PDA

عرض كامل الموضوع : جديد فنان العرب ( محمد عبده) ...علمتها


عالي مستواه
25-06-2004, 11:22 AM
http://abdu.net/I4.jpg

تقرر ان يكون الاحد القادم هو موعد طرح الالبوم الجديد لفنان العرب ( محمد عبده ) و الذي يتضمن 9 اعمال ، بينها تعاونت جديدة لفنان ( محمد عبده ) ، و يحمل الالبوم اسم ( علمتها ) و الاغاني جميعها من الحان ( محمد شفيق ) للمره ثانية بعد البوم ( خواف ) ، اما التوزيع فلاول مره مع الموزع الموسيقي ( طارق عاكف ) ، و الاغاني كالتالي "-

علمتـــــــــها

كلمات : العابر ( عبد العزيز الرشيد )

ماشاءالله عليك

كلمات : عبدالله بودله

يا ما شــــاءالله عليك
كل جمال الكون فيـك
و كل من شافك يقول
يا ماشــــاءالله عليك

لو فيه مثـــــــلك كثير
الدنيا صـــــــارت بخير
صدقني و بكل صراحة
في كل شي انت غير

رقة و جمــــال و حلا
ابهــــــــرت كل الملا
تسكن القلب بسهولة
و تسرق بلحظة الغلا

يا كثــــر من يعشقونك
ودهم بس يوصلــــــونك
على نفسك اذكـــر الله
على شان ما يحسدونك

أحبــــس دمـــــوعي

كلمات : الامير / فهد بن خالد

تغيـــــــــرتوا

كلمات : مبارك الحديبي

انتوا اللي تغيرتوا ... و الا احنا مثل ما احنا
احنا اللي تكـدرنا ... تعــــــذبنا و لا ارتحنا

نسيتوا احنا حبايبكم ... لنا في حبكم احـلام
معقولة يضيع الحب ... و امانينا تصير اوهام
تركتونا بلا سبــــة ... تكبرتوا و نسيتونا
حتى في سوالفكم ... ماظني ذكــــرتونا
و الا حنا مثل ما احنا ... على حطة ايــــاديكم
انتوا اللي تغيـــرتوا ... و تغير كل شي فيكم

نسهر مع طواريكــم ... و نحضن طيفكم و ننام
و لا ظني يجينا يوم ... نتغيـــــــــــر مع الايام
فكل همسه و همسه نقول ... حبايبينا ظلمـــونا
و لا نـــــــــــدري لحد الان ... ليش انتوا تركتونا
و الا حنا مثل ما احنا ... على حطة اياديكم

مسيـــــــــــــره يرد

كلمات : عبدالامير عيسى

مسيره يرد .. مسيره يرد ... مسيره لا ذكر يشتاق
مسير الود .. مسير الــود ... يرده من عقب الفراق
حبيبي و اعرف اطباعه
و زعله ما يدوم سـاعه
مسيره يرد .. مسيره يرد
مسيره لا ذكر يشتاق

عليه ولهان
و شوقي له على عيوني الحزينه يبان
انا بلياه
جزيرة شــــــــوق شواطيها بلا عنوان
حبيبي الطيب يبين فيه ... و شاري دنيتي بعمــره
على طبع الوفا مربـيه ... و عليه ما ترخص العشره

يمر ذكراه
على الخاطر و أصبر شوقي الملتاع
على دروبه
أنا صابر حبيبي شـــــاري مو بايع
أكيد انه علي ولهـــان ... مثل ما انا عليه ملهوف
أحبه و حبي له عنوان ... أصيل و يذكر المعروف

ما أجمـــــــــــلك

كلمات : أحمد المري

ودي اقولك و اسـالك
الله و أكبر ما أجمـلك
لو للحسن عرش و تاج
ما ظنتي غيرك مـــلك

اذهلت في الجلسة الحضور
يا زايدا هالنـــــــــــور نور
قالوا اكيد انت القـــــــــمر
و الا القمر هو من هــــــلك

شيل القمر و اجلــــس بديل
انت الجمال و انت الجمــيل
حضرت و ضاعوا من حلاك
و الجــــــــــو كله صار لك

انت الحقيقة في خيال
انت جواب بلا ســـؤال
انت يمين في شمــال
ايدي بيدك ما وصـلك

يا سالب كل العقـــــــول
بالرمش و الطرف الخجول
برضيك لو هــــم يزعلون
و لا عاش منهـــــو زعلك

في عيــــــــــونك

كلمات : مبارك الحديبي

في عيونك شي ما اقدر اوصفه
في كلامك لي قسـوة و عاطفة
تنفعل و تثـــور في لحظة غضب
و السكــون يصير عندك عاصفة

كل ساعة يا عمـــــــري شكـل
و علىكل موضوع لك ردة فعل
ماني قــــادر يا حبيبي افهمك
حتى في حكمك ما تحكم عدل

يا حبيبي انت يا سهل و صعب
احتمــــــال انك ما تعرف تحب
و اللي سويته يا خلي معـاي
احتمــــال يكون تمثيل و لعب

يا حبيبي انت يا كلمـــــــــة عتب
يا سوالف شوق غطـــــاها الهدب
عيبك انت يا هوى عمري و هواي
تغضب و تزعــــــل من ادنى سبب

يا دمــــــــــــوعه

كلمات : طلال السعيد

يا دموعه ليه بين لي خضــــوعه ... ليه يجرح كبريائه في رجــوعه
يوم انا اتعنا وصاله صــــد عني ... و يوم جافيته ولهتي يا دمــوعه
بترك الايام تلــــــعب في حياتـه ... و كل ذكرى تمر في باله تلوعه
و تسال الحسرات و الونــات عنه ... لازم اللي راعنــــــي منه يروعه
علمتني دمعتي سر السعـــــادة ... يوم جربت الشــــــقا ميزت نوعه
لو حرمت النفس مده من هـــواها ... الهنا باكـــــر يضوي له شموعه
مثل ساري الليل خايف من ظلامه ... و يتحرا للقمـــــــر يرجي طلوعه
يا دمـــــــوعه لوني ليله بصبري ... الحظيظ اللي مشى قلبه بطوعه
ذكريه بلحظة من لحظــات يأسي ... فيها ما قدر دموعي يا دمـــوعه

آخــــر العنقـــــــــــود

كلمات : عمر النعيمي

عرفت شلون تتدلع ... تخليني بــــــوله و تغيب
يا ليتك مثلي تتولع ... و فيني هالجروج تطيب
أنا شوقي بدون حدود
تدلع يا اخر العنقــــود

اذا حالي كذا طول ... و فيني انت ما حسيت
تراني بابتعد و ازعل ... لاني واجد استنيـت
و لا تنسى عليك شهود
تدلع يا اخر العنقـــــود

ابي دنيانا تتغير ... انا يا ما صبـــرت كثير
و ابي هالناس تتحير ... لانه حبي اصلا غير
انا منك شبعت وعود
تدلع يا خر العنقــود

حبيبي قاسي قلبك ... و ليا حتى ما يشتاق
اذا باقي علي حبك ... تعال و حرك الاشواق
مادام ان الخطا مردود
تدلل يا اخر العنقــود

لي رأيي شخصي في الالبوم ، بس ما راح اقوله الا بعد الاستماع للالبوم كامل ، و احنا في انتظار يوم الاحد ، و نسمع ( علمتها ) لــ ( محمد عبده )

الى ذلك الحين تقبلوا مني احلى تحية
http://www.6rbtop.com/library/resources/M7ammad_3abdu/Collection/listen/8681_hi.ram

سنعوسـ حايل ـي
25-06-2004, 11:35 AM
بأنتظار جديد ابو نوره

المــهــنــد
25-06-2004, 11:48 AM
مشكورررر يخي عالي على التميز والله لايحرمنا من تميزك

منقاش2004
25-06-2004, 02:04 PM
يعطيك العاااااااااافية اخوي عااااااااالي مستواه ..... وانت دائماً عاااااااالي مستوااااااااك ....


