PDA

عرض كامل الموضوع : فيلم فضيحة بنت سعودية / برعاية جامعة الاميرة نوره وقهوه دايمة


هرول على البراد
12-12-2011, 12:01 PM
فضيحة بنت سعودية ...

كعادتي أتجول في اليوتيوب لأبحث عن الفن ( بلا واسطة ) كــ لايكثر و وأيش اللي والخ ....
وأتنقل مابين هذا الذي يرسم على وجهي الابتسامة وذاك الذي يزرع المفيد في عقلي ..

وإذا بي اشاهد مقطع فيديو معنون بــ ( فضيحة بنت سعوديه )

والإلتفاته للوراء هو أول ماقام به رأسي السعودي ,,, وفتح المقطع الفيديو هي أول حركة قامت بها يدي السعوديه

فالسعودي هو الوحيد القادر على فعل هذي الحركتين بلحظة واحده ..

وعند سماع أذناي لأغنية والله وعرفتي تجرحين ... وبعد تأكد عيناي من أنه لايوجد أي شخص يقف ورائي

اذا برأسي يلتف بإتجاه الشاشة وينظر
وإذا بعيناي ترى الكارثة
وإذا بقلبي يخفق
وإذا بيدي يرتعش
وأذا بلساني ينفظ
وإذا بي اقوم
وإذا بي اصرخ

الشرف


الشرف



الشرف ياعيااال ( الطووووط )


رعشة ... دائرة كاملة ... دقني ... حركة الريوس ... هز كتوف ,,, تصفيق
لم يبقى رقصه إلا وأدتها ...

اغلقت كمبيوتري وأخرجت بندقية هوائية من تحت سريري ...
حان الوقت لغسل العار ...

وبخطواتي الثقيلة المحملة بأوزان الخيانة ....
خرجت من غرفتي ...

وبخطواتي الثقيلة المحملة بأوزان المهانه دخلت عليها
وإذا بها تشاهد قناة البداية وتمسك بيدها الموبايل وترسل خلطة
وقفت مابين التلفاز ومابينها ... ورفعت بندقيتي ... وصوتها بإتجاه جبهتها

رمت الموبايل بجانبها
ووقفت أمامي


ياااااااااااااه
إنها النهاية
نعم
نعم

كنت أحبي أمامك وتعلمت المشي أمامك ... وتعلمت الركض أمامك
سأقتل كل ذكرياتي ...
موتي ودعي ذكرياتي تموت معك

يااااااااه


أصبعي يلامس الزناد ويريد ان يطلق رصاصة الرحمة

لأرحمك وأرحم عائلتي

ولكني لم أقدر ..
رميت بندقيتي الهوائية أمامها ...
ومسحت دمعاي ...
وأعطيتها ظهري ... لأرحل

وإذا بها تضع يدها على كتفي
وتقول
دوك هالريالين وجب لنا اثنين زبادي وانا أمك
التفت عليها بهدوء وقلت : سمي ياجدتي
وأخذت الريالين ورحلت

تمت


هاهي قصتي مع فضيحة جدتي ,,,,, شاهدتها وسكت لكي لا اجرحها ... فهي قد ذهبت الى عرس جابو فيها طقاقه الي ماترقص ترقص عندها ... ورقصت .. ووحده من الضيوف كان معها جوال ابو كاميرة وصورتها

ونزلت الفيديو باليوتيوب ... لغرض تفاهه اسمها فضيحة ..

هكذا حكى لي أحد اصدقائي ...

وهاهي قصة من ألاف القصص وآخرها كان اليوم ...
قصة جامعة الأميرة نورة ...
تلك التي نزلت فضائح ولا أعلم ماهي الفضيحة بالموضوع ... فتيات في جامعة .. ويتصرفن كأي طالبه في أي جامعه
أكان الفيديو في حفلة خاصه لكي نطلق عليها فضيحة؟
اليوم شاهدت عقول سعودية لاتفرق مابين الفضيحة والتصرف الطبيعي ..
بإمكاني أن البس خادمت المنزل عباية وبرقع وارقصها على أغنية مشكلني وانزل المقطع باليوتيوب
وأكتب العنوان .. فضيحة بنت سعوديه .. وانت ستصدق ذلك ,, واما ستدعي علي او ستنشر المقطع لمصلحة قناتك وجلب زوار لها .





خربشة

جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت

وقهوة دايمة سيداتي سادتي

سآخر }~
12-12-2011, 12:03 PM
بررب

بآآتس pb189 ..

--------

يآآقدمهـآ موضة ( فضيحة ) ب اليوتيوب pb027 ..

مآدري وش جآهم آلنـآس , جتهم فترهه يتغبون بغرفهم ويكتبون ( فضيحة ) ,

وآليوتيوب آلله يحفظه مآيقصرر آبد :D ،

مـع آنـي متآكد , آنه من 100 مقطع مكتوب عليه ( فضيحة ) ..

بتلقى فضيحة صدزية وحدهه بس :D ..

لآ بعد موب فضيحة , بتلقى فضيحة بفتح الضآء وآسكآن اليآء pb027 ..

لآنه ممكن تلقى ( فضيحة نآنسي بفندق الشيرآتون ) pb036 ..

ثمن لآدخلته , تتفآجآ بهدف آيمـآنآ على نجرآن pb027 ..

وبآخر آلمقطع كآتب لك : خليتك غصب تشوف هدف عمك آيمآنآ pb036 !!!!!

ولآ آللي كآتب لك فضيحة , ثمن لآدخلته صآر آلشريم يقرآ قرآن وآلخلفية مقبرهه pb036 ..

هـو صح آنك بتخلين آخـآف وآصك آبو آليوتيوب pb027 ..

بس ولوو , عيب تحط هآلعنوآن لقرآءة للقرآن .. صح ولآلآ :D ؟

--------

( عآد لآتحسبونن منول آدور هالفضايح والخرآبيط , بس هآلخبرهه جت من كثر مآ آجآلس آلشباب اللي توهم مهتدين وتسذآ pb027 pb189 )

هروول على البرآآد pb189 ..
دوووك bp039 ..

M!ss Mho0otah
12-12-2011, 12:09 PM
جد كثرت مشاااااكل هالجاااامعه
مامتوا هاللي يصورون بالزواجات والجامعات و ... و....
خلاااص اتوقع الكل صار واعي وفاهم
وماله داعي حركات الجحلط اللي مالها سنع
لعب باعراض الناس وقذف للمحصنات
وبعدين مو كل الاهل بيكونون متفهمين ... في اباء متحجرين وممكن يدمر مستقبل بنته
بسبب شي تافه من ناس تااااافهه
حسبي الله على كل من اراد بالمسلمين والمسلمات الشر
رد على عجااااله لاني طالعه الجامعه ...

دموع الندم
12-12-2011, 12:13 PM
اختفت ظاهره التصوير ورجعت هالايام
واغلبها تصفية حسابات بنت حاقده على بنت وتصورها تفضح فيها
والحمدلله المقاطع باليوتيوب تم حذفها كلها

الهاديهـ
12-12-2011, 12:16 PM
مرحبا ..
المشكلة مو بالمرضى اللي يصورون أي شيء
المشكلة في اللي يتناقلونها !! حتى التحذير والتنبيه عن الموضوع فيه إعطاء أهمية لوضع غلط !!
طنش ولاتتبع عورات الناس


يعني المقطع يطير في ثواني والله لو إنه إنجاز ديني مايتعدى غرفة :d

مقطع جامعة نوره مراهقة حبت تشتهر غلط ههههههه
بعد حريق المدرسة بيحطونها مراهقة أكيد :d

الله يسترنا في الأرض وتحت الأرض ويوم العرض


يعطيك العافية

نتيه1
12-12-2011, 12:24 PM
لي تساؤل واحد لكاتب الموضوع وغيرة كثير
وللعلم انا سعوديه للعظم
ليش اذا دخلت اليوتيوب وشفت مقطع تحت مسمى (فضيحه او اثارة او...او....او....)
ليش تضغط زر التشغيل
ليش ماتفكر اولا ايش السبب الي يخليني افتحه ليش ارفع عدد المشاهدة
لو كل واحد شاف هالنوعيه وتغافل عنها ماانتشرت
حنا الي نساعد هالنوعيه تنتشر بضغط الزر والمشاهدة
وبعدين نجي نسال ليش صرنا كذا
اقطع العرق وسيح دم لا تشاهد ووعي اخوياك لا يشوفون هالنوعيه
لازم الواحد يتخيل امكن لو واحد بالميه تكون الي بالمقطع اخته او زوجت او حتى جدته
هذا انا سعوديه ةنادر ادخل اليوتيوب واكون حذرة هذا اذا اصلا دخلت
الله يحفظ بنات واولاد المسلمين
بالنسبه للجامعه اكيد فيها ايجابيات مثل مالها سلبيات
الله يعطيك العافيه

رَشيمْ
12-12-2011, 12:26 PM
_

حسبي الله على من اراد التعرض لـ شرف العفيفات حسآب عسير لآ يسر بعده ..
آشتظت قهراً وَ غضباً عندما سمعت القصه ليلة البآرحه :(

اللهم رد كيدهن في نحورهن ..
و الحمدلله تم حذف المقاطع ..

وسترالله بنات المسلمين و المسلمات على الأرض و في الأرض و يوم العرض ..pb189
شُكراُ لك على هذه المسآحه .,

الفجر..
12-12-2011, 12:27 PM
والله حرام عليهم

مايخافون من العقوبه

مايخافون تصير فيهم او باحد عزيز عليهم ضناء او اخوان ؟؟

ياناس خلاص السعوديه صارت حديث العرب فكونا يرحم امهاتكم

وفعلا فيه عقليات متحجره وماترضى زي هالاشياء وبيصدق على طول

ارتقوا ارتعفعوا انتم امة محمد ياربي بس :( :( :(

جامعة الاميره نوره من جد صارت مهزله




,,,

بياضْ
12-12-2011, 12:33 PM
قبل لآ آرد
http://www.youtube.com/watch?v=0xigMKdKLfc (http://www.youtube.com/watch?v=0xigMKdKLfc)
< هل وصلت السسخافهه لهذا الحد pb036 , بِ اللهي لآيك آحمر :D < تجي ؟ pb027

والإلتفاته للوراء هو أول ماقام به رأسي السعودي ,,, وفتح المقطع الفيديو هي أول حركة قامت بها يدي السعوديه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه :sm1: pb027
موب كانه انا اذا التفت pb027 ولا انحشر بزوآية pb094:D ()
اليوم شاهدت عقول سعودية لاتفرق مابين الفضيحة والتصرف الطبيعي ..
تقيم اخضر كبر خششتك ع هالجمله :sm1:
بإمكاني أن البس خادمت المنزل عباية وبرقع وارقصها على أغنية مشكلني وانزل المقطع باليوتيوب
خذني معك اصفق واضحك بتميع وتغصيب pb093 < حركات المقاطع pb036


+ تقيم pb189

Do_oF
12-12-2011, 12:36 PM
لاحول ولاقوة الا بالله ..

الصراحه المقطع عااادي جدا ومافيه اي فضيحة بنت بوضعها الطبيعي بالجامعه تسولف وتضحك ..

لولا الكلام الي كاتبه الحقير ..

شهر ببنت الناس الله لايوفقه .. وهي بريئة مما قاله ..

والله من امس وانا افكر بالبنت وش وضعها امس كيف حالة اهلها .. الله لايوفقه لادنيا ولا اخره

اول ماشفت المقطع تذكرت خواتي .. الله يستر عليهن وعلى بنات المسلمين ..

رواسـي
12-12-2011, 12:37 PM
الفراغ والبطالة وقله الوازع الديني سبب انتشار الفضائح والبحث عنها
وبالنسبة لي كرهت موقع اليوتيوب بسبب كل رابط افتحه تطلع لي جنبه عشرات العناوين السخيفة والمقززة
هذا غير التعلقيات اللي تسم البدن ، اما بخصوص جامعة الأميرة نورة ترى اللي فيها هم بناتنا وخواتنا وامهاتنا
يعني ماله داعي نشوه سمعة جامعة كاملة عشان كم وحدة مو متربية

D7eeM ®
12-12-2011, 12:47 PM
,



موضوع اخذ اكبر من حجمه صراحه
والوضع جداً طبيعي بس الناس تحب تهول الشي

وحده نفسيه عندها مشاكل من قبل وتبي تحط حرتها بأي احد
بنات جالسين بالكفيتيريا وبحالهم , جت وحده وصورتهم
وين الفضيحه فيه ؟

واي واحد شاف اي وحده واضحه ملامحها ماراح يعرفها
يعني مافيها شي موب غلطه من الطالبه نفسها بالعكس مجني عليها

اما اللي منزله صورها لحالها , الافضل مانجيب طاري هالمقطع
واي واحد شاف المقطع ماراح يجي بباله ان الكلام اللي قالته صح
لانه واضح انه كذب وتدنيس

وكل واحد ينسى هالموضوع , لان لو تكلمنا فيه بتزيد المشاهده
وبيزيد الفضول وبيخلي اللي ماشافه يشوفه

احقروا اللي منزل المقطع واللي مصورته ولا كان صار شي
الله يستر ع الجميع



bp039

TIFFANY & Co
12-12-2011, 12:51 PM
مغصني بطني
ليه !



من هـ الفضايح المُزيفة :(
ودي صرآحة تجي فضيحة من قلب pb094
نتحمس .. نتحمس .. نتحمس ..
أَخرتهآ مقطع مضحك

شكراً يا كبير العيارين bp039 "

ABROo0
12-12-2011, 12:57 PM
اليوتيوب :confused:
اذا بتعرفون قمه وغبـأأء وتخلف وجهل العرررب
ادخلو بس وشوفو الردود سساعتها بتفكرون معقوله هالنااس موجوده عندنا
pb036

الله يسسامحك ي تعليمنا pb189:sm18:

ام ذيب
12-12-2011, 01:21 PM
والله مانقول الا الله يسترنا فوق الارض وتحت الارض ويوم العررض
والله يستر على بناااااااااااات المسلمين جميعا

بنت ماجلان
12-12-2011, 01:30 PM
دائماً هذي الأطروحه تجي بمخيلتي
ليش طيب الفضيحه + بنت = سعوديه
مرتبطين في بعض؟
ليش ماتكون بدول ثانيه ؟؟؟ pb094

الظاهر وعلى حسب تخيلاتي البسيطه pb094 بسبب العبايه يبون يقلون تحت السواهي دواهي :D
بس فيهم لفات نص كم مادري ليتها تموت يوماً ما pb094 <~ أمنيه فقط :cool:

سراب المحبه
12-12-2011, 01:37 PM
العجيب حسب اخر احصائيه قدمتها لي مسئولة الحضور والانصراف في جامعة نوره تقولك اليوم البنات محلوين اكثر من كل مرره !!؟ مدري ظنك الموضوع حقيقي ولا كلام جرايد !!؟ :d

سَحَرْ !
12-12-2011, 01:40 PM
ب اختصار هذا كان تعليقي على السالفة أمس

http://up.eqla3.com/i/00025/5ea2kpcp0l6x_t.jpg (http://up.eqla3.com/5ea2kpcp0l6x/1.PNG)

http://up.eqla3.com/i/00025/cuko6tbqcudd_t.jpg (http://up.eqla3.com/cuko6tbqcudd/2.PNG)

وحسبي الله على هـ الأشكال .!

BEERO
12-12-2011, 01:41 PM
'







ماتت والله العظيم التصوير والانتقام وهالحركات هاذي pb093

يدخلون الجامعه ولامايدخلون نفس الهمجيه بالتفكير :rolleyes:

مانقول غير حسبي الله ونعم الوكيل pb093

AnGiL~
12-12-2011, 01:42 PM
والله هي مهيب فضحية
قد ماهو تلاعب بعرض

انا مشينا معها وتفاعلنا كافعل شاذوغير مرغوب وليس كا مسمي فضحية

عوافي

ذكراك عطري
12-12-2011, 01:44 PM
الله يستر على بناتنا دنيا وآخره

مااشوف ان في فضيحه في الموضوع ابد المسأله كلها وحده مجنونه تبي تسوي شوشره

وصار في ضحيه مو فضيحه

الله ينتقم منها يارب

ســمــا
12-12-2011, 01:44 PM
استغفرالله بس عقول الله بالخير :/

S & M girlz
12-12-2011, 01:46 PM
يقول عمر بن الخطاب : اميتو الباطل بعدم ذكره

اسطوره اليلك
12-12-2011, 01:47 PM
الله يهديهم

غلا طلو
12-12-2011, 01:50 PM
لا والله ماماتوا اللي يصورون والدليل اللي حدث امس..
البنت كانت في صرح تعليمي وماسوت اي شي ينقال له خطأ
ولا احد يعترض على ذلك..
لكن.. كـ اخلاقيات مسلمين نرفض ظهور صورة لفتاة
اتت بحثاً لطلب العلم لما فيه أنتهاك لخصوصيتها ..فمابالك بفيديو ..
هذا وان كان اهلها متفهمين للموقف..
فما بالك ان كانوا أهلها لن يفكروا بعقلانية
ورغم ان ماحدث ليس برضا المسكينة الا انه يؤلم حد الالم
ان تصل عقول فتياتنا الى تصوير البريئات ونشرها في الانترنت
والمؤلم اكثر هو ماكتبتة المريضة على الفيديو
الكثير ابلغ عن الفيديو والكثير ضغط على ايقونة لم يعجبني
فكانوا وقتها حينما رأيت المقطع 300 مقارنة بـ يعجبني الذي كان عدد تصويتاته 8 فقط
همست بقولي: الحمد لله مازال في الدنيا خير
ولكن الامر يجب اني يؤخذ بجدية
ويجب على الجامعة رد اعتبار الفتاة
كان الله في عونها ..

waad 11
12-12-2011, 01:53 PM
فيه أهالي وأخوآن عندهم بنات بنورة وعقلياتهم موب اي تفكير
لو شاف لها لو لمحه ومحوطة بيتيوب يمكن تروح فيها معد فيه أحد يتفهم للأسف :(
حرآم عليها مآ خافات ربها مآ تدري ان بكرى فيه حساب وبتتحاسب عليه pb093
حسسسسبي الله عليها والله شي يقهر:(
والله يوفق من حذف المقآطع وحجبها pb189pb189

شكراً

A n t
12-12-2011, 02:01 PM
القناة انحجبت
و المقاطع انشالت

و اذا انعرف الشخص أو البنت المفروض مايسكتون عنها أهل البنت المتصوره
هو مب فضيحه البنت ماتصورت بشيء مخل للآداب

بالعكس هذي جريمة تعدي على خصوصية الغير
المفروض أقل شي جلد للولد و البنت

وودي بسجن بعد عشان مايتجرأ غيرهم و يصور
اذا تقفلت السالفه و مشت عادي بيتجرأ كثير من اللي مايخافون الله و بيصورون

أتمنى أتمنى من أهل البنت يعينون محامي ومايسكتون عن حقهم

اسيره بكلمتي
12-12-2011, 02:10 PM
لا حول ولا قوه الا بالله
بصراحه مااحب ادخل اليوتوب الا لشى معين اما فضيحه وكلام كبير بصراحه اخاف
لان كما تدين تدان
المقطع يلى تقوله عنه من كلامكم باين البنت كانت فى وضع عادى زى زيك وزى الكل
يعنى يلى شافه اكيد مااساء للبنت لان احتمال ننحط لا سمح الله فيه
من انسانه مريضه ماتخاف الله ان كيدهن عظيم
هى فجعه اكيد لاهلها وللبنت نفسها بس ان شاء الله كله وقت تنخمد هذه الشى
اما البنت المريضه يلى صورت صدفونى جاى لها العقوبه من رب العباد الا ظلم الانسان
اخذت كم دعوه من البنت البرئيه والام والاهل وحتى من شاف اليوتوب
من ساعه ماجاءت الجولات وحنا صرنا نخاف من هذا الشى وخاصه فى الزوجات
مانفول الله يسترنا ويستر الجميع اللهم امين

نوف عبدالرحمن
12-12-2011, 02:17 PM
مثل ما قال دحيم
والله مكبرين الساللفة على غير سنع
وعلى فكرة ترا جاني بي سي انهم مسكوا البنت وصادروها ووقفوا قناتها باليوتيوب وكذا يعني

ليال الخيال
12-12-2011, 02:20 PM
للاسف وصلت بعض العقول المريضه لهالدرجه من التفاهه :(
اكبر همهم نشر فضايح لنااس حتى لو انها في الواقع تصرف طبيعي زي ماقلت
يعني وحده قاعده في عرس ترقص ولا في جمعه عاديه ويجي احد يصورها على غفله ويقول فضيحه pb093

ربي يبلى كل واحد يحاول يدوور وينبش ويطلع فضايح ناس
هم الوحيدين اللي بقول الله يبلاهم ثم يهديهم
عشان يحسووون بغيرهم وبمدى خطووره اللي يسوونه

يعطيك العافيه اخوي على الموضوعbp039

paath
12-12-2011, 02:21 PM
اصلا الواحد اللي يصور والا اللي تصور خوياتها وتوريه لناس عيال نغل مايستحون ويهددون ومدري وش
واللي يهددون صور ولافيديو ترى كلها ساعتين وينكشف مكانهم لان فيه شي اسمه النت مشبوك في كل انحاء العالم يقدرون يجيبونك

F.M.P
12-12-2011, 02:24 PM
ما شفت المقطع ولا ابي اشوفه:rolleyes:
انا ما ادري وش بيستفيد بعد تنزيل المقطع بعنوان "فضيحة"
ودي بس اعرف وش استفاد !! سواء شئ زين او شين .. ما راح يستفيد شئ بس كذا
يفضح على الفاضي pb093
بالنسبة لي الفضيحة اهو مو البنت ..

