PDA

عرض كامل الموضوع : ۩ شرفونا في خيمة العيد ۩


الفن الآسيوي
19-08-2012, 07:39 AM
الله أكبر , الله أكبر , الله أكبر , لا إله إلا الله !
الله أكبر , الله أكبر , الله أكبر , ولله الحمد !
الله أكبر , كبيرا ! و الحمد لله كثيرا !
وسبحان الله بكرة وأصيلا !
الله أكبر , الله أكبر , الله أكبر , لا إله إلا الله !
الله أكبر , الله أكبر ,الله أكبر , ولله الحمد !

رمضان جاء وراح فرمشة عين.
حاولنا بقدر استطاعتنا نتقرب من الله عز وجل ونتجنب المعصية بالشهر الفضيل.
رمضان مدرسة ... تكون مثل التدريب لنا عشان نستمر على نفس المنهاج حتى بعد انتهائه.
وجاء العيد ... عيد الفطر السعيد ...
عيد اجتماع العائلة واللبس الجديد ..
عيد العيدية والحلويات والرفق بالصغير ...
كلن وعاداته بهذا اليوم السعيد ..

فتحنا هذه الخيمه عشان نتبادل السوالف , ونتعرف على عاداة بعضنا في هذا العيد .

هذي أسئله تساعدكم على التفاعل في الخيمه .

1\ أجمل عيد فطر مر عليك ؟
2\ هل تظلونببيتكم والناس تجي تزوركم أم إنتم تتنقلون ؟
3\ روتينك اليومي في العيد ؟
4\ شئ ودك تسوينه كل عيد ولا سويتيه للآن ؟
5\ أكله إعتدتي على أكلها في عيد الفطر؟
6\موقف طريف مر عليك في عيد الفطر وللحين ما نسيتيه ؟


طبعاً نبعد قد ما نقدر عن ردود السطر و النص سطر ..
ردود الشات و البرب و التيت برضوا نبعد عنها .. :sm4:

ومنا إحنا طاقم الإشراف
NoRae , Memo-Toma , كــوكـيز
أجمل تهنئة بالعيد pb189 وإن شاء الله ينعاد عليكم بالصحة والسلامة جميعا bp039

ريلينـا
19-08-2012, 08:42 AM
ياصباح الخير .. ياصباح الاعياد bp039
كل عام وانتم بخير ايها الشعب .. يازين الاسيوي ضافنا في كل حالتنا عشان يمدينا نحش pb027
عاد واقسم بالله قهر كاشخه من بدري وحالتي صعبه وانتظر ناس بيجونا بعد صلاة العيد ولما الحين ماحد جاء يقهرون وقسم pb131
ولسه العصر بيجونا ناس ثانيين مير وش ذي المرمطه :(
بس اللي مصبرني جية عمي العزيز من الدمام متأمله بالعيديه اللي بيعطيني اياها << محدثتكم تحمل غقل طفله يفرح بالعيديه pb027pb027
الا على طاري المواقف اللي ماننساها .. من كم سنه صار لي موقف في قمة الاحراج والغباء مع واحد من عماني :sm1:
تتذكرون اول ماطاحو بالارواج الفوشيه المولعه كنت هذاك الوقت في الثانوي ومتحمسه كاشخه بالعيد وحاطه من ذا الروج كأني هوجا بو :sm18:
وماجاء في بالي اني بسلم على عمي على راسه وهو لابس غتره بيييييضاء :eek:
فلكم ان تتخيلوا الموقف يا اعزائي ولكم ان تتخيلوا طبعة الروج الفوشي على غترته البيضاء
لو تشوفون وجهي هذاك الوقت تمنيت الارض تنشق وتبلعني , مر علي شريط الذكريات الاسود وانه المجلس مليان رجال لا وبعد عنده عيال شباب
هذاك الوقت قعدت اتحايل عليه ارجوك تكفى ياعمي وتكفى تهز رجاجيل خليني اروح اغسل الغتره واكويها ,, بس مارضى
قلب شماغه ومشى << قمة الاحراج ياعالم :(
من بعدها صرت ما اسلم عليهم الا وانا ماسحة الروج pb027

وبس جو العالم اللي انتظرهم ..

مس عواش
19-08-2012, 01:08 PM
كل عام والجميع بخيـــــــــــــــر pb189
اصعب شي يكتب الواحد ويهنق الاقلاع pb131
عاد انا اذا جت الحاله ذي اقفل الاب بكبيرة من التشتشة pb027
العيد اليوم غريب وجميل :sm5:
اول شي مسكوني البزران في المصلى المفتوح pb036
لاني ماصلي جلست اراقب البزران لانهم كثار ما شاءللهpb189
طبعا وانا مشغلة برج المراقبة pb095 كبروا
لو فية ولد خالتي قالي لية ماتصلين بصوت عالي pb027
والرجال الي مارين من جنبنا يطالعون pb093
لية بس
عاد نشب لي قلت لة ماتوضيت عاش مصرفpb034
يوم خلصوا صلاة وبدت الخطبة اشوف البزران يوزعون حلاو
وبزرانا هاجدين ومستحيين اعرف الحاله ذي طالعين علي pb027
قلت مافيها وامسك اي بزر يوزع وانادي بزرانا hap:
حسيت فيهم يوم كنت بعمرهم استحي اخذ وانا نفسي بالشي
مرة ماينفع الاحساس ذا بالعيد pb056
المهم انبسطوا و احس العالم تطالع لي pb027
بس ما علي قلت خلينا ناخذ اجر هالمبزرة
رجعنا البيت وحطينا الفطور بالعادة حنا مايكلو معنا الصغار pb056
بس المرة ذي غير جلسوا معنا
اول مرة اشوف هوشة على السفرة هههههههههههههههههههههه
قلق وازعاج كانة حرب عالمية موب فطور الله يعين الخدمات عليهم ويصلحهم
طبعا خالاتي عندنا وجوا خواتي قبل شوي متكشخين وحركات
وينقدون على بجامتي pb095
بعدة دخلت العائلة الكريمة بنقاش سياسي
انا ادعم الموقف الانساني وهم يدعمون الموقف الوطني
ما اراح اقولكم اني تهزئت ياقدعان pb027
وبطلت اعطي اراء سياسية فور ايفر pb094
عاد انا توني جاية من بعد عمرة الله يتقبل
والشعر موب متساوي ابد مايمديني اتزبط :sm1:
شكلي بقعد على بجامتي لين ماروح اليوم للمشغل pb036

M A Y O R Y
19-08-2012, 01:16 PM
- جاري التعديل hap: pb189

يَا مرحباً بِالجميع bp039 pb189 | عيدكمم مبارك وتقبل الله منا ومنكم صالح الأعمال يارب pb189
خيمة للعيد :sm1: :sm5: ماصدقت عيني pb036 يعطيكون العافيه يالشيخات pb094 pb189
ببدأ بالإسئلة

1\ أجمل عيد فطر مر عليك ؟
من صرت أتغطى وعيد الفطر شي ممل :) pb189 , لاطلعه للشارع ولا مطاق مع العيال
أول كنت أقوم الفجر وأروح أصلي الفجر ثم ياخذني أبوي لبيت جدتي نسلم ونلعب بالطراطيعع pb095 كنت جبانة فملاحق أهاوش العيال :sm1:
و حتى لمن نروح الإستراحه كنا نلعب , مب الحين لاقلت خن نستهبل قالو خزيه :sm1:

2\ هل تظلونببيتكم والناس تجي تزوركم أم إنتم تتنقلون ؟
إستراحة لعماني وإستراحة لخوالي

3\ روتينك اليومي في العيد ؟
أقوم ع أذان الفجر , ثم أشوف تسان أمي تبي فزعه ولا رحت أحارش إخواني , ولا أفتح العيديات وأنقي الزين وآكله pb095 pb189
ثم نروح نصلي ونرجع نبارك لبعض وحنا مستحين pb027 pb189 نبخر البيت ثم غصب أرقص وأستهبل مع أي بزر بالبيت و أفك شعري وأطلع أراكض بالحوش
كيفي أبي أحسس نفسي بالمسلسلات تسذا شعرها يهفهف :sm18:
ثم يالله اتروش وأتقمص دور الكوافيره لكل من في البيت ثم نطلع لإستراحة عماني هكا الساعه 8 أو 9
إذا صلينا الظهر نرجع للبيت ننام للعصر . . ثم نطلع لإستراحة خوالي

شئ ودك تسوينه كل عيد ولا سويتيه للآن ؟
كذا كل بنت تفقد عقلها وننهبل من قلب :sm1: مب متكين نسولف وناكل
ويوم العيد ودي أضحك ضحك ماقد ضحكته في أيام السنة , بس استغفرالله يصير يوم شبه عادي مافيه شي يميزه

أكله إعتدتي على أكلها في عيد الفطر؟
الرز pb036 وهل يخفى pb036 , لكن الصدز كت كات ولا مارس العيديات بشكل عام pb095

موقف طريف مر عليك في عيد الفطر وللحين ما نسيتيه ؟
هو موب موقف , دايم كل عيد يصير .. حتى لو قعدت أدرب نفسي ليلة العيد إني ما أغلط , غصب أغلط , مثلاً
- هي : أهلا
- انا : أهلين
- هي : كل عام وإنتي بخير
- أنا : الحمدلله بخير ونعمه

عاد بقول لكم قصتنا , أنحن 5 بنات .. من الثانوي للجامعه
كل عيد نجتمع ونسولف من العصر ل 12 بالليل ... ولا نتماعط شوش إذا طفشنا
فَ بهالعيد مليت , قلت بالغصب أبسوي شي يبسطنا .. فإتفقنا نسوي سينما :sm5: pb189
بنجيب بروجيكت وسماعات و بلع :sm3:, و فلم ولا مسلسل ونناظره pb095 pb189
بس الله العالم عقب ذا بنلقى غرفة نقعد بها ولا لا :( pb189

