالة مثل الوسواس القهري ثم جاني اكتئاب ؟
أشياء تافهة تسبب لنا مشاكل لأننا نعطيها أكبر من حجمها بس خلاص اذا كبرت صعب ماتهتم فيها
السبب هو اني كنت في قاعة الاختبارات والقاعة كانت هدوووء وأنا كنت جوعان وبطني تغوغي على قولتكم واللي حولي يسمعون الأصوات ويناظرون فيني وانا منحرج
اليوم الثاني تتكرر نفس السالفة ونفس الموقف ثم تكررت نفس السالفة في مواقف متفرقة حتى تعقدت من هالشي وصرت دايم أفكر فيه وماأقدر أنساه وصرت أكره الأماكن الهادية وأتجنبها واذا اظطريت أدخل مكان هادي ابتعد عن الناس واقعد بلحالي وماحد قريب مني مثل الموسوس عشان ماحد يسمع أصوات بطني وهي تغوغي ( جازلتي هالكلمة :D )
وصرت حتى اذا ماكنت جوعان بطني تغوغي مدري وش السبب
يعني بطني فاضية ولا ماهيب فاضية لازم تطلع أصوات
يمكن الخوف من هالشي يسبب افرازات الله أعلم

مستواي الدراسي انخفض وقلت درجة تركيزي وكل اللي اهتم فيه ان اللي قريبين مني مايسمعون شي من أصوات بطني
ويوم بعد يوم تزداد عقدتي من هالشي ويزداد خوفي وانحراجي منه وتجيني حالات قلق شديدة الى ان وصلت للاكتئاب
الحمدلله تعالجت من الاكتئاب لكن ماتعالجت من هالعقدة السخيفة وللحين الاكتئاب يرجع لي بين فترة وفترة

يمكن تقولون هذا موسوس ولا ماعنده سالفة بس ترانتي ماتشجعت اتكلم الا بعد ماشفت حالاتكم يعني عندنا وعندكم خير :D

[مزنةالقيظ]

[align=center]بسم الله الرحمن الرحيم

[quote]السلام عليكم ورحمة الله وبركاته


وعليكم السلام ورحمة الله وبركاته


[عرضوا حالة امرأة مصابة بالافعال القهرية في غسيل اليدين .. تخيلوا .. تقعد طول اليوم تغسل يدها .. يعني في الساعة الوحدة تغسل يدها اكثر من عشر مرات !!؟


ليت خدامتنا زيها.....علىالاقل ناكل وحنا متطمنين :cool:


السمنة :

.. كم مرة حسيت انك طفشان وضايق صدرك ورحت للثلاجة ؟ كم واحد عرفته ياكل عشانه ضايق صدره ؟

وش رايك باللي لا ضاق صدرها حطت لها كرسي قدام الثلاجة وبدت تفرم :mad:

هوس نتف الشعر :

كنت مدمنة لهالعادة بس مو نتف لا قطع....يعني امرر يدي على الشعرة ووين ما لقيت كسر او تقصف اقطع من عنده
وابدا بشعرة ثانية وكذا تمر ساعات ما ادري بنفسي...كنت متخيلة ان الشعرة بعد ماتنقطع تنمو سليمة بس اتضح انه لا. :confused:


كم شخص تعرفونه عنده عادة نتف الشعر او تقضيم الاظافر ؟

اعرف ناس عندهم عادة عض و(ويمكن أكل) البراطم ينفعون؟؟

هوس الاحتفاظ بالاشياء :

هذا بالذات تخصصي الدقيق pb071 اسمح لي هارب وخر بجلس مكانك لانه لايفتى ومزنة في المنتدى :rolleyes: اعتقد جازمة ان سبب هذا الهوس هو الشعور بعدم الامان وكذلك نقص الحنان فيبحث الانسان عن الامن والحنان في الاشياء ويرتبط بها عاطفيا لدرجة يصعب معها ان يتخلص منها مهما بدت تافهة...لكني تخلصت بحمد الله من هذا الولع بفضل تنقلنا بين عدة بيوت في ازمنة متقاربة فكان نقلها وترتيبها عبء ثقيل اضطررت معه للتخلص منها او من معظمها
والان حتى الملابس بمجرد ان الحظ اني (سمنت)على بعض القطع او انني لم ارتديها منذ شهر او اكثر اسارع للتخلص منها
ليتسنى للاخرين التمتع بها قبل فوات موسمها....
موضووووووووووووووع رااااااااااااااااااايـــــــــــــــــــــــــق ياربي تسلم ايديك هارب

[هارب إليها]

رافع الراس..