الى الجحيم يا مطلقين الفضائح الكاذبة :)

هنوش المطفوقه
12-12-2011, 02:57 PM
مع احترامي لك واحد هنا ، بس تتكلمون كانكم ماتعرفون مجتمعكم ولا شي منه !
وش مصير هالبنت ؟ جلد pb036 حرمان من الجامعه pb036 من وسائل الاتصال pb036
أهلها متفششلين pb036 , فكرررت ان أختي صورها باليوتويب ماتدخل المخ , تعذيب نفسسي لها
أتحداكم اذا أحد بيشوف وجهها وبيطق بابهم عشانها مسسسستقبلها تدمر سمعتها وش بتصير البنت الي انتشرت باليوتويب pb036 ، وانتم هنا هي مب فضيحه جالسسين تتناقشون في أطراف الموضوع ومخلين الاساس , أدعو لها شي ، بس جد سعودين pb093

ماأقول إالا الله يذيق صاحب المقطع العذاب بالدنياء والاخره ، ويسستر علينا يأرب
ويكونفي عونها وعوون أهلها يصبرهم pb189



،

pb094

kely-7la
12-12-2011, 02:57 PM
آنآ مَآ دريت ألآ من بنآت جآمعتي اليوم ^^
والا مَ جبت خبررر
وبجد فيه ناس م يدرون بس بهالسوالف تخلي اي حد يفكر يدور عليه ., ومآ بنخلص من ذي السآلفه
انا سمعت وحده تقول لانو المشآهدآت صآ{ت عاليه ف مآقدرت تلغي المقطع آسستغربت وقلت آشوف

بس آظن آنو تقفل ^^

حسبي الله على كل شخص يحب يسوي هالسوآلف
يعني بجد نآس تآفهه ,

جنرال الاتحاد
12-12-2011, 03:00 PM
حال الجامعه لايسر
من كل النواحي حتى انا سمعت ان الوظايف اللي تنزلها الجامعه
اغلبها تروح لاجنبيات ويستبعدون منها السعوديات ..

ناهيكم عن الضعف الاداري فيها

لوفي آليوفي
12-12-2011, 03:31 PM
ربي يكون بعون البنت ويستر عليها يارب في الدنيا والاخره

وترا اتوقع مو بس البنت اللي منزله المقاطع اكيد ممعهآ وآحد

حسبي الله ونعم الوكيل ..

حبيبتي الرياض
12-12-2011, 03:38 PM
اللي يقولون المقاطع انحذفت لا ما انحذفت الى الان
حسبي الله عليها الفاضية السخيفة التافهة الله لا يسامحها

h.32
12-12-2011, 03:40 PM
(ان اللذين يحبون ان تشيع الفاحشه في اللذين امنو لهم عذاب اليم في الدنيا والاخره )

احسن حل لمثل هالمشاكل
هو عدم تداول المقاطع .. ويفضل عدم قتحها بعد ..
لا تتكلمون على الموضوع كثير عشان ما ينتشر وياخذ اكبر من حجمه
والبنت هذي ربي بيرحمها لانها ما سوت شي غلط ...

كلنا بالهوا سوا
12-12-2011, 03:51 PM
المقاطع انحذفت : )
والقناة تبلكت : )
والحمدللّه : )
وصاحبة الحركه هاذي يُقال انهم عرفوها !
بس ماأحب أذكر اسمها لما يكون الخبر فعلاً أكيد
مفروض تحاسب وتكون عبره لـ غيرها
لأن اللي سوته مو سهل ، السالفه مو سالفة وضع البنت كان طبيعي أو لا
لكن كونها تصورها وتنزل مقطع لها ، وش قلة الأدب : / !!!!!

الله يستر علينا ()

Farida
12-12-2011, 03:51 PM
-

-
امقت شيء اسمه فضيحه:sm4:
واحتقر كل من ينشرها او يتداولها:mad:
احسس ماعندهم خووف من عقابه سسبحانه وتعالى لو الجميع عندهم خوف ماكان انتشرت مثل
ه الاششياء المقيته

برد البوادي
12-12-2011, 03:52 PM
من يوم كرشوني قبل العام ماوظفوني وانا ماداني ذا الجامعه pb036:D

الفضايح عندنا بالعداد تمشي يحبونها اهل العقول المريضه pb093
الله يستر على البنات امس داريه من موضوع هنا وادخل اليوتيوب ابي اتاكد مو اشاعه
الا شوف عيني بنيات مايدرون من مصورهم ومنشوره فالله يستر عليهم
قفلوها القناه واشتكوا على راعي القناه وان شاء الله بيقفطونه
الدنيا موب لعبه لك يابنت تنتقم كيذا
الله يستر على المسلمين

هرمـه
12-12-2011, 03:56 PM
الى اي حدد وصصلنـآ
باسم الغيره او الحقد نضيع مسستقبل بنت مالها اي ذنب
وييــن المسسئوليه والرقابه ..؟؟
الــى أي حــد وصلتي ي جامعتي العزيزه ..؟؟
في غياب المسئوليه هذا ان كانت موجوده تدمر عائله
لاتقولون مو فضضيحه
مجتمعنا بخليها فضيحه وهي مالها ذنب فيها

N.J
12-12-2011, 04:00 PM
عاجل : البنت اللي صورت .. جات الهئية اليوم وأخذتها من الجامعة ! .. جعلها ماتطلع ! .. ريتويت

خبر بتوتير:sm18:

جعلها الماحي هي والجحلط اللي زيها :D

I Can`t
12-12-2011, 04:08 PM
اول شي حسبي الله ونعم الوكيل ع هاللي ماتخاف الله في اعراض المسلمين
وبيجي يوم وتدور الدنيا عليها ويجيها شي اعظم

ثاني شي البنت اللي الله يستر عليها مصوره في حرم جامعي داخل كلاس والله لاهي
مصوره في بار ولا شقه الله يستر علينا وع جميع المسلمين

bp039

قلب طفلة..!
12-12-2011, 04:16 PM
السلام عليكم

صدقت تدخل على عناوين تخليك تركض

من اللقافة .....

وتشوف وتشوف .............وتشوف ينتهي المقطع

مالقيت شيء يدل على العنوان وفوق راسك الف استفهام:confused::confused:

وتعيده ماااااااااااافيه شي!!!

اقرب مثال حصل لي كنت اشوف مقطع بالايفون
لما خلص تعرفون اذا طلعت من التعليقات تلقى فيديوهات له صلة بالفيديو اللي شفته
مكتوب طريقة سهله للغش >>>> مااحب الغش بس شفت صورة جدول 9 وذبحتن اللقافة
اثر الفيديو يعلم كيف تحفظ جدول 9 بطريقة سهله والمشكلة اني اعرفة هالطريقة
يعني لابه غش ولا هم يحزنزن

سفيرة الإبداع
12-12-2011, 04:16 PM
يا كرهي لـ حركات البنات السخيفه ،
تلقاها حاقده عليها ولا شيء ولصقت تهم بالباطل على هالبنيه الضعيفه :sm1:
المشكله استغفر الله واضح المرض من الكلام اللي مكتوب !!
يعني استغفر الله العظيم من كل ذنب عظيم ،
الله يستر على البنت ويحفظها ، والله لا يوفق البنت اللي سوت فيها كذا :(
يعني ايش صار في ديننا ومبادئنا وقيمنا وين راحت !
حسبي الله ونعم الوكيل بس !! pb093
المشكله مو في الجامعه ، ولا في البنات !!
المشكله كلها في الوازع الديني !!
وبعدين الناس اللي يقولون أهلها ومدري ايش ، معليش البنت ما سوت شيء غلط ! مجرد انها تصورت يحطون الذنب عليها !! هذا أيضاً موش حل ! وأصلاً البنت واضح انها مسكينه تتصور وما تدري انها تتصور !! بريئه تماماً !
وبعدين التشهير والتعدي على الأعراض والقذف جريمه لا تغتفر !! والمذنب/ه يجب معاقبته !!
الانترنت والمواقع الاجتماعيه هاليومين صارت تستخدم استخدام خاطىء للأسف pb036

**missmoka
12-12-2011, 04:26 PM
ساعات احسه حلم , كانت مو بس فضيحه طامه
اسم البنت بنات الجامعه كلها تنطق فيه وحافضته !
الاداب محجبات جوا الجامعه ومتلثمات
الوضع صاير مرعب البنت تهدد انه راح تسوي اجزاء وتقول اي بنت بلقاها
حظها ونصيبها وتوصلنا بي سيات منها وتهديدات
تقول بقذف الرعب في قلوبكم pb036 مرض ولا سواد قلب ولا وشو ماني فاهمه

عاجل : البنت اللي صورت .. جات الهئية اليوم وأخذتها من الجامعة ! .. جعلها ماتطلع ! .. ريتويت

خبر بتوتير

جعلها الماحي هي والجحلط اللي زيها

اتممممممممنى يكون صدق pb189:sm5:
ابي يشهرون فيها مثل ماشهرت ببنات خلق الله خلها تذوقها
اتمنى تكون عبره لغيرها وتاخذ درس قوي

ي ليت الي عنده الصفحه فالتويتر يرسلها لي ضروري مالقيتها

حفيدة الصحابيات
12-12-2011, 04:27 PM
هههههههههههههههههههههههههههههههههه اما جدتك وخلطات ..

عاد انا اشوف اطلق جامعه عندكم جامعه الاميرة نوره مدري عشان بنات عمي فيها :)

الله يسستر علينا دنيا واخره يا رب

مضطهد
13-12-2011, 01:04 PM
فيه فكرة معروفة - أظن الي قايلها بريطاني - أن أكثر شي يجذب القراء ثلاث مواضيع/
الله (الدين) / السياسة / الجنس

أكثر إقبال في وسائل الاتصال: النت/ الجوالات/ التلفزيون الخ كلها تدور حول هالأشياء لأنها بالعربي تبيع.. وش الي يونس أكثر القناة الأولى أو غنوة؟ :o
رسايل الاشتراكات الدينية و القنوات الدينية فيها إيرادات غير طبيعية..
لما تتعمق في الدين أكثر و ندخل مواضيع الاختلافات المذهبية والدينية تجيب نقاش أكثر و متابعة أكثر..

طبق الفلسفة هذي على الجنس بتلقاها نفس الشي،، البيع فيها يجيب ذهب
و الفضائح هي الطبقة التحتية من السلعة هذي و طبيعي كلن بيدورها وعليها إقبال أكبر..

كلامي هذا الي قلته معروف ما جبت جديد لكن يا هرول ركز معي فيه شي عجزت أفهمه..
تربيتنا غريبة! أتوقع ما فيه عقلية أو مخ زي مخ السعودي الي يجمع بين التدين و الجنس بمثل هالشكل الغريب.. الجوال فيه اشتراكات دينية و تطبيقات قرآن وفي نفس الوقت تلقى فيه مقاطع!.. الكمبيوتر والمنتديات ردود دينية و أعوذ بالله و حملات مقاطعة نصرة لديننا لكن تلقى أعلى نسبة بحث عن المواقع الإباحية من السعودية واستخدام بروكسيات لهالغرض (هذي إحصائية قوقل لحد يقول لا تهك علينا) غير الملفات المخفية في الجهاز أو في الفلاش الموزى..
شف سوالف الناس إذا جلست معهم.. كل واحد تحسه شيخ طريقة من كثر بربرته عن الدين والحرام والحلال لكن يقلب الموجة علطول ويتكلم في السوالف الي أنت خابر و يوريك أشياء في جهازه أو جواله..

كلنا بشر والاهتمام بهالأشياء أو التفكير فيها غريزي و فطري وماهو خطأ، الي ما يهتم فيها يعتبر مهوب طبيعي.. لكن أتكلم عن العقلية الي مقسومة نصفين.. نصف متزمت فاهم المحافظة والدين غلط وأن الدين معناته الشدة وكل شي حرام.. وفي نفس الوقت النصف الثاني من عقليته فاحش واهتمامه يتعدى الاهتمام الطبيعي لأشياء شاذة أحياناً..

زي ما أنت شايف الاختلال في الميزان هذا هو الي يعطيك مجموعة من الناس تلاحق الفضايح.. مع إن صنعة الفضايح الإعلامية صناعة غربية أصلاً لكن سبب انتشارها عندهم يختلف عندنا.. وهي تبيع عندنا أكثر منهم.. أنا كلامي وتحليلي عن اهتمامنا الغريب فيها.. كلمة فضيحة دايمن تجذب و تلمس الشي المخفي في شخصيتنا لأننا تعودنا على تربية "لحد يدري".. بالعربي سو الي تبي بس لحد يدري لا تفشلنا الله ياخذك..

كثير من المنتديات تحط كلمات دلالية "tag" مخفية ما تطلع إلا في محركات البحث وكلها تدور عن هالأشياء: فضيحة فضايح وكلمات ما تنقال عشان الي يكتبها يطلع له الرابط ويدخله وبكذا يسجل إن زوار الموقع عددهم كبير.. وهذي مع إن مواقعهم ما فيها شي و أكثرها نصب و يسوون هالحركة عشان يرفعون معدل القيمة الإعلانية عندهم إلا إنها تعطيك فكرة عن محركات البحث السعودية :p


بربرت واجد وطلعت عن الموضوع كالعادة لكن موضوعك ذو شجون


نورت القهوة يا بعدي pb189

مع نفسسسسسك
13-12-2011, 01:21 PM
جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت

حرام عليك ياخي.. قاعدين نترزق الله من هالجامعه ... < حشى بساطه :d
لا والله صدق .. انا اساعد الاهل في مصروف البيت :$
اذا صارت الجامعه فندق مثل ما تفضلت انا وين اولي وين اطس :( :( :(
بس والله الجامعه فله للي يعشقون الاكشن والدفاع المدني والشرطه والمسدسات والحركات هاذي خخخ pb024 :D

الله يستر علينا ويحمينا يارب .. :)

ما بقى لي اسم
13-12-2011, 01:35 PM
مبدع كعادتك ماشاء الله صياغتك للفكرة رائعه

ما شاء الله ما قصروا الاعضاء بس بركز على

- ضعف الوازع الديني في السبب الاول في اي خلل او فساد
- التربية الجيده للاطفال هي الطريقه الوحيده للقضاء على التخلف في المستقبل

Miss . E
13-12-2011, 01:48 PM
أول مآجـاا ف بآلـي اهلـهآ .. لآيكـونون نوعيـة النـآس المتحجـره اللـي بيقمعـون البنـت ويجلـدونها لين تمـوت pb036
البنـت طبيعيـه جدآ ب جامعـتها تسـولف ، لآهـي ب مكآن شبهـه ولآ تتصـرف بشكـل غلـط
حتـى ب جامعـتها اتصـورت ، وانتشـرت .. ومابقـى احـد ماشآفـها :(
كسـرت قلبـي هالبنـت ، لأن الي طعنـتها بنـت زيـهآ ..

الي حولـي يقولـون ، هالبنـت الي تصـور مريضـه نفسيـا
ممكـن تكـون مريضـه فعـلا وممكـن المرض النفسـي صـآر شماعـه للأسـف !
ممكـن مافيـها الآ العافيـه بس من قـوة الفـراغ ومخـها الفاضـي ودهآ ب اكشـن بحيـآتها !!

الله يهـدي الجميـع :( pb189

@ قلب غاليها @
13-12-2011, 01:49 PM
حال الجامعه لايسر
من كل النواحي حتى انا سمعت ان الوظايف اللي تنزلها الجامعه
اغلبها تروح لاجنبيات ويستبعدون منها السعوديات ..

ناهيكم عن الضعف الاداري فيها


والله الله يصبرنا على هالجامعهpb093
الفشل كله في هالجامعة..
وفعلا لاحظت ان الاجنبيات عندنا شايخات

وبخصوص السالفه اللي صارت توصلوا لقرار..انا اشوفه قرار فاشلpb093 اللي هو :

اخواتي طالبات جامعة الاميرة نورة بنت عبد الرحمن .. يمنع منعا باتاً استخدام جوال الكاميرا داخل الحرم الجامعي .
وفي حال مخالفة ذلك سوف يطبق على الطالبة العقوبة التي تنص عليها ( لائحة مخالفة الأنظمة ) والتعليمات.
وفقكم الله ......
هذا حل هذا:confused:
مع احترامي الشديد للقرار هذا
لكن حل فاشل..مو شرط ان البنات بيوقفون تصوير عشان منعوا الجوالات اللي براسها شي بتسويه منعوها ولا مامنعوها..
انا احسهم يعاقبونا مايعاقبون البنت :D

الله يعينا ويصبرنا :)

بغمرة النسيان
13-12-2011, 02:01 PM
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ : " مَنْ سَتَرَ عَلَى مُسْلِمٍ عَوْرَةً سَتَرَهُ اللَّهُ فِي الدُّنْيَا وَالآخِرَةِ ، وَاللَّهُ فِي عَوْنِ الْعَبْدِ مَا دَامَ الْعَبْدُ فِي عَوْنِ أَخِيهِ ، وَمَنْ أَبْطَأَ بِهِ عَمَلُهُ لَمْ يُسْرِعْ بِهِ نَسَبُهُ ، وَمَنْ نَفَّسَ عَنْ مُسْلِمٍ كُرْبَةً نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ ، وَمَنْ أَقَالَ مُسْلِمًا أَقَالَ اللَّهُ عَثْرَتَهُ يَوْمَ الْقِيَامَةِ

Jeje Lamara
13-12-2011, 02:02 PM
المقاطع انحذفت : )
والقناة تبلكت : )
والحمدللّه : )
وصاحبة الحركه هاذي يُقال انهم عرفوها !
بس ماأحب أذكر اسمها لما يكون الخبر فعلاً أكيد
مفروض تحاسب وتكون عبره لـ غيرها
لأن اللي سوته مو سهل ، السالفه مو سالفة وضع البنت كان طبيعي أو لا
لكن كونها تصورها وتنزل مقطع لها ، وش قلة الأدب : / !!!!!

الله يستر علينا ()

مع اني مادري وش سالفة البنت
بس اللي فهمته انه وحده مصوره وحده بجامعة نوره << صح علي؟ :)

انا اقول ليتهم يقطعون يدها و ينشرون اسمها
علشان بدل لا تكون فضحت بنت تكون هي اللي انفحت
و منها تكون عبره لغيرها
و بنات الناس مو لعبه
و مو شي سهل انك تدمرين حياة انسانه علشان انتي حاقده!!
مشكلة المقطع ممكن فيه كثير نزلوه عندهم بالجهاز
و بيرجعون بعد كم سنه يرفعونه
ناس مريضه و فضيه و ناسيه ان وراها قر و حساب

لديَ حلمْ
13-12-2011, 02:06 PM
جعل حوبة البنيه الضعيفه ماتعدا هاللي صورتها حسبي الله عليها بس :(
بتلقاها بنفسها ربي ما يضيع حق احد pb189

ما ادري وش اقول عن المريضه هذي !!
الا انها جت من البر وعرفت تصور بالجوال وعرفت لليوتيوب وقالت يله وش حادها اذا ماتعرضت لمضايقات من البنات او غيرها والمشكله كبيره عجوز دخلت الجامعه عيب والله :(
داومت يوم الاثنين وانفتح الموضوع بالكلاس على الرغم اني بسعود مو بنوره كل البنات صارو يخافون اية يوم تلاقي نفسها متصوره ناس متزوجه ياعالم وعندها بيت وزوج واطفال حرام ترجع تخاف ع نفسها من جديد بسبة بنت ما نقول الا حسبي الله عليها ومهما لاقت من جزاء تستاهله

وسواء اصدر قرار بمنع استخدام الجوال او لم يصدر اللي براسه شر تبي تسويه ما يعوقه شيء

وجامعة نوره وجامعة سعود الحال من بعضه
لا من ناحية الاداريه ولا التنظيمية لكن بامكاني اقول بنات سعود ارقى من الحركات التعبانه هذي ماعمري شفت بنت رافعه جوالها بتصور حتى صاحبتها
وامسك مقرودك لا يجي اللي اقرد منه

شكرا bp039

ساكنة السماء
13-12-2011, 02:49 PM
:(:(:(

حسبي الله ونعم الوكيل فيهم اللي يبغون يفضحون الغافلات
والله ياخذهم أخذت عزيز مقتدر ويورينا فيهم عجائب قدرته
واللهم أسترني وأستر بنات المسلمين فوق الأرض وتحت الأرض ويوم العرض

mesha.meesh
13-12-2011, 02:55 PM
حسبي الله وكفى يعني الله ماقدرهم ولاطلع معهم الامنع جوالات الكام !
بس هذا اللي يطلع منهم !!! :eek:
طبعاً حنا كمجتمع محافظ لازم يتكتمون ع الموضوع ومراعاة السريه التامه ويصير هالموضوع خط احمر
عذراً اللي حصل اكبر من انه بنت مراهقه او متاثره بمسلسل قوسيب قيرل وجايه تطبق بالواقع
الموضوع وصل للقذف
قال جلّ و علا : ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ )

اتمنى ان وحده من البنات اللي انتشرت لهم المقاطع ترفع قضيه عن طريق قسم الشرطه بلا عميده الجامعه بلاهم
وياخذ الموضوع منحنى قانوني ويطالبون يتعويض ع الضرر اللي صار لهم
اتمنى وحده منهم تكون تملك هالشجاعه هي واهلها ويرفعون القضيه وينفضون هالتكتم الغبي اللي صاير


لين متى واحنا نمثل ان احنا مجتمع مثالي خالي من الاخطا والعيوب

طفله مدللة
13-12-2011, 03:16 PM
اخواتي طالبات جامعة الاميرة نورة بنت عبد الرحمن .. يمنع منعا باتاً استخدام جوال الكاميرا داخل الحرم الجامعي .
وفي حال مخالفة ذلك سوف يطبق على الطالبة العقوبة التي تنص عليها ( لائحة مخالفة الأنظمة ) والتعليمات.
وفقكم الله ......