نور من السماء
19-08-2012, 02:32 PM
كل عام والأسيويين بخير
الله يقبل صيامكم ودعائكم اتعيد لحالي وقلت ادور لي مسلسل اسيوي
دخلت عليكم وشفت عيدكم قلت اسير اعيادكم pb189

1\ أجمل عيد فطر مر عليك ؟

عيد السنه اللي فاتت لان سافرت ع مكان تمنيته ورحت له جزر هاواي
كان من احلى أعيادي صراحه صح مافي جو عيد بس ع خفيف خلقنا لنا جو
عيد جميل وهي أصلاً كلها احتفالات 24 ساعه يعني مواكبه لعيدنا pb189
ولا تهون أعياد الطفوله كل شي فيها جميل أسهر من فرحتي بالعيد
ألبس وأطلع للمسجد ويعطوني عيديه و شروخ وثوم احلى شي كنا
نستقبل الحريم عشان نسلم عليهم وبدينا ثوم ونروعهم
ياحلوها هذيك الأيام حتى لو انربغنا فيها بس تجنن pb189pb189

2\ هل تظلونببيتكم والناس تجي تزوركم أم إنتم تتنقلون ؟

حالياً لان بمنطقه غير منطقة اهلي واقاربي اكون في بيتي
ومحد يجي :sm1: يعني اتعيد مني لحالي ومع زوجي pb189

3\ روتينك اليومي في العيد ؟

مافي روتين في اعيادي احلى شي بالعيد بالنسبه لي انه يتغيير
بس اهم شي افطر الصباح برى لما اكون لحالي هذا عيدي
لكن مع الاهل افضل فطورهم ويكون بعد صلاة العيد ناس وزحمه
وقهوه وسواليف وملابس عيد
احلى شي لما يخلص العيد ونبدأ تقييم الملابس والأجمل pb189



5\ أكله إعتدتي على أكلها في عيد الفطر؟

قرصان وجريش وحلاوة العيد
واحب توزيعات العيد للأطفال اللي كل طفل يكتب اسمه عليها pb189
ومرات يصير لي نصيب منها استانس فيها مدري ليه
إن شاء الله ربي إذا رزقني بطفل بطلع كل طاقتي فيها pb189

6\موقف طريف مر عليك في عيد الفطر وللحين ما نسيتيه ؟

مواقف طريفه صراحه ما اذكر بس بقول موقف شين و مانسيته
كنت بعيد وزحمه حريم وبنات في المجلس وجيت بدخل
إلا بزر يحبي وشغالته تناظره أنا ما انتبهت إلا يوم قربت عنده
فرملت وطحت والحريم اسم الله عليتس واللي جتني
والبنات يضحكون علي

وردة حساسة
19-08-2012, 07:35 PM
تصدقوا اني فرحت لما شفت الخيمه ماحطيت في بالي ان بيصير فيه خيمه
كل عام وانتو بالف الف هير وصحه وسلامه
وعسى الله ان يجمعنا في الرمضان القادم ونحن في اتم صحه وعافيه وعسى الله ان يتقبل صيامكم ويجعل عيدكم هذا عيداً سعيدا 
فديت الاسيويين اني ياحبي لكم

 أجمل عيد فطر مر عليك ؟
اعياد الفطر كلها جميلة بس اتذكر عيد ماراح انساه طبعاً جمعاتنا تكون في بيت ابوي العود الله يرحمه المهم ان ابوي العود يحبني حب مو طبيعي ويفضلني على بنات العيله كلهم عطاني عيدتي اول وحده وماعطى البنات المهم قمنا نراقص ونلعب وهبال بنات لين ماجو الكبار ونادونا تعالو يابنات ابوكم بيعطكم عيديه تعرفوا الغيره اشتغلت كلهم يعرفوا ان جدي عطاني وماعطاهم فسووا علي سور علشان ماقدر انزل الى جدي يعطيني يقولو انتي خلاص عطوش المهم اني مارحت ولما نزلت للغداء ماشفت الى امي تعطيني عيديه تقولي هذه من عند جدش شافش ماجيتي مع البنات وعطاني حقش الحلو في السالفه انه عطاني اكثر منهم في المرتيين ذيك الحزه بالفعل حسيت نفسي اميره مادري كيف ومادري ليش ماقدر انساها
 
 هل تظلونببيتكم والناس تجي تزوركم أم إنتم تتنقلون ؟

الاثنين بما ان العيد اكثر من يوم اول شي يجو يزورونا بعدين ناخد نفسنا ونروح نسير على الاهل والاحباب
 
روتينك اليومي في العيد ؟

روتيني ايام قبل اقدر افصله اما الحين ياحسره علي اول انتظر متى الساعه 6تجي ونصلي صلاة العيد مع الوالد وننتظره يخلص علشان يعطينا العيديه وحنا شاقين الحلق بعدين نطلع من الصبح ونعايد عند الاهل وتالي نروح بيت ابوي العود ونتغداء ونلعب وغيره بعدها تروح الملاهي 
اما الان اصلي صلاة العيد لحالي ماطلع اقعد بس كذا لانو انا وحيده ماعرف وش اسوي افطر وانام لي شوي حتى روحتي لبيت جدي قطعتها بعد ماتوفى بعدها العصر تحي الناس الينا تعايد وبس يمكن تحصل لي طلعه ويمكن انطبن في البيت 

شئ ودك تسوينه كل عيد ولا سويتيه للآن ؟
اني اسهر مع بيت خالتي ونعمل سهره ماحصلتش سهره على بعدها نشغل لينا افلام منوعه من رعب الى اكشن الى رومانسي ونشاهدهم وماننام الى يوم ثاني....طبعا هذا شي ماراح يتحقق ياحسافه

أكله إعتدتي على أكلها في عيد الفطر؟ 
مافيهاكله محدده ابداً اي شي اكله يعني رز مثلاً لان اشتقت به بعد انقطاع ثلاثين يوم بس اكلها محدده ماكو

موقف طريف مر عليك في عيد الفطر وللحين ما نسيتيه ؟
امممم الي اذكره ان سنه من السنين جو رجال الفريق يعادووون بابوي المهم انهم جو على جمعات متفرقه مو كلهم مع بعض وكل واحد يقولي عيدكم مبارك كل عام وانتي بخير ماعرف ويش ارد عليه الاحراج انه يضحك علي ويعلمني ويش اقول شفتو الاحراج كيف ومنها صرت كله اسأل ابوي اذا احد قالك عيدكم مبارك ويش ترد ومع هذا ساعات انسى واسلك نفسي باي شي

روزفيري
19-08-2012, 08:12 PM
السلام عليكم ورحمة الله وبركاته...

عيدكم مبارك وكل عام وإنتو بألف خير....

هذا ثالث عيد لي في إقلاع hap: يعني توني عمري 3 سنوات :rolleyes:، معناها توني صغيرة ترى pb036 ، يعني وين العيدية pb094

1\ أجمل عيد فطر مر عليك ؟
الصراحة العيد هالأيام غير عن أول، أول أحلى بكثير... نتجمع أكثر ونشوف بعض أكثر وننقز من بيت لبيت... أما ألحين الناس تفرقت وتوزعت في كل مكان.... غير إن هالأيام أحس ما له داعي الكشخة، ثلاث أرباع الوقت متغطيين حتى أولاد العائلة المصونين يدخلون يسلمون على جدتي pb131

2\ هل تظلونببيتكم والناس تجي تزوركم أم إنتم تتنقلون ؟
لا إحنا اللي نتنقل...

3\ روتينك اليومي في العيد ؟
أبد سلامتكم... أقعد ( ولا حظوا أقعد أنا لحالي) من الصبح أخلص أشغالي وباقي الجماعة يمدي بعد صلاة الظهر.... نروح الظهر بيت أهل أبوي ونتغدا عندهم وبعدين نرجع البيت العصر واللي يبي ينسدح ينسدح، أما البنات طبعاً مستحيل، نجلس نتجهز لما بعد المغرب pb024...
أما بعد المغرب نروح بيت أهل أمي والعشا عندهم... عاد في طريقنا لبيت أهل أمي نمر يمكن على 5 أو 6 بيوت نعايد عليهم... غير الأعراس اللي في أسبوع العيد نشوف فيها باقي العائلة الكريمة...

4\ شئ ودك تسوينه كل عيد ولا سويتيه للآن ؟
نلعب بالألعاب النارية... في سنة خالي جاب لنا ألعاب على أساس نطلع ونستانس في ساحة البيت، بس ذيك اللحظة جا ولد خالتي، وبما إني الوحيدة اللي أتغطى ذاك الوقت انحبست داخل والكل طلعوا فلوها برة :sm1: ... القهر أنا كنت من العصابة اللي خططت لهالجريمة ويجي ذاك يقول مو بكيفها تبي تشوف ، تتغطى وتطلع ما تبي تجلس داخل ... في ذمتكم مو قهر :sm8:
للحين في نفسي، بس ما أحد مسانعني pb093....

5\ أكله إعتدتي على أكلها في عيد الفطر؟
والله على هوا أهلنا، بما إن وجباتنا عندهم يسوون لنا بكيفهم... بيتنا ما نطب المطبخ يوم العيد pb034 ...

6\موقف طريف مر عليك في عيد الفطر وللحين ما نسيتيه ؟
طريف ما أذكر بس لو قلتي يقهر يا كثر المواقف اللي تقهر... مثل سالفة الألعاب النارية...
وسالفة ثانية للحين باطة كبدي... سنة دبقت فيني بنت خالتي إلا تحطين لي مناكير، أنا خلقة ما أطيق هالبنت ولا أطيق المناكير وأساساً عندي حساسية من المانكير وما أتحملهم... لا والكل هيه هيه هيه (ضحكة ماصخة) تحبك وتبيك إنتي تحطين لها... يا بنت الحلال طسي لأمك وألا وحدة من خواتك تحط لك مو جاية تفهم... آخر شي فتحت المناكير ونصها على فستاني، والقهر حمرا وما رضت تطلع من الفستان... يعني فستاني في الزبالة ما له أمل ينلبس ثانية...
عاد اللي يقهر زيادة إن بيرقعون لها قالوا لي هذا عقاب من الله لأنك لابسة قصير وهذا هو اخترب الفستان، أي قصير خلف الله علي، لنص الساق...