لكن وقبل ما اسمع الالبوم بصراحة نفسي اقول شي :

اللحين ابونورة صار يصدر في الشــــريط تسع أغااااااااااني !!! :eek: والله هالشي ما هظمته منه مـــــرّة ... لأن ابونورة كان ينزل له بالشريط ثلاث إلى أربع اغـــــــــاني وكانت تكفيـــه سنة ، لأن أغانيه تختلف عن الفنانين الباقين فأعمال ابو نورة تعيش لسنين وماهي مثل اعمال باقي الفنانين كلها كم شهر أو احياناً كم يوم وتنتهي ......
والله مادري وشلون بتصير هالاغااااااااااني وكم مدة كل اغنية !!!!!

لأن محمد عبده كان دائماً يقول انصح الفنانين بأنهم يغنون اغاني تبقى في المكتبة الفنية لسنين وتبقى لهم كتاريخ ....... pb030
والله مادري عنك يابونورة وانت اللي كنت تقول لعبدالمجيد كل اغنية بريال !!!! اللحين صارت أغانيك بريال وربع يعني pb027

بصراحة والله احس اني خايف على هالهرم الفني الكبير انه يخور ويصير مثل هالفنانين السلنتح :( والمشكلة موقع عقد مع روتانا وبيصور فيديوكليب !!! ياخوفي من اللي بيصير بس :(


عمـــــوماً احس اني صرت متشاءم زيادة عن اللزوم pb036 وانشاء الله الشي اللي خايف منه ما يصير .....
لكن نسمع الشريط ونحكـــــــــم بعديـــــــــــن ......

عالي مستواه
25-06-2004, 02:16 PM
سنعوسي حايل - مهند

الشكر الكبير لكم ، و ان شاءالله معكم على الدوم

منقاش 2004

الله يخليك ، و انا علي مستواي بوجود اعضاء مثلك و شرواك

بالنسبة لــ ( محمد عبده ) مب مهم عدد الاغاني ، لكن فنان بحجم ( محمد عبده ) يغني من كلمات ( عبدالله بودله ) و ( احمد المري ) بصراحة كلمات تحت العادية بكثير ، مدري كيف هالالبوم راح يكون ، بعد شاعر ( من يقول ) و ( محد ضربكم على يديكم ) !!

و تقبلوا تحياتي

دنيا الولة
25-06-2004, 03:04 PM
مشكور يا عالي

صراحة الاسماء المشاركة مع فنان العرب ما تبشر باللبوم لفنان العرب :(
لكن يمكن يكون أفضل من اللبوم مذهلة :(

فيه موضوع كان قبل هذا عن أغنية بيطررحها محمد عبدو

هذا الصيف سيكون جمهور الفنان الكبير محمدعبدة على موعد مع جديد فنان العرب .وهي مفاجأة من العيار الثقيل وذلك من خلال أغنية (( إنهزام )) التي قام بتلحينها بنفسة .والأغنية يعتبرها محمد عبدة عودة قوية للغناء التطريبي خصوصا انها اغنية طويلة تعتمد على عدة مقامات تلحينية مثل أغنية أنشودة المطر :

يموت لوعنه غبتي صدقيني يموت
وينتهى لو مرة عنة رحلتي .. والعمر ينسحب منه بسكوت
صدقيني يمــوت
وشلون يعييش.. وإنتي إحساسه وأصدق شي فيه .. ياعمرة إنتي
ولية يعيش.. وإنتي أغلى شي في الدنيا ييبيه.. ياشوقة إنتي
أعذرية .. لو مهما شكالك .. أعذرية
لا يجي في بالك أو حتى لا يمر بخيالك ..
بعدا ذا كله .. يهون عليكي وتهجرية
يموت لوعنه غبتي صدقيني يموت
ويتهى لو مرة عني رحلتي .. والعمر ينسحب منه بسكوت
صدقيني يموت
زوريني تعالى أحضني عمري وطمني خوف المشاعر
أنكشف ضعفي وشلون أخبي صعبة على العاشق يكابر
إنتي حياتي..
وإنتي الأمل .. وإنتى البسمة .. وإنتى الروح
إسمعي سكوتي للشوق نبره في صوتي تعترفلك وبحبك تبوح
يللي أهديتك حياتي .. كل حياتي
يللي رسمت فيكي ذكرياتي .. وهي بس ذكرياتي
ياحقيقة عشتها.. ياحلم شفته ..ياوهم مرني ياخيال
يكفي اللي فيني الهم طاويني وانا معاد فيني احتمال
ليتك تداويني انا كل الجروح الللي فيني يشفيها سؤال
لية كل شي ممكن ينتهي .. وكل الفرح مني لابد يروح
لية الضحكه لازم تختتفي .. وبس اللي تبقى فيني الجروح
مثل الفجر كنتي .. كذبة .. بين العتمه وبين النور ..
مثل الفجر كنتي ..غربة .. منكي تسافر وفيكي ترد طيور
وينك .. غبتي في النهار
ولا مليتي وتعبتي ماتحبين طول الإنتظار
وين طيفك سحرك الفتان .. وين دارك لاوطن ولاعنوان
دقايق بس اللي بينتي وظهرتي ماقدرت أميز الوان
مريتي فيها حياتي مرور
.. وأصبحت فيكي متيم مدري راضي عذابي أنا أوكنت أنا مجبور
آه منكي ياويلك ويل
أتبعتي روحي وأستدلي جراحك عليها ستاير ليل
كل لون من بعدك في عيوني ليل
كل ضي في بعدك من حولي ظلام
وأنا بين البداية والختام .. كان باقيلي عمر .. كنت أرتجي منك صبر .. بس للأسف .. مثل الفجر .. ومثلك إنتي
إنتهى وقتي .. وحان سكوتي...وقبلت موتي .. وأعلنت الإنهزام

وين راحت ؟؟!!!