ههههههههههههههههه حنا ماقد صار الجوال الكاميرا عادي
ومع كذا قد تصوروا البنات جوا المبنى وهو مكتض + وانتشرت بالبي بي
( بس حللنا الموضوع انهم بنات مستوى اول لان الشي صار اول الترم وانتشرت بين بنات ثانوي وصغار )
يعني يجونك من مدارس ومامعهم جوالات والتحدي شلون تخفيه لما تدخل والاكشن :sm12:

مدري طرت لي سالفه امس صارت بجامعتي
طبعا ماشفتها :D البنات حكوا لي عنها
( امس شلة - عاد مادري بويات ولا طبيعيات - جالدين بنت :D pb071 السبب يقولون انها
تمشي وتتكلم فيهم انهم يطلعون مع شباب وانهم يكلمون الخ الخ الخ وذولي ماعندهم وقت
على طول جلد pb027 بس صراحه اعجبوني درس للبنات اللي يهوون الفضايح والمشي والكلام
باعراض الناس بغض النظر عن صحة الكلام او لا )

الحل انا بنظري
لين يتعدلون البنات ويرتقون زي اشكال ذي اللي مصوره
فصل نهائي من الجامعه + تشهير بالاسم
وللبنات عموما
حملات تفتيش فجائيه + تفتيش عند الباب + ولو مسكوا بس جوال بس كاميره تاديب زي اخذه اسبوع

متوكلة
13-12-2011, 03:24 PM
والله الله يصبرنا على هالجامعهpb093
الفشل كله في هالجامعة..
وفعلا لاحظت ان الاجنبيات عندنا شايخات  

وبخصوص السالفه اللي صارت توصلوا لقرار..انا اشوفه قرار فاشلpb093 اللي هو :

اخواتي طالبات جامعة الاميرة نورة بنت عبد الرحمن .. يمنع منعا باتاً استخدام جوال الكاميرا داخل الحرم الجامعي .
وفي حال مخالفة ذلك سوف يطبق على الطالبة العقوبة التي تنص عليها ( لائحة مخالفة الأنظمة ) والتعليمات.
وفقكم الله ......
هذا حل هذا:confused:
مع احترامي الشديد للقرار هذا
لكن حل فاشل..مو شرط ان البنات بيوقفون تصوير عشان منعوا الجوالات اللي براسها شي بتسويه منعوها ولا مامنعوها..
انا احسهم يعاقبونا مايعاقبون البنت :D

الله يعينا ويصبرنا :)

عااادي وسعي صدرك يجي منهم اكثر خلييهم مع نفسسهمpb036:D
كنهم حلوا المشكله يوم منعوا الجوال اللي فيها شر بتصووووور وفيه مية طريقه وو ووسيلهpb093
اشووا ان ذا الحقيره يوم تصور البنت كانت موزيته!
عني أنا بجيبه واذا ماعجبهم مشكلتهم مو مشكلتي:rolleyes:
اذا مسكوا ذا المريضه اللي ياليتها وقفت عالتصوير وبس قذفتتت الضعيفه والكل يشهد لها بحسن أخلاقها حسبي الله ونعم الوكيل فيها وعاقبووووها:mad:
ذيك السااعه يفكرون بعدها يمنعون;)

 

 

نآإعس آلطرٍف ︾
13-12-2011, 03:31 PM
آلحمممدلله إني مآ شفت آلمقآطع ولآإ ـآلصصور

بس وربي رحمت صديقآتي بجآمعة نورهـ ،

ككـآشخين بنآظرآت كبر وجيهم ذذإك آليوم عشإن آلتصوير ، pb093

للآإسسف ككل مآ نتقدم خطوه قدآم ، يرجوعننإ آهل آلعقول آلصغيره مئة خططططوهـ ورآإ ،

يعني بعد مإ إختفت ظآهرة آلتصوير و آلففضآيح ترججع مره ثآنيه و ببنآت جإمعه لهإ آسمهإ و مآلهم آي ذنب سووهـ ..!!! :sm1:


و معكم حق ، : جإمعة آلإميره نورهـ صآإرت مهززله !!

الحلوووه جوري
13-12-2011, 03:33 PM
مافي دخان من غير نار


لازم يؤخذ الحذر من جميع الاطراف ممكن يكون بينهم لا قدر الله شئ والله وحدة العالم

ممكن تكون اللي صورت ممبتزة او في شخص مرسلها تبتز البنات بصورهن
وممكن تكون انتقام نتيجة شئ قهري فيها او احساس بالنقص لعدم تكوين صداقات او موقف مرت به او طريقة معاملة ازعجتها او لبس او الخ

لازم نهتم بهالامور

Per Te
13-12-2011, 03:53 PM
المقطع انحجب بس يعني موجود لكن ما يفتح بالسعوديه .. وباي برنامج فك حجب يفتح
ثانيا البنت مبين انها ناويه نيه وماهي غبيه تصور بجوال .. الاف الوسائل للتصوير غير الجوال
واعتقد هي مستخدمه واحد منها
قلم ولا ساعه ولا حتى زرار فيها كاميرا حتى ماتحط الشبهه عليها ابدا وتجيب لنفسها المشاكل لانها عارفه عواقب الي بتسويه

دموع الملاك
13-12-2011, 03:58 PM
السلام عليكم ..~

طبعا الموضوع اخذ اكبر من حجمه لدرجه ان الكل صار يرسله اذا ما كان برودكاست
كانت رسائل !*
كل هذا تمتع بالفضيحه ؟؟!
اصلا الموضوع مخجل لدرجه فضيعه :"(
للاسسف حنى عرب مسلمين وندور على الفضيحه
والادهاء والامر من يعملها او يساعد عليها هم زينـآ ومن ثوبنا على قولتهم
انا لحظه ما وصلت لي الرابط ما تخيلت الا وجهه البنت الي مصوره وحاله اهلهـآ ..
امر جد يخلي الواحد يستحي ان بنت بالجامعه عقلها المفروض في حاله وعي كامل
تسوي كذا عشان حقد او غيره او ... او ...!!
اول ما نزلت جوالات الكاميرا وسمح في دخولها للجامعات كان البنات يحطون اصبعهم على الكاميرا
عشان ما تضايق الي قدامها او تضن فيها ضن سيء .. ( كان فيه رُقي وفهم ان فيه شرف )
اما الحين وما وصلنا إليه .. ما فيه خوف من الله ولا حفظ لشرف غيرك :"" (
وانا اتمنى ومن كل قلبي ..
مثل ما انشهرت البنت المصوره بالفديو .. يشهر باسم البنت الي صورت ..

واخيرا .. اقول
الله يحفظني ويحفظ كل البنات ويبعد عننا كل من اراد فينا شر ..~

أحبه بـ سكات :)
13-12-2011, 04:03 PM
الله يفضح اي وحده قصدها ممو شريف
اليوم وانا بالجامعه خلصت محاضرتي 9 وجلست عند مبنى 5 استنى صديقتي تجي وشوي الا الامن ماسكه بنت وتهاوشها واخذتها معاها الا وحدهه اعرفها صديقتها اللي انمسكت قلت لها شو السالفه :/ قالت صديقتي تصور نفسها ومسكتها الامن والامن السخيفه سوت سالفه عشان فيه بنات طالعين بالصوره انا اللي كنت وراها قلت انا طلعت :/ توترت قلت انااااا طلعت :@ قالت امم يعني بس مو مراااا بس البويتين اللي هنا واضحين بس احمدي ربك انك متكشخه جلست اهاوش ورحت للامن قالت حنا بنتخذ الاجراء المهم شوي جات البنت وقلت لها بشوف الصوره قالت مسحتها الامن قلت اشوف الجوال شوي تعطيني جوالها فيه صوره لها والبويتين واضحات :) مسحت الصوره وقلت لها انا مااحللك ولا احلل اي وحده صورتني ؤهي تقصد او ماتقصد والبنت اللي اعرفها عصبت تقول فشلتيني مع البنت والبنت ثقه وماعرفنا ايش واذا هي ماصورتك غيرها بيصورك وقسم ماانقهرت ع الصوره كثر ماانقهرت من اسلوب اللي اعرفها والله اكتب لكم وبس تذكرت جسمي قشعر
حسبي الله ونعم الوكيل يععني نتغطى ولا شو تسوي بالضبط

iWaleed
13-12-2011, 04:20 PM
الله يستر عليها

لو ما كتبت الاسم عادي لانه ما سوت شي البنت لكن الله لا يوفقها

إيقآعَ . .
13-12-2011, 04:22 PM
,

____

ربي يسسسسعد قلبك ي عسسسل وسسسعت صدري قسسسم ب الله pb189

ب النسسسبه لموضوعك .

اشششوف ان البنت اللي صورت وحده مريضه نفسسسسيه اقوى شششي ابي افهم وششش تحسس وششش استفادةة pb036pb093

حسسسسبي الله عليها و نعم الوكييييل , ربي مايضيع حق احد pb189

لك :

( bp039 )

سلوقلبي
13-12-2011, 04:23 PM
تلك التي نزلت فضائح ولا أعلم ماهي الفضيحة بالموضوع ... فتيات في جامعة .. ويتصرفن كأي طالبه في أي جامعه
أكان الفيديو في حفلة خاصه لكي نطلق عليها فضيحة؟

الحقيقه ان الي يصير باليوتيوب رسم بياني لعقول المجتمعات
..ومجتمع ابو شهقه على رأس القائمه
...
اوفقك الرأي طبعا اخوي هرول ..وين الفضيحه في التقاط صورة لغافلين
من قبل مريضه تبي تستمتع بردود الفعل ...
الفضيحه الحقيقيه ان يوجد في مجتمعنا من يروج لهكذا افكار
..
وما في بعد تعقيب مضطهد كلام يضاف

يعطيك العافيه هرول ..

زنجبيلة !
13-12-2011, 04:30 PM
هالبنت ماتستاهل الا التشهير غير كذا أبدا مو كافي

منع الجوالات مو حل أبدا يعني رجعنا للممنوع وسماجتها

جامعة نورة حالتها صعبة أصلا مدري كيف ماشية أوضاعها الى الآن

sdeem khalid
13-12-2011, 04:47 PM
ححآلة البنت تقطع القلب:sm1:

ي رب يكون آهلها متفهمين والله يسستر عليهآ ويكبر حظها ويبرد حرتها

اما ذي اللي صورت الله ينتقم منها قسم بالله غبنتني

كلامهما مستفززززززز :mad:

آه لو تطيح بيدي يمين بالله انسيها وشو كاميرا

ذي لازم يشهرون فيها حرام اللي سوته هذي اعراض ناس

حسبي الله ونعم الوكيل

مستحيل نتطور وفيه ناس تستخدم التقنيه بهالطريقة ابدددددا ي رب متى نفتك من ذي الاشكال فششششششششلتونا :mad:
اصلا عقوبة هالشي اللي سوته مايقل عن سجن 5 سنوات وغرامة 3 ملايين
لو هي تعرف العقوبة مااتوقع بتسوي كذا
قمة في السذاجة

L I N A - M
13-12-2011, 04:47 PM
أولاً البنت مانفضحت ولاشي ، الحمدلله موقفها شريف جداً pb189
والسالفة أظنها تصفية حسابات .. الله لايعطيها عافية وعقبال ماتنجلد وتنسجن يارب !

.
.


عتبي للي ثبتوا القناة من كثر المشاهدات :Dpb093
الله يستر علينا ويحفظنا ..

جو الرياض
13-12-2011, 04:51 PM
بنات ذا الجامعة مَ ينجاب لهم جوال pb036
سلامات تصوير السنة الماضية وذا السنة :sm18:
الله يستر علينا :(pb189

عقول صغيييرة متحجرة pb093
يعني وبعدين وش هالسخافة واذا صورتي ونشرتي pb036
بيدعون عليك وبتتعاقبين pb131
وشولة كل ذا الحوسة والصجة pb071

لـيل
13-12-2011, 05:04 PM
بنات معقوله للين الحين المباحث ماجابت اللي منزلين المقطع خير ان شاء الله ولا مدينه الملك عبدالعزيز والا الجامعه والعميده ماعندهم سالفه واللي سمعته ان البنت اللي طلعت بالصوره يحققون معها حرام مالها ذنب وشكل التصوير كان دا اليومين من ملابس البنت مو قبل شهر فاللي تعرف البنت ادا هي تجلس بنفس المكان اللي كانت فيه تحاول تتدكر الشلل اللي بجنبها وماقالت اسم البنت الا ياانها تعرفها او معها بشعبه تدرس لان المقطع الثاني بدون دكر اسماء البنات ويارب جعل يدينها الشلل والله انها بنت حرام حسبي الله ونعم الوكيل فيها

Diet WaTer
13-12-2011, 05:05 PM
,



لا حول ولا قوه الا بالله
مهما كان وضع البنت وكيف تصورت يضل الموضوع مرعب
تخيلي تشوفين لك في اليوتيوب مقطع تسولفين وتضحكين ووجهك باين تماماً !
انا ما شفت المقطع واصلا ارتعت يوم دريت عنه ولا فتحنا المقاطع عشان ما تنتشر اكثر
قسم بالله لو اني مكان البنت بسم الله علي ما اسكت عن حقي ابداً جعل الله ياخذها ويفكنا من هالاشكال التعبانه
الله يعينهم ويسترنا فوق الارض وتحت الارض ويوم العرض

B O y ~
13-12-2011, 05:11 PM
.


انا م اسميه فضيحه .. لأنه عمر م كان وجه بنت سعوديه شيء مخجل وموب مشرف !
هو قله ادب من الي مصوره .. واتوقع تصفيه حساب .. لأنها قادره تصور باقي البنات .. بس هذي البنت الي طلعتها

وم اتوقع فيه عاقل بيصدق الكلام الي وصف به المقطع .. البنت ربي يوفقها ويسعدها .. اخلاقها محد بيتكلم فيها ابداً .. عقولنا اكبر من انها تصدق هالكلام


برب اعلق ردي بغرفتي .. اول مره ارد من شهر يمكن واول مره ارد عاقل خخ

Sense
13-12-2011, 05:14 PM
اول شي بنات هالجامعه الأغلب و ليس الكل عقولهم صغيره
ومراهقات ويجون عشان الاستهبال وقلة الأدب
هذا بغض النظر عن التفتح الزايد بإدارتها يوم نقلوا للمبنى الجديد :)
أخبر حركات التصوير والمقاطع وشوفوا بنت فلان الفلاني ويشهرون بها
هالحركات كانت من سنة جدي ايام البلوتوث !!
والحين رجعوا لها ثانيه ؟؟ شي يحزن صراحة
أطفال ومسكوا جوالات :)
جامعة " سعود " معروووفه انها متفتحه بزياده وأي احد يسمع اسمها تعرفون وش يحكم على بناتها للأسف :)
ومع هذا اللي فيها العكس //
بنات واعيات ومتفتحات وفاهمين صح وعارفين كيف يستخدمون الجوالات وعارفين انهم محل ثقة
" بغض النظر عن اللبس والعبايه وهالشي "
ومع هذا ماشفنا ولا مقطع مثل المقاطع اللي صارت امس إلا مقطع واحد وقديم واللي هو بنتين عند بوابات الخروج تبع الباصات ومتغطين بعد ..

يعني البلاء بالبنات نفسهم يبي لهم إداره شديده تضبطهم :/
تصوير السنة اللي راحت وتصوير هالسنة ؟
وهالبنت اللي صورت مسكوها الله ياخذها وينتقم منها ..
الله يستر على الجميع bp039

ALMASS
13-12-2011, 05:18 PM
.


الحمد لله إنهم مسكوها وإن شاء الله تلاقي ردع لها ولغيرها
يفكرون بنات الناس لعبه :(
الله يستر علينا ويكفينا شر كذا نفسيات

بنت ثادق
13-12-2011, 05:27 PM
الله يسترنا فوق الارض وتحت الارض ويوم العرض
اللهم استرني وبناتي واخواتي وبنات المسلمين اجمعين بسترك الذي لاينكشف ‏

شووقآ
13-12-2011, 05:35 PM
حسبي الله عليها ..

اللي عرفت ان البنت ملتزمه ومتزوجه وعندها اطفال ان شاء الله حقها مايضيع زي غيرهاَ ..

الله يعجل بفضيحتها ..

IDEA~
13-12-2011, 05:43 PM
اعطا الموضوع اهميه والردود فيه ينتشرالمقطع والناس تبغى تشوف وش السالفه ؟
اما الطبطبه وان الموضوع انتهى وخلاص يساعد ان السالفه تتنتهي لان الموضوع انتهى وبس!
والمجتمع صارت هذي سالفته وهذا يعذب الشخص صاحب المقطع اكثر
نسيان السالفه هو الواجب بهالحاله

Dioooooooooooooor
13-12-2011, 05:57 PM
حسبي الله عليها
ربي يرد كيدها في نحرها ويستر علينااإاإاإاإ

مآجدية الهوى
13-12-2011, 05:59 PM
انصدمت من اللي صار
سمعت كثير عن جامعة نورهه وتطورهها وتقدمهها بس بصراحه اللي صار مو شويهه
اللحين يعني احنا جالسين بمكان اكيد راح القي نظرهه عاللي حولي وراح اميز منو موجود ومنو مو موجود
يعني بيدهم البنات يلقون اللي صوروهم
اللي صار مو شويه ولازم ينحكم على اللي نشرت المقاطع اقصى العقوبات
حسبي الله ونعم الوكيل
الله يستر علينا وعلى بنات المسلمين
(f)

NAJOoLA-AL
13-12-2011, 06:06 PM
قسم بالله من عرفت انخنقت تونا مقفلين موضوع قليل الشرف هو وخويته بالبر
مامدانا بسم الله الا جت ذي !! هالبنت لو تخاف الله وهذا المهم مافكرت بهالتصرف
انا ماقهرني الا كلامها الي كاتبته بالاخير ماهمني و مافي دعوه تنقبل
بس عادي الي يفكر بهالتصرف ويقول هالكلام الي يدل على ضعف ايمانه توقعوا منه اي شي
انا قريت الكلام بس ماشفت المقاطع ولا ابي اشوفها
حسبي الله ونعم الوكيل فيها وحقها جاي من رب العالمين قبل الناس ان شالله
اعراض الناس مو لعبه ومستهينه بالدعاء وبـ لي سوته

ياويلها الا دعوة المظلوم والله ان تدمر حياتها وحياة الي خلفوها
كافي احاديث الرسول عليه الصلاة والسلام pb189

الحمدالله بس والله يرفع عنها ولا يبلانا pb093

ويستر على بنات المسلمين ويهدي بنات الحرام امثالها ويكفينا شرهم

mesha.meesh
13-12-2011, 06:49 PM
عذراً استغرب السلبيه العجيبه الموجوده بالبعض !!
يعني لو وحده منكم مكان هالبنت اللي تصورت بتسكتون وبس !!
والناس تاكلكم بيعيونها والف ظن شين بيجي فيك والف تشكيك لو مايجي الا انهم يقولون يمكن بينهم شي قبل التصوير ! واسمك ع كل لسان من بنات الجامعه وبرا الجامعه
واللي صورت جالسه تتسدح وتتبطح وتاكل وتشرب ومكبره وسادتها وشغاله ع اليوتيوب يحذفون المقاطع وترجع تنزلها ولاهمها وحتى اسمها مااحد يعرفه والخبيثه واضح انها جالسه لحاله تصور !!
ولو زي ماانقال انها امسكت كان الامن اليوم مااشيك ع بطاقات البنات واخذ ارقامهم وارقام امهاتهم تقريباً هالكلام حصل مع اكثر من بنت خصوصاً لما تكون البنت ناسيه الاثبات
ومنع الجوالات حيله العاجز للاسف
واذا ماخذين الموضوع ماتبونه يكون اكبر من حجمه بحجه بتخففون من انتشار المقطع اقول لكم مع الاسف
البنت شغاله ع اكثر من جهه البلاك بيري شغاله برودكاستات وع اليوتيوب يعني مهما حاولتوا وخبيتوا هي تسعى لنشره وبينتشر والموضوع كبير ولازم ياخذ حجمه ولازم تكون عبره لغيرها اذا هي واشكالها المجتمع يتستر عليهم
والضعيفات اللي مالهم ذنب سمعتهم وشرفهم تروح ويظلمهم المجتمع هذا غير لو كان الاهل متحجزين وكانت ردود الفعل سلبيه جداً يلقونها من وين والا من وين عذراً السلبيه والتكتم هي اللي ضيعتنا

واللي يقولون جامعه سعود ارقى ومارقى وجامعه نوره سمعتها شينه والخ
ترا كلنا من مجتمع واحد وخطا شخص او اكثر من شخص مايعنى اننا نعمم هالكلام ع الجامعه او البنات والفساد بكل مكان وبكل محل بس يختلف ويتفاوت وهذي جامعه الامام ممنوع جوالات الكاميره
ويوم جاء الحريق (اللي اخرتها صار جرس انذار كاذب ) طلعت الصور ووش كثرها بعد
فالمنع ماهو الحل الحل عقوبه صارمه في حال شافوا البنت تصور وفي الحاله المذكوره اعلاه
ولازم عقوبات قانونيه على مستوى الدوله مو ع مستوى الجامعه لازم يكون فيه رادع قوي

may almmlo7h
13-12-2011, 07:17 PM
,

,

السـلام عليكم ورحمة الله وبركاتــه
..
كلنا شفنا المقاطع ماادري وين الفضيحة فالموضوع ؟!
شعـب يحـب البلبله :/
بنات في جامعة ( قـطاع تعلـيمي )
وحـدة حاقـدة , غبـية , مريـضة صورت ونشـرت
سببــت مشــكلة كـبيرة .. وأخـذ الموضـوع أكبـر من حجـمه
وهـي هـذا اللي تبــيه .. مافيـه بنت تخاف ربها تسوي كذا مهما كان اللي بينها وبين اللي صورت
اكيد احد مروحــها .. او انـها " خــربــانة "
يــارب أهــل اللي تصـوروا يتفهمـون موقف بناتـهم الضعيــفات جد وش ذنبـهم !
شــيء يحـزن ويبــكي والله
بـس كثــر الكــلام والنـقاش حول هالموضوع كبــره
الحمدلله القناة حُجبـت والمقاطع انحذفــت والبنت مسكـوها
حــسبي الله وكــفى

قواك الله

ملكّعه واجد
13-12-2011, 07:20 PM
ليه صار الحل اننا نمنعهم بس من جوال أبو كاميرا ؟
يعني كأننا نشوف المشكلة في الجذور ونجي نقص أوراق النبتة فقط
الحلول السطحية هذي ماتنفع مدام ان المشكلة في البنت نفسها اللي تصور
أتمنى صراحة إتخاذ عقوبة صارمة مع هالبنت عشان تعرف ان الله حق وتكون عظة وعبرة لغيرها .. مع اني مااتوقع وحده بتوصل فيها قلة الحيا نفس ماوصلت لها هالبنت انها تنزل مقاطع بنات في اليوتيوب لا وتسميها فضيحه : / !!