حالياً اليوم حلو إلى الحين... فلة مع بنات عمامي... نشوف الليلة شنو بيصير في الشوط الثاني من يوم العيد hap: ...

جاني... pb189bp039

R a g a z z a
19-08-2012, 10:19 PM
كل عام وأنتم بخير وصحّة وسعادة
ينعاد علينا وعليكم لا فاقدين ولا مفقودين ياربّ pb189

كان ودّي أشارك وأجاوب على الأسئلة
لكن للأسف ماعندنا عيد ..
اليوم زيّ أمس نفس بعده pb036

Ren chan
19-08-2012, 11:12 PM
كل عام وانتم بخييييير pb189pb189pb189
رمضان هالسنه خلص بسررعه ما حسيت فيه , الله يتقبل صيامنا جميعاً ويعيده علينا بالصحه والسلامه pb189bp039


أجمل عيد فطر مر عليك ؟

أعياد الفطر كلها متشابهه إلا مره قبل سنتين في بيت خوالي كانوا جايبين ملاهي في ساحتهم لأنها مره كبييره وجايبين آلة الأيسكريم وحلاو القطن والفشار وحاطين منصة فيها عروض وأغاني وكل الناس كانوا مجتميعين وإزعاج حسيته عييد مميز وممتع pb189:sm5:

2\ هل تظلونببيتكم والناس تجي تزوركم أم إنتم تتنقلون ؟

ننتقل من بيت لبيت ويزورونا أحياناً pb189

روتينك اليومي في العيد ؟

من بعد الساعه 2 اول ما يدخل العيد أبدأ اجهز نفسي وما انتهي إلا 6 ونص او 7 ونروح لبيت جدي واقاربنا واحد واحد وما نرجع للبيت إلا العصر هنا انام وما اصحى إلا 10 او 11 في الليل وأجلس عند التلفزيون نص ساعه واقوم واروح غرفتي عالنت وكأنه يوم عادي xD

4\ شئ ودك تسوينه كل عيد ولا سويتيه للآن ؟

أسهر في بيت جدي بس ما اقدر لأني أكون تعبانه أول ما نرجع من عندهم العصر وابي انام :(pb189

5\ أكله إعتدتي على أكلها في عيد الفطر؟

التوزيعات والشوكولاته :Dpb189

6\موقف طريف مر عليك في عيد الفطر وللحين ما نسيتيه ؟
مو موقف طريف بس ضحكت عليه اليوم , جا اخوي الصغير عمره 4 سنوات بيعيد علي اعطاني حلاوه وقال " أم العايدين " pb027
ما أذكر صارت لي مواقف طريفه في العيد إلا يوم كنت صغيره في الإبتدائي , كنا عند خوال امي نلعب بالمراجيح حقتهم انا وبنات خالتي وشوي يجون عندنا اولاد كبار شوي ويجي واحد منهم يمسك عامود المرجيحه ويحركه بقوه يقول بقلبها عليكم وبنت خالتي بكت من الخوف وانا مسويه فيها شجاعه قلت له ما تقدر pb034 وشوي يقومون اصدقائه كلهم ويمسكون كل العواميد ويقولون بنطيحها عليكم وقتها خفت وجلست ابكي معها وراحوا عنا :D

الحين وقت العيد قصييير على طوول يخلص كلها 9 ساعات بالكثير ونرجع للروتين اليومي القديم xD

Red and Gray
20-08-2012, 02:28 AM
-
http://24.media.tumblr.com/tumblr_m90ep8r0Ku1ruj2xgo1_500.png
<< ملطوشه من التمبلر pb095

اول شيء جعله اعوام عديده يارب وكل سنه وانتم طيبين حبايبي pb189

الحمد لله بعد شهر اتممت فيه ختم كتاب ربي
جعلنا الله من المقبولين يارب ..

قبل ما ابدا ..
بنات الخيمه الرمضانيه وربي احبكم
لو يسع المكان كان هذرت عنكم كم وربي ما ادري وش اقول بس M A Y O R Y
فجأتني بفضفضتها الي اعطتني اكثر من حقي وبدت انطلاقة البنات وراها ..

وكمان قبل لا ابدا ..
مقطع عن صلاة العيد في كوريا (http://www.youtube.com/watch?v=GPOg2bGxZ_Y) للاسف بحثي ضئيل فأعذروني ..

تعليقي على من سبقني
ريلينـا
ويه ويه حنا خلاص صار ممنوع حبة الراس يوم العيد علشان هالحركه
فصرنا نسلم بالخد . واحد من خوالي يقول حبوا راسي ولا صافحوا مير مفهيه
وحبيته على خده قالي ليش حبتي خدي .. قلت روجي اورنج hap:

مس عواش
تقبل الله حبيبتي .. اما عن الروحه للمسجد وانتي مالك صلاة
يا كثر ما تصير لي لدرجه اني ما اذكر آخر مره رحت وصلت
وشعرك ليسيه وبعدين لفيه كعكه بطريقة حلوة
ايايا لو فتحتيه متي حر ورفعتيه ..

M A Y O R Y
صادقه العيد في الطفوله شيء جميل لكن الله يخلف علي كنت هاديه
ما اطلع كثير وان طلعت ما رجعت الا بمصيبه فاحس عيد الفطر ما يفرق
لكن الاضحى هو الي صار مره عادي بعد ما تغطيت ..

نور من السماء
ياهلا والله ..
موقفك قوي جدا رحمتك والله ..
بس حاسه فيك لاني لابسه هالسنه كعب عالي مره
وكل هاجسي اني ما اطيح قدام الناس
عاد الحمد لله تم بخير ..

وردة حساسة
الله يرحم جدك ويسكنه مواسع فضله ..
ومن العيد الجاي اكسري الحاجز وروحي للعيد في بيت جدك
علشان تحسين بطعم العيد بشك اكبر ..

روزفيري
ياحبي لك ويا حبي لسواليفك
اول مره اسمع انسان ما يحب المانكير << لا تلومينها مهوسه فيها
و فستانك جيبي مزيل مناكير وخطيه في قطنه وخلي فوطه صغيره ورى القماش
علشان ما يصبغ على اللبس لما تجلسين تزيلين المناكير
امسكي بالقطنه على خفيف لا تفركين بقوة خفي يدك
اول ما تخلصين راح يبقى لون احمر خفيف خوذي لبسك وجيبي حوض
وحطيه فيه فنش للملابس الملونه اذا كان ملون وخليه عشر دقايق
بعدين اغسليه راح يروح لونه اكيد ان شاء الله
واسالي الوالده قبل يمكن يكون قماشك ما ينفع له ولا كذا ..

R a g a z z a
ليش التشاؤم هذا كله ..
تعرفين ان الفرح في العيد سنه وانه راح يجيك اجر
واذا ما في عيد اخترعي لك عيد
اعرف بنات غيروا مفارش اسرتهم وشروا بجايم وقمصان للعيد
بس مجرد اننا نحس بالعيد ونقدسه ونسوي له اشياء مفرحه
بحد ذاته يسمى عيد ..

Reyuya
يوووه انتي من الناس الي زيي تخمد كل اليوم ..
اكره هالصفه فيني ..

الحين جاء دوري ..

شعوري هالسنه غير مره ما ادري ليش يمكن لاني تجاوزت كثير تحديات
ومن اهمها اني رجعت الانسانه التفاؤليه الي فقدها اكثر من سنتين

1\ أجمل عيد فطر مر عليك ؟
اعياد الفطر كلها جميله مره يمكن لو سالتني عن الاضحى
لكن هالسنه مميز بقوة لاننا سوينا عيديات لبعضنا
وانا الي ابتكرتها وكل واحد ساهم في شيء علشان يكون سبشل
2\ هل تظلون ببيتكم والناس تجي تزوركم أم إنتم تتنقلون ؟
<< كل مره اقرى السؤال من الي قبلي اللحس ..pb027
لا حنا ما نجلس في البيت من استراحه لاستراحه
3\ روتينك اليومي في العيد ؟
بتكلم عن العموم يعني مو هالسنه بس
نقوم الفجر ولا امثالي تصير مواصله ..
نتجهز للين وقت الصلاة ونروح نصلي العيد وناخذ الخدامه
الي يكون لها دور اساسي من الكركره اليوميه لانها تاخذ كيس كبير
وتترسه حلويات وعيديات ..
وبعدها نرجع نتقهوى وتجيب ماما حلويات العيد و حنا نهدي امي وابوي
عيداتهم لكن هالسنه اهدينا بعضنا كلنا مو بس ماما وبابا ..
وبعدها على 7,30 نطلع لعيد خوالي الى 11 وبعد كذا نرجع للبيت
نبدل السيارات وننطلق للقصيم طبعا اكون نايمه طول الطريق بسبب المواصلة
ومن نوصل هناك اسلم على جدتي و دخل اريح شوي الين 9 الليل
وروح لعيد عماني او اذا كانوا مخلينه ثاني العيد يكون يوم سبات بالنسبه لي
4\ شئ ودك تسوينه كل عيد ولا سويتيه للآن ؟
اني ما انام طول يوم العيد واخلي لبس العيد بكامل رزته علي << فيني طفوله صح :rolleyes:
5\ أكله إعتدتي على أكلها في عيد الفطر؟
الككاو وسبع تمرات اول الصبح
6\موقف طريف مر عليك في عيد الفطر وللحين ما نسيتيه ؟
الله من المواقف لكن اليوم صار لي موقف شوي طريف
جيت اسوي فيني يقالي سنعه واروح لصاحبه العزيمه واقول لها
اكرمك الله وان شاء تعزمينا في عرس فلان
الا بدال ما انطق اسم الولد نطقت اسم الابو لا وانا ووجيهي
اقول الدله ما تدرون كيف ضاع البرستيج وصرت بس اتعذر ..