عبوووودي
25-06-2004, 03:37 PM
مافيه اغنية من كلمات الشاعر الامير عبدالرحمن بن مساعد
ياليت يتحفنا بقصيده مثل البرواز ويغنيها ابو نوره
والله يعطيك العافيه عالي مستواه

سيف حاد
25-06-2004, 03:59 PM
وبس يا محمد عبدو علمتها يالخقاقه

عظيم ساري
25-06-2004, 04:14 PM
الحين محمد عبده اللي منية اي شاعر انه يغني كلماته..وكل ملحن انه يتغنى بألحانه..

صار يغني لكل من هب ودب ؟!!

فيه في بالي كلام كثير ...ولكن كل شي في وقته حلو..

وعشمي بقصيدة طلال السعيد !!

نصبر ونتركد احسن !!

أنقلعي يالشينة
25-06-2004, 05:56 PM
ابو نوره راح يبيضها وانا مستغرب من بعض الردود اللي مشككه بابو عبده pb027

يعني لاتخافون عليه راح يخلي كل الفنانين وراه انشاءالله لو يتعاون مع اسوء الشعراء او الملحنين

واحس ان فيها خبث فني من ابونوره ورساله لبعض الورعنه اللي طلعت من تالي وغنت لاصحاب السمو الامراء ويبي يقولهم ترى الشعراء والامراء اللي تعاونتوا معهم من تالي ان متعاون معهم من يوم انكم ببطون امهاتكم والحين ابي اغير <<<ماقصدي عباس ابراهيم ابد pb036

بس ليته مايسوي فيديو كليب وهو وفلافله ويخليها لغيره

مشكور اخوي عالي :rolleyes:

أصـــــــيل
25-06-2004, 05:57 PM
الله يهديك يابو عبدو هو للحين ماعتزل؟؟؟؟؟؟؟؟

من شفت صورة غلاف الشريط بالجريدة وانا غاسل يدي منه,,,,,,,,,

يالله يارب حسن الخاتمة.......

أنقلعي يالشينة
25-06-2004, 05:59 PM
8
8
8
هذا الريال ومايسوي وانا اخوك ابن ادم مايملى عينه غير تراب قبره

اسف على القطه (:

مذهل
25-06-2004, 06:01 PM
شكرا اخوي ونحن في الانتظار ليييييييييين يوم الاحد لفنان العرب وعلى احر من الجمر بس كنت اتمنى ان ينزل اغنية الطويله(انهزام)

صدز عاد
25-06-2004, 06:41 PM
يسلمووووووووووووووووووووو


على مستواه

هلى هيك اخباااااااااااار<---------------ياشين السرج على البقر

** فهودي **
25-06-2004, 07:21 PM
انشاء الله يكون شريط قد المستوى :)

اغنية علمتها سمعت مقطع بسيط .. وبصراحة روووعه . بس ما ابي احكم الا اذا سمعتها كامله :)

في انتظار الشريط على احر من الجمر :)

بس أحلم
25-06-2004, 08:15 PM
مشكور أخوي وعلمتها بتكون قمة إن شاء الله

وما نحكم على الشريط إلا بعد سماع الشريط


وإن شاء يبيض الوجه ؟


تحياتي لك

رعبوب
25-06-2004, 09:05 PM
فيه اغاني اتوقع انها بتصير توب مثل علمتها و يا دموعه لكن فيه اغاني راح تكون شبابية وخفيفة وهذا بين من الكلمات

ان شاء الله يكون البوم حلو و يليق باسم وتاريخ ابو نورة

مشكور اخوي

كاس الوفا
25-06-2004, 09:32 PM
يعطيك العافيه اخوي عالي مستواه ..

وبالنسبة للاغاني الي اتوقع انها بتضرب علمتها و احبس دموعي لاني سمعت مقطع منها وصراحة احبس دموعي كانت روعة

وترى يا شباب ابشركم في اغنيه ايقاعها هندي الي هي اخر العنقود ..

صـلـعـه
25-06-2004, 11:34 PM
كالعاده رايح يكسر السوق وينطح مندوبه .... ابونوره دائما في القمه ... !!

جريح الرياض
26-06-2004, 02:58 AM
ابو نورة احس اني يبي يسلك نفس طريق طلال الله يرحمه في اواخر حياته الفنية !!!

وهذا مو في صالحه ابدا :)


عموما ماراح نستبق الاحداث وبنشوف :)

وتر حساسـ
26-06-2004, 03:12 AM
ننتظر


مشكوووووور ياعااااااااااااااااالي مستوااااه

على جهودك المميزه بالفني
ولاخلا ولاعدم

The Night
26-06-2004, 04:35 AM
ابو نوره قالها صريحه وكم مره مؤخرا..

انه ماراح يغني للي مايدفع وهذا على حد تعليله بسبب ان وراءه جيش من العاملين في الشركه اللي ورؤاهم عوايل وينتظرون رواتبهم اخر كل شهر..


انا شخصيا ماااقتنعت...لان المكسب جاي جاي ويكفي اسم ابو نوره على الشريط. :(


عموما....هو بشرنا انه ممكن يغني لشعراء ماعندهم يدفعون لكن في جلسات خاصه :confused:

مئه مئه
26-06-2004, 07:10 AM
مشكور :)

XمقتـamalـــولX
26-06-2004, 01:00 PM
الله يوفق ابو نوره ويعوضنا عن كل اللي راح :)

خصوصا ان هالمره فيه روتانا وفيه فيديو كليبات وحركات نص كم :)

رعبوب
26-06-2004, 10:49 PM
هذي مقاطع من الالبوم ، صحيح انها مو صافية مرة لكن تنسمع :) والشكر لمنتديات ابو نورة

مقاطع علمتها (http://www.abdu.ws/wardalkhad2/test4.rm)

الاغاني مسيره يرد و في عيونك و يا دموعه واحبس دموعي شكلها رايقة وحلوة اما اغنية علمتها بتكون درة الالبوم زي ما هو واضح من تسمية الالبوم

NaSSeR SQ
27-06-2004, 02:12 AM
هلا والله..هذي مقاطع جديدة لالبوم ابو نورة
لكل الاغاني..عددها 9 ..استلمو
http://www.abdu.ws/wardalkhad2/test4.rm

هذا رابط التحميل..
http://www.abdu.ws/wardalkhad2/test4.rm

وعلى فكرة تراه منقول من منتديات محمد عبده..
ومشكورين

عندك سلف
27-06-2004, 04:38 AM
ابداااااع يا بونوره ..
اغنية علمتها قوية قوية ..