يعطيك العافيه هرول ..

Lolita1989
13-12-2011, 07:26 PM
شعب يحب اللقافة ... واللي مصورة مريضة نفسيآآآ

بنت مد
13-12-2011, 07:31 PM
حسبي الله ونعم الوكيل بجد فيه ناس مريضه

الله يكفينا شرهم والحمدلله انه انكشف أمرها

لـيل
13-12-2011, 07:32 PM
اش دليلكم ان البنت اللي صورت ممسوكه

هرول على البراد
13-12-2011, 07:36 PM
يعطيكم العافيه جميعا ,,, وشرف لي ان ارد على كل مشاركة اضيفت في الموضوع ,, ولكن ذلك سيسبب مطرسه بالقسم
وماذا سأضيف لردودكم الكافيه والوافيه

حاولت الخص التوجهات

البعض اتفق على مبداء ( ليه نعطي هالمواضيع اكبر من حجمها؟ ) بالطريقه ذي بنساعد بتشهير البنت
هذا الكلام صحيح لكن من جهه اخرى تخيل انك اخو او ابو البنت ... وخشيت للموضوع وقريت الردود؟
او دخلت للتويتر وشفت التغريدات
وقتها بتتأكد ميه بالمية ان الي بالفيديو ضحية ... وهي فعلا ضحية
وهذا شيء ايجابي انزرع بنفوس عايلة البنت والبنت نفسها بتعاطفنا الصادق مع ابنتهم ومع البنت نفسها
رسمنا له فكره ( انتي مالك ذنب وهذا الشيء حصل كثير وأنتي مو اول بنت صار لها هذا الشيء )
فاستمري بحياتك وطنشي , وقانون الدنيا بياخذ حقك واذا ما اخذ حقك قانون الآخره لن ينسى حقك
وكذلك مثل هالمواضيع تعالج ,,, لاني متأكد ميه بالمية الي بيقراء ردودكم بيفكر الف مره قبل لايفضح بنت
لانه بيعرف انه مافيه شيء احقر من كذا
........

نقطة أخرى طرحها البعض الخصها ب
البنت السعودية في مقطع فيديو تشرب تأكل تضحك تتحدث وتتصرف بشكل طبيعي كأي فتاة اخرى ( تعتبر فضيحة)
وهذا الكلام صحيح واتفق معه
والسيد مظطهد لخص لنا هذي العقلية وصدق في ماقاله
فيه فكرة معروفة - أظن الي قايلها بريطاني - أن أكثر شي يجذب القراء ثلاث مواضيع/
الله (الدين) / السياسة / الجنس

أكثر إقبال في وسائل الاتصال: النت/ الجوالات/ التلفزيون الخ كلها تدور حول هالأشياء لأنها بالعربي تبيع.. وش الي يونس أكثر القناة الأولى أو غنوة؟ :o
رسايل الاشتراكات الدينية و القنوات الدينية فيها إيرادات غير طبيعية..
لما تتعمق في الدين أكثر و ندخل مواضيع الاختلافات المذهبية والدينية تجيب نقاش أكثر و متابعة أكثر..

طبق الفلسفة هذي على الجنس بتلقاها نفس الشي،، البيع فيها يجيب ذهب
و الفضائح هي الطبقة التحتية من السلعة هذي و طبيعي كلن بيدورها وعليها إقبال أكبر..

كلامي هذا الي قلته معروف ما جبت جديد لكن يا هرول ركز معي فيه شي عجزت أفهمه..
تربيتنا غريبة! أتوقع ما فيه عقلية أو مخ زي مخ السعودي الي يجمع بين التدين و الجنس بمثل هالشكل الغريب.. الجوال فيه اشتراكات دينية و تطبيقات قرآن وفي نفس الوقت تلقى فيه مقاطع!.. الكمبيوتر والمنتديات ردود دينية و أعوذ بالله و حملات مقاطعة نصرة لديننا لكن تلقى أعلى نسبة بحث عن المواقع الإباحية من السعودية واستخدام بروكسيات لهالغرض (هذي إحصائية قوقل لحد يقول لا تهك علينا) غير الملفات المخفية في الجهاز أو في الفلاش الموزى..
شف سوالف الناس إذا جلست معهم.. كل واحد تحسه شيخ طريقة من كثر بربرته عن الدين والحرام والحلال لكن يقلب الموجة علطول ويتكلم في السوالف الي أنت خابر و يوريك أشياء في جهازه أو جواله..

كلنا بشر والاهتمام بهالأشياء أو التفكير فيها غريزي و فطري وماهو خطأ، الي ما يهتم فيها يعتبر مهوب طبيعي.. لكن أتكلم عن العقلية الي مقسومة نصفين.. نصف متزمت فاهم المحافظة والدين غلط وأن الدين معناته الشدة وكل شي حرام.. وفي نفس الوقت النصف الثاني من عقليته فاحش واهتمامه يتعدى الاهتمام الطبيعي لأشياء شاذة أحياناً..

زي ما أنت شايف الاختلال في الميزان هذا هو الي يعطيك مجموعة من الناس تلاحق الفضايح.. مع إن صنعة الفضايح الإعلامية صناعة غربية أصلاً لكن سبب انتشارها عندهم يختلف عندنا.. وهي تبيع عندنا أكثر منهم.. أنا كلامي وتحليلي عن اهتمامنا الغريب فيها.. كلمة فضيحة دايمن تجذب و تلمس الشي المخفي في شخصيتنا لأننا تعودنا على تربية "لحد يدري".. بالعربي سو الي تبي بس لحد يدري لا تفشلنا الله ياخذك..

كثير من المنتديات تحط كلمات دلالية "tag" مخفية ما تطلع إلا في محركات البحث وكلها تدور عن هالأشياء: فضيحة فضايح وكلمات ما تنقال عشان الي يكتبها يطلع له الرابط ويدخله وبكذا يسجل إن زوار الموقع عددهم كبير.. وهذي مع إن مواقعهم ما فيها شي و أكثرها نصب و يسوون هالحركة عشان يرفعون معدل القيمة الإعلانية عندهم إلا إنها تعطيك فكرة عن محركات البحث السعودية :p


بربرت واجد وطلعت عن الموضوع كالعادة لكن موضوعك ذو شجون


نورت القهوة يا بعدي pb189
مايقصده انه فيه ناس مستعدين يمشون فوق الجثث من أجل زيارات أو اي امر دنيوي تافه
سواء كانت الجثث حقيقيه ام وهميه كما تفضل ( باضافة كلمات دلالية تجذب الزوار )
وكذلك بعض الامور الاخرى التي تطرق لها شرحت لنا كيف هالعالم تفكر
ولي عودة ,, فوجهات نظركم لم تنتهي وجميعها مهمه

TO0OTE
13-12-2011, 07:45 PM
,

,

السـلام عليكم ورحمة الله وبركاتــه
..
كلنا شفنا المقاطع ماادري وين الفضيحة فالموضوع ؟!
شعـب يحـب البلبله :/
بنات في جامعة ( قـطاع تعلـيمي )
وحـدة حاقـدة , غبـية , مريـضة صورت ونشـرت
سببــت مشــكلة كـبيرة .. وأخـذ الموضـوع أكبـر من حجـمه
وهـي هـذا اللي تبــيه .. مافيـه بنت تخاف ربها تسوي كذا مهما كان اللي بينها وبين اللي صورت
اكيد احد مروحــها .. او انـها " خــربــانة "
يــارب أهــل اللي تصـوروا يتفهمـون موقف بناتـهم الضعيــفات جد وش ذنبـهم !
شــيء يحـزن ويبــكي والله
بـس كثــر الكــلام والنـقاش حول هالموضوع كبــره
الحمدلله القناة حُجبـت والمقاطع انحذفــت والبنت مسكـوها
حــسبي الله وكــفى

قواك الله




+ 1

bp039

غلا gala
13-12-2011, 07:48 PM
البنت لازم تتعاقب

الحل مو انا نحجب القناه ونحذف المقاطع لا

لازم اللي سوت كذا تتعاقب اشد العقوبه لازم تنسجن وتجلد بعد وتنحرم من الدراسه فأي قطاع تعليمي حتى تكون عبره لغيرها
هالاشكال ماخلاهم يتمادون الا لانهم مايتعاقبون

من امن العقوبه اساء الادب

بالنسبه لي مااشوفها فضيحه البنات فجامعتهم ومادروا عن اللي تصورهم ووضعهم طبيعي ماعليهم ذنب ان شاء الله الذنب كله ع اللي صورتهم بدون مايدرون


مشكور اخوي ويحفظك ربي

زَخة مَطرْ
13-12-2011, 07:51 PM
اليوم شاهدت عقول سعودية لاتفرق مابين الفضيحة والتصرف الطبيعي

اي صورة فتاة اصبحت عآر....
.فكرة وراثيه أكثر من مآهي ممنوعه دينياً( الحجاب)
 فآصبحت الصور للآنتقام
كأن الفتاة عآر حقاً
وعآدوا لإفكار الجاهليه

متى يدركون أن الفتاة إنسان ليست محل للإنتقام

دُمت

N.J
13-12-2011, 08:51 PM
البنت اللي صورتها واضحه كسرت خاطري كثير قاعده افكر كيف وضعها الحين ؟
لو اهلها من النوع اللي مايرحم مستقبلها ضاع زواج دراسه سمعه ؟ يالله
يارب يكونوا اهلها متفهمين لان واضح مالها ذنب ابدا

الله يشل ايدينها الحيوانه الله لا يوفقها اكيد وياها واحد مريض زيها
يارب يحطون صوره خشتها على الاخبار عشان تعرف ان لله حق

BADOORHAG
14-12-2011, 01:32 AM
ماعندي تعليق !

بصراحة اكره الناس الي يحبو يخلو ناس كعلكه بين افواهم ومايحبو احد يغلط عليهم لمن يغلطو عليهم !!

وحسبي الله ونعم الوكيل

عشق الأزرق..~
14-12-2011, 02:30 AM
جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت

ماأوافق أبداً أخوي في هذا الخربشه..
لانأخذ شرمذه متواجده في جميع المجتمعات وجميع القطاعات ونقول الكل ..
أنا ولله الحمد في هذه الجامعه ولم أرى شر وأعرف الكثير والكثير ممن تخرجوا وأخلاقهم تسبق شهاداتهم..
التربيه هي من تقود لمثل هذه الأمور وليس المكان أو الزمان
الكلام هذا أيضاً تكرر في جامعة سعود وصوروها لنا بأبشع الوصف لدرجة أننا تخيلناها ليست في السعوديه..
في جميع الجامعات يوجد مشاكل لو تكلمت عنها لن أنتهي..

وقد تحدث مثل هذه الحادثه في زواج أو أي مكان عام

ولله يستر علينا وع بنات المسلمين..

اسماء النهار
14-12-2011, 02:33 AM
ودي اعرف بس شنو سبب هالفضايح اللي بالجامعات؟
يعني جامعات امنعوا جوال بو كاميرا في الحرم الجامعي ومافاد!!
فتشوا ومافاد!!
كتبوا تعهد لبنات معينين ومافاد!!

ليش لازال فيه ناس عقولهم متحجره ويصورون ويفضحون؟
ناس غريبه!!
يفضحون بنات الناس ولا كأنهم يدرون ان ربي يمهل ولا يهمل
يعني صورتي بنت ولحد اللحين تعيدين وتنزلين المقطع وقلبج جامد ماخفتي من ربج ان يفضحج او يفضح احد من اهلج!!

أما بالنسبه للي ينزلون مقاطع عناوينها تافهه المفروض اليوتيوب مايعطيهم وجه!!
ويحجب قناتهم من اول مقطع -.-

ادور اسم
14-12-2011, 02:38 AM
سلام
إحنا كلنا متفقين ان البنت في جامعه وما سوت شي غلط وما تصورت في وضع مخل ومآلها ذنب
وفي إنسانه مريضه عملت هذا الشي ويجب انها تعاقب لحد هنا كويس بس

هذا تفكيري وتفكيره وتفكيرك وتفكير شريحه كبيره من المجتمع لكن ما تفكير الشريحه الثانيه
ويا ترى هل مجتمع الفتاه وعائلتها تفكيرهم زينا او تفكيرهم تبع القسم الثاني اللي يفكر ان هذي الصورة جابت العار للعائله وان ما احد بيدق بابهم وما بيقدرو يورو وجوههم للناس
للأسف هذا التفكير موجود
اعترف ان عائلتي أنا وانا اتحدث عن تجربه فيها الفكرين مجتمعه منهم من يراه عار ومصيبه والبنت هي المذنبه ان صورتها طلعت ومنهم من يراها ضحيه فما بالكم بمجتمع

وقد حصل موقف قريب لفتاه اعرفها وما كان من احد إخوانها الا الضرب والفصل من المدرسه
ولم يمنعه من ذلك الا وجود اخ متفهم دخل في الموضوع وتفهم ما حصل لها



 

أجهل عناوينك
14-12-2011, 02:39 AM
استغفر الله العظيم واتوب اليه
انا ماشفت المقطع الحمدلله لكن اللي فهمته انها كانت عادي وتسولف
ووحده ماتخاف من الله وصورتها
لكن
المصيبه افكر لو كانوا اهلها من النوع اللي تفكيرهم على طول شك ومايصدقون بنتهم
او من اللي مجتمعها جدا معقد ويصدق والله العظيم رحمتها الله لايبلانا ويعافينا ويجيرنا من هالمصايب
اللهم استرنا فوق الارض وتحت الارض ويوم العرض

رآنيـا
14-12-2011, 06:14 AM
حسبي الله ونعم الوكيل

ع بالي اللي يصورون ويسوون فضايح ماتوا
لكن باقين الله يأخذهم
طيب نشرت وسوت فضيحه وش بتستفيد
الله يشغلها بنفسها

والله يستر على بنات المسلمين يآربpb189

سولافا
14-12-2011, 06:42 AM
هههههههههه والله انك جبتها ع الجرح قال ايش قال فضيحه pb036 !
والله العظيم اول ماسمعت بالسالفه على طول جاء في بالي عسى مايكونون اهلها من هالنوعيه
اللي يحسون ان صورة البنت عار اذا طلعت للناس حتى لو كانت صوره محترمه ..
البنت مسكينه الله يكون بعونها .. مهما كان بتفكر انها من بد هالجامعه اللي مليانه بنات
هي اللي اتصورت .. وبتعاني من حكي الناس والزياده عليه ..
البنت اللي صورت مدري وش استفادت هل هي مريضه ولا ايش بالضبط ؟
اكيد انها مريضه ولا لو فيها ذرة عقل ماسوت هالسواة الله يشل يدها pb093
الله المستعان بس

عوآآفي bp039

replay22
14-12-2011, 06:43 AM
المشكله الجامعات اذا صارت ذا الاشياء يفكرون في كل شئ يمنعون جوالات وضوابط على اللبس
وهيئه وشرطه بس يترززون عند الابواب:sm18:
مع انهم لو حطوا عقاب جدي ماكان أحد تجرء:sm4:

حبر وقصيد
14-12-2011, 06:44 AM
قصة جامعة الأميرة نورة ...
فتيات في جامعة .. ويتصرفن كأي طالبه في أي جامعه
بالضبط وانا شفت بعض صورهم بس والله لافضيحة ولاشي
خربشة
جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت
ههههه
ولو أماكن البنات لها خصوصيتها حالها حال الصالونات وهالسوالف
وإذا ع اليوتيوب لاراح ولاجا لأن معظمة عمد بعمد تشوفها تخز بالكاميرا لين اتخلص رقصتها pb095
وبعدها تقول إنفضحت :sm17: pb095
موضوع مواكب للأحداث
وبالتوفيق إن شالله

M.JABER
14-12-2011, 06:55 AM
::
مشكلتنآ اننآ نتناقل اي شيَ وخصوصاً لو مكتوب عليه ( فضيحه ) يعني حتى بين نفسنآ رآح نفتحّ
ونشوف هالفضيحه ابتعد عن مفهومنآ معنى السترّ وان الستر واجبّ على كل مسلمّ
وان الله ستآر على عبآده ، بعدين انآآ مب عارفه هالفئه اللي كل مآ دخلوا مكآن يصورون حتى
لو شي عآدي ترى حتى احنا بقطر نفس الشي هالمشكله موجوده بالجامعه وبآي مكان يعني مره
رآسلين لنآ فضيحة بنات قطر ويوم شفناه وحده مع صديقاتها قاعدين يفطورون
يعني ليش هالشي شنو هالاخلاقيآت يعني الواحد يحط في بآله ان كمآ تدين تدان وان مثل ما سويت
ببنات النآس في ناس بيسسون باهلك ، شنو هالحقاره انه ينزل مقطع والبنت مآ تدري وكىتب عنها
كلاب مب زين نسى عقوبة القذف يعني صج في نآس مرضى بس من ناحية ثانيه لازم الاهل يكون
عندهم وعي عن هالفئة لان في بنات انظلموا وراحوا ف ستين داهيه وهم براءه واطهر من الطهر
نفسه بالاخير مآ اقول الا حسبي الله ونعم الوكيل على من يسوي هالشي نسوا ان المسلم على المسلم
حق دمه وماله وعرضه والحين صآر كل شي عادي واللعب بالشرف عند البعض صآر مثل شربة المآي

طيوبه
14-12-2011, 07:12 AM
امنيتي كرسي بجامعه ..
مابي اي شي الى تعطيني فرصتي.. وادوام كل يوم وادرس واذاكر واتعلم والقى وظيفه
وهذي الدوله عطتها كرسي وبارقى الجامعات غيرها يتمنى بس
وتلعب وتصور وتخلف .. حسوف الكرسي والمكان اللي خذته ..وغيرها اجدر ..الله يهدي بس

كلهٍآ ملحٌ
14-12-2011, 07:14 AM
-

هآلجآمعةةُ كرهتهُآ منُ كثرً بلآويهُآ و اللهٍ :(
و الظلمُ آلليُ فيهُآ :( ..