وخلصت مطولتي ابشركم
-

Jumanh "
20-08-2012, 03:10 AM
السلام عليكم
كل عام و إحنا الشعب الأسيوي بخير :d
على قولة بنت عمي "الشنق بنق " pb036 :d

ما أتوقع احد فيكم يعرفني مع إني أرد كثير هنا :(
إختكم كانت الحائرة بين الأقسام لما إستقرت هنا و حبتكم
لذا " تشومال كمساميدا " على كل شيء pb189pb189pb189pb189

يا رب عقبال 100 سنة قدام مع بعض
نترجم و نتحمس و نضحك و ننقهر سوا :d
و نحارب القنوات الي تبي تشوه صورة حبايب قلوبنا :sm1: pb095

جد جد إنتم و القسم صرتم جزء كبير في يومي bp039
يكفي الفرحة الي أحس فيها لما القا أخر الأخبار و الدرامات و البرامج عندكم pb189

سأرنقهيو pb189pb189pb189pb189pb189


1\ أجمل عيد فطر مر عليك ؟

و أنا رابع إبتدائي :d كانت جمعة كبيرة بقرية و متعه pb189

2\ هل تظلونببيتكم والناس تجي تزوركم أم إنتم تتنقلون ؟

إحنا نتنقل :d

3\ روتينك اليومي في العيد ؟

نروح لجدتي الساعه 6 و نطلع بعد ساعه نروح لبيت عمي الكبير
و نفطر سوا لما الظهر نكون مجتمعين بعدها نرجع ننام :d
ندخل بغيبوبه جماعيه :d و بعدها في الليل العشاء الكبير مع العائلة

4\ شئ ودك تسوينه كل عيد ولا سويتيه للآن ؟

مدري مافي :d

5\ أكله إعتدتي على أكلها في عيد الفطر؟

جريش مرة عمي :sm1:pb189pb189pb189pb189

6\موقف طريف مر عليك في عيد الفطر وللحين ما نسيتيه ؟

لما إحترقت تنورتي بالعيد بسبب هالصواريخ :(
و جو بنات عمي يطفونها برجولهم :sm1: و يشوتوني بعد :eek:
للحين ما انسى شكلي pb192


سمّو حلاوة العيد

http://a1ash.com/up/uploads/a7884b2234.jpg

R A Y $
20-08-2012, 04:14 AM
-

وخخخ انا جيت pb094pb027
المهم مً علينآ بجآوب ع الاسئلة اول شيء ~~
1\ أجمل عيد فطر مر عليك ؟

مُ في عيد ممحدد بس قبل 4 سنوات كانت كل الاعياد حلوة ! بعدهآ بدت تسمج وصار طفش :(
كنآ مضارب مع العيال وطارطيع وفلهه ! بس الحين نغطي والعيال كبروآ pb027 !!
2\ هل تظلون بيتكم والناس تجي تزوركم أم إنتم تتنقلون ؟
بالنسبة لنآ محد يجينآ pb027 ! احنا نروح عند جدي ابو ابوي و هكذآ الاجداد يعني ! وكل العائله
يجتمعون هنآك pb027pb189
3\ روتينك اليومي في العيد ؟
ليله العيد اتروش وعلى الساعه 2 لليل استشور واجهز قشي ووكذآ pb027 ، ثم ننتظر اذان الفجر
نصلي الفجر بالبيت ونروح صلاه العيد بس pb036 ! ونرجع ع الساعه 7 ونص او 8 وو نرجع ننام pb027
مانزور احد ولا شيء واصحى على 2 الظهر ونتغدى ونتجهز عشان المغرب على طول نروح عند جدي
واعمامي وعماتي واهل ابوي عمومآ يكونوآ هناك :rolleyes:pb189
اليوم الثاني برضوآ قاعدين بالبيت بس احيان يجونآ عماتي وعماني ع الساعه 9 الصباح
وانا م اشوفهم اكون نايمة وما اصحى غير 3 الظهر ونتجهز لين المغرب كمان ونروح عند خاله امي
كل العآئلة تجتمع عندهآ ثاني يوم :rolleyes: ! ثالث يوم ورابع يوم نتمشى مع عماني او نطلع الطايف :sm18:
وبس عيدنآ احنا بالنسبة لبيتنا طفش عكس كل عماني وعماتي من شقه لشقه وبيت لبيت ماشاء الله
الا احنا بس نبغآ ننام ومحد له نفس يقوم ويتجهز غيري :sm1::sm1: !
4\ شئ ودك تسوينه كل عيد ولا سويتيه للآن ؟
اول يوم ازور اي احد بعد صلاه العيد !! ع الاقل احس اني بعيد صدق :(pb019
5\ أكله إعتدتي على أكلها في عيد الفطر؟
هممم مً في شيء محدد pb094
6\موقف طريف مر عليك في عيد الفطر وللحين ما نسيتيه ؟
يً كثرهآ المواقف !! اذكر العيد الي فات امي غصبتني ادخل المطبخ واقدم الاكل وانا اكره الشيء ذا :sm18:
عندي مو مشكله اسوي اي شيء بالمطبخ لكن اقدم الاكل لا !! المهم فيه ستاره بين مجلس الحريم و مرر الرجال !
وانا اقدم الصحون ل عمي عشان يدخلهآ عندهم فجاه طلع لي ولد عمتي و انا مو منتبهه ومن الخرعه
طيحت الصينية الي فيهآ العصيرات :) ! وهو دخل يتمتم يقول وش شافت جني :) ؟

المهم انتو سيبوكم من الكلام ذآ كله اول مارجعنآ البيت امي ماسكنتي تأديب ! تقول اصلك مو متعودة ع الكرف !!
شوفي البنات كلهم يقدمون ومحد سوآ زيك !! ف عشان ذي السالفه انا العيد ذآ انسدحت بالمطبخ
عشان لا يقولون ما سوت شيء :)pb027
نترجم و نتحمس و نضحك و ننقهر سوا
و نحارب القنوات الي تبي تشوه صورة حبايب قلوبنا
شكلك جاية طازةة من النادي دراما الكورية pb027 ! وماتقصدين ابد ام بي سي pb027:sm1:

ع العموم بجي ارد بعد ما اشوف حماس وتخطيتوآ مرحلة الاسئله :D pb189pb189

B n a n a ~
20-08-2012, 09:53 PM
*

السلام عليكم ورحمة الله وبركاته pb189 ،

كل عام وانتم بخير hap:
الله يتقبل منا ومنكم صالح الأعمال والطاعات pb189


انا من أمس اشتقت لرمضان :(pb189
مرتب الوقت + عارفين وش بنسوي .. وش لنا وش علينا
حتى الأكل وقته واحد وكلن يجلس ع السفره وكل شيء مترتب

الحين رجعنا للحوسه .. لا في النوم ولا في الأكل ولا في الاجتماع pb093
طبعا ً حنا امس عيدنا بس اليوم مافي ولا أي شيء pb027
كأنه يوم عادي من أيام الاسبوع اوقات الدراسه هدوء ناس تصحى وناس تنام

بكره إن شاء الله نكمل عيدنا عند خوالي ولأول مره من فتره
بننام عندهم وبنات خالتي بيجون يعني قمة الحماس :sm5::sm5:

،

بالنسبه للعيديات ..
مدري بس نسيت من متى استلمت عيديه ؟ pb027
الظاهر اللي يكبر ماعاد يصير له نصيب pb093 خخخخخخخخخخ
مافي الا هالبزارين ماشاء الله من كثر العيديات مايقدرون يشيلونها لحالهم

::

خارج العيد
بما إني انسانه ماعاد ابي اجلس بالبيت
ابي اتوظف أو ادرس انقلش ( عندي ثلاث مستويات فيها ) بس ماكملت لإننا نقلنا
من المنطقه اللي كنا فيها

بسأل Red and gray pb189
وش المعهد اللي تدرسين فيه ؟
وهل تدريسهم قوي .. لإن خلاص حطيت ببالي هدف
ويارب احققه وتموت هالعجازه اللي بداخلي
إني اتقن اللغه الانجليزيه بما إني احبها نوعا ما وبما ان كل شيء صار يعتمد عليها : (



،

وعيدكم مبارك مرتن أخرى pb192

Red and Gray
21-08-2012, 12:29 PM
^^^^^^^^
مو معهد دبلوم مسائي في جامعه الامام


بنات وش عندكم نايمين ..

انا توني بنام قوووموووا ^^

لوليـ-شان
21-08-2012, 12:59 PM
عيد سعيد جيت متأخرة

الله يتقبل منا ومنكم صالح الأعمال والطاعات

1\ أجمل عيد فطر مر عليك ؟

ولا عيد محدد كل عيد وله جمال خاص به

2\ هل تظلون ببيتكم والناس تجي تزوركم أم إنتم تتنقلون ؟

لا صراحه نروح لجدتي ونتعيد هناك بالصباح ونرجع للبيت الظهر ونام

5\ أكله إعتدتي على أكلها في عيد الفطر؟

لا شيء محدد
انيوbp039

R a g a z z a
22-08-2012, 05:54 AM
صباح الخير
كيفكم بنات .. وكيف أيام العيد معاكم !


Red and Gray (http://www.vb.eqla3.com/member.php?u=449079)
ماعمري فكّرت فيها إني أتعيّد مع نفسي أبدًا
فكرتك جميلة إن شاءالله أطبقها السنة الجاية
إذا ربي كتبنا من الحيّين pb189


ثاني عيد للفطر يمرّ علي وأنا نفسيتي x
مدري وش بي pb093 !
خوالي إجتمعوا مرّتين ليلة العيد وأمس ولا رحت مع أهلي .. عجزت أغصب نفسي pb036

JAE'MOON
22-08-2012, 07:14 AM
pb189،
كل عام وانتوا بخير يا - أهل الاسيوي -
ومن العايدين الفايزين ان شاء الله pb189 pb189

1\ أجمل عيد فطر مر عليك ؟
بشكل عآم اعيآد اول واحنا صغار له طعم ثاني :sm1:pb189
وكلما كبرنا كلما تغيرت فرحتنا وحماسنا للعيد :( ..!