هلا بك رافع الراس

جد صرت اوسوس ياي مرض هو كثرة القراية احيانا تؤذي تصدقون الجهلا براحة
لا عاد ما احد يقول ان الجهلاء في راحة :D .. احياناً .. بس مو دائماً :D

يعطيك العافية رافع على المرور

________________________________________________


حــلا الدنيـــــــا

هلا بك حلا الدنيا

لا يا حلا انتي لخطبتي

طبيعي ان الواحد يصير عنده قلق من الامتحانات

جداً طبيعي

لكن انتي لو قريتي وش كتبت انا عن الحالة هذي عرفتي الفرق بين القلق الطبيعي .. والمرض المذكور

ركزي وتكتشفين الفروق العشرة .. قصدي تكتشفين الفرق :D

يعطيك العافية يا حلا على الحضور

________________________________________________


سينا

مرحبا بك سينا

وبيني وبينك تعجبني كلمة مجنونة ... لأني من جد مجنونة
ههههههههههههههههههههه يا ساتر


________________________________________________


طخ طيخ

هلا بك ابو طخ طيخ يا ابو العقد :D

بس خلاص ابجيب العيد بحرقها كلها الا بعض الاشياء ===========>> مافيه امل وحصه
هي ما يذبح إلا كلمة "إلا بعض الاشياء" لان بعض الاشياء تتحول إلى كل الاشياء


يعطيك العافية على الحضور يا طخ طيخ


________________________________________________


نونيتا

اهلاً وسهلاً نونيتا

ويكون فيه حوار وصراع داخلي بين الشخصيه المريضه والشخصيه العاقله

ههههههههههههههههههههههههههههه والله حوار ممتع

يعني تنتصر الشخصيه المريضه في الأخير
هنا المفصل .. اذا غلب الوساس يعني الله يعين

يعطيك العافية نونيتا على تشريفنا بحضورك

________________________________________________

بنت ناس

اهلاً بنت ناس

عندي اضافه اذا سمحت
في امريكا عدد الاطباء النفسيين كثر ذر بليس
بمعدل طبيب واحد لكل 300 شخص و شف عاد كم عدد السكان عندهم
وهناك تروح للطبيب عشان تفضفض و تأول اللي بألبك
يعني مهوب لازم تعالج و تزرط لك كومة حبوب
كلام صحيح 100% .. فعلاً قد يكون الطبيب النفسي للفضفضة فقط .. والفضفضة تريح كثير خصوصاً اذا كانت مع شخص متخصص في الكلام اللي قاعد تفضفض فيه

مشكورة على التوقف يا بنت ناس

[هارب إليها]

@آنسه دولمه@

مرحبا انسه دولمه

يعني في بعض الناس بمرحلة المراهقه ينتابهم كسل شديييييد كله نوم×نوم وفي بعضهم العكس نشاط شديييد ولعب وحركه لين2بالليل وهو صاحي من العصر مشالله وانا من هالنوووع<عشان كذا قال مشالله
معلومة جديدة .. الله يعطيك العافية

شاكر لك على المرور

________________________________________________

*الجوزاء*

مرحبا الجوزاء

امزح ترا لا والله بس ما احس تسمى حاله نفسيه ..لان هذه كلمه كبيره ..

تسمى حالة نفسية .. لانها ناتجة مثل ما قلنا عن اظطرابات نفسية

يعطيك العافية الجوزاء على التوقف والحضور


________________________________________________


صاحب الظل الطويـــــل

هلا والله صاحب الظل

لا يا اخوي دوار الحبر سيمباثاوي << نشب بهالكلمة :D

موضوع فروتي على قولتهم
وش عنده الهاي كلاس :D

يعطيك العافية على حضورك صاحب


________________________________________________


بيالة ببسي

هلا وغلا بيالة

ياخي قد رديت بس شكله ما نزل ولا انه يستهبل ,

يبدو لي انه يستهبل :D

يعطيك الف عافية على الحضور


________________________________________________

be coOoOol

هلا بك بي كول :D

ايه حاقد عليكم pb034

بس مافيـه امـل اتعـالـج .. يوميـن وانسـى اني مريضـه نفسيـا .. لانه كل الي من حولـي مثلـي .. يعني برجـع اتعـود على الحالـه ..
لكل داء دواء

يعطيك العافية على الحضور واطرائك الرائع بي كول


________________________________________________


بوح القلوب

هلا بك بوح القلوب

أجل طلعت أنا مريضه نفسية ..
مو انتي لوحدك :D

يعطيك العافية على تشريفنا بحضورك واطرائك الرائع بوح

[هارب إليها]

الشقردية

مرحبا الشقردية

الاستشاري النفسي حلم يراودني .. و انشاءالله يتحقق
ان شاء الله نشوفك طبيبة نفسية "أد" الدنيا

مع مرور الوقت لاحظت تغير شخصيتها .. لاحظت في يدها سيور مطاط .. لما سالت عنها قالت : اذا جاتني لحظة خوف او حسيت نفسي بتضايق ضربت نفسي بالسيور علشان اوعى لنفسي و انسى اللي فيني .. عرفت بعدها انها تروح لطبيب نفسي .. و الله يجزاها خير .. غيرت شخصية البنت حيـــــــــــل
يا سلام .. والله حل ممتاز

انا مرة قريت احد العلاجات النفسية هي ان الطبيب اقترح على المريض فكرة

وهي جهاز صغير جداً للصعقات الكهربائية مو خطير او مضر .. بس يلسع .. وكل ما فكر المريض بمرضه لسع نفسه ورجع طبيعي

مع الوقت تناسى هالمرض


يعطيك العافية على الحضور الشقردية

________________________________________________

.. T w i n s ..

حاولت اجرب بناودل نايت لانه خفيف ومامنه خطر لكن نفس الشي ما أثر فيني <<< راسها يابس

هههههههههههههه بنادول ؟ بنادول ما يسوي شي :D

<< عجبها الجو هنا وخذت راحتها بالحكي

خذي راحتك البيت بيتك


________________________________________________


وتر حساسـ

هلا وغلا وتر حساس

اجل جبتها على الجرح وكني ما دريت :(

ولايهـون الأرق اذا وصل لمرحلـه معينـه تحس ان ودك تمـووووت أصرف لــك

يا ساتر :D

هـارب .. الجلسه عنـدك بكـمـ
ما عليش الجدول مليان << ايه هين :D


يعطيك العافية على المرور وتر


________________________________________________


عــزام

حياك الله عزام

وش الحل مع الارق ياناس

استشر واسئل المتخصصين وصدقني بيفيدونك

________________________________________________

بسكوتـه

هلا بك بسكوته

انا اكبر مشكلة عندي بحياتيالطبيب بشكل عام وطبيب الانان بشكل خاص اذا اخذت لي موعد عنده تصير حياتي جحيم والنفسيه عدام الكل يلاحظ علي
لدرجة اذا صارت عصبيه وأي شي ينرفنزي يجي السؤال من صديقاتي بسكوته عندك موعد مع الطبيب اليوم ؟
ههههههههههههههههههه

الخوف من طبيب الاسنان مرتبط من الطفولة

لان صورة طبيب الاسنان ملازمة للالم وقلع الاسنان والصياح :D

هنا انا العكس تمام اذا ضاق صدري او صارت مشكلة او اي شي ينكد تنسد شهيتي تماما عن الاكل لدرجة مرينا بضروف مو كويسه خلسه 3 ايام ما اكلت فيها شي بس اشرب مويه
ضب ما شاء الله عليك :D

يعطيك العافية على الحضور والتواجد بسكوته


________________________________________________

غزير الشوق

هلا بك غزير

الله يعطيك العافية على اطرائك الرائع

وان شاء الله تستفيد من الموضوع


شاكر لك مرورك وحضورك

________________________________________________

طرطعانه

هلا بك طرطعانه

ان شاء الله تستفيدين من الموضوع

وشاكر لك مرورك واطرائك الرائع

[هارب إليها]

][مجبور الخاطر][

الله يعافيك مجبور

حياك الله

________________________________________________


مفتاح ضايع

مرحبا بك مفتاح ضايع

يعطيك العافية على اطرائك الرائع ومجاملتك اللطيفة

بس مدري لاي نوع اصنف نفسي شكلي جامعه ثلاثه بواحد ...( حشى شامبو )
شامبو صانسليك ولا هيد آند شولدرز ؟ << يستظرف ويا وجهه :(

ان لقيت حل لي علمن لا تجحدوه
ابشري طال عمرك .. نرسل لك الحلول على البريد السريع :D

لا بجد الحلول مو عندي لاني مو مؤهل اعطي حلول وعلاجات


يعطيك العافية مفتاح ضايع على المرور

________________________________________________

soso4474

مرحبا بك سوسو

انامستعده أساعد الجميع
وشلون وش السالفة ؟ :D

________________________________________________


BISON

السبب هو اني كنت في قاعة الاختبارات والقاعة كانت هدوووء وأنا كنت جوعان وبطني تغوغي على قولتكم واللي حولي يسمعون الأصوات ويناظرون فيني وانا منحرج
اليوم الثاني تتكرر نفس السالفة ونفس الموقف ثم تكررت نفس السالفة في مواقف متفرقة حتى تعقدت من هالشي وصرت دايم أفكر فيه وماأقدر أنساه وصرت أكره الأماكن الهادية وأتجنبها واذا اظطريت أدخل مكان هادي ابتعد عن الناس واقعد بلحالي وماحد قريب مني مثل الموسوس عشان ماحد يسمع أصوات بطني وهي تغوغي ( جازلتي هالكلمة )
وصرت حتى اذا ماكنت جوعان بطني تغوغي مدري وش السبب

والله حالة مثيرة جداً للاهتمام

بالفعل ابتدت السالفة بسيطة .. ثم مع الوقت وصلت لحالة متقدمة

من جد شي عجيب

على فكرة يمكن اصوات بطنك لها سبب عضوي .. يمكن القولون او المعده او اي شي .. افحص شف وش يقولون لك

ابحث .. اتوقع بتلقى اشياء كثيرة عن هالنقطة

يمكن تقولون هذا موسوس ولا ماعنده سالفة بس ترانتي ماتشجعت اتكلم الا بعد ماشفت حالاتكم يعني عندنا وعندكم خير
لا ابداً وش دعوة

بالعكس انا احييك على صراحتك ومشاركتنا ما عندك

يعطيك العافية BISON


________________________________________________


مزنةالقيظ

مرحبا بك مزنة القيظ

وش رايك باللي لا ضاق صدرها حطت لها كرسي قدام الثلاجة وبدت تفرم
:D

هذا بالذات تخصصي الدقيق اسمح لي هارب وخر بجلس مكانك لانه لايفتى ومزنة في المنتدى
ههههههههههههههه تفضلي خذي راحتك :D

اعتقد جازمة ان سبب هذا الهوس هو الشعور بعدم الامان وكذلك نقص الحنان فيبحث الانسان عن الامن والحنان في الاشياء ويرتبط بها عاطفيا
كلامك صحيح اذا كان الاشياء هذي لها ارتباطات عاطفية

مثل هدايا قديمة

رسائل قديمة .. صور قديمة اي شي له ارتباط عاطفي

ولكن مثلاً واحد ما يرمي جهاز الكتروني خربان ويحتفظ به ؟ ما فيه ارتباط عاطفي

كل اللي يحس به الشخص في هاللحظة انه قد يحتاج الشي هذا في يوم من الايام

يعطيك العافية على الحضور والتواجد مزنة القيظ


انتهى :D



حاجة مهمة : اللي يبي يشوف شخص فيه امراض نفسية كثيرة وافعال قهرية .. فيه مسلسل يعرض على (( mbc4 )) اسمه (( monk )) لا يفوتكم .. شخصية مليانة امراض نفسية .. يعرض يوم الجمعة الساعة 10 مساءاً

[((( صهيل )))]

مشكووووووور اخوي هارب
كالعادة متألق يالغالي
موضوعك يحسس الواحد انه ماهوب لحالـــه
وان الناس كلها تعاني بس بأشكال ودرجات متفاوتة
منها مايصل لحد المرض ومنها مايعتبر فقط عوارض

[SOS]

اهلين هارب كيفك pb030 انا اقول لك وشلون :rolleyes: استشارات نفسيه وحلول :rolleyes: ببلااااااااااااااااااااااش pb151

[مـــــودماني]

الانحرافات الجنسية :

ما راح نتكلم عنها بشكل كبير لانها حساسة شوي .. لكن هي باختصار الاظطرابات الجنسية بشكل عام مثل الشذوذ .. وحب الرجل للرجل والمرأة للمرأة .. بعضها اسباب بيولوجية يعني عضوية يعني مشاكل في هرمونات الشخص نفسه .. يعني رجال يصير عنده لخبطة في هرموناته الذكرية او العكس .. انثى يصير عندها لخبطة في هرومانتها الانثوية .. او قد تكون اظطرابات شذوذية نفسية ما لها دخل في المشاكل العضوية .. والسبب لذكري لها هو انتشار الشذوذ عندنا بشكل كبير سواء للذكور او للإناث .. وان كانت مشكلة مخفية او يتم تفاديها اعلامياً واجتماعياً .. إلا إنها بينة بشكل كبير .. طلة بسيطة على أي مدرسة للأولاد او البنات راح تكون كافية .. وايضاً فيه اعراض اخرى غير الشذوذ للانحرافات الجنسية .. بس ما نبي نفصل فيها


هـاذي مـا أقـنعـت فيـها .. أحـسهمـ يكـذبـون عـلينـا بكـلمة العـلمـ بـأشيـاء كـثيره ,

كـل مـا فـي المـوضـوع أنـك كمـا تـديـن تـُـدان , مـثل مـا قـلت مـا يصـلح أتعمـق ,



أمـا بـاقي المـوضوع تـوب , تـسـلمـ صقيـــقي bp039

[eyes4ever]

الأرق :

الارق من الامراض المنتشرة بشكل كبير .. احياناً يكون بشكل غير متكرر .. مثلاً عندك شغل او سالفة مشغلتك ما يجيك النوم إلا لين تنتهي امورك منها .. او اذا كان جزء منك يعورك مثلاً ضرسك ولا بطنك ولا اصبعك ولا شي .. يطير النوم من عيونك وما تنام .. هنا طبيعي وما فيه مشكلة .. المشكلة لما تعيش حياتك كلها ما تنام .. ويصير النوم هدف لك وحلم تتمنى تذوقه (( الله يا كافي )) .. او قد يكون النوم قليل جداً ومتقطع وغير مريح ابداً وغير كافي لجسم الانسان (( الانسان البالغ يحتاج من 6 إلى 8 ساعات يومياً من النوم في المتوسط )) .. وله اسباب كثيرة اغلبها الضغوط النفسية ومشاكل الحياة او تأنيب الضمير (( تأنيب الضمير ؟ قلبنا مسلسلات مصرية )) ويظطر الكثير من المصابين بالمرض إلى اخذ حبات منومة بشكل مستمر واللي لها اعراض جانبية خطيرة .. كم مرة اصابك الأرق ؟ وكم شخص تعرفه مصاب بالمرض هذا ؟


لم أعلم أن الأرق يعتبـــر من الأمـــراض النفسيـــة..’،..

[ريانه]

نسخه لمنتدى المواضيع المتميزة
واتمنى له رحله سعيده

http://moraseelah.jeeran.com/hij.JPG