و الله يُ هآلسآلفةةُ آلليُ صآرتُ توجعُ آلقلبُ
و تفوّر دمُ آيُ شخصً :(
بسً مآنقولُ إلآ حسبيُ آلله و نعمُ آلوكككيلُ :(


تسلمَ يَ أخويَ pb189 bp039

غاصه بنعله
14-12-2011, 07:46 AM
بسم الله الرحمن الرحيم

اسأل الله العلي العظيم
للبنت المذكورة الشريفة الطاهرة المجاهدة في سبيل الله
جنة الفردوس الأعلى ويحط عنها سيئتها ويفرج همها
ويعينها علي بلائها واقول لكل معارفها ولكل بنت خايفه على نفسها آية من القرآن الكريم {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
لعل في الي صار خيرة لها ، يكفي انها بتصبر على بلاء عظيم ، محظوظة اجر عظيم ، باب ثواب فتح لها
إن شاء الله تفرح بهل البلاء في يوم الحساب ولا تضيق صدرها ولاتزعل بالعكس تشكر الله وتحمده
إن شاء الله يكون كفارة لها
آمين

اي انسان شريف عادل سليم العقل بيعرف ان الموضوع مش فضيحة
الحجاب فرض لمنع الفتن واجتنابها البنت التزمت فيه
ظهورها كان بشكل طبيعي وليس رغبة منها لنشر الفتنة يعنى البنت نيتها صافية وهذا المهم
وماسوت شي يغضب ربنا
بالعكس شرف لها انها بنت جامعية ورايحة تسلك طرق من طرق الجنة وتطلب علم
وحصلت اذى ، شرف لكل السعوديات انهم كملوا وظلوا يداوموا بالجامعة رغم الصعاب
والانظمة المخترقة والامن المتسيب ، كلكم بنات جامعة نورة مجاهدات في سبيل العلم والحمدلله
والي حصل بالنسبة لي ولكل مسلم يعرف انه لايمس بكرامتها بتاتاً بالعكس ارتفعت بعيني
متأكده انها بتجتاز العقبة وبترجع للجامعة واذا كانت متزوجة اكيد زوجها بيتفهم موقفها لأنه رجال شهم
خلاص مات الجهل حنا بعصر النور وماعاد فيه رجاجيل كذا ، وحتى اهلها إن شاء الله بيعرفوا انها بنت كويسة ونعم فيها

ولاتخافوا اذا كانت غير متزوجة
الله كاتب في اللوح المحفوظ نصيبها ومايضيع رزقها
وبإذن الله يرسل لها ربي رجال شهم ونعم فيه يتزوجها

احس اننا احنا جالسين نشفق عليها ومسكينة كذا احنا حققنا رغبة الي حبت تشهره فيها
خذت حرتها منها يوم شفت كمية الشفقة صحيح تحسبنا على الي صورت ونشرنا غسيلها
بس اتمنى أن ردودنا بهل الموضوع لازم تكون مدح ودفاع مو شفقة ومسكينة وش سوا فيها اهلها وياحرام

ادري اننا علي نياتنا وتعاطفنا معها بس حنا لازم نوقف معها بشكل قوي مو ضعيف

اتمني من كل قلبي ان تجي وحدة من قرايبها او هي نفسها هنا بالإقلاع
وتقول انها بنت طاهرة وشريفة وطالبة علم مكافحة وانا الي صار ماهمها وبتكمل حياتها وطز بالي شهرت فيها
وانا اقف لها احترام بعد الي صار لها لأني عارفه ان برجوعها للجامعة راح تخلي البنات
يرجعوا قويات ومو خايفين من احد يصورهم وترجع ثقتهم بنفسهم شوي

يفترض لما تناقشوا قضيتها مايدور حواركم حول مسكينة ياحرام ومن هل القبيل
بالعكس تقول انها بنت محترمة وجالسة تطلب العلم وان الشيء مايضرها ولا الف مقطع يضرها


لو احد شافها في الجامعة مرة ثانية مفروض توقفوا لها احتراما وتصفقوا لها
رجاء اذا شفتوها لا تجلسوا تناظروها وتحسسوها انها سوت شي غلط
بالعكس حسسوها بالفخر ابتسموا لها سلموا عليها صافحوها باليد
كل بنت بتهمز وتلمز عليها لما شافتها ثقي بأن الله ماراح ينصرك لا جيت يوم في موقفها


الحل بوجة نظري موب بالجامعة الخرطي
الحل بايديكم انتم ياطالبات ، المقطع نزل تشهير بالبنت وتشويه سمعة
انتم اقلبوا الطاولة خلوه مفخرة للبنت حيوها اذكر اسمها بالمجالس بكل شيء حسن
لاتشفقوا عليها لا بالعكس قلوا ونعم

والله لو اشوفها قدامي وخالق السماء لا ابوس راسها واصفق لها


وان اصبت فيما قلت فمن فضل الله وان اخطأت فمن الشيطان
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

مقلع بكيفي
14-12-2011, 08:03 AM
لهذه الدرجه وصل مجتمعنا ..
بس لان بنت حاقده على بنت تقوم تصورها وتفضحها ..!!

غريب ..


طيب هي مافكرت بيوم ممكن تكون مكانها ..!!

انا استبعد خيار انها صورتها لمجرد التشهير بها ممكن مقطع فيديو محفوظ بجوالها وانسرق الجوال .. !!

وطاح بيد واحد مايخاف الله ..

بس الي استغرب منه هو شي واحد
هل وصلنا ان وناستنا تكون على اذيه غيرنا ..!!

للاسف هذا السائد


برايفت لكاتب الموضوع ( بطرح موضوع مثل هذا اتوقع انك ماوفقت بالمقدمه اللي قدمتها )
فانت ادنت نفسك بنفسك ..

تشكراتي

ml7 - eldonia
14-12-2011, 09:25 AM
،
،
،


حسسبي الله ونعم الوكيل

من جد شيء مؤسف ويقهر ويقطع القلب أن حنا وصلنا 2012 ومازال فيه عقليات مريضه تفكر هالتفكير ألبايخ ، واللي زاد الطين بله : ثقافة الشعب السعودي الكريم ، فاهمين كلمة فضيحه غلللللط ، ترا مو كل مقطع ينتشر باليوتيوب يسمى فضيحه !!



الله يستر على البنت اللي انتشر مقطعها ، ويستر على كل بنات المسلمين ، وحسسبي الله على اللي تصور البنات ونعم الوكيل ، الله ينتقم منها دنيا وآخره ، من جد مريضه نفسياً ..



يعطيك العافيه

تكفون فعلوني!
14-12-2011, 10:15 AM
لاحول ولاقوة الا بالله
من جد ضاق صدري على البنت
حسبي الله على هالاشكال الي تسوي كذا
ي الله احسبهم انقرضوا الي يسوون هالشي

طلعوا للحين عايشين
إلى متى هالتخلف بس

الله يعين البنت ويصبرها ..مالها الا الاجر ان شاء الله

هرول على البراد
14-12-2011, 10:47 AM
اعطا الموضوع اهميه والردود فيه ينتشرالمقطع والناس تبغى تشوف وش السالفه ؟
اما الطبطبه وان الموضوع انتهى وخلاص يساعد ان السالفه تتنتهي لان الموضوع انتهى وبس!
والمجتمع صارت هذي سالفته وهذا يعذب الشخص صاحب المقطع اكثر
نسيان السالفه هو الواجب بهالحاله
لاتصيرين زي الاخباريه ,,, تجيبين فياضانات بنقلادش ... والسعوديين حاطينه على الجزيرة يتابعون ثورة مصر ههههه
التويتر موجود البلاك بيري موجود الواتساب موجود الفيس بوك موجود
نحن في زمن اغماض العينيين فيه انتهاء
والشفافيه حان وقتها فهي الوحيده القادره على ترويض الصعاب وتوجيه الفكر للطريق الصحيح
وتعقيب الاخوان والاخوات من سيقرأه سيتعدل فكرة وبيفرق وقتها مابين المجرم والضحية

الغروب الأخير
14-12-2011, 11:54 AM
لازم يركبون كميرات مراقبه بالجامعه والله هذا احسن حل
نبي نتخلص من مشاكل كثيييييره اولها الشذوذ
بعدين البنت ذي عقابها لازم يكون بوسط الجامعه يطلعون كل البنات من المحاضرات يتفرجون عليها
ويجلدونها بالسوط 40 جلده عشان تكون الفضيحه عليها مب على البنت وياليت يقطعون يدها عساها الشلل
ويفصلونها من اي جامعة وسجن وياخذون من اهلها غرامة عشان اي بنت تفكر تسوي شي تعرف وش بيصير لها
و المقاهي حقات الانترنت مفروض ياخذون البطاقة زيه زي الشقق مب كل من هب ودب دخل وحط صور وطلع
بكذا ان شاءالله الامور راح تكون تمام من امن العقوبة اساء الادب
شفت مقطع لدكتورة عندنا لاعبين بوجهها وناشرينه على اليوتيوب وفديو بالجوال ومقطع بنت حاطين اسمها الكامل وجامعتها ورقمها وصورة مدرسه ناشرينها على الجوالات وبالمواقع والنتلوق والفيس بوك
اقل شي يحطون بالباب جهاز انذار مثل حق الاسواق بحيث اي بنت معها جوال يرن ويمسكونها وينفضونها وياخذونه منها اعراض ناس وسمعتهم تاثر عشان مراهقين
يارب استر علينا واحفظنا واكفينا شر من فيه شر وحسبي الله ونعم الوكيل ... حصنو انفسكم دايم

لبى انآ
14-12-2011, 12:33 PM
لازم يركبون كميرات مراقبه بالجامعه والله هذا احسن حل
نبي نتخلص من مشاكل كثيييييره اولها الشذوذ
بعدين البنت ذي عقابها لازم يكون بوسط الجامعه يطلعون كل البنات من المحاضرات يتفرجون عليها
ويجلدونها بالسوط 40 جلده عشان تكون الفضيحه عليها مب على البنت وياليت يقطعون يدها عساها الشلل
ويفصلونها من اي جامعة وسجن وياخذون من اهلها غرامة عشان اي بنت تفكر تسوي شي تعرف وش بيصير لها
و المقاهي حقات الانترنت مفروض ياخذون البطاقة زيه زي الشقق مب كل من هب ودب دخل وحط صور وطلع
بكذا ان شاءالله الامور راح تكون تمام من امن العقوبة اساء الادب
شفت مقطع لدكتورة عندنا لاعبين بوجهها وناشرينه على اليوتيوب وفديو بالجوال ومقطع بنت حاطين اسمها الكامل وجامعتها ورقمها وصورة مدرسه ناشرينها على الجوالات وبالمواقع والنتلوق والفيس بوك
اقل شي يحطون بالباب جهاز انذار مثل حق الاسواق بحيث اي بنت معها جوال يرن ويمسكونها وينفضونها وياخذونه منها اعراض ناس وسمعتهم تاثر عشان مراهقين
يارب استر علينا واحفظنا واكفينا شر من فيه شر وحسبي الله ونعم الوكيل ... حصنو انفسكم دايم

+1

صآدقة, خلآص اللين مَ عآد ينفع
من امن العقوبة اسآء الأدب !! واهم شي الشذوذ
مع انه قل الحمدلله بس ولو, المفروض يخلون كل بنت تعرف انهآ لو سوت غلط بـ تنفضح والخلق كلهم بـ يدرون عنهآ
مشكلة العقول الفآضية :rolleyes:

ذوووووق
14-12-2011, 01:41 PM
عآد أحب جآمعتي لآ تحتسون فيهآ :( ق1 > من طآلبآت جآمعه ألنرجس يعني مآ أعرف ألجو عمومآ بآلأدآب حآليآ
بس هآلبنت فعلآ فيهآ شيء مب مضبوطه أجل أحد يبي يفضح ويفضح عمره !
عمومآ ألحين مسكوهآ وتم فصلهآ ولله ألحمد وآلله لآ يبلآنآ
ومنعو ألجوآلآت ألكآم بآلجآمعه بس مآ أظن أنه شيء بيستمر فتره وبتروح أن شآء آلله لأن فعلآ كل ألبنآت سويآت ومحترمآت وعمري ولله ألحمد وآلله لآ يبلآني مآتعرضت لأي شيء من أي بنت كلن فديرته وفجوه يعني معليش محد مصور ومسوي أكشن وفآضي لخلق ألله أصلآ كلن عنده همه وحيآته أستغفر ألله .

مدري وش خربطت بس وسلآمتككم :)

ناسيه اسمي
14-12-2011, 02:21 PM
طار ردي وش طوله :sm1:
و الله م اعيده < واقفه
م اقول الا حسبي الله عليها هالبنت :mad:
ما ماتوا الي يصورون ؟؟ وش السماجه ذي :)
العالم وصلت القمر و حنا اكبر همنا تصوير×فضيحة pb036
و يقولون ليه يمنعون جولات الكاميرآ :rolleyes: , و الي يغبن انهم معطينه اكبر من حجمه

الا وين الفضيحة فيه البنت ي قلبي جالسه في امان الله كأي طالبه بالجامعة :(pb189
و واضح إنها مصوره من غير م تدري يعني هالمريضة الي تصور و مسوية انها فاضحتها :confused:
شايفتنا بهايم مثلك بنصدق ! اقول مع نفسسك :cool: ,
اول شيء فضحتي عمرك بدل م تفضحين البنت

لكن رايح يجيك يوم تندمين فيه ع الي سويتيه
أعراض الناس مب لعبه بيديك .. الله يحاسبك pb093

تجاعيد قلـب
14-12-2011, 02:44 PM
-

مساء الخير
فيلم فضيحة بنت سعودية / برعاية جامعة الاميرة نورة
كثر الكلام عن هذا الموضوع في الأوساط التويترية pb093
في هذه الجامعة يوجد فيها من هم الصديقات و القريبات pb189
قدرت أشوف مقطع واحد من الفضيحة إللي يقولونها
مجرد بنات قاعدات في المرر مثل أي بنت في اي مكان تتجمع فيه مع صاحباتها
طيب ؟! أين الفضيحة في هذا الموضوع ؟!:confused:

لا أرى في نظري أية فضيحة سوى إنها إنسانة انغدرت وانتشرت صورتها وهي بدون حجاب pb093

القضية مو قضية فيديو وانتشر ولا قضية ممنوع إستخدام جوالات بـ[كاميرا]
القضية أنه ليس هناك عقوبة صريحة وواضحة لـ ردع أمثال هالفئات إللي تستهين بـ أعراض الناس

راح أتطرق لـ نقطة قد ملوا الناس من كثر مايتناقشون فيها لكن للأسف مالقوا أي حل واضح pb093

شااب يشتري شريحة بدون إسم .. ويمسك يهدد في بنات خلق الله
بغض النظر إن كانت البنت غلطانة أو لا

طيب , وإذا يعني الرقم بدون إسم ! نقدر نجيبه لو هو من سابع أرض
إحنا وصلنا لـ زمن نقدر نعرف موقع أي شخص يكلمك بكل سهولة ويسر

بس ليش هذه الفئة الحقيرة مازالت مستمرة في ابتزاز الضعاف ؟!
لانه إلى الآن ماصار فيه عقوبة تردعه هو وإللي جابه :)

أدرى بتقولون فيه هيئة تعاقبه وتوقعه على تعهد , :rolleyes:


برضو البنت إللي تجردت من كل ملامح الإنسانية والإيمان والخوف من الله وسوت سواتها pb131
لانها تحسب إننا في زمن ألف وتسعمية وخشبة :)


أين نحن من كاميرا المراقبة ؟:confused:
يفضل وجود كاميرا مراقبة في كل الأماكن , عندنا احنا كاميرات المراقبة حتى في فصول المدرسة وبالذات المرحلة التمهيدية
نظراً لما يحصل من عنف من بعض المعلمات المجرمات

نحتاج لـ وعي .. مو كل من طقت في راسه يأذي أحد , يمسك أقرب جوال ويطقطق على خلق الله
لا يا بابا ويا ماما , انتهبي :) \ ترا بيوصلونكم بيوصلونكم

بجد أتمنى تكون فيه حملة لمثل هذي المواضيع ، ويكون كل شيء واضح وصريح


آسفة طولت عليكم pb094, bp039

جاذبية نيوتن
14-12-2011, 02:59 PM
من جد , انا مره قاهريني ذاللي فااهمين الفضيحه غلط !!
يعني لما اكون في الجامعه وتصوريني وانا ماسوي شي غلط ! وين الفضيحه فيه
والا انا في عرس ولا منتزه ولا اي مكان
قمه في التخلف بعض الناس..
وبنات جامعة نوره والذكيه اللي صورتهم
مدري وش الهدف يعني , وش راح تستفيد
لا ومن زود الذهانه تقول اني بصور وبسوي ومدري وش

الله يحمينا ويكفينا الشر
ويبعد عنا بنات وعيال الحرام

لـيل
14-12-2011, 03:20 PM
ياناس الجزاء من جنس العمل البنت اللي صورت البنات لازم اذامسكوها يحطون صورتها عشان اي احد بعد كذا يفكرب س يفضح شخص يعرف عواقب اللي بيسويه لكن انهم مسكوها ويحتفضون فيها بالقسم ومدري وش بيجي غيرها وغيرهااا ولوترجعون لموضوع براعم الوطن البنات اللي سون الحريق يحتفظون باسماهم خير احنا بقر قولوا من اللي سوا الجريمه عشان الناس تتعظ والله يبعد عنا اي شر يارب ياكريم

بزنس ومن~
14-12-2011, 03:43 PM
مسكووها وجاري عقابها
واتمنى يكون عقااب ماعمره صار ولااستوى
عشان يصير عبرة وعظه للي تفكر تسوي زيها
حسبي الله وكفى~

مآآذي
14-12-2011, 08:28 PM
وربي جبتها في الصميم مآ أدري متى بتنقرض كلمة ''فضيحه '' pb131
يعني وحده بجمعة بنات أو ملاهي أو جامعه ورقصت صارت جايبه العار لأهلها بكلمتهم ''فضيحه'' pb131
يعني وش ذنبها إذا كانت معهم وحده حقيره وماتخاف الله !!pb131

أقولك موقف في زواج عمتي وحده من الصبابات السمركان معها جوال كاميرا تعرفون الزواج ما أحد بينتبه وزحمه وحوسه خاصه إن الزواج أحنا اللي قايمين فيه
والحقيره صارت تصور وشافتها بنت عمتي ورحنا لها وجلست تحلف تقول أنا أقصد بس أصور الكوشه ‏
‏!!‏

يعني تخيل مآ أنتبهت بنت عمتي كان نزلوه في اليوتيوب وكتبوا فضيحة بنات الرياض في قاعة (......)ويمكن يكتبون العوائل بعد !!
هذا غير أنو ممكن تستخدمه لشئ ثاني pb093
بس ‏ الحمد لله ربي ستر
لكن عندي ملاحظه إن هالشئ مو عندنا وبس أتوقع كل الدول العربيه عندهم هالشئ
تصدق إذا قريت كلمة فضيحه أتنرفزززز

عسى راعين ذا الحركات يعقلون الله يهدي شباب وبنات المسلمين
آميييييين

شكر لك ع الموضوع الرائع بصراحه ع الجررح

صدري وطن
14-12-2011, 08:43 PM
الله يستر عليها بجد فيه ناس وضعها صعب :rolleyes:
اسئل الله يهديهم او يشغلهم بانفسهم
ارق تحيه لك

Um kalthoum <3
14-12-2011, 08:59 PM
_

ححسبي الله عليها pb093 ماتخاف يجي يوم ويصير فيها زي ماسوت ؟؟

وبعدين ماماتوا اللي يصورون وينشرون pb036 خلاص احس انقطعت هالعاده وصارت شي قديم الحين حتى الزواجات ماصارو يهتمون بالجوالات بس بعد هالسالفه احس بيرجعون على العاده القديمه ..
وبعدين هي الحين صورت ليه تروحون تشوفونه وتنشرونه ؟! pb093

جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت
من ججد كثرت مشاكلها , ياليت يقلبونها فندق والله اصرف وجامعه زي هذي اقعد ببيتنا ولا ادخلها pb036

يعطيك العافيه bp039

دلوعة ح ـبيبها
14-12-2011, 09:00 PM
مايسعني إلا أن أقووول حسبي الله ونعم الوكيل في كل فتاه أو رجل ينتهكون أعراض

حسبي الله ونعم والوكيل حسبي الله ونعم الوكيل حسبي الله ونعم الوووكيل

حنتووته
14-12-2011, 09:01 PM
اللهم استرني فوق الأرض وتحت الأرض ويوم العرض..وجميع المسلمين والمسلمات

شعور متوفي
14-12-2011, 11:04 PM
|~

الله لايبلانا ناس متخلفه وش السبب وراء تصويرها للاعراض الناس
حسبي الله ونعم الوكيل
هي الحين انمسكت لكن اكيد وراها احد يطلعها
هي ماسوت كذا الا وراها احد هذي اعراااض ناااس
حسبي عليها وعلى كل من يغرر بالمسلمين

$هاجس الذكرى$
14-12-2011, 11:07 PM
سالفة جامعة نوره صاحبة المقطع عقليتها فيها خلل اللهم لك الحمد وتعاني من صراعات داخليه :Dولا صددق وين الفضيحه وحده بجامعه وقاعده تسولف مع صديقاتها الله لايبلانا

حرام عليها الكرسي اللي قعدت عليه ولاهي ميب كفو جامعه

bp039

lamoO Ana
14-12-2011, 11:39 PM
السلام عليكم :)
لييشش ليشش ليشش ليشش لييششش :D الفتااه السعووديه دايماا مستهدفه ف المقااطع المنتشررره الى متى ونحن بهذه العقوول الصغيره الضيقه الافق ;) << يالبى الفصحى لا طلع منك pb094
المششكله اي مقططع فييه بنت مبررقعه يقولون عننها سعووديه pb131
ادخل اليوتيوب وشووفلك اي مقططع ع السعووديه وشووف الفضاايح اللي جنبهآ :confused:
[واقهرر مايقهر قصصة البنت اللي ف الجاامعه طييب يعني ايش المطلووب بالله ايش بتستفييد همهم هددم بيؤؤت خلق الله حسبي الله ع كل من يفكرر بضرر اي بنيييه من بنآأإت ديرتنآ وفديت السعوديه وبنياتهآ pb094pb094pb094bp039bp039
مشكؤؤؤؤؤؤؤؤؤؤؤؤؤؤؤؤؤؤؤؤؤؤؤر اخوووي دووتس bp039bp039]]

عذبه الرووح
15-12-2011, 12:18 AM
متخلفه ومريضه نفسيا ولا وش استفادت من نشر صور البنت غير اننا دعينا عليها بالشلل والمرض
لان هاذي آفه ع المجتمع ..
خير بنت وتسولف عادي بالقاعه ليه تصورينها
يعني ماكبروا ع حركات التصوير خلاص كبرتي وصرتي بالجامعه ليه الحركات القذره والحقد
كنت الومهم بالزواجات والجامعات والملاهي اقول خلاص ماعاد فيه تصوير المفروض ندخل جوالتنا
مادريت ان الى اللحين فيه ناس مرضا ومايستاهلون يصير معهم ولا بيجر

***rana***
15-12-2011, 12:35 AM
وشلون تقولون ناس ماتفرق بين الفضيحه و التصرف الطبيعي !
تنتشر صوري في مجتمع مسلم محافظ عادي وطبيعي وماتبون الناس تستنكر..!
شي طبيعي الناس تسوي بلبله وبتطلع اشاعات بعد لأنه شي جديد
واجب علينا نستنكر هالاشياء بيجي يوم وننسى لكن تخيل انو شفنا المقطع وسكتنا
سمعنا السالفه ومشت كأي موضوع تافه عادي
كان ماكبر الموضوع واخذو اجراءات وتقفلت القناة ومسكوو الغبيه !