2\ هل تظلونببيتكم والناس تجي تزوركم أم إنتم تتنقلون ؟
pb027 اول يوم الزحمة والحوسة كلها ببيتنا ، ثاني يوم ينتقل هالعفسة
وحوسة العيد ببيت جدي ، وثالث ورابع يوم زيارات وتجمعات قصيرة في بيوت الاهل

روتينك اليومي في العيد ؟
نتجمع انا وبنات عمي ع طلعة ابهآتنا لصلاة العيد ...
ونكشخ مع بعض وبعد هذا ننتشر ارجاء المنزل نسنع مجلس الرجاجيل ومجلس الحريم
وحده تستلم البخور والباقي يرتبون الوضع هني وهناك ...الخ
وبعده نسلم ع الضيوف ونتركهم مع امهاتنا خخخخ ونروح احنا البنات محتفل بالعيد
بطريقتنا hap: ... وغيبوبة جماعية بعد الظهر قريب الساعه 2 ، ونكمل عيدنا
بعد الساعه 6 ودفعات اخرى من الزوار.. وع نفس نظام الصبح ...
وينتهي اول يوم بطلعة عشآآ مع بنات العمـــ pb189 ..

5\ أكله إعتدتي على أكلها في عيد الفطر؟
امممم يمكن الكنافة والبقلاوة خخخخخخ ياكثرهم في العيد
وين ما اروح جدامي فــ اضطر اكل ولو اني مو من محبي هالسوالف pb027
6\موقف طريف مر عليك في عيد الفطر وللحين ما نسيتيه ؟
خخخخخ لقيت عمي واقف جاي بيسلمنا عيديتنا عند باب الصالة واحسبه اخويpb192
قمت اهاوشه ويآني خربط حجي موب صاحي pb027 زين ماعطاني كف بس pb189
،
وكل عامــ وانتوا بخير يا شعب الاسيوي اقين اند اقين ، اقين اند مولا
>براااا تكفين pb036
bp039.

رَذَاذُ مَطَر
22-08-2012, 09:17 PM
مساء الخير pb189pb189


1\ أجمل عيد فطر مر عليك ؟
أعيادي وأنا صغيره كانت أجمل بشكل عام كنت أفرح حتى بالريال واللبس الجديد اللي ما كنت ألبسه الا يوم العيد

2\ هل تظلون ببيتكم والناس تجي تزوركم أم إنتم تتنقلون ؟
في البيت لا نزور أحد ولا أحد يزورنا

3\ روتينك اليومي في العيد ؟
مالي روتين يومي
بس الأغلب نتعاود بعد الصلاه والرجال بعدين يفطرو ويروحو يجتمعوا عند أكبر شايب واحيانًا يجو عند جدي
والحريم نقابل وجيه بعض شوي بعدين كل وحده وكيفها في الأغلب أنام
وفي الليل تصير الجمعه الكبيره في استراحه

4\ شئ ودك تسوينه كل عيد ولا سويتيه للآن ؟
نفسي نصير ناس منظمين من ناحية صلاة العيد أو برنامج العيد أحس كل شي على قرارات سريعه

5\ أكله إعتدتي على أكلها في عيد الفطر؟
الرز واللحم ـ وأكله اسمها لقمه عباره عن بر وعسل << بس كلهم الاثنين ما أكلهم يوم العيد

6\موقف طريف مر عليك في عيد الفطر وللحين ما نسيتيه ؟
مو طريف بقد ما يكون مصيبه سويتها في نفسي
العيد اللي راح قررت أصبغ شعري ولأول مره في حياتي ومتعودين نصبغ في البيت بس قلت لأمي لا أبغا مشغل ورحت وقالولي 400 ريال طبعا قلت لهم كلو هوا ماني دافعه عشان صبغه
بعد فتره لا بأس بها رحت واشتريت صبغه وكنت عايزه لون أحمر كستنائي
ولأني أول مره اشتريت علبه وحده طبعا تهزأت عطيت عمي الكرتون يشتري لي وطبعا وصل صباح العيد لانه خرج يكمل مقاضي لزوجته وتأخرو
طبعًا صبغت والناس رايحه للفجر
الكل راح يصلي في مسجد القبلتين او قباء او الحرم ما عدا انا وماما
نزلت اساعدها قالت لي روحي صلي وما عليك مني
وانا اتروش نزلت خصله على كتفي وانبسطت نفس اللون اللي أبغاه
بس خلصت ووقفت قدام المرايه سقط قلبي وطار عقلي وطلعت عيوني
مقدمة شعري صارت احمر على برتقالي
تمالك حالي وطلعت لبست العبايه والطرحه وقلت لأمي أني طالعه حلفت علي انها تشوف الصبغه واعتقد انها طول ما انا في المسجد وهي تفكر في المصيبه اللي صارت من هول الصدمه
طعا رجعت الكل لابس ومتكشخ وانا حاطه على راسي بندانه عشان ما تطلع المصيبه
ماما سربت الخبر للوالد اللي ناداني وشاف المصيبه بعد محاولات رفض مني وزطلق علي لقب الساحره الشريره
الحمدلله عدلت المصيبه وعملت صبغه بنيه فوق وطلع اللون اللي أبغاه ومتساوي مع درجة اطراف شعري


بالنسبه للعيديات
انا ناااسيتها من زمان الله يرحمني
الا ذا العيد جاتني هديه تفتح النفس

زي ما لاحظتوا ما عندنا عادات في العيد او روتين يومي غير الاستراحه ومعايدة الرجال يمكن لاني أصلا مو سعوديه وعاداتنا في بلدنا ما اعرفها بس امي تحكيني عنها من يوم ما انولدت وانا هنا عيد واحد عيدناه في بلدنا بس ما كان له طعم بدون بابا اللي ما قد طب البلد
اعيادي مره في جده ومره في نجران واخيرا المدينه واتمنى تكون ثابته

أنا صايره ما أحب العيد مع الناس أبدًا عندي حالة بغض مو طبيعي لهم (( للأقارب )) < لمن أقول أقارب اقصد فيهم الناس اللي أشترك معهم في الجد السادس > الحمدلله ربي انعم علينا بعد مشقه في العيش وبسبب هذي النعمه صار بابا موضوع نقد منهم بشكل فظيع الاستراحه نصها بابا يدفع الفلوس العشاء منه هو وفوق كذا بس ينقدوه أنا ايش لبست من فين لبست امي ينقزوها بالكلام يحشوا فينا عيني عينك امي وابوي من النوع اللي يحتسب الأجر ويسكت ما يردو وهذا الشي يقهرني احيانا لان الرد عندنا ممنوع امي تقول لو اساءو لك لا تكوني مثلهم وتفكيرك صغير بس أحيانا الواحد لازم يوقفهم عند حدهم
يكفي اتحمل نقزات زوجات اعمامي كمان اتحمل نقزاتها هي وبنات عمها واخواتها





طبعا خالاتي عندنا وجوا خواتي قبل شوي متكشخين وحركات
وينقدون على بجامتي pb095
بعدة دخلت العائلة الكريمة بنقاش سياسي
انا ادعم الموقف الانساني وهم يدعمون الموقف الوطني





خسااااااااااره كان نفسي أقلك في الخيمه الرمضانيه البسي وما عليك من خالاتك يقولو اللي يقولوه بس انشغلت وما دخلت الاقلاع pb094
بس وربي الرد كان في بالي
الحمدلله على كل حال

ونصيحه لا تدخلي في نقاشات مع العائله ياكلونك اكل تكرهين النقاش بسببه pb131pb131






وكمان قبل لا ابدا ..
مقطع عن صلاة العيد في كوريا (http://www.youtube.com/watch?v=GPOg2bGxZ_Y) للاسف بحثي ضئيل فأعذروني ..


ما شكلهم كوريين :rolleyes:




شعوري هالسنه غير مره ما ادري ليش يمكن لاني تجاوزت كثير تحديات
ومن اهمها اني رجعت الانسانه التفاؤليه الي فقدها اكثر من سنتين

الله يديمها عليك ياااااارب
عقبالي << صرت ما اعرفني نفسيتي pb093


لي عوده بإذن الله

ريلينـا
23-08-2012, 05:24 AM
صباح الخير .. اخبار العيد معكم
حنا عيدنا هالمره مدري كيف جاي بس اول يوم كان العيد عندنا وتجمعوا الناس وزحمه واستعبطنا شوي pb192
ومن بعدها طفى العيد ولأول مره امي وابوي يسافرون مع اخواني الصغار ويتركوننا لحالنا في العيد :(
خخخخ صح تحسون فله عشان البيت كله شباب بس نفاس زوجة اخوي عندنا والله عادي بس احس حوووووسه عاد مع سفرة امي كل الشغل على راسنا , كنا متأملين اذا امي سافرت نفلها ونطلب من المطاعم ومانتقيد بعشاء او غداء بس الحين غصب نتقيد لان المنفسه لازم لها رعاية خاصه < وضاعت كل خططنا ادراج الرياح pb027pb027
الا على طاري ادراج الرياح .. العيد نفس ماقالوا البنات وحنا صغار كان احلى مدري ليش يمكن لانه قبل كنا نفرح بكل شي
كنت اول يوم استغفر الله من كثر ما انا فرحانه بنفسي اقوم على قولتهم قبل الشحاته وبنتها والبس واتكشخ لدرجة اني البس الجزمه والشنطه داخل البيت يقالي يعني كل شي جديد وجايتكم بالقرطاسه pb027pb027pb027
ولما كنا نطلع كان ابوي وعماني شباب فيهم جو المرح يلعبون الدمينو وبلوت مع بعض وكان بينهم منافسات حامية الوطيس
مو الحين الله يخلف في الفطر يقولون حر مين يطلع بهالجو والاضحى برد بتمرضون مو فاضيين لكم .. مشاء الله اجل متى تفضون
لدرجة انه صارت امنيتي انه البقره تحج على قرونها ويتفضون لنا شوي :(