هذا بونورة اللي نعرفه .. :)
يعطيك العافية يالغالي :)

A F N A N
27-06-2004, 04:50 AM
علمتها رووووووووووووووعة
والباقي عادي :s !! مو مستوى محمد عبده

Psychologist
27-06-2004, 05:48 AM
يعتزم فنان العرب محمد عبده طرح البومه الجديد يوم الأحد القادم ان شاء الله ، والذي سيحمل اسم ( علمتها ) ، ويحتوي الالبوم على تسع أغاني جميعها من الحان الملحن محمد شفيق . مكررا تجربته في البوم خواف والذي أيضا قام بتحلين جميع أغاني الأغاني فيه المحلن محمد شفيق . وقد أوكل التوزيع الموسيقي لجميع الأغاني ( ولاول مره في البوم كامل ) للمايسترو طارق عاكف . ويحتوي الالبوم على :
الوجه الاول :
** علمتها .... من كلمات : العابر ( عبد العزيز الرشيد )
** ماشالله عليك ... من كلمات : عبدالله ابو داله
** احبس دموعي .... من كلمات : الأمير فهد بن خالد
** تغيرتوا ..... من كلمات : مبارك الحديبي

الوجه الثاني :
** مسيره يرد ...... من كلمات : عبد الأمير العيسى
** ماأجملك .... من كلمات : احمد المري
** في عيونك .... من كلمات : مبارك الحديبي
** يادموعه .... من كلمات : طلال السعيد
** اخر العنقود .... من كلمات : عمر النعيمي

وهذي صورة غلاف الالبوم

http://www.abdu.ws/wardalkhad2/Image12.JPG

بصراحة تسع أغاني كثيرة على ابو نورة

وعشان كذا أكيد أغلبها بتكون خفيفة

لكنها من أبو نورة جميلة

جريح الرياض
27-06-2004, 06:21 AM
يعطيك العافية يالمملكة :d


وبانتظار جديد فنان العرب :)

Alatho0ob
27-06-2004, 06:45 AM
wo0o0o0o0o0o0o0o0o0o0o0o0o0w

<-------- انخبلت على ابو نوره pb027


هذا الفن ولابلااااااااااش

قبل مااسمعه واثقه في ابو نوره لانه ذوووق

تحياتي

عذووب

لا يا شيخ
27-06-2004, 04:33 PM
الأخوان والأخوات رواد الفني ... اطرح بين ايديكم .. اغاني فنان العرب في شريطه الجديد علمتها .. و لحفظ الحقوق .. الأغاني منقوله من منتدى فنان العرب .. ..

بصراحة لين ألحين ما سمعت الأغاني زين وما أقدر أحكم عليها ... بس مبدئياً عاجبتني أغنية يا دموعه ..

علمتــــــــــها (http://www.abdu.ws/wardalkhad2/3lamtaha-n.rm)

يا ماشاء الله عليك (http://www.abdu.ws/wardalkhad2/yamashalla-n.rm)


أحبس دمــــــــــوعي (http://www.abdu.ws/wardalkhad2/a7besdmu3e-n.rm)


تغــــيرتــــوا (http://www.abdu.ws/wardalkhad2/teghaiartu-n.rm)


مصـــــيره يرد (http://www.abdu.ws/wardalkhad2/meserayered-n.rm)



ما أجملك (http://www.abdu.ws/wardalkhad2/maajmalak-n.rm)


في عيــــــونك (http://www.abdu.ws/wardalkhad2/fe3yonak-n.rm)


يا دموعـــــــــــه (http://www.abdu.ws/wardalkhad2/yadmu3a-n.rm)


آخر العـــنقود (http://www.abdu.ws/wardalkhad2/aakher-n.rm)


يالله فلوها مع أبو نورة ..

http://www.abdu.ws/wardalkhad2/yadmu3a-n.rm

كروسان
27-06-2004, 06:36 PM
توني جاي من الزيدي ويقول بكره ينزل :o

صدز عاد
27-06-2004, 07:16 PM
جـــــــــــــاري التحميل

.....................

لي رجعه

** فهودي **
27-06-2004, 07:50 PM
توني جاي من الزيدي ويقول بكره ينزل :o
^
^
^
لا ابشرك نزل :)

<<< من بعد صلاة العصر وهو مسنتر في المحل :D


لي عوده لما اسمعه زين :)

أسبيرنسا
27-06-2004, 08:02 PM
pb157 pb157 pb157 pb157 pb157
خبر يجججججنن :p
شكرا لكم :p

اياد
27-06-2004, 08:18 PM
ان شاء الله يكون بالمتسوى اللائق بفنان العرب

الذكرى
27-06-2004, 09:39 PM
يعطيك العافيه

بروح اكمل بقيه الأغاني

وسيعة الصدر
28-06-2004, 02:26 AM
مبدئيا اغنيه ( علمتها ) كذا pb018

اتمنى باقي الالبوم يطلع حلوووو :rolleyes:

تشكراااات

القيثارة
28-06-2004, 03:52 AM
علمتها تجنن يعطيييك العافيه

بو ساندرا
28-06-2004, 03:57 AM
انا سمعت المقاطع..
مبدئيا يبشر بخير..وشكله حلو..
وعجبني تنويعه ..خصوصا التوزيع..احسه مختلف ..
جميله منه هالحركة بو نورة..انه فكنا من وليد فايد..ابو الدرمز..هذا اللي يعرفه بس..

وفيه اغنية ايقاعها (بحري) شعبي..حلوة منه بو نورة..:)
بس لاحظت ان الالبوم مافيه قصايد طويلة..
ان شاء الله لما نشتري الالبوم نعجب فيه اكثر واكثر..:)

شاكرين لك هالنقل ..يعطيك العافيه:)

الكشــــــخ
28-06-2004, 05:46 AM
عالي
مشكور يخوووك
وكلام القصايد جيد
ونتمنى يكون الألبوم في مستوى البوم شبيه الريح :)

Alatho0ob
28-06-2004, 05:59 AM
واااااااااااااااااو

<< جاري التحميل












<< جاري الفتح










<< جاري سماع الأغنيه

[[انيق مضيع]]
28-06-2004, 04:33 PM
عملها ابو عبدالرحمن وصار ينزل بالشريط كل اغنية بريال ونص pb027
والله ابو نورة لاعب فينا لعب مو طبيعي ياجماعــــــة الخير
قال ذيك الايام ان احلام فنانة الخليج وصدقناه وقلنا مايخالف
قال ان عبد المجيد عبدالله كتكوت الاغنية الخليجيه وقلنا يالله زي بعضو
رجع وقـــــــال أن عبدالمجيد الاغنية بريال بشريطه وهو طيب الاغنية بكم في شريطه
كان يقول انه في حياته ماراح يصور فديو كليب والله اعلم وش بيطلع في راسه الايام المقبلة



مـــــــــــــــلاحـــــــــــــــــــــــظه
الشريط انا سامعه والله مافيه الا اغنية علمتــــــــــها
وبس وباقي الشريط مدري اضن ولد جيرانهم هو الي مختار الاغاني

غريب الطبايع
28-06-2004, 11:05 PM
والله الالبوم حلو .. وفيه اختلاف وكميه من الاغاني الجميله ..

ما اقول ابدااع .. لا الى الان ما بعد تعدل ابونوره مضبوط .. لكن البوم جميل نوعا ما واجمل من اللي قبله وااجد ..

اغنيه .. يادموعه .. اعتبره افضل اغنيه بالالبوم ..

اغنيه رايقه ككلمات وتلحنت صح بلحن هاديء جميل ..

مشكور اخوي ..

XمقتـamalـــولX
29-06-2004, 12:16 AM
سلام عليكم


الشريط كله عااادي جدا جدا جدا ....

رغم ان في اغاني كلماتها قويييييييييه مثل يادموعه ... لكن للأسف لحنها أقل من عادي ...