حسبي الله ونعم الوكيل





* البنت اللي صورت مفروض يُشهر فيها وتجلد امام الطالبات في الحرم الجامعي

أموووني 1
15-12-2011, 01:10 AM
يجيها يوم ويعاقبها رب العرش العظيم
ياخوفي هالتصرف يعجب ضعاف النفوس ويقلدونها :(

B O D O O R
15-12-2011, 01:39 AM
-
بما إني بجامعه نورة لو بتكلم عنها لليوم الى بكرة مااراح يكفي :( !
يعني بنت تصور وتنشر ليش ليش طيب pb093 ! وش فيها مااتوقع انها انسانة بكامل قواها العقليه !
مااتدري امكن يوم يجي ويصورون ويفضحونها يعني ! :sm1:
ربنآ يستر بس :sm1: !


شوي عليهآ فندق قل ملاهي قل منتزة ماتفرق بس يلا pb027 !
اجل كل اربعاء بازار وياكثر الاكل عندهم ! الحمدالله :Dpb189 ! كل يوم امي تسىلني عن الجامعه
اقول لها زينة الحمدالله , بس مااحس اني ادرس ! امشي حالي :D pb024 !
يعني لو يجيني بعثة مااقول لاء ابدن الله يرزقنا ّ, وين امي تسمعني بس :D !
طولت بس فيني قهر :mad: ! يارب اطلع منها على خير بس pb189pb189pb189 !


* البنت اللي صورت مفروض يُشهر فيها وتجلد امام الطالبات في الحرم الجامعي

اتمنى pb058pb189 !

يعطيك العافيه bp039pb189 ,

Mido Ah
15-12-2011, 01:40 AM
تبغي الصرآحة .. أحس موضوعك تأخر سنين

لآن اللي أشوفه هذي الأيآم أن النآس بدأت تفتح أكثر من أوًل ..
حركآت الفضآيح والفيديو والصور خلآص أشوف زمنهآ قرب ينتهي ..

يعني بالله وين ايامنآ عن أيآم جوآل البآندآ .. واول مآطلع البلوتوث ..
ولا حتى يوم طلع اليوتيوب انتشرت وبقوة لكن مو بقوة ايام بلوتوث ..

اللي أشووفه أن النآس خلآص ماعآد صآر يلفتهآ فضيحة ومآفضيحة ..
لآن الوضع صآر عآددي الحين ..

النآس صآرو يتكلمو عن سيآسة وفسآد .. ومشآكل موآطن ومقيم وعنصرية
ليبرالية وتيار اسلامي وقضايا كثير .. صارت تشغل الناس

هذآ اللي أشووفه ..

UPSCaLe
15-12-2011, 02:14 AM
معليش ياأخواني
يعني لا جآمعة نوره عاجبتكم ولا جامعة سعود عاجبتكم
وكل ابوها طلعت لها سمعه خايسه ومرد البنات لها
بالله اعطوني اسم جامعة للبنات في المملكة العربية السعودية الي تشوفونها كويسة وكل شيء فيها زين
كل جامعات العالم تطلع منها مشاكل وتصير فيها خلافات بس مايكبرونها زي كذآ
وبعدين البنت المتخلفة الي صورت ماتسيء إلا لنفسها مو لجامعتنا

أنا والله أشوف جامعتنا مثل العافية بس فيه بعض البنات المفروض يعطونهم ملفاتهم ومع السلامة في ناس أولى
وياليت ماتقعدون تتحلطمون على هلـ الجامعة لأنها تخرج بنات يرفعون الراس

lady-lady
15-12-2011, 07:34 AM
احد يعرف غيداء وش صار فيها قسم بالله ذاك اليوم ما نمت كل شوي اشيك على المقطع لمى انحذف رحمتها لاننا للاسف مجمتع ظالم ( قيمة المراءة السعوديه بتعامل اهلها فقط ان اكرموها فهي كريمة وان اهانوها صمت الجميع )
بنت ما سوت شيء يضيع مستقبلها علشان وحده مريضه نفسيا وحاقده على المجمتع

خِتام
15-12-2011, 08:10 AM
اعتقد انه لازم يكون في حل صارم غير مهزله منع الجوالات الكاميرا
او رقم امك pb036<جايه تخطب هي

وبعدين البنت ماانفضحت لانها موهيا المصوره ولا تدري اصلا عن الصوره
الله يستر عليها دنيا واخره

بس ماله داعي يشهرون باسمها كفايه صورتها

ااي شخص يحاول يفضح شخص اخر سواء كان الهدف انتقام او فضاوه او اشغال الناس او ماعرف ايش
بغض النظر عن الهدف لكن الاكيد مريض نفسي او مختل عقليا

افتكرت هرجه صارت اعتقد الاسبوع اللي راح بجامعه الملك عبدالعزيز عن البنت اللي انتحرت ورمت نفسها من الدور الثاني طبعا الامن كان مطوق المكان لدرجه موقادره حتى ترفعي جوالك تتصلي فيه
بعد الحادثه بكم دقيقه جاني بي سي وكاتبه الهرجه كامله وفي النهايه خساره كان نفسي اصور بس الامن في كل مكان < في وقاحه اكثر من كذا pb093

اتمنى يتخذون قرار رادع لكل من يحاول ان يتتبع عورات الاشخاص او فضح الناس
حسبي الله وكفى

M O 3 A T H
15-12-2011, 08:31 AM
.
نكتفي ب " اهل العقول في راحه " !
لان مثل هذا السوالف اذا عطيتها اكبر من حجمها تزايد سلطه هولاء العقول المريضه :rolleyes:

صمت عشوائي
15-12-2011, 09:21 AM
لاحول ولا قوه الا بالله
وبعدين مع السوالف الذي الي بس ترجعنا وراء زياده حرام عليكم كلمه فضيحه كبييييييييييييره مره علي المضمون حق المقطع بسب جوال كميرا طلعتوا منه البلاوي اجل بتطورون وتصيرون عا العال دام ها التصرفات مانقرضت والعقليات المتخلفه معششه في المجتمع يعني ذحين وحده من البنات الي طلعوا في المقطع امها فصلتها من الجامعه باي حق ذا وليه ها العقليه
باييييييييييين مهي جالسه تسوي شي غلط وش ذنبها لامن نفس طيبه ولا حنيه اهل تنكره الدنيا غصب ليه كل ماصار شي مثل كذا الاهل يتصرفون تصرف غير واااااعي يعني يزدون الطينه بله والي يسبب ذا الشي يفرح ويزيد <حسبي الله ونعم الوكيل
والبنت نمسكت وعقبال سجن وكم جلده لانه مو من حق اي احد في الدنيا ينهي مستقبل احد بشي هو ماله ذنب فيه او يخلي اهله يتصرفون معاه تصرف مو اهل!!!
الواحد لاصار في حياته شي اول ناس يبيهم جنبه اهله مو يلقا اهله اول اعدائيه كذا وقفوا مع الظلم ولالاعداء وهم مايدرون تحت اسم غيره او شرف !!!!
بسب وحده ماخاف الله تقول لو بتعدون عليا ماراح تستجاب وغيرها كثييييييييييييير خلت مسقبل بنات يضيع واهالي يتصرفون غين الغلط واكيد فيه ناس زودت عندهم (الجامعات صي.... ..ه)!!!!

تغير حالي
15-12-2011, 09:34 AM
اعوذبالله من ناس تترصد للمسلمين
يااخي رح ادشر وسو الي تبي ان شاءالله تكفر بس اترك الناس عنك لاتاذي خلق الله
من يوم سمعت بالفديو حق جامعه نوره وانا اصدق واكذب معقوله في عقول بهالمستوى.

صدقت ياخوي هرول كلمه فضيحه فضحتنا

سلامة إحساسك
15-12-2011, 11:04 AM
لاحول ولاقوة الا بالله
الله يهدينا جميع

deep
15-12-2011, 11:27 AM
حسبي الله ياغيداء ونعم الوكيل ونعم الحافظ ونعم المعين ونعم النصير على من ظلمك

الله يسهل امرك ويحفظك بحفظه

ويحميك ممن اراد بك السوء

انه سميع قريب مجيب

مــهــلــوسـ
15-12-2011, 11:35 AM
ما اقول الا(لا حول ولا قوه الا بالله)
يعني لهدرجه صرنا فاهميين الشهره ((غلط))
يا غيداء اصبري واحتسبي وادعي على من ظلمك

L A L R
15-12-2011, 08:34 PM
معليش اللي يسب الجامعه بسبب اللي حصل مع احترامي له ماعنده سالفه
الشر موجود بكل مكان بالرغم انها كجامعه ماتعجبني بأنظمتها
بس اللي صار الجامعه منه براء
منع جوال الكامميرا طبيعي وهذا اقصى اجراء ممكن يتخذونه
اما الطالبه موقفها صعب لاتحسد عليه
لو قلنا صوره بس ممكن تهون لكن الاسم والصوره
بالحيل قويه حسبي الله ونعم الوكيل

و بخصوص الانسانه المريضه الله لايبتلينا مكان للعلم ويصير فيه كذا
اجل وش بقي للملاهي واماكن المناسبات

K.abdullah
15-12-2011, 10:48 PM
"]اللهم عافنا فيما ابتلاها فيه متخخخلفه مريضه نفسياُ مسككينآ على بالها ماراح يمسكونههآ مااستفادت ولاشي من اللي سوته فضحت عممرهآ وبس pb131
والمفروض ابسط شي يسوونه تنجلد قدام الطالبات لتكوون عظه وعبره لغيرها وان بنات الناس مولعبه عندهههآ :mad:
مآنقولُ إلآ حسبيُ آلله و نعمُ آلوكككيلُ ويآرب اهل غيداء يككون متفآهميين وضع بنتهم وان مالها ذنب باللي صاار pb093
الله يستر علينا وعلى بنات المسسسسسلمين يارب pb189
يعطييك العآآآفيةة ...bp039

That ambition
16-12-2011, 01:52 AM
استغفرالله العضيم شلون سمحت لها نفسها تصور :(
أتمنى يعرفونها ويعاقبونها حتى لو توصل للتشهير عشان تصير عظة

مع أني ما شفت المقطع إلا رحمت البنية
إن شاءالله أهلها يكونوا واعيين ومتفهمين

K A Y A N =)
16-12-2011, 12:26 PM
( آميتوآلباطل بعدم ذكره )

اللهم آسترني فوق الآرض وتحت الآرض ويوم العرض وجميع بنآت آلمسسلمين يآآرب
* بنآت لآتنسون الآذكآر عشآن ربي يحفظكم من شيآطين الجن والآنس والآفآت اللي شغلهم الشآغل آعرآض آلنآس

teto.17
16-12-2011, 10:10 PM
اولا حسبي الله ونعم الوكييل
ثانيا مممدري يعني احسس سخيفه اللي سوت الشي هذا
تشههر بالبنت وهي بالجامعه يعني البنت ماراحت لمكان غلط ...بس بعض العقوول صغيره وماتفههم

رايقه حدي
17-12-2011, 01:47 AM
احمد ربي مليون مره اني بجامعة محترمة ب انظمتها وقوانينها
جامعة الأمام من التوعية والمراقبات ورجال الأمن
فعلا تحس انك ب أمان لما أشوف التوعية تدور بين الممرات بمسألة جوال الكاميرا واللبس غير اللائق
حتى لما اطلع اجباري انك تجيب اثبات مو الدنيا لعبه مثل نورة وسعود

للأسف جامعة نورة قمة المهزلة والمسخرة هاذي مايسمونها جامعة للدراسة عكس والله كل اللي فيها فشخرة مراهقات بلبسهم وشعورهم

اتمنى اتمنى يشددون التوعية عليهم بخصوص الجوالات الكاميرا تمنع نهائيا عندهم

بنت ماجلان
17-12-2011, 10:59 AM
هذا الرد الثاني لي pb094
لكن ودي انوه على نقطه غفل عنها كثير
الي هي بعض الاشخاص يكون حاقد على المجتمع الي هو عايش فيه
من تربيه من فقر من ضعف
بالمعنى ماتعايش بوضعه وتاقلم مثل غيره
وش يسوي
يحاول يبرز قوته وينتقم

وهذا قد اخذت فيه دوره الي عدم ارضاء
وترا للمعلوميه كثرو هذي الفئه
وهذي البنت عينه من الفئه الي طلعت

مكتملة
17-12-2011, 11:58 AM
ولاحتى فتحت المقطع ،،
مع انه جاني اكثر من مرة والمشكلة من بنات معي بالبي بي طيب انتي شفتيه ومعترضه عليه ليه ترجعين ترسلينه ؟؟؟
من قريت عنوان المقطع وانا ماخذه احتمالين ياانو واحد يروج لشي تافه يعني بزره ترقص ولا خدامه على قولتك ملبسينها مدري وش او ان وحده مريضه مصوره بنات بوضع طبيعي ومنزلتها على بالها شي يوسع الصدر ،،

العالم وصلو لاكتشاف كوكب اخر وحنا للحين من سنه 14وحطبه واشرطه الفديو لـ1433 وحنا على موال الفضايح والشاطر الي يجيب اقوى فضيحه بالمجتمع

تتذكرون سالفه بنت الباندا وقبلها وقبلها شرف ونفوس راحت بسبب هالمقاطع الي يبداها مراهق وتنتهي لموضوع شرف


اللهم استرنا فوق الارض وتحت الارض ويوم العرض << اتوقع هالدعاء من اهم الادعيه الي البنت لازم تدعيه باليوم مليون مره لنو وضعنا بهالمجتمع الفضايحي ينرحم pb093

حبيبتي الرياض
17-12-2011, 03:04 PM
احد يعرف غيداء وش صار فيها قسم بالله ذاك اليوم ما نمت كل شوي اشيك على المقطع لمى انحذف رحمتها لاننا للاسف مجمتع ظالم ( قيمة المراءة السعوديه بتعامل اهلها فقط ان اكرموها فهي كريمة وان اهانوها صمت الجميع )
بنت ما سوت شيء يضيع مستقبلها علشان وحده مريضه نفسيا وحاقده على المجمتع


اللي سمعناه ان اهلها فصلوها من الجامعة
قسم بالله ظللللللللللللللم البنت وش سوت عشان يفصلونها ؟
حرام عليهم

غدغد
17-12-2011, 03:30 PM
تصرف بمنتهى قلة الأدب
كون اني اجي واصور بنت في أمان الله وانزلها باليوتيوب ؟ يتفرج عليها كل من هب ودب
عورني قلبي على البنت وأهل البنت
جعل ماجاها تكفير ذنوب
المقطع مافيه أي فضيحه ولا أي شي بس ولو السالفه تعور :(


جامعتنا مرييييحه ومعطينا الحريه بكل شي بس للأسف عندك بعض الناس الهمج المتخلفه المبزره المريضه التافهه اللي ماينفع معاهم الا الجلد جعلها تنجلد ان شالله :d
الحين البنت ذي ما انمسكت ؟ ما جلدوها ؟ ما سجنوها ؟ المفروض الكل يعرف اسمها على الأقل ! المفروض قدام الله وخلقة يشهر فيها عشان تكون عبره

وقرار الجامعه بمنع الجوال ماعجبني بتاتا البته :( !!
اللي فيه شر فيه ان بغت تدخل بكاميرا بكبرها سوتها :d ..
الحل انهم يشهرون فيها وبس والله بتحرم كل بنت تفكر تصور ..

faya
17-12-2011, 03:46 PM
البنات وأهلهم اللي نشرت صورهم المفروض مايسكتون ويرفعون على اللي قامت بتصوير بناتهم دعوى ولابد من التشهير بها عشان يعقل اللي في رأسه حب ماانطحن...لو أقل شيء يطبق هذا النص بحقها

نظام مكافحة الجرائم الإلكترونية

النظام بالتفصيل بنص الاعلان و الصور و الوثائق الرسمية و انواع الجرائم الالكترونية و العقوبات المقررة لها :

أقر مجلس الوزراء الموقر في جلسته يوم الاثنين 7 ربيع الأول 1428هـ , برئاسة خادم الحرمين الشريفين الملك عبد الله بن عبد العزيز - حفظه الله - نظام مكافحة جرائم المعلوماتية ، الذي يهدف إلى الحد من نشوء جرائم المعلوماتية , و ذلك بتحديد تلك الجرائم و العقوبات المقررة لها .

و فرض النظام عقوبة بالسجن مدة لا تزيد على سنة , و بغرامة لا تزيد على 500,000 ألف ريال أو بإحداهما , على كل شخص يرتكب أياً من الجرائم المنصوص عليها في النظام , و منها الدخول غير المشروع إلى موقع اليكتروني , أو الدخول إلى موقع اليكتروني لتغيير تصاميمه , أو إلغائه , أو إتلافه , أو تعديله , أو شغل عنوانه , أو المساس بالحياة الخاصة عن طريق إساءة استخدام الهواتف النقالة المزودة بكاميرا , أو ما في حكمها , بقصد التشهير بالآخرين و إلحاق الضرر بهم عبر وسائل تقنيات المعلومات المختلفة .

+
تنجلد لين تعض الأرض الوصخة :mad:

maha009
17-12-2011, 04:16 PM
احمد ربي مليون مره اني بجامعة محترمة ب انظمتها وقوانينها
جامعة الأمام من التوعية والمراقبات ورجال الأمن
فعلا تحس انك ب أمان لما أشوف التوعية تدور بين الممرات بمسألة جوال الكاميرا واللبس غير اللائق
حتى لما اطلع اجباري انك تجيب اثبات مو الدنيا لعبه مثل نورة وسعود

للأسف جامعة نورة قمة المهزلة والمسخرة هاذي مايسمونها جامعة للدراسة عكس والله كل اللي فيها فشخرة مراهقات بلبسهم وشعورهم

اتمنى اتمنى يشددون التوعية عليهم بخصوص الجوالات الكاميرا تمنع نهائيا عندهم


ماكنت ناوية أرد لأن الموضوع أخذ حقه من النقاش
بسس ردك أجبرني أوضح لك شيء بما إنك خارج الجامعه
أنا أدرس فيها و ( مُستحيل )^10 إني أطلع من الجامعه
قبل 12 بدون تصريح ولاحظي كلمة تصريح : ) يعني
أجيب موافقه من ولي الأمر وصورة ولي الأمر وإثباته عشان أخذ التصريح
وهذا في حال كان دوامي ينتهي قبل 12 يعني ضروري أطلع لأني خلصت
وبالنسبه للخروج بدون تصريح من سابع المستحيلات لا بإثبات ولا بأي شيء

والأمن يدورون بكل مكان لدرجة انهم يغثون ، وأصلا من قبل سالفة التصوير
إذا رفعت جوالي ( بوضع تصوير) سو لي تحقيق إني أصور ، وإذا ودك عن
التصوير ترى بجامعتكم كثير بنات تصورو :) حتى في بنت أنا أعرفها شخصيًا
تصورت وأرسلوا صورها لأخوها :) وفصلوها أهلها من الجامعه، بسس يعني فيهم خير مانزلوها يوتيوب !! وفي كثير أدميات تصورو من اغلب كليات الرياض قبل سنين وانتشرت صورهم !!
ومحد ينسى الداعيه اللي صوروها وهي تلقي محاضرة وتنصح !! يعني النفوسه الدنيئه مايحكمها
شيء !


bp039

~TOOP
17-12-2011, 04:20 PM
حسبي الله ونعم الوكييل

يارب ألطف بحال البنت

واللهم عليك باللي مصوره وان شاءالله اذا ماخذت جزائه بالدنيا تأخذه بالاخره (الله مايضيع شي )

أوافـق بشـدة
17-12-2011, 04:27 PM
حسبي الله ونعم الوكيل..
اتمنى يمسكوا المجرمة ويجلدوها بالجامعه ويشهروا فيها عشان تسير عبرة لمن يعتبر

قلبي ريو
17-12-2011, 04:29 PM
حسبي الله عليها الله لا يوفقها :mad:
المفروض هالكلبه يشهرون فيها ويفضحونها مثل مافضحت هالمسكينه ~
وجع يوجعها:mad:
والله يعييين البنت ويصبرها على اللي جاها :sm1::sm1:
حسبي الله ونعم الوكيل ~

مره وحلتيته
17-12-2011, 04:39 PM
(( اميتو الباطل بعدم ذكره ))

الله يسترنا علينا بس وحسبي الله على من فكر هالتفكير التافه :(

nauomi
17-12-2011, 04:40 PM
اجل يقلبون قامعتنا فندق pb036
وحنا ننقل جامعه الامام فرع الاولاد :D
معلييييش
قد دخلتوا موقع الجامعه بس شفتوا ابتكارات البنات ووو ولا بس فالحين تتابعون الاشياء اللي كذا
انا دايم اقول اللي مايعرف شيء لايتكلم فيه :sm18:وانتم نصكم الله يهديكم مصادركم بي سي
الحين وانا قسمي زي وجهي وكاديني كد مو صاحي :cool: حسيت اني طب ودكتوراتنا ماخذينا
بجدييه ودي اعرف وين الفله اللي تقولونها وانو جامعتنا فندق ابي فندق معكم :sm1: تكفووون
وبالنسبه للتصوير مسكوا المجرمهpb093 وشهروا باسمها ماراح اقوله بعد ماسوو لها كميين
اغلب التعليقات يقولون من جد انكم سعوديين :rolleyes:ومدري ايش طالعين منها يعني انتم
وش سويتوا يعني
تحكمون على الاااف البنات pb094عشان وحده مريضه متهاوشه مع وحده
يعني كلنا بنات نوره العاقلات صرنا فالينها ووو عشان وحده مريضه >> وش ذاpb131
لا ما يضحكني الا لا قالوا حنا ماخذين حريتنا :eek:اي حريه يرحم امك جربي تخلصين
كلاساتك بدري وتبين تطلعين قبل وقت الخروج افلقيني pb027ان طلعتي
الا باامك وامي موفاضيه تطق مشورا ساعه تجييني
بتقول انتظري كلها ساعتين ي بنيتي :Dpb036
مو عشان صار ممسموح تحطين روج مناكير تكدشين شعرك تحطين اتقصرين تنورتك وتدعين ماتصديك الامن ذاك اليوم
صار حريه نفس اللي كنا نسويه بالثانوي :Dالللهم بالثانوي تتهزئيين والقامعه
عادي اكشخي غير انو لا تطلعون:sm4: كلام ع البنت انها جالسه بالبيت
ومدري ترى ذا كله اشاعات هي كانت معهم يوم يصيدون البنت
واهلها مشتكيين عشان كذا جت الهيئه من جد نبيهم يجلدونها عندنا :( استغفر الله
مااحب اتشمت باحد خاصه واضح انها موب صاحيه طيب تهاوشتي مع بنت قهرت
مسكيها وطقيها طق ليما يطيح اللي براسك اسرقي جوالها واذا مراا بتقهرينيها امسحي
لستتها بالبيبي :D مو كذا استغفر الله والله يوم
قالوا لي البنات فيه مقطع لنا باليوتيوب بنات يتمشون وكذا pb036 قلت بس هذي انا بس افر فر
سوت لنا اكشن مو صاحي وشمتت القامعات الاخرى بنا :confused:
ترى كثييير اللي مافتحوا المقاطع وكثير اللي قوموا الدنيا عشان بنت مايعرفونها سواء اناث او ذكور :)

وبس bp039شطحه استغربت اللي كاتب الموضوع فتى وليس فتاااة:D

جو سآكنَ
17-12-2011, 04:59 PM
الجوال الي بكاميرا وسيله للاتصال مش وسيله لــ التصوير !!!
يعني وش بتصورين مثلا ؟ بنات وقاعدين .. وبعدين ؟

فيه ناس ودك تضفهم في ونيت لــ مصحه نفسيه تجمع بين الدين والعلاج .. لأن مرضهم في العقل والقلب :o


منع الجوال مو حل ابداً
حتى جامعه الامام مانعه الجوال بكام ويجيبونه البنات .
المسأله الخوف من الله والضمير موجوده .. أو ماتت ؟

P a t c h i
17-12-2011, 05:52 PM
(( اميتو الباطل بعدم ذكره ))



يعني اللحين نقاشكم بيجيب فايده ؟!
من الافضل تسكرون الموضوع
أحس أنه أخذ أكبر من حجمه
والله يستر علينا جميعاً :"

لـيل
17-12-2011, 05:54 PM
بنات الحين اللي صاير بجامعه نوره اللي بمخرج 8 او اللي اللي عند المطار

ومعليش اتمني من بنات الجامعه اذا يعرفون اسم البنت يقولون اسمها طيب غيداء المظلومه وش ذنبها اسمها يتشهر فيه وراعيه البلاء مرتاحه ياناس خلوها عشان تصير عظه وعبره والله يابنات كثير اهلهم بدوو ويتحلفون ان صار لهم مقطع او شي من هالقبيل الناس بدت تخاف مافيه احد يبي الفضايح والفشايل ولا فيه ناس بتشتكي الا اللي يكونون اهلهم متفهمين لان دايم مافيه نار من غير دخاااان وعلا كلان البعض ان البنت كانت متهاوشه وهذا اسلوب انتقام روحي ياشيخه الله ينتقم منها اشد انتقام ونشوف فيها عجايب قدرتك

وعلا كلام البعض ان البنت مريضه ومدري وش مريضه طيب كيف عندها كم جهاز وتدخل يوتيوب وتسوي لها قناه وباسمها وبعد ذا كلها نقول مريضه نفسيا

ليت مالي احساس
17-12-2011, 05:59 PM
لاحول ولا قوة الا بالله اللهم احمي بنات المسلمين

من جد شيء يغث ويرفع الضغط

الله يهداهم ولا يبلانا

ربي يعافيك ع الموضوع الرائع

MS.ROSHA
17-12-2011, 06:10 PM
باللهي اجل احنا عايشين بفندق :eek:!!
نورة اكبر قدر من الكرف :(:(
اسألوني انا:(pb093

بخصوص هالانسانة اللي مدري من وين طلعت لنا!!!
اجل 2012وللحين تصور فضايحpb036pb036
قمة التخلف بهالانسانة !!
فكوني عليها بس :mad::mad:

غير إعتياديه
17-12-2011, 06:14 PM
حسسسبي الله و نعم الوكيل على النفوس المريضـــه


اللي سمعته ان بجآمعة نورآ رآح يمنعون جوآلـآت الكـآمpb036
دآئما الشر يعـم :)

بس من يتفق معـآي انو احنـآ من نسعى لنشر الفضآيــح
ب تنآقلهـآ!!

صمـت البراطم
17-12-2011, 06:33 PM
اندفنننننننوا :(
كلمة فضيحة اندفنت الى متى عايشين هالاشكال pb093
مانقول الا الله يستر علينا وعلى بنات المسلمين ويصلح هالبنت ويفتح على قلبها اجزم انها مختلة عقليا :)
يقولون البنات بالجماعه يمشون متلثمين :o

الله يوفقك وييسر امورك bp039

منمن2011
17-12-2011, 07:05 PM
قسم بالله قمة القذاره

لما قالوا لي السالفة ماصدقت

فية ناس غبية وحقوده له الدرجة

حسبي الله عليها هاذي بكل قواها العقلية pb093

لاتدعون علي هالمجرمة

الله سبحانه عادل

ماراح تموت باذن الله الا شاربة كاس المر الي شربته هالبنت


حسبي الله ونعم الوكيل تكفي لهز هالانسانة عديمة العقل ,,

يعطيك العافية ..

شَهْوُدِي ~
17-12-2011, 07:39 PM
-



حسبي الله ع الظالمين : (
اقسم بالله اني راحمه البنت واهلها : (
وحسبي الله على الي صورت الله لا يوفقها : (

رونالد07
17-12-2011, 09:57 PM
الشغله في الغالب تكون بسبب حقد وغيره وهذا الي صائر واخرها الي في جامعه نورة
الحلى مع الاشكال ذي صعب جدا ... ما نقول الا الله يحمي بنات المسلمين

::Goody::
17-12-2011, 10:09 PM
ولله كلامك دايم اقوله pb036
لو مثلاً لا سمح الله .. الله لا يقوله يعني :D
ان احد صورني و انا بالجامعة ولا بمطعم ولا اي مكان و انتشرت .. وين الفضيحة بالموضوع pb036
وين الغلط اللي انا سويته اللحين pb036
حرام نظلم بنت منتشر لها فيديو او صورة جداً عادية و نساهم بتشويه سمعتها من خلال نشر الصور..
لأن اصلاً الخطأ كله على اللي صورها و نشر هالصور او الفيديوهات ..

جـغـمة ببـسـي
17-12-2011, 11:14 PM
-

حسبي الله عليها ونعم الوكيل pb189
تشوف فيها يوم ان شاء الله..
اتمنى يطبقون عليها عقاب صاارم..
ردعا لها ولأمثالها ..:)

سم bp039

Melon
17-12-2011, 11:15 PM
الله لا يفضحنا. و يستر على بنات المسلمين

ازاي كدا هاللون
18-12-2011, 12:51 AM
استغفر الله بس

الموضوع هذا احس انه اخذ اكبر من حجمه

الكل يحكي انا لو مكان البنت بوسوس بقول انها صدق فضيحه وبشنق نفسي عشان ابري اهلي من العيب واموت ويموت معاي

من جدكم انتم والا من جدكم ؟؟ لا مانروح جامعات تدرون ان واحد بتويتر من جد كتب لنحمي السعوديات من الفضائح ويصير التعليم عن بعد والا يتحجبون البنات بالجامعه؟؟

والله اني ودي اكلم البنت اللي بالفيديو واقولها ياحبيبتي وسعي صدرك وتقهوي محدش واخد منها حاقه عيشي حياتك واذا يعني طلع لك فيديو بيضيع مستقبلك؟؟

بقايا احتراق
18-12-2011, 09:49 AM
خربشة

جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت

وقهوة دايمة سيداتي سادتي

صدق اساسا المفروض ممنوع جوالات الكاميرا بالجامعه ..
سقى الله ايام كلية عنيزه تفتيش عالبلوتوث والويب :D
ينتهي الدوام ويذن المذن وهم يفتشون خخخخ
انا اشوف ان جامعه الاميره نوره مرره دلع مو جامعه ملاهي
مابقي الا يجيبون زحليقه كبيره من غرفة العميده عالشارعpb095
ويشيلون الكراسي يحطون بدالها مراجيح ذذذ << دوعابه دوعابه :D
زين انهم منعوا الكاميرا الحين
يعني جامعه ومدري كم طالبه بالله كلهم كلهم انا اضمن التزامهم!
اضمن امانتهم! اضمن اخلاقهم انهم مايصورونpb036
بعدين بعقلكم ان البنت بتصور وتفضح وتدخل بـ اسمها باليوتيوب!!
لو غيرها بتدخل بإسم مستعار ..وتصور بدون ماتحدد وقت واماكن ..
اكيد انها مريضه ولا متعرضه لصدمه خلتها تبيعها وتأكشنها :sm18:
ان شاء الله ماصار الا الخيير .. رب ضاره نافعه ..
ويلا ي بنات نوره تفتيش عالجوالات pb095
الله يحميكم .. pb189

يعطيك العافيه هرول ..

meme-
18-12-2011, 10:02 AM
:( ايه والله فيه ناس مالهم ذنب بس محد يفهم

حسبي الله :sm1:

أنسانة راقية
18-12-2011, 02:21 PM
حسبي الله ةنعم الوكيل :(

كما تدين تدان

الغلطة من الجامعة وين التفتيش وتطبيق الانظمة
اكيد البنت واضح الجوال وهى تصور يعنى محد لاحظ ولا كيف !!

مآمثلي آحد !
18-12-2011, 03:01 PM
-


لاحول ولا قوه على ه العقليات
انا مدري متى ب تتنظف متى ب تنضج - قسم ب الله شي فظيع
اللي يصورون ب زواجات ولا اللي مسويه فيها حبتين و هيط و مصوره ف جامعة نوره
ب الله وش تحسون
موب عمل بطول ولا هوب شي راقي هذا اسمه دناءة نفس
لو بهم خير كان يحطون مع كل فضيحه اسماءهم عشان نعرفهم ونصفق لهم
ولا متفشلين من رداة سواياهم
غمضوا عيونكم ل وهله وتخيلوا معي موقف وحده منزله مقطع بنت تشرب عصير وتاكل كروسان :D
وكاتبه الحقوق محفوظه لدى فلان الفلان


ي كاافي انتي فلانه الي مسويه المقطع - فيس طايرتن عيونه-
وش تحسين ب الله عليتس
مريضه نفسيه- فيس حايمتن تسبده-
حاقده عليها
توتس ماسكه جوال كاميرا وتسمعين ب الاكشن
حسبي الله عليتس بنت تاكل وتشرب مثلها مثلنا ليه مصورتها
غايره من جمالها
- الخ من ردات الفعل


ردة فعل البنت طبيعي ب تتفشل و بتصير م تسوى خلاقينها و بيصير وجهها قد ظفر اصبعي الصغير عاد اذا صارت وسيعة وجه ب تصير كبر موطى رجلي :D
عشان كذا انا اقول انهم مرضى مكبوتين pb093

ب النسبه ل اللي صورت ب جامعة نوره و مسويه فيها مهايطيه وانا اللي قويه و اصور البنات ومدري وشو - ماجاء ف بالها انها ب تنقفط ب سهوله :confused:
طيب ي بنت قريح انتي - بنات ب الجامعه ولابسين تنانير ومتدحملات من الخلاقين الشتويه و حايمة تسبودهم من الدراسه تصورينهم ليه - كل ذا فراغ او حقد دفين او وش ب الضبط
انا بس ودي ادري وين مصدر الفضيحه - بنات الناس ب الجامعه قسم بالله موب ب بار يخرب بيتكpb036



على طاري الفضيحه عند العرب :D
قبل امس اخوي يشوف صوري ب الكام يقول ليه مصوره pb036 - افرضي ضاعت الكام pb036
افرضي و افرضي ب تفضحيننا عند العرب :confused: قلت من العرب اللي هايبهم pb036
عويرا و زويرا :D - الحمدلله م سويت شي غلط - مجرد صور طبيعيه - بس عيال وبنات الحرام يدروون شي تافه و يسوون له سالفه
على النقيض الاخر - الوالد الله يحفظه صورني ب جواله البطل و حوسه وكشتي طايره وعيوني متورمه من النوم و اخر شي يقول ب احط قفل ل جوالي عشان محد يشوف الصوره -ولاكان نبلش ب الخطاطيب ههههههههههههههه :Dpb189 - يجامل ابيي الله يحفظوه هههههههههههه pb094

شتان بين ابو و ولده pb095

يبقى التفكير و العقليه الناضجه من النوادر في مجتمعنا :D


اخيرا -
شوكرن هرول على البراد bp039

حسبي الله و نعم الوكيل على كل من يدور حول اعراض الناس و يسعى ل التشهير :)
و الله يسترنا فوق الارض ويوم العرض pb189

زنقة.. زنقة
18-12-2011, 03:35 PM
اول شيء موضوع رائع واسلوب مبدع
ثاني شيء وبشكل عام ثقافة الفضيحة حنا المسؤلين عنها كمجتمع حتى الابتزاز حنا الي روجنا له
عشان صورة وجه يمكن تستغل بنت وتطيح بالفساد وبسبب مين بسببنا حنا الي نحقق مطلب المبتز
وناخذ انطباع سيء عن البنت رغم ان الجميع يعرف ان صور البنت يمكن توصل لاي يد بأكثر من طريقة
وبعدين وش الغريب والمدهش بصورة بنت هذي كل العالم مليان بنات ولا عشانها سعودية بس
وحتى لوما كانت صورة عادية لبنت ولوها صور ومقطع فضيحة فعلا تدين البنت بشكل قاطع لايقبل الشك
هل التصرف الي يجب علينا كمسلمين نشر المقطع والحش بالبنت وتشويها سمعتها اكثر واكثر
ولا يجب علينا اننا نستر عليها ولا نتتبع عورات وفضايح الناس لكن شوف الواقع نسبة لاباس بها منا
تهوى الفضايح
والمشكلة ان لازلنا نقدم الدعوة والاسلام والالتزام بلبس عباءة راس وعدم سماع اغاني
وتطويل لحية وتقصير ثوبوكل شيء ممنوع بدعوى سد الزرائع
والنتيجة بعد هذا كله بهالشكل دليل انه منهج خاطئ
ياخي ليتنا نلتزم بالاركان الخمسة ونترك الكبائر والموبقات واذية العالم على اعتبار
ان المسلم من سلم الناس من لسانه ويده وبس وشوفوا بلدنا وش يصير وشبابنا وش يكونون عليه
المهم بهالقضية وغيرها لازم نقمع الفاسدين الحثالة الي ينهشون باعراض الخلق
ويقتاتون على لحوم المسلمين ونخرس اصواتهم الي علت بهالوقت
ونغير هالنظرة الحمقاء بالمجتمع ونرسخ المنهج الاسلامي بالتعامل مع هالنوعية من القضايا
حتى نوصل الى مرحلة ان اي واحد يتكلم بعرض اخيه او اخته هو العيب والعار بذاته
يعني صوت الحق لازم يطغى ويخرس صوت الباطل
في راي جميل جدا سبقني اليه احد الاعضاء وهو
ردة فعل الطالبات بالجامعة لازم تكون داعمة ورافعة لمعنويات البنت المشهر فيها لو بنظرة او ابتسامة
ولو ان البنت قطعت الدراسة شيء جميل لو وجهن الطالبات بدعم من الاهالي دعوة لهذه الطالبه باكمال الدراسة
يمكن هالشيء راح يكون كبداية تخلصنا من بعبع الفضيحة ولو ماسوينا شيء نخاف منه
وتذكروا ان من ذب عن عرض اخيه المسلم ذب الله عن عرضه يوم القيامه او كما جاء بالحديث
صلى الله وسلم على رسوله الكريم

لوحة فنية
18-12-2011, 03:37 PM
الله ينتقم منها شر انتقام ~

سماديـر
18-12-2011, 09:41 PM
مدري بعض الناس وين تشوف الفضيحه بالمقطع بنت وجالسه تسولف استغفر الله على بعض العقليات المريضه
الله يكون ب عونها ويستر عليها وعلى بنات المسلمين ..

يا رب اصير أم !!
18-12-2011, 10:50 PM
فعلا في عقول تنك تقهرك باليوتيوب ..

حاجات عاديه يسمونها فضيحه و مدري ايش ..

و عشان ايش ؟ عشان بس ياخذون اكبر عدد من المشاهدات و التعليقات ..

و تعال شوف التعليقات و الكلام الوصخ .. و السب في السعوديين ..

و هذا كله بسبب هالعقول السقيمه ..

M.A.R.S
18-12-2011, 11:10 PM
.
نكتفي ب " اهل العقول في راحه " !
لان مثل هذا السوالف اذا عطيتها اكبر من حجمها تزايد سلطه هولاء العقول المريضه :rolleyes:
لاحول ولاقوة الا بالله
الله يهدينا جميع
يعطيك العافيه bp039pb189 ,

SeeMa-7
19-12-2011, 04:05 AM
ياعذابك يالبنت السعوديه :(pb189pb189
حتى لو ماهيب سعوديه كتبوا سعوديه ادري انها سعوديه بهالمقطع :D بس بالعاميه باليوتيوب :(
يكثر اللي شفتهم مابها العرق الخليجي من الاصل بس ياعزتي لك يالسعوديه :(

صمت الكون
19-12-2011, 06:10 AM
لاحول ولا قوة الا بالله

الله لايوفقها الى صورتها

بس الحين طالعه حركه جديد صديقتى تقول طالعه ظاهره جديد يصورن حمواتهن او بنات عمهم او يعنى عدوينهم بالعربى بالايفون

ويرسلنها لبعض يعنى يحشون بلبسها اوشكلها على ال بى بى يحطون الصوره وعليها تعليق حسبى الله عليهم

ماحترمو الى مضيفينهم ببيوتهم

جنون مصممه
19-12-2011, 06:21 AM
اجل وشوله نلبس عبي ونغطي وجيهنا اذا نبيهم يصورونا وكل من مر على اليوتيب او الجوال يشوفنا
ممكن ماتنطبق عليها كلمة فضيحه بس ممكن نسميها انتهااك لحق الله وحق هالبنات المسلمات المتسترات
وممكن نسميهاا مصيبه وطاحت على رأس ابو واخو وعم وخال وولد عم وولد خال وعائله كامله
الله ياخذ بحق هالبناات المنكوبات ولايحطنا بهالموقف..