أي في شي لازم اقوله يمكن الاقي وحده تشاركني نفسييتي pb034
انا في البيت يسموني النفسيه لاني اكره شي اسمه العاب في الجوال او النت ..مستحييييل اقعد مسنتره مثلهم بالساعات على لعبه احس اني مالي هدف بالحياة pb036

pb189pb189MAYORY .. Red and Gray

ريلينـا
ويه ويه حنا خلاص صار ممنوع حبة الراس يوم العيد علشان هالحركه
فصرنا نسلم بالخد . واحد من خوالي يقول حبوا راسي ولا صافحوا مير مفهيه
وحبيته على خده قالي ليش حبتي خدي .. قلت روجي اورنج

خخخخخخخخخخخخخخخخخخخ والله انه حنا مسببين للعالم ازمه بس صدق استغربت هذاك اليوم كيف ماحد نقد علي يمكن اني قريت الاذكار بذمه وضمير.. بس بعدها وقسم بالله قمت الوقط وجهي احسها وصمة عار في تاريخي العائلي pb027

رذاذ المطر pb189
ياقوة قلبك ياشيخه اجل تصبغين فجر العيد انتي مغامره درجه اولى .. احس الصبغه تاخذ لها يومين على بال ما يثبت لونها الطبيعي على شعرك ..
يااااوك ما اتخيل شكلي مغامره بها الشكل :eek:


وبس تمسون على خير bp039bp039

Red and Gray
23-08-2012, 05:57 AM
صباح الخير
كيفكم بنات .. وكيف أيام العيد معاكم !


Red and Gray (http://www.vb.eqla3.com/member.php?u=449079)
ماعمري فكّرت فيها إني أتعيّد مع نفسي أبدًا
فكرتك جميلة إن شاءالله أطبقها السنة الجاية
إذا ربي كتبنا من الحيّين pb189


ثاني عيد للفطر يمرّ علي وأنا نفسيتي x
مدري وش بي pb093 !
خوالي إجتمعوا مرّتين ليلة العيد وأمس ولا رحت مع أهلي .. عجزت أغصب نفسي pb036




افا ليش ..
والله هالعيد وش زينه لو اني اسميه عيد المجاعه
بما انا ما رحنا للقصيم بسبب زواج عمتي الي راح يكون السبت الله يوفقها
وراحوا رجالنا كلهم وصرنا ما نروح ونجي براحتنا ولا رحنا لمطاعم ولا شيء
وانا متعوده ايام العيد على المطاعم امر عليها كلها hap:
اما عن نفسيتك ليش كذا
حتى بنت خالي تقول نفسيتها زفت ولا لها خلق تطلع
وش عندها العالم .. نفسيتها زفت انا نفسيتي الزفت راحت مع رمضان
وان شاء الله تروح نهائيا ..

JAE'MOON
من زمان ما طليتي على الاسيوي او ماشفتك انا هنا pb034
عيدكم فله تذكرني بعيدنا مع عماني كذا
تقلوين مافيه مرايه غير مراية غرفة عمتي
كلنا صوبها
لو انا واخواتي عندنا غرفه وتسريحه وكلش في بيت جدتي
لازم اروح اطل هناك واشوف اللمسات الاخيره

رَذَاذُ مَطَر
شوفي العيدات انا مسحوب علي من سادس
حتى هديه النجاح جدتي تعطيها من الشخص الي يدخل اولى ابتدائي
الين عمري كلهم ينعطوون 100 ريال
لي سنتين سحبتها اختي الي الحين رايحه لثاني ..
يوم جت هالسنه فرحانه ميتي بترجع قامت امي قالت ضفي وجهك يكفيك حافز:sm1:
المشكله ان امي وحافز متضامين مع بعض وساحبين علي كلهم pb036

واما المعايد يعجبوني اهلك .. وهذ ان دل على غيرتهم منكم
وكل ما شفتيهم يسبون استانسي واضحكي ودقي خصر وارقصي
يعني احترووا الين تشبعون
والاستراحه الجايه كثرووا جدران فيها علشان كل واحد يمسك جدار يصبخ راسه
هو صح يقهر وانا قد جربتها بس يختي ما فيه احسن من شعار طنش تعش ..


اليوم عازمه ماما بنات خالاتها على حسب وحده منهم راده من امريكا ..
انكرفت كرف مو صاحهي ولابسه فستان فستان ابيض يعني كل اليوم اتابع فستاني
والشغل .. والحمد لله طلع عزيمه ولا احلا ..
بس رجولي ورمت الحين pb192

M A Y O R Y
23-08-2012, 05:43 PM
-



تعرفون اللي مشاعره مختلطه ! وقلبه يطق يطق يطق :( pb189
بعد بكرا بنسافر برا السعوديه , وودي إني محمله مسلسلات وأفلام أطالعها هناك إذا رجعنا الشقه :sm1:
بس النت مخيسسسسسسسسسسسسسس :sm1: :sm1:
ياربيه فيني قهر قهر :sm1: , يحمل يحمل بعدين يوقف بنص الحلقه !
يعني لا أنا اللي ناظرتها الحين ولا أنا اللي بناظرها هناك
قبح قبح قبح :) pb189
لا والمصيبه إني طول عمري ما أحمل , أطالع أون لاين وبس
يوم جيت أحمل أحسب كل شي سوا pb095 وأحمل تورنت و مدري وشي الخرابيط
ومطاق مع التحميل آخرتها تطلع بدون ترجمه pb036 ولا ترجمة إنجلش pb036
جتني الصيحه :( , عقب عرفت إن الهاردسب هو اللي أبيه :sm5:


أي في شي لازم اقوله يمكن الاقي وحده تشاركني نفسييتي
انا في البيت يسموني النفسيه لاني اكره شي اسمه العاب في الجوال او النت ..مستحييييل اقعد مسنتره مثلهم بالساعات على لعبه احس اني مالي هدف بالحياة


تعالي نسوي صحيب pb094 pb189 , أخيرن لقيت أحد مثلي
ماعرف ألعب ولا أحب ولا أستمتع :) , يقولون لي وشوله شاريه آيفون أجل !
طيب الآيفون بس للألعاب pb036 والأيباد بعد مب للعب :sm18:

وش بكم ساكتين pb036

B n a n a ~
23-08-2012, 07:06 PM
أي في شي لازم اقوله يمكن الاقي وحده تشاركني نفسييتي
انا في البيت يسموني النفسيه لاني اكره شي اسمه العاب في الجوال او النت ..مستحييييل اقعد مسنتره مثلهم بالساعات على لعبه احس اني مالي هدف بالحياة


تعالي نسوي صحيب , أخيرن لقيت أحد مثلي
ماعرف ألعب ولا أحب ولا أستمتع , يقولون لي وشوله شاريه آيفون أجل !
طيب الآيفون بس للألعاب والأيباد بعد مب للعب


تعالوا اسوي معكم صحيب جماعي pb027 pb189
ما احب الالعاب ابدا ابدا :sm18:
يعني حتى يوم الناس طاحوا بالقيمزر " البلياردو " pb093
ويسوون دوريات وكذا .. يعزموني ماش مب جوي اسجل والعب مرتين وتحوم تسبدي واطلع pb027
حتى الجالكسي حقي مافي الا لعبتين بالبزره يقال ان فيه العاب
والا مسحوب عليها اوقات نكون طالعين تاخذه اختي تلعب pb192


،،


Red and gray
يعطيك العافيه ع الكرف pb189..
يا أن العزايم اوقات تجي بأوقات ماودك بها
بس يلا مضطرين خاصه اذا كنتي الكبيره لازم تكونين بوجه الكرف :sm17:

أجل دراستك مسائي بالإمام ..
شكلي براسلك خاص اعرف كيف طريقة التسجيل واذا متوفر للحين pb189
الظاهر إني بزعجك :$ من الحين تعودي ع خشتي ( تسوي لك تمهيد pb094pb027 )

،،

الظاهر خلص العيد صح ؟ pb036
حنا خلص عيدنا أمس يوم جينا من بيت خوالي
ياحلو جمعة البنات والنومه معهم
ملاحظه انا مثل البعض مستحيل اهلي يرضون انام ببيت خالتي او خالي pb056
اذا ببيت جداني ونجتمع كلنا يوافقون بطلعة الروح pb027

"

بس ما تلاحظون محد وده بالمدارس ؟pb036pb036
كلن يدعي ويقول وع وقرف pb027
اجل لو عطلتنا أقل من شهرين وش يسوي الشعب ؟
<- عشانها طالعه منها مسويه ناقده عليكم ههههههه pb027
والصدق ودي أداوم .. ف عشان كذا مستغربه منكم pb036 <- لا يكثر pb192


( ملاحظه اغلب ردي فيسات - انا وياها اوقات صحبه ) خخخخ
لاحظت بعد خذيت عليكم يا بنات الاسيوي ياحبي لكم pb189 كل يوم ناطتن اسولف pb189

رَذَاذُ مَطَر
23-08-2012, 07:10 PM
خخخخ صح تحسون فله عشان البيت كله شباب بس نفاس زوجة اخوي عندنا والله عادي بس احس حوووووسه عاد مع سفرة امي كل الشغل على راسنا , كنا متأملين اذا امي سافرت نفلها ونطلب من المطاعم ومانتقيد بعشاء او غداء بس الحين غصب نتقيد لان المنفسه لازم لها رعاية خاصه < وضاعت كل خططنا ادراج الرياح pb027pb027



لو أنا مكانك حتصير عندي حالة كآآآآآآآبه فظيعه :sm1: << أحسك متقبله الأمر نوعًا ما bp039