ونفس الكلام ينقال على ماأجملك ومسيره يرد :)

=====

الاغنيتين اللي بتشيل الشريط من وجهة نظري هي :-

علمتها .... لأن هذي الاغاني اللي يبدع فيها ابو نوره


وفي عيونك ... لأنها أرقى اغنية في الشريط من كل النواحي ... كلمات لحن أداء حتى الكوراال أبدع في هالاغنيه ........

=====

كنت بشره على أبو نوره عشان أغنية (( أخر العنقود)) لكن من يوم غنى ماقد عصاني حقت فايز السعيد صراحه ماعاد ينشره عليه ....

=====

طبعا عبادي بيعتزل بعد سنتين حسب كلامه لأحد المقربين له .... أما أبو نوره فأنصحه يعتزل بعد مايقرى التهزيئ اللي بيجيه سبة هالشريط ....

عباير اقلاع
29-06-2004, 12:41 AM
الاغنيه حلوة ورايقه.

** فهودي **
29-06-2004, 01:48 AM
http://www.abdu.ws/wardalkhad2/Image12.JPG




بعد ما سمعت الشريط .... اقدر اقول انه احسن بكثير من البوم مذهلة ... متنوع من جميع النواحي وينفع لكل الاذواق :)


الالبوم هذا مختلف جداً من أكثر من ناحية:
اولا عدد الاغاني 9 <<< وهذا عتبي على الالبوم :)
ثانيا .. اغلب الاغاني من النوع الخفيف والقصير ... أطول أغنية 9 دقايق اللي هي علمتها <<< الله يرحم ايام اعترفلك :) ... يعني نقدر نقول ان علمتها نسبيا جيده بس أغلب الاغاني من 4 الى 5 دقايق
ثالثا ... التوزيع الموسيقي من طارق عاكف :) .. وبصراحة ابدع ... لكن كنت اتمنى بعض الاغاني تكون لوليد فايد :)
رابعا ... اللحن كله لمحمد شفيق ... بصراحة اثبت انه ملحن من طراز نادر عرف كيف ينوع في الالحان ... وبصراحة هو اكبر من هالمدح بكثير :)
خامساً .... الديزاين حق الغلاف رهيب ;) ... رجع ابو نورة 20 سنة ورى :D





وهذا رأيي (الشخصي) في الاغاني:

علمتها ... هي الهيد حقت الشريط .... وبصراحة رووووعة وأعجبتني كثير ... تستاهل انها تكون الهيد :)


احبس دموعي .... من أول ماسمعتها عجبتني كثير ... يوم سمعتها مره ثانية أكتشفت ان اللحن قوووي ... وكلماتها قويه وفيها بساطة من دون تكلف :) ... الاغنية هذي كانت مرشحه بقوه انها تكون الهيد حقت الشريط :) يعطيك الف عافية يابو نوره على هالاغنية :)


مسيره يرد .... رهيبه هالاغنية :) أحس راح يكون لها شأن


يا دموعه .... كلمات جميلة ولحن رهيب ... انا دخلت جو مع هالاغنية :)


(( هالاغاني الاربعه اللي فوق هي اجمل مافي الشريط .. وانا اراهن عليها وبقوه ))



تغيرتوا ... لحن رائع وجديد .... احس وانا اسمعها اني نوخذه :D ... تنويع جميل من ابو نورة :)


في عيونك .... اول ماسمعتها ما اعجبتني ابد :o ... بس يوم سمعتها مره ثانية بدت تدخل مزاجي :) .. اغنية حلوه وجميلة




(( هذا افضل مافي الشريط ... ولكن فيه اغاني اقدر اقول عنها انها تكميليه مثل: ))


ماشاء الله عليك .... من الاغاني الشبابية السريعة ... وبصراحة النوع هذا مايعجبني :) ... ولكن لابأس بها من باب التنويع :)


ما أجملك ... هذي اسوء اغنية من وجهة نظري ... مافيها اي شي مميز او جديد ... تذكرني بأغاني عبدالمجيد عبدالله <<< مع اني اتوقع لو يحطها عبدالمجيد في شريطه بتكون هي الهيد :D .... تصدقون ان لحن هالاغنية مهوب غريب علي pb026


آخر العنقود ... هذي اللي ابد ماتوقعتها :D ... كثير ناس ما اعجبتهم هالاغنية وقعدوا يسبون فيها ... مع انها مهيب سيئه مره :) ... صح انه فنان العرب لكن مايمنع انه يجرب لحن هندي :) ... بس نقدر نقول انها ما اضافت شي للالبوم :)




بشكل عام الابوم روووعه :) ... بس انتوا اسمعوه زين :)

Psychologist
29-06-2004, 04:59 AM
8
8
8
مبدئيا اتفق معك 100%

لكني مااقدر أحكم على اغنية لابو نورة حتى اسمعها اكثر من عشرين مرة!!!

تــايــد
29-06-2004, 06:17 AM
المقاطع جيده بالتوفيق لابونوره

صدز عاد
29-06-2004, 08:34 AM
^
^
^
الالبووووووووووم وربي بايخ

مافيه الا علمتها واحبس دموعي بسسسسسسسسسس

وتقريبا تغيرتوا

اما الباقي اكماله عدد..

M i s s e d
29-06-2004, 09:47 AM
سمعت بعض الاغاني ما أعجبتني ,,

بعد عقد روتانا عبده كسب جمهور جديد ,, وبـ المقابل بـ يخسر جمهور ذواق !!

مشعان الأول
29-06-2004, 10:21 AM
احبس دموعي .... من أول ماسمعتها عجبتني كثير ... يوم سمعتها مره ثانية أكتشفت ان اللحن قوووي ... وكلماتها قويه وفيها بساطة من دون تكلف :) ... الاغنية هذي كانت مرشحه بقوه انها تكون الهيد حقت الشريط :) يعطيك الف عافية يابو نوره على هالاغنية :)

يا دموعه .... كلمات جميلة ولحن رهيب ... انا دخلت جو مع هالاغنية :)



يعطيك العافيه فهودي ....

انا عن نفسي ماسمعته كامل للحين :( ..... لكن احبس دموعي من جد خياليه ولحنها متميز pb024 ...
وطبعاً اداء ابو نوره فيها كان يشكي ....

الالبوم بشكل عام مهوب شين :) ....
قد يرقى لمستوى جيد ...

كروسان
29-06-2004, 12:03 PM
ماادري ليه وانا اسمعه اتذكر اوبريتات الجنادرية

ماكان العشم ياابو نورة بهذا الالبوم العاادي

المــهــنــد
29-06-2004, 02:11 PM
8
8
8 ههههههه اما الجنادريه...عموماً انا ماسمعته بسمعه وبرجعلكم

رعبوب
29-06-2004, 05:48 PM
انا اتفق مع فهودي في كلامه

اغنية تغيرتوا فيها من لحن قديم لرباب في اغنية وش دراك

اغنية ما اجملك فيها من اغنية احلام شاف نفسه

بالنسبة للالحان واللي كلها من الحان محمد شفيق انا اتوقع ان محمد شفيق ما لحن ولا اغنية واللي ملحن الاغاني واحد من الامراء لكن عادته ما يحط اسمه على الاغاني اللي يلحنها

التوزيع الموسيقي في الالبوم جميل ورائع وذكرني توزيع اغنية تغيرتوا باغنية مرمر زماني للراحل طلال مداح :(

لو الالبوم احتوى على 6 اغاني وطلع من الالبوم اغاني ما اجملك وياما شاء الله وآخر العنقود كان طلع الالبوم توب وما عليه خلاف :)

العـal3ashqـاشق
29-06-2004, 06:28 PM
من يوم دريت ان الملحن واحد

عرفت ان الشريط راح ينزل مستواه
وان الشريط مجامله

وقهر يابو نوره تبيع تاريخك للغير

كاس الوفا
29-06-2004, 10:21 PM
اخوي العاشق .. هذي مو اول تجربة لابو نوره مع الملحن القدير محمد شفيق

وهذي ثاني تجربه يكررها بعد البوم خواف ..

ويا ليت تسمع الشريط وبعدين تبدي رأيك الالحان كلها مختلفه ومافيها تشابه وصراحة قمة

بس كم اغنيه مثل ما قال اخوي رعبوب لو ما انضمت للشريط كان صار توب

السير محيميد
29-06-2004, 10:41 PM
http://www.6arab.com/singers/ksa/3abdu/3abdu04-b.jpg

ندخل دوغري في الموضوووع .. :)


يعتزم فنان العرب محمد عبده طرح البومه الجديد يوم الأحد القادم ان شاء الله ، والذي سيحمل اسم ( علمتها ) ، ويحتوي الالبوم على تسع أغاني جميعها من الحان الملحن محمد شفيق . مكررا تجربته في البوم خواف والذي أيضا قام بتحلين جميع أغاني الأغاني فيه المحلن محمد شفيق . وقد أوكل التوزيع الموسيقي لجميع الأغاني ( ولاول مره في البوم كامل ) للمايسترو طارق عاكف . ويحتوي الالبوم على :
الوجه الاول :
** علمتها .... من كلمات : العابر ( عبد العزيز الرشيد )
** ماشالله عليك ... من كلمات : عبدالله ابو داله
** احبس دموعي .... من كلمات : الأمير فهد بن خالد
** تغيرتوا ..... من كلمات : مبارك الحديبي

الوجه الثاني :
** مسيره يرد ...... من كلمات : عبد الأمير العيسى
** ماأجملك .... من كلمات : احمد المري
** في عيونك .... من كلمات : مبارك الحديبي
** يادموعه .... من كلمات : طلال السعيد
** اخر العنقود .... من كلمات : عمر النعيمي


نبدأ مع أول أغنيه ..

علمتها

تحميل (http://songs1.6arab.com/3abdu_3almtaha.rm)


إستماع (http://songs1.6arab.com/3abdu_3almtaha.ram)



أخر العنقود

تحميل (http://songs1.6arab.com/3abdu_a5er-al-3angood.rm)


إستماع (http://songs1.6arab.com/3abdu_a5er-al-3angood.ram)



احبس دموعي

تحميل (http://songs1.6arab.com/3abdu_a7bes-demo3y.rm)


إستماع (http://songs1.6arab.com/3abdu_a7bes-demo3y.ram)


في عيونك

تحميل (http://songs1.6arab.com/3abdu_fee-3eyonak.rm)


إستماع (http://songs1.6arab.com/3abdu_fee-3eyonak.ram)



ما أجملك

تحميل (http://songs1.6arab.com/3abdu_ma-ajmalak.rm)


إستماع (http://songs1.6arab.com/3abdu_ma-ajmalak.ram)


ماشاءالله

تحميل (http://songs1.6arab.com/3abdu_ma-sha2-allah.rm)


إستماع (http://songs1.6arab.com/3abdu_ma-sha2-allah.ram)



مصيره يـرد

تحميل (http://songs1.6arab.com/3abdu_mesyrah-yred.rm)


إستماع (http://songs1.6arab.com/3abdu_mesyrah-yred.ram)



تغيرتوا

تحميل (http://songs1.6arab.com/3abdu_teghayerto.rm)


إستماع (http://songs1.6arab.com/3abdu_teghayerto.ram)


يادموعه


تحميل (http://songs1.6arab.com/3abdu_ya-demo3ah.rm)


إستماع (http://songs1.6arab.com/3abdu_ya-demo3ah.ram)




---------------------------------------------------------------------------------------------

----( كلمات الأغاني ) ----

http://www.abdu.ws/alkhateeb/7-7.jpg

http://www.abdu.ws/alkhateeb/1-1.jpg

http://www.abdu.ws/alkhateeb/2-2.jpg

http://www.abdu.ws/alkhateeb/3-3.jpg

http://www.abdu.ws/alkhateeb/4-4.jpg

http://www.abdu.ws/alkhateeb/5-5.jpg

http://www.abdu.ws/alkhateeb/6-6.jpg



----------------------------------------------------------------------------------------

معلومات عامة عن الالبوم :
الحان جميع الأغاني : الملحن محمد شفيق
توزيع المايسترو طارق عاكف
اشراف عام على الالبوم : زيد الجيلاني
تم تسجيل الاغاني باستوديوهات صوت الحب
تم المكساج باستوديو خمس الحوس م / عمرو هاشم
تم تركيب الصوت باستوديوهات صوت الجزيرة م / طارق امام
تصميم الغلاف : طارق ابو النصر


العذر والسموحه ... اول مرة اكتب موضوع فيه لنكات كثيرة ... لذا اعذروني ع التقصير
تحياتي ..

بقـــــلاوه
29-06-2004, 11:12 PM
http://www.6arab.com/singers/ksa/3abdu/3abdu04-b.jpg


عسى ذي صوره غلاف الشريط الجديد pb026 عسى ماشر يا فنان العرب ؟

سمعت له اغنيه لحنها هندي pb036

السير محيميد

مشكووور

رعبوب
29-06-2004, 11:40 PM
فيه موضوع مثبت يا غالي فيه كل ما يتعلق بالالبوم

مشكور حبيبي

خيط الحرير
29-06-2004, 11:58 PM
الصراحة اغنية اخر العنقود
كنها لجيتاره ولا ميامي ولا محمد المازم ماتليق بمحمد عبده
وما شاء الله تقل انها نشيده للافراح

ما اجملك قريبة لطريقة عبد المجيد ومهيب يم محمد ابد ابد ابد
هذا اللي سمعته والباقي سمعت اوله وقفلته

كوامر
29-06-2004, 11:58 PM
السير محيميد

مشـكور و يعطيـك العـافيه

:)

السير محيميد
30-06-2004, 12:28 AM
فيه موضوع مثبت يا غالي فيه كل ما يتعلق بالالبوم

مشكور حبيبي

العفو .. رعبوب ..

ما انتبهت للموضوع المثبت إلا بعد ماكتبت ... الموضوع .. :eek:

لدنيا الوله حرية التصرف ..

تحياتي ..

The Night
30-06-2004, 04:09 AM
سمعت الالبوم ورايئ:

أغنية يادموعه رائعه جدا... والباقي لاتعليق احتراما لتاريخ ابو نوره..

جريح الرياض
30-06-2004, 04:25 AM
صبحكم الله بالخير :)



ماحبيت اشارك بالموضوع الا الين اسمع الالبوم زين وامخمخ عليه :)



علمتها ... رووووعة هالاغنية من جميع النواحي ... كلمة ولحن وتوزيع والاداء طبعا ماعليه كلام :)


احبس دموعي ... اول ماسمعتها ماجازت لي يمكن لان ترتيبها في الشريط عقب (علمتها ) لكن يوم سمعتها ثانية خشت مزاجي وهالاغنية رايقة :)


يادموعه ... رايييييقة بقوة هالاغنية ولحنها رهيييب http://www.eqla3.com/home/eqla3/www/vb/icons/icon3.gif


البقية مستواها جيد الى متوسط :)


اغنيتي مااجملك وياماشاءالله عليك عادية جدا ولاتليق ابدا بفنان العرب :)


اغنية (آخر العنقود ) سقطة للاسف ،،، ولايفوتكم المقطع اللي يقول ( لاني واجد استنيت :D ) قسم بالله حتى بنقالي مايقولها :D

عموما الالبوم متنوع واعماله متفاوتة بين الرائع والمميز وبين العادي :) وهذا شي طبيعي ومتوقع دام الالبوم من ملحن واحد اللي هو طلال مداح او بالاصح محمد شفيق ومااظن انها بتفرق ;)



تحياتي :)

Rebellious girl
30-06-2004, 07:41 AM
خير وش صاير يابو نورة

ترى ماهو لازم تنزلون كل سنة شريط


لا كلمات ولا لحن ولا أدا.. وفية تشابة كثير بين اداءة في الالبومات الاخيرة

ايام طلال مداح كنت شي يابو نورة

داعي الذكرى
30-06-2004, 08:33 AM
شريط سوووووووووووووواليف ..

وابو نوره الله اعلم انه قام يدور الاغاني الرخيصه ..

وحيد الجزيره
30-06-2004, 02:33 PM
أنا سمعت الشريط..وصراحة كل الأغاني عجبتني بدون استثناء..خاصة أغنية " علمتها " ..

كبير يا أبو نورة..

قرن ابليس
30-06-2004, 03:43 PM
:(

شريط لا ابو نوره فيه 9 اغاني
والاغلبيه تتفق انه على الاكثر ثلاث اغاني جيده والباقي لك عليه .. غير ان فيه اغاني يتفق الجميع على انها سقطه في حق ابو نوره !!



لا تعليق :(

المــهــنــد
30-06-2004, 05:31 PM
السير محمد الاغاني موجوده وشوله حاكها من جديد

نسناس لكزس
30-06-2004, 09:07 PM
كلمة حق

الشريط ليس فى مستوى فنان العرب ولا مستوى طموحاتنا كمحبين ومستمعين لهذا الصرح الشامخ..

ايعقل بعد "قولولاهل ذيك المرابع والديار.....مانسينا الود لوحنابعيد"....ان يتغنى بمثل هذة الالحان؟

اتفق مع من يقول ان محمد شفيق" شماعة" لاحد الشيوخ او الامراء الذين اسالوا لعاب محمدعبده بشيك "مفتوح" جعلنا نتذكر شيك "اقرب الناس"....الذى فجعنا بهزالته وضآلة مافيه..

لقد تفاءلت خيرا عندما سمعت رائعته" لاتملين الشعر"..وقلت اكيد انه بينزلها فى شريطه الجديد"..وستحطم جميع الاعمال الموجوده على الساحه..ولكن ابو نوره اصابنا فى مقتل وضرب بنا وبتاريخه عرض الحائط لاجل شيكات "اشباه" الشعراء ..


عذرا يا ابانوره....فقد اخطات كثيرا فى حق نفسك اولا...وتاريخك ثانيا..وفينا نحن محبوك ايضا....


ننتظر جديدك فى 2005 من الان لعل وعسى يافنان العرب ...الذى من قلوبنا "هرب"...




ابو لكزس

السير محيميد
01-07-2004, 03:11 AM
السير محمد الاغاني موجوده وشوله حاكها من جديد


ما انتبهت للموضوع ... إلأ بعد ماكتبته ..

مذهل
01-07-2004, 04:41 PM
رأي الشخصي في الالبوم



عــــلــمـتـهـا ( قمه في الاداء والكلمات والالحان والتوزيع الموسيقي تكمله للابدعات العبداويه)


احبس ادموعي (نفس اشي لي علمتها )


مسيره يرد (لحن جميل وكلمات جميله وصوت ابونوره فيها اجمل اسمعو صوته فيها كيف الابداع العبداوي)


تغيرتوا (لون بحري جميل يذكرنا بتراث اهل ضفاف الخليج وهذا للجيل الحالي الي نسأ تراثه )


يادموعة ( كلمات وصوت واداء ابو نوره فقط يوجد في هذه الاغنيه ومع هذا الاغنيه جميله وتستحق الاستماع)


هذه الاغاني الي يطرب لها اذويقه والي عندهم حس طربي اما باقي الاغاني فلها مستمعوها ويحاول ابو نوره

جذبهم له وهذا ذكاء منه لان حتى محمد عبد الوهاب غنى اغاني الوانها خفيفه وام كلثوم ايظن وهؤلاء هم العمالقه دومآ


وهذا رأي الشخصي فقط

تحياتي لكم
:)

ابودمجه
02-07-2004, 03:53 PM
صراحه قبل مااسمع الشريط خوفتني ثلاثه امور ...

1/ وجود تسع اغاني ... وهذي جديده من ابونوره ...العاده اربع او خمس او ست اغاني بالكثير وتكون مختارة بعناية ..

2/ عدم وجود اسماء لشعراء معروفين ... وهذا خوفني من جهة ..الكلمات وجودتها ... وريحني لاني كنت اسمع ان ابونوره بينزل شريط كله لصغار الشعراء ..وبعدها بينزل شريط لاغاني الشعراء المخضرمين ...يعني اتوقع هالشريط نزل فيه اغاني بعضها على الماشي للتفرغ للشريط القادم ...

3/ احتكار الالحان على ملحن واحد ... اعتقد فيها مجامله ...

4 / عدم وجود اسم وليد فايد ...


بس بعد ماسمعت الشريط ... اعجبتني اغنية الهيد علمتها ...واغنية احبس دموعي اللي خلا ابونوره للكورال دور طربي فاعل كما في اغنية ماعاد بدري ...بس اجمل مافي الكورال انه خليجي ...

اغنية تغيرتوا صراحه اغنية روقان وجميلة جدا باللون البحري ..

اغنية يادموعه ومسيره يرد الكلمات تفوقت على اللحن ...

اغنية ياماشالله عليك واخر العنقود ...كان من الممكن الاكتفاء باغنية واحده منهم ...مع انهم مايليقون بتاريخ فنان العرب ...