حرم المُسآفرْ
19-12-2011, 10:02 AM
النآآس للأسف صارت تخاف من الفضاايح وتجنبها
لدرجة سمعتت أن فيه أهالي سحبو بناتهم من جامعة نوره
وحرمووهم من الدراسه

الله يكون في عونهمم

كهله لآبسه بصمه
19-12-2011, 12:40 PM
منجد أني نايمه .. توني أعرف منكم

الله يستر على بنات المسلمين ..

ولا تنسوون أن تدعون لنفسكم أن يستر الله عليكم بالستر الجميل الذي لا ينكشف ..

دفء,,
19-12-2011, 01:00 PM
ماشفت المقطع

وزين انو انحذف


ب عقليات مريضة البنت ع قولتكم مداومة وتسولف وشو له مسمى( فضيحة)

حسبي الله عاللي صورتها والله دنيا تخوف شكلي باتنقب بالجامعة


،
اختي تحكيلي عن بنات بالسكول معها صوروا استاذتهم وانا كنت حاطه عيني ع سكولهم اطبق فيه تربية عملي

ي ربيي حتى بالمدارس !!


الله يسترنا بستره امين،،

بـبـسـي فآآآضي ~
19-12-2011, 02:10 PM
لا حول ،،، حرااام والله حراام صديقت اختي انتششرت صوورها مسسسكينه هي بالجاامعه حقت نوووره مسسسكينه معد صاارت تطلع من البيت :( حسبي الله عليهم

همــس إحساسي
19-12-2011, 05:49 PM
الله يكوون فعوون هالبنتpb189 ربي يهوون عليها ويستر علينا وعليها<حاسه فيها وربيووالله لو كل واحد خاف ربه ماصور ونشر هذي اثاااام جاريه والله حرام ولا البنت المسكينه اش ذنبها خاصه انا في مجتمع مايرحم :sm1:مايفرق بين انها فضيحه ولا حاجه عاديه يقهرووون:mad:

بس المفرووض اننا مانفتح اي مقطع فيه فضيحه بنت سعوديه -فنانه -الخ لانه تتبع عورات وتتبع العورات مو هين
قال الرسول عليه الصلاه والسلام (يا معشر من آمن بلسانه، ولم يدخل الإيمان قلبه لا تغتابوا المسلمين، ولا تتبعوا عوراتهم، فإنه من يتّبع عوراتهم يتّبع الله عورته، ومن يتّبع الله عورته يفضحه في بيته).
وكمان نزيد المشاهدات

الله يهدي اللي ينشرون هالمقاطع ويهديناbp039

فارس !
19-12-2011, 06:38 PM
..

سالفه السعوديه سالفه ..
هي قصتها من زمان ، وهذي اول ماطلع ايام الباندا الله يذكره بخير .

كانو الاجانب اللي يعمللون عندنا معهم مقاطع مادري من وين جايبينها
سعوديه &^%&^$ ، سعودي *&%&^$$$$ ،


تجي تفتح المقطع الا ذاك الثنين اللي يسولفون عنقليزي
ولا فيه امل واحد بالميه تقول ان المقطع مصور بالشرق الاوسط ؟.



اللي يسوي كذا هو بهالطريقه يقدر ينشر المقطع اكثر .
ووصل الحال للنت ، لا بغاء يسوقون شي ..
حطو سعوديه ثم اي كلمه .


..

لـيْـلَـك
19-12-2011, 06:48 PM
-

من تتبع عورات الناس فضحه الله في قعر داره bp039
وكما تٌدين تدان
انا اقول الإنسان اللي يجري ورا الفضيحة اكيد بيكون فيه شي نفسي او مرض روحي
مستحيل انسان طبيعي
الانسان اللي يجري ورا الفضيحة بكافة اشكالها وانواعها عبارة عن شخص قلبه تغلف بحسد
وحقد وغيرة وكره للناس لا أكثر
والله العظيم يافتحت اليوتيوب على مقطع بدايته كلمة فضيحة وانا توقعته كذب وكذا
فشفته لما بدأ المقطع يجوكي هذولا الحريم اللي مبسوطين ويرقصوا بعرس مثل اي عرس
عادي ولا هم شايلين هم كاميرات ولا هم يحزنون
بعرف مقدار الصدمة اللي راح تجيهم لو شافوا المقطع باليوتيوب
يعني ناس مستورين حابين يفرحوا مع بعض ليش الحسد ياهووه
يعني بجد صار الإنسان يخاف على نفسه حتى ببيته وبغرفته وبالشارع وبكل مكان
لكن لازم نكثر من دعاء ( اللهم آمن روعاتنا واستر عوراتنا ) pb189pb189
اذكر مرة كنا بحديقة عامة واكيد تعرفون الحنطور ( عربية الحصان ) واحنا كعائلة كاملة
بزاريين وحريم وشغالات قلنا نبي نطلع المهم طلعنا الا نشوفلنا أخ واقف بعيد وماسك
الكام يصور .. صابتنا حالة هلع ورب المصحف pb131
يعني بفهم ايش بتستفيد او ايش الحكمة احنا لاسوينا فعل منكر ولا محرم
والأدهى والأمر على قولتك اللي يجوا ويخلطوا بين التصرف الطبيعي والفضيحة
لكن بالنهاية لازم نعرف ان ورا كل مقطع ابتلاه ربي بحقد مثل حقد الشيطان
اعوذ بالله pb093
يارب استر علينا بالدنيا والاخرة pb189

غـ نجد ـلا
25-12-2011, 12:47 PM
المشكلة مب بالفضيحة ولا بالجامعة ولا بالقهوة ولا بالبشت ولا حتى بالمعسل<< وش دخله:confused:
المشكلة بعينات السايكو مثل اللي صورت ونزلت المقطع مره وثنين وعشر...
(اصرارها) دليل على عمق المرض النفسي المتوغل بعقلها الحمد لله والشكر
هذولاء تلقاهم بكل مكان بكل حتة بالجامعات والمدارس والأسواق والصوالين والنت وعندي وعندك وبين ايقونات الرد الالى هذا pb036
وماينفع معهم غير الإباده لأنهم تعدو مرحلة العلاج ..
تحياتي

تميميه123
25-12-2011, 01:22 PM
احسنتوا في الطرح والتعليقات وكل هذه التصرفات ناتجه عن حسد وحقد دفين اللهم طهر قلوبنا وقلبوا أحبابنا إنك على كل شيء قدير

وش انا مسويه
25-12-2011, 01:32 PM
وش صار على الغبيه !
ليتهم يسجنونها ردعا لها ولامثالها

مرآم َ
25-12-2011, 01:39 PM
-



مع آلأسف إنه إلى آلآن فيَه نآس بآلعقليَآت ذيَ
هدفهم تتبع آلعوُرآت بسبب وُبدوُن سبب
وُيَصنعوُن موُضوُع فضيَحة من آللآ فضيَحةة
( من تتبع عوُرآت آلنآس تتبع آلله عوُرته )

يَعطيَك آلعآفيَة على آلطرح bp039pb189

.kit kat.
25-12-2011, 01:42 PM
الله [يستتتر] علينآآآ

الماسة الزرقاء
27-12-2011, 11:16 AM
جامعة الأميرة نورة كثرت مشاكلها .... بإعتقادي قد حان الوقت لقلبها لفندق .. بما إنها لاتنفع الا للنوم والأكل ومضيعة الوقت

اعجبني الموضوع وشدني .. وتوقفت عند هالنقطة !
اعتقد ان فيها ظلم كبير جدا جدا لهذه الجامعة !
جامعة اهتمت فيها الدولة بشكل كبير .. عينت فيها أفاضل الأشخاص الأكفاء .. فالدكتورة هدى العميل شخصيا تعاملت معها لما كانت وكيلة قسم رياض الاطفال بجامعة الملك سعود عندما كنت طالبة pb189bp039 " القلب والورده للوقت ذاك ولصديقاتي pb094 "
غير ان السلمان وغيره ايضا من خيرة الدكاتره بجامعة الملك سعود !

جامعة فقط يبيلها وقت قليل جدا وتطور كبير جدا بالمجتمع والشعب وستصبح عالمية وبقوووه ! " نتكلم شوي فصحى عشان تحسون ان الكلام مهم :D " ..


نرجع للموضوع pb095 ..
انت بنفسك ياخوي تقول كثرت مشاكل الجامعة ! ليه بسبة هالتصوير صارت مشكلة ؟
طيب حنا ياجامعة الملك سعود القديمة .. واللي الكل يبيها على غير سنع :sm18: .. سبق وتصورت استاذه من احد الكليات .. من قبل اربع طالبات وبزاوايا مختلفه ! " حضرت السالفه شخصيا لما كنت متواجده عند ادارية بالكلية وجت المشكلة وانا هناك بلغت طالبه عنهم "


مشكلتنا ياخوي العزيز مو بالجامعة ! ولا باي شي ثاني !!
مشكلتنا بالتطور الفكري والثقافي للمجتمع :( ..
متى نتطور ياناس تعبنا وربي تعبنا .. صار الواحد يكره ديرته ومجتمعه بسبة شعبه " الملك عبدالله بن عبدالعزيز داخل بيوزري :D "


بالعربي ! ابي اهاجر :D .. طيب مو هجره .. ابتعاث اكمل دراستي برى يمكن لارجعت يتطورون .. يارب رجلي يوافق بس :D

اشواق ..!
27-12-2011, 04:08 PM
صراحة اللي صار شي مو هين..

ولازم حل وقانون صارم يردع الكل

لان والله لو ماحد وقفهم الحال بيزيد بجامعه نورة وغيرها



لك ودي.

حكاية قدر
27-12-2011, 09:00 PM

لاحوًل ولا قوة الاً ب الله ..:(pb189
يارببببَه ه الاكترونيات صح وسعت صدوَنـآ وجابتُ لنا الخرآبً
الحينُ ذا التصويرً لية رجعولهاَ ي كثرَ الي ذبحوهم اهاليهمَ ظلم اليً يصور و ينشرً
وذا مايخاف عُ نفسة مايخاف ع اهلهً مايخافً ع دينة َ ترى الدينـآ دوارةَpb189
وربيً اذا فضحت احد مظلوم يصافالك يومً وتفرح فية وبعدها طوًل عمركً ب تتعذب وغير عذابَ
ربي سبحانة وتعالى ..
ي عااالمَ تعبنننآآ والله وذا الحين طايحينَ لنـآ في الواتس ابً ..حقتً الصورَ
طيب شنسويَ ارسلناَ .. والله اني ماني مرتااحةً لازم نطالبَ ب هذا ..:(
نبي عقابات ل الي يصورونًَ حرامً والله تموت ناس مظلامةً وتتعذبً ناسَ مظلمومةَ ..
يآآربَ انك تحفظ بناتَ المسلمينَ .bp039pb189
يآآرب تورينا كيدك في اعداء الدين يااربً تشغلهم ب انفسسهم ..pb189
ياعالم راجعوا انفسكم ترى الدينا فانية ..:confused:
ادري طولت ب الحكي ًَ بس تحملونـآأأ ..pb095pb189

لك اخوي ..هرول على البراد..bp039bp039bp039bp039bp039bp039
موضوع ب قمة الابداع والروُعه ..
لا تقطعنا عاد .. pb189pb189
تقيمَ لكَ ..pb094

،

P-O-L-O
27-12-2011, 09:48 PM
قسسسسم بالله هالناس ذي تخاف منها من كل شي

بنت مالها اي ذنب تنتشر بـ موقع يشاهده الملايين .. وهي مالها دخل بسبب بنت مريضه نفسيا تمشي وتصور خلق الله

اتوقع حركات هذي من عام 1400 وحطبه يعني قديمه بطلوها !

شرييره
28-12-2011, 11:31 AM
ههههههههه ياخي أنا مايموتني ضحك إلا إذا بدو يسبونها عشانها أونثى ووسط حريم وقالو فضيحه
ودي أضحك لييين أصيح pb027

هم تنك هم غباء مدري وش يتسمى
ولامصيبه لاجاء واحد من هالدلوخ وقال: " لن ولن أبداً أن أتزوج بفتاه صوروها غفلة منها بمكان مخصص لنساء لأنهو فضيحةٌ ومصيبةٌ وكارثةٌ عضمى"

طيب حتى هي ماراح تتزوجك لأنك تصورت بمكان مخصص لرجاء يالله ياربي فضيحة pb027pb027


شكراً لكل شاب سعودي يرآ أن تصوير البنت بمكان مخصص لنساء وبغفله منها مو فضيحه :) bp039bp039bp039

lady-lady
05-01-2012, 05:29 PM
الحين ليه ما قالو لنا وش صار على البنت
علشان تكون عظه للنفوس الضعيفه
بديت اشك بان الاشاعات الي سمعتها صحيحه pb131

جيت غصب..
05-01-2012, 06:04 PM
الصدق لو لي يد باداره الجامعه ترجع البنات على الاجهزه القديمه الكشاف وخوانه برج العرب والكوبرا والله كفوا ها الحثاله من الناس الي جالسه تصور ياجعل ايديهم تعطب الي يسعون لكشف عورات الناس وفضحهم ذكرتني وحده من قريباتي وحده حاقده عليها اهي والله مزيونه وشكل البنت غيرانه وتقوم تصورها اهي شافت الفلاش عليها راحه قالت لو سمحتي الفلاش على ممكن بس ابي اطمن ان صورتي ما التقطت رفضت صاحبه الجوال كانت مشادات كلاميه بس انتهت بضرب روس وانقلبت السالفه داحس والغبراء وما نتهو الا بمكتب العماده وتحقيق لمده اسابيع واخيرا انصفتها العماده وعقبت البنت الانهم وجد الصوره بجوالها الله ياخذ هالعقول الي مادري وشلون وصلت للمستوى الجامعي هذولا المفروض محو اميه والله يكرم هالمحو الاميه عنهم موضوووووووووووووع بطل

Maram Mrmr
05-01-2012, 08:06 PM
جد كثرت مشاااااكل هالجاااامعه
مامتوا هاللي يصورون بالزواجات والجامعات و ... و....
خلاااص اتوقع الكل صار واعي وفاهم
وماله داعي حركات الجحلط اللي مالها سنع
لعب باعراض الناس وقذف للمحصنات
وبعدين مو كل الاهل بيكونون متفهمين ... في اباء متحجرين وممكن يدمر مستقبل بنته
بسبب شي تافه من ناس تااااافهه
حسبي الله على كل من اراد بالمسلمين والمسلمات الشر
رد على عجااااله لاني طالعه الجامعه ...

من جد جحلط استغفر الله
فضيحة وفضيحة
اففف اففففف متى نرتقي متى متى متى؟
:mad:

مبارك الدوسري 1
05-01-2012, 08:28 PM
المُشكلة في كلمة " فضيحة " .. !
أنا مُعرَّض للخطأ .. أختي مُعرَّضة للخطأ ..
وش الفرق بيني وبين أختي ؟! .. كلّنا ننتمي للبشر ..
لكن المُشكلة في نظرة المُجتمع .. الرَّجُل افعل إلّي تبي ثمّ تب إلى الله ويحطّونك النّاس فوق روسهم لكن البنت افعلي شيّ بسيط بس مُكالمة ثمّ توبي إلى الله بتلقى نفسها المسيكينة منبوذة بسبب خطأ بسيط ..
للأسف هذي هي ثقافة مُجتمعنا ..

يعطيك العافية .. :)

lady-lady
06-01-2012, 12:26 AM
الصدق لو لي يد باداره الجامعه ترجع البنات على الاجهزه القديمه الكشاف وخوانه برج العرب والكوبرا والله كفوا ها الحثاله من الناس الي جالسه تصور ياجعل ايديهم تعطب الي يسعون لكشف عورات الناس وفضحهم ذكرتني وحده من قريباتي وحده حاقده عليها اهي والله مزيونه وشكل البنت غيرانه وتقوم تصورها اهي شافت الفلاش عليها راحه قالت لو سمحتي الفلاش على ممكن بس ابي اطمن ان صورتي ما التقطت رفضت صاحبه الجوال كانت مشادات كلاميه بس انتهت بضرب روس وانقلبت السالفه داحس والغبراء وما نتهو الا بمكتب العماده وتحقيق لمده اسابيع واخيرا انصفتها العماده وعقبت البنت الانهم وجد الصوره بجوالها الله ياخذ هالعقول الي مادري وشلون وصلت للمستوى الجامعي هذولا المفروض محو اميه والله يكرم هالمحو الاميه عنهم موضوووووووووووووع بطل



ذكرتيني بسالفه
انا دايم احلف لو اشوف جوال قدامي بكسره الي تبي تشوف جوالها تزله الله لا يهينها مو تتفرج بجوال على وجهي
فمره بنت تطلع بجوالها ومرفوع بوجهي بطريقه غريبه جلست اطالع لها وهي ابداً ما كانها تشوفني بس قلت لها لو سمحتي نزلي الجوال قالت اااااف قويه قلت لك مده رافعته علي وسكتنا اصلا مسكت نفسي اني ما اقوم افتشها بس اصلا ما يهمني ماسويت شيء
بعد مده اسمع صراخ وبكى تقول انا بنت قبايل وليه تشك فيني قلت تحمد ربها ماكسرت جوالها ولا رحت للاداره
اصلا وش دخل الاصل والفصل pb131 اول مره اسمع هوشه تدخل فيها انا بنت قبايل
عاد للحين هي حاقده علي اصلا البنت تصرفاتها غريبه ومشكوك فيها الحمد لله خلصت دراسه وخلصت من هم البنات وقرفهم طبعاً مو الكل بس فيه كميه كبيره من الهبل
وبس

finlly
10-01-2012, 05:42 PM
انا موظفه بجامعة الاميرة نورة

الحمد لله الجامعة مستواها الأخلاقي طبيعي مثله مثل اي مكان فيه الصالح وفيه الطالح

بس لان الجامعة جديده وتقريبا مجتمع نسائي متكامل فالنقد موجه لها مما كبر حجم عيوبها للأسف

قبل عشر سنوات ماخلو احد صاحي بجامعة الملك سعود من انواع الأخلاقيات لدرجه

ان كثير من الأهالي كانوا يمنعون بناتهم بالدراسة فيها من اسمعه وخوفهم على بناتهم

مع أني اشهد انها تضم كادر تعليمي وإداري مميز ، برضوا جامعة الامام فيها من البلاوي

بس مؤ يشكل ظاهر ، لكن للأسف جامعتنا سمعتها بالحضيض .

life perfume
10-01-2012, 07:43 PM
^100000+bp039

اساسا السالفه عادية بس الشعب كبرها واذا وحده صورتني ! :)pb071
يمكن الشي الوحيد الي بيقهرني اذا ماكنت كاشخه :D
اجل بسبت وحده مختله صار ممنوع الجوال الي فيه كاميرا :(!
يرضيكم اداوم بالكشاف :( واذا طفشت ماعندي الا لعبه زي ماريوا مدري ايش :(
اساسا منعوا مامنعوا نص الشعب مدخل الجوال الي يبي مافرقت pb027
بس الي يفرق نصير متزاعلين مع الاداره :(pb027
الحين ليه ماينشرون مقطع عن البويات ثم يحرقونهم عشان الفضيحه pb027pb036\
ومنها نفتكككك:mad:pb131
كنت اقول حريه شخصيه بس ابددا علة قلب هم ونظراتهم طالبين حرش pb036 جد النفسيه موب تمام pb093الله يشفيهم :(
في امان الله pb071

ohud1992
14-03-2013, 12:34 PM
وهاهي قصة من ألاف القصص وآخرها كان اليوم ...
قصة جامعة الأميرة نورة ...
تلك التي نزلت فضائح ولا أعلم ماهي الفضيحة بالموضوع ... فتيات في جامعة .. ويتصرفن كأي طالبه في أي جامعه
أكان الفيديو في حفلة خاصه لكي نطلق عليها فضيحة؟
اليوم شاهدت عقول سعودية لاتفرق مابين الفضيحة والتصرف الطبيعي ..
بإمكاني أن البس خادمت المنزل عباية وبرقع وارقصها على أغنية مشكلني وانزل المقطع باليوتيوب
وأكتب العنوان .. فضيحة بنت سعوديه .. وانت ستصدق ذلك ,, واما ستدعي علي او ستنشر المقطع لمصلحة قناتك وجلب زوار لها .
اختفت ظاهره التصوير ورجعت هالايام
واغلبها تصفية حسابات بنت حاقده على بنت وتصورها تفضح فيها
والحمدلله المقاطع باليوتيوب تم حذفها كلها
احس للحين عيشين في جهل مع الاسف شديد الناس وصلو للقمر وحنا للحين فضيحه بنت السعوديه ومدري وش تبون :sm1: ياليت لو نطور شوي ونصير احسن ناس في الدنيا :( ودايمن ادعي ربي نكون احسن امه في الدنيا كلهم بس مراح نكون افضل دام في ناس عاشين ع هالجهل :rolleyes:pb071