أكيد كنتي مبسوطه عشان تفليها بس مع النفاس صار العكس pb034pb034

مبروك ما جاكم الله يقومها بسلاااااااااامه وصحه وعافيه هي والمولود pb189pb189

معوضين ان شاء الله في وقت ثاني pb095



أي في شي لازم اقوله يمكن الاقي وحده تشاركني نفسييتي pb034
انا في البيت يسموني النفسيه لاني اكره شي اسمه العاب في الجوال او النت ..مستحييييل اقعد مسنتره مثلهم بالساعات على لعبه احس اني مالي هدف بالحياة pb036




+1

أكره الألعاب وتضييع الوقت عليها بس محملتها عشان استدراج الأطفال واستغلالهم لصالحي pb192pb034



رذاذ المطر pb189
ياقوة قلبك ياشيخه اجل تصبغين فجر العيد انتي مغامره درجه اولى .. احس الصبغه تاخذ لها يومين على بال ما يثبت لونها الطبيعي على شعرك ..
يااااوك ما اتخيل شكلي مغامره بها الشكل :eek:






هههههههههههههههه

حتى أنا مو عارفه كيف سويتها :eek:
لمن أفكر فيها الآن
يا ربي كيف كنت مجنونه وما حسبتها صح pb095
أصلا توبت ما عاد أصبغ ثاني كرهت الصبغات فوق كرهي لها
*وحده قالت لي بعدين أن الصبغات بدرجات الأحمر تعدم الشعر أكثر من الألوان الثانيه :(






رَذَاذُ مَطَر
شوفي العيدات انا مسحوب علي من سادس
حتى هديه النجاح جدتي تعطيها من الشخص الي يدخل اولى ابتدائي
الين عمري كلهم ينعطوون 100 ريال
لي سنتين سحبتها اختي الي الحين رايحه لثاني ..
يوم جت هالسنه فرحانه ميتي بترجع قامت امي قالت ضفي وجهك يكفيك حافز:sm1:
المشكله ان امي وحافز متضامين مع بعض وساحبين علي كلهم pb036

واما المعايد يعجبوني اهلك .. وهذ ان دل على غيرتهم منكم
وكل ما شفتيهم يسبون استانسي واضحكي ودقي خصر وارقصي
يعني احترووا الين تشبعون
والاستراحه الجايه كثرووا جدران فيها علشان كل واحد يمسك جدار يصبخ راسه
هو صح يقهر وانا قد جربتها بس يختي ما فيه احسن من شعار طنش تعش ..

pb192

يعني مو أنا وحدي اللي انسحب علي في العيديات pb027

يا هالحافز اللي ذلوكم فيه pb093
تصدقين كرهته أحسهم مو منظمين فيه والناس تتشكى منه ولا حد معطيهم وجهه :sm8:
القهر لمن يسحبو عليك أهلك ويقولو يكفيك حافز pb131
كان الله في عونكم pb189
ان شاء الله أمك وحافز يهديهم ربنا و يصيرو اصحابك وما يسحبو عليك pb192

بالنسبه لعايلتي الجميله اللي تهبل pb034
بالفعل التطنيش أحسن شي
وحركة الجدران يبغالي أدور استراحه من الآن عشان يضربو راسهم فيها ويفكوني
مشكلتي أنا مو من النوع الجريء زي أختي اللي تستمتع بقهرهم أنا يكفيني التطنيش والابتسامه البارده pb094

بما أنا نقلنا بيت جديد واللي عيدو هنا من برا المدينه لمحلو لماما انهم يبغو زياره للبيت قامت ماما عزمتهم على سهره طبعا الباقيين قالو ينفع احنا نجي كمان طبعا ماما انحرجت وقالت ايوه
المهم وبما أني مو طايقتهم ما كنت أقعد معاهم في المجلس وكل شوي أقوم أسوي شغل
مره قمت أشيل الفناجين وأوديها المطبخ كانو في اثنين قدامي دخلو قسم البيت التاني (( بيتنا قسمين مودرن وهذا اللي عايشين فيه وقسم الضيوف كلاسيكي )) بكل بجاحه بدون ما يستأذنوا وما كانوا عارفين اني وراهم وحده فيهم تقول واااااااو جميل رائع روعه جنان أنا طبعًا طول الوقت أقول بسم الله ماشاء الله اللهم احفظنا
بعدين حضرتها انتبهت لي وسكتت
وياليت احترمت نفسها ورجعت لا كملت دوران في البيت أنا قعدت في غرفه مقفله وأسمعهم يضحكو ويعلقو وصوريني هنا وصوريني هنا
ووحده ثانيه قامت تفتح أبواب الغرف حتى غرفة الأولاد اللي أخويا فيها فتحتها بكل بجاحه
طبعا أنا سفهتم وعملت نفسي ماشفت ولا سمعت شي الناس اللي من هذا النوع التصادم معهم مرضي لهم التسفيه هوا اللي يقهرهم

الله يحمي المسلمين جميعًا يارب pb189





اليوم عازمه ماما بنات خالاتها على حسب وحده منهم راده من امريكا ..
انكرفت كرف مو صاحهي ولابسه فستان فستان ابيض يعني كل اليوم اتابع فستاني
والشغل .. والحمد لله طلع عزيمه ولا احلا ..
بس رجولي ورمت الحين pb192

أهم شي طلعت العزومه حلوه :)

أكيد الفستان كان حلو يكفي لونه أبيض pb189pb189

حطي رجولك في مويا دافيه تهدأ





-



تعرفون اللي مشاعره مختلطه ! وقلبه يطق يطق يطق :( pb189
بعد بكرا بنسافر برا السعوديه , وودي إني محمله مسلسلات وأفلام أطالعها هناك إذا رجعنا الشقه :sm1:
بس النت مخيسسسسسسسسسسسسسس :sm1: :sm1:
ياربيه فيني قهر قهر :sm1: , يحمل يحمل بعدين يوقف بنص الحلقه !
يعني لا أنا اللي ناظرتها الحين ولا أنا اللي بناظرها هناك
قبح قبح قبح :) pb189
لا والمصيبه إني طول عمري ما أحمل , أطالع أون لاين وبس
يوم جيت أحمل أحسب كل شي سوا pb095 وأحمل تورنت و مدري وشي الخرابيط
ومطاق مع التحميل آخرتها تطلع بدون ترجمه pb036 ولا ترجمة إنجلش pb036
جتني الصيحه :( , عقب عرفت إن الهاردسب هو اللي أبيه :sm5:



تعالي نسوي صحيب pb094 pb189 , أخيرن لقيت أحد مثلي
ماعرف ألعب ولا أحب ولا أستمتع :) , يقولون لي وشوله شاريه آيفون أجل !
طيب الآيفون بس للألعاب pb036 والأيباد بعد مب للعب :sm18:

وش بكم ساكتين pb036

تسافرون وتردون بسلااااامه يارب
وهذا أكره شي في السفر << انقطاع النت عنك pb093
بالنسبه للتحميل أنا عكسك كنت أحمل دايما والآن صرت أتفرج أون لاين أحسن لي
التحميل يحرق الأعصااااااااااااب pb131


بالنسبه للآيفون طبعا أخواني كل شوي يتميلحون عندي
ـليش طيب ما تلعبي ؟؟
ـوي الآيفون مو للعب بس pb036
ـطيب خلاص أعطيني اياه
ـيا سلااااام انقلع انت واخوك :mad:

أحس بالقهر
الناس مستفيده من تقنية الآيفون في أشياء ثانيه
وأغلب العرب استفادو منها في الألعاب pb093
في برامج ثاانيه حلوه وجميله جدًا بس مهضومه بسبب الألعاب pb093

Red and Gray
23-08-2012, 10:57 PM
-



تعرفون اللي مشاعره مختلطه ! وقلبه يطق يطق يطق :( pb189
بعد بكرا بنسافر برا السعوديه , وودي إني محمله مسلسلات وأفلام أطالعها هناك إذا رجعنا الشقه :sm1:
بس النت مخيسسسسسسسسسسسسسس :sm1: :sm1:
ياربيه فيني قهر قهر :sm1: , يحمل يحمل بعدين يوقف بنص الحلقه !
يعني لا أنا اللي ناظرتها الحين ولا أنا اللي بناظرها هناك
قبح قبح قبح :) pb189
لا والمصيبه إني طول عمري ما أحمل , أطالع أون لاين وبس
يوم جيت أحمل أحسب كل شي سوا pb095 وأحمل تورنت و مدري وشي الخرابيط
ومطاق مع التحميل آخرتها تطلع بدون ترجمه pb036 ولا ترجمة إنجلش pb036
جتني الصيحه :( , عقب عرفت إن الهاردسب هو اللي أبيه :sm5:



تعالي نسوي صحيب pb094 pb189 , أخيرن لقيت أحد مثلي
ماعرف ألعب ولا أحب ولا أستمتع :) , يقولون لي وشوله شاريه آيفون أجل !
طيب الآيفون بس للألعاب pb036 والأيباد بعد مب للعب :sm18:

وش بكم ساكتين pb036

ههههههههههه رحمتك ومت ضحك عليك من جد ذكرتني بأول دربي ما اعرف احمل
وعلة الحين خبيره تحميل مع مرتبه الشرف كمان ..
انا ما احب اولاين لو ان نت البيت مره حلووو بس ما احبه
واعادي احمل حلقه واشوفها ثمين احذفها ما عنديش مشكله ابدا ..