لولا علمتها واحبس دموعي .. لكان هالشريط اكبر سقطة فنية لفنان العرب ..


تحياتي ...:)

مذهل
02-07-2004, 09:50 PM
والله يا بو نوره علمتنا حتى كيف نحب اخخخخخ يا القهر قلبت المواجع يا بو نوره ليه


علمتها كيف الهوى لازم يكون
علمتها وشلون تقدر تبتدي وتحب
وشلون أهواها بجنون
علمتها عن كل شي
ورسمت روعتها بيدي
علمتها كل الفنون
ونزعت دار الخوف عنها والظنون
علمتها
وما علمتني هي إنها تعرف تخون
علميني من تكوني أنتي
بدوني ايش تكوني
علميني هو جمالك يسوى شي
لو مات في عيوني
أنتي حروف الهوى مني عرفتيها
وكل أحلام الصبا في أيامي عشتيها
كانت أفراحك أنا
وكانت ا همومك أنا
وكان الهوى في دنيتك كله أنا
علميني وأنتي مني
كيف تخوني علميني
علميني عن عيونك
علميني عن ظنونك
كيف ينسوني
وإن عشقتي أو انعشقتي بتعيشي بنفاسي
وان زعلتي ولأثرتي بتقودك إحساسي
كانت الدنيا أنا
وتبقى أحلامك أنا
والهوى في دنيتك كله أنا

صعفق بن نقا
03-07-2004, 03:50 AM
الألبووووووووووم بااايخ جدا جدا
ماش ابو نوره مهوب مثل منول صار كنه من مطربين ابو ريالين

فراس
03-07-2004, 12:13 PM
بصراحة ألألبوم سمعته ولكن ماهو بالمستوى المطلوب

مو مثل ما تعودنا من أبو نورة ولكن ...

أغنية علمتها و أحبس دموعي من أجمل الأغاني اللي غناها محمد عبده وبقية الأغاني ليست بالمستوى المطلوب

وليست مثل بعض ألبومات السابقة مثل شبيه الريح و الذي تألق فيه أبو نورة

و أخيراً أتمنى إن أبو نورة يبتعد عن المجاملات ويعود للطرب الأصيل كما تعودنا منه ...

رعبوب
03-07-2004, 06:36 PM
فيه اشاعة قوية وهي ان ابو نورة راح ينزل البوم جديد في نهاية الصيف وهو البومه المعتاد اللي يختار اغانيه برواقة وعلى كيفه ;)

اعفيني
03-07-2004, 07:59 PM
الشريط اقرب ماله ... (وجه يضحك ) pb027

رحمة الله عليك ياطلال( وجه محزن ) :(

وداعا لفن محمد عبدو :)

بانق بانق
03-07-2004, 08:09 PM
استح على وجهك ابونورة هذا البوم؟

سمعته الين مليت منه وبكره نشوف الصحافه يمدحون فيه

شريطك يستاهل البانق بانق خذهااااااااااااا

::AbOd::
04-07-2004, 05:29 AM
الالبوم جميل وافضل من البوم مذهلة بكثير :)

تقهو
04-07-2004, 10:26 AM
محمد عبده خذ هالفنجال زمين انك تصحصح انت وهالشريط اللي ماهضمت منه الا اغنيه وحده فقط وهي علمتها

خيرها بغيرها


وخذ فنجالك

نصراوي الملز
04-07-2004, 01:04 PM
مانيب فاضي اسمع شي هاليومين

بس سمعت بالام بي سي اف ام اغنية ( اخر العنقود ) وبصراحة اغنية فاشلة وتفشـّـل ...!!!


المشكلة تقولون عن اخر العنقود انها سقطة وكأنها شي جديد على ابو نورة

نسيتوا البساط احمدي ؟ :confused:

والا العين بحر ؟ pb026

لو بحلف ان هالاغاني التافهه لو يعرضونها على ( عصام عارف ) يمكن يترفع عنها ..!! :D

أجل ( لاني واجد استنيت ) ..!!!!!!!!

فنان العرب طـل ..!! pb027

الأسد الذهبي
07-07-2004, 09:29 AM
خلكم من شريط ابو نورة
روحوا سمعوا شريط ابو سارة قمة في الكلمات والالحان والاداء

مزاجي
07-07-2004, 04:05 PM
يسلموووووووووووووووووو

دنيا الولة
07-07-2004, 04:29 PM
سمعت اللبوم مرتين واعتبرها سماع على الماشي
يعني رايي فيه اتمنى انه يتغير :cool:

الحقيقة الشريط ما كان في مستوى فنان العرب :(

علمتها .... احبس دموعي

أغنيتين رائعتين وأعتبرهم هيد للعمل :) روعة من ناحية الكلمات و اللحن :) والاداء

بعد ماسمعت هاللغنيتين حللت الـ 15 ريال pb034


تغيرتوا

ممتازة لها جوها الخاص :) كل شي كان فيها رائع حتى الكورال :rolleyes:



مسيره يرد .. يا دموعه

الاغنيتن جيدات بس اتوقع يبيلها وقت وتبي تعجبني ;)


++++++++++++++++++++++++++++++++++++++++


بقية الالبوم أعتبرها من أعمال محمد عمر :D كل الاغاني اسمع الكوبليه الاول منها وتحوم تسبدي pb030

لكن بنسمع ونتمنى يتغير الحال pb036


برايفت للاسد الذهبي :)

لاتسوي دعايات في موضوع محمد عبدو :D

جريح الرياض
07-07-2004, 09:04 PM
اقول اتركوا عنكم شريط محمد عبده واسمعوا شريط ولد بن هدهود قمة :d

<<<مبطي ماانطق :d

قويع الرصع
07-07-2004, 11:22 PM
الشريط حلو يا جماعة مع ان اغانيه رخيصة

لكني اعتقد ان الولد الملحن سكه والله اعلم لأنه في بعض الاغاني مسوي لخبطة

الظاهر انه مهوب محمد شفيق الاصلي الظاهر انه خالد بن طلال بن مداح بن فهد بن محمد بن شفيق الطل

والسلام عليكم pb027

اعفيني
10-07-2004, 04:22 PM
8
8

طيب

وين راح عنه ابو عبدو فنان العرب !؟


خخخخخخخخخخخ pb027

مراعي كولا
11-07-2004, 10:36 AM
لا لا بالفعل سقطه

<--- ماسمع ولا اغنيه بس يبي يشارك

ALDL5
11-07-2004, 11:52 AM
ابونوره

7
7
7
7 كل ماله ينزل مستواه وخاصه من البوم المعاناة

يعني الاغني الحلوه بالسنوات الي راحت تنعد على عدد الاصابع

الشريط هذا احسه استعجل فيه ووالله لو شريت له شريط قديم ازين من شريط التجميع ذا
سمعت ان ابونوره يقصد بتغيرتوا جماهيره :( مايدري انه هو الي تغير
وكل ماله يسخف حتى حفلاته صارت سخيفه ؟؟
والله لو يجدد القديم ازين من تجميع الاغاني هاذي :(