PDA

عرض كامل الموضوع : الشيشه .... فوائدها وأبعادها الصحيه


هجمه مرتده
15-11-2004, 03:54 PM
شوه لنا الغرب صورة الشيشه ورسمها لنا على شكل حنش ملتوي

كما ان الشرق الاقصى أبتعد عنها وكأنها تنين ينفخ النار من فمه

ولكنها في الواقع ليست كذلك ....

فبعد مسح جيولوجي واختبار فستقي واستقطاب لبعض الثقافات المختلفه وأراءها

اللتي لا تعني للمجتمع اي شي :D ثبت لدي رحمني الله ما يلي :-

انه ومن دافع التجربه الطويله العريضه المتينه وفي جميع القهاوي بمختلف طبقاتها

الارستوقراطيه والبيروقراطيه والغاليريه ، ثبت بما لا يدع مجالا للشك ولا للتطريز

أن الشيشه (الجراك ) مفيده صحيا ولها ابعاد كثير ملحوظه وغير ملحوظه وانه لا يحرم

منها الا المحروم pb034

فأبسط فوائدها :- ( على سبيل المثال لا الحصر)

اذا قدّر الله عليك وتزوجت ، وكانت زوجتك من النوع الحلّف او ما يذكر بالنكديه

او الغبيه او المسترجله او أي نوع من انواع النسوان اللواتي لا يمتون الى الآنوثه

بأي صله الا .... ما أتفق عليه الثقلين pb026 pb026 ولا حد يسألني وش هو اللي

أتفق عليه الثقلين لآني سوف أتهمه بالخروج عن صلب الموضوع والصيد في الماء العكر ،

أنت في هذي الحاله ستترك كل شي وتحاول ان تجد لنفسك مخرج من هذا الكرب

وبكل بساطه بتروح للشله وبتطلب واحد حجر وواحد شاهي وبعد حوالي ساعه ونص

الى ساعتين بتحس نفسك أحد سلاطين الحب وأحد فرسان العصور الوسطى ويمكن

يشطح بك الخيال الى ان تحس نفسك انك لاعب في المنتخب pb036

هذي وحده ماحد يقدر ينكرها .

أو مثلا ......

لو كنت شاكوش او ما يسمى غتد بعض الناس تمساح او بالعربي الفصيح

لا وجه في مقعد ولا مدري شسمه في مرقد pb036

اقطع يدي اليمين وثلاث اصابع من الرجل اليسار انك بعد ثالث نفس من الجراك

نتحس نفسك وبكل تهور رينالدو دي كابريو ... ذال الورع اللي مثل التايتنك

مع روز لعنبوها والوجه والبودي ......


ولا ننسى انك اذا رحت للقهوه وديقتها سواليف مع الربع ترتاح نفسيا

واذا ابتدا الحش والتقطيع وابتدا الضحك وكلنا نعرف فوايد الضحك على الاعصاب

بعكس ما يخلفه الغضب ...

هذي يا اخوان بعض الحقايق اللي يغفل عنها الشارع السعودي وما يخفيه بعض

المثقفين العرب عن مهام الشيشه وابعادها الصحيه حبيت اني اسدحها بين يديكم

لتعم الفايده .....

وشكرن pb034


تحذير صحي : التدخين سبب رئيسي لآمراض القلب وسرطان الرئه وجميع الامراض اللي في العالم

الهلي
15-11-2004, 04:45 PM
هههههههههههههههههههههههههههههه

الله يرجك يابو لمى pb027

بغض النظر عن اضراره واللي الكل يعرفها ...


وإضافتن الى كلام الاخ هجمة pb027 ..

نقول .. ومن فوائدها:

انها مهضم بشكل غير طبيعي :)....يعني تضرب بالمفطح وعقبه تاخذ لك راس مع شاهي تلقيمه ...شيييييي غير طبيعي ;)

وانت كاشت للبر... وعقب ماتدبغ من رز الكاتم... برضو شيييي غير طبيعييييي ;)

توسع الصدر وبنفس الوقت تلعن ابوه :D يعني اذا ضاق صدرك ولا لقيت احد تسولف معه.. فعليك بالشيشه :D ... لاتصدق مقوله خير جليس في الزمان كتاب.. :D

وانت على البحر وطاق الشورت...عقب شوي سمك... تطلع شيييي pb034


ملاحظة بسيطه: بيجيك واحد مدرعم ويقول ... انتم بس تاكلون :confused:


نجاوبه ونقول: الشيشة على الفراغ مال امه داعي:)

الموضوع ذو شجون... لعل لي عودة :D

خيالية
15-11-2004, 04:53 PM
حقيقة يا هجمه الشيشة والمعسل والدوخان مضرة صحيا لكن صراحة لها فوائد نفسية كثيرة

تفريغ شحنات المراهقة

التنفيس

العيش في أجواء القهاوي الحالمة

ومره قريت إن المدخنين يجدون في التدخين تعويض عن حرمان عاطفي و.................يتبع

خذوني معاكم
15-11-2004, 05:12 PM
انها مهضم بشكل غير طبيعي :)....يعني تضرب بالمفطح وعقبه تاخذ لك راس مع شاهي تلقيمه ...شيييييي غير طبيعي ;)


ايه عشان على طول pb101

الشيشه وش زينها بس موب بعد الاكل!! ;)

الهلي
15-11-2004, 05:25 PM
8
8
8
اجل على الريق؟ :confused:

وللمشيشون فيما يشيشون مذاهب :D

القطوه المرتاعه
15-11-2004, 05:36 PM
اقول اهجدو بس بلا شيشه بلا دخان بلا ارقيله بلا هم ،عشانها مره جربت ماجاز لها ;) بس من جد صدقوني مضره بالصحه ويقولون انها فشة خلق (يعنى تنفيس عن اللي فيك)بس اللي بيفش خلقه فيه اشياء كثير يقدر يفش خلقه فيها مثل قراءة القران او الرياضه او السباحه او التزلج على الجليد pb030 <<<<<<<< منتب عاقله وين كندا

شايب زكرتي
15-11-2004, 08:45 PM
لا وجه في مقعد ولا مدري شسمه في مرقد
ترى منيب أصطاد في الماء العكر pb027 pb027 pb027

ومن فوائد الشيشه انها تمنعك انك تطيح في الدخان :p

الجداوي
15-11-2004, 08:59 PM
تحذير صحي : التدخين سبب رئيسي لآمراض القلب وسرطان الرئه وجميع الامراض اللي في العالم

دعاية غير مباشرة للشيشة pb034


هجمة أعرف لك قهوة فيها معسل ماتلاقي زيو بس سيب الشيشة أول pb094

مع العلم إنو مابعسلوش :p

كل عام وإنتا بخير :)

إلا ماتقدر تحجز لي مكان جنبك في النورس يوم الخميس :o

د.دجه
16-11-2004, 02:24 AM
بلاشيشة بلا دخان بلا وجع راس

غير انه محرمة شرعا -هذي مافيها كلام :) - الا انه سبب لكل مرض يجيك

والله ماوراه الاوجع راس وامراض الدنيا

<======= من كبار المحاربين للشيشة والدخان :)

الجني الازرق
16-11-2004, 02:25 AM
المهايطيه يقولون انها تنفخ الصدر وترزه يعنني قوة :d

رايق!!
16-11-2004, 02:34 AM
بس إنها حرام :)

مبااري السااس
16-11-2004, 02:51 AM
مساك الله بالخير هجمه مرتده

بصراحه الشيشه اضرارها اكبر من التدخين حسب ما اسمع لان يستخدم فيها الجمر المحتوي على ثاني اكسيد الكربون
حتى وان كانت الجمره حمراء ..
الماء لا يفلتر جميع الغازات الضاره في الشيشه ..

والتدخين والشيشه ينطبق عليهما المثل ( ما اردى من المربوط إلا المنفلت )..
المشكله تكمن في انها اصبحت ظاهره ...
بمعنى انتشرت انتشار النار في الهشيم ..شباب ، شيبان ، عجز ، بنات ، حريم .

حتى الرضع صاروا يدخنون الشيشه .. :D
7
7
http://images.google.com.sa/images?q=tbn:EtqHTmIGZs4J:www.swishiat.com/gal/pics/babyhably.jpg

يمكن هالصغير بعد فتره يقول لامه صلحي لي الراس بدال السيميلاك :D


السؤال ما هو السر فيها ؟؟

رايق!!
16-11-2004, 03:15 AM
^
^
الإدمان ..يعني :)

صـلـعـه
16-11-2004, 04:06 AM
ملعايدين :)
وش اللي شيشه - دخان - وغليون ياقدمكم قل مخدرات عشان نقدر ناخذ ونعطي معك pb172


الله يبعدنا وياكم عنها .. محاكيك ماعمره دخل بفمه الا مسواك ودخان ايام المتوسطه والحمد لله بطلنا حركات مراهقه يابتاع الشيشه pb024

ع م ر
16-11-2004, 04:22 AM
شكلك بعد صلاة العيد رحت تعايد الزيود اللي بالنورس pb027

سأخالفك الرأي وسأطر ح فوائد التدخين pb034 ..

اولا اذا انت مدخن وعزابي محد يقدر يطب عليك بالبيت ويسرقك !! بتقولي ليش بقولك بيسمعني اكحكح ويحسبني صاحي pb036

وثانيا اذا انت ماسك خط وفيك نوم فقط دور وين طاح البكت ودور على الولاعه وراح يطير النوم pb093

رابعا اذا اكلت بصل وثوم وتبي تروح المسجد وماعندك بقدونس !! اذ فعليك بسقائر دافي دوف pb027

سادسا سقائر دافي دوف مصنعه بتشديد الصاد في المانيا .. يعني هناك مقاطعه للامريكان الملاعين وتسبيب خسائر فادحه ل فيليب موريس pb026 ( كذا اسمه ولا؟)

وهناك المزيد لا تتسع هذه الصفحه لذكرها pb027 ( بالعربي عطني نوت وبرسل لك الفوائد على الدي اتش إل ) :rolleyes:

الهلي
16-11-2004, 05:15 AM
8
8
8
8
ولاتنسى انه علاج لمن يعاني من الامساك :d


انصحك بشرب 8 بيالات شاهي... او تكثير الجح مع المويه... وبعدها زقارتين مرت او احمر او دوفي دوف على شان عوومر:d


وثق تمام الثقه بأنك ستطيب:)

مرجوج سدير
16-11-2004, 05:40 AM
الله يرجك ياشيخ ..

بس أعجبتني سالفه كابريو بتاع التايتانيك ..

منول أحس هالشعور لي لحالي ..

أثر الربع حاسين به قبلي ..

بالنسبه للشيشه ...

رواقتي بالشيشه وانا شبعان ... ومرووووووق ...

من جد تخش جو ... وخذا السواليف والحش ... وأنواع النفج ..


ياشيخ شكلي ابطس واضبط لي راس يعدل مزاجي ...



تحياتي ..

كع كع
16-11-2004, 06:27 AM
ملعايدين :)
وش اللي شيشه - دخان - وغليون ياقدمكم قل مخدرات عشان نقدر ناخذ ونعطي معك pb172


الله يبعدنا وياكم عنها .. محاكيك ماعمره دخل بفمه الا مسواك ودخان ايام المتوسطه والحمد لله بطلنا حركات مراهقه يابتاع الشيشه pb024
http://sheetudeep.com/images/funny/laugh.gif

نيرمين
16-11-2004, 06:53 AM
وه بس..

انا شميت ريحة شيشه وجيت(قلب ينبض+وجه وده يشيش وخايف)

مهما كثرت فوائدها يكفي انها حرام:)

عشان كذا ضفوا وجيهكم واركدوا بلا شيشه بلاهم:p

رشاش
16-11-2004, 06:57 AM
ياخي اول والله كنت مدمن معسل ,,
كنت اعبي الراس جمر .. وانسدح واغمض عيوني واشفط وانفخ ,, كني اتنفس منه
واللحين لو اشم ريحته .. تنسد نفسي :(

تسلم يا وحش :)

هواوية
16-11-2004, 12:54 PM
الشيشة والمعسل
قصص خيالية ياهجمة
متأكد انها ماهي مغمسه ;)
بس ترى التدخين مضر بالصحه ومسبب رئيسي للأزمات الصدرية والعاطفية
بس اذا ضاق صدرك من أم العيال عليك بها وغفر الله عماسلف

واضح
16-11-2004, 04:27 PM
ههههههههههههههههههههههههههههه

وشكل هالموضوع ماجا الا بعد راس شيشه ;)

ان كانك تتكلم عن الجراك فمدري وش لاقي في الصراحه والصراحه احس مايشربه الا حقين تكاسي الخطوط :D

اما المعسل عاد فهو شي ثاني وخصوصا اذا جاك بنكهة البيض بالجبن :rolleyes:

يسلمووووو على هالتنسيم يالمنتهي :cool:

TECHNICIAN
16-11-2004, 05:47 PM
سلملي على المخلط الإيراني وبس !!

::The One::
16-11-2004, 11:41 PM
بصراااحه اول مرره ااسمع ان الشيه والمعسل لها فوائد :confused:

بس انا اشووف ان فوائدها ماتجي ربع مضارها الخطيره..ويكفي انها تجيب السرطان لاسمح الله

Mr.DoOOoDY
17-11-2004, 03:03 AM
الدخان
يملئ الفراغ العاطفي
والشيشه تعطيكجو ملعون والدين
خصوصاً تفاحتين فهو يمثل الحنان المربرب الدلوع ;)
يدفيك ويعطيك الطاقه والتشاط ولايهون ثياب دلتون خخخخخخخخ
لي عوده يابطل

مع الخيل مقلعه
17-11-2004, 03:09 AM
هي وحده من ثنين :

يااما هجمه عميل وانا اشك في ذالك وبيفسد شبابنا ..<< اجل دعايه للفوائد الشيشه .....اول مره تصير

يااما انه ترك سوق الخضره واتجه لبيع الشيش <<<< بيسوي دعايه بالساحه صور شيش

يالئيم يارايق

عريس مضيع الصاله
17-11-2004, 03:37 AM
[size=4]شوه لنا الغرب صورة الشيشه ورسمها لنا على شكل جنش ملتوي


هجمة مرتدة شكلك صاحب قهووة والله اعلم http://www.eqla3.com/vb/images/smilies/grins.gif

حبيت ادلو بدلوي معكم <<<<<<< منت بعاقل http://www.eqla3.com/vb/images/smilies/S_45.gif



بخصوص الشيشة بعتبارى احد متعاطينها


انا اشوف الشيشة ظاهر صحية مهنا خلاف لا تستغربون اذا شفتو انواع الزحمة الاربعاءو الخميس و الجمعة على طريق

المطار وخصوص عند كبري الفحص امة لالله الا الله هناك 50 % من شباب الرياض متسدحين فى القهاوي وانواع الزحهة

بالعلم ان هناك 4 مقاهي بجنب بعض تجي الساعة 9 ما تلقاء ولا مكان سواء موقف للسيارة او جلسة تقعد فيها واذا

جت الساعة 2 تعال شوف البشرية زحمة

ماهي طبيعية تقول طالعين من مباراة


وسبب ذالك الفرااااغ وثاني شى مافي اماكن لشباااب

بالله عليكم ووين تبون نطس فية عندنا وقت فرااغ من 6 المغرب الين 12

ان درنا فى الاسواق انواع الهئية و المشاكل

وانا درنا فى الشوارع انواع الحوادث و التفتيش

وان تكينا على النت انواع الفواتير



سؤال ووووين نروووح <<<<<<< عصب وهو يشرب الشاهى pb151

الجواب مالك الا المقهى pb027

تحياتى لكم

عكس ذاتي
17-11-2004, 08:21 PM
هجمة مرتدة

شكلك منتب صاحي والضاهر هالمرة بديت تفكر من خشمك الله يهاديك

مشكور على الخنبقة ولاعمرك تعودلها

*المستبده*
17-11-2004, 08:42 PM
يازين ريحة الدخان ترد الروح :D ..
ترى اشم وبس لا يروح بالكم بعيد pb094 خخخخخخخخخخخخخخخخ
حسافه ماحد بالبيت يدخن لكن لا رحت بيت خالي ودخلت مجلسه شميت ريحة الدخان شوي ارتااح :D <<قضبوها الباب

عزة ## المرتزة
17-11-2004, 10:29 PM
تهقا اجرب :d
الله يرجك شكلك حبيب وفيومتفاني للشيشة لذلك تبي باي طريقة تزينها بعيون الناس اقول ما تغار عليها
<== فاهمة بالمقلوب خخخخخخخخخخخخخخخخخخخخخخخخخ
بس صدق عندي سؤال للمدخنين والمشيشن ومن زمان يتراقل بين حنوكي :
ما هي المتعة في شرب الدخان والشيشة ؟؟!!
يا ناس ريحتهم تجيب الهم وع يا بطنيه pb036 (

شوه لنا الغرب صورة الشيشه ورسمها لنا على شكل جنش ملتوي
على فكرة اما الغرب يشوهون سمعة شيء يسبب لنا الامراض كر منها ودهم والله يسقونا السم بالكاس pb036

الصمعاني
18-11-2004, 12:43 AM
هلا ابو مرتده .. كل عام وانت بخير :) ..



لو كنت شاكوش او ما يسمى غتد بعض الناس تمساح او بالعربي الفصيح
لا وجه في مقعد ولا مدري شسمه في مرقد
اقطع يدي اليمين وثلاث اصابع من الرجل اليسار انك بعد ثالث نفس من الجراك
نتحس نفسك وبكل تهور رينالدو دي كابريو ... ذال الورع اللي مثل التايتنك
مع روز لعنبوها والوجه والبودي ......


كلام كبير واعطيه حتسي ابو اربعين سنه :d خخخخخخخخخخخخخخ اما عليك اسلوب يروع ياعربجي اجل الجراك من ثالث موش ولاك قالبن امها سمردحي في القهوه .. ياخي عليه ريحة ( يعع ) صدقني يععع إلى ابعد المراحل <<< اسلوب خكري بزعمه بيقنعك :d هههههههههه ،، الشاهد انك ماتقدر تحدد وش الريحه .. في نفس الوقت تدري انها ريحة جراك !!



هجمه مرتده ياهجمه مرتده ..

الكابتن: قائد
18-11-2004, 11:33 PM
ابي اخبرك ياهوه ان الشيشه كلها فوائد وليس فيها اضرار ولقد اثبت ذالك في خالي مناحي الذي
عمره يناهز الستون عاما والذي فيه قوة عشرة من الشباب وذالك بسبب الشيشه

عععععععععع
19-11-2004, 01:45 AM
أنا منب أحب الشيشه ولا المعسٌل ولا الدخٌان ..

بس أحب شي في الشيشه .. بالشتاء أذا جاء الوالد الله يحفظه .. بالليل توٌه مشيٌش .. ودخل علينا وجدع البشت ..

أنا بعدها بثلاث ثواني تلقان جوا البشت داخل .. علطووووووووووول .. pb027 عليه رييييييحه غير طبيعيه ..

برايفت مبااري ..

بصراحه الشيشه اضرارها اكبر من التدخين حسب ما اسمع لان يستخدم فيها الجمر المحتوي على ثاني اكسيد الكربون

كيف الحااااااااااااال .. pb026 pb026

هبال
19-11-2004, 08:52 AM
والله انك منسم

مارلبورو أحمر
19-11-2004, 01:28 PM
مااني مكثر كلام وابي اقووو لكم الي

يشيش يقلب دخان تراه اخف من الشيشة

بس الفرق ان الشيشة مالها ريحة خايسة زي الدخان لان فيها نكه


وشكرا لكم

قعلص
19-11-2004, 06:55 PM
شوه لنا الغرب صورة الشيشه ورسمها لنا على شكل جنش ملتوي

حلووووووووووووووووووووة




الشيشة ما عليها تمشي الحال



لكن المعسل أفضل بكثييييييييييييير
خصوصاً


التفاحتين تحسسك بحنان الزوجة<<<<<للعزوبيين فقط






كما أن للدخان أيضاً فوائد


حيث أنه في جيبك
و متى ما بغيت طلع و ولع
و للدخان فوائد اقتصادية






و شكراً على الموضوع الرائق

راعي استهبال
22-11-2004, 02:08 PM
الله لا يبلانا بها ويفكنا منها :)

جــــــــــــــــــاسي
22-11-2004, 02:51 PM
لا فوضى فيك <<<<< يحس انه بلغ حد المدح والثناء الحين

العـal3ashqـاشق
22-11-2004, 03:30 PM
تسجيل اعجاب بما تطرحه من فكر تنير به ثقافة البشرية ونشر الابحاث المفيدة

ودمت سالما


بيني وبينك كم عطاك باعشن :D

لق لق
22-11-2004, 06:24 PM
يازين ريحة الدخان ترد الروح ..
ترى اشم وبس لا يروح بالكم بعيد خخخخخخخخخخخخخخخخ
pb026 منتي صاحيه ..

قسم انخنق لاشميته وجع مدري شلون يشفطونه pb036 الله يكفينا شره :(

مرسي الزناتي
01-12-2004, 09:16 AM
معروف ان المعسل حق الخكاريه اجل اول مره اشوف كيف كله عطورات
والمرجله عند الغربيه تتمركز بالجراك خصوصا وارد الطايف

ومدام الواحد ملزم الا يطيب راسه يأخذه شي يستاهل ;) ولا بلاش

Mr. President
01-12-2004, 08:39 PM
الشيشة اكثر خطورة من الدخان وكلها وسيله للإصابه بالسرطان الله يكفينا كلنا شره.

عراب الاقلاع
01-12-2004, 09:16 PM
اضف الى ذلك انك توك طالع من اختبار الفيزياء الساعة عشر الليل و ما حليت الا سؤال و نص من عشرين سؤال pb191 <<<<<ما يعدل مزاجك الا الشيشة pb034

و ايضا قالو انها تساعد في تدفئة الجسم ايام البرد القارص و تحميك من الزكام و الامراض الشتوية الاخرى :D

و ذكر سيبويه ان الشيشة توسع الصدر و تطير الهم و تنزل الفرح و الحبور على مشيشها pb027


كما انها افضل من الدخان لانك ما تقدر تطلع قبل و بعد و بين و اثناء المحاضرات تصلح لك راس و ترجع و تزعج اللي جنبك بـريـحتك الخايسة pb037
او كل ما شفت شي اسود يمشي في الشارع ولا في السوق ولعت لك سيجارة على بالك كووول pb025


بس انها تنشف الحلق يا شيخ :(

العسه المندسه
02-12-2004, 02:48 AM
يعني تنصحني فيها>>>>راده على العنوان

العسه المندسه
02-12-2004, 02:54 AM
نسيت

ع م ر

مصنعه بتشديد الصاد في المانيا

غلط بتشديد النون..

OMO
03-12-2004, 04:38 AM
هذا الكلام اللي يفتح النفس ويخليك تتدز لبوهيثم الثانية بلوموزين

برب ابطق لي رويس نعناع خخخخخخخخخخخخخ

ابو كاظم
06-12-2004, 09:44 PM
'طــــيــــب والمــــعــــســــل؟!؟!؟!

عراب الاقلاع
09-12-2004, 01:08 AM
8
8
8
المعسل قالو لك للأطفال و اذا تمكنو منه يتطورو الى الشيشة

هجمه مرتده
09-12-2004, 07:41 AM
^
^
^
لا ياشيخ

أقول انت واللي فوقك انتوا حدكم تجلسون جنب واحد يعسل علشان تروقون pb027 pb027

عراب الاقلاع
13-12-2004, 10:22 AM
"انظر الرد الأخير في الصفحة السابقة"
8
8
8
قصدك جنب وحدة pb034 <<<< يبي يقلبها شات pb027

مزاجي
13-12-2004, 12:59 PM
الله لا يبلانا بها ويفكنا منها

اميــــن ... :)


<<<<<<<<<< سوالي طالعـ منهـــــا ... :d

عبودي 1
13-12-2004, 01:05 PM
^
^
^
^
ههههههههههههههه
الله يرجك يا شيخ

عبودي 1
13-12-2004, 01:06 PM
الاسهم لهجمه مرتده

عبدالملك
13-12-2004, 05:42 PM
يابعد عمري يامعسل فريش أبل كذا بعد غدوة او عشوة بروما لووووووووووووووول

والله صدقت فوائد الشيشة طبقها على المعسل والله ياهو يخليك ترتفع ... خبري به اطلع من اختبار قافله اصقع لي راس يطيح الهم ههههههه

يازين من عسل باستراحه وتجيك صنع شد بلد

تحياتي يالمهبووول