اما الالعاب هذي كنت اكرها كره العماء الين شريت التاب
ومع رحلة الباص الصباحيه صرت ياملحي اعرف وش هي الالعاب
بس اغلبها زي السنافر وعمران المدينه كذا احب ابني وقت وحركات بدون حرق اعصاب

red and gray
يعطيك العافيه ع الكرف pb189..
يا أن العزايم اوقات تجي بأوقات ماودك بها
بس يلا مضطرين خاصه اذا كنتي الكبيره لازم تكونين بوجه الكرف :sm17:

أجل دراستك مسائي بالإمام ..
شكلي براسلك خاص اعرف كيف طريقة التسجيل واذا متوفر للحين pb189
الظاهر إني بزعجك :$ من الحين تعودي ع خشتي ( تسوي لك تمهيد pb094pb027 )

حياك قلبي وش ازعاجه اذا كان الي بينا فائده ..
وتقدرين تاخذين معلومات من نفس موقع الجامعه
في قسم الدبلوم راح تستفيدين منها كثير ..
خصوصا ان دراستها مريحه بس عيبها انه مو مستويات
الظاهر خلص العيد صح ؟ pb036
حنا خلص عيدنا أمس يوم جينا من بيت خوالي
ياحلو جمعة البنات والنومه معهم
ملاحظه انا مثل البعض مستحيل اهلي يرضون انام ببيت خالتي او خالي pb056
اذا ببيت جداني ونجتمع كلنا يوافقون بطلعة الروح pb027
حنا ما خلص بنروح بكره للقصيم ان شاء الله وبعد زواج عمتي بنسوي عيددنا
لاننا ما اجتمعنا بدري هالسنه

[center]
[center]يعني مو أنا وحدي اللي انسحب علي في العيديات pb027

يا هالحافز اللي ذلوكم فيه pb093
تصدقين كرهته أحسهم مو منظمين فيه والناس تتشكى منه ولا حد معطيهم وجهه :sm8:
القهر لمن يسحبو عليك أهلك ويقولو يكفيك حافز pb131
كان الله في عونكم pb189
ان شاء الله أمك وحافز يهديهم ربنا و يصيرو اصحابك وما يسحبو عليك pb192
لا الحمد لله اهلي مو مقصرين معي بشيء بس انا طماعه حبتين
ويارب يتصالحون وانا المستفيده ..


بما أنا نقلنا بيت جديد واللي عيدو هنا من برا المدينه لمحلو لماما انهم يبغو زياره للبيت قامت ماما عزمتهم على سهره طبعا الباقيين قالو ينفع احنا نجي كمان طبعا ماما انحرجت وقالت ايوه
المهم وبما أني مو طايقتهم ما كنت أقعد معاهم في المجلس وكل شوي أقوم أسوي شغل
مره قمت أشيل الفناجين وأوديها المطبخ كانو في اثنين قدامي دخلو قسم البيت التاني (( بيتنا قسمين مودرن وهذا اللي عايشين فيه وقسم الضيوف كلاسيكي )) بكل بجاحه بدون ما يستأذنوا وما كانوا عارفين اني وراهم وحده فيهم تقول واااااااو جميل رائع روعه جنان أنا طبعًا طول الوقت أقول بسم الله ماشاء الله اللهم احفظنا
بعدين حضرتها انتبهت لي وسكتت
وياليت احترمت نفسها ورجعت لا كملت دوران في البيت أنا قعدت في غرفه مقفله وأسمعهم يضحكو ويعلقو وصوريني هنا وصوريني هنا
ووحده ثانيه قامت تفتح أبواب الغرف حتى غرفة الأولاد اللي أخويا فيها فتحتها بكل بجاحه
طبعا أنا سفهتم وعملت نفسي ماشفت ولا سمعت شي الناس اللي من هذا النوع التصادم معهم مرضي لهم التسفيه هوا اللي يقهرهم
لحظة لحظة وش تسفيهينهم
لا ياماما كل شيء له حدود
معليش هذولا تعدوا حدودهم
وهم استهزاو فيكم لانكم معطينهم الاولكيه بقوووة
لو اني مكانك تعرفين وش بسوي بجي لهم بإبتسامه بارده
واوقف وراهم اقول تفضلوا شيكوا على مالملابس يمكن ما تعجبكم ونغيرها
ولو اني اعرف ان جراتهم لحد يصلون الغرف اقفل كل الغرف قبل ما يجون
الحمد لله ما جربت حالتك وان شاء الله ما اجربها
انا يرتفع ضغطي لما تدخل الضيفه للمطبخ تبي اكل لولدها
واقول في وجهها تفضلي مكانك انا اجيب للبيبي اكله ..
كيف هذولا دخلوا غرف العيال من جد وقحات مو جريات بس ..

أهم شي طلعت العزومه حلوه

أكيد الفستان كان حلو يكفي لونه أبيض

حطي رجولك في مويا دافيه تهدأ

ايه والله الحمد لله لو عندي فوتوا يصغر الصور ارسلتها لكم
خصوصا اني اعشق عزامي الحريم ابدع فيها على ذوقي مو زي الرجال
عيب ولا وشوله ما يفهمون هالحركات ووووو

رَذَاذُ مَطَر
26-08-2012, 02:55 PM
اشبكم نايميييييين ؟؟؟؟؟ pb036pb036



لحظة لحظة وش تسفيهينهم
لا ياماما كل شيء له حدود
معليش هذولا تعدوا حدودهم
وهم استهزاو فيكم لانكم معطينهم الاولكيه بقوووة
لو اني مكانك تعرفين وش بسوي بجي لهم بإبتسامه بارده
واوقف وراهم اقول تفضلوا شيكوا على مالملابس يمكن ما تعجبكم ونغيرها
ولو اني اعرف ان جراتهم لحد يصلون الغرف اقفل كل الغرف قبل ما يجون
الحمد لله ما جربت حالتك وان شاء الله ما اجربها
انا يرتفع ضغطي لما تدخل الضيفه للمطبخ تبي اكل لولدها
واقول في وجهها تفضلي مكانك انا اجيب للبيبي اكله ..
كيف هذولا دخلوا غرف العيال من جد وقحات مو جريات بس ..




pb094pb094
ايه أدري أنهم مآخذين راحتهم وبزيااااااااااااده
امممم شوفي أنا أحب أسفه اللي مثلهم ممكن يكون غلط تصرفي هذا
أنا أشوف نوعيتهم ما تنطااااق أبدًا لأني جربتهم أول لمن تردي عليهم أو تكلميهم يزيدو في تصرفاتهم الوقحه وحتظلي تكلميهم حيظلو يزيدو ما عندهم حياء أبدًا
عشان كذا أسفههم دايما أتذكر بيت شعر كان يجي في قناة المجد وانا صغيره
يخاطبني السفيه بكل قبح فأكره أن أكون له مجيبا
يزيد سفاهة وأزيد حلما كعود زاده الاحراق طيبا
يعين هي ما جات على البيت وبس هم وصلت وقاحتهم يتصلو على أهلي ويتمصلحو عيني عينك عشان أهلي حيآخذو الجنسيه هذي الأيام ( الله يتممها على خير )
وشي طبيعي جدًا أن يتصل عليك واحد ويقولك أنا تحت جاي يتعشى ولا يسمر
في البدايه كنت أدخل في مضاربات مع ماما وبابا عشان ما أبغى أزورهم أو أكلمهم وكانو يقولو لي لا يا بنتي هذولا أهلنا
الآن أبد ما يتكلمو الا على استراحة العيد ممكن يجبروني أروح لو قلت لا
حتى بابا صاير مو طايقهم
يمكن تغاضينا عن تصرفاتهم غلط في حقنا
بس ما قلت لك هذي قناعه عند الكل تقريبا انهم ما يستحقو الانتباه
اعطيناهم انتباه سببو مشاكل لأهلي
والحقيقه كل مالنا نبعد عنهم والله يقطع كل علاقه من وراها مشاكل





ايه والله الحمد لله لو عندي فوتوا يصغر الصور ارسلتها لكم
خصوصا اني اعشق عزامي الحريم ابدع فيها على ذوقي مو زي الرجال
عيب ولا وشوله ما يفهمون هالحركات ووووو



نفسي أشوف الصور حمستيني
* الرجال يرضيهم الشاي والقهوه والعود وبس غيره ماله داعي ابداع خليه لك pb093


متى تقفل الخيمه ؟؟؟؟

زهور البراري
26-08-2012, 03:36 PM
السلام عليكم ورحمة الله
كل عام وأنتم بخير
فاتتني نهاية الخيمة الرمضانية
شكرا لكل البنات اللي ذكروني وعايدوني وقيموني
عرفت بنات جدد منها ماشاء الله
كلكم كل عام وأنتم بخير ولكل البنات المقربات مني هنا في القسم
وللجميع عيدكم مبروك وكل عام وانتم بخير

Red and Gray
26-08-2012, 10:25 PM
ويه سافرت ورجعت والخيمه ناقعه ما تحركت صفحه
شكل كل الناس مشغولة الا انا
مع اني اطلع ولا ارد الا هالوقت بس صايره الخيمه مهمه
ممكن لانه لها وقت وتنقطع ..

انا سافرت لزواج عمتي ..
هذي عمتي الله يوفقها اكبر مني بسنتين وعايشه مع جدي وجدتي وامها يعني مرة جدي ..
وقايمه فيهم كلهم خصوصا جدي ومزاجه المتقلب ما يعرف له احد غيرها
عاد هي بتتزوج وتجي عندنا بالرياض

يوم زواجها كان خيال مره كل البنات كاشخين خصوصا من زمان ما سوينا زواج عمات
ويوم دخل جدي عند المعرس وهي ما تحمل وجلس يبكي ويدعي لها
طبعا حنا شفناه في الفيديوا بعد ما رجعنا من الزواج
وهنا خوذ يا دموووع من جد راح يفقدونها لكن حنا راح نشوفها اكثر بما انها بتسكن الرياض ..

رذاذ

من كلامك كلن ادرى بحال اهله من جد ..
والله يتمم عليكم وتاخذون الجنسيه لاني احسك من قلب سعوديه ^^

عندي قرق كثير بس ما ادري وش ابدي فيه ..

رَذَاذُ مَطَر
27-08-2012, 11:36 AM
Red and Gray

أكيد لبسك كان كشخه pb192
أهم شي انكم انبسطتو في زواجها pb027
الله يتمم لها على خييييييير يارب ويجعل برها لوالدها في موازيين حسناتها pb189pb189
عقبالك يا جميله pb095pb095

دعوتك وصلت الله يشرح خاطرك bp039hap:

قرقري من أي مكان شكلو مافي حد في الخيمه الا انا وانتي